ܡܲܠܦܵܢܵܐ ܛܲܪܩܵܐ ܝܵܘܣܸܦ ܒܸܓܬܲܫ.
ܫܠܵܡܹ̈ܐ ܘܟܸܢ.
ܬܲܗ̈ܢܝܵܬܼܵܐ ܠܸܒܵܢܵܝܵܬܼܵܐ ܥܲܠ ܫܘܼܟܵܢܵܐ ܕܩܲܕܝܼܬ ܠܵܟܼ ܡܩܲܪܒܼܝܼܢܲܢ ܠܵܟܼ. ܕܡܼܢ ܟܠܦܪܘܿܣ ܠܗܵܢܵܐ ܐܝܼܩܵܪܵܐ ܐܲܢ݇ܬ ܫܵܘܹܐ ܐܲܢ݇ܬ. ܡܫܲܚܪܝܼܢܲܢ ܠܗܵܢܵܐ ܦܸܠܥܵܐ ܘܡܵܘܕܹܝܢܲܢ ܠܵܟܼ ܐܘܿ ܡܵܪܝ ܥܲܠ ܟܠܗܘܿܢ ܐܘܼܟܼܦܵܢܲܝ̈ܟ ܘܟܲܫܝܼܪ̈ܘܵܬܼܵܟܼ ܒܲܚܩܲܠ ܠܸܫܵܢܲܢ. ܕܠܲܢ ܥܛܸܠ ܗ݇ܘܼ ܠܲܢ ܕܢܹܐܡܲܪ ܫܲܦܝܼܪܵܐܝܼܬܼ ܥܲܠ ܚܲܫܝܼ̈ܫܘܵܬܼܵܐ ܘܪܸ̈ܥܝܵܢܹܐ ܘܗܲܓܵܓܹ̈ܐ ܕܚܵܡ̈ܠܵܢ ܟܬܼܝܼ̈ܒܼܵܬܼܵܟܼ. ܘܪܵܥܘܿܡܵܐܝܼܬܼ ܥܲܠ ܪ̈ܘܼܟܵܒܹܐ ܚܲܕܼܬܹ̈ܐ ܕܡܲܒܸܥ ܐܲܢ݇ܬ ܘܬܼܵܘ̈ܠܕܼܵܬܼܵܐ ܕܵܪ̈ܵܢܵܝܵܬܼܵܐ ܕܚܵܫܹܠ ܐܲܢ݇ܬ ܕܲܢܬܲܢܸܐ ܠܵܐ ܡܲܨܝܵܐ ܠܲܢ. ܕܒܲܬܼܚܘܼܡܲܝ̈ܗܹܝܢ ܡܸܬܼܠܚܹܝܢ ܬܚܘܼܡܹ̈ܐ ܘܡܸܬܼܡܲܬܼܚܝܼܢ ܡܸܬܼܚܵܢܹ̈ܐ، ܘܥܘܼܪ̈ܦܵܢܹܐ ܕܲܥܦܝܼ̈ܦܝܼܢ ܘܫܸܩ̈ܠܹܐ ܕܪ̈ܵܡܝܼܢ ܠܠܸܫܵܢܲܢ ܥܵܪ̈ܒܵܢ.
ܒܵܥܹܝܢܲܢ ܠܵܟܼ ܟܘܼܫܵܪܹ̈ܐ ܘܢܸܨܚܵܢܹ̈ܐ ܬܟܼܝܼܒܹ̈ܐ ܘܠܲܡܚܵܪ ܙܲܗܪܝܼܪܵܝܵܐ. ܘܫܵܐܠܝܼܢܲܢ ܠܢܝܼܫܲܝ̈ܟ ܡܘܼܠܵܝܵܐ ܘܲܠܣܘܼܟܵܝܲܝ̈ܟ ܫܘܼܡܠܵܝܵܐ.
ܘܩܵܘܵܐ ܚܠܝܼܡ.
ܠܕܼܝܼܠܵܟܼ ܣܵܐܡܝܼ ܚܲܪܝܼܪܝܼ