عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - (بغدادي)

صفحات: [1] 2
1
هاي الجنجلوتية مع الاسف جماعتنه ما يبطلون منهة وماكو واحد او القلائل اللي يحاولون يعكسون الحقيقة بتجرد..اولا اني ملتقي الشاعر بعدة مناسبات في سان دييغو سواء مناسبات سياسية او شخصية وهالحجي مال شعراء مع احترامي ميوكل خبز يعني ما اريد اعلق على مواقف الشاعر الشخصية من نظام صدام الى ميوله الشيوعية وهسة اخر شي اتحفته بمعلقته "احنه اخذناهة وبعد ما ننطيهة" وتكدرون تشوفوهة عاليوتيوب..يعني صحيح الوطن غالي والاشتياق عظيم بس اللي يفكر بمستقبله ومستقبل اولاده فما اله الا يجي لهنا او يطلع لاوروبا والا فسوالف الشعراء هاي ريح في هواء لا تضر ولا تنفع والسلام ختام..

بغدادي

2
والله يا ريت اذا اكو اي شي جديد ينزل بهالصفحة..اني مسوي كقالة لاهلي بسورية صار سنة ونص ولحد الان لا اتصلوا بيهم ولا اي اتخذوا اي اجراء وبهالوضع التعبان مال سورية..الله انشاءالله يسهله عالجميع..

بغدادي

3
اخي العزيز جريدة الزمان الصفحة رقم 14 بس مو نسخة الانترنت لا النسخة المطبوعة..تحياتي

4
حبيبي ستار حاطين صورتك اليوم بجريدة الزمان عن موضوعع التجنيس.. فقط حبيت اكلك..تحياتي

صدك والله ؟؟؟ ما ادري ما شايفها  بيا عدد مال اليوم لو البارحة وبيا صفحة

العدد مال يوم الثلاثاء 10 كانون الثاني

5
حبيبي ستار حاطين صورتك اليوم بجريدة الزمان عن موضوعع التجنيس.. فقط حبيت اكلك..تحياتي

6
بغدادي .......73.....اني عجبني بموضوعك الصوره مال
بيب........بيــــــــــــــــب....... ;D ;D ;D ;D
والباقي بالسوال معليه :o :o ::) ::)

اخي كوبرا ممنون عالمداخلة والبيب بيب ترة اتحدثت وصارت هورن هوا مال ايفا هههههه

7
اخي العزيز..بامكانك السفر فور استلامك للكرين كارد وحتى قبل الكرين كارد اذا عندك الترفل دوكيومنيت..يحقلك السفر بعد الكرين كارد لمدة 6 اشهر بدون ان تتعرض لاي مسائلة من قبل ضابط الهجرة بالمطار وبعد ال 6 اشهر الى سنة ممكن ان تتعرض الى مسائلة بالمطار حول اسباب تاخرك لفترة اكثرمن 6 اشهر..يعني النتيجة سنة الا يوم خارج امريكا..تحياتي

8
ممنونين اخوان واخواتنا على التفاعل وجزيل الشكر للاخت كوكي2004 على الاضافات المهمة وممكن تشرحيلنه شنو الامور الجديدة اللي راح تصير وتقبلي تحياتي..

بغدادي

9
مرحبا اختي العزيزة..ممكن توضحيلنا شنو طبيعة هالمنحة لان اني عضو نقابة وجمعية تشكيليين وما عندي اي فكرة عن هالموضوع..تحياتي

10
الاخ iraqi_pride جزيل الشكر على مساهمتك ومعلوماتك اغنت الموضوع اكثر حول حقوق المقيم وطرق الاقامة..يعني الاقامة مال اردن سعادة ونصر لا تصريح عمل ولا حقوق اضافية ..والله عمي والناس تحجي على امريكا وما عاجبهة الوضع وحقوقهم متساوية حال نزولهم بالمطار حالهم حال المواطن اللي مولود هنا فقط ميحقلهم التصويت بالانتخابات الا بعد الحصول على الجنسية..حبيبي بخدمتك وجزيل الشكر على معلوماتك المفيدة..

بغدادي

11
جزيل الشكر اخ الين على المعلومات القيمة..يعني هسة اللي افتهمته حتى اذا قدموا على اقامة قانونية مال وضع مبلغ بالبنك فهمينه ما بيهة تصريح عمل؟ والله عجيبة!! يعني المفروض المقيم لديه حق العمل بس هاي لا تستغرب بالشرق الاوسط العظيم..

بالله اخوية العزيز اذا عندك تفاصيل اخرى وتشوفهة انته مهمة بلكي تكتبهة حتى الواحد يعرف قبل ما يخطو على شي والاخوان اللي عدهم خبرة حول نقل الفايل مال يو ان من دولة الى اخرى بلكي يفيدونا واني جيرانك اذا تحتاج شي بسان دييغو..محبتي

بغدادي

12
الاخ العزيز العزاوي..ممنونلك على ردك والمعلومات المفيدة..الحقيقة اني اهلي بسورية ومحد يدري شلون راح تصفى الامور وناوي اطلعهم للاردن لان الملفات بسورية مال يو ان اتوقفت بس هسة على هالمعلومات معناهة لازم ايقدمون على اقامة رسمية اذا يريدون موقفهم يكون قانوني..والله حيرة بس ماكو غيرهة والله كريم..جزيل الشكر مرة ثانية اخي العزيز..

بغدادي

13
مرحبا اخوان..

اذا ممكن عندي سؤال بسيط يخص الاقامة في الاردن للعراقيين اللي يريدون يقدمون لجوء او ينقلون ملفاتهم الى الاردن من غير دول..السؤال هل يتم اعطائهم الاقامة غلى اساس ورقة الحماية مال الامم المتحدة لو ماكو هيجي شي؟! لان اكو اراء متضاربة بخصوص هالموضوع فبلكي الاخوان اللي مقيمين هناك ينطون المعلومة الصحيحة مع شكري الجزيل..

بغدادي

14
اخي العزيز  adam22..تكدر تسال سكرتيرة الدكتور اذا هوة مخول انو يسوي هالتقرير الطبي لان مو كل طبيب مخول بهالشي وتكدر تجييك هاللنك على الاطباء المخولين بمنطقتك ويمكن الدكتور مالتك يكون موجود بيه وتتسهل الامور..

https://egov.uscis.gov/crisgwi/go?action=offices.type&OfficeLocator.office_type=CIV


15
اهلا اختي العزيزة...

اول خطوة تروحين لمركز البريد بمنطقتج وتنطيهم عنوانج الجديد حتى يحولون اي رسالة قادمة عليه بعدين تخابرين هذا الرقم 18003755283
وراح يطلعلج كمبيوتر وينطيج خيارات وحدة منهن هو اذا تريدين تحدثين عنون السكن وتتبعين الخطوات عالتلفون بنفس الوقت تكدرين اتغيرين عنوانج اونلاين عند دائرة الهجرة وينطوج بيه رقم مصدق بواسطة هذا اللنك فانتي اختاري ياهو الاسهل

https://egov.uscis.gov/crisgwi/go?action=coa.Terms

بغدادي

16
اني مو متاكد بس على الاغلب شفت كاهي باسواق برودواي..

17
موفقة اختي العزيزة ونشاءالله شايف كل الخير والنجاح..بس ما ذكرتي انتي باي ولاية؟

18
الله يوفقج اكثر واكثر ويسهل امرج واني احيي زوجج على ايمانه بقدراتج وشايفة كل الموفقة والخير بعون الله..تحياتي

بغدادي

19
مثل ما كال الاخ ستورم بامكانك ان تخابرهم وتشرحلهم وضعك حتى يقللون القسط الشهري بس كمبلغ اجمالي فمراح ينقصون منه سنت واحد..

20
اخ العزيز هسة راح انطيك مثال ثاني ما صارله 3 اسابيع..

اخ عراقي متجنس امريكي انتقل هوة واهله من تينسي لسان دييغو بشهر العاشر 2010 بعد شهر ايصيرله سنة بكاليفورنيا, قدم على الدراسة والفايناشيال ايد بشهر الخامس 2011 طلعله 12 يونيت على هالسيمستر fall واستحق الفايناشيال ايد بس دفع من جيبه فوك الفايناشيال ايد 1000 دولار واني جنت وياه والموظفة كالتلنه هاي راح ترجعلك اول ما تقبط سنة يعني بنص شهر العاشر لانك باقي بنفس السيمستر..تحياتي

21
اخت fddd اكو طريقة ثانية للتجييك بواسطة التلفون 18003755283 ويطلعلج الرد الالي يعني كمبيوتر يطلب ارقام الفايل وينطيج اخر تحديث لان الحقيقة ما دام دزولكم ال LIN نمبر فيصير بامكانكم تجيكون على اي فايل واذا هم ما رهمت فعندج خيار انو تتحدثين وية الموظف وتستفسرين منه وهوة شغلته يجيك على هيجي مواضيع وينطيج فورا السبب..

22
طبعا اني راح اتكلم كلام مختلف تمام عن كلام الاخوة وهذا مو معناه انو اشكك بالمعلومات المكتوبة من قبلهم وانما اعرض فقط تجربتي الشخصية..

اني دخلت لامريكا يوم 15 اكتوبر 2009 قدمت على الدراسة حسب ما اتذكر في الاسبوع الاول من فبراير 2010 طلعتلي الفاينانشيال ايد بشهر جولاي وموعد التسجيل على الكلاس يوم 15 اوغست 2010 ..طبعا حسب هالمعلومات فاني ما مكمل السنة هاي اول شي ثاني شي بالايميلات اللي دزولياهة ماكو شي مكتوب بيه انو اني ما الي الحق بالدراسة الا بعد مرور سنة بس اكو شي جدا مهم هنا ولازم نلاحظة وهو انو حقك بالدراسة مكفول من اول ما تنهي اوراقك مال اقامة بس الاجور الدراسية تنحسب على اساس انته مقيم بالولاية او لا "يعني سنة صارلك بيهة او اكثر" ولهذا من تبدي تدرس قبل ان تنحسب مقيم فراح يحاسبوك مثل الطالب الاجنبي الغير مقيم وهاي طبعا التكلفة عالية بس اللي يصير شنو انو تدفع الفرق من جيبك ومن تخلص السنة اقامة فعلية وانته بنفس السيمستر راح يرجعولك كل اللي دفعته ويطبق عليك مبدا المقيم..

طبعا اكو قانون بكاليفورنيا اقر قبل شهر وهو ان من حق المقيم بصورة غير شرعية ان يقدم على دراسة وفاينانشيال ايد بدون ان يكون عنده اي مستمسك والموظف ما اله الحق ان يطالب هالشخص بتقديم اي نوع من المستمسكات ..فهاي شنو رايكم بيهة؟
تحياتي

23
اخي iraqiboy

عندك خيارين يا اما مثل ما كالوا الاخوان تبدل البريك بادس بيدك وشغلتهة كلش بسيطة وتكدر تروح للاوتو زون وتاجر العدة منهم ب 45 دولار وترجعهة ورة متخلص بس مو اكثر من 24 ساعة ومياخذون سنت واحد يعني يعتبر الايجار تامين واني هيجي سويت وتكدر تروح عاليوتيوب وتكتب اسم سيارتك وطريقة تبديل البريك بادس وتمشي عالخطوات..

او الخيار الثاني وهذا كلش بسيط تروح للجنك يارد اللي بنهاية جولا فيستا اكو كم فيترجي مكسيكي يسويلكياهة وانته واكف 10 دقايق ب 25 دولار وراسك بارد..واذا ما تعرف واحد اني ادليك..

24
اختي العزيزة اني ما ساكن بكنتاكي بس احب اكلج انو مسالة الارهابيين اللي لزموهم ما الهة علاقة بالولاية بحد ذاتهة بقدر ما الهة علاقة بزيادة التجييك الامني قبل اعطاء اي ضوء اخضر لدخول اللاجيء الى امريكا بالمستقبل..فماكو داعي تتخذين اي اجراء وهمة اذا ما رادوا يودوكم على كنتاكي فهمة راح يحطوكم بغير ولاية اوتوماتيكيا ..

25
الاخت fddd..

كل شخص عنده رقمي تسلسلي فهل دخلتي الرقم التسلسلي مال زوجج وبنتج وما طلع شي؟
الموقع هذا مضبوط بس مو دائما يعني اكو ناس واني واحد منهم عرفت انو دزولي الكرين كارد من الموقع نفسه واكو ناس اني اعرفهم استلموا الكرين كارد وحالتهم بالموقع باقية ما متغيرة على ثاني او ثالث دائرة يعني ما حدثوا وضعهم..

26
اخي العزيز اسباب تاخر الحصول على الكرين كارد متعددة بس اهمها هو التجييك الامني على الاسم اما باقي الاسباب فتتعلق بالزخم واكمال الاستمارات بصورة صحيحة بس بصورة عامة المعدل الوسطي للحصول على الكرين كارد هو شهرين الى 4 من تاريخ التبصيم وقبل شهر عائلة كاملة من 4 نفرات استلموا الكرين كارد مالتهم بشهرين فقط بعد التبصيم..اني اتكلم طبعا عن سان دييغو..

27
انجازاتي في امريكا!!!!!!

اول ما اجيت ساهمت في بناء سد كنتاكي العظيم وهسة الشعب الكنتاكي مينكطع عنه لا المي ولا الكهرباء..
وراهة سجلت مدرسة التكلم بالاشارات لان هاي جانت امنيتي من اني زغير..
واعظم انجاز سويته لكيت دبس تمر بالكهون وجنت مكضيهة كله مربى ..

حبيبي مو تزعل ترة دا اتشاقة بس هاي مال انجازات والغالبية ما صارلهة سنة ونص زحمة  ;D

اذا تريد تعال ونتفق نفتح فرقة حزبية سوا  ;D

28
اللقاح الاول يكون بعد الوصول بعدة ايام ومنظمة التوطين تكون مسؤولة عن اعطاء اللاجيء هذا اللقاح ويشمل لقاح MMR و" Diphtheria,Tetanus,Pertussis"..وتاخذ نفس اللقاحات بعد مرور شهر ولكن المنظمة غير مسؤولة عن هذا اللقاح ويتم اخذه في دائرة ال Human sevices بعد دفع مبلغ 10 دولارات لمجمل اللقاحات واللقاح الثالث والاخير بعد 6 اشهر من تاريخ التلقيح الثاني ويشمل فقط لقاح ال Diphtheria,Tetanus,Pertussis".

في كل مرة يتم فيها اخذ اللقاح يتم ختم البطاقة الصفراء الخاصة باللقاحات Immunization record..وبعد انهاء التلقيحات الثلاث يجب الذهاب الى طبيب مختص بعمل تقرير معنون الى ال USCIS..

ما دامك كاعد بسان دييغو فاكو طبيب صيني بعيادة الكهون بوليفارد هوة ينطي اللقاحات وهوة يسوي التقرير..

تحياتي

31
مرحيا عيني كبريائي..ممكن اعرف شكد عمر حضرتج وخريجة سابقة لو لا واذا اي فشنو نوع شهادتج حتى افيدج بالطرح..تحياتي

32
اخي العزيز الموضوع مال جنسية كله عبارة عن نصب واحتيال ولا تتورط بهيجي شي نهائيا لان كل اللي ممكن يسوولكياه هو ان يجيبولك جواز اجنبي مزور ويكولولك هذا تطلع بيه..

اعتقد انته سامع خبر معين بخصوص اللاجئين العراقيين وليس الامم المتحدة لان هيئات وفروع الامم المتحدة الخاصة باللاجئين لا يمكن غلقها نهائيا اما موضوع اللاجئين العراقيين الى امريكا تحديدا فسيتم تقليص الاعداد المقبولة بالاضافة الى تقليص المساعدات المالية لهم بعد فترة وصولهم وانا اسف على نقل هكذا خبر ولكن المصدر موثوق..

بغدادي

33
الاخ بريف هارت..احنه اختلفنا عالكلمة واتفقنا بالتفاصيل..تحياتي

34
اختي العزيزة الفاينانشيال ايد منحة وما افتهمت منو يكوله منحة لو قرض!!!!!
القرض اليته تختلف تماما عن الفاينانشيال ايد اللي يقصدة الاخ الكريم واللي هية تتعلق بالكوميونيتي كوليج مو بالجامعة اما الجامعة فيقدم على قرض بفائدة او بدون فائدة..طبعا للتوضيح علمود تستحق الفايناشيال ايد فلازم ميكون عندك درجة البكلوريوس والا فلازم تاخذ قرض..

بغدادي

35
راح انطيك الزبدة دون الخوض بالتفاصيل:

الفاينانشيال ايد هي منحة وليست قرض يعني ما مطلوب منك ترجعها وهي لمساعدتك على سد جزء من مصاريفك الحياتية تشمل المواصلات والكتب واي مستلزمات اخرى..طبعا حتى اتقدملهة وتستحقها فالافضل "مو الزام" يكون مار عليك سنة اقامة داخل نفس الولاية حتى تعتبر مقيم وبهالحالة راح يتم اعفائك من دفع الاجور الدراسية لكل مادة تدرسها وبهالشكل راح تستغل المنحة لدفع اي شي انته تريده سواء دراسي او غير دراسي..طبعا مبلغ المنحة يعتمد على عددالمواد اللي انته مسجل عليها يعني اذا مادتين مو مثل 4 مواد وهكذا..الحد الاقصى لمبلغ المنحة تستحقه لمن تسجل دوام كامل يعني 12 يونيتس فما فوق  اما اذا اقل من 12 يونيتس فمبلغ المنحة يبدي يتناقص وحسب عدد اليونيتات..من شروط المنحة انو تنجح بكل المواد بدرجة لا تقل عن c واذا ما نجحت فاكو خيار تسوي التماس وتعيده واذا هم ما فاد ورسبت بنفس المادة فلازم ترجع الاجور مال منحة لان ما وفيت بشرط النجاح..هذا ملخص انشاءالله يفيدك..

بغدادي

36
اكو شغلات تكدر توفر بيهة فلوس هواية وميحتاجلهة ضمان مثل الكتب خصوصا كتب المنهاج الدراسي..يعني مثلا اني منهاجي الدراسي لو اريد اشتري الكتب من الكلية فجان لازم ادفع على كل كتاب جديد سعر يتراوح بين 90- 170 دولار للكتاب بينما بواسطة الامازون نفس الكتب ابو ال170 دولار لكيتهة ب 10 دولارات زائد الشحن 4 دولارات يعني 14 دولار واصلك للبيت..مع العلم اذا اريد ااجر نفس الكتاب من الكلية فمو اقل من 70دولار للسيمستر..يعني الامازون رحمة  ;D

38
مشكور اخي العزيز على الموضوع الجميل..بس سؤال بسيط شكد سعر الساعة وية هالشركة وتقبل تحياتي..

بغدادي

39
اللاجيء الجديد الاعزب كان يستلم 345 دولار لمدة 8 اشهر حاليا صارت 317 واكو نية لتخفيضها اكثر على العام الجديد..

40
هنا يعني وين ..بامريكا؟

اذا قصدك بامريكا فابشر انفرجت عليك.. ;D

41
اخي عاشت ايدك لان قبل فترة احد الاخوان صرح انو بعض العراقيين "الظاهر هذولة واصلين ويشتغلون باستعلامات القصر الجمهوري" ما دافعين الاقساط وديسبحون بالملايين ولا يهمهم لا الكرديت ولا مريدي  ;D

42
اخي العزيز جرب هاي الشركات

http://www.securitas.com/us/en/
http://www.pinkertons.com/portal.htm

جرب هالشركتين بس حظك اوفر باول رابط securitas لان الثاني شغل وية الحكومة..على كلا جرب والله كريم

بغدادي

43
حلو خوش تيست بس على اخر واحد غوشت عيوني  ;D
115 ..سالم مسلح  ;D ..انتي شكد جبتي ؟

44
هوة اذا انتي جيكتي اليوم وخابرتي اكيد محد يرد لان اليوم احد  ;D ..وهسة طمنتيني عالكرديت مالتج لان نسفتي خوش نسفه ههههههه..شوفي اني من وصلت حاسب لازم اول فاتورة تجيني بشهر الرابع ذيج السنة انتظرت شهرين وماكو شي وراهة خابرتهم كالولي دزينالك فاتورتين وهسة انته مسجل عدنه ما دافع وبعد الاستفسار اتبين انو اكو غلط بالعنوان المسجل عدهم وراهة من كمت ادفع شهر بشهره واجاني تقرير الكرديت ما مسجلين بيه انو اني اول شهرين ما دافع وانما مسجلين دافع بدون تاخير لان اقتنعوا انو العنوان اللي يدزون عليه كان غلط فانتي دبريلج فد عذر وعلى هالاساس مشيهة..

45
عيني اني كاعد بسان دييغو المقدسة ورقم التلفون ما اله علاقة باختلاف الولايات يعني هسة اذا واحد يريد يخابرج من غير ولاية يتغير رقمج حسب الولاية هههههه  ;D هاي قوية من عندج..


46
cpt حرام اذا دافهم شي من حجيك انت تكول تامين حكومي ومو حكومي اني تاميني حاليا ( هوائي) ماكو تامين اصلا هههههه بس حجيك ..يستحق الصفنه  ???

بغدادي اني مداحجي عن مستشفى بس العيادات العاديه عانيت من خرابيطهم وكلاواتهم المتخلص جنت افكر اشترك بشركه تامين بس حسب ما حجى الاخ كوسوفي انو غاليه وتهري شكلي رح انسى الموضوع ..طبيب صيني ممممم بس لا يعالج بالوخززز هذا بس ياريت تنطيني معلومات اكثر اكون ممنونه بس دخيلك لا ترجع تحجيلي عالزواج وزود الجهال ومدري شنو لان اتخبل من هالسيره ههههههه اروح ارجع اهون بلى ما اتورط هههههههههههه

اخ بيتز ابو الفل اوبشن ههههههههه ;D والله ضحكتني


شنو الزواج صارة كخة بامريكا ..لا تتورطين يمعودة رجعي احسنلج  :-\
الطبيب الصيني هاي معلوماته:

7250El Cajon Blvd., Ste#201
La Mesa 91942
التلفون 6196672259
اسم الطبيب: Thach Diep May

47
طبعا اكيد لو مسجلة بكروسمونت او بكوياماكا مو صحيح  ;D

عيني ما دام انتي عالانتظار فهاي متنحسبلج يونيتس الى ان تتسجلين فعليا بالكلاس وهذا يتم بطريقتين يا اما استاذ المادة ياخذ اول 3 -5 طلاب على القائمة ويسجلهم  ومرات عدد المنتظرين يوصل فوكك ال15 يعني البقية راح يتكنسلون وطبعا هاي تعتمد على الاستاذ نفسه لان اكو البعض ميقبل ولا واحد زيادة ياخذ وبهالحالة تروحين وتحجين وية الاستاذ وتشرحيله موقفج وانو انتي جدية جدا وما عندج غير خيار الدراسة وراح ينطيج شي اسمه add code وهو رقم تروحين اونلاين وتدخليه وبهالطريقة راح ينتقل اسمج من قائمة الانتظار الى قائمة المسجلين فعليا ورحم الله والديج..

بغدادي

48
عادلت شهادة البكلوريوس بنفس المعهد بدون ارسال شهادة الاعدادية ولا وطلبوهة من عندي اصلا بس طلبوا النسخ الاصلية من شهادة التخرج مصدقة من الجامعة والخارجية..

49
عيني اولا هذا رقمهم 18002330213 واني مخابرهم كذا مرة وحاجي وياهم لان مرات متوصلني الفاتورة مالتهم بالبريد مدري وين تضيع ولهذا اخابرهم واكلهم ترة ما وصلتني واني من يمي اسوي وصل بيه معلوماتي ورقم الفايل واحط بيه جيك وادزه والامور ماشية عادي..

ثاني ملاحظة عدم تسديد اقساط الطائرة راح ياثر سلبا على الكردت هستوري مالتج وشركة الكردت المسؤولة عن الاقساط اسمهة Trans Union واني كل 3 اشهر يوصلني تقرير الكردت هيستوري مالتي ومكتوب دفع بدون تاخير وهو اصلا اللي محسن نقاط الكردت مالتي..في حال عدم الدفع فراح ينكتب ما دفع وهذا رح يقلل من نقاط الكردت مالتج هسة وعالمستقبل لهذا نصيحتي خابريهم وكوليلهم ما كانت اصلا توصلني الرسائل وخلي يدزولج من جديد..لازم تاخذين فرق الوقت 3 ساعات بالحسبان لان همة اعتقد بالخمسة يعزلون ويسدون الكبنك يعني بال 2 الظهر يتوقيتنا..

بغدادي

50
عزيزتي كلامج بيه جانب من الصحة بس مو كله صحيح..اني كنت اشتغل بمستشفى لفترة 13 شهر مو طبيب طبعا  ;D وانما خدمة زبائن وحتى لو كان عندج تامين مو حكومي فراح تظلين تنتظرين بالطواريء الى ان يجي دورج يعني حالج حال غيرج وبهاي النقطة ماكو اختلاف..الاختلاف يكون بالمعاملة بعد ان يتم تسجيل كامل اوراقج وادخالج على السيستيم واني هاي شفتهة شوفة عين وبدل المثال اكدر انطي مية مثال على اختلاف التعامل الطبي بين اللي عنده تامين صحي خاص وبين الحكومي او اللي ما عنده اصلا..ما دامج ساكنه بسان دييغو فاكو طبيب صيني سمعته جيدة ويدرس بالجامعة مسوي سعر الدخولية 20 دولار كمساعدة للي ما عدهم تامين اذا اتحبين انطيج اسمه وعنوانه..

بالنسبة للعيادات الحكومية فدائما عليها ازدحام ولهذا تتاخر الفحوصات والاشعة وغيرها وانتي تعرفين الوضع يعني كلشي بسعره هنا..عيني احسن شي تتزوجين وتجيبين جهال حتى يسترون عليكم لان هنا كلهة كاعدة بزود جهالهة ههههه..

بغدادي

51
اني ما اعرف حضرتج وين ساكنة بس اني معلوماتي عن سان دييغو..اكو شي اسمه الكاونتي كلينيك او الفاميلي كلينيك هاي مخصصة للي ما عدهم انشورنس وتسوين تحاليل كاملة بعشرين دولار والشغلة كلهة متكلفج 50 دولار حتى الاسنان تروحين كلشي ايسوولج ما عدا زرع او جسر ب 40 دولار للزيارة يعني اذا كالولج مثلا تحتاجين 3 جلسات فهاي 120 اللي هية اصلا راح تكلفج اضعاف باي مكان ثاني..

بغدادي

52
ماكو داعي الواحد يدفع دولار واحد لاي جهة كانت حتى تكمله معاملة الكرين كارد لان اسهل منها ماكو وهي عبارة عن مليء فورمات وادخال بياناتك الشخصية وارسالها بالبريد واني وغيري سويناهة بنفسنه والحمدلله ما كان اكو اي مشكلة تذكر..

هذا الرابط للاستفادة

http://www.ankawa.com/forum/index.php/topic,455849.0.html

53
عيني انتي مو الكردت مالتج زين فياريت تاخذيلي وحدة باسمج واني ادفعلج الفلوس الج بس راعيني بالدفع يعني مثلا 10 دولارات بالشهر زين..

54
مشكور اخي العزيز عالمعلومة بس البارحة اني كنت بالكاثوليك جارتي والبنت المسؤولة عن هذا الموضوع كالتلي في حال تزوج من خارج امريكا وتريد تسحبالزوجة بمعاملة لم شمل فبواسطة الفورم 130 والمدة المقدرة لا تقل عن 3 سنوات وفي حال اتجيبها يو ان ويكون اصلا عدهة فايل فالمدة تقدر بسنة وهالحجي مثل ما كالتلياه انقله ..تحياتي

55
بس للمقارنة..عندي ولد صاحبي لاجيء بالمانيا وبعده ما محصل على الاقامة المفتوحة وده وكالة مصدقة باسم شخص حتى يعقد على بنية يعرفها وصار العقد والبنية قدمت اوراقها للسفارة الالمانية باحدى الدول العربية وخلال فترة 4 اشهر البنية كاعدة يمة بشتوتغارت والرجال لا هوة مقيم دائم ولا متجنس..ما ادري هالمعضلة وية معاملات الزواج بامريكا شنو!!!!

56
فداوي نسيت اكولج من منضر السيارة مو السيارة لا ؤنما المكان الي بيه السيارة والاشجار الي ورا السيارة والجبال والسمة اكدر اكول امريكة مو حلوة وتلعب النفس ادري انتو اشلون عايشين بيهة مادري يمعودة هاي اتبين وحشة وخنكة كلش امريكة الله يساعدكم

عمي متكلي شنو فائدة الخضار وكهرباء ماكو..البارحة متت من الحر وكضيتهة مهفات الى ان اجة الكهرباء الكاليفورني الوطني..زين هذا الخضار ما ينرادله مي اذا المي كل يوم مكطوع وبالكوة نروح للشط حتى نجيب جم نجانة ونعبي بيهة التانكي بالسطح..عمي لا يغرك الخضار ترة الوضعية ماساوية ونص اللاجئين هسة مقدمين لجوء على بيشاور.. ;D ;D ;D

57
السيارة كلين تايتل بالنسبة لسعرها راح اخابرلج اخو الولد واخبرج عالسعر بس بوقتهة كللي بحدود ال 3000 او اقل بكل الاحوال راح اتاكدلج وارجعلج خبر بس اذا عجبتج لازم تجين لسان دييغو !!

58
صاحبة السيارة خيرة ومن اهل الله وزوجهة شهيد بغزوة تورا بورا وتريد تطيهة صدقة على روحه.. ;D
فاذا الكم نية انتي والاخت سارة اتصلوا بيهة والبنية متقصر..اسمهة جوليت سميث اليعربي..

عزيزتي ولد صاحبي عنده هوندا اكورد 2001 لونهة فضي ماشية 138000 اوتوماتيك ونظيفة جدا وهوة سافر قبل كم شهر للعراق بعقد عمل وسيارته بقت بالكراج وهسة يريد يبيعهة اذا الج نية حتى ادزلج تفاصيلهة عالخاص..

59
هاي السيارة مال جيراني عارضهة للبيع شوفيهة اتفيدج حتى احجيلج وياه..
كلين تايتل وتبريد مركزي بس فتحي الجامة..
مال موظفة تروح بيهة لحديقة الحيوانات وترجع بتكسي..
الدرج عالمشتري..

60
جمع بطرح هاي السيارة متفيدج..ثاني شي من تريدين تشترين سيارة لازم تتبعين عدة خطوات حتى لا تتورطين:

- تروحين لل kbb.com حتى تشوفين سعرهة الحقيقي بالسوكك شكد وعلى هالاساس تتعاملين وية البائع
- ثاني شي تسالين اذا التايتل باسم البائع لو لا لان اذا مو باسمه معناهة الاخ بياع شراي وما دافع ضريبة نقل الملكية وراح توكع براسج كل الاتعاب.
- اذا السيارة ماشية فوكك ال 100 الف ميل فلازم تسالين على اهم شي ال timing& driving belt وباقي الامور مثل الديسك باد واي شي اخر مبدل واذا كلشي ما مبدل فهاي راح هم توكع براسج لان ورة ال 100 الف هالشغلات لازم تتغير..
- لازم من تشترين السيارة وياهة ال smog certificate واذا لا فراح تتورطين لان يجوز السيارة متعبر الفحص مال عوادم ولازم تغيرين كم قطعة ..ضرب بجمع مو اقل من 250 دولار تكلفج..

هاي كم نقطة بلكي تفيدج من تشترين سيارة..

بغدادي

61
ههههههههه اخويه البغدادي وصفك كلش دقيق هههههههههه

لازم نتحلى بالمصداقية والمعلومة الصحيحة  ;D ;D

62
عزيزي الكرين كارد يشبه البطاقة الحزبية مال اعضاء الشعب بس على اطوخ..

63
اخي العزيز بامكانك تستفاد من تجربة الاخت sara california لان هي من اوائل الناس اللي قدموا بنفسهم على الكرين كارد واني شخصيا استفاديت منهة قبل بناء تجربتي الفعلية الكاملة عن موضوع التقديم..

بغدادي

64
اختي العزيزة..اذا اختج تريد جو حلو ومعتدل فسان دييغو هي الافضل بس اذا تريد شغل وفرص عمل بسرعة وتسوي شكم فلس فسان دييغو هي مو الاسوء بس واحدة من اسوء المدن بايجاد عمل فهي لازم تعرف شتريد واذا جاية وحدهة وبدون عائلة فمعناها يصرفون عليها بس 8 اشهر ووراهة كلشي ماكو فخلي تاخذ هالمسالة بالحسبان..

بغدادي

65
اخي انكليزيتك شلونهة..اذا زينة وتمشي شغل راسلني عالخاص..

66
اخي العزيز..ماكو اي جهة تنطيك الكردت سكور ببلاش يعني مثلا ال AnnualCreditReport.com راح ينطيك تقرير شبه مفصل عن وضع الكرديت مالتك ويكلك جيد او لا مع بعض التفاصيل واني هذا اللنك استخدمته قبل فترة بس ما بيه اي اشارة الى عدد النقاط مال الكرديت ولمن رحت وسالت الموظفة مال بانك اوف امريكا كالت محد ينطي السكور ببلاش بس اكو خدمة يقدمهة بنك اوف امريكا وهي دفع مبلغ 13 دولار شهريا وينطيك فترة شهر تجربة ببلاش وخلال هالشهر راح يدزولك التقرير مال كرديت سكور مفصل وية النقاط والخدمة ايضا تشمل مراقبه كل حساباتك ومنع اي محاولة لسرقة معلوماتك البنكية او اي شي مشبوه ضمن تعاملاتك المصرفية من قبل جهة اخرى..فاخي العزيز تستلم التقرير واكو رقم بامكانك تتصل بيه وتلغي اشتراكك بهالخدمة وبهالحالة طلع التقرير ببلاش وحتى لو دفعت 13 دولار بس اول شهر قبل متلغي فهمينه مو هواية..

بغدادي

67
عمي ملك الحيرة بالخدمة اخي الفاضل ومشكور على مرورك الكريم..

