المحرر موضوع: امخلينهه عله الله  (زيارة 567 مرات)

0 الأعضاء و 1 ضيف يشاهدون هذا الموضوع.

غير متصل يوسف الموسوي

  • عضو مميز
  • ****
  • مشاركة: 1087
    • مشاهدة الملف الشخصي
    • البريد الالكتروني
امخلينهه عله الله
« في: 21:20 02/02/2017 »
امخلينهه عله الله


خنّ اسولڤلگم سالڤه بيها ڤايده وهلبت الله ونوگف حدها ...
گبل چنت چويهل ، وچان سيد سعيد الله يرحمه مثلنا الاعلى بالمنطقه نحلف ابخّته رجال ابو دين وصاحب الله ومن أهل الله !!!
احترگ بيت صبري ابو السمچ جيرانه ، والوادم ضّاله فاكه حلوگها ع النار ..
وشي تصيح ( الله يكون بعونك ياصبري ) وشي تگول ( لا حول الله ماتستاهل ) علما النار اگلت الأخضر واليابس واحترگ البيت والوادم ( مهدّله وتدعي الله ! )
بهاالاثناء اچه السيد وشاف البيت محترگ ذب عگاله والغّتره الخضّره ، وسرفن دشداشته وضل ينگل ماي وتراب وايذب ع البيت ، الناس من شافته ، كلها فزعت وراه صغارها واكبارها ، وگامت تطفي بالبيت !
ورى ما طفى البيت ...
السيد گالهم : بويه انتم چنتوا شتسوون ؟؟؟
الناس يدرون بيه ابو دين رادوا ايبنجونه ، گالوله ( والله يا سيد هوه البيت احترگ بعد ما النا غير الله وبعد هوه بگيفه ! )
السيد گعد ع الرصيف وگال اسمعوا گلگم هاي السالفه : اگو واحد راح بالبعير ماله ايصلي بالجامع اللي يصلي بيه الرسول (ص) .... طبگ البعير بالباب ودخل صلّه ، من طلع مالگه البعير لگاه مبيوگ !
رجع للرسول (ص) گاله : يا رسول الله ، طبگت البعير وصليت ومن گملت مالگيته . شوفلي چاره ؟؟!
الرسول (ص) گاله : انته من طبگت البعير ما ربطته بنخّله بڤد شي ؟؟
گاله : لا والله انه بس نزلت منه وگلت توكلت على الله !
ايگول الرسول (ص) گاله : لابويه الله انطاك عقل مره ثانيه اربط بعيرك وتوكل على الله ، الله شعليه انته صوچگ !!!! ( بما معناه )
يا جماعة الخير ..
الله انطانا عقول نميز الجويدّه من الغّمه ...
بيتنا محترگ من زمان مو اليوم وگيعانه انباعت من زمان قسم انباع لتركيا وقسم انباع للاردن وقسم للسعودية وقسم لإيران وهسه للكويت هاي صار عشرات السنين والعراق ينباع جزء جزء تڤصيخ وانتم نايمين ورجليكم بالشمس وملتهين بس تهوسون بروح بالدم نفديك ياهو الچان ..
عمي تره الله ما اله غرضّ يبعد عيوني عيونكم ..
هسه هاي شلون پلشه سوده اله ايحچوني ما يخلوني ساكت !