عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - iraqforme

صفحات: [1] 2 3 4
1
السلام عليكم ياشباب
خمس سنوات مرت على هذا الكروب  ولحد هاللحظة دنراوح بمكانه ماكو اي جديد  كل ماافتح الموقع يكلي طلبك قيد المراجعه
يعني معقولة خمس سنين وماراجعو الى هسه  ولكم صدك كذب سرسريه يعني لو اني مفتر الكرة الارضية كلها ومسوي مشاكل بكل دوله هم جان خلص التجييك الامني عليا اذا هما ديجيكون فعلا .
مع الاسف اكول  لان قدمنه استئناف
بس المهم انو شي سوينا حتى منندم علي اذا ماسوينا .
تحياتي للجميع

2
حياتي ابو غيوثي الورد ضمن مواضيع المنتدى المثبته موضوع لم الشمل للاخhkr ابحث عنه وفيه تجد كل الاسئلة الني تستفسر عنها من الالف الى الياء.كل التقدير لك.

ابو عبدالله الغالي شخبارك
حيل زعلان منك
لاتخابر ولا تكول ؟
وين ماوين ؟
ياريت تسمعنه اخبارك ياطيب

3
الله يساعدكم ياحلوين
اني صار 10 شهور مكتوب بالموقع يتم معالجة ملفك
والخانة الاخيرة .. يمر ملفك بمرحلة التجييكات الامنية ......
عبالك واحدنة يصير اخو اسامة ابن لادن  ;D
هو امريكا اذا رادت تجيك على واحد الله وكيل ميطول التجييك شهر بالزايد
بس شنكول غير كلمة ريان
الله يطيح حظج امريكا
دمتم بود

4
السلام عليكم جميعا .
اخت نور هذي كليشة تطلع للجميع واني واحد منهم
حييييل الاستئناف صارلة خمس سنوات الا كم شهر
يعني الواحد لو مريض جان لحك مات وصار نفط والاستئناف مطالع
عموما اتمنالكم كل خير والاخوة المختفين عتبي عليهم وخصوصا ريان
مودتي لكم

5
مرحبا شباب شخباركم
اشو ماكو  هل من جديد علينا ؟ اني بالنسبة الي لاجديد بعدني انتضر نتيجة الاستئناف وطبعا الموضوع صار عادي بالنسبة الي حت لو انرفضت لأن المبلل ميخاف من المطر .

تحية ألك ابو الرون ولجميع الاعضاء قدامى وجدد
ياريت اخت نور تكولنه اذا اكو جديد على ملفهم

6
الله يساعدهم
يابه هسه اني اليوم وصلت امريكا وحبيت ابشركم


















 ;D ;D ;D ;D ;D ;D




ريان وينك تخبارك يمعود مشتاقون جدا

اعتقد تفرج هسه بأمريكا من صدك لان اختفى اختفاء رهيب

اكليل اختنا والله لاجديد تحت شمس المنظمة اللي تحرق صيفاً وشتائاً
شباب الله يعرف اخبار جديدة وخصوصا اذا كانت حلوة بلكت يفرحنا
وتحياتي لحضراتكم

7
الاستئناف قيد الدراسة وبالمعنى االادق الاستئناف بعده مامفتوح
لما يوصلون لملفك ويفتحو الله كريم

8
معلومات جديدة ومهمة


ألمكتب الامني الجديد للتجييك الامني:-
*أسم المكتب هو  ( National Vetting Center)
*تاريخ تأسيس المكتب حسب الامر الرئاسي لدونالد ترامب في6 شباط 2018.
*مقر المكتب بمقاطعة سترلنغ بولاية فرجينيا حيث سيتشارك في البنى التحتية مع مكتب الجمارك وحماية الحدود (CBP)
 U.S. Customs and Border Protection
*تكلفة انشاء المكتب مليار دولار
*الموعد الاولي ل أفتتاح المكتب والتنسيق بين الوكالات هو شهر اب 2018 حسب طلب الرئيس .
*عمله بمثابة مركز وطني للمراقبة الشخصية ، والذي من شأنه أن يجلب صرامة وتدقيق شديد لم يسبق له مثيل لفحص الأجانب خصوصا من الدول المسلمة الذين سيدخلون الى الولايات المتحده من لاجئين ومهاجرين واصحاب فيز وحتى المسافرين .
 المركز الجديد ليس المقصود تكرار أو يحل محل جهود الفرز التي تقوم بها الوكالات الاتحادية الأخرى.
وبدلاً من ذلك سيعمل على تحسين العلاقة بين المعلومات حول التهديدات المحتملة والمسؤولين الأمريكيين الذين يملكون سلطة استخدام تلك المعلومات لاتخاذ قراراتهم الخاصة."

واجبات المكتب اعطاء الضوء الاخضر والموافقه النهائيه للسفر  و التنسيق بين الوكالات الامنيه مثل الfbi والdhs وال fdns وغيرها ومشاركة البيانات البومتريه والمعلومات المستخلصه مسبقا  من المكاتب اعلاه من معلومات السكن لعشر سنوات واميلات وارقام موبايل وفحص السوشل ميديا .كذلك الاستهداف في فحص المسافرين بمجرد حجز رحلاتهم إلى الولايات المتحدة. حيث ترسل شركات الخطوط الجوية حجوزاتها تلقائيًا إلى المركز ، وذلك جزئياً لتجنب إعادة ركابها إذا لم يعترف بها موظفو المكتب.

اويلي
يعني افهم من حضرتك انو ملفاتنه راح تبقه نايمه لشهر اب ومن ينفتح المكتب تنتقل للمكتب الجديد وتلزم سرة بنص مئات الالاف من الملفات وياعالم شوكت راح يجي لملفاتنه السرة علمود التجييكات
يعني هم كم سنة لخ
يارب رحمتك

9
:السلام عليكم
اني من المرفوضين من شهر 10/2014 عل البند السابع وقدمت استئناف في بدايه سنه 2015 يعني صارلي 3 سنواتو4 شهور وكلما ادز استفسر عل الملف يكون الجواب الروتيني انه بعد الطلب قيد المراجعه بس قبل كم يوم شفت ملفي بالموقع متغير  بهذا الشكل وان شاء الله نعتبر هذا التغيير ايجابي

بالضبط مثل مايطلعلي
بلكت تغيير ايجابي
الله يستر

10
عاشت ايدج اخت نورا
بس اني تظهرلي خانة الفحص لان سويت فحص ووراها انرفضت
اما اللي ممسوي فحص فه مراح تظهرله

11
اخت نورا السلام عليكم ..
انا مفهمت عليج هسه الموقع مالتكم شيقرا ؟
حالة الملف والفحص الطبي
والتجييك الامني
ياريت تاخذين سكرين شوت للموقع وتنزلي مع مسح المعلومات الشخصية للأفادة
دمتم بخير

12
اشكرك اخ ابو ميس بس عدنا مثل بالعراقي يكول لاتكول سمسم اذا ماتلهم
يعني هذولة المنظمة وامريكا بعد صار بيناتنا عدم ثقة على غفله ويكلبون مثل ماكلبو علينة بالرفض بعد الموافقة
وننتظر ونشوف شنو تاليها س المشكلة منعرف شكد راح ننتظر فوك انتظارنا ثلاث سنوات ونصف .. الله اعلم وادرى

مودتي للجميع

13
يابه شلونكم اخباركم مشتاقين ابو الرون ..
صارلي قرن مافاتح الموقع لبارحا فتحت اكو فد تغيير غريب ظهرلي ..
كانت قبل تطلع عندي بس 3 خانات وهي حالة الملف ومقابلة المحلف والفحص الطبي
بخانة حالة الملف يكول انو ملفك مرفوض واحنه استلمنة الرفض وجاري دراسته
وبخانة المحلف ايضا نفس الكلام
والفحص الطبي يكول انتهى

اما الان ظهرلي جدول رابع وهو التجييك الامني  ويكول انو ملفك يمر مبراحل التجييك الامني ومنعرف شكد يطول !!
شنو برئيكم هذا
وبخانة حالة الملف يكول انو يتم معالة ملفك في الاي او ام !! شنو رأيك ابو الرون يعني راح انضرب رفض قريبا لو شنو ؟

14
الف مبروك اخت نورا ويارب تفرحينه بموعد سفر عن قريب

15
مساءكم طيب
الان الموقع مابي اي معلومات  كلها ممسوحه
شنو ذولة ديلعبون بأعصابنه ؟
لو يرفضونه على وجه لو يقبلونه
حسبنا الله ونعم الوكيل

16
شباب حبيت اتأكد من الامر هذا ف فتحت موقع والدي اللي هو مرفوض ومقدم استئناف وهم انرفض بعد مرور اكثر من اربع سنوات وكانت الرسالة هذي

17
شباب هذا رفض الاستئناف لو شنو رأيكم ؟؟

18
مسائكم ورد وياسمين
ماكو واحد سافر من عدنه  :D
صحيح سمعت خبر بس مااعرف مدى صحته
على اساس اللي مجاهم رفض السنة الفاتت احتمال بيهم امل على هاي السنة يلتفتون على ملفاتهم ويمشوهم
منو يأكد الخبر ؟ ريان شنو رأيك يمعود لو اخاف انت سافرت ونسيتنه  ;)

19
اخت نورا والله لو اعرف شديسوون كان انا اول الناس اللي سافرو .
بس للأسف صرنه نعتقد ونأمن بالحظ لان انا واحد من الناس المرفوضين وقدمت استئناف وصارلة 3 سنوات ونص وماكو نتيجة
بس مابيدينة شي غير الانتظار .

20
مرحبا بك ونأسف على هذا الخبر اخ علي انت معرف باخلاقك ومشاركاتك الطيبة. اذا فكرت في الاردن اكيد انت تقدم على UN وراح تسرد قصتك القديمة ورقم ملفك في IOM والرفض الذي حصل لك. وانت تعرف بعد قبولك في قسم التوطين وهذا يأخذ وقت طويل راح يذهب ملفك مرة اخرى الى IOM وعند ادخال اسمك يظهر لديهم الرفض من امريكا . وفي هذه الحالة يصبح قبولك صعب وخاصتا كندا لوجود اتفاق امني بين كندا وامريكا. واما استراليا او دولة اخرى انا افضل تذهب مباشرتا الى الهجرة الدولية (IOM) وتقدم طلب لتحويل ملفك لوجود رقم كيس عندك لديهم على دولة لتكون استراليا او احد الدول الاوربية مباشرتا حين وصولك الى الاردن + التقديم على UN هذا راي ان كنت مصمم على الاردن. واذا لبنان او تركيا فهذا يختلف لوجود ICMC بدلا من IOM وفي الختام نسئل الله ان يكون عام 2018 خير عليك وعلى الجميع
مسائكم ورد
الاخ الكريم المحقق العدلي اعتقد سبق وان تناقشنا بهذا الموضوع
حضرتك تكول انو المرفوض على السابع من امريكا ميتحول لدوله اخرى !
طيب انا صديقي اللح السنة الفاتت اجا رفض على السابع وبعد فترة وجيزة اتصلو بي لان ملفه تحول لكندا وهسه هو في كندا صارلة شهر ونص .
وتكدر تدخل لكروب المستئنفين وتشوف احد الاخوة ايضا انرفض على السابع وتحول ملفه لكندا بس للأسف الاخ اختفه ومنعرف اي تفاصيا عن باقي الاجراءات .
والكثير من هذا القبيل .. القصد انو لايوجد اي صحه لهذا الكلام  كل دولة الها قانونها ونضامها وقناعتها بقبول ملف ورفض ملف ولايوجد اي اتفاق امني بخصوص هذا الشي .
مودتي للجميع .

21
ياريت من الاخ العزيز برنارد اطلاعنا على كافة التفاصيل للاخ المستئنف
كم الفترة الزمنية للأستئناف ومكان الاقامة وهل وكل احد المحامين ام هو الذي كتبه بيده
وما الى ذلك  وشكرا للمجهود الرائع للأخ برنارد

22
الله يساعدهم شلونكم ؟
يابه ابو رهف الورده بلكت تسافر ونخلص منك هههه
شباب اشو الموقع صار 3 ايام مديفتح شنو السالفة اخاف بس عندي ؟
بلكت احد يتأكد !

23
والله يااختي يمكن بس صفت علينة الكروب لأن لو الناس ملت لو طلعلهم شئ ايجابي وفلتو بدون ميبلغونه .
الله كريم باقين للتالي خل نشوف اخرهم
مودتي

24
الاخت الفاضلة ساوند
دائما مانسمع عن ان فلان دولة سوف تقبل كذا الف لاجئ وللأسف شريحة اللاجئين هم من اكثر الشرائح ضعفا ومظلوميتاً من بقية الشرائح .
صدقيني لم اعد اصدق في يوما من الايام سيتحقق الحلم .
12 سنة في مصر وانا اودع الصديق تلو الصديق على امل اللحاق بهم لكن دون جدوى احلامنا هواء في شبك .

عسى ان يكتب الله لنا في هذه المرة خيراً .
لك مني كل الود

25
السلام عليكم جميعا
جنت حاب ابشركم لكن للاسف النتيجه رفض بعد انتظار يقارب 3 سنوات
سبب الرفض: (7) اسباب اخرى
تاريخ تقديم الاستئناف شهر 12 لسنة 2014
تاريخ استلام رفض الاستئناف شهر 10 لسنة 2017
سبب رفض طلب الاستئناف:
Denial of refugee resettlement
In your request for review, you alleged that the determination to deny your request fro refugee status was made in error. Although there could be instances where an error is made during the adjudication of a request for refugee resettlement, the error must be a significant factor in the denial determination in order for the denial to be overturned. However, in your case it has been determined that there is no significant error that would warrant overturning the adjudicating officer's decision.

والله يااخي مااعرف شنو ارد وشحجي .
الله يكون بعونك
يعني 3 سنوات وبالاخير يجي هيج رد !
زين لعد 3 سنوات شجنتو تسوون ؟ يعني هذا الرد ممكن يكون بشهر بالكثير مو 3 سنوات يضيعوها من العمر وبعدين بكل بساطه رفض وفد شي تافه .
حسبنا الله
الله اكبر من امريكا وقادر على الاخذ بثارنا منهم

26
اختنا بالنسبة لتحديث الملفات صارت تتأخر ف عادي
اما بالنسبة للتأجيلا ف اكثر المقابلين دتجيهم تأجيلات بسبب هذا المدعو ترامب وسياساته الجديدة مع اللاجئين الجدد (مجرد غربلة امنيه دقيقة جدا) ويجوز تتأخر كثيرا
وبقت انت وملفاتكم والتفاصيل

مودتي

27
والله صحيح
الكل دخل في سبات عميق مع دخول فصل الشتاء
نسأل الله الفرج والتوفيق
شكرا لكل من شارك وسيشارك في هذا الكروب
القديم منهم والجديد
مودتي للجميع

28
ان شاء الله خير اخ سترانجر بس حسب معلوماتي تغيير الكفيل ماله اي علاقة بسير الملف لأن تغيير الكفيل بناءا على طلبك والمنظمة بعمان هي اللي تغير حتى في كل الاحوال لما يتم الملف بالموافقة يكون جاهز مع الكفيل الجديد .
عموما انا ايضا غيرت الكفيل قبل فترة وتم التغيرر بنجاح مع العلم انو انا مقدم استئناف بشهر التاسع 2014 ولحد الان لاتوجد نتيجة .
مودتي

29
اهلا بيك اخ سترينجر
والله ماكو احد مار بهاي السالفة بس انت كلت بنفسك طالما اول مرة ماقبلو يفتحو وهسه قبلو يفتحو ف اكيد اكو تحديث لدائرة الهجرة وخدمات الجنسية الامريكية بقبول فتح الملفات المغلقة .
بس حضرتك ماذكرت انو انت مسوي استئناف أم لا وشوكت سويته وقدمته ومنو سوالك الاستئناف ؟

30
احترامي لك اخت ساوند
بس اعتقد هذا العدد مايشمل المرفوضين ومقدمين استئناف لأن احنا صرنا من المغضوب عليهم في الارض والسماء
ياريت تفصيل للخبر

31
بمناسبة دخولنا في السنة الهجرية الجديدة ومرور 3 سنوات على هذا الكروب اللي تعرفنا بي على ناس محترمة وكانو اكثر من اخوة .
اللهم ارح قلوبنا بعد العذاب وهون على كل من ضاقت به وفرج كرب المكروبين .
المستئنفين انظلمو هواية بالانتظار ومن ثم الرفض الله يكون في عوننا .
دمتم اخوة اعزاء المختفون والحاضرون وتقبلو فائق احترامي .
اخوكم ابو مريم

32
اخي الخطوط بيها عطل وهما كتبو اول ماتفتح الموقع انو يوجد اعطال فنية ديحاولون حلها
اما بخصوص الموقع ف موغريبه عليهم كل شهر يحصل هذا الامر
مودتي

33
مبروك ابو الرون يمعود الله ينطي كل واحد على كد نيته ..
بس فد سؤال فدوة لقلبك .
اكو خبر يكول المحكمة الفدرالية تقرر عدم دخول اللاجئين الى امريكا واكو هواية اخبار برفض ومنع استقبال اللاجئين في امريكا . هذا اكيد يأثر على الاستئنافات مو بالله ؟

34
كل عام وانتم بخير
والله موخوش خبر اخ سلام كل هاي السنسن انتظار وبعدها رفض !!
حسبنا الله
وصلت لقناعة انو كل عشر ملفات ديوافقون على واحد منها يعني نسبة الموافقة على البند السابع ضئيلة جدا ..
الله ارحم الراحمين

35
اخي الكريم ممكن توضح التفاصيل ..
انت بأي دولة مقيم ؟ اذا كنت بوحدة من الدول اللي بيها UN وهما قامو بتحويلك الى منظمة الهجرة الدولية وبعدها تم رفضك تكدر ترجعلهم الرفض مالتك وهما يشوفولك بلد اخر  اما اذا كنت بالعراق ف الاخوة اللي موجودين بالعراق هما اعرف مني بباقي الاجراءات

36
الله يكون بعونك اخ العراقي ..
والله دااحس بيك لان اني هم نفس الفترة انرفضت وهم قدمت الاستئناف ومنتظر الرد صار 3 سنوات وخايف من هذي اللحظة اللي افتح بيها الموقع ينكتبلي تم الرفض ..
الله ارحم الراحمين .
مودتي

37
فعلا اخونا هو البند السابع مجرد حجه لرفض الناس لأن بعد ميزانية امريكا لاتسمح بأستقبال اعداد كبيرة من اللاجئين وهمه تورطو واستقبلو كومه ملفات فه احسن شي لرفض عدد كبير منها هو البند السابع والحك ربعك

38
بالتوفيق اخ برنارد والفرحه قادمة بأذن الله
لكن عجباً  كيف حاولت اقناع منظمة ايراب تاخذ قضيتك  لأن هما مايستلمون رفوضات على المربع السابع نهائياً.
مودتي لك

39
اخوان تره كل الملفات اختفت معلوماتها لتخافون هاذا اعتقد ديسوون تعديلات على الموقع نفسة مو بالملفات

40
مبروك اخ برنارد قبول الاستئناف
وانا مااتفق مع ريان بأنه عندك اعادة محلف اعتقد انه قبول مباشر .
بس سؤال وجيه يطرح نفسه :: هل شرط قبول الاستئناف انه يكون الكفيل قريب من الدرجة الاولى ؟
الجواب اعتقد جازما  نعم والدليل افتح موقع المنظمة واقره التعليمات الجديدة زين

41
ابو الرون الغالي شوكت يجيك ويجينه الدور مو الله ملينة .
انت شصار من موضوعك ؟
مودتي لك

42
واخيرا ام زوزو كتبت بالكروب  ;D
مبروك اختي وان شاء الله الله يفتحها بوجهكم ويخابروكم على سفر ومن السويد تسافرون لأمريكا .
بس ياريت تبقين متواصلة وي الكروب حتى نعرف باقي التفاصيل اذا امكن .
وتسلمين

43
اخ محمود انت الان بالعراق أم خارجه ؟
اذا كنت خارج العراق في احدى دول الجوار ممكن ملفك يتحول من المفوضية الى بلد اخر .
اما اذا كنت بالداخل ف حاول تحصل فيزة لأمريكا ومن هناك اطلع على كندا وقدم

44
مشتاقين لورد ..
بشر شنو اخر اخبارك ؟
الله يسهل امرك وتنقل هاذي الاخبار من ارض الحدث

45
ابو الرون مع احترامي لكلامك بس الفترة الزمنية مالها علاقة بل استئناف .
يعني والدي 4 سنوات و8 شهور طول استئنافه ومع ذلك انرفض .
اعتقد كلها مسألة وقت ويردون علينه بشئ سلبي في تصوري لان بعد الواحد فقد الامل وخصوصا بعد رفض والدي

46
اخواني .. اليوم واحد من الربع بشرني من المستأنفين انه جتهم اعاده محلفين .. والثاني جته طفله وهمين مستانف وتحدث الملف وسوف يقومون بأعاده المحلفين لهم ومقابله الطفله .. يعني جماعه استأناف شهر الثالث وشهر الخامس 2 منهم أعادوا الهم المحلفين ..
وجماعه ثالثه مااعرفهم .. بس الي كلي عليهم المدير مالتهم رجع الاستاناف مالتهم بالموافقه الكامله .. وكيسات مجموعهه الي نعرفه صارن 5 تمت موافقه او اعاده محلفين لزياده بالمعلومات ..
يعني لا تقطعوا الامل ..
وكلهم على 7 فقره .... وحتى الجماعه يكولون ايسوا من الموضوع انكوللهم الله موجود.... واني الحمد لله .. مشتغل عليهم وزير الكهرباء .. وسالك ابهاتهم بالقطع وبالذات جماعه الاتصالات مال المنظمه .. والقضيه تم ايقاف الرفض بطلب رسمي من قبلي للسفاره .. وضابط الامن كتب تقرير لل DHS بها كفاله ضابط الامن ومسؤولي المباشر وهسه انتظر مدير الامن مقابلته حتى يرسل ايميل الهم انه هوه تزكيه وبنفس الوقت كفاله الهم .. ف بلكي واحد منهم او يرأفون بحالنه هاي المره .. والله اعلم .. ودمتم بحفظ الرب

ابو الرون جنت واثق انو انت راح تحن وترجع للكروب  :-*
مشتاقلك عزيزي   بالنسبة لكلامك مال المستئنفين تقصد 2014 شهر الثالث وشهر الخامس مو ؟ زين خلي ذوله جماعتك اللي تعرفم وانقبل استئنافهم يكتبون هنا بالكروب حتى نفهم منهم التفاصيل أو يشرحولك التفاصيل وانت تكتبها  ولو هو الموضوع حيل مكيس بس هم على كولتك الله موجود .
وتسلم حبي

47
كل عام والجميع بخير ويارب تنزال الغمه من كل المرفوضين وينقبلون او يتحولون الى بلد اخر تره والله صبرنه صبر ايون صار 3 سنوات مرت بلمح البصر وكله من عمرنه
تحياتي للأخوة الغائبين جميعا بدون استثناء

48
موخوش خبر والله ابو الرون كلش ضجت  يعني راح نفتقدك ؟
عمر هذا الكروب حوالي 3 سنوات  راح يفقد اهم حلقة من حلقاته الاخ ريان العزيز .
على فكرة بيني وبين ريان شهرين بالاستئناف يعني هسه احنه طابكين على السره .
حسبي الله عليهم مثل مابهذلونه وخلونه بأمل وبعدين صار سراب وبدء يتلاشى

49
مع الاسف اخ الحياة حلوة بعد كل هذا الانتظار الذي دام 3 سنوات وبالاخير رفض .
حسبنا الله على كل من اتسبب بأذيتنه وان شاء الله تطلع حوبة المظلوم على كل امريكا بالخراب

50
عيني سلام الله يساعك عاش من قره كتابتك يمعود
شلونها امريكا وشلون دبرت الفيزا بعد الرفض وهل تم سؤالك بالسفارة الامريكية على موضوع الرفض قبل مايعطوك الفيزا ؟

ريان اشو مختفي يمعود سمعنه صوتك حبيبي

51
السلام عليكم
الأخوة الاعزاء عندي سؤالين ومحتاج اجابة
وياريت من اعضائنا الكرام الرد
١- هل صحيح ان المرفوض ومستأنف يگدر ايقدم استئناف ثاني ؟
٢- سامعين بشخص مرفوض على البند السابع وانقبل الاستئناف ؟
ارجو الرد ...... مع الشكر الجزيل
اجاوبك اني اخ ابو غيث
سؤالك الاول طبعا كل ملف اله خصوصيته بس اللي ينرفض يكدر يتصل بالمنظمة ويسألهم هل بالامكان تقديم استئناف اخر أم لا حتى يتأكد من اهل الشأن احسن او اذا كنت حضرتك خارج العراق تزور مكتب المنظمة وتسألهم .
اما السؤال الثاني  اي نعم اعرف شخص انرفض على السابع وانقبل ملفة بعد سنتين ونص استئناف وكان هذا الشخص في مصر وهسه بأمريكا.
دمت بود

52


متابعة اخبار كروبكم وحقيقة الله يساعدكم
ويفرجها عليكم جميعا ان شاء الله .
مشكورة اخت ساوند على الكلمة الطيبة لكن الامل صار ضعيف جدا بعد رفوضات الاستئناف اللي صارت بالجملة ومن ضمنهم والدي اللي صارله 5 سنوات مقدم وتم رفضه
دمتي بود

53
اخواني.. هل ذهب احد اليوم (الأحد) لدائرة الهجرة iom في عمان؟
وهل تم تسليم نتائج (موافقة)؟
ارجو افادتنا مشكورين
اخ فوقي انت اليوم مو موعدك تستلم النتيجة ليش مرحت ؟

54
اخوان الي مقدم استئناف ونرفض يكدر  يقدم استئناف ثاني ارجو الي عندة معلومة لايبخل بيهة لان عندي اوراق مهمة ماخليتهن على الاستئناف الاول
اخ حيدر حاول تتصل بيهم وتسأل اذا كان بأمكانك انو تقدم التماس اخر وتضيف بي معلومات مهمه لو لا

55
اخي الشغلة واضحه مثل عين الشمس ..
كاتبيلك لقد تم رفض طلب اعادة النظر في ملفك من قبل مكتب المواطنة والهجرة الامريكي ..
لاتهتم وان شاء الله تتحول لبلد اخر احسن من امريكا

56
السلام عليكم إخوتي الأحبة
أنا تم رفض ملفي في كانون 2 عام 2015 وقدمت استئناف طبعا..
أمس اتصلت بنت من ال IOM تخبرني بالقدوم للدائرة لاستلام النتيجة يوم الأحد القادم..
أسئلتي إخواني هي:
1- هل يوجد أحد منكم اتصلوا به للحضور يوم الأحد؟
2- يقال ان يوم الأحد لتبليغ الموافقات.. ويوم الثلاثاء لتبليغ الرفض.. هل هذا صحيح؟
3- إذا لم أحضر لاستلام النتيجة يوم الأحد (لسفري خارج الأردن) هل توجد مشكلة (طبعا في حالة أن النتيجة هي الموافقة)؟ وكيف يمكنني أن أعرف النتيجة فيما بعد؟
4- هل توجد مشكلة إذا طلعت الموافقة (إن شاء الله) وكان باقي أفراد العائلة خارج الأردن؟ (عندي 3 أولاد تم ختم جوازاتهم منع بسبب عدم دفع التجاوزات وهم الآن في تركيا بمعنى أنهم لا يستطيعون دخول الاردن حاليا)..
أرجو الجواب..
مع كل الشكر والتقدير والامتنان للجميع
أخوكم (العزاوي)
اخي الكريم العزاوي قبل كل شي من تفتح الموقع شيطلعلك ؟
لان الموقع صار اسرع من المنظمة بأكثر الاحيان
يعني مثلا انا فتحت موقع والدي طلعلي انه الاستئناف انرفض ولحد الان لم تتصل المنظمة به
اهم شي عندك استلم الموافقة وبعدها كلشي هين
بس ماسولفتلنه عن تفاصيل رفضك واستئنافك يعني صارلك كم سنة مستئنف وشنو كان سبب الرفض ومن هالتفاصيل .
نرجوا التواصل من قبلكم

57
عراق حبيبي .. بداعت السنين .. هسه اكولك منو جنان بولايه بطيخ ..
و ال 120 يوم هاي اسامينا انرفعت للامنيه ودائره DHSولازم يبتون بيه قرار .. اي لو لاء ..والي مراح يستلم جوابه معناها نام اكثر والك الله .. والي راح يجاوبوه يكون يأما سفر او رفض نهائي ..
من الاخير هاي 120 يوم الى دائره الهجره تفيدنه لانه نعرف الجواب الاخير مو نظل الى ما لانهايه .. والله كريم

فعلا ريان كلام دقيق والدليل فتحت الموقع مال والدي اليوم وبعد خمس سنوات استئناف على يد محامي امريكي لكيت هاي الرسالة

58
ابو الرون منيه جنان
بداعت السنتين ونص اللي كضيناها بالكروب سوه  ;D
هسه لدكلي غبن وماغبن سولفلي سالفة عرب هاي ال120 يوم بصالحنه لو لا حسب رأي عصفورتك ؟

59
يسعد صباحكم واخباركم .. ماشاء الله الكل باقين ولا واحد سافر .. شنو انتوا هلكد وطنيين تحبون العراق ؟؟ خرب عرضج جنان موتينا
عراق والبقيه الطيبين .. اسمعوا زين .. اعاده الملفات لنوعين .. قصه قويه وأمنيه ضعيفه =الرفض أو قصه ضعيفه والامنيه قويه =رفض
هسه خل نجي للمهم منخل هاي الاشهر الى شهر الثامن .... وبعد الثامن راح تبدي يتوضح الملفات المرفوضه لو طرد لو قبول وحسب معلوماتي كثير من الملفات بيه خبن للمقدمين ..
هسه نجي للخبر الي يعود الي .. نتدرون بيه مرفوض على السابع من 1\4\2014 وقبل سنه كتلهم زوجتي حامل وسوف تولد المهم كل جوابهم انه انته كيس مرفوض وانتظر النتيجه والي مندري بيه شوكت ..
امس بال 8.30 ليلا" ارسلولي ايميل المنظمه تباركلي بالمولود الجديد ويريدون شهاده الميلا والجواز .. جاوبتهم كتلهم طفله عمره شهرين ماعندي بس البطاقه الموحده وبيان الولاده .. ساعه ب 11.30 ليلا" جاوبوني كلولي ارسله النا ومن يصدر الهه جواز ارسله النه

السؤال الان .. الكيس مرفوض على السابع ..يصير أضافه طفل ؟؟ اذا مرفوض يصير تحديث على عدد افراد الاسره والامنيه الجديده ؟؟لو بس اجراءات اداريه فقط حتى في حاله القبول الكيس محدث للمعلومات يعني بس أداريه ولاتقدم للملف ؟؟
بس هذا يرجعني للبدايه الرساله انه لازم يتم البت بهاي الملفات المرفوضه واصدار النتيجه

شاركوني التحليل ؟؟

هلا ابو الرون يمعود عبالنة سافرت كصيناك تره  ;D
الف مبروك على المولودة الجديدة وان شاء الله رزقها وياها واتذكر كلمتي
بالنسبة لسؤالك هذا اللي اعتقده اجراءات ادارية الهدف منها تجهيز الملف في حالة الموافقة عليه حتى ميتأخر اكثر من هذا التأخير .
بس بداية كلامك مافهمته بصراحا ! شنو للشهر الثامن شراح يصير يعني ؟

60
ماكو أستنئناف 10 سنواتههههههههههههههههه اخي من اتخطه 12 شهر  مروفوض ميحتاج يدزلك الرفض كل وضع محامي سافرو  كل عقلك انته تقنع نفسك بشي مجهول ماكو شي يثبت انه انته سافر خل اجيبك من أخر ابنك صغير يصير بطولك عود اصعد بل طياره
اخي سيد الشمس السلام عليكم
مع احترامي لحضرتك بس المعلومة اللي ذكرتها انو الاستئناف من يعدي سنة مرفوض مرفوض !!
لدي امثلة كثيرة جدااا استئنافاتهم عابرة سنتين ونص و3 واتصلو بيهم على موافقة وفحص وباقي الاجراءات ..
تقبل مروري
وسلامي لجمع الاخوان القدامى والجدد
لكم مني كل الود  اخوكم ابو مريم

61
السلام عليكم ايها الاعضاء الجدد في هذا الكروب الكرام وتحية ايضا الى الاعضاء القدامى المختفين جدا جدا وبدون سبب واضح.
حبيت بس اعرج على كلام الاخ سيد الشمس يكول سنتين و8 اشهر فترة طويلة !
طبعا هاي فترة طبيعية بالنسبة لأي استئناف واخوكم صارلي سنتين ونص مستأنف ولا دادز رسائل ولاهم يحزنون مكتفي بالموقع وخلص.
اما السيد الوالد فه استئنافه دخل بالسنة الخامسة تحديدا 4سنوات و3شهوروالحبل على الجرار .
لاتيأسو من رحمة الله  لاترامب ولا ابو ترامب يمنعك اذا ربك اراد سفرك الى امريكا.
دمتم بود

62
تحية طيبة ..
اخي الكريم الموضوع جدا عادي وبكيف المنظمة بس الاغلبية ماتصلو بيهم واولهم اني من قدمت استئناف الى هسه صار سنتين ونص .
اصبر فأن الله مع الصابرين .
مودتي

63
السلام عليكم اخوان شنو القصة شو محد ماكو القدماء سافرتوا من توصلون فرحونة لاتخلونة هيج صافنين

الله يساعدك تفرج شلونك اخبارك اشو ماكو انت  ;D  والله امبين الجماعه لو زهكو لو سافرو
ريان اختفى وباقي الكروب هم طفر
ياريت اللي طفر بس يكول حتى نعرف بيها امل طفره لو نغسل ايدنه بمي لبلبي  ;)
مودتي للجميع

64
يابه والله موجود بس متعاجز اسجل دخول وادخل اعلق  ;D
المهم شلونكم شلع تفرج وريان شخبار امريكا وياكم خوما حسيتو بغربة
اني صارلي سنتين و3 اشهر والاستئناف لاحس ولاخبر
وجماله ترامب زاد الطين بله
لاقيمنه !

