تگضي وداعتك وسوالف تصير :
بقلم الشاعرة / مينا 2011
وباچر يا وطن يرجع فرحنه موعدنه المهم
لو متنه ونعيش بس انت المهم كل احنه صحنه
وما ننغش بعد علمنه الدروس صح قاسي الزمن
لكن نصحنه علمنه نعرف الزين والشين
ياهو الطيب وياهو الجرحنه وما نغلط بعد
ونصير حيطان واحد يكتب وثاني مسحنه
وما نقبل أبد نصبح توابيت حصتنه
الدمع صافي ربحنه
وقطعاً ياوطن عايش بالگلوب يعني اگبالنه
وين احنه رحنه ولد الملحه گلي
شلون ننساك غزر بينه يا موطن ملحنه
ويامحنه التجي تلگانه الچفوف
وذبحنه الميم صارت النه حنّه
وذبحنه المستحيل وكلمة شلون
بس حبّك فقط هو الذبحنه ونزرع بالأمل
حتىّ يحصدون عدنه اطفالنه
باچر فلحنه ويطلعلك فجر من اريدك تحير
وليلك ينجلي والله بصبحنه
وترجع ياوطن من احله الاوطان
وغصبن عالحزن يرجع فرحنه .
