قضية نهلة مثالاً للتسويف
ܨܒܼܘ̇ܬܐ ܕܢܵܓܼܠܐ ܐܝܼܠܵܗ̇ ܛܘܼܦ̮ܣܐ ܠܡܲܫܬܵܩܬܐ ܕܲܫܪܵܪܐ
ܡܠܘ̇ܐܵܐ ܒܝܲܕ ܣܲܦܪܐ ܡܗܝܼܪܐ: ܬܹܝܪܝܼ ܦܲܛܪܘ̇ܣ
ܬܲܪܓܵܡܬܐ ܠܠܫܵܢܐ ܐܵܬܘ̇ܪܵܝܐ: ܥܲܒܼܕܝܼܫܘ̇ܥ ܣܵܗ̄ܕܐ
ܐܸܢ ܠܲܝܬܠܗ̄ܘ̇ܢ ܐܬܘ̇ܪ̈ܝܹܐ ܚܲܝܠܐ ܓܲܝܣܵܝܐ ܡܲܨܝܵܢܐ، ܐܝܼܢܐ ܒܫܲܪܝܼܪܘܼܬܐ ܐܝܼܬܠܗ̄ܘ̇ܢ ܩܵܠܵܝܗܝ̈ ܕܡܵܨܝܼ ܡܲܡܛܝܼܠܹܗ ܠܡܸܬܚ̈ܐ ܝܵܪܝܼܟܹܐ، ܘܡܲܣܪܹܗ ܠܚܲܕ̄ܟܡܐ ܩܪܵܝܵܬܼܐ ܕܒܸܩܪܵܝܐ ܝ̄ܠܲܝܗܝ̈ ܒܕܝܼܡܘܼܩܪܵܛܝܼܘܼܬܼܐ ܘܣܲܓܝܼܐܘܼܬܼܐ ܘܚܲܝ̈ܐ ܡܫܵܘܬܦ̈ܐ، ܘܡܸܬܼܡܵܨܝܵܢܝܼܬܐ ܝ̄ܠܵܗ̇ ܕܐܵܗܐ ܩܵܠܐ ܢܵܒܹܥ ܡܢ ܐܵܚܘܼܢܘܵܬܐ ܩܘܼܪ̈ܕܵܝܹܐ ܕܠܹܐ ܩܵܒܠܝܼ ܒܐܵܢܝܼ̮ ܥܒܼܵܕܹܐ ܠܐ ܚܫܝܼܚ̈ܐ ܘܣܲܪ̈ܝܹܐ، ܐܵܦܸܢ ܕܦܝܼܫܠܹܗ ܡܘܼܙܒܸܛܐ ܕܐܵܬܘ̇ܪܵܝܐ ܠܐ ܥܒܸܕܠܹܗ ܥܸܠܕܒܼܵܒܼܘܼܬܼܐ ܘܠܐ ܓܘܼܢܚܵܐ ܘܠܐ ܥܒܼܵܪܬܐ ܥܲܠ ܡܘܼܠܟܵܢ̈ܐ ܕܲܫܒܼܵܒܹܗ ܩܘܼܪܕܵܝܵܐ، ܐܝܼܢܐ ܒܘܼܩܵܪܐ ܡܲܥܒܕܵܢܐ ܕܒܹܐܬܵܝܐ ܝ̄ܠܹܗ ܡܼܢ ܓܵܐܢܹܗ ܐܝܼܠܹܗ، ܡܘܼܕܝܼ ܒܗܵܘܹܐ ܗ̄ܘܵܐ ܐܵܘ ܡܘܼܕܝܼ ܒܵܪܹܐ ܗ̄ܘܵܐ ܐܸܢ ܐܝܼܗ̄ܘܵܐ ܐܵܬܘ̇ܪܵܝܐ ܩܵܛܘܼܠܐ ܐܵܘ ܥܵܒܸܕ ܗ̄ܘܵܐ ܥܸܠܕܒܼܵܒܼܘܼܬܼܐ ܘܲܥܒܼܵܪܬܐ ܥܲܠ ܡܘ̇ܠܟܵܢ̈ܐ ܕܩܘܼܪ̈ܕܵܝܹܐ؛ ܠܹܐ ܝ̄ܘܸܢ ܒܸܡܚܵܝܐ ܠܲܒܪ̈ܝܼܢܹܐ ܐܝܼܢܐ ܐܲܝܟܸܢܵܝܘܼܬܼܐ ܒܸܩܪܵܡܐ ܝ̄ܠܵܗ̇ ܒܓܵܐܢܵܗ̇، ܘܓܵܘ ܬܸܫܥܝܼ̈ܐ ܕܕܵܪܐ ܥܒܼܝܼܪܐ ܘܒܚܲܕ̄ ܓܸܕܫܐ ܠܲܡܣܲܬܪܵܢܘܼܬܼܐ ܥܲܠ ܢܲܦ̮ܫܐ ܘܲܡܣܲܬܪܵܢܘܼܬܼܐ ܥܲܠ ܡܘܼܠܟܵܢ̈ܐ، ܩܝܼܡܠܹܗ ܪܵܥܝܐ ܕܥܸܪ̈ܒܹܐ ܐܲܕܘܵܪ ܒܩܸܛܠܐ ܕܚܲܕ̄ ܓܝܼܢܵܒܼܐ ܩܘܼܪܕܵܝܐ ܕܓ̮ܵܪܘܼܒܹܐ ܗ̄ܘܵܐ ܥܲܡ ܩܘܼܪ̈ܕܵܝܹܐ ܐ̄ܚܹܪ̈ܢܹܐ ܥܲܡܹܗ ܕܓܵܢܒܼܝܼ ܠܦܸܣܩܹܗ، ܘܪ̄ܚܝܼܫܠܹܗ ܡܣܘܼܦܝܵܠܹܗ ܓܵܐܢܹܗ ܠܩܸܢܛܪܘ̇ܢ ܕܕܵܚܫ̈ܐ ܘܡܘܼܢܗܸܪܹܗ ܩܵܬܵܝܗܝ̈ ܒܘܼܕ ܗܵـܝ ܨܒܼܘ̇ܬܼܐ، ܘܦܝܼܫܠܹܗ ܕܸܪܝܐ ܓܵܘ ܒܹܝܼܬܼ ܐܲܣܝܼܪ̈ܐ، ܐܝܼܢܵܐ ܒܢܲܝ̈ ܩܪܝܼܬܼܐ ܕܲܩܛܝܼܠܵܐ ܥܒܼܝܼܕܠܗ̄ܘ̇ܢ ܨܦܵܚܬܐ ܠܒܹܝܬܼ ܐܲܣܝܼܪ̈ܐ ܘܲܫܩܝܼܠܗ̄ܘ̇ܢ ܩܐ ܐܲܕܘܵܪ ܘܢܘܼܒܸܠܗ̄ܘ̇ܢ ܠܡܵܬܵܝـܗܝ̈ ܘܩܲܕ̄ܡ ܩܲܛܠܹܐܠܹܗ ܬܵܡܐ ܒܝܼ ܡܲܓܠ̈ܐ ܘܟܘܼܠܸܢܓ̈ܐ، ܘܗܲܠ ܩܵܐܹܡ ܦܝܵܫܐ ܝ̄ܠܹܗ ܕܟܼܝܼܪܐ ܓܹܕܫܐ ܕܩܸܛܠܐ ܕܗܝܼܠܝܼܢ ܣܵܒܼܵܐ ܘܓܸܕܫܐ ܕܩܸܛܠܐ ܕܚܲܕ̄ ܟܸܠܦܵܬ ܓܵܘ ܡܲܢܓܹܝܫܹܐ ܕܠܐ ܚܲܕ̄ ܫܪܵܪܐ، ܐܸܢ ܐܝܼܬܼ ܒܩܸܛܠܐ ܚܲܕ̄ ܫܪܵܪܐ، ܘܡܼܢ ܓܹܢ̄ܒܐ ܐ̄ܚܹܪ̄ܢܐ ܡܢ ܥܸܣܪ̈ܝܹܐ ܡܢ ܐܲܝܟܸܢܘܵܬܼܵܐ ܕܲܥܒܼܵܪܬܐ ܥܲܠ ܡܘܼܠܟܵܢ̈ܐ ܕܝܼܠܲܝܗܝ̈ ܫܬܝܼܩ̈ܐ ܥܲܠܠܲܝܗܝ̈ ܫܲܠܝܼܛܘܼܝܵܬܼܐ ܕܝܼܠܵܢܵܝ̈ܐ ܘܕܝܼܠܵܢܵܐܝܪܬܼ ܓܸܕܫܐ ܐ̄ܚܲܪܵܝܐ ܕܲܦܢܝܼܬܼܐ ܕܢܵܓܼ̄ܠܐ، ܟܲܕ ܫܩܝܼܠܗ̄ܘ̇ܢ ܦܘܼܣܩܵܢܐ ܟܠܲܝܗܝ̈ ܓܹܢ̄ܒܵܢ̈ܐ ܘܫܘܼܬܼܐܵܣ̈ܐ ܕܐ̄ܙܝܼܠܗ̄ܘ̇ܢ ܥܲܠܠܲܝܗܝ̈ ܒܢܲܝ̈ ܦܢܝܼܬܼܐ ܕܢܵܓܼ̄ܠܐ ܒܫܲܪܝܼܪܘܼܬܵܝܗܝ̈ ܘܙܕܼܩܵܝܗܝ̈ ܒܡܘܼܠܟܵܢܐ ܕܐܲܪܥܐ؛ ܐܝܼܢܐ ܥܲܒܼܪܵܢܐ ܥܒܼܝܼܪܹܐ ܥܲܠ ܟܠܲܝܗܝ̈ ܐܵܢܝܼ̈ ܦܘܼܣܩܵܢ̈ܐ ܘܲܒܢܹܐܠܹܐ ܒܲܝܬܹܗ ܘܲܢܨܝܼܒܼܠܹܗ ܠܲܫܟܘܼܪܐ ܕܒܲܝܬܐ ܒܟܘ̇ܢܟܪܝܼܬ ܘܫܘܼܠܛܵܢܐ ܫܬܝܼܩܐ ܕܠܐ ܩܵܠܐ؛ ܩܐ ܛܘܼܦ̮ܣܐ ܚܸܕܝܵܐ ܝ̄ܠܹܗ ܫܘܼܠܛܵܢܐ ܒܐܵܗܐ ܓܼܵܠܝܼܒܘܼܬܐ، ܓܼܵܠܝܼܒܘܼܬܐ ܕܒܵܒܐ ܕܲܫܠܹܝܡܘܼܢ ܥܲܠ ܐܬܘ̇ܪ̈ܝܹܐ؛ ܘܩܐ ܡܲܫܬܵܩܬܐ ܕܩܘܼܛܢܐ ܐܬܘ̇ܪܵܝܐ ܟܪܝܼܒܐ ܥܲܠ ܣܲܪܝܘܼܬܼܐ ܕܦܘܼܪܢܵܣܐ ܘܐܲܦܣܘ̇ܢܝܵܬܼܐ ܕܥܲܡܡܐ ܕܝܼܠܲܝܗܝ̈ ܡܥܘܼܪ̈ܩܸܠܹܐ، ܡܢܲܣܝܘܼܢܹܐ ܝ̄ܘܵܚ̈ ܒܟܠ ܡܠܘ̇ܐܵܐ ܕܦܲܪܣܵܚܠܹܗ ܕܗܵܘܹܝܚ̈ ܫܲܪܝܼܪܹ̈ܐ ܘܓܲܫܩܵܚ̈ ܠܐܲܝܟܸܢܘܵܬܼܐ ܒܲܪ̈ܵܝܹܐ ܘܓܵܘܵܝ̈ܐ ܠܫܘܼܠܛܵܢܐ ܕܐܲܩܠܹܝܡܐ، ܐܝܼܢܐ ܒܓܸܠܝܘܼܬܼܐ ܝ̄ܠܵܗ̇ ܨܘܼܪܬܐ ܟܠܲܝܗܝ̈ ܐܵܢܝܼ̮ ܐܘܼܪ̈ܚܵܬܼܐ ܐܝܼܠܲܝܗܝ̈ ܕܠܐ ܝܘܼܬܼܪܵܢܐ، ܘܲܒܥܝܼܬܐ ܝ̄ܠܵܗ̇ ܡܢܲܢ ܐܲܚܢܲܢ ܐܬܘ̇ܪ̈ܝܹܐ ܕܡܲܟܝܸܦܵܚ̈ ܓܵܐܢܲܢ ܘܡܲܩܪ̈ܘܼܒܼܵܚ ܩܘܼܒܵܠܛܲܝܒܘܼܬܼܐ ܒܠܸܠܝܐ ܘܝܼܡܵܡܐ ܕܩܵܒܠܝܼ ܫܒܼܵܒܼܵܢ ܕܚܲܝܵܐܚ̈ ܥܲܡܲܝܗܝ̈ ܐܵܦܸܢ ܕܝܼܘܵܚ̈ ܡܸܢܝܵܢܐ ܒܵܨܘܼܪܐ ܘܐܵܦܸܢ ܕܘܲܪܝܼܕܵܢ ܓܪܝܼܫܹܐ ܝ̄ܢܐ ܐܲܠܦܵܝ̈ܐ ܕܫܸܢ̈ܐ ܓܵܘ ܕܵܐܗܐ ܐܲܪܥܐ، ܩܐ ܡܸܬܚܐ ܕܥܸܣܪܝܼ ܘܚܲܡܫܐ ܫܸܢ̈ܐ ܐܲܡܝܼܢܵܝܐ ܝ̄ܠܹܗ ܫܘܼܠܛܵܢܐ ܕܐܲܩܠܹܝܡܐ، ܘܫܘܼܠܛܵܢܐ ܒܵܬ̄ܪ ܫܘܼܠܛܵܢܐ ܐܵܢܝܼ̈ ܕܩܝܼܡܠܗ̄ܘ̇ܢ ܠܦܘܼܪܢܵܣܐ ܕܐܲܩܠܹܝܡܐ ܟܲܕ ܒܸܚܵܝܐ ܝ̄ܠܲܝܗܝ̈ ܒܲܪܥܵܫܬܐ ܕܦܘܼܠܵܓܼܐ ܓܵܘܵܝܐ ܘܡܸܬܼܡܵܨܝܵܢܘܼܬܼܐ ܕܲܓܪܵܫܬܐ ܕܦܸܠܵܢ ܛܘܼܗܡܐ ܠܲܣܢܵܢܕܬܹܗ ܩܐ ܓܲܒܐ ܕܫܲܠܛܘܼܢܹܐ ܝ̄ܠܹܗ ܘܲܡܫܵܢܹܗ ܠܬܘ̇ܦܹܗ ܡܢ ܕܵܐܗܐ ܪܘܼܫܐ ܠܗܵܘ ܪܘܼܫܐ ܐ̄ܚܹܪ̄ܢܐ، ܘܐܵܬܘ̇ܪ̈ܝܹܐ ܒܝܵܗܒܼܝܼ ܡܲܫܩܠܐ ܘܣܲܦܪܝܼ ܘܩܵܒܠܝܼ ܡܚܵܝܵܬܼܐ ܘܠܵܘܛܵܬܼܐ ܘܲܡܨܵܐܲܪ̈ܝܵܬܼܐ ܘܢܲܚܦܘܼܝܵܬܼܐ ܘܡܲܥܒܼܵܪ̈ܝܵܬܼܐ ܩܐ ܒܘܼܕ ܥܲܝܢܐ ܕܫܘܼܠܛܵܢܐ ܕܐܲܩܠܹܝܡܐ، ܘܠܹܐ ܝ̄ܘܵܚ̈ ܒܝܼܕܵܥܐ ܩܵܡܘܼܕܝܼ، ܡܩܵܘܡܐ ܐܝܼܠܵܗ̇ ܕܐܝܼܬܠܵܢ ܡܣܲܝܒܪܵܢܘܼܬܼܐ ܘܝܼܬܠܵܢ ܓܸܠܕܐ ܡܣܵܝܒܸܪ ܡܚܵܝܵܬܼܐ؟ ܒܝܵܘܡܬܵܐ ܕܲܥܒܼܵܪ ܘܡܼܢ ܒܵܬܪ ܕܲܥܒܼܝܼܪܹܗ ܡܸܬܼܥܲܒܼܪܵܢܐ ܥܲܠ ܟܠܲܝܗܝ̈ ܦܘܼܣܩܵܢ̈ܐ ܕܫܘܼܠܛܵܢܐ ܘܪܸ̈ܥܝܵܢܹܐ ܕܢܵܫ̈ܐ ܛܵܒܼ̈ܐ، ܘܩܝܼܡܠܹܗ ܘܲܢܨܝܼܒܼܠܹܗ ܠܲܫܟܘܼܪܐ ܕܒܲܝܬܹܗ ܕܦܝܼܫܠܹܗ ܒܸܢܝܐ ܥܲܠ ܡܘܼܠܟܵܢܐ ܕܚܲܕ̄ ܐܲܬܪܵܝܐ ܐܬܘ̇ܪܵܝܐ، ܘܲܗܘܹܐܠܹܗ ܟܲܪܒܐ ܡܢ ܟܸܢܫܐ ܐܵܬܘ̇ܪܵܝܐ ܘܟܲܪܒܐ ܐܵܬܘ̇ܪܵܝܐ ܐܵܦܸܢ ܕܗܵܘܹܐ ܐܝܼܢܐ ܐܝܼܠܹܗ ܒܐܘܼܪܚܐ ܕܫܲܝܢܐ ܘܲܫܠܵܡܐ ܕܠܹܐ ܥܵܒܼܕ ܫܓܼܘܼܫܝܐ ܓܵܘ ܥܲܡܡܐ، ܟܲܕ ܫܩܝܼܠܗ̄ܘ̇ܢ ܦܘܼܣܩܵܢܐ ܓܲܒ̈ܐ ܘܦܲܪ̈ܨܘ̇ܦܹܐ ܕܥܵܒܼܕܝܼ ܬܲܓܠܝܼܬܼܐ ܩܕܵܡ ܦܲܪܠܲܡܵܢ ܕܐܲܩܠܹܝܡܐ ܕܟܘܼܪܕܸܣܬܵܢ ܡܢ ܐܸܡܐܵܝ̈ܐ ܕܦܲܪ̈ܨܘ̇ܦܹܐ ܕܦܝܼܫܠܗ̄ܘ̇ܢ ܡܓܘܼܒܝ̈ܐ، ܘܦܘܼܢܵܝܐ ܕܲܥܒܼܵܕܐ ܕܫܘܼܠܛܵܢܐ ܐܝܼܗ̄ܘܐ ܡܲܟܠܵܝܬܵܝܗܝ̈ ܡܢ ܥܒܲܪܬܐ ܕܐܲܪܒܝܼܠ، ܒܡܲܥܢܵܝ ܐܘܼܦ ܩܵܠܐ ܐܵܬܘ̇ܪܵܝܐ ܦܝܼܫܐ ܝ̄ܠܹܗ ܡܘܼܟܠܝܼܵܐ ܘܲܩܛܝܼܥܐ ܡܢ ܩܪܵܝܬܐ ܒܩܵܠܐ ܪܵܡܐ ܡܢ ܩܘܵܠܬܐ ܒܫܲܪܝܼܪܘܼܬܐ، ܘܘܵܠܹܐ ܕܫܲܬܩܵܚ̈ ܘܢܲܫܩܵܚ̈ ܠܐܝܼܕܵܬܐ ܕܦܝܼܫܠܗ̄ܘ̇ܢ ܝܲܕܝܼܕܹ̈ܐ ܘܝ̄ܗܝܒܼܠܗ̄ܘ̇ܢ ܩܵܬܲܢ ܙܸܕܩ̈ܐ ܕܚܲܝܘܼܬܐ، ܘܐܵܗܐ ܨܒܼܘ̇ܬܐ ܠܐ ܝ̄ܠܵܗ̇ ܓܸܕܫܐ ܩܲܕ̄ܡܵܝܐ ܐܝܼܢܐ ܐܝܼܬܸܢ ܪܵܒܐ ܡܢ ܕܵܐܢܝܼ̈ ܓܸܕܫ̈ܐ ܕܲܡܝܵܢ̈ܐ ܘܐܵܦ ܫܲܠܝܼܛܘܝܵܬܹ̈ܐ ܦܪܝܼܫܠܗ̄ܘ̇ܢ ܒܲܝܢܵܬܲܝܗܝ̈ ܒܫܲܪܝܼܪܘܼܬܼܐ ܩܐ ܗܸܢܝܵܢܐ ܕܐܵܬܘ̇ܪ̈ܝܹܐ، ܐܝܼܢܐ ܠܵܐ ܦܠܝܼܚܠܗ̄ܘ̇ܢ ܒܝܼܵܝܗܝ̈ ܘܦܝܼܫܠܗ̄ܘ̇ܢ ܡܘܼܟܠܝܼ̈ܐ ܡܛܠ ܡܸܬܼܥܲܒܼܪܵܢܐ ܐܵܘ ܗܵܘ ܣܲܠܒܵܢܐ ܐܝܼܬܠܹܗ ܣܢܵܕܬܐ ܓܲܒܵܝܬܵܗ̇ ܝܵܢ ܫܘܼܠܛܵܢܵܝܬܵܗ̇، ܘܲܣܢܵܕܬܐ ܦܝܼܫܬܐ ܝ̄ܠܵܗ̇ ܒܢܝܼܬܼܐ ܥܲܠ ܫܸܪ̈ܫܹܐ ܬܲܘܕܝܼܬܵܢܵܝ̈ܐ ܐܵܘ ܐܘܼܡܬܵܢܵܝ̈ܐ ܐܵܘ ܦܠܵܛܐ ܕܩܘܼܪܒܵܝܘܼܬܼܐ ܘܝܼܣܘ̇ܪ̈ܐ ܟܸܠܦܵܬܵܝ̈ܐ، ܥܸܣܪܝܼ ܘܚܲܡܫܐ ܫܸܢ̈ܐ ܘܫܘܼܠܛܵܢܐ ܒܵܬ̄ܪ ܫܘܼܠܛܵܢܐ ܠܐ ܡܨܹܐܠܗ̄ܘ̇ܢ ܕܒܵܢܝܼ ܚܲܕ̄ ܟܢܘܼܫܝܐ ܡܕܝܼܢܵܝܐ، ܟܢܘܼܫܝܐ ܕܫܵܩܸܠ ܦܘܼܣܩܵܢܐ ܫܲܪܝܼܪܐ ܒܙܸܕܩܐ ܕܟܠ ܐܲܬܪܵܝܐ ܡܐ ܕܗܵܘܝܐ ܗܲܝܵܝܘܼܬܹܗ، ܟܢܘܼܫܝܐ ܕܗܵܘܹܐ ܒܝܹܗ ܩܵܢܘ̇ܢ ܒܸܫ ܥܸܠܠܵܝܐ ܡܢ ܟܠ ܡܸܢܕܝܼ، ܐܝܼܢܐ ܗܲܠ ܩܵܐܹܡ ܩܵܢܘ̇ܢ ܐܝܼܠܹܗ ܫܲܠܛܘܼܢܹܐ ܥܲܠ ܪܹܫܐ ܕܒܲܪܢܵܫܐ ܙܲܒܘܼܢ ܘܐܲܡܝܼܢܵܝܹܐ ܝ̄ܠܲܝܗܝ̈ ܚܲܝܠܵܘܵܬܼܐ ܛܘ̇ܗܡܵܝ̈ܐ ܒܸܦܠܵܚܐ ܘܡܲܨܝܵܢ̈ܐ ܝܼܠܲܝܗܝ̈ ܠܲܦܣܵܥܬܐ ܒܨܘܼܝܵܢܵܝܗܝ̈، ܐܝܼܢܐ ܫܸܪܫܐ ܩܲܕ̄ܡܵܝܐ ܠܲܒܢܵܝܬܐ ܕܐܲܬܪܐ ܐܝܼܠܹܗ ܟܹܐܢܘܼܬܼܐ ܘܝܲܕܝܼܕܘܼܬܼܐ، ܘܥܸܠܬܼܐ ܕܦܵܫܲܡܬܐ ܝ̄ܠܵܗ̇ ܕܐܵܡܪ̈ܚ ܐܬܘ̇ܪܵܝܐ ܓܵܘ ܐܲܩܠܹܝܡܐ ܠܹܐ ܝ̄ܠܹܗ ܒܸܪܥܵܫܐ ܠܐ ܒܟܹܐܢܘܼܬܐ ܘܠܐ ܒܝܲܕܝܼܕܘܼܬܐ، ܒܸܕ ܡܵܛܝܵܐ ܐܹܓܲܪܬܵܢ ܩܐ ܫܘܼܠܛܵܢܐ ܕܐܲܩܠܹܝܡܐ ܝܵܢ ܙܲܒܼܢܐ ܕܐܹܓܲܪ̈ܵܬܼܐ ܐܝܼܠܹܗ ܥܒܼܝܼܪܐ ܪܵܒܐ ܘܥܘܼܪܩܸܠܐ،
ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ
