المحرر موضوع: إنباگينه...  (زيارة 110 مرات)

0 الأعضاء و 1 ضيف يشاهدون هذا الموضوع.

غير متصل Naseer Boya

  • عضو فعال جدا
  • ***
  • مشاركة: 263
    • مشاهدة الملف الشخصي
    • البريد الالكتروني
إنباگينه...
« في: 15:07 23/05/2020 »
إنباگينه...
                       بقلم :
                   نصير بويا
انباگينه
وإنباگ إسمنه
تراثنه وچلماتنه و حچينه !!
وينچ يا يمه ؟؟
تانيتچ تجين وتشوفين
حال ربعچ
كاتلهم الوجع ودموعهم عصية
بعيونهم الحزينه..
يا يمه الصوچ منا وبينه
مدري احنه ضعفنه
مدري احنه ارتخينه
وبعدهه من الظلم فرينه
وعلى كل الدنيا مرينه
والملح على الجرح رشينه
وتاليها نسينه !!!
نسينه
احنه بأول حرف بدينه
نسينه احنه اللي نقط عل حروف خلينه
واحنه أول قانون بالدنيا سنينه
أوووووف صارلنه سنين محد يسمع النه
ويرحم علينه
صرنه لگمه بحلگ الحثالى
يعجنون بينه مثل العجينه
انباگينه يمه !!
إنچوه چبدنه وگلبنه صار جمرة نار
من بعد ما من سمهم انسگينه ..
علمنه و ثقافتنه و قرانا الحزينه
تاريخنا وحضارتنه الثمينه...
شبابنه وشيوخنه ونسائنه الحنينه
متشحين بالسواد وما ظل عدهم سكينه
انباگينه يمه !!!
صوريا و سميل تشهد النه يمه
وبمذابح سيفو والأرمن ارضنه
بدمنه روينه ..
وتشهد يا يمه دم شهداءنا
وجبالنه وقرانه وسهولنه وكل درابينه
الجحيشي و بكر صدقي والسلطان و ربعهم
اللي كتلونه وذبحونه
ابگلبهم المليان حقد وضغينه
وعمايلهم المشينه !!!
دمنا كام يسيل مثل النهر
وما واحد بالدنيا وگف النه
وشد على ايدينه
من عنكاوا لكرخسلوخ ..
من ننوى و نوهدرا
من شقلاوا و هاوديان ..
ومن تلكيپى لفيشخابور
من بابل وألقوش و بغديدى
وبكل أرض أجدادنا
آلاف القرابين انطينه
وتاريخنه يشهد علينه
أوف يا يمه  !!!
شصير آنا يا يمه
وجرح روحي عميق
أخاف يكتلنه الحيا وينغزنه ضميرنه
ما عرفنه ولا درينه ؟؟
بس مشينه و حچينه
ولأهلنه أي شي ما سوينه !!
نخفي جراحنا و وجعنه
وعذابنه كام يسمع رنينه
گضه العمر وشاب رأسنه
اشگد ما قهرنه وبجينه
وينج يا يمه !!!
ولدچ بالغربة تايهين ويبقى اسمج
غالي بحلوگنه وگلوبنه الحزينه
وابد غيرچ ما حبينه..
اعراقنا الغالي يمه
طايح بيد الحرامية والنشاله
وابخرافاتهم ودجلهم ابتلينه
وما بقى بيه ايد أمينه
والحثاله فرهدو حتى الخزينه
ولدچ يا يمه !!!
عافوا حضنچ الدافي
واتشتتوا بالدنيا
وخلوچ لحالچ بالسفينه
يمته يجي يوم يا يمه ؟؟
نرجع ونشوفچ أمة عظيمة
ويرجع اسمنه وماضينه
وتكونين يا يمه بأيادي أمينه
ونحررچ بعد ما چنتي سجينه
وتبا وألف تبا لكل الي باگونه وخلونه
أمه  بلا اسوار حصينه
انباكينه يالحبيبه يمه !!!
نصير بهنام بويا
23.05.2020