بغدادي

68
عيني اخت زهرة..زين غير نفتهم الالية مالتج للتحرك وخطة العمل حتى ننطيج التفاصيل  ;D ..
اني بالنسبة الي خادم بثورة العشرين وعندي 13 ونص نوط شجاعة وخمس درجات عالمعدل لان جدي انفقد بحرب البسوس..
عمي ما تقصرين بس ما ادري انتي تتشاقين لو الموضوع جدي..تحياتي

بغدادي

69
الحدود السورية الاردنية فقط هية اللي انغلقت والخبر مؤكد وتم عرضه على قناة العربية..

70
عيني زهرة الصبار السلام عليكم..اني اقترح لو تكتبين شنو المواصفات المطلوبة حتى نشوف الصبايا طلبهم موجود بالسوكك لو لا  ;D
لان هسة السوكك واكف وكساد وكله ديدور شغل استيراد واجنبي والمحلي هسة واكف شغله لان غالبيتة على غفلة تكوم عدهم جوزة الحماوة وترتفع الحرارة ويثورون وفوكاهة ما بيه وورينتي لان الوورينتي راح وية الجيل القديم والحديث كله محور ..
بغدادي

71
الاخ العزيز حيدر..كلامك صحيح انو اللاجيء لديه الخيار انو نفس ال  health dept يوقعلك ويختم ويحط طابع على القسم رقم 5 من الاستمارة رقم 693 "بشرط ان يكون توقيع طبيب وليس مساعد طبيب او تقني" بس البعض طلبهم منهم بالاضافة الى هالشي توقيع ال civil surgeon ..

بالنسبة لمعاملتك فالظاهر اكو غلط او سوء فهم لان كل شخص لازم يكون اله معاملته الخاصة وبوقتهة كان الكلام انو القسم الخاص بذكر افراد العائلة لا يكفي ولهذا وحسب تعليمات مليء الاستمارة 485 فيجب عمل ملحق بالاستمارة الاصلية مع ذكر رقم القسم وتوقيعه من قبل صاحب الشان..اذا صار عندك وقت خابرني لان لازم تتدراك هالشي عالسريع..
بالنسبة للبصمات فهذا شي طبيعي انو مو شرط كل افراد العائلة يجي موعدهم بنفس اليوم للتبصيم بس لازم كل واحد معاملته الخاصة بيه..

بغدادي

72
الاخ العزيز حيدر..مشكور على مساهمتك المفيدة..بالنسبة الي هم كملت لقاحاتي بال health dept. بس انو مسالة ال  Civil Surgeon Certificate ابلاش هاي ما سامع بيهة ويمكن هالخيار متوفر بولايتكم لان هنا بسان دييغو ارخص شي يسووهة ب 30 دولار للشخص..اني الحمدلله دزيت التقرير موقع من الدكتور بعد ما زفيته ووره اسبوع دزولي الكارد بالبريد والحمدلله على كل شيء واي استفسار اني حاضر واي شخص لديه تجربة ممكن ايفيدنا بيهة فميه هلا ومرحبا..

بغدادي

74
مشكور اخ صفاء على رفع الموضوع واحب اذكر معلومة جدا مهمة صارت وياية واخرت معاملتي 3 اشهر والخلل مو باكمال الاوراق وانما بالتقرير الطبي:


بعض الاطباء جاهلين بتفاصيل الاستمارة رقم 693 لان هية متكونة من 6 اقسام وبعضهم يزود اللاجيء فقط بالقسم الخاص باكمال اللقاحات والمفروض التقرير الطبي يشمل القسم رقم 1 و 5 بالاضافة الى القسم الخاص باللقاحات يعني التقرير يتكون من 3 اوراق

الاستمارة رقم 1 معلومات اللاجيء الشخصية مع توقيع اللاجيء
رقم 2 استمارة اكمال اللقاحات
رقم 5 استمارة تحوي معلومات الطبيب المختص مع توقيعه

واللي صار وياية انو الطبيب لا طلب مني مليء الاستمارة رقم 1 ولا هوة كمل الاستمارة رقم 5 الخاصة بيه ولا وقعهة ولهذا بعد 3 اشهر اجاني طلب تصحيح للتقرير الطبي..لهذا اتاكدوا ان التقرير يحوي 3 استمارات موقعة من قبلكم وقبل الطبيب..

بغدادي

75
الاخ مغترب بلا وطن..

الاخ ابو عروبة من فرقة سان دييغو للحزب تنظيم الرفيق ابرهام لنكن يبعثلك سلام رفاقي معطر برائحة البارود والدولمة ويكلك وصل سلام الفرقة الحزبية الى الرفاق في الجزيرة الاسكندنافية المقدسة ودمتم للنضال..

76
اخي الاصيل222  اني بولاية كاليفورنيا ..مدينة سان دييغو عليها السلام  ;D
الله يسلمك اخي العزيز وانشاءالله للجميع..تحياتي

77
هذا تسلسل تقديمي على الكرين كارد:

20 اوكتوبر 2010 استلام المعاملة
25 اوكتوبر 2010 استلام الوصل
10 نوفمبر 2010 استلام موعد اجراء البصمات والمحدد في يوم 6 ديسمبر 2010

خابرتهم والموظفة كالتلي ورة ال 6 اشهر بامكانك تسوي طلب تعجيل او توضيح ليش اتاخرت المعاملة..

لحدالان ما اجاني وهاي صارلي 5 اشهر واسبوع من موعد استلام المعاملة والله كريم التسهيل من الله..تحياتي

78
اخي العزيز..الخبر صحيح انو الاشعاعات وصلت الى كاليفورنيا بس سان دييغو متوصل ولا راح توصل لان سان دييغو الله حاميهة والقائد والشعب  ..ومال انو كاليفورنيا تغطس  بمياه المحيط فهذا صحيح ولهذا اسعار المايوهات والجساوي هنا كلش رخيصة لان متحضرين اربعة وعشرين ساعة حتى نحقق العبور الناجز نحو الضفة الاخرى والله اكبر.. ;D

عضو فرقة سان دييغو للحزب تنظيم الرفيق ابراهام لنكن..

عمي ابو الزين اتشاق وياك بس بخصوص انو كاليفورنيا تغمرها مياه المحيط فهذا صحيح وحقيقة مؤكدة بسبب وجود الصدع العظيم شرق كاليفورنيا واللي بسبب تصدعه المستمر تجينه الهزات الارضية بالولاية ولكن التوقعات ان تتحول كاليفورنيا "في المستقبل غير المعلوم" الى جزيرة عائمة ..يعني هاواي بس على جبيرة  ;D ..استفاد خااااالي

79
اخي العزيز  ali3d مشكور على الموضوع وباركالله بيك..
اني صارلي فترة ماداخل لان ما عندي وكت احك راسي واثار انتباهي موضوعك..وراح ابدي رايي المتواضع..

اني اتفق وية كل اللي كالوا انو ماكو احسن من العراقية كزوجة للشاب العراقي لاسباب كثيرة تشمل العادات والتقاليد والالتزام بالعائلة وغيرها كثير..ولكن سؤالي هاي العراقية اللي تحمل هاي الصفات كلها وينهة؟!! يعني مو قصدي اكول ماكو وماموجودة بس القصد هو انو هواية من الشابات العراقيات اللي اجوي لامريكا وبعد فترة اقامتهم هنا اكتسبوا الكثير من العادات الامريكية وبعضهن زادوا حتى على الامريكان نفسهم واني احاول اتكلم بتجرد بناءا على تجربتي ومشاهداتي من ارض الواقع..

يا اخي صار حاجي وية العديد من العراقيات لغرض الارتباط وكلهن عايشات بامريكا وبمختلف الولايات ونسبة 90% من عدهن يتكلمن بالاستقلالية وفرض اراء ليبرالية متحررة لم تكن موجودة اصلا ومتلكيهة اصلا فقط ضمن هذا المجتمع وضمن عاداته..

اخي العزيز اني ما اعرف حضرتك وين ساكن بس اتمنى تجي فد يوم لسان دييغو المقدسة اللي بيهة نسبة جيدة من العراقيين وتفرح عينك بالعادات الامريكية لكثير منهم وهذا لا يشمل فقط الشابات وانما العائلة باكملها..واني حضرت العديد من الدعوات لعوائل محترمة صارلهم سنين طويلة هنا بس يا اخي كلمة عراقي وحدها حاليا بالغربة لا تكفي ويجب ان تتبعها امور كثيرة وتساؤلات لان الوضع لا يمكن اختزاله بكلمة وحدة ..

ارجو ان لا ينفهم كلامي غلط لان هناك العديد من العوائل اللي حافظت وتحاول تحافظ على افرادها وتمسكمهم بمبديء العائلة الشرقية وبشكل متوازن خالي من التطرف بكل اشكاله ولكن اخي العزيز الوضع من عايش ببلدك مو مثل هنا وهذولة مو بسهولة تلكيهم..

مسالة الارتباط باي فتاة اجنبية برايي فاشل تماما وهاي القاعدة وهناك بعض الاستثناءات هنا وهناك وهذا رايي مبني على تجربة شخصية لعدة سنوات..اختزلك الموضوع بكلمة انو السوفت وير مختلف شلون متجيبه تحطة تحاول انته وياهة تتنازل عن كثير من الامور بس تظل هناك مشاكل جدية حول كيفية تربية الاولاد مثلا في المستقبل ..نظرية الالتزام بالاسرة حاليا ومستقبلا..هل هاي الزوجة راح تتقبل ان تروح وياك وين ما انتقلت..هاي كلهة مسائل عويصة متلكيهة وية بنت بلدك وحتى لو انوجدت فراح تنحل بنقاش مثمر وليس عقيم..

نصيحتي لكل عازب على وشك السفر او ماشي بمعاملة ومنتتظر قرار السفر ان يتزوج قبل ان يجي لهنا لان ترة الوضع مو سهل والمغريات كثيرة خصوصا للشباب اللي بعده ما عنده تجربة وغير مستقر على وضع عاطفي معين لان النتيجة راح يخسر وقت ويفوت بدوامه الخيارات اللي لا تنتهي..وتحياتي لكل المساهمات الحلوة..

بغدادي

80
طيب اخي العزيز سؤال بسيط..حضرتك دخلت المانيا عن طريق الامم المتحدة لو لجوء غير شرعي..تحياتي

81
اخي العزيز ممكن مصدر هاي المعلومة؟

اني فضلا عن كوني كنت ساكن بالمانيا فعندي لحد الان اقارب واصدقاء ساكنين وهاي المعلومة حقيقة ما سمعت بيهة فاذا ممكن المصدر لغرض التاكد..تحياتي

82
مدينة سان دياكو
Holiday Inn Hotel
San Diego - La Mesa

8000 Parkway Dr., La Mesa, CA 91942


الخميس 27/1/2011
الحروف التي تمثل الاسم الاول للمراجع
ا ب ت ث ج ح خ د ذ ر ز
من 10 صباح الى 8 مساءاً

الجمعة 28/1/ 2011
الحروف التي تمثل الاسم الاول للمراجع
س ش ص ض ط ع غ ف ق
من 10 صباح الى 8 مساءاً

السبت 29/1/ 2011
الحروف التي تمثل الاسم الاول للمراجع
ك ل م ن ه و ي
من 8 صباح الى 6 مساءاً



يرجى من المراجعين الكرام الالتزام بالمواعيد وحسب الحروف المذكوره في الجدول اعلاه تفاديا للازدحام والتاخير وتسهيلا للمعاملات وسرعة الانجاز، وسيتم توفير موني اوردر في الموقع ، وكما يلي: اولا: وكالة خاصة 10 دولار. ثانيا: وكالة عامة 30 دولار. ثالثا: الغاء وكالة 10 دولار. رابعا: شهادة حياة (مجاناً).

يرجى ملاحظة ان التعليمات الواردة من بغداد تحتم على ان تكون الوكالة مطبوعة ولا تكون مكتوبة بخط اليد، وان المعاملات المكتوبه باليد ستكون غير مقبوله في الدوائر الرسميه راجين أخذ ذلك بنظر الإعتبار، وستتم عملية طباعة الشهادات والوكالات في الموقع

وللمزيد من المعلومات
يرجى الاتصال على هواتف الجمعيه العراقيه الامريكيه:
يوسف داود
8654 731 (818)
ناجي الحاني
7100 210 (310)
علي العويناتي
7595 836 (949)
بيتر عبد الاحد
7694 576 (909)
حسن الحكاك
7370 321 (626)

83
عاشت ايدك عالموضوع لان جدا مهم والنقاط المذكورة مهمة حتى للي عدهم كردت هيستوري جيد من اجل الحفاظ عليه دون الوقوع بنفس الاخطاء التي اتمنى ان تصلح عن قريب انشاءالله..

انا اتذكر ان الكلام يخص ولاية كنتاكي من اجل الدقة في تحديد المكان وطريقة التعامل من قبل المحيطين ضمن القوانين المتبعة هناك..تقبل تحياتي وشكري..

بغدادي

84
اختي العزيزة..
للحصول على الاقامة المفتوحة بالمانيا فاكو طريقتين يا اما بواسطة اللجوء وهاي تاخذ مو اقل من 6 سنين انتظار او بواسطة الزواج من شخص متجنس والفترة تكون 3 سنوات..تحياتي

بغدادي

85
اخي العزيز اني اجيت لجوء واخذت الاجازة ورة شهرين من وصولي الى سان دييغو وما عندي اصلا بوقتهة كرين كارد واجازتي لمدة 4 سنوات وابوك الله يرحمه..انته خاف دتحجي على البيرميت اللي ينطوكياه ورة متنجح باختبار النظري!!!
اذا تحب ادزلك شهادة السياقة مالتي سكان حتى تتاكد ما عندي مشكلة..

86
هية الاخت ليش خايفة من تقديم الوثائق اللي عدهة للسفارة الامريكية حتى تستدل على مكانه وتمشي ورقة عدم الممانعة والاجراءات تاخذ مجراها؟؟؟؟
يعني واذا جنسية امريكية قابل على راسه ريشة اصلا كون عنده جنسية فهو تحت القانون اكثر من اي شخص اخر..
نصيحتي ما دام طلع انسان منحط "مع احترامي كونه كان زوجج سابقا" فالمفروض تنسيه وتمشين بطريق انو تجيبين حقج منه ومو بس هاي تبهذلي وتكفري بالساعة اللي خطى بيهة هالخطوة لان هيجي نماذج حرام يكمل حياته وباله مرتاح..
اختي قدمي وثائقج للسفارة وكل الاوراق اللي تثبت شخصيته وعسى تبهذل انتي المهم معاملتج تمشي ومراح يكدر يخطو اي خطوة ضدج..توكلي على الله..واذا تكدرين ادزين اسمه وبيا ولاية حتى نشوف هذا التعيس شنو وضعه..

بغدادي

87
يعني كلام الموظفة تقريبا نفس الكلام اللي ذكرته..انته انشاءالله من تشتغل ويجيك راتب على حسابك تروح وتكلهم اريد اسوي كرديت عادي لان مسوي ديريكت ديبوزيت يمكم ومضمون حصولك عليه..

88
رحمة لذاك الجد ما عدهم جواز الملكة اليزابيث الثانية حيل محتاجة شغلة ضرورية كليييييييييش كلييييييييييش..

89


في حالة صرف الشخص اكثر من كمية الدخل الشهري المودع في الحساب راح ايصير فرق سالب  بالمبلغ الباقي شهريا بعد خروج الصرفيات ال outflown
مشكورين اخوان على هذا الموضوع الحلو
بس هاي النقطه ما دا استوعبها، هسه اني عندي حساب بنفس البنك ومقدم على السكيورد كربد كارد. المهم هسه بحسابي فد 500 دولار وكل ما سحب شغله او ادفع ايجار احط فلوس بقيمة المبلغ الي اريد ادفعه، بهيشي حاله الداخل للبنك راح يكون اعلى من المصروف وما يطلعلي بالسالب لانه ما ترهم اتصير بالسالب
بالنسبة للكردت كارد، سالفة لاتصرف اكثر من 50 او 70% ما دا اقتنع بيها الي اعرفه انه تشتري فد ب 100 دولار وتدفع راسا او قبل ما ينتهي الشهر فانت بامان وماكو اي مشاكل، هسه لنفرض عندي 300 $ سكيورد كردت كارت وصرفت 300 دولار ورحت دفعتها ثاني يوم وبعد كم يوم هم اشتريت بفد مبلغ ثاني ودفعته قبل ما ينتهي الشهر فشنو المشكله؟!!!! الي اعرفه انه المهم تدفع المبلغ الي عليك وما تبقي اي دين عليك وبهاي الطريقه بعد ستة اشهر الى سنه اتحصل الكريدت كارد (لانه يختلف من بنك الى اخر)وبعدها ينبني الكريدت مالتك.
الكريدت تحتاجه علمود القروض والشراء بالاقساط. المهم الصفحه مالتك نظيف وما عليك باد هيستوري

اخي العزيز stormes

كلامك صحيح ومنطقي اذا فكرنا احنه بتفكيرنا وضمن عقليتنا انو دا اسحب واغطي المبلغ فورا بس حسابهم همة مو هيجي واني هذا الشي سالت بيه موظفة حسابات بالمصرف وكالتلي "وهاي اكثر من شخص" مسالة انو تغطي حسابك دائما فهذي نقطة مهمة لصالحك بس احنه ما نحسبهة بس فقط على هالاساس وانما انشوف الشخص شكد يصرف من المبلغ اللي احن سامحيله بيه ومنفضل نهائيا الشخص اللي يستخدم كل المبلغ لان هذا ينطينه شكوك انو وضعيته عالحافة او مشكوك بيهة في حال انطينا مبلغ اكثر للصرف "واني دا اتكلم عن الكرديت العادي مو السيكيورد" ولهذا اغلب المتعاملين يكون عدهم مو اقل من 2-3 حسابات كرديت مختلفة حتى يوازنون يهة بالصرف والمصرف ياخذ فكرة انو هذا الشخص ديعرف يوازن بين عده حسابات ويغطيها بدون ان يصل لنسبة 70% للصرف من كل حساب..
صدكني اني فتت بهواية تفاصيل بنكية تخص الكرديت عن طريق ناس امريكان وعرب عايشين طول عمرهم هنا وعدهم خوش كرديت هيستوري..

بغدادي

90
اكو نقطة مال من واحد يحجي بالموبايل ويمشي بالشارع لا يصيح رحمه لذاك الجد لان هذا موبايل مو تلفون ابو الجرس مال ايام السبعينات وكل ما تبعد المسافة كل ما الصوت يعلى ويصير احلى واحلى تكول مستدعي جيش شعبي..

91
اختي العزيزة..اختيار الميجر هنا يختلف تماما عن اللي تعودنه عليه بالعراق او بالشرق الاوسط بصورة عامة..يعني هنا لازم اول شي تكعدين وية شخص استشاري يكون موجود ضمن الكوميونيتي كوليج او الجامعة وهو مسؤول عن اعطاء الطالب فكرة افضل عن الاختصاص اللي ممكن ايفيده بالمستقبل وهاي بعد كم جلسة وية الطالب يسجل بيهة شنو الامور اللي هوة زين بيهة وهواياته وتحصيله الدراسي ودرجاته ووين هوة متفوق "وهاي كلهة ضمن جانب واحد" والفرص اللي متوفرة بسوق العمل ومقارنتهة مع خبرات الطالب ومواهبه من جانب ثاني وعلى هالاساس راح يكلج شنو افضلج واقرب الج ضمن المعلومات المتوفرة عنج..

سالي عن المستشار التعليمي وروحي لقسم الاستشارات بالكوميونيتي كوليج وحددي موعد وية هذا الشخص حتى تتنورين..تحياتي

بصورة عامة جميع الاختصاصات اللي متعلقة بالخدمات الطبية هي تقريبا مضمون العمل بيهة يعني من الممرضات الى التقنيين الطبيين مثل الاشعة والتخطيط والانعاش وما شابه هاي كلهة مطلوبة دائما..

بغدادي

92
اكونقطة تخص الدراسة واللي هية انو انتي تكدرين تقدمين على الدراسة ومن تخلصين اوراق التقديموالمنحة تسجلن ودرسين عادي بس قبل السنة مراح تحصلين مردود مادي من الدراسة لان لازم تدفعين الرسوم الدراسية من المنحة..

كونج مريضة وحالتج الصحية متسمح ان تشتغلين فلازم تروحين للطبيب اللي انتي تابعتله وتشرحيله حالتج حتى يفحصج ويسوي تقرير طبي يثبت هالشي وعلى اساسه تستمر المساعدات..

بغدادي

93
السلام عليكم/
انا من الموجودين في اريغون وعائلتي معي اقول اريغون اجمل مايكون وانظف واامن وافضل
مع امنياتي .
تايكر- بابل.

شهد شاهد من اهلها..توكلي على الله وقدمي على اوريغون وبالتوفيق انشاءالله..

بغدادي

94
اختي العزيزة ممكن توضحين اكثر شنو اللي تريدين توصليله من معلومات!!

95
اوريغون هي الافضل مو بس ضمن هاي الولايات الثلاث وانما ضمن مجمل امريكا..توكلي على الله واستشاري البقية بس عن نفسي ارشح اوريغون لان كل معارفي من غير العراقيين يمدحون جدا بالولاية من ناحية الرخص والنظافة والامان..

بغدادي

96
بامكانك التقديم على الدراسة فورا في احد كليات الكوميونيتي كوليج الموجودة ضمن منطقتك وهناك انواع مختلفة للدراسة كما ان الفترة تختلف باختلاف الاختصاص..يعني هناك فرصة للحصول على شهادة الدبلوم في اغلب الاختصاصات بعد سنتين دراسية او الانضمام الى بعض الدورات التخصصية المهنية لمدة فصل واحد "4 اشهر" والحصول على certificate بانهاء الدورة بنجاح..كل هذه الامور تتم مجانا ضمن كليات الكوميونيتي كوليج ويجب التقديم اولا على المنحة الدراسية اونلاين من الموقع ادناه:

http://www.fafsa.ed.gov/index.htm

بعد مليء الاستمارات والتقديم اونلاين يجب الانتظار لفترة شهرين لغاية الحصول على المنحة والانتقال للخطوة الثانية التي تخص التسجيل في احد الاختصاصات الدراسية..في حال كونك مقيمة في الولاية لمدة اكثر من 12 شهر فبهالحالة سوف تعفين من دفع الرسوم الدراسية للكلية والاستفادة من مبلغ المنحة البالغ 670 دولار شهريا "في حال الدراسة فول تايم" لقضاء حاجاتك الشخصية اما قبل هالفترة فيستوجب عليكي دفع الرسوم الدراسية للكلية من مبلغ المنحة..انشاءالله تكونين استفدتي من بعض المعلومات واعلميني في حال حاجتك الى معلومات اضافية..

بغدادي

97
اخي العزيز ammar4_u

كما ذكرت سابقا انو الافضل لبناء كرديت هيستوري قوي هو ان لا يتجاوز معدل الصرف الشهري من حساب الكرديت ال 70% من السقف الاعلى ال credite line والافضل دفع كامل المبلغ المستحق بعد استلام الستيتمينت حتى لا تدفع فوائد وثانيا اللي يدفع المبلغ كامل هو اللي يفضله البنك وباقي شركات الكرديت ونقاطه تكون عالية دائما..

الدفع الشهري للمبلغ المستحق ضمن الحد الادنى يكون في حاله فقط وجود قرض عالي وضخم مثل شراء سيارة بالاقساط او بيت بحيث الحد الادنى للاقساط يكون فد 250 دولار شهريا "في حالة السيارة" لان اصلا متكدر تدفع المبلغ اللي ماخذة كاملا بشهر واحد بينما بحالتك فالمفضل الدفع الكامل وعلى هالاساس البنك راح يقيمك ويشوفك فاهم المعادلة لو لا وعلى اساسهة بالمستقبل ينطيك قرض لو لا اعتمادا على عدة نقاط بس هاي تعتبر اهمهة..

بغدادي

98
اختي العزيز لا تاخذين الجواز ولا الكرين كارد اهم شي تاخذين البطاقة التموينية وشدة ورد وكوليلهم اني من طرف بغدادي وشوفي الضيافة الكندية شلونهة..

بغدادي

99
من رخصة صاحب الموضوع اجاوب الاخ تكساسي:

بالنسبة لسؤالك الاول حول امكانية الحصول على حساب كرديت من نفس البنك اللي فاتح بيه حساب ديبيت وسيفينك فاكولك نعم في حال عندك وارد ثابت من اي شغل وميحتاج تقدم على سيكيور كرديت هاي في حالة كونك ما عندك تاريخ عمل سابق نهائيا ولا فاتح حساب كرديت سابقا مع بنك او شركة..اما في حالة كونك مشتغل سابقا وبطلت ورجعت عالويلفير مثلا بحيث عندك وراد ثابت فراح البنك ينطيك حساب كرديت عادي سقفه مو اكثر من 600 دولار شهريا..اما اذا حالتك لا الاولى ولا الثانية فماكو غير تفتح سيكيور كرديت ب 500 لمدة لا تقل عن 6 اشهر وراهة تقدم طلب فب حال انتظامك بالتسديد بالحصول على كرديت عادي..

بخصوص طريقة تسديد الكرديت فافضل شي هو دفع المبلغ كاملا يعني مثلا اذا سقف الكرديت 600 واشتريت ب 300 فيجب والافضل تسديدها كاملا بعد نهاية كل فترة واستلام الستيتمينت بالدفع لان اولا راح متدفع فائدة لمصرف وثانيا نقاطك تزيد ويكون عندك كرديت هيستوري جيد..

نقطة مهمة جدا لا تصرف اكثر من 70% من المبلغ المسموح بيه credit line لان يقلل من نقاطك وهاي من تجربة شخصية بالاضافة الى نصائح وتجارب الامريكان اللي وياية لان المصرف او شركة الكرديت تكون ثقتع عالية بيك بهالطريقة..

الطالب بامكانه يحصل كردت عادي لا يتجاوز ال 600 دولار مع نسبة فائدة منخفضة..

في حال دفعت المبالغ المستحقة بحساب الكرديت كاملة بدون دفعات فاصلا شركات الكريديت مثل ال American Express راح يدزلك عدة عروض من اجل الحصول على بطاقتهم لان شرط هيجي شركات هو الدفع الكامل للمبلغ نهاية كل شهر بدون تقسيط وبدون فائدة وفائدته هو الحصول على نقاط عالية لحساب الكرديت اللي تؤهلك لشراء سيارة او بيت بالمستقبل وبفترة قياسية..

هاي بعض التفاصيل اللي ممكن اتفيد ومن تجربة شخصية بحته مع الاستفادة من تجارب اللي وياية..

بغدادي

100
اخت انجي الجواز العراقي لازم تاخذه والا ميدخلوهة واني عندي ولد صاحبي كل ست اشهر يروح لفانكوفر وكللي لازم جواز لان يختمون عليه دخولية وخروجية..

اختي العزيزة ضابط المطار راح يسالج اسئلة روتينية تخص هدف جيتج لكندا ومنوا عندج فكوني محضرة رقم تلفون اخوج في حال انطلب منج..تحياتي

بغدادي

101
كون عندج الكرين كارد فمتحتاجين فيزا فقط جوازج والكرين كارد والجواز الامريكي لبنتج..بخصوص تبليغ الويلفير الجواب نعم لازم تبلغيهم ولازم متبقين اكثر من 29 يوم خارج امريكا كونج عالويلفير والا يسوولج مشكلة وتجيج غرامة..اكو ناس راحوا وما خبروا الويلفير ومشت بس اني اتكلم قانونيا شنو المفروض اتسويه..لازم اتجيبين الكار سيت وياج بالطيارة..ماكو حاجة ان الاب ينطي ورقة قبول لسفر البنت الا في حالة واحدة هي ان تكون البنت تحت رعايته قانونيا under his custody والا فالامور طبيعية..

في كل الاحوال اذا لغتكم متساعدم على التواصل فتروحين لمنظمة الار اي سي واحد الموظفين المتطوعين راح يتصل ويتاكدلج من المعلومات حتى ترتاحين وتطمنين..

بغدادي

102
اخر احصائية رسمية تشير الى وجود 30 مليون مهاجر غير شرعي في مجمل الولايات الامريكية غالبيتهم من المكسيك وامريكا اللاتينية..تصور جيراني بنفس المنطقة مراة عمرها نهاية التلاثينات قبل فترة اكتشفت بالصدفة انو ما عدهة اقامة ومقيمة غير شرعية لا وفوكاها عدهة 5 اطفال..

103
لو ما الاخت سرى ادزلي اللنك ما ادري شنو قصتك..
اخي انته وين بكاليفورنيا..باي مدينة..
اذا انته بسان دييغو فاكو الكلينيك الحكومي مثل San yesidro clinck هذا تروحله مع بعض الاوراق اللي تثبت انك ما عندك وارد من عمل او انك تشتغل بس راتبك ميكفي فقط تكاليف حياتك ويسوولك بطاقة عضوية وكل زيارة تكلفك 40 دولار تتضمن كلشي يعني اجور طبيب وشغل حشو قلع او اي شي غيره ما عده الجسر..
اذا موكاعد بسان دييغو فالمفروض اكو هالنوع من العيادات الحكومية بمنطقتك بس اسال يمك ال health& human sevices وهمة يدلوك..موفق..

بغدادي

104
الاخ العزيز حيدر..بخدمتك عمي..

بس اريد اعرف وين باي مرحلة وصلت بالاوراق..يعني كملت التلقيح الثالث والاخير؟ اخذت الظرف المختوم من الطبيب المخول باكمال التلقيحات؟
اذا هالاجراءين كملتهن فما بقى عندك شي سوا انتظار اكمال السنة وارسال المعاملة بالبريد متضمنة جميع الاستمارات المذكورة..واذا تحتاج اي مساعدة فبخدمتك..

بغدادي

105
حبيب قلبي اني خوما دا اجذب عليك بس الظاهر الواحد حرامات يشارك ببعض المواضيع..انشاءالله يجيك غير حجي واطلع جذاب واعتذرلك مقدما..

106
مثل ما كالوا الاخوان انو ملفكم مقبول مبدئيا على امريكا والخطوة اللي راح تصير هي انو راح تقابلون شخص وراح يخبركم انو لديكم فرصة للتوطين الى امريكا فاذا موافقين فلازم توقعون بعض الاوراق المطلوبة وبنفس الوقت راح يسوي وياكم مقابلة حول القصة اللي بنيتوا عليها ملفكم وياخذ بعض التفاصيل عنكم بصورة عامة ويحول ملفكم بعدها للاي او ام من اجل اخذ معلومات شاملة ومقابلة الوفد الامريكي كخطوة اخيرة واللي بدوره راح يحدد مصيركم النهائي من القبول او الرفض لا سامح الله..انشاءالله موفقين..

بغدادي

107
لأن صديقي بالامارات كفيله دكتور بدائرة فيدرالية ولا يزال ينتظر الموافقة الامنية من 6 اشهر تقريبا ويمكن تكون محظوظ .. وانشاءالله ام عمر محظوظة مثلك ... وعلى العموم .... فوق كل ذي علم عليم ... والله اعلم

مشكور اخوي على ذوقك



اخي العزيز ملك الحيرة حضرتك منين جايب هالمعلومات اذا ممكن..اخي العزيز اني كفيلي ذو صفة حكومية ومعاملتي خلصت باسبوعين واروح فدوة للي انطاك هيجي معلومات..وردة

بغدادي


بالخدمة اخي العزيز وذوقي يكون على مستوى رد المقابل والناس مقامات..
كفيلي موظف بال DHS ومثل ما كلت حضرتك فوق كل ذو علم عليم..


كلامي وردي كان موجه لصاحبة الموضوع واللي يريد يرد على اي مساهمة فخلي يحاول يلتزم بمباديء الحوار  والنقاش وميدحض الراي المقابل لفكرة في باله فقط..
كل شخص لديه تجربته ومعلوماته الخاصة التي لا يمكن نشرها على العام وهذا لا يعني دحض راي المقابل بسبب فكرة في البال او راي عام يسود الاغلبية..

بغدادي

108
حمدلله على السلامة وانشاءالله شايف كل الخير والسعادة والصحة ومعافى انشاءالله..
والله حسب كلامك ففرق كبير بالايجارات بينكم وبيننا لان اني كاعد بسان دييغو وايجار غرفة بسكن مشترك 400 دولار..
طيب سؤال عمي ابو زينب شكد الحد الادنى للاجور يمك وهل فرص العمل متوفرة بصورة عامة..
طبيعة المجتمع وتقبل الاجنبي حسب رايك شلون شفتهة ولو بعدك جديد؟

تمنياتي لك بالموفقية واكيد اول مرة تعيشون الجو المثلج  ;D
تحياتي..

109
القرين كارد تستفاد منه يسهلك السفر من والى امريكا..
نعم تقدر تستثمر بالقرين كارد حسب قوانين الاستثمار..
القرين كارد ليس له علاقة بالتامين الصحي..تكدر تروح مستوصف وتدفع من جيبك اذا ماكو تامين..

110
اخي العزيز ملك الحيرة حضرتك منين جايب هالمعلومات اذا ممكن..اخي العزيز اني كفيلي ذو صفة حكومية ومعاملتي خلصت باسبوعين واروح فدوة للي انطاك هيجي معلومات..وردة

بغدادي

111
الكفيل يسرع من اجراءات السفر من ناحية تحديد الولاية والقيام ببعض مهام المنظمة المسؤولة عن التوطين اما بالنسبة للموافقة الامنية فلا يؤثر شيء الا في حالة كونه موظف حكومي..

بغدادي

112
http://www.youtube.com/watch?v=njNYGCwnexU

هاي اهداء مني الك..موضوعك ذكرني بيهة..

113
مشكو اخي بغدادي على الموضوع المفيد والشرح المفصل
وانشاء الله ترجع هكذا مواضيع تشرح بالطريقه المفصله و الموضوعيه والاهميه التي عهدناها سابقا.
وطبعا انته خلصتني من دين ثقيل كان على لتعهدي بكتابة موضوع شامل عن التقديم على الكرين كارد ... وبموضوعك اعتقد كفيت ووفيت ومقصرت.

