عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - iraqforme

صفحات: [1]
1
لااحب الاطاله عليكم اخوتي  هنالك الكثير من الاعضاء يطرح تساءل او شئ لم يفهمه بمرحلة من مراحل سير ملفه والبعض منهم يترجى المساعدة  وعندما تكتب له بما تعرفه او تسمع عنه او مررت به  لاأحد منهم يتكلف ويكتب لك كلمة (شكراً) فقط لاغير  !! والتساءل هنا هل نحن على خطئ ام على صواب فيما نقول ! عندما كنا اطفالاً اهلنا علمونا ان الذي يقدم لك المساعدة مهما كانت لازم ان نرد بكلمة شكراً اقل شئ لأن الكلمة الطيبة صدقة .
اطلت عليكم اخوتي .
دمتم بود جميعاً

2
الى كل الاخوه الأعزاء الذين يسألون عن رسائل الدعم وكيفية كتابتها, ولكل المرفوضين على المربع السابع بالخصوص اليكَم هذان الملفان, الاول هو تعليمات خاصة للمرفوضين على المربع السابع وأهم النقاط الواجب مراعاتها في كتابة الاستئناف مع شرح وافي لكيفية كتابة رسائل الدعم للملف المرفوض, والثاني هو نموذج استئناف لأحد الاشخاص المرفوضين عموماً.
اتمنى ان تستفيدو من الموضوع .. اخوكم ابو مريم
http://uploads.ankawa.com/uploads/143281055371.pdf

http://uploads.ankawa.com/uploads/143281124432.pdf

3
في الفقرة رقم عشرة من تعليمات كتابة الاعتراضات والتي تنص على ان فترة الرد على الاعتراضات هي من ثلاثة أشهر الى سنة كحد أقصى. وهذا نص الفقرة ..

10- يتم استلام العديد من طلبات المراجعة من قبل دائرة خدمات الهجرة والجنسية الأمريكية، لذلك، يُرجى العلم أن الإجراءات تتطلب فترة زمنية تتراوح بين 3)) إلى ) 12 ) شهراً، وسوف يتم إرسال الرد على (RFR) عن طريق المنظمة الدولية للهجرة ، أو عن طريق مفوضية الأمم المتحدة السامية لشؤون اللاجئين. وسيتم إرسال النتيجة أو الرد إلى العنوان المذكور في الطلب. إذا تم تغيير العنوان، يُرجى التكرم بإرسال العنوان إلى دائرة خدمات الهجره والمواطنه الأمريكية قطاع شؤون اللاجئين (USCIS) حتى نعمل على إرسال الرد إلى العنوان الصحيح.

مانراه هو عكس ذلك تماماً حيث ان كل الذين قدموا أعتراضات على رفوضاتهم لحد الان لم يستلموا أية ردود من قبل المنظمة منهم من تجاوز السنة ومنهم من تجاوز السنة والنصف ومنهم من تجاوز السنتان وخير دليل على هذا هو الاستئناف الذي قدمه والدي في 19 ديسمبر عام 2012 ولحد هذه اللحظة لم يتم البت في طلب اعتراضه !!
والتساؤل هو  هل تأخير الرد على الاعتراضات  استخفاف بنا ؟ ام هو اهمال ؟ ام هو نتيجة طبيعية نظراً للزخم الحاصل على دائرة الهجرة والمواطنه الامريكيه بالتالي يتم ركن طلبات الاعتراض على الأرفف ؟
انتظر ردودكم وتفاعلكم بخصوص هذا الموضوع الهام جداً وخصوصاً للأخوة والاخوات المرفوضون.
مودتي للجميع .. اخوكم ابو مريم

4
مختصر مفيد .. لم أرى في جميع المنتديات أدارة مثل أدارة منتدى عنكاوا (قسم الهجرة واللجوء) سرعة في الاستجابة والتعامل مع الموقف الخطئ واتخاذ اللازم بحق من يتجاوز على شخص بعينه او العامة. هذا بالأضافة الى التفاعل الايجابي مع جميع اعضاء المنتدى صغيرهم وكبيرهم.
الف تحية الى الادارة المحترمة وعلى رأسهم السيدة الرائعة ساوند والاخ المحترم جوسي البغدادي وكل من لم اذكره فليعذرني وله مني كل الموده والأحترام.