مودتي للجميع

65
يابه شلونكم يمعودين ..........
محد وصل لو بالطريق لأمريكا  ;)
الكروب هذا صارلة سنتين وشهرين ممعقولة محد سافر منه !!
ريان يمعود وينك  اشو سلام هوك لاحس ولا خبر !
رعودي شلونك حبيبي
ابو رهف الورده
تفرج  مافرجت عليك !

66
السلام عليكم ورحمة الله وبركاته ..
الاخوة الاعزاء في كروبنا العزيز واسرة منتدى الهجرة والمهجرين .. تحية طيبة
طبعا اولا اقدم شديد اعتذاري على انقطاعي لهذه المدة الطويلة والتي طالت ال 4 اشهر، لاني أيست من موضوع الاستئناف وكما تعلمون اني قد ابلغت متقدمي الرئيسي بأن يغلق الملف ولكن لحد الان لم نستلم منهم جواب سوى انه تم تحويل الملف الى الادارة المختصة ..
اخي العزيز ابو مريم (اراكفورم) اشكرك من صميم القلب لسؤالك الكثير عني وادعو الرب القدير ان تكون وكذلك لاخوة الاخرين وخصوصا (تفرج) بالف خير وان نسمع دوم اخبار جيدة عندكم ..
وصلتني رسالة من شخص واليوم وجدتها وحقيقة لا أعرفه ولكني علمت انه كان يستنجد وهو مثل حالنا شخص مرفوض على البند السابع ، والله سهلها عليه وطلع لعمان قبل 8 اشهر وهو الان منتظر مقابلة السفير الاسترالي (طبعا بخت الله يسهلها عليه) وهو مذاكر انه كان عنده معاملة من العراق ، فسؤاله هو هل يبلغ السفير بانه كان عنده ملف وتم رفض وعلى السابع مثلا ؟ ام لن يعرفوا به ان له معاملة ..؟ وهل سيؤثر رفضه على سير المعاملة الجديدة؟ من له المعلومة ارجو ان يجيب ولربما سوف يشاهد الاجابة بنفسه ؟ وله الاجر..
تحياتي للجميع وربي يسهلها عليكم .. داعيكم بالخير ... الحياة الحلوة / اخوكم من بغداد.

شلونك اخوية اخبارك ؟ اسف على التأخر بالرد بس مشاغل الحياة كثيرة
طبعا اللي اعرفة استراليا وتجييكاتها منفصلة نهائيا عن امريكا . لو كندا مثلا اكلك احتمال يعرفون موضوع الرفض  بس استراليا على الاغلب لا
بس ماوضحتلنه السؤال  هو سافر لعمان يعني نقل الملف للأردن لو شنو  وهل هو متحول من اليوان على استراليا لو تقديم خاص  لان اذا متحول من اليوان احتمال الشغلة تنعرف .
ياريت توضيح وتحياتي لحضرتك

67
السلام عليــــــــــــــــــــــكم جميعآ

اخ عراقي فورمي
بالخير والمبارك قبول أستئنافك و توكلك على الله للوجهة الاخيرة
لا تبخل عننا بتفاصيل معلومات القبول والمقابلات بعد وصولكم بالسلامة
وفقكم الله

اخوية Baguncero  بس لاعبالك صدك !! عمي دااشاقة والله  هاذي احلام اليقظة او احلام العصافير اخوية  :D

68
شلونكم ياشباب . اني حاليا بمطار فرانفورت ادعولي اوصل بالسلامة وابقى على تواصل وياكم
.
.
.
.
.
.
.
.
.
احلام العصافير  :-X
تحياتي للغائبين الحاضرين

69
الاعزاء اليوم الحلوه رجعت بس على غير برنامج وشافتني وفرحت بيه حيل المهم بوس ماكو عيب شغله عوجه ..
كالت وبالنص وبالحرف الواحد اغلب كيسات استئناف من ارقام 100- 106 تم الموافقه عليه .. وهيه عباله اني وياهم كتله مو اني 108
ماحجت شئ بس ابتسمت .. بس متأكد كالت بكلبه طيح الله حظك هههههههههههههههه
المهم مبروك للي أرقامهم طلعت

ابو الرون حبيبي ليش هو بقه واحد بداية ملفه 100 وماسافر ؟؟
يعني لا اني ولا انت ولا الجميع مشمولين بهذي الفرحه لان اقدم ملف مرفوض من العراقيين هو بدايته 108 وهو السيد الوالد وبعده ينتظر اربع سنين وماكو رد  >:(
واني بدايتي 125 يعني اعتبر نفسي تازة بالنسبة اله  ;D
بلكت بدو يتحركون على الملفات القديمة المرفوضه وتفض هذي السالفه

70
تهنئــــــه ..
نتقدم لكل الاخوه المستأنفين بأعطر التهاني واجمل التبريكات ,,,,
.
.
.
.
.
.
 بمرور سنتين على انشاء الكروب اللطيف هذا ومرور سنتين ايضا على تقديمي للأستئناف
الله يطول بعمرنا وبيكم خير واستئنفو  ;D ;D

71
الله يكون بالعون اخي لكن لازم تكون متوقع مثل هيجي مفاجأت من امريكا بعد مارفضت في عام 2014 من منظمة مصر حوالي 60 كيس !! وكلهم على البند السابع ,, تخيل منهم من وصل مصر عام 2003 عمره عشر سنوات وهم رفضو على المربع السابع !!
المهم نصيحة اذا كنت خارج العراق لتقدم استئناف وارجع لليوان احسن لان مثل ماشايف اني صارلي سنتين ضبط من مقدم ولاجديد وغيري صارلة 3 سنوات و اربعه  ولاجواب ... والامر يرجعلك

72
لورد مشتاقين اخي  شخبارك  شصار على قضيتك  بعدك تنتظر ؟

73
الســـــــــــلام عليكم ..
شلونكم ياابطال الانتظار والله يساعد قلوبنه وتنتهي على خير  بشرفي حتى لو اسره بأيران هم جان فضت سالفتنه  ;D ;D ;D
المهم اني مبتعد شوية عن الكروب بسبب انشغالي بعمل جديد بعيد عن اختصاصي  بس هاي ضريبة الغربة بالدول العربية  والحمدلله والشكر له ..
بشرفي اي شي يصير ايجابي انتو اول الناس تعرفون بي
شخبارك تفرج حبيبي   ريان اشو حيل مختفي  رعد السراي وابو رهف  والحياة حلوه وبقية الشباب  تحياتي الحارة الكم  وباقين على تواصل ان شاء الله

74
يابه شلونكم يمعودين شخباركم ماكو منكم واحد سافر لو انرفض ؟
ريان حبيبي شخبارك  مابين شي منك ؟
اني اعتقد مأجلين كل ملفاتنه لحد الانتخابات الامريكية وديشوفون منو يفوز ووراها لو يقبلونة لو يرفضونه في حالة فوز ترامب
مجرد تخمين مو اكثر
وخل نسمع اخباركم بشرفكم


75
شلونك اصدقائي اخباركم .. اعذروني عن الانقطاع بس الفرحه نستني كلشي ! ؟
احلام الفتى الطائش \\\\\\ المهم طبعا لاجديد ومع انشغالات الغربة والبحث عن عمل اخر والحمدالله على كل حال وعتبنه على الاخوان اللي يدخلون يتفرجون فقط

76
والله يااخي مااعرف شنو اكول ... انا اشتركت في الموقع الجديد من يوم 21 بشهر الواحد ! يعني صارلي 6 أشهر بالضبط ولم تصلني رسالة التفعيل وخابرتهم وبعثت اكثر من 20 رسالة وكل مرة يكون ردهم  لقد حولنا طلبك للقسم المختص وسوف نقوم بمساعدتك والله وكيلك ذاك يوم وهذا يوم ,,
انت وحظك يجوز يجيك ويجوز لا
دمت بود

77
تحية لك اخي ابو ميس للمجهود وذكرتني بالاخ لورد لأن كانت هذه مهمته  رصد اعداد المسافرين من العراق ومن بقية البلدان .
دمت بود

78
سلآم عليكم
انا فقدت الأمل بالمنظمة و SIV
هذا مو تشائم بس بعد 6 سنوآت ضاعت من عمرنا!
صار أكثر من سنة بالأستئناف وماكو شي!
تحياتي لكم الله يسهل عليكم

والله يااخي حقك تقطع الامل لان الاغلبية عبرت سنتين وماكو اي رد لحد الان , واكو استئناف عبر ال3 سنوات وسبع شهور وايضاً بدون رد ف اليأس اصابنة كلنا ومااعرف ليش الى حد الان لم ينظرو بقضايانا مع العلم قبل كم يوم خابرو على صديقي على سفر وهو ولا رايدها ف بعد نقاش معهم حول التأجيل وماوافقو رفض السفر ... اوووف النه الله

79
هوه ضل واهس .. كل ما أريد اجيبلكم خبر بيه حظ تصير مشاكل ويتأجل القرار .. والنوبه الشغله مال فرنسا وطرامب راح يركض كل بالعباس اله اسوي المسلمين طشارهم ماله والي بأمريكا وبالعراق .. ابن الطراك متحلف بس يستلم الحكم يسوي المنظمه .. مخبز فرنسي .. والاجئين يسويهم كيس مال خبز .. ويبيعنه لافريقيا مساعدات ... خرب بلشته الي سوى بينه اخذ الطايحين الحظ مع احترامي للطيبين .. وخلانه فاتحين حلكنه نتوسل بستأناف من ولد العاهره زز

المهم منو طبخ باجه بالعيد .. وين رحتوا بس لا مثلي مكابلين المولدات وادكله ربابه بحيث حسيت نفسي جبار عكار

صباح الورد
عزيزي ابو الرون بس لتصير عصبي وكلشي ينحل  :D
هيه هاي امريكا لعد شعبالك  لعد بشرفك استئناف راح يوصل سنتين ولحد هسه ماكو نتيجة وهما كايلين اقصى مدة للرد هي 12 شهر !! أضافة الى الوالد صارلة ثلاث سنوات و سبع شهور وهم ماكو رد !!! أين العدالة ياناس
خل نكلب صفة ,,,,, وداعتك بالعيد لاطلعنة ولا شي بس بلبيت واني حاليا امر بظروف خاصة ف اكثر الاوقات متواجد بالبيت .
ماكلتلنه شكد صار على استئنافك ؟ ؟

80
والله اختي الله يكون بالعون وقت مو قليل سنتين و3 اشهر  هو العمر كم سنتين بي حتى ينقضي بالانتظار !!
والنوب حتى الاعضاء القدامى اغلبهم اختفو وكم واحد يدخل يتفرج ويطلع بدون حتى مايسلم  شنو السبب مااعرف ؟
الله يفرجها على الجميع .
دمتم بود

81
كل عام وانتم بألف خير  اسأل المولى عز وجل ان يجعل ايامكم القادمة افراح ومسرات واعياد وان يتمم عليكم الفرحه الكبرى بقبول استئنافاتكم وأزاحة هذه الغمه من على قلوبكم والسفر العاجل انه سميع مجيب الدعاء .
اخوكم أبو مريم

82
الهجرة و واللاجئين / سؤال
« في: 03:54 05/07/2016  »
والله يابه كلام دقيق 100% ...

سؤال اخوان ((( منو وصل استئنافه سنتين ونص ))) ؟؟؟

83
اخوان سوال للي يريد يسوي استئناف لازم يرسلهن اثنيناتهن بنفس الوقت يعني الي بالايميل والي ب دي اج ال لو ينتضر لحد ما يوصل مال الدي اج ال يال يرسل الاستئناف الي عن طريق الايميل وشكرا والله يفرجه على الكل

اخي لو تبعثه بل DHL لو بالأيميل  اما بالنسبة للمنظمة ف راح يعتمدون على اول الواصلين واكيد الأيميل اول الواصلين

84
السلام عليكم اخوان اليوم فتحت الموقع كاتبين الملف مغلق مفتخمت يعني الاستأناف ان رفض لو شنو بهل الحاله شسوي ارجوا  النصيحه
الكل نفس الشي اخت ام فرح راسلوني بعض الاصدقاء ايضا نفس الحالة

85
ممكن عادي تسويلها كوبي بيست .
اما بالنسبة لقضية المحامي بأمريكا مانصحك بي لان مجرد زخ فلوس وكلشي ماتفهم منه شصار ماصار ولعبالك الرد يجيك بسرعة  تره اخوتك نايمي سنة وسنتين و ثلاثه واكو بينه عبر 3 سنوات ونص .
هدي اعصابك كم يوم  وفكر على روائه على كولة المصريين

86
اني تقديم العراق وماطلعت خارج العراق ..... اذا تلاحظ اخي الكريم انو الرفض اجه ورا الفحص الطبي بثلاثة ايام فقط سؤالي هنا ؟ ليش يجرون الفحص الطبي ووراها يجي الررفض معناها ماكو تنسيق بين المنظمة ودائرة الهجرة الامريكية والا ليش خسارة الفلوس . هذا واحد
٢ اني قريت فقرة القانون المرفق اللي هو     INA 212 (a( (3) (B( i) )1) كلش مزعج هل بالامكان ان ارفق شرح القانون خاطر تتطلع عليه الناس وهم حضرتك تشوف بلكي نلكه فقرة فيها ثغره .
اسف ماكدرت ارفق فايلات لان كبيرة
بأمكانك اخ علي ان تشرح ماتريد  بس انت طالما بالعراق كيف راح تسوي الاستئناف ؟ هو عموما المربع الخامس هين مو مثل السابع

87
اخي الكريم المربع الخامس عدم آهليتك للتوطين في امريكا :: يعني شافو انو انت ماتستحق توطين الى بلدهم وهاذي بيها كثير وجهات نظر وطبعا هذا رفض محلف مو رفض سلطه عليا  والحديث يطول حول هذه النقطه
انت بالعراق لو بره ؟

88
السلام عليكم
شلونكم اخوتنا واخواتنا كروب المستئنفين ان شاء الله زينين وبمناسبه دخولنه العشره الاخيره من رمضان الخير والبركه اعاده الله علينا وعليكم باليمن والبركه وان شاء الله نسمع عنكم اخبار جديده ومفرحه .
علما انني عندما اقوم بالدعاء في هذا الايام الفضيله ادعي للعراق والامان وللاهل وللاصدقاء والشئ الوحيد الي ما ادعو اله هو ان ينقبل الاستئناف ماعرف ليش انساه ولو مرات اذكره بس ما ادعي ماعرف ليش؟ يمكن لان الموضوع اصبح غير مهم واحتمال بعد العمر ميسوه للغربه والله ماعرف مع العلم اني فرحانه بهذا الشعور لان احس نفسي تحررت من عبوديه iom
تحياتي لكم جميعا

والله يااخت نور مااعرف شكول وشحجي !! احنا بغربة والغركان يتعلك بكشايه مثل مايكولون وماعدنة غير هذا الامل نتعلق بي ولو طال انتظارة ونسبة القبول ضعيفه جداً بس شنسوي .
وداعتج اكيد الكلام مو من كل قلبج هسه بس يدك تلفون المنظمة اطيرين من الفرح وتنسين سنوات الانتظار كلها بس انكول هيج حتى انواسي نفسنه لااكثر .. اكثر من الدعاء اخوان للجميع ..
مودتي

89
اخونا الكريم مبروك قبول استئنافك وان شاء الله الايام الجايه يتم الانتهاء من التجييكات الامنية ويتحددلك موعد سفر  ومثل ماذكر احد الاخوه انهو لاتعتمد على الموقع  لانه في بعض الاحيان يتخربط ..
اطلب منك طلب  ان تشرحلنه الاتي ولو انتعبك :
1 ماهو سبب الرفض (أي مربع)؟ وكم من المده استغرق دراسة الاستئناف (شكد وردولكم بالموافقة)؟ وفي أي بلد حضرتك مقيم
وشكرا لسعة صدركم

90
السلام عليكم
مشتاقين
صار هواية ما داخل للموقع .. آني زبون قديم (IOM) تقديم بغداد 2009 .. رقم الملف IZ-108…

1- تاريخ التقديم : 12/1/2009
2- سفر أبني الى أميركا (كان بملف منفصل لأن عمره 23 سنة) علما" آني صاحب الملف الرئيسي : 14/12/2010
3- الرفض على البند السابع : 9/7/2014
4- تقديم الأستئناف الأول : 26/7/2014 (الأرسال كان بالبريد الأكتروني وبال (DHL) للمنظمة بعمّان)
5- رفض الأستئناف : 11/6/2015 ( بينما تاريخ كتاب الرفض : 17/12/2014 )
6- تقديم الأستئناف الثاني : 31/8/2015
ويتضمن رسالة دعم من أبني بأميركا + شهادة عدم محكومية مصدّقة + شهادة الدورة التثقيفيّة مال المنظمة .. (الأرسال كان بالبريد الأكتروني وبال (DHL) للمنظمة بعمّان) ..
7- كل شهرين أرسل أستفسار ويجيني الرد أن طلب الأستئناف قيد الدراسة (كليشة المنظمة).
8- أبني قدّم على الجنسيّة ووافقوله وراح يردد القسم قريبا".
9- أنا وباقي العائلة بعدنا بالأنتظار (الأم والأولاد الثلاثة).
10- الله كريم

شلونك اخوية سمير اخبارك امورك ؟ اني برأيي اذا عبر شهر الثامن وماردولك برفض لاسامح الله ان شاء الله تسري الامور بخير وادعيلي وادعي للجميع

91
السلام عليكم..  اني قديم ملفي 128 تقديم 2011 اجاني رفض بشهر 10 2014 على البند السادس (others) قدمت الاستئناف بشهر 12 2014 ولحد الان كل ما اراسل المنظمة يجيني الرد ملفك قيد الدراسة..  مكن اخد يفهمني شنو الموضوع اكو طلب استئناف يطول سنة ونص قيد الدراسة مع العلم مقابل مقابلتين ومكمل الفحص الطبي..  شكرا لكم

اله القمر انا قبلك ب3 اشهر ولحد الان لاتوجد نتيجه والله مع الصابرين

92
اخوية تفرج مشتاقين اولاً  وثانيا اني بوقتها كلتلكم على هذا الشخص بس شكلت نسيت الله يساعدك
هذا انرفض بل 2012 وهسه بامريكا يسمع حسك  8)

93
السلام عليكم اخواني و اخواتي مثل ما تعرفون جاني رفض الاستئناف يوم 6 بهذا الشهر و دزيتلهم اعتراض على رفض الاستئناف و حاججتهم بكل تفاصيل ملفي اذا اكو شي يدعو الى رفض ملفي طبعا بعد يوميين جاوبوني انو ملف انرفض استئنافه و غير ممكن قبول الاعتراض ولكن اليوم اتفاجئت بتلفون من المنظمة من عمان طلبت مني اقدم الاعتراض على شكل استئناف ثاني لان وافقوا اقدم اعتراض و استئناف ثاني كتله اكو امل تكولي راح انسوي الي علينا والله كريم .

يالله  يحيي العظام وهي رميم بلكت الله يفتحها بوجهك انت رجل محترم وتستاهل كل خير

94
السلام عليكم اخوان اريد واحد يساعدني بترجمه رساله الاستئناف لان اريد اقدم استئناف بلا زحمه عليكم
ومشكورين والله يفرج عنكم
اعتذر منك اخي الكريم بالنسبة لأستئنافي وديته لمكتب ترجمة سواليا

95
سادتي الافاضل هذا ليس كلامي وانما كلام مديرة المنظمة في مصر قالت بالحرف (( الادارة الامريكية بعد متصرف دينار واحد على الفحص الطبي اذا ماتكون متأكدة 99 بالمية ان صاحب الفحص سوف يدخل اراضيها ))
تحياتي

96
اخي اللي يفحص طبي معناها هو 99 بالمية مسافر ان شاء الله

97
اخي الكريم حضرتك في وقت سابق طلبت رأينا بهذا الموضوع وبالتحديد قبل تحديد موعد سفرك من قبل المنظمة وانا شخصيا كتلك لاتفوت الفرصه عليك لأن الفرصه تجي مرة وحدة وكل الاعضاء اللي دخلو في وقتها كالولك نفس الكلام ومع ذلك حضرتك اصريت على الحصول على كل شئ الشهادة والسفر!!  ومو هيج تنقاس الحياة لأن الحياة عبارة عن ربح وخسارة وعلى كولة اهلنا (اللي يريد شي يعوف شي) اذاً انت تتحمل نتيجة قرارك الخاطئ وياعالم احتمال يجيك رفض مع مجموعة الرفوضات الهائلة التي يتم ارسالها لأصحاب الملفات المعلقة .
عموما اللي فات مات واللي انكسر مايتصلح ,, تكدر حضرتك تاخذ اقامة لغير السياحه من مجمع التحرير تجدد لمدة 6 اشهر عسى ولعل الله يفرجها عليك .
مودتي

98
مقدم استئناف صارله 8 اشهر و اجا رفض على الاستئناف هو على البند السادس , يعني ما سمعت واحد مقدم استئناف وافقوا عليه اذا اكو ياريت من الاخوان يخبرونا
بارك الله بيك اخي على سرعة الرد .. اما اذا ردت امثلة ف الامثلة كثيرة .. صديق صديقي وانا تكلمت معاه شخصيا بالتلفون وكان مرفوض على السابع وطول استئنافه سنتين ونص واجته الموافقة بحيث هو الرجل يكون انا اصلا نسيت الموضوع فجأة رن التلفون واذا هم يكولولي استئنافك اللي مقدمة وافقة الحكومة الامريكية عليه   بس نرجع ونكول مسألة حظ لااكثر ..
دمتم

99
الاخ زيد ما يفيد اي شي وياهم اليوم عندي ولد صديق في عمان ايضا استلم رفض الاستئناف وكان رفضه على البند السادس ايضا مثل حضرتك و شبه تعارك وياهم , خوية مايفيد ما مقسومة هي كلشي قسمة ونصيب و هي هم كل واحد هو و حظه المحلف اذا كان متفهم تعبر واذا كان حشاكم محشش ويقفل ما ممكن تعبر , المصيبة الي رفض بند سابع كلشي ماكو عليهم .
مو خوش خبر والله ... اخونا الكريم صديق حضرتك شكد صارلة مقدم الاستئناف  ؟ ياريت تسأله وتردلنه .
دمت بود

100
شلونكم ياشباب  ان شاء الله يعوض كل من انرفض استئنافه بالاحسن منه لان ذولة صدك ماعدهم انسانية  صارلي سنة و9 شهور ممعقولة هيجي الاستئناف مالتي يدوخ بحيث مامتخذين قرار لحد الان ؟؟ هاي لعد لو اسمي ينتهي بلقب  بن لاد ن جان شصار بيه  ;D  يمكن جان استئنافي فد 15 سنة يالله يردون عليه ...
عموما منكول غير حسبنا الله ونعم الوكيل

101
والله موخوش بشارة اخ زيد !!! فعلاً لعد ليش يورطون العالم بموضوع الاستئناف ويضيعون سنين من عمرهم !! لاحول ولا قوة ألا بالله وحسبي الله ونعم الوكيل ., اعتقد حضرتك صارلك 6 اشهر على ما اظن ؟

102
شلونكم حبايب ..
حبيت اسلم عليكم طبعا رغم انه لاجديد يذكر على الملف !!
لكن تأكدو ان الله لاينسى عباده ابدا '
للمزحه حبيت اكول ؟ اكو صديق اليه من كربلاء مرفوض ع البند السابع خابرني قبل اسبوع تقريبا ! يكول اني بالبانزيخانه دا افول سيارتي بانزين وهوسه وكذا ، يكول دك تلفوني طلعته من جيبي لكيت المنظمه دتتصل عليه ، يكول ايد لازم بيها هوز وايد لازم بيها تلفون ، حجت ويايه بنت كالت معاك المنظمة الدوليه للهجره عمان !!!! الغريب انه كاللها ممكن عشرة دقايق وتتصلين بيه لان ازدحام وماسمعج واني بالبانزيخانه هههههه
....
اكيد اني رفعته خيط وشديتله علاوة بعد ان سمعت رده الها ههه
...
اااخ الله

رعودي عاش من شافك يمعود
مع احترامي لصديقك بس هذا مرتاح وميهمه السفر سواء طلع أم لا  لأن لو مثلنه متلوع قلبه جان عاف السيارة بنص البانزينخانه وطلع يركض .. الله يفرجها على الجميع اللي محتاجها وامورة صعبه  وكل عام وانتم بألف خير بمناسبة حلول شهر رمضان الكريم

103
مساكم الله بالخير ياهلي الطيبين .. اعتقد مابقينه بس انا وتفرج واكليل مواضبين بالمنتدى والكروب والباقين كلهم طفرو وعتبنه عتب احباب عليهم  حت لو يلقون السلام وكلشي مانريد منهم  والله يفرجها على الجميع .
دمتم بود

104
السلام عليكم اخواني حبيت اودعكم لان فررت ارفض استئنافي بنفسي ليش انتظر يجيني رفض الاستئناف لان بصراحة اصبح الموضوع مضيعة للوقت و قررت الغي موضوع اعادة التوطين عن طريق الااي او ام الى امريكا . احب اشكر كل الاخوان والاخوات في هذا المنتدى ولن انساكم ابدا مما قدمتوا لي من معلومات ونصائح و اتمنالكم التوفيق ونسال الله يسهل امركم ويفتحلكم كل الابواب يا اعز الناس

اخوية زيد شنو معنى ارفض استئنافي !! ماكو مصطلح بالمنظمة بهيج اسم .. اذا حبيت تلغي الفكرة من راسك انسى الموضوع وفضت راحت وكأنه شئ لم يكن  بس كول يالله يحيي العظام وهي رميم لتستعجل

105
لاحول ولاقوة ألا بالله ..
والله عجيبة يااخي هذولة شلون يفكرون اشو اللي ممحتاجها طلعتله وسافر وهسه معاجبه الوضع هناك ويريد يرجع والله محتاجها جدا مثلك ينرفض !!! اين عدالة السماء يا الهي ممعقولة كل هذا البلاء ونكول عليه اختبار ..
عموما اخوية والله مااعرف شكول بس حاول ارجع لليوان وانطيهم هذا الرفض اذا بعثولكيا  واكعد بالباب وزن على راسهم لان ماعندك غير هذا الخيار والله يوفقك والله عليك لاتقطع ويانه  انت اخ عزيز رغم الفتره القصيرة اللي عرفناك بيها

106
مرحبا اخواني
اني مسافر من قبل 5 سنوات ونص وحاليا ساكن با امريكا سان دييكو. مقدم معمله الى اهلي واخويه من قبل 3 سنوات عن طريق ال أي او ام عراق وبعد انتظار 3 سنوات قابلوا مقابله ثانيه بشهر الثالث اللي راح وقبل يومين اجه رفض لقضيه اخويه وللاسباب المكتوبه بالصوره المرفقه وحددوا فحص طبي لابويه وامي لانهم برقم كيس منفصل. صراحه الصدمه خياليه ومدا اعرف منين ابدي وحاولت اتصل بكم محامي هنانه علمود كتابه الاستئناف بس ماعدهم خبره بالموضوع
احد يكدر يدليني شنو اكدر اسوي وشنو المعلومات اللي لازم اخليها بهالاستئناف شونو ينفع وشنو مينفع
اكو محامين ممكن يساعدون بهالشي؟
شنو نسبه قبول الموضوع؟
الحيره مستحيله ومدا اعرف منين ابدي  :(
وتحياتي مقدما لكل الردود النافعه

اخي الكريم اكو محامي ب سان دييغو اسمة عزيز اسمر وهذا جدا مشهور وسوا قضايا استئناف الى اخوان اعضاء هنا في الكروب اضافة الى انه له خبرة في قضايا الهجرة واللجوء  تكدر تسأل عليه بسان دييغو  ولاتشيل هم سهله حبيبي

107
السلام عليكم
اسف انقل الكم خبر رفض احد اصدقائي في الاردن وكنا قد استلمنا نتيجة الرفض في بداية  شهر العاشر من العام الماضي وقدمنا استئناف نفس اليوم نهاية نفس الشهر من العام الماضي علما اننا الاثنان رفضنا على البند السادس ووصله الرفض عبر الاميل
وبصراحة جدا قلق على نتيجتي واتوقع سوف تظهر قريبا
لكني خائف جدا فان وضعي لايتحمل الرفض
ادعولي النتيجة تكون بصالحي
اخوكم
سندباد العراق
عزيزي سندباد  مثل ماقال الاخ زيد اللي قاسمة الله لازم نشوفة يجوز الله ضاملك الفرحه بس يرادلها شوية صبر وثانيا اكو نقطة حيل مهمه اذا حضراتكم انتبهتو عليها ( اغلب رفوضات الاستئناف دتجي قبل مايكمل الاستئناف السنة وبعضها يجي بعد مرور السنة و3 اشهر لااكثر ) الله اعلم يجوز قضايانه صاعدة الى مرحلة تجييك امني ماقبل صدور الموافقة  الله اعلم ولاتضوج اخي ان شاء الله خير واللي كاتبه الله ماينمحي

108
تحيه طيبة للجميع
اخ سيف سفرك لعدة دول ماله اي علاقة بالرفض ,, احتمال الخطأ اللي بالاسم يكون احتمال وارد  واذا تكدر ادبر فيزة لامريكا لاتقدم استئناف  انتظر تنتهي ال90 يوم ووراها قدم على الفيزة ,, اما بالنسبة للسفر الى تركيا ف تقدر تقدم على اليوان عادي بس لما يتحول ملفك لقسم التوطين يجب عليك تبليغهم بأنك قد تم رفضك من امريكا مع تقديم كتاب الرفض لهم ...

