سحب الجوازات جماعة تركيا

[فهدالفهد]

السلام عليكم اخواني بدت السفارة تسحب جوازات هلشهر ومواعيد طيران يوم 12 و13 هلشهر وجان اكو موعد هم يوم 5 بالشهر وهسة اخر شي سحبو جوازات 3 عوائل مقابلين يوم 8/9/2015 والجماعة اللي سلمو جوازاتهم بشرونة حتى يصير عدنة امل ونعرف شون دتشتغل السفارة على موضوع سحب الجواز والطيران ..
تحياتي

[HRR]

وعليكم السلام
والله هاي خوش اخبار احنه هم سمعنه اكو عائلة بمحافظتنه مقابلين بشهر الثامن هسة خابروهم على الجوازات بلكي يخابرونه كلنه هالايام ولو اشو الاجراءات دتمشي ببطئ شديد واحنه النفسية والمعنويات كل تعبانه وكل يوم نكول من ساعة لساعة فرج وا نشاء الله خير بس والله كلش تعبنه وياريت كل الي عندة اخبار لايبخل علينه والي يخابروهم يحجون حتى نفرحلهم مثل مافرحونه بخبر حلو ويارب يفرجها ويسهلها على الجميع ونسافر كلنا واحنه قابلنه بشهر العاشر ومن يخابرونه نبلغكم ان شاء الله

[mnkamala2000]

اني وره المقابله بشهر سحبوا جوازي وصارلي 4 اشهر من ساحبين جواز وكلشي ماكو بس قبل يومين بالموقع مال دائره الهجره تحول ملف الى دسشن مايد
علما اني لبنان

[فهدالفهد]

اخي HHR
انشالله نبشركم انت بيا شهر قابلت وفحصت ؟؟وجماعة الثامن اللي سلمو جوازهم من اي محافظة ؟

[HRR]

الف مبروك اخي mnkamala2000 دسشن مايد يعني تم القرار بالسفر وهسة ينزل موعد الطيران او يتم الاتصال بكم على الموعد واتوقعوا السفر قريبا ان شاء الله يارب يسهل عليكم
اخي فهد الفهد احنه قابلنه وفحصنه بشهر العاشر والعائلة الي سمعنه عنها قابلوا بالثامن وهسة سحبوا جوازاتهم بمحافظة كارابوك

[فهدالفهد]

اخي mnkamala2000
انشالله يتصلون بيك هلايام لان نزلك دسشن ميد حضر الجنط والف مبروك والزم خفارة علتلفون

[فهدالفهد]

اخيHRR
انشالله نسمع منك اخبار حلوة وتبشرنة وهاي كلنة بلانتظار والله كريم

[mnkamala2000]

تسلمون يارب وان شاء الله بس يتصلون حبلغكم ويارب يوم للجميع

[ahmedsalam]

بس يا اخوان الموقع واكف من يوم 15/12/2015 !!!!!!!

[mnkamala2000]

بس يا اخوان الموقع واكف من يوم 15/12/2015 !!!!!!!

لا مله علاقه هذا التاريخ بالموضوع تغير من انبروسس الى دسشن مايد لو اضافه الفحوصات , هذا مجرد تحديثات وتغيرات رئيسيه تصير داخل الموقع يتغير تاريخ

[تمر برحي]

الف مبروك لكل الاخوة اللي ربنا انشاء الله سهل موضوع سفرهم

وانشاء الله ربنا يسهل للجميع ونفرح بيهم

[فهدالفهد]

اخواني الاعزاء
حسب ما دنسمعة من الناس اللي ديسلمون جوازاتهم كلهم من المحافظات الشمالية توكات سامسون سينوب كارابوك جورم بولو هاي كلهم ديسلمون بغض النظر عن تواريخ المقابلات يعني حتى عائلة قبل شهر ونص مقابلة وهم ساحبين جوازاتهم المهم ديسوون تصفية عن طريق المحافظات وانشالله ينزلون الى باقي المحافظات وياريت اللي عندة غير هاي المعلومة ينورنة حتى نفتهم شديصير...وارجو التفاعل منكم اخواني ...
تحياتي

[HRR]

السلام عليكم
مااعتقد انو هاي النظرية صحيحة يعني في محافظتنة هواية عوائل دتنتظر واحنه منهم  ما اتصلوا بينه والاغلبية من الشهر التاسع فما فوق ولحد الان مخابرين عائلة واحدة فقط ولا احد ديكدر يفتهم شلون ديختارون العوائل لان مديمشون على تاريخ المقابلات يعني اكو ناس بشهر الثامن بعدهم ممخابريهم واكو ناس بالتاسع خابروهم زين ليش مامفهوم هالشي على شنو ديمشون بس لونعرف حتى نكدر نقدر الفترة الزمنية الي يوصلنه السرة بيها كما ان الاعداد الي ديخابروهم كلش قليلة والامور دتمشي ببطء شديد يعني واحنه من كثرة التفكير بالموضوع دنتعب جدا وبصراحة مدنكدر نتوقف عن التفكير ولا انلهي روحنه بغير شي لان الوضع ديصير صعب جدا بس نكول بعد كل ضيق فرج ويارب يفرجها على الجميع

[فهدالفهد]

والله شكولك اخي اغلب اللي دنسمع عنهم ديسلمون جوازات من هاي المحافظات انشالله يبلشون بينة ونخلص من هاي الايام المتعبة التفكير قتلنة والله..واني اعرف شخص يوم 8/9/2015 قابل وفحص وهسة سلم جوازة واني ورا بيوم يعني 9/9 وماكو شي
تحياتي

[ادم روني]

مرحبا اخواني الاعزاء .. نعم بطء شديد من قبل السفارات الكندية في التعامل مع الملفات والمشي صاير مشي سلحفاة ومدنفتهم شنو الموضوع ويجوز همه صار عدهم تضخم من البشر من استقبلوا السوريين لانه كندا معروف عنها امكانياتها الاقتصاديه مو مثل امريكا .. وبالنسبة لجماعة تركيا وضعكم احسن من عدنه في مصر لانه على الاقل اكو عدكم خطوات مسويها من مقابلات او سحب جوازات .. اما في مصر السلحفاة متوقفه نهائيا ومن شهر 4-2015 لحد الان اي تحرك منهم ماكو والمشكله الادهى من هذا كله انه ادور على اي احد متحول من يوان مصر على كندا ملكيت وتاليها شلون السالفه تايها او الله كريم

[ahmedsalam]

لا مله علاقه هذا التاريخ بالموضوع تغير من انبروسس الى دسشن مايد لو اضافه الفحوصات , هذا مجرد تحديثات وتغيرات رئيسيه تصير داخل الموقع يتغير تاريخ

يا اخوان اني هسة عندي بالموقع بس 3 فقرات .. يعني لازم انتظر يصيرن اربعة يلة يتصلون بيه على تسليم الجواز ؟؟؟؟؟

[ahmedsalam]

او شنو الفرق بين 3 فقرات او 4 ؟؟؟ يعني وين وصلت القضية ؟ او لازم اربعة يلة يتصلون بيك لو شنو يمعودين ؟؟؟

[abu dina73]

يااخوان وضعية الملف تتحول من ان بروسس الى دسشن ميد بعد تسليم الجوازات واساساً تحديث الملفات بالموقع بطيء ويتأخر ، يعني اكو ناس وصلوا كندا وملفاتهم بالموقع ان بروسس يعني ماكو اعتماد على الموقع ، والله يسهل للجميع

