المنتدى الثقافي > نتاجات بالسريانية

ܐܵܬ̣ܵܐ ܕܐܵܫܘܿܪ راية آشور

(1/1)

خاميس كيوركيس:

ܐܵܬ̣ܵܐ ܕܐܵܫܘܿܪ

ܡܲܪܡܹܚ ܠܵܗ̇ ܐܵܬ̣ܵܐ ܕܐܵܫܘܿܪ ܪܵܡܵܐ
ܩܵܐ ܕܪܲܦܪܲܦܵܐ ܒܫܘܼܒ̣ܚܵܐ ܘܪܘܼܡܪܵܡܵܐ
ܥܲܠ ܛܘܼܪܵܐ ܘܓܵܘ ܒܲܪܝܼܵܐ ܘܥܲܠ ܝܲܡܵܐ
ܐܸܢ ܓܵܘ ܦܠܵܫܵܐ ܘܐܸܢ ܓܵܘ ܫܠܵܡܵܐ
ܟܵܘܒ̣ܟ̣ܒ̣ܵܗ̇ ܒܸܕ ܙܵܪܹܩ ܒܠܸܠܝܵܐ ܘܐܝܼܡܵܡܵܐ
 ܙܲܗܪܝܼܖܹ̈ܗ ܒܸܕ ܛܵܪܕܼܝܼ ܠܚܸܫܟܵܐ ܐܘܼܟܵܡܵܐ
ܐܸܕܝܘܿܡ ܥ̄ܕܵܢܵܐ ܝܠܵܗ̇ ܕܲܪܥܲܫܬܵܐ ܘܩܘܼܝܵܡܵܐ
ܠܵܐ ܗܵܘܹܝܚ ܕܡܝܼܟ̣ܹ̈ܐ ܓܵܘ ܫܸܢܬܵܐ ܚܠܵܡܵܐ
ܟܲܕܼ ܒܥܸܠܕܒ̣ܵܒ̣ܲܢ ܥܲܠܲܢ ܒܢܘܼܪܵܐ ܒܸܚܟܵܡܵܐ
ܘܒܹܐܟ̣ܵܠܵܐ ܠܥܘܼܬ̣ܪܲܢ ܘܐܲܚ̈ܢܲܢ ܒܸܨܝܵܡܵܐ
ܐܲܚ̈ܢܲܢ ܬܚܘܿܬ ܢܝܼܪܵܐ ܘܗܵܘ̇ ܒܸܛܠܵܡܵܐ
ܒܚܲܝܹܐ ܕܥܲܒ̣ܕܘܼܬ̣ܵܐ ܠܲܝܬ ܠܲܢ ܒܘܼܣܵܡܵܐ
ܕܸܡܲܢ ܒܦܲܓ̣ܪܲܢ ܡܫܘܿܪܹܐ ܠܹܗ ܚܡܵܡܵܐ
ܟܵܠܹܝܚ ܒܒܹܝܬ̣ ܕܲܪܵܐ ܘܨܲܕܪܲܢ ܠܩܲܕܼ̄ܡܵܐ
ܬܚ̈ܘܼܡܲܢ ܒܕܸܡܲܢ ܒܸܕ ܗܵܘܹܝܚ ܒܸܪܫܵܡܵܐ
ܝܵܢ ܙܵܟ̣ܘܼܬ̣ܵܐ ܝܵܢ ܣܵܗܕܘܼܬ̣ܵܐ ܘܢܘܼܚܵܡܵܐ
  ܒܲܚܕܼܵܐ ܐܝܼܕܼܲܢ ܫܲܩܠܹܚ ܠܘܼܚܵܐ ܘܩܲܠܵܡܵܐ
ܒܗܵـܝ̇ ܐ̄ܚܪܹܢ̄ܬܵܐ ܫܲܩܠܹܚ ܣܲܝܦܵܐ ܕܦܪܵܡܵܐ
 ܐܵܫܘܿܪ ܐܵܫܘܿܪ ܗܵܘܹܝܚ ܒܸܨܪܵܚܵܐ ܘܒܸܪܬ̣ܵܡܵܐ
ܐܲܝܟ̣ ܢܸܫܖܹ̈ܐ ܗܵܘܹܝܚ ܠܒܥܸܠܕܒ̣ܵܒ̣ܵܐ ܗܓܵܡܵܐ
ܐܲܝܟ̣ ܐܲܖ̈ܝܹܐ ܓܵܘ ܦܠܵܫܵܐ ܗܵܘܹܝܚ ܒܸܢܗܵܡܵܐ
ܕܸܡܵܐ ܕܣܵܗ̈ܕܲܝܢ ܒܸܒܥܵܝܵܐ ܝܠܹܗ ܢܘܼܩܵܡܵܐ
ܦܲܠܫܹܚ ܩܵܐ ܚܹܐܪܘܼܬ̣ܲܢ ܗܲܠ ܚܘܼܬܵܡܵܐ
ܘܡܚܲܪܸܪܹܚ ܠܐܲܬ̣ܪܲܢ ܡ̣ܢ ܒܝܼܫܵܐ ܚܲܪܵܡܵܐ
ܐܵܫܘܿܪ ܚܲܝܵܐ ܝܠܹܗ ܘܠܲܝܬ ܠܹܗ ܫܘܼܠܵܡܵܐ

ܟ̣ܵܡܝܼܣ ܓܝܼܘܲܪܓܝܼܣ
ܢܝܼܣܵܢ 2020

تصفح

[0] فهرس الرسائل

الذهاب الى النسخة الكاملة