اخوكم ابو مـــريم

5
صباحكم ومسائكم خير ومحبة ..
حبيت انقل هذا الخبر عن التشريع الجديد لقانون الهجرة الامريكي الذي يُعدهُ الجمهوريون لعام 2015 في مجلس النواب الامريكي بشأن اللاجئين الذين يُقيمون في الولايات المتحده بصورة غير قانونية والذي يهدف ايضاً الى التصدي الى الهجرة الغير قانونية.

المصدر / وكالة رويترز Reuters

http://ara.reuters.com/article/worldNews/idARAKCN0JJ05A20141205

6
شلونكم شباب ..
حبيت أنشئ هذا الكروب الخاص بااللذين قدموا طلب اعادة النظر في ملفاتهم المرفوضة ( استأناف ) بمناسبة تسليمي اليوم الساعة الحادية عشر طلب الاستأناف الى ال IOM  ;). نقول يارب سهلها على كل اللي انرفضت طلباتهم وكل اللي قدموا استأناف وكل اصحاب الملفات لان فعلاً تــــعبنه وبكل ماتحمل الكلمة من معاني . ياريت كل من قدم استأناف خلي نتواصل حتى نعرف اخر التطورات على الساحة.
ومودتي للجميع

7
اخوان وبدون مقدمات  اني للي ميعرف موضوعي اني تحولت من UN الى IOM  من حوالي سنتين ونرفض ملفي من امريكا قبل شهر ونص والرفض طبعا المربع السابع ...
المهم اتصل بيه احد الاصدقاء على الفايبر هو هم مقيم بمصر كلي اكو شغلة تفيدك كتله خير كلي اكو واحد اعرفه يشتغل بالمنظمة يوان  ويكدر يحول ملفك الى بلد اخر مثل كندا بس يريد على كل نفر بلملف مبلغ ............... رأسا ارتفع الضغط  كتله لو عندي هيج مبلغ جان فتحت مصلحه بمصر ليش اركض ورة المنظمة   واعتذرت منه وشكرا
فه تخيلو مصيرنه صار بيد هيج ناس .. لاهواية راح نتحول لبلد اخر ( حسبي الله ونعم الوكيل )

8
شخباركم شباب اني جديد على المنتدى السياسي
بدون مقدمات  البيت الابيض اعلن عن جمع التواقيع لمحاكمة جواد المالكي او نوري المالكي كمجرم حرب طبعاً احنا تمنينا انو العراقيين يطلقون مثل هيج مبادرات بس للأسف تجي من الخارج دائما .. وهذا الرابط  كل ماعليك تسوي انو تكتب اسمك وايميلك وكود الدولة اللي كاعد بيها حضرتك  راح تجيك رسالة على الميل بيها رابط التصويت تضغط عليه فقط وتعتبر من المصوتين ...
شكد ماتريد دخل ايميلات عادي لان هو التعداد مالته على الايميلات .. اني صوتت بأيميلات البيت كلهم وتحياتي الكم
https://petitions.whitehouse.gov/petition/iraqi-people-demand-judgment-nuri-almalki-war-criminal-against-humanity-because-kill-displace-sunni/gp70RYPP

9
كيف الحال اخون طبعا اني مسجل على يو ان مصر ومثل ماتعرفون اجاني رفض من ( IOM ) ورحتلهم حته انطيهم الرفض .. طبعا المعاملة مع الناس زفت رغم انو ماكو هواية عراقيين  كم واحد فقط والباقين كلـــــــــهم افارقه الموظفه تتكلم من ورة خشمها وبلكوة اخذت الرفض .. المهم رحت وره كم يوم حته اسأل شصار ماصار طلعتلي موظفه ثانية اجنبية تكلي انو لازم اسوي استئناف !!!! بالله بشرفكم هاي منظمة كل موظف ميعرف بالاخر !! رحت لمنظمة محامين بلا حدود طلعلي محامي امريكي يكلي اليو ان المفروض عدهم تعليمات انو اي رفض يحمل المربع 7 هذه المفروض ميكلوله روح استأنف رأسا يوطنو بلد اخر .. وبقيت بين حانه ومانه
طبعا هاي اللي يحب يجي لمصر يشوف الفوضى مال يو ان مصر .. وتحياتي لكم مراسلكم من القاهرة

