عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - Attum Rose

صفحات: [1] 2 3 4 5
1
يا رب يسهلك و تسافر عن قريب.

مودتي و احترامي
روز

2
اخ عذاب، الله يكون بعونك و يسهلك امرك، اخي العزيز، من خلال متابعتي اخبار للاخوة و الاخوات اللي ديطلعون مؤخرا الى تركيا دا اشوف السرعة في انجاز معاملة اللجوء مو مثل قبل يعني هسة الاغلبية الواصلين جدد و منهم اقاربي قبل شكم اسبوع وصلوا انطوهم موعدة مقابلة اولى بشهر الثالث 2014 و هواية من اخوتنا مواعيدهم 2013 و 2014 و هاي بس المقابلة الاولى.
اني ما اريد احبط معنوياتك بس احسبني اختك و دا اريدك تعرف الحقائق قبل ما تبادر بهل خطوة.


اختك روز

3
تسلمين حبي سرو المبدعة.

4
يكولون كذبة اذا ظل شخص يرددها ورا فترة رحيشوفها حقيقة بنظر عينه،، و هاي من نوع غسل الدماغ و غسل الدماغ تصير اما عن طريق تأثير جماعة على شخص ان كان هالشخص فقد الامل و يأس من الحياة و اراد ان يتشبت بأي فكرة بيها اقبال من غير اطراف لكون يشوف افكاره و نظرياته ما جابت نتيجة، او لكون الشخص عنده شخصية جدا ركيكة و انعدام الثقة بالنفس و يسمع كل ما يقال و ما يستخدم عقله حتى يتمعن او يفكر او حتى يجادل اي نظرية فهذا حرام حتى يسموه بشر و انما حاله حال الطابوكة.

اني عندي شعار اعظم سلاح هو الحب، لو فعلا بمجتمعنا شخص يحب الناس و يحب يعامل الناس مثل ما يحب الناس تعامله كان شهدنا الحب و التطور و الايمان الصحيح بان بالحب و التكاتف نكدر نقهر المستحيل.


سيد هشام سيدي العزيز مواضيعك روعك و تعكس عن شخص رائع عميق الفهم و التفكير، الف تحية لحضرتك سيدي العزيز،

6
عاشت ايدج سرو الوردة، دومج متألقة في سماءنا.

7
صدك المنظر اللي وراك يجنن  ;D
بصراحة طريقة فكرك النير و الثقافة اللي عندك اتصورتك اكبر  ;D
بس ما شاء الله عليك و اهنيك و احييك على ثقافتك و خلقك و علمك الف تحية.

 صدك اشو مغرور  8) :P

ارفع قبعتي احتراما و تقديرا لحضرتك.

8
اخ عبادي،

حسب اللي اعرفه

حامل الجواز العراقي مطلوب منه يقدم على فيزا الى المكسيك و يستثنى من هالشي فقط اذا كان مقيم  بشكل رسمي بدول الشنكن او بريطانيا او اليابان او الولايات المتحدة او كندا.
و حتى يستثنى منها اذا داخل لامريكا بفيزا زيارة  محدودة الفترةو من خلال زيارته لامريكا ممكن يزور المكسيك.

9
كل الهلا بيك اخونا العزيز.

10
اختي العزيزة هو رقمين اللي اعرفهم لل icmc
بس الرقم اللي انطيتج ياها الاول هو الاكثر اللي يخابرون عليه.
جربي هذا بس لا تنسي كود تركيا تضيفيه اللي هو 0090
02122192055
يعني يصير الرقم  00902122192055


اختج روز

11

اختي جربي ذني:

info@icmcturkey.org

esra.su@icmcturkey.org
02129777001


بالنسبة للموقع اكو موقع مخصص للمقدمين من تركيا بس ما اعرف اذا يشمل المقدمين من الخليج، خابريهم او دزيلهم ايميل و استفسري.

12
اذا اخذت مثلا 8000$  وسألوني بالمطار شكد شايل فلوس , وجاوبت بصدق , اكو احتمال الاي او ام تقطع البنفت ؟ لو ميأثر ؟ شكرا


لا ان شاء الله ما يأثر.

13
عاشت ايدج يا مبدعة.

14
اخ حميد و اذا رايد فيزا لامريكا بقصد العلاج شوف المتطلبات بهذا الموقع مال السفارة باللغة العربي http://arabic.iraq.usembassy.gov/othertypevisa.html

15
اخي العزيز اكو  مكاتب مختصة بالفيز العلاجية موجودة بشارع السعدون و اكو وحدة يم فندق فلسطين بداية شارع السعدون ، ممكن حضرتك تروح و تسألهم و همة يرشدوك و يساعدوك ان شاء الله.

بس ما اعرف اذا اكو فيز علاجية لامريكا بس اعرف الهند و التشيك و بعد شكم دولة.

16
عمي هسة ما نريد فارس الاحلام نريد  قمة بالاخلاق و الثقافة و الادب و مدا نلكاه  :P
 ;D

مع كل احترامي و تقديري لحضرتك

شلون تواضع هههههه قمة الأخلاق و الثقافة و الأدب بس  ;D ;D ;D ;D


شفت بلا شغلتي مستعصية  :P :'(

17
عمي هسة ما نريد فارس الاحلام نريد  قمة بالاخلاق و الثقافة و الادب و مدا نلكاه  :P
 ;D

مع كل احترامي و تقديري لحضرتك

18
مواضيعك رائعة و قيمة.

تقبل مني كل الاحترام و التقدير لحضرتك.

20
اييي يا الله يا رب نفرح بيك قريبا.


21
روووعة، شكرا جزيلا يا مبدع.

22
موضوع رائع.
بالحقيقة حتى فكرة عمل افلام بخصوص الفضاء و الكائنات الفضائية ما جاءت اعتباطا. و ايضا اكو ملفات سرية ال CIA بخصوص الاستكشافات اللي وصلوها و من كلسع دازيلهم مكوك فضائي للاستكشاف لان يدرون اكو شي و يردون يتعلمون و يدرسوه لان ما معقولة وكالة ناسا تنفق مبلغ طائل للاستكشافات و الرحلات بخالي بلاش.

اذكر حتى في احدى الكورسات اللي اخذتها قبل سنين و كانت عن ال quantum physics تطرق لمواضيع مثيرة و حتى  ذكروا ايضا عن ال parallel Universe و  اللي حضرتك ذكرت بخصوص كواكب تشبه الارض.

و ايضا الدراسات اللي تخص الثقب الاسود ايضا ما زلات مبهمة لكن الكثير يعتقدوا اكو شي عظيم من وجوده و اكيد ما ننسى اولى البحوث و حتى انتجوا مسلسلات و افلام بخصوص الانتقال عبر الزمن او الانتقال بين المجرات مقرونة بالسنة الضوئية من خلال الثقب الاسود.

موضوع جدا شيق.

اخ هشام دومك مبدع ارفع قبعتي احتراما و تقديرا لحضرتك.

25
الاخ ياسر المحترم

حضرتك  من بدايه دخولي للمنتدى ووضعك عبارة عن محاولتك بكل طريقه اخراجي منها

 من بدايه اتهامك لي بشخصيه اخرى ومتنكرة وحاولت مرار وتكرار التعرض لكل ماكتبه وانا بكل احترام مني وتقدير اتجاوز مداخلاتك الي (مالك خلك تجاوب عليها) افتائتي الاخ يعرف عن اي استمارة نتحدث وهو قام بمليها قبل ان افتي مساعدتي له كانت بارشادة الى مايجب تزويدة ولاعتقد اني افتي ...لن مارسله هو ماطلب منه ويستطيع هو وغيرة من مددت يد مساعدة بغير منه مني ولافضل .وليس لاني ليس  شغل وعمل ايها الاخ المحترم ومن المفترض منك التكلم بما يليق بشخصك ..دون التعرض بلغه اشارة لاخت لك على افتراض ذلك ...

 يالتي ليس لها شغل وعمل هي ام وزوجه وعامله من الصبح لمسائها  ومراعيه لشخص مريض قائمه عليه منذ 3 سنوات وركض في المستفيات يشب  له شعر راسك  ومن يعرفني يعرف من انا ولم اقصر مع احد من اهلي ومن غيري

اضع طفلتي في حجري لاجيب على الاخ وانت بكل بساطه تتفه مجهود غيرك ...احد اخوات والتي تعرف من اقصد استمر ركضي لمعاملتها اسبوع كامل من غير فضل او منه  على الارض وليس على الورق وغيرة اكثر مما يتصور حضرتك ..لست ارجو الاخير غيري ...ولافتي لان نصف عائلتي خرجين قانون ولاقوم الابرجوع اليهم قبل ان اكتب اي مداخله ...
لست انا من يدخل في خيالات نظريه الموامرة ولست انا من يعين الناس بمنه وطلب الشكر غايتك ..حللتك كثيرا ووقفت امام شخصك وكلي حسن ضن بحسن خاتمتك لكبر عمرك واحترامي لكل من يقع في احترامك ...لكن وصل حدك معي نهايته ...وولاتعتقد اني جديدة في ها المنتدا او اتلبس اكثر من شخصيه...اعرف هذا منتداعين كاوة منذ قبل ان تصله انت او غيرك ..

تصبح على وطن









دكتورة و لا تنقهرين انتي عليج نصحتي بعد شتسوين قابل اكثر. بعد الاخ صاحب الموضوع هم الله يساعده لان وضعه حرج و بنفس الوقت هو بعد يختار الطريقة او النصيحة اللي يشوفها مناسبة.

تحياتي

26
اخي صاحب الموضوع،

كلام الدكتورة مارلا كلام صحيح و عين العقل. لا تجازف حصل الموافقة الاول و السماح بالدخول يلا سافر.

33
اخي العزيز لا تاخذ غير بكلام المنظمة من عمان ترة يا ما و ياما ناس و اصدقاء بلغوهم من اميركا عن طريق كفلاءهم بسفر و ما سافروا.

اخي العزيز ان شاء الله يتصلون بيهم و بيك بأقرب وقت بس القصد ما عليكم غير بالمنظمة مال عمان.

و يا رب يكون فرحتكم قريب ان شاء الله.

