أغنية آذار
آذار ماهو شهر
ولاهو فصل ويمر
ولاهو حروف اربعه
نكتبها عل الأسطر
آذار هو الشمس
والقلم والدفتر
وآذار بيه الورد
يتفتح ويزهر
ولو ردنا آنه وياك
طول العمر نسهر
ونگعدله ركبه ونص
يصويحب نفكر
نبقه احنه باول سطر
ما نگدر نعبّر
نبقه احنه باول سطر
ما نگدر نعبّر
*******************
آذار علمنه نحب
من جنه احنه زغار
وآذار جاب الورد
ويه الشمس للدار
وآذار خط الدرب
حتى نعيش آحرار
شتريد اكلك بعد
شتريد هنه كثار
آذار درب اليحب
بي غيرة الأحرار
وشما كتبنه الكتب
او نتغنه بالأشعار
كل بطل عند سفر
او ملحمه من الأيثار
والمشه بدربه فهد
رايه اسمه للثوار
والمشه بدربه فهد
رايه اسمه للثوار
الدكتور ابراهيم الخزعلي
موسكو
