اخبار حلوة ؟

[ادم روني]

مرحبا اخواني الاعزاء .. اخباركم ؟ لاحظت الكثير منكم اختفي وماكو اي اخبار او مساهمة .. طمنونا على اخباركم ...
كذلك ارجو من الاخوان الي وصلوا كندا بالسلامة يتواصلون ويانه ويكتبون شنو الي صار وياهم من ساعه وصولهم ولا يبخلون علينه بالمعلومات .. ارجو ان يبقى التواصل مستمر من قبل الجميع .. تحياتي للجميع

[مستكة]

زين.. الاخبار الحلوة من شفناك وان شاء الله نشوف كل الاخوة هنا في هذا القسم.
سمعنا بان هناك عوائل قد أكملوا المقابلة والفحص منذ فترة اقل من سنة قد ارسلوا عليهم لاعادة الفحص ..دم وأشعة صدرية بسيطة ..والحلو بالموضوع بانهم قد استلموا منهم جوازات سفرهم بنفس اليوم واخبروهمبانتظارالسفر وخط الرحلة .اتمنى هذا الامر يحدث لي ولكم جميعا بلا استثناء والقادم أحلى....

[ادم روني]

مرحبا بالاخت العزيزة مستكة ومرحبا بعودة كل الاخوان الى منتدانا الجميل .. ارجو ان يستمر التواصل .. تحياتي لكم جميعا

[مثنى احمد]

السلام عليكم الحمد لله من لكيت احد اعتقد الناس الي جانو يكتبون كلها سافرت والله وفقها -------------انا بعد 35 يوم ينتهي الفحص مالتي ان شالله اسمع اخبار حلوه

[تمر برحي]

تحياتي للعزير ادم روني..

مع الاسف ماكو اي اخبار حلوة..
بعدنا نايمين بالاردن ولا حس ولا خبر هاي مخلصين فحص طبي راح يصير سنة...الظاهر كندا نست العراقيين الاهتمام بس بالسوريين..بالعافية عليهم

جماعتنا ورانا قدموا وهسة وصلو امريكا واستراليا واحنة عالشحن ..ربنا يوفق الجميع...تورطنا بكندا


تحياتي

[Air force]

السلام عليكم اخوتي الاحبة ترة مو بس جماعة كندا متورطين احنة جماعة امريكا هم اني صارلي 6 سنوات وماكو شي واخر شي من اسأل يكولولنة الاولوية للسوريين ليش يابة محد يدري يمكن همة عندهم حرب واحنة لا وميدرون همة اساس مصايبنة كلهة لان من يمهم اول الانتحاريين والمخخات اجتي ب 2005 و2006 ولحد هسة اذكرهة الاخبار بس الله كريم وهو شايف حالنة ويدري ويسهلهة علينا ان شاء الله

[ادم روني]

مرحبا بالجميع .. شكرا على التواصل والمشاركات .. اتمنى لكم وللجميع الموفقية ونتداول الاخبار الحلوة عن قريب .. وياريت يستمر التواصل ولاتخلون اليأس يسيطر عليكم ويمنعكم من الكتابة والمشاركة ... وبالمناسبة عندي اقراح اذا اي من الاخوان المنتظرين  ينطوا موعد سفر وميحب يكول انه ملفه مشه على الاقل من يوصل يكول اني وصلت كندا على الاقل ينطي أمل للمنتظرين انه اكو تحرك لملفات العراقيين ... تحياتي للجميع   

[مثنى احمد]

السلام عليكم والله انا بالنسبه لجماعتي الذين قابلو معي 5--10--2015 واحد نزل الى طيران 20 -9 واحد انقلبت صفحه ما iom

[maximux]

الاخ مثنى احمد السلام عليكم
انت من اي دولة والجماعة الي ذكرتهم متى تم تسليم جوازاتهم وهل تم الاتصال بهم على برنامج السريع ام لا

[مثنى احمد]

السلام عليكم انا في تركيا نعم اتصالو بجماعتي على هجرهوسلموا واحد 23-7 واحد 15 -8

[HRR]

السلام عليكم شلونكم اخواني واخواتي صار زمان مدنكتب اي شي بس الحالة النفسية كلش تعبانه وصلنه مرحلة اليأس فعلا للأسف لحد الان موجودين في تركيا ومتحركنه منها ولا شبر والفحص مبقالة شي وينتهي جنه نقنع روحنه انو مامعقولة يعيدون الفحص ومامعقولة يبقونه لهالوقت بس الظاهر كلشي ويانه معقول سوء الحظ مجلب بينه لأخر لحظة احنه مبقة احد من الناس الي نعرفهم كلهم سافروا بقينه بس احنه وكلهم ودعانهم حتى ما بقى احد يودعنه وهم نكول حمدلله والشكر على كلشي وننتظر الفرج بفارغ الصبر الله يسهلها على الكل وياريت نسمع اخباركم دائما

[ادم روني]