أخوك
(غسان المنكوب)

حبيبي اخ غسان نورتنا بمشاركتك وننتظر مساهمتك بالموضوع.. بس قوية مال "منكوب"  ;D ..
بس الغلط من يمك ما اطيتهم التايتل لان هسة اكيد الرجال كلبه مشلوع  ;D ..تتعوض انشاءالله

بغدادي

114
الاخ عاشق تراب العراق..نورتنا بمشاركتك اخي العزيز والمقصود بالاستمارة اللي يمليهة الطبيب هية الاستمارة رقم 693 الجزء الخاص باللقاحات فقط لان هاي الاستمارة تشمل فحوص طبية شاملة والصفحة الاخيرة فقط للقاحات وهاي خاصة بالطبيب..بكل الاحوال خبرنه شيصير وياك حتى تعم الفائدة ومتفضل اخي الكريم..


115
اخي العزيز كلامك مية بالمية صحيح لان اني سالت موظفة الاي او ام بسورية المسؤولة عن هذا النوع من المعاملات وكالتلي نفس الحجي وربما تطول المدة الى سنة ونص وحسب التساهيل..بس ابو الكرين كارد ميكدر يسوي فيزة خطوبة..
بس مال سنتين وثلت سنين هاي ماكو هيجي فلم وهسة ولد باورانج كاونتي جاب مرته قبل شهر من عمان وهوة عندة كرين كارد بس ظلت ما يقارب السنة تنتظر عالاي او ام..

بغدادي

116
اخي العزيز كلامك صحيح بخصوص المترجمين ولو الاخت سرى ما جانت مترجمة وحضرتك يمكن متوهم بغير اسم بس هية ضامة الفلوس تره جوة الكاشية مال مطبخ واول ما تشيل الكاشية راح تلكي حفرة ورة الحفرة راح يطلعلك نفق بس دير بالك لا تمد راسك بعدين يطلعلك واحد لحيته بكد سليمة يخرع ويشبه ابو طبر ويمه كل الفلوس..

يا اما هالمواضيع اثرت عليه وسوت بيه شيزوفرينيا يا اما افلام الفامباير اللي دا اشوفهة..

بغدادي

117
ادعيلنه يم الامام وانشاءالله بعون الله وال البيت شغلتك ميسرة..

بغدادي

118
موفق اخي العزيز وانشاءالله قبل الاربعين انته هنا ما دام منزل التواريخ محرم وهجري  ;D
تحياتي..

بغدادي

119
لا عمي الملا
هاي مو  خوش
عمي المقدم امم
اول خطوة ورة التقديم يسوي نغمة تلفونه حارق خارق
يعني ابسط شي سويها ياكاع ترابج كافوري ام بي 3
بحيث مهما نومتك ثكيلة تفززك
والله كريم خابرهم انته وتهون
الله يسهل امر الجميع
ابو الحسن

اني اؤيد راي العم ابو الحسن واذا تنزل وياهة اغنية انه امك كالت للكاع وانته وليدي تظل صاحي وبعد ما تنام بس بدون رجاج لان بعدين تطلع روحه للموبايل ..
افضل شي روحلهم..

بغدادي

120
هاي شنو معقولة..لعدخلي الخزينة الامريكية تلحكك على نفسهة وتسوي عقد بلكي يستفادون كم دولار براس العراقي على كوله الاخ صاحب موضوع التذاكر..
نسخة منه الى موضوع التذاكر لان هاي فاتتنه النقطة  ;D


121
اخت سرى تقصدين امريكا ماكو هيجي شي لو بصورة عامة؟

122
لازم تتصل بالسفارة العراقية بواشنطن او القنصلية بديترويت وتستفسر اذا البنك المركزي عقد اتفاق مع احد البنوك الامريكية بهالخصوص لان تحويل فلوس التقاعد لدول الجوار مثل الاردن وسورية ومصر ولبنان تم بعد تعاقد البنك المركزي مع احد المصارف الحكومية او الخاصة المعتمدة في تلك الدول ووضع وديعة ثابته لديها من اجل تسليم المتقاعدين العراقيين رواتبهم الشهرية..ما اعرف اذا صار هيجي اتفاق وية امريكا فالافضل تخابر وتستفسر..اما موضوع الكفيل والتحويل بواسطة حوالة فمثل ما ذكروا الاخوان كل سنة مرة تروح للسفارة من اجل شهادة الحياة والكفيل يحولك..

بغدادي

123
اخي العزيز اللي يسمعك يكول امريكا دتتوسل بالعراقيين يكطعون تذاكر ويجون لامريكا مو العراقيين المكاريد لازمين سرة من العراق وخارج العراق للحصول على فيزا وينتظرون سنين حتى يطلعلهم الفرج..
اخي ترة هاي الطروحات مو منطقية يعني لو بلد صغير مثل لبنان لو اي بلد عربي اخر جان كلنه اوكي يعني يريدون يستفادون كم دولار براس العراقي وهاي اصلا دتصير كل يوم بدول الجوار الى ان فلسوهم وكعدوهم عالحديدة ووراهة يكولولهم خربتوا الاقتصاد ورفعتوا الاسعار وشوفونه عرض جتافكم ومن تلاص الامور الاقتصادية عدهم مثل ما صار بالاردن يطلعون قوانين وتسهيلات للاقامة بلكي اكو كم عراقي ما صارف اخر دولار بجيبه حتى يصرفه ويلحكك اخوته..

يعني الويلكم شيك من جان 425 وصار 900 او 1100 هاي متنذكر وشكد تكلف الميزانية ومن ماكو شغل وتخابرهم حتى ياجلون دفع الاقساط مال طائرة هم ما الهة ذكر وال 8 اشهر ايجار والفود ستامب اللي ماشي بغض النظر عن الفترة هاي كلهة ديدفعهة مجلس النواب العراقي والعرب الاشراف من جيوبهم الخاصة..

اذا حضرتك تجيبلي اسم بلد عربي واحد يدفع للعراقيين قرض طائرة ويجبيهم لبلده وينطيهم تسهيلات ويعيشون حالهم حال المواطن بدون اي فوارق فاني ارفعلك القبعة وانحنيلك احتراما واعتذرلك عالخاص والعام..

واذا تكول ديجيبون العراقيين ويعوفوهم بلا ميلكولهم شغل فاكلك مئات الاف الامريكان خسروا مدخراتهم ووظائفهم بسبب الازمة وامريكا من تكلك تعال ما ضامة شي على المهاجر ولا مسويه تعتيم اعلامي على الوضع الاقتصادي واللي يجي فهوة يكون عارف الوضع ويكون عارف نتيجة هالخطوة شنو ولازم يتحمل مسؤوليته ويكون رجال وكد القرار والا فلا يتورط ويجي ويشكي والعراق بلدنا فاتح ابوابه لابنائه شوكت ميريدون يرجعون وماكو احد يكدر يمنع اي شخص من العودة وبعون الله هناك اي شخص يرجع ميلكي شغل او يروح يتوسل بفلان وعلتان اللي ميسوون فلس احمر علمود يشغلوه عود خلي يقدم عالفود ستامب والويلكم جيك  وانشاءالله يحصلهة ورة ميدفعله كم دولار رشوة هاي اذا صار عدنه هيجي قانون..اخي امريكا لا جنة ولا نار امريكا فرصة للي يعرف يستغلهة ويجد ويتعب واتمنالك الموفقية والسعادة ..

بغدادي

124
الاخ العزيز aiakoby..

الpublic health department ما اله علاقة بتقرير اللقاحات والتقرير لازم يسوي طبيب معترف بيه من قبل دائرة ال USCIS واللي اني موضحه بالموضوع وتكدر تروح عاللنك ادناه حتى اتشوف قائمة الاطباء المخولين بمنطقتك:

https://egov.uscis.gov/crisgwi/go?action=offices.type&OfficeLocator.office_type=CIV

بالنسبة للاجيء فالافضل الارسال على عنوان البريد العادي بس يكون CERTIFIED MAIL وبعض اللاجئين دزوا معاملاتهم على عنوان البريد المستعجل وما صار اي اختلاف بوقت انجاز المعاملة..اذا عندك اي استفسار اخر بالخدمة..

بغدادي

125
ادري نبراسكا بس بيهة مدينة وحدة اسمهة لينكولن.. ;D ;D

126
الحقيقة اليوم انتبهت عالموضوع لان عندي وقت للتصفح وشكرا للاخت سرى على فتح هيجي موضوع مهم..
المهم معهد WES مثل ما كالت الاخت سرى يعتبر الاعلى مستوى ومعتمد من كل الجامعات, معهد ال ECE ايضا معروف وجيد ومعتمد ولكن ليس من كل الجامعات وانما اغلبهة ومن ضمنهم جامعة كاليفورنيا اللي تسلسلهة حاليا رقم 14 ضمن الجامعات الامريكية..

الاخت فنانة..
اضافة بسيطة لكلام الاخت سرى فموضوع الميديا ووسائل الاعلام واسع جدا ولازم تعرفين بالضبط شنو اسم التخصص داخل هالحقل اللي يؤدي الى الشغلة اللي تريدين تشتغليهة لان الميديا يشمل وسائل الاعلام المرئية والمسموعة والمكتوبة ولكل وحدة مليون اختصاص فالافضل معرفة اسم ونوع الاختصاص بالضبط حتى تعرفين نوع الدراسة زحتى توصلين لهالشي لازم تقرين كتالوج احد الكليات المختصة بهالمجال واللي بيه شرح لكل نوع من الاختصاص وشنو طبيعة العمل بيه بعد التخرج..

بغدادي

128
اخي العزيز زيوس بخدمتك وانشاءالله امورك ماشية..تحياتي

بغدادي

129
هاي السوالف اللي تجي غفلة ومنين وشنو متدري..رايي تخلي المحامي يتصرف وياهم وينعل والديهم لان هذا شغل مخربط وبموزمبيق ماكو هيجي افلام..اذا صاحب الشان يكول الرقم اصلي وما عليه غبار بعد هالاصرار عالخطا شنو..

بغدادي

130
تدلل عمي ابو عبد الله وبخدمة الطيبين..

131
مرحبا بيك اخي/ اختي..

تدلل وانشاءالله ماكو اي مشكلة وهاي الاجابات:

1- هاي الفقرة يكتب فيها كلمة Refugee
2- يقصد هنا اي منظمة سياسية او غير سياسية او تشكيل ذو نشاط ثقافي او اجتماعي وغيرها مثل النقابات والجمعيات وفي حال ماكو انتماء لاي من هذه الكيانات فيجب كتابة كلمة None
3- هاي الفقرة ما موجودة بالاستمارة 485 وانما بال 643 والجواب نعم تاشر بعلامة صح على نوع المساعدات ومن اي تاريخ بديت تستلمهة الى الشهر اللي انكطعت بيه..
4- يتم كتابة اخر عنوان للسكن وعمل ورقة منفصلة يذكر فيها رقم الاستمارة ورقم الفقرة وتوضيح بان الوالدين قد توافهم الله وكبسها مع الاستمارة الاصلية..
5- نعم يتم وضع فراغ وبعدها كتابة الرقمين المتبقيين.

واي استفسار اخر بالخدمة وانشاءالله ميسرة الامور..

بغدادي

132
السلام عليكم اخي العزيز..
عمي اشو انته مسويهة اجزاء مثل مسلسل النسر وعيون المدينة وتراجيديا مضبوطة يعني مرة اتكاب ويصعد عندي الضغط وورة شوية تنزل التون وتهدي اعصابنا..ادري يعني انته مناه والروميت مالتي مناه كل يوم جامعلي شكو افلام فامباير وكل 3 افلام ببطاقة واحد... ;D ;D ;D

عمي اتشاقة وياك ولا تزعل مني واني اخوك قصتي مثل قصتك وهذا الدرب اللي مشيت بيهة اني نفسة فتت بيه بنهاية التسعينات بس حدي جان لالمانيا ومعاناتك بتفاصيلهة اني اعرفهة كلش زين واعرف شنو حياة السكن المشترك واتحمل اليسوة والمايسوة..وهم اتخذت قرار الرجعة مثلك وظليت طوال فترة رجعتي اعاني من اختلاف التعامل والقيم الانسانية والحضارية وورة باكيت جكاير و15 الف استكان جاي قررت اقدم عاليو ان بعد ان مصخت الامور ووصلت حدهة والحمدلله ربك سهلهة وبسرعة احمدالله عليهة وحاليا اخوك بسان دييغو المقدسة عضو فرقة ومرشح عضو عامل  ;D واذا تحتاج شي اني بخدمتك..

بغدادي


133
http://www.sologig.com/INTL/JobSeeker/Jobs/JobDetails.aspx?IPath=JRKCV0A&ff=21&APath=2.21.21.0.0&job_did=J3G2MC64FBDSZ6FLG1P&utm_source=indeed&utm_medium=cpc
هذا اللنك

وهذا وصف العمل ومطلوب جنسية وسيكيوريتي كليرنس والعمل مرتبط بوزارة الدفاع وتخصصات مخابراتية..العمل جيد بس النه مترهم
طوخت الخط للملاحظة:

REQUIRED EDUCATION/SKILLS: Experience requirements will vary depending on position. Ability to pass language proficiency tests for reading, writing and listening may be required. US Citizenship is required.

DESIRE SKILLS: Active Security clearances are highly desired. Good oral and written communication skills. Must be able to work independently and as part of a team. Willingness to travel outside of the continental United States. Positions located in the DC Metro Area and overseas.


134
اخت سرى بارك الله بيج وشكرا عاللنك بس ترة فقط للي عدهم جنسية والمفضل ايضا وجود سيكيوريتي كليرنس..

بغدادي

135
السلام عليكم اخوان

اني هاي سمعت بيها قبل يمكن سنتين او اقل لانني غير متاكد بس الي سمعته على اساس مليون دينار والرجعه على حساب العراق بس التسجيل بمقر السفارات العراقيه بدول جوار العراق

اني بالنسبه لي ما اريد ومتنازل عن حصتي بس اريد اسمع اخبار حلوة عن العراق

هذا الموضوع ما اله علاقة بالرجعة ويخص اللي طالعين قبل السقوط وحسب كلام الاخ انشمل بيه حتى اللي طالعين بعد ال 2003 واني كرايبي حصل قطعة ارض 300 متر..مثل ما كالوا الاخوان لازم الشخص يجيب وياه كل الاوراق المطلوبة واهم شس الواسطة  ;D والا المعاملة تنام

بغدادي

136
اخي العزيز مثل ما كالت الاخت سرى والاخت ريم بس احب اضيف شغلة واني هاي سالت بيهة بنفسي قبل ان اسافر:

اثناء الدورة التثقيفية قبل السفر طلبت ان اتكلم مع الشخص المسؤول عن لم الشمل او معاملات الزواج باي او ام سورية اللي صايرة بمنطقة المزة وكانت الاخت ريمة واعتقد هالبنت معروفة للموجودين بسورية هي المسؤولة عن هالموضوع..اللي كالتليه بالضبط بس حاول لا تنفعل دخيلك  ;D انو اول خطوة اسويهة هوة عقد زواج مصدق وراهة مثل ما ذكروا الاخوات تمشي بموضوع المعاملة من امريكا والطلب راح يتصدق ويوافق عليه بعد ان تتوفر بيك الشروط المطلوبة من حيث العمل ودفعك الضريبة ونظافة سجلك والطلب راح يتحول الى اي او ام سورية اللي بدورهم راح يدزون على زوجتك من اجل اكمال بعض المقابلات والاجراءات وتحويل كامل الملف الى السفارة الامريكية بدمشق من اجل المصادقة على اعطاء الفيزا..اكو نقطة مهمة جدا وهي انو الزوجة لازم تكون مقدمة على اليو ان قبل معاملة الزواج والا فمنظمة الاي او ام ما الهة اي علاقة بالموضوع ويعتبر ملفك تابع لدائرة الهجرة فقط وحاله حال اي شخص حامل للكرين كارد ويريد يسحب زوجته..ثاني نقطة تخص الوقت وهاي نقلا عن نفس البنية انو التاخير بالمعاملات متعلق بالسفارة الامريكية وليس بمنظمة الاي او ام لان حسب كلامهة خلال شهرين يكون الفايل كامل ومتحول للسفارة بس وراهة بعد ما الهم اي سلطة بالتدخل والمسالة راح تكون عبارة عن انتظار لمدة سنة الى سنة ونص "حسب كلامهة" لغاية اصدار الفيزا..نفس الاجراءات بعمان ولبنان وغيرها لان نفس الية العمل..
اذا انته بسورية فروح اتاكد من كلامي واطلب مقابلة الانسة ريمة حول موضوع لم شمل الزوجة..
تمنياتي لك بالموفقية..

بغدادي

137
مثل ما كال الاخ المتميز العراقي الخبر من زمان بس الاستلام مو من السفارة وانما تروح تقدم لدائرة الهجرة والمهجرين والمعاملة اطول من 6 اشهر الى سنة وحسب نوع الواسطة  ;D
بس تصحيح هذي المنحة للمغتربين قبل سقوط النظام فقط وليس بعده..

بغدادي

138
والله يا اختي ما ادري شكلج يعني لا اني ولا غيري دفع هالمبالغ عالتلاقيح كل اللي دفعته 10 دولارات بالدائرة اللي كتبتهة فوكك وما ادري شنو السالفة وياكم..التامين ما اله اي علاقة وهاي الدائرة حكومية لكل شخص يريد يلقح سواء لاجراءات الاقامة او تلقيح عادي..

بغدادي

139
هذا الموضوع الاخ حمادة انتشله من القاع  ;D

الاخ/ اخت اماني هاي خوش صورة ورة فتح البسطة بس راهمتلهة..اتمنالهة التفوق والنجاح في عملهة الجديد ونحو فتح علوة سمج مستقبلا  ;D

140
اخي العزيز الملاك الاسود  ;D هذا توقيعك فاز باستفتاء الفرقة الحزبية وراح نحطه بباب المنظمة حتى كل واحد يعرف شنو المستقبل اللي منتظره  ;D

اخت انجي الرفيقة ام عروبة من فرقة مشيغان للحزب تكول خابرتج وانتي ماكو تلفونج دائما مشغول ..خاف جاي تكتبين علينه تقارير لفرقة واشنطن  ;D

141
اخي العزيز اني عضو فرقة سان دييغو للحزب تنظيم الشهيد ابراهام لينكن..اي واحد تريد تشلفه بتقرير احنة حاضرين, تعيينات عمل حتى اذا ماكو شهادة, تسريح من الجيش حتى اذا فرار بس انته وررررق والباقي علينه  ;D. ;D.

رسام تشكيلي وطالب كرافيك ديزاين..اذا تريد تسوي جدارية للرفيق اوباما حسين اني حاضر  ;D. ;D

142
  ;D   :D  جدر كله ياظالم شبقيت الهم  :'(  بس هم يلى يكفي الي والك ولي دتحميهم  ;D

 ;D حصتج من الجدر محفوظة يم الرفيقة سارة بيلين عبد الرزاق مسؤولة اتحاد نسوان مشيغان بس مو تتاخرين عليها لان ترة حوصلتهة جبيرة  ;D  ;D

143
مأجورين انشاء الله 

واني هم لا تنسون من ادزون لبغدادي بدربكم الي فد ماعون  ;D  بس مو  تغلطون ودزوه كله لبغدادي وهو ما يصدك يفطر ويتغدى بيهم  :'(

 ;D ;D ;D ;D اذا غلطوا ودزولي الجدر كله عود احطه اتاجمنت واسويله فورورد لفرقة مشيغان للحزب  ;D
بالكهون اكو حسينية الامام علي تحيي هالشعائر وتطبخ بالاضافة لبعض بيوت العراقيين..بس مااااااااااكو وقت للروحة كاعد احمي الوطن ها هنا  ;D اجتماعات حزبية وتقارير

144
السلام عليكم...اني صار تقريبا شهر ونص بفرجينيا... طبعا بالعراق الاهل منعودين يطبخون واني اشاركهم بالاكل والتوزيع احيانا... وما كنت اتصور اني راح اطبخ بنفسي فد يوم..لكن رغبتي بان تمتد الشعائر الحسينيه لكل بقاع الارض خلتني تركت الكسل وبكل همه اليوم رحت تسوكت مسواك القيمه من حلال ستور رغم تسافط الثلوج بشده اليوم....وصعوبه قياده السياره بمثل هذي الاجواء لكن شعائرنا الحسينيه اكبر من كل المصاعب .. اني هسه دا اطبخ قيمه..ان شالله اوزعها باجر الصبح لاصدقائي العراقيين والعرب والامريكان
مآجورين ان شاءالله
اختكم اركيديا

مو تنسيني بماعون قيمة ..التمن اني اسوي مو مشكلة ..العنوان كاليفورنيا..فرقة سان دييغو للحزب  ;D  ;D
الف صحةةةةةةة وعافية

145
اخي العزيز..بالنسبة لكاليفورنيا فبصورة عامة المساعدات تستمر لمدة 8 اشهر للاعزب و5 سنوات للعائلة التي لديها ابناء دون ال 18 سنة..المساعدات تشمل 200 دولار فود ستامب للفرد, ضمان صحي لا يشمل الاسنان ولا العيون, كاش لدفع ايجار الشقة للفرد 345 دولار واعتقد كاش ل 3 اشخاص 775 دولار..عند الوصول سيتم سؤالك في حال لديك اي حالة صحية خاصة من اجل توضيح مستوى خطورتها وعلى هالاساس ستتم العناية الطبية وبكل الاحوال اي حالة مرضية خاصة سيتم التعامل معها بجدية خصوصا اول 8 شهر..
معدل الايجارات في سان دييغو لغرفة نوم وصالة 850 دولار وغرفتين 950 دولار..ترتفع الاسعار عند اتجاهك لشمال كاليفورنيا حتى تصبح 100% في سان فرانسيسكو يعني ضعف سان دييغو..

بغدادي

146
لجماعة الاي او ام مو اكثر من 4 اشهر بعد الحصول على ال LIN number بشرط ان ما يكون مسوي مشاكل خلال هالفترة..

بغدادي

147
بصمات اصابعك تعمم على دول الشنغن فقط وبريطانيا ليست منها..البصمات تسقط بعد مرور سنتين على اقفال الملف حصرا وصحيح ان بريطانيا لا تشترك بالبصمات مع دول الشنغن ولكن في حال حصول اي مشكلة مع الشخص صاحب طلب اللجوء هناك فسيتم التحري عن بصماته في دول الشنغن واذا كان لديه اي مشاكل متعلقة..

احد الاصدقاء كان مقدم لجوء في المانيا وظل ما يقارب فترة ال 8 اشهر هناك وتم رفض طلب لجوئه بعدها..
سافر تهريب الى بريطانيا وقدم لجوء وقبل وتم منحه اقامه لاجيء لمدة 4 سنوات..
اثناء عودته من العمل تم التحرش به من قبل بعض الشباب الانكليز لمحاولة تسليبه وكان بصحبه بعض اصدقائه وبعد حدوث مشاجرة واستدعاء الشرطة تم تبصيمهم واكتشاف بصماته في المانيا وتم ارجاعه الى المانيا من النقطة التي بدء منها..هالتفاصيل حتى تاخذ فكرة عن الالية الماشية هناك..

بغدادي

148
اختي العزيزة حتى لو طبقوا القانون هم ميشمللكم لان انتوا عدكم اقامات رسمية وتعتبرون مقيمين فهذا ميخصنا باي شكل من الاشكال..الا اذا انتي مكسيكية وداخلة قجغ ومتخفية باسم عراقي  ;D..

149
يعترف بالاصلية اللي عندك واني عادلت شهادتي يمهم..

150
بامكانك تتصل بالمنظمة وتنطيهم اسم وعنوان الكفيل اللي تريد تروح يمه وعندك مهلة الى قبل تحديد يوم السفر بس مثل ما ذكروا الاخوان ترة الكفيل ما عنده وكت يلتهي يوديك ويجيبك ويلكيلك سكن بينما المنظمة هية راح تكون مسؤولة عن توفير كلشي الك ولو ضمن الاساسيات..

بغدادي

151
في حالة الوايت كارد فلازم الشخص عنده ترافيل دوكيومينت ويحصل على فيزا من السفارة السويدية وفي حالة الكرين كارد فماكو داعي للترافيت دوكيومينت الجواز العراقي كافي نوع G بس نفس الشي هم لازم فيزا..
بس اكو نقطتين بالموضوع اولا طلبات اللجوء حاليا بالسويد اغلبهة يحصل رفض وعدد المقبولين محدود جدا وثانيا حتى اذا انقبل لجوئك فمال تلكي شغل هاي صعبة جدا لان لازم تتعلم اللغة السويدية اولا وتدخل مدرسة مو اقل من 6 اشهر الى سنة وتظل عايش عالضمان الاجتماعي اللي حاسبيه بالفلس شكد تصرف شهريا..اخي العزيز نصيحتي جرب غير مدينة ضمن ولايتك او غير الولاية اذا شفت الامور سيئة يمك..تحياتي

بغدادي

152
اااخ هم جنت مثلك اخوية بغدادي .. نسبة الامريكان السود بامريكا 12 بالمية يمكن 11 بالمية من عدهم بالمنطقة الي اني بيها ( نيويورك ) وقبل جنت بغير ولاية كلها مكسيكان اكول يوم عيد يوم الي اخلص منكم بس من شفة الافريقان الاماركة  ;D وكعدنا بنصهم كمت كل ما اشوف مكسيكي اجلب بيه واكوله امانة اعتذاري يوصل لكل مواطني المكسيك .. الله كريم تخلص وتصير سوالف

مع الاعتذار الشديد لصاحبة الموضوع لان شوية طلعنا عن المسار

هههههه قوية بشرفي هاي مال وصل اعتذاري لكل مواطني المكسيك..نتحمل والله كريم على كولتك..هية بس اول عشر سنين صعبة ووراهة زلكك  ;D

153
والله تريد الصراحة اخ حبزبوز اني راح اقدم لجوء بالقطب من ورة المكسيكان لان كل يوم طلابة بالشغل ومن وراهم وكمت كاعد نايم احلم بيهم..يا اخي همة والقانون مو صداقة وشكو شغلة مو قانونية ولوفة ودرب اعوج يمشون بيهة مع احترامي للبعض اللي محترم القانون وهاي نسبة قليلة منهم..

154
راح احجيلك سالفة ثانية من ارض الواقع مو لغرض انو انطيك فكرة سيئة ولكن ان تعرف الواقع وتتعامل وياه..

وياية بالشغل صادف انو صارت مشكلة بين موظف افريكان امريكان "اسود"وموظف ثاني وبما انو اغلب الموظفين هم مكسيكان ومن ضمنهم المدير والمشرفين ما عدا مشرف واحد اسود فالمدير ما اتخذ اي اجراء بحقة وحولهة عالمشرف الاسود حتى هوة يتخذ الاجراء واللي هوة فصله من العمل..تدري ليش؟ لان اذا المدير المكسيكي فصله راح يثير حوله شبهات انو ديصفي اي شخص غير مكسيكي ويجيب جماعته حتى لو ذاك الشخص سيء ومخطيء..

حادثة ثانية وطريفة وراح تخرب ضحك..صديقي استاذ رياضيات عراقي في اركنساس وهوة مشرف على رسالة الماستر ل 12 شخص من ضمنهم 2 سود..هذولة العينتين يجون بس ينامون بالمحاضرة ودرجاتهم زفت..لمن راح اشتكى لرئيس القسم وكله ترة ذولة هيجي وضعهم ومديفيد بيهم الحجي تدري شكان الجواب وانقله بكل حرفية..كلله انطيهم سي او بي لان انته عندك 10 بيض وبس ذولة السود واذا سقطتهم راح اولا يشتكون عليك ويتهموك بالتمييز وهاي حتى اذا انته ممتاز بعملك فراح تظل علامة سيئة بفايلك وبنفس الوقت راح احنه كجامعة نخسر طلاب سود هواية ونفقد جزء من سمعتنه وبكل الاحوال محد راح يشغلهم حتى لو اخذوا الماستر لانهم يفتقدون للخبرة والمفهومية.. ;D ..هاي بس لمحة عن الوضع هنا بايجابياته وسلبياته..

بغدادي

155
اختي العزيزة هذا الكلام سوف يطبق فقط في ولاية اريزونا "ولم يتم اقراره لحد الان" ويخص المولود حديثا لاسرة لا تحمل اي اقامة شرعية او دخول شرعي واحنه غير مشمولين بهالشي نهائيا فارتاحي الشغلة مو يمنا  ;D ..
حاولوا ان يطرحون نفس القرار بكاليفورنيا بس ما قبلوا حتى مجرد مناقشته لان المكسيكان هنا مصيطرين بينما في اريزونا الوضع مختلف..تحياتي

بغدادي

156
تحمل الكرين كارد لو الوايت كارد؟

157
نعم اخي العزيز تكدر تلغي الكفيل اللي حضرتك مبلغ بيه المنظمة او تضيف كفيل ثاني بس راح يسالوك المن الافضلية حتى يتصلون بيه اول واحد وبامكانك تغير او اتضيف كفيل جديد الى قبل صدور موعد السفر واني شخصيا بوقتهة كانت طالعة الامنية وخابرت المنظمة علمود اغير الكفيل والموظفة كالتلي ترة هسة دنحددلك موعد سفر فشتكول تروح ومناك تغير الولاية لو تريد هسة اتغير الكفيل بس تتاخر شهرين فاني اختاريت الخيار الاول لان من سمعت تحديد موعد سفر صار عندي فرمته للجهاز ونسيت حتى شنو اسم الكفيل الجديد  ;D..

تحياتي

158
اختي وردة بغـداد ترة شالوا 3 لقاحات كانت مفروضة بالاول وهذا اللي خبرني بيه احد الاخوان من منظمة الكاثوليك جارتي قبل شهر وهاي القائمة اللي حطيتهة هي اخر شي مفروض الواحد ياخذه بس ترة اكو ناس بعدهة متدري ومحد خبرهة بس الطبيب اللي يسوي التقرير الطبي عنده علم بالموضوع وتكدرين تخابرين واحد منهم وتتاكدين حتى انتي هم تستفادين وتعرفين شنو المطلوب بالضبط وتقبلي تحياتي..

بغدادي

159
اللقاح الاول يكون بعد الوصول بعدة ايام ومنظمة التوطين تكون مسؤولة عن اعطاء اللاجيء هذا اللقاح ويشمل لقاح MMR و" Diphtheria,Tetanus,Pertussis"..وتاخذ نفس اللقاحات بعد مرور شهر ولكن المنظمة غير مسؤولة عن هذا اللقاح ويتم اخذه في دائرة ال Human sevices بعد دفع مبلغ 10 دولارات لمجمل اللقاحات واللقاح الثالث والاخير بعد 6 اشهر من تاريخ التلقيح الثاني ويشمل فقط لقاح ال Diphtheria,Tetanus,Pertussis".

- عادة يتم اخذ اللقاح الثاني والثالث في دائرة ال Health& Human services والموجودة في كل كاونتي وبالامكان عمل بحث بالكوكل لايجاد عنوان تواجد اقرب دائرة للاجيء ضمن منطقة سكناه والتكلفة للشخص الواحد هي 10 دولارات.
طبعا انا اتكلم عن سان دييغو بالنسبة للتكلفة..

اذا عندك اي استفسار بالخدمة..

بغدادي

160
وانتي بخير انشاءالله بس احنه سنتنه نبديهة لطم وقرايات  ;D

161
لا مياثر لان اني هم كتلهم ضايع وانتلف وما ادري وين ومشت الامور الحمدلله..انشاءالله ميسرة والفرج عن قريب..

بغدادي

162
بالنسبة لامريكا فهي عبارة عن خليط من كل جنسيات العالم ووين متروح راح تلكي نوع من العنصرية بالعمل يعني الاسود طبعا ايجيب جماعته ونفس الشي مع المكسيكان والاسيويين..مكان العمل اللي اشتغل بيه كله يا اسيويين يا مكسيكان وثنينهم محد يجيب غير جماعته ويا ما اني قدمت على شغلات مؤهل الهة بس واحد مكسيكي كللي بصراحة لا تتعب ولا تروح ودوخ نفسك لان ترة منجيب غير جماعتنه اولا يحجون اسباني وثاني شي منجيب غريب..نفس القاعدة وية كل القوميات وفي كل الاماكن اللي تغلب بيهة قومية معينة على قومية اخرى..طبعا بالقانون هذا ممنوع ويعتبر تمييز ولكن على ارض الواقع هذا القانون اللي ماشي..رايي بعد مرور اكثر من سنة بالعيش في امريكا ان تتوجه الى الولايات اللي تعتبر مراكز للبيض الامريكان مو معناهة ما عدهم عنصرية ولكن نسبتهة قليلة والمحاسبة على موضوع التمييز صارم..تدري بشغلي كم شكوى تجي على الموظفين المكسيكان وماكو اي نتيجة لان يلفلفوهة بيناتهم..

بغدادي

163
اخي العزيز قضيتك مثل قضيتي وردي جان انو جنت هارب ومزور دفتر الخدمة وانطي رشاوي للضابط لان السالفة كلهة جنت ما مقتنع بيهة..اكو بعد اكثر منهة  ;D ..اهم شي اذا دزوا عليك لطلب معلومات اكثرمثل ما صار وياية تفهمهم انو انته لا تعرف تستعمل سلاح وضاربلك كم طلقة بس بالتدريب وانته والسلاح مو خوش صحبة..
اطمئن مقبول وانشاءالله تسافر باقرب وقت..ابو نعال اخرواحد يطلع لان سب امريكا.. ;D

بغدادي

164
تسلم اخي العزيز عالموضوع بس اكو نقطة احب اوضحهة..
كون اغلب اللي يشتغلون وياية هم طلاب جامعات ومعاهد بمختلف اختصاصاتهة فمرة من المرات سالتهم ليش ما تقدمون على الكوميونيتي كوليج خصوصا انو بامكانكم ان تحصلون منحة دراسية او اضعف الايمان ان تكون دراستكم ببلاش بعد التقديم على الفيي ويفير..