10
شلونكم اخوان .. مختصر مفيد نحن مجموعة كبيرة من العوائل التي تم رفضها في القاهرة من قبل امريكا واغلب هذه العوائل تمت الموافقة عليها في مقابلة المحلف ولكن بعد الانتظار لسنوات جائنا رفض تحت طائلة المربع السابع .
ذهبنا لعمل اعتراض على القرار ولكن بلا فائدة نصحونا بان الرفض السابع لاجدوى من استئنافه ....
بماذا تنصحونا يااصحاب الخبرة انا عن نفسي فكرت بأستمارة المظالم 7001  ماهو رأيكم ؟
وينفع اسوي اني الاستئناف بمساعدة استئناف قديم للأهل ( اخذ منه الترتيب فقط ) واطبع الاستمارة بعد ما امليها واذزها وية الاستئناف سوى بنفس الظرف
ياريت رأيكم
تحياتي

11
السلام عليكم ورحمة الله اخوان ... البارحة للاسف دزولنا مسجات الاي او ام اليوم لازم نروح نستلم نتيجة الملف مع انو احنا من 2012 مستلميها وجانت موافقة وفاحصين ومكملين والمفروض نتوقع موعد سفر وماافتهمنا شي من الرسالة رحت اليوم وللاسف والله خبر كالصاعقة وكع علينا كلنا رفض عدد هواااية من العراقيين مرفوضين واغلبهم عدهم موافقات وفاحصين وعايدين الفحوصات والله مااكول الا الله ليوفقكم ياامريكا ويا المنظمات اللاانسانية هيجي عدكم استهانة باللاجيء نتأمل وننتظر وضيعنا من عمرنا سنين والمصيبة لو بالبداية يجيك الرفض تحاول تعديها وتستانف بس بعد سنين الانتظار وبعد الموافقة وبعد الفحوصات يجيك الرفض !!!!؟؟؟ هاية الواحد ينقهر عليها ... حسبي الله ونعم الوكيل عالبهذلنا وذلنا وخلانا هيجي نصير ونتوسل بالدول تقبلنا لجوء

12
ياشباب اللي يعرف تلفون والاسم الدقيق للمنظمة الافريقية للاجئين في لاس فيغاس بلكت يفيدنا وخصوصا انو همه تحولو الى مكان ثاني قبل فترة
واللي صديقة هناك بلكت يسأله ويفيدنا
الله يجازيكم خير
تحياتي الكم وين ماكنتو

13
ياشباب اللي قابل بصيف 2012 وملفه لحد هسه نايمه عليه سميجيه خلي يكتب روؤس اقلام عن ملفه حته نفتهم راسنه من رجلنه

اني ملفي كالاتي
IZ-125 xxxxx
مقابلة محلف بشهر 8
فحص طبي خلص من شهر الثالث 2013 ولحد هسه ماعدت
المدينة والمطار نازلات
والامنيه الكشره : انتضار  ولا مرة مكتمله

اخوكم IRAQFORME

14
خبراء وعلماء وباحثين وبروفيسورات المنتدى
متكلولي شنو الفرق بين
IZ - EG  ولحد يكلي هاي رمز الدولة اللي انت بيها لان اني بمصر ورمزي IZ  مع العلم ان كل اصدقائي هنا رمزهم EG
تره صدك دخت والمشكلة صار كم يوم يله انتبهت للسالفه  :-\

15
شلونك شباب
انشاءالله يوم سفركم كلكم واني وياكم .. بس ردت اعرف اكو من جماعة 125 XXX لو بس اني وياريت نتواصل وتكلولنه اخر اخباركم لان اشو نامت علينه سميجيه ..
تحياتي وبالسفر القريب بعونه تعالى
اخوكم
Iraqforme

16
بأختصار عمي رجل كبير هو وزوجته رفض في يوم 1-10-2012
سوه استأناف ودزه يوم 19-12-2012
دزوله يوم 5-10-2013 عن طريق اي او ام طلب استكمال معلومات .. يعني سألو على شغله كانو شاكين بيها وجاوبهم يوم 13-10-2013
ولحد هسه ماكو اي رد علما ان موظفة الاي او ام كالتله اقصد حد للرد عليك هو 3 اشهر

شنو السالفه احد يفهمنه ياجماعه هل معنى ذلك ( رفض ) ؟  ........

صفحات: [1]