الرسائل

1

دردشة منتدى الهجرة واللاجئين / رد: وصولي الى امريكا بفضل الله وبفضل دعواتكم

« في: 19:36 17/09/2010  »

فترة طويلة مداخل للمنتدى

بس عكعك يستاهل نباركله على كد التعب والصبر
اخوي عكعك الف مبروك واستغل الفرصة زين لأن امريكا خوش امريكا بس للي يعرف يتصرف
ان شاء الله ترتاح بلقاء الاهل واتمنالك الموفقية وان شاء الله نتواصل

2

الهجرة و واللاجئين / رد: معادلة الشهادة الصادرة من بغداد في امريكا

« في: 06:33 05/03/2010  »

ها فنشنزو

اشو بالعراق وكمت تنسى وفوكاهه انت مجاوب على السيد الريس
اذا الشغلة هيجي سهلة من باجر اقدم على الماجستير
الاخ دكتور هندسة
من خلال تجربتي البسيطة في الولايات المتحدة اني مريت بالاتي

اني عندي شهادة بكالوريوس هندسة حاسبات و برامجيات من الجامعة المستنصرية
رحت لجامعة ميسوري UMKC حتى اقدم على الماستر باختصاصي فالموظفة المختصة الي قابلتها شافت الشهادة المترجمة مالتي و هي وثيقة الدرجات و سألتني كم سؤال هو انه فلان درس شتسموه عدكم و بأي مرحلة تاخذوه و من هاي الأشياء و مباشرة كلتلي انت تكدر تدخل الماستر و الاجور ويه القرض الفدرالي تكون 15000 دولار يعني لازم ادفع من جيبي 15 الف القصد انه دراسة الماستر مكلفة حتى ويه القرض الفدرالي و ما تحتاج معادلة شهادة البكالوريوس طبعا القرض الفدرالي مسموح لأبو الجنسية الأمريكية و الي عدهم كرين كارت

اخي كل جامعة و الهه نظامها لخاص و كل حالة تختلف عن الاخرى فالحل المناسب انه اخوك يروح للجامعة الي يريد يدرس بيها و يشوف شيطلبون من عنده لأنه ما اعتقد راح يعادلون الماجستير مباشرة اعتقد يردوه يدرس عدهم فتره يله يعادلوها بالكامل

3

مواضيع الحياة العامة في بلاد المهجر (امريكا) / رد: سؤال عن دراسة الدكتوراه تحديدا

« في: 06:24 05/03/2010  »

up للفائدة العامة

4

قسم اهم مواضيع منتدى الهجرة واللاجئين / رد: الخطوة الثالثة: تمت موافقة مكتب الجنسية والهجرة على الطلب أو الإلتماس وأرسل إلى مركز التأشيرات ا

« في: 05:15 04/03/2010  »

فنجوز انت ابن حلال مصفى

اني اخر رد اليه كان يوم الزلزال مال شيلي من جاوبتك

اشو البارحة طبيت لكيت عركات وطلايب وهذا يكول بطلت وهذا يكول تلعبوني لو اخذ الطوبة مالتي

وباحد المواضيع مال اخت عزيزة بطلت اكثر من مرة ورجعت تكول اني ما ارجع الا يعتذر فنشنزو

كلت يا ستار شمسوي

المهم دخلت على ردودك كلت اشوف شحاجي ولكيت هذا الموضوع اللي موجهلي بي السؤال وابشر الجواب كالتالي

انته ان شاء الله من توصل للمراحل النهائية راح جماعة البنفيت يدزولك ايميل يكول للحصول على جميع
مميزات البنيفت يجب ان تسافر على احدى رحلات الاي او ام

لكن هذا لا يعني انه متكدر تقدم من توصل بالعكس لكن اني ما انصح بهذا الشي ابدا وانت فيزتك ام الثلث اشهر اتطب منا تطلع منا

لذلك ابقى على المنظمة لأن صدكني مهما تكون عندك فلوس تخلص والمساعدات حق اقره الكونغرس للمترجمين وطلع قرار تمديد 8 اشهر للمترجمين يعني سنة ونص

يعني لتفكر تجي على حسابك واسف على التاخير

بالمناسبة المنتدى كان هواية احسن من كانوا الاعضاء ينعدون على الاصابع هسه يومية طالعنه واحد يريد طوبته حتى يبطل

5

الهجرة و واللاجئين / رد: الحياة في أمريكــــا بعد مرور 9 أشهر وهل أنا نادم على سفري ام لا ؟

« في: 18:59 28/02/2010  »

اخوان
اللي يكلك صعبة وارجع صدكوه
واللي يكلك سهله وتعالوا هم صدكوه

مو الف مرة كلناها كل انسان وظرفه

بس  تبقى الفروقات الفردية كل انسان وقابليته على التحرك
يعني اني من الناس كنت اشتغل اكثر من شغلة ولكن كلهه متتطلب جهد عضلي وكلهه جنت بيهه على راس الهرم
وهاي الشغلة اثرت عليه من اجيت لان الشغلة اختلفت وصرت اني ابحث عن العمل واروح اقابل بعد مكنت اني يجوني عمال واقابلهم يشتغلون عندي لذلك الامر يحتاج شوية وقت للتكيف وصدكوني بس البداية صعبة وبعدين تهون

اما بالنسبة لشغلة الرجوع فانا ضدها ليش
اكو واحد ميشتاق لأهله واصدقائه
اني شغلي خير من الله عفته والسبب واضح
الله سترنه 6 اسنين وبعدين كال خبزتك خلصت اطلع من العراق لأن شنو فايدة الفلوس اذا انكتلت واترملت مرتك وتيتموا جهالك
بس ما ارجع لأن هاي امريكا صحيح الوضع مو زين هسه بس اليريد يشتغل يشتغل حتى لو شفت مسائي
احجيلكم سالفة صارت قبل يومين وياية

بيبيتي ام امي راحت لدار حقهه وخالي اللي اني ساكن بصفه كان كلش متأثر ويبجي حجزتله للكويت وكلت اروح وياه للعراق
ورة مجيكت عرفت انه اني ما اكدر اطب الكويت لا بجواز عراقي ولا كرين كارد الا بامريكي المهم خالي خلال 18 ساعة هو بالعراق وواكف وية اخوته بالفاتحة واني لازم انتظر بعد اربع سنين حتى احس اني ادمي اروح وين ما اريد وشوكت ما اريد

اي نعم كلنه نحب العراق ونشتاق لأهلنه بس هذا مو كافي

اقل شي اطلع بجواز وشهاده وغير هذا اللي ميتحمل يطلع من هسه لأن امريكا تعب بتعب ومشاعر باردة يعني الات تتحرك ومحد يعبرك لو يحس بيك مو مثل العراق

6

الهجرة و واللاجئين / رد: تحذير ... لاخوانا اللي عالساحل الغربي لامريكا

« في: 04:25 28/02/2010  »

اني استنكر وادحض وافند كل ما ينقله المدعو فنشنزو

فهو يريد ان ينقل صورة خاطئة عن امريكا ويريد يجر بوشنا ولو اني بدلاس لا بحر لا محيط بس ميخالف هم يريد يجر بوشي بس لا والف لا وبعد هم لا نحن على العهد باقون
واحب اطمن الاخوة المترددين واحذرهم بنفس الوقت من مغبة التفكير بعدم السفر بسبب التسونامي
لان التسونامي هنا نتوقعة كبل اسبوع بس ابو الكاتم لو المفخخ منو يتوقعه تمام مو
فنشنزو رح اضيفك لقائمة المحرضين على عدم السفر واكيد انت الك هدف من هذا الموضوع واعترف احسنلك

صدك هسة اتذكرت بمناسبة التسونامي بعدك تضرب فلافل اباب الشرجي لو بطلت

7

الهجرة و واللاجئين / رد: are you ready to type in english with ten fingers with out looking at the keyboard ??? it's your

« في: 03:59 28/02/2010  »

اخوية العزيز شو
مشكور على روح المساعدة واني عندي انس
بس قصدي على هذا البرنامج بالذات لأن الاخ يكول نزلت البرنامج  زين شلون نزلة وهو للبيع
قصدي يمكن عندة فد طريقة يفيد بيهه الاخوة الاعضاء

وما اعرف ليش ينحذف اذا نزلته هو مو سيدي تعليمي

يمعود مو حتى صور ينزلون 

الاخ العزيز ابو اسد
شلونك ان شاء الله بخير
البرنامج موجود على سيديات البرامج اني اعرفه منزمان بس ما اذكر السيدي الي نزلت منه بس
هسه اكو كولكشن سيديات اسمه انس
البرنامج موجود بيه و مسجل و فري
اعرف هذا السيدي مموجود عندك حاليا ولكن اذا عندك سيديات برامج ابحث بيهن عن البرنامج او برامج مشابهه لانها تؤدي نفس الغرض و باسلوب حلوا

اني منزل البرنامج من زمان واستفدت منه لان يبدي من الاساس الا ان تتقن الموضوع و بدروس و اختبارات

اذا تحي انزلك البرنامج هنا حتى يستفاد منه الاخوه
ولوا اعتقد الموضوع راح ينحذف او ينقل ولكن انتظر جوابك

بالتوفيق للجميع

8

الهجرة و واللاجئين / رد: are you ready to type in english with ten fingers with out looking at the keyboard ??? it's your

« في: 00:31 28/02/2010  »

اخي العزيز

اني من انزل رابط اذكر تفاصيله
بس هذا البرنامج للبيع مو مجاني بس اول درس لو اثنين والباقي يكلك اشتري
لان اني قبل سنة لكيته بالكوكل ووكف عندي بعد درسين يكلي اشتري

انت متاكد ابلاش لحد الدرس الاخير

9

الهجرة و واللاجئين / رد: اهوووووو....اجة الكوم ابروفال وهسه لازم صدك نفكر نروح لامريكا

« في: 06:47 19/02/2010  »

هاي شنو فنجنزو

فاتح موضوع علمود تستقبل تهاني وتسوي دعاية انتخابيه
زين منو يكول انت استلمت هاي المدري شيسموهه
ايباه انت ذكرتني بايام العراق من كانوا الاعضاء قليلين واقل شي يفتحون موضوع
تتذكر من فد يوم واحد فتح موضوع يكول اندعوا لأبو فلان باجر عنده فحص طبي
ادري يعني قابل رح يكلولة ما عدنة سرنجات تعال باجر لو الدكتورة ام الاشعة عدهه ولادة

بس بشرفك 8 تشهر كوم ابروفال لعد بحر الظلمات اشكد
المهم هسه انت بالطريق الصحيح وبعد لتضرب فلافل بالخيام  وخلي اتعدي على خير

يلله وهاي هم الف مبروك وصلحوا

10

الهجرة و واللاجئين / رد: لاحبابي اللي باميركا وخصوصا اللي بولاية كاليفورنيا او اي واحد عنده معلومات عن الانتخابات العراقي

« في: 03:11 14/02/2010  »

الانتخابات كالتالي

1-مركز في واشنطن
2-مركزين في ديترويت
3-مركز في شيكاغو
4-مركز في ساندياغو
5-مركز في ناشفيل
6-مركز في سان فرانسسكو

فقط لاغير

يعني اللي يعيش بغير ولاية لازم ينتقل باقرب مدينة من الموجود اعلاه

11

الهجرة و واللاجئين / رد: مـــــــاذا حصــــــل للعراقيـــــــــين في سان دييكو في يوم 12 \ 2 ؟؟؟!!!!

« في: 05:49 13/02/2010  »

نبارك العودة بعد الغياب
وان شاء الله المانع خير
وبالنسبة للموضوع فشي متوقع ومو جديده علينا والله يساعد العراقيين برة وجوة

12

الهجرة و واللاجئين / رد: الله يبارك بيكم سؤال مستعجل جدا جدا عن ال SIV ارجو الجواب بأسرع ما يمكن

« في: 22:26 08/02/2010  »

اخي  على وكتي قبل سنة بالمقابلة يكلولك لازم تخلي اسم كفيل
بعد ما ادري هسة تغيرت لا

13

الهجرة و واللاجئين / رد: اخوتي خواتي فرصة عمل بالانتخابات مال امريكا شوية استعجلوا

« في: 22:06 08/02/2010  »

اختي انجي اتدزين الريزومي مالتج للعنوان البريدي الموجود بالرابط

14

الهجرة و واللاجئين / اخوتي خواتي فرصة عمل بالانتخابات مال امريكا شوية استعجلوا

« في: 22:00 08/02/2010  »

طبعا عدكم اليوم وباجر وحاولوا تستعجلون شوية

الشغل حصرا بهذه المناطق المذكورة لان متسوة تجي من غير ولاية علمود شهر

http://newiraqradio.com/news-68.html

15

الهجرة و واللاجئين / رد: العراقيون يحصلون على اللجوء و عمة الرئيس الأمريكي أوباما تكافح ضد طردها من الولايات المتحدة

« في: 21:40 08/02/2010  »

حتى يحق الحق
نعم العراق اصبح مرتعا لجميع دول الجوار وبدون استثناء
الايراني يحكم والسوري والسعودي والاردني يفجر
والكويتي ينهب والتركي يسرح ويمرح بكردستان

فليس المالكي وحده
ان اصغر راع من رعيان صدام كان يقيم الدنيا ولا يقعدها وابسط كلمة كانت هي لك يول متعرفني اني منو

وحتى لو جئنا الى جميع الدول العربية والعالم الثالث من سيطرد عمة الرئيس
اكيد لا احد

خلاصة الكلام العراق ومنذ نظام البعث وحتى الحكم الايراني المبطن هو من سيئ الى اسؤا

لأن اللي يريد يكول الحقيقة لازم يكولها كاملة
مو لو مو مو

16

الهجرة و واللاجئين / رد: مأسآتي مع توم ( الجزء الثاني)

« في: 18:30 06/02/2010  »

اخي انت موضحت الشركة عراقية لو امريكية حتى نجاوبك

17

الهجرة و واللاجئين / رد: خطر جدا لكل من ينتظر الكرين كارد siv

« في: 06:12 06/02/2010  »

اخي شنو انت صحفي
وتحب العناوين الرنانة
يعني اني اطبلي ربع ساعة اشوف اخاف احد محتاجلة شغلة
وانت كاتب خطير
زين انت غلطان
ليش تعمم وتكول لازم جماعة الاس اي في هيجي يسوون
بالمناسبة الامريكان ميغلطون بشغلة البريد والرسائل ابد بس اكو شي اسمة تغيير عنوان بريدي من تغير سكنك
ويكون افضل لو تغير العنوان لأن رح تقلق هواية ناس وهو اصلا ماكو شي

18

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 10:03 03/02/2010  »

اني فرحان اشوف الموضوع اللي بدا اخونه علي الله يذكره بالخير بعدة مستمر وشعلة نشاط وبالفعل مثل متوقعت هذا الموضوع رح يصير مثل الارث اللي رح ينتقل من سنة الى سنة لحد ميتوقف البرنامج

قريت المشاركات الاخيرة وكانت كلهه تتحدث عن الاجرائات الادارية الاضافية والقدماء يعرفون انه اني كنت اول واحد وقعت بهذا المطب قبل سنة تقريبا وبقيت انتظر 4 اشهر بس بعدين حصلت فيزا وصارلي 7 اشهر بامريكا

بس احب اوضح نقطة انه الاجرائات الادارية هي رفض مؤقت فلا تستغربون اذا احد يكول انرفضت لأن الكتاب اللي ينطوكياه صدك يجر البوش لأن يكلك يابة نعتذر منك لأن انت مرفوض مؤقتا


ما اعرف اخبار علي شبح بغداد شنو اشو اختفى يعني معقولة رجع للعراق لو شصار بيه من ورة البوكة اختفة وما كو خبر

ياريت اذا احد يعرف عنه شي يطمنه

19

الهجرة و واللاجئين / رد: شكد اخذ ويايه

« في: 08:49 03/02/2010  »

نفس الشي ينطبق على زوجتك اذا كان عوقهه يمنعهه عن العمل تاخذ راتب وهيه كاعدة بالبيت

20

الهجرة و واللاجئين / رد: موعدي سفري قريب .. فهل يتوجب ان احضر جوازات سفر لكل افراد العائلة ؟؟؟؟؟

« في: 08:31 03/02/2010  »

اولا اخي العزيز

من شروط التقديم من بغداد هو ان يكون عندك جواز جي او اي ولازم تكتب رقم الجواز اول متقدم
زين شلون وصلت مرحلة السفر وانت ما عندك جوازات لافراد العائلة

يعني ابسط شي لازم تاخذ نسخ الجوازات بالفحص الطبي زين شلون فحصت

بالنسبة لخط الرحلة فهو يختلف حسب الشركة

لكن عموما اكو خطين رئيسية

الاول بغداد-عمان-نيويورك
الثاني بغداد- عمان- فرانكفورت- شيكاغو

21

الهجرة و واللاجئين / رد: شكد اخذ ويايه

« في: 08:22 03/02/2010  »

اخوية العزيز

انت يحقلك تاخذ 50 الف دولار
يعني عشرة لكل شخص ولو همة ميحسبون وتكدر تاخذ اكثر
هذا القانون

اما اذا كان قصدك علمود تعيش فانت بدون شغل لو كاعد على جبل فلوس هم يخلصن
لكن كبداية اعتقد مو اقل من 5000 دولار ليش
لان انت عندك مساعدات وفود ستامب وويلكم موني يعني متحتاج اله لفلوس سيارة وفد الفين لحد متشتغل

وبالنسبة للعوق فاكو لجان طبية تحدد نسبة العوق وهل انت قادر على العمل او لا
فاذا مكنت قادر على العمل ينطوك مبلغ 600 دولار شهري حسب ما اعتقد
ولكن انت احسب حسابك مو اقل من 1500 دولار ينرادلك بالشهر ايجار شقة 3 غرف وانترنت وكهرباء ومي وتليفون وانشورنس سيارة

22

الهجرة و واللاجئين / رد: اني مقبول امريكا على UN اني مترجم واريد من اوصل هم اشتغل مترجم شلون تصير ما اعرف

« في: 06:32 30/01/2010  »

للتوضيح

الكرين كارد لايشفع لك للعمل كمترجم

فقط الجنسية ولاشي غير الجنسية
كان اكو برنامج لحملة الكرين كارد يسمحلك تشتغل مترجم مع الجيش بامريكا وانسد قبل كم شهر

فرصتك الوحيدة ان تتطوع وتصير ابو خليل امريكي مو مترجم بس لازم تعبر امتحان خاص اسمه الاس فاب

اكو شغلة مترجم بس عن طريق الهاتف ويه المستشفى بس الدفع مو ذاك الدفع وما اعرف شلون يقدمون

23

الهجرة و واللاجئين / رد: رقم قياسي في عبور بحر الظلمات !!! لا بحر و لا هم يحزنون

« في: 06:26 30/01/2010  »

اعلسهه لروحك
ادري مو حتى اللي اشتغل وي الامريكان ورة مقدمت انت على الاي او ام هم كمل سنة وهسة بامريكا
المهم اني فرحان لان نصيحتنة مراحت بلاش من كلنالك حول من اللجوء للهجرة وان شاء الله يوم لابن زيونة وعكعك وفنشنزو وكل المعتقين

تستاهل يا ورد

24

دردشة منتدى الهجرة واللاجئين / رد: خاص بجماعة SIV - صورة جماعية للكل

« في: 09:38 28/01/2010  »

حلوة ايام الانتظار تقريبا صار سنة اله شوية

مبروك الوصول اخ حيدور

25

الهجرة و واللاجئين / رد: حيدور في امريكا

« في: 19:44 27/01/2010  »

هاي شنو فنشنزو جاي تحشش علينة من الصبح
هيوستن بعد 400 مايل من فورت وورث اخاف كلك بدالاس