مرحبا اخوان مرحبا اخي العزيز HRR اولا اكلك لاتيأس اخي .. نعم تأخير هواية لكن الصبر مطلوب وماكو كدامنه حلول بديله غير الانتظار واتمنى اسمع اخبارك الحلوة واخبار جميع الاعضاء ال
حلوة عن قريب .. بس ردت اسألك اخي العزيز هو الفحص الطبي كم المدة ويدخل اكسباير ؟ وايطا سؤال شوكت كان تاريخ الفحص ؟ وسؤال اخير الناس الي اتكول سافروا راحوا على كندا كلهم وهم هشكل طولوا في الاجراءات ؟

[مستكة]

السلا عليكم اخوان.
فعلا الوضع تعبان حيل والصبر أخشى ان ينفذ.لانه مثل باقي الاشياء كمية محدودة ويتحول من صبر الى رضوخ واستكانة.لكن بصيص من الامل ينفذ من هذه العتمة وهو ان هذاالشهر التاسع ونصف العاشر سيبدأونبانجاز كل المعاملات المتاخرة للذين انجزوا مقابلاتهم والفحص الطبي وقبل ان تنتهي اكسباير فحصهم والذي مدته سنة .كما وان هناك وفد من الحكومة الكندية وصل الى تركيا لانجاز هذه الشغلة والوفد يعني موظفين اضافيين.من ناحية محافظتنه ماسمعت اي واحد منهم سافر ولا احد استلموا جوازاته الاا جماعة امريكا فان حركة سفرهم هذه الايام نشطة هواية الله يسهل عليهم.اكثروا من الدعاء فان كل شيء بأذنه تعالى وتيقنوا من الاجابة وهذه الايام المباركة من شهر ذي الحجة المعظم.اصبروا وصابروا واعملوا الخير لعلكم ترحمون واكثروا من الصدقة وكل دعاء تدعوه عززه بصدقة مباركة احتسابا لتلبية الدعوة والله مايقصر..ان شاء الله الخير قادم

[ادم روني]

مرحبه بالاخت العزيزة مستكة .. اخبار حلوة فعلا بشرتينه بيها .. لذلك اني اكول اليأس مرفوض ولازم اكو بصيص من الامل ولابد الفرج قادم .. وفعلا كلامج وعندي أمل كبير انه بهذا الشهر 9 والشهر القادم 10 راح ينهون جميع الملفات لان دائما بهاي الشهرين وحسب ملاحظاتي يبدون ينطون مواعيد سفر واعتقد السبب هو قبل انتهاء السنه الماليه وكذلك انشغالهم بالاعياد .. تحياتي للجميع

[HRR]

اخي العزيز ادم روني اشكرك على رفع المعنويات واشكرج اخت مستكة واشكر الكل لكن مو بيدنه دنحاول نصبر روحنه بكل الطرق وونندعي ونصبر لكن تعبنه جدا كلما نحس اكو بصيص امل يتلاشى وكل شهر نكول هسة يخابرونه وماكو شي بالنسبة للفحص الطبي يصير اكسباير بعد سنه من الفحص واحنه يوم 22 الشهر القادم يخلص الفحص مالتنه وكل العوائل الي قابلت العام الماضي قبل الشهر التاسع لحكوا سافروا من العام الماضي اماالي قابلوا بالشهر التاسع والعاشر وبعدها بقوا مثلنه تأخرت الاجراءات مالتهم بسبب السوريين ولحد الان السفارة دتقابل السورين وتخلص اجراءاتهم وللعلم سمعنه انو اكو عائلة خلص الفحص الطبي صار اكسباير ولم تتصل بيهم السفارة على اعادة فحص او تمديد للفحص وكلش قلقين همة من هالشي معناها السفارة مدايرتلنه بال اصلا واكو واحد راح للسفارة كلوله   بعد ممنوع تجون تستفسرون اكو ايميل وفاكس دزوا استفسار وطبعا همة ميجاوبون صايرين الايميلات خاصة الي يدز اكثر من مرة ميجاوبوا بعد ومع هالشي نكول الحمدلله على كلشي ويارب يفرجها علينه وعلى كل متضايق ويسهل امرنه اجمعين  ومن ساعه لساعه فرج 

[مستكة]

الحمد لله ..بدأت تنفرج ...عائلتين من مدينتنا من الذين قابلوا الشهر التاسع نهايته ..استلمو جوازاتهمم وبلغوهم بالدورة الثقافية بعد عشرة ايام..والخبر اكيد ..وماادري باقي المحافظات..وان شاء الله الدور قادم لنا نحن جماعة الشهر العاشر ..قولوا الحمد لله والشكر

[ادم روني]

اخبارج دائما حلوة اختنا العزيزة مستكة ودعواتي الكم وللجميع ان نسمع اخباركم الحلوة يتحديد موعد للسفر .. وهاي الاخبار الحلوة ايظا راح اطمن اخونه العزيز HRR واني دائما اكلكم لابد تفرج .. وايطا شايف انه التفاعل من قبلكم رجع ينهض وهذا شي مفرح .. تحياتي للجميع

[مثنى احمد]

