ساد عيونك يال لازم الميزان
من راحت كلها فدوة لعيونك
هيچي العدالة تبني بيها اوطان
أو عادل باحكامك يسمونك
ماشفنا على راسك ملمعة التيجان
ولا لوگية العوجتك يعدلونك
معروف على ساسك يوگف البنيان
انت الأصل من صغرك يعرفونك
بالمحاكم للقضاة انت عنوان
وموش على كيف الناس يمشونك
موش بشتيمة عدوك تنهان
وبظهرك غدر خنجر ما يطعنونك
شايل قهر مظلوم من العدل حرمان
وعلى درب الجذب ما يجيبونك
كون تقتدي بيك حكام الطغيان
أو گدام عيونهم دوم يحطونك
الماشي على درب الحق من الذلة ينصان
وبالحق للموت دايم يبشرونك
متروك صرت اليوم بخانة النسيان
أو كونهم بنص العلم يخلونك
ܦܪܬܝܘܣܦ
2020
