المحرر موضوع: يا دار جاي اسألچ  (زيارة 735 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
يا دار جاي اسألچ
« في: 14:37 25/07/2020 »
يا دار جاي اسألچ
ميسون نعيم الرومي
 
مريت يم دار الولف
والدمع طاح امن العين
لن ولفي شال اوهجر
ضيع العشره امن اسنين
ما ودع اوراح ابعجل
لا گال سافر ليوين
يا دار ضاع الوفه
مزنه اوخذتهه الرجلين
***
مر النسيم او سأل
يا دار اهلچ چا وين
اظلم صفت بيه الغرب
يا دار چنتي التزهين
يشكي الصدى ونته اسمعت
اطلاله تنحب تدرين
يا دار اهلچ گضوا
بسچ بعد واتنطرين
***
هل الدمع يچوي الجفن
دمعچ جره واتنوحين
الروح عذبهه الوكت
مجروح الگلب بي جرحين
حتى الصبر مل الصبر
يوسف جزع من اسنين
ملينه مللنه الوكت
والزمن يركض للبين
***
يا دار جاي اسألچ
هم ضل اثر للطيبين؟
هم الوفه عندچ بقه
لو بس حزن واتونين
احچايات عدنه ابكل كتر
لوضاع كلشي اوتنسين
يا دار ما ضل عتب
لا دمع بيهه العينين
مريت يم دار الولف
والدمع طاح امن العين
-----------------------------------
24 / تموز/2020
ســـــــــــــــتوكهولم