على كيفك شوية
فرات يوسپ
شكرا يال تعترض زدتنا اصرار
او بحچيك هاذ زودت الحمية
احنه موش جنود احنه ثوار
ثورتنا على الي گال شعلية
گولات الزلم عدنه تفرح الأحرار
عدنه الچلمة عهد مو حچاية عادية
دمنة انعجن مخلوط ويا تراب الدار
او چم شهيد الطاح ونگول مگضية
شعندك يادخيل البيت اي مو انته خطار
او أصول الضيافة عدنه مو شوية
انتخبنة ... خما فزيت ؟ شجاك خايف اشصار؟
انته العليك بس هوسات فيس بوكية
عوف الحچي الفارغ او يكفي أضرار
او تعال خلي إيدك بدية
نبني ونعمر ونرجع شعب مغوار
كافيها امتنة شگد عانت خطية
تدريني زين اني طگ عندي محرار
من صعدت غيرتي الاشورية