ما اكول اغلب الردود وانما كلهة كانت مطابقة وهي انو صحيح الكوميونيتي كوليج رخيص او ببلاش بس احنه ندرس بمعاهد تضمنله العمل لان اسمهة وسمعته تسوة المبالغ المدفوعة خصوصا انو الاساتذة المشرفين والتدريسيين يملكون اسماء معروفة بمجال اختصاصهم والتخرج من تحت ايدهم يدعم الريسومي اثناء التقديم وهالشي بكل بساطة ما موجود بالكوميونيتي كوليج...وعلى هالاساس فاني النتيجة اللي طلعت بيهة انو الكوميونيتي كوليج للي يريد ياخذ اختصاص "دبلوم" ويسافر برا ويشتغل فهذا الشي جيد كونهة وثيقة دراسية امريكية اما داخل امريكا فالافضل دراسة سنتين مع تحويل للجامعة حتى هم تحصل البكلوريوس وهم سنتين دراسة ابلاش.هاي للي عنده خلك طويل وعمره بعده بالعشرينات  ;D.وشكرا عالموضوع..

بغدادي

165
مشكور عالموضوع اخي العزيز لانه مفيد حقيقة..

166
هاي ليهسة ما فضت!!!!!!!!!!!!
طبعا والله هذا الموضوع اكثر موضوع انكتب بيه مشاركات وبسرعة هائلة بحيث وصل الى اربع صفحات في غضون عدة ساعات مع العلم اكو الكثير من المواضيع الجدا مهمة صارلهة ايام بالمنتدى محد يشارك بيهة ..طبعا هذا يدل على فد شي كلش حلو بينا ..واسف عالاطالة وبعون الله الوطن يزدهر ما دامنا هيجي طيبين..

بغدادي

167
عمي جماعة امريكا
جا موتكولون انتو بزي وماعندك وقت تسولفون ويانا على الماسنجر ؟
جا مانايمين لي هسة ؟
يلة عمي توكلوا على الله هسة الفجر يمكم عمي
ابو الحسن

اني ترة بالشغل تدري بسالفتي  ;D ..كل يوم ساحلينه واحد مكسيكي..اني مثل خفاش الليل يطلع بالليل وينام بالنهار  ;D
انشاءالله بس توصلون لامريكا بخير وسلامة يكون ماسسين قسم بالكوميونيتي كوليج مال منتديات بحيث الواحد يدرس ويطلع دبلوم منتديات وحسب ما سمعت هالدبلوم بخمسطعش نجمة يعني فد شي توب  ;D ..

168
عدهة احفاد؟؟؟ لعد حاط عينه عالحفيدة هههههههه..والله ما ادري شكلج بس بكل الاحوال ماكو غير شيكولولهة تسوي لان الهدف هوة السفر وانشاءالله عن قريب وتفرج..بس هوة فحص الدم مو بنفس اليوم اللي تسوي بيه الاشعة والايدز فيجوز انتوا حسبتوهة كلهن سوة..

169
ماكو غير خيار واحد..اكلج خاف الدكتور ما متزوج وديدور على عروس ويجوز خالتج بعدهة شابة لان ماكو غير هالخيار...
مو تزعلين مني اتشاقة وياج
 ;D
بغدادي

170
يابة اني عضو فرقة وعندي 3 نجمات والاسم القديم بيه 4 نجمات..هاي يمكن متجيبلي باكيت جكاير سن قصير بالمنتدى لان المعايير حيل حلوة..
المهم ما ادوخكم لان الحمدلله الهوريكان بده يخف..بس حبيت اكول شغلة احنه من ورا الكمبيوتر وسالفة وما بيهة فلوس وكل واحد كاعد ابيته وصار هوريكان كاترينا عالنت وبديناه انشنع لعد ليش نلوم الحكومة!!!!!!!!!!!!!

يابة هاي النجمات هسة حاطة معروضة ابلاش للي يريدهة ثواب ودمتم سالمين..والله يا الله

بغدادي

171
هي عادت الفحوصات لو سوت فحوصات اضافية؟ بصورة عامة الفحوصات تسقط بعد مرور 6 اشهر ويجب اعادتها..

بغدادي

172
اخي العزيز تروح لاقرب وكيل سفريات قريب منك راح ينطيك التفاصيل بالمضبوط لان هوة على اتصال بكل تغيير يصير بس عموما مثل ما كالت الاخت ماكنتوشة تسافر طائرة وتنزل بالمطار وتدفع 50 دولار رسوم فيزا وسعر الطائرة كان 120 دولار هاي قبل اكثر من سنة فافضل شي تروح لوكيل السفر وهوة ينطيك اخر الاخبار

بغدادي

173
الاخي العزيز المدرس اني اؤيد اقتراحك مال قائمة ال 11 اسم بس اقترح يا تنقص واحد حتى يصيرون العشرة المبشرين بالادارة يا تزيدهم واحد وانته تعرف ليش.. ;D
اخوك النجفي المعصوم من حوزته السان دييغية

174
والله عالكة بهالطرف ولو ما تجيني رسالة عالخاص ولا ادري شنو السالفة..
على كلا اشكر الاخ العزيز اللي بعثلي رسالة للمشاركة والحقيقة اني هيجي مواضيع ما اشارك بيهة لان اني مقتنع بالاية اللي تكول "كلما اتت امة لعنت اختها" فحتى لو صار القرار من قبل الادارة بتغيير الاخت انجي فالادارة الجديدة او المساعدين الجدد انطيهم فترة فصل "اربع اشهر" ووراهة تبدي الافلام الهندية لان هذا طبعنه مع الاسف..احنه ما نرضى باي شيء ونعتقد دائما انو اكو شي كامل ومتكامل والكمال لله وحده..رايي من راي الاخ ملك الحيرة..
ثاني شي الاداري والعضو ديساهمون نفس المساهمة في اي موضوع يعني الكل ديكول رايه الشخصي وبالنهاية المعلومة الصحيحة هي اللي تطفو على السطح وبالامكان تمييزهة..
عمي الوطن والشعب انضرب مليون الف سجين خاصرة وهسة ما بقه غير هالمنتدى نطبق بيه عاداتنا اللي قادتنا لنفس النتائج سابقا..ملك الحيرة عاشت ايدك على ذكر مقولة امير المؤمنين ولو هية صعبة والحقائق دائما مرة..
شكري للجميع وتصبحون على وطن انشاءالله..

بغدادي

175
اخوية بيت اشو اني كمت اشك انك ما تريد احد يجي لامريكا ارجو منك تصحيح ظني مو كلنا خليك بعون اخوانك يعني هسه ال2 بالعشرة زيادة راح تنقلب الدنيا عليها الله يخليك.

يعني شنو قصدج تستهينين بالتقارير الاقتصادية الامريكية ..
بس هاي النسبة مو 2 بالعشرة وانما 2 بالمية..يعني هم تستهينين وهم مو زينة بالرياضيات.. ;D ..والواجبات والدروس

176
هذا اللقاح المطلوب فقط للتلقيح الثالث والاخير

Diphtheria,Tetanus,Pertussis

واطلعي على هذا الموضوع لاخذ معلومات عامة..

http://www.ankawa.com/forum/index.php/topic,455849.0.html

177
الاخ alaamuneer حضرتك ساكن ببريطانيا؟!

178
County Of San Diego Health & Human Services, Agency Family Resource Centers Health & Human Services
(866) 262-9881
690 Oxford St 
Chula Vista, CA 91911

هذا الاسم وعنوان المنظمة ورقم تلفونها حتى تتاكدين..
ممكن تكوليلي شنو هية اللقاحات اللي طالبيهة منكم؟! اريد اوصل لنهاية الخيط لان لو مو اني وغيري مسويهة جان سكتت وكعدت راحة..

بغدادي

179
الاخت swan_mo جيد والله يعني المنظمة عدكم جيدة وية اللاجئين..بالنسبة للتقرير الطبي اني هم دفعت 50 دولار بس اني كملت المعاملة بنفسي فما احتاجيت ادفع اي اجور اضافية بس مثل ما تفضلتي اذا المنظمة تكمل المعاملة فلازم اكو اجور مستحقة..

اخت فداء كل العوائل العراقية والشباب راحوا لهاي المنظمة ولقحوا بيهة ب 10 دولارات للشخص وانشاءالله اموركم ميسرة..

بغدادي

180
عيني ام مهند تسويلهم ايميل مستعجل وتكتبين بيه بموضوع الرسالة URGENT وتكوليلهم اني استلمن منكم ايميل بغلق ملفي كون تم قبولي على برنامج الاس اي في واحب اوضح انو اني ما مقدمة سابقا على هذا البرنامج وتقديمي الوحيد هو مع الاي او ام وعلى هالاساس اطلب ارسال ايميل يصادق على هذا الكلام وتحديد موعد مقابلة ثاني وبانتظار ردكم لان احنه مهيئين نفسنا حاليا لاي موعد يتم تحديده..واذا تريدين مساعدة بالترجمة فاني حاضر..

181
الظاهر صاير خربطة بينهم وبين الاس اي في..زين معاملتكم وية الاس اي في وين وصلت يعني على اي اساس يتم اخبارهم بانوا انتوا تم الموافقة عليكم وعلى هالاساس راح يغلقون ملفكم وانتوا ما عدكم ارشيف وياهم..!!
يعني قصدي رقم ملفكم وية الاس اي في واي مراسلات ثانية شنو كان مصيرهة حتى اجاهم هيجي اشعار..حتى تعرفين بالضبط وين الخربطة صايرة..

182
اختي العزيزة ..حسب ما مكتوب بالايميل فان المقابلة قد تم الغائها بناءا على طلبكم ..بس مكتوب انو ملفكم اللي وية الاي او ام سوف يتم غلقه طالما تمت المصادقة على ملفكم الخاص بال SIV فالظاهر انتوا مقدمين عال اس اي في ايضا..!!

183
تحجز تكت اونلاين او من اي ترافيل اجينت وترجع بجوازك العراقي ومحد راح يكلك على عينك حاجب بس راح يسحبون منك بطاقة ال i-94 بالمطار من تسافر واذا ما طلعت ترفيل دوكيومنيت ولا عندك كرين كارد ونويت ترجع فراح تاخذ وقت حتى تكمل اجراءاتك وموفق انشاءالله..

بغدادي

184
اخت swan_mo هنا المنظمة مسؤولة عن اول لقاح فقط واللقاح الثاني والثالث يكون بال Health& Human services وبلاش للي ميشتغلون وكاعدين على الويلفير..بس اكو نقطة احب افتهمهة ليش دفعتوا 100 دولار رسوم للكرين كارد؟؟ يمكن قصدج التقرير الطبي؟

بغدادي

185
تروحين لل Health& Human services بمنطقتج وتدفعين 10 دولارات على كل شخص واني وغيري كلنه هيجي سوينه وهاي مال 500 دولار كلهة نصب واحتيال..واذا انتوا عالويلفير اصلا حتى ال 10 دولارات ما راح ادفعوهة..
ترحين على كوكل وتكتبين  Health& Human services  وياهة اسمن منطقتج وراح يطلع بالضبط وين المكان وتروحون من الصبح يعني الساعة 8 انتوا هناك لان يوزعون ارقام محدودة لليوم الواحد وتاخذون رقم وتنتظرون الى ان يجيكم السرة وعادة الموظفة اتكلكم مثلا سراكم يجي عالساعة 12 فتروحون للبيت وترجعون افضل من الانتظار بس تحتفظون بالرقم وياكم وصلى الله وبارك..واذا كلهم نصابين يمكم فتعالوا لسان دييغو لقحوا ب 20 دولار اثنينكم وافتروا شوية هم متطلع 100 دولار وية الفرة  ;D

بغدادي

186
ما دام تريدين تعتمدين على الموبايل بالاتصال والحديث وعمل جات صوتي وفيديو فالافضل تاخذين مناه سمارت فون لان ارخص من يمكم وبيه وورانتي يعني اذا جبتي تلفون وعطل وين توديه !!

عندج الاي فون 4 اتصال فيديو صوت وصورة عن طريق مختلف انواع الماسنجرات بواسطة الواي فاي ب 600 دولار جديد من الابل اوتليت
وعندج Dell streak من البيست باي نفس المواصفات وافضل لان يجمع بين السمارت فون والنوت بوك ب 550 دولار
وعندج ال HTC evo من سبرينت ب 500 دولار وهم نفس مواصفات اللي سبقه وما اعتقد راح تلكين هيجي اسعار ابغداد وبيهة ضمان سنة ..مع العلم هذني كلهن بيهن عربي..هاي الاسعار كلهة شراء للجهاز وبدون عقد سنوي بس اتحطين السيم كارد مالتج يستثنى من هذا ال HTC لان ما بيه سيم كارد 

بغدادي

187
"خلال ظهيرة ممطرة في ضواحي فرجينيا، راحت منال جعفر تراقب ابنها البالغ من العمر 7 سنوات وهو يملأ صندوقا ببطاطا مقلية مجمدة وقطع الجبنة المعالجة مع الذرة من الرفوف المخصصة للأطعمة، حضر العراق إلى ذاكرتها ففاضت عيناها بالدموع."

هذا المقطع ذكرني بالاسلوب التعبيري التصويري للروايات الانكليزية اللي جنه ندرسهة بالجامعة..
بس ما افتهمت شغلة يعني هية من شافت ابنهة يلم البطاطا المقلية والشطيرة بالجبنة المعالجة يلا اتذكرت العراق!!!
اي حقهة تكولوك جنت اضرب كباب تكه وهسة جبن وبطاطا  ;D
ترة اتشاقة وياك ومو قصدي شي بس ما كدرت الزم نفسي من قريت هالمقطع  ;D
شكرا اخي العزيز عالمقال..

بغدادي

188
هناك رقم تلفون موجود مع اول رسالة تم استلامها مال LIN number وهذا التلفون ايخص الشكاوي والاستفسارات والمكالمة تكون مسجلة واغلب اللي يتصلون همة اللي معاملاتهم متاخرة لان من حق المقدم ان يتصل بعد مرور 4 اشهر على تقديم الطلب ويجب ان يحصل على رد رسمي فورا خلال المكالمة عن سبب التاخير وفي حال لم يستلم الكرين كارد بعد فترة 6 اشهر فمن حقه ان يرفع دعوى وهذا مثبت ضمن حقوق التقديم على الكرين كارد شرط ان ما يكون صاحب الطلب متورط في اي عمل غير شرعي او جنحة ويكون سجله نظيف..

بغدادي

189
ضمن دول الشنغن نعم اكو تدقيق وتجييك بصمات مستثنى منها بريطانيا الا في حالة سويت مشكلة فراح بوقتهة يجيكون على بصماتك باوروبا..خارج اوروبا ماكو هالشي فقط بين امريكا وكندا واذا كان قصدك تقدم عاليو ان فماكو اي مشكلة ومراح تطلع البصمات الا اذا انته كتلهم..

بغدادي

190
بغدادي بالضبط مقياس النجاح والفشل هو مدى رضاك عن انجازاتك وهل لاقت مستوى طموحك (المعقول مو الخيالي) ام لا؟ هذا مقياس النجاح اتصور.

شكرا ماكنتوشة عالموضوع حبيبتي.

بالضبط اتفق وياج ان المقياس شخصي ويجب ان يكون معقول ولا يتعدى قدرات الشخص الذاتية..
صاحبة الموضوع ذكرتيني بالماكنتوش..هاي وين الكي بيا ماركت  ;D

191
الاخت فداء الروح..مو القصد التشكيك بقصتج بس كوني اعرف بهالتفاصيل اكول انو هالشي غريب!! لان اصلا الشركة الامنية مقسمة المواقع الى عدة انواع ومن يحتاجون موظفي امن لمواقع تتطلب حمل سلاح فراح يسوون اعلان للتقديم للي عدهم رخصة حمل سلاح فقط ومو احد غيرهم وهذا ينذكر بمتطلبات التقديم على العمل وتريدين الصراحة اني اول مرة اسمع هالشي ويمكن هالشركة صغيرة وتعبانة وما تلتزم بمتطلبات العمل وغرضهة فقط سد نقص..
بالمناسبة العمل الامني مو نوع واحد وانما انواع متعددة يبدي من المولات والمدارس والمستشفيات ومراكز الاجتماعات وخدمة زبائن والهاي واي باترول وهاي كلهة بدون رخصة حمل سلاح وينتهي بمرافقة السجناء الى المستشفيات وارجاعهم الى نقطة محددة لاستلامهم وجمع الاموال من المراكز التجارية والبنوك والعمل في مناطق فقيرة ترتفع بيهة نسب الجريمة وهاي ينرادلهة رخصة سلاح وبعض الاحيان باتون واسعافات اولية ورشاش الفلفل الحارق للعين..

طبعا يبدي الشغل من 8 دولارات ونص الى 30 دولار للساعة حسب مدة العمل ونوع الاجازة..
الموظفين الامنيين اللي يملكون سجل نظيف لهم الاولوية بالتقديم في سلك الشرطة والاف بي اي على مختلف انواعها ومن ضمنها شرطة الحدود اللي يوصل راتبهم الابتدائي الى 6000 دولار شهريا او فد شي يسمو Director of information ولكن يجب انهاء دراسة الكريمنيال جوستيس او الفورينسيك  في الكوميونيتي كوليج للتقديم على هالاختصاصات..

قصدي من كل هالتفاصيل انو الشغلة من تشوفهة وتسمع بيهة فمراح تكول بيهة اي مستقبل ولكن اغلب الشرطة والموظفين الفدراليين كانوا موظفي امن وهاي احجيلكم من تجربة مقربين عراقيين يشتغلون حاليا بال DHS..
فيا اخوان مو من اول هبة هوا شغلنه اللطمية يمعودين اطوهة شوية طرح وفهموا الواقع ومجريات الامور واني مدا اكللكم تعالوا اشتغلوا موظفين امنيين بس جبتهة كمثال على النظر بمنظور اوسع لنفس العمل..تحياتي

بغدادي

192
شنو هوة مقياس النجاح والفشل؟!
البعض يعتبر مجرد مجيئه الى امريكا وحصوله على الاقامة نجاح بحد ذاته..
ناس تحمل شهادات عليا تعتبر حصولهة على اي عمل بسيط كبداية مشوار نجاح بينما ناس كثيرين يعتبروا فشل!!!
ناس عدهم شهادات بكلوريوس يجون يحصلون منحة لدراسة دبلوم بغير اختصاص ويعتبروا نجاح وغيرهم يعتبره فشل لان ما استغل اختصاصه او ما كمل بيه..
المسالة مثل ما كالوا الاخوان نسبية تماما وتجربة اي شخص هنا مستحيل نكدر نعممهة على اي تجربة اخرى لان التوجهات والاهداف مختلفة وكل شخص عنده تجربته الخاصة اللي على اساسهة يقيم الربح والخسارة..النجاح والفشل..

رايي الشخصي اي شخص لا يستطيع التكيف مع مجريات الامور والحياة بسهولة يعني ميتنازل من اجل مكاسب مستقبلية "يؤمن بيهة" فالامور راح تكون صعبه ومعقدة وراح يعاني قبل ان يتكيف مع الواقع..وطبعا كل شخص وتجربته اللي يجب احترامهة لان مو لكل الناس نفس الخبرات والتجارب اللي تؤهلهم ان ياخذون القرار الصحيح..

بغدادي

193
اخي العزيز اني فوتاتي قليلة للمنتدى بسبب الانشغالات وطبيعة الحياة بس من شفت موضوعك وقريته فحبيت انصحك نصيحة اخ مجرب وانته بعد الامر بيدك اولا واخيرا..اتزوج لو حتى تتاخر سنة ما دام انته ضامن طلعتك انشاءالله يعني المسالة روتينية وفرق تاخير بالوقت بس لان ترة الحياة يمك مو مثل هنا وينرادلك سند وياك من تروح تشتغل وتتعب وترجع للبيت تفكر شراح تطبخ  :( وجيب اللوندري وادفع البلات وروح تسوكك بحيث تكوم تغرد وتسمع لطمية وانته بعز فرحك  ;D هاي غير مسالة انو اذا ردت تتزوج مناه فتعال شوف منو باقي مثل ما هوة عليه لان هنا ترة غير مقاييس  حتى جماعتنه ترة من يجون لهنا ورة فترة يفكرون مثل المجتمع الامريكي وتصبح الامور مادية اكثر من اي نواحي اخرى..نصيحتي اتوكل على الله وامشي وكول الله واكبر للنصر خطواتنا ولا تتردد وامريكا تنتظرك بس العروس ما تنتظرك حبي  ;D

سمعني الهلاهل عود  ;D

194
ممنون اخت سرى عالموضوع وبارك الله بيج وحتى الاخوة الجدد يصير عدهم علم بهالموضوع..
بس هالسنة مو اكيدة العيد راح يصادف الجمعة..
يجوز السبت لان مفتي البيت الابيض كال لم تثبت رؤية النجمة بعد فيجوز العيد يروح للاحد هم مو السبت  ;D  ;D


بغدادي


كلي بغدادي
يا نجمه منهن الشماليه لو الجنوبيه
هههههههههههه

لازم اسئلك سارة بيلين عبد الرزاق رئيسة اتحاد نسوان البيت الابيض وارجعلك خبر  ;D
على فكرة اللي عدهم الاي فون فاكو ابليكيشين يتنزل بدولار واحد ايخص كل عروض البلاك فرايدي وبكل الستورات..وكل بلاك فرايدي وانتوا بخير وايامكم كلهة ديسكاونت وسبيشالز..

195
ممنون اخت سرى عالموضوع وبارك الله بيج وحتى الاخوة الجدد يصير عدهم علم بهالموضوع..
بس هالسنة مو اكيدة العيد راح يصادف الجمعة..
يجوز السبت لان مفتي البيت الابيض كال لم تثبت رؤية النجمة بعد فيجوز العيد يروح للاحد هم مو السبت  ;D  ;D


بغدادي

196
اخي العزيز اوركي..بالنسبة للاستمارة رقم I 643 فمعلوماتي بالنسبة الهة جاية من الدائرة المسؤولة عن التقديم للكرين كارد والتابعة للمنظمة وكل اللي اعرفهم وقدموا وحصلوا الكرين كارد دزوا هالاستمارة وية المعاملة..كلامك بيه جانب من الصحة هوة انو هالاستمارة لا تعتبر رئيسية في التقديم ولكن تعتمد على الموظف يا اما يعتبر الطلب ناقص "كما مثبت بتعليمات مليء الاستمارة" او يمشيهة بدون دوخة راس ولهذا مسالة ارسال هالاستمارة جاي من فكرة انو اللاجيء ميعتمد على مزاجية الموظف ويدز كل الاوراق حتى ميكون اكو حجة بالتاخير او عرقلة للمعاملة مع شكري وتقديري لمساهمتك..

بغدادي

197
اخي العزيز اوركي.. اعتقد انته تقصد الاستمارة رقم 693 i اللي تخص التقرير الطبي لان الاستمارة 643 I ما الهة اي علاقة بالتقارير الطبية وهاي الاستمارة مطلوبة للتقديم على الكرين كارد وبدونه يعتبر الطلب ناقص وغير كامل وهذا مثبت ضمن تعليمات مليء الاستمارة ومكتوب نصا:

your application will not be considered as completely filed unless you submit this form

وهذا النص موجود ضمن نفس الاستمارة I 643 وبالامكان تطلع عليه ضمن نفس الرابط
http://www.uscis.gov/files/form/i-643.pdf

اتفق وياك بمسالة ارسال عقد الايجار كدليل على الاقامة بس اللي يشتغل وحصل شغل من اول فترة وصوله لا داعي اله لان راح يظهر كلشي عن طريق الاستمارة رقم I 643 بالاضافة الى السوشيال سيكيوريتي نمبر..بالنسبة الى كاليفورنيا فمعدل اتمام معاملة الكرين كارد هو 4 اشهر الا في حال وجود مشاكل لدى الشخص  صاحب الطلب..


198
اخي العزيز بغدادي
شكرا على هذه الاضمامة الرائعة
اود ان ابين بأن الفورم  I-643 هو نفسه الظرف المغلق الذي يتم اعطاءه من قبل الطبيب والذي يبين اكمالك اللقاحات ولذلك فلا حاجة لملئه من قبل المقدم  على الكرين كارت .. اما الوثائق المطلوبة الالزامية
اخي العزيز
بالاضافة الى ملئ الفورمات
Form I-485
Form G-325 A
- صورتين شخصية
يحتاجون فقط 94 i
واثبات وجود سنة داخل امريكا كأن يكون عقد ايجار الشقة او وثائق المدرسة وغير ذلك فلا داعي لجواز السفر او الوثائق العراقية او الامريكية الاخرى وهذا من تجربة شخصية .. اما فترة وصول الكرين كارت فقد يتأخر كثيرا نتيجة لكثرة اللاجيئين والزخم الحاصل لديهم المدة من 6 الى 8 اشهر وجائز اكثر .. ونحن في هيوستن الى الان العراقيين المقدميين من قبل 6 اشهر الى ثمانية لم يأتي الينا وحين نتصل بهم يقولون ليس هنالك مشكلة ما عدا الزخم .
وحاضر لاي سؤال
اوركي



اخي العزيز اوركي..جزيل الشكر على مساهمتك القيمة ومشاركتنه تجربتك ولكن اعتقد انته تقصد الاستمارة رقم 693 i اللي تخص التقرير الطبي لان الاستمارة 643 ما الهة اي علاقة بالتقارير الطبية وهاي الاستمارة مطلوبة للتقديم على الكرين كارد وبدونه يعتبر الطلب ناقص وغير كامل وهذا مثبت ضمن تعليمات مليء الاستمارة ومكتوب نصا:

your application will not be considered as completely filed unless you submit this form

وهذا النص موجود ضمن نفس الاستمارة I 643 وبالامكان تطلع عليه ضمن نفس الرابط
http://www.uscis.gov/files/form/i-643.pdf

اتفق وياك بمسالة ارسال عقد الايجار كدليل على الاقامة بس اللي يشتغل وحصل شغل من اول فترة وصوله لا داعي اله لان راح يظهر كلشي عن طريق الاستمارة رقم I 643 بالاضافة الى السوشيال سيكيوريتي نمبر..بالنسبة الى كاليفورنيا فمعدل اتمام معاملة الكرين كارد هو 4 اشهر الا في حال وجود مشاكل لدى الشخص  صاحب الطلب..

بغدادي

200
يوم 19\12 تدز المعاملة بالبريد والتاريخ المسجل بالفورمات وية التوقيع لازم يكون يوم 19

201
تسلم اخ بغدادي وبارك الله بجهودك الطيبه

ولكن عندي تعليق بسيط على بعض النقاط التي ذكرتها احب ان اعلق عليها غدا انشاء الله

تحياتي وتمنياتي لك بالتوفيق


اي اضافة تفيد الموضوع مرحب بيهة من اي عضو وشكرا لمشاركتك الطيبة..
شكرا اخت مينا والله يحفظج وتمنياتي لك بالموفقية..

202
عمي ابو الحسن شكرا لمشاركتك وانشاءالله تفرج عليكم عن قريب ..لو كايلي شغل الماني لان اني مو ميانة وية الياباني  ;D
الاخت ســـــــرى مشكورة على كلمتك الطيبة وبارك الله بيج..

الاخ baghadas us..انته الاحسن اخي العزيز ومعتز بكلماتك الطيبة والفلوس مو مشكلة المهم تظل بخير وسلامة وانشاءالله اخوانه بالمستقبل يستفادون لان الشغلة ما تحتاج دفع اي فلوس واتمنى لو كنت ساعدتك بوقتهة..

رفيق السفر الاخ ابو ياسين تحياتي ودعائي لكم بالموفقية واذا تحتاج شي علمود التقديم اني بالخدمة..

الاخ تكساسي..شكرا على مشاركتك الطيبة والافضل ان تروح وية العائلة لمكتب التبصيم بنفس اليوم وتتحدث وية الموظف حتى يتصل بالمكتب الرئيسي وبامكانه ان ياخذلك موافقة تبصيم بس تبقى المسالة متعلقة بالمكتب الرئيسي يا اما يوافق يا اما يخليك تنتظر الظرف بكل الاحوال روح وية العائلة وانشاءالله تاخذ موافقة التبصيم بنفس اليوم..

الاخ مشلوع كلبي..بالخدمة وانشاءالله الاستفادة للجميع..


203
بطاقة ال I-94 واجازة السياقة او هوية الولاية بالاضافة الى الرسالة المستلمة..
بامكانك الذهاب قبل موعد التبصيم اذا كنت تشتغل وتخبرهم انو متكدر تجي بالوقت المحدد وبهالحالة راح ياخذون تصريح من المكتب الرئيسي وتكمل البصمات بنفس اليوم حتى تختصر الوقت..

بغدادي

204
تحية للاخوان والخوات..
هذا الموضوع من الالف للياء بخصوص كيفية التقديم على الكرين كارد للاجئين واللي يريدون يقدمون بنفسهم لان الشغلة بسيطة وميحتاج لا منظمة ولا محامي وصرف فلوس..

1 - بامكان اللاجيء البدء بمعاملة التقديم على الكرين كارد بعد انهاء التلقيح الثالث والاخير وسير اللقاحات يكون كالتالي:

- اللقاح الاول يكون بعد الوصول بعدة ايام ومنظمة التوطين تكون مسؤولة عن اعطاء اللاجيء هذا اللقاح ويشمل لقاح MMR و" Diphtheria,Tetanus,Pertussis"..وتاخذ نفس اللقاحات بعد مرور شهر ولكن المنظمة غير مسؤولة عن هذا اللقاح ويتم اخذه في دائرة ال Human sevices بعد دفع مبلغ 10 دولارات لمجمل اللقاحات واللقاح الثالث والاخير بعد 6 اشهر من تاريخ التلقيح الثاني ويشمل فقط لقاح ال Diphtheria,Tetanus,Pertussis".

- عادة يتم اخذ اللقاح الثاني والثالث في دائرة ال Health& Human services والموجودة في كل كاونتي وبالامكان عمل بحث بالكوكل لايجاد عنوان تواجد اقرب دائرة للاجيء ضمن منطقة سكناه والتكلفة للشخص الواحد هي 10 دولارات.

- اللاجيء غير مشمول بالفحص الطبي وغير مطلوب منه بالتقديم اي تقرير طبي سوا تقرير اكمال اللقاحات.

في كل مرة يتم فيها اخذ اللقاح يتم ختم البطاقة الصفراء الخاصة باللقاحات Immunization record..وبعد انهاء التلقيحات الثلاث يجب الذهاب الى طبيب مختص بعمل تقرير معنون الى ال USCIS..طبعا مو كل طبيب مخول بعمل هالتقرير واللنك ادناه فيه قائمة الدكاترة المخولين من قبل دائرة الهجرة وحسب المنطقة فقط يتم ادخال ال ZIP كود للمنطقة الساكن بيهة:

https://egov.uscis.gov/crisgwi/go?action=offices.type&OfficeLocator.office_type=CIV

طبعا هناك اكثر من طبيب مخول بنفس المنطقة وكل واحد عنده سعر خاص لعمل التقرير يعني السعر مو موحد..لهذا الافضل الاتصال بكل الاطباء لمعرفة ارخص سعر وباسرع وقت..اني خابرت طبيب كللي اسويلكياه ب 100 والثاني كللي بخمسين دولار وبربع ساعة يكون جاهز   ..اكو بالكهون واحد عراقي ب 30 دولار بس ورة اسبوعين يلا يجيني السرة..القصد خابروا الكل..
التقرير يكون موضوع بظرف صغير ومختوم وموقع ومعنون الى ال USCIS ويحتوي القسم رقم 1,2 و 5 من الاستمارة رقم  693 i والخاصة باللقاحات فقط وتبين انو هالشخص كمل كل اللقاحات المطلوبة ويكون موجود بيه نسخة من بطاقة التلقيحات الصفراء والاصلية تبقى وية اللاجيء..

2 - مليء الاستمارات الثلاثة التالية اونلاين وطبعها وتوقيعها:

Form I-485
http://www.uscis.gov/files/form/i-485.pdf

Form G-325 A
http://www.uscis.gov/files/form/g-325a.pdf

Form I-643
http://www.uscis.gov/files/form/i-643.pdf

- صورتين شخصية حجم جواز سفر من CVS او Wallgreen

- ترجمة شهادة الجنسية العراقية او هوية الاحوال المدنية "هذه الفقرة مذكورة ضمن تعليمات التقديم في الصفحة الرسمية ولكن كثيرمن اللاجئين لم يقم بارسالها ومشت الامور بدون مشاكل وهذا للتنويه فقط"

اكو مشكلة بسيطة بالحقول الخاصة بالتواريخ وهي انو الحقل ميكفي مجموع الارقام المدخلة ولهذا اخر رقم اللي خاص بالسنة يتم ادخاله على شكل 3 ارقام بدل من 4 يعني مثلا مواليد تموز.02.1970 يتم ادخاله بالشكل   07.02.970 يعني ينحذف الواحد لان اكو اشكالية بنفس الحقل..

- بالنسبة لاستمارة ال 485 G فاكو حقل خاص برقم ال Alien number ويرمز اله بالحرف A وهذا موجود الرقم ببطاقة ال I-94 وبطاقة العمل وحقل ثاني خاص برقم ال #I-94 وتجدوا تحت اسم ال Admission number وهذا موجود على البطاقة ويكون مكون من 11 رقم لان البعض صار عنده اشكال بالرقمين..

- يجب وضع اشارة xعلى الفرع H ويتم كتابة عبارة Refugee في الحقل المخصص للكتابة في نهاية الفقرة H

- بالنسبة للفقرة 3 -A والخاصة برقم الفيزا ومكان الحصول عليها واسم القنصلية بالاضافة الى تاريخ نفاذ ال I-94 فيتم كتابة N/A في الحقول الثلاث لان اللاجيء لم يحصل على فيزا وهاي الفقرة لا تخص اللاجيء.

- باقي الاستمارات واللي هية Form G-325 A , Form I-643 فلا يوجد اي اشكال معين وهي عبارة عن ادخال معلومات شخصية عامة مثل تاريخ الميلاد واسم الام والاب واللقب واخر عنوان للاجيء خارج امريكا وقبل سفره اليها وتاريخ العمل الشخصي والخبرات ويجب وضعها بشكل متسلسل واخر وظيفة تكون اول ما يذكر في قائمة تاريخ العمل وهكذا..

- يجب عمل نسخ مصورة لبطاقة ال I-94 وبطاقة العمل واجازة السياقة او هوية الولاية واي هويات اخرى تم الحصول عليها اثناء فترة الاقامة داخل امريكا مثل هوية الجامعة او كتاب التسجيل في الخدمة العسكرية وكون عمر اللاجيء غير مشمول بها وغيرها من الوثائق..مع العلم ان وثيقة الموقف من التسجيل في الخدمة العسكرية غير مطلوبة لمن دخل لامريكا وعمره فوق ال 26 سنة.

