منتدى الهجرة واللجوء > الهجرة و واللاجئين

اخر اخبار الهجرة ( مقالات الهجرورات المستحيلات )

(1/5) > >>

Radical:
الو مرحبا . اول شي اريد اكولة انو هاي الاخبار قد تكون قديمة او البعض من عدكم سامعها بس على كل حال اني راح اتطرق الها لانه تخص الهجرة والمهجرين
 اول شي اريد اكولة الله يساعد اهل العراق على هاي المحنة

 قبل كم يوم اعلنت الحكومة الامريكية على انهوا راح تستقبل 25000 لاجىء عراقي اظافة للسبعة الاف واحد يعني راح يصيرون 32000 الف لاجىء بس احب اذكركم انو لاحد يتصور بس يوصل لامريكا هاي هية خلاص انتهى كل شي ترة همة مو قصدهم اعادة توطين العراقيين لا هذولة راح يبقون اهناك اللى ان يتحسن الوضع حسب رائي الحكومة الامريكية وخال خالي من رائي الحكومة الامريكية ابكيفهم يخلون النهار يصير ليل والليل يصير نهار . على كلن هاي همينة بيها شروط . 1- ان يكون المتقدم يعمل مع القوات الامريكية لمدة لا تقل عن 3 سنوات وان يكون مستمر بالعمل( يعني مترجم راتبه فوك العشر ورقات ) وان يكون له توصية من قائد كبير ( يعني جنرال ابو نجمة وحدة ) على الاقل . خالي خالي هو احنا العريف العراقي اللي من تحجي وياه يرفع خشمه عبالك نص الجيش جوا ايده تعال النوب احجي ويا جنرال ابو نجمة على الاقل .........
 2- ان يكون المتقدم بحالة امنية خطرة . يعني شوف الارهابيين قتلو اخوانة لو ابوه لو امه لو حركو بيته لو دزولة رسائل مفخخة لو ذبو على بيته رمانات و هاونات . اي ادري هو نص حال الشعب العراقي هيجي يعني امريكا لازم تستقبل نص سكان العراق .............
3- بعد كل هاي التزكيات من قبل القوات الامريكية و الرسائل و المدري شنو راح يعملون سكرين للاجىء العراقي حتى اخاف انو هاذا الافندي امسوي فد مكسورة ويريد يشطح منا .... جا شلون خالي هاذي بويه امريكا محد يكدرلها .............
4- يجب ان يكون للمتقدم اقارب في امريكا حتى يتكفلوه او احد الاصدقاء وان يكون له راتب جيد و كفالة صحية ( هيلث انشورنس ) اخاف المهاجر يصير بيه زكام تره امريكا ما عدها فلوس تصرف على المهاجرين . خطية فقيرة صارت على الرينكات من ورا العراق .....................
5- و ورا كل هاي اذا ماعندك واسطة سواء يم الامريكان او يم لجنة الامم المتحدة لشؤون اللاجئين واذا ما تورق جم فلس معاملتك ما تمشي لو يجي طائر اللقلق ويعشش فوك راسك . يعني اذا تعبان ماديا اغسل ايدك من عدها



 الدول الاوربية ...... والله شكول اذا مو قجخ ميفيد وهاي انته وحظك  شوف من تركيا تروح لليونان ومناك يتلاكوك الكوماندوس اليوناني وياخذوك للكمب وياخذون مسح الاصابع لو يرجعوك لتركيا ومناك تتلاكاك مافيا التهريب الى دول شرق اوربا وهاي همين مو رخيصة اقل شي 50 ورقة و بيها مخاطر القتل اكبر من انو تغرك بالبحر مال اسطنبول لانه المافيا مايريدوك . لا لاتنغر ياخذون فلوسك ويضربوك جلاق ويرجعوك لااهلك
 يعني اذا انت محظوظ توصل بس ورا ما تصرف فد دفتر ونص  . واكو بالطيارة للسويد اب 120 ورقة من مطار اربيل وها همين انت وحظك واكو من سوريا بالطيارة مدري بيش وهاي همين انت وحظك .. واكو واكو يكولوك من ليبا او الجزائر يالطيارة لو ياخذولك فيزا  من السفارة الكندية الموجودة بليبيا  وحجي ودعايات متخلص  ومال الها نهية وذاك كال هيجي وذاك سوة هيجي ....



 يعني مختصر مفيد اخوي او اختي الاعزاء اكعدو بالبيت  واتعشو خباز  . احلام الشباب هاي متوكل خبز . هي هاي مكتوبة على العراق انو يعيش هيجي  . مو هاي اليوم ولا البارحة قبل الاف السنين هو حال العراق هيجي . العراق مبيه خير على اهل بس بيه خير على دول الجوار وماكو داعي اذكركم بالماضي واللي ديصير هسا لانه اغلبكم يعرف اللي صاير قبل واللي ديصير هسا من قبل دول الجوار او دول اوروبا او امريكا .