اخت اكيل نحن ايضا ليس لدينا سوى الانتظار  والله كريم

109
الف الف مبروك اخ ابو ميس انت انسان طيب واللي بقلبك على لسانك وتستاهل كل خير وان شاء الله عز وجل سفرك بشهر السابع او الثامن
دمت بود

110
اخ علي ابو ايليا تمنيت ان ننجمع في مناسبة ومكان احسن من هذا ولكن قدر الله ماشاء فعل ,
المهم طالما الرفض ماكان على البند السابع انت بأمان  وعندك عدة خيارات  اولا اذا حضرتك بأمريكا تكدر تشوفلهم محامي يسويلهم ويكتبلهم الاستئناف بمبلغ من المال , اما اذا حضرتك كنت في بلد عربي غير العراق واهلك معك ف تقدر تسوي الاستئناف بكل سهولة عن طريق مكاتب منتشرة في هذه البلدان اما اذا كانو معك بالعراق ف ألك الله واتمنى الاخوان يساعدوك بخصوص موضوع الاستئناف اذا كان بالعراق لأن ماعندي أي معلومة عليه .
دمت بود

111
عزيزي سندباد تحية لك بس صدقني هذا مو كلامي  هذا كلام محاميه في مكتب متخصص لعمل الاستئناف هنا في القاهرة  قالت لي بالحرف هل هنالك شئ يستحق ان تجازف من اجله وتقدم طلب أعادة النظر في قرار رفضك ( يعني شي محوري حدث لك بعد مقابلة المحلف بأعتقادك سوف يغير مسار قضيتك ) وطبعا هاذي وحده من مجموعة نقاط ناقشتني بيها  وللعلم هي رفضت تسويلي الاستئناف لأن ماتعرف سبب الرفض ,, طبعا رفضي على الفقرة السابعة .
دمت بود

112
اخ slamer 777 برسالتك طلبت كليشه رسمية للأستئناف  واني احب اوضحلك ماكو شي اسمة كليشة رسمية للأستئناف لان كل واحد أله الكيس الخاص وبي وظروفة الخاصة وقصته ووضعه  وايضاً ماكو شي اسمة (حتى ارتب قصه مضبوطه) اخي الكريم قصتك يمهم بما فيها تفاصيل ملفك باالكامل  واذا كان عندك اعتراض على قرار المحلف او قرار الحكومة الامريكية برفضك  ف تقدر توضحه بتقديم طلب الاعتراض على قرار الرفض ,, يعني خلاصة الكلام هو السؤال التالي (( هل حدث لك شئ جديد بعد مقابلة المحلف يستدعي تغيير نظرة الحكومة الامريكية بقرار رفضك أم بقى الوضع كما هو عليه من بعد مقابلة المحلف ولحد الان )) ؟؟
جاوب على هذا السؤال ويصير خير ان شاء الله

113
الف مبروك اخ ابو ميس .. هانت ان شاء الله  مابقه الا القليل

114
عزيزي اقصد انا قدمت الاستئناف بشهر التاسع عام 2014 ولحد الان ماكو رد  والله يسهل للجميع

115
اني البارحة اجاني رفض يمعودين اريد كليشة مال استئناف حتى اسوي مثله الله يوفقكم لا تغلسون وشمكورين مقدما
لاحول ولاقوة الا بالله
مانغلس ان شاء الله بس انت اهدء وارتاح وريح بالك فد كم يوم هسه اتشوف الامور فرقت عندك (الحزن خف والتفكير صار اوسع) واطمئن انا احاول ارفعلك الكليشة اللي انا قدمتها وابعثها الك برابط  وادلل بس احاول افرغ نفسي فد كم يوم .

116
السلام عليكم .. والله يااخي حزنت لما سمعت الخبر هذا  عموما الله كريم ارتاح فد كم يوم وصفي ذهنك وان شاء الله مانقصر وياك بالكليشه  وان شاء الله اعطيك الكليشة اللي انا سويتها بالاستئناف واللي الى حد الان ماكو اي رد من المنظمة صار حوالي سنة و8 اشهر .. سهله لاتفكر لها ربٌ مدبر .
مودتي

117
شلونكم ياكروبنا العزيز شلون راح اكدر افاركم اذا طلعتلي الموافقة   ;D
يلا اقوي قلبي مثل ماسوو الشباب القدماء وطفرو بلا حس ولا نس  8)

118
اخي الكريم مسألة التجييك الامني تعتمد على كثير شغلات  مثلا السن والبلد الذي تعيش فيه الان وكم مدة اقامتك في هذا البلد  والخدمة العسكرية وعملك في الدولة و و و و .
اعرف صديق راح يسافر بعد 4 ايام  التجييك الامني مالته طول شهر ونص فقط وحددولة موعد سفر لكن هو مو بالعراق .
دمت بود

119
اخونا العزيز هل حدث شئ بملفك يستدعي اعادة مقابلة المحلف ؟ مثلا ولادة طفل او لاسامح الله حالة وفاة او من هذا القبيل الذي يستدعي اعادة مقابلة المحلف وهي عادة مقابلة روتينية لتحديثاً حصل في الملف

120
انا اوافق الاخت نورا الرأي , بكلا الحالتين لازم يتصلون بينه قبل اي تغيير يحصل بالموقع سواء سلباً ام ايجاباً  بس الموقع هو للدعم المعنوي لنا ولتقوية الحاله النفسية والصبر , هذا من وجهة نظري ولذلك انا بطلت ادز رسائل للمنظمة اطلب فيها ان يرسلون لي رسالة التفعيل للموقع لأن داشوفها كلها خربطه في خربطه .
دمتم بود

121
مبروك لقبول استئنافي والرفض كان المربع الخامس مقدمه من مصر شهر الخامس سنةالماضية والرد جاء يوم الواحد في الشهر الرابع في هده السنة وكمان عملت الفحص الطبي من 20 يوم وغير مكتمل من الموقع شو راح يصير  تحياتي   
الف مبروك عليك اخي الكريم بس ياريت تكول حضرتك عراقي ام سوري

122
اخت نور اغلب الاخوة الاعضاء وخصوصاً االقدماء رفضهم كان على المربع السابع  واعتقد الاخ الحياة حلوة ايضاً السابع ..

اخ ريان اخبارك امورك اشو مختفي حيييل لاسلام ولاكلام يمعود  ;)

123
اولا مرحبا بيج اخت نورا وعلى ذكر المربعات  المربع السادس اهون بكثير من السابع بس يرادلها صبر لان انتو الان في بداية الطريق .
اخوية gls انا من شهر الواحد سويت ريجستر ولحد الان ماكو رسالة تفعيل وشنوالسبب مااعرف ! انت ينفتح الموقع لو هم ماكو رسالة تفعيل ؟

124
يابه بالنسبه للأعضاء القدماء والجدد كل واحد يكتب شكد صارله مقدم استئناف تره طفرت ارواحنه ونريد فد شي نتسله بي اذا تكرمتم.
بالنسبة ألي صارلي سنة و7 اشهر بالتمام والكمال

125
فاتني ان اسأل الاخ حيدر قاسم سؤالين ..
شوكت سجلت بالموقع وشكد بعدها اجتك رسالة التفعيل ؟

126
بالنسبة للأخ  " اني المنسي " بعثتلك اللي طلبته مني برسالة برابط على الخاص واسف على التأخر بالرد

127
تحية حب وود لكم جميعاً .
اخ سندباد ليش تتفاجئ من سنتين او ثلاث ؟ سبق وان ذكرت ان الوالد مضى على استئنافه ثلاث سنوات و أربعة اشهر  ف خلي روحك رياضيه عزيزي  وحسبي الله ونعم الوكيل على امريكا عديمة الانسانيه والرحمة

128
يجي يوم من الايام وانت من ضمن هاذي الاعداد ,, يم الله موبعيده
مودتي لك لورد

129
السلام عليكم شلونكم اخباركم باذن الله فرج الله قريب ادري بيكم ضايجين
والله يازيودي ضجنه او لا ف ماراح يقدم ولا يأخر بملفاتنه ,,
واحب اسجل عتبي على الاصدقاء بالكروب لا حس ولا خبر شنو سالفتكم ؟ ولو بس سلام لا اكثر !!

130
بارك الله بيك اخي الكريم على مساعدتك لأخوتك المحتاجين المساعده

131
شلونكم جميعاً ..
اخوان الموضوع مو خالي بالنسبة للأشتراك بالموقع , على سبيل المثال اول ماانفتح الموقع الجديد كلنا اشتركنا , اكو ناس رأساً جتها رسالة التفعيل وره يومين واكو ناس لحد هسه تنتظر وتبعث ايميلات وبدون اي فائدة كلها ابر مغذي وبدون نتيجة ف بهذي الحالة اني أرجح احتمال واحد ميصير اثنين وهو اللي مابعثوله رسالة تفعيل ملفه مغلق من واشنطن ومثل ماتدرون المنظمة هي غير منظمة يجوز فد سنة يلا يبلغونه بالغلق هذا !!
ياريت من الاخوة اللي عدهم رأي آخر خلي يشاركون بهذا الموضوع .
مودتي

132
عزيزي iraqforme نفس المحصلة تنتظر قرار الاستئناف
صحيح ، بس اكو فرق بحالة الملف شنو السبب ؟

133
تفضلو هذا ملف السيد الوالد ..

134
اخ سندباد المنظمة سوتك شاعر ..؟
اذاً وراء كل شاعر عظيم منظمة سيئه  ;D
مودتي لك

135
السلام عليكم شلونكم اخواني و اخواتي صار عندكم اي تحديث شنو وضعية ملفاتكم خلونا نعرف اخر الاخبار

حبيبي زيودي اني حتى موقع جديد ماعندي  يمكن المنظمة عداوة ويايه لان ماكو اي تبرير للي ديصير ماعدا انو يمكن اخاف اكو رفض مبيت واني مااعرف  :-\

اخونا gls يمعود وين هالغيبه  نص الكروب سافرو وانت غايب عنا  ;
D

136
حلوة ابو رهف الورد  ;D  يمعود لاتكطع  اعتبرها كهوة ومجتمعين بيها ونسولف ..
اخوية سندباد سويت سكرين شوت لأخر ايميلين استفسار مالتهم وسويت ربلاي لرسالتهم الاخيرة هذي وارفقت السكرين شوت مال اخر ايميلين  وكتبت كم كلمة بحقهم  وخلي نشوف واني متأكد رسالتي راح تهمل  بس شسوي ماباليد حيله ..
مودتي

137
اميـــــن يارب العالمين الله لايضيع تعبنه وصبرنه مع هاذي المنظمة الغير منظمة ..
وبالمناسبة اخوية سندباد بعد انتظار اكثر من شهرين ونص وبعد مليارات الايميلا اللي دزيته للمنظمة بخصوص رسالة التفعيل  الافندية دزولي رسالة لبارحا الصبح يكولولي انت مسجل بالموقع الجديد ب ايميل جديد ماموجود ضمن ملفك !!!!!!!!!!!!!!!!  يعني شكول وشحجي والله اللسان عاجز على وصف هذه المنظمة المخربطه التعبانه . حسبنا الله ونعم الوكيل فيهم

138
اخ راشد  ارسلتلك رسالة بيها المطلوب  وتدلل .
دمتم

139
عزيزي راشد اعطيك استئنافي خير مثال :: انا سويت الاستئناف 5 صفحات (اول شي عرف بنفسك وكول اذا انت مزوج او غير مزوج واسماء اطفالك ومواليدهم وبعدين اشرح ما اذا كان اكو فد صعوبات واجهتك اثناء مقابلة المحلف  مثلا منطاك وقت كثير او المترجم كان تعبان الخ .. وبعدها قدملك فد رسالة دعم من شخص يحمل الجنسية الامريكية وكما هو موضح بالملف اللي رفعته سابقاً ويبقى بالاخير التمس من جكومة امريكا انو تعدل عن قرار الرفض لأن انت بأمس الحاجة لتوطينك الى بلد اخر )   .
وانا ان شاء الله غدا او عد غد احاول ادبرلك استئنافي اللي سويته  مع مسح بعض التفاصيل التابعه لي شخصياً.
والله يكون بالعون  وتخلص وتصير سوالف وداعتك

140
الله يكون بالعون اخ راشد  والله كلنا دنحس بمعاناتك لأن كلنا مرينا بهاذي المعانات والصدمة .. بس الفات مات وخلينة بالواقع تفضل هذا موضوع قديم كنت كاتبه وبي فائدة عامة واذا ماعرفت كيف تستخدمه  احاول اشوفلك صيغه ثانيه ,
وشكرا للاخ العزيز سندباد على الأطراء

http://www.ankawa.com/forum/index.php/topic,782129.0.html

141
كل عام والجميع بألف خيـــــــر ..
اللهم افتح باب فرجك على جميع المنتظرين والصابرين
                   آميــــن

142
تسلم زيودي على الخبر  وبصراحا انا من قريت الخبر اول لبارحا صار عندي دافع انو اتصل بالشخص المرفوض وهسه بأمريكا واللي سبق وان ذكرته  وبالفعل كلمته شخصيا والتفاصيل كالاتي:
طبعا هو رجل في منتصف العمر كان رفضه على المربع السابع وطول استئنافه سنتين ونص والعهده عليه  وهو الان في امريكا بعد مااستلم النتيجة  موافقه .
والله يقدم اللي بي الخير للجميع .
دمتم بود

143
مسائكم وصباحكم سكر .
اول شي ارد على اخوية سندباد واكوله يجي يوم ان شاء الله واهديلك اغنية مسافرين  للفنان ياس خضر وبالنسبة لرسالة التفعيل لحد هسه ماوصلت وصار مليون ايميل دزيتلهم ولايوجد رد شافي والفار بدأ يلعب بعبي  .
 اما اخوية ريان عاشت ايدك حبيبي وطالما الانسان عايش لايزم يتنفس بشئ اسمه تفائل وانت دائما تمنحنا هذا الشئ .
الاخ زيد موخوش خبر اخوية والله يعوضه بالاحسن من امريكا لأن بصراحا امريكا صارت حيل سخيفه ومصختها ويه البعض .
اخوية سلام الورد اول شي رحمه لوالديك لاتنكطع عن الكروب  وثانيا اعتقد انها رسالة عادية بعض الشئ لأنه لو اكو شي كان انكتب بالموقع او بلغوك بي  وبالمناسبة  منو اقدم استئناف  انت لو ريان لو الاخ الحياة حلوة ؟؟

144
اخي الكريم الموقع يعمل . انا اكتبلك وانا فاتح الموقع حالاً أرجو التأكد من المتصفح الذي تستخدمه .
مودتي

145
اي يالله . اخت نور اعتقد ديشتغلون بلمفكم .. كولي يالله

146
شهر او اقل من شهر يتم تحديد موعد سفر يسبقه الاتصال لتبليغ الكفيل بموعد قدومكم .

147
اخونا العزيز حضرتك مقدم استئناف لو مقدم عادي على اعادة التوطين ؟

148
اخ سلام مشتاقيلك يمعود ونعتب عليك بسبب الانقطاع , لاتنقطع عن هذا الكروب العظيم  ;D

اخ رماد السنين هو تقريبا عادي بس اعتقد المرفوض ومستئنف تطلعله بخانة حالة الملف هذي الرسالة ...

 Your USCIS Interview has been completed. RSCMENA will contact you by phone or email when your decision letter is available.

نشوف رأي بقية الاخوة المستئنفين هل عدهم هذي الرسالة في خانة حالة الملف ام لا ؟

149
اخي الكريم انا مثل حالتك  سجلت يوم 21 بشهر الواحد  يعني صارلي تقريبا اكثر من شهر ونص والتسجيل كان صحيح ولحد الان لم استلم رسالة التفعيل ! وأرسلت الهم اكثر من ايميل ولا من مجيب .
مودتي

150
تحياتي لك اخي العزيز سندباد والله يعوض صبرك خير وتفرح بالموافقة ان شاء العزيز القدير .
وهم ارجع اخبرك انو لحد هسه مابعثولي رسالة التفعيل بعد شهر ونصف من التسجيل بالموقع والرسائل المستمرة ولا من مجيب
مودتي للجميع

151
اخت هيا على كولة المصريين بيتك ومطرحك  :D
ونرجو ان لاتنقطعين عنا كما فعل جميع الذين سافرو .
دمتم

152
مساء الخير اخواني اخواتي بشروني شنو اخباركم ؟؟؟ شخبار استئنافكم ؟؟؟
انا انتظر نتيجة الاستئناف لم ياتي منها اي جواب
تحياتي لكم

عمي سلام عاش من شافك اخوية .. يعني معقولة هسه انت مو بأمريكا !! ;) !! يمعود انت كنت باليوم الواحد تعلق حوالي 10 مرات بالكروب هسه صارلك 3 اشهر مختفي . يمعود والله نفرح ويتجدد الامل بملفاتنه بس فرحنه انت والاخوة اللي انقطعو عن الكروب . دخيلكم

153
ردت أسال بخصوص منظمة IRAP وا يضا استمارة 7001 بيهن فائدة للمرفوضين لو كلشي ماكو ؟

عزيزي زيد هذوله الاثنين تمت تجربتهم من قبل السيد الوالد  اخرهم منطمة IRAP بعد مناشدة هذه المنظمة اتانا الرد بأنهم ليسو جزء من الحكومة الامريكية ولا من اليوان ولا الاي او ام حتى يسرعون في اتخاذ القرار او البت به  ومع ذلك طلب ان نرسل له قرار الرفض ..
اماالاستمارة 7001 الله وكيلك مجرد مغذي  وكل ماتيرسللهم للأستفسار يكلوله تم تحويل هذه الرسالة للجهات المختصه ومن هذا الكلام وعلى هالرنه طحينج ناعم ..
مودتي

154
مبارك لكم اخ ليث وحمدلله على سلامة وصولكم تمنياتي لكم بالحياة الكريمة والتوفيق الدائم

155
حمداً لله على سلامة وصولكم مهندس دريد تمنياتي لكم بالحياة السعيدة في بلاد العم سام

156
تحية طيبة لكم جميعا .. بعد مرور شهر من التسجيل بالموقع الجديد وبعد ان بعثت 4 رسائل اسأل بها عن رسالة التفعيل  اليوم وصلتني هذه الرسالة وهي ليست رسالة تفعيل ,,,,

لقد تم تحويل رسالتك الى القسم المختص وسوف نقوم بمساعدتك.

يُرجى إبلاغنا إذا ما كان لديكم أية استفسارات أخرى. سوف يتم الاتصال بكم مرة أخرى في المستقبل.


157
اختنا ساوند تمت الاجابة من قبل الاخ سندباد ..

ابو عبدالله تحياتي الك وين انت موجود اليوم ابغداد وغداً في كاليفورنيا  ;D

تفرج مشتاقين يمعود وين هالغيبه ؟ اخاف دتحضر جنط السفر اخوية  ;)

اما بالنسبة لي فلا جديد يذكر  اشتركت في الموقع الجديد يوم 21 بذاك الشهر ولحد الان لم يرسلو لي رسالة التفعيل !!!!!

158
سلمت يداك اخ لورد وأن شاءالله في يوم من الايام سوف نكون معهم نحن المستأنفون ..

159
اخ ابو محمد حضرتك مو سجلت بالموقع الجديد بيوزر نيم وباسوورد ؟  همه رقم الكيس والباسوورد يقصد .

160
والله يااخي لو انا في امريكا كان ماقصرت وياك بس للأسف كلنا دننتظر رحمة الله .

161
كلام منطقي  اخ سندباد وشكرا على التوضيح  بس اكو تفاصيل  مثل معلومات الكفيل بكل الملفات مال الاخوان اختفت !! وملف والدي اصلا مامنطي الكفيل لانه اجا رفض مباشر من المحلف فه حتى مالحك ينطي كفيل بس الظاهر ماخذين عنوان كفيلي وخالي بالملف مال والدي لأن ثنينه نفس الملف ..
المهم بالمحصلة النهائية صايرة خربطه موطبيعية بالمنظمة وبالموقع والله يسترنه .
دمت بود

162
عزيزي سندباد الظاهر هاي مشكلة عامة مو خاصه مال رفع جميع المعلومات بما فيها معلومات الكفيل بمعنى ادق  ان الوالد اشتركتله بالموقع الجديد كما ذكرت مسبقا ولحد البارحا ليلاً كانت الامور طبيعية ,, صباحا فتحنا الموقع الجديد واذا بجميع الحقول ازيلت والباقي فقط حالة الملف وهي (مغلق) وسوف نتصل بكم عن طريق الهاتف او الايميل  بينما كانت لحد البارحه انتظار النتيجة !! فه بصراحا انصدمنه  يعني بعد 3 سنوات وشهرين من الاستئناف وفي الاخر يجي رفض !!
فه اعتقد اكو فد اشكال لأن قريت اكثر من شخص صايرة ويا هذه الاجراءات وبنفس اليوم (اليوم) .
خلي نشوف تاليها حتى لو رفض بس خلي يفضوها .
دمتم بود

163
سيدي الكريم ابا ميس .. والدي سوه استئناف من حوالي 3 سنوات وشهرين  وكنت كل ماافتحله الموقع القديم نفس الشئ على طول فترة الاستئناف لغاية لبارحا ,, اما اليوم صباحاً فه الموقع الجديد كتبله الكيس مغلق وشالو معلومات الكفيل وباقي المعلومات .. فه انصدمنه  لأن بعد كل هذه السنوات ننتظر وبالتالي رفض آخر !!
دمتم بود

164
عاشت ايدك سندباد على المعلومة  بالمناسبة اني سجلت يوم 21 ولحد هسه ماجتي رسالة التفعيل   والدي سجل يوم 30 واجته رسالة التفعيل وره 5 ايام  :-[  شفت بالله .
دمت بود

165
تحياتي لكِ اكليل الجبل فعلا كلام منطقي 100% .
اخت ام محمد انا كذلك مضى على الاستئناف تقريبا سنة و4 اشهر واشتركت بالموقع الجديد يوم 21 بذاك الشهر وماجتي رسالة التفعيل !! شنو السبب مااعرف ؟ مع اني بعثتلهم 3 رسائل استعلام عن هذا الامر الغريب ولارد لحد هذه اللحظة !! ياريت الاخ سندباد يفسرلنه الحالة .
مودتي

166
يمعود ابو رهف شخبارك ؟ وين هالغيبة مدكلي !  اخاف دتتحضر على رمضان ودتسوي كبه  ;D  والله عبالك ذاك اليوم مو سنه !! تحياتي لكم جميعا ولاتقطع الله عليك

167
الف مبروك اخ ابو ميس   تمنياتي لكم بالسفر الجماعي بأذن الله

168
كفو والنعم منك .., اهم شي يخلص هذا الكابوس على خير وعود ذاك الوكت نطارح بل فخاذ  ;D ;D ;D

169
بشرنا اخوية Baguncero ماصار عليك شي   يمعود الانتظار قتلنه والله
مودتي لك 

170


شكرا جزيلا لحظرتك اخ سندباد2014 وللاخ الكريم ابو راوان مؤسس الكروب
ولكل الاخوة المتعاونين معنا لخدمة اهلنا العراقيين في منتدانا الجميل
دمتم وجزاكم الله كل خير وقد تم تثبيت كروبكم لاهميته لكل الاخوة المستأنفين
.http://www.ankawa.com/forum/index.php/topic,603190.0.html
تحياتي والتوفيق للجميع .


الاخت القديرة ساوند شكراً لكِ على الاهتمام والمتابعه ولاشكر على واجب , عسى الله ان يجمعنا بكم ونحن وأنتم في احسن حال .
دمتم

171
كبد عمري ابو راوان الورد اللنك مال المنظمه مديفتح عندي . الايميل مالتي مفتوح بس اريد ادزلهم ايميل الهم ومدا اعرف اشلون ادزه واللنك مالتهم مدينفتح عندي؟؟؟؟؟ اضحااااااااااااك مليون عافيه ;D ;D ;D ;D ;D ;D

يابة اكسلانس على كيفك ويانة ,, انت بكل الاحوال اذا جتك الموافقة رح يتصلون بيك على تلفونك ق لتحاول تترك تلفونك او تنسى بلبيت وتطلع  عسى ولعلى يتصلون بيك ويفرحوك ولتنسى حلاوتي اخوية  :o

172
حبيبي ابو عبودي شنو تقصد بالايميل ؟ تقصد موقعهم للمنظمة ؟ لو قصدك ايميلك مدايفتح حتى ادزلهم رسالة ..
صدك خربت ضحك وهسه افتن عليك يم صاحبني  ابو النور هههههه

173
هلا وكل الهلا اخوية عوداً حميداً بعد غياب سنة كاملة . شخبار ملفك هل من جديد ؟

174
هلا وكل الهلا .. عمي ابو عبدالله انت من الاعضاء القدماء شنو عضو جديد !!
عموماً عوداً موفقاً اخوية الغالي

175
اخت ام يوسف انا صديقي سافر يوم 28 بشهر الواحد  يعني قبل اسبوع تقريبا ..
ان شاء الله تبشرونة بموعد سفركم جميعاً .
دمتم بود

176
السلام عليكم يااعضاء الكروب المحترمين .. وانا ايضا لايوجد جديد سوى الانتظار القاتل  اما بالنسبة ل اكليل الجبل  يكدر يجاوب على السؤال الاخ سندباد لأن هو في عمان واكثر منظمة نشطه هي UN عمان  واتمنى الفرج للجميع .
مودتي

177
اخي غربة الدار شتريد موجود يمي  ;D اكو استئناف ابو ال3 سنوات وشهرين  واكو استئناف ابو ال16 شهر  وثنينهم بلا جواب  , ومنتظرين رحمة الله
دمت بود

178
تسلم سندباد بس تسجيلي الاول صحيح لان رأسا ظهرت رسالة تقول تم التسجيل بنجاح .. عموماً انتظر يوم اخر واشوف .
دمت بود

179
تحية طيبة ..
اخي سندباد  مضى على تسجيلي بالموقع الجديد اسبوع ولحد اللحظة لم استلم رسالة التفعيل ! هل افهم من ذلك نحن من المغضوب عليهم أم ماذا ؟
مودتي

180
بارك الله بيك اخ ابو محمد لمساعدة اخوانك .
دمت بود

181
عاشت ايدك سندباد على التوضيح , بس بالنسبة للفقرة الاخيرة هذي تخص اللي ساكن بعمان حصراً مو اللي ببقية دول الجوار ؟ .
مودتي

182
شكراً اخت ام فراس على هذا الموضوع المهم . بالطبع هي توطين وليس استيطان . الكثير هنا من الاخوة والاخوات ومع جُل احترامي لهم لايفقهون الكثير لغوياً فمثلاً  يكتبون كلمة منضمة  وكلمة محضوض ومرفوظ  والى اخره من الكلمات الخطئ لغوياً  , ياريت من الاخوة الاعزاء التأكد من كيفية كتابة الكلمة قبل كتابتها  وشكراً ام فراس على هذه الملاحظة المهمه

183
اذا كان قصدك التقديم على اليوان بغرض التحويل للتوطين ف حسب حسابك على 10 سنوات يجوز اكثر يجوز اقل وعن تجربة 11 سنة في مصر .
اما الIOM ف اجرائاتها سريعة مقارنة بالاردن وبقية الدول  والخيار لك اولاً واخراً

184
حلوة اكليل مال جون كندي  ;D زين يجوز نازل بغير مطار مابي واي فاي !!
اخي زيد بالنسبة للمرفوضين بدول الجوار اسرع لو ابطئ فه كلها نفس الشي وداعتك العراق ودول الجوار وهذا احنه شوفة عينك اني صارلي سنة و4 اشهر مستئنف ووالدي صار 3 سنوات وشهر ايضاً ولايوجد اي رد . ثبتلي هاذي الشغلة شغلة جنص مواكثر وداعتك .. اعرف ناس اصدقائنه عنده كومة املاك وسيارات لبارحا نطو موعد سفر  وجان كاتل نفسه على امريكا مع العلم املاكة تعيشه ملك هنا ..
ماكو اي مقياس وعدالة بالعالم مع شديد الاسف

185



اخوان جماعة كروب ال SIV
ممكن مساعدة للاخوة السائلين بالموضوع http://www.ankawa.com/forum/index.php/topic,728382.0.html
سؤالين رقم 168, 169 وغيره من الاسئلة
شكرا مقدما .
الاخت القديرة ساوند للأسف انا مو SIV حتى اقدم المساعدة ,, ارجو المعذره

187
تشكر لورد وان شاء الله في يوم من الايام نكون وياهم

188
اخوية سندباد عندي صديقي بل 2014 مقدمين عائلة كاملة ف هو اللي خابرو وكالوله امنيتك كملت ووراها بكم يوم خابرو على موعد سفر وخابرنه قبل سفره بيوم ونص يريد يودعنه ف لتمينه كلنه بلكهوة بوسنا واخذنه صور  وعلى اساس ثاني يوم الصبح يروح للمنظمة ياخذ خط الرحلة وتذاكر الطيران وهو بلطريق خابرو المنظمة كالوله السفر تأجل !!! ووره شهرين تقريباً دزولة رفض !!
والله يطيح حظ امريكا .
دمت بود

189
السلام عليكم شباب محتاج خبرتكم راح احجيلكم ملفي اني تقديم 2012 الملف 137
وجان ملفي ماشي طبيعي لكن بشهر الرابع من السنه 2015 الفحص الطبي صار اكسباير وبالموقع صار فعال ولحد الان ماخابروني عالفحص وباقي بالموقع الفحص فعال ولكن بتاريخ 4/1/2016 تغيرت حالة ملفي من فعال الى انتظار نتيجة وهسه جيكت الموقع باقي انتظار نتيجه والفحص فعال والتجييك الامني انتظار والسفر غير فعال والمدينه ومطار نازلات صار سنتين وللعلم محصل موافقة كاملة من المحلف بس الدوخني تغيير حالة ملفي من فعال الى انتظار نتيجة بعد كل هذا الصبر والانتظار واذا احد مار بهيج حالة يفيدني يعني راح انرفض لو شنو !!مع الشكر والتقدير
والله يااخوية المنظمة صايرة ماتنحزر بصراحه !!احياناً لحد موعد السفر وهم ديجي رفض  ليش مدانفتهم  فه خلي املك بالله وماالك غير الانتظار عسى ولعلى الله ينفخ بصورة ملفك وتسافر .
مودتي

190
تحية للجميع .. ماكو شئ جديد ؟ الاخ رعد السراي اشو جيت على بالي انت وابو رهف  . ان شاء الله تكونون بخير  وتحية للأخوة الغائبون ريان وسلام وتفرج

191
انا مع الاخ سندباد والاخت اكليل  هذه رسالة رفض لأن اعرف عائلة تم رفضها على نفس المربع واذا تحب اسأله وين سوه الاستئناف لأن استئنافه صارله اكثر من سنة ونص على مااعتقد .
مودتي

192
كل عام والجميع بألف ألف خير عسى الله ان يزيح عنا هذه الغمه وتنقبل جميع ملفاتنه ..
اخوية الغالي سندباد مدكلي ابيش طالبنه اشو 2017 يمعود احنه دننتظرها ساعه ساعه وانت مديتها سنتين لخ  ;D خلف الله عليك

193
سيد سجاد حبيبي ان شاء الله في يوم من الايام اهديلك اغنية " مسافرين " لياس خضر .
مودتي

194
حبيبي ريالي  DHS ماله علاقة بالمحلف ابداً . لأن DHS يعني الامن الداخلي الامريكي  .
انشاءالله تسمع اخبار حلوة

195
والله يااخي الكريم انا مريت بهيج رسالة واخاف اكلك معناها وتزعل مني  بس كل اللي اكدر اكوله لاتنصدم اذا اجاك رد موحلو  والله يسهل امرك ويكون كلامي خطأ بس خلي في بالك اسوء الاحتمالات .

196
اختي اذا انتي بعمان فه الاخوان الساكنين بعمان يساعدوج اما اذا بغداد فه حقيقةً مااعرف مكتب مختص بالاستئناف , اما موضوع اكو امل لو لا   رب العالمين يحيي العظام وهي رميم لأن اكو ناس صارلها سنين تنتظر الاستئناف ولحد هسه ماكو شي وهذا الكروب صارلة سنة ونص تقريبا لحد هسه ولا واحد طلعتله موافقة وسافر .
مودتي

197
اختنا هذي كليشة عامة تُرسل لكل من تم رفضه على المربع رقم سبعة ..
وترجمتها هي : بعد النظر في معلومات قضيتك بما فيها من شهادات ووثائق دعم وتجييكات اخرى , واوضاع البلد ومعلومات اخرى . طلبك الخاص باللجوء الى الولايات المتحدة الامريكية تحت البند 207 للهجرة والجنسية قد تم رفضه للأسباب اعلاه ولأسباب امنية اخرى

198
اختي سبب الرفض هو المربع السابع (اسباب اخرى)  عبارة عن مجموعة اسباب انتي واحد منها .
اذا انتو بعمان فه اكو مكتب يسوي الاستئناف   اما اذا في بغداد فه الله يسهلها عليكم .