[مثنى احمد]

السلام عليكم شوكت يسحبون الجوازات بتركيا والله ما بقى صبر صار لي 6 اشهر ونص نتضر يعني احنا كل مرحله انام خوش نوم والله ملينا الى متى وهل تستحق كندا هذا الانتضار

[maximux]

الاخ مثنى احمد حضرتك عائلة لو سنكل وكم تاريخ المقابلة بما انه انت جديد على الكروب حسب ما اعتقد

[مثنى احمد]

والله اخويه احنا عائله قابلت يوم 5-10-2015 وفحصت بنفس اليوم ونزل قبول على الملف يوم 25 -11 ولحد الان دا انتضر سحب جوازات

[roweedaadnan]

احنه عائلتين من بولو واوشاك فابلنه وفحصنا يوم 15\10 وخابرونا يوم 12\4 سلمنه جوازاتنا ودننتظر طيران

[ahmedsalam]

الف مبروك للجميع .يوم الي يخابرونا بيه يا رب . احنا ا بولو دنسمع اهواي اخبار زينة يااااااااااااااااااارب.

[مستكة]

احنه عائلتين من بولو واوشاك فابلنه وفحصنا يوم 15\10 وخابرونا يوم 12\4 سلمنه جوازاتنا ودننتظر طيران

الف مبروك ..انتم الآن بالسليم اتمنى لكم التوفيق وان شاء الله ايام معدودات وربما ساعات تفصلكم عن الطيران الى ارض الميعاد والامل المنشود.

[roweedaadnan]

شكرا مع تمنياتي للجميع بلهجره انشالله

[مثنى احمد]

الف مبروك ان شالله السفر ياقرب وكت ان شاء الله للجميع

[HRR]

الف مبروك للاخت roweedaadnan ويارب يسهلها عليكم ويوفقكم وشكرا لان بلغتينه ويارب كلنه يخابرونه ونسافر بسرعه 

[mnkamala2000]

حبيت ابشر الجميع واسال الجميع بنفس الوقت :
تم وبعون الله والحمدالله الاتصال لتحديد موعد السفر والتواريخ كالأتي
تاريخ الفحص والمقابله : اخر شهر 10 2015
تاريخ تسليم جواز : تسليم الجواز اول شهر 12 2015
الاتصال بالكفيل لتاكيد : اخر شهر 3 2016
تحول الملف الى دسشن مايد : نصف شهر 4 2016
الاتصال لتحديد السفر بعد تحول الملف باسبوع

المنطقه اونتاريو رشموند هيلز , سنغل مو عائله , التقديم من لبنان , يو أن

الي حبيت اساله انو اني ماعندي اي معلومه من واحد يوصل وقيمه المساعدات واول شي اشكد ينطون وشون يكعدون الشخص بيت ويستقر

ويوم للجميع ان شاء الله يارب

[مستكة]

حبيت ابشر الجميع واسال الجميع بنفس الوقت :
تم وبعون الله والحمدالله الاتصال لتحديد موعد السفر والتواريخ كالأتي
تاريخ الفحص والمقابله : اخر شهر 10 2015
تاريخ تسليم جواز : تسليم الجواز اول شهر 12 2015
الاتصال بالكفيل لتاكيد : اخر شهر 3 2016
تحول الملف الى دسشن مايد : نصف شهر 4 2016
الاتصال لتحديد السفر بعد تحول الملف باسبوع

المنطقه اونتاريو رشموند هيلز , سنغل مو عائله , التقديم من لبنان , يو أن

الي حبيت اساله انو اني ماعندي اي معلومه من واحد يوصل وقيمه المساعدات واول شي اشكد ينطون وشون يكعدون الشخص بيت ويستقر

ويوم للجميع ان شاء الله يارب

الف مبروك يوم السفر ان شاء الله.
ادعيلنه احنه جماعة تركيا قسم السلحفاة ..ان يلتفتون النه ويقدرون صبرنا وأملنا بهم

[mnkamala2000]

الف مبروك يوم السفر ان شاء الله.
ادعيلنه احنه جماعة تركيا قسم السلحفاة ..ان يلتفتون النه ويقدرون صبرنا وأملنا بهم

يارب تفرج عليكم وجايكم الدور ان شاء الله قريبا بالاخص جماعه تركيا
ادعيلي انتي هم لان حياة ابد مو سهله هناك

[فهدالفهد]

الف الف مبروك للاخت  roweedaadnan بالتوفيق يارب

[فهدالفهد]

واخيرا اخي mnkamala2000 بالخير والف والف مبرك خوش اخبار دنسمع منكم لاتنسونة بدعواتكم وتجاربكم بالسفر انشالله ...

[فهدالفهد]

الاخوان الافاضل
ادم روني
HRR
تمر برحي
مستكة
ahmedsalam
مثنى احمد
maximux
abo dina
rweedaadnan
 mnkamala2000

وانشالله منسيت احد اشكر تفاعلكم وانشالله تبشرونة بالاخبار الحلوة ودعواتي الكم بالخير اينما كنتم .
تحياتي

[HRR]

الف مبروك الاخ mnkamala2000 الله يسهلها عليك بالسفر والاستقرار ويارب السفر السريع للكل اخي احنه الي عرفنا من اقربائنا في كندا انك من توصل يخلوك في فندق لمدة عشرة ايام خلالها يتم فتح حساب بالبنك واكمال جميع الاوراق والاجرائات القانونية حيث يخلون موظف يرافقك ويتابع وياك ويكمل هاي الاجرائات وخلال هاي العشرة ايام لازم تاجر شقة اوبيت واذا ملكيت تروح يم الكفيل الى ان تلكي شقة لان لازم تطلع من الفندق بعد العشرة ايام من تخلص  هذا الي صار وية عائلة وهم تختلف الاجرائات من مدينة واخرى والرواتب هم تختلف لكن بشكل عام لا تقل عن سبعة اوراق للشخص البالغ الافضل انو الكفيل يسال العوائل التي وصلت بنفس المدينه الي راح تروح الها شنو الي صار وياهم وشكد انطوهم ويارب يوفقك بكل خطوة تخطوها 

[HRR]

اخي فهدالفهد الظاهر مثل ما كالت الاخت مستكة احنه بتركيا قسم السلحفاة لان الي دنشوفة خلال هذا الشهر يمكن مختارين من كل محافظة عائلة واحدة وسمعنه انو مختارين خمسين عائلة يسافرون هذا الشهر والملاحظ انو مديمشون بالسرة على تاريخ المقابلات يعني هل ديختارون بشكل عشوائي لو شنو مااعرف على هالشي شوكت يوصلنه السرة الله اعلم حتى مدنكدر نتوقع شي بس نخليها على الله ودعواتي الكم جميعا يخابروكم قريباوادعولنه احنه هم يخابرونه عن قريب لان كلنه تعبنه من الانتظار القاتل ونريد نوصل ونستقر ونبلش بحياة مثل العالم والي عنده خبر حلو يفرحنه

[mnkamala2000]

واخيرا اخي mnkamala2000 بالخير والف والف مبرك خوش اخبار دنسمع منكم لاتنسونة بدعواتكم وتجاربكم بالسفر انشالله ...

الله يبارك بيك أخي فهد وان شاء الله نجتمع بكندا
وحنشاركم تجاربنه ان شاء الله للفائده العامة

[mnkamala2000]

الف مبروك الاخ mnkamala2000 الله يسهلها عليك بالسفر والاستقرار ويارب السفر السريع للكل اخي احنه الي عرفنا من اقربائنا في كندا انك من توصل يخلوك في فندق لمدة عشرة ايام خلالها يتم فتح حساب بالبنك واكمال جميع الاوراق والاجرائات القانونية حيث يخلون موظف يرافقك ويتابع وياك ويكمل هاي الاجرائات وخلال هاي العشرة ايام لازم تاجر شقة اوبيت واذا ملكيت تروح يم الكفيل الى ان تلكي شقة لان لازم تطلع من الفندق بعد العشرة ايام من تخلص  هذا الي صار وية عائلة وهم تختلف الاجرائات من مدينة واخرى والرواتب هم تختلف لكن بشكل عام لا تقل عن سبعة اوراق للشخص البالغ الافضل انو الكفيل يسال العوائل التي وصلت بنفس المدينه الي راح تروح الها شنو الي صار وياهم وشكد انطوهم ويارب يوفقك بكل خطوة تخطوها

الله يبارك بيك أخي وعاشت ايدك على المعلومات
ان شاء الله حبلغ معارفي يسالو وايضا بعد وصولي الى كندا حبلغكم بكل الاجراءات والخطوات بالتفصيل للفائده العامه

[مثنى احمد]

تسلم اخ فهد الفه ان شاءالله السفر للكل ونبقى اخوان واصدقاء

[مستكة]

يارب تفرج عليكم وجايكم الدور ان شاء الله قريبا بالاخص جماعه تركيا
ادعيلي انتي هم لان حياة ابد مو سهله هناك

ادعيلك بكل خير وعافية وادعوه جل في علاه ان ييسر لك كل أمر عسير ويذلل امامك كل الصعاب ويكتب لك التوفيقفي كل عمل ..آمين

[mnkamala2000]

ادعيلك بكل خير وعافية وادعوه جل في علاه ان ييسر لك كل أمر عسير ويذلل امامك كل الصعاب ويكتب لك التوفيقفي كل عمل ..آمين

اشكرج اختي عل هل كلمات الحلوه والله يكتبلك السفر القريب ان شاء الله

[roweedaadnan]

هل نزل طيران بهذي الأيام يا ريت تفيدونه وتفرحونه

[مستكة]

هل نزل طيران بهذي الأيام يا ريت تفيدونه وتفرحونه

والله من ناحيتنه ماسمعنه شي .الله كريم بلكي اليوم نسمع اخبار تجدد الأمل في النفوس المنكسرة

[مثنى احمد]

السلام عليكم ورحمه الله وبركاته شباب بنات ماكو واحد سلم جوازات بهاي الايام تركيا فرحونا والله ملينا عمي والله ملينا صارلي 7 اشهر انتضر تسليم الجوازات ------والله كرهتج يااااااااااااااااااااا كندا

[mnkamala2000]

السلام عليكم ورحمه الله وبركاته شباب بنات ماكو واحد سلم جوازات بهاي الايام تركيا فرحونا والله ملينا عمي والله ملينا صارلي 7 اشهر انتضر تسليم الجوازات ------والله كرهتج يااااااااااااااااااااا كندا

اخويه عساك بخير والصبر مفتاح الفرج ان شاء الله
وان شاء الله قريبا يخابروك
هاي عن احد الاشخاص فالفيسبوك نزل هل شي
"السلام عليكم....جماعة تركيا ابشرو اليوم خابرتني السفارة لسحب الجوازات،ياربي الموفقية وتسهيل الامر للجميع علما تاريخ المقابلة كانت يوم11/1/2016 " علما هو كفاله كنيسيه وانت انطيها شويه وقت وتفرج ان شاء الله

[ahmedsalam]

من تاريخ 21/10 ولغاية اليوم ماكو شي , بس الاكيد من اجتي هاي الحكومة الجديدة والعراقيين بس دتتاخر معاملاتهم . او رجاءا لاحد يكول ماكو هيجي شي رحمة الوالديكم

[mnkamala2000]

من تاريخ 21/10 ولغاية اليوم ماكو شي , بس الاكيد من اجتي هاي الحكومة الجديدة والعراقيين بس دتتاخر معاملاتهم . او رجاءا لاحد يكول ماكو هيجي شي رحمة الوالديكم

لا اخويه الحكومه العراقيه ماله دخل وتاخر الملفات يختلف من شخص لشخص والتاخير مو معناته الرفض اكيد
من تاريخ شهر 11 لغايه نهايه شهر الثاني هاي المده لتحسبه لان كانت فقط للسورين وان شاء الله قريبا يتصلون بك

[HRR]

السلام عليكم
 اخواني واخواتي الاعزاء شلونكم اخباركم ماكو شي جديد خبر جفية حامض حلو اشو الكل ساكتين احنه بالنسبة النه بعدنه ننتظر الفرج وتعبنه كلش ومااعرف الى متى راح نبقى بهالدوامة الي دنعيشها كولولي اكو احد خابر على السفارة او دز ايميل الهم يستفسر ويفيد لو اخاف تنلاص علينه بالزايد ارجوكم الي عندة اي خبر يرفع المعنويات شوية كلش محتاجين خبر جديد ومفرح  الله يخليكم ترةراح نموت هنا يمكن من القهر والتعب والانتظار القاتل

[abu dina73]

الاخ HRR  كلنا نفس الحال انتظار من الشهر العاشر لكن ماباليد حيله ، آني دزيتلهم ايميل الشهر الثاني وجاوبوني بعد اسبوع انه الملف بالمراحل النهائية وهاي صار ٣ اشهر من هذا الرد وكلشي ماكو فاذا تراسلهم او لا نفس الشي ، نصبر والله كريم
تحياتي

[roweedaadnan]

اخباركم بشروا ماكو اخبار جديده احد نزله طيران

[مثنى احمد]

يكولون وصل وفد للسفارات الكنديه في القاهره وانقره ولبنان ان شالله خير والله ملينا كافي صبر وتعب

[فهدالفهد]

لاجديد وملينة والله

[مستكة]

والله احنه هم سمعنا ان الوفد الكندي سيصل الى بعض العواصم من ضمنها انقرة وذلك لاتمام مقابلات السوريين المكفولين..ومن مصدر ثاني سمعنا ان الوفد او (وفدأخر)سيصل الى انقرة خلال عشرة ايام لانجاز المقابلات لجميع الجنسيات وانهاء اجراءات السفر للباقين.وسمعنا ايضا من مصدر موثوق (مثل مايكولون)من داخل المنظمة هناك في كندا .ان هذا الشهر ستنتهي اجراءات سفر الكثير من المتاخرين .يعني هناك أمل قوي خلال العشرة أيام القادمة يصير شي .اللهم فرجها علينا يالطيف وعوض صبرنا خير .