- بامكان اللاجيء البدء بمعاملة الكرين كارد فورا بعد الحصول على تقرير الطبيب المختص والخاص باللقاحات واكمال طبع الفورمات ووضعها في ظرف وارسالها حصرا بواسطة Certified mail بعد مرور سنة بالضبط الى احد العناوين التالية وحسب الولاية:

أولا:
الولايات التاليه ترسل المعاملات الى هذا العنوان:
USCIS
PO Box 660867
Dallas, TX 75266

____________
وبالنسبه اذا كان البريد مستعجل فهذا العنوان:
USCIS
Attn: AOS
2501 S State Hwy. 121 Business
Suite 400
Lewisville, TX 75067
_____________

وهذه هي الولايات:
Alabama-Arkansas-connecticut-delaware-the distrect of Columbia-Kentucky-luisiana-florida-georgia-maine-myryland-massachusetts-mississippi-new Hampshire-new jersey-new mexeco-new york-north Carolina-Oklahoma –Pennsylvania –Puerto Rico -Rhode island-south Carolina-Tennessee –Texas –Vermont -Virginia-U.S. Virgin Island or West Virginia


ثانيا:
الولايات التاليه ترسل المعاملات الى هذا العنوان:
USCIS
PO Box 21281
Phoenix, AZ 85036
________________
 
وهذا للبريد المستعجل
USCIS
Attn: AOS
1820 E. Skyharbor Circle S
Suite 100
Phoenix, AZ 85034

وهذه هي الولايات التابعه لهذا المكتب:

Alaska –Arizona –California – Colorado – Hawaii – Idaho – Illinois – Indiana – Iowa – Kansas – Michigan – Minnesota – Missouri – Nebraska – Nevada – north Dakota – Ohio – Oregon – south Dakota – Utah – Washington – Wisconsin – Wyoming – Guam or the Commonwealth of North Mariana Islands

- بعد تقريبا اسبوع سوف تصل للاجيء رسالة اشعار باستلام معاملته وفيها رقم LIN number حتى يستطيع اللاجيء متابعة سير المعاملة اونلاين وهذا الرابط الخاص بالمتابعة:

https://egov.uscis.gov/cris/Dashboard.do

- بعد مرور ما يقارب الاسبوعين الى شهر على استلام ال LIN number سيتم ارسال رسالة طلب بصمات ومحدد فيه العنوان الواجب التوجه اليه لغرض التبصيم..بامكان الشخص التوجه قبل الموعدالمذكور في الرسالة وطلب التبصيم في نفس اليوم او تحديد موعد مبكر في حال عدم امكانية الحضور في الموعد المقرر بسبب الانشغال بالعمل..

- الفترة التخمينية للحصول على الكرين كارد من تاريخ فتح الفايل ولغاية استلامه تقريبا ال 4 اشهر وبالامكان استخدام نفس اللنك الخاص بمتابعة الفايل اونلاين وفي اسفل الصفحة هناك حقل يوضح الفترة التقريبية لانهاء المعاملة ولكن ممكن المعاملة تتاخر الى فترة 6 اشهر او اكثر ولكن بعد تجاوز الملف الفترة المشار اليها في اللنك اعلاه فبالامكان الاتصال بالرقم المخصص للاستفسار وعمل طلب لبيان سبب التاخير والرقم : 18003755283

اي شخص عنده اشكال بمليء الاستمارات مستعد لمساعدته وبالتوفيق للجميع..

بغدادي

205
لا ميحتاجه بالكرين كارد..فقط اللي يحتاجه هوة تقرير الطبيب انو مخلص كل اللقاحات المطلوبة فقط..وهذا الرابط يؤكد هالشي
http://www.uscis.gov/files/form/i-485instr.pdf

تروح على الفقرة رقم 7 b الخاصة بالفحص الطبي للاجئين ومكتوب بيهة بالنسبة للاجيء ميحتاج اي فحص طبي وفقط تقرير اكمال اللقاحات..

206
هوة المفروض تقرير اشعة الفحص ايسلمه للمنظمة حال وصوله والتقديم على الكرين كارد لا يتطلب هذا التقرير وانما فقط تقرير اكمال اللقاحات..

بغدادي

207
كل العيون تنام الا عيون المظلوم تبقى تناجي ربها...العار على كل من قتلكم وهجركم وكل من سمع بذلك وصمت..
مخطط كبير لتفرقة العراق دينيا وطائفيا وتشتيت اهله والمواطن العراقي حاليا لا يملك من سلاح الا الهرب خارج الحدود ومع الاسف هذا ما يهدف اليه مخططي تقسيم العراق من دول الجوار وبايدي عراقية وعربية صرفة..
انا مع طرح الاخ ankawa_2010 حول مسؤولية الجهاز الامني عن هذه المجزرة وسوء التخطيط وعدم الدقة ولكن هل الحل هو تسهيل خروج من هم قاموا ببناء العراق وتشكيل تاريخه..هل هذا هو الحل!! انا لن اقوم بالتكلم نيابة عن من هم اصلا في هذه المحنة وليس لي الحق في التكلم نيابة عن اي شخص اخر ولكن يجب ايضا ان لا ننسى ان كل هذه الاعمال الهدف منها تهجير اخواننا المسيحيين وتركهم لتاريخهم وارضهم ولا اعتقد بان هناك عراقي شريف يود ان يرى العراق بعد سنوات عدة ضمن مشهد يتخلف عنه اخواننا المسيحيين بمختلف طوائفهم..انا لا اتخيل شكل بغداد بدون كنيسة ومندى صابئي والا فلن يكون هناك عراق حقيقي واسمي عراقي..رحمهم الله جميعا واعان اهالي الشهداء على سوء المصاب..

بغدادي

208
كل العيون تنام الا عيون المظلوم تبقى تناجي ربها...العار العار على كل من قتلكم وهجركم وكل من سمع بذلك وصمت..الكنيسة التي تم فيها الاعتداء القذر قضيت فيها احلى ايام طفولتي مع العلم بانني لست مسيحي وانما من سكنة تلك المنطقة..رحمهم الله جميعا..

بغدادي

209
اخي العزيز بعد مرور سنة على اقامتك في امريكا يحقلك التقديم على الكرين كارد وهاي المستلزمات:

•   Form I-485
•   Form G-325 A
•   Form I-643
•   Report of completion of the vaccination record by a civil surgeon.
•   Copy of your I-94
•   Copy of your Driving license.
•   Copy of the Employment Authorization card.
•   Copy of the Certificate of the Iraqi Nationality with the translation.
•   2 photos “passport size”.

اول تلث فورمات تمليهن اونلاين وتطبعهن من صفحة uscis.gov ودزهن بظرف مرفق بيه باقي الاوراق الى العنوان المثبث بنفس الصفحة والموجود ضمن تعليمات مليء استمارت ال 485 ..يا اما الى اريزونا او الى تكساس وحسب الجدول الموجود ضمن نفس الصفحة..
ورة مدزهن راح توصلك رسالة وهي تاكيد لاستلام معاملتك وبيهة LIN number تدخل بيه على نفس الموقع وتجييك سير معاملتك اونلاين وبعدهة بفترة شهر تقريبا تجيك ورقة تحديد موعد لاخذ البصمات ومكتوب بيه العنوان اللي لازم تراجع بيه وهاي تعتبر اخر مرحلة ووراهة تنتظر تجيك رسالة الترحيب بك كمقيم دائمي وبعدهة بايام لا تتجاوز الخمسة يوصلك العزيز بالبريد..تحياتي

210
يابة ترة القناة نيتهة صافية وابونا المالكي لمن ديسوي لقاء وانكطعت الكهرباء مال وطنية كل اللي قصده هوة توجيه رسالة للمغتربين ان يتبرعون كل واحد بفد واحد ميغا كهرباء وشوية غيغا من كل واحد عنده اي فون ويحطهن بجيس ويدزهن بالفيديكس لعنوان بيت ابونا المالكي حتى تنفك الازمة..وترة الازمة قاربت تنتهي وهسة سمعت ديوزعون جساوي وية الحصة التموينية للشباب حتى يتحضرون للعبور نحو الضفة الاخرى بعون الله ودمتم للجيش الشعبي..

211
عمي ممنون عالنصيحة وانشاءالله الاخوة اصحاب الشان يستفادون منهة..بس ترة نصب العراقي عالعراقي حلال ومحللة..مو احسن من كتابة التقارير وتطيير الروس  ;D ;D

212
الاخ alqaragulli..مشكور عالموضوع والتفاصيل واني سامع بعد الازمة اكو بعض الولايات يتحصل بيهة هيجي اسعار بيوت بس اذا تنطينه تفاصيل اكثر عن عمر البيت وشكد قيمة الفواتير الشهرية اللي الواحد لازم يدفعهة لان بالامكان واحد يشتري هيجي بيت وياجره واذا قيمة الفواتير الشهرية مال خدمات تطلع اقل من مبلغ الايجار بنسبة معقولة فالواحد ربحان ويظل بيته ملك..
منتظر ردك اخي العزيز وممنونلك..

213
طبعا موضوعج واقعي جدا لان هاي الرنة كل يوم اسمعهة وياية بالشغل..
وهواية حالات يجون للمستشفى حوامل عمرهن 16 سنة والبوي فريند كايدهة ويمشي بعد كلبي..وناس اولادهم مشكلين الابن من اب والبنت من غير واحد والثالث اصلا ابوه ما شايفه ولا الام تتذكر شكله  ;D..قصدي بهيجي مجتمع صعب ان تكلهم اني ما عندي ولو علاقة بسيطة لان مراح يفتهموهة ويعتبرون اكو خلل بالشخص والقلة القليلة جدا هية اللي تعرف عادات وتقاليد الشرق الاوسط وتحاول ان تفهم وجهة نظرك..بس احسن شي من يسالوكم كولولهم احنة مصادقين ومتزوجين القضية ويا جبل ما يهزك ريح  ;D  ;D  ;D

214
اخي العزيز دزيتلك رقمي عالخاص خلي صاحبك يتصل بيهة يوم الاحد او الاثنين واني اكمله الاوراق لان باقي الايام داخل انذار ..تحياتي

215
اخي هذا الكلام احنه متفقين عليه وبامريكا مثل ما كال الاخ تنسى شهادتك وتدور اي شغلة وبنفس الوقت اتقدم على اشغال ثانية حتى تقترب من اختصاصك او تدرس اختصاص قريب من اختصاصك حتى تدعم خبرتك بشهادة امريكية..امريكا لا هية الجنة ولا النار ولازم الواحد يعرف شلون يمشي اموره بواسطة علاقات وفهم للقوانين الى ان يتحسن الوضع بالعراق بعد فد تلاتالاف سنة ضوئية ونرجع..

بغدادي

216
اخي العزيز الشغلة لا تحتاج محامي ولا اي مكتب استشاري المعاملة كلهة صاحبك بنفسه يسويهة وما اطول يوم واحد كل اللي يحتاجه الامور التالية:

•   Form I-485
•   Form G-325 A
•   Form I-643
•   Report of completion of the vaccination record by a civil surgeon.
•   Copy of the I-94
•    Copy of the Driving license or the state ID.
•   Copy of the Employment Authorization card. .
•   Copy of the Certificate of the Iraqi Nationality "Jinsiah" with the translation.
•    photos “passport size” 2.

يملي الاستمارات بالمعلومات المطلوبة ويدخل على موقع ال uscis.gov وياخذ العنوان البريدي حسب ولايته لان الولايات الامريكية مقسمة الى قسمين واحد يدز لاريزونا مثل كاليفورنيا والقسم الثاني لتكساس..اغلب العراقيين حاليا ديقدمون بنفسهم ويستلمون الكرين كارد ضمن المدة القانونية..طبعا الاستمارات الثلاثة المذكورة اعلاه لازم تنزلهن من نفس الموقع  uscis.gov وتمليهة بالمعلومات المطلوبة وتطبعهة ودزهن كلهن بظرف واحد..

بغدادي

217
الاخ raadmteer..
كلامك جدا صحيح وواقعي ولكن اني حطيت كلمة "هدف" بخط جبير لان اكو هواية اجوي ورجعوا بسبب عدم وجود هدف للجية او الهدف كان ميشكل دافع قوي للبقاء..
اذا انته ناوي تجي وهدفك الاستقرار في امريكا مهما كانت الظروف فراح تنجح مليون بالمية..
تحياتي

218
اذا انته بالعراق وتعاني من الوضع فاكلك 100% تعال وما راح تندم..
اذا عايش بدول الجوار ووضعك غير مستقر وتعاني فهم تعال وما تندم..
بس..
اذا عايش بدول الجوار ووضعك وسط او جيد وما عندك هدف بالجية فاكلك فكر قبل ما تجي..

تحياتي
بغدادي

219
ميحتاج تصديق السفارة الامريكية ما دام صدقتها من عمادة الجامعة والخارجية العراقية فهاي هية تعتبر كاملة التصديقات..

بغدادي

220
اكو عراقي بولاية كونيتيكيت سال العراقيين وين الكي طلي علمود اذبحه بالعيد فدلوه على مكان بمزرعة المهم الرجال راح اشتره الطلي ووكف بموقف الباص حتى يرجعه وياة للبيت ويذبحه.
وصل الباص..انفتح الباب..صاحبنه جر الطلي ليم السايق جان يكوله هذا تاخذ عليه تذكره  ;D
طبعا السايق كام يصيح يكوله هذا ممنوع وميصير ولازم اطلعه برا..
صاحبنه كله للسايق ليش مو ناس وياهة جلابهة وبزازينهة وكاعدة بالباص ليش ياهو احسن الجلب لو الطلي وهذا اليف تره  ;D
ورة مناقشات حامية وعالكة اجتي الشرطة وسالت اخينه بالله ليش تريد تاخذ الطلي للبيت شتسوي بيه ..كلهم اريد اذبحه من الوريد للوريد عالعيد لان هاي تقاليدنا..الرجال انسحل لمركز الشرطة  والطلي رجع سالم غانم للمزرعة ;D 
طبعا الحادثة حقيقية وصارت قبل 9 اشهر

221
بالنسبة لكاليفورنيا فمسموح استخدام الاجازة الدولية للطلبة الموفدين والزوار والسائحين فقط اما المقيم فلازم يطلع اجازة امريكية وميحقله ايسوق لا بالعراقية ولا حتى الاوروبية..

بغدادي

222
اخي سياب البصرة..ماكو اي اختلاف بالمساعدات الفرق الوحيد هو من يكون عندك كفيل فراح تكعد يمه الى ان ادبرلك سكن وحدك بالاضافة الى قيامك باكمال معاملات تسجيلك في المؤسسات مثل الويلفير والسوشيال سيكيوريتي وهاي تفض بيومين وماكو اي ضرر مادي بالمسالة..

بغدادي

223
مع الاسف هذا البرنامج خاص بولد الملحة.. ;D

224
لعد اني عبالي اكدر اغير العمر ..
لا هيجي انضربت بوري  ;D ;D ..دا اكلكم امريكا موزينة  ;D
يعني اني عمري هسة 21 ونص ما اكدر اسوي 30 علمود العسكرية  :P

هههههههههههههههه  الي اعرفة الناس اتصغر عمرها علمود العسكرية مو اتكبرة  ههههه

تحياتي الك اخوية

مو حته راسا يرقوني بدرجة جنرال وحط السيوف على جتافي وانزل تمليخ بالعالم  ;D  ;D

225
اني صارلي وية التي موبيل 11 شهر ولحد الان لا قصروا بالخدمة ولا باكوا مني دولار واحد وحتى خدمة الانترنت مفعلهة وادفع 10 دولارات اضافية لهالخدمة بالشهر وهذا للتوضيح للي يقرا الموضوع عن تجربتي ..


حبييب بغدادي
خلي بالك انت تحجي انكليزي مضبوط ومراح يكدرون يفوتوك بدروب الهدن فيس
اني قصدي عالجماعه الي ميحجون انكليزي
والله يبوكوهم لو مدري شيسوون
لان بشغلي واني مسولفلك عن شغلي شنو
يوميه اقل شي 4 الى 5 مكالمات عن عراقيين وعرب ويا تي موبل القوائم مالتهم عابره 300 دولار بشهر واحد وهم على الفلكس بي الي انت تحجي عنه
اشلون متدري
من تجي تحجي ويا الشركه يكومون يطلعولهم سوالف بالعقد اتشيب شعر الراس

حبي الميعرف انكليزي مضبزوط ينباك ويا تي موبل اذا مو اليوم باجر وروح شوف العقد مالهم ابو سنتين على الانترنيت وشوف التفاصيل
والله هجمان بيوت للي ميعرف اشديقرا

تحياتي
ومو انت الي مقصود بالكلامم
تحياتي القلبيه وخليك على اتصال حبييب

اتفق وياك بهالنقطة انو اللي ميعرف يحجي انكليزي ومضابط امورهة فراح ينصب عليه وانواع النصب كثيرة وكل شركة الهة اسلوب معين بالاحتيال وبصورة قانونية واي تغافل من الزبون فمراح يلوم الا نفسه..

226
لعد اني عبالي اكدر اغير العمر ..
لا هيجي انضربت بوري  ;D ;D ..دا اكلكم امريكا موزينة  ;D
يعني اني عمري هسة 21 ونص ما اكدر اسوي 30 علمود العسكرية  :P

227
ههههههههه بغدادي تعرف دمارت الفلسطينيين

اخي قدم واذا طلعتلك كندا انت ملك

 ;D ;D ;D اي لان وين ما روح لاحكيني حتى اسماء عشايرهم هم حفظتهة

اخي لجوء للفلسطيني ماكو الا اذا تثبت انو انته جاي من غزة وباوراق رسمية تثبت هالشي..بس انته تدري طبعا اخوانه العرب ومن ضمنهم الفلسطينيين ديوصلون ويكولون احنة عراقيين ويقدمون لجوء لان مصائب قوم عند قوم فوائد..بس ديربالك اتكول زرار لان احنه نكول دكمة  ;D
وردة...

228
حضرتك فلسطيني؟!!

229
اني صارلي وية التي موبيل 11 شهر ولحد الان لا قصروا بالخدمة ولا باكوا مني دولار واحد وحتى خدمة الانترنت مفعلهة وادفع 10 دولارات اضافية لهالخدمة بالشهر وهذا للتوضيح للي يقرا الموضوع عن تجربتي ..

230
الهجرة و واللاجئين / رد: Green Card
« في: 07:45 27/09/2010  »
فقط تعقيب يخص الفرق والمعنى بين الاسايلم asylum والريفيوجي وهي للتوضيح فقط..الاسايلم هو "باحث لجوء" او مهاجر غير شرعي لم يتم البت في معاملته بعد وعند البت فيها بالموافقة فيتحول الى ريفيوجي "وضع لاجيء مع حقوق اللاجيء"..

231
اخي العزيز همة شلهم علاقة انته شتشتغل..اذكر التفاصيل اللي تخص قضيتك فقط والمتعلقة بيهة بشكل مباشر وجواب على كد السؤال لان كل تفصيله اضافية راح يقابلهة اكثر من علامة استفهام..اذا كان موضوع عملك الثاني يخدم قضيتك اللي قدمت على اساسهة فماكو مانع من ذكره والا فراح تدخل بباب وجواب..

232
اخي العزيز راح اذكرلك بعض التجارب بس مو تعتبرني اشجعك على السفر او العكس ولكن فقط تجارب للفائدة بلكي تساعدك بالتفكير..

تجربتي اني شخصيا رحت للعراق بعد ان اخذت موافقة السفر والفيزا وبدون اخبار المنظمة "صح او غلط هاي مو موضوعنا لان اني اتحمل نتائجها" ورحت لموضوع مهم ومن رجعت اصلا لا اني ولا غيري بكروب المسافرين سالوا عالجواز..

وياية كانت مراة متزوجة بس طالعة وحدهة لامريكا كالتلي اني رحت 14 مرة للعراق شفت اهلي ورجعت  ;D

كلام الموظف باي او ام سورية اللي اتبلغنه بيه كلنه بعد نهاية المقابلة وية الوفد انو محد يروح للعراق لان راح ياثر على نتيجة المحلف واذا صار فد شي طاريء بعد الموافقة فيجب اخبار المنظمة واعطاء رقم تلفون للاتصال بكم في العراق في حال الضرورة..

تجربة اخيرة..صديقي اجاه موعد مقابلة الوفد ورجع لبغداد قبل ان يقابل بس كللهم اني اهلي راح يرجعون واني مجبر للعودة وياهم لظروف خاصة الى ان ادبر امورهم وارجع..اتصلوا بيه الامم المتحدة قبل شهر ونص لبغداد وكالوله نغلق فايلك لو تجي تقابل الوفد لان قضيتك بنسبة عالية ممكن ان تسافر على اساسهة..
هاي بعض التجارب  ممكن تساعدك على تحكيم رايك..

بس راح اكلك شي بس لا تزعل مني اذا المرة راحت وبقت يم اهلهة وبدت العواطف وافلام الكارتون مال كرايب تشتغل فاعتقد بعدين راح تسويلكم لم شمل ابغداد وتكعدون..

233
زين اذا عندك صديقك بيوتا فالمفروض شارحلك وضعهة من ناحية المعيشة والشغل !!!!
بالنسبة لرايي فاني افضل اريزونا لان يوتا عبارة عن كونتري يعني مثل الريف واريزونا صح حارة جدا بالصيف بس رخيصة وبيهة شغل ومزدحمة بالعراقيين خصوصا مدينة فينيكس..

234
بالتوفيق انشاءالله ونحو الافضل دائما واهديك اغنية تقدم واحنه وياك اثنين..
بس ترة ضبط اللهجة ما اله علاقة باكل الكنتاكي فخفف شوية يمعود  ;D   
تحياتي وردة

بغدادي

235
بغدادي والله توكع عالجرح خويه الشغله مو مال بوزات مال واحد يحسبها زين لان صارت شيل وشمر بالشارع .... تذكر الهوسه مال جماعتنه الشيوعيين كبل : راس الشهر ماكو مهر والقاضي نذبه بالنهر  شيل وبطح بالشارعه ههههههههههههههههه

وفي الختام احييك تحيه كنتاكيه حاره وكريسبي يا ورد

ابوبشير

كلهة صدكت بيهة بس مال تحية حارة من كنتاكي زحمة  ;D مو تنساني بشكم طابوكة ثلج وياهة جمه من بادية كنتاكي  ;D

236
طائر الخليج..الشغلة مو مكاون اخي ولو احنة متعودين عالمكاون ومتصيرلنا جارة..واحد شوية يفكر بعقله ..الجماعة مرفوضين وجان المفروض ايدبرون نفسهم من بريطانية وميخلون الشرطة تعرف مكانهم لان عليهم تسفير من زمان مو هسة وورة ما طاح الفاس بالراس ويوصلون للمطار يكومون يدورون قوانين دولية في بلد ما بيه قانون اصلا..
بالنسبة لمداخلة الاخ ابو محمود فمع احترامي للاخ المصري بس ما اكلك كلشي ميفتهم بس راد يجاملكم لان مجرد ان تركب الطائرة راح تصير ضمن مسؤولية الطيار في تسليمك الى السلطات في بلد المقصد سواء كان هذا بلد اللاجيء نفسه او اي بلد ثاني عبر من عنده طالب اللجوء والطيار اصلا قبل ان يصعد اي شخص للطائرة يستلم قائمة الاسماء مع وضعهم ويكدر الطيار ميوقع على طلب استلامه وتسليه للسلطات ويرفض السفر وهاي صارت مع شخص ايراني اخذته الشرطة مكبل بنص الليل من شتوتغارت المدينة الى المطار ورفض الطيار ان يستقبله على متن الطائرة وكان تبريره بالاوراق الرسمية ان هناك خطر على حياته في حال سلمه للسلطات الايرانية وهذا الحجي بال 2002 ولكن في حال توقيعه وقبوله فانه ملزم بتسليمه الى تلك السلطات بالمطار واصلا تكون سفارة ذاك البلد عدهة علم باسماء وملفات هالاشخاص من قبل فترة ومنطيهم فيزة او عبور او اي نوع اخر من انواع الموافقة على استلامهم ولهذا ماكو اي فائدة من العنتريات بعد اقلاع الطائرة "كلامي الى طائر الخليج" لان الشغلة مو شغل بسطات هذا شغل سفارات ودول وانته دتحجي مع شخص جان بنص هالسوالف والتفاصيل بالمانيا بس شر البلية ما يضحك..هسة جاي تكلي ابني اذا انبسط ههههههه ليش هية الشغلة شغلة كهاوي..اصلا وضع العراقي الطالب للجوء في اوروبا واللي عنده رفض حاليا صار مثل وضع اللبناني والسوري والتونسي وغيره من الجنسيات اللي مجرد ان يعرفون مكانهم يشيلوهم لو من الشارع ويسفروهم ويا ما سوريين بالمانيا جنه اني وبعض الشباب العراقي نختلهم يمنا حتى الشرطة متعرف مكانهم لان مجرد انلزموا فنهايتهم بمطار دمشق الا في حالة وحيدة انو قبل تسفيرهم راح تتحول اوراقهم للسفارة السورية وينعرضون شخصيا عليهة واذا كالوا احنة مو سوريين وماكو اي دليل يثبت انو همة سوريين فمراح السفارة تعترف بيهم كمواطنين والسلطات متكدر ترجعهم لان اصلا البلد ما معترف بيهم..

اخي ابو بشير كلامك صحيح جدا وعلى هالاساس كانت الدول مترجع طالبي اللجوء المرفوضين للعراق لان تعرف حياتهم راح تكون مهددة من قبل الحكومة العراقية نفسهة مو من خطراو تهديد عام..

بغدادي

237
زين همة ليش ما نزلوا من الطيارة!!يعني اذا جانوا يريدون ياخذون موقف ويخلقون مازق ويجيبون منظمات اللجوء فهاي الخطوة متاخرة لان همة اصلا غادروا دولة اللجوء ووصلوا بغداد اللي بيهة الطاسة ضايعة وبعد كل جارة ماكو فكان الافضل الواحد يحترم نفسه وينزل وعود يدورله فد منفذ ثاني للطلعة افضل من الوكعة بيد الشرطة..بس الظاهر همة نسوا شنو يعني شرطة الوطن وعبالهم صاروا مثل شرطة بريطانية..

238
ورياجيل صايرين نسوان مع خالص تحياتي مغترب كندي

ممكن بس توضيح لهالعبارة  ;D  ;D
يعني النسوان صايرات رياجيل ;D

239
بامكانك فتح الملف بعد اغلاقه في حال توفر بعض الادلة القوبة المدعومة باوراق رسمية تدل على ان المتقدم صاحب الملف كان مضطرا في ذلك الوقت على اغلاق ملفه والعودة واعتقد بامكانية فتح الملف من قبل اي او ام بغداد بعد تزويدهم برقم الملف القديم وفتح مراسلات مع مكتبهم في بغداد..
قبل اسبوعين كنت اتكلم مع شخص حاليا في بغداد كان لديه ملف توطين في مكتب اللاجئين في دمشق وترك ملفه ورجع الى بغداد والمفارقة الغير قابلة للتصديق نهائيا لولا انها اتت من واقع ملموس ان مكتب سورية اتصل به على موبايل اخته في العراق لانه اثناء المقابلة تم تزويدهم برقم اقاربه في بغداد وطلب الحديث معه وعندها تم سؤاله في حال رغبته بالعودة الى سورية لاتمام الملف واجراءات السفر او سيتم غلقه بناءا على رغبته!!!!!!!!
طبعا الشخص اخبرهم بانه ليس في بغداد وانه حاليا في احدى المحافظات القريبة من الحدود السورية وانه في خلال ايام سيكون في دمشق من اجل اتمام جميع المتعلقات..صعب تصديقهة ولكن هذا اللي صار  ???  ??? عجيبة امور الاي او ام ..حتى انني استفسرت منه كيف تم الاتصال به في العراق والمفروض انه مهجر من منطقته وهناك خطر على حياته؟ كللي هذا اللي صار!!!!

بغدادي

240
اخي العزيز ما دام الشخص عادلت شهادته من الجامعة فبكل سهولة يكدر يروح للقسم الاستشاري بالجامعة وباخذ موعد وية المستشار بالكلية وهوة راح يزودة بالمعلومات..

241
يابة الاعصار كان متوقع يضرب ولايات الساحل الشرقي وخصوصا نورث كارولاينا بس تقرير قناة الويذير جانيل قبل ساعة يكول الاعصار اتخذ مسار ثاني وخفت سرعة الرياح وتقريبا زال الخطر من وقوع اضرار بليغة سوا بعض الامطار الغزيرة..

بغدادي

242
كون حضرج مهندسة فاول خطوة تسويهة هو معادلة الشهادة واكو معهد اني عادلت بيهة شهادتي واذا تريدين انطيج تفاصيله..
طبعا حتى اذا عادلولج الشهادة وانو معادل للبكلوريوس الامريكي فعندج خطوتين وراهة: يا اما تدورين شغل ضمن الشركات الهندسية في حال عندج شهادات خبرة بس بوظيفة ادنى يعني مثل طبيب ويشتغل مساعد طبيب الى ان يثبت نفسه وهاي جدا جيدة في حال حصليتهة واذا لا فالخطوة الثانية هو البحث عن اي عمل وحتى ضمن هالنطاق معادلة شهادتج راح تفيد لان انتي بحساب ماخذة بكلوريوس وراتبج ميبدي من الحد الادنى وهاي ما ادري اذا جماعتنه يعرفوهة لو لا..

بالنسبة للاعمال المحترمة للمراة في حال انكليزيتج جيدة ومينراد دراسة لغة فاكو وظيفة ال Customer service في اغلب الشركات والمكاتب بعض الاحيان يطلبون وثيقة بانج ماخذة دورة او عندج خبرة بهالمجال وهاي هم الهة حل بس مو وكته هسة  ;D
الوظيفة الثانية هو عمل بالسيكيوريتي وغالبا يكون مثل خدمة الزبائن يعني مشابه للوظيفة اعلاه وباعتقادي هاي افضل شي ولا بيهة تعب ولا شي وكبداية تعتبر جيدة للدخول للسيستيم ودفع ضرائب وبناء كردت..والعافية درجات..طبعا اني اتحدث ضمن تجربتي بسان دييغو بغير ولايات ممكن الاخوان يفيدونا بالراي..

اكو غير اعمال متفرقة مثل الشغل بالماك دونالدز والسوب واي واكو بعض خواتنا العراقيات يشتغلون بيهن بس ما انصح بيه الا في حالة الاضطرار فقط..
بغدادي

244
معدل البطالة ارتفع هذا الشهر (أب)

من 9.5% الى 9.6%

الله يستر الشهر الجاي

الله اليستر.. لان الوضعية غير مطمئنة خصوصا ورة ما اتضح ان مايكل دوغلاس عنده سرطان بالبلاعيم..
عمي هذولة كلهة جاي تستلم معونات خوما مثل وضعنه اللي يبطلوا يلزم باب الكهاوي ويدور شغل قبل متخلص فليساته..
اخو الروميت مالتي صارله سنة ونص كاعد عالمعونات كاش وفودستامب الكاش يروح للبارات والفودستامب للمزات وينام بالسيارة ويملك بيت بتيوانا واصلا مو متجنس بطركك الكرين كارد..

بغدادي

245
ورة اسبوعين من استلامهم فايلك انشاءالله يجيك ظرف مال لان نمبر حتى اتابع ملفك اونلاين وراهة يجيك التبصيم..وراهة رسالة الترحيب بيك كمقيم دائم..وراهة تستلم الكرين كارد..وراهة ادزلي باكيت بقلاوة مو تنسى  ;D

بغدادي

246
وبالنسبه لاخويه علاوي امريكي اني عراقي وهالشي  يزيدني فخر  بالعكس يوميه اتابع الاخبار ودا اشوف  شديصير بس هالشي لا ذنبك ولا ذنبي اسئل الحكومه الي بالجنوب همه الي رح يكلولك ليش  هشكل ديصير بالعراق ..ولو هالشي  خارج موضوعنه اطلاقا)
تحياتي الكم

اخي العزيز..رايك محترم وكل انسان يعبر عن رايه طبعا ضمن المنطق والواقع وكلامك احترمه بس رجاء اخوي لا تستعمل الاسلوب الاخوي مع كلام مبطن ينطوي على اشارات "حضرتك تفهمهة" ويجوز مرت على غيري لان هذا اني ما اشوفه بيه احترام للمقابل وهسة راح تكول طبعا هذه الاخ من المناصرين فارجع واكولك لا مناصرين ولا مؤيدين والسيء يبقى سيء ولكن اشارتك بيهة ظلم لشريحة كبيرة بالمجتمع واتمنى تحذفهة واذا حضرتك من المؤيدين السابقين فحتى نعرف ويامن نتعامل وتقبل تحياتي

بغدادي

247
هاي اذا الكرين كارد راح تكابل صندوق البريد وتكعد لعد الجنسية شتسوي..يمكن تسافر وية البريد وتظل مكابل دائرة التجنس ههههههههه حبيببي اتشاقة وياك انشاءالله بشهرين تلاثة تستلمه وردة..

بغدادي

248
اخي العزيز..اني وياية بنية بالشغل افريكان امريكان اتعرفت على ولد هندي عن طريق النت وهاي احجيلكياهة مثل ما انزلت وبعد محاورات راحت هية للهند العظمى والتقوا والحمدلله وصار فلم هندي ورجعت سوتله فيزة خطوبة وورة 4 اشهر اخذ ماهيتاب الفيزا واجة لسان دييغو وسووا عقد الزواج وهسة كاعدين بمنطقة قريبة من يمي اسمهة الناشونال سيتي..وهسة جابته للشغل همينة بعد شيريد ماهيتاااااااب  ;D

بغدادي

249
عادة تستغرق شهرين ورة البصمات واكو جماعة حصلوهة بشهرين ونص من ورة ارسال المعاملة لدائرة الهجرة..بس اذا اكو شي جديد بتاخير المعاملات فما عندي علم..بس اريد افتهم هذا الموظف الذكي منين جاب هالمعلومة مال تستغرق سنة!!!