35
اخي العزيز كلام الاخوة و الاخوات صحيح و للعلم حتى من مطار بغداد ضابط الجواز يكلك شلون تروح بدون فيزا او اقامة بس هاي سهلى تكدر تكول انت رايح لتركيا و ترويه تكت تركيا و ما تجيب طاري امريكا، بس من تركيا لامريكا رحيسألوك و ما يطيروك الا عندك فيزا او اقامة و اني بنفسي شايفة كم مرة من مطار اتاتورك مخلوا اثنين هنود يسافرون الى اوربا لان ما عندهم لا فيزا و لا اقامة.

37
رووووعة حبيبتي سرو

38
خيتو قبل سنين مرضت بمرض مال الارجاع المريئي يسموه يعني كل الاكل اللي اكله اطلعه و ما تستقر بالمعدة و خلوني على اقوى الانتي بيوتك بوكته ل3 اشهر و كلشي ما فاد الا ان وحدة الله يذكرها بالخير سورية جارتي كلتلي اشتري الهيل و طلعي حباي حباية و كرطيهن و استمر يومية كرزي بالهيل و الله رأسا ورا اسبوع حسيت بالفرق و رجعت معدتي تمام.


و المعروف للهيل فوائد هواية بس هاي اني اللي مجربتها من كنت في حالة يرثى لها و الاطباء ما كدروا يعالجوني غير الهيل.

39



  سأل الممكن المستحيل : اي تقيـمُ ؟
  فأجبايهُ : في أحـلام العاجـــز !



روووعة شكرا جزيلا بابا عابد.

40
سلمت يداك بابا عابد

اني ادوخ من اشرب كهوة على معدة فارغة لازم على الاقل اكل قبلها فد بسكوته حتى اهيأ المعدة قبل الكهوة.

شكرا جزيلا


42
هواية من الدول يطلبون فيزا لان جوازك عراقي.

بس ليش ما تضيف Seychelles  و ال Maldives حتى بدون كرين كارد روح بس حجز مسبق للفندق تذكرة ذهاب و اياب و تكون شايل فلوس و ياك و بجوازك ادخل.

43
بارك الله بيك، ربي يجعلها في ميزان حسناتك.

44
اخ محمد، بصراحة موضوعك مدري شلونه لا تزعل مني.

اخي انت اذا حضرتك رح تعتمد على المنظمة تلكالك شغل فالمنظمة تتعاون ويا منظمات خيرية و كنائس و الاشغال عندهم محددة و مثلا رحيخلوك بشغل مثل اللي موجود بالفديو اما اذا حضرتك تعتمد على نفسك و بلشت تدور لنفسك شغل و طورت امكانياتك اكيد رحتلكى احسن من هالشغل.

فالجواب يعتمد عليك، و فقط عليك.


مع احترامي

45
يا رب ان شاء الله الفرج قريب لكل الاخوة و الاخوات.

46
من يعرف ما هو ال  URL  , وما المقصود به ؟؟ رجاءا

اخوية الفرج قبل فترة سألت نفس السؤال و جاوبتك.

صدك وين صار موضوعك السابق؟ ههههههه

47
اخ شواني،

احد الاصدقاء رحيسافر قريبا الى الولايات المتحدة و عنده و فاتح حساب بال HSBC فرع العراق اللي هو مصرف دار السلام، طيب همة منطيه بطاقة ATM و نطوه بقائمة من الدول اللي يكدر يسحب فلوسه منها و من ضمن الدول الولايات المتحدة ، هو اذا راح يسحب كل مرة اكو استقطاعات تقريبا 5 دولارات عن كل سحبة و اكثر مبلغ مسموح يسحب 1100 دولار باليوم الواحد.
سؤاله هل من الممكن بفرع HSBC بالولايات المتحدة يفتح حساب و يحول كل فلوسه من فرع العراق الى اميركا؟ يعني بمجرد يفتح حساب بال HSBC و يطلب تحويل من حساب الى حساب اخر بنفس البنك؟


48
اخي النعيمي في بغداد ديشتعلون مثل كل سنة و اليوم اكو عائلة عندهم بصمات فما اعرف حضرتك على اي مكتب تحجي بس في بغداد عادي يشتغلون و بس جمعة و سبت عطلتهم اما غير ايام عندهم شغل.

49
cool  ;D ;D  اشوكت اكعد بالمطار وانتظر موظف iom   


يا رب قريبا ان شاء الله .

50
حلوة الدبكة يسلملي زوئك بالمناسبة هذا مطار رفيق الحريري كتير حلو  ;D


و ذوقج حبيبتي  :-*

51
حلووو عاشت ايدج  روز الوردة



يوم الي   النا  كلنا نرووح بنفس الطيارة و  نركص بنص المطار



والله شكد   حلوو لو   كل  اعضاء عنكاوا يروحون بنفس اليوم و بنفس الطيارة

مشكوررة اختي العزيزة


 و ايدك اخوية الغالي، اكيد ماكو احلى من لمتنا و فرحتنا سوة بس اخاف بالمطار يفكرونا ارهابيين و تالي يذبونا جوة تحقيق و تروح علينا الفرحة ههههههههههههه



ههههههه هاي شنو هذولة شمسوين؟؟؟؟والله يجننون
بس لو احنا نسوي دبكة بالطيارة اكيد الطيارة تدوخ  وتيه ومنشوف روحنا الا بمثلث برمودا  :D :D :D :D


حلوة روز المتألقة


و الله ضحكتيني حبيبتي سرو  :-*

52
;D ;D ;D ;D ;D ;D ;D حلوه عجبتني


ههههههههههه مو بلا

53
اخي الفرج اني سامعة بهل حزورة من زمان و كان الجواب "عطر" اني بصراحة اول مرة اسمع "عذر " لان بالحقيقة هم الرياجيل هم مقاصرين بالاعذار  :P



لواء



مض

54

اخي الكريم حامل البطاقة الخضراء ( الكرين كارد )
بامكانه الذهاب الى اي دولة في العالم
وبالتوفيق .
تحياتي .

حبي اني مجربة سابقا و كان عندي كرين كارد بوكتها ردت اروح لالمانيا ما قبلوا بالسفارة كالوا قدمي على فيزا الاول و بعض الدول الخليج منها الكويت هم ما قبلوا اطلع على الكرين كارد.

تحياتي

56
اني بوكتها تغيرت بعد مرور 6 اسابيع.

57
حبيبتي احنه صار عدنة الرجل الصرصر مو الرجل العنكبوت هههههه
( اياد راضي 0 اكبر جذاب ) اذا شفتو الحلقة  ;D ;D ;D ;D


ههههههههه حبيبتي كاندي هذا ويت الكاه الصرصور؟ بيا حلقة، حضرت المبيد يمي  :P

اتفرجي http://www.youtube.com/watch?v=BQUoAB2IoPw&list=UUfaFrDza5ZBLQZhBEwCCusw&index=1&feature=plcp

هههههه  ;D




هههههههههههه حللللوووة، علواه لو تكرصنا هيج صرصر جان هسة كضيناها تكمز مناه لامريكا بدون ل اي او ام و لا المفوضية  ;D  ;D ;D

58
 :'( :'( :'( :'( جميل جدا شكرا حبيبتي كاندي على الموضوع الجميل  :-*

59
اخي صاحب الموضوع، كلامك بيه من الصحة و اني مجربة الغربة و رايحة لامريكا و مشتغلة بيها فترة و شفت معاناة الاهل و خصوصاو يا اولاد سن المراهقة، و كلامك صحيح الاطفال اكثر اوقاتهم مكضيها بالمدارس و الاصدقاء و الكثير من الاهل بعد ما يكدر يسيطرون من يوصلون المراهقة على الاولاد. لكن اكو شي الكثير من الاخوة اللي اول مرة يطلعون لبلد غربي لازم يعرفوه انه الاهل بالبلاد العربية اهل و يربون بينما ببلاد الغربة لازم يصادقون ولدهم و يكسبون ثقتهم و يتكلمون وياهم كصديق مقرب و ليس كأهل. و ايمتى ما حاولوا الاهل انهم يروون عضلاتهم او يؤدبون ولدهم بالطريقة اللي يمشون بيها بالبلاد العربية فراحت العائلة بالزلك و الولد ضاعوا.

الموضوع بيه الكثير من الابعاد لكن اني لازم اوافق مع معظم ما جئب به لان كلامك صحيح و الكثير من اللي وصلوا مع احترامي مدا ينقل الصورة الصحيحة اللي ديمرون بيها.

اما بالنسبة لتحديد العمر ما اتفق وياك لان تعتمد على قابلية كل شخص على التطور و اكتساب المهارات بس كلامك هم بيه من الصحة لان العرب و خصوصا العراقيين للاسف بيهم الكثير كسولين و يحبون كلشي عالحاضر و يعتمدون على الغير، اما اللي يريد يتعلم و يطور حاله فمستقبله باهر بأي عمر كان.

مع احترامي و شكري لحضرتك.

63
بارك الله فيك اخونا العزيز.

64
اني مقدمة شهر السادس 2009 و رقم الملف 108 و بعدني عالشحن.

65
مجهود رائع، تسلم الايادي.

67
كدها بس بالعراق مو كدها


نفس السؤال

71
هههههههه اليوم دا ادور دفاتر عتيكة  :P

72
اليوم سمعت الاغنية و اتذكرت الدبكة  ;D

73


اطفال هل وكت كلهم عناكيب  ;D
عشتي روزا يوتيوب حلو

و انتي العايشة حبيبتي  :-*

74
حلو روزعاشت ايدج

احلى شي الترجمة




*ألولِيلَك:وهي عملية الغناء للطفل حتى ينچب وينام (دللول يالولد يابني..) :D :D :D :D :D

*أهفيلك:أحرك المهفة لتجلب لك الهواء وهي كلمة قديمة ولم يعد لها استعمال بسبب توفر الكهرباء والمراوح ;D

*مَسَاقِيْلَك: ومفردها مسقولة وهو ماكنتوش عراقي (ملبَّس محشي باللوز) 8)

*فيلك : وهو الفيل , كائن يطير عندما يبدأ الانسان بالكذب ( يطيِّر فيالة..) :o :o :o :o :o

*كَفُشْتَك : وهي تسريحة غير قانونية يعني فاول ;D ;D ;D



و ايدج العايشة حبيبتي سرو

75


والله هي هم حظوظ

اكو ناس النهار كله تاكل ومتسمن

واكو من شربة مي تسمن


عاشت ايدج روز شوية رفعتي معنوياتنا ;D


يعني الخلل مو باكلنا

الخلل باجسامنا

اذن تبا للدايت ;D ;D ;D ;D ;D ;D




اي صدك ههههههههههه

حبيبتي سرو اكو برنامج على قناة FX كل اثنين ساعة 9:30 بالليل برنامج Man vs. Food شوفي الشخصية ادم ريتشمان ما شاء الله عليه شهيته مفتوحة و كلشي ياكل هلكد ما دايس بالاكل و نوبات توصل 4 كيلوات لحم بالوجبة الوحدة  ???، الف صحة و هنا على قلبه و شوفيه بتمام الصحة و العافية يا رب يديم عليه الصحة و العافية و السلامة.
بس برنامج حلو و ممتع.