[مثنى احمد]

السلام عليكم -------شنو محد سلم جوازات لو كلها كاعده تنتضر يمعودين فرحونا والله خلص صبرنااااااااااااااااااااااااااااااااااااااااااااااااا

[HRR]

ماكو جديد محد سلم جوازات والمعنويات تحت الصفر راح نموت والله كلش تعبنه شوكت تفرج عاد موصبرنه خلص واعصابنه تلفت من الانتظار

[مثنى احمد]

من صديق الصفحة ،،،

(( السلام عليكم اليوم اتصلو بينة السفارة الكندية وطلبو الجوازات وللعلم احنة مسوين فحوصات طبية بشهر الثامن 2015 حبيت ابشرك ونفس اللحظة طمن العالم حتى يصير عدها امل بلد مقيم تركيا

[مثنى احمد]

من البريد الصفحة ،،،

إخوان اليوم الأربعاء 25/5 اتصلت السفاره الكنديه في تركيا على عدة عوائل قسم سألوهم توافقون على برنامج الهجره السريعه وقسم كلولهم جيبو الجوازات .. والله يسهل للجميع إن شاء الله

[مثنى احمد]

من صديق الصفحة ،،،

السلام عليكم اليوم اتصلوا عليه السفارة الكنديه في انقره وقالوا لي هل تريد نحول ملفك على برنامج الهجره السريعه

[ادم روني]

مرحبا اخواني الاعزاء ... شنو المقصود بالهجرة السريعة وماهو الفرق بين العادية والسريعة ممكن التوضيح ..

[مثنى احمد]

الهجره السريعه مهنعا انا اتغيرين الولايه الى غير ولايه لان ولايه الكفيل تكون مزدحمه

[مستكة]

اخواني...
ممكن احد يو ضحنه اكثر عن شغلة(الهجرة السريعة) هذه يعني زينة ...موزينة يعني خاف يودونه الى مدينة غير مدينة الكفيل ..والخوف الاكثر من المقاطعات الناطقة باللغة الفرنسية اللي ماعدنه اي اوليات عن هاي اللغة.يعني شنو رايكم اذا اتصلوا وسالونا نفس السؤال شنو انجاوبهم؟؟؟
مع الف شكر وتقدير..

[HRR]

الاخت مستكة واخواني واخواتي الاعزاء
هاي سالفة الهجرة السريعة برأيي تخوف لان اكو اخ باحد كروبات اللاجئين اتصلوا  به راح اكتبلكم كلامه بالتفصيل بين الاقواس يكول ((اليوم تم الاتصال بي من قبل السفاره و اخبرني الموظف بوجود برنامج جديد للهجره السريعه
عوائل كنديه مستعده تستقبل لاجئين و هي العائله تتكفل بيك تدورلك بيت او شقه و توديكم للمدارس و تكمل كل اجرائاتكم ولازم تبقى بمدينتهم لمدة سنه على الاقل بعدين بكيفك تبقه او تحول غير مدينه
بس انت و حظك اي عائله تستقبلك و بأي مدينه ساكنه غير معلوم
كتله للموظف اني عندي كفيل كلي ادري و بفلان مدينه انت رايد و انت بعد بكيفك ملفك مابي شي و كامل بس تبقه على الانتظارر لان عدنه اعداد كبيره جدا تبقه على كفيلك او تدخل برنامج الهجره السريعه بس ابلغك انوا اذا دخلت البرنامج راح تسافر اسرع مما تبقه انت على انتظار سفرك للمدينه الي انت مختارها))
 طبعا هذا الكلام الي صار بين الاخ والموظف الي اتصل بي والاخ رفض العرض لان يكول تخوف السالفة وين يذبونه منعرف وميكولون هسة وين بعدين تبين من تنطي الموافقة يعني اذا المكان مو مناسب ميكدر يتراجع بعد وبعدين اذا راح واتحول الى غير مكان قبل انتهاء السنة تنقطع كل المساعدات واذا يبقى بالمكان الجديد سنة صعبة يتحول بعدين والمصاريف والتكات مال طيارة والايجار وغيرها كلها صعبة مصاريف هواية على حسابنه كلها تصير ماعدا التحول من المدارس والوظيفة وكافة الارتباطات واني هم مثل هذا الرجل اعتقد مو خوش سالفة هاي الهجرة السريعة يعني ننتظر بعد ونروح يم الكفيل مالتنه واقربائنه احسن من ما نروح بمكان مابي احد نعرفه واخاف يطلع مكان بعيد وميناسبنه والله دوخة عبالك ناقصنه سالفة ندوخ بعد جمالة يكولون راح تتاخرون بعد يعني مثل يسون احباط للناس حتى توافق على العرض مالتهم انتو شنو رأيكم افيدونه بارائكم ومعلوماتكم اذا اتصلوا شنو نسوي
شنو

[مستكة]

الكلام صحيح .ولكن هاي شغلة العائلة الكندية اللي مستعدة ان تتكفلك وتبحث لك على سكن وتسجل اولادك مدارس ..هاي مسألة مااعتقد صحيحة .يعني انت وين تلكه عائلة فاضية تتقبل هذا الامر وتحمل نفسهه هاي المسؤلية.لكن المقبول هو ان المنظمة نفسها تقوم بالعمل مثل مانعرف يعني المنظمة هي اللي تتكفلنه وتسكنه وتعقب معاملاتنا وغيرها من امور الاستيطان الجديد.
واعتقد هذا امر مقبول لان كثير بل الاف من العوائل راحوا بدون كفيل وحددولهم مدن ماتخطر على البال ومع هذا عاشوا حياة من احسن مايكون وهم الأن مستقرين وعلى اربع وعشرون حباية..كندا هي كندا وين ماتروح والامتيازات نفسهه...
والانتظار قاتل خصوصا اذا كان انتظار مفتوح .يعني ماتعرف يمتى يمكن شهر او سنة او اكثر..وبعدين موالعمر خلص والسنين تركض ركض..
انا بصراحة اذا سالوني راح اوافق على طول وبدون تردد واطلب من عدهم رجاء وبلطف ان تكون مدينتي انكليزية.!!لان بالفرنسية احنه كلشي ماكو.ماعدا كلمة(وي)يعني نعم.
واقترح عليكم جميعا اخواني اذا سالوكم..وافقوا ولا تضحوا بقضيتكم في غيائب المجهول وربما ومنغير المستبعد ان يلغى البرنامج ..برنامج اللجوء ..او تظهر تعقيدات اخرى..!
تمنياتي لكم جميعا بالتوفيق

[ادم روني]

اخواني الاعزاء ... شكرا على التوضيح بخصوص الهجرة السريعة .. اما من ناحية الرأي بهذا الخصوص وهذا رأي الشخصي لو عرضوا عليه هل موضوع راح اكلهم موافق وابصم بالعشرة والسبب اني اكول الي هاجروا بالبحر وخلوها على الله الاغلبية مكان عدهم احد او مضامنين انه همه حيوصلون للمكان المقصود ولكن الشي الوحيد الي كان عدهم مؤكد هو المساعدات متوفره في اي مكان يكونون متواجدين بي من ناحيه ثانيه وهذا الاهم انه هاي الدول تفكر باتجاه واحد يخدم مصالحلها وليس مصلحه المهاجر انه المهاجر لازم يتكيف مع اي مدينه يحطوا بيها ويحاول ان يجد عمل بأسرع وقت ولا يظل خدران ومعتمد على المساعدات لذلك اعتقد هذا الخيار يحطوا امام المهاجر كنوع من الاختبار لقدرات وطموح المهاجرين واخيرا اقول انه واحد يخليها على الله ويوافق على اي مقترح من قبلهم احسن من الانتظار شهور وممكن سنين وهو كاعد في مكانه ( محلك سر )

[فهدالفهد]

اخوان الاعزاء
اتصلت السفارة الكندية بي وعلى نفس البرنامج ووافقت لان عصفور باليد احسن من عشرة على الشجرة ...وبعدين من زخم السوريين يمكن الامور تتغير مو بصالحنة نبقى وننتظر وهية كندا زينة وين متروح ..لكن تبقى المشكلة منعرف وين رح يحطونة بيا مقاطعة ...
اخواني هذا البرنامج موجود واسمه الكفالة المختلطة  the blended vor
اكتبو بالكوكل واقرو موجود على موقع الهجرة الكندي بكل التفاصيل واكو عضو ويانا قديم اسمة محتاج افرح طلع على نفس البرنامج العام شهر الخامس
تحياتي  الكم

[ادم روني]

مبروك اخوية فهد الفهد وبالموفقية .. زين سويت فعلا عصفور باليد وهي كلها كندا وين ميكون المكان ... وهذا دليل على بدء تحركهم وبانتظار المزيد من البشائر الحلوة

[ادم روني]

مساء الخير عليكم اخواني الاعزاء ... كل من يسال عن موضوع الهجرة السريعة موجودة التفاصيل الكامله في موقع الهجرة الكندي وبالعربي
http://www.cic.gc.ca/english/refugees/sponsor/vor.asp

[مثنى احمد]

السلام عليكم جميعااااا------- يمعودين محد سحبوا جوازاتهم منا منا والله ملينا وتعباااااااااااااااااانه وصار ملل بالموضوع صار من 5 --10 انتضر سحب جوازات

[اخونا]

مساء الخير عليكم اخواني الاعزاء ... كل من يسال عن موضوع الهجرة السريعة موجودة التفاصيل الكامله في موقع الهجرة الكندي وبالعربي
http://www.cic.gc.ca/english/refugees/sponsor/vor.asp

لم اجد صفحة بالعربي
فقط انكليزي و فرنسي
لطفا ان كان احد يعرف كيف نعرض الصفحة بالعربي

[HRR]