199
شلونكم ياشباب شخباركم اشو القدماء مختفين شنو معقولة كلهم سافرو ! بقيت بس اني بيكم ممسافر  ;) عسى ولعل اني هم انقطع عن الكروب فتره ..
حبيت اسلم على الجميع في هذا اليوم المبارك .
دمتم بحفظ الرحمن

200
الف مبروك اخونا الكريم تمنياتي لكم بسلامة الوصول وتحقيق الاماني

201
كل عام والجميع هنا في المنتدى وباقي العالم بألف الف خير عسى الله ان يجعل عام 2016 عام الفرج للمنتظرين الفرج وعام حب وسلام وخير على كل العراقيين والعالم . آمين

202
اخوية العزيز سندباد يوم الجمعه السيد الوالد كتبلهم رسالة لذوله المخابيل واليوم اجا الرد  نفس الرد مالتك بالضبط (مغذي)  ..
نرجع ونكول الله يصخم وجهج امريكا

203
الف مبروك اخ احمد تمنياتي لكم بالحياة السعيدة والتوفيق الدائم

205
الهجرة و واللاجئين / رد: موعد سفر
« في: 10:55 18/12/2015  »
مبروك اخونا العزيز تمنياتنا لصديقك بسلامة الوصول

206
اختنا الكريمه ماكو شي اسمه كليشه تاخذيها من احد لان كل واحد اله تفاصيل ملف مختلفه عن الاخر .. اما اذا تقصدين الطريقه المستخدمه في كتابة الطلب فه راجعي التعليقات السابقه راح تلكين الكثير منها .

حبيبي سندباد الافندية لبارحا بالليل جاوبوني  ويكولولي هذا الايميل غير مطابق لأيميل صاحب الطلب !!!!!!!!! شفت بالله  ومع العلم ان هو نفس الايميل اللي اراسل بي المنظمة واللي موجود عدهم .
هسه اني راح اكول مقولة اخونا ريان الشهيرة  طيح الله حضج امريكا .

207
شلونكم اخوان المختفين لدواعي السفر اكيد  ;) والظاهرين  شلون احوالكم .
اخوية العزيز سندباد  انا راسلت هذا الايميل اللي ذكرته حضرتك في تعليق سابق ولكن لم اتلقى اي رد ولليوم السادس وانا انتظر ردهم !!
الظاهر الجماعه يجاوبون بالمزاج وداعتك .
مودتي

209

اخوية الي جانوا مرفوضين وطلعت موافقة الهم تقصد موافقة من المنظمة وسفر لو موافقة فيزا ترة ورة اخبار اخونة ريان داني افتر دماغي وتاه فكري وضح حبي عراق فورم واذا جانت موافقة منظمة شوكت بيا سنة وبعد شكر من الاستئناف اجت موافقة الهم ؟؟؟؟؟؟؟؟؟؟؟؟؟؟؟


الله يساعدك حبيبي تفرج .. العائلتين مثلنا iom وطلعتلهم الموافقة واعتقد سبق وان تطرقت لموضوعهم في تعليقات سابقة واحد على المربع السادس سافر 2013 والاخر على السابع وسافر نهاية 2014.
مودتي


210
مبارك لكم اخ ابا ميس ..
تستاهل كل خير الله عوض صبرك بعد تأجيلات وصبر ..

211
عزيزي تفرج اللي اخذ فيزة وراح  هذا ماعندة ملف بالمنظمة  اما اللي جان مرفوض وطلعتله الموافقة بصراحه هما 2 واحد جان على السادس وواحد جان على السابع حسب مايقول هو

212
اخونا ابو العبد  لابالعكس كتاباتك وآرائك مهمه ومفيدة بس لسوء الحظ احنا هسه بشهر ديسمبر اللي هو يعتبر شهر الخمول للعنكاويين بسبب توقف السفر في العشرة الاواخر فيه وانشغال العالم بأعياد الكريسمس واعياد رأس السنة الميلادية .. ف كل عام وانت بخير  وخليك ويانه

213
حبيبي آبل حمدالله على السلامة والف تحية لشجاعتك وقرارك الجرئ واتخاذك لهكذا خطوة محفوفه بالمخاطر . تمنياتي لك بالتوفيق الدائم ..
رح اسألك سؤال من باب المزح   اذا دزولك ايميل انو استئنافك انقبل شنو راح تسوي بصراحه  ;D

214
اخي dhia ملفي نفس ملفك ( الصورة ) طبق الاصل حتى بالولايه ماعدا حالة السفر انا مكتوبلي غير فعال .. والله يااخيهي صارت ماتنحزر ننتظر والله المستعان .
اخوية ابو الرون كول الحمدالله على كلشي احنه بالهوا سوا حبيبي .. يكفي كسبنه معرفتكم الحلوة ..

215
حمدالله على السلامة اخونا العزيز وبارك الله بيك على تقديم المساعدة للي يستحقها .
دمت بخير

216
السلام عليكم
ممنون منكم اخواني الأعزاء
رحم الله والديكم جميعآ على مشاعركم الطيبة.
كم أحتاج فيما لو قررت أن آت إلى عمان من أجل الأستئناف تقريبا؟
المجموع الكلي تقريبا ولو حدوخكم.

ممنون منكم.
والله للأسف انا مازرت عمان غير يومين فقط وقبل سنوات عديدة .. اكيد الاخ سندباد عنده درايه كاملة عن عمان  .. ارجو من الاخ العزيز سندباد التواصل معك قبل ماتنوي الذهاب لعمان  حتى يعرف منك سبب الرفض الاول وسبب الرفض الثاني ويحاول يتصل بهذا المكتب ويستفسر منه عن الاستئناف حتى انت تروح تسوي الاستئناف وترجع بسرعه ..
دمتم بود

217
السلآم عليكم
قبل 24 ساعة استلمت رفض طلب للأستئناف الي قدمته قبل شهر تقريبا و هسه لازم اسوي طلب آخر!!!!!
الحسنة الوحيدة أنهم رد الجوآب من وكت.
الله وكيلك مهدد
ليش هو اكو مترجم عايش لو يكدر يعيش بأمان بالعراق؟!
لحد يكلي اكو عندك خلل بالتجييك الأمني
الله وكيلكم ماكو شي بس هي لو حظوظ لو مزآج من 
الموظف المختص والأخير وهو الأصح أنه ممكتوب لي ولعائلتي الخلاص من ضيم وجحيم العراق.
الله أرحم الرحمين

هسه مأدري أعيد أرسال نفس الطلب لو شنو يردون مني تأليف قصة عجيب ما عندي غير ظروفي الشركتان كوني مترجم ومهدد.
الله يكون بعونك اخونا العزيز  وانا اتفق مع الاخ سندباد فيما قاله  لأن ببساطه في عمان مكتب مختص بعمل الاستئناف لأن مهما تكتب حضرتك ماراح تعرف الصيغة نفسها وكيفية الدخول مدخل قانوني .
حتى ولو تجي لعمان تسوي الاستئناف وترسله وترجع للعراق .
مودتي

218
الف مبروك ابو قصي تمنياتي لكم بسلامة الوصول وعدم التأجيل . وبارك الله بيك لأعلان موعد سفرك لان اغلب الاعضاء وحتى القدامى منهم يخافون ان يعلنو موعد السفر ألا بعد الوصول !!
مودتي

219
وداعتكم كلها ضحك على الناس لا اكثر ولا اقل ..
الفورم هذا ابوية دزه صار سنة ونص وكل مايستفسر عنه يكولوه ملفك قيد المعالجه اصبر وسوف نتصل بكم اذا تم حسم القرار ((يعني نفس رسالة المنظمة ماكو اي فرق)) وبعد بكيفكم .
وبالمناسبة انا عندي موضوع بهذا الخصوص اذا تحبون تطلعون تفضلو ,,
http://www.ankawa.com/forum/index.php/topic,746504.msg7334041.html#msg7334041

220
فاتني ان اسألك انو كيف تعرفهم بنفسك ؟ عن طريق رقم الملف IZxxxxx  ام ماذا ؟

221
تسلم اخونا العزيز سندباد على سرعة الرد بس والله بصراحا انا ماعندي علم فيما اذا كان ردهم مختلف ام لا لأن انا ماراسلتهم قبل بس السيد الوالد راسل الهوم لاند سكيورتي وكان جوابهم عبارة عن ابر مخدر ومابي اي نفع .. المهم هذولة جوابهم تكدر تفتهم منه فد شي مفيد ومقنع  أما الهوم لاند فه كاتب كومة كلام وبالاخير ماتفهم اي شي منه وكله ابر مخدر ..
ان شاء الله خير  المقابلات جارية على قدم وساق والسفر ايضاً
دمتم بود

222
اخي العزيز سندباد ياريت تفضلاً منك تكولنه كيفية مراسلة الUSCIS حتى السيد الوالد يدزلهم لأن موضوعه وصل الى 3 سنوات ولايوجد رد .
دمت بود

223
هلا بأخونا العزيز تفرج وين هالغيبة يمعود ؟
بالنسبة لبقية أعمدة الكروب شو مختفين سلام ريان ابو رهف رعد ام زوزو سندباد وبشر الصابرين الحياة حلوة بوكانسيرو مارك آبل علوشه .. ولايهونون الباقين  يعني لازم نسويلكم تعداد مال ساحة العرضات يلا تعلقون  ;D ..
بالنسبة للقرار الاخير مال تعليق دخول اللاجئين تره كله كلاوات الله وكيلكم عندي احد الاصدقاء صارله يومين دخل دورة تثقيفيه وصديق آخر اليوم قابل محلفين وآخرين غيرهم كُثر فه خلو عينكم على السماء واندعو بلكت يفرجها علينا جماعي ..
مودتي لكم احبتي

224
بارك الله بيج اخت ام يوسف على المجهود في نقل الخبر .

225
اخ لورد الورد خليك متفائل حبي احنه سوينه اللي علينة والباقي على الله .
اما السياسة اللي تكول مافهمتها   في المثال المذكور سابقاً يعني ال2000 شخص شكد قبل منهم 1450  يعني شكد وفر لحكومته على السريع 550 شخص يعني كم فود ستامب وكم تأمين صحي وكم الف دولار !! وانت احسبها   هذي الشغلة بالاقتصاد اعتقد يسموها ضغطاً للنفقات  .
دمت بود

226

تحياتي الى الاخوة الكرام
حاب أسأل هل جميع اعضاء هذا الكروب وبالذات الي دنقرأ عنهم قاربو السنة او تجاوزو السنة واكثر على تقديم الاستئناف هم مرفوضين على البند اسابع اي رفض أمني
ولكن ماذا عن المرفوضين على البنود الاخرى هل ايضا لم تحصل موافقة لاي احد منهم
فعلا شيء غير معقول ولابد هناك شيء مبهم

تحياتي
اخي العزيز سندباد اغلب اللي بالكروب مرفوضين على المربع السابع بس اكو هم مرفوضين على السادس والخامس والرابع بس بصراحا مااتذكر من هم بالتحديد تكدر تراجع التعليقات بهاذي الصفحه تقريبا راح تعرفهم . اما اللي مرفوض على المربع السابع بيهم عبر السنة و8 شهور مثل الاخ ريان وبعده الاخ الحياة حلوة يمكن سنة ونص والكثيرين منهم ايضاً ,,
انا اختلف مع الاخ لورد .. اخي هاذي سياسه مال يهود بصراحا اللي سوو ويانه وراح اكلك شلون ( فلنفرض انو عدد الملفات الموافق عليها 2000 ملف  رفض منهم 700  شكد وفر ؟  وهذولة ال700 شكد راح يستئنف منهم ؟ اكيد موكلهم   راح يستئنف نصهم يعني 350   هنا وفر 350 ثانيين   ال350  شكد راح يقبلون منهم   كول ينقبل منهم فد 150   هنا شكد وفر ايضا  200  ..
احسبها راح تشوفها صحيحة نوعاً ما .
مودتي للجميع

227
السلام عليكم شلونكم اخباركم ؟
اطلب من الاخوان اللي طلعت موافقتهم أو سافرو طلب واحد انو يكولنه انقبل الاستئناف او سافرت وكلشي مانريد منه الله ومحمد وعلي ويا .. ولحد يكولي اني بعدني واني بعدني مامعقوله اكو ناس عبرت سنة ونص واختفت فجأة بعد ماكانت متواصلة بشكل شبه يومي وفجأة اختفت شنو معناها ولحد يكولي ماكو واهس لو دااشتغل !! كلنه دنشتغل ودندخل للمنتدى والكروب بشكل شبه يومي ..
فه يااخوان والله العظيم مانحسدكم لتخافون بالعكس راح تجددون الامل بينه من تبشرونه بالموافقة لو بالسفر  ياريت تقدرون هذا الشي ..
مودتي لكم جميعاً

228
الف مبروك اخ العراب تمنياتي لك بسلامة الوصول والتوفيق الدائم

229
السلام عليكم ياشباب شلونكم اخباركم اشو الكل مختفيه (تفرج وسلام وريان وام زوزو ...... ) وبقية الاخوة الاعضاء ماصار شي وياكم ؟
الاخ الحياة حلوة اني اجاني نفس عنوان رسالتك RFR under review فه عادي اخوية  لتكول سمسم اذا ماتلهم  :D يجوز بقية الرسالة خربطه بالسستم عدهم ويامكثر الخربطة بالمنظمة .
لتنكطعون سمعونه اخباركم يامختفين

231
اخونا gls هو اكثر المستئنفين لازم يعبرون السقف الزمني لكلام المنظمة ألا ماندر طبعاً .. اكو ناس صارلها 3 سنوات مستئنفه وماكو اي جواب .. فه حاول تتعايش مع حياتك وتتغاضى عن هذا الموضوع لان ممعقولة رح تبقى تفكر سنه فما فوق ..

232
مبروك اخي gls على تقديم الاستئناف وان شاء الله الموافقة .
اخ الحياة حلوة حاسبها بالأيام يوم يوم  ;D تحياتي الك اخوية .
اني بالنسبة ألي صارلي سنة وشهر ونص تقريباً . وفعلاً من 3 الى 6 ايام يتم استلام الاستئناف  فلا تقلق

233
اخوية سندباد تره الاخ سجاد صارله 40 يوم من قدم الاستئناف يعني بعده الاستئناف ماشام ريحة الهوا اصلاً ف اكيد اكو خلل بالموقع او خطأ بملفه .

234
اخوية سيد سجاد متأكد انت مرفوض ؟ هل تم الاتصال بالكفيل ؟ لأن الشغله عجيبه فعلاً

235
السلام عليكم انشاءالله الكل بخير اني هم مستانفه مثلكم صارلي سنه وشهر وهسه داريد اروح فيزه أولد هناك وارجع وقدمت من أربيل وانرفضت اكو طريقه أكدر احصل بيها فيزه هناك اهلي وأهل زوجي أرجوكم ساعدونيييي
اخت ام برهومي هيه الفيزة طريقها واحد ميصير اثنين . يجوز سبب الرفض للفيزة وهو انت عندك ملف في منظمة الIOM وهذا احتمال وارد جداً , واذا هو السبب فعلاً ف صعب الحصول على الفيزة الان  ربما فيما بعد .

236
فعلاً شئ غريب !! لأن فترة المشاهدة الاوليه للأستئناف من قبل لجنة عمان هيه 3 اشهر ( يعني حتى مالحك ملفك يوصل للمشاهدة الاوليه في عمان ) اكيد اكو خطأ بالموضوع

237


مرحبا Iraqform
افهم من ردك أعلاه انو هناك فترة محددة للرفض
طيب اذا كان الامر كذلك ماهي الفترة المحددة للقبول
علما اني مرفوض على البند السادس ( عدم مصداقية ) وطبعا جديد وصار اسبوع تقريبا من قدمت الاستئناف مالتي

وعندي سؤال آخر ... كثير يقولون ان الرفض على البند السادس بي امل كبير بالقبول
هل تعرف جماعة فعلا كان مرفوضين على هذا البند وتم قبول استئنافهم وكم طولت فترة دراسة ملفاتهم واخذو الموافقة

مع الشكر اخي الكريم

الاخ الكريم سندباد من خلال ماسمعناه ومررنا به على مدى السنوات المنصرمة من تجارب مع كل انواع الملفات منها المرفوض ومنها الطبيعي الخ .. هناك شبه وقت محدد لرفض الاستئناف وهي 12 شهر فما دون .. والدليل كثير من الاخوة اللي هنا بالكروب بالاضافة الى الاصدقاء خارج الكروب واللي انرفضت استئنافاتهم كلهم لم يتجاوزو السنة (منهم من اكمل 11 شهر او 10) .
اما سألتني اعرف احد مرفوض على المربع السادسس ف انا اعرف العديد منهم ومن بينهم صديق لي بعد ان بعث استئنافه وبفتره تجاوزت السنة بشهر جاءته موافقة مباشرة وهو الان في امريكا . اما سؤالك عن البند السادس بي امل اكثر من السابع اجاوبك نعم لان السادس صارت بي امثله امامنا اما السابع فهو بند جديد على العراقيين خصوصاً .
وانا حاضر لأي سؤال

238
السلام عليكم
شلونكم اهلنه المرفوضيين يارب ان شاء الله تفرج عليكم اني هم من المرفوضيين وكنت من الاعضاء المشاركين بالمنتدى بس ماعرف ليش سوو عليه حظر قبل فتره طويله وكان اسمي وبشر الصابرين واني قدمت الاستئناف في بدايه هاي السنه يعني صارلي 10 شهور وتعيشون كلشي ماكو لان احنه جماعه البند السابع الظاهر مابيها امل وهسه بصراحه داحاول ان نشوفلنه درب لكندا وحاليا في مرحله جمع المعلومات

حياج الله اخت وبشر الصابرين نورتي الكروب مرة اخرى .. ان شاء الله خير واندعي استئنافك يعدي مرحلة الحرج في هذه الاشهر لحد نهاية العام والله يسهل للجميع .
مودتي

239
نعم اخ ميلان مثلما خمنت والتعليق هو مزيد من المراجعه على أهليتك في اعادة التوطين في امريكا . وهذه المراجعه تشمل القصه وكل الوثائق مع التجييك الامني طبعاً .
الله يسهل امرك وامر الجميع

240
اخي الكريم صديقك هل جد اي جديد في ملفه من بعد مقابلة المحلفين الى ان استلم الرفض ؟ أي شي جديد يخص الملف بالكامل حتى لو زواج او قدوم اطفال او تهديد او حصوله على ورقة لاجئ اذا هو كان خارج العراق او او او ؟ بمعنى انو اذا كان هناك أي جديد حصل في ملفه خلي يقدم استئناف ويخليها على الله . اما اذا الحال كما كان  فه نصيحة ليتعب نفسة وينتظر مدة طويلة .
مودتي لك

241
شكرا لاستجابتك اخي عراق فورم... آني قابلت الوفد واجاني تعليق لا مقبول ولا مرفوض. اريد اعرف DHS تقوم بتقييم الملف بالكامل مثل المحلف واعطاء النتيجة، لو مهمتها التجييك الامني فقط حول امور محددة طلبها المحلف اثناء مقابلة الوفد معي.

اخي الكريم ميلان التعليق ما مر عليه بس باللي اسمعه من الاخوان هنا  التعليق هو يعني ملفك محتاج مراجعه اضافيه لأستحقاقك بالتوطين في امريكا . بس تكدر تكوللنه شلون عرفت ملفك تعلق ؟ هل برسالة ام برد تحريري وماهو مضمون الاثنين ؟
مودتي لك

242
السلام عليكم. يا رب تتحقق امانيكم وتنالون القبول باسرع وقت... عندي سؤال اتمنى تجاوبوني عليه، ولو هو ما له علاقة بالاستئناف لكن اكيد عدكم خبرة بالملفات المرفوضة. سؤالي: هل يدخل الملف المعلق تجييك امني فقط من قبل HDS، يعني على البصمات واذا كان الشخص لديه مشاكل جنائية. ام يعاد تقييم الملف بالكامل كأنه يدخل محلف جديد.
هل هناك رفض بعد التعليق غير البند السابع الامني.
تركيا
تحياتي للجميع


حقيقة اخ ميلان لم افهم سؤالك ! هل انت تسأل على ملف كان مرفوض وبعدين تعلق ام ماذا ؟ ارجو التوضيح ليتسنى لنا المساعدة .

243
اخواني وخواتي الغاليين .. والله ملل ..وماكو اي شئ جديد .. ولكن بين فترة واخرى ادخل على الموضوع مالتكم بس ... واشوف العدد يزيد ماينكص مع الاسف .. ولكن ان شاء الله الكل بخير وننتظر الكشرة والموافقات والمصيبة لا المحامي ولا الي قدم وحده جتهم اي جواب .. بس انكول طيح الله حظك اوباما .. هذا من اجى اني تشائمت منه .. لاتعرفه مسلم لاتعرفه مسيحي لاتعرفه عنده رأي .. مطي ابن مطي ..
مشتاقين ابو الرون حبيبي بس لتنفعل موزين عليك . وعلى فكرة تره اوباما من اجه انفتحت الIOM اذا تذكر بل 2008 لان هو ديمقراطي ,, اما اذا فازو الجمهوريين فه اقره على اللاجئين السلام وللأبد.

بالمناسبة اخ رعد عزيزي اصدقائك كانو مرفوضين لو تقديم عادي ؟

244
اخي الكريم طالما حضرتك مشتغل مع الامريكان قدم على منظمة الهجرة الدولية IOM واول خطوة تبدي بأن تبعثلهم ايميل مختصر عن عملك مع كافة الباجات والعقود وكتب التزكية والايميل الرسمي للسوبرفايزر وهمه عليهم الباقي .
مودتي لك

245
مشتاقون ابو الرون هاي وينك يمعود شخبارك ؟ اشو صاير تكتب انكليزي شنو امريكا مابيها كيبورد عربي  ;D ;D
اكليل الجبل لعد ريان صار العميد مو الاخ الحياة حلوة

246

اخونا g.l.s التوقيع يكون في الصفحه ماقبل الاخيرة لانو الصفحه الاخيرة تحط بيها جميع المرفقات وبالتسلسل.
مودتي

247
لا واحلى شي اخوية g.l.s اجاني رد المنظمة وعنوانه غريب ((الاستئناف قيد المطالعه)) RFR under review وبيها الرمز KK وينهم الخبراء خلي يكشفولنه هذا الرمز  :D

248


الاخ Iraqforme المحترم
بله زحمه عليك اني ناوي اجي لمصر اقدم على اليو ان بس حبيت اعرف منك انه الي اسمعه عن مصر اليو ان مالتهم كلش طويل و مبيه ترتيب و الي يطلعون من خلاله يبقون بال 8 سنوات يعني اكو كلولي ايس من مصر و اني ماعندي احد بهذا البلد و لا اعرف وضعه فحبيت استفسر منك عن صحة هذا الشي رغم انه شي نسبي
الشغله الثانيه انه اذا اجيت لمصر كطالب و درست بالجامعه فهل ممكن بنفس الوقت اكون لاجئ بالامم المتحده بمصر لو حيرفضون ... الشغله الاخرى انه شكد يكفي للاعزب سكن و معيشه شهريا بحدود المتوسط ..
و اكون جدا ممنون لاجاباتك اني دزيتلك مره رساله بس يمكن موصلتك او حضرتك مقريتها اتمنى تجاوبني شكرا جزيلا
اخ تيد انا بخدمتك بأي سؤال .. بخصوص يوأن مصر هي عبارة عن مقبرة لطالبي اللجوء وكثير من الامثلة حاضرة امامي اذا تحب اذكرها الك واحد منهم صديقي صارله 10 سنوات بمصر وصدقني وبدون مبالغة هو اول عراقي دخل الى يوأن مصر  حتى تفاجؤ بي كلوله انت عراقي ؟؟ ماعدنه شئ بخصوص العراقيين    تخيل هاي بسنة 2005 بداياتها ولحد هسه المسكين نايم بمصر ووضعه جداً صعب  بس هيه المحتاجها ماتجي .
اما بخصوص الشق الثاني من سؤالك  ورا ماتجي وتبدي تدرس تكدر تقدم على اليوأن  ماكو اي اشكال بالموضوع .
اما الشق الاخير بالنسبة للمصرف فه كل واحد وقناعته  فلنفرض ايجارك مؤثث شقة 300$ مصرفك (اكل وشرب) فد 400$ غاز وكهرباء ومي وتكاسي فد 300$  يعني كلهن بحدود 1000$ شهرياً  ..
وانا الممنون 

249
السلام عليكم
امنياتي لكم بالسفر العاجل اجمعيين
شباب من عندة علم بورقة المضالم وهل هي مفيدة ام ضحك على الذقون
ما خلينة درب ما فتنة بي وما خلينا احد ما نخينا وiom لاحس ولا خبر بس فالحين طلبك قيد االدراسة وجيب ليل واخذ عتابة
اخوكم رماد السنين

اخ رماد انا بحثت عن هذا الموضوع منذ اكثر من سنة واتضحلي بالدليل القاطع انه ضحك على الذقون  واذا حبيت تطلع على الموضوع تفضل اغاتي ..
http://www.ankawa.com/forum/index.php/topic,746504.0.html

250
بارك الله فيك اخ عراق بس الكروب اعتقد بي كثير من الاعضاء ليش يبقون متفرجين ومايردون (سؤال فضولي)  ::)
اكليل اني نفسي مااعرف ليش الاخوان كطعو فد كطعه واذا هم رح اسأل عليهم اخاف يتضايقون فه خليها عليك يالله وبراحتهم

251
طالما صارت اكثر من عشرة تكدر تسوي الرساله جزئين وادزهم بس حاول دزهم وحدة ورا اللخ بسرعه مو ادز وحدة ووره شوية ادز الثانيه .. وعنون الرسالتين بالتتابع. على سبيل المثال RFR part 1  والرسالة الثانية RFR part 2
وانا بالخدمة

252
نعم يصير اخ اسبيرو بس لازم يغلق ملفه بل يوأن . صديقي هنا من مصر سواها وسافر وقدم هناك لجوء وبخلال 6 اشهر تمت الموافقه عليه

253
السلام عليكم
ماهو رأيكم بخصوص ما سأرسله لغرض الاعترآض هل هذا يكفي كما موضح بالصورة علما ان الاعتراض 7 صفحات عدا الوثائق .
هل يجب أرسال نسخة الرفض التي ارسلوها لي ؟
وهل يتم ارسال الاعتراض على دفعات على اعتبار انه لايمكن ارسال اكثر من 10 ميغابايت .
تحياتي للجميع .
اخوية G.L.S  دز بكيفك وثائق بس كلها لازم تحطلها مرفق وترمزله بحرف معين وبأخر ورقة بالاستئناف تكتب كلمة  "المرفقات" وتبدي من اول مرفق الى اخر مرفق  وعلى سبيل المثال ..
اول ماتبدي كلامك تكول انا فلان  متزوج من زوجتي فلانه وعندي 4 اطفال  وتبدي بذكر الاطفال اساميهم ومواليدهم  وبعدها تكول استلمت كتاب الرفض بتاريخ 5-5-2014  (مشاهدة المرفق ب) .. علما اني قابلت هيئة المحلفين بتارخ .... وتمت الموافقة على طلبي (مشاهدة المرفق ج).
وهكذا  وانت تسرد وتجيب الوثائق حطلها مرفق وبالاخير سلسلهن حتى همه يفتهمون هاي شنو بالتسلسل وطبعا هاي اني وضحتها من خلال الصورة اللي نزلتها قبل يومين في المشاركة رقم 1710 هنا وتكدر تطلع عليها . وهذي هم صورة الورقة الاخيرة من استئنافي حتى تكون على بينه .

254
مرحبا اخوان
طبعا اني بعدني مقدمت استئناف بس انشاءلله الاسبوع القادم اكمل واقدمه
سؤالي الواحد شلون يعرف انو استئنافه انقبل لا
هل يبين شي من خلال متابعة موقع عمان مثلا
يعني حاليا اني حالة الملف مغلق وبس باقي عدد الافراد وبقية الخانات كلها اصبحت فارغة

هل يتغير شي حتى الواحد يعرف انو استئنافه انقبل وحاليا قيد الدراسة كأن تصبح حالة الملف انتظار النتيجة مثلا

ام يبقى كل شيء على ماهو عليه لحين صدور النتيجة النهائية

شكرا
اخ سندباد رح اجاوبك باللي اعرفه ..
طبعا اني حالة الملف قبل وبعد الرفض تقره انتظار النتيجة  بس في مثل حالتك تكدر تبعث رسالة للمنظمة بعد اسبوع من استلامهم الاستئناف وشوف شنو ردهم  اذا جتك الكليشة العادية مال طلبك قيد الدراسة  فه الاستئناف وصلهم  بس اذا حضرتك تسأل على مقبوليته من عدمها  هم اجاوبك باللي اعرفه ..
طبعا استئنافك يروح للأردن اول مرة وهناك اكو لجنة محلفين مصغرة  في خلال 3 اشهر لازم يتخذون قرار بشأن هذا الطلب (الاستئناف) اذا وافقت لجنة المحلفين المصغرة على طلبك في خلال هذي المده الزمنية يتم ارساله لأمريكا لمحكمة او ما شابه ذلك وهمه يتخذون القرار النهائي بطلبك .. بس اكو معلومة مامتأكد منها فه ماحب اكولها حول مقبولية الاستئناف بالنهاية وآلية عملهم . عموماً الله يسهل امر الجميع.

255
الف الف مبروك للأخ البرق اتمناله الحياة السعيدة والتوفيق الدائم في بلده الجديد

256
قدمت استئناف بال9وجاي ننتظر والكريم الله...
سيد سجاد احجيلنه على استئنافك منو كتبه الك وكم صفحه ؟ حاول تذكر التفاصيل يجوز تفيد اخوانك المرفوضين الجدد ومن الله التوفيق.

257
استاذي الفاضل alwaleed88 حقيقة خجلتني بكلامك  والله يااخي انا اتكلم باللي اشوفة كدامي او اللي مريت بي او اللي مرو بي الاصدقاء والاقارب ف تحيه لك وعلى كلامك وذوقك الراقي .
اما الاخ حسين خلي طالما هو مقتنع بيها وعلى فكرة اخ حسين مجاوبتني على المثال اللي جبته ! يمكن ماقريته زين اعتقد ؟ اذا تحب اعيده

258
اولآ حبيبي الرموز اقسام وبعض منها مصادقه وخروج من قسم الى اخر والموظفين الي في iom استفسار شخصي عن هاي الرموز وانت وغيرك تابع تلك الرموز حيث تشاهد dhsانترفيو مقابلة محلف وتشاهد up تحديث معلومات مع. DHS وبعض منها تحمل رموز مكاتب التجيك وخفر السواحل اخي اذا متعرف تقراء انكليزي روح ترجم بعض المكاتب والاقسام في مواقهم التاليه خفر السواحل الامن الداخلي امن المطارات المنظمات السفر والى اخره سوف تشاهد معنى كلامي وعند ارسال الرموز مع الرساله تعني في حال تكرار الرساله لا تزال القضيه في مكانها لم تنتهي بعد من تلك المرحله وبتجربه وخبرة سنوات تلك الرموز مايزال العمل بها حيث اذا انتبهت انت ليس اسم لديهم فقط بال عباره عن رقم وفي حال وصولك سوف تصبح عباره عن رقم سوشل هو يحدد من انت وماهو ملفك وكيف وصلت الى اخره… . فأذا قلت بدعه من المحللين انت غلطان لكونك غير متابع للامور بشكل تفصيلي وبعض الرموز تعني اسم جهات واسم اقسام والبعض الاخر هي اسماء منظمات بعد تحديد السفر والبعض منها اسماء برامج سوف تمنحك المساعده عن الوصول تحياتي .
عزيزي استاذ حسين كل واحد له وجهة نظر حضرتك مقتنع بيها واني مامقتنع بيها  بس انطيك فد مثال بسيط وسريع على عدم قناعتي ..
صديقي مكمل كلشي ومنتظر موعد سفر وصديقي الثاني مقابل محلفين وبعدة مماخذ النتيجة واني مرفوض ومقدم استئناف ولحد هسه مابين شي  دزينه رسالة انا وهمه في نفس اليوم والساعه ووره اسبوع اجانه نحن الثلاثه نفس الرمز بالضبط , شنو رأيك !!  وردت اكتب هذا النموذج في مواضيع احد الاخوان اللي بعدهم متوهمين ويسألون على الرموز بس كلت خلي عايش بالامل لأن (لولا فسحة الامل لضاقت الحياة)
مودتي لك

259
يابه شلونكم اخباركم وين هالغيبة يمعودين شصار ماصار وياكم ؟ اشو فدمره كطعتو !! المهم اكيد حتى اللي صار ويا شي ايجابي ماراح يذكرة  بس حبيت اسلم عليكم واكلكم خل نتواصل حتى لو بكلمة .