26

الهجرة و واللاجئين / رد: شراء دكان بأمريكا مهم

« في: 07:32 25/01/2010  »

اخوان فيزة زيارة عادية جدا واي واحد عندة جنسية امريكية يكدر يجيب اقاربه زيارة

27

الهجرة و واللاجئين / رد: كيف تبدو في جهاز السكانر الجديد في المطارات - ادخل وشوف

« في: 08:05 21/01/2010  »

اخوية بلاك ووتر شلونك

لازم حنيت للمطار هههههههههه

28

الهجرة و واللاجئين / رد: اخوان جماعة تكساس

« في: 06:48 14/01/2010  »

اخي العزيز
اكو خاصية البحث
بس اكتب تكساس رح تطلعلك كل المواضيع
لان ما اعتقد اللي بامريكا يكدر يتعمق بهذي المواضيع ويكتبهه من جديد لان تحتاج وقت

تقبل تحياتي

29

الهجرة و واللاجئين / رد: دهشة و غصة و تمني

« في: 07:04 10/01/2010  »

جبناها على الاسترجاع

عندي صديق وهو عضو بالمنتدى همين اتسوك من الوالمارت وكان من ضمن المسواك صندوك مشروبات كحولية
المهم ورة اشكم يوم بالصدفة ديقرة الرسيت ولكاه مسجل صندوكين رجعلهم كلهم يابه هيجي وهيج
اخذوا الرسيت ورقم التليفون وكالوله انطينه عطوة اسبوع
كول راح اسبوع خابروا كلوله تعال اخذ افلوس الصندوق الفرق
سألهم بفضول اشلون عرفتوا كالوله رجعنه الفلم على مكان الكاشير والوقت المسجل بالرسيت وشفناك طلعت صندوك

ديلله ويكلك اتقشمرنة واجينة لامريكا

والشكر موصول لصاحب الموضوع

30

الهجرة و واللاجئين / رد: ترك شغله اللجوء والسفر

« في: 09:07 02/01/2010  »

والله اني انقهر من اشوف اسماء قديمة مثل عكعك وحمودي وشو بعدهم
بس ترة هية شغلة حظ ونصيب
يعني العام هيجي وكت كانوا اللي طالعين ينعدون على الاصابع وهسة ما شاء الله فلذلك الواحد يضوج
الله كريم وان شاءالله الفرج قريب

31

الهجرة و واللاجئين / رد: مساعده من اهل امريكا . ارخص طريقه لارسال هديه للاهل في للعراق ؟؟

« في: 09:48 01/01/2010  »

يمعود فرحت من قريت العنوان عبالي وصلت لامريكا
على العموم ان شاء الله ملحوكة

تحياتي

32

الهجرة و واللاجئين / رد: سؤال للمستلمينCOM Approval مؤخرا

« في: 08:56 12/12/2009  »

ها خوية شنو الاخبار
منو مات منو عدل
يللة دفضهه اشو طولت السالفة ولو نرجع ونكول كلهه تصير سوالف
دير بالك يمعود اشو عالكة هليام وانفجارات وفلاح حسن والله اليستر

33

الهجرة و واللاجئين / رد: سنصل تكساس بس منعرف احد-ارجوا الاجابه

« في: 08:48 12/12/2009  »

والله اني بدالاس
بس ترة هواية عراقيين بتكساس وباوستن واختلط ويه المقاربين لمستواك الفكري والثقافي مو وي الكل

يمعود احنة هنا عالكيهه واكيد مرح تشعر بغربة اذا كانت نيتك تبدي حياة جديدة
اما اذا كنت من جماعة سنة اجازة بدون راتب فراح تتعب هواية وتتنحس من اقل شغلة وبالاخير ترجع

اتمنالك الموفقية

34

الهجرة و واللاجئين / رد: انجزت 60 بالاميةمن الخطوة الاولة للحصول على الجنسية ابي نصايحكم

« في: 08:39 12/12/2009  »

ادري اربعين قراءة ولارد

هذولة هم الله غاضب عليهم بالكويت والاخ مبين من الاخوة البدون هوية
عمي اذا اتطب لامريكا وين متريد تروح وخاصة اذا بشكل رسمي وكندا حدودهه مفتوحة مع امريكا واذا تريد تطلب لجوء فما اعتقد صعبة لان انتو قضيتكم معروفة وما اعتقد يرفضوك اذا بكندا او بامريكا

35

الهجرة و واللاجئين / رد: الى كلمن عنده خبره ومعلومه بالسفر الى العراق من امريكا

« في: 05:58 01/12/2009  »

اخوتي اللي عندة كرين كارد وين ميريد يروح وبجواز الدولة الام بس لازم يتصل بسفارة البلد ويحصل فيزة
طبعا للعراق بدون فيزة
واللي معندة كرين كارد يسوي ترفل ديكيومنت ويسافر
واللي عندة كرين كارد هم يكدر يسوي ترفل ديكيومنت ويسافر
تبقة شغلة اللاجئ اعتقد اذا حصل كرين كارد فماكو علية بعد اي مسائلة قانونية اذا راد يرجع للعراق بس ميبقى اكثر من 6 اشهر خارج امريكا

36

دردشة منتدى الهجرة واللاجئين / رد: اخبار اخونا الغالي -***شبح بغداد***- مع الاسف

« في: 00:50 29/11/2009  »

قل لن يصيبنا الا ما كتب الله لنا
والحمد لله على كل حال
وان شاء الله متأثر هاي الشغلة على معنوياتك
لأن ممكن يطبلك حرامي وانت كاعد ابيتك ابغداد
بس توقيت الشغلة مو حلو بس انت سبع واني حاضر وبس كول

37

الهجرة و واللاجئين / رد: تحديث يومي لما اراه واتعلمه من امريكا

« في: 06:23 03/11/2009  »

اخوية ايوكا شلونك

مبروك على الموعد

شلونهة كوريا واكو سؤال بنفسي اسألك انت بيا سنة متخرج
لأن اني وانت صنف ههههههههههه

عاشت ايدك للمره الثانيه اني لو جنت قاري هذا قبل ما اقدم على المساعدات جان احسلي بهواي لان الحموي دزتلي ايميل من 15/ 9 ولهاذا يومك لو حاجز ومسافر مو احسن من هذا التاخير . بس شنكول الله كريم

38

الهجرة و واللاجئين / رد: تحديث يومي لما اراه واتعلمه من امريكا

« في: 07:36 02/11/2009  »

اخت سارة ازيدج من الشعر بيت
اني احب السمج
وهنا اكو سمج اسمه الكارب الالماني نفس الكارب اللي بالعراق سعر الباوند تقريبا دولار وشوية  يعني الكيلو يطلع الفين ونص بالعراقي والسمجة تطلع عشر كيلوات مرات اكثر بالعراق هاي السمجة مينطوجياهه ب 75 الف والركي مو غلى الوزن وروحي للوالمارت وشوفي لان محد يكلبه وصراحة سعر البانزين اللي كلته غالي اكو ارخص والانشورنس مالتي 50 دولار يالشهر بس بعد 6 اشهر يقل لان يصير عندي هستري
ةالحمد لله منطقتي امينة اني اختاريتهه من اول يوم وما قبلت باختيار المنظمة ولحد الان يدفعولي ايجار ولو اجمل علية بس ميخالف المهم مرتاح
ونادرا ما اقفل الباب من اطلع

اخوية ماجلان  مشتاقين والله اني دائما اسال عليك بس اني دخولي قليل للمنتدى وان شاء الله احصل رقمك واخابرك

ملاحظة زغيرة حول موضوع الجيش بعد التدقيق تبين انه الانضمام للجيش كجندي وايس مترجم لا يحتاج الى كرين كارد

39

الهجرة و واللاجئين / رد: تحديث يومي لما اراه واتعلمه من امريكا

« في: 06:10 01/11/2009  »

نعم اخت سارة الحياة وردية

اذا توفرت لديك الشروط اللي تحت اسمي
ولكن هذا ما يعني انه اللي متنطبق علي الشروط يضرب روحة طلقة لان توقيت وصول العراقيين مو زين بس الظروف دتتحسن شوية شوية والجاي احسن

ما شاء الله عليك اخونه عاشت ايدك...هاي الحياة غير طلعت وردية بامريكا

40

الهجرة و واللاجئين / رد: تحديث يومي لما اراه واتعلمه من امريكا

« في: 06:06 01/11/2009  »

اخوية النورس الحزين كلامك مضبوط بالنسبة للرطوبة بس هسة الجو كلش حلو يعني الرطوبة موسمية مو دائمية

تحياتي

بسم الله الرحمن الرحيم

موضوع رائع ومجهود اروع بارك الله بيك اخي


اخوان العمل بدالا متوفر ومحد بتكساس يشيل هم العمل ابدا بأسوء الاحوال يشتغل بوول مارت الساعه بتسع دولار بس اخوان الجو اهناك رطب بصوره مزعجه جدا يعني الي اني شفته الحر الي بالعراق ارحم من الرطوبه الي بتكساس يعني اني خلال شهر ثلاث تيشرتات ذبيتها لان تتلف بسبب الرطوبه ومشكلة تكساس مو المكسيكان مشكلتها السودد

41

الهجرة و واللاجئين / رد: تحديث يومي لما اراه واتعلمه من امريكا

« في: 06:04 01/11/2009  »

نعم اخي العزيز
دالاس عبارة عن سود ومكسيكان والاقلية هم البيض والهنود والعرب
ولكن تعتمد على المنطقة فهنالك سود محترمين جدا ويعملون
وهنالك العكس مثل ماكو عراقيين مكضيها لواتة وتحايل على القانون ومطلق مرتة وعايش وياهه بالحرام بس علمود الدولة تنطيها شقة بالسيكشن ايت واكو عراقيين يعملون رغم ظروفهم الصعبة

بالنسبة للعلاقات نعم ف 70 بالمية من العمل علاقات و30 كفاءة
يعني حتى العراقي ميكفل الا العراقي بس من يجي يشغل يشغل مكسيكي لان ما عندة اوراق ويرضة بالقليل

الاخ سبع صنايع والبخت انشاءالله ما ضايع
شكرا على موضوعك الجميل وانشاءالله شايف الف خير
عندي استفسار اذا ممكن تجاوبني عليه اني طالعت ولاية دالاس بس حاليا ماجل سفري بسبب مرض زوجتي
يكولون بدالاس هناك الكثير من الاسبان والمكسيكين المقيمين والمهاجرين وهؤلاء مثل يتعاملون (الكرايب وابن العم) ومن تلكه شغل يمهم ما ترتاح وياهم لان دائما يفضل بني قومه عليك وهم  شنو رايك بها الموضوع؟
وماذا عن اسعار الايجارات والسكن ؟بدالاس

تمنياتي لك بالتوفيق وتحياتي للجميع
اخوكم ارام

42

الهجرة و واللاجئين / رد: تحديث يومي لما اراه واتعلمه من امريكا

« في: 05:58 01/11/2009  »

اخوية العزيز

اكو كتاب اسمه ASVAB for dummies

حاول تبحث عنه اون لاين موجود والمواد معلومات عامة ورياضيات ولغة ومعاني كلمات يعني صعب

بس حسب صنفك اللي انت تريدة بالجيش راح تحتاج الدرجة
يعني اقل شي الجيش العادي 30 وباقي الاصناف اعلى

السلام عليكم سبع صنايع

حبي تسلم على هاي المعلومات القيمة

بس حبيت اسال على هذا الأمتحان الي يسووا للجنود

شنو شغلة هذا الأمتحان هل هو اختبار لغة لو شنو حبي و ؟؟؟؟

ممنون منك و شكرا

43

الهجرة و واللاجئين / رد: تحديث يومي لما اراه واتعلمه من امريكا

« في: 05:53 01/11/2009  »

الاخوة الاعزاء

بالنسبة للجيش فالفرص متوفرة ولكن شرط ات تاخذ امتحان الاس فاب ها بس تصير جندي مو مترجم
الراتب بحدود 1400 بالبداية ويدفعولك مال الايجار والمي والكهرباء وضمان صحي الك ولعائلتك وتانمين على الحياة الك
وحسب ما اعتقد لازم كرين كارد
التدريب قوي وتبتعد عن اهلك فترات طويلة
وبالمناسبة عدنة عضو بالمنتدى امتحن الاس فاب وعبر لكن لسوء او حسن حظه توقف برنامج المترجمين بالجيش

44

الهجرة و واللاجئين / رد: تحديث يومي لما اراه واتعلمه من امريكا

« في: 10:00 31/10/2009  »

اخي العزيز الحبار

بالنسبة للجيش فاكو برنامجين
الاول هو الزيرو ناين ليما تصير مترجم وجندي بنفس الوقت وهذا البرنامج انسد قبل شهر

والخيار الثاني هو تصير جندي بس لازم عندك كرين كارد وتاخذ على ما اعتقد اكثر من 30 من مية بامتحان الاس فاب وهو امتحان صعب على اللي ميقرة انكليزي

اتمنة اكون فدتك واني حاضر لاي سؤال

45

الهجرة و واللاجئين / رد: السلام عليكم اسف للتاخير

« في: 08:40 04/10/2009  »

ابو العباس حمد الله على السلامة وسلام خاص لبلاك ووتر
وبشرني بعدة طويل لوكصر شوية ههههههههه

46

مواضيع الحياة العامة في بلاد المهجر (امريكا) / رد: الشقة واختيار مكانها وتأثيثها لحظة الوصول الى امريكا...

« في: 08:38 04/10/2009  »

اخوية الزلمة البلاية اسم

الف الحمد الله على السلامة وان شاء الله موفق

47

الهجرة و واللاجئين / رد: اميركا - الابتسامة

« في: 14:43 18/09/2009  »

اختي العزيزة ورقاء

معليج من كلام الاخوة  والتهنئة

واني انصحج ترجعين للعراق من هسة
ادري شلون واحد يكدر يعيش بللة مراية بالله هذا حجي من المنظمة
شوفي مو كتلكم امريكا ينرادلهه تعب بالبداية يعني هسة لازم تشترين مراية
اووووف امريكا شكد متعبة!!!!!!!!

48

الهجرة و واللاجئين / رد: لنتكلم بواقعية عن العيش بأمريكا

« في: 14:35 18/09/2009  »

اخوية ستورم اني اكلك النورس ليش ميجاوبك

النورس كان من اشد المتحمسين حتى يجي هنا واكيد يعز عليه اللي كتبه بس هاي هي حقيقة ظرفة وكل انسان وقابليته للتحمل وخاصة العراقي ابن دلال وينرادلة شوية وقت حتى يتأقلم
اني بالنسبة الية بعد ما افكر ارجع لأن طلعتي كلفتني باب رزقي اللي بخلال شهرين اللي مأمنهم علية نهبوا واظطريت ابيعة بخسارة واني انصح كل اخوتي انه ليعوفون اي متعلقات مادية ترة ميحد يخاف على المال ويحترك كلبة الة ابو المال

اخوان الي وضعة تعبان ويحس العراق افضل ليش ميرجع ممكن واحد وضعه تعبان يجاوبني على هذا السؤال

اني حالي حال اي شخص محتاج رد اني رايح للمجهول اني عندي استعداد اسمع اي شخص مهما كان رايه في الموضوع

ومثل مااتفضل الاخ عمار مشكورا هو موضوع نقاش انطي رايك شنو الي مريت بي هناك وبس بدون تجريح هذا هو المطلوب فقط لااكثر اني سالت الاخ نورس بس ما اعرف ليش ميجاوبني يضن اني استهين بجاوبة اخي العزيز اني احترم رايك جدا لكن اني اريد اتعلم من تجربتك اني كثير من اصدقائي طلعو واتعلمت كلش هواي من تجاربهم تجربة الحياة في اميركا تهم الجميع لان الشي الي ماكدرت تحققه اكو غيرك ممكن يستفاد من تجربتك ويحققة قد يكون اكو شخص يحب يساعد مابيها شي انت من طرحت موضوع راح تثير قلق بعض الناس اذا لازم تكون مستعد اجاوب الناس حتى تعرف ليش


اخواني تقبلوا احترامي لهذا الموضوع والردود الجميلة دمتم بسلام 

49

الهجرة و واللاجئين / رد: لتصوروها سهلة

« في: 06:43 15/09/2009  »

كلنة مرينة بهاي اللحظات بس الله انطانة نعمة النسيان وكلهه تصير سوالف
تعاي لامريكا وشوف العالم شلون عايشة

50

الهجرة و واللاجئين / رد: اول اسبوعين بهيوستن

« في: 07:20 11/09/2009  »

اخوية حمد الله على سلامتك واتمنى نظريتك السابقة عن امريكا تكون موصحيحة وترتاح بس حسب ما اتذكر انت مو اخوك ساكن بهيوستن اشو مذكرته

بالنسبة للعراقيين فالاغلبية اللي اعرفهم هم جماعة التسعين وجوة وكلهم ساعدوني وديساعدوني طبعا مو ماديا ولكن معنويا عدا واحد باعلي اثاث بيتة لان كان يريد يشيل وكان السعر 1200 دولار وبعد فترة من التمعن والتحقق والاندماج بالمجتمع والاسعار عرفت ان السعر ميتجاوز 600 دولار مع العلم انه هذا الاثاث بالعراق يسوه بال4000 دولار بس بامريكا تعرفون الاثاث المستعمل ينذب بالزبل ويلمو ويرجعون يبعيو اخو البلاش

51

الهجرة و واللاجئين / رد: موقع راقي جداً Free TV & Movies

« في: 06:17 10/09/2009  »

ابو علي شلونك

الصراحة اني هواية اشوف مثل هيجي مواضيع مال افلام وخابرو لامريكا بس ما ادخل عليها لان جربت ومعظمها طلع غير ناجح

بس من قريت اسمك كلت نسبة المصداقية 100%
وبالفعل سجلت بالموقع والنقاء مال الصورة رائع بس اول فلم اختاريتة طلع اسرائيلي

هسة يطبون جماعة ابو عدي علينة ههههههههههه

تسلم وبارك الله بيك

52

الهجرة و واللاجئين / رد: للواصلين من المترجمين ..وظيفه ترجمه لحاملي الكرين كارد من خلال الجي ال اس!!

« في: 04:31 10/09/2009  »

اخوان ومن مصدر موثوق

الشغلة صحيحة 100%
بـــــــــــــــــــــــــــــــــــــــــــــــــــــــــــــــــــــــــــــــــٍس


لازم يكون عندك كرين كارد وعلى الاقل مقدم على الجنسية
يعني تكون على ابواب الحصول على الجنسية مو هستوك محصل على الكرين كارد

53

الهجرة و واللاجئين / رد: للواصلين من المترجمين ..وظيفه ترجمه لحاملي الكرين كارد من خلال الجي ال اس!!

« في: 22:15 08/09/2009  »

ها خوتي اشو غلستو
دزولكم ايميلات لو لا
لو اتخافون من العلس
هههههههههههه

54

الهجرة و واللاجئين / رد: أمريكا تسعى لاذلال العراقيين مرتين

« في: 22:11 08/09/2009  »

حيل شكد قديم هذا الموضوع
يللة بالاعادة افادة

مشكور على الاعادة

55

الهجرة و واللاجئين / رد: سؤال اليوم : كيف للمهاجر او اللاجئ ان يحصل على قرض من البنك لشراء بيت او بدء عمل

« في: 11:21 08/09/2009  »

من رخصة الاخوة

الفلوس ما الهه علاقة
اهم شي الكريدت اذا اكسلنت اتطب تاخذ احسن سيارة لو احلى بيت وبالفايننس اللي يعجبك
اما اذا ما عندك هستري فالشغلة صعبة لان الفلوس ممكن تسحبهه انت باي لحظة بس اللي يشفعلك شغلك الثابت وراتبك المستمر وعدم تلكؤك بالتسديد وثقة المصرف متجي من شكد حاط لكن من انتظامك لفترة طويلة بالتسديد

وسلام خاص الى ماجلان وحمد الله على السلامة وهاي شنو الاحمر لايك عليك

56

الهجرة و واللاجئين / رد: للواصلين من المترجمين ..وظيفه ترجمه لحاملي الكرين كارد من خلال الجي ال اس!!

« في: 17:15 06/09/2009  »

اخوان للتوضيح

الرقم هو الاي نمبر واني متاكد من الاخوة اللي هسة بالعراق والدليل مكون من تسع ارقام وهي الحقول المخصصة بينما الرقم اللي ذكرو الاخوة مكون من عشر ارقام يعني ممعقولة بكيفنا نلغي الصفر اللي بالبداية
بالنسبة لحاملي الكرين كارد همة كات وان مو كات تو لان الكات تو يجب ان يكون عندة كليرنس اقوى من الكات وان واكيد لازم يكون عندة جنسية

وتحياتي للجميع

57

مواضيع الحياة العامة في بلاد المهجر (امريكا) / رد: مابعد ايجار الشقه او البيت

« في: 06:00 19/08/2009  »

والله ابو انس ضحكتني

اني ابغداد كنت كلاص مي ما اجيب لروحي وهسة وين رايح اغسل هدوم وانوب نشفهن هههههههه
ومرتي عاجبتهه السالفة بس اني بالشقة عدي مخزن بالبالكون بي تاسيس بواري تكدر تخلي بي الغسالة والدراير بس تشتريهن على حسابك بحدود 350 دولار وفوك

تحياتي

58

الهجرة و واللاجئين / رد: تعقيبا على موضوعي واسفي الشديد على بعض الناس

« في: 05:47 19/08/2009  »

اخي العزيز

اني قريت موضوعك للاخير ومجاوبت لان اعرف انت متأذي ومن قلة الحيلة والقهر كتبت اللي كتبته
واتمنى من اخوتنة من يشوفون واحد يحجي على امريكا ويكول امريكا تعبانة انه يصدكوة
واذا كال امريكا حلوة ومرتاح هم صدكوه لان كل انسان وظرفه
وارجع واكول هسة امريكا مو مثل كبل خمس سنين وان شاء الله الامور تتحسن بعد سنة او سنتين ولو اتوقع من خمسة وفوك يلله تتحسن الوضع

59

الهجرة و واللاجئين / رد: حصلت على فيزا الامريكا عن طريق ال SIV بس بدون ال Resettlement Benefits (واحتاج مساعده المقيمين

« في: 19:49 11/08/2009  »

اخوان ترة المرة ابنهه راح يصير عمرة سنة والموضوع كلش قديم

60

الهجرة و واللاجئين / رد: اخواني سبع صنيع و siv2007 و storm2

« في: 00:54 10/08/2009  »

اخوية العزيز

اني شغلتي هم طولت 8 اشهر
5 قبل المقابلة و 3 بعد المقابلة
يعني اكبر غلطة ممكن تسويهه هي تعيد المعاملة من جديد لان رح يتخربط كلشي عندك
الصبر ثم الصبر وكلهه تصير سوالف

61

الهجرة و واللاجئين / رد: مشكله تواجه الوافدين الجدد الى امريكا

« في: 21:47 08/08/2009  »

اخي محد يجبرك تسكن
ومن الاول اذا ميعجبك السكن اطلع واجر وين متريد والمنظمة تدفعلك ولكن اذا زاد عن المخصص انت تدفع
وماكو الا بعد اربعة اشهر لأن انت مموقع عقد بس من توقع خلص متكدر تطلع
وبالنسبة للاكل فانت لتوقع اذا متشوف الرسيت وتقراه

الشغلة شوية ينرادلهه جرأة وعدم السكوت على شي انت معاجبك

واعتقد قانون المنظمات واحد ماكو فرق بين منظمة ومنظمة بس الفرق بفترة تقديم المساعدات من 4-8 شهر

62

الهجرة و واللاجئين / رد: الوضع الحالي لي في امريكا بعد ثلاثة شهرين و&#

« في: 07:04 08/08/2009  »

اخوتي كلام الاخ منطقي لانه عاش تجربة ولم تخدمه الظروف

اللي ما عندة كرايب وفلوس ولغة شغلته مكيسة
الكرايب حتى مينغلب ويندل الدروب
والفلوس حتى تساعدة لحد ميلكة شغل لان فلوس المنظمة متعين وتخلص
واللغة حتى يفهم المجتمع وقوانينة ويشتغل شغلة زينة

لو كبل 5 سنين جان اكول ميحتاج اي شي وتعالو لان الشغل متوف ومن خلاله  تضبط اللغة وتتعرف على القوانين بس هسة العلاقات ثم العلاقات

بس بقت شغلة الانتقال من منظمة لمنظمة ومن ولاية لولاية يصير وبدون نقاش والدليل اني هسة يمي اخونة john85 اجة البارحة من نيويورك واخذتة للمنظمة وفتحنالة ملف وامورة مشت بتكساس

63

الهجرة و واللاجئين / رد: تكتات الطيارة ؟؟؟؟؟؟؟؟؟

« في: 06:48 08/08/2009  »

اخوية دنفوري

ادري مو الورقة الصفرة مكتوب بيهه شكد مطلوب والقسط الشهري فلتخاف مجرد غلط

اي اخويه التذاكر تستلمهه بالمطار مثل متكول وتوقع علئ دفع تكاليفهه
بس بعد وصولك ب8 اشهر مثل حالتي توصلك رساله بيهه مقدار المبلغ الي لازم ادفعه وقيمة القسط الشهري واني اتفاجئت بهذا المبلغ وحاطيي قسط شهري 250$ المشكله باجر سبت وراهه احد يعني ليوم الاثنين يله افتهم شنو السالفه وره ما اشوف الكيس منجر

64

الهجرة و واللاجئين / رد: موضوع جدا مهم وايفيد الجميع واي واحد عنده خبرة ليتردد يدخل

« في: 06:11 08/08/2009  »

اخوية ابو العباس
الة كرين كارد يلة ترجع
ومترجع اله بترفل دكيمنت
ومينطي الا لبو الكرين كارد او اللاجئ الي مغادر العراق قبل 2003 يعني مو تهديد مباشر على عودتة للعراق
واذا تريد تقدم وانت لاجئ ومهدد بالعراق فهاي اكبر مغامرة فممعقولة توصل لامريكا لان انت مهدد وبعدين ترجع ورة شكم شهر بدون كرين كارد
بالنسبة للفيزة فتعامل معاملة الامريكي يعني مرات من السفارة ومرات بالمطار حالك حال الامريكي

وعلى عناد فنشنزو

65

الهجرة و واللاجئين / رد: المبلغ الذي يستطيع الفرد ان يأخذه معه الى امريكا

« في: 06:03 08/08/2009  »

اخوية بجيوبك مو بالجنط

66

الهجرة و واللاجئين / رد: تكتات الطيارة ؟؟؟؟؟؟؟؟؟

« في: 05:55 08/08/2009  »

اخي بس اشرحلي شنو اليوم وصلت التذاكر ليش هي التذاكر توصل غير تستلمهه بالمطار وتوقع الورقة الصفرة بالمطار!!!!!!!!!!!!!!!

67

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 17:04 07/08/2009  »

مبروك اخوية ايوكا
انتظر ايميل الفحص الطبي والمقابلة

سلام الى كل الاخوة  بدون استثناء ومشتاقين

شباب اليوم خابرت على رقم الان في سي وجوابهم كان يور كيس اس بين كومبليت يعني شنو خلصو من المراجعه الاداريه وشطينا بحر الضلمات لو ي شنو

68

الهجرة و واللاجئين / رد: تحديث يومي لما اراه واتعلمه من امريكا

« في: 16:24 04/08/2009  »

ا

بارك الله بيك اخي ابو اسد والله ايكثر من امثالك على هل معلومات القيمه . عندي سوأل سئلته كم مره وما حصلت على جواب . اني متحول من اليو ئن على الاي او ام  ومكمل كل المقابلات وبنتضار الامنيه . وحتى الولايه محدديلياهه واني ما عندي كفيل . اني عملت اكثر من سنه مع احدا المئساسات الامريكيه بالعراق وعندي اول باج انطونيا وعندي اشياء ثبوتيه اخرا ولاكن لااملك ما يثبت اني عملت اكثر من سنه . السوئال هل استطيع عند وصولي الى الولايه ان احول من اي او ام ال اي اس في . ورغبتي بالتحويل هوه حصولي على الكرين كارت باسرع وقت ممكن . واكون شاكرا لك


              ابو مريم

اخي العزيز ابو مريم


لاثبات انك كنت تعمل مع جهة امريكية فلازم يكون عندك ايميل احد مسؤليك ولازم يجاوب عليهم ويؤيد كلامك حتى تتحرك قضيتك

بس بصراحة ما سمعت او شفت احد حول من اللجوء للهجرة يعني كلهه اقاويل وماكو اثبات
واحسن حل تتصل بالاخت انجي وتحصل تليفونات محامين هجرة لان همة على احتكاك مع دائرة الهجرة وعدهم الجواب الاكيد لسؤالك
واني اسف ما اكدر افتي بهاي الشغلة

69

الهجرة و واللاجئين / رد: تحديث يومي لما اراه واتعلمه من امريكا

« في: 04:24 04/08/2009  »

اخوية العزيز

الشغل ما اله علاقة باللجوء لو الهجرة بس وية الجيش الة كرين كارد
وبصراحة ما صادفت احد مشتغل ويةه جهات غير حكومية اذا قصدك متعاقدين بالعراق
بس هنا الكل يشتغل وية جهات غير حكومية لان ماكو حكومة بس شركات
واكيد اذا اصادف اح رح اساله وتتدلل

و الله يا ابو اسد دنتعبك ويانة وممنونين الك بس عندي سؤال على شغلة المتعاقدين وية الحكومة يعني شنو الشغلات مثلا اذا تكدر انطينة امثلة غير الجيش , لو احنة ميصير نشتغل لان لاجئين ؟؟؟

70

الهجرة و واللاجئين / رد: تحديث يومي لما اراه واتعلمه من امريكا

« في: 23:27 03/08/2009  »

اليوم كنت بالمنظمة وعرفت 3 معلومات احب اشاركم بيهه

اول شي اذا انت لعبت نفسك وتريد تجي على حسابك تكدر تقدم اول متوصل ورح تنشمل بكل المساعدات
ثاني شي وهو يشمل اخونا ابوداليا اذا لعبت نفسك من المنظمة مالتك وتريد تحول لغير ولاية تكدر بس بشرط اتجيب من المنظمة القديمة فد شي اسمه RMP يعني مثل براءة ذمة شكد صرفوا عليك هناك والولاية الجديدة تتكفل بالباقي
ثالث شي

انه المساعدات بدالاس تخلص ب8 اشهر لان اجة ولد عراقي استلم اخر جيك للايجار وغلقوا ملفة

71

الهجرة و واللاجئين / رد: تحديث يومي لما اراه واتعلمه من امريكا

« في: 23:18 03/08/2009  »

حياك الله اخوية العزيز ابو أسد ....

شلونكم ... انشاء الله مرتاحين ؟؟؟

اني اشكرك جدا على هذا التحديث اليومي وبمختلف المعلومات .... يسلموووا

عندي سؤال ، ورة شكد الواحد يكدر يشتري شقة ؟؟؟ يعني اني ادري انه ميصير اثناء فترة المساعدات ، فأذا اخلص الفترة ولتكن 6 اشهر ، اكدر وراها اشتري ؟؟؟

وممنون الك


Iron_man

لرجل الحديدي الك وحشة شلونك

يمعود المنظمة مطفية يا بيت يافلوس شوية قوي كلبك واتوكل على الله بس لتستعجل اول مرة ادرس المنطقة زين وبعدين الله كريم
وهية المساعدات مو ذاك المبلغ و8 اشهر وتخلص

72

الهجرة و واللاجئين / رد: تفاصيل مقابلتي بالسفاره الامريكيه في عمان

« في: 17:27 03/08/2009  »

الف مبروك وتستاهل كل الخير

73

الهجرة و واللاجئين / رد: تحديث يومي لما اراه واتعلمه من امريكا

« في: 17:04 03/08/2009  »

ام كريم الله يساعدج ويكومج بالسلامة

بالبداية انتي ينرادلج شهر يللة يرتبولج الفحوصات لذلك اكو منظمات خيرية تتكفل بهذا الشي لحد ما منظمتج ترتبلج المواعيد

وكلشي ابلاش بالنسبة للحامل يعني الرعاية والولادة لان هذا يعتبروه فد شي انساني

السلام عليكم
اخويه بارك الله فيك عاى المجهود الرائع
عندي سؤال انته كتبت عن المراء الحامل وفحوصاتها سؤال هو هل مصاريف المراجعات والفحوصات والمطاعيم
والولاده تتحملها المنضمه لو جزء من هذة المصاريفوالباقي على اللاجئ وكم تكلفه الولاده العمليه
والطبيعيه اعرف كثرت عليك لاني حامل ولا اعرف حتى من هسه احسم موضوعي
اختكم
ام كريم عمان

74

الهجرة و واللاجئين / رد: تحديث يومي لما اراه واتعلمه من امريكا

« في: 16:48 03/08/2009  »

سيد ميثم شلونك

بدالاس اكو اسواق لحوم ضخمة والقصابة تكون داخل مخزن بهاي الاسواق يعني مو مثلنه العرض على الملأ لا الشغل كلة جوة بينما برة تلكة ما لذ وطاب ومن اللحوم المسلفنة التي تسر الناظر واكو هواية محلات حلال واصحابهه اما هنود ابو باكستانيين

بالنسبة لقاعة الحديد فهنا ماكو هيجي شي هنا يسموة جم يعني يهتمون بلياقتهم اكثر من بناء اجسامهم وينرادلك لايسنز حتى تفتح قاعة بس اكو شغلة لخ تفيدك وهي ترينر يعني تدرب اشخاص حتى يخفضون وزنهم واغلبهم نسوان تروحلهم للبيت وتقوم بعملك والساعة من 40 دولار وفوك بس ينراد عدك انكليزية زينة وتسويلك موقع بالانترنت

وبالنسبة لابن عمك فمجذب عليك اكيد عندة علاقات هواية ورايح يشغلك

حبي سبع صنايع تسلم على هذه المعلومات الحلوة
عمري سولفلي على قاعات الحديد ومحلات القصابة في دالاص اني ابن عمي في دالص من سنة 1991 واني مقدم على دالاس يعني انشاء الله راح اعيش في فيها المهم اخويه اني مدرب محترف بناء اجسام وبنفس الوقت كان عندي محل قصابة بهاي الحالة هل استطيع ان افتح محل قصابة لو قاعة حديد صغيره وابن عمي سوالي واهس على هذني الشغلتين مع العلم شغلي الان في العراق حارس شخصي وعندي شهادة خبرة من شركة (كاستل بتل الامريكيه وشركه بلاك وتر)
يعني رحمه على ابوك فرص العمل موجوده في دالاس لو ابن عمي بس يريدني اجي يمه لان يكلي اشغلك وره شهر بس تعال الى دالاس ارجوا ان توضح لي اخويه وانشاء الله من اجي راح اتعرف عليك انشاء الله

اخوك السيد ميثم الكفائي

75

الهجرة و واللاجئين / رد: تحديث يومي لما اراه واتعلمه من امريكا

« في: 16:20 03/08/2009  »

اخوية العزيز

اهلا وسهلا بيك بنص اخوتك ويشرفني اجاوب على سؤالك

العمل متعاقد مع الحكومة بية مميزات كثيرة ومن ضمنها الضمان الصحي وحتى الاسنان والعيون وحتى يدفعولك ايجاراك وضرايبك طايحة

بالنسبة للضمان الصحي فالكلام عنة كثير بس بشكل مختصر انت اذا مسجل على البنفت فمشمول 8 اشهر قابلة للتمديد والاطفال لحد عمر 18 مشمولين يالضمان والحوامل مشمولة ايضا

واذا انت تشتغل فاكو انواع من الضمان ورب العمل قد ينطيك ضمان وقد يكون شامل او جزئي
ومرات مينطي فلازم تشتري

الاخ سبع صنايع
اشكرك جدا على هذا الموضوع الحلو, بس الاحلى منه هو روح المشاركة الجميلة وكرم تبادل المعلومات  الي عندك.
عندي سؤال حول الضمان الصحي, شنو معلوماتك عنه. والعمل الي تكلمت عليه ميشمل ضمان صحي, صحيح؟
(هذه اول مشاركة لي. انا في بغداد منتظر المقابلة صار لي 10 اشهر)
مع جزيل الشكر

76

الهجرة و واللاجئين / رد: تحديث يومي لما اراه واتعلمه من امريكا

« في: 16:12 03/08/2009  »

خوية ابو سارة الشغلة شهرية

وبعد التدقيق الشغلة مو ترجمة الشغلة قريبة بس يمكن هنا العراقيين يخجلون يكولون
الشغلة هنا الجيش يقوم بتدريب جنوده وادخالهم في دورات التعامل مع العرب لذلك يشغلون عرب كممثلين يعني يلبسوهم لبس عربي وشخصيات من الواقع العربي يعني يعيشون الجندي واقع المنطقة العربية وهو هنا وينطوهم ادوار وهكذا

والله اللي شفته هنا من العراقيين القدماء هوانهم واحد يساعد اللاخ ومع الاسف ملتقيت وية الجدد
وهم ارجع واكول تعتمد على العلاقات
يعني اذا عندك صديق او اقارب يشتغل بشركة صارله 15 سنة يشتغل بيهه ويكفلك صدكني باسبوع تشتغل
اما اذا تدور اون لاين او بالجرايد فتبقى تعتمد على حظك لأن المنافسة تصير كبيرة

وهنا الشغل نوعين
الي عندة شهادة امريكية ومهما يكون نوعها فرصته اكبر ويشتغل بشركات
والنوع الثاني اللي ماعندة شهادة امريكية اغلب الاعمال المتوفرة هي يدوية وليس مكتبية ورواتبهه من 8 وفوك

 والله وبارك الله بيك عالمعلومات القيمة والحلوة بس هاي شغلة الترجمة صدك خوش شغلة ومرتبة بس هل هي شهرية أم أسبوعية مثل ما كال أحد الأخوان.. وبالنسبة للعلاقات هل العراقيين هناك متعاونين الدرجة يلكولك ويساعدوك بالبحث عن شغل أو لا .....

   تحياتـــــــــــــــــــــــــــي

77

مواضيع الحياة العامة في بلاد المهجر (امريكا) / رد: البقجه (تجربه SIV سفردحي في فلادلفيا)

« في: 06:05 03/08/2009  »

الف حمد الله على السلامة
يمعود انت طلعت كبلي ب 15 يوم واني وصلت كبلك بعشر ايام ههههههههه
هاي شلون تحلهه

78

الهجرة و واللاجئين / رد: تحديث يومي لما اراه واتعلمه من امريكا

« في: 05:53 03/08/2009  »

ابو العباس اخوية اني احس بيك وبهاي الفترة من الانتظار

احنة نفرض انت رايح على حسابك فكفيلك ياجرلك وشيصرف يسوي بي وصل والمنظمة اتدفعة على شرط يرتب وياهم انه يتكفل بكل شي

اما اذا اتريد تلبس المنظمة فعادي تسكن وين متريد وتدفع من جيبك وتروح للمنظمة وتقدم نفسك وبمعظم الحالات رح يشملوك بالمساعدات

بالنسبة للكفيل فتبقى انت وعلاقتك بيه اني بقيت يم خالي  10 ايام واجرت يمة وهسة المنظمة هي دفعت الايجار وهسة اني عايف بيتي القريب علية وكاعد اجكك بالانترنت لحد ما اشد انترنت يعني كلما علاقتك زينة وية الكفيل تسهل امورك

اذا عند اي سؤال محدد اني حاضر

ابو اسد الطيب..
اني ممنون منك وجزاك الله كل الخير
والله ايوفقك بحياتك الجديدة....
ابو اسد حبيبي بس سؤال بلا زحمه اذا واحد ايسافر على حسابه ؟؟
اريدك اتسولفلي شنو اليل رح ايصير من لحظه وصوله لاميركا  لحد ميستقر
يعني اقصد يوصل ومثلا يتصل بالكفيل ويبقى يمه شويه
يعني شلون بعدين ايقدم على البنفتس ؟؟
رح احجيلك قصتي شويه ورح ادوخك اتحملني اني استلمت الفيزا ودزيتها صار اكثر من اسبوع بس لا ابو علي ولا مسحاته من جماعه البنفتس فداافكر اسافر على حسابي شنو ادكول انته؟؟يعني اشكد رح ابقى
ابيت الكفيل لحد ميدبرولي همه شقه لو انوب اخاف تتخربط السالفه بالزايد وتتاخر اني وجهتي تكساس هيوستن.. وخاصه انه فلوس الطيارة هي براسك ابراسك وتدري منريد انسوي زحمه على الكفيل ونبقى هواايه بشنو تنصحني؟؟
اسف للاطاله
تحياتي

79

الهجرة و واللاجئين / رد: تحديث يومي لما اراه واتعلمه من امريكا

« في: 20:49 02/08/2009  »

 اخوية ابو شهاب الورد

انت من تقدم على البنفتس تاخذ نفس مخصصات اللاجئ
يعني ماكو فرق من ناحية الفوائد وتتدلل

اخوية سبع صنايع
شنو الفرق بين الiom و الsiv من ناحية البنفتس؟؟
تحياتي

80

الهجرة و واللاجئين / رد: تحديث يومي لما اراه واتعلمه من امريكا

« في: 20:47 02/08/2009  »

اخوية ماجلان شلونك

هاي حلوة مال بانتظار الاشورنس فورم  هههههههههه

السيارة متاثر ومحد رح يكلك بالعكس يكيفون خلصوا من توصيلك بالرايحة والجاية والمساعدات محددة شكد من قبل متوصل فميكدرون يقللوهة


بالنسبة للتليفون اني اشتريت تليفون مناه وية الخط ب100 دولار وانت تنطي المصرف اسم الشركة ورقم التليفون وهمة يرتبون الباقي وهاي الخدمة جديدة ومو كل مصرف يقدمهه للعملاء

وتتدلل ولتكطع

صديقي الوردة أبو أسد ... مشتاقين

عاشت إيدك عالمعلومات و المجهود و انت أبد ممقصّر ويه كافة الزملاء بالمنتدى ... و بارك الله بيك

بس حبيت أسألك ... في حالة إشتريت سيارة ... رح يأثر هذا الشي على المساعدات؟ يعني هم احتمال يوقفوهه أو يقللوهه إذا شافوك اشتريت سيارة؟

و السؤال الثاني حول المسج اللي يوصل من البنك على تلفونك ... يا تلفون؟ انت أخذت موبايل وياك من العراق؟ لو شنو؟ يا ريت تنطي أخوتك التفاصيل ...

مشكور على جوابك مقدماً

تحيات أخوووووووووك
ماجــلان - بغـــــداد .... بأنتظار الأشورنس فورم

81

الهجرة و واللاجئين / رد: تحديث يومي لما اراه واتعلمه من امريكا

« في: 18:59 02/08/2009  »

اخوية العزيز

وعليكم السلام ورحمة الله وبركاته

اسولفلك على المساعدات بدالاس

1-اول متوصل الك 450 $ للنفر مينطوكياها بيدك يشترولك اثاث واكل ومنظفات وياجرولك اول شهر وينطوك بكيت مني تشتري بي اكل لحد متستلمك احدى جهتين بعد شهر اما
الاي ار سي او الماجك كرانت
رح يخصصولك 750 دولار بالشهر للايجار والكهرباء والمي والانترنت ومصرف الجيب لمدة اربعة اشهر ورح يصير عندك ضمان صحي وفود ستامب فاذا انت تصرف اكثر او تاجر باكثر تدفع الزيادة من جيبك ومن تخلص الاربعة اشهر الاولى هم رح يمددو اذا ملكيت شغل بس ينطوك اقل
بعد الثمن اشهر اذا ملكيت شغل تتحول على الويل فير وتبقى الفود ستامب والضمان الصحي احتمال يتمدد بس ميدفعولك ايجار

واي سؤال اني حاضر

السلام عليكم
طبعا معلوماتك القيمة فادتنا اكيد واني اشكرك اخي العزيز ابو اسد وان شاء الله تستقر وتجد عمل افضل في الايام القادمة ومعلوماتك يا اخي تبعث التفاؤل وان شاء الله تتواصل ويانه بنقل تفاصيل الحياة في امريكا وادري بيك متقصر .

بس فد سؤال كم مدة المساعدات التي تقدمها المنظمة لكم ؟

وهل المساعدات كافية لو انت تصرف من مالك الخاص معاها ؟

مع تمنياتي لك بالتوفيق

اخوك
hopeforall

82

الهجرة و واللاجئين / رد: تحديث يومي لما اراه واتعلمه من امريكا

« في: 16:53 02/08/2009  »

اذا كانت زوجتك حامل او تشك بيهه حامل وبعد المنظمة ممرتبلك الضمان الصحي الي يطول شهر وكنت ساكن بدالاس

تروح لهذا العنوان بعد متتصل بيهم اول شي يسوون فحص حمل وسونار وفحوصات ورعاية للحامل وادوية وحفاضات  كلهه ابلاش وهذا نادر اتشوفة بامريكا وعدهم فروع بكل امريكا ويرتبولك برنامج رعاية للام
طبعا اقل فحص سونار ب300 دولار
وحتى لو مرتك حامل بشهر الخامس  هم يسولهه فحص حمل
العيادة تابعة لكنيسة واحب اكول ملاحظة مهمة لاخوتي المسلمين كلش عادي بامريكا من تملي فورمة حول ديانتك او انت تومن بالله اوحتى ينطوك انجيل لأن العيادة تديرهه الكنيسة ولازم يقومون بهاي الاجرائات بس محد يتقرب لديانتك وهنا حرية اختيار الدين مكفولة لكل شخص يعني حتى لو ما عدك دين ماكو مشكلة
وراح تصادفكم مواقف من هذا الشي فتيكت ايزي ولحد يتعصب ومحد يجبرك على شي انت متريد تسوية

العنوان

تليفون 9723864015
coit rd
zip 75248
رقم الشارع 15727

بناية رقم 308

83

الهجرة و واللاجئين / رد: محتاج مساعدة في المطلوب من هذا الايميل من SIV

« في: 16:18 02/08/2009  »

اخي العزيز

مختصر الكلام انه احنة من كنه اطفال معظمنا ماخذين هذه اللقاحات وكان عدنة كارد يثبت هذا الشي
بــــــــــــــــــــــس
يا اخو خيته اللي محتفظ بهذا الكارد يعني لازم تاخذهن من جديد وهذا شغل الشفاء وتدلل

84

الهجرة و واللاجئين / رد: مفردات الفوود ستامب

« في: 16:14 02/08/2009  »

اخوان ولو السؤال مموجه اليه بس رح اجاوب خدمة للصالح العام

الاخ ابو مريم
من حكم خبرتي بالمنتدى اني اتمنالك تسافر وتولد زوجتك هناك بس صعبة لان انت بعدك منتظر الامنية الي ما الهه وقت بالاضافة لختم الملف وتحديد الموعد
وانت تعرف انه اكو قواعد لسفر الحامل واعتقد 27 اسبوع فانت احسب حسابك من هسة ولازم تنطيهم علم من هسة لان اكيد بلغوك مثل مبلغو الكل انه لازم تبلغ المنظمة في حالة حصول حمل

الاخ ابو سارة

الولادة والرعاية ابلاش وما الهه علاقة باي برنامج يعني مجرد من يطلع فحص الحمل موجب ينطوك ورقة وارقام لمراكز رعاية وتروح تسجل عدهم ويلتزمون الحامل من كل شي

85

الهجرة و واللاجئين / رد: كيفية تاجير شقة بالنسبة للوافدين الجدد الى امريكا

« في: 16:03 01/08/2009  »

اخوية فنشنزو

لا خرزة ولاهم يحزنون والشغلة طولت اسبوع

وهنا بامريكا كل شغلة ينرادلها صبر ومن احد يكلك يتصل بيك فصدك رح يتصل بيك مهما طول الامر
وماكو فد شي اسمه اشو كلي اتصل بيك ومتصل خل اروح احمض عليه

وسؤالك مال السبونسر علبالي وهسة رح استلم مفتاح الشقة ورح اسالة لان عندي صديق يريد يجي يمي بالمجمع وبما انه اني صار عندي عقد فالمفروض اكدر اكفل

بالنسبة للعازب فعندة خيارين اما يسكن وحدة ويدفع الايجار كلة مع الاخذ بنظر الاعتبار ان المنظمة مراح تدفع بس نص ايجار او تسكن مع روم ميت انت تختارة واثنينكم توقعون العقد وتكدر تسكن وية اثنين بس من جوة العباية ومحد رح ينتبه على شرط ان يكون واحد من الثلاثة ميستلم مساعدات من المنظمة لان المنظمة تدز الجيك مباشرة الى ابو الملك

هذا خوش خبر اخوية سبع وماطول انته هيجي شايل خرزة مدري "علاقاتك" قوية بلكي فد تلث شقق من يمك للويلاد

اكو شغله ما افتهمتهه
اذا (طبعا بعد عمر طويل) الله وكعني بهيجي مجمع ويريدون اللا ساكن شهر بالولاية اللي عجبني لروحلهه واني لا عندي سبونسر ولا مقدم على بنفتس (فرضا) فيعني لازم اروح اكعدلي فد شهر بفندق على ما يصير شهر ويوافقولي؟؟؟ مو بهالحاله اطلع كسر

زين صديقي بالنسبه للسناكل (جمع single) انته تعرف صعوبة ايجاد رووم ميت الواحد يتراهم وياه (وبالنسبه الية مستحيل لان محد يجرعني هههههههه) ماكو فد خيارات للسنكل ان يعيش وحده بس بكلفه تنجرع ولو بفقر وبدون كشخات وتفياك؟؟

86

الهجرة و واللاجئين / رد: الاخوان الي اتحددلهم موعد سفر او الي سافروا من بغداد

« في: 18:13 31/07/2009  »

اخت ريم

مثل مكال اخوية فنشنزو  احنة على برنامج الهجرة الخاصة

وان شاء تجيج الامنية وتسافرين وترتاحين

87

الهجرة و واللاجئين / رد: الدعم المالي للرايحSIV اقصد الايجار والاكل

« في: 18:08 31/07/2009  »

اخي او اختي

الحكومة تنطيك هدية 450$ للنفر بس متستلمهه بيدك المنظمة تشتريلك اثاث واكل وتدفع قسم الايجار
بعدين تتحول على منظمة لو الاي ار سي لو الماجك غرانت ويدفعولك مال اربع اشهر كامل وبعدين نص ايجار مال اربع اشهر لخ يعني 8 اشهر
الفود ستامب مستمر لحد متشتغل ويعبر راتبك حد معين
عموما من تعبر 5 اشهر يكوم يضغطون ليك حتى تشتغل وتعتمد على نفسك

88

الهجرة و واللاجئين / رد: امريكا اسبوع من الاستكشاف والانبهار

« في: 17:54 31/07/2009  »

اخوتي احب اضيف نقطة

البارحة وقعت عقد الشقة الجديدة وهية باسمي واني اختاريتهه واني مليت الابلكيشن بس المنظمة تدفع
المهم عقد الشقة بيش فادني كدرت افتح حساب بمصرف chase لان هذا المصرف يريد اي هوية امريكية وية الجواز او عقد ايجار باسمك
وعدهم خدمة عجبتني وهية من تستعمل الكارد مالتك حتى تشتري شغلات رح تجيك رسالة لتليفونك تكول انت صرفت هلكد
يعني اذا احد باك حسابك واشترى بيه رح راسا تجيك رسالة لتليفونك تنبهك وتكدر توقف الكارد راسا

89

الهجرة و واللاجئين / رد: كيفية تاجير شقة بالنسبة للوافدين الجدد الى امريكا

« في: 17:47 31/07/2009  »

اخوتي الاعزاء احب ابشركم انه البارحة وقعت عقد الشقة وبديت تاريخي عمليا في امريكا ولكن هنا ميسلمون المفتاح الا واحد بالشهر
الشقة ايجارها 595 دولار وية الكيبل يعني الكهرباء والمي والانترنت علية وهية بحدود 200 دولار
الاثاث غالي بس الله سهلهة واشتريت اثاث بيت كامل من صديق عراقي رح يسافر لغير منطقة ب 1200$
المنطقة حلوة وهادئة والناس كلهه تشتغل بس اني هههههههه
المجمع بيه مسبح وجم وملاعب رياضية والناس مزيج متوازن من جميع الاعراق بس كلهم يشتغلون
اتمنى كل الي يجون يعتمدون على نفسهم ويتحركون لان المنظمة تخلي الواحد يكسل ولتستسلمون لاختيار المنظمة لان هذا ضياع لوقتك بالاندماج مع المجتمع والشغل موجود بس ارجع واكول العلاقات ثم العلاقات

طبعا المنظمة تدفع الايجار مال الشقة

90

الهجرة و واللاجئين / رد: وصلنا والحمد لله

« في: 17:34 31/07/2009  »

اخوتي فنشنزو ابن خير واوكي اوكي

الف شكر على المشاعر الطيبة وان شاء اموركم تتسهل وتجون لامريكا

91

الهجرة و واللاجئين / رد: عملية نصب خطيره تقلق الرأي العام العراقي في امريكا

« في: 04:17 31/07/2009  »

اخي سلاما

انا عندي علم بهذه المجموعة الضالة منذ عام 2004 وحتى عندي احد الاصدقاء المتعاقدين مع القوات الامريكية ايضا كان ضحية لهم

املي الوحيد ان لا تكون انت من ضمن ال1200 لأني اذكر انك قبل سنة كنت نادما جدا على عدم اصطحابك للمال معك الى امريكا

تقبل مروري

92

الهجرة و واللاجئين / رد: امريكا اسبوع من الاستكشاف والانبهار

« في: 04:08 31/07/2009  »

اخويب العزيز

اكيد اخوك يريدلك كل الخير وطبعا العازب احسن حتى يتحرك براحتة بس لتنسى مساعدات المتزوج اكثر وحتى الضريبة الفدرالية اللي يدفعهة المتزوج اقل بس طبعا مسؤولية واكيد اللي يتربى بامريكا ويتعلم بمدارسهه احسنلة كمستقبل من اي دولة اخرى ومشكور على المشاركة

ابو اسد احلة فقرة مال الركي (كل الركي ب4 $ وزنهه تقريبا حكة ونص واني رحت اطبطب عليهن خالي كلي شدسوي كله احمر وحلو ومبيه حب) قوية هاي .....لعد اشبيه اخوية بلاكووتر اشو ضلمهة بوجهي لمن كتلة اريد اسوي هجرة لامريكا اشو كام يبجيلي ويكلي الشغل تعبان وما ينطوك اكثر من 7 دولارات بالساعة وانتة عندك عائلة وامريكا مال واحد اعزب ومن هاي السوالف...المهم يعني مو احسن من عيشة العراق لان انتة بالعراق شعندك تخسرة؟؟

93

الهجرة و واللاجئين / رد: امريكا اسبوع من الاستكشاف والانبهار

« في: 04:02 31/07/2009  »

عيني يا عيني بغداد

السرقة بكل ولاية موجودة بس بمنطقتي بارفنغ اعوف الباب مفتوحة للصبح ومرات حتى يعوفون السويج بالسيارة ويطبون للبيت ساعة ساعتين ومحد يباوع عليهه لأن على كولة خالي وين يوديهه اللي يبوكهه والكامرات اللي بكل مكان

نعم قد يتعرض العراقيين الى بعض المواقف ولكن السبب هو المنظمات اللي ترميهم بأسوأ المناطق بأعتراف المنظمات نفسهم

السلام عليكم

حمدا لله على سلامة الوصول وأن شاء الله يفتحها بوجهك.

أني اعرف جماعة بدالاس وتعرضوا الى سرقة فسؤالي هل هذا الموضوع شائع بسبب وجود المكسيكين بدالاس لو العصابات موجودة في مناطق معينه من دالاس؟

تقبل مروري
عيني بغداد

94

الهجرة و واللاجئين / رد: امريكا اسبوع من الاستكشاف والانبهار

« في: 03:55 31/07/2009  »

اخت ام يلدا

اقتراحج حلو وان شاء الله اعمل علية

أخويا سبع صنايع والبخت ضايع
أتمنى منك أن تسوي لك فد سطر سطرين أن أنت خبير في دالاس حتى المحتاج أي سؤال عن هاي المدينة يقرأ يم أسمك هذه التفاصيل يقدر يسألك مباشرة ..

 وأشكرك جزيل الشكر على هاي المعلومات
بس عجبتني فقرتين
فقرة العجل أثناء التعامل مع الطفل
والفقرة الثانية .. الطبطبة على الركي .. هاي اشلون رهمتها هههههههههههه

-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثاني من السنة الخامسة انتظارا
 

95

الهجرة و واللاجئين / رد: امريكا اسبوع من الاستكشاف والانبهار

« في: 03:53 31/07/2009  »

اخوية ابو العباس

الكرين كارد يجيك بعد اسبوعين الى 4 الى عنوان كفيلك

وتدلل

اخواني الاعزاء
حبي ابو اسد وبلاك ووتر شباب بس بشروني بالكرين كارد؟؟ سألتو عليه وشوكت تستلموه ان شاء الله ؟؟

تحياتي

96

الهجرة و واللاجئين / رد: امريكا اسبوع من الاستكشاف والانبهار

« في: 15:21 29/07/2009  »

اخوية شو

العمل مبيت 3 اسابيع بقاعدة بلويزيانا وتنزل اسبوع والراتب شهري وحصلتة عن طريق معارف وصراحة اني ظروفي بالوقت الحالي يعني لا مستقر لا مكمل اوراقي لا سيارة متسمح وان شاء الله ملحوكة واللي افتهمته انه تشتغل بالقاعدة بس ما اعرف طبيعة العمل

حياك اخي ابو اسد على المجهود الرائع
عندي سؤال الك بالنسبه للعمل الي حصلته في قاعده الراتب 3000 $الي تقصده شهري ام اسبوعي ؟
سالت عن مميزات العمل ؟ يعني نفس الامور التي يحصل عليها العسكري او المتعاقد مع الجيش الامريكي خارج الولايات المتحده ؟ هل من  الممكن الحصول على نفس هذا العمل بدون المبيت خارج المنزل ؟
بالتوفيق للجميع

97

الهجرة و واللاجئين / رد: الحمد لله و الشكر اخواني وصلت الى ارض الحرية

« في: 14:59 29/07/2009  »

الحرية لو الشعلة ههههههههههههه
الف مبروك ابو داليا وان شاء الله نييورك مو رطبة هليام وسلمنه على الاهل وان شاء الله نسولف

98

الهجرة و واللاجئين / رد: امريكا اسبوع من الاستكشاف والانبهار

« في: 14:56 29/07/2009  »

اخي العزيز

مشكور على المشاعر الطيبة

العمل موجود يعتمد على العلاقات والمعارف وهذا الشي لم يكن موجود في امريكا في السابق ولكن جلبه المهاجرون واللاجئون الجدد وتستطيع ايضا بالبحث بالانترنت والتقديم ايضا ان توفق بعمل

مشكلة العراقيين انه يرموهم بمناطق العصابات البعيدة والغريب ياخذلة فترة يللة يندل الدروب لذلك العراقيين يتاخرون بالعمل والشغل موجود اذا بحثت عنة

ما اريد افتي بشغلة الاي تي بس اكيد في يوم من الايام رح تشتغل باختصاصك بس بالبداية اشتغل اي شي حتى يكون عدك كردت وتاريخ
بالنسبة اليه فاني صارب\لي اسبوع وبعد السوشيال مطالع ومن تقدم على عمل لازم اقل شي عندك سوشيال
وبالنسبة للعمل مثل مكلت كل العراقيين اللي شفتهم يشتغلون يعني اكيد العمل متوفر وامريكا هي بلد الفرص والوضع الحالي هو مؤقت ولو اني لحد الان مشفت اثار ازمة اقتصادية

الله يوفقك اخي سبع صنايع
بس ماعرفنا انت يعني اشتغلت لو بعدك ؟؟ والعمل متوفر عندك بالولاية ؟؟
وعمل الاي تي وخبرة جيدة ممكن مباشرة لو لازم معادلة الشهادة؟؟

99

الهجرة و واللاجئين / رد: امريكا اسبوع من الاستكشاف والانبهار

« في: 14:44 29/07/2009  »

تتدلل اخوية العزيز

وهنا اريد اوضح نقطة هواية مفاهميهه
امريكا محاطة بالبحار والمحيطات من كل الجهات ومتى ما وجد البحر زادت الرطوبة نعم الجو رطب لكن ليس حار وبمرور الايام تتعود بس التبريد بكل مكان والصيف ينتهي بالتاسع يعني اربع اشهر ودرجة الحرارة على العموم متتجاوز 42 باسوا حالاتها يعني قبل يومين كانت 30 واليوم 35 وهكذا
يعني التبريد بالسيارة والبيت وكل مكان تفوتة وبرة تمطر ومغيمة بس مو حارة وبيهه رطوبة وهذا الشي ليس مهم لأن ماكو واحد يكدر يسوي اي شي بدون سيارة  ونادرا متلكة واحد يمشي بالشارع

مشكور ابو اسد على الموضوع الحلو والنصائح المفيدة .
اريد اسالك عن الجو بدلاس اشلونه ؟ عندي صديق يكول بس الصيف يشبه جو البصرة ومتكدر بدون تكيف .انت شنو رايك ؟؟

100

الهجرة و واللاجئين / تحديث يومي لما اراه واتعلمه من امريكا

« في: 21:38 28/07/2009  »

اخوان مثل متعرفون اني صارلي اسبوع بدالاس ارفنغ وعرفت هواية شغلات بامريكا وهواية انذكرت بالمنتدى ولا ضير من ان نذكرهه للفائدة

1-هنا متحتاج اتشيل وياك لاهوية ولا كلشي ولا اكو مكان ممنوع تروحله ولا حتى الجواز تشيلة ولا شفت شرطي او سيارة شرطة

2-هنا كلشي علية ضرائب يعني من تشوف سعر الحاجة فتكون بدون الضريبة ورح من تدفع تلكة الضريبة انضافت

3- سعر الاكل ارخص من العراق بغض النظر عن الحلال والحرام بس حتى الحلال ارخص من العراق والسمك لتسولفون على الرخص والانواع اله تدوخ حتى يكطعوة ويكلوة ابلاش

4-اذا عدكم اطفال اكو مطاعم بيهه العاب بس لازم تشتري اكل حتى تكدر اتطب لان الشرب ابلاش

5-معظم المجمعات كل 10 شقق بيهه غسالة ومجفف (دراير) تدخل دولار اربع قطع معدنية تغسل ومثلهن للتجفيف لان ممنوع تشر هدوم بالبالكون

6-امريكا اهم شي فيها الاطفال يعني اذا طفل بجة او عاندك بالسوك لتضوج لان محد ضايج يعني مو مثل بالعراق اذا ابنك يوكع فد شي او يكسر فد شي بمحل اتجيبة ابعجل لان اذا مجبتة بعجل رح يكولون متعرف تربي وابنك ناقص تربية هنا اذا الطفل اتعاقبة فتحرمة من فد شي يحبة لمدة ساعتين وهذا اقسى شي عدهم واي شخص بالشارع من حقة يوكفك ويحاسبك اذا ضربت ابنك هاي اذا مبلغ الشرطة عليك ومن رح يجون رح يفحصون الطفل ويشوفون اثار الضرب واذا يحجي يسألوه

7- التليفونات اشكال والتليفون اللي اشتريتة مفتوح شكد متريد تحجي داخل امريكا وانترنت ومسج وبريد صوتي ب 100$ وتدفع 50 $ بالشهر وتكدر تدفعهه اون لاين
واذا تريد تخابر العراق اكو كاردات تنزلهه وتخابر بس هاي الكاردات مال مكالمة وحدة يعني ابو ال5$ ينطيك 51 دقيقة للعراق جرة وحدة  بس اذا خابرت مرتين رح ينطيك 35 دقيقة واذا 3 مكالمات 25 دقيقة وهكذا كلما تخابر اكثر تقل الاستفادة من الكارد لذل يسموه كارد مكالمة واحدة للاستفادة القصوى منه واكو ابو الدولارين وابو ال3 وابو ال5 واذا تريد تخابر من امريكا للعراق تتدك الرقم التالي كمفتاح  011964770 او780او790 وهكذا واذا بالعكس من العراق لامريكا تدك 001 ومن ثم رقمك

8-ارقى شي هنا هو النظام المروري وبنفس الوقت صعب لذلك لازم تعرف النظام زين قبل لتسوق او اتطلع اجازة وهنا اكو هواية كتب اسئلة واجوبة حول امتحان السياقة كل حسب ولايتة

9- السوشيال سيكيورتي سهل  تروح للدائرة وتكطع تكت من الحاسبة الالكترونية ويصيحون رقمك  وينطوك وصل  ومن يخلص ايدزوة على العنوان اللي اتريدة يخلص من اسبوع وفوك

10- اكو فد شي كلش مهم ومتكدر تستغني عنة بالسيارة اسمة النافيكيتر يعني هذا تخلي بية العنوان وتمشة ورة السهم لحد ميوصلك للمكان اللي تريدة

11-بالنسبة للطبخ لتدوخون هنا اذا زوجتك طباخة ماهرة متحس باي فرق لان كلشي موجود هنا حتى الركي هنا مو بالوزن  كل الركي ب4 $ وزنهه تقريبا حكة ونص واني رحت اطبطب عليهن خالي كلي شدسوي كله احمر وحلو ومبيه حب

12- اذا تشتري من الوالمارت شغلات وبعدين تلكة شغلات ارخص تكدر تعوف الشغلات الغالية وين متريد وتاخذ الجديد  لان الوالمارت جبير ويتيه وصعبة ترجع القديم واذا دفعت فلو س ومن رجعت للبيت  لكيت فد  لبس زغير تكدر ترجعة شوكت متريد بس تحتفظ بالرسيت

13- البانزين العادي ب2.35 والمحسن 2.59  للغالون يعني تقريبا اربع لترات


14- الغراض الغالي هو الاثاث والتحفيات والمفروشات
15- الانترنت جدا سريع  يعني تتفرج بيه قنوات تلفزيونية وافلام حديثة

16 نجي على اهم نقطة وهي الشغل اني اللي داير مدايري كلهم عراقيين قدماء يعني 15 سنة وفوك وذولة كلهم مرتاحين بس ماكو واحد كاعد واراحة يعني مو ميشتغلون لا الراحة يعني يشتغل واكو بيهم شغلتين وكالوا بس ترتاح رح يشغلوني يعني اهنا الشغل يعتمد على العلاقات وبالفعل انعرض علية اشتغل مترجم بقاعدة بس لازم ابات وحاليا صعبة لان ما عندي سيارة وبعدني مكاعد بشقة والاهل بعدهم مضابطين اللغة والراتب 3000 دولار

17-تكدر تفتح حساب على الجواز وماكو داعي تنتظر السوشيال

واذا اكو جديد مرح اقصر وتتدللون

101

الهجرة و واللاجئين / رد: نعم

« في: 19:56 28/07/2009  »

ابو العباس تتدلل

اول شي اخونة بلاك ووتر  بهيوستن يعني اكثر واحد يفييدك واكو هواية مواضيع على تكساس وهسة رح افتح موضوع على شغلات متفرقة يمكن تفيدكم ورح اجاوب على اسئلتك

102

الهجرة و واللاجئين / رد: نعم

« في: 15:50 28/07/2009  »

سالمين بلاك ووتر

اني اشتريت تليفون ب50 $ والاشتراك الشهري 50$ وشكد متريد تخابر وانترنت وبريد وتيكست مسج ابلاش

سلام

103

الهجرة و واللاجئين / رد: القرش ابو انس في نيويورك

« في: 02:15 28/07/2009  »

حمد الله على السلامة

وان شاء الله تتوفق بامريكا ويسهل امرك سلامي الى العائلة الكريمة

اخوك ابو اسد

104

الهجرة و واللاجئين / رد: وصلنا والحمد لله

« في: 16:05 26/07/2009  »

والله ضحكتني اخوية بلاك ووتر بشغلة الحتيت

هنا بامريكا اذا واحد باوع على وحدة فكول هذا عراقي هههههههه

تصور خالي وجماعتة صارلهم 20 سنة ومن يسوقون بس شوف هاي وشوف ذيج بس اكيد بمرور الايام نتعود

اخوتي المهنئين بارك الله بيكم وان شاء الله يصيبكم اللي صابنة وتوصلون بخير وسلامة

105

الهجرة و واللاجئين / رد: كيفية تاجير شقة بالنسبة للوافدين الجدد الى امريكا

« في: 15:20 26/07/2009  »

مشكورين اخوتي الاعزاء على المشاعر الطيبة

اختنا العزيزة انجي بالفعل اكو بنفس دالاس تعليمات تختلف بس هذا المجمع مثل مكلت شوية مرتب ومن حقهم ينتقون الناس اللي تسكن بيه

الاخ ابو ستيفن اختنا العزيزة ريم مقصرت بالاجابة بس اكو شغلة اضيفهه اهنا بامريكا اكو شروط للسكن يعني ما ممكن تسكن عائلة مكونة من 5 اشخاص بغرفة يعني من الممكن يتغاضون عن طفل  طفلين بس اكثر صعبة
بالنسبة للعزاب بالعقد من توقعة اكو شي يسموه الروم ميت يعني تسكن ويه شخص وتتقاسمون الايجار بالنص المنظمة من تاجرلك بيت وانت عازب مرح تدفعلك ايجار كامل لا رح تدفع نص ايجار ومن انت وصديقك تريد تأجرون بيت سوة خارج اختيار المنظمة رح ايضا تنطيك صك بنص الايجار للمجمع الي انت ساكن بيه

بالنسبة لثلاثة اشخاص اذا رادوا ياجرون فهذا السؤال ما اعرف جوابة بس هسة من يرجع خالي من الشغل اسألة وتتدلل

106

الهجرة و واللاجئين / رد: كيفية تاجير شقة بالنسبة للوافدين الجدد الى امريكا

« في: 04:17 26/07/2009  »

اخوان الولاية تكساس بدالاس بمنطقة اسمهه ارفنغ

107

الهجرة و واللاجئين / رد: وصلنا والحمد لله

« في: 22:02 25/07/2009  »

ابو حمودي

حمد الله على السلامة وان شاء تكون مرتاح

سلام خاص من ام اسد لام حمودي وابقة تواصل ويانة

108

دردشة منتدى الهجرة واللاجئين / رد: القرش ابو انس يودعكم

« في: 19:23 25/07/2009  »

بالموفقية وسلامة الوصول ان شاء الله

109

الهجرة و واللاجئين / كيفية تاجير شقة بالنسبة للوافدين الجدد الى امريكا

« في: 14:15 25/07/2009  »

اخوتي احبتي

اليوم موضوعنا عن كيفية تاجير شقة بالنسبة للوافدين الجدد

وبما انه اني وافد جديد يعني معندي اي تاريخ ولا كريدت يعني الشغلة شوية صعبة

اول شي الشقق هنا مو مثل بغداد فوق محلات وتروح للدلال وتنطي القاسمة الله وتسكن بنفس اليوم لا الشقق كلها بمجمعات كبيرة وبيها وسائل راحة وخدمات متكاملة من باركات وساحات العاب ومسابح وجم ولوندري ومحلات واسواق وهواية شغلات لامجال لذكرها
وكل مجمع بي مدير ومجلس ادارة تروح للمنجر اوفس وينطيك ورقتين تمليها وبعدين تدفع مبلغ على شكل مني اوردر (المني اوردر فد شي مثل الصك مال الجوازات بس ابدال متروح للمصرف تروح لاي اسواق بس كون عدهم مني اوردر ويسويلك المني اوردر وياخذ هو دولار)

المهم شروط  التقديم

1-اما عندك جنسية
2-كرين كارد
3-سوشيال
4-i-94
وفورمات بعد بس مفتهمتهة لان ارقام مسامع بيهه

5-ورقة ثانية بيهه معلومات الضامن او الكارنتور اللي راح يكفلك واللي لازم يكون ساكن بنفس المجمع
6-اخر صك استلمه الضامن لاثبات انه مستمر على العمل وراتبه جيد

المشكلة انه بحالتي لازم اكون ساكن على الاقل شهر حتى ااجر وهذا الشرط مينطبق عليه بس تقريبا باقي الشغلات كاملة لان الفيزة بيهه رقم الكرين كارد والاي 94 الكل يستلمه بالمطار
اذا وافق مجلس الادارة على طلبي  فراح يكون شي جيد لان رح ابدي تاريخ وريكورد منذ اول اسبوع
لكن اذا رفض اكو درب لاخ انه كفيلي ياجر الشقة باسمه بس اني اسكن وهنا هو يدفع الايجار وتكون عليه ضرائب

طبعا ما انسى اكول المنظمة تنطيني صك الايجار واني اكمل عليه بحدود 80$ كل شهر
هسه اني صارلي يومين انتظر جواب مجلس ادارة المجمع والله كريم

فائدة الضامن انه اذا انت مدفعت الضامن يدفع واذا الضامن مدفع رح تسجل باد كريدت عليه وهذا اصعب شي بامريكا

شغلة لخ للعزاب يكدرون اثنين او ثلاثة ياجرون سوة ولازم تنطبق عليهم نفس الشروط اعلاه

بس بقت شغلة اني الكلام الي تكلمته عن مجمع محترم ونظيف وكلهم يشتغلون واطفالهم ينحطون بالكلب وماكو لا عصابات ولا دعارة ولا مخدرات فما ادري اذا هاي الشروط تطبق بكل الاماكن واني حاضر لاي سؤال

110

الهجرة و واللاجئين / رد: ايهما انسب لحالتي iom او siv ..حالتي خاصة

« في: 13:02 25/07/2009  »

اخوية geb

الاب والام والاخ والاخت والزوجة والابناء يعتبرون درجة اولى وياريت لو تستشير محامي هجرة عن طريق الخت انجي وتدلل

111

الهجرة و واللاجئين / رد: وصلنا والحمد لله

« في: 15:57 24/07/2009  »

اخوية المنكوووس
الله يبارك بيك وسفرة سعيدة مقدما

الحمدلله على سلامتك اخونا سبع
وبلاك وتر الله يسهل عليكم بيتكم الجديد  ويرزقكم ويوفقكم
اني يوم 4-8 راح اطير الى هيوستن تكساس
بس راح ابات بالفندق مال مطار عالية   هههههههههههههه
 واخذ انواع المعطرات بالطيارة
الحمدلله على سلامتكم

112

الهجرة و واللاجئين / رد: البارحة رحت شفت الشقة

« في: 15:52 24/07/2009  »

المنكوووس صديقي شلونك اسمها IRS او IRC ممتأكد

اخوي سبع
شسمها المنظمة

113

الهجرة و واللاجئين / رد: البارحة رحت شفت الشقة

« في: 15:49 24/07/2009  »

اخوية العزيز شو
خالي وبتوجيه مني مجاوب على اتصالاتهم علمود همه يبتلشون لان هو ما عندة مجال بس مكان يتصور رح يذبوني بهيجي مكان لذلك اضطر يوقع على الكفالة بكلشي  وحقوقي باقية نفسهه بس ادفع فرق الايجار وهو يوديني ويجيبني

عاشت ايدك اخي ابو اسد على الموقف الي سويته
لازم الواحد يبحث عن الراحه و الامان اولا
انشاء الله تسهل الامور وكلشي يصير تمام
بس عندي سؤال الك
خالك ما كان يعرف انهم محضريلك هيج شقه ؟
او على الاقل يعرف المنطقه الي ماجريلك بيها ؟
ارجو منك التواصل لمعرفه كيف ستتخطى هذه العقبه وتكون درس النا بالمستقبل


بالتوفيق للجميع

114

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 13:48 24/07/2009  »

اخوتي احبتي في هذه الصفحة العزيزة علينا

حبيت اسلم عليكم بشكل خاص واني حاليا بمنطقة اسمهه ارفنغ  بدالاس كاعد يم خالي لحد ما ااجر شقة ودا اكتب مواضيع للفائدة العامة بالصفحة الرئيسية

اخوية ماجلان العزيز بارك الله بيك على الادارة ارائعة للصفحة واحب اكلك انه اني كاعد يم خالي يعني كلشي جوة ايدي وهذا سهل الاتصال اما اخونة علاوي فاكيد ميكدر يسوي شي اذا ميطلع السوشيال سيكيورتي اللي يطول من اسبوع لشهر

115

الهجرة و واللاجئين / رد: ايهما انسب لحالتي iom او siv ..حالتي خاصة

« في: 13:35 24/07/2009  »

اخوية العزيز

الاخ بلاك ووتر بعد اشكم يوم يستلم الكرين كارد ويسويلك معاملة لم شمل وفضت راحت
دكله ناعم ههههههههه

116

الهجرة و واللاجئين / البارحة رحت شفت الشقة

« في: 13:21 24/07/2009  »

اخوتي احبتي

البارحة بعد مرتاحيت يوم عد خالي رحت للشقة واويلي يابة على اللي شفتة واللي عرفتة من اللي اقدم  مني
المهم اول مطبيت للمجمع البعيد عن سكن خالي حوالي ساعة عرفت انه هاي المنطقة ينتشرون بيهه الكانكستر يعني العصابجية (هاي شكد قديمة مال عصابجي ههههههههه) شباب مدكدكين مصاليخ والبناطير خارطة ويباوعولك بحقد مو مثل باقي الامريكان بس يضحكون بوجهك وكلهم لو من بورتريكو لو من المكسيك لو من اصول افريقية زين هاي شلون اطلع اسد يلعب لو امه محجبة المهم خالي كال متبقى ولا دقيقة بالبيت ورحنة للمنظمة والمنظمة طلعت كلش تعبانة ولكينة ناس مسحوكين من تايلند واثيوبيا وحتى العراق

المهم شفنة ولد ابن حلال عراقي يشتغل بالمنظمة وكلنالة نريد نحول كال ماطول مموقع تكدر تحول وانت تدفع الفرق وكال اني من وصلت هم سويت نفس الشي
كعدنة وي المديرة وخلت خالي يوقع على تعهد ادارة اعمالنا لحد متخلص اوراقنا وشرحولي البرامج وانطوني 75 دولار باكت مني وكالوا احنة صرفنة 430 $ على الشقة هاي تنكطع من منحة الدولة البالغة 1350$ لثلاثة اشخاص وكالو تكدر تروح للشقة وتاخذ الغراض اللي اشتريناهه