الاخ اخوناوجميع الاخوة والاخوات الشرح موجود على موقع السفارة على شكل فايل PDF والمحتوى راح اكتبه للتوضيح ان شاء الله يفيدكم
البرنامج المختلط لإعادة توطين اللاجئين في كنداالذين تتم إحالتهم من قبل مكتب
التأشيرات
نشرة إعلامية
أنت أحد الراغبين بالحصول على إعادة التوطين في كندا. لا بد أنك تتساءل الآن عماسيحصل لاحق ا . تُقدم لكم هذه النشرة معلومات عن الخطوات والإجراءات المقبلة بالإضاافة
إلى المزيد من المعلومات عن كندا.
ARABIC
1
معلومات مهمة ينبغي أن تعرفها عن إجراءات إعادة التوطين
يُعتبر قرار اختيارك كلاجئ مقبول )بما في ذلك المقابلة، إذا كانت تنطبق عليك( خطوة مهمة في عملية إعادة
التوطين لكنها ليست الخطوة الأخيرة.
إذا تم اختيارك لإعادة التوطين في كندا كلاجئ بموجب برنامج اللاجئين المختلط الذين يتم إحالتهم من قبل
مكتب التأشيرات Referred (VOR) Program / Programme mixte -[Blended Visa Officedes réfugiés [désignés par un bureau des visas (RDBV) فقد يستغرق الأمر ستة أشهر أو أكثر
قبل السماح لك بالسفر إلى كندا.
إليك ما سيحصل لاحق ا .
إجراءات تقديم الطلب
 قبل أن تتم الموافقة على طلبك، يتوجب عليك وعلى عائلتك أن تخضعوا إلى فحص طبي. كما يلزمكم أن
تخضعوا إلى فحص أمني للتأكد من عدم ارتكابكم لجرائم خطيرة في الماضي وأنكم لن تشكلوا خطرا على
أمن كندا. عندها سيقرر مسؤول كندي إذا كان بإمكانكم القدوم إلى كندا.
 قد تمر عدة أشهر على اختياركم قبل أن يُطلب منكم الخضوع لفحص طبي.
 سيقوم موظفو التأشيرة الكنديين بمراجعة طلبك لمعرفة ما إذا كنتم قد اجتزتم الفحوصات الطبية
والفحوصات الأمنية والجنائية.
 إذا لم تجتازوا الفحوصات الطبية والفحوصات الأمنية والجنائية، فمن الممكن أن لا يقع الاختيار عليكم
لإعادة التوطين في كندا.
 ستقوم كندا بإبلاغ المنظمة الدولية للهجرة [International Organization for Migration (IOM) / [Organisation internationale pour les migrations (OIM) أو منظمة أخرى تُكلفها الحكومة
الكندية في حال قبولك طلبكم لإعادة التوطين في كندا وحصولكم على إذن بالسفر.
 ستساعدكم المنظمة الدولية للهجرة أو منظمة أخرى في التحضيرات للسفر إلى كندا.
 في بعض الدول، سيتم استدعاؤكم لحضور دورة توجيهية ) Canadian Orientation Abroad – COA/Orientation canadienne à l’étranger – OCE) (، وهي دورة توجيهية تُعطى قبل سفركم إلى
كندا. وهذه الدورة التوجيهية هي مشروع تُموله وزارة الهجرة والجنسية الكندية وتتولى المنظمة الدولية
للهجرة بتنفيذه في جميع أنحاء العالم. وتُعطَى هذه الدورات التوجيهية مجان ا . في هذه الدورات، ستتعلمون
أشياء كثيرة عن كندا بالإضافة إلى خدمات إعادة التوطين المتاحة بعد وصولكم إلى كندا.
السفر إلى كندا
 ستخبركم المنظمة الدولية للهجرة أو منظمة أخرى بتاريخ سفركم إلى كندا. كما ستقوم بحجز تذكرة السفر
نيابة عنكم، واصطحابكم إلى المطار حيث ستساعدكم في تسجيل أمتعتكم وستُقدم لكم خدمات أخرى قد
تحتاجون إليها في المطار.
 في حال لم يكن لديك جواز سفر أو وثيقة سفر أخرى صالحة، فسوف تُعطيك الحكومة الكندية وثيقة تسمح
لك بالسفر إلى كندا.
 ستُعطيك الحكومة الكندية قرضا لتغطية تكاليف سفرك إلى كندا ولتغطية تكاليف الفحوصات الطبية.
 هذا المبلغ الذي ستُعطيه الحكومة الكندية إليك هو قرض، أي أنه سيتوجب عليك إعادة المبلغ كاملا إلى
الحكومة الكندية. فخلال 03 يوما من وصولك إلى كندا، يجب عليك أن تبدأ في تسديد المبلغ المالي الذي تم
دفعه لتغطية تكاليف سفرك وفحصك الطبي. يمكنك تسديد هذا المبلغ على شكل أقساط ولديك مهلة زمنية
تتراوح بين سنة وست سنوات لتسديد مبلغ القرض كاملا ، حسب قيمة القرض.
 ستحصل أيضا على الفرصة للبحث عن وظيفة والعمل في كندا لإعالة نفسك وعائلتك.
2
 بعد اجتيازك لكافة الفحوصات وحصولك على جميع الوثائق
الضرورية، ستقوم المنظمة الدولية للهجرة أو منظمة أخرى
باصطحابك إلى المطار وستساعدك على تسجيل أمتعتك وستساعدك
في إجراءات موظفي الهجرة في المطار.
 إجراءات الهجرة مع موظفي الهجرة في المطار.
الوصول إلى كندا كلاجئ تم اختياره بموجب برنامج اللاجئين المختلط الذين يتم إحالتهم من قبل مكتب
التأشيرات
إن مجيئك إلى كندا كلاجئ بموجب برنامج اللاجئين المختلط الذين يتم إحالتهم من قبل مكتب التأشيرات يعني أن
الحكومة الكندية ستُعطيك الدعم المادي لمدة قد تصل إلى ستة أشهر فور وصولك إلى كندا. كما ستقوم الحكومة
الكندية بتغطية تكاليف معظم الخدمات الطبية التي قد تحتاج إليها بعد وصولك إلى كندا.
كما ستلتقي بمجموعة من الأشخاص في كندا الذين وافقوا على مساعدتك على التكيف مع الحياة في كندا. وهذه
المجموعة هي كفيلك الخاص. وسيكون كفيلك رهن إشارتك لتقديم الدعم المعنوي والاجتماعي إليك طوال السنة
الأولى من إقامتك في كندا.
بعد انتهاء مدة الدعم المادي التي تقدمها لكم الحكومة الكندية طيلة ستة أشهر، سيقوم كفيلكم الخاص بتقديم
الإعانة المالية إليكم لمدة قد تصل إلى ستة أشهر أخرى.
 عند وصولك إلى كندا، سيقوم كفيلك باستقبالك في المطار ومساعدتك على الاستقرار في كندا.
 سيُوفر لك كفيلك مسكنا تسكن فيه مثل شقة أو منزل أو فندق. قد يكون هذا المسكن مسكنكم المؤقت خلال
الأسابيع الأولى من إقامتكم في كندا أو يمكنكم المكوث فيه طالما شئتم.
 كما سيتم تزويدكم بالطعام والملابس.
 وسيقوم كفيلكم أيضا بالإجابة عن أسئلتكم حول الحياة في كندا ويساعدكم في:
 ايجاد مترجمين.
 اختيار طبيب العائلة وطبيب الأسنان.
 تقديم الطلب للحصول على التأمين الصحي في المقاطعة.
 تسجيل الأطفال في المدرسة وتسجيل البالغين في دورات تعلم اللغة.
 الالتقاء والتعرف على أشخاص لديهم نفس اهتماماتك.
 استخدام الخدمات المصرفية والنقل وغيرها من الخدمات.
 البحث عن عمل.
رغم أن الحكومة الكندية وكفيلك سيُقدمان لكم المساعدة والدعم في البداية لمساعدتكم على بدء حياة جديدة في
كندا إلا أنه من المهم جدا أن تكون لديكم توقعات واقعية. يجب عليكم أن تكونوا مستعدين لبذل مجهود كبير
والعمل بجد لكي تستفيدوا من حياتكم في كندا. إن مستقبلكم في كندا يتوقف بشكل كبير على الجهود التي
تبذلونها.
3
إعادة توطينك مع عائلتك
أثناء عملية الاختيار، أخبرك المسؤولون الكنديون بأنه يمكنك أنت
وزوجتك وأطفالك أن تقدموا طلبكم باستخدامكم نموذج طلب واحد فقط وأن
تسافروا كلكم إلى كندا مع ا . وإذا حَدَثَ أي تغيير على وضعك العائلي )مثلا
تزوجت، أو طلقت(، أو استقبلتم مولودا جديدا في أي وقت قبل سفرك إلى
كندا، فعليك أن تخبر وكالة اللاجئين الأممية UNHCR) ( أو تُخبر موظفي
الهجرة الكنديين لإضافة أفراد أسرتك الجدد إلى طلبك.
من المهم جد ا إخبار مفوضية الأمم المتحدة لشؤون اللاجئين والموظفين
الكنديين بأنكم تريدون التوطين في كندا كعائلة. كما يتوجب عليك إدراج أسماء جميع أفراد عائلتك )بما في ذلك
جميع أولادك، وإخوتك وأخواتك، ووالديك، وزوجتك/زوجك( في طلبك سواء كانوا يقيمون معك أو يقيمون في
مكان آخر.
ومن المهم إدراج أسماء جميع أفراد عائلتك في طلبك حتى ولو كانوا لا يرغبون في السفر إلى كندا في الوقت
الراهن.
أي شخص لم يتم إدراجه على طلبك قد لا يستطيع القدوم إلى كندا في المستقبل.
في حال كان لديك أقارب أو أصدقاء مقربون في كندا وكنت تريد أن تسكن في مكان قريب منهم، فيجب عليك
إبلاغ مفوضية الأمم المتحدة لشؤون اللاجئين والمسؤولين الكنديين بذلك. تحاول كندا قدر المستطاع إعادة
توطين اللاجئين في منطقة يستطيعون فيها الحصول على الدعم والمساعدة من أشخاص يعرفونهم. لكن يُنتظر
من اللاجئين بموجب برنامج اللاجئين المختلط الذين يتم إحالتهم من قبل مكتب التأشيرات أن يسكنوا في المنطقة
التي توجد فيها الجماعة التي قامت بكفالتهم وذلك للحصول على المساعدة من هذه الجماعة.
وضعكم القانوني من حيث الهجرة
عند وصولكم إلى كندا، ستُمنحون وثيقة تقول بأنه يحق لكم أن تعيشوا في كندا كمقيمين
دائمين. وهذا يعني أنكم ستعيشون وستُقيمون في كندا بصورة قانونية. كما يمكنكم أيضا
العمل أو الدراسة في كندا.
هناك شروط ومتطلبات معينة تنص على أنه يجب عليكم أن تعيشوا وتتواجدوا في كندا
لمدة مُحددة قبل أن يحق لكم تقديم طلب الحصول على الجنسية الكندية. وعندما
تستوفون جميع هذه الشروط والمتطلبات، يمكنكم تقديم طلب للحصول على الجنسية
الكندية.
أين ستسكن في كندا؟
كندا هي ثاني أكبر بلد في العالم من حيث المساحة وتوجد بها العديد من المدن
والبلدات بالإضافة إلى العديد من المناطق غير المأهولة بالسكان. تقع معظم
المدن الكندية في المناطق الجنوبية للبلاد. كما أن العديد من المناطق التي يسكن
فيها الناس تبعد عن بعضها البعض بمسافات طويلة، بحيث أن الانتقال بينها
يستغرق وقتا طويلا حتى بالطائرة. وعلى سبيل المثال، تزيد المسافة التي تفصل
بين مدينة تورونتو ومدينة فانكوفر عن 0033 كلم أي ما يُعادل أكثر من أربع
ساعات بالطائرة.
4
سيتم إعادة توطينك في المدينة أو البلدة التي يعيش فيها كفيلك.
