المحرر موضوع: روحي الله وياج .....للشاعر خضير هادي  (زيارة 3193 مرات)

0 الأعضاء و 1 ضيف يشاهدون هذا الموضوع.

غير متصل Babos HS

  • عضو
  • *
  • مشاركة: 7
  • منتديات عنكاوا
    • مشاهدة الملف الشخصي
    • البريد الالكتروني
روحي  الله  وياج .....للشاعر خضير هادي

طلع حبك وهم وضنوني وحجايات
ومات بداخلي الشوق والحب مات
ياجنازماتت شيلها بسرعه
السوده انتهت ماظل للعشك رجعه
قبل تسوى الدمع وابكيلها نهران
هسه اليوم ماتسوى ولادمعه
كنا بجسد واحد هسه صرنا اثنين
وطاب الي انكسر من الهوى ضلعه
انتهت روحي انتهت مابيها كلمة حب
اليموت بداخلي صدقني ما اودعه
بعد ما الك يبيضه بشفتي الف ضحكه
طفيتي ومااظن تضويني ياشمعه
ياعيون تبطلن الدمع ياعيوني
انسي المايريدونك ويريدوني
دخلوني خل ابتعد
لاهم  يبعدوني عليهم
السوده انتهت ماتخطر بعد عل  البال
ومايمر طيفها ويسكن على جفوني
الف ياحيف عمري وياها عدى وفات
ومات بداخلي الشوق والحب مات
روحي وخلي في بالك انا مرتاح
بعد متذوب روحِ بعينك الوسعه
مااحتاج جنحك جنح عندي صغير
بيه اكدر اطيرن للسماء السبعة
يالسوده بعد مانرهم اني وياك
كل واحد سلوكه وكلمن وطبعه
حبك صار ماضي ماضي بس الام
ورد يمك كنت وكفوفك  تقطعه
ياما بباب دارك صبن دموعي
وياما كنت اترجاك عل طلعه
عفت كلشي علمودك حتى هاي الروح
وسقيتيني الحزن جرعه باثر جرعه
روحي الله وياج يابنت الحلال
بعد ماشوفك ولاتشوفيني
لو تدوريني جنوب ويا الشمال
صدقي يالبيضه ولاتلقيني
شال يالبيضه العشق من قلبي شال
وعيني جفت دمعي ميكويني
كبل كنت الليل ماانامه محال
وكبل جان الماي ميطفيني
محترك كلي وحاير بالسؤال
المن اسال وياهو الي يدليني
ماتغير حالي من حال لحال
وكنت اجيلك كبل ماتناديني
حبي الك موكان يتعدى الخيال
وكنت اكول من اقع تشيليني
بعد مامال الحمل بيا مامال
ولاغرقت وبيدك تطلعيني
ماتبدل بيا شيء نفس الخصال
ونفس ذاك الخضير تعرفيني
هم على صدري بكبرثقل الجبال
وكنت اجيك اضحك ولاتدريني
روحي الله وياج يابنت الحلال
بعد ماشوفك ولاتشوفني
بعد ماشوفك ولاتشوفني