اخ علي الجبوري سوي مثل ما اقترحتلك واتوكل على الله بس لازم تذكر فد سبب مقنع لعدم ذكرك هذه التفاصيل في مقابلة المحلفين  وحاول تذكر بالاستئناف فدشي جديد صار وياك بعد مقابلة المحلفين ولغاية هذه اللحظة (لأن اللي مايذكر فدشي جديد بالاستئناف ينرفض استئنافه) .
مودتي لكم جميعاً

260
الهجرة و واللاجئين / رد: RFR
« في: 02:07 19/10/2015  »
تفضل اخي هذه الصفحة الثانية وباقي الصفحات ايضا على نفس النسق

261
اخونا الكريم حاول تحط سؤالك في مواضيع الحياة العامة في بلاد المهجر (استراليا) عسى ولعل تجد ضالتك .
مودتي
http://www.ankawa.com/forum/index.php/board,314.0.html

262
الف مبروك اخونا العزيز تمنياتي لكم بسلامة الوصول والراحة البال والتوفيق الدائم

263
الهجرة و واللاجئين / رد: RFR
« في: 12:32 16/10/2015  »
اخي العزيز اني رأيي دز الاستئناف بل DHL ووره 5 ايام دز رسالة للمنظمة استفسر بيها عن استلامهم الاستئناف (بهاذي ال5 ايام اكيد يكون قد وصل لعمان) ووراها اذا صارت بي مشكلة او ماتم الاستلام (نادر حدوث مثل هذا الشئ) انت بهذي الحالة دزة بالايميل ..
يعني بالعراقي خليك جاهز لأسوء الاحتمالات .
بخصوص رسائل الدعم هذه تكفي لان سبق وان ذكرتلك مايحبون الكلام الكثير ألا اذا كانت ضروري .
مودتي

264
الهجرة و واللاجئين / رد: RFR
« في: 01:51 16/10/2015  »
تفضل اخي هذي اول ورقة من استئنافي اذا حبيت سوي مثلها ورتب باقي الصفحات على نفس النسق وكما موضح بالشرح .
ملاحظة: لاتسوي استئناف طويل تره ميحبون جر وعر
مودتي

265
اخوان كل اللي يسأل عن طريقة كتابة الاستئناف هذي اول ورقة من استئنافي رتبتها وخليتها كنموذج اللي يحب يسوي مثلة .
وانا بالخدمة

266
اخي العزيز خالد  أياك ثم اياك بعد ماكملت كلشي تغير الكفيل لأن رح تتأخر كثيراً وبعدها لاينفع الندم . تكدر تغير الكفيل وانت بالمطار بمعنى هناك من تستقبلك المنظمة تكلهم اني اريد اغير الكفيل واعتقد تتأخر يوم او يومين بس رح تدفع تكاليف الطيران الى ولايتك الجديدة على حسابك كاش . بس لاتفكر هسه بالتغيير نصيحة .
مودتي

267
السلام عليكم اني مقدم سنة 2012  واجاني رفض على المربع السابع يوم 6/7/2014  وقدمت استئناف و ايجاني رفض بعد 7 اشهر تقريبا و الرفض هو لعدم توفر معلومات جديدة و هسة دا اكتب استئناف ثاني
السؤال هو : في مقابلة المحلف ثﻻثة امور لم اذكرها و هي
1. سافرت سنة 2002 لعمان و رجعت للعراق 2003 وللعلم ممقدم على  un
2. اخي اعتقل من قبل الامريكان سنة 2006 و فرج عنه 2007 بدون اي تهمة ولم تصدر بحقه مذكرة اعتقال يعني ( جان رايح خطار لبيت اهل زوجتة و صدفة جانت حملة اعتقال بذاك اليوم شلون حظ عليه الله يرحمة و يرحم والديكم )
3. اتعينت بالشرطة الاتحادية 2012  و بطلت 2014
وهسة اريد اذكر هذه الامور بالاستئناف و احاول ابرر سبب الاخفاء و الحقيقة انه اكو عندي صديق بامريكا هو كلي لتكول هاي الامور الله يسامحة عود على اساس تاثر على الملف
وهسة اخواني محتاج ارائكم و شنو ممكن اسوي يغني اكول لو ﻻ
تحياتي اخوكم
علي الجبوري
اخي علي بصراحا موضوعك جدا محير وانا ماحب اكول شي مااعرفه او ماسامع بي من قبل او مار بي لأن اخاف اكلك سوي استئناف واذكر هذي التفاصيل الجديدة احتمال يجيك رفض على المربع السادس (عدم مصداقية) والسبب انك ماذكرت هذه الاحداث في المقابلة .. وبالمقابل اذا ماتذكرها هم رح يكولون ماذكر اي تطور جديد بقضيته ورح تنرفض والسبب هو ماكو اي تطور بملفك .. انطيني فنتك خلي ارتبلك فد شغله مقنعه على انك تذكر هذه الاسباب وتنطي سبب مقنع لعدم ذكرها .. ومن الله التوفيق اولآ وآخراً .
مودتي

268
السلام عليكم محتاج نصيحتكم
اني تقديم 2009 واجاني قبول في 2011 بعد موافقة المحلف الامريكي وبعدين في شهر 4 \2014 اجاني رفض على الفقرة المشؤومه الفقرة 7 احنا كنا ثلاثة بالكيس انا وزجتي وابني .. سويت استئناف ودزيتة في شهر 6 2014 في خلال هاي الفترة الله رزقني بأبنية وهسة عمرها 9 اشهر بس ما ضايفها معاي بالكيس افيدوني افادكم الله اضيفها بالكيس قبل نتيجة الاستأناف لو شسوي ؟ وشكرا للجميع مع شكر خاص لعراق فورم على سرعة الاجابة ومساعدة للاخرين
عزيزي رماد اول شي الله يحفظلك البنيه وتتربه بعزك .. ثانياً اسمحلي اكلك انت قصرت بعدم اضافتها معك في الكيس في وقتها  لأن اذا جتك موافقة رح تسافرون انتو الثلاثه فقط من غير البنيه  بس عموماً قدر الله ماشاء فعل تكدر تبعث رسالة للمنظمة وتبلغهم انو جتك بنيه وماكدرت تضيفها وتنطيهم سبب قوي لأن بهذي الحالة اذا جتك موافقة لازم تسوي مقابلة روتينيه مع المحلفين حتى يشوفون الطفلة ويتأكدون منها ومن كافة اوراقها ..
هسه اللي تسوي اول خطوة خاطب المنظمة ودز جميع الوثائق اللي تثبت انو هيه بنتك (شهادة ولادة وما الى ذلك) حتى همه يتخذون اللازم.
مودتي

269
عزيزي تفرج  هاي السالفة بسنة 2012 وطلع القبول ب2014 وهسه استلم الكرين كارد قبل حوالي شهرين .
اخي رماد بالنسبة لرفع الموضوع لأنه اكو كثير من الاخوان اللي انرفضو بالاردن وفي العراق قبل كم يوم ويكتبون كثير مواضيع حول كليشة الاستئناف أو اي شئ يساعدهم في ذلك فه رفعت الموضوع لأهميته في هذا الوقت .
مودتي لكم

270
عاشت ايدك ابو محمد جاري فتح الموقع والأطلاع

271
شلون الشباب وشلون همتكم  ;)
طبعاً اول شي هذا موضوع آخر للي يسأل عن نموذج استئناف وتعليمات تخص هذا الموضوع تفضل
http://www.ankawa.com/forum/index.php/topic,782129.0.html
ثاني شي لبارحا كنت اتكلم هاتفيا مع احد المرفوضين على المربع السابع وبعد المكالمة الخص لكم الزبدة : سوة استئناف مع احد المحامين المتطوعين (جمعية محامين بل حدود)  الاستئناف طول سنتين بعد اسنتين خابرته المنظمة كالتله استئنافك انقبل ووراها بدت اجراءات الفحص وماشابه ذلك .
ملاحظة مهمه : احد افراد عائلته ما انرفض بالبداية وسافر امريكا وهو هناك كام يسأل ويراجع.
يارب احنا موافقين سنتين بس ننقبل  :'(
شنو رأيكم اخوان نتأمل لو ننسه الموضوع ؟

272
حمدً لله على سلامة وصولكم اخونا وتمنياتي لكم بالتوفيق الدائم وبارك الله بيك على المساعده

273
اخوتي الاحبة السلام عليكم..
اخي العزيز  iraqform اجعل عملك دائما لله ولا تنتظر شي من العبد،ربك ميضيع تعب واحد وانت المعروف بكرمك وسعة صدرك ،اما بخصوص قلة الردود وكثرة المشاهدات ،اذا نسوي نسبة بينهم راحنشوف مقابل كل رد 20 مشاهدة تقريبا في اغلب المواضيع وهذه نسبة اعتقد مقبولة اذا اخذنا بنظر الاعتبار :
1-ضيوف المنتدى
2-الاعضاء المشاركين بالموضوع وحابين يعرفون الردود الجديدة .
3-العضو اللي لا يملك الجواب
لشافي والأكيد 100 بالمية لان مسألة الهجرة واللجوء حساسة تتعلق بمصير اشخاص.
4-عدم وضوح السؤال كأن يكون(ارجو المساعدة أو سؤال ومحتاج الجواب وما الى ذلك)يعني تدخل وانت متعرف اذا كان يخص ال siv أو iom او متعلق بالحياة بامريكا فتضطر تخرج دون رد اذا ما كان لك علم به.
5- ضعف النت مثل اللي يصير معي فعملية دخولي وكتابة رد وارساله ياخذ مني فد 4 او 5 مرات مشاهدة.
واخيرا وفقكم الله لعمل الخير يا طيبين وتقبلو تحياتي...
ابو ريم


تسلم اغاتي ابو ريم على الشرح الوافي وكل واحد واله عذره طبعاً ..
مودتي لك ياطيب

274
اخوية ابو كارتونه طالما كلشي مكتمل عندك بما فيها الفحص الطبي  هسه فترة بسيطة وتكتمل عندك الامنية وتشلع وبعد منشوف وجهك حالك حال اغلب الاعضاء القداما والجدد  ;D
دمت بود

275
حفيد الباشا عجبني سرد الموضوع مو الموضوع بصراحا لأنه بلهجه بغدادية اصيلة  :D
مودتي لك

277
الله يكون بعونك اخونا بس كلنا سبقناك على المربع السابع كلنا .. هدي اعصابك كم يوم واستئنف والله كريم

278
تسلم لورد حبيبي على الاعداد الوافرة هذي

279
مثل ماكلتلك هذا رفض محلف واغلب الضن هذا رفض من السوبرفايزر مال المحلفين لان هو بالاخير اللي ينطي القرار النهائي وهذا الشي اغلب الناس ماتعرفه .. عموماً اخوية طالما انت بعمان اكو مكتب بعمان بصراحا مااعرف اسمة بس دور عليه بالصفحه الاولى او الثانية بالكروب هذا رح تلكي الاخت TAFAR هم كانت مرفوضه وبعمان سوت الاستئناف يمة وهيه ذاكره عنوانه واغلب الناس اصلا سوت الاستئناف يمة ويمكن هيه اصلا انقبلت لان ورة 3 اشهر اختفت فجأةً عموماً دور واتعب شوية وان شاء الله شغلتك هينه .
مودتي

280
الأخوة والاخوات الاعزاء تسلمون ويسلم ذوقكم بالردود وماعلى كلامكم زود طبعاً  .
بس هم احب اذكر شي واحد واخير  وهو نسبة المشاهدة وصلت لل500 والردود 18  ;D .
دمتم بود جميعاً

281
مرحبا إخواني الاعزاء والله يعين الجميع ويفرحكم بأقرب وقت
طبعا اليوم يلة استلمت النتيجة الرسمية من عمان وكانت الرفض على المربع السادس والخاص بالمصداقيةومؤشرين على خمس مربعات ضمن الفقرة السادسة
ما اعرف شتنصحوني عن هاي الفقرة الاستئناف بيها مضمون  لو هم نضيع وقت على الفاضي

شكرا
خوية سندباد المربع السادس هوايه احسن من السابع لأن المربع السادس 90% رفض محلف بس كلي شوكت قابلت محلف انت حتى اكدر اجزملك انو هو رفض محلف لو رفض غير شي

282


شكرا عزيزي Iraqform على الاجابة المفصلةوبارك الله فيك  وبخصوص المربع الرابع مافتهمته زين
يعني مثلا اني بالمقابلة سالني هل طلبت لجوء في دولة أخرى اجبته بنعم لاني كنت مقدم على السقارة الفرنسية بالاردن واجاني رفض برسالة على الموبايل وكتلة هالكلام
هل قصدك في المربع الرابع انني كان يجب لااقول ذلك اي انه كان عليه ان انكر انني قدمت الى فرنسا

شكرا
عزيزي سندباد انا هذي الفقرة بالذات بقيت حاير في ترجمتها واني نفسي مافهمتها وذا حبيت حضرتك اكتبلك النص بالانكليزي وانت ترجمها بكيفك لان النص مفهمته ابد

283
السلام عليكم عندي استفسار اذا واحد مرفوض من امريكا على البند السابع وراد يطلع تهريب على المانيا هذا الرفض يأثر على طلب اللجوء لو لا
مع تحياتي للجميع

لا اخوية رماد اطمن ماتأثر لأن امريكا مامشتركة بأي اتفاقية للاجئين مع الاتحاد الاوروبي (يعني كل واحد يشتغل وي نفسه بهذا الموضوع) ماعدا اذا كان الشخص المعني مجرم ومنشور اسمة في الانتربول الله يبعدك عنهم  :D

284
السلام عليكم جميعا ..
لي صديق مرفوض على البند السابع وسبق وان قدم استئنافه منذ مدة طويلة تكاد تعبر السنة تم توجيه له دعوة عمل في الولايات المتحدة الامريكية والدعوة تتمثل باستحصال الفيزة (يعني بالمختصر) مسويله عقد عمل .. فما مدى تأثير الرفض والاستئناف على معاملته الجديدة؟علما ان المؤسسة الداعية له لها سمعتها ومكانتها هناك (على حد تعبير هذا الشخص)..ودمتم بخير ومحبة.
اخي الحياة حلوة اذا تم استحصال الفيزا بدون اي معرقل فه مااعتقد بقية المراحل سوف تكون صعبة لأن هيه اصعب شي الفيزا لأن بمجرد مقابلتك للموظف رح يسألك هل لديك معاملة في الIOM واكيد مرح تكذب ... يعني ملخص مفيد بس يوصل امريكا يقدم عادي ولاكأنه شي حاصل قبلها,, هذا اللي اعرفه وصارت مع احدهم هم اجا رفض بس مااعرف على اي مربع وهسه اللي اعرفه لازم محامي بأمريكا

285
لااحب الاطاله عليكم اخوتي  هنالك الكثير من الاعضاء يطرح تساءل او شئ لم يفهمه بمرحلة من مراحل سير ملفه والبعض منهم يترجى المساعدة  وعندما تكتب له بما تعرفه او تسمع عنه او مررت به  لاأحد منهم يتكلف ويكتب لك كلمة (شكراً) فقط لاغير  !! والتساءل هنا هل نحن على خطئ ام على صواب فيما نقول ! عندما كنا اطفالاً اهلنا علمونا ان الذي يقدم لك المساعدة مهما كانت لازم ان نرد بكلمة شكراً اقل شئ لأن الكلمة الطيبة صدقة .
اطلت عليكم اخوتي .
دمتم بود جميعاً

287
اخوية اني المنسي كول يالله .. بس اني اعرف حوالي 14 عائلة هنا بمصر استلمت هاي الرسالة وهسه يسمعون حسك بأمريكا ( هاذي رسالة هي عبارة عن موافقة محلف وكل اللي يكلك غير ذلك هو غلطان ) وانتظر بقية الاجراءات ومبروك مقدما 

288
اخي قدم استئناف لأن استئنافك بي امل قوي طالما رفض محلف وعلى الاغلب يسوولك اعادة محلف بس حاول تشوف محامي زين

289
حبيبي تكدر اتقدم على موقع المنظمة مباشرة ic@iom.int اذا انت مشتغل مع القوات الامريكية سابقاً او حتى لو شركة كان الها ارتباط مباشر مع الجيش الامريكي .. صور باجاتك وكل الوثائق اللي تملكها عن عملك وابعثها لموقع المنظمة وانتظر منهم رد .
ملاحظة : لابد من توافر ايميل رسمي للسوبرفايزر اللي كنت مشتغل ويا غير ذلك مهمتك تكون شاقة .

290
صباح النور والعافية اخواني واخواتي اسأل الله لي ولكم دوام العافية والصحة
هلا ومية هلا يمعود وينك مدكلي هذه شنو شغلك اشو فدمره مختفي ! ريان وينك بس لا سافرت لاوروبا وعفت الاستئناف  ;D
ابو رهف عزيزي شخبار الكبه وشغل البيت اكيد متعب  :D
اخوية تفرج سولفنه شدسوي مدسوي وين مكضي وكتك ؟
اخوية الحياة حلوة وبقية الاخوان ان شاء الله تكونون بخير وسلامة

291
اخي مقابلات الIOM عددها 2 فقط (مقابلة اولية + مقابلة محلفين) الله يسهل امرك

292
الاخ العزيز ابو محمد الاخوان اكيد ماراح يضربون تخت رمل ويشرحولك معنى الرسالة من غير ماتشرح تفاصيل ملفك وشنو الرسالة اللي دزيتها حضرتك حتى يوصلك هيج جواب !
مودتي لك

293
اخي العزيز طالما تم تحويلك الى امريكا اذاً سوف يحول ملفك الى منظمة الIOM وانتظر منهم تحديد موعد مقابلة اوليه بس الفترة تختلف من بلد الى اخر على سبيل المثال في مصر يتم تحويل الملف الى IOM وبعدها بحوالي 3 او 4 اشهر يتم الاتصال بك من قبل المنظمة المذكورة لتحديد موعد مقابلة اولية .
بالتوفيق

294
اول شي يذكر ان هو كان يعمل بالشركة الفلانيه في تاريخ كذا لحد تاريخ كذا وكانت هذه الشركة ماخذه مقاولات مع الجيش الامريكي ويذكر وظيفته بيها للشركة .. هذا اول قسم ووراها يذكرلهم انو هو مهدد حاليا بسبب عودة المليشيات بحرية الى بغداد والى اغلب المحافظات وهو الان يتنقل من مكان لمكان بسبب التهديدات الشفويه التي تعرض لها اهله في البيت بسببه  ويختم كلامة انو المنظمة لازم تشوفله حل لان اذا بقه بالعراق سوف يتعرض لل... وهاي بقت مفتوحه لصاحبك شنو يذكر بيها .
ملاحظة  اي وثيقة تثبت عمله بالشركة خل يدزها (عقد العمل او كتاب شكر او اي شي) وينتظر جواب المنظمة وفي حالة انو طلبو منه الايميل الرسمي لمسؤله بالعمل (لازم يطلبو) خلي يدزة بالرسالة الثانية للمنظمة بعد ان يستلم ردهم .
مودتي

295
اخي العزيز سؤال : صديقك عنده الايميل الرسمي  لمسؤلة بالشركة لو لا ؟ لان اذا المنظمة طلعت اسم الشركة بالقائمة رح تطلع الشركة كانت متعاونه مع الجيش الامريكي فه مقبول مبدئياً  بس لازم يدز الايميل الرسمي لمسؤلة بالشركة حتى يتم مخاطبته وسؤاله عن الشخص المعني.
مودتي لك

296
تفضل اخي هذا رقم المنظمة بعمان
0096265625077

297
الاخ سندباد وبقية الاخوة اللي يسألون عن ماهية هذه المربعات سأقوم بشرحها وبالتسلسل ابدأ بالمقدمة التعريفيه لها ( وهي عبارة عن سبع مربعات صادرة من دائرة الهجرة والمواطنه الامريكية ومع كل مربع سبب رفض يختلف عن الاخر وهي :
المربع الاول وهو عدم الاهلية للدخول في البرنامج الانساني الخاص للحكومة الامريكية للهجرة واللاجئين.
المربع الثاني وهو عدم استطاعتك التأسيس من خلال المقابلة بمطالبك كلاجئ وينقسم الى قسمين اولهما عدم استطاعتك اثبات مخاوفك من الاضطهاد او مايبرر عملية اضطهادك مستقبلاً  وثانيهما لم تستطع اثبات ان اضطهادك او خوفك من الاضطهاد مستقبلاً كان عليك انت خصوصاً ولأسباب مثل ديانتك او قوميتك او عضويتك لمكان ما او لأفكارك الخاصه .
المربع الثالث وهو عدم استطاعتك اثبات انك لم تضطهد الاخرين  ولنفس الاسباب " لأفكارهم او ديانتهم او قوميتهم او انتمائاتهم او او او .
المربع الرابع  وهو يتعلق بأعادة توطينك الى بلد ثالث وينص على انك قد فشلت في اثبات انك لم توطن او تطلب توطين في بلد ثالث .
اما المربع الخامس وهو مايخص المقبولية وبه ثلاثة تفرعات .
اما السادس يتعلق بمصداقيتك وبه ستة تفرعات .
واخيراً السابع  ومااعتقد اكو احد بقه مايعرف ماهو المربع السابع المشؤوم .
تقبلو مني كل الود وعذرا على الاطاله

298
اخي الكريم تكدر ترد عادي بس ردك يكون كالأتي :
خير الكلام ماقل ودل أي رسالتك تكون غير مطوله واهم شي توضح بيها سبب تأخيرك بالرد عليهم (حاول تشوفلك سبب مقنع جداً) مع ارسال جميع الوثائق اللي تملكها واهم من الوثائق الايميل الرسمي للسوبرفايزر مالتك اللي كان المسؤل عليك حتى يتم السؤال عنك للتأكد من صحة كلامك .
وان شاء الله خير

299
اختي الكريمة لازم جميع افراد الاسرة حاضرين واول ماتدخلون والمحلف رح يشوف الشخص المذكور ويشوف التقارير مالته رح يسأله الاسئلة الروتينية اللي ماتاخذ غير اقل من 10 دقايق وراها يطلعه بره الغرفة ويبدأ المقابلة الحقيقية مع صاحب الكيس الرئيسي اذا كلهم بكيس واحد .. لاداعي للقلق الشغلة اسهل مماتعتقدون بكثير

300
اخواني واخواتي كل عامً وانتم بألف خير وصحة وسلامة وان شاء الله العزيز القدير السنة القادمة 2016 سنة فرج وتساهيل من الله بعد هذا العذاب اللي عشنا نحن المرفوضين ..
تمنياتي لكم بدوام الصحة والعافية والله يجمعنا على خير وبركة وبمكان وزمان مختلفين .
دمتم بود جميعاً

301
الأخت القديرة ساوند بارك الله بيج وكل عام والجميع بألف خير

302
مبروك اخ مصطفى تمنياتي لكم بسلامة الوصول والحياة السعيدة

303
تصحيح للمعلومة للأخ جوسي (( العدد 85 الف من ضمنهم 10 آلاف سوري )) والباقي جنسيات متنوعه )) وهذا الخبر عن وكالة اعلامية رصينه سمعته بنفسي ..
دمتم بود

304
في مثل هذا اليوم والتوقيت تم انشاء هذا الكروب الذي جمعنا ببعض الاصدقاء الذين لولا مشيئة الله عز وجل ماكنا قد تعرفنا عليهم ولا عرفناهم وهم كُثر ولكن اخص بالذكر الاخ ابو عبدالله اللي لحد الان نحن متواصلون على الفايبر والاخ ابو رهف والاخ سلام والاخ ريان والاخ مارك والاخ ابل اللي نتمناله سلامة الوصول لاوروبا والاخ الحياة حلوة والاخ حسين اللي وعدنة بالتواصل ولكنه اختفى كما توقعت والاخت ام زوزو والاخ تفرج والاخ سمير العزاوي والاخت علوشة والاخ بوكانسيرو واكليل الجبل والاخ رعد السراي , وعذرا لمن لم اذكر اسمائهم لأنهم كثيرون وادعو من الله عز وجل ان يجمعنا في مناسبات وافراح وانتم تنعمون بوافر الصحه والسلامة وراحة البال . يارب يارب فرج همنا وازل غمنا نحن المرفوضين وارزقنا بما نستحق بعد تعب ارهق كاهلنا من انتظار لسنوات على امل الاستقرار وراحة البال  انك قريب سميع الدعاء . مودتي لكم جميعاً ودمتم اخوه اعزاء  اخوكم ابو مريم

305
مرحبا اخ تفرج
سؤال اخي العزيز
اني كنت معلق لمدة سنة تقريبا وبعدين عادولي مقابلة محلف شهر اب الماضي
بعد عشرين يوم تقريبا من المقابلة صار ملفي مغلق وبقة بس عدد الافراد وبقية الخانات كلها خالية
اعتبرت نفسي مرفوض لكن لغاية الان لم استلم كتاب او رسالة الرفض

في الاسبوع الماضي كتبت الهم اميل استفسر عن ملفي واليوم اجاني هذا الرد
Dear Sir/Madam,
 
Thank you for your email.
 
Please note that once a decision is made regarding your case, you will receive the DHS decision letter.
 
والي ينفهم من الرد انه لغاية الان لم يتم اتخاذ قرار واذا كان الامر كذلك فلماذا تم غلق ملفي
ماهو رايكم

شكرا
مرحبا اخوان .. ماطولها عليكم وعلى كلمن يسأل على هذا الرسالة مال الاخ سندباد واللي ترجمتها بالعربي (( برجاء ملاحظة انه عندما يتم اتخاذ قرار في قضيتكم سيتم تزويدكم بكتاب من الامن الداخلي الامريكي )) هذه الرسالة 99% من اللي استلموها انرفضت ملفاتهم حتى الاخوان الباقين ليعيشون بوهم سلمو امركم بيد رب العالمين وقدمو استئناف عسى ولعلى الله ينفخ بصورتنه .
دمتم بود اخوتي

306
رحمه على والديكم اخوان اجاني رفض.. بس مابي سبب الرفض ويكلولي سوي RFR  وما اعرف شلون اسوي الاستئناف وين اسوي .. ضلمه ودليلها الله كفيلكم الله..
اخي سيد سجاد انا اكدر اساعدك بس لازم اعرف شنو سبب الرفض (ميصير رفض بدون سبب) اعرف سبب الرفض من خلال كتاب الرفض وان شاء الله مانقصر وياك

307
اخي اذا بعدك بالبدايات تكدر تغير . اما اذا مكمل كلشي بما فيها التجييكات الامنية فه نصيحه انسى كلمة التغيير حالياً

308
اخ سمير تحياتي الك ولأصرارك الرائع .. بس قصدك ملفك تحول الى قيد الدراسة لو هاذي الكليشة مال المنظمة ؟ نرجو التوضيح

309
عزيزي صليل قابل سايق تريلة اني حتى تسألني بخبرتي  ;D عموماً الايام بيننا وانت قيد الدراسة وهسه تشوف

310
عزيزي صليل لاداعي للقلق قضيتك تحولت الى قيد الدراسة واحتمال تاخذ وقت من ست اشهر الى 3 سنين انت وحظك بس بصراحا هيه رسالة غريبة ومطولة عكس الرسالة التقليدية لجماعة قيد الدراسة !! عموماً خير ان شاء الله

311
اخوان خليكم بمضمون الرسالة ومالكم علاقة بالكودات الي اخترعوها جماعتنه .. زين شنو رأيك اني مرفوض ومقدم استئناف صار سنة تقريباً واجاني نفس هذا الرمز قبل 3 ايام !! (خليكم في مضمون الرسالة) واتركو البُدع ارجوكم

312
والله يااخت ساوند بالنسبة الي ماعندي اي تصور على موضوع SIV اذا الاخوة الاعضاء عدهم علم ماكو واحد رح يقصر .
دمتِ بود

314
الاخ سلام والاخ تفرج لاجديد تحت الشمس الحارقة الخارقة .. بس منو بيكم كمل سنة ونص يرفع ايدة لان حمضنه (عمي لو توافقون لو ترفضونه) خلصونة عاد

316
شلون الحلوين والحلوات .. هاي بعدكم قال وقلت .. والمنظمة والانتظار نص الي اعرفهم كلبوا باوروبا هسه وكلهم فيز لو تهريب .. وانتوا بعدكم كالت المنظمة وانتظار ... المهم هسه حتى المانيا من بغداد قتحت وفرنسا .. ويكولون القنصليات بالشمال بس ما متاكد ... المهم .. تره الشخلة حيل حمظت وبعد مابيه اي فائدة لو قبر العراق لو تعب سنة بأوروبا ... وبحما الرب اجمعين .. نصيحه لاتعبون نفسكم بعد بامريكا .. لانه همه ايريدون ناس همه قانعين بيهم مو اشتغلوا لو تعبوا وياهم ... وطيح الله حظ الوكت الي خلانه ننتظرهم همه والسرسرية مال منظمة عمان شفتوا منظمة اوادم اولهم اي او ام وجماله بعمان استفاد حيل
ابو الرون عبالنه طفرت لأوربا ;D  يمعود شمنتظر اطفر لفنلندا جماعتي راحو هناك واخذو اقامات ..
على كولتك امريكا تاخذ بس اللي مقتنعه بي اما احنه يجوز منعجبها لو نهدد امنها القومي.
عود من تنوي تفلت بلغني اخوية

317
اخي انسى موضوع التغيير في مثل وضعك , كدامك خيار من اثنين : الاول عند وصولك مطار جون كنيدي اطلب تغيير الولاية وقدم العنوان الكامل للكفيل الجديد بس انت تتحمل تكاليف الطيران للولاية الجديدة, والخيار الاخر من توصل ل ولاية مين واذا ماعجبتك خلص فترتك بيها وراها انتقل براحتك.
اما الان أياك والتغيير

318
اخي الكريم اجراءات المفوضية للتحويل تاخذ وقت من شهرين الى 4 اشهر بعد اول مقابلة (هذا بالنسبة الى مصر) اكيد في الاردن نفس السياقات . انتظر طالما اسمك نزل في جدول المقابله الثانية ان شاء الله خير يجوز تتحول على كندا

319
اخي الكريم صدقني سالفة الرموز بدعه من العراقيين حصراً .. اني قبل اسبوعين جاني نفس هذا الرمز اللي ذكرته بالضبط واني مرفوض ومقدم استئناف صارلة سنه .. اما السيد الوالد فه حدث ولاحرج مابقه رمز بالمنظمة مامر عليه (صارلة سنتين و9 اشهر مقدم استئناف) نصيحة من اخ لأخو  خليك بمضمون الرسالة فقط لاغير

320
بوركت اخونا .. تم التوقيع ونتمنى من كل الاخوة والاخوات اللي عدهم معامله متأخره او معلقة في هذه المنظمات اللعينة ان يقومو بالتوقيع في هذه الصفحه

321
آلسلام عليكم ..
شلونكم حبآيب شخبآركم مآكو شي جديد
آحنه بين فتره نخآبر وجوآبهم يكون ..
آنتو مرفوضين وآلمرفوض ينتضر لان موكل دوله تقبل بي بسهوله
زين وآلآستئنآف شنووووو خرآعه خضره  :-\

ع كلآ آتمنى آلخير وآلموفقيه للجميع آدعولنآآآ .. عسى ولعله دعوه غريب مستجآبه  :-[
اخت علوشة بالله عليج متفهمينه وين تخابرون ؟ لأن اذا خابرتو للIOM فه هيه مالها علاقة بتحويل الملفات لبلدان اخرى طالما انتو عدكم قضية يمهم سواء استئناف او غيره ..
اما اذا كنتو تخابرون للUN فه بقوانين اليوان طالما الملف قدم استئناف فه اجراءات تحويلة لبد اخر تتوقف كلياً لحين البت في موضوع الاستئناف .
بصراحه كلامج غريب ومو واضح .
دمتم بود

322
عاشت ايدك اخ جوسي .. بس على هذا الكلام ميريدون كبار بالعمر موصحيح ؟

323
فعلا شي غريب !! شنو يقصدون بهذا الكلام ؟ وشنو النقطتين هاذي ؟ السابع هو سبب واحد مابي اي تفرعات !!! عجيب امر هذي المنظمة والله
عموما هسه تبين خلال 3 اشهر النتيجة

324
اخي العزيز مبروك وتوقع خلال مدة اقصاها 3 ايام ويتم الاتصال بك لتبليغك بموعد السفر .. بالتوفيق

325
اخي رامي طالما انت مسجل بل UN اكيد عندك بطاقة تعريفيه ,, شمكتوب على البطاقة ؟ لأن مثل ماوضحت مسبقاً اكو بطاقة مكتوب عليها (بطاقة تسجيل لاجئ) وبطاقة اخرى مكتوب عليها (بطاقة ملتمس لجوء) ولكل وحدة لون يختلف عن الاخرى

326
اخي العزيز اذا عندك رقم الUNHCR في ليبيا اتصل بيهم واستفسر على كيفية تحويل ملفك الى دول الجوار (اردن او مصر) .. لكن السؤال المهم هو : ملفك في ليبيا يحمل صفة لاجئ رسمي أو ملتمس لجوء ؟
لأن مثل متعرف الUNHCR بيها نوعين من الملفات (لاجئ وملتمس لجوء) انت أي واحد منهم ؟

327
صباح الخير
احنه 6/21 كملنه سنه يعني صار سنه وشهرين وهسه حروح التركيا نقدم كفالة خماسيه والله كريم بس محتارين نكول امو احنه مقدمين ع iomلو ماكو داعي نذكر هشي ..ويارب الموفقيه للجميع
والله يااخت ام زوزو اخاف نكول شي ويطلع غلط .. اتركي هذا السؤال في صفحة الحياة العامة في كندا وهمه يجاوبوج احسن من عدنه  .. بس اذا اتحفظتو على الموضوع مااعتقد يأثر لان هاذي كفالة (يعني اكو اشخاص يتكفلوكم) والله يسهل امركم

328
السلام عليكم .. طبعا متحلى صفحة عينكاوة اذا منلكي بيها هذا الكروب .. فرجاءا لا تخلو يختفي هذاالكروب لان صار مثل الرئة الي نتنفس بيها..  وربي يسهلها على جميع المستأنفين

والله يااخوية كلامك ذهب بس شنسوي للأخوة المخضرمين في هذا الكروب والمستأنفين قابل نجبرهم على المشاركة .. يدخلون يتفرجون ويطلعون .. ان شاء الله فرجاً قريباً بالجملة
صدك اخونا ريان وسلام وام زوزو شكد صار على استئنافكم بالله ؟

329
الف مبروك اخي محمد تمنياتي لكم بسلامة الوصول والتوفيق الدائم

330
تحية طيبة لكم اخوتي وخصوصاً الى اكليل والحياة حلوة .. الله يعدي هاذي الايام على خير وتخلص السنة ..
الاخوان القدماء بالكروب مافديوم يرف قلبكم وتكولون خل ندخل نشارك ونسلم على الباقين ! يمعودين صار بينه خبز وملح واستئناف  ;D بالجذب سلمو وطلعو ..
نحب نطمن على اخونا آبل واخونا مارك ان شاء الله يكونون بخير وسلامة ..
دمتم بود جميعاً

331
رعودي حبيبي مشتاقين ياورد طبعا كلامك شوية رفع المعنويات  :D بس اختلف وياك انو الكل نفس الشي مربع سادس او سابع او او او السادس هو عدم مصداقية والخامس عدم اهلية والسابع مشكل يالوز ..

