المحرر موضوع: يابه انكسرت المرجوحة  (زيارة 249 مرات)

0 الأعضاء و 1 ضيف يشاهدون هذا الموضوع.

غير متصل Furat yosip

  • عضو فعال جدا
  • ***
  • مشاركة: 86
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
يابه انكسرت المرجوحة
« في: 15:13 27/05/2020 »
يابه انكسرت المرجوحه

اكو بيت بفرعنا مشلعة بيبانة
ناسه فقرة بطرگ حيطانه
سياجه من الضيم مصبوغ
والاكل مفقود والبطون جوعانة
ـــ
واكو بصفة جار عايش ابحبوحة
طاگ ومكرش والدگم مفتوحة
 أو كل مرة تگب العيطة بالبيت
 يبچي ابنة يگله يابة انكسرت المرجوحة
 الوادم تهد بسرعة كلمن يهم بروحه
 اليخابر الإسعاف
 واليگول مو انصاف
 واليتباحث عن سبب الأطروحه
 والكل تحك برأسها
 واليدور عن العلة أو ساسها
 واليحاول يضمد من جروحه
 چا هينه هيه
 بوية اشكبرها البليه
 تنكسر كل يوم المرجوحه؟
 مالگولها حل
 ولا عند المحتل
 الچان يعاين بسكته من سطوحه
 گالو بس بالصلاة والصوم
 تنحل وتروح الهموم
 أو نقدم أضاحي مذبوحه
 طلعوها بالتلفزيون
 أو گالو مؤامرة مئة بالمليون
 أو طلعو مسيرة مسموحه
 كل هاي والطفل يبچي وايگول
 من هو المسؤول
 صارت شغلة مفضوحه
 محد گدر يصلح المرجوحه
 والبيت الفقير البي چم نفر
 الكل من عنده نفر
 ولا گرصة خبز
 ولا نفس التحز
 ولا فلسفة مطروحه
 هاي هية قصة وطن
 قسم كرشو أو قسم خاوية البطن
 والفقير ايظل فقير
 وبجوعه ايظل اسير
  أو من نعلة على ابو الجار أو روحه
  أو من دانعل حتى ابو المرجوحه

ܦܪܬܝܘܣܦ
                                                           2020