ردت اكتب بعد بس الكهرباء انطفت . هههه الكهرباء صارت علينا نقمة مو نعمة  يلا البقية على العدد القادم من مقالات ( الهجرورات المستحيلات)

 اسألو مجرب ولا تسألو حكيم اوني شخصيا مرت بيه بعض الضروف اللي ذكرتها .
 في امان الله

Radical:
سلاو  وريز بو واي واي عراق ز اول شي احب اكول انو لو اني كنت عيونك ما كنت تقدر ان تشوف لانه النور منطفي لاشخاص امثالك . ومااريد اتجاوز حدي واكول كلام غير لائق بالمنتدى . وبعدين هاذا النتدى يتخصص باخبار اللاجئين و الهجرة . ما ادري من وصفت العراقيين باللوتيه شنو كان قصدك . احب اسالك هل تعرف معنى كلمة ( لوتي ) اظهار الاحترام بالمنتدى واجب والكلمات اللي ما الها داعي ما واجب انو الواحد يستخدمها . يمكن انت عندك لاك باللغة العربية ومعنيها فانصحك انو تراجع نفسك ويمكن اذا ترجع للمدرسة وتتعلم معاني الكلمات لانه اغلب كلماتك بدون معنى . وثاني شي سواء كنت مرتاح او غير مرتاح انت شنو علاقتك بيه اذا اني مرتاح فهاذا لانه اني عملت بجد لاكون مرتاح . ماكو شي يجي بسهولة مو جنت كاعد والله سبحانه وتعالى خلاني اصير متريش  و مرتاح . اذا متعرف احد لا تحكم عليه . و منو كلك انو العراقيين مو سهليين لا بالعكس هم اسهل الناس و خير مثل على ذللك هو انت النه ما عندك شغل وعمل بس تعللق على الناس وتفتح مواضيع ما الها اي صلة بالمتدى ولا اصلا بالموقع يعني بكلمات محدودة انت كاعد تعلق على الرايح والجاي وبعدين اني ما سالتك انو تعلق على الموضوع بهاي الكلمات السوقية اللي لا تربط ولا تحل واذا انت مثقف ( على اساس انت مثقف ) ما كنت تستخدم كلمة ( لوتية ) بس لو تعرف شنو معناتها ما كنت تستخدمها لانه بما انك عراقي فانه هاي الصفة او الكلمة تنطبق عليك انت اولا بما انه انت عراقي . واكو عدة امثال عراقية تنطبق عليك وبعضها ( باب النجار مخلوع ) او ( اللي ميعرف يدبج يكول الكاع عوجة )

 بس اريد اكول . سموم التفرقة بين المسسحين ما الها اي مفعول بهاي النتدى
  ....


هاذا الرد موجه ل واي واي واي عراق فقط......................................................

المتواضع:
انا  المهندس  ادور     خواثي  واخواثي

=====================


جواب  لكلامكم  واحد  هو  ان  المسيحيين  اصبحوا  في خبر كان  وسترون  ماذا  سيفعلون  بهم


اما  انتRadical  Radical   Radical   نايم  ورجليك  بالشمس   ومرتاح   ومازال  انت  مرتاح  من الافضل  من 


تتكرم  بالسكوت  لانه  راح  اتصير  مضحكه  الموقع   اخي  المسيحيين  صاروا  بالضياع   اصحا  من  النومه


والبس  قناع  حقيقي  او مناظر



المتواضع@@@@

رنــــــا الالقوشيه:
Radical    Radical     Radical     احس  انت  انسان  تكره  العراقيين  وتحب  تحطيم  معنوياتهم 


اليس  كذلك....  لكن  يا Radical    الرب  موجود  والحمد  لله  الله  لايعوز  العراقيين  لاامثالك


لانك  انسان  عديم الضمير  مع  احترامي الك....


لكن  الظاهر  انت  ماخذ اللجوء  وماتحب  غيرك  يستفاد....



مع  تحياتي  لافكارك  وعقلك  الجبار


اختك  رنا الالقوشيه

Marcus 71:
شكرا اخRadical على الموضوع ..
ولكن ارجوا ان تتغاضى عن ا لتعليق على ا لتهجم في الردود اعلاه
لان كل العراقين في حاله يائس ..والحكمه تقول
 اليائس يلجئ دائما الى الشتائم ...
وللاسف طبعا وصل المنتدى الى هذا المستوى....

تصفح

[0] فهرس الرسائل

[#] الصفحة التالية

الذهاب الى النسخة الكاملة