بغدادي

250
اخت نوشة..اني الحقيقة بعدي ما مقدم بس عايشت بعض تفاصيل اللي قدموا قبلي..تاخذين ورقة الموعد مال بصمات وتروحين للعنوان المحدد بالورقة ووياج الهوية الشخصية واخذي باقي المستمسكات من جواز وال I 94 وتكدرين قبل الموعد تروحين تبصمين بس تروحين من وقت وتكوليلهم اني اشتغل وما اكدر اجي على الموعد المحدد وراح يبصموج وياخذولج صور شخصية وراح تملين بعض الاستمارات والعملية كلهة تستغرق بحدود الساعة..

بغدادي

251
والله ولا تصريلنا جارة..يعني الاخ ما حجة بس عالاردن حجة على باقي الدول العربية وهناك طفرت ايران بالوسطية..يعني ما ادري عدنه ناس موهوبة بتحويل مسار الحديث الى الامور الطائفية والسياسية سبحان الله..عمي لا تزعل اسؤهم ايران وهاي بشهادة ناس جانت كاعدة هناك بالتسعينات وفلتت لاوروبا والاردن مو اشرف منهم..
اني بالحدود بالتسعينات الاردنيين حتى فرشة الرسم كاموا يفتشوهة عبالهم حاط بيهة جهاز انصات..
عصفور كفل زرزور وثنينهم طيارة لا ايران ولا العرب..

بغدادي

252
بلاد العرب اوطاني....
عمي ابو زينب ذكرتني بشغلة بسورية واكيد تعرف القاعات اللي تعرض وتبيع اللوحات بشارع بغداد..اتفقت ان اسويلهم 20 عمل زيتي ووره مسلمتهن وخلصت كللي ابو الصالة تعذرني هسة ماكو فلوس ومن تنباع عود نتحاسب او انطيك نص المبلغ والباقي عود نتخابر ونتفق عالتسديد..همزين اني ما اشتغل نحت لا ما تنشال  ;D ..المهم شلتهن ودزيتهن لبيروت ومشت امورهن بوقتهة..

عمي بلاد العرب اوطاني لا بيهة قانون ولا دولة ولا دستور..دينكم ديناركم..هنا بالنسبة للصالات فاهم شي يكون عندك انتاج وفير يعني ايريدون واحد منتج ونوعية عمل جيدة..طبعا الاسعار مختلفة واكو هم صالات تحاول تستفاد اكثر ما يمكن من الفنان بس بكل الاحوال حقك ميضيع لان كلشي مكتوب ومدون..اتوكل على الله انكس من الشرق الاوسخ مراح تلكي..

بغدادي

253
صديقك موجود بسورية لو بالعراق؟ اذا بالعراق فخلي يقدم IOM او SIV مباشر واذا بسورية فعادي ماكو اي مشكلة بهالمسالة لان الاولوية اله بالتوطين والسفر.. المعاملات اللي تتاخر هي للمواطنين العاديين بس الفرق الوحيد انو كونه مشتغل وية الامريكان فمعاملته تمشي بسرعة اكبر من عمان بسبب وجود المكتب الاقليمي للاي او ام بيهة..

بغدادي

254
اخت وردة..اني حاولت ااجل سفرتي وما قبلوا وبالنتيجة ما رحت للموعد وانطيتهم التقارير الطبية حتى يحددولي موعد سفر ثاني وشمروني 6 اشهر وراهة حتى حددولي موعد سفر ثاني ونصيحتي لا تاجلين وتوكلي على الله وصفي اللي تكدرين عليه..

بغدادي

255
تهانينا اخي العزيز صقر الجزيرة والحمدلله على سلامة الوصول وموفق انشاءالله..بالنسبة لمطار فرانكفورت فاني مسافر بيه من المانيا للنمسا وبيه قطار مثل ماكال الاخ صقر الجزيرة بس اكو شغلة مهمة, اي شي تحتاجه من خدمة مساعدة بحمل او نقل الجنط فتحجي وية اي عامل خدمات بالمطار وراسا يجي شخص وية العربانة الكهربائية يوصلك لباب الخرطوم اللي انته تريده بس تكوله المعلومات..طبعا الخدمة مجانية مثل بمطار بغداد  ;D

بغدادي

256
اخي انته شغلتك مثل البيضة من الدجاجة لو الدجاجة من البيضة..
وتريد الصراحة انته من القلائل اللي اشوفهم بهالتشاؤم والنظرة السوداوية..وحتى المواضيع اللي دتطرحهة هي عبارة عن عناوين بدون اي تفاصيل واقعية معاشة لانك اصلا لحد الان ما اندمجت ولا اشتغلت بهالمجتمع..
اتمنالك الموفقية والخير بحياتك..

واني وية راي الرفيق ابو اسينات اذا ناوي ترجع فمستعدين نتعاون ونساعدك بهالمهمة..

بغدادي

257
راح افترض جدلا واروح وياك برايك انو اللي ما عنده تامين صحي فهذا على شفة حفرة من النار..اكو شغلة القلة القليلة من اللاجئين يعرفوها وحتى اني لو ما قريب من المجال الصحي ولا جان عرفتهة..دائما الكليات الطبية بالجامعات مثلا هنا جامعة كاليفورنيا بسان دييغو UCSD يعلنون عن طريق الجرائد واكثر شي يكون بالملحق الخاص بالمدينة وهنا اسمهة Our Region انو عياداتها الجامعية تستقبل حصرا اللي ما عدهم تامين صحي ومن ضمنهم حتى اللي حالتهم مستعصية وتستوجب تدخل جراحي يعني تكاليفهة عالية..وعادة تستمر هاي الخدمة لعدة اشهر..يمكن راح تكولي اي هاي طلاب ويطبقون براس المرضى..هالخدمة مشرف عليها اطباء اساتذة مختصين بمساعدة خريجين جدد وعادة رسم الدخول يكون 10 دولارات يذهب ريعها بالنهاية الى بناء عيادة او اي شي ممكن يخدم الجانب الصحي لان الاف الناس تراجع هالنوع من الخدمة..

اخي العزيز كل يوم تجي للمستشفى مو اقل من 3 حوامل من اجل الولادة بالمستشفى..وتدري منين جايين!! من تيوانا المكسيكية..يعني لا همة مواطنين ولا عدهم اقامة ولا سوشيال نمبر والمستشفى مجبورة تقدملهم خدمة التوليد وتدري شكد تكاليف الولادة..2400 دولار للولادة الطبيعية و4500 للقيصرية..ويجي كرايبهم ورة كم يوم يدخل بعين الموظفة اللي تسوي شهادة الولادة حتى يستخرج نسخة ويقدمهة لدائرة الهجرة حتى الطفل ياخذ جنسية ومحد يكدر يحجي وياه ويكله شي لان هاي القانون هيجي..
بالله سؤال اذا واحد دخل قجغ للعراق او اي دولة عربية هم يكدر يسوي نفس الشي؟



بغدادي

258
اني هم ما اكلك شي بس تعال لامريكا وشوف الفرق  ;D ...
اخي من كاليفرونيا خلي اسولفلك فد شي ايخص الهجرة من الواقع..

النبي عليه الصلاة والسلام لمن هجروا ورادوا يقتلوه وهاجر من مكة للمدينة اللي تبعد مدري كم الف كيلومتر وقطعهة بيومين سفر حتى يوصل للمدينة اللي اوته واحتضنته وية باقي المهاجرين.. وهاي نعرفهة.. بس اللي منركز عليه هو لمن صار فتح مكة شكد بقى الرسول الاعظم بيهة؟؟؟؟

3 ايام فقط ..ليلتين وما كمل الثالثة ورجع للمدينة مع العلم مكة هي مكان ولادته ونشاته وبمحل موطنه..
رجع الا ان توفى في المدينة اللي هية البلد اللي امن بيه واندفن بيه..وتوفى وهو مهاجر..

بس حاول تتاملهة للشغلة والباقي يهون..

بغدادي

259
راح اسالك سؤال واحد بس واذا ممكن تجاوبني عليه لانك اكيد تعرف الضمان الصحي بتفاصيله لمن فتحت الموضوع..اذا الشخص مريض او يحتاج عملية او اي شي ممكن يوصل للتدخل الجراحي فهل يطردوا من الباب لان ما عنده فلوس المستشفى ويكولوله شوف غيرنا لو يسوولهياه وبعدين عود يدزوله الفاتورة ورة ميخلص كلشي ويطلع من المستشفى؟؟؟

بس رحمة على ذاك الجد بس كللي اي او لا..لان اني صارلي 3 اشهر اشتغل بمستشفى وشعر راسي واكع من هالسوالف..حتى الهومليسية اللي يجون للاميرجينسي ويظل الى ان يتاكدون صار زين يلا يكولوله ارجع للشارع اللي جنت نايم بيه..
منتظر جوابك وردة..

بغدادي

260
اني ساكن بمنطقة تبعد تقريبا 30 كيلومتر عن الكهون وهالمنطقة غالبيتهة مكسيكية صرفة وكلهة تحجي اسباني وغالبيتهم طكة انكليزي ميعرف لان الحدود اني وواكف بالبالكون اشوف العلم المكسيكي يرفرف  ;D يعني 4 كيلومترات من الجيك بوينت بس على الرغم من هذا فالمنطقة طبيعتهة امريكية مكسيكية مختلطة وامنة يعني الطراز مشكل وهاي وين متروح بكاليفورنيا راح تشوف نفس المسالة..القصد من كلامي المكسيكان واللاتينو وين متروح بكاليفورنيا تشوفهم بس تقل النسبة حسب المنطقة ومشكلة الكهون مو هنا وانما مشكلتهة بكثرة ما يسمى الوايت تراش والغيدو وهم الطبقتين الواطئة اجتماعيا واقتصاديا للبيض والسود وهمة اصحاب المشاكل وترويج المخدرات وغيرها ومسالة ورة ال 10 بالليل متلكي احد فهاي بكل المناطق السكنية تقريبا بس الامان منتشر واني اصلا ارجع للبيت كل يوم بال 12 بالليل ومرات اذا دوام اضافي لل 3 نص الليل واغلب اللي وياية ساكنين بمناطق قريبة جدا من الكهون فعادي العالم تروح وتجي وتشتغل ومسالة الجريمة تخص المراهقين وتحت سن ال 12 وليس البالغين وهي جرائم خطف اكثر شي..وتريد الصراحة جماعتنه بالكهون مسيطرين ووردة وكثير منهم ميشتغلون فتشوفهم لازمين اركان الشوارع ومنبطحين همة وجكايرهم بس نصيحتي لاميسا هي الاحلى والافضل بس اغلى شوية..واذا اكو اي استفسار اضافي فتدلل

بغدادي

261
الف مبروك وانشاءالله سلامة الوصول والموفقية في بلاد العم سام..تحياتي

262
استخراج الترفيل دوكيومينت اصلا هو للي ما عدهم جواز عراقي او ميكدرون يحصلون عليه وبامكان الشخص السفر بجواز الجي من امريكا الى العراق بس ميكدر يرجع بيه ولهذا اغلب اللي يروحون للعراق وبعدهم ممحصلين على الكرين كارد يستخرجون الترفيل دوكيومينت من اجل الرجوع شرط ان ميدخل بالترفيل دوكيومينت للعراق وانما يرجع بيه لامريكا فقط من احد دول الجوار..
سالفتك مثل سالفة احد الاخوان اللي رجع بجوازه العراقي وما كان ناوي يطلع ترفيل دوكيومينت الا بعد نقاش طويل حتى يضمن رجعته اذا ساءت الامور بالعراق ونفس النصيحة الك اخي العزيز طلع ترفيل دوكيومينت قبل متسافر لان اذا اللاصت الامور فد مرة وردت ترجع فبجيبك الترفيل دوكيومنيت بصلاحية سنة واحدة والا متكدر ترجع..

بغدادي

263
اضافة الى كلام الاخوان..

اكثر شي عملي اني شفته وجربته هو ان تاخذ شريحة السيم كارد من تي موبيل واتركبهة بموبايلك الشخصي وارخص عرض عدهم هو ابو ال 500 دقيقة شهريا تشمل الاتصال من ال7 صباحا لل 9 بالليل لخارج شبكة التي موبيل وراهة وين متخابر ببلاش وضمن الشبكة بكل الاوقات ببلاش والويك اند والعطل هم ببلاش ومن يخابروك مينكطع من الدقائق واني يخابروني دولي دائما ومحلي وما صادف مرة خلصت ال 500 دقيقة..طبعا تعتمد على اوقات الاتصال..سعر الاشتراك الشهري 34 دولار وبدون عقد..

اكو خيار ثاني بس هذا متوفر فقط بكاليفورنيا ضمن شركة كريكيت..45 دولار مفتوح مكالمات ومسجات وانترنت بس تشتري الموبايل من عدهم واسعارهن تتراوح من ال 130 لل 300 دولار وبدون عقد..

هاي المعلومة خارج قوس الاتصال من ايميل الجي ميل لاي تلفون موبايل او ارضي ضمن امريكا وكندا ببلاش حاليا..

بغدادي

264
اخي العزيز ما دامك متفكر حاليا بالرجوع لامريكا وتريد تسافر بجواز ال جي للعراق فمثل ما كالت الاخت سرى تحجز فقط تكت طائرة من موقع الملكية الاردنية اونلاين ويكون حجزك ترانزيت يعني تثبت الوجهة النهائية بغداد مو عمان واني اعرف جماعة سووا نفس الشي قبل 4 اشهر ورجعوا وحاليا همة هسة ابغداد وتكدر تحجز على غير خطوط مو شرط الاردنية ويكون الترانزيت مالتك اسطنبول وراح تظل بالمطار او بفندق المطار وغير مسموحلك ان تغادر الا على متن الطائرة المتجهة لبغداد وانشاءالله ميسرة امورك..

بغدادي

265
كونك حامل لبطاقة ال I94 يعني لاجيء فميحقلك رسميا ان تسافر للعراق الا ورة موافقة ال DHS واعطاء مبرر قوي ولكن بنفس الوقت اكو جماعة راحوا للعراق بعد ان طلعوا ترافيل دوكيومينت حتى يكدرون يرجعون بيهة لامريكا لان وثيقة ال I94 متنطيك الحق بالرجوع وانما خلق عذر للرجوع وشرط متدخل بالترفيل دوكيومينت للعراق وانما بجوازك الجي..

بغدادي

266
ههههههههههه يابة علي كيفكم ترة سرى بنية مو ولد..عمي ابو الحسن هاي مثل سالفة الناصرية والديوانية بغير موضوع  ;D
اختي العزيزة انشاءالله العم ابو الحسن يوافيج بالمعلومات واني عندي خالي صارله كاعد باوكرانيا 30 سنة ومتزوج بس الوضعية بيهة تعبانة ماديا..اذا تحبين هم معلومات اضافية احاول احصلهة مناك..

بغدادي

267
اخي العزيز..طبعا الاخوان ما شاءالله ما قصروا وياك بالنصيحة وانته تعرف الوضع على الارض حاليا يعني اوباما الثلاثاء الجاي راح يعلن انتهاء مهمات القوات الامريكية وبدء الانسحاب مع بقاء بعضها..يعني بالمختصر المفيد راح نطلع من نفق مظلم ونفوت بنفق معتم محد يدري شنو مستقبله واحنه لو نعرف مستقبل العراق لسبع ايام جاية شنو جان يمكن صار عدنه امل بالوطن بس محد يدري باجر شنو اللي راح يصير وشنو المستقبل..والحكومة والبلد ماشي الى مجهول والاخوان ملتهين بالبوكك وكتل ومكتول عالكراسي والشعب محد يدري بيه ومحد يهتمله والواكع والخسران فخسران من جيسه ومحد يسال عنه..اتوكل على الله وابني مستقبل لعائلتك بمجتمع صحي وبيه فرص ومحد ميت من الجوع هنا ولا مذلولة كرامته ومحد يكدر ايدوسلك على طرف وانته اجتهد وراح تحصل على كد اجتهادك بدون واسطات ومحسوبيات وانشاءالله موفق..

بغدادي

268
كنت تشتغل بشركة هواوي لو  بس مسوي دورات يمهم!!!
اذا مشتغل يمهم وعندك كتب منهم فجاوبني اذا تريد عالخاص يمكن افيدك..

بغدادي

269
اخ روبن اني ما فهمت شنو قصدك بين فتح حساب مصرفي والسحب من ال ATM والتقارير المصرفية!!!

اني ورة شهر من وصولي وبعد ان حصلت عالسوشيال سيكيوريتي نمبر فتحت حساب مصرفي وعالسوشيال وحطيت بيه المبلغ اللي جبته وياية..طبعا 100% من اللاجئين كالولي امورك انلاصت بس اني اصلا افتهمت التفاصيل من الموظفة بالمصرف بهذا الخصوص ومن شخص صارله عايش هنا 15 سنة وبالتفصيل الممل لان ما اعتقد اكو واحد يريد يجيب الاذية لنفسه..
الامور طبيعية جدا وكنت اسحب من احتاج وبنفس الوقت كان عندي فود ستامب وكاش الى ان اشتغلت..طبعا هذا الحجي اني متاكد محد راح يقتنع بيه بس هذا اللي صار وحبيت انقل التجربة..تحياتي

270

السلام عليكم
اني الي سمعته من قناهbbcبان 400مليون بيضه وتم سحبها من السوق والعهده على القناه ومشكور اخويه على هل الخبر وماقصرت

ان مع العسر يسرا

robin - cairo

كلامك صحيح لان قبل شوية على قناة 8 سمعت العدد وصل ال 500 مليون بيضة..اللي اكتشفوا انو الدجاج نفسه حامل لهذا المايكروب بسبب طبيعة الاكل الملوث والحلو بالموضوع هسة عالكة بين مزارع الشركة المنتجة والجهات الصحية لان الاخيرة تكول احنا معتمدين على التقارير الطبية مال المشرف الصحي لكل مزرعة دواجن والشركة اتكول اصلا احنة دور المشرف عدنه بس التاكد من سلامة البيضة اذا مكسورة او لا ههههههههه عبالك كاعدين بعفج  ;D

271
اخوان اعتقد اغلبنا سمع بالاخبار عن مشكلة البيض حامل لفايروس السالامونيلا والمنتج في مزارع ولاية ايوا ويصدر الى اغلب الولايات الامريكية ومن ضمنها كاليفورنيا واخر خبر يقول ان الجهات الصحية تقوم بعملية استرجاع ما قدره 250 مليون بيضة حاملة للفايروس..هذا الموضوع للي ما عنده الكيبل الامريكي او ما صادف ان سمع عن هالمشكلة من الجيران او الاصدقاء..عدد المصابين بضعة الاف ويتلقون العلاج من الفايروس..

هذه القائمة تخص الستورات التي تبيع هذه النوعية من البيض بالاضافة لماركات البيض :

Albertson
Boomsma's
Dutch Farms
Farm Fresh
Hillandale
Kemps
Lucerne
Lund
Mountain Dairy
Ralph's
Shoreland
Sunshine
Trafficanda
West Creek
Wagon Trail
Wholesome Farms
Yucaipa Valley
Alta Dena Dairy

وهذا الرابط لمعلومات اضافية..اللي مشتري بيض من هالستورات خلال هالفترة فطريقة للترااااااش..

http://www.eggsafety.org/mediacenter/alerts/73-recall-affected-brands-and-descriptions

بغدادي

272
وبشر الصابرين...الف مبروك والحمدلله على كل حال وانشاءالله سلامة الوصول والتوفيق..

بغدادي

273
بالنسبة لسان دييغو - كاليفورنيا..فالجو معتدل طوال السنة هاي بالنسبة للجو..اسعار الايجارات وشراء العقارات بصورة عامة تكون اغلى من باقي الولايات بسبب اعتبارها ولاية سياحية..الايجارات بسان دييغو تبدي من 400 دولار لسكن مشترك يعني غرفة ضمن بيت عائلة الى 1300 دولار لشقة لغرفتين او تلث غرف نوم بس حسب المنطقة..ب 1700 تاجر بيت مستقل 3 غرف نوم وهم حسب المنطقة وهذا الحد الادنى..بالنسبة للقانون فاكو تساهل بصورة عامة يعني مو مثل اريزونا او بعض الولايات الشرقية اللي بيهة سلطة القانون جدا قوية..اني شخصيا ما شايف غير ولايات بس اسمع من اصدقاء.. بالنسبة لنوعية الحياة والرفاهية فكاليفورنيا رقم 1 بسبب الجو اولا ومناطق الترفيه..شوارع سان دييغو سيئة في بعض المناطق وكثرة اعمال النصب الرسمية من قبل الشركات خصوصا اللي غالبيتهة هيسبانيك بس الواحد يكون حذر لان النصب وين متروح موجود بس النسب تختلف ..باعتقادي الشخص او العائلة اذا تلكي شغل هنا فمستحيل يغادرون الولاية لان الجو اله تاثيره المباشر على شخصيتنا..

بغدادي

274
اهلا بيج اخت مينا..اي شي تحتاجين بالخدمة وانشاءالله ما قصر وتمنياتي بسلامة الوصول

بغدادي

275
مثل رايي الاخوان بس اضافة بسيطة..
تكدر تفتح حساب باي مصرف معروف مثل السيتي بانك او بانك اوف امريكا على جوازك بالسيتي بانك خصوصا ورقم السوشيال ببانك اوف امريكا وتحط المبلغ وانته غير مجبر على انت تخبر اي شخص عن رقم حسابك حتى وان كانت جهة حكومية واغلب اللاجئين ليس لديهم معلومة صلبة عن المسائل البنكية والويلفير واي جهة حكومية ليس لديها اي حق في التحقق من رقم حسابك ورصيدك الا في حالة واحدة فقط وهي ان تكون قد خولت هذه الجهة واعطيتها الحق بتوقيعك الشخصي بالكشف عن رصيدك بالبنك غير هالشي مستحيل واني احجيلك عن تجربة شخصية ..

بغدادي

276
مثل ما ذكرت الاخت انجي واكو ولد عراقي سافر بشهر الثاني من امريكا للعراق كلفته سفرتة 635 دولار روحة بس مو روحة ورجعة..للروحة والرجعة عادة تكون سعر التذكرة 1200 دولار كمعدل وسطي.

بغدادي

277
اختي العزيزة هاي مو خوش ترة واني صار بيه نفس الشي وطلعوا غالقين ملفي الصحي بصورة خاطئة لان عبالهم منتقل لغير ولاية روحي للمنظمة باجر وافتهمي منهم لان التلقيحات لازم تبدي باول شهر من وصولكم..

بغدادي

278
راح احجيلكم هالسالفة لان صارت وياية اول ما جيت وتخص موضوع العمل:

اول ما جيت لكاليفورنيا اخو كفيلي كللي يابة اني متواعد وية جماعة نطلع للباسفيك بيج "وهاي جماعة سان دييغو يعرفون المنطقة" نتمشه فنروح سوة نكظي وكت..المهم ما طول السالفة الجماعة كانوا عراقيين اجدد واحد بيهم صارلة 10 سنين بكاليفورنيا..ورة التعارف وسوالف كتلهم يابة انتوا صارلكم هنا فترة فشنو رايكم بالوضع هنا خصوصا مسالة العمل لان اني رجال عفت شغلي وجيت..طبعا للتوضيح الجماعة كلهم كانوا يشتغلون بالروتيشن ولمدة سنتين متواصلة وحاليا عاطلين عن العمل لعدة شهور..الاجابة الجماعية كانت : يابة انته اجيت باسوء وضع واحنا كاعدين عطالة بطالة صارلنه 6 اشهر وماكو شغل ودندور وماكو وحتى الامريكان عشرات الالوف هسة حفاي وما لاكين اكل وسووهة عليه كربلا..طبعا اتصور الشخص هسة واصل وعايف شغله ويواجه هيجي حجي!!!المهم اني ما انصدمت لان احنة متعودين عالصدمات بس صار عندي نوع من التفكير السلبي..المهم الجماعة كل يوم يلعبون طوبة بالكهون "احد الاشخاص بالمنتدى وراح يعرفني" ويكولولي يابة تعال كظي وكت ويانة على اساس اني كاطع 18 ساعة سفر وعايف اهلي حتى العب طوبة  ;D بشرفي شر البلية ما يضحك..المهم دارت الايام واني ورة فترة لكيت شغل والشكر لله وهمة لحد الان كاعدين يشكون بوجه الله وياهو يجي اسودون الدنيا بوجهة..بس اريد افتهم ليش هالسلوك وية اي شخص جاي جديد واحباط العزائم يمكن اني وغيري متعودين ومناخذ اي حجي راس مال بس اكو ناس متعلكة بكشاية وعايفة بيوتهة وصارفة فلوسهة وتنتظر اي بارقة امل بحجاية حلوة..العبد يكطع بس الله ميكطع

بغدادي

279
الاخ مغترب بالنسبة للتامين الصحي وكل شي يخص الطبابة فموضوعه واسع جدا لان احنه متعودين على تروح للطبيب وتدفع من جيبك بكلشي يخص العلاج هنا الامر مختلف لان لكل شركة تامين صحي سعر مختلف وخطة صحية مختلفة وحسب نوع الخدمة يعني اكو شركات تامين تعرضلك نفس الخدمات باسعار اقل او اعلى من غيرهة وحسب تعاقداتها مع المستشفيات والاطباء والصيدليات يعني تلكي الطبيب والمستشفى والصيدلية متعاقدة وية اكثر من شركة تامين صحي بس الاسعار مختلفة لكل شركة مع انو هية نفس الجهات الصحية.. وعادة اذا تشتغل فول تايم فورة 6 اشهر من العمل الشركة هية تكوم تدفع اجور التامين وهاي تعتمدحسب عقدك وية الشركة..

بغدادي

280
اني بس اريد افتهم ليش هالالحاح على موضوع العمل والتركيز على فقرة ماكو شغل تحديدا..اشو اني والحمدلله والشكر دا اشتغل وكل اللي حولي يشتغلون وتريد الصراحة اللي اعرفهم ميشتغلون التقصير من جانبهم لان اصلا ما فاهمين السيستيم وشلون يستفادون منه وهاي المسالة اتخلي الواحد غير مستقر فكريا وميعرف انو هوة ديضيع فرص من ايده..عمي الله سبحانه وتعالى يكول لكل مجتهد نصيب وبداية اي عمل بامريكا حتى لو شهادة الشخص "هابيل" هاي فوكك الدكتوراه ومتنطي لاي شخص هم لازم يدخل انتري ليفيل لان ماكو تاريخ عمل..هذا السيستيم وهاي طبيعته واللي ميريده فالامور جدا سهلة لا يسافر ولا يتعب ويبقى محل ما عايش والكل يرتاح وماكو اي عتب يعني كل شخص ودرجة تحمله اكو ناس تكولوك اني ما انزل من مستواية واشتغل شغلة بسيطة وميزان المكاسب عدهم يختلف من ميزان المكاسب عد شخص يدور حياة يبدي بيهة خطوة خطوة حتى بعد فترة يرتاح ويتنعم بمستوى حياة امن..بس سؤالي هل نوعية الحياة بالعراق راح تختلف اذا راتبك الشهري 5000 دولار!!!!!راح تفوت بغير شوارع لو السيطرات نوعيتهة تختلف لو العبوة اللي اطكك على الفقير تختلف عن العبوة اللي اطكك على الغني!! اذا كتلي اي وبرهنتلي فاني اطلع اكبر الخاسرين لان عفت شغلي واجيت لهنا..

بغدادي

281
اكو تفاصيل اصلا محد يحجي عنهة بالمنتدى لان يا اما ميعرفوهة يا اما ما صارت الفرصة وانفتح موضوع يحجي عنهة..بالنسبة للطبابة فالعائلة اللي عدهة طفل يبقى التامين الصحي وياهم طول الفترة والواكع بيهة هنا ورة ال 8 اشهر فقط الاعزب وهاي شغلتهة جدا بسيطة لان مثل وضعي اني هسة حاليا ما عندي تامين واذا اسوي تامين على الشغل فلازم ادفع 26 دولار بالاسبوع يعني تقريبا 105 دولارات شهريا وزيارة الطبيب والادوية ببلاش لغاية عشر زيارات واذا حالة اسعافية فلازم ادفع 25% من الفاتورة بس اصلا اني حتى التامين الصحي مال 8 اشهر ما استعملته لان الحمدلله ما صادفني شي مرضي ولهذا كلت لويش ادفع ال 105 دولارات شهريا هذا يمي اكو طبيب صيني واستاذ بالجامعة الدخولية مالته ب 20 دولار فحص شامل والانتيبيوتك بالصيدلية تقريبا 15 دولار وصلى الله وبارك واذا هم استثقلتوا المبلغ وشفتوا جبير فاكو شيه مشابه للعيادات الشعبية واللي يراجعوهة اكثرهم عاطلين عن العمل اسمهة San Diego county clinics وهاي اول زيارة وعلاج شامل ببلاش وراهة اذا اجيتهم تدفع 20% فقط من التكلفة وتطلع فد شي بسيط..واذا هم ما عجبت الشخص فاكله اكعد بالعراق واتنعم بالتامين مال عياداتنا الشعبية المحترمة اللي اذا واحد فاتلهة فما راح يطلع على اربع رجلين..على اساس اني بالعراق جان جدي حمورابي مسويلي تامين صحي..

بالنسبة للحالات الاسعافية للي ما عنده تامين صحي فتجي فاتورة يكدر يدفع منها شهريا اللي يكدر عليه واذا كلش جبيرة يكولهم ما ادفع ولا فلس لان مفلس وبهالحة يعفى بس يصير باد كريديت..
بغدادي

282
والله اعصابي اتحطمت من المنتدى..من اجيت للسويد ولحد الان عركات حتى ابو البانزين خانة يمي بهولندا اتعود عليه كل يوم ادخن باكيتين سومر محسن.. ;D خلي اروح انام لان هسة صارت بالستة الصبح بكندا..

283
A number= Alien number واللي هوة الرقم الموجود بال I 94 ونفسه موجود بتصريح العمل بالمستقبل لمن توصل..

284


كلامك صح وين متروح اكو عنصرية بالتعامل بس ها الشي مو الطابع الغالب هنا نسبت الدارسين من الاجانب قليلة لان جماعتنا هنا ملتهين ورا بوك البلاستنك (الضريبة)وزراعة الحشيشة وما الى ذلك
اخوي اني اعرف ناس واصلة قبل 8 سنين او 7 او 10 وبيهم ناس يعني متوضفين بمختلف الدوائر ورواتبهم زينة

اني ماادافع عن اوربا ارجع واكلك لان بعد العراق وين منروح نبقى اجانب ف لازم نرضى بواقع الحال
اني افضل اوربا اكثر من امركيا واذا طلعت من هنا شي يوم اروح استراليا او كندا كاختيار شخصي لان كثير من اصدقائي بامريكا هم ومتحدقين للاخر ومثل متكول كاعدين رجل عل رجل بديترويت ويوميا 3 روس نركيلة يضربون هههههه



ها خالي اشو الظاهر دتفكر تطلع من اوروبا وتروح لكندا او استراليا  ;D
عالعموم اني كلامي كان لا من اجل عيون امريكا ولا اوروبا والهدف هو نقل الحقيقة للناس اللي تريد تطلع وتبيع بيوتهة وتصرفهة على طلعة ممكن اتخسرهم الاول والتالي..راح اذكر مقارنة بسيطة بين بعض التكاليف المعيشية واذا اكو راي مناقض اتمنى اسمعه:
اجازة السياقة الالمانية بعد ان اثبتت اني سايق وهوسة وطلابه كلفتني 800 يورو عدا ونقدا "هاي عود اني سايق" وياية شخص سوري عمره كان 21 وميعرف الستيرن من قبغ الجدر كلفته 2500 يورو بالتمام والكمال..الاجازة الامريكية كلفتني 27 دولار وطلعتهة بيومين.

تامين السيارة بالمانيا يعتمد على عدد الاحصنة وقدرة المحرك وعدد سنوات السياقة..طبعا احنه جدد يعني ماكو تاريخ سياقة فيكون اعلى شي وما ادوخكم كانت التكلفة 600 يورو بالست اشهر وهاي عن طريق شخص عربي مسوي عليه فضل..حاليا دا ادفع 75 دولار لمدة 3 اشهر بكاليفورنيا وشوف الفرق.
واذا تريدون بعد تفاصيل بخدمة الطيبين

بغدادي

285
يعني الطاوة بالعراقي ومقلاية بالسوري ومدري شنو بالموزمبيقي..تعددت الاسماء والمسمى واحد بامريكا فود ستامب زائد كاش وبالمانيا Sozial hilfe ويشمل الاكل والايجار ثاني شغلة اخ بغدادي 76 المساعدات اللي ياخذوهة اللاجئين هي مو مساعدات عاطلين عن العمل والمسماة  Arbeitlose hilfe لان هذا النوع من المساعدات يشمل فقط اللي كانوا مشتغلين سابقا لفترة وتركوا الشغل لعدة اسباب بس اللاجيء ياخذ معونة احتماعية تريدون اتسموهة فود ستامب سوتسيال هيلفه او تلكولهة اسم ثاني فهذا مو موضوعنا..كلام الاخ الاسد الاشوري صحيح وهناك العديد من العراقيين او العرب الذين يعملون في اماكن محترمة بس ممكن تكلي شكد نسبتهم المئوية وشكد قضوا فترة في دراسة اللغة حتى وصولوا لهيجي مراكز؟ مسالة الشغل الاسود هوة عبارة عن سرقة للحكومة والحمد لله جماعتنه ما مقصرين يستلم المساعدات الاجتماعية وميصرح عن شغله الثاني..يعني اتفل بالماعون اللي اكلت منه..اخي العزيز حضرتك ساكن بهولندا وتعرف تفاصيل هولندا اكثر من اي شخص واني كنت ساكن بالمانيا واترجم للمشرف الاجتماعي لكامبات اللاجئين ولكن كل اوروبا تشترك بقواسم عدة وتبقى الاختلافات عبارة عن تفاصيل لا تعتبر خطوط رئيسية مهمة خصوصا بعد اقرار الدستور الاوروبي وفتح الحدود البرية لدول الشنغن..انا لا ادافع عن امريكا ولا عن اوروبا لان اثنينهن عبارة عن بلاد غربة اضطرتنا الظروف للمجيء اليها ولكن كلامنا هو عن الافضل للاجيء اللي يريد يكون نفسه بدون عوائق لغة وعزلة اجتماعية وسوء طقس بالاضافة الى قلة عمل..اللي ساكن باوروبا اتمنى يحجيلي عن نظام الافضلية بالعمل للمواطن وخلي يسولفنه شلون اصحاب الشهادات حتى خريجي تلك الدول واللي مو حاصل بعده عالجنسية شلون كل ميروح على مكتب العمل يكولوله اكو مواطن كاعد بلا شغل وعنده نفس الاختصاص لازم انشوفه يقبل بهاي الشغلة اللي انته مقدم عليه لو لا واذا رفض عود نرجع نخابرك..سولفولي عن اللاجئين العراقيين اللي موجودين من ال 2001 ولحد الان ما عدهم اقامات ومن ضمنهم عوائل مسيحية لحد الان على اتصال مباشر بيهم وكاعدين صارلهم 9 سنين بالكامب المسمى هايم بالالماني حتى خاف واحد يكولي ماكو كامب بالمانيا الي هوة عبارة عن سكن يلم العوائل والشباب واصحاب السوابق من الافارقة والمغاربة والسبب انو سبب لجوئهم انتفى لان همة مقدمين من زمن صدام  واذا تحبون اجيبلكم امثلة اني حاضر وبالخدمة..

اخ mido9  الحمدلله اني ما كاعد بعفج حتى اضوج من اللي ديطلع لاوروبا ويتوفق ولو الموفقية مسالة نسبية لان اكو ناس تعتبر الكعدة على المساعدات الحكومية لفترة غير منتهية توفيق من رب العالمين وعلى كولة سعد خليفة "رحمة من العزيز الجليل"
سلمولي وردة

286
لااخويه العزيز بغدادي  اكو  اعرف هوايه ناس  سووها واعرف  عائله  شخصيا وهمه في السويد هسه قبل  8 شهوور تقريبا  راحو المانيا  ومناك  طبو للسويد طبعا بمساعدة  اقربائهم وهسه عدهم اقامات ومتونسين ومرتاحين  على اخر  راحه  ويلعنون اليوم الي  طبو  بيه امريكا
مع خالص  تقديري  الحضرتك
اخوك  سلفر

اخي العزيز ترة والله شايفين اوروبا بكل تفاصيلهة وداعتك وداعة اغنية العزيز انته غير المساعدات والجو التعبان اللي مينعاش ماكو ..وجماعتي اللي عفتهم بالمانيا خريجي جامعة شتوتغارت هندسة حاسبات ديشتغلون بمعامل مال تقطيع المنيوم ولابسين كنتور ونص بالشتا والشوارع ورة الستة العصر بالصيف تصير ملاعب مال طوبة تك كول لان ماكو ولا طير وبالشتا مقابر والكل خاتلة تاكل بالفود ستامب وتشرب اركيلة وعيونهم عالجزيرة وتغني احنة غير الفود ستامب والجكارة شعدنه واحنه عزمنه من عزم قائدنا..

بغدادي

287
مشكور اخي العزيز عالمساهمة..
رايي الشخصي مع احترامي لتجربتك التي تحمل جزء من المصداقية هي شبيهة بشخص سافر الى العراق وسكن في قضاء عفج وصادف ان مر بتجربة سيئة مع احد الموظفين وعلى اساسها تم تعميم التجربة ليقول للسائل ان العراق سيء و هذه وضعيته ولم يقل ان قضاء عفج بموظفه سيء الصيت هو الجانب السيء في الموضوع..

والصراحة ايضا وارجو ان يكون صدرك رحب بهذه النقطة..كان الافضل "برايي الشخصي" ان تنقل تجربتك بتجرد بعيدا عن التزكية والمقدمة الشخصية التي اضفتها على شخصك الكريم مع العلم اننا نتصل ضمن شبكة لا تعرف هويات الاشخاص ومدى مصداقية اي كلمة مكتوبة..
تحياتي

بغدادي

288
اتمنى واحد يسويهة ويرجع يكتب تجربته حتى ينطبق المثل "ما تعرف خيري الى لمن تجرب غيري"..

بغدادي

289
وردة انته..هسة ريحتني  ;D ..تحياتي اخي العزيز

290
345 دولار لمدة 8 اشهر للايجار
200 دولار فود ستامب
تامين صحي لمدة 8 اشهر
المنطقة سان دييغو


291
رحمة على والديك اني صار مرتين احلم وحدة بنية ادكك الباب وتكلي عندك ملح ومن اروح اجيبلهة الملح ينكطع الحلم 
بشرني خوما راح تصير ازمة بالملح  ;D شنو تفسيرهة حسب معرفتك..تحياتي

بغدادي

292
اخي العزيز بالنسبة لضريبة الراتب فاذا حضرتك اعزب وتجي لكاليفورنيا فراح تدفع 14% من راتبك ضريبة مثل وضعي حاليا..60% منه يروح للسوشيال سيكيوريتي والباقي يتقسم بين التامين الصحي من تتقاعد والباقي نثريات ورموز متدري شنو فلمهة..

293
هناك استفسار حول كيفية احتساب ال 3 سنوات..يعني تحتسب من اول يوم دخول واقامة الشخص لو من يوم الزواج؟

بغدادي

294
الاخ عزيز العراقي..اني ما عاصرت مقولة خلي يولن بس اسمع بيهة  ;D
اخي الكريم اغلب اللاجئين يجون وبجيبهم 3000-5000 دولار واكو ناس تجيب دفتر واكو اكثر بس الاغلبية ضمن هالمعدل واني اعرف عائلة عراقية اجتي وبجيبهم 450 دولار وهمة عائلة مكونة من 2 شباب و 2 بنات والاب والام وكلهم فوكك ال 21 وحاليا امورهم باللووج وما شاء الله كل واحد سيارة ..اخذهة مني راس مال اذا بنيتك تشتغل راسا ومدور تفاصيل يعني تقبل اي شغلة تنعرض عليك فامورك تمشي بسرعة وبيسر وتكدر تحقق شي بس المهم تفتهم السيستيم شلون ماشي واي تفصيله بالخدمة..

بغدادي

295
azizaliraqi ..شفتهة محلوة!!..اني متعود امرر المعلومة باسلوب ساخر ما بيه دلالات جانبية ويجوز بالك راح بعيد..ما اريد اطول حتى الموضوع لا يلوف لغير مسائل..

بغدادي

296
ايجار ستوديو ضمن سان دييغو يتراوح بين 600-700 دولار..شقة غرفة نوم وصالة 800- 950 .. شقة غرفتين نوم وصالة 1100-1200 وتزداد اسعرا الايجارات كلما اتجهنا شمالا باتجاه سان فرانسيسكو ليصبح سعر الاستوديو 1100 دولار..

بغدادي

297
اخت رنا..انتي باي ولاية لان هواية امور مختلفة عن كاليفورنيا؟
اني اصلا من دخلت امريكا ولحد الان ما شارب جاي اشرب بس كولا واكل كيت كات  ;D

بغدادي

298
بالنسبة لكاليفورنيا عليها السلام فالمساعدات للاعزب 8 اشهر تشمل مبلغ كاش 345 دولار وتامين صحي وفود ستامب بمبلغ 200 دولار شهريا واللي يبقى ورة ال 8 اشهر فقط الفود ستامب في حالة ما لكة صاحبك شغل بس مستحيلة لازم يلكي بس ما اعرف شلون وضع انكليزيته؟..
اذا صاحبك عمره اقل من 26 فاضعف الايمان اذا ميحجي انكليزي ايذبوه بجزيرة هنا يمنة قريبة مال ريسايكلنج ويمكن يلكي بيهة مخلفات الحرب العالمية الاولى  ;D..عمي اكو مليون تصريفه..
بغدادي

299
اخي احسن ولاية برايي هية ولاية الفقيه ولا تكولي لا  ;D

حبيبي اذا تريد جو مقارب للشرق الاوسط ومتشعر بغربة وممكن تلكي شغل بظرف 4 اشهر او اقل حسب معارفك فتعال لكاليفورنيا ومن ناحية الدراسة فحتى اللي عمره 50 هم يكدر ياخذ قرض قصير الامد ويدرس مو فد مشكلة هاي بس ينرادلك وكت حتى تسوي فلوس لان الولاية غالية بس هم انته وشطارتك..واذا تريد تعيش حياة امريكية صافية وخضراء وبشرة بيضاء وبرد ورياح ومطر فتوكل على الله وروح لفرجينيا لان هم بيهة فرص عمل وهم ارخص من كاليفورنيا ومستقبل العمل بيهة افضل..حاليا بولاية كاليفورنيا ديناقشون قانون زيادة الضريبة على السلع من 8.75 الى 9.25 وعلى الاغلب راح يقر وهذا يعني الامور راح تصير اغلى بس على العموم تريد تجمع فلوس بوقت قصير وتاسس حياة وتشتري بيت فافضل شي ال midwest مثل كنتاكي او الشرقية مثل فرجينيا وساوث ونورث داكوتا لان اقل نسبة بطالة بيهة وتريد تتونس تعال لكاليفورنيا..بس هم ارجع اكلك احسنهن ولاية الفقيه  ;D

بغدادي   

300
يطلبوا بمقابلة الاي او ام والمحلف ما اله علاقة ويستلم الملف كامل واذا وصل الملف للمحلف وبيه اسم الكفيل فممكن يسالج عن طبيعة علاقتج وياه كان يكون قريب او صديق وهكذا..بالامكان تزويد اسم وعنوان الكفيل حتى بعد مقابلة المحلف..

بغدادي

301
اخت نسرين اكو لبس بالموضوع..الاقامة والجنسية ما الهة علاقة بالجواز المستخدم للسفر والترفل دوكيومينت فقط للي ميكدر ايطلع جواز عراقي..

بالنسبة لختم الخروج فحتى دول الشنغن متختم خروج فقط دخول والخروج يؤشر على الكمبيوتر فقط وانتي ليش حايرة بيهم همة يحسبوهة هاي شغلتهم  ;D

بغدادي

302
اخي العزيز امريكا كلهة سود واذا ذبوك بمجمع مال سود فنصيحة من عندي اول اتصال وية اي شخص بالمجمع كله تره احنه ورة  الغزو صرنا negar وعيشتنا هناك وية ال geddo وايامنا كلهة black وشوف شلون راح يصير وياك دهن ودبس..واذا كلهة ما فادت شغللهم لطمية وكلهم هذا الراب مالتنا..

تحياتي ابو سمرة

303
بعد مقابلة مع الريكروتير الامريكي بمنطقتي واللي ذكرلي نفس اللي ذكروا الاخوان من ناحية الجنسية وغيرها, وصلت الى قناعة امشيهة مدني وزيادة انتظار سنة للحصول على الجنسية افضل من شلعان الكلب وخلال هالفترة تعيش وتبني نفسك بجهدك ضمن حياة طبيعية ومستقرة ...ودمتم للجيش الشعبي 

بغدادي

304
مبروك لاهل الكهون افتتاح ال بي سي جي اخو الكي جي بي وانشاءالله الكل ما بيهم لا حصبة ولا جدري ودمتم  ;D

305
 ;D عيني هذا افضل تطبيق لشعار وحدة حرية اشتراكية.. ;D

306
اخي العزيز..باستطاعتك التقديم اونلاين للحصول على الترفل دوكيومينت وهذا اللنك
http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=b11747a55773d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD

يجب مليء الاستمارة رقم I-131

بغدادي

307
بارك الله بيكم وبجهودك لخدمة اخوانكم وانشاءالله موفقين ولو كنت بفرجينيا فساكون اول المتطوعين..

بغدادي

308
ها خالي ابو علي الحمدلله فضت وانشاءالله الشهر الجاي يمنا الف مبرووووووك..

بغدادي

309
(ذهبت للغرب ورأيت الاسلام لكن لم ارى المسلمين..وذهبت للشرق فرأيت المسلمين ولم ارى الاسلام)

هذه المقولة وانشاءالله اكون مو غلطان للعلامة المصري الشعراوي بعد عودته من اوروبا..
"انما اكرمكم عند الله اتقاكم"..هذا جوابك..

بغدادي

310
افضل شغلة عجبتني هي مدينة الصدر المقدسة في جنوب سان دييغو!!
مدا اتشاقة واللي مو مصدكك يجي ويشوف المنطقة. هي تحمل نفس الاسم والاخ غسان زاير المنطقة!!!.


311
الطبقة المثقفة تم تشريدها وملاحقتها وتصفيتها وتعددت الاسباب والموت واحد..العراق ينجب الشعراء والمثقفين ويصدرهم الى الخارج..مو غريبة نهائيا ان يدفن اعلام الادب العراقي خارج العراق من الجواهري للسياب للبياتي والملائكة وحتى تشكيليينا من فائق حسن لزياد طارق ومنقذ سعيد وخضر جرجيس ومئات غيرهم ولدوا ليموتوا خارج العراق..يا هالوطن ما شفت راحة..

شجاك اتسودنت يا وطن شنهي شبيك..
بيك الهمة كلهة وشعبك يعاني..
الطايح منذبح والواكف هم مذبوح..ما تعرف المجني عليه من الجاني..
منصوبة الجوادر ما رضت تنشال..كلما ينشال جادر ينصب ثاني
ودفانة شكثر ما كاموا ايلحكون..وحتى العدل يصرخ وين دفاني..
ومراجيح المدينة ماكو يمهة اطفال..واطفالك خطية لعيدك اتاني
كسروا باب كلبي لعيدك متانين وطلبوا هدومهم الواحد من الثاني..

ودوور السنة وراس السنة مكطوع وما ينولد عيسى ومريم اتاني
وعيدك لابس اسود يمشي وي عاشور ايد بايد واحد كاظ الثاني
بنص خارطة كلبي انته لك عنوان..بخارطتك ادور ماكو عنواني
اذن واجب علينا انغير الاسماء اتصير انته المواطن والوطن اني

وينشدوني عليك شلونه وضعه وياك؟ واكلهم مو طبيعي هواي داراني
وتطردني من ادكك بابك واكل للناس طار من الفرح لمن تلكاني
شطبتني من سجلك واكل للناس شطبني من سجله لكلبه وداني
وكالوا شلع كلبك..كالوا باكك عمرك..كالوا عدم اهلك..
كتلهم شكوا بيه اشصار اذا محبوبي شاقاني..

بغدادي

312
كلام ابو الحسن هو الذي قصدته في حديثي عن الاسباب التي اوصلتنا الى هكذا حال لان تجاربنا تدور في مجملها عن نتائج لاسباب لم يتكلم بها احد الاخوان..ولكن ساحاول ان اورد بعضها عسى "من وجهة نظري" واتمنى ان تكون مهضومة للبعض الذي باعتقدي سوف لن يستسيغها بسهولة:

- تاريخ العراق الحديث منذ تاسيس الملكية لحد الان لم يشهد تاسيس دولة المؤسسات وبقينا ندور في فلك النظام العشائري والقبلي"خلال فترة الحكم الملكي" وبعدها ضمن فلك الحزب القائد والزعيم الواحد وهذا يعني بالضرورة انهيار المؤسسات الحكومية والدولة بانهيار النظام الحاكم كون موظفي الدولة وادارييها هم من نفس الحزب الحاكم على خلاف ما موجود في باقي الدول من عدم تسييس دوائر الدولة ومؤسساتها.

- توسع رقعة المجتمع العشائري على حساب المجتمع المدني المتحضر وسيطرة حكم العشيرة والمحسوبية على سلطة الدستور.
-  ازدواجية الشخصية العراقية ففي الظاهر تبدو كشخصية متحضرة ولكن هنك بدوي صغير يثور حال استفزازه ولو باقل قدر لا يستحق الاستفزاز لتظهر شخصية لاتمت باي صلة لاي معاني التحضر وقيم المدينة.
- مع الاسف ظهور دعاوي وفتاوي دينية اثرت بشكل سلبي وتركت شرخ في مصداقية الشخصية العراقية..وساتحدث بشكل اكثر وضحا واقصد بها فتوى السيد محسن الحكيم ونصها "الشيوعية كفر والحاد" وذهب ضحيتها الاف الشباب المثقف والواعي والذي تم تصفيته من قبل البعث القائد ليتراجع السيد عن فتواه بعد ان اهدر دماء الاف الشباب العراقي و هم من ابناء هذا الوطن ولا يزال لحد الان طبقة مستفيدة من هذه الفتوى لتجيرها لحسابات سياسية مع ان هذه الجهات بعيدة كل البعد عن الخط الوطني العراقي.

- مع الاسف وهذا رايي الشخصي فان الشخصية العراقية تابعة لدول المحيط الجغرافي وليست ذات تبعية وطنية وهذا ما توضح جليا في فترة سقوط النظام وتحول المثل العراقي الى "اني والغريب على ابن عمي واني  وابن عمي على خوية"
- عدم اهليه جميع الانظمة السياسية التي حكمت العراق لحكمه ولم تقوم هذه الانظمة ببناء نظام اجتماعي متمدن ذو سمات حضارية مدنية واضحة وظل المجتمع العراقي اسير التوجهات القومية والاقليمية المحيطة به بسبب عدم وجود نهج اجتماعي واضح واصبحت كل رقعة جغرافية في العراق محكومة بنظام اجتماعي متعارف عليه من قبل كل منطقة دون تدخل للدولة.

هذه احد الاسباب وليس جميعها اما النتائج فافضل من وصفها هو الاخ aboryan واحب اضيف نقطة اكتبها بالعراقي الجلفي:

- العراقي الذي يتكلم عن الكرامة والعزة والنخوة عليه اي يحاسب نفسه من تم تهجير العراقيين بحجة التبيعة الافغانية والايرانية وغيرها وسلبوهم بيوتهم ومصالحهم وشمروهم على الحدود دون ذنب والغالبية كانت مهاجرة من تلك البلدان من قبل 300 سنة لاسباب اقتصادية او دينية بس بينه خير من نجي لامريكا او اوروبا نفتح حلكنا بكد الحوت من ناخذ الجنسية وما صارلنا خمس سنين ونريد بس واحد يفتح حلكه حتى نكله ترى جنسيتي امريكية ودير بالك تحجي واللي صارلهم 300 سنة وعراقيين وشاربين من مي دجلة والفرات وجوارين عمر اكثر من 30 سنة صفكنا للقائد البطل لمن سلبهم عمرهم ومستقبلهم..وهذا غيض من فيض

تحياتي

بغدادي

313
انا اللي افتهمته من عنوان الموضوع هو ان صاحب الموضوع يبحث عن اسباب الهجرة وليست النتائج او الظواهر الاجتماعية لتلك الاسباب اللي اصلا نريد نعرفهة!!!!
اذا غلطان فصححلي اخ احمد..

اخ علي عاشت ايدك وكلامك حلو..
بغدادي

314
اخ يدكو حضرتك محاضر؟ لعد شلون تغلط هيجي غلطة..بس غلطة الشاطر بالف لان يمكن نسيت بلحظتهة انو كل منطقة الهة خصوصية حضارية واجتماعية تنبع من الصيرورة الاقتصادية والسياسية ضمن المنطلق الجغرافي للزمن المنحل اللي احنه عايشين بيه..يلا بسيطة صار خير..

بغدادي

315
مشكور اخي العزيز على طرح الموضوع..بس يمكن صار سوء فهم من قبلي للموضوع لان ما اعرف اي ماسي تقصد؟ احنه ايامنه كلهة فرح وسعادة وبكل مرحله عدنه انتصارات وانجازات واعياد وكل دول العالم تغار من عدنه لان احنه حضارتنا بدت قبل خمسطعش ميه سنه واول من ابتكر قنينة الغاز جان عراقي والعالم بسببنا يتنعم بالغاز..الساعة ابتكروهة اجدادي السومريين الف رحمه على روحهم وبسببهة العالم هسة ماشي ويتقدم دقيقة بدقيقة يعني مسوين فضل عليهم احنه والا جان هسة همة متهجولين.. الفرق الوحيد والانجاز اللي ما سويناه انو ما سوينا انزال على القمر بس يقال انو جدي اللي بنه برج بابل لمن صعد عالسطح طخه للكمر وهاي قبل مدري كم تلت الاف سنه..قابل اللي كتب اغنية عيد ونصر اتلاكن بفد ملكه ميفتهم..تالي وياكم..

لا تزعل مني بس موضوعك ينراد بيل كيتس يصممله كومبيوتر ذاكرته بكد سليمه..

بغدادي

316
مثل ما نصحوك الاخوان..يمعود اني عبالي خاطفيك وتريد تلم فلوس الفدية..

317
مضبوط والله!!!! الله يرحمه لعدنان كان احد الشرفاء القلائل..

بغدادي

318
اخت انجي..تحية لبنت اختج وهيجي نوع يستحق الاحترام  والشغل "اي شغل" ما بيه اي عيب بالعكس.. هية هاي النقطة اللي كنا نتحدث عنهة ضمن اقتباس الاخ فنسنزو واعتقد هيجي خطوة هية بالاتجاه الصحيح..ذكرتيني بمثل عدنه بالعراق" تريد ارنب اخذ ارنب..تريد غزال اخذ ارنب"..هنا تريد غزال اخذ غزال بس على كد تعبك..تحياتي

بغدادي

319
الاخ الكريم تريد جواب للموضوع؟ الجواب بمقولة بسيطة تختصر كل التفاصيل "كيفما تكونوا يولّى عليكم"..

بغدادي

320
ملاحظة بسيطة: تفاصيل الحادثة منقولة بصدق وليس هناك نية لاي اشارة دينية او طائفية..

بمناسبة عيد الجيش العراقي في 6/ك2/1989، كانت وحدتي ا - شعبة من شعبالحسابات العسكرية - قد اشتركت في معرض جداري أقامته مديرية الحسابات العسكرية بالمناسبة المذكورة. ومن باب  التنافس للفوز بجوائز المعرض، ولضيق الوقت، أقتر حنا نحن بعض الجنود الخريجين على مديرشعبتنا، العميد ( خ . ي )، أن نشارك بعمل واحد و نستطيع أن نوظف كل إمكانياتنا ومواهبنا لإخراجه فنيا، خاصة وأنه سيلفت اهتمام الحضور وسيشكل كما، نعتقد اعتقادا اقرب لليقين، فعل الصدمة للزوار الكبار والصغار. هذا ما كنا نحاول به إقناع مدير الشعبة. وقبل أن يسأل عن نوع المشاركة الصدمة استدركت بالقول بهدوء ينتظر إعصارا لا محال:

"سيدي سنشارك بعرض أوراق ملف أل ( 750 فلسا ) التي كانت بذمة عبد الكريم قاسم، من أول مطالبة بالمبلغ من قبل وحدتنا لحين إصدار قرار إطفائه  بأمر رئاسي. وسنعيد كتابة الأوراق ونبرزها بشكل فني.

وقبل أن أتم الجملة، صاح بصوت عال :

ــ "وسوف ( يشعلون جد جدي )، ولكم آني مسيحي، قابل آني تكريتي وضلعي يتحمل، ولكم  والمسيح  يصلبوني، إنتو شتريدون تهجمون بيتي.

وكلما هممنا للتبرير يقاطعنا ذلك المحترم بالقول:" هي هي ، تريدون أگلهم شوفوا عبدا لكريم شلون كان خوش إنسان أمين وأنتم حرامية. يلله ماكو مشاركة، أرسلوا للحسابات اعتذار لضيق الوقت ".


إلا أنه وفي اليوم التالي أرسل الينا الموافقة على الاشتراك بالعمل الذي اقترحناه، ليس شجاعة أو اقتناعا بفكرتنا، بل كما عرفنا فيما بعد منه لإزعاج مدير الحسابات و أغاضة المسئولين في المديرية الذين كانوا سببا وراء حرمانه من الترفيع إلى رتبة لواء. وأقترح علينا أن نحجز مكانا في الجدار يكون بـ (وجه) الضيوف الزوار، ولا نعلق جداريتنا إلا قبل الافتتاح بعشر دقائق.


أنجزنا كل شيء، وبدأت كل وحدة حسابية، تخرج ما في جودها، وتشرح متباهية ما لديها. ووقفنا، نحن الجنود ذوي  الهندام المكوي والأحذية الخفيفة اللماعة، كالطواويس أمام لوحاتنا و كالتماثيل منتصبين.


على أن المفاجئة الكبرى، التي لم تدور في تفكيرنا قط ، حدثت. إذ دخل وزير الدفاع عـدنان خير الله قاعة المعرض. فتزاحفنا أنا وزملائي لتغطية اللوحة.  ويبدو أن حركتنا لفتت انتباه الوزير،فتقدم بهدوء صوب الجدارية. وكنا قد كتبنا بوسطها وبالخط العريض الكبير الأحمر الفسفوري: "750 فلساً بذمة وزير الدفاع العراقي".


وراح ( عدنان خير الله ) يطيل التفحص والتدقيق في القراءة مرة بعد الأخرى، وإلتفت إلى مدير وحدتنا طالبا منه الإيضاح.


قال العميد ( خ . ي ) وهو بحالة ارتباك مشوبة بالقلق والخوف:"عندما مات عبد الكريم قاسم في 9/2/1963 قبل الظهر حسب أوامر القسم الثاني لثكنة الشؤون الإدارية لوزارة الدفاع في يوم 12/2/1963، فكان من الطبيعي أن يحتسب راتب المتوفى لمدة ثمانية أيام. ولكون وفاته حدثت قبل الظهر، فقد تم على أساس ذلك احتساب راتبه وتم استحصال الديون التي بذمته وكما مبين في الاوراق والتي هي عبارة عن " إيجار مسكن " و "أجور كهرباء" و "أجور ماء" و "توقيفات تقاعدية" وما ما تبقى من دينه لحوانيت الجيش و جمعية بناء ومساكن الضباط ، ما عدا مابذمة المتوفي عبد الكريم قاسم، مبلغ 750 فلسا  لصالح مديرية البريد والبرق والهاتف عن مكالماته الشخصية في وزارة الدفاع وفي منزله الشخصي. وبما أن ما يستحقه من راتب لايكفي لسداد المبلغ، فقد سجلته دائرتنا في حينه دينا بذمة المتوفي. وقد طلبت شعبتنا في حينه من مراجعها العليا إطفاء المبلغ لكون المبلغ بذمة متوفي، ولا يمكن إستحصاله.

 إلا أن مراجعنا ليست لها صلاحية الاطفاء، فرفع الأمر إلى القائد العام للقوات المسلحة ورئيس الجمهورية عبد السلام عارف لغرض إصدار قرار بإطفاء المبلغ . وظل طلبنا مركونا ( تحت اليد ) في دولاب عبد السلام عارف ومن ثم في دولاب عبد الرحمن عارف دون البت بالقرار الذي كنا مواظبين على التأكيد عليه تلو التأكيد لغرض الإجابة. وقد كانت شعبتنا ترسل موازنتها المالية مع إشارة  الى ( ديون مشكوك في تحصيلها تنتظر الاطفاء ) لغرض مطابقة الميزانية. على أنه في شباط عام 1969 صدر قرار رئاسي بإطفاء المبلغ وإعتباره من الديون المعدومة"


صمت عدنان خيرالله قليلا وأسهب في التأمل على الجدارية مرة أخرى لكنها كانت طويلة، و قال ( ألله يرحمه ،، الله يرحمنا ). وقبل أن يطلب من مدير الحسابات العام ومن مدير مكتبه إرسال هذه الجدارية مع أوراقها الأصلية الى المتحف العسكري، قال : "لماذا كتبتم 750 فلسا بذمة وزير الدفاع ولم تكتبوا بذمة رئيس الوزراء عبد الكريم؟". عندها أجبته :"سيدي كان راتب عبد الكريم قاسم عن منصبه في وزارة الدفاع، ولم يكن يتقاضى أي مرتب أو أجر أو مكافأة موثقة لدينا عن رئاسته للوزراء".

أبتسم الوزير، وألتفت الى مديرنا قائلا له:" شكرا، إمنحهم (مؤشرا بعصاه علينا ) إجازة لمدة عشرة أيام مكافئة لهم". وخرج من القاعة دون أن يستكمل زيارته للمعرض.

ملاحظة: ذهبت بعد ذلك عدة مرات للمتحف العسكري و لم أجد اللوحة في

المتحف، ولم أجد أحدا من ضباط وجنود المتحف يعرف عنها شيئا


http://www.iraqihome.com/july2007-1/151.htm

بغدادي

321
اخ ماجلان..الاخ فنسنزو هوة اللي نزل هالمقتطفات واني قمت باقتباس بعضها..اللنك موجود ضمن نفس المشاركة وهو ثري بالمعلومات وحتى بامكان الشخص الانضمام الى عمل تطوعي بواسطة نفس الجهة..

تاكيدا لكلام الاخ فنسنزو حول الشهادة والفهلوة والسعي والدوارة فاستطيع القول من خلال تجربتي البسيطة بان الشخص الطموح والذي يملك لغة انكليزية جيدة وصاحب شهادة ويسعو الى تحقيق هدف معين بدون اي "مضيعة وقت في احلام يقظة" ان يحقق الهدف بنصف المدة وحسب شطارته..ومجرد نصيحة او راي شخصي للعزاب ان لا يقيمون ضمن منطقة مكتظة بالعراقيين والافضل السكن المشترك مع عائلة امريكية لسهولة الاندماج مع المجتمع بالاضافة الى معرفة كثر من خفايا العمل والحياة في المجتمع الامريكي وطبعا سيكون له تاثير مباشر على تحسين مستوى اللغة..واسف على الاطالة..

بغدادي

322
هذا الشغل اسمه caregiver ومتوفر جدا وحتى على صفحة ال craigslist اذا الواحد يدخل راح يشوف هواية طلبات على هيجي نوع من العمل وحتى اثناء السفرات خارج امريكا يكون الشخص مرافق العائلة..المميزات تعتمد حسب طلب العائلة ونوعية الخدمة..طبعا المفضل هو العنصر النسوي لهكذا اعمال.

بغدادي

323
Q: What is a Transition Job?
A: Adjusting to a new life in the US is a long process. Although you are coming with professional skills, you
will probably not find a professional job right away. Most immigrant and refugee professionals take a transition
job in their first few months after they arrive. A transition job is a job that is not related to your professional field
but it gives you some income and stability as you settle into the US. Some common transition jobs are security
guards, taxi drivers, nannies, or cashiers. You may have this transition job for up to a year or 18 months, to
allow time to search for a position in your professional field

Q: I heard that my university degree from Iraq doesn’t count in the US and that I won’t be able to find a
job until I get an American degree. Is that true?
A: No! Your Iraqi degree counts in the US. You do not need an American degree to find a job here. Most
Americans are unfamiliar with universities outside the US so it’s up to you to educate them about the quality
and rigor of your university. For example, did your university rank among the top 5 in the country? If so, be
sure to emphasize that.
You may also wish to have your degree evaluated by an evaluation service. We recommend World Education
Services (www.wes.org). They will provide you with an evaluation that compares your degree and course work
to an American university program. This type of evaluation ranges in price from $100-150 and can be useful in
marketing your foreign degree in the job search OR if you are interested in continuing your studies in the US.


هذا الكلام جدا دقيق ولازم كل شخص واصل جديد يركز عليه..اللنك مفيد وانصح الكل بالاطلاع عليه..

324
مشكور اخ هيثم عالتوضيح..وهلا برجعتك الى بلاد العم سام

بغدادي

325
اخ هيثم كلامك صحيح وادري بيه بس قصدي مثل ما ذكروا الاخوان..اول سته اشهر وترجع لامريكا بدون اي مسائلة بس بعدهة ايصير بيهة استفسارات بالمطار وكونك ذكرت انو محد سالك ولا كلك على عينك حاجب اثار عدة تساؤلات وبلكي لمحة عن تجربتك بالمطار..تحياتي

بغدادي

326
ممنونلك اخ هيثم هالجواب بس انلاصت علينه  ;D ..لان من جانب القانون ايكول مو اكثر من 6 اشهر وانته تجربتك صحيحة  وتختلف ..


327
اود ان اضيف نقطة مهمة متصلة بموضوع العمل..عند ايجاد اول فرصة عمل من قبل المنظمة او "عرف" فبعدها بفترة وجيزة بامكان الشخص المحاولة لايجاد عمل "اونلاين" وسيلاحظ فرق كبير في حالة التقديم قبل ايجاده للعمل وبعدها فمثلا انا قدمت اونلاين على احدى الشركات ولم يكن لدي سجل عمل نهائيا في امريكا وتم رفضي ولكن عند عمل update للفايل حول عملي الحالي "بارت تايم" بعدها بايام قليلة اتصلوا بي نفس الشركة لعمل مقابلة وتم قبولي في نفس اليوم وباشرت العمل بوظيفة دوام كامل لديهم مع العلم ان تاريخ عملي في العمل السابق لم يتجاوز الستة اسابيع..لا احد يستهين بالتقديم على اي وظيفة اونلاين للذين لديهم سجل عمل ولو لفترة بسيطة جدا ومبدا ان الوظائف اونلاين هي فقط دعاية واعلان مبدا خاطيء خصوصا ضمن طبيعة السيستيم الامريكي..تحياتي

بغدادي


328
الاخ هيثم haytham964..مشكور على المشاركة ولكن سؤال بسيط..عندما سافرت للعراق وقضيت فترة سنة هل كان لديك وثيقة ال re-entry permit؟..تحياتي

بغدادي

329
انا قمت بتغيير عنوان محل سكني لدى دائرة الامن القومي ودائرة الجنسية بواسطة الاون لاين فقط ويتم استلام وصل الكتروني برقم مرجعي فورا للدلاله على استلام العنوان الجديد..

بغدادي

يا هلا بأخي بغدادي
اي طريقة تختار هي صحيح اذا لم يكن لديك اي معامله.
واني سابقا غيرت العنوان عن طريق البريد العادي حيث قامت المنظمه بملأ الفورم وارساله لكن بعد شهرين(تصور ... بعد شهرين) يدزولي رساله يكولولي انه عنوانك لحد الان ممتغير لانك نسيت تكتب مواليدك بالفورم.

واشكرك على ردك واكيد راح احتاج معلوماتك بموضوع الكرين الكارد اللي راح اكتبه انشاء الله واشكرك على المعلومات اللي قدمتهه الي بخصوص ملأ الاستمارات.

