هسة الياخذك....للشاعر رائد ابو فتيان
ياخذني الدرب وارجع واكَولن لا
واحس كَلبي يكَلي شلون تاليتك
واجرجدمي ويجرني وبين متفض هاي
الكَه الروح راحت وصلت البيتك
نهر ذله الدرب شيعبره يامهيوب
وغابت موت بعدك واني هديتك
اجيت اتندمت رديت اجاني الموت
وماادري اجيتك مدري تانيتك
مر طعم الندامه وضكَته انه بطعمين
لان ذبت بهواك ولان جافيتك
الحد سحكَـ الكرامه الخلكَـ طال وياك
وانا الكَدتك بدي فوكًاهه مشيتك
ماترهم ورد وجروحك البروح
يكرهني الورد لو هيج سميتك
ولااكَدر بعد عاكَول اكَول عليك
اذا عاكَول ليش هواي شميتك ؟
وتنعتني بقفص يالطاير بصحراء
اذا مامش غصن مسلوبه حريتك
موحجيك وعينك بينلي الشوكَـ
حتى اقنع عشكَـ مثلت شخصيتك
فك بردت اضلوعك كَلبك المحتار
بخجل بينلي راسه وكَلي حبيتك
قلم روحك بديه ورقه جسمك جان
وقصيدة تكت صورباحساس خطيتك
وهسه الياخذك يقراك بالله شلون
وانه الي كتبتك وانه القريتك
جنت بيدي ورحت لمن لواهه البين
بس هسه تبت بيد الله خليتك
