گاروك الدَهر
انولدنا احرار ما نقبل مذلة
حقيقة مذكورة هاي اباقدم مسّلة
الي ايدنج الراس الغير ربه مذلول
ارفع رأسك اشوري انته ... هاي شبيك كله
.....
تاريخ انكتب بالدم مايتغير بنوب
والي غدرنا او خان عدنه ما محسوب
اشوريين ولد الگاع او مرجعين الحگ
او دم الشهيد من الچتال مطلوب
.....
زرعنا الگاع ورد او نخل عالي
بزر علينا الشوك وهـجر الغالي
صفت للغريب ياوسفة اراضينا
وظلمة الدرب صار وأعمى دلالي
.....
يا گاع الخير شبيچ يبستي
وين مايچ محد ضَل بس انتي
باگوچ يالمگرودة او دار الزمان
لانچ بس عل حرامي امنتي
....
ماترهم الخيل بلية خيالة
وشينفع الفارس عل المطي وامثالة
او شيفيد الكاروك بلية هزاز
والكاروك بالشايلة مو بالشيالة
....
فاهت يا وكت صرت بالمرة
ومحبوسة بيك الچلمة الحرة
الچذبة بيك صارت تراويح
والأعمى بيك حكم بالقدرة
فرات يوسپ