رحنة للشقة واخذنة الشغلات البيهة خير الخفيفة وعفنالهم معظم الاكل والاثاث ومرتي خافت اتطب لان فتحت الكاونتر لكت الصراصر نايمة بالكلاص والمواعين وبنص الاكل هههههههه وهية عدهه عقدة من الصراصر

ايجار الشقة 480$  وايجار الشقة الكاعد بيهه خالي 560$ يعني لازم ادفع 80$ بس بالي مرتاح بس هية الشغلة مو بهاي السهولة رحنة لادارة المجمع وانطانة ابلكيشن مليناهة ولازم ننتظر موافقة الادارة لان اني مصار لي بارفنغ بس يومين  وخالي كفلني بضمان راتبة يعني اني اذا مدفعت هو يدفع واذا هو مدفع يأثر على الكريدت مالتة وهنا اهم شي الكردت
بالمناسبة العقد 6 اشهر اول شهر بي خصم 200$

بالمناسبة سألت الولد حيدر ابو المنظمة وكال شكد متريد تخلي حساب خلي لان منظمتنة متسال واذا سألتك وتكول ما عندي حساب خلص  محد يدور وراك

هسة اني محمض على خالي وخطية ديبات عد اصدقائة اللي حايرين بينة وحتى عرضوا علية شقة ابلاش اكعد بيهة لان همه صارلهم هواية بامريكا

بنهاية الموضوع احب انوه النقطة انه المجمع التعبان بي هواية عراقيين وكدروا يتأقلمون وي الوضع وهذا يرجعنة الى موضوع تناقشنة بي هواية وهو ظروف الشخص نفسة والمقومات اللي يمتلكهه يعني محد يجبرك تسكن بمكان انت متريدة اذا انت عندك مؤهلات تسكن بمكان احسن وكل انسان وظرفة

اتمنى اكون فدتكم وبعد شوية اروح اسوي السوشيال سيكيورتي وهم راح اسولفلكم على الجديد حتى تكون الصورة واضحة وتدللون

اخوكم ابو اسد

117

الهجرة و واللاجئين / رد: وصلنا والحمد لله

« في: 12:38 24/07/2009  »

اخوتي احبتي


مشاعركم طيبة وتخجل الواحد

اني اشكركم اخوتي ايوكا siv2007 الكابوي العراقي محمد 2009 ونغو   الشذر   مستر نيو  هوبفورال  عاشق تراب العراق فري عراقي بلبنان

خواتي العزيزات ام انس ايات ام تبارك احلى بابلية الله يبارك بيكم وشكرا على الكلمات الجميلة وان شاء الله راحة البال


الاخ المناضل ترافلر  اني هسة كاعد بمنطقة كلش حلوة وراقية اسمهه ارفنغ ورح افتح موضوع بعد شوية حول ظروف سكني بهاي المنطقة

اخوية رامي اليوم اسألك خالي حول المنطقة وتدلل

اخوية بلاك ووتر

الف حمد الله على السلامة وان شاء الله راح التعب بعد الشاور هههههههه 
وعاشت ايدك على التبسي الطيب

اخوية وصديقي حداد السيوف

الله يبارك بيك ومشكور على كلامك الطيب يا طيب
اتمنى سمير يكون وصل لان اعتقد هو على ولايتك
حاول اتدزلي رقمك لان مدري وين صار

تحياتي

118

الهجرة و واللاجئين / رد: وصلنا والحمد لله

« في: 14:51 23/07/2009  »

اخوتي احبتي

اني هسة كعدت من النوم وكان نوم عميق وكنت افز بس من يفصل التبريد عبالي طفت الكهرباء واسد يكللي بابا كوم شخل المولدة ههههههه

اني اشكركم جميعا على التهنئة واتمنالكم كل الخير وتسهيل السفر

احاول اجاوب على اسئلتكم

اخت ليسا الحقائب شحناهه ابغداد واستلمناهه بعمان بس ضاعت جنطة  كبيرة لاحد اخوتنة وكلشي مكدر يسوي لأن كنا رح نطير لالمانيا واستلمناهن بشيكاغو وكلمن شحنهن على ولايته واستلمتهن بدالاس عموما للمتزوج العملية مو سهلة وينرادلهه متابعة دائمة
بالنسبة للتفتيش فكان روتيني ومتكرر بكل المطارات بس كان جدا دقيق بمطار شيكاغو وخاص بالنسبة النة وتنزعون حتى تكرمون الاحذية  بس بدالاس محد كلك وين رايح ولا احد شاف حتى الجواز بالنسبة للفلوس محد يكلك شكد شايل بس يتحسسوهن وبس الاردني اباب الطيارة كال هاي فلوس كتلة اي  ولا اي شخص امريكي سالك شكد شايل

اخوية سيزر اني تعرفت على سمير عن طريق الاخ حداد السيوف لان طلع صديق الطفولة مالتة والاخ سمير ذكي ومتعاون وساعدنة هواية بتصليح حاسباتنة وخطية كان يريد يتصل بامه باي طريقة بس مكدر ورغم انه باربع عيون بس خوش يبصبص ههههههههههه تحياتي اله اذا يقرة كلامي

اخوية ماجلان اني كان المفروض اروح للشقة الجديدة بس المنظمة اتاخرت ومن اجوا كنت صاعد بسيارة خالي اخذنة منهم المفتاح والعنوان وبعد شوية نروح نشوف شنو الفلم وان شاء الله اكدر اتواصل وية اخوتي بعد ما احصل انترنت بالشقة بس هنا خالي ممتزوج وهو بعمري يعني صديقي واصدقائة كلهم فرحانين باسد لان اول مرة يشوفون طفل عراقي لان تقريبا كلهم ممتزوجين وهواية عرضوا المساعدة علية

اخويةgeb

الاخ بلاك ووتر بصحة جيدة بس كان معوز معطر ههههههههه ومثل مكلت كان جدا متعاون حتى ابغداد كان واكف على البوردنغ واخر واحد صعد للطيارة وكان يحاول يتصل بيكم بالمانيا وبشيكاغو بس مكدرنة حتى تليفوني الثريا مشتغل بامريكا

بالنسبة لتفاصيل الرحلة فراح اذكر الشغلات الجديدة

احنة طرنة من بغداد على عالية واباب الكاونتر اردني خبث وياية وكال الة تقرير من الطبابة مال المطار علمود حالة زوجتك الصحية رحت للطبابة الي بالمطار اللي تبعد مسافة ربع ساعة مشي كالوا هاي اله نسائية والنسائية خارج المطار واله تاخذ تكسي هاي كلة والطيارة بعدلهه ساعة والله سهلهه وسخرلنة ابو اسعاف بعشر دولارات ودانة وجابنة ومن رجعنة ملكينة الاردني ومحد اخذ التقرير لعد شكد خبيث

بعمان اذا كان عدكم ترنزيت طويل فكبل روح للمصلى وطكلك نومة لان ماكو مكان تنام والانترنت مفتوح بعمان واسيا سيل وعراقنا يشتغل وخابرنة اهلنة والاكل اسعارة مناسبة ومقاربة اذا مو ارخص من بغداد

بالمانيا كلشي غالي بطل المي بسبع دولارات واتريكت 2 نسكافي و2 كرواسو  ب20 دولار

من شيكاغو لدالاس بالطيارة يقدمولك بس شراب واذا تريد اكل تدفع فلوس وكارد مو كاش

انطباعي الاول امريكا منظمة جدا وحلوة ومجمع خالي طاك والاجار غرفة وصالة 600 دولار بس خل اروح لشقتي وافتهم الفلم

وتدللون

119

الهجرة و واللاجئين / رد: بعد الانتظار و السفر الى تركيا....اجة الايميل المنتظر+موعد السفر +التكتات

« في: 05:48 23/07/2009  »

اخوية ابو داليا الف مبروك وان شاء الله سلامة الوصول واني دا اكتب هسة من امريكا

120

الهجرة و واللاجئين / وصلنا والحمد لله

« في: 05:21 23/07/2009  »

اخوتي احبتي

قبل قليل وصلنا الى دالاس تكساس والحمد لله
استقبلني خالي بالمطار والمنظمة اتاخروا وخالي اخذني وكان مجضرلي حفلة بسيطة وعشة وعافني وراح وهسة اني دا اكتبلكم مقتطفات من الرحلة الصعبة جدا

الرحلة طولت عندي 48 ساعة من البيت للبيت وكانت شاقة جدا جدا
البوري الي انظربناه في عمان كان ممتوقع اذ كان الترانزيت 14 ساعة وكان لازم  نبقى بالمطار وليس الذهاب الى فندق عالية وتخيلوا الحالة ولغوة الاطفال والنومة على الكراسي واخونة بلاك ووتر مشكور اتكفل بترتيب امور الطعام مع المنظمة

بعدين طرنة الى فرانكفورت وبقينة 4 ساعات وتفاجئنا باسعار الطعام والماء الغالية
طرنة الى شيكاغو وطولت الرحلة 8 ساعات ومناك توزعنة الكل على الولايات المقصودة

اني جدا تعبان وراح انام لأن اسد كسر ظهري من الركض وراه بس رغم ذلك هم لكة ناس تحبه ههههههههههههههه

تحياتي الى كل اخوتي وخواتي اللي سافروا وياية واكلهم حمد الله على السلامة والله يسهل امركم


اخوكم ابو اسد

121

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 21:13 19/07/2009  »

اخوية ماجلان

شكرا على السؤال ان شاء الله بعد بكرا نشد الرحال والله يعينا على لحظة الفراق خاصة عندما تكون انت كبير البيت والكل عينهه عليك شوية صعبة
بس اليوم اتلاغيت وية ابو الحرس بالسيطرة لأن ممنزل الجامة ضاج ويكللي تستنكف تنزل الجامة وهو اسمة ميعرف يكتبة ولولا الاهل يهدأوني جان اتطورت السالفة

المهم الايام هذي المشاعر متناقضة وشمتحضر نفسك تحس بعد اكو شي نقص والله ينتقم من كلمن هجولنا وخلانة ندور مستقبل بي خير لجهالنة خارج بلدنا

تحياتي للجميع وان شاء الله رسالتي القادمة من دالاس

122

مواضيع الحياة العامة في بلاد المهجر (امريكا) / رد: الفلوس والتحكم بها في امريكا ( اسئلة - موضوع نقاش)

« في: 21:14 16/07/2009  »

اخوتي احبتي

قبل كم يوم كنت في مصرف الشرق الاوسط الفرع الرئيسي في العرصات وتكلمنا اني والموظفة حول طرق التحويل الامينة الى الولايات المتحدة وخلاصة الكلام كان التالي

1- اي مبلغ فوق العشر الاف دولار يجب ان يرفق بفواتير حول مشتريات او تجارة
2-من الممكن تحويل عشرة الاف دولار كل شهرين ويعتبر مصرف معيشة
3- من الممكن تحويل مبالغ صغيرة اقل من 5000 شهريا
4- ضريبة التحويل هي 63 دولار لكل عشرة الاف دينار
5-يجب تخويل شخص بالتحويل على شرط ارسال اسم المصرف ورقم الحساب وكود المصرف واجرائات مالية اخرى تعتبر روتينية.
6-يتم التحويل الى اي مصرف بامريكا عن طريق وسيط هو البنك الاهلي الاردني
7-صعوبة فتح حساب في بغداد والسحب من امريكا ولكنه ليس مستحيل لأنه يتطلب ارسال نسخة من التوقيع من امريكا يعني عمل سكان وهذا الشي قد يدخلك في مشاكل عدم تطابق التوقيع
ومشاكل تبييض الاموال والارهاب

123

الهجرة و واللاجئين / رد: تفاصيل دخول مطار بغداد الدولي ...

« في: 17:42 13/07/2009  »

اخوية بلاك واتر

سؤالين زغار بله زحمة
1-شوكت يجيك الاتصال من الاي او ام قبل يوم لو يومين علمود ترتيب التجمع واذا شبكة ماكو شلون يدزولك ايميل لو شلون

2-في حالة سوء الاحوال الجوية تتأجل الرحلة لو شلون وشوكت تتأجل قبل السفر لو لازم نتجمع وننتظر تفرج واذا اتأجلت شوكت نسافر

هاي صارت مية سؤال هههههههه

اتمنالك رحلة امينة وان شاء الله نتعرف وانت كبل رح تعرفني لأن ابني رح يكون اوكح طفل بالسفرة ههههههههههه

124

الهجرة و واللاجئين / رد: البارحة استلمت ايميل من الرابسنت

« في: 13:23 13/07/2009  »

ابو داليا الورد



اخوية اسف على التأخير بس تدري اني هليام مشغول
على العموم اني هذا الايميل استلمتة ثاني يوم ورة مدزيت الفيز ويمكن على كولتك تعتمد على الولاية واكيد هي خطوة للامام ومثل مكتلك من تستلم الاشورنس من 3-4 اسابيع انت مسافر

بالنسبة الية اني طولت عندي الفترة للسفر 33 يوم مع العلم كنت احاول ااخر بالسفر لان كان عندي مشاكل بالعمل وتصفية الامور المتعلقة يعني كان ممكن الفترة تقل عن شهر بس الوضع بدة يتعب من جديد وسرعت بالشغلة

اخ ستيفن كان عندي صديق هم استلم بيوم 18-6  هم اسمة ستيفن بس حسب علمي ممتزوج  الا اذا متزوج جديد هم بالامارة كان فترة بجورجيا يدور حاتات هههههههههههه

125

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 05:37 12/07/2009  »

اخوية سيوف الليل المنتدى بي مواضيع دسمة وهذا موضوع اني كاتبة كبل سنة تقريبا يمكن يفيدك

المستمسكات المطلوبة



1-صورة قيد مترجمة
2-صورة قيد ولادة مترجمة والغير مترجمة
3-عقد زواج مترجم والغير مترجم
4-نسخة من DS-230
5-نسخة من DS-234
6-BIOGRAPHICAL
7-نسخة من Refugee benefits
8-صورتين لكل شخص للفيزا بحجم 5*5 سم
9-تعهد خطي ان لا يوجد بالعراق تقرير شرطة (يكولون هسة صارت عدم محكومية فتأكد)
10-نسخ من أي باجات امريكية


اولا:صورة قيد مترجمة(ايضا تسمى 57  او   Family book )

1-   الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.

2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط

ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)

بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا  مطابقة الاسماء وحسب جواز الجي.

3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة  شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.

4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات

هنا احنة كملنة صورة القيد وتكون نسختين لكل شخص

الوقت التقديري (4-5) ايام



ثانيا: صورة قيد الولادة

1-تذهب الى المستشفى التي ولدت فيها اوالى مركز الزوية في الكرادة قبل جامعة بغداد بالنسبة للرصافة ومركز الكرخ لتسجيل الولادات قرب مستشفى الكسور في العطيفية او اذا ولدت من قبل قابلة تذهب الى القابلة وتسألهه في أي مركز صحي تسجل الولادات واذا القابلة ميتة تروح لأقرب مركز صحي على بيتهه
طبعا اسهل شي للي يعرف بيا مستشفى انولد ويزودوا بصورة قيد ولادة للترجمة والتصديق  شكله يكون شوية اكبر من كف اليد

2-الذهاب الى دائرة صحة بغداد في ساحة عدن حصرا وتستنسخ الكتاب قبل متطب وراح اتقفص عليك ام الاستعلامات وتبيعلك طوابع المهم شغلتكم بين الطابق الرابع والخامس طبعا كل شخص بالعائلة اله صورة قيد منفصلة يعني اذا زوجتك ولادتهه بصرة او سليمانية لازم تروح وتجيب صورة قيد ولادة قبل متروح لصحة بغداد هااااي شلون شغلة تعبانة.

2-   الذهاب الى مكتب نادر للترجمة قبل المسرح الوطني واخذوا فلوس وياكم
3-   ثاني يوم تأخذ صورة القيد المترجمة والاصلية الى تصديقات الخارجية واخذوا فلوس وياكم

وهنا نكون خلصنة صورة قيد الولادة الوقت التقديري(4-6) ايام


ثالثا: عقد الزواج

1-   تاخذ نسخة من عقد الزواج وتذهب الى المحكمة التي عقدت فيها وتطلب اربع نسخ للترجمة والتصديق الارشيف راح يدزوك الى عرضحالجي في الباب وسوف يطبعلك اربع نسخ على جهتي الورقة
        تنطي 5 الاف وتدخل للمحكمة وهنا يجب التأكيد ان يتم الختم على جهتي الاوراق يعني وجه وكفة وهذا الشي جدا مهم طبعا اول شي القاضي يوقع على جميع الصفحات وبعدين المحقق القضائي يختم على جميع الاوراق لذا يرجى الانتباه.

2-تأخذ جميع الاوراق وتروح الى محكمة استئناف الرصافة في عمارة شذى في الوزيرية اذا كنت عاقد بمحكمة بالرصافة  او الذهاب الى محكمة استئناف الكرخ في حي العدل اذا كنت عاقد بالكرخ واذا بالمحافظات فكل شخص حسب محافظته.رح يشتلوكم 5 الى7 ايام

3-تاخذ الاوراق الى مكتب نادر للترجمة لغرض الترجمة
 
4-من تستلم النسخ الاربعة تعمل نسختين ملونة وتاخذ الاوراق كلهن الى كاتب عدل الصالحية في شارع حيفا ضمن بناية وزارة العدل وراح يملوهن اختام وتواقيع وراح يحتفظون بالنسختين المستنسخة.

5-في اليوم التالي الذهاب الى تصديقات الخارجية في العلاوي

الوقت التقديري (7-10) ايام

رابعا:
 DS-230

طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم  تطبع وتوقع  وتسوي سكنر وترجعة بي دي اف

1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع           
N/A

3-الاسم حسب مامكتوب بالجواز ولكن بالعربي

4-تأريخ الولادة

  5- العمر
6- مكان الولادة (المدينة,المحافظة والبلد)

7-الجنسية طبعا عراقي

8-الجنس

9-الحالة الزوجية

10-اسم وعنوان وهاتف الصديق او القريب في امريكا واذا لايوجد تكتب
N/A

11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.

12-شنو شغلك يعني اذا مترجم تكتب
   ثم رقم تليفونك.Linguist

13-عنوانك الكامل محلة وزقاق ودار ومحافظة والبلد

14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.

15-اسم الاب الكامل

16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A

17-اسم الام الكامل

18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16

19-تكتب اسماء الابناء وتاريخ الولادة ومكان الولادة

20-تكتب جميع العناوين والاوقات  التي سكنتها لمدة ستة اشهر واكثر منذ ان اصبح عمرك 16 سنة

21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
 والقسم الثاني
-هنا محد رح يلحكك لامريكا يعني تكتب
N/A

22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.

23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A


24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو

25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.

26-ترجع تكتب اسمك مثل الجواز

27-تكتب
N/A

28-اسمك الكامل بالعربي

29-اسمك وعنوانك ورقم تليفونك بالانكليزي

30- مربعات تزركهن كلهن
NO
يعني انت مو حشاش ولا مخبل ولا مجرم وهكذا

31-
NO

32-
NO

33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي

34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص

35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A





خامسا:
DS-234

تتكون من صفحتين و29 فقرة وايضا تكتب حسب عدد افراد العائلة

1-عدد الافراد في القضية يعني اذا 2 تكتب 2 واذا اربعة تكتب 4

2-اذا انت مفدم الطلب الرئيسي تكتب نعم والزوجة والاطفال تختار كلا

3-
N/A

4-الاسم الكامل وحسب الجواز وبالانكليزي

5-الجنس

6-الحالة الزوجية

7-تاريخ الولادة

8-مكان الولادة محافظة وبلد

9- الجنسية

10-القومية

11-الديانة

12-العنوان الكامل

13-رقم الهاتف

14-العنوان البريدي

15-اخر عمل

16- اعلى مستوى دراسي يعني بكلوريوس دبلوم ماجستير وهكذا

17-اللغة الام

18-اللغات الاخرى

19-درجة اتقان اللغة

20-مشاكل صحية تكتب
None

21-عندك احد من كرايبك مقدم على نفس البرنامج

22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك

23-عندك كرايب بامريكا

24-اسم كرايبك

25-تاريخ ميلاد كرايبك

26-عنوان كرايبك بامريكا

27-رقم تليفون كرايبك بامريكا

28- صلة القرابة يعني عمك خالك

29-عنوانه البريدي


 



   سادسا:
Biographical

لحد يدوخ ترة جدا سهلة تسوي سكنر للجوازات وتحت كل جواز تكتب
1-رقم الكيس
2-العمل الحالي
3-الشهادة الدراسية

سابعا:
Refugee benefits

بيهه مربعين تخلي اكس على الاول يعني انتة تريد فوائد والثاني متريد
تكتب رقم الكيس والاسم وتاريخ الولادة توقع وتاريخ التوقيع

ثامنا:

صورتين لكل شخص للفيزا بقياس 5*5 سم  وماكو داعي تخافون المصور بس كلله صور للفيزا وهو يعرف.

تاسعا:

هنا شوية انتبهوا مطلوب تقرير من الشرطة يؤيد انك ماعندك جرائم وبالعراق ماكو هيجي شي لذلك تكتب تعهد بالانكليزي وتوقع وصارت ويايه وقبلو بي ومشة

عاشرا:

سوي سكنر لاي باج امريكي عندك مثل باج تايتن او جي ال اس او أي زي باج وطبعا لتنسون الباج وجه وكفة


الان ماذا ترسل؟

1-ببداية الايميل تنسخ اسمك ورقم الكيس نمبر كما موجود في الايميل المرسل من قبلهم وعنوان الموضوع هو رقم الكيس نمبر
2-تقسم البي دي اف الى ايميلين لان الحجم كبير
3-تعمل اتاجمينت للملفات وترسل التالي:

1-عقد الزواج العربي والمترجم طبعا المصدق
2-صورة قيد الولادة العربي والمترجم لجميع الافراد
3-صورة قيد 57 لجميع الافراد
4-صورتين خلفية بيضاء والنظر مباشر على الكاميرا قياس 5*5 سم للفيزا
5-الباجات
6-
Biographic
7-التعهد الخطي حول تقرير الشرطة
8-
 DS-230

9-
DS-234

10-

Refugee benefits

126

استراحة المنتديات / رد: ماهي هموم العراقيين قي امريكا- مشيكانUSA- MI

« في: 05:25 12/07/2009  »

اني اول من انقل الموضوع قريته وكلت اشو كل اللي يجاوبون مو ربعنة بعدين من قريت رد الاداري بنقل الموضوع يمنه كلت ها هاي السالفة هسه ربعنة يبينون وبالفعل نزلوا على الرجال بغض النظر عن منطقية كلامة او تناقضاتة والنقاش كان حلو
بس حبيت اوضح نقطة ممفتهميهه الاخوة حول منتدى عين كاوة وليس قسم الهجرة واللاجئين
مثل متعرفون اكو منتديات رياضية منو يكتب بيهة اللي مهتمين بشؤون الرياضة واكو فنية واكو ثقافية واكو الاف المنتديات اللي يكتب بيها العضو حسب ميولة واتجاهاته ورباط السالفة انه لو تطبون للصفحة الرئيسية لمنتدى عين كاوة فرح تكتشف انه الموقع يمثل طائفة او ديانة معينة و99% او ربما كل المشرفين هم من هذه الطائفة و90% من اللي يكتبون هم ايضا من هذه الطائفة وهذا الشي مو من عندي هذا واقع وارجو ان محد يكلي طائفية ومدري شنو لأن اني دا اذكر حقائق مو من جيبي

الأختلاف الوحيد في كل منتديات عين كاوة هو منتدى الهجرة واللاجئين الذي يمثل بالفعل كل اطياف الشعب العراقي من مترجم او عامل مع القوات الامريكية او بقية دول التحالف او الاحتلال الى المهجر الى المهدد الى الفايخ اللي يريد بس يطلع علمود تصير فلوس وراحة حتى لو يكضيهه كذب بكذب وياخذ فرص المستحقين
لذلك اني متاكد الاخ لو يدري رح الموضوع ينقل للهجرة كان ماخاطب فئة محددة واني اذب كل اللوم على المشرف اللي نقل الموضوع على الاقل يحذف بعض الكلمات اللي تكررت بدون قصد من الاخ الكاتب لأن منتدى الهجرة واللاجئين هو انشط منتدى بمنتديات عين كاوة وبدة يتقدم شوية شوية من 2007 لليوم وصعد على كتاف كل العراقيين وحتى مرات هم اشوف عرب يستنجدون بيه

يللة مشرفهم ماانتبه وهسة اخوتنة بيرج والنمر ينتبهون ويمسحون الكلام الزايد وتفض.......

127

مواضيع الحياة العامة في بلاد المهجر (امريكا) / رد: جمعية للعاطلين عن العمل في اميركا

« في: 20:17 10/07/2009  »

والله اني معاكم بس ياريت نغير الاسم  الى جمعية الباحثين وليس العاطلين ومشكور على الموضوع

128

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 19:42 10/07/2009  »

اخوية العزيز show

اشكرك على التهنئة واتمنالك الموفقية

اني وياك كنا من بداية المقدمين على اللجوء بس اني كنت العب على الحبلين والحمد الله مشت وياه
اهنيك على التحويل على الاس اي في لأن اللجوء مسألة حظ لا اكثر ولا اقل بينما الهجرة الخاصة هي مسألة استحقاق
اتمنالك الموفقية

129

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 06:19 10/07/2009  »

الرجل البلااسم
محمد ابوجاسم
عراق جي اس ام

الف شكر على المشاعر الطيبة ويارب يسهل امركم وتسافرون

130

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 21:06 09/07/2009  »

الاخوة والاخوات المحترمين

ماجلان
احمد خالد
جوني ابو داليا
البصير
الرجل الحديدي
محمد ابو جاسم
ام ياسر
فنشنزو
الكابوي العراقي
ايوكا

اتمنالكم الموفقية والى كل الاخوة الاعزاء واشكركم على المشاعر الطيبة وان شاء الله منقصر وياكم من نوصل

واحب اكلكم ان الله سبحانه وتعالى ميكطع وفرجه قريب وابسط مثال شغلتي اني لو محصل فيزة بالشهر الثالث وممتأجل كانت فيزتي تكون ام الست اشهر وكان ممكن اسافر بالثامن او التاسع بس الله عوض صبري خير ورغم تاجيلي اكثر من ثلاث اشهر فموعد السفر صار اسرع مما توقعت

لذلك لحد ييأس وكلهه تصير سوالــــــــــــــــــــــف

131

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 20:35 08/07/2009  »

اخوتي الاعزاء

حبيت افرحكم واكلكم انو موعد سفري هو 21-7

ان شاء الله الكل تتيسر امورهه وتسافرون وترتاحون

132

دردشة منتدى الهجرة واللاجئين / رد: موعد سفر قرش المنتدى

« في: 20:00 05/07/2009  »

مليون مبروك اخ ابو انس وان شاء الله راحة البال

133

الهجرة و واللاجئين / رد: خبر عاجل..هل صحيح ان المترجم الذي اكمل 8 اشهر مع وحدته له حق الذهاب معها الى امريكا

« في: 20:20 03/07/2009  »

اخي زين والاجرائات الادارية والامنية اللي تشمل كل كائن حي يريد يشتم هوة امريكا شلون بيهه يلغوهه لو شلون

134

الهجرة و واللاجئين / رد: مواقع عمل في امريكا

« في: 20:16 03/07/2009  »

سلامات حداد

والنة وقفة من نسولف على المسنجر

135

الهجرة و واللاجئين / رد: مقابلتي اليوم وما حصل بها SIV

« في: 09:45 03/07/2009  »

ما اريد اثبط من المعنويات
بس هليام صايرة محاربة للفساد بكل دوائر الدولة ومن ضمنها دائرة الجوازات واني بنفسي طلبت من شخص يمكن مسويلي 10 جوازات كبل ان يسويلي جواز لشخص عراقي عايش ابريطانيا اسبوعين ومدبرهه وكال الجي توقف وهسة بس الاي وجدا صعبة الشغلة صايرة

يجوز احد من الاخوة يعرف احد واني برأيي ان يجي الاب لبغداد فد اسبوعين ويطلعة بشكل قانوني

136

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 19:16 02/07/2009  »

الاخ العزيز ماجلان
 
الله يبارك بيك وان شاء الله يوم تستقر وتسويلك واحد امريكي مأصل
اني على تكساس بدالاس بمنطقة اسمهه ارفنغ والظاهر على كولتك رح تظل لازكة بيه شغلة الانتظار ههههههههههههههههه

137

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 11:29 02/07/2009  »

الاخ العزيز ماجلان

اني اللي سرع بشغلتي انه انتظر اخو لأسد الحمل في الثلث الاول واني اتحارشت بيهم ودزيت ايميل وراسا الحموي كالت شوكت تسافر كتلهه 25-7 وكالت نحجز ونتصل بيك وصار اربع ايام ماكو شي والله كريم بس اول شي لازم المنظمة تكول اوكي واني مثل متعرف مقبول على الاي او ام لذلك اوراقي موجودة اصلا يمهم لذلك
الاشورنس استلمتة ورة يومين من ارسال الفيزة

الاخ الكاوبوي كلامك منطقي بس اكو هواية مقاولين ماعدهم او ممحتفظين بعقود لمدة سنة او اكو عقود تجهيز بدون اوراق خاصة بالبداية يعني 2003 زين بهلحالة شنو الاثبات

138

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 20:57 01/07/2009  »

السلام عليكم

ان شاء الله الجميع بخير اني انتظر الحجز وتحديد الموعد النهائي للسفر اللي ان شاء الله يكون بهذا الشهر

عندي بس ملاحظة زغيرة حول موضوع المتعاقدين مع القوات والشركات الامريكية

كل شخص يوقع عقد للعمل كموظف كأن يكون مترجم او موظف وياخذ راتب من الشركة الامريكية يعتبر متعاقد وهذه الكلمة تختلف عن عقود المقاولات لان المقاول لا يستلم راتب ولايوقع عقد نظامي  ويستلم راتب شهري من الشركة  بل يوقع عقود عمل مؤقتة لاداء مهمات منصوصة بالعقد

اما بالنسبة اذا كان الاخ الجنابي مشمول او لا فاكيد جماعة ال5000 اعرف بهذا الشي

139

الهجرة و واللاجئين / رد: مهاجر جديد - الجزء الثالث

« في: 06:37 28/06/2009  »

والله اخوية النورس الاخبار حلوة وخصوصا انه قريبا رح اكون بدالاس
بس اتمنى ان يكون التعاون لاجل التعاون فقط وليس للتدخل والقيل والقال وانت من يا عمام
وعجبتني هاي الفكرة مال المنظمة او الجمعية وكوم التعاونت ماذلت لعد همة اليهود شلون صاروا


مبارك سلامة الوصول

140

الهجرة و واللاجئين / رد: اخواني واخواتي الاعزاء-ماهو الحل بالنسبة لتعدد الزوجات-ارجو افادتي بالمعلومات رجاء

« في: 06:23 28/06/2009  »

كان عندي صديق يشتغل مع القوات الدنماركية وكان متزوج اثنين
سفروا الزوجتين بعد ما طلق وحدة بس تبقى عشيقة او زواج سيد
زين اذا صار اطفال شلون
ولو امريكا ما عدهة مشكلة انت اذا تجيب طفل من اي مرأة تكدر تعترف بيه حتى لو معايش وية امه
اعتقد تحتاج محامي هجرة عربي يعرف هلدروب

141

الهجرة و واللاجئين / رد: تقديمي...اخيرا

« في: 21:26 27/06/2009  »

اخوية فنشنزو

بس حبيت ادعمك لان مثل متعرف اني على القديم وانتو على الجديد حتى لتكول مغلسين الولد

142

الهجرة و واللاجئين / رد: ساعدوني على كيفيه التقديم على اس اي في من بغداد من الطاطا الى السلام عليكم???

« في: 09:07 26/06/2009  »

اختنا العزيزة اذا الشخص برة يكدر يسوي وكالة وتفض وبالمناسبة هاي الشغلة جديدة

يمعود فنشنزو هاي شبيك هيجي الاوتوربلاي مدوخك ههههههههههه مو اني دا اكول هاي فقط المستمسكات والخطوات يم فالكون لان اني حديقة بالبرنامج الجديد

اخوية البصير
كلامك صحيح بس شنسوي البرنامج توب وشروطة صعبة مع الانتباه انه اللي سويته اني هو نموذجي يعني معظم الاخوان مسووا هذا الشي ومشت امورهم حسب مرونة القنصل والسفارة


اخوية محمد2009 مثل مكلت هسة كام يصير تسوي وكالة بس ما اعرف عن كل شخص بالقضية او فقط المقدم الرئيسي وتتدلل

143

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 22:20 25/06/2009  »

اخوية الشبح هاي شبيك اليوم اجاني ايميل منهه وبعدني كلشي ممسوي

ماجلان العزيز مبروك على الفيزة والله فرحتلك وان شاء الله السفر القريب وراحة البال

144

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 20:06 25/06/2009  »

عجيب امر السفارة
المفروض يزدادون خبرة بزيادة عدد الفيز الصادرة يوميا بس اخطائهم تفشل
وخصوصا اللي يكولوله تعال اخذ فيزة ويبدي يحلم ويخطط وبعدين يكلوله سوري

اخوية الشبح شلونك
اكلك شنو فلم خلود الحموي دكلي شوكت تسافر يعني اذا انطيهه موعد يكون نهائي وتكلي تتدلل ابو اسد لو شلون يعني اذا كلتلهة بعد اسبوعين لو ثلاثة تكلي مال لو تدزلي ايميل وتكلي منكدر شوفلك غير موعد

تحياتي

145

الهجرة و واللاجئين / رد: عاجل...الى مترجمي القوات البريطانية

« في: 10:34 25/06/2009  »

اخوية صفاء الموضوع موجه الى العاملين مع القوات البريطانية فأذا الموضوع ميهمك وليشملك شكو اتجاوب
الكلام موجه الى المترجمين الللي عملوا مع القوات البريطانية اللي مكملوا سنة انه اكو امل بشغلتهم

146

الهجرة و واللاجئين / رد: وصلت الى امريكا مع اروع اعضاء من عنكاوا

« في: 21:00 24/06/2009  »

الف مبروك ابو نور والحمد لله على السلامة
اتمنالك راحة البال والله يعينك وانت كدهه
تحياتنة الى الغائب الحاضر الاخ فالكون

147

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

« في: 16:34 23/06/2009  »

الاخ الكابوي العراقي

الف الحمد الله والشكر على كل حال وانت باسوأ الاحوال رح تتاخر شهرين عن حياتك الجديدة يعني متتذكرهه بعد عشر سنين من تسولف لاطفالك الامريكان شلون اجيت لأمريكا

اني ردت اسوي كوبي بيست لردي او نصيحتي بتحويل المقابلة الى بغداد بس كلت يكفيه الي بيه هسة لأن انتة لو مقابل ابغداد وكايل نفس الحجي هم كان حصلت نفس النتيجة

مرات اكو امور تافهة بس الامريكان يدققون بيهه لذلك اني متكلمت عن زواجي الاول واللي كان بيه عقد محكمة لأن ادري راح يسوهة بلوة علية وهنة كلهن 5 ايام من الزواج للطلاق

السؤال هسة انت راح ترجع لبغداد لو تكدر تبقى بعمان لو شلون

148

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 22:51 21/06/2009  »

صحيح الاخوة انقرضوا بس لعدة اسباب
1-اللي سافر
2- اللي ديحضر للسفر
3-اللي رح يقابل
4-بحر الظلمات
5-المراحل الاولية للتقديم

لكن الشي  الاهم للغياب انه بعد 9 صفحات من المعلومات الدسمة ما بقة شي ينكال وصار ارشيف بس تكلبة تفتهم كل شي واكو هواية يدخلون زوار ويستفاد ويفلت
واذا انطب بس نسولف رح ينتفي الحاجة من الموضوع ويأثر عليه لذلك حان الوقت ان نسلم الراية وان شاء الله اللي ورانة يسلموهة للبعدهم لحد ال2012 والكل يفلت

149

الهجرة و واللاجئين / رد: دربونه جديدة حصرا للاخوان المسافرين من العراق مرورا بعمان SIV&IOM

« في: 22:39 21/06/2009  »

الف مبروك شبح بغداد وان شاء سلامة الوصول

150

الهجرة و واللاجئين / رد: ساعدوني على كيفيه التقديم على اس اي في من بغداد من الطاطا الى السلام عليكم???

« في: 08:49 21/06/2009  »

الاخت العزيزة

اني اكدر افيدج بعملية انهاء المعاملة والمستمسكات المطلوبة منك وتكدرين تدخلين على المواضيع المثبتة وتشوفين موضوع الاخ فالكون(الله يذكره بالخير) بيه كل الخطوات المطلوبة على برنامج ال5000 لأن اني خبرتي اكثر بالقديم

المستمسكات المطلوبة

1-صورة قيد مترجمة
2-صورة قيد ولادة مترجمة والغير مترجمة
3-عقد زواج مترجم والغير مترجم

4-نسخة من DS-230
5-نسخة من DS-234
6-BIOGRAPHICAL
7-نسخة من Refugee benefits
8-صورتين لكل شخص للفيزا بحجم 5*5 سم
9-تعهد خطي ان لا يوجد بالعراق تقرير شرطة
10-نسخ من أي باجات امريكية


اولا:صورة قيد مترجمة(ايضا تسمى 57  او   Family book )

1-   الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.

2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط

ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)

بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا  مطابقة الاسماء وحسب جواز الجي.

3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة  شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.

4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات

هنا احنة كملنة صورة القيد وتكون نسختين لكل شخص

الوقت التقديري (4-5) ايام



ثانيا: صورة قيد الولادة

1-تذهب الى المستشفى التي ولدت فيها اوالى مركز الزوية في الكرادة قبل جامعة بغداد بالنسبة للرصافة ومركز الكرخ لتسجيل الولادات قرب مستشفى الكسور في العطيفية او اذا ولدت من قبل قابلة تذهب الى القابلة وتسألهه في أي مركز صحي تسجل الولادات واذا القابلة ميتة تروح لأقرب مركز صحي على بيتهه
طبعا اسهل شي للي يعرف بيا مستشفى انولد ويزودوا بصورة قيد ولادة للترجمة والتصديق  شكله يكون شوية اكبر من كف اليد

2-الذهاب الى دائرة صحة بغداد في ساحة عدن حصرا وتستنسخ الكتاب قبل متطب وراح اتقفص عليك ام الاستعلامات وتبيعلك طوابع المهم شغلتكم بين الطابق الرابع والخامس طبعا كل شخص بالعائلة اله صورة قيد منفصلة يعني اذا زوجتك ولادتهه بصرة او سليمانية لازم تروح وتجيب صورة قيد ولادة قبل متروح لصحة بغداد هااااي شلون شغلة تعبانة.