76
طبعا الأولى ما عرفتها بس هذة الطباخة البريطانيا فعلا تعجبني , ولا عبالك تقعد نص الليل تروح تفتح الثلاجة و تاكل نستلة أو تسويلها سندويج ! :o  ;D
و ربي هسة على أساس دا أتبع ريجيم خضروات و فواكة و من هاي السوالف و آني أقول لنفسي "هي مال ريجيم ! خلي اروح أشتريلي سنكرز الحياه بلا طعم بدون الايس كريم و الحلويات"  ;D ;D ;D
تحياتي روز




مو بلا احلى لقطة صدك مال تالي الليل و النساتل و الحلويات اني احبها نايجلا لوسن لان تطبخ و ما تتبع اسلوب معين و انما تتبع  شغفها و حبها للطعم و الاكل.

اي والله صدك الحياة بلا الحلويات ما تسوى  ;D ;D

شكرا جزيلا على طلتك الرائعة.

77
نص هدف اشتري جديد ممكن بس ابقي القديم و الكاله فد زواية بالبيت  ;D

نفس السؤال

78

مقتبس من Attum Rose
و الله سرو اني صفني و دورت عليه بالكوكل لكيته ساحر مشهور و عنده بلاوي بالسحر، فعلا موهوب.


روزا ادري ساحر شلون يطلع كاندي حقيقي الناس تاكله من الايباد  :o
شغلة تدوخ صدك شلون فهموني  ??? ???
عاشت الايادي فعلا استمتعت بمشاهدة الفيديو .



شغلة كلش محيرة ما أدري شلون ديسويها حتى الساحر العادي ما يدبرها، اكو فديو حتى مشروب يطلع من الايباد  و يشكل بوري على شاشة الايباد و يكلهم تعالوا شربوا شلون ما اعرف  ???

79
ماما مو كدها لازم اجيب واحد يكتله هاي شلون عايشه ووياج عائله كامله  ;D ما تحسيهم يباعون عليج  ;D ;D

كدها تكعد الصبح وما تشرب لا شاي ولا قهوه



 ;D ;D لكل هاي شنو هالطلة الجميلة؟ مغيرين اللوك الف مبروك حبيبتي  :-*

لا مو كدها اظل مسطورة  ;D

نفس السؤال

80
يا رب يكون بالف خير و سلامة و يرجع يطمنا عليه.

تسلمين جورجيا حبيبتي على المبادرة الجميلة.

82
جميلة جميلة انتي و رائعة سرو  :-*

83
حاضر يابة بس خليتوني أحن لأيام السفر اللي ما شبعت منها  :(


س 1: آخر سفرة كانت لك وين؟

ماليزيا
س 2: أقصر سفرة وأطول سفرة بحياتك؟
ترانزيت في إحدى الدول الخليجية 30 دقيقة فقط.
و أطول سفرة كانت لكندا و طولت سنتين بس
س 3: شو أجمل مطار شفته؟
من الصعب الإجابة على هذا السؤال لأن كل مطار الة المظهر و الإحساس الخاص به

س 4: شوالدولة اللي تحب تزورها؟
أيسلندا , ما قدرت أروح و ظلت ببالي عاجبني أزورها
س5: تذكار محتفظ فيه من أي دولة وشنو اهوا؟
عندي هواية , و ليس واحد , عندي ساعة غريبة الشكل من البرتغال , و نموذج طبق الأصل لبرج أيفيل لكن صغير و كثير من الأشياء و المقتنيات الغريب جمعتها
س6:نريد  صورة لدولة تتمنى تزورها؟
مثل ما قلت أيسلندا ما رحتلها , طبعا الجو مالتها الكثير يعتبرة جو كئيب لأن غائم و بارت بس آني أشوفة رومانسي او لا لا ههههههههه
س 7 : أكلة تحب اذا زرت أي دولة تتمنى تذوقها ؟
أكلة جربتها باليابان سمكة إسمها فوغو , هاي السمكة شديدة السمية إذا ما تنطبخ بطريقة صحيحة و تؤدي الى الموت في 50 ثانية , طبعا كلفتنا كلش هواية فلوس و طعمها كان طيب جدا و تخدر اللسان شوية , طبعا أول دقيقة واحد يباع على الثاني خفنا نموت ههههههه بس ما خلينة شي بالسمكة لأن دفعنا كومة فلوس , حرمات بقيت باليابان اسبوع واحد و كلشي ما افتهمت  :'(
س 8:أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
من قارة آسيا أحب الصين اللي ما زرتها أبد و اليابان اللي صدق حبيتها من زرتها و البقية بصراحة ما أحب آسيا هواية , أفريقية , احب جنوب أفريقية و ما زايرها ابد, أوروبا ...أحب كل أوروبا لأن كل بلد مختلف و حضارتة و ثقافتة مختلفة عن الاخر , امريكا الجنوبية أحب الأرجنتين لأن بلد جميل جدا حسب ما أعرف ,و من أمريكا الشمالية طبعا حبي و عشقي الأوحد الولايات المتحدة
س 9:أجمل مكان شفته بسفرك ؟
كثير أماكن في منتهى الجمال صعب أختار واحد

س 10: كم مرة سافرت بحياتك؟
فوق ال 10 مرات
س 11: موقف محرج صارلك في سفرك؟
آني أتأكد من كلشي على الأقل 3 مرات فمن الصعب ان اكون بموقف محرج و ما أذكر صراحة
س 12: شو يعني لك السفر وهل تحب تسافر؟
بصراحة , ما أحب السفر هواية لأن الأنسان يشوف البلدان الجميلة و البشر الطيبة تالي يرجع للكآبة , و هذا سببلي صدمة كبيرة من رجعت من كندا , فعلا تعودت على مجتمع تالي تركتة صعب جدا هذا الإحساس
س 13: شيء لا تستغني عنه في سفرك؟
الجواز , الفلوس , الإبتسامة الدائمة
س 14: اختار عضوين يسافرو معك ولوين بتروحون ؟
أخذ روز وياية و اللي يريد يجي أهلا و سهلا به , نروح لليابان لأن ما شبعت منها  و حتى  تذوقون سمك الفوغو , بس أنتو تدفعون ههههه تالي نروح للصين و ناخذ صور يم السور العظيم
س 15: نصائح تقدمها للمسافرين؟
دائما خليك مركز على فلوسك و جوازك , لا تاخذ معاك مجوهرات و لا شي ثمين, سافر خفيف و لا تاخذ وياك جنط كثيرة , خليك دائما ودود لكن لا تسوي علاقات إجتماعية بالسفر الا بعد التأكد , خليك مبتسم “nod and smile “

س 16: اعجبتك الفترة او لا
فكرة رائعة و عجبتني ....ذكرتونا بأيام منسية  ::)

تحياتي




واو، شكرا جزيلا على مشاركتك النا هالخبرة و المعلومات الحلوة، و اني رح احضر جويلاتي للسفرة مال الصين و اليابان   ;D ;D شلون بلدين روعة، عاش ذوقك.

84
UP

down  ;D


هههههههههه مو دورك هسة؟  ;D ;D





دوري ؟؟ آني  :o :o :o لا لا لا  ;D




 :'( :'( :'( :'( :P ;D

يمعودة طلعتي رايحة لكندا و كومة بلدان   ;D ;D ;D
و آني اقول هاية شلون تحكي هيجي أنكليزي  ;D
عبالك Native Speaker  واللة
آني حياتي lless interesting  :'( :'(  ;D ;D ;D ;D



 ;D ;D ;D ;D 8)

86
لا مو كدها، جان كتلت هذا اللي عندي بالحمام هسة كبر و صار عنده بيبيات حتى انطيتهم اسامي، بس عقال ما يجون يمي  ;D


نفس السؤال

89
ابو حمودي الورد، كل عام و انت و العائلة الكريمة بألف خير، يا رب ان شاء الله دوم الصحة و السلامة و العافية و يا رب تحقيق الاماني امين يا رب.

91
اختيار جميل، شكرا جزيلا.

92
كدها و نص و بصراحة وراها يصير انتعاش مو طبيعي  ;D


كدها تمشي بالبيت و تنام مصلخ اذا عايش وحدك

93
كدها  ;D


كدها تسبح بالشتاء بماء بارد و بدون استخدام الكيزر

94
كلامك روعة و فعلا الاجيال الجديدة هي متوراثة الافكار من الاجيال السابقة، و للاسف من تسأل الاجيال القديمة ليش تزرع هالافكار و تتوارثها يكولون احنا اكتسبناها و توارثناها من اهلنا و هي الطريقة الوحيدة للتربية الصحيحة و للاسف هالشي خطأ كبير و اثر سلبا على المجتمعات و سبب تدميرها .


ارفع قبعتي احتراما لحضرتك اخ هشام، تحياتي لك اينما تكون.

95
والله شي سوون عادي تعرفون ليش لأن الصوج مو من عدهم الصوج من iom الزباله الي ما بيهه خير اي طلعون هيجي شكولات شوفو حته شكولاتهم مال ارهابيين عابلك والله اني من امريكا اعدمهم حته تكون عبره الكل عراقي بعد مي سوي هيجي ويه اي احد

الله لا ينطيكم كلهه من وراكم راح تتعطل ملفاتنه ليش هيجي ليش
الله ينتقم منكم 


اخي ذولة SIV شجاب IOM بالنص.

96
حسب تقارير على التلفزيون  و اراء الناس ان شاء الله باجر.

عيدكم مبارك و عساكم من عواده.

97
السلام عليكم
اني ايضا المنظمة نطوني 1125 ومن هذا كلولي الايجار والكهرباء والمي والاثاث وكل شي وكلاشي بس قدمولي على كاش اسستنس الي هو فد مبلغ كلش بسيط بس بالمقابل ذبوني اداوم بفد منظمة تبعد كومة عني واني ما عندي سيارة فما كدرت اداوم اول يوم لان ضعت بالشارع رحت ثاني يوم كتلهم رفضتني المنظمة وكلولي روحي سوي دعوة هيرنك واحنه قدمنه تقريرنه والبنفت مالتج راح انقطعه !!!!