اخوية Baguncero العام الفات من كثر الصلاة والدعاء الناس عبالهم مخبل واحجي ويه نفسي حتى بالشارع ومن تمطر ومن تبرق ووووو وبالاخير اجانة رفض الحمدالله .
ومال تكلي انساها وعيش فه موبيدي هذا الشي طبعاً . اما وضعنه احسن من غيره فه اكيد نحمد الله على هذا الشي بس الانسان بطبعه طموح ويحب يسعى للأحسن طبعاً .
دمتم بود جميعاً

332
اخي الكريم .. سبق وان ذكرنا في عدة مواضيع  لايوجد اي مشاكل في تغيير الولاية الان .
عدم التغيير يتم في حالتين : الاولى في حالة اكتمال الامنية بالموقع
                                 : الثانية في حال نزولك على جدولة السفر (بعد اكتمال الامنية طبعاً)

مودتي

333
مبروك اخي وتوصل بالسلامة وللأسف اني موبالعراق حتى اجاوبك على هاذي الأسئلة

334
نعم تكدر وهاذا الموضوع صار مع العديد من الناس اخذو فيز عادية وهناك شافو محامي رتبلهم قصة وقدملهم والموضوع يتاخر من 5 اشهر لغاية سنة .
مودتي

335
تهانينا اخ محمد تمنياتي لكم بسلامة الوصول والتوفيق الدائم

336
اخوية العراقي 72 انت مو كنت تشارك ويانه بالكروب ؟ شنو اللي صار وياك ؟ شوكت جالك الرفض الثاني ؟ طالما كاتبيلك قدم على الامم المتحده فه لازم تطلع لدول الجوار حتى تسجل عدهم .

337
أخوية عراقي فور مي

لاااااااااا
جديـــــــــــــــــــــد يذكر
ولا قديــــــــــــــــــــم يستحق الذكر

حسبنا الله ونعم الوكيـــــــــــــــــــــــــل
الله كريم اخوية العزيز .. والله ايدي على قلبي لان رح اكمل سنة على الاستئناف وصديقي اجا رفض قبل مايكمل سنة على الاستئناف  .. الله ارحم الراحمين

338
الله يساعدك اخوية عراق فورم ورد الله موجود وان شاءالله يرحمنة برحمته ، شكد صار مستانفين وشكلولة يكدر يستانف لو يتحول غير دولة لو شنو وشنو جانت قصته بصورة عامة من استانف؟ وبلموقع شنو جانت حالته مغلق لو شنو ؟

هلا اخوية تفرج .. بالنسبة للولد خابرو المنظمة وكلوله استئنافك للأسف مرفوض وتكدر تجي تستلم كتاب الرفض شوكت ماتحب وميحقلك تقدم استئناف آخر رح نغلق الملف ..
الله ارحم الراحمين

339
تحياتي واشواقي للاعزاء في كروب المرفوضين ان شاء الله الموافقة لجميع المنتظرين

اخوكم

مهندس سلام
تحياتنا الك اخ سلام شخبارك ان شاء الله يكون الشغل زين ويحاول ينسيك امريكا ,, بالمناسبة كروبنا اسمة كروب المستأنفين مو المرفوضين  ;D
دمت بخير

340
صباح الخير اخوان جميعا شونك  اخي عراق  فورم انشاله زين كول يالله مضيق الا تفرج انته صبرت وخلي صبرك انشاله جميل وعلى كولت الاخ ريان طابكين سره بلكي يارفون بحالنه بجيهم يوم لتستبعده مو بعيده عد رب العالمين اني حسبالي بل العراق انته  اخي شلونه مصر زينه بيه عمل من ناحية المعيشه ليروح ينطوه اقامه ويارب بجاه هذا اليوم يسر  امرك  وجميع المستأنفين مودتي لكم

حبيبي حسين من ناحية العمل لازم تفتح مصلحة على حسابك لان همه اهل البلد عدهم بطالة ,, الاقامة تكدر تاخذها بعدة طرق اسهلها التقديم على الUN والباقي من خلال الدراسة وماشابه ذلك ,, اما العيشة فه هيه مع هذا الغلاء اللي صار بيها من حوالي سنة بس هم هيه ارخص من العراق على سبيل المثال(كيلو الطماطة ب500)الكيا اجرتها 900 دينار لسنتر القاهرة .. وانت قيس بعد
دمت بود

341
تسلم قلبي حسين ..
اخوان آبل وابو رهف وBaguncero وباقي الاخوان القدماء هل من جديد لديكم لأن المعنويات اشو حييييل هابطة مال اخوكم وبلكت فد بطل مغذي يرحم موتاكم  :(

342
اخي العزيز اخذ كل مايثبت عملك مع الجيش الامريكي واتجه الى مصر او الاردن وان شاء الله مايطول ملفك 10 اشهر وتسافر ويفضل في مثل حالتك ان تتجه الى مصر ملفك يمشي بسرعة البرق .
مودتي

343
اخوية حسين سؤالك جوابه ينقسم الى قسمين :
اولهم من ناحية الامان والمعيشة
وثانيهم مرحلة سير ملفك وهذا محد يكدر يفتي بالامر ألا المنظمة نفسها تكدر تتصل بيهم وتشرح الموقف للموظف بصورة مختصرة وهو يجاوبك .
اما من ناحية الامان والعيشه واذا عندك احد هناك اتوكل على الله لان العراق بعد مينراد .. تركيا المركز الرئيسي للجماعات المختصه بالهجرة واللجوء (اكيد فهمت قصدي) تكدر بألف سالفة وسالفة تسافر اوروبا . وبقت يمك بعد .
دمت بود

344
شلونكم شباب اليوم صباحا تم الاتصال بصديقي وجاري من المرفوضين على المربع السابع وعملنا استئناف في نفس الاسبوع انا وهو , اتصلو به حتى يبلغو انو استئنافه مرفوض للأسف  :( احتمال كبير انا ايضا يتم الاتصال بي غداً او بعد غد .. وحسبنا الله ونعم الوكيل

345
اخي سيف بخصوص الملفات النايمة وخصوصاً الاستئناف اللي طول اكثر من سنتين ونص تمت مراسلتهم قبل سنة وكلشي ماسوو الله وكيلك مجرد ابرة مورفين يضربوك ووراها الملف يرجع ينام .. لكن مااكدر اجزم على كل الحالات   راسلهم وجرب ماراح تخسر شي وهذا رابط موضوع كتبته قبل فترة بخصوص هالموضوع http://www.ankawa.com/forum/index.php/topic,746504.0.html
دمت بود

346
اخي عراق فورم شلونك من اجه رفض للوالد هم اجاه على البند السابع رفض وانته هم على البند السابع اثنيكم اقصد اجاكم  الرفض لو بس استناف اجاه بدون موشرات مودتي لك

عزيزي الغالي الوالد كان رفضه على المربع الخامس والسادس وراح استلم الكتاب , اما انا كان رفضي على السابع وهم رحت استلم الكتاب .
دمت بود

347
السلام عليكم اخوتي جميعا.. وجمعة مباركة للجميع.. وعسى الله ان تكون خير وبركة للجميع.. بعد ان ارسلت رسالة دعم لملف الاستئناف قبل شهرين وخلال مراسلتي لهم كانت توصلي رسايل منهم بالكليشة العادية وموضوع الرسالة كان (case statue) ولكن اليوم وصلتلي رسالة هم نفس كليشة الملف قيد الدراسة ولكن هذه المرة الحالة هي (case update) والرمز (MSS) فشنو رايكم اخوتي هل هو مؤشر ايجابي ام هي شغلة عادية مثل سابقاتها.. ؟ وربي يفرجها على جميع المستانفين..
ة
والله يااخوية السيد الوالد صارلة سنتين و8 اشهر يراسلهم ومابقة رمز مااجا ومابقة شي مااجا وكلها انتظر وانتظر ومنعرف شوكت يجي الرد . فه صارت كلها نفس الشي بعد لاموضوع رمز ولاموضوع كلمة تتغير او متتغير ماكو غير الانتظار والله المستعان على هذا البلاء

348
مربع 7 شي طبيعي و عبرت السنه على الاستأناف و اكو كم شخص يعرف من ضمنهم الاخ رايان
بس اني ماحجيت بوكتها لان تحجي او متحجي نفس الشي صديقي

والله صدك بس جان شرفتنا بالكروب اللي رح اسمي كروب لمتنا تحلة وية IOM  ;D
والله يااخوية مااعرف شنكول وشنحجي بس هيه اتضحلي امريكا مسألة قسمة ونصيب والظاهر اللي ماعندة نصيب يروح لأمريكا ميروحها.
مودتي لك وننتظرك بالكروب

349
اخي سيف  كلكم لم تكتمل امنيتكم لو بس انت ؟ اذا كلكم فهذا شي غريب ! حتى لو كان الرابط بينكم قوي فه لازم تكتمل امنية احد منكم ويخيرو يااما السفر او انتظار بقية الكيسات . جيك الموضوع مال كل الكيسات

350
يعني انت هم مستئنف مثلنه ؟ شعجب لعد منعرف اي شي عن موضو استئنافك ؟ صارلك شكد مستئنف وشنو سبب الرفض بالله ؟

351
الله يسهل الكم ياربي
والله طولته الله يعينكم
تسلمين اختنا العزيزة ويسلم اصلج على هذا التعاطف

352
عاشت ايدك لورد بس والله ملينة من العد والفرز شوكت نصير وياهم مو حته الصبر مل من عدنه

353
مبروك اختنا تمنياتنا لكم بسلامة الوصول والتوفيق الدائم

354
عاشت ايدك اخ جوسي على المجهود  بس وين هالغيبة اشو مقلل مواضيعك وتواجدك !
اخوك ابو مريم

355
عروقي .. فدوه اروحلك .. الDHSهيه وحده من الدوائر الي يجيب ان يكون مجموعة الدائرة الامنية ..فكل الرفض هيه وحده منهم .. مكملت الدائرة
;D ضحكتني كلمة (( عروقي )) .. زين ابو الرون احنه شنو رفضنه ؟ هل هو تابع لهاذي السالفة لو لا ؟

356
موخوش بشارة اخ حسين  :-\
اما بالنسبة للDHS فه ماعندي اي علم بيها وشنو تعني ياريت من الاخوان اللي يعرف بيها خل يفهمنا

357
والله قهرتني اخوية موخوش خبر  :-[
دتعال يمنه بالكروب والله كريم

358
صباح الخير عراق  فورم زين اخي سوال تغيير الموقع يتغير من عمان لو امريكا زين البارحه عطله شلون اتغير والله حيره يااخي نفسنا لعبت وتعب اعصاب مودتي لك
حبيبي اعتقد التغيير يجي من سيرفرين  عمان وامريكا فه ماكو عطلة تقريباً .. بشرنا خابرتهم ؟

359
نعم اخ صليل فاحص ومتصلين بالكفيل والولاية والمطار نازلات ,, والرفض كان المربع السابع المشؤوم

360
اخي عراق فورم اني بوكته قابلت اني وابني سويه وابني احنه موافقه وفحص ونزلت ولائه وخابروا اخوي كفيل وفحص مرتين المهم مااطول عليك اني وره فتره فتحت الموقع لكيته مغلق ا بس اي اميل مجاني خاطبتهم كتلهم ليش ملفي انسد رجعولي جواب متصلين علي وممجاوب ودزولي استناف سويت الاستناف انفتح ملفي  وعادوالي  المقابله بهاي السنه شهر الرابع   المهم وره 12يوم هم مره لا خ انغلق ملفي بس اي اميل مواصلني كتبتلهم رساله اني مههدد وشرحتلهم كولشي ورجعواي جواب انه قضيتك بالامن القومي واي شي ايصير ارجعلك جواب لا اجاني بند ولا اميل كان ردهم الي هاي الرساله 10/6 ومن ذاك اليوم هل اليوم مااجاني شي غير يكلولي انته مو موهل لامريكا اشو كولشي ماكو وقبل اسبوع كلت خل اخاطبهم على ملف ابني رجعولي جواب انه ملفك جار الانتضار زين اليوم افتح ملف ابني كولشي ممسوح ومغلق  زين هاي اشلون  ومشكور اخوي عراق فورم على ردك

صدك شي غريب !! وانت ملفك من تفتحه هسه بالموقع شيقره ؟
اخوية باجر الساعة 9 ونص الصبح شيل تلفون وخابرهم حتى تخلص من القلق النفسي هذا واول شي استفسر عن ملفك وبعدها كله للموظف اريد اعرف حالة الملف اللي ويايه وخلي شوف شيكولك ,, ويارب يكون خطئ بالسستم وكلشي يرجع لطبيعته .
مودتي لك

361
اخي عراق فورم السلام عليكم يمكن قريت موضوعي هسه نزلته وشكرا على ردك يعني والدك أنرفض قبلك وبعدين ارفضت انته زين اني دائما أنرفض وميجي اميل راسلتهم ذاك الأحد  كالوا ملف ابنك بل الانتضار زين ايصير قبل فتره هم نزلت رساله من غلقوا ملفي وخاطبتهم كتلهم ليش ملفي انغلق كالوا بالامن القومي بوكته انته جاوبتني احسب اسبوعين اذا مااجاك شي يعني تجيك امني هسه شهرين من دزولي الرساله هذه يجوز موافق علي المحلف ورفض ابني
والله لاتستبعدها ويه امريكا يجوز موافقتك مشروطة بل تجييكات الامنية بس ياريت تذكرني بملفك هل انت رفض محلف لو سابع ؟ وملفك بعده مغلق لو رجع طبيعي ؟

362
اخي اني قصدي على مبدا الرفض شنو علاقة الاب برفض الابن
وذا طلع سفر لواحد وبو رفض شلون غير اكو سياقات
شوف قلبي خلي اختصرها الك .. امريكا تمشي بمبدأ الخير يخص والشر يعم ولكن ايضاً لكل قاعدة شواذ وعندي امثلة كثير على ذلك اولهم المتحدث وثانيهم احد الاصدقاء اللي اصلاً حددولة موعد سفر وتأجل ووره 5 اشهر ابو راح استلم الرفض وهو بعد رفض ابو بشهر استلم الرفض مالته والامثلة كثيرة .. امريكا مبدأها يحترك الاخضر بسعر اليابس  اذا كانو شاكين مجرد شك بملف يتم رفضه ورفض من معه وهاي سالفة الامنية تره مجرد ضحك على الذقون لااكثر وايضاً الامثلة كثيرة جداً في هذا المجال اذا حبيت اذكرها الك .
دمت بود

363


السؤال 117 :



الاخت ساوند اكملت جميع المقابلات كم الفترة المتوقعة لبقاء الملف انتظار نتيجة .
...........

الملف  انتظار نتيجة والمقابلات مكتمله والمدينةوالمطار نازلات والكفيل متصلين بية والامتيةبالانتطار كم المدة المتوقعة للسفر .
اخي العزيز كل ملف له وضعه في نظر المنظمة وعلى سبيل المثال اكو ملفات متتأخر 6 اشهر بعد مقابلة المحلف وتسافر وهاذي صارت وية احد الاصدقاء واكو ملف نايم 5 سنوات وبالاخير اتحرك وسافر .. تعتمد ايضاً على الدولة الي مقيم بيها حضرتك . نطلب منكم توضيح فيما يخص تفاصيل ملفكم كي يتسنى لنا الاجابة بصورة دقيقة .
دمت بود

364
حبيبي نمرو الربط القوي اذا ملفين او اكثر واحد منهم تحددله موعد سفر يخابرو ويخيرو لو تسافر لو تنتظر مع الملف المربوط ويا اما غير ذلك فه كلها تعتبر شواذ القاعدة .
مودتي

365
مساء الخير
اريد نصيحتكم ومساعدتكم لان انتو اهلي
اولا.شوفون الاستئناف بي امل او لا
ودا نفكر اروح التركيا نقدم كفاله خماسيه لانو عندي اختي بكندا شتنصحوني صح او لا احنه خافين اخاف هماتين تاكل سنين للنو هي اله توطين واخاف نروح واول مينسد الملف يتخذون قرار بالاستئناف واخاف ننتظر سنين ويجي رفض الاستئناف واكو احد يعرف شكد يطول التوطين بتركيا
طبعا اسفه علی الاطاله والخربطه بس والله من التفكير والخوف انتو شنو رائيكم لانو الكل عنده معلومات
اخت ام زوزو اذا اختج بكندا انصحج بموضوع الكفالة الخماسية تصير سهلة جداً الكم وماطول كثير  لان اني سألت صديقي مقيم بكند بس للأسف من مصر ماياخذون بس من تركيا والاردن لأن يعتبرون مصر بلد فقير.

366
الله يكون بعونك اخوية العزيز مرينا بيها كلنا لهذي الحالة ..
الاخ نمرو ماله علاقة لاربط قوي ولاضعيف والدليل اني ملفي مستقل والرابط ضعيف بيني وبين الوالد وبالتالي بعد ماتم رفضه بسنة اجاني رفض بعد ماتم الاتصال بالكفيل وفحص والولاية والمطار نازلات !
حاول تتصل بيهم غداً حتى تفهم تفاصيل الامر وان شاء الله خيراً
دمتم بود

367
اي استفسار بخصوص الاستناف اني خادم الكم حبايب .. عندي تجربة وخبرة بالموضوع .. تحياتي الكم

حبيبي حلم انسان تسلم على هاذي المبادرة واذا عندك تجربة سابقة ياريت تفيد بيها اخوتك الجدد وتشرحها ولو بشكل مختصر.
دمت بود



368
اخي العزيز في دول الجوار لازم اضافة الطفل يعيد مقابلة المحلف لأن لازم المحلف يتأكد بنفسه من هذا الشي اما في بغداد فه احتمال كله نفس الاجراء طالما الامر يتعلق بسياسة دولة .
مودتي

369
الف مبروك اخونا العزيز تمنياتنا لكم بسلامة الوصول والتوفيق الدائم

370
عراق فورم شحجسلك .. لو تباوع الناس الي جاي يقدمون .. وكلهم قبول .. ومن ضمنهم ناس كلش قريبين الي اجو نسيبهم وزوجته مقدمين وموظفين وعايشين رغد .. بالمقابله تكوللهم ليش مقدمين تكوللهم ماعدنه شئ شفنه العالم مقدمين قدمنه على كيس اخو زوجه الي هوه اصلا" بالعراق رجع ماعجبته امريكا .. وللوظيفه وجماله يدرون وامه للافندي سافرت ورجعت وسوت فلم ابنه يريد يسوس عمليه وهو مثل البغل كلشي مابيه .. المهم يوافقون عليهم وعلى كل الي جايين .. شكول شحجي .. تصدك وحده عمره 50 سنة مقدمه على فايل ابن اخوهه وانطوهه موافقه .. المهم بالغداء .. شفتهم كتلهم كل الي شفتوهم مهددين لاء .. جاوبوا كالوا كل الي قابلنهاهم راح يسافرون لانه متاكدين راح يرجعون .. حسينا بيهم انه ايريدون يشوفون العالم زنعتبره سياحه الهم .. جاوبوني شكول ... طيح الله حظج يامريكا

ابو الرون صدك لو كالو  هم يضحك وهم يبجي  اني لو بمكانك جان صار بيه سكر وضغط من وره هالقهر , صدك السفر يجي للمامحتاجها , لو تشوف المواضيع مال الاخوة الاعضاء بالمنتدى تشبع قهر والمشكلة يذبحون نفسهم على امريكا وبس يوصل ورة كم شهر يرجع للعراق ويبقه  وورة سنه لو سنتين يتذكر وينزل موضوع (( كيفية العودة لأمريكا بعد تركها لسنوات )) !!!!! ورجاءاً لحد يكلي رجع مضطر لأن للضرورة احكام , الوفاة لاسامح الله هي اهم المهم وحتى الوفاة شكد تريد تبقة بالعراق ؟ مواكثر من اسبوعين ووراها ارجع لأمريكا  صحيح كلامي لو غلط ؟ والكلام يطول ويطول عن الناس البطرانه واللي مامحتاجتها .
مودتي

371
الف مبروك اخ حيدر نتمنى لكم سلامة الوصول والتوفيق الدائم والحياة السعيدة

372
مساكم الله بالخير اخواني الاعزاء شلونكم ان شاء الله بخير
عندي خبر بخصوص الشخص الي غلقوا ملفة يكولوة انت مجاي للفحص (طبعا هو فاحص بس جان تبلي عليه من المنظمة يعني غصم واتدار على كولة اللمبي  ;D ) وصار ملفة مغلق وبعد مراسلات وروح وتعال وجيب وودي
وقدمتلة استاناف طبيعي حالة حال اي واحد وراهة بعد سنة انفتح الملف وهسة بعد 6 اشهر من فتح الملف اليوم دزولة الاليجبلتي لتر وطبعا ملفة من انفتح صار هولد وعاد الفحص قبل شهر واليوم اجتى الموافقة غير المشروطة ولله الحمد

قلبي تفرج عاشت ايدك على المساعدة بس الاستئناف انت كتبته بيدك لو منو كتبه ؟ وصارلة شكد ؟

373
شلونكم حبايب جميعا
والله لاجديد سنة وشهر خلصن والحمد لله بس اعذرونا شوية ملتهين هاي الايام ويه قاسم كيزر هههههه
عمي والله كافي ولاتفكرون بالموضوع وخلوهه يم رب العالمين لان التفكير راح يموتنا اذا قسمتنا نطلع يعني نطلع واذا رب العالمين ما اراد يعني شلون نعترض على ارادته حاشى لله ،،،،، يا اخواني ضاع من العمر هواية ترة مقابلات واميلات ورموز وتحليلات وتالي رفض وغمض فتح خمس ست سنوات طايرة من العمر زين هسه هم نرجع ونكضي كم سنة ثانية بالقلق والتفكير عمي كافي والله اني احجي بالنسبة اللي خلص اكتفيت واعتبرتها تجربة وفشلت وخلص شمرتها ورا ظهري وبديت ارتب حياتي وحياة عائلتي وحياة اولادي واعيش بالعراق حالي حال الملايين العايشه هنا ولحد يكولي المستقبل والجنسية والامان ياخوان هذا الموضوع موبيدي ولابيدكم لان الله ماكتبلنا وكل واحد بيومه واكو حكمة للامام علي عليه السلام تقول لو اطلعتم على الغيب لاخترتم الحاظر ،،،، واني بالنسبة اللي اختاريت الحاظر والغيب خليته على رب العالمين ،،،، اذا طلعت الموافقة على استئنافي وسافرت مراح اكوللكم على عناد اخوية عراق ههههههه لاجذب يمعودين والله اخابركم واحد واحد تجون تودعوني بعباس ابن فرناس ولاتجون ايديكم فارغة يعني كل واحد فد ظرف بيه ورقتين ههههه شنو سلفة هيه ،،،،، واذا ماطلع الاستئناف فآني صامد كالاسد بالعراق حالي حال العالم وكافي الحمد لله بصحتنا وعافيتنا والله كريم مابين طرفة عين وانتباهتها يغير الله من حال الى حال

تحياتي لكم جميعا يارفاق الدرب الطويل
واخوية عراق بشرفك لاتشيل غيبتي وتبسمرني كل ساعة محد يحجي ومحد يطب للكروب ورجلي تحكني من وراك ههههههه صدك شنو اخبار البسبوسة يمك البارحة تذكرتك شلون بقلاوة من الخاصكي اوف اوف

هلا ب ابو رهف الغالي مشتاقون يمعود  اخباركم ويه قاسم كيزر  ;D  عمي دخلي يطلع سفرك  اخابرك دولي واودعك والله وعلى امل اللقاء هناك ان شاء الله  بس هم ابقه اشيل غيبتك حتى تدخل وتنور الكروب بسوالف الحلوة وخلي ركباتك تحكك احسن من حكة الجلد من وره المي الحار مال قاسم كيزر  ;D ;D  وبالمناسبة قبل كم يوم اكلت بسبوسه من ايد زميلة لنا في العمل مصرية وسوتها بلبيت وجابتها  هتاكل صوابعك وراها  :P

374
اخي برق النصيحة ماتنفع للي متوازي ومحتاج الطلعة ,, انا اعرف عائلتين الاسبوع القادم رح يطلعون من مصر بهذه الزوارق اللعينة ونسأل الله ان يكتب لهم النجاة ويسهل طريقهم  لأن هما لو مامضطرين ماكانو يسووها .
مودتي لكم

375
آلسلام عليكم

وآلله مدري شنو هل آلفكره آلي دآ نمر بي آل ورآنه آجوي طلعوووو وآحنه بعده

منتضرين آلاستئنآف ... هآي صآر سنه وشهرين مدري 3 آشهر ومآكو لا حس ولا خبر آحنه

شبآب مآبقت بس  طريقه وحده هي نشوف وآحد يدفعهآ بفلوس !!!

محد يعرف آشخآص بفلوس  يمشون آلنآيمين حتى لو ندفع شنسوي ولا نبقه بهل آلمكبره آلاردن

وآن شآء آلله خير علينآ كلنه ..