السلام عليكم ---اشكركم على هاي الاخبار الحلوه الي تطمن القلب واتمنى من كل قلبي الخير لنا ولكم ----اتمنى ان تدعو لي لان بقى شهر وتنتهي فحوصاتي اتمنى من الله العزيز الجبار ان يتصلون بي قبل هاي الفتره -------------------------

[HRR]

الف شكر اختي مستكة على هاي الاخبار الي ترفع المعنويات الف الحمدلله والشكر ويارب يفرجها علينا كلنه ويسهل امرنه ويسرع سفرنه بأقرب وقت ونسافر قبل لا يخلص الفحص ان شاء الله

[maximux]

شكرا جزيلا على هاي البشارة الحلوة وان شاء الله تفرج على الجميع يارب ماتضيق الا تفرج

[abo mostafa]

السلام عليكم اخواني الاعزاء
اعتقد موضوع كندا صار بي تحرك اني طرحت قبل فترة سؤالي اني عندي كفالة زوجية على كندا صار سنة ونص تقريا يعني اكثر من سنة و اربع اشهر طلعت الموافقة من كندا و تحولت المعاملة للسفارة في الاردن عمان و نامت لحد بداية الشهر الثامن دزولي اميل اعيد الفحص الطبي و اخر ٦ اشهر البلد الي كاعد بي مطلوب عدم محكومية طبعا هنا عندي مشكلة لان اني كنت في تركيا كاعد سنتين و بعد ما دخلت الاردن بيومين اجاني الاميل المهم سويت الفحص الطبي عند دكتورة هيه السفارة الكندية انطتي عنوانها و التلفون خابرتها كالتلي تكدر تجي اليوم او اي يوم تريد رحت سويت الفحوصات ثاني يوم صاحبي نفس شغلتي قبل ٣ ايام بعثولة رسالة الدكتورة نفسها انطته موعد اسبوع لان صاير زخم بهذا نكول بلكي تحركت السفارة الكندية و تفرج على الناس اسف على الاطالة و يا رب التوفيق للجميع

[الخريف]

اكو اخبار حلوة لكن مو النا لحد الان جيرانا بالمنطقة قبل شهرين يمكن مو اكثر جانوا منتظرين مقابلة محلف عالامريكية وقابلوا وحصلوا وكملوا فحوصات واعتقد سفرهم قريب جدا وانشاءالله يوم الالنا كلنا يعني اعتقد جماعه الي واصلين سفير ديمشون كلهم ، اما اخباري فاحنا تحولنا عالكندية من شهر اذار 2016 ولحد هسه ماكو اي اتصال ودننتظر رحمة ربنا وجنا مقدمين بكفيل من استراليا واجانا رفض واتمنى اكتبلكم فد خبر حلو عني بالمستقبل والله يفرجها عالجميع

[ادم روني]

مرحبا اخواني الاعزاء شكرا لكم جميعا على المشاركات والردود واتمنى لكم ولنا الموفقية ونبشر بعضه بأخبار حلوة عن قريب .. لكم مني كل التقدير والاحترام

[مثنى احمد]

السلام عليكم ---انا تقرييبا بعد 3 اسابيع تتنتهي الفحوصات --بس اريد اعرف هما يتصلون علينا لو احنا انروح الهم --------واذا ما انصلو شنسوي

[abu dina73]

السلام عليكم
الاخ مثنى احمد ، لايجوز مراجعة السفارة الا بعد الاتصال بك من قبل السفارة ، هذا اللي افتهمنا منهم قبل كم يوم كنا هناك ، انتظر والله كريم آني حالي من حالك بعد اقل من شهر تنتهي الفحوصات

[مثنى احمد]

اخ ابو دانيا ممكن عرف اشوكت قابلت

[مثنى احمد]

والله انا ما خابروني لا على هجره ولا على اي شي

[abu dina73]

ماعدنا غير الانتظار عسى أن يكون الفرج قريبــاً

[مثنى احمد]

ماكو اخبار يمعودين

[الخريف]

فدوة الكم اخوان محد سمع سفارة الكندية دتخابر عالفورمات او دتسوي مقابلات لوماكو حركة صارلنا 6 شهور وماكو خبر منهم وشلون نكدر نتواصل وياهم ونسالهم ...شاركونا بمعلوماتكم الله يسهلها ويفرجها على كل منتظر

[ادم روني]

مرحبا .. بخصوص السؤال سفارة كندا متقابل اي شخص بدون موعد مسبق او تبليغ بالحضور من قبلهم والحل الوحيد للتواصل معهم هو الايميل مع ملاحظه مو كل ايميل يردون عليه .. لكن المعلومة المؤكدة انه كل ايميل يوصلهم ميهملوا .. خلاصة الكلام اي ملف عدهم اول مرحلة يمر بيها هي المراجعة للملف من قبل ضابط الهجرة في كندا وعند الانتهاء من هذه المرحلة يتم اصدار الامر للسفارة لتنفيذ الاجراءات المطلوبة .. تحياتي للجميع

[شمعه 3]

كلام الاخ ادم روني صحيح

[مثنى احمد]

ماكو اخبار واحد سلم جوازات