رغم أنه يحق لك الانتقال والذهاب إلى أية منطقة أخرى في كندا، لكننا ننصحك بالبقاء في المنطقة نفسها على
الأقل لمدة سنة واحدة حتى تتمكن من الاستفادة من الخدمات المتاحة لك.
رغم أنه يحق لك الانتقال والذهاب إلى أية منطقة أخرى في كندا، لكننا ننصحك بالبقاء في المنطقة نفسها على
الأقل لمدة سنة واحدة حتى تتمكن من الاستفادة من المساعدة التي سيقدمها إليك كفيلك والخدمات المخصصة لك.
أما إذا اخترت طواعية أن تذهب إلى منطقة أخرى في كندا للعيش فيها، فقد لا يستطيع كفيلك أن يُقدم لك
المساعدة، وقد لا تستحق الحصول على المزيد من الإعانة الحكومية طوال مدة الكفالة.
تلتزم الجماعات الخاصة التي تقوم بكفالتك بتقديم المساعدة إليك اعتقادا منها بأنك ستعيش في المنطقة التي توجد
فيها هذه الجماعات وأنك ستتعاون معها حتى تُصبح قادرا على إعالة نفسك وتنظيم شؤونك بمفردك. ورغم أنه
يحق لك الانتقال إلى أية منطقة أخرى في كندا، فجماعات الكفالة الخاصة مجبرة فقط على تقديم المساعدة إليك
في السنة الأولى مادمت تعيش في منطقتهم ومجتمعهم المحلي. وإذا قررت مغادرة تلك المنطقة للعيش في منطقة
أخرى، فقد لا تحصل على الإعانة التي وافقوا على تقديمها لك.
المساعدة في كندا
توجد في كندا العديد من مجموعات وجمعيات المجتمع المحلي خاصة بالرجال والنساء
والأطفال يمكنكم أن تنضموا إليها. كما يمكنك أن تشارك في الأنشطة الرياضية مثل
كرة القدم أو السباحة، وهناك العديد من الأنشطة التي يمكنك القيام بها مع عائلتك. بعض
هذه الأنشطة مجاني، والبعض الآخر يتطلب دفع رسوم.
إذا كان الوافدون الجدد ينظمون اجتماعات في منطقتك، حاول أن تحضر هذه
الاجتماعات. فهذا سيساعدك على تكوين صداقات في المجتمع المحلي ويُطلعك على
الخدمات المتوفرة في منطقتك.
حاول أن تلتقي بأفراد من جاليتك فإن ذلك قد يساعدك على التكيف مع الحياة في كندا
لكن لا تتردد في طلب المساعدة من أشخاص آخرين.
المجتمع الكندي
الرجال والنساء سواسية في كندا ويتمتعون بنفس الحقوق ويُعاملون على نفس المستوى
من الاحترام. ويختلط الرجال والنساء مع بعضهم البعض ويُعاملون معاملة متساوية
مهما كانت الفئات الاجتماعية والثقافية والعرقية والدينية التي ينتمون إليها.
تستطيع أن تعبر عن رأيك في كندا بكامل الحرية ما دمت تحترم حق الآخرين في
التعبير عن رأيهم.
قد تكون معتادا على وجود جميع أفراد عائلتك حولك ليساعدوك ويدعموك. لكن عند مجيئك إلى كندا قد تحس
بالوحدة لكنك لست بمفردك. إذا كانت لديك أسئلة أو استفسارات عن مسألة ما فعليك أن تتصل بأحد الأشخاص.
5
تحدث مع شخص من جماعتك المحلية. يوجد هنا أشخاص قادرون على تقديم المساعدة إليك للتكيف مع الحياة
في كندا
كفالة عائلتك
عندما تستقر في كندا، قد يكون بإمكانك كفالة أفراد آخرين من عائلتك للقدوم إلى
كندا. لكن ينبغي أن تعلم أن هذه العملية قد تستغرق وقتا طويلا وأنك قد لا ترى
أفراد عائلتك هؤلاء لعدة سنوات. والمقصود بكلمة أفراد العائلة أي من الوالدين
والجدين والزوجة/الزوج والأطفال الذين مازلت تعيلهم. عليك أن تتأكد أنك قد
أدرجت أسماء هؤلاء الأفراد في طلبك للمجيء إلى كندا. وتجدر الإشارة هنا إلى أنه
لا يحق لك كفالة الأخوة والأخوات والأعمام والعمات والأخوال والخالات وأبناء
وبنات الأعمام والعمات والأخوال والخالات والأولاد البالغين لاحق ا .
تأكد من أن عائلتك تعرف مكان إقامتك في كندا وأنها تعرف بالضبط عنوانك البريدي بما في ذلك المدينة
والمقاطعة التي تعيش فيها.
البحث عن عمل
بالرغم من أنك وعائلتك ستحصلون على مساعدة مادية خلال السنة الأولى
من إقامتكم في كندا، إلا أنه من الأفضل أن تجد عملا وتصبح قادرا على
إعالة نفسك وعائلتك بأسرع وقت ممكن. وكلما أتقنت اللغة الإنجليزية أو
الفرنسية أفضل، كلما كان العثور على عمل أسهل.
وإذا كنت حاصلا على شهادة جامعية أو دبلوم من معهد أو دبلوم أو شهادة
مهنية فهذا لا يعني أن شهاداتك ستكون مقبولة في كندا. فحكومة المقاطعة أو
الهيئة التنظيمية في المقاطعة التي تعيش فيها هي التي تُقرر الاعتراف
بشهاداتك ومؤهلاتك العلمية أو عدم الاعتراف بها.
ربما تريد إرسال بعض المال إلى عائلتك في بلدك الأصلي، لكن العديد من
اللاجئين يجدون صعوبة في إعالة أنفسهم وفي الوقت ذاته جمع وادخار بعض المال لإرساله إلى أسرهم في
بلدهم الأصلي. ولا تنسى أن التكيف مع حياتك الجديدة في كندا قد يستغرق بعض الوقت.
النفقات
عند وصولك إلى كندا، ستستلم الدعم المادي من الحكومة الكندية طيلة الأشهر الستة الأولى وستستلم الدعم
المادي من كفيلك الخاص لمدة الستة أشهر التالية.
لكن عندما يتوقف الدعم المادي من كفيلك الخاص ستكون أنت مسؤولا عن دفع نفقاتك بما فيها الطعام،
والإيجار، والكهرباء، والماء، والملابس، والضرائب. ومن المهم أن تتعلم كيف تُعد ميزانية تسمح لك بضبط
نفقاتك ومصاريفك.
6
المدرسة
المدارس الابتدائية والثانوية مجانية في كندا ولا يلزمك أن تدفع أية رسوم مالية
لكي يذهب أطفالك إلى هذه المدارس. يتوجب على جميع الأطفال بين سن
السادسة والسادسة عشرة أن يذهبوا إلى المدرسة. فهذا ما ينص عليه القانون.
ويواصل معظم التلاميذ تعليمهم في المدارس الثانوية إلى أن يحصلوا على
الشهادة الثانوية )حوالي السن 81 (. وبعد انتهائهم من مرحلة التعليم الثانوي،
يمكن لبعضهم أن يذهبوا إلى الجامعة أو معهد إذا سمحت لهم ظروفهم المالية
بذلك. فالمعاهد والجامعات في كندا ليست مجانية والدراسة فيها مُكلفة.
علاج الأسنان
رغم أن الحكومة الكندية توفر الرعاية الطبية كالزيارات إلى الطبيب ومع أنها
رغم أن الحكومة الكندية توفر الرعاية الطبية كالزيارات إلى الطبيب ومع أنها
ستدفع تكاليف علاج الأسنان في الحالات الطارئة خلال السنة الأولى من إقامتكم
في كندا، إلا أنها لا تُغطي تكاليف علاج الأسنان العادي. فإذا ذهبت إلى طبيب
الأسنان لهذا الغرض، فستكون أنت مسؤولا عن دفع تكاليف هذا العلاج في معظم
الحالات.
المأكل والمشرب
الماء في كندا صالح للشرب. ويحتوي كل منزل على مياه دافئة ومياه باردة
جارية. يمكنك استعمال الماء في أي وقت في النهار أو الليل. ما عليك إلا فتح
الصنبور للحصول على الماء وإغلاقه عند الانتهاء.
يعيش في كندا سكان ينتمون إلى عدة ثقافات مختلفة. ويمكنك أن تجد معظم أنواع
الأطعمة التي اعتدت على أكلها مثل الأرز، والخبز، والخضار، والتوابل، والعدس
والدجاج في محلات بيع المواد الغذائية القريبة منك. وتوجد في كندا العديد من
المحلات التجارية الأخرى التي تبيع منتجات خاصة مثل لحم المعز، الذي عادة لا يُباع في محلات بيع المواد
الغذائية العادية. وهناك العديد من المحلات التي تبيع أغذية الحلال.
الدين
توجد في كندا ديانات متعددة. وسيُسمح لك بممارسة شعائرك الدينية بكل حرية.
ويطلب منك القانون الكندي أن تحترم أنت أيضا الأشخاص الذين يؤمنون
بديانات مختلفة ويمارسون شعائر دينية مختلفة. لن يُطلب منكم تغيير ديانتكم أو
إكراهكم على ذلك. فالحرية الدينية هي إحدى الحقوق الأساسية في كندا.
7
الطقس
فصول السنة في معظم مناطق كندا هي أربعة فصول مختلفة: الربيع، والصيف، والخريف، والشتاء. وبما أن
كندا بلد شاسع، فقد يختلف الطقس في كندا من منطقة إلى أخرى في كل فصل من فصول السنة. فصل الربيع
في كندا )مارس/آذار، أبريل/نيسان، ومايو/أيار( هو فصل ممطر في معظم المناطق الكندية حيث يميل الطقس
فيه إلى البرودة. في فصل الصيف )يونيو/حزيران، يوليو/تموز وأغسطس/آب(، يكون الطقس حارا جدا في
معظم مناطق البلاد، حيث تفوق درجات الحرارة عشرين درجة مئوية في أغلب الأحيان خلال النهار وقد ترتفع
أحيان ا إلى ما فوق 03 درجة مئوية. وفي فصل الخريف )سبتمبر/أيلول، أكتوبر/تشرين الأول، ونوفمبر/تشرين
الثاني( يبرد الطقس وقد يكون ممطرا جد ا . أما خلال أشهر الشتاء )ديسمبر/كانون الأول، يناير/كانون الثاني
وفبراير/شباط(، تكون درجة الحرارة في معظم مناطق البلاد ما دون الصفر وقد تهبط إلى 03 درجة مئوية
تحت الصفر في النهار والليل. قد يكون فصل الشتاء في كندا باردا جدا لذلك يجب عليك أن ترتدي الملابس
الدافئة المناسبة.
نصائح أخيرة
إن بناء حياة جديدة في كندا أمر شيق لكن بعض الأشخاص قد يجدون صعوبة في البداية. إن التكيف مع الحياة
الجديدة في كندا قد يتطلب بعض الوقت، لذلك عليك أن تتحلى بالصبر. لقد استطاع العديد من الوافدين الجدد
مثلك أن يتكيفوا مع الحياة في كندا واستطاعوا أن يندمجوا بشكل كامل في المجتمع الكندي.
إن قدرتك على التحدث باللغة الإنجليزية أو الفرنسية ستكون مهمة لمساعدتك على الاستفادة من الخدمات
المتاحة، وإيجاد عمل والتكيف بشكل عام مع الحياة في كندا. وإذا كنت قد تعلمت إحدى هاتين اللغتين قبل مجيئك
إلى كندا، فحاول أن تطور مهاراتك اللغوية عندما تكون في كندا. فبعد وصولك إلى كندا، عليك أن تستفيد من
الفرص المتاحة إليك لتحسين مستواك اللغوي على صعيد المحادثة والقراءة والكتابة.
لا تتردد في طرح الأسئلة على الأشخاص الذين تلتقي بهم.
وتذكر أن هناك عدة خدمات متوفرة يمكنك الاستفادة منها وهناك أشخاص جاهزين لمساعدتك يمكنك الاتصال
بهم.