والله يااخت علوشة المشكلة انو هيه وصلت بمكان ميفيد بي لافلوس ولاهم يحزنون لازم تنتظرين الرد مال استئناف   وحتى توطين الى بلد اخر هم متتحولين ألا بعد صدور نتيجة الاستئناف !! فه مابيدينة غير الانتظار  والدعاء لنا ولكم بالفرج القريب بأذن الله وطالما تجاوزت مدة الاستئناف ال12 شهر استبشري خيراً ان شاء الله

376
شباب اعضاء الكروب القدماء ليش مسويها سكته !! صار شي وياكم ومتريدون تحجون لو مصار ؟ حتى نفتهم ممعقولة هسه الكل عبر السنة وماكو اي شي جديد ؟
اخ سلام اختفى فجأة اخ ريان مااعرف وين اخ bogancero هم مختفي حيل اخت ام زوزو هم اختفت والباقين الكثير لايسعني ذكرهم كلهم ..
ياريت نعرف اذا اكو شي جديد عمي سافرو ومن توصلون امريكا ادخلو بشرونه وبعد لاتدخلون.
دمتم بود

377
اخونا انت بعدك بأول خطوتين ,, يعني تكدر تغير الكفيل براحتك ما يأثر على سير الملف لأن اللي يأخرك فقط في حال اكتمال الامنية ودخولك في جدولة السفر لدى المنظمة.
مودتي

378
اخي العزيز اعتقد القرار واضح لايحتاج الى المزيد من الايضاح ومعناه انه هذا القرار لايشمل من يحمل صفة لاجئ رسمي (معترف به ك لاجئ في عمان) وانما يشمل جميع الوافدين الجدد والذين لم يحصلو لحد الان على صفة لاجئ رسمي,, هكذا يُفهم كلامهم .
دمت بود

379
اخوية آبل شلون تاخذ فيزة من السفارة نفسها وتروح تقدم لجوء عدهم !! زين والبصمه شنو فلمها ؟
ديربالك لان اذا بصمت متعرف تقدم على لجوء نهائياً

380
السلام عليكم اخواني ان شاء الله الكل بخير واكيد مشتاقين للكل
بعد ما وصلت الى اشبة بالطريق المسدود استئناف من سنة وخمسة اشهر ولا جديد un  حصلت على الاعتراف بية كلاجئ من سنة وخمسة اشهر ولا جديد ايضا وطبعا بالاردن بس صرف فلوس .. فقررت ان اطلع لاوربا احسن حل والحمدلله حصلت على فيزة المانيا
( طبعا بفلوس )  بس احسن ما اصرف هاي الفلوس بالاردن وممحصل شي مو صح ؟  وان شاء الله بعد اسبوعين اتوكل لهناك ادعولنة بالموفقية  وطبعا اكيد حبقة متواصل وياكم . تحياتي للجميع وياربي يسهل اموركم

كل التوفيق اخ آبل بس ياريت تكون هذه الخطوة مدروسة جيداً لأنها خطوة تعتبر مصيرية بالنسبة لك .
اتمنى ان نبقى على تواصل كما قلت.
الله يسهل امرك ودمت بود

381
اخونا وضح سؤالك اكثر لأن في كل دولة الUN الها لون كارت يختلف عن دولة اخرى, فمثلا في سوريا الاخضر وفي مصر الازرق وهكذا ... اما الكيفية  فه تروح لمكتبهم وتسجل عدهم وبمرور الوقت تستلم الكارت الابتدائي (الاصفر في مصر) ثم الازرق (في مصر ايضاً) .
دمت بود

382
مبارك لكم هذه الفرحة ايتها السيدة الفاضلة المحترمة , جعل الله ايامكم كلها افراح وسعادة وتستاهلين كل خير وبارك الله بيكِ على المجهود الكبير في كتابة هذا التقرير.
دمتم بود

383
السلام عليكم اخواني الاعزاء واخواتي الفاضلات..
لللاسف لحد الان لا تغيير في موضوع الاستئناف .. والله الاعلم شوكت يجينا اي تغيير .. وللاخوة اعيد وضعية ملفي منذ البداية الى حد اليوم ..
تقديم بغداد ايلول 2010                 (12XXXX)
مقابلة 1      حزيران 2012
فحص اول       ايلول  2012
مقابلة محلف   حزيران 2013
اعادة فحص     ايلول 2013
استلام الدفرل لتر   تشرين اول 2013
اتصال بالكفيل تشرين الاول 2013
نزول المدينة والمطار  تشرين الثاني 2013
اكتمال الامنية للمرة الاولى   كانون الثاني 2014
تحول السفر الى انتظار 19/ 1/ 2014
تحديد موعد سفر 16/ 2/ 2014
اخذ شهادة الدورة التثقيفية 9/ 2/ 2014
موعد حباية  13/ 2/ 2014.
وللاسف الفرحة لم تكتمل حيث يوم 12/ 2/ 2014  اتصلت المنظمة وابلغوني بالغاءالرحلة بسبب التشييك الامني .. ومن هذا التاريخ بدا العد السلبي التنازلي
18/ 3/ 2014 غلق ملف.
1/ 4/ 2014  استلام الرفض الاسود الملعون وعلى المربع السابع..
1/ 5/ 2014  تقديم الاستئناف ..
ولحد الان وبنجاح ساحق .. الملف قيد الدراسة وللاسف ميعرفون خطية شوكت يجاوبوني ..
طبعا اخوتي اسف على الاطالة بس المثل يكول من تضيق بيك الدنيا اتذكر يوم عرسك .. فعلا موعد السفر الي تكنسل كان مثل يوم عرس .. لان من وراه كان بدت حياة جديدة .. بس الحمدالله والشكر على كل شيء واسال الله القدير ان يسهلها بوجه الجميع وخصوصا المستأنفين ويوم السفر للجميع ..
والله ضحكتني اخوية وان شاء الله تكون دائماً الحياة حلوة عندك وتنزاح هذي الغمه عن جميع المرفوضين واملنا بالله كبير ,, لعد اني مصيبتي اهون منك اني لو بمكانك جان انجلطتت اسم الله عليك لان اني لا منطيني موعد سفر ولاتثقيفيه ولا اي شئ من اللي عندك ومتت قهر من استلمت الرفض الله يساعدك انت.
الله يفرجها على الجميع يارب

384
السلام عليكم اخواني اخواتي كل عام وانتم بالف خير الله يسهل على جميع المستئنفين يارب السفر العاجل صار على اسئنافي سنه واربع اشهر اتصلت icmc قبل اسبوع قالولي ملفك عند الوفد الأمريكي هذا الي جرى على ملفي الله يسهل للجميع
ام منصور اختنا العزيزة ان شاء الله تفرحين بقبولك والسفر بأسرع وقت طالما عبر السنة فه بي امل والعلم عند الله طبعاً

385
اخي العزيز ..
حتى اذا اكملوا دراستهم في بغداد فعند ذهابهم الى اميركا لن تنفعهم الشهاده بالشيء الكثير ...
نقطه نظام
هذه ثاني مشاركه في المنتدى اقرأها لنفس المشكله تقريبا ..احد الاخوه الاعزاء يدرس الماستر على حساب الدوله في مصر ويريد السفر واكمال الدراسه ...وابناءك حفظهم الله يريدون اكمال دراسه الطب ومن ثم السفر الى اميركا ....اعتقد مجرد التفكير بخيار البقاء في العراق وخيار السفر الى اميركا يدل على ان الاخوه اصحاب الملفات ليسوا بحاجه ماسه للسفر واللجوء ....اعرف هوائل كثيره جاءوا الى هنا وعندهم ابناء لم يبقى على تخرجهم اشهر قليله ...
تمنياتي بالتوفيق للجميع
انا معاك اخ اسبيرو في كل كلمة .. مشكلتنا احنا نريد نحصل على كلشي ومنريد نخسر حتى ولو شئ بسيط مقابل حياة كريمة وآمنه ! فعلاً اللي يفكر بخيارات مابين امريكا والبقاء بالعراق هو فعلاً موبحاجه الى التوطين في بلد اخر, على عكس البعض اللي متبهذل ومتهدد وكل يوم من بيت الى بيت وفوكاها يتأخر لسنوات او يتم رفضه !!! سبحانك يالله

386
اخي عراق فورم شلونك. انشاله ابخير اخي فد سوْال بلا زحمه عليك قبل فتره قريت الرساله مالتي  وموجودة بل الكروب  اني قابلت محلفين مره ثانيه وره ١٢يوم غلقوا الملف وانمسح كولش دزيتلهم رساله بان ملفي ليش انغلق رجعولي جواب قضيتك بالامن القومي  كتبته الك بل الكروب جاوبتني. والله رسالتك تخوف كلتلي احسب اسبوعين اذا مااجاك شي معناته بل التجيكات اخي عراق فورم هاي راح ايصير شهر ونص وماكو جواب فشدكول اكتبلهم رساله مره لاخ واشكلهم من اكتب رساله واني ممنون منك

اخي العزيز انا افضل لو تتصل بيهم وتسمع الكلام بأذنك احسن لان لازم تنتظر اسبوع حتى يجيك الرد بينما التلفون بلحظتهه تستلم الرد. زين اكو حل يخدمك بي الكفيل ,, خل يروح للمنظمة بالولاية ويحاول باللسان الطيب يخلي احد الموظفين يخاطب المنظمة الرئيسية بواشنطن ويشوف شنو ردهم (رد المنظمة اللي بواشنطن دقيق مية بالمية)

387
جمعه طيبة على جميع اعضاء الكروب وخصوصاً جميع المختفين واخص بالذكر الاخ ريان والاخ سلام اللي اختفى نهائياً ونطلب منهم برجاء اخوي انو اذا صار شئ ايجابي بملفاتهم خل يخلونه على علم وشكرا لهم مقدماً وجمعه مباركة على الجميع

388
السلام عليكم اخوتي الاعزاء ..
بعد التحية..  حبيت استفسر عن موضوع .. ولو لحد هسة الملف مالتي نايمة عليه طابوكة .. رفض واستئناف قبل سنة و3 اشهر وماكو شي لحد هسة والحمدالله والشكر..
السؤال هو .. كفيلي الي موجود بامريكا الحمدالله والشكر اخذ الجنسية الامريكية ولكن الموضوع هو انه غير اسمه بعد الجنسية واكيد كل من حر بنفسه .. فهل هذا راح يؤثر على المعاملة الي هي اصلا نايمة لو عادي ؟ وهل لازم ابلغ المنظمة بهذا الشيء ؟ وشنو الخطوات ان وجدت..؟
واشكركم مقدما .. وربي يسهلها على الجميع وانشاءالله السفر للكل ..
حبيبي الحياة حلوة طالما كفيلك وقع اوراق الكفالة فه هذا الشي صار اختصاصهم مو اختصاصك , بمعنى ادق انو الحكومة الامريكية تعرف انو هذا الشخص هو نفس الشخص مجرد انو غير اسمة بس طالما نفس العنوان ونفس الايميل ونفس التلفون فه مايضر ابداً ( قابل احنه بمديرية الجنسية العامة  ;D) دي امريكا يابا  ;D ومع ذلك اذا الله سهل امورك ومشى الاستئناف خلي كفيلك يتصل بالمنظمة هناك ويستفسر منهم احسن من المنظمة اللي هنا التعبانه .
مودتي لك

389
السلام عليكم اني مقدم على منظمة iom لطلب اللجوء الى امريكا كنت اعمل بشركة امريكيه وقابلت المحلفين وسألتي المحققه انته متقدم على لجوء بدوله ثانيه كلت الها نعم في بريطانيا جنت رايح للعلاج وقدمت بس قابلت وتركت الموضوع ورجعت لان جنت مريض.فسؤالي لحضرتك طلب لجوئي لبريطانيا القديم قبل 3 سنوات يأثر على طلب لجوئي لامريكا الحالي؟. والسؤال الثاني همه راح يقارنون الكلام في الملفين؟

عمي صليل انطيني مفكه كله اسئله ماكو سؤال ترك  ;D
بالنسبة لسؤالك الاول اذا ماكان طلب اللجوء في بريطانيا يأثر على طلب اللجوء الى امريكا أم لا  واجاوبك انه ميأثر في حال وجدت له اجابه تقنع المحلف بها . والسؤال الثاني استحالة يتم مقارنة كلامك في الحالتين لانهم ليسو على اطلاع على تفاصيل ملفات اللجوء في دول اخرى وربما انهم ليسو على اطلاع اصلاً على اسماء مقدمين اللجوء في بلدان اوروبا. اطمئن

مودتي

390
الهجرة و واللاجئين / رد: ساعدوني
« في: 01:37 21/07/2015  »
الذهاب الى احدى دول الجوار (اردن , مصر , تركيا) هو افضل الوسائل للهرب من جحيم الحياة بالعراق اولاً وثانياً للتقديم على الUN وبدء مشوار الغربة والتوطين الذي ربما يستغرق لسنوات طوال .
دمتم بود

391
حبيبي دكتور سلام تحياتي الك بس اخونا المنسي غلس على العزيمة  ;D اوكي قابل محلفين وعود نتفاهم وراها من تاخذ ورقة الموافقة تصير عزيمة بالمهندسين ب كنتاكي  ;D

392
اخ اكليل الجبل البند الخامس يخص شنو؟ وهل العوائل على البند الخامس سافروا بعد الرفض ؟

اجاوبك اخ صليل السيوف :: الخامس يتعلق بالمقبولية عموماً وبه 3 تفرعات وهي كالاتي (بالصورة) :

394
الاخ علي ، نموذج الاستئناف هذا هو نموذج مطول انت حاول تختصر الكلام كله بحدود خمس الى سبع اوراق لان همه ميحبون اللي يطول ويكتب كلام زايد حشاك. طبعا انت اخذ فكرة حول شكل الاستئناف ودور ايضا على احد مواضيع الأخوات الاعضاء اعتقد موضوع الاخت سما حول طريقة كتابة الاعتراض على قرار الرفض واذا مالكيته انا غدا بأذن الله احضره الك وانا بلخدمه.

395
تفضل اخي علي واذا استفاديت من الموضوع اترك تعليق بداخله

http://www.ankawa.com/forum/index.php/topic,782129.0.html

396
شكرا الك اخي عراق فورم  بس شنو اللي مامفهوم حتى اوضحلك ياه

اخ علي اولاً ابشرك الرفض على الخامس والسادس نسبة قبولة اكبر من السابع بس اللي مافهمته شنو .. اولا بنت حضرتك والحجية سافرو ؟ ثانيا هل يوجد من يعملك استئناف لو تعتمد على نفسك وتكتبه ؟ لأن رفضك رفض محلف وهذا سهل مو صعب تكدر بكل بساطه ترمي اللوم على المترجم وعلى المحلف, واذا تحب ابعثلك كليشة بس تكون بالانكليزي انا حاضر

397
اخوية العزيز حيدر شلونك شلون صحتك ؟ والله يااخي صدقني الرموز لاتقدم ولا تأخر واذا تحب اثبتلك فه انا مستعد ولكن الحديث سوف يطول .

اما بالنسبة للكيس ابديت وكيس انكوايري فه مبينه , الابديت يعني اكو تقدم في الكيس سواء سلبي ام ايجابي , اما الانكوايري فهو انتقل من حال الى حال اخر .
دمت بود

الاخ علي اسماعيل ياريت توضح اكثر لأن بصراحه موكلش فهمت الموضوع

398
اخي العزيز هذه الرسالة تخبرك انهم استلمو معلومات الكفيل الصحيحة .. وبالنسبة للرموز لتعب نفسك مابيها اي معنى صدقني واذا تحب اشرحلك فه نكعد للصبح .
مودتي

399
طيب اخي اذا الرفض على الجقل السادس مال مصداقيه هذا بي مجال بالاستئناف يتغير رأيهم لو نفس الشي ؟

عزيزي نسبة الموافقة على الاستئناف اللي يخص البند السادس اعلى من البند السابع لأن البند السادس تكدر تصلح كلامك وتختلق مختلف الحجج والاعذار اما السابع فه متعب جداً وصعب ولايوجد محامي يدخل بي ألا ماندر

400
اخي زياد ماكو فرق بين الآي زد والكيس نمبر وانما يوجد فرق بين الآي زد وال A-file number
اما عن طريقة تحويل ملفك من بغداد الى عمان فه اتصل بهم هاتفياً وهما ينطوك القرار الصائب لأن كل ملف له خصوصيته في التعامل.
لك مني كل الود

401
عزيزي صليل السيوف البند السادس هو مايتعلق بالمصداقية ,, اما السابع فهو عبارة عن مجموعة اسباب من ضمنها الامني هم اختارو واحد منها لكي يلصقوه بك وطبعا بالعامية نسمي البند السابع (يرتكبون عليك) لأن لايوجد فيه سبب مقنع وانما مجرد تبلي على خلق الله.

402
الهجرة و واللاجئين / رد: اسمحولي
« في: 02:22 18/07/2015  »
ابو عبدالله حبيبي انت دولة وعلم. نقطه راس سطر
كل عام وانت بألف خير

403
مرحبا عراقي فورم هذه الي دزوها وقبلها دزوها ماذا علي أفعل إذا تم رفضي  هسه اربد اعرف الاسئناف وصلهم  لو لا مع العلم من من أرسلته الاستئناف اجتني رساله بأنهم استلموها الرساله  ارجوا التفسير بارك الله بيكم

اخت ام فرح ماكو غير حل ( الرسالة الي دزوها الج حين استلامهم الاستئناف تسويلها اعادة ارسال وتكليلهم انتي تريدين تعرفين اخر تحديث لملفج وتشرحين الحالة بصورة مختصرة جداً جداً لسوء الفهم من قبلهم ) والله الموفق

404
مباركٌ لكم اختنا القديرة ساوند, تمنياتي لكم بدوام الفرح والتوفيق الدائم ولجميع اعضاء الكروب المحترمين.
ادام الله فرحتكم ودمتم بود
اخوكم ابو مريم

405
السلام عليكم اخوان بالنسبه الاستاناف من دزيناه بالايميل المنظمه اجتني رساله بأن الرساله وصلت بس صار رسالتين توصلنا الي بيها كليشه ماذا علي أن أفعل إذا ملفي أرفض دزيناه رساله بأن احنه قدمته استأنف وهم دزوله هذه الكليه شنو رأيكم ادز الاستاناف مره ثانيه لو شلون بارك الله بيكم

اخت ام فرح اي كليشة تقصدين ؟ نرجو التوضيح كي يتسنى لنا الرد

406
كل عام وأنتم بألف خير اخوتي واخواتي ويارب تفرج كربنه والعيد القادم ينزاح هذا الهم من على قلوبنا وان تتم الموافقة على جميع مقدمين الاستئناف  وان يستقر البلد ونتحد ونكون يداً بيد كفانه تفرقه كفانا طائفيه صار 12 سنة ماعرفنه طعم الراحه, كل هذا وصابرين ومتحملين عسى الله ان يكون ختامها مسك لنا ولكم .
دمتم بود اخوتي

407
الف مبروك اخوية (اني المنسي) وانشاء الله بعد هذا التغيير مرح تبقى منسي لأن اتذكروك بعد شكو  ;D
الخطوة القادمة انشاء الله هي  حضرتك صرت على جدولة مقابلة المحلفين وفي حال وصولهم انت سوف تكون من الملفات التي يتم مقابلتها وحال وصولهم سوف تستلم رسالة تبلغك بموعد المقابلة للمحلفين في تمام الساعه 7 صباحاً مع جلب كافة المستمسكات وحضور جميع افراد العائلة .. ووراها اني معزوم منك على بطل بيبسي ولفة برغر  ;D . الف مبروك

408
اخي العزيز IRAQFORM اشكر تواصلك وحرصك على هذه الردود القيمه ...... لا اعرف سبب تاخير المقابلة مع المحلفين ولكن كل مرة اراسلهم عن طريق الايميل ياتيني الرد التالي ....اول مرة قالوا ان يتم دراسة وبحث قضيتي على مرتين ياتي نفس الرد وقبل كم يوم راسلتهم وقالو تم تحويل طلبي الى القسم المختص للنظر بطلبي .....هذه الرساىل التي وردت منهم ... هل بالامكان تزويدي برقم المنظمة في عمان وان شاكر تعاونك معي اخي العزيز

تفضل حبيبي  0096265625077 وانا الممنون

409
كلُ عامً والجميع بألف خير أعاده الله علينا وعليكم وبلدنا يرفل بالأمن والأمان والأستقرار, والرحمة لشهداء العراق أجمعين  آمين يارب العالمين

410
مبروك اختنا الكريمة وحمدا الله على سلامة وصولكم تمنياتنا لكم بالحياة الكريمة والتوفيق الدائم بأذن الله.

411
طالما عبر ال6 اشهر الموضوع بي أنه !! طيب من تراسلهم شنو يكون جوابهم ؟ لان المحلفين ذاك اليوم راحو من هنا ليش ماقابلوك ؟ عزيزي حاول تخابرهم على المنظمة الرئيسية اللي بعمان  وافتهم شنو سبب التأخير هذا

412
الهجرة و واللاجئين / رد: سؤال
« في: 13:25 14/07/2015  »
اخي الكريم الله يبعد عنكم كل مكروه ويشافيكم .
هذا السؤال اجابته واضحه ومعروفة , لازم تكول لأنه احتمال كبير جداً يسرعون بأجراءات سفرك وهناك يتم فحصها فحص دوري للتأكد من سلامتها واعطائها الدواء اللازم للحفاظ على حياتها.
كول واتكل على الله

413
اخي الكريم حضرتك ماذكرت كم من الوقت مر على المقابلة الاولى ! لان الوقت الطبيعي بين الاولى والمحلفين هي من 4 الى 6 اشهر .. اما فوق فهو غير طبيعي

414
اخواني الاعزاء ...اشكر تواصلكم ولكن لدي سوال اذا امكن هل مقابلة المحلفين مرتبطة بالموافقة الامنية ام ان مقابلة المحلف ليس لها علاقة بالامنية .....يعني اكو ربط بين المحلف والامنية ام ان المحلف يجري المقابلة والامنية تاخذ وقتها .....مع كل التقدير والاحترام
اخي الكريم اللي سمعنا وعرفنا من هذا وذاك انو الامنية على 3 مراحل البداية وهي ماقبل المحلف وتكون امنية بسيطه وخفيفة وسريعه والوسط وهي اطول شي اللي بعد متنتهي مقابلة المحلف تبلش وقد تستغرق اشهر وربما سنين والامنية الاخيرة وهي امنية ماقبل السفر وهي تشبه البداية (بسيطه وسريعة).
مودتي لكم

415
شكراً عزيزي ايرفورس أخجلتم تواضعنا بكلماتكم وانا تحت امركم في أي سؤال عن هذا الموضوع عموماً.
لكم مني كل الود

416
واخيراً  ;D انفكت الجبسه حبيبي ابو ميس والله فرحتلك جداً اتمنالك بمقابلة المحلفين ماكو اي تأجيل انشاءالله  :D

417
السلام عليكم اخوتي  اقول لاخي الغالي الذي دوما كان ناصحي الامين في مصر IRAQFORME دعائي لك بالموفقية يا رب لك ولكل المستأنفين وتحياتي الك.
تسلم حبيبي الغالي Air force والله يااخي خجلتني بكلماتك هذه ,, ماانا الا اخوكم وأي شي تحب تسأله او محتاج النصيحه به لاتتردد بطلبها انت وباقي الاخوه الاعزاء وانشاء الله العلي القدير ان يجمعنا بمناسبه احسن من هذه بجاه هذا الشهر الفضيل.
لك مني كل الود

418
يرفع للمساعدة من قِبل الاخوة الأفاضل

419
اشككر   كل  الاخوة  والاخوات 

من  ناحية   اعمل   استءناف  ثالث  فمستحيل   شاكتب  واكول 
بالاستئنافين    كتبت   وعملت  ودعمت  بكل  الادلة  والوثائق    وماكو  فايدة  اذا عملت  استئناف  ثالث  ما عندى  كلام  اكوله  او  اضيفه    وماعندى  اى  شخص   عندة   جنسية 

فقررت   اته  ابقى  على  ماهو  علية  ويرجع  ملفي  لليو ان  لتحويلى لبلد  اخر   

واوعدكم   ابقى  معاكم  رغم  كل  شي << عائلة  المستاءنفين  >>

تحياتى  لكم  من  كل  قلبي
اخوية احنه مثل الاخوة صرنة امانة بركبتك شوكت ماقررت تكتب استئناف اخوك موجود واخوانك البقية هم ميقصرون وياك ووعد منك ان ماتترك الكروب بمجرد رفضك وتبقى ويانة وصدك يوان تركيا اسرع من يوان مصر الفاسدة ام الرشاوي والخبصة صدكني.
اخوك ابو مريم

420
السلام عليكم 
ببالغ  الحزن  والصدمة   تلقيت  رسالة الاستءناف الثانى  رفض  ايضا  والحمدلله  على  كل  حال 
عسى ان تحبو شيئا فهو شر لكم 
وننتظر  ملفي  يحولونه الى بلد  اخر   

كنت  اتمنى  ان  انقل  لكم  اخبار  طيبة   لكن  هذا  الواقع   واشكر  اخوية  عراق  فوروم  لمساعدتى  لعمل  الاستئناف   

تحياتى لكم   :( :( :(

والله ياعزيزي طريق النجاح مااعرف شأكلك حاير !!
فعلاً عسى ان تحبو شئ وهو شر لكم .. فكر بموضوع الاستئناف مرة اخرى واذا قررت انو رح تسوي استئناف ادزلك استئنافي وسوي مثلة وجهزلك احد عندة الجنسية الامريكية حتى يسويلك رسالة دعم ,, والله ولي التوفيق.
دمت بود

421
الف مبروك اخونا الكريم نتمنى لكم سلامة الوصول والعيش الرغيد.

422
الهجرة و واللاجئين / رد: قابلت
« في: 14:15 10/07/2015  »
مبروك اخت ام الجود على المقابلة والله يفرجها عليكم بس ياريت تكتبين تفاصيل ملفج لكي يستفاد منها الاخوة الجدد.
دمتم بود

423
مبروك اخونا احمد توصل بالسلامة وللأسف موضوع الحباية مااعرف بي لان انا مو بالعراق .
بالتوفيق

424
حمداً لله على سلامتكم اخ روك ,, تمنياتي لكم بالتوفيق وحياة مليئة بالسعادة والفرح.

425
شكراً اخ اكزبت على تقديم هذه المعلومة المفيدة لأخوتك . ولاتستعجل خليها كل اسبوع ولايه.

426
بوركت لورد , الله يجعلنا في يوم من الايام منهم

427
بارك الله بيك اخ جلال على الطريقة الفعالة

428
شايفين الخير اخ مصطفى وديربالك تفكر بشي اسمة تأجل مقابلة لو متروح تره نتخارب  ;D
اخذ وياك طيارة موعربانه لان مادام للطفل فه همه كلش متساهلين . اما بالنسبة للأسئلة فه تعتمد على عاملين رئيسيين:
اولهما كيسك هل هو محشو معلومات لو عبارة عن قصه مختصرة ومحبكه بحيث ميعرف المحلف يوكعك او يجر لسانك بالكلام .
ثانيهما تعتمد على المحلف نفسه (شخصيته) هل هو لئيم وغير متعاون وجاف وما الى ذلك ام العكس ! انت وحظك عزيزي وكول يالله وجمد قلبك وقابل وبشرنه غداً.
مودتي

429
تم رفض قضية اخويه من قبل المنضمه الطايح حضها والي علساس همه يفتهمون iom اخويه من القدامه وجنه سويه بقضيه وحدخ بعدين انفصل بقضيه ابحده ولكيس 116 وكلشي مكمل واخر فتره دزوله اللگج ايميل الي كل نعرفه ايميل الجنط وبدو يحددوله موعد السفر وتوقعت اوراقه من الكفيل بامريكا وكلشي حسب الاصول وهذا الحجي مر عليه فتره تقارب السنه وضلت القضيه مالته فعاله الى قبل سبوعين تقريبا صار عنده بانتضار النتيجه والفحص الطبي فعال والسفر بلانتضار ..انصدمنه بايميل يجينه من المنضمه رفض على المربع السابع ومندري ليش وعلى شنو هلضلم الديصير ناس مرتاحه ومتستاهل وديسافروون .بس الناس الدتعاني والمستحقه يصير هيج بيهم!!...كلعاده الاستأناف 90 يوم وبلانكليزيه فقطًً
تحياتي اللكم وربي يسهل علكل
والله يااخي مااعرف شكول وشحجي !! الله ينتقم منهم مثل ماهيجي ديسوون بينه وصدك اكثر اللي ممحتاجين سفر سفروهم واللي محتاجها صدك ومتهدد ومتبهذل ديرفضو !! عجيبه امريكا وقراراتها ..
عموماً اخوية الاستئناف عربي انكليزي وحاول تحط شئ جديد مثل رسائل دعم او اي شي جديد صارله ورا مقابلة المحلفين ويحس انو هو يدعم قضيته ,, خلي يتريث بكتابة الاستئناف مو رأساً بلكت يفكر زين ويعصر ذاكرته بشئ مفيد واني تحت امرك لأي سؤال.
دمتم بود

430
عاشت ايدك اخ اكزبت على الموضوع الشيق والجميل وخليك مستمر كل اسبوع ولاية .
دمت بود

431
تسلم قلبي طريق النجاح على الاخبار الايجابية . رح انسويك مراسل الكروب في تركيا شنو رأيك  :D

حبيبي المهاجر والله يااخي مااعرف شكلك قضيتك فعلاً محيره بس كتلك ماعندك غير حلين لو ادور على الشركة والسوبر فايزر وتراسلة لو تطلع لدولة بيها يوان وبصراحا الحل الثاني صعب وطويل .. بس اني اللي داسمعه بلعراق ديشترون بمبلغ سوبرفايزر امريكي وديسافرون حاول اسأل على هاذي السالفة صح بيها خسارة فلوس بس بلنتيجة هي بصالحك
دمتم بود اخوتي

432
اخي iraqforme الموقع غير شغال بعدة وجربت الكثير من المتصفحات وما انفتح تحياتي انشوف الاخوان منو فتح عده
حبيبي علاوي بهذه اللحظه اللي ذكرت بيها انو الموقع بدء بالعمل هو فعلاً فتح عندي وجيكت ماكو اي جديد ,, احتمال اشتغل شوية(دقائق) وصارت بي مشكلة ورجع انغلق.
دمت بود

433
الموقع بدء بالعمل .. بالتوفيق لكم اخوان

434
موضوع مفيد اخونا الكريم اتمنى من الاخوة المقبلين على التقديم او اللي ماحددوله ولاية لحد الان ان يختار هذه الولايه . بارك الله بيك

435
الله يعوض عليك اخي ابو ميس وانشاء الله تعبك وصبرك مايروح هدر

436
لاحول ولاقوة الا بالله . زين شنو السبب ماسألتهم ؟
والله يااخوية حاس بيك لان صديقي السنة الفاتت هم اجلو سفرة قبل اقل من 24 ساعة على الموعد وبوكتها بعد شوية ويبجي .. الله كريم ربك ماينسه عبده

437
والله يااخي هي موقياس ابداً بس مره سألت الموظفة بالمنظمة هنا في مصر كتلها ليش اكو ناس فحصت واكو ناس الفحص مالتها نايم جاوبتني انو امريكا متريد بعد تخسر فلوس فحص على ملف مامتأكده انو هو سيدخل امريكا كتلها شلون كالت بمعنى اوضح انو اي ملف تجييكه الامني كلير (نظيف) هذا راساً يدزوله فحص طبي اما اللي طولت الامنيه مالته وشافو انو احتمال يصير بيها اشكالات فه يأخرو, وهم كل واحد وجنصه لان احياناً تنكسر هذه القاعده ,,,
والعهدة على قائلها .
دمتم بود

438
السلام عليكم حبايبي جميعا شلونكم عيوني انشاء الله بخير وشلون رمضان وياكم انشاء الله خير وصحة وعافية على الجميع

حبيبي عراق مشتاقين اخوية شلون صحتك شنو رأيك نسوي مقايضة اني وياك ادزلك من السما وبقلاوة وانته دزلي بسبوسة هههههه شنو رأيك انتظر ردك خلال اسبوع على كولة حبايبنا بالمنظمة ،،،،، حبيبي عندي سؤال اني اصدقائي اثنين بامريكا ماخذين الجنسية ودزولي رسالتي مال دعم ودزيتهن للمنظمة والحمد لله استلموهم واجاني عليهم رد case update سؤالي هوه انه اكو مكان ثاني اقصد بالولايات المتحدة الامريكية اصدقائي يكدرون يخاطبوه ويدزوله رسائل الدعم مباشرة لو ارسالها للمنظمة كافي ،،طبعا هذا الجماعة هناك همة متفضلين بهذا الاقتراح ويريدون يساعدوني لذلك سألتك وممنون منك مقدما حبيب كلبي ،،، والله يخليك ادرس طلبي مال بسبوسة بعناية هههههه


تحياتي لكم جميعا ياطيبين
اخوكم ابو رهف من ولاية بغداد دي سي

هلا بابو رهف الغالي ,, يمعود ادزلك بسبوسة بدون مقايضه اول بارحا اكلتها من زميلتنه بالعمل مصرية سوتها وجابتها النه ,, بيك خير وبسبس حبيبي  ;D
بخصوص سؤالك انو جماعتك يكدرون يخاطبون احد هناك مباشرة ويسلمو خطابات الدعم ؟ للأسف اي اضافات على ملفك واي تحديثات لازم مباشرةً منك مومن غير واحد وعن طريق الايميل الخاص بيك او بأتصال منك للمنظمة غير شي لايجوز لان ملفاتنه كلنه تكون في دائرة الهجرة والمواطنه الامريكية واي تدخل من اي واحد حتى لو هيلاري كلنتون لايجوز..
انت طالما دزيتها وبلغتهم انو هاذي اضافه فوق الاستئناف فه هذا يكفي.
وبالمناسبة شهيتني من السما  ::) لان هسه اذن الفجر يمي وبعد مالحك احلي ابفدشي  :P

439
اخ علي طالما حالة الملف فعال اذاً ملفك مفتوح من قبل المنظمة ,, بمعنى أدق (ديشتغلون بملفك) . بس لازم توضح تفاصيل ملفك  يعني ليش اعادة محلفين ؟ والفحص الطبي شنو حالته بالموقع ؟ وكذلك مقابلة المحلفين شنو حالتها بالموقع ؟

440
مبارك عليكم فرحة السفر ربي ييسر امرك ويسهل طريقك ولاتنسى الدعاء لأخوتك المنتظرين.
دمتم بود

441
سلام عليكم شلونكم الله يفرجها على الجميع انشالله -- احنه لاجديد بعدنه ننتظر وكل مانرسل رسالة يجي الجواب الكليشه مالتهم ان اطلبكم قيد الدراسة والله كريم وتحياتي الكم وللأخوان المختفين اللي احتمال وصلو امريكا  :P

حلوة هاي مال وصلو امريكا , بس بيا ولاية  ;D اكيد رح يجمعون المرفوضين كلهم بنفس الولايه , عمي خلي يشمروني على حدود المكسيك هم قابل بس خل يفضوها ويوافقون  :D .. بالمناسه صارلي اكثر من شهر مدازلهم رسالة لان بصراحا ملينه من الكليشه مالتهم (طلبك قيد الدراسه).
دمتم بود

442
سهلة اخونا العزيز ارتاح كم يوم وصحصح من اثار الصدمة وانا مستعد اساعدك تأمر ..ادخل على الكروب وانشاء الله مانقصر معاك
http://www.ankawa.com/forum/index.php?topic=603190.msg5702088#msg5702088

443

تم تثبيت الموضوع
http://www.ankawa.com/forum/index.php?topic=603190.msg5702088#msg5702088
بالتوفيق .
شكراً لكِ اختنا الفاضلة ساوند

444
عزيزي ميبلغوك انت المفروض عندك موقع تعرف من خلاله تفاصيل ملفك همه يبلغوك فقط بموعد الفحص وموعد السفر لاغير .. حاول بلموقع والله يسهلك

445
لازم تدخل للموقع .. حاول تغير الباسوورد ..
افتح الصفحه وروح على هذه الكلمة ودخل رقم ملفك  رح يجيك الباسوورد على ايميلك اللي مشترك بي اول مرة مع المنظمة ,,,,,
هل نسيت كلمة السر؟
ادخل رقم الملف لتصلك كلمة السر الخاصة بك

446
عزيزي مهاجر22  عندك حلين واختار بينهم  الاول انو السيد الوالد يحاول بشتى الطرق البحث عن السوبرفايزر مالته او الشركة ويراسله ويفهمه الموضوع وهو رح يحله الموضوع بجواب تزكيه لان ميقبلون يفتحولك ملف ألا تستوفي هذا الشرط ,, اما الحل الثاني وهو صعب انو تسافر الى احدى دول الجوار او مصر وتقدم على UN وتنتضر الفرج من ربك حالك حال هذي الناس المقدمين ,, بس انا اشوف الحل الاول سهل ومضمون بنسبة 100% وبقت انت وشطارتك .
مودتي

447
اخ سلامر اشرح تفاصيل ملفك حتى تكون الصورة اوضح لنا وللأخوان حتى نعرف نقدملك المعلومة الصحيحة .
عموماً اذا كنت في العراق والموقع يشير الى اكتمال الامنية فهذا عادي بسبب كثافة المقدمين وتراكم الملفات لديهم , اما اذا كنت خارج العراق فه الامر موطبيعي ,, اشرح تفاصيل ملفك.
دمت بود

448
اخ طنطنه طالما انت مااجريت مقابلة محلفين اذاً الامنية اللي اكتملت عندك هي الامنية الاولى لان حسب ماسمعنا من اسلافنا المهاجرين القدماء  ;D انو هنالك 3 امنيات الاولى ومابعد المحلفين وهي المهمه والاخيرة الي تسمى امنية ماقبل السفر .
اذا حضرتك لحد الان في بغداد احتمال يحددولك مقابلة محلفين في هذه السنة انشاء الله , بس انت من تراسلهم شيردون عليك ؟

449
الى الاخوة وخاص الى الاخ عراق فورم حبيبي ساعدني ماعندي اي معلومات بهل الامور ممكن تكلي شأسوي
اني
احنا من 2006 بسوريا قدمنا ع UN بس بوكتها كنالهم منريد لجؤ لان جان وضع بسوريا زين نستلم راتب وعينات منهم بس .
ب2010 حسينه الوضع راح يدهور بسوريا لان جنه احنا بمحافظه بدرعا فرحنه كنالهم نريد تحريك الملف والجؤ كالو تمام حركنه ملفكم على الجؤ .
.
الى ان وضع سوريا خرب رجعنا للعراق نهايه 2012 لان صار وضع مينحمل ابد بدرعا ومحد اتصل بينه ابد
احنا حاولنا منرجع للعراق لان ماعدنه لابيت ولاشي علموده و وين نروح ماكو لا اردن ادخلك ولامصر من سوريا الا ترجع للعراق اولا فرحنا لسودان صار خطا بلفيزا بمطار الشارقة الترانزيت رجعونا لسوريا وبعدها رجعنا للعراق
.
راسلت iom مال العراق كتلهم هيج رقم ملفي .
ردولي هل جواب ..
ود إعلامكم بأنه تم مفاتحة مكتب المفوضية في سوريا حول قضيتكم ، وقد وردنا الجواب التالي :
 
-          xxxxxxxxxxxx– رقم التسجيل في المفوضية  xxxxxxxx
-          تم دراسة الملف في عام 2011 ووجد بأنه غير مؤهل لإعادة التوطين كما تبين في وقت التقييم بأنه لا تنطبق عليه المعايير.
-          تم غلق ملفه في شهر كانون الأول 2013 بسبب عدم الحضور للحصول على المساعدة .
شلون اسوي اعادة الفتح والاستئناف

والله يااخوية مااعرف شكول !! زين انت حضرتك مامشتغل ويه الامريكان او ويه شركة مموله من الحكومة الامريكية او اي شئ اله علاقة بالامريكان او اقاربك من الدرجة الاولى تنطبق عليه هذه المواصفات ؟ حتى واحد يعرف شلون يقدملك مساعدة.

450
الف مبروك اخ ابا ياسين تمنياتنا لكم بسلامة الوصول والحياة السعيدة والتوفيق من الله سبحانه وتعالى.
مودتي لك

451
اخ سنان احييك على مواضيعك التحذيريه الدائمة لأخوتك العراقيين من عمليات النصب والاحتيال في بلد النصب والاحتيال تركيا, بس السؤال اللي يطرح نفسه ( هل من متعظ بالنصيحه ؟ ).
مودتي لك

452
تفضل عزيزي رقم منظمة IOM عمان .. اتصل من 9 صباحا لغاية 1 , يطلعلك المجيب الآلي واتبع الخطوات رح يجاوبوك
0096265625077

453
السلام عليكم عراقي فورم اني حاليا بالعراق دادز الاستاناف بالبريد الاكتروني حولنا bdf بس مديصير عدنه ملف واحد صار 3 ملفات ودزيناه يصير لو إلا ملف واحد يارب تفرج عالكل

اخت ام فرح طالما بعثتو خلص بعد ميصير تبعثو واحد اخر لان المنظمة تعتمد اول استئناف يوصللها اذا كان صحيح من وجهة نظرهم .. وعموماً اذا حبيتي هذا برنامج انا استخدمه يحول من صيغة الصور (JPG)الى صيغة (PDF) ويسويها بملف واحد كلها ..
 http://jpg-to-pdf-converter.com/

454
انت وحظك بس الفتره مواقل من سنه ونص الى سنتين من تاريخ وصولك

455
السلام عليكم اخوان الحمد لله كتبه الاستاناف وترجمتها بس مديندز عدنه بملف واحد  صار 3 ملفات يصير هيج لو إلا ملف واحد ارجوا الرد بارك الله بيكم
اخت ام فرح انا افضل انو تحطي بظرف وتسلميه يداً بيد للمنظمة عندكم في تركيا مباشرة يكون احسن احسن من دوخة الراس

456
الاخ العزيز ابو توفي المحترم ..
وفاة الاخ حسين الجبوري طلعت اشاعه !! ومبررات اطلاقها مع جل احترامي لشخصكم الكريم هي استخفاف بمشاعر الاخرين والسيد حسين الجبوري هو من يتحمل الجزء الاكبر منها ,, للأسباب التااليه:
1 - في الولايات المتحدة منو بحال ان يسرق تلفون السيد حسين الجبوري (( الموبايلات في امريكا بفلس ونص ))
2- ولنفترض جدلاً انه سُرق ! هل السارق في امريكا عربي وفي غرفة العناية المركزة لكي يفتح الهاتف ويتصفح ماهو مكتوب باللغة العربيه !! عجبي على هذا التبرير
3- ولنفترض جدلاً ايضاً انه عربي, كيف عرف ان الاخ حسين عضو ولديه حساب في منتدى اسمه عنكاوا ليدخل باليوزر نيم والباسوورد ويكتب منتقياً هذا الخبر بالذات !!
4- اين السيد حسين من هذه الاخبار !! ألم يسمع ولو تنبيه واحد لما يدور في عنكاوا من يومين ؟

لاياسيدي الكريم  لاتبرر انت ماجرى , صدقني اول ماقرأت الخبر كادت الدموع تنهمر من عيني على الرغم من اني والسيد حسين لاتربطنا أية علاقه لكن لكونه عراقي وفي المهجر ووو الى اخره .
نطلب من الاخت القديرة ساوند تقدير الحالة والتعامل بحزم تجاه هذه الاشاعه ومالحق بالاعضاء من اضرار نفسيه.
 دمتم بود

457
بارك الله بيك اخ سنان وهذا التحذير يخص بالاكثر جماعة تركيا لانو عدهم المحتالين والنصابين حدث ولاحرج.

458
صبحكم الله بالخير اخوان
شنو السالفة شو صارت سكتة فد مرة شنواخباركم ان شاء الله بخير والاخ سلام مبين والكثير من الاخوة ؟

والله ياتفرج يمكن بقينه بس اني وياك والاخ طريق النجاح والاخت اكليل الجبل والاخ ابو رهف ومظلومين وآبل .. اما الباقين الله اعلم يجوز مالهم واهس ابو يجوز طفرو بليله ظلمه  ;D
مودتي للجميع

459
عزيزي عموري هنا في UN مصر واللي العراقيين هنا مسميها ((المقبره)) الحصول على الكارت الازرق ليس له علاقة بالتوطين .. اجيبلك مثال : صديقي مثلا صارله 5 سنوات يملك الكارت الازرق ماكو احد عبره ولااتصل بي والكثير الكثير من العراقيين هنا على هذا الحال .
مودتي لك

460
اخي العزيز عمر للتوضيح فقط في مصر يوجد كارتين الكارت الاول "الاصفر" ملتمس لجوء (ليس لاجئ) وتستطيع الحصول عليه بعد اجراء مقابلات روتينيه اما الكارت الثاني الكارت الازرق (لاجئ) والحصول عليه بعد ان يقدرو وضعك وظروفك وقضيتك وهذا قد يستغرق سنتين وانت وحظك .
واي سؤال انا تحت امرك

462
انشاءالله خير اخويه ..
بس علما اني ماعندي قضيه ثانيه مرفقه ويايه قضيتي ابحدي .
والي صار اني داازلهم وضعي الامني والتهديدات بلاستأناف وبعتلهم ايميل يأكد هذا الشي بكل فتره...
شتشووف شدزلهم برأيك استفسر بخصوص الدول الي همه ديحجون بيها احتمال اكو مساعدات بما انو همه گايلين هذا الشي
حبيبي بشرونه أي دول تقصد ؟ اني ماسامع عنها اولاً وثانيا المنظمة مالها علاقة بهذه الدول لان هيه ارتباطها بأمريكا فقط وباقي الدول هي من حصة الUN
مودتي لك اخي

463
بارك الله بيج اخت ساوند, انتم دائماً في الريادة لعمل الخير وهذا هو المرجو منكم.
دمتي بود

464
بالتوفيق اخي العزيز وخابرهم اخسر كارت وارتاح احسن من ماتبقه في قلق مستمر .. هذا رأي المتواضع وبقت يمك

465
اخي العزيز روك اكيد اللي يعرف مايبخل عليك بالمعلومة بس مثل ماتعرف ولاية فلوريدا موكثير عراقيين راحولها قياسا بميشيغان وكاليفورنيا وتكساس .. عندي معلومة جداً متواضعه افيدك بيها وهي من صديق صارلة سنتين بفلوريدا انو الولاية غالية جدا والعمل فيها قليل وهذا الكلام بعد ست اشهر من وصولة وكان الله يحب المحسنين.
دمت بود

466
اخي العزيز العراقي اذا حضرتك داخل العراق الموضوع صعب شوية .. اما تروح لتركيا او لبقية دول الجوار ومناك ترتب امورك .
مودتي

467
الله يعوض عليك اخ علي والخيره فيما اختاره الله

468
اخوتي الافااضل انشاءالله الكل بخير ........
بعد ارسال الايميل الي مثبته وكل فتره ادزه وجاانو يدزوولي كليشه ثابته وبعد فتره طويله ونفس الايميل يردون....
دزولي ايميل يختلف رغم انو قضيتي لازالت بالتجييك لكن تغير عن الايميل السابق...بالنص

طلبك قيد الدراسة "لسوء الحظ لا نعلم كم من الوقت سيستغرق ذلك. سوف نعاود الاتصال بك بمجرد صدور قرار نهائي.

 

لقد وصلتنا رسالتكم ونحن على دراية كاملة بوضعكم الامني, بالنسبة لوضعكم الامني فانتم الوحيدون الذين يمكنكم تقييم وضعكم من حيث السلامة الشخصية، وتحديد المكان الذي تعتقدون أنكم تشعرون فيه بالأمان أكثر. إذا قررتم الرحيل الى دولة اخرى، مع الرغبة في المضي قدماً في معاملتكم بموقعكم الجديد، فيرجى الاتصال بمركز دعم إعادة التوطين من خلال الرابط ic@iom.int مع ضرورة تزويدنا بالمعلومات المتعلقة بموقعكم الجديد، و توفير معلومات عن وسيلة الاتصال الجديدة أيضاً. وسيعمل مركز إعادة التوطين على تقديم النصح لكم حول كيفية نقل ملف قضيتكم إلى الموقع الجديد الخاص بكم والمضي قدما في معالجة القضية.


نلفت انتباه جميع اللاجئين العراقيين إلى ضرورة التسجيل لدى أقرب مكتب لمفوضية اللاجئين من أجل الحماية والمساعدة الممكنة.

اكو احد اجاه نفس الايميل شنو رأيك والفكره !

والله يااخ بشرونه يجوز قضيتك (ملفك) صار بي تقدم بالنسبة الهم او يجوز التجييك الامني قارب على الانتهاء ! الله اعلم
لو اخاف انتو اكثر من كيس بالملف وواحد منكم خلص التجييك الامني مالته .. كول يالله انشاء الله خير ماتضيق الا تفرج

469
مبروك اخ ابو ميس تستاهل كل خير ويارب لاتؤجل المقابلة ويوم اللي تفرحنا بموعد سفرك .

470
مبروك اخت ام الجود .. الله يسهل امركم

471
تهانينا اخ روك تمنياتي لكم بسلامة الوصول والتوفيق الدائم بأذن الله

472
الهجرة و واللاجئين / رد: موعد سفر
« في: 01:48 26/06/2015  »
الف مبروك اختنا الكريمة تمنياتنا لكم بسلامة الوصول والتوفيق الدائم

473
مبروك اخونا الكريم اتمنالك تحديد موعد سفر قريب ويتحقق حلمك وتسافر الى بلدك الجديد

474
نورت بيتك الآخر ابو عادل وبارك الله بيك وكثر من امثالك لمساعدة اخوانك.
دمت بود

475
الف مبروك اخ روك تمنياتي لك بالسفر القريب بأذن الله

476
لا عزيزي تفرج الاخ سلام اخر دخول له بعنكاوا يوم 8 بهذا الشهر !! اختفى مثل باقي المختفين عسى المانع خيراً يارب ,,
تقديري لمظلومين ول اكليل الجبل .
دمتم بود

477
عزيزي ابو فرقان اسف لتأخري عن الرد على حضرتكم لانشغالي بأمور العمل .
انا اتفق مع الاخ ايرفورس بكل كلامه ماعدا شقين اثنين الاول هو انو اليوان اول متروح ينطوك الكارت الاصفر ! وانا اقول حالياً لا  لانه لازم تاخذ موعد منهم ويجوز يشمروك على 2016 يالا يقابلوك ومن بعدها يفكرون بوضعك لو ينطوك كارت لو لا ... والشق الثاني اغلى تكسي بخمسين !! عزيزي ايرفورس تعرف التكسي من المطار لأكتوبر ابيش ؟ ب150 اقل شي وثانيا المترو منو يركبه الله يخليك وخصوصاً بالصيف وانت تعرف قصدي ,, اكثر العالم كيات وتكاسي ,,,
بس عموماً ابو فرقان عزيزي كرايبك مالهم علاقة بل un كل تعاملهم رح يكون مع IOM اللي بالزمالك .. واسعار الشقق هنا في مدينة السادس من اكتوبر(تبعد على المنظمة حوالي 40 كيلو) اذا مؤثث بحوالي 3 اوراق شهرياً والاكل والشرب موغالي معقول. واي شئ انا حاضر للجواب

478
سلامي لكم جميعا وخاصتا رفقائي المرفوظين ربي يفتح علينا وعليهم بالخير .انا من جماعت عمان ورفضي كان في شهر 6 عام 2014 على المربع 6 .اخويه عراق فروم ربي يحفظك  صار سنه و6ساعات يعني اليوم عيد ميلاد رفضي هههههههههههههه
الف مبروك حبيبي مظلومين لومذكرني من وكت جان جبنه كيكه واحتفلنه بلكت بالاحتفال يعتبر فال خير ويخابروك على فحص طبي ووراها تركب ام جناحات اللي كلنه صرنه نتمنه نركبها  ;D .
مودتي لك اخوية

479
نعم حبيبي ابو فرقان بمصر  وتفضل اسأل اي شي تحب وانا بخدمتك اجاوب

480
ابو رهف حبيبي خليتني اشعر بلذنب لانو لهيتك عن شرب المي ووراك صيام ..
زين هذا بلمخابرات اخاف موظف عادي مورتبه قوية حتى اسمه عدهم !! والله ياخويه شنكول وشنحجي االله يسهل امرنا كلنا .. روح نام لان وراك يوم طويل وفوكاها صيام .  تصبحون ع خير

481
طالما همه مخلصين مقابلات فه اذا اجوي انشاءالله ميتأخرون بسرعه يمشوهم وهم ارجع واكلك التساهيل من ربك.
مودتي

482
عزيزي ابو فرقان IOM مصر حالها حال بقية فروع المنظمة بس اليختلف هنا انو عدد الافارقة حدث ولا حرج اما العراقيين فهم قليلين قياساً بالافارقة اما بالنسبة للسرعة فه مو قياس يعني اكو ملفات تطلع بسنه واكو ملفات نايمة والسبب تجييكات امنية بس اذا ملفك نظيف متتاخر وقت طويل وتبقى التساهيل من الله .
مودتي لك

483
رمضان كريم علينا وعليكم جميعاً .. والله ياابو رهف ضحكتني وبنفس الوقت كل اللي بقلبي انت حجيته بعد ماازود على كلامك بس كلي شخبار الكبة دتفطر عليها لو شوربه بس  ;D .. اخونا العزيز آبل شخبارك اخبار مرفوضين عمان ماتحولتو لبلد آخر ؟ اللي داسمعه بعمان ميطول الملف 6 اشهر بعد الرفض ويتم تحويله لبلد آخر !! أرجو ان تكون الأشاعه صحيح.

اخت ام فرح الماسح الضوئي ديقصد بي سكانر  اما انا فه استلمت الرفض يد بيد من المنظمة نفسها مو عن طريق الأيميل حتى اعرف افيدج ياريت الاخوان اللي استلم الرفض بالايميل يفد اخت ام فرح.

الاخ طريق النجاح وتفرج وهودو والاخ حسين تحياتي لكم والله يفرجها علينا جميعاً
الاخ سلام الك وحشه ارجو ان يكون مانع دخولك للكروب خيراً ,, شدكول تفرج  ;)
دمتم اخوةً اعزاء

484
يرفع للمساعدة

485
الف مبروك اخونا عمار تمنياتي لكم بالسفر السريع والتوفيق الدائم.

486
اعزائي تفرج وريان التقيت بصديق قبل كم يوم صار زمن ماشايفه كتله وين اشو جنت مختفي كلي والله طلعتلي امريكا وسافرت ووره 4 اشهر رجعت شفت الوضعية تعبانه ومعجبتني ورجعت وهسه هو جاي زيارة ورح يرجع للخليج ..  >:( >:( شتحطلها واطيب . احسن شي اكوله (( رمضان كريم ))

487
بوركتم يااخ صقر على عدم نسيانك لأخوتك في هذا الصرح العظيم وكثر الله من امثالك, تمنياتي لك بالحياة السعيدة دوماً والتوفيق في عملك.

488
بارك الله بيك ابو هفال وكثر الله من امثالك ونورت بيتك الثاني عنكاوا

489
والله ضحكتني ياتفرج على قوم نوح  ;D ;D يمكن والله عبالهم اعمارنه 200 او 300 سنة لأن اهلي لحد هسه مابين شي من استئنافهم وصارلة بالضبط سنتين ونص من جان الوالد شاب هسه صار شايب  ;D والاستئناف بعدة ماطلع .. الله المستعان على البلاء .
مودتي

490
بارك الله بيك اخي على الرد وسؤالي الاخير هو هل كانت مقابلة المحلف مقابلة سهلة وسريعه وروتينيه أم كانت مطولة ومعقدة .. وشكرا جزيلأ لحضرتك

491
اخونا حلم انسان ممكن تحجيلنه شوية على تفاصيل الرفض مالتك وشكد المدة وتم القبول وشنو كان سبب الرفض وبأي سنه بالضبط واكون ممنون لحضرتك

492
والله يااخوان منعرف شنحجي وشنكول !! صدك صارت حيرة بس الشي الوحيد الايجابي بالموضوع انو الملف المرفوض ميطول بأيديهم كثير رأساً يرفضو . اما اللي عبرو السنة فه يمكن الله نفخ بيهم روح جديدة وأمل جديد بقبول ملفاتهم ,, شدكولون انتو ؟

493
اخوية تفرج لتعب نفسك وادز رسايل لأن همه اصلاً مديدخلون للمنتدى ومااعرف ليش احتمال سافرو وخلوها سكته احتمال انتقلو لدولة اخرى الله اعلم , زين سلام وينه اشو هم اختفه  :D يمعودين شنو اللغز فهمونه تره افتر الديلكو..
اخت لوجين الله يسهل امركم وانشاء الله تعدي السنة من غير سلبيات لاسامح الله .

اخوية العزيز طريق النجاح بالنسبة للUN تره طلع همه يريدون يدفعون بينه وبحجة سوي استئناف مو علمود سواد عيونك وعيوني لأن اللي يسوي استئناف ملفه يبقة مفتوح بلIOM وميرجع للUN يعني بمعنى ادق همه يسوون هاي السالفه حتى يخف العبئ عليهم مو علمودنه.
مودتي لكم

494
صباح الخير احنه بعد كم يوم ايصير سنه علی الاستئناف والله يستر
اهلا وسهلا اخت لوجين اعتقد هاي اول مرة تشاركين بالكروب ؟ ياريت نعرف وين مقيمين وهل احد منكم ممرفوض وسافر (كان معاكم بالملف) لو كلكم بنفس الكيس والملف وانرفضتو ؟ اكتبي التفاصيل على قدر المستطاع حتى نكون على بينه.
مودتي

495
اخوية وعزيزي iraqforme خليهه يم الله وين تريد توصل خلي توصل ،، اكو حكمة تكول ( لاتخشى من تدابير البشر لان اقصى مايستطيعون فعله هوه تنفيذ ارادة الله )

على حجايتك هاي مال الاجواء مشحونة ذكرتني باغنية لجورج وسوف اسمه ارضى بالنصيب سامعه مو هههههه يكول بواحد من المقاطع انا قدرك ونصيبك ونصيبك حيجيبك ،،،، بس احنا على سالفتنا راح تصير انا قدرك ونصيبك العراق مش راح يسيبك ههههه ،،،،،، تفرج اخوية وماتضل هيج وكلمن ياكل رزقه

تحياتي الك ولبقية الاخوان واترخص منكم لان اختكم ام رهف دتلف كبة على رمضان واروح اجيب لحم احسلي ،،اودعناكم اغاتي

اخوكم ابو رهف مع التحيات
حبيبي ابو رهف الورد جورج وسوف "يكول انا قدرك ونصيبك ونصيبك حيصيبك" كلمن ياكل نصيبه بس الواحد يحزن على السنوات اللي فاتت اجلنه بيها بعض الشغلات اللي كان المفروض ماتتأجل بس كلنه من نسافر عود نسويها .. الله كريم مابيدينه شي غير الانتظار بس بشرني الكبه حلب لو برغل لو بتيته جاب  ;D  اني هم مثلك اروح اشتري باتري للسيارة لأن لبارحا بليل جسه واخذت جطل  ;D
تحياتي

496
لاحول ولاقوة  الا بالله العلي العظيم يعني والله يا اخوان هاي الاخبار مال رفض الاستئناف بالجملة اللي ديصير هسة تذكرني بفترة ٢٠١٤ التعيسة اللي استلمنا بيهه الرفض بالجملة ، يعني الواحد مايعرف شيكول يواسي الاخوان اللي نرفض استئنافهم لو نواسي نفسنه على هذا العمر اللي ضاع والله ما ادري

المهم قريت هوايه هنا بالكروب ناس تكلك من ينرفض الاستئناف تكدر تقدم مرة ثانية زين ممكن اسأل منين هذا الحجي وعلى شنو استندوا الاخوان اللي يكولون هيج ،، شلون تقدم استئناف مرة ثانية وهمة اصلا يكولولك برسالة رفض الاستئناف بانه ليس هناك اي اجراء اخر يمكن اتخاذه بخصوص القضية ونرجو منك النظر في برامج اخرى للهجرة ،،،،، يعني باختصار يكلك خلص بعد لاتدوخنا ،،،،، يعني اذا المنظمة تكلك خلص فانته من تنرفض المن تدز استئناف مرة ثانية ومنو راح يستلمه منك وانته اصلا مامسموحلك تسوي استئناف ثاني ،،،،، يعني اللي اكوله يا اخوان اللي يحجي هذا الحجي خلي يكون منطقي ولايضل يفتي بكيفه براس الناس ويعيشهم بامل ويضيع وكتهم ويدمر اعصابهم بدوامة ثانية اني اسف انو احجي هذا الحجي وصدكوني ما اقصد بيه احد معين بس لازم نكون واقعيين ونحجي واقع ونعوف العواطف وتخدير الاعصاب كلنا نعرف انه اذا انرفض الاستئناف خلص هاي نهاية القصة بس احنة مانريد نصدك ونقنع نفسنه وهذا كله لان ضاع عمرنا واحنه عايشين بهذا الامل ومو سهل علينه نشوفه يضيع هيج ،،،، بس هذا الواقع ولازم نتقبله يا اخوان وكافي نجذب على نفسنا ،،،،، اذا الله قاسمنا نطلع نطلع لو ستين رفض ،،،،،، واذا الله ما اراد فلا اعتراض على حكمه وقضائه وقدره هوه اعلم ،،،،،،،،لحد يزعل مني اني اخوكم الصغير بس كلنا وصلنا مرحلة خصوصا بعد مابدت تهلهل الرفوضات مال الاستئناف بعد مو مال مراساة ومو مال عواطف لازم نشوف حياتنا ونشوف رزقنا ونفكر بعوائلنا ونؤمن بالواقع وكافي تفكير خلص والله راح نموت من التفكير ومن الاعصاب اعذروني اذا كان كلامي قاسي ،،،،،، وبالمناسبة اني يوم ٢١/٦/٢٠١٥ يعني بعد كم يوم اكمل سنة على الاستئناف يعني برمضان واني العام هم انرفضت  قبل رمضان بايام  والله كريم
والله يااخوية ياابو رهف كلامك بالصميم في ضل هذه الاجواء المشحونه والمليئه بالرفوضات .بس اني متأكد اكو قسم انقبلو بس ميحجون. المهم خلي عينك بعين الله وانتظر عسى ولعلى يحدث مالم يكن في الحسبان.
لك مني كل الود

497
السلام عليكم..
اخي iraqforme ان شاء الله تنقبل وتسافر,
اقاربي نرفضو بشهر 8 - 2014
,4 كيسات بالجملة نرفضو على المربع السابع,
ولحد الان ماكو رد من المنظمة على الاستئناف.
اريد اعرف رايك السبب مال رفض الملفات,بما انه انت صرت خبير بالمرفوضين,
احنا دننتظر مقابلة المحلفين ,ونريد نتجنب الاخطاء الي تسبب الرفض.
وشكرا
اخوية العزيز المشكلة انو 90 بالمية من رفوضات المربع السابع تجي بعد موافقة المحلف بفترة طويلة .. أي بمعنى انو المحلف موافق عليك .
بس عموماً قصتك لتخليها متشعبه , احصرها بأحداث قليلة بس بيها الزبدة وحاول كل حدث تذكره تنطي تاريخه حتى لو من عندك تحط التاريخ اذا ماتذكره بس اهم شي التواريخ وتحفضهن على الغيب وحاول تذكر شنو كلت بالمقابلة الاولى لان رح يقارن اجوبتك بأجوبة المقابلة الاولى .. دفتر الخدمة ضروري اذا حضرتك من مواليد 77 فما دون ومثل ماكتلك لاتتشعب بجوابك وتحجي كثير لأن همه ميحبون حجي هواية بمعنى ادق (مثال) اذا سألك على اسمك مثلا مو تكله محمد حسين على , كله اسمي محمد رح يكلك اسم ابوك كله حسين اسم جدك كله علي وهكذا .. والله يسهل امرك اخونا وعود بشرنا

498
عراق فورم .. كل مرة تسالني ليش ماتنقلنا الاخبار .. كان جوابي الك الاخبار الي توصلني لاتسر صديق ولا اخ ..وتتذكر جنه نكول كل واحد يعبر 3 اشهر وماينرفض شغلتة ماشية .. هسه الي يعبر سنة شغلته ماشية ؟؟ وللحديث بقيه ..والى الان اكولك كل الاخبار الموثوقه الي توصلني مابيه حظ .ومع الاسف الي ضاع من عمرنة والله يسهل للجميع
والله ياحبيبي اتذكر وداعتك بس هذا ميمنع انو اكو مرفوضين على السابع سافرو وديسافرون والدليل شوف بشاراتك في او وثاني صفحه بالكروب كل يوم جنت تجيبلنه خبر انو فلان مرفوض على المربع السابع وسافر وكرايبك ونسيبك هم مرفوض سابع وسافر واصدقائك بالشغل هم سابع وسافرو صح لو اني غلطان ؟ واني هم اعرف عائلة سافرت في اواخر 2014 هم مرفوضين على السابع !! يعني شنو قابل احنه من المغضوب عليهم ! زين ممعقولة ولا واحد من الاخوان اعضاء الكروب المختفين ماطلعله سفر وسافر او في طريقه للسفر بس يخاف يحجي لاينحسد !! عموماً لازم اكو نهاية لهذا الطريق سواء ايجابي ام سلبي والله ارحم الراحمين.
لكم مني كل الود

499
شكراً للأخت العزيزة ساوند على الموقع الممتع ولا اقول مفيد لأن لايوجد وجه فائده له بالنسبة لي, من 2010 وانا انتظر ركوب الطائرة بأتجاه بلد امن مستقر لي ولأسرتي لكن سبحان الله وبعد طرق اكثر من باب لأكثر من دولة وفُتحت بالفعل ابوابها ولكن وبصورة فجائية تم غلقها واخرها الرفض من امريكا وها انا ذا قدمت الاستئناف وقلبي يخبرني ان الرفض في طريقه الي مرة اخرى, عذراً على الأطاله لكن لاأعرف احببت الكتابه هنا عن جزء يسير من معاناتنا نحن المرفوضون.
دمتم بخير وود
اخوكم ابو مريم

500
والله ياشباب مااعرف شنو اكول وشنو احجي !!!! الظاهر واللي داشوفه كدامي اي ملف بمجرد ان يوصل على اعتاب السنه يبعثولة الرفض اما اللي تجاوز السنة فه ممكن رب العالمين ينفخ بصورته والله اعلم لأن الشباب القديمة بالكروب نصهم سكته لاحس ولاخبر . والله المستعان على هذا البلاء

صفحات: [1] 2 3 4