شلون ننسة اهل العراقكاظم الوائلي
شلون تردون الگلب ينســــــاكم
ونتوا احلى امن الشَهَد بطباعكم
شلون انسه او يلي حبكم مدرســـة
وادرس الكم كل صباح وكل مسة
نسة الدنيا گليبي والكم مانــــــــسة
ومثل طير ايحوم فوگ ادياركـــــم
مثل طير ايحن لوّن طال الســـــــفر
ولابد بشوگة يوّچي اعلى الشــــجر
ياربيع وبيكم اتباهة الثـــــــــــــــمر
ويابخت كلمن يحوش اثمــــــــاركم
يابختنة او بيكم الحظ والنـــــــصيب
وياعرسنة الرگًص احزان الــغريب
بيّة علّه ونتوا وصفة امن الطــــبيب
وما اطيبن ألا اضوگ أدواكـــــــــــم
ما أطيبن وانتشي بأهاتـــــــــــــــــي
وبصوركم من تجي ابصفناتــــــــي
مايهم لو گصرِت ساعاتــــــــــــــي
للأبد حتى تطول اعماركـــــــــــــم
شلون تردون الگلب ينساكــــــــــــم
ونتوا احلى امن الشَهَد بطباعكــــــم
Kadhim1972@yahoo.com
