b]الى زوجتي الحبيبة في الذكرى السابعة لرحيلها المفجع.
والى شهداء الإبداع في زمن الإرهاب : جعفر السعدي ،أطوار بهـجـت ،محمد مبارك ، خـــالد ناجـي ،مدني صالح ،منذر الجبوري،عوني كرومي ،عزيز عبد الصاحب ،صاحب نعمة ،محمد صكَـــر ،خليل الرفاعي ،بسام الوردي، طالب الفراتي ،حــنين مانع ، عقيل علي ،هادي السيد حرز ، ذكــــرى الصراف، نخشين حمــــه ، مطشر السوداني ‘الممثل فلاح حسن ،رحيم المالكي ، عماد وتوت، خضير الساري‘عبد اللطيف الراشد و جبار جنكير ..
1
أغانينه....سوالفنه..
نسينا وماكتبناهه
ولمن أثّرت بينه
على باجر تركناهه
ومرت عاصفة أحزان
وسنة همّ..وسنة نسيان..و..الطوفان
وبعد عشرين شفناهه..
أغانينه وسوالفنه..
العلى باجر ..محتها اْيام مسعورة
بعد عشرين شفناهه
على الجفنين والخدين محفوره
وملامح وجهج الحنطي..إنطبعت بالكَلب صوره
..وبعد عشرين..
تدرين الدرب عثرات
جرحتني ملامح وجهج المنحوت بلوره
وبجتني..أغانينه وسوالفنه..
على باجربجيت وبيدي أيامي
على باجر بجيت وبيدي إمرايات مكسوره..
2
كلماتج..تذوب شموعهه بصدري..
كـــل كـــلـمه حـــركـَ بالـروح
وراحةإيدج..إتمنيت تغرف دمي المسفوح
وضحكـاتج..على الأيام..
صارت تبجي ضحكـاتج بجي المجروح
وخصلة شـعرج النعسانه..خوف إتفوح
ومنديلج بعد ما غفه بعينج لحظة التوديع
ردت أقراه وتهجّى البجي الممسوح
تمـنيته حـمامه بــس تجــي وتروح
وأدري بيتي المظــــلم.. نزل مترات عل شارع..
وأدرز بالحلم لوبالصحو..الفرشـــي العـتيكـَ إســطوح
أنه الياويل..من بعدج حمل مطروح
مثل سعف النخل بالريح..كَـلبي ينوح
وصدري باب للطعنات ترسم لي عليه إجروح
بنيت أعشاش للملكَــه
مـا ظـل منها بـس ريش وعُـمُر مــذبوح..[/b] [/size] [/font] [/b]