طيب ليش كلتيلهم انرفضتي مو يدخلوج بسين و جيم و تاليتها رحيكطعون البنفتس، كوليلهم الحقيقة لان الشعب الامريكي يحترمون الشخص اليحجي الصدك.

98
بلكت ينطوهم طابع و يرحلوهم.

99
هاي شنو؟ انت جديد.

اني 108 و بعدني انتظر.

101
حمد لله على سلامتكم ، ربي يكتبلكم التوفيق و السلامة بكل خطوة ان شاء الله.

103
شي خيالي :o :o :o :o :o
بس شلون؟؟؟؟؟؟؟؟؟؟؟

حلوة روز

و الله سرو اني صفني و دورت عليه بالكوكل لكيته ساحر مشهور و عنده بلاوي بالسحر، فعلا موهوب.

104
سبحان مسيّر الغَمام

تسلم سيد أمين على مرورك الجميل.

105
اليوم كنت دا اسمع اغنيته Miami  ;D

اكيد ويل سميث و الفلم روعة.



اول من مثل دور الملاكم الشهير محمد علي كلي

106
Jean Reno بس هو فرنسي لكن ولدان بمغرب و اهله حسب ما اذكر يمكن اسبان، ما اعرف هو اللي تقصديه؟


اطول ناطحة سحاب بالعالم

111
مبارك عليكم و علينا العيد و يا رب يديم عليكم الصحة و السلامة و العافية و يلم شملكم ويا احبتكم و عوائلكم و اصدقاءكم و يحقق كل امانيكم امين يا رب.


كل عام و انتم بالف خير و عساكم من عواده

112
همزين اكو قانون و يحاسب، بالعافية عليهم و على كل ظالم و معتدي.



شكرا جزيلا اخونا الدبلوماسي على الموضوع، يا رب يحميك و يحمينا و يحمي كل الاخوة و الاخوات من هالوحوش و المجرمين.

113
حلوووووووووووووووووووووووووووووووه اختي يسلموووووووووووووووووووووووو

تحياتي


اسعدني مرورك اخونا الوردة.

114
Attum Rose صديقة محترمة شعر جميل شاكر لك عليه اكيد
نقلته لنا تحياتي اليك وكل الاحترام



لك مني كل التقدير و الاحترام اخونا المبدع.

115
يا رب ان شاء الله تخلص كلشي و نفرح بيك قريبا امين يا رب.

116
رووووعة شكرا جزيلا.

117
شكرا جزيلا حبيبتي جورجيا على التنبيه.

118
اني اعرف اثنين  اللي لبسوا رقم 23و اكيد اكو اكثر بس ذولي اللي اعرفهم الاسطورة مايكل جوردن و الثاني لبرون جيمز.




عاصمة البرازيل

119
اذا قصدك للاخبار السياسية
وولف بليتزر




عدد الاحرف الابجدية باللغة الفرنسية

120
اوبرا وينفري


اول من حاز على جائزة نوبل للسلام.

121
ههههههههههههههههه يسلمو حلو

مودينا الغالي، مشتاقون

يا رب تكون بالف صحة و سلامة

ارجع طمنا عليك يا غالي.

122
هههههههههههههههههههههههههههههههههههههههههههههههههه حلوة كولش شو هالابداع

عاشت ايدج خيتو روز الوردة الشفافة .........


و الله انت المبدع اخونا الغالي.

مشتاقون خيو، ادخل طمنا عليك.

123
روز الوردة انتي دائما مبدعة متالقة .....


قيصرنا الغالي، وينك مشتاقون!

يا رب تكون بألف خير و ترجع تنور صفحاتنا يا وردة.

124
احبائي و حبيباتي

اوركا
سوسو اسو
المنتظره
برنسيسة
hornet
الشائع
سرو
ابن السماوة
الدبلوماسي

يا  رب تتحقق امنياتكم بأقرب وقت و نفرح بيكم واحد واحد امين يا رب.

شكرا لطلتكم الرائعة.

125
صحيح و نص بالنسبة لجوزيف كنيدي بس قصدي على سؤالك مال الممثلة الايطالية ما اعرف حلها و اظاهر هم الاخوة و الاخوات هم ما يعرفون  ;D

126
الهجرة و واللاجئين / رد: ممكن
« في: 13:05 17/08/2012  »
اخي العزيز احنا جماعة العراق محد يعبرنا حتى لو تصرف كارتات و اتخابر على عمان وورا ما يشحنوك شوية يكلولك دزلنا ايميل و ما نجاوبك بالتلفون.

127
والله خيتو ننتظر اي واحد يجي يشارك بس الظاهر ماكو شسالفة على كولة كمال (صدك جذب) محد ايسافر شسالفة

ننتظر الاخوان وخاصة الدبلوماسي وسارة ودمروني كلش واي عضو يدخل يسولفنة مو بالتحديد

 ;D ;D ;D

128
Joseph P. Kennedy

ممثلة إيطالية شهيرة , أحد أشهر أدوارها كان في فلم Malina  ؟



اظاهر مو بس اني ما اعرف الجواب هههههههههه

129
حبيبتي احنه صار عدنة الرجل الصرصر مو الرجل العنكبوت هههههه
( اياد راضي 0 اكبر جذاب ) اذا شفتو الحلقة  ;D ;D ;D ;D


ههههههههه حبيبتي كاندي هذا ويت الكاه الصرصور؟ بيا حلقة، حضرت المبيد يمي  :P

130
أحبتي

جورجيا

البغدادية2

Strawberry

كلش حباب

غريب يا وطن



شكرا جزيلا على طلتكم الرائعة.

132
هلوو ساره اني احب الاغاني الغربيه هوايه وعندي خوش رصيد  ;D ;D ;D
راح اشارك بهاي الاغنيه الي احبهه هوايه واكيد انتي وروز تحبيها  : :D :D

http://www.youtube.com/watch?v=3091MHksLM4


رووووعة يسلم ذوقج حبيبتي.

133
رووووعة

فعلا مع الاصرار و الثقة بالقدارات و قوة الارادة و العمل الجاد كلشي ممكن .

شكرا جزيلا سيدتنا المشرفة الرائعة على الدرس الجميل.

134
روووووووووعة شكرا جزيلا على القصة و العبرة الرائعة.

136
كدها و نص.


كدها تكضي حياتك كلها سفر بدون استقرار

137
هاي شنو اشو صارت سكته  :P هسة دور منو؟  ;D

138
أحبائي شكرا جزيلا على مروركم الرائع.

139
حبيباتي سرو و المنتظره تسلموا على الطلة الرائعة.

140
ابو العبد شخصيه مشهوره بلبنان حيث كُتبت عنه نكات لاتُحصى  حيث عرف بملك المقالب

في يوم من الايام ذهب ابو العبد الى القصر الرئاسي وطلب مقابلة الرئيس اللبناني
وبما ان ابو العبد شخصا محبوب لدى الشعب اللبناني حصل على امر مقابلة الرئيس الحريري

فما كان من الرئيس الا ان يرحب بابو العبد ويقول اطلب ماشئت من مساعده
فأجاب ابو العبد انا لا احتاج مساعده ماديه
ولكت ياسيادة الرئيس اني في وضع محرج
لقد تكلمت في المقهى  مع اصدقائي ومن زلة لسان قلت لهم بانك تعرفني معرفه شخصيه وكذبني الجميع
ولكني اريد مساعدتك بان تاتي وتسلم عليَ لكي تحفظ ماء وجهي امام الناس ولايقولو علي كذاب
فرحب الرئيس اللبناني بالفكره
 وبينما كان ابو العبد جالسا في المقهى يتحدث عن الرئيس وعلاقته العميقه به التي تصل الى الشتم وبين مؤيد ومعارض
واذا بالسيارات الرئاسيه تجوب الحي والرئيس يتفقد الشعب وحين وصول الرئيس الى باب المقهى قال كيفك يا ابو العبد
فلم يجب ابو العبد واستمر بالكلام مع اصدقائه فاعاد الرئيس السلام مره ثانيه ولكن ابوالعبد تجاهل ذلك ايضا
فقال الرئيس يا ابو العبد السلام عليكم
فانتفض ابو العبد  بعصبيه وقال ألا تراني اتكلم مع اصدقائي فلماذا تقاطعني ياقليل الذوق ياعديم الاحاس ;D


فعلا سامعة هواية عن مفالب ابو العبد بس ليهسة ما ادري اذا شخصية حقيقية لو فقط كونت لتلطيف الجو ههههههه بس فعلا مقالبه روعه


عاشت ايدك على الاضافة الجميلة بس ما درينه اشسواله الحريري  على على هالطلعة هههههههههههه

بالمناسبة الصورة اللي حاطها بالتوقيع روووعة لك مني كل الاحترام و التقدير.

141
حلو الموضوع أختي ...

عاشت أيدكي


محبتي و مودتي

و ايدك العايشة يا وردة.

142
ههههههههه حلوة عاشت ايدج حبي

و ايدج العايشة حبيبتي يا شمعتنا المنورة  :-*

143
معيدي كال لمرته  اليوم اريد منج رومانسيه خابرت امهه سالتهه   شنو رومانسيه  كالتلهه يمه والله مادري 

بس للاحتياط  نكعي الباكله واسلكي الحم     




ههههههههههههههه عاشت ايدك يا وردة.

144
هههههههههه حلوه روز خوش سحر

تسلمين على مرورج حبيبتي :-*

145
سرو حبيبتي يا متألقة دوما الف تحية الج  :-*

روعة اختياراتكم و مشاركاتكم.

 هاي من الاغاني الثمانينات اللي احبها هم اضيفها عندكم

http://www.youtube.com/watch?v=BgSyB5xSo2U


Old school  ;D ;D ;D ;D ;D



 ;D ;D ;D

146
سرو حبيبتي يا متألقة دوما الف تحية الج  :-*

روعة اختياراتكم و مشاركاتكم.

 هاي من الاغاني الثمانينات اللي احبها هم اضيفها عندكم

http://www.youtube.com/watch?v=BgSyB5xSo2U

147
هدف و نص اعوف و امشي ملي علاقة مدام مو من عرق جبيني و تعبي.

