اجمل شعر شعبي عتاب عراقي :
بقلم الشاعر الشعبي / زين سليم -
ساعه وتغيب الشمس وساعه ويجيني اليل وينراد حيل ودمع ومنين اجيب الحيل ساعه وتغيب الشمس وساعه ويجيني اليل وينراد حيل ودمع ومنين اجيب الحيل روحي حمامه صفت وبيت اهل الدور اشتاكيت لامي أنا ولخبرزه التنور آشتاكيت لامي أنا ولخبزه التنور ساعه وتغيب بديرة هلي بالطعم يختلف حتى الماي وحتى الهوا يم هلي يختلف والله هواي كل ليله تسوه العمر لو كعدو أهلي وياي .. كل ليله تسوه العمر لو كعدو أهلي وياي ومن ايد امي الصبح محلى استكان الجاي يا منطقتنا حلم ارجع لأصحابي وكل ساعه صاحب يجي ويدك علي بابي يا منطقتنا حلم ارجع لأصحابي وكل ساعه صاحب يجي ويدك علي بابي محتاج محبوبتي الحلوه ام جفن غافي .. وأتمنى هسه تجي وتغفه
على جتافي مشتاك للمدرسه والجرس والساحه .. وأطفل نركض ركض بس نشعر براحه شما دار بيه الزمن ابقى لهلي ميال ومنين اجيبن كلب يتحمل الترحال ما أنت وحيد أنت الشعب كلة بشيعتة وسنتة منهو الكالك ناسيك ؟ ..
هم ينسى الكمر وكتة ؟ بس عشككـ عشكـ مفضوح .. وعشكـ الناس كلها مساتر وسكتة صرت أنت سبت ..
وبركبة يهودي هم شايف يهودي يجوز من سبتة ؟
انت الفارس اليسبكـ هبوب الريح ..
وما ظن خيل سابكتة وأنت اليرهم ترابك كحل للعين .. ودوة للما شفت علتة ومن طينك نحني جفوف المعرسين ..
وكل اصبع فرح من طيبتك طكتة وأنت الريحة ترابك ترد الروح .. هيل وزعفران وعنبر بشمتة ومثل تراب كاعك ما لكينا تراب ..
يرهم للصلاة من طينتة تربتة أنت ينام بيك المرتضى الكرار ..
أبو الحسنين التلوذ الناس كلها بشارتة وبختة وأنت ينام بيك بكربلاء حسين ..
الما بايع الطاغي ودنكـ ركبتة وأنت البيك ظلت شارة العباس ..
لمن طاح دنكلة الفرات وباسة من شفتة صح هسة اصبحت من وطن نيذر لاند ..
هولندي الهوية وشعري جللتة وصح تأقلمت وية الغرب فد نوب ..
وصرت ماصخ مثلهم والملح عفتة وصح صرت ارطن رطنهم لمن يرطنون ..
ولسان العرب بالاعجمي كسرتة لكن مدري شنهي يصير بي لمن يمر طاريك ..
أحسنك دفو تموز وسط شتا اثاريني مثل طبع النخل لو طال ..
يرجع للاصول وتنحني شعفتة العالم نسى يوم هدعش من ايلول ..
صارت بيك سالفتة ناس تكول لازم نحتويه ونشفط البترول ..
ونعوض الراح ونسركـ بركتة وناس تكول لازم ها الحصار يدوم ..
وناس تكول لازم ننزع اسلحتة وناس تكول خطية اطفالة ماتو من الجوع ..
وناس تكول حيل ويا ، ما حمد ربة وشاكر نعمتة وأنت بين هذا وذاك صاير شبح لليرمون .. وياهو الكام ضدك سدد تفكَتة جي انك حلو والدول منة تغار ..
ما عدهم العندك من مجد نلتة أنت اول وطن آدم وضع جدمة عليه وكال يا الله ..
لنك وصلة من جنتة وأنت اول وطن حبّة النبي ابراهيم ..
ودعا ربة يصونة برحمتة وعزتة وأانت اول وطن مرسى لسفينة نوح ..
والنبي ايوب ناخت بيك راحلتة وأنت اول وطن علم العالم ابجدية ويكتب التاريخ ..
وأنت اول وطن قانون سننتة وأنت اول وطن كالتلة الشمس يمة صباح الخير ..
ولو رادت تمسي تمسي يكم كَبتة
وأنت اول وطن ما يشبه الاوطان ..
مدري شلون خالقك ربك ،
سبحان ربي شلون صورتة صورتة العراق وبس علينة يلوكـ ..
وآحنة نلوكلة لمن يحل وكتة .