مع التقدير
أخوك
غسان
مشكور على الموضوع المفيد وتددللللللل واحب اضيف نقطة تخص تغيير العنوان لقسم الهجرة الخاص بدفع اجور تذاكر السفر لاني قمت باعلام جميع المؤسسات والجهات المذكورة في الموضوع وتاخرت فواتير السفر شهرين وعندما قمت بالاتصال بهم اخبرتني الموظفة انهم ارسلوا الفواتير الى العنوان القديم ولم يتم اخبارهم بتغيير العنوان لا منقبل المنظمة ولا اي دائرة هجرة حكومية ولهذا فيجب الاتصال بالرقم  8002330213 وتغيير العنوان او الدخول على صفحة الدائرة www.usccb.org وتغييره اونلاين ولا توجد طريقة اخرى لتغييره من اجل استلام فواتير تذاكر السفر..ومشكور على الموضوع وتقبل تحياتي

بغدادي

330
انا قمت بتغيير عنوان محل سكني لدى دائرة الامن القومي ودائرة الجنسية بواسطة الاون لاين فقط ويتم استلام وصل الكتروني برقم مرجعي فورا للدلاله على استلام العنوان الجديد..

بغدادي

331
اضافة الى كلام الاخ عاشق تراب العراق..هناك شخص مسؤول عن العمل في المنظمة ويسمى Job developer والافضل الاتصال بهذا الشخص مباشرة في حال ملاحظة وجود اي تقصير من قبل ال case manager . وهذا ما حصل معي وبواسطته استطعت ايجاد اول فرصة عمل.
اود ان اذكر مسالة مهمة لها علاقة مباشرة "بتحسين نوع العمل" وهذه الخطوة تاتي بعد الحصول على اي عمل لسد المصاريف المعيشية الشهرية, وهي الانضمام الى "عمل تطوعي" يكون قريب جدا من اختصاص اللاجيء وبواسطتها يتم تكوين شبكة من المعارف والاصدقاء بالمجتمع الامريكي بالاضافة الى الحصول على وثيقة مزاولتك للمهنة وهذه جدا مهمة في الحصول مستقبلا على فرصة عمل بنفس الاختصاص والريفيرنفس سيكون جهة حكومية وهي صاحبة العلاقة بالعمل التطوعي..اي عمل تطوعي سيكون للاجيء Good credit مع الحكومة تحديدا مع تقليل نسبة الضرائب السنوية المدفوعة وهذا ما اقوم به حاليا مع العلم باني اعمل دوام كامل..

بغدادي

332
معلومات مفيدة جدا عن تاريخ الكلدان والمنطقة بصورة عامة ونحن بحاجة ماسة الى هكذا مقتطفات تاريخية تعكس حضارة الشعوب التي استوطنت المنطقة وتعايشها الرحيم فيما بينها..

بغدادي

333
الففففففففففففففففف مبرووووووك..
اني يمكن تدري بيه تهاني وتبريكات ما شارك بس انته حالتك حزبية خاصة لان ادري بمرحلة النضال السري اللي مريت بيهة من رجعت من اوروبا  ;D وهاي فرحتك انشاءالله بداية مشوار سعيد وحياة اجمل اتعوضك عن كل اللي مضه وتقبل تحياتي واذا تحتاج شي رقمي يمك..

بغدادي

334
اخت سارة..قبل فترة اخ وصل هم SIV لكاليفورنيا وكال افضل شي اتصل بدائرة الهجرة واقطع الاشاعات..والموظفة جاوبته وكالتله شنو مصدر المعلومة وكلهة مجرد سمعت اشاعات فجاوبته انو ماكو هيجي شي ولا اكو قرار واصلهم بهالموضوع وفترة التقديم هي 4 سنوات و9  اشهر وتكدرين تخابرين وتتاكدين..فقط اللي ينضم للجيش الامريكي فالجنسية توصله بالبريد خلال فترة 6-9 اشهر ..والختام سلاااااااام..

بغدادي

335
الاخ العزيز Abu ALjeez

ممكن ذكر الرابط او المصدر الذي يؤكد معلومة التقديم قبل سنة او ما يعادل ال 9 اشهر اقامة؟ لان الصفحة الرسمية للهجرة تؤكد وجوب مرور سنة اقامة فعليه للتقديم ولكن للمتقدم حق البدء باجراءات التقديم بفترة اسبوعين قبل انقضاء السنة وارسال المعاملة باليوم الذي تتم فيه سنة بالتمام..

مشكورمقدما..

بغدادي

336
بارك الله بيكم وانشاءالله الوطن يعمر بالناس الطيبة..

بغدادي

337
اخي ايهم روح لكهوة الروضة مقابل البرلمان بالصالحية وهناك مراح تضوج  ;D ..وسلملي على مختار العراقيين ابو حالوب ;D

بغدادي

338
تاكيدا لكلام الاخت شمس انا بعثت بوكالة مصدقة عندما كنت بسورية لاحد اقربائي من اجل الحصول على هذه الوثيقة واستطاع اخراجها من العمادة وتصديقها وارسالها لي بالبريد..

بغدادي

339
اخي الكريم..اني احب ابشرك عن اهلنا العراقيين ببلاد العم سام واكلك علاقتهم هنا يسودها جو من الرحمة والكلمة الطيبة الصادقة ومساعدة القادم الجديد ونصحه بما هو مفيد وصحيح من المعلومات والتواصل الدائم بينهم ولا يوجد اي اثر للعنصرية والطائفية المقيتة التي من الممكن ان تجدها في الوطن الحبيب ومجرد ان تكون بحاجة الى معلومة "فبس دكك الكاع وتطلع النخوة"..اتمنالك الوصول عن قريب حتى تتاكد من كلامي والله الموفق..

بغدادي

340
الاخ كريم ابو اسينات..
اي نعم تعتمد لان اني شهادتي اللي قدمتهة هم صفرة وخريج 95, ولكن بشرط, ان تجيب ورقة تاييد صادرة حديثا من عمادة الجامعة تصادق على صحة صدور هذه الشهادة وموقعة ومختومة من العمادة ومصدقة من الخارجية وهذا اللي سويته ومشت الامور والحمدلله واذا تحتاج تفاصيل اضافية اني بالخدمة..

بغدادي

341
تسحبين الفورمات من الموقع الرسمي وتمليهة:

Form I-485 
•   Form G-325 A
•   Form I-643
•    Copy of the ID or Driving license
•   Copy of I-94
•   2 photos “passport size”
•   Special  letter from a doctor showing that you have completed the vaccine shot


ودزيهة الى اريزونا بواسطة certified mail والعنوان موجود بنفس الموقع

بغدادي

342
الفرق بين الاثنين:

- المعادلة من اجل التعيين والعمل: الخيار General report ويكلف 85 دولار وهذا اللي اني سويته
- المعادلة من اجل الدراسات العليا: الخيار Course by course ويكلف 135 دولار او Subject Analysis ويكلف 175 دولار واذا طلع ال GPA للاربع سنوات الدراسية اقل من 2.5 "في كاليفورنيا خفض الى 2.1 " فالجامعة لن تقبل تقديمك الى الدراسات العليا وحسب كل جامعة وقوانينهة ولكن هذا الشيء المتعارف عليه..

بغدادي

343
تدللييييييييييييييييييييييين..

344
اخت نسرين..بالنسبة للمعهد فهو مختص بتقييم ومعادلة كل انواع الشهادات والاختصاصات واصلا لا يوجد حقل بالاختصاصات وانما المعهد يقيم شهادة التخرج العراقية ويقارنها مع مثيلتها الامريكية وعلى هالاساس يا اما يرسلك ايميل بان شهادتك معادلة للبكلوريوس الامريكي وفي هذه الحالة سيتم ارسال تقرير المعادلة بالبريد او ان الشهادة غير معادلة وبهالحالة سوف يتم عمل تقرير تفصيلي بالساعات والدروس الواجب دراستها لاكمال المعادلة..هذا المعهد هو المعترف به رسميا من قبل جامعة كاليفورنيا واحد الاخوان اتبع نفس التفاصيل وكنت متابعه وهو بولاية نبراسكا والجامعة وافقت على نفس المعهد..

http://www.ece.org/main/HomePage?OpenForm&SubSite=1&LeftNav=1
اللنك اعلاه لبدع عملية التقييم وانشاءا فايل خاص بك start your evaluation واذا عندك اي استفسار انشاءالله ما اقصر..

بغدادي

346
اضافة الى كلام الاخ  lionofiraq حول الحصول على درجة الماستر لغرض الحصول على فرصة عمل كمعلم فالطريقة الثانية هي التسجيل في الكوميونيتي كوليج في قسم ال ESL لان مهمة هذا القسم هو اعداد معلمين للمدارس لتدريس اللغة حصرا..مدة الدراسة سنتين واعتقد هناك خيار بالتحويل للجامعة لاكمال البكلوريوس..
بالنسبة لكاليفورنيا فهناك شحة كبيرة في مدرسي اللغة الانكليزية ولكن في نفس الوقت قامت حكومة الولاية بالغاء الاف الوظائف الخاصة بالمدرسين بسبب العجز المالي ولهذا حاليا اغلب مدرسي اللغة للعراقيين القادمين حديثا هم متطوعين بدون اي مقابل..

بغدادي

347
مادام هيجي فرايي تاخذين وياج جي بي اس وتحطي على اوبشن avoid mawakib وانشاءالله سهلة..

بغدادي

348
رايي تباتين بباب المنطقة الخضراء قبل يوم ولا تفوتين المقابلة..
ترة مو كل الطرق تنسد بس اني خايف ابو المقابلة يطلع طالع مشي بالموكب وتروحين ومتلكين احد  ;D
والله ذكرتيني بالهريسة..شلون مشكلة  ;D

بغدادي


349
تكساس معروفة بالهوريكانز والتورنادوز ولكل ولاية طبيعة وبالنسبة لكاليفورنيا الجو جيد بصورة عامة بس كل كم شهر تجي هزة ارضية ..بالنسبة لاعصار اليكس في بلاد العجائب فهذا حدوده الى هيوستن ومراح يوصل للشمال حسب تقاريرال weather channel..

بغدادي

350
الظاهر نسيت اتحط اللنك الخاص بالموقع..

351
اخي بالنسبة لسورية ماكو غير نوع فيزا واحد وهو سياحية وكل العراقيين يدخلون بواسطتهة وهسة صارت اكو مرضية للعلاج بعد تقديم تقرير طبي ووراهة سواء كان سياحية او مرضية يراجعون بالمرجة او ركن الدين حتى يقدمون على اقامة سواء مدرسية اودراسية او يو ان واذا رحت حضر الخمسمية ليرة للرفاق يعطيهم العافية..

بغدادي

352
بالنسبة لسورية ورة تقديمك عال يو ان وحصولك على ورقة الحماية فتروح تقدم على اقامة على اساسها..باقي الدول ما عندي علم..

بغدادي

353
اتق الله وحافظ على هويتك العربية او الكردية او السريانية ولا تنسى لغة اهلك لان امريكا ليست هي الجنة او الجحيم ولكنها بلد الفرص انظر الى ما عندك من النعم كان تكون صاحب حرفة او صنعة او صاحب لغة ولا تنظر الى عيوب الاخرين الا اذا اردت ان تتجنبها 

كلامج ورد وعاشت ايدج..

بغدادي

354
أكادُ أسمعُ العراقَ يذخرُ الرعود
ويخزنُ البروقَ في السهولِ والجبال
حتى إذا ما فضّ عنها ختمَها الرجال
لم تترك الرياحُ من ثمود
في الوادِ من أثر
...أكادُ أسمعُ النخيلَ يشربُ المطر
وأسمعُ القرى تئنّ، والمهاجرين
يصارعون بالمجاذيفِ وبالقلوع
عواصفَ الخليجِ والرعود، منشدين
مطر.. مطر .. مطر
وفي العراقِ جوعٌ
وينثرُ الغلال فيه موسم الحصاد
لتشبعَ الغربانُ والجراد
وتطحن الشوان والحجر
رحىً تدورُ في الحقولِ… حولها بشر
مطر
مطر
مطر
وكم ذرفنا ليلةَ الرحيل من دموع
ثم اعتللنا - خوفَ أن نُلامَ - بالمطر
مطر
مطر

هاي القصيدة غنية عن التعريف لشاعرنا السياب وحبيت اكول بيهة "ما اشبه اليوم بالبارحة"..القصيدة كتبت بال 1954 يعني قبل 56 سنة..فاذا تحب تنتظر الى ان يتحسن الوضع وترتكن الى عواطفك فاعتقد الى هذاك الوقت راح يكون اكو مئات القصائد اللي تتحدث عن هالفترة واللي بعدها ولك الخيار الاول والاخير. وصدكني محد يحب يترك بغداد الا بسبب قاهر مثل الظروف اللي تمر بيهة حضرتك.واعتقد قصيدة الجواهري راح ترد افضل رد على موضوعك:

 نديمي: ووقّني بلدا .... عَقُمَ الخير فيه أن يلدا

هو جوعان متخم حردا .... وهو عريان مكتسٍ عقدا

وهو اذ صِيغ أهله بددا .... يكره الخلق أينما وجدا

يا نديمي وأقصِ عن بصري

بشرأ حاقداً على بشرِ

.....................................................

يا نديمي وشاهَ مجتمعُ .... نخرت في عظامه البدعُ

منذ ألفٍ وأهله شِيَعُ .... من غزاهم فهم له تبعُ

يتهزّا بالجائع الشَبعُ .... ويُسَبُّ العفيفُ و الورعُ

فهو عبدٌ لكل محتقرِ

وخؤون ومدع وثري

 الجواهري 1971


بغدادي

355
اخي العزيز تسويلك سفرة سياحية لسورية وتروح لمنطقة اسمهة المزة فيلات شرقية بالشام وبيهة السفارة الكندية وبصفهة قسم ملحق بالسفارة مثل السرداب خاص للي يريدون يهاجرون للجزء الفرنسي "مونريال" وتسال شنو وضع اللي يريد يهاجر حاليا وهوة يتحدث الفرنسية وشكد اطول المعاملة لان تفاصيلهة مختلفة عن الجزء اللي يتحدث الانكليزية واني قبل فترة سنتين تقريبا مريتلهم للاستفسار عن الهجرة لمونريال والموظفة سالتني بعد ان اخذت بعض المعلومات "ويمكن راح تستغرب"  انو اتكلم الفرنسية كتلهة بس انكليزي كالت يعني نهائيا ما عندك اساس بيهة بحيث تعبر المقابلة اللي مدتهة 45 دقيقة لان حاليا اكدر اسويلك موعد للمقابلة واذا نجحت بيهة فخلال ست اشهر تجي فيزتك للهجرة  واني بوكتهة صعد عندي الضغط وتمنيت اغرد بالفرنسي بس ما رهمت  ;D..
 
بغدادي

356
اني قبل 8 اشهر طلعت من سورية ولحد الان على اتصال وية معارف هناك وماكو هيجي اخبار والاصح وهاي اني اعرفهة بحكم عيشتي الطويلة بالشام انو كل متنتهي السنة الدراسية ويجي الصيف فالعراقي ميجددوله اقامة المدارس وانما يدكوله مغادرة خلال فترة شهر او ينطوه فيزا سياحية تغطي فترة الصيف وقبل متبدي المدارس يجددون الاقامة مالته وهاي كل سنة نفس التفاصيل..

بغدادي

357
هاي اني صارلي تقريبا سنة ونص بالمنتدى وهالنوع من المواضيع دائما يتكرر وبشكل مستمر..اخي صاحب الموضوع امبين حضرتك انسان مثقف ودتشتغل يعني ما اعتقد انسان بوضعك راح تهزه تجارب بعيدة كل البعد عن المنطق واللي افتهمته من كلام اللي رجعوا انو امريكا اختصرت كلهة بمنطقة لا تتعدى مساحتهة ال 4 اميال مربعة اسمهة الكهون..
الاخوان ردوا وبشكل مسهب واوجه كلمة الى الاخ  طيوب واكله عمي اذا تريد تنتقل وتشتغل بكاليفورنيا بمنطقتي فاني اساعدك اذا عندك نية حقيقية بس اتكون لغتك الانكليزية جيدة وصدكني اني ورة 5 اشهر من البحث المتواصل عن عمل يلا لكيت شغل والحمدلله مشت الامور والقصد انو البداية تكون صعبة وماكو شي يجي بالساهل مثل ما ذكروا الاخوان واني ما ادري حضرتك ليش اتركز على موضوع الاعتماد على العراقي بمساعدتك او خلق علاقة معرفة لان ترة حاله حال غيرة يمكن يطلع خوش ادمي ويمكن الغريب احسن منه وكل واحد وتربيته واصله..

بغدادي

358
الاخ ابو الفوارس..

اذا عندك الكرين كارد فتكدر ترجع للعراق تقدم واذا عندك واسطة تحصلها بكم شهر وتكدر اتبيعهة كاش وانته بالدائرة لان همة ينطوك كتاب للطابو والدائرة صايرة عبارة عن مكتب معاملات بيع وشراء عقارية وانته تعرف الوضع يريدون يطلعولهم كم فلس وهمة يجيبولك المشتري..بالنسبة لمنع السفر ماكو وهاي متاكد منهة وعن تجربة واتوكل على الله..

بغدادي

359
اخي العزيز..اني احد اقربائي طلع بال2000 وظل كاعد بسورية كل هالفترة ورجع قبل سنة ونص وقدم اوراقه وطلعتله قطعة ارض بمسقط راسه بالحلة وبالنسبة للمعاملة فهمة يحتاجون النسخة الاصلية او كوبي مصدق من السفارة للجواز القديم اللي طلعت بيه وشرط ان ميكون بيه ختم رجوع للعراق خلال كل الفترة السابقة مع تاييد من السفارة بذلك وتروح لدائرة الهجرة والمهجرين بالبصرة وتقدم جميع الاوراق المطلوبة من جنسيات واحوال مدنية وغيرها وتنتظر الى ان يجي سراك بس نصيحة وهاي مو جديدة لازم تلكيلك عرف يدعملك المعاملة والا راح تتاخر فوكك السنة وانشاءالله ميسرة..

بغدادي

360
اخت انجي ما سمعتج زين كلتي ورة اربع سنين  ;D
لا خلينا لعد على ال 2011 ارحم..
هوة اصلا هذا القانون صارلهم يناقشوا من زمن النابغة الذبياني وهسة يلا اقروا..

بغدادي

361
بخدمتك اخي العزيز واذا تحتاج شي اتصل بيه عالخاص..وازيدك من الشعر البيت على سوء الادارة والتنسيق بالكاثوليك جارتي صارت وياية بالنسبة للفحوص الطبية لان المفروض اول اسبوعين من الوصول اكملهة اشو خلص شهر وشهرين وتلاثة وكل ما احجي وية الكيس منيجير ايكولي علينه ضغط وراهة رحتلهم وحجيت وية مسؤول اللقاحات وهوة شخص فلبيني جان يكولي اصلا الكيس منيجير "العراقي الشريف اللي اني اشوفه بين فترة واخرى" كايله هذا انتقل لغير ولاية وعلى هالاساس غلقوا ملفي..بشرفك هاي تصدكهة عاد كللي هسة اخلصلك اللقاحات كلهة وانطيك الكارت الاصفر وراهة كلبتهة عليهم حتى رحت للمكتب الرئيسي بس اكتشفت انو همة عبارة عن عصابة منظمة وما راح تستفيد شي اذا بقة الفايل يمهم..

بغدادي

362
اذا صديقك متاكد مية بالمية انو اوراقة ضايعة وخصوصا ال I-94 فلازم ايروح لدائرة الهجرة بمنطقته واللي همة مسؤولين عن اي وثيقة تخص دخول وخروج الشخص ويبلغ عن فقدانهة وانو المنظمة هية اللي ضيعتها ويقدم شكوى وعلى هالاساس تتفعل قضيته لان الكاثوليك جارتي عبارة عن متعاقد ولا يمثل الدولة يعني حاله حال اي مقاول فطبعا يريد يستر على نفسه سواء كان الموظف او المدير..يعني عصفور يكفل زرزور وثنينهم طيارة..

بغدادي

363
اتمنى ان يكون الخبر صحيح..اني قبل 20 يوم اجتني رسالة من الويلفير كالولي خلصت فلوسك حبيب ئلبي ومن راس الشهر الجاي اللي هوة حزيران بعد ما مشمول بالضمان الصحي..بالنسبة للخطة اللي اقرت حديثا مال شمول الضمان الصحي لكل المواطنين الامريكان فهاي تطبق على بداية ال 2011 لان خلال هالفترة راح يتم بناء الميزانية المخصصة الهه من زيادة الضرايب على اللي رواتبهم فوق ال 90000 سنويا والنسبة تختلف باختلاف المدخول السنوي..حسب معرفتي فتكساس احد معاقل الحزب الجمهوري التقليدية وما اعتقد بهالسهولة راح يتم تنفيذ هالخطة ونفس الشي ايخص كاليفورنيا مع اختلاف السبب لان كاليفورنيا عدهة عجز 15 بليون بالميزانية ووين متروح لاي دائرة يكلك الله ويدك احنة انريد فلوس لان مفلسين واني حاليا متطوع بال ESL والمدرسين كلهم جايين ببلاش يشتغلون والفلم هندي..

بغدادي

364
مشكورة اخت سرى على المبادرة بس شر البلية ما يضحك لان هالاختصاص هذا وين يشتغل بيه الشخص بعد الحصول على الماستر..اكيد مو بالعراق العظيم لان مزارعينا صاروا يشتغلون عمالة بالمدن والاراضي بارت والانهر شبه جفت والحمدلله والشكر وتحياتي للحكومة الموقرة..

بغدادي

365
امريكا..سان دييغو..طريق عفج الترابي

بغدادي

366
اني ما اريد احبط من معنوياتك بس معاملة الزواج بعد تقديم الاوراق تاخذلهة مو اقل من سنة ونص وحسب التساهيل لان اني سالت الموظفة المسؤولة عن معاملات لم الشمل باي او ام سورية وكان هذا جوابها وعلى كلا كل واحد ونصيبه وانشاءالله تتسهل امورك..

بغدادي

367
مشكور الاخ  zozk على فتح هالنقاش واني صارلي 8 اشهر في كالفورنيا وما راح انصح اي شخص بان يجي او لا بس احب اذكر موقف صار وياية بسورية عسى ان يعتبر من تفيده العبر..

خلال فترة اقامتي وعملي بسورية احد الاصدقاء السوريين كللي يابة ترى اني معروض عليه شغل بافغانستان وبراتب جيد اكدر ابني بيه خوش قاعدة مادية لان صاحب الشركة راح يفتح فرع بكابول للشحن ويريد شخص يدير الامور المالية هناك..بين الحيرة والاستغراب كتله والله الموضوع غريب لان معروف وضع افغانستان للقاصي والداني وانته اذا رحت بيهة هناك بين اخوانه المجاهدين في سبيل الله بعد شراح اتفيدك الوظيفة..المهم الرجال راح وسوة خوش شغل والسوريين جيدين بهالمسائل الادارية وورة فترة سمعت عنه اخبار جيدة ومريحة وامورة ماشية والحمدلله...

هذا الموقف ما راح من بالي وحبيت انقله لكل شخص حاير وما عنده هدف او عنده هدف ومتردد ..يابة ترة انتوا ما جايين لافغانستان واللي عنده هدف بحياته حقيقي وصافي فمراح توكفه اي موانع نفسية والحليم تكفيه الاشارة..

تحياتي من معتقل تورا بورا
بغدادي

368
اخي كل اللي قرروا مثل قرارك وبعدين حاولوا الرجوع ونجحوا بالعودة كان اتصالهم المباشر بواسطة احد السفارات الامريكية بدول الجوار يعني اني اللي اعرفهم اثنين رجعوا من سورية بعد مقابلة احدالمسؤولين بالسفارة وما سمعت عن شخص راح قابل بسفارة بغداد بعد رجوعه للعراق على الاقل على حد علمي..

بغدادي

369
اخي العزيز..ما دامك ما مطلع ترفيل دوكيومينت ومخبر السلطات هنا برجعتك فمراح تكدر ترجع مباشرة الى بواسطة ترفيل دوكيومينت تصدره السفارة الك في حال الاقتناع باسباب منطقية للعودة او اعطائك تصريح رسمي بالعودة..شغلتك مطابقة لاحد الاخوات العراقيات باريزونا بعد ان رجعت وهم شعرت انو الرجعة ماكان بيهة فائدة فطلبت مقابلة بالسفارة ودبرتلهة كم عذر انو ملاحقة ومن هالسوالف وانو كانت مجبورة عالرجعة بسبب وضع معين يتعلق بمرض احد افراد العائلة صدرولهة السفارة ترفيل دوكيومينت بعد عدة اسابيع من المقابلة وهسة هية باريزونا واخذت الكرين كارد..اتمنى فدتك وانطيتك راس الخيط وانته وشطارتك..

تعليق بسيط على كلامك بخصوص الجو والطقس والوضع فاكولك هاي مو جديدة بس اكثر اللي يجون ويعيشون فترة هنا ويحنون ينسون شنو اللي خلاهم يطلعون..

بغدادي

370
ما فتهمت شلون يعني ورة التسعة بالليل تتحول لمدينة حمراء..يعني قصدك حمر مواضينا خضر بوادينا  ;D


371
هذي العمة القفاصة وين بيا دولة كاعدة؟
ماكو شي باوروبا اسمه لجوء من خارج الحدود الا ضمن نطاق الامم المتحدة وهاي مينرادلهة اي فلوس واني احجيلك عن خبرة بهالمجال بالمانيا وااكدلك 100 % ماكو هيجي شي..كل اللاجئين اللي يدخلون للدول الاوروبية يعتبرون لاجئين غير شرعيين مبدئيا لحين صدور قرار قبولهم او رفضهم من قبل محكمة مختصة باللاجئين في كل دولة وبعد اتمام مقابلتين الاولى لجمع المعلومات والثانية للتحقيق مع محقق مختص بهالموضوع ولا يوجد بند بالقانون يتيح لاي شخص تقديم اللجوء من خارج تلك الدولة الى ضمن المفوضية السامية للاجئين التابعة للامم المتحدة..الله يعوض صديقك..

372
اخي انته شلون رجعت؟ بجواز عراقي لو ترافيل دوكيومينت؟ خبرت السلطات بامريكا انك راح ترجع للعراق لو لا؟ من تجاوب على هالاسئلة اكلك اذا بيهة مجال ترجع..اني مقدر موقفك لانك جديد ووحدك وما متعود عالغربة وشفت مثل حالتك هواية..انته لو قاري تاريخ وجغرافية زين جان ما رجعت بس مبين ما قاري. يلا هية بالخبرة والصدمات تتعلم..

بغدادي

373
راح ادزلج التفاصيل عالخاص اختي الكريمة..

بغدادي

374
القصد من كلامي انو اني كنت بسورية ومريت بموقف مشابه لهذا ممكن انقلك تجربتي حتى تستفادين هاي اذا مقدمة من سورية..

بغدادي

375
اذا جنتي بسورية فممكن افيدج ببعض التفاصيل لاعادة فتح الملف..

بغدادي

376
تحيه عطره من سماء امريكا الكشره
اخواني الاعزاء اني راح احجيلكم السلبيات اول شي وبعدين ارجع على الايجابيات

بالنسبه للسلبيات في امريكا كصوره عامه

اني صارلي سبوعين هنا بامريكا مو اكثر وبعدني دا اكتشف الكثير من الاموور
اني اعيش في ولايه كالفورينيا اورنج كاونتي الي تعتبر ثالث مدينه بنسبه الغلاء في كالفورينيا
بالنسبه للايجارات هنا جهنم احنه ماجرين شقه اني واقربائي اب 900 دولار وهذا السعر العقد مال السنه الي فاتت
بس اكو جوارينه اجوي اجرو همه مصريين على العقد والتسعيره الجديده اب 1200 دولار وبانسبه للايجار فقط واما الكهرباء تلحكها فد 50 دولار انكول اقل شي هاي صارت 950 دولار
وبالنسبه للنقل هنا غالي يعني اذا انته المكان الي اتريد اتروحله 3 باصات
هاي 4 دولارات ونص بس الروحه والرجعه 4 ونص هاي 9 دولارات باليووم وممسوي شي انته وبالنسبه تشتري ببسي من المشين هنا اب دولار
وبالنسبه للحالات السلبيه هنا يعني المجتمع مو مال واحد يجيب عائلته ويعيش هنا اكيد راح تفتهمون شنو قصدي
وبالنسبه اذا ناوي تشتريلك سياره هاي اقل سياره اب 8000 دولار يعني تمشي ومتوكفك بالطريق
على الهاي وي
وبالنسبه للتلفونات غاليه يعني اني اول شي اشتريت تلفون سبرنت وخدمتها زينه بالشهر البل مالتها 80 دولار ويا الانشورنس وثاني يووم رجعته لان شفت ميزانيتي متسمح واشتريت تلفون شويه الخدمه مو زينه اسمها ميترو ادفع بالشهر 40 دولار
والبلات متعرف من وين تجيك يعني بعدني مطاب امريكا ومكايل يا الله اجالي بل اب 1500 دولار مال طياره فمجبوور ادفعه شويه شويه الحد ما اكمله
وهاي السلبيات وامريكا متستاهل هالتعب صدكوني
وبالنسبه للايجابيات
بالنسبه للتعليم توب وبالنسبه للصحه تووب وبعد ميخلص الامديكال انشورنس اقل اسعاف بس للمستشفى هاي 500 دولار وبعدين يجيلك البل الي لازم تدفعه مال مستشفى
وبالنسبه للنضافه ماكو منها وبالنسبه للنضام ماكو منه وبالنسبه اكو هوايه اموور ايجابيه

وهسه نحجي على النذاله مال جماعتنه نحنه العراقيين
بالنسبه النه احنه العراقيين ابد مو واحد ايده ويا الثاني
واني طرحت هالشي ابموضوعي
قبل سبوع
يعني تتصورون عراقي واني اعرف هوه عراقي هوه صاحب بنزين خانه
دا احجي وياه عربي
جاوبني كلمه وحده عربي وبعدين كالي اني ما احب العراقيين حته لو اني عراقي بالانكليزي جان ديحجي ويايه
لو اتشووف كل عراقي
الترابط الاجتماعي ماكو بيناتهم ابد
المهم هاي امريكا
زبل في زبل
تحياتي


الاخ العزيز سلفر راح اعلق على كلامك وانشاءالله تتقبل تعليقي لان الغرض هو الفائدة العامة ولو اني ما اشارك بمواضيع مفتوحة النهايات كل واحد ايعبر عن رايه بيهة بس تعليقي بيه حقائق وليس وجهات نظر:

- بالنسبة للايجارات فكلامك جدا صحيح وهذا معروف عن كاليفورنيا بغلاء ايجاراتها ولكن سان دييغو تعتبر ارخص من اورانج كاونتي نسبيا يعني ايجار شقة غرفة نوم وصالة تقريبا ب 850 مع المي بالكهون او بجولا فيستا..
- بالنسبة للنقل فما اعرف الجماعة اللي رحتلهم ما عدهم معلومات بس لو سال ابو الباص اكو كارت اسمه day pass هذا بخمس دولارات ويمشيك يوم كامل تستعمل بيه كل الباصات حتى الترولي واذا تدخل على صفحة الكريكسليست الخاصة بالتيكيت راح اتشوف السعر الحكومي للبطاقة الشهري 72 دولار ويبيعوهة بخمسين دولار وحتى اقل وتمشيك شهر رايح جاي..
- 8000 دولار لسيارة ما توكف على الفري واي!!!! اخي العزيز تروح للجنك يارد تاخذ سيارة امريكي اربعة سليندر بالف وخمسمية ماشية اقل من 100000 وياهة كل الاوراق والسموغ وينطيك حتى كرنتي على الشغلات المصلحة وهاي من تجربة شخصية والسيارة صدكني كل يوم من الصبح للعصر تفتر..
- بالنسبة للتلفونات اتروح لل t-mobile تكولهم اريد اشتراك بدون عقد وارخص شي راح ينطيك 500 minutes plan تدفع عليه 34 دولار بالشهر مع الضريبة وتخابر بيه كل يوم ورة التسعة للصبح ابلاش والويك اندز والعطل وداخل الشبكة ابلاش وفوكاهة 500 دقيقة وصدكني ما راح تخلصهة بشهر لان اني صارلي وياهم 6 اشهر وماكو شهر خلصتهن وكل يوم اتصل داخل امريكا..

الظاهر الجماعة اللي يمك يا دينطوك معلومات خاطئة يا اصلا ما عدهم علم بهالتفاصيل ولو منزل موضوع عن هالامور جان فدناك بالمعلومات..اني مشاركتي مو دا اريد اغير رايك عن الوضع لان لكل شخص ظروفه واهدافه اللي اجه من اجلهة ولكن حبيت اصحح معلومات ممكن الكثيرين ممكن يستفادون منهة واتمنالك الموفقية..

بغدادي

377
نور العيون والله ضحكتيني..بس انته اسال شطابخين ذاك اليوم قبل ما تروح ايجوز جايبين اكل من السوكك  ;D
اخي ليش هوة اكو ايميل لو عنوان عالانترنت للدائرة وحتى لو عدهم مصادرهم هناك فتتصور كل واحد جايبلهم وثيقة راح  ايدزون مرسال يتاكد من صحة الصدور..مثل ما كالت الاخت فايوليت بس فرق الخط والهوا بظهرهم..

بغدادي

378
العراقية والدولية والاوروبية كلشي ميستفاد منهة بكاليفورنيا بغير ولاية ما اعرف..

اني عندي اجازة سورية دولية والمانية واجيت كلولي نكعهن وسويهن باجة الصبح..
خلي يتعلم سياقة اهم شي لان هنا ساعة السياقة ب 35 دولار..

بغدادي

379
اولا مبروك والحمدلله مشت الامور على خير وجنت اقرا بنهم ما كتبته لان كلت شنو طلعونة دربونة ثانية وراح يصعبوهة علينه..

ثانيا ذكرتني بشغلة صارت وية صديق وما اعتقد احد راح يصدكها لان لو ما اني صايرة كبالي الشغلة هم ما جان صدكت..بس هاي مثال على سوالف دائرة الهجرة العجيبة:

ولد صاحبنه اهله مقيمين بعمان واول ما اجة لامريكا كاعد عالجمر شوكت تخ