نفس السؤال

150
شكرا جزيلا احبتي على مروركم الرائع.

151
Franklin Roosevelt

من قائل المقولة العظيمة "When the going gets tough, the tough get going"

152
اخي متأكد رحيكعدون و يسووها عطلة؟ لان السنتين الاخيرة اصدقاء و ناس اعرفهم مقابلاتهم كانت بالعيد و اني هم اذكر اول مقابلة كانت الي بثالث يوم العيد بس بوكتها اني ما كنت موجودة و اجلتها.

153
هولندا بحساب اني من متابعي مباريات كأس العالم  ;D

من هو صاحب العبارة الشهيرة "I have a dream"

158
يا رب يكون سفرك قريب يا بش مهندس و نفرح بيك امين يا رب.

160
المبدع ستيفن سبيلبيرغ


ممثلة و ايضا اخت الممثل المشهور جون كيوزاك

162
اول ممثل مثل دور الشخصية الشهيرة جيمز بوند

163

A Husband frantically calls hotel management from his hotel room,
 
"Please come fast I'm having an argument with my wife and she says she will jump out the window of your hotel". .
 
 The manager responded,
"Sir that's a personal matter.
 
 Husband: "Idiot, the window won't open! That's a maintenance matter !"


 :D :D :D

165
مرة ابو العبد و ابو صطيف فاتو على محل حلويات .
قام ابو صطيف سرق تلات معمولات وحطهم بجيبتو ,
وقال لابو العبد : شايف انا اشطر منك بعرف اسرق .
قللو ابو العبد : ارجع لفرجيك كيف السرقة ..
 فاتو عالمحل ,
وقال ابو العبد لصاحب المحل :
بدي اعملك سحر , اعطيني معمولة .
عطاه معمولة قام ابو العبد واكلها .
اعطيني التانية وأكلها .
اعطيني التالتة وأكلها .
قللو صاحب المحل : وين السحر
 
قللو : مد ايدك ع جيبة ابو اصطيف بتلاقيهم !!!!!!!!
 



 :D :D :D :D

167
لا صديقتي تشتغل بالسي ان ان و كل سنة عندهم حفلة لعمو ترنر  علمود احياء ذكرى تأسيس الشبكة و مرة دزتلي صورة عن الكيكة و الاحتفال و من ذاك الوكت عرفت  ;D

هو اكو بكندا منطقة اسمها ميسيسيبي ميلز  بولاوية اونتاريو ما اعرف هو اللي تقصد بيه؟


اول من فلم جيمز بوند؟



168
خوش معلومة ما كنت اعرفها شكرا جزيلا.

تيد تيرنر
 ;D
من اخترع الكهرباء؟

169
ليش بالعراق عدنا  ??? هههههههه

اظاهر مو بس اني ما اعرف الحل همزين ما طلعت فشلة  :D



173
سرو حبيبتي، كل مواضيعج راقية، يا رب لا يحرمنا منج يا مبدعة  :-*.

174
 :D :D :D شكرا جزيلا اخ علي على مواضيعك الجميلة.

177
هاي شنو استلمتوني  :P ;D

[س 1: آخر سفرة كانت لك وين؟

تركيا

س 2: أقصر سفرة وأطول سفرة بحياتك؟

اطول سفرة كانت كندا 8 سنين، اقصر سفرة كانت ترانزيت شكم مرة بهولندا و الدنمارك.

س 3: شو أجمل مطار شفته؟

مطار جي اف كي نيو يورك.

س 4: شوالدولة اللي تحب تزورها؟

كينيا، السنغال ، جنوب افريقيا، فيجي و البرازيل.

س5: تذكار محتفظ فيه من أي دولة وشنو اهوا؟

ساعة سويسرية و اللي هسة صارت انتيكة و بعدها تشتغل تمام.

س6:نريد  صورة لدولة تتمنى تزورها؟

جزيرة فيجي لان مكضية طفولتي بجزيرة و اموت عالجزر و الحياة البسيطة، السنغال لان جمالها خلاب، جنوب افريقيا السفاري و المناظر الخلابة، البرازبل لان شعب رومانسي و يحبون يغنون و ياكلان برومانسية ههههه.

س 7 : أكلة تحب اذا زرت أي دولة تتمنى تذوقها ؟

و لو ماكلتها بس احب اجرب السوشي باليابان.

س 8:أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟

تقريبا كل الدول بآسيا، افريقيا: كينيا، جنوب افريقيا و السنغال، امريكا الجنوبية: البرازيل و المكسيك و الارجنتين، امريكا الشمالية: كندا.

س 9:أجمل مكان شفته بسفرك ؟

شلالات نياكرا، تاج محل، فينيس، القديس لوكا.

س 10: كم مرة سافرت بحياتك؟

هواية

س 11: موقف محرج صارلك في سفرك؟

مرة كانت عندي مؤتمر  و على الاساس بس احضر لان الشغلة مو يمي و اني بس احضر ويا الفريق مالتي، اخر لحظة الشخص اللي المفروض يلقي خطاب بالمؤتمر ما حضر و ما كايلي انه احضر شي و اصلا اني غير اختصاص و ما افهم باختصاصه،  رحت للمؤتمر  و شفت على الاقل فد 350 شخص من كافة الجنسيات و كعدت مسيطرة، ما اشوف غير يصيحون اسمي، اني ظليت جامدة بمكاني ههههه ظلوا يصيحون اسمي و اني ظليت كاعدة ، و بعدين واحد زميل كلي دكتورة يلا كلنا ننتظرج اني كلت هاي شلون ورطة فسويت نفسي على  الاساس صوتي طبك و ما اكدر احجي و تملصت من الاحراج ههههه بس لا صدك الى اليوم اني كلش محرجة من الشغلة بس شسوي احسن ما اسوي نفسي اضحوكة و كان خزيتهم  :P


س 12: شو يعني لك السفر وهل تحب تسافر؟

اي لان احب اتعلم كل شي جديد و اتعرف على الناس و اتعلم عن حضاراتهم و تقاليدهم و لغتهم و تاريخهم.

س 13: شيء لا تستغني عنه في سفرك؟

الام بي ثري، الجواز، خريطة المدينة و ياها المعالم السياحية، الفليسات  ;D، الكاميرا.

س 14: اختار عضوين يسافرو معك ولوين بتروحون ؟

هاي صعبة، اخذهم كلهم و تصير لمتنا احلى.

س 15: نصائح تقدمها للمسافرين؟

ديروا بالكم على فلوسكم، و دايما من تروحون لدولة ما تفهمون اللغة اخذوا الخريطة و ياكم و شوفوا المعالم السياحية لان فرصة جميلة.

س 16: اعجبتك الفكرة او لا

اي حلوة عاشت ايدكم.

179
موضوع جميل عاشت ايدك و ايد مريومة.

181
عيني شنو فرق الأبيض عن الأسود يا عيني  ::) !
كلنا بشر ....





كلام صحيح، بارك الله بيك اخي الدبلوماسي.

اخي مغامر، حتى و ان خلوه بمكان موزين، ممكن يحول اي وكت و ايضا ممكن ما يوقع على عقد الايجار و يدور على مكان و يطلب من المنظمة الحضور حتى يكونوا اله مرجع بالايجار في حال هو اختار مكان ثاني.

وهذا الشي مراح يأثر على التأمين الصحي او المساعدات ؟

لا اخي ما يأثر بس شيكلولك انه المبلغ المخصص للايجار كذا اذا لكيت مكان ايجاره اعلى انت تتكفل بالباقي. و انت اول ما يودوك على السكن لاتوقع العقد الا اذا كنت مقتنع بالمكان و اذا ما ردت المكان كبل بلغ المنظمة انه ما عجبك المكان و تخاف على سلامتك، فراح يكلولك اوكي دور او خلي كفيلك يدور و احنا ندفع فقط المبلغ المخصص للايجار  و نجي نأجرلك كمرجع الك و اي زيادة انت مسؤول عنها.


183
عيني شنو فرق الأبيض عن الأسود يا عيني  ::) !
كلنا بشر ....





كلام صحيح، بارك الله بيك اخي الدبلوماسي.

اخي مغامر، حتى و ان خلوه بمكان موزين، ممكن يحول اي وكت و ايضا ممكن ما يوقع على عقد الايجار و يدور على مكان و يطلب من المنظمة الحضور حتى يكونوا اله مرجع بالايجار في حال هو اختار مكان ثاني.

187
شكرا جزيلا سيد امين و ان شاء الله تتحقق.


للي بعدي

يا رب دوم يجمعه و يا اولاد الحلال و يبعد عنه اولاد الحرام و ربي يرعاه بكل خطوة امين يا رب.

191
الله يبارك بيك اخونا امين و يوفقك بكل خطوة تخطوها امين يا رب.


سمر

193
معلومات حلوة ، جزيل الشكر.

194
Tiger Woods

عن اي عمر توفت المغنية الشهيرة و بطلة فلم Romeo Must Die

198
هدف


تحب تشارك بمسابقات لربح مادي

201
مو كدها


تغني كاريوكي كدام جمهور  ;D

206
اخ علي،

كلام الاخ الزيدي مضبوط، و لا تخاف اذا ما عندك كفيل او ما تريد كفيل خبر المنظمة يخلوك توطين عشوائي، يعني همة يشوفون اي ولاية و يخلوك عليها.


و من الله كل التوفيق.

209
هدف


تقرا قصص بوليصية و مغامرات

213
شكرا جزيلا اخي النعيمي على النصيحة. ان شاء الله اللي عندهم اطفال ينتبهون لهل نقطة المهمة، بارك الله بيك.

214
مو كدها.


تكضي يوم كامل نايم بالفراش.

215
هدف و نص  ;D


تحب تحضر حفلات موسيقية ضخمة.

222
و الله اني اتعجب من حضرتك اخي صاحب الموضوع مع كل احترامي بس شلون تعتمد على موظف اذا كل الموظفين ما عندهم علم بمدة الاجراءات و طريقة الاجراءات و للعلم بعض الموظفين خطية المكاريد المقدمين ويانا و حالهم حالنا نايمة عليهم تريلة مو طابوكة و ما يعرفون عن تطورات ملفاتهم.  فرجاءا اخي من تنزل موضوع لا تكول سمعته من موظف انطينا رابط رسمي لان الموظف حاله حالنا بس يسمع و ما عنده الخبر اليقين.