[HRR]

مبروك اخوية فهد الفهد يارب يخابروك على سحب الجوازات وتبشرنه بالسفر السريع ان شاء الله احنه لحد الان مخابرونه  بخصوص الهجرة السريعه ولا على سحب الجوازات ماكو اخبار من بقية الاخوة والاخوات اتصلوا بيكم لو لا احنه لحد الان حايرين شنو نقرر ولو اليوم صار ويانه موقف خوفنه خابرتنه الامنيات ورادوا العائلة كلها تحضر ومن رحنه كالوا راح نبدل الكملك نسوي سنوي بدل ماكان يتجدد كل ست اشهر وكالوا هاي عوائل مختاريها بمساعدة اليو ان مختارين مجموعه من كل محافظةوانطونه اوراق نوقع عليها كالوا هاي تفيدكم طول ما انتوا هنا بتركيا يعني انطونه اقامة سنوية احنه خفنه بس كالوا هاي متاثر على سفركم بس الظروف والقرارات متنحزر اخاف يصير شي ويبقونه هنا لذلك احنه دنفكر نقبل اذا خابرونه على الهجرة السريعه لان صارت السالفة تخوف اكو احد صار ويا مثلنه طمنوني لان اعصابنه تلفت من التفكير دعواتي للكل واحنه وياكم يخابرونه والله يسهلهاونسافر بسرعه   

[تمر برحي]

الف الف مبروك اخي فهد الفهد..

وان شاءالله نفرح بوصولك سالما لكندا..

ربنا يوفقك

[اخونا]

الاخ الكريم HRR
اشكرك على مجهودك الطيب

[مثنى احمد]

السلام عليكم شنو اشو صنطه ان شالله كلها سلمت جوازاتهم الله يوفق الجميع ---------الحمد لله ما بقى شي على  اعاده الفحوصات ولحد الان ما امسلمين الجوازات والله تعب وخلص صبرنااااااا

[HRR]

والله لحد الان ماكو شي لا سحب جوازات ولا حتة مخابرة على الهجرة السريعة يعني احنه حايرين اشو ملفنه ناسي لو شنو بس عندي سؤال والله يخليكم تجاوبوني حسب الي تعرفوه او خبرة القدماء الي سافروا قبلنه هل السفارة لازم تطلعنه قبل سقوط الفحص الطبي لو اكو احتمال يعيدون الفحص لان الي اعرفه ان المعاملة تسقط عندما يسقط الفحص الطبي يعني الشغلة مو فقط فحص طبي وينعاد وانما تنعاد المعاملة بدائرة الهجرة من جديد لان كل معاملة مدتها سنه من تاريخ الفحص الطبي شتكولون اخواني واخواتي الاعزاءعلى هالاساس لازم
يطلعونه قبل انتهاء الفحص الطبي لو لا ؟

[مستكة]

اخويةHRR..
مرحبا ..مااعتقد ان الملف سينتهي بانتهاء الفحص الطبي ..طبعا هذا كلام غريب اول مرة نسمعه الفحص الطبي شنو علاقته بالمعلومات داخل الملف..!!اصبر حالك من حالنه وحال الكثيرين وحتما الهه ساعة فرج..