2-   الذهاب الى مكتب نادر للترجمة قبل المسرح الوطني واخذوا فلوس وياكم
3-   ثاني يوم تأخذ صورة القيد المترجمة والاصلية الى تصديقات الخارجية واخذوا فلوس وياكم

وهنا نكون خلصنة صورة قيد الولادة الوقت التقديري(4-6) ايام


ثالثا: عقد الزواج

1-   تاخذ نسخة من عقد الزواج وتذهب الى المحكمة التي عقدت فيها وتطلب اربع نسخ للترجمة والتصديق الارشيف راح يدزوك الى عرضحالجي في الباب وسوف يطبعلك اربع نسخ على جهتي الورقة
        تنطي 5 الاف وتدخل للمحكمة وهنا يجب التأكيد ان يتم الختم على جهتي الاوراق يعني وجه وكفة وهذا الشي جدا مهم طبعا اول شي القاضي يوقع على جميع الصفحات وبعدين المحقق القضائي يختم على جميع الاوراق لذا يرجى الانتباه.

2-تأخذ جميع الاوراق وتروح الى محكمة استئناف الرصافة في عمارة شذى في الوزيرية اذا كنت عاقد بمحكمة بالرصافة  او الذهاب الى محكمة استئناف الكرخ في حي العدل اذا كنت عاقد بالكرخ واذا بالمحافظات فكل شخص حسب محافظته.رح يشتلوكم 5 الى7 ايام

3-تاخذ الاوراق الى مكتب نادر للترجمة لغرض الترجمة
 
4-من تستلم النسخ الاربعة تعمل نسختين ملونة وتاخذ الاوراق كلهن الى كاتب عدل الصالحية في شارع حيفا ضمن بناية وزارة العدل وراح يملوهن اختام وتواقيع وراح يحتفظون بالنسختين المستنسخة.

5-في اليوم التالي الذهاب الى تصديقات الخارجية في العلاوي

الوقت التقديري (7-10) ايام

رابعا:
 DS-230

طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم  تطبع وتوقع  وتسوي سكنر وترجعة بي دي اف

1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع           
N/A

3-الاسم حسب مامكتوب بالجواز ولكن بالعربي

4-تأريخ الولادة

  5- العمر
6- مكان الولادة (المدينة,المحافظة والبلد)

7-الجنسية طبعا عراقي

8-الجنس

9-الحالة الزوجية

10-اسم وعنوان وهاتف الصديق او القريب في امريكا واذا لايوجد تكتب
N/A

11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.

12-شنو شغلك يعني اذا مترجم تكتب
   ثم رقم تليفونك.Linguist

13-عنوانك الكامل محلة وزقاق ودار ومحافظة والبلد

14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.

15-اسم الاب الكامل

16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A

17-اسم الام الكامل

18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16

19-تكتب اسماء الابناء وتاريخ الولادة ومكان الولادة

20-تكتب جميع العناوين والاوقات  التي سكنتها لمدة ستة اشهر واكثر منذ ان اصبح عمرك 16 سنة

21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
 والقسم الثاني
-هنا محد رح يلحكك لامريكا يعني تكتب
N/A

22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.

23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A


24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو

25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.

26-ترجع تكتب اسمك مثل الجواز

27-تكتب
N/A

28-اسمك الكامل بالعربي

29-اسمك وعنوانك ورقم تليفونك بالانكليزي

30- مربعات تزركهن كلهن
NO
يعني انت مو حشاش ولا مخبل ولا مجرم وهكذا

31-
NO

32-
NO

33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي

34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص

35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A





خامسا:
DS-234

تتكون من صفحتين و29 فقرة وايضا تكتب حسب عدد افراد العائلة

1-عدد الافراد في القضية يعني اذا 2 تكتب 2 واذا اربعة تكتب 4

2-اذا انت مفدم الطلب الرئيسي تكتب نعم والزوجة والاطفال تختار كلا

3-
N/A

4-الاسم الكامل وحسب الجواز وبالانكليزي

5-الجنس

6-الحالة الزوجية

7-تاريخ الولادة

8-مكان الولادة محافظة وبلد

9- الجنسية

10-القومية

11-الديانة

12-العنوان الكامل

13-رقم الهاتف

14-العنوان البريدي

15-اخر عمل

16- اعلى مستوى دراسي يعني بكلوريوس دبلوم ماجستير وهكذا

17-اللغة الام

18-اللغات الاخرى

19-درجة اتقان اللغة

20-مشاكل صحية تكتب
None

21-عندك احد من كرايبك مقدم على نفس البرنامج

22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك

23-عندك كرايب بامريكا

24-اسم كرايبك

25-تاريخ ميلاد كرايبك

26-عنوان كرايبك بامريكا

27-رقم تليفون كرايبك بامريكا

28- صلة القرابة يعني عمك خالك

29-عنوانه البريدي


 



   سادسا:
Biographical

لحد يدوخ ترة جدا سهلة تسوي سكنر للجوازات وتحت كل جواز تكتب
1-رقم الكيس
2-العمل الحالي
3-الشهادة الدراسية

سابعا:
Refugee benefits

بيهه مربعين تخلي اكس على الاول يعني انتة تريد فوائد والثاني متريد
تكتب رقم الكيس والاسم وتاريخ الولادة توقع وتاريخ التوقيع

ثامنا:

صورتين لكل شخص للفيزا بقياس 5*5 سم  وماكو داعي تخافون المصور بس كلله صور للفيزا وهو يعرف.

تاسعا:

هنا شوية انتبهوا مطلوب تقرير من الشرطة يؤيد انك ماعندك جرائم وبالعراق ماكو هيجي شي لذلك تكتب تعهد بالانكليزي وتوقع وصارت ويايه وقبلو بي ومشة

عاشرا:

سوي سكنر لاي باج امريكي عندك مثل باج تايتن او جي ال اس او أي زي باج وطبعا لتنسون الباج وجه وكفة


الان ماذا ترسل؟

1-ببداية الايميل تنسخ اسمك ورقم الكيس نمبر كما موجود في الايميل المرسل من قبلهم وعنوان الموضوع هو رقم الكيس نمبر
2-تقسم البي دي اف الى ايميلين لان الحجم كبير
3-تعمل اتاجمينت للملفات وترسل التالي:

1-عقد الزواج العربي والمترجم طبعا المصدق
2-صورة قيد الولادة العربي والمترجم لجميع الافراد
3-صورة قيد 57 لجميع الافراد
4-صورتين خلفية بيضاء والنظر مباشر على الكاميرا قياس 5*5 سم للفيزا
5-الباجات
6-
Biographic
7-التعهد الخطي حول تقرير الشرطة
8-
 DS-230

9-
DS-234

10-
Refugee benefits


ويجب ان لا تنسون تقسيم الملفات الى قسمين لان ايميل واحد ميوصل

ارجو ان الشرح وافي  ويجيب جميع الاستفسارات ولا تنسون ان  الكلام اعلاه مجرب وناجح بشكل كامل.



 

151

الهجرة و واللاجئين / رد: أمريكا والحياة الرائعه

« في: 06:55 21/06/2009  »

اشو مختفي شنو اخبار الدورة ومنين جبت القاط ههههههههههه

152

الهجرة و واللاجئين / رد: هل صحيح ان العراقيين يهربون من ولايتي جورجيا وتكساس.

« في: 08:44 19/06/2009  »

اخوتي العصابات في كل مكان ولكن يوجد فرق جذري بين العراق وامريكا

انت اذا طبتلك عصابة للبيت بالعراق فتكون محظوظ اذا سلمت على حياتك وياخذون راحتهم ويكشولون البيت ويطكولهم جكارة وسالفة وبعدين يولون لان متاكدين لاشرطة رح تجي ولا احد رح يسمع شي لان المولدة مال المنطقة مشتغلة وصوتهه عالي لو مولدات البيوت تجعر وحتى لو واحد شاف شي رح يكول ذولة يمكن خطار جايين على بيت ابو محمد واذا صار ذكي وراد يبلغ الشرطة رح يدك على ال130 وسلملي اذا حصل وتدرون ليش ميحصل لا ماكول ليش ميحصل بعدين اكلكم لأن اني كنت بتماس مباشر مع هذا المكتب لمدة 4 سنين

نجي للوجه الثاني اذا طبتلك عصابة بأمريكا راح تكون مرتبكة ومستعجلة وعيطة زغيرونة راسا خالة ام مايكل اللي بصفك واللي ما عدهه شغل وعمل بس اتدك على ال911 راسا مخابرة على الشرطة وتلكة الكامرات اللي براس الشارع مسجلة كلشي واكيد سطو مسلح بامريكا 20 سنة وفوك وماكو امل يفضوهه بفلوس لو السيد الريس اوباما ينطيهم عفو لو الكتل يسوون مصالحة ويطلعون العصابات

يعني اخوان الفارق واضح
كل مافي الامر ان تكون شوية حذر ومتشيل فلوس الا خرادي ومتفتح الباب الا تعرف منو  وتمشي امورك وطبعا اولا واخيرا الله الحافظ.........

153

الهجرة و واللاجئين / رد: سوالف ابو داوود..المخابيل واللجوء لامريكا

« في: 08:17 19/06/2009  »

العم ابو داوود

هاي  القصة ضحكت هواية من كتبتهه اول مرة وهسة من قريتهه مرة ثانية بعد ضحكت اكثر
لتحرمنة من مشاركاتك الجميلة وياريت لو تكمل جميلك وتكتبلنه عن المنغصات اللي اكيد بيها فائدة للكل وخصوصا وانت ان شاء الله طاب على السنتين بالستيت حسب ما اتذكر...........الف شكر

154

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 22:10 15/06/2009  »

اخوية ماجلان مو جاوبت بموضوعك اني جوبوني ورة 5 دقايق بس ما ادري يجوز صدفة ههههههههههه

155

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 20:25 15/06/2009  »

احب ابارك للمنكوووووووس مرة لخ هنا وتستاهل ويوم الرجل الحديدي وماجلان هههههههههههههه الله فرجهة باسبوع سبحان الله يمعود ذاك الرجال الاحبة لو مسمينا محرومين من زمان كان فضت وارتاحينة

اخوية ابو جاسم انتبه على نقطة مهمة انهم يترجوك ولا يعطوك امر وهنالك فرق بين please و you must or you have
واني ختمت البرنامجين وحصلت سفر على اللجوء ورفضته لخاطر الاس اي في
فانت توكل على الله وقابل وصدكني واتذكرني الاس اي في اسرع بهواية حتى لو واصل محلف ولتنسة مزايا الاس اي في

156

الهجرة و واللاجئين / رد: ارجو المساعده الله يخليكم

« في: 15:25 15/06/2009  »

الاخت رجاء بيان نوع الفيزة ومن اي دولة رجاء ليتسنى لنا الاجابة

157

الهجرة و واللاجئين / رد: بعد سنة من الانتظار هذا رد IOM بغداد

« في: 15:21 15/06/2009  »

اخوية العزيز


انت بعدك كلشي مواصل لان بعد وراك رقم BGH وبعدين IZ وبعدين مقابلة اولى وثانية وفحص طبي وموافقة محلف واخيرا البلوة الكبرى الموافقة الامنية الي متعرف شوكت تخلص وقد تعبر السنة يعني كسر بجمع احسب من هسة من سنة الى سنتين

اني كنت نوعا ما محظوظ قدمت بشهر السادس2008 ووصلت للسفر ولغيتهه علمود الاس اي في والحمد لله حصلت الفيزة ذاك الخميس

يعني خصم الحجي اذا الله سهله عليك من اول خطوة الى الحصول على الفيزة متطول غير اربعة اشهر وما اريد احجيلك على مميزات الاس اي في لأن اكيد تعرفهه وتحياتي للاخ SHOW

158

الهجرة و واللاجئين / رد: جماعة الsiv جاوبوني الخاطر الله

« في: 10:10 15/06/2009  »

اخي العزيز

اني طولت عندي 5 قبل المقابلة و 3 بعد المقابلة
بس المعدل من 20يوم الى 8 اشهر

159

الهجرة و واللاجئين / رد: أمريكا والحياة الرائعه

« في: 21:08 14/06/2009  »

ها شنو اخوان اشو الموضوع انترس روابط

علعموم اليوم اخ  هلال نطاني معلومة جديدة طبعا من قريت الرابط حول قصة مراد ابو الناصرية اول مرة اكتشف انه تايتن تدفع تعويضات للجرحى واحنة كنا نوقع بدون منقرة لأن كلهه واكفة فوك راسك ووراك سرة يريد يوقع
المهم اليتعور بلعراق هاي حلوة مال يتعور الينصاب اصابة قوية ياخذوا يعالجوا بعمان بعيادة خاصة وبيهه سكن وينطو تعويض 112 الف دولار مقسمة على 13 سنة مع العلم انت محد جابرك تشتغل يعني لحد يكلي امريكا حررتنة واريد اساعد الشعب العراقي نعم نحن كنا نساعد الناس بس لم يكن سبب العمل هو مساعدة الناس لكنه كان شي بديهي بحكم العمل

السؤال اهنا اذا اني اشتغل وية الحكومة لو مواطن عادي وانفجرت علية عبوة وراحت رجلية الحكومة شراح تنطيني؟

اللي يعرف الاجابة يتفضل يكلنة

160

الهجرة و واللاجئين / رد: أمريكا والحياة الرائعه

« في: 11:39 14/06/2009  »

اخوية الحداد

لاضير من سماع تجارب الاخرين بالعكس هم يمتلكون الكثير من الشجاعة لقول الحقيقة بسلبياتها وايجابياتها بدلا من الانزواء والاختفاء

161

الهجرة و واللاجئين / رد: أمريكا والحياة الرائعه

« في: 16:53 13/06/2009  »

حداد شلونك

اني عجبتني هاي الصورة الدزيتلياه بالخضار من لابس نص ردان ووراك البط كانت حلوة(راصووووووووود)
اني هسة عندي لعبة ومن ارجع نسولف هههههههههههههههههههه

162

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 19:34 12/06/2009  »

الاخوة الاعزاء
الف شكر اخوية الرجل البلاية اسم ابوصورة المجكنمة وبالفعل يجوز اني ختمت الاس اي في ههههههه
الرجل الحديدي ان شاء الله تسهل وما بقة شي
البصير رحم الله والديك وانت اعتقد طولت لان على الست اشهر مو براحتك اتسافر
الاخ احمد مبروك على الموعد والله يبعدك عن كل تاجيل
كلام الاخ الشبح صحيح مية بالمية واني ذكرت بردي بعد المقابلة انه كدامهم لستة وبيهه الاسماء وكدامهه كود واعتقد اذا مماشر عليك ياجلوك


بالمناسبة البارحة كان اخوية SIV2007 صاعد وياية بالكوستر مال السفارة وكان بيناتنه شبر بس اني ما ادري ولا هو  وعلكولته ان شاء الله نلتقي بامريكا


ان شاء الله تفرج على المنكوووووووووووووس وماجلان وهمر وجون85 والرجل الحديدي واي احد ناسيه
شوفوا العدد بدة يتقلص ما شاء الله وان شاء الله هلسبوع يصفر

163

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 06:09 12/06/2009  »

طبعا اخوتي اني اشكركم على مشاعركم الجياشة واشكر كلمن ارسلي يبارك على الخاص
واحب اكل لجماعة التاجيل انه مبقى شي و3 من عدنة استلموا بيوم واحد يعني الشغلة ان شاء الله هم رح اتصير ساكية

اخي الكابوي لكل شخص مقدم على الفيزة وقت محدد لاصدار الفيزة وهو شهرين من انتهاء الاجرائات الادارية يعني اذا لسبب من الاسباب منطوك الفيزة ومرت شهرين لازم تنعاد الاجرائات الادارية وانتوا بعد تعرفون شنو الاجرائات الادارية
اللي صار وياية انه اجرائات ابني واجرائاتي خلصت وبقت بس اجرائات زوجتي والوقت كام يداهمنة لان الشهرين بقالهه بس عشر ايام بس الحمد الله فضت على خير
لذلك اني اريدكم تنتبهون لهاي النقطة وتذكروهم لان عليهم لود ومرات هواية يغلطون وخصوصا جماعة التاجيل اللي تعبر الشهرين والجماعة اللي تروح اوراقهم للسفارة ويتاخر موعد مقابلتهم...........

164

الهجرة و واللاجئين / رد: بعد انتظار 18 شهرا للــSIV ***اليوم تبدأ رحلتي للهجرة دربي قد استوى***

« في: 05:55 12/06/2009  »

الف مبروك وهاي صدك مفاجئة حلوة لعد يابة متكول اكيد البارحة شفتني اني كنت لابس اخضر واول واحد كاعد بالكوستر واول واحد طبيت ورة البنية والطفل ها واطول واحد ههههههههههههه

165

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 20:49 11/06/2009  »

اخوتي احبتي اصدقائي

اليوم اخوكم سبع صنايع استلم الفيز بعد 95 يوم من الانتظار
الفيزة مالتي 6 اشهر صادرة بتاريخ 20-5  وما اعرف ليش منطونياهة بوكتهه اكيد غلطة اخرى من اغلاطهم
طبعا الموضوع بيه الكثير من التجاذبات والايميلات بس خصم الحجي انه اني قابلت بتاريخ 8-3 واجاني تاجيل ابو الست اشهر وبعد 70 يوم دزيتلهم ايميل كتلهم انه ميصير هيجي وانتو كلتو شكم يوم جاوبوني انه فيزتك وفيزة ابنك جاهزة للاصدار من تاريخ 20-4 بس احنة ننتظر تنتهي اجرائات زوجتك الادارية حتى يطلعن سوة
ونامت الشغلة وهم ةدزيتله ايميل كتلهم يابة زين مو اكو شي اسمه النفاذية للسيكيورتي جيك جاوبوني وكالوا اي انت الاكسباير مالتك يوم 20-6  اذا متطلع فيزتك تروح مرت اللخ لامريكا ومنعرف شكد اتطول
كالوا فيزتك ست اشهر تكدلر تطلع مالتك ومال ابنك وزوجتك وراك وعندك وكت كتلهم اذا هيجي لعد ليش مطلعتوهة من 20-4 المهم يوم 18-5 كتلهم مال والغطة غطة وكلما ادز ايميل يكولون احنة اندزلك وبعدهة مجاهزة لحد مدزولي كالوا تعال الخميس والكاهن صادرات من تاريخ 20-5 طبعا كلشي محجيت لان بس اريد افلت اخوكم كالاسد طفرت من النافورة مال الرشيد و كعدت اول واحد بالكوستر وطبيت اول واحد للقنصلية بس كبلي بنية وابنهه وقدمت اول واحد اوراقي وطلعت العلاكة حسب توصيات الشبح طبعا شوية المكان متغير خالين تلفزيون وثلاجة بيهه مي وخالين ارقام واشارات على الشبابيك كول الوراية كام ينطوهم جوازاتهم واني ماكو طبوا وجبة لخ واني ماكو صاحني الاردني ابو اسد تعال كلي انت متاكد انت البرنسبل كتللي وعلي اني كلي اكعد
اني اول ما رجعت طبكت العلاكة وخليتهه بجيبي وكلت بصوت عالي يا علاكة ردي لمكانك المهم البصفي ضحكو كول ورة 10 دقايق صاحني واتعذر وانطاني الجوازات وانطاني ورقتين كلي اقراهن على حقوقك وواجباتك طلعت والو ابو احمد وللتخطيط وانكرة بعشرة وظل يندعي وهو اتذكر ابني ومتذكرني لان سوة وياة موقف بالفحص الطبي


خلاصة الكلام اني مخلصت من عدهم الا بغلطة جبيرة وهي يمكن البنيفت راح علية وعلى العموم اني ما اريد اقدم على المنظمة لان ربك مسهلهة والف الحمد الله والشكر بس كل ما في الامر يرتبولك خط الرحلة
لا اكثر ولا اقل

اني اخوكم وحاضر لاي سؤال واني احيي كل اخوتي جماعة التاجيل واكلهم اذا سبع صنايع حصل الفيزة فما بقة الا القليل للكل ودائما دزولهم ايميلات وذكروهم وهاي اني كدامكم فيزتي كاملة من 20-5 واليوم يللة استلمتهه

قبل لا انسى كنت