مع الشكر و التقدير.

اخويه يعني اصورك الموظف من قال هذا الكلام لو اجيبلك التعليمات مال وزارة الخارجيه هذا شلون حجي واذا مو من موظف الاي او ام منين تجي الاخبار من الحكومه العراقيه مثلا شلون حجي يعني انتم لاترحمون ولاتخلون رحمة الله تنزل ومنو حجه على الاجراءات وطريقه الاجراءات
واذا ما تحب تسمع هيج اخبار انت حر طب ساكت واطلع ساكت لاتكطع سبيل المعروف



اخي الفاضل رجاء اترك العصبية او لا ثانيا اني اختك مو اخوك.

بالنسبة لكلامك اني بوكتها نزلت قبل عدة شهور رد مدير المنظمة في بغداد و هو بنفسه كال ممكن نشوف تسريع بالشهرين الجاية و الحقيقة ليهسة تسريع خفيف و مو كل الملفات مشمولة لان لو على حجيهم كان هسة عدد كبير من الاخوة و الاخوات كان سمعوا اكو تطور بملفاتهم. و الرجال ما عنده الخبر اليقين و كان يستخدم كلمات نأمل و ممكن.

ثاني شي ايضا قبل فترة نزلت جواب الخارجية لرسالتي و كانت من ضمن حملة الاخ راين و كان جواب الخارجية الي انه ديحاولون ما بوسعم و و يتأملون يشوفون تسريع ملحوظ بالفترة من شهرين الى سنة و كانت مخاطبتي الهم حسب ما اذكر ببداية الرابع من هالسنة.

اني ما اتكلم شي بدون دليل و اذا تحب راجع ردودي و شوف طريقة طرحي للاخبار.

ثاني شي نص اذا مو اكثر من موظفي الاي او ام بغداد مقدمين على البرنامج بناءا على عملهم السابق مع الجهة الامريكية و الكثير منهم ليهسة يعانون مثلنا و حالهم حالنا. و همة ايضا ما عندهم علم باللي ديصير و يسمعون الخبر انه مثلا اكو شي معين بس اما فد شي رسمي ماكو.

مع احترامي لحضرتك تكول لا تكطعون سبل المعروف، طيب حضرتك دتنقل كلام سمعته من موظف و الموظف حاله حالنا و سامع من شخص اخر هالخبر و ما كو دليل على الكلام ، طيب مع احترامي لحضرتك وين المعروف اللي حضرتك دتكول عنه؟؟ كل الل حضرتك سويته نقلت اشاعة و الاشاعة قد تكون صحيحة و قد تكون خاطئة و من اللي دنشوفه من خلال تجربتنا الشخصية بعيدة كل البعد عن الصحة.

اني من الناس صارلي اكثر من 3 سنين و ملفي ما بيه اي تطور و حالي حال الكثير من الاخوة و الاخوات.

مع احترامي

223
اخي العزيز و لو معلوماتي محدودة بما يخص الموضوع لكن من الممكن صاحبك يقدم على لم شمل عن طريق الاي او ام مرة اخرى و يجرب و هو ما خسران شي و من تتصل المنظمة بيهم يوضحون سبب عدم سفرهم بالاول و يذكرون انه مثلا هسة همة اكبار بالعمر و يردون يكونون ويا ابنهم.

اكو طريقة اخرى انه يقدم مباشرة على لم الشمل بس هاي يراد هو يقدم فورمة و يبين انه عنده شغل و دخل سنوي ما يكفي اعالة اهله و لازم يرفق ايضا   تقرير عن الضرائب. و الافضل ايضا يوكل محامي مختص بلم الشمل و الهجرة العائلية حتى يستلم قضيتهم و يتابعها.
بس هاي الطريقة شوية مكلفة و يراد عنده دخل سنوي زين اما الطريقة الاولى لم شمل عن طريق الاي او ام ما تكلف بس لازم الاهل ينطون عذر قوي عن حجة عدم السفر بالمرتين السابقة.

224
اخ علي نصيحتي البسيطة لا تصدك بكل شي تسمعه ترة اكو اخبار ملفقة و اكو اخبار مضخمة مثلا قبل شكم يوم شخص كال يوميا تطلع طيارة مقبطة من عمان، و على حجيه معناته هسة كان على الاقل  ثلاث ارباع اللي موجودين بعمان طلعوا و الخبر اللاخ يوميا طيارة كاملة بس من بغداد يعني حتى لو صدك معناته على الاقل طيارتين مقبطة تطير يوميا من عمان لان المسافرين من بغداد لازم يمرون و يسافرون عن طريق عمان. و الاخ اللاخ يكول هسة المنظمة دتشتغل ليل و نهار و حتى بالعطل و مدا يلحكون يعني الكلام لو صدك كان على الاقل كان سمعنا شي عن ملفاتنا بالفترة الاخيرة.

مع احترامي

225
و الله اني اتعجب من حضرتك اخي صاحب الموضوع مع كل احترامي بس شلون تعتمد على موظف اذا كل الموظفين ما عندهم علم بمدة الاجراءات و طريقة الاجراءات و للعلم بعض الموظفين خطية المكاريد المقدمين ويانا و حالهم حالنا نايمة عليهم تريلة مو طابوكة و ما يعرفون عن تطورات ملفاتهم.  فرجاءا اخي من تنزل موضوع لا تكول سمعته من موظف انطينا رابط رسمي لان الموظف حاله حالنا بس يسمع و ما عنده الخبر اليقين.

مع الشكر و التقدير.

226
كلام سليم، بارك الله بيك.

227
شكرا جزيلا اخ ياسر، ربي يجعلك كل حرف كتبته العشرات من امثاله في ميزان حسناتك و وفقك وينما تكون امين يا رب.

228
شكرا اخي دبلوماسي شكرا اختي اتم روز

اختي روز يكولون حسبالمنتدى المقابلات صارت اصعب من قبل سنتين سواء الاولى او الثانية وهذا اللي ديزيد القلق احنا من قابلنا كانت المقابلة سهلة سواء الاولى او الثانية . بس هسه المحلفين اللي ديقابلون متشددين مو مثل بداية البرنامج

اخي العزيز بالعكس مقابلة اعادة المحلف كلش سهلة و حسب الاخوة اللي سبقونا ما تطول 10 دقائق، المحلف بس رح يركز على اذا اكو معلومة جديدة تريد تضيف و اذا اكو اي شي لا سامح الله على التهديد، و رح يسأل اذا انت متهدد ليش ظال ليهسة بنفس مكانك، ممكن حضرتك اتجاوبه انه من الصعب الحصول على فيزا و اقامة في اي دولة و اذا حصلت فرح تكون مؤقتة و ما رح تحل المشكلة جذريا و اذا سألك ليش ما تنقل للشمال، ممكن حضرتك تجاوب انه يحتاجلك كفيل حتى تقيم بكردستان و ما عندك و بالاضافة لذلك ماكو شغل و العيشة صعب.

229
بالمناسبة اني هم بانتظار اعادة مقابلة مال المحلف.

230
اخي اذا حضرتك متجاوز اكثر من سنتين من تاريخ مقابلة محلف فعندك اعادة ان شاء الله.

231
اخي صاحب الموضوع مع احترامي لحضرتك، خبر بعيد  كل البعد عن الصحة، لو كان صحيح مكان ظلينا اكثر من 3 سنين نراوح مكاننا.

232
اخي اعرف 3 من وجبة 101 و بعدهم ما مسافرين.

233
سؤال صارلي اكثر من 3 سنين اسأله  ;D

234
السلام عليكم ورحمة الله وبركاته
الى اخوتي الاعزاء محتاجكم بمساعدة واكون لكم ممنون وانشاء الله ما انسة فضلكم
مختصر مفيد اني مقدم على المنظمة الدولية للهجرة منذ سنة  لان ملفي متوقف منذ ذلك الحين لان المنظمة طلبت مني بريدي الكتروني رسمي لصاحب العمل الذي كنت اعمل معه وان صاحب العمل خرج من العراق مع الجيش الامريكي وانا اطلب مساعدكتم في التالي

البريد الالكتروني الرسمي لمنظمة ال p r t  التي تدعى بفريق اعادة اعمار المحافظات في العراق

مع جزيل الشكر والتقدير


اخي حسين ال Provincial Reconstruction Teams هي تابعة للخارجية الامريكية و ماكو طريقة غير تراسل السفارة اذا تريد معلومات هذا الرابط مالتهم بس لازم تحدد لان همة على الاقل 20 فريق اذا مو اكثر، يعني حدد بمراسلتك اي فريق اشتغلت وياهم و اسم الشخص و المدة و همة يتواصلون ويا الشخص المعني.

http://iraq.usembassy.gov/prt.html

و للمعلومة ال prt مو منظمة، همة  فريق تابعين لوزارة الخارجية الامريكية و اذا حضرتك مشتغل وياهم معناته انت عقدك صار ويا طرف ثالث مثلا Torres او Technatomy او OSS او RTI و اكو غيرهم فراسل شركتك المتعاقدة مباشرة و يا الخارجية. و اكيد عندك عقد و العقد كلش كافي لان حتى بيه اسم و رقك المشروع الجكومة الامريكية اللي حضرتك خدمت بيه.

238
ممكن انضم الى جمعيتكم الموقرة  ;D

تقديم 6 2009 و رقم الملف يبدي 108


تحياتي اختكم روز

239
اخ علي حتى لو تحددت الولاية ليش يكلولكم؟ احنا جماعة بغداد ما يكلولنا و من نسألهم جوابهم عود من نحدد السفر تستلموها و يا خط الرحلة.

240
عيني تصعد اي تكسي تكله مستشفى ابن البيطار يم كراج العلاوي .

241
كلام العزيز الغالي الاخ ابو مريومة صحيح و بس حبيت اضيف مداخلة صغيرة تعبر عن رأيي البسيط فيما يتعلق بالتأخير هم سوء ادارة الملفات و التنسيق من قبل المنظمة الدولية لان دنلاحظ وجبات نفس وقت التقديم ناس تطلعلهم سفر و ناس ظالة و اني بنفسي شايفة التفرقة شلون تصنيفهم للاولية بحيث بالفحص الطبي من رحت علما انه عندي موعد و اني وحدي بالكيس و صار مرتين يبقوني اني اخر وحدة بالفحص مع العلم اكو عزاب بالوجبة بس ليش هالشي يصير الله اعلم و اني اذا دا اشوف هالشي اتصور و بالاصح اني مقتنعة كليا اكو واسطة و افضلية ما مبنية اطلاقا على التهديد و لا المرض و لا اي شي و انما اهمال كبير من المنظمة و  بالاخص الطرف المنسق مع الجهة الاميركية.

249
حرام دمعت عيوني على بيتر، خطية اي ادري قحط بنات مجلب بالخاينة دعوفها ختولي، اسفة على عباراتي لان شوية اختكم عاطفية  :'( :'( :'(.

253
اتصور الامام الشافعي


لقب يلقب به النيوزلنديين

259
هاي من اضحية سان دييغو، و اتصور عدنا عدد لا بأس من الاخوة و الاخوات بسان دييغو، حاول تكتب موضوعك ب http://www.ankawa.com/forum/index.php/board,279.0.html
و ان شاء الله الاخوة و الاخوات ما يقصرون وياك.


تحياتي

260
حرام يعني حتى عندهم 3 ولد واحد محامي و الثاني صيدلاني و الثالث مدرس و بس المحامي كدر يشتغل و المدرس كوة مدبر حاله ويا المعيشة و الصرف و البقية واجهوا صعوبة بايجاد الشغل و همة اصلا دارسين هناك.

هو صح مو سوة بس اني اللي اشوفه اذا عندك كفيل نيوزيلندي ليش ما تطلع على استراليا لان همة ما يهمهم اذا الكفيل استرالي او نيوزيلندي و فرصها اكثر من ناحية الشغل و حتى تقريبا نفس القوانين.

261
اخ علي عندي اقاربي اولاد عم اهلي طالعين من التسعينات و عندهم الجنسية و بصراحة مدا يكدرون يعيشون بيها بالرغم الرجل و المرة مهندسين معماريين و وراحو لهناك و عادلوا شهاداتهم و مع ذلك واجهوا صعوبة بالشغل و يكولون غالية و ماكو شغل و هسة همة صارلهم فترة عايشين بتركيا لان يكولون احسن من ناحية المعيشة بنيو زيلاند.

262
اخ علي حسب ما اعرفه نيوزيلندا صعبة اللجوء بيها مو مثل التسعينات و بداية ال 2000 كانت سهلة و مفتوحة على العراقيين بس هسة حتى الهجرة عندهم مصعبيها ممكن تدخل على الموقع الحكومي مالتهم و تشوف شنو الخيارات المتاحة http://www.immigration.govt.nz/

263
الهجرة و واللاجئين / رد: شكرا
« في: 00:55 10/08/2012  »
ليش  كل شي عدكم استهزاء اهنا بتركي يعطلون يوم الجمعة والسبت  بس حبيت اعرف un الجمعة اكو دوام لو لا وانتم ماشألله سويتوهة مسرحية على العموم  اضاهر انتم ترديون واحد يساعدكم  مشكورين

اي اخي قبل فترة احدى الاخوات كالت يشتغلون بتركيا يوم الجمع.



264
اخي اذا  مقدم  من اي دولة اوروبية اي دوام طبيعي. و اتصور قبل فترة هم احدى الاخوات ذكرت بتركيا هم عادي يشتغلون الجمعة.

اذا قصدك بالدول العربية فاكيد لا لان يعتمدون على العطل الرسمية للبلد نفسه.


تحياتي

265
اخي العزيز، اعتمدت على تقديمك على اوراق الشركة الامنية لو الشركة الاولى؟

266
الف الف مبروك اخونا الشائع على التألق و يا رب ان شاء الله دومك متألق في كافة مجالات الحياة امين يا رب.

267
الف الف مبروك حبيبتنا المنتظره على التألق، يا رب الايام الجاية تجيبلج اخبار سارة بكافة مجالات الحياة امين يا رب.


اليوم حفلتنا سوا  ;D

اهداء من احلى الاغاني اللي عندي يا متألقة  :-*

http://www.youtube.com/watch?v=fXOfB5m6e28

268
الف مبروك للاخت الكريمة روز


شكرا جزيلا سيد أمين و ربي يبارك بيك.

269
فهمونه شصاير

ياله الف مبروك بس والحمزه ماعرف على شنو بس روز تستاهل


ربي يبارك بيك اخوية العزيز، هاي من اي شخص يتخطى 2000 مشاركة يصير اسمه بالاحمر و اني من تخطيت ال 2000 مشاركة سرو الوردة واكفتلي بالمرصاد حتى تباركلي  :P يا رب يحفظها و يبارك بيها و يجعل ايامها كلها مفاجآت سارة امين يا رب.

270
شكرا على البادرة الحلوة اخت سارة

الف مبرووووووووووووك اخت Attum Rose وان شاء الله تحقيق الاماني


الله يبارك بيك اخوية الشائع الورد، و يحفظك و يحققلك كل امانيك امين يا رب.

272
هدف و احاول الكالي حجارة يمي حتى افشخه  ;D



تكضين يوم كامل 24 ساعة بدون ماء

280
لا مو كدها.


تعوفين اجتماع مهم  مطلوب تواجدج بيه و تروحين للمول.

282
حلووووة حبيبتي سرو  :-*، و الله اني كمت اخاف و بعدين من قريت شكالوا اخر شي خربت ضحك.

283
ألف مبروك لأختي العزيزة Attum Rose

مع إحترامي ..




 ربي يبارك بيك اخوية الدبلوماسي، على راسي

284
مبروك روزتنا الغاليه  تستاهلين واختيار رائع للاغنيه هاي شذكرج بيها ساره  ;D ;D ;D وتسلمين سمسم ع المبادره الحلوه


حبيبتي المنتظرة  :-* ان شاء الله بعد ما تنتظرين و تجيج البشارة قريبا يا رب.

285
الف الف الف مبروك ، عاشت الايادي ساروكة على هاي المبادرة و الاغنية الحلووووووووة ، روزا هاي عليها عزيمة مال فطووووووور هههههههه يله وين تعزمينا ؟؟؟؟؟؟؟

من عيوني الثنيتين انت اختار المكان و الباقي علية يا وردة  ;)

286
مبرووووووووووك التميز جدااااا حبي Attum Rose

http://www.youtube.com/watch?v=5YofBVv3Ez0


تسلمين حبيبتي سرو الوردة  :-* ربي لا يحرمنا منج يا مبدعة. دومج  متألقة و سباقة لفعل الخير  :-*

287
حبي سرو هاي الفديو و اكو غير فديوات على نفس طريقة الغش، تسوين الربط مالتج طبيعي و اخر خط تمرريه عن طريق اما كهرباء او ماء او نار عن طريق تدوسين Right Click و بعدين تدوسين على Loop و راسا يوصل و تربحين  ;D

http://www.youtube.com/watch?v=dv0L36aTs1M&feature=related

و للعلم رحتشوفين انه اغلب الفديوات يكولون ماكو حل لا بالغش بس احنا المساكين ردنا شي نجرب بذراعنا و تالي طلعت فشلة  8)

288
هدف و نص  ;D


تعيش بجزيرة بيها بركان خامد

293
تره عيوني راحن

هسة خلي نشوف الاخ الفرج يكول حلها فطلبنا مناه يصورلنا الحل و يشوفنياه  :)

294
هدف و نص  ;D
 بس بصراحة ما مجربة سيارة سبورت سابقا  :)
نفس السؤال

296
كدها صارت سابقا بي كنت مرضانة و كانت رحلتي ثاني يوم الصبح رحلة عمل و كان مطلوب مني اسوي بريزنتيشن و اني بالطيارة و كنت تعبانة و اعتذرت و ما رحت.

نفس السؤال

298
هدف و نص بس لازم الساعة برمائية حتى لا كلسع انزعها  ;D


تتسلق حايط بحبل

301
المتألقة دوما مادونا
 ;D

اول من هبط على سطح القمر

304
نص هدف حسب المكان اخاف اكو عكارب و افاعي فاكيد لا  ;D


تاكل لحم ني

305
مو كدها لان بهل الحالة رح انشر الغسيل و تصير بيها زعل هههههههه


نفس السؤال

307
اخي السائل مثل ما تفضل اخوية الن الشهر السابع لكن في بعض الاحيان يسمحون للمرأة تسافر بالثامن لكن يوقعوها على تعهد انه همة ما مسؤولين عنها و عن مصاريف اي طوارئ و اي هبوط طوارئ غالبا تكون ما بين مكاتب الطيران تكلف 40000 الف دولار و بهل الحالة تطلع من جيب المرأة الحامل.

308
اخي العزيز على الاكثر هي حباية مال Motion Sickness دوار الحركة مثلا اني من الناس من كنت اسافر هواية نوبات تلزمني دوخي و استفراغ طول رحلة السفر فهاي الحباية فقط حتى لا تصير هالشي و هاي الحباية اسمها درامامين و اسمها الطبي ديمنهيدرات.

309
حبيبتي سوسو مجهود رائع  :-*، ربي يوفقج وين ما تكونين و ان شاء الله قريبا جدا سفركم امين يا رب.

311
لعبه حلوه يسلموووووووووووووو  اخت روز

بس والله فكري مو صافي وياهه وبس اللجوء كبرني مية سنه
انوب هاي اللعبه اخاف الح وياها وانجلط ;D ;D ;D ;D

تحياي لكي وللجميع



و انت السالم على طول يا رب.

هههه اسم الله عليك هو احنه محد عقدنا غير سالفة الانتظار فكلنا نلتهي بغير سوالف احسللنا و هم نشغل ادمغتنا ههههه

تحياتي لحضرتك

312
حملها بالموقع مال gmrup
 و انسخ رابط المنتديات و حطها بنص الرسالة و هي تطلعلنا

314
اني مدا يقبل عندي


اخوية الفرج اخذلنا صورة للحل اذا امكن اما عن طريق Prnt Scr  او Snipping Tools

315
هو لازم واحد من البيوت يجطل من البيت اللي يمه اما مي او كهرباء او غاز

اخت روز من جبتي هالشغلة لخاطر الله

سيد أمين هذا السؤال نفسه سألته للشخص اللي دزلياها بالايميل جاوبني لا تتعبون نفسكم مال الها حل و كال انه اكو حل فقط بالغش و حل صدك ماكو و حتى دزلي يوتيوب مال الغش شلون يصير  :o بس كحل ليهسة ما اتصور احد كدر يحلها.

316



  اني حليتها , لاننا يجب ان نعطي كهرباء للبيت الوسطاني من البيت الذي بجانبه على يساره هههههههههههههههههههها



اخوية الفرج جربناها و ما رهمت  فاذا تكدر تاخذلنا صورة للحل عن طريق PrntScr  او Snipping Tools

 نكزن ممنونين





318
موزشكولاتيه  ;D

اي ماكو غيرها  ???

حو

321
الذهب بكل مكان نفس السعر لان السعر عالمي بس المفضل تبقي يم اهلج واخذي العادي وياج البسي محد يسال علي اصلا


اخي الذهب صحيح اله قيمته لكن تعتمد على العيار المطلوب و اللي عدنا ما يسوى باميركا لان العيار ما مرغوب باميركا.

324
تفضل عيني رابط للاخ العزيز سباركي مشكور

http://www.ankawa.com/forum/index.php/topic,600077.msg5679810.html#msg5679810

331
صور جميلة من اخ اجمل

332
صور ابيض واسود / رد: ابيض &اسود
« في: 03:58 07/08/2012  »
صور جميلة، شكرا جزيلا

333
منتدى الصور / رد: من روائع الصور
« في: 03:55 07/08/2012  »
صورة جميلة، ميغسي بوكو

334
منتدى الصور / رد: ابداع التصوير
« في: 03:54 07/08/2012  »
حلوة و تعبر عن الاحتراف ، شكرا جزيلا

335
صورة حلوة شكرا جزيلا

336
منتدى الصور / رد: صورة مدهشة
« في: 03:52 07/08/2012  »
فعلا مدهشة، عاشت الايادي.

337
روعة، شكرا جزيلا

342
الحمامة


نوع من الطيور بالقطب الشمالي لا يطير

344
نص هدف حسب  نوع البرنامج


نفس السؤال

350
يبقه عندي بس كيبل واحد  يصير اكطعه   هههههههههه

 :D :D :D :D :D

351
هااا بشروني ما حليتوهه

عمي مو كتلكم نكطع الماي والكهرباء  فضت راحت هههه

عوود  من تحلوها  كولولي  ;D

عاشت ايدج حبيبتي امونة يعني لو اطخه لو اشلع مخه  ;D

352
هسه شلون بالله  الجهال يردون افرفرهم  وانه ماكدر لازم احلهه  لا بل لازم ولابد

بعد اخوج روز وين لكيتيه هاي العبه دمرتي الوادم


دزولياها بالايميل و يعرفوني اني شطورة بهل امور اشو طلعت فشلة  :P

353
هي هاي الكيبل الاخيرة تظل طايفة  :P كلشي جربت  ;D

355
اني مقابلة المحلف شهر 8 2010  بغداد و بعدها الامنية.

356
الهجرة و واللاجئين / رد: IOM
« في: 19:01 06/08/2012  »
ان شاء الله كل احبتنا يلوحهم التسريع امين يا رب.

357
السلام عليكم

ههههه  يعني مو حرام  العالم صايمه  والاعصاب تلفانه  يعني لازم تكملوها علينه ;D

احسن شي نكطع عليهم الماي والكهرباء ونخلص

لعبه حلوة  يسلمو

 :D :D :D :D :-*

358
حلوة خوش لعبة
جاري المحاولة ....


يلا  شوية همة  ;D

359
يله حلوها وبشروني

لان نفذ صبري وياها    :o
يسلموا روز حبيبتي لعبة حلوة .........بس صعبة
 ;D ;D ;D ;D ;D


و انتي السالمة حبيبتي سكاي نت، اي شنسوي ردت فد لعبة تلهي تفكيرنا شوية عن حجت الامنية و كالت الامنية  :P

364
كدها و نص


تلعبين لعبات الحاسبة بدون الماوس بس بالتتش باد  ;D

365
نص هدف اذا بالبيت اشرب بالكلاص و اذا ابيت ناس استكان.


نفس السؤال

367
اني مدا يقبل عندي


اخوية الفرج اخذلنا صورة للحل اذا امكن اما عن طريق Prnt Scr  او Snipping Tools

369
لي


شخصية مشهورة بالفنون القتالية الاسم الاخير لي

370
كدها و نص قبل شهر طلعت شهادة جنسية جديدة و الشي الغريب خلصت المعاملة خلال ساعتين الحمد لله


نفس السؤال

377
بالمناسبة اخ انيس اني هسة يلا انتبهت انت بسان فرانسيسكو معناته حضرتك وصلت لامريكا و عندك كفيل طيب كفيلكم وين خلي هو / هي يدورلكم مكان مناسب و يسأل المنظمة حتى تساعد بالايجار.

اني اللي قصدتهم ما كان عندهم كفيل و راحوا و صلوا و ما عندهم احد و دبروا امورهم.

379
ايزاك نيوتن

 ايزاك = اسحق


 ترجمة كلمة oracle باللهجة العامية العراقية ( اسم مهنة قديمة من كلمتين 7 حروف)؟؟



اني ما هلكد بالمصطلحات القديمة بس اتصور فتاح فال

اسم اول البوم لفرقة ابا السويدية

380
اختي ليش ما تعادلين شهادتج الاول و بعدين حيري بالدراسات العليا.

382
مو هدف لان اول و تالي هي دتنغسل بالمطر  ;D


تمشي بالبيت حافي

383
اخي العزيز صارت سابقا و يا عائلة و اثنين عزاب بس من لكوا مكان خبروا المنظمة تأجرللهم بس اهنا المنظمة تأجرلك بس اذ ايجار عالي يكلولك احنا بس نغطي كذا مبلغ و الباقي عليك.


فانت اختار المكان اللي تريده من المواقع مثل ما تفضلوا الاخوان مشكورين و خبر المنظمة و هي من واجبها تلبي طلبك من حيث مساعدتك بالايجار.

403
العفو اخي الن ما فهمت المقصد، وين المذلة؟

هذا الشي رمزي و مجازي اختي العزيزه انو خليتهم يوميه يدزولي ايميل و بس يريدون رقمي بعد ان كنت ابعث لهم رسائل و رسائل كل فتره و لا يجيبوني

اخي احب ابشرك ترة احنا بالنسبة الهم مجرد رقم لا اكثر و لا اقل سواء جاوبتهم او لا مرح يمسهم بشعراية و لهذا مدا افتهم حتى و ان كان الكلام مجازي المذلة وين

404
العفو اخي الن ما فهمت المقصد، وين المذلة؟

405
تسلمين حبيبتي جورجيا بس اني مدينتي بغداد شلون اكدر اشوفها

406
مبروك حبيبتي سوسو اسو و ان شاء الله قريبا تفرحينه بسفرج امين يا رب.

409
كدها صارت شكم مرة بية



كدها تظلين واكفة 4 ساعات بدون كعدة.

412
كدها بس شيصير بية  :P

نفس السؤال

416
من عيوني الثنتين اخي العزيز.

417
تسوي فوروارد للرسالة اللي دزيتها الهم نفس المحتوى و الكلام بس بالخانة مال السبجت الموضوع تكتب
Gentle Reminder (Re-opening Case IZ-XXXXXX

 و تدزها، بالمناسبة اني هم كنت دازتلهم استفسار بالفترة الاخيرة و اجاني الرد بعد 10 ايام يعني ماكو داعي للقلق لان اكون ضغط ايميلات مو طبيعي عليهم بس انت دز ال Gentle Reminder  و يا رب يطيب خاطرك قريبا ان شاء الله.

418
دزيت الهم Gentle Reminder؟

419
اخ سباركي،

اذا ما يهمكم اذا كان شي رسمي او لا اكو طريقة اخرى يروح على كل بروفيسور و يسأل عن المادة شكد تعادل ب Credit Hours و يعرف بس هاي الطريقة مو رسمية و عادة الاساتذة مع كل احترامي يريدون يبينون نفسهم يفتهمون و يفخفخون كدام الطلبة فيجاوبون و يكولون مثلا 3 ساعات او ساعتين او  كذا ساعة.


420
برأيي اطلع على التركيا و اما تبدل طيران من تركيا او تكمل على التركية، اذا تريد تسوي حجز كامل انزل لشارع السعدون و سوي الحجز عند الخطوط الجوية التركية او اذا عندك كردت كارد ادفع اونلاين و سوي الحجز و اطبع التكت.

421
عيني تلفون من عمان عادة قبل اسبوع من الموعد.

423
 :'( :'( :'( :'( :'( :'( عاشت ايدج حبيبتي سرو المبدعة

426
كلا الهلا بيك اخونا العزيز.


اختك روز

427
هدف و نص و خصوصا الاغاني الغربية  ;D

تحبين تسمعين فيروز كل صبح

428
كدها اذا كنت مضطرة اكعد وياها لفترة محدودة


نفس السؤال

432
كدها و نص صارلي فترة عايشة وحدي  ;D


نفس السؤال

437
كدها اذا اكو واهس  ;D


تمشي ساعة كاملة بدون توقف

442
كدها


تاكل ركي و جبن كل عصرية

443
نص هدف


تحب تروح للسينما وحدك

452
شكرا و لو بعد وكت  ;D


للي بعدي يلكى شي ضايع عنده

462
حلوات، عاشت الايادي.

464
كدها و نص اصلا كل مرة اكول اشتري شمسية بس انسى  ;D


نفس السؤال

467
كدها و استمتع هم  ;D


نفس السؤال

470
اختي روز انا اللي اعرفه شركة باتا جيكية بس الــ 4 حروف وكفت عندي ;D
ظلت بكلبي حليها  ;D

صحيح بس بالعربي اكثر شي يكتبوها تشيك اكثر من جيك  ;D

473
امين يا رب، تسلمين حبيتي المنتظرة

هم نفس الامنية للبعدي

475
اذا مو اطول من 100 متر كدها


تكول احبك لشخص ما يحبك و يكرهك.

477
هدف و نص  ;D



يوميا تشرب قهوة تركية

480
ربع هدف حسب المزاج  ;D


اتابع اخبار البورصة و الاسواق المالية

491
و الله كدها و نص  ;D


نفس السؤال

495
بصراحه هاي الفقره مال يغسلون ملابس الحيوانات أجلكم الله بالغساله إلي تغسل بيه إنت ملابسك هاي دوختني  :o :o :o ??? ??? ??? ???

اي اخ روان اني شايفتهم من كنت ساكنة باميركا، كلشي توقع يحطون و تكوم تلعب نفسك.

صفحات: [1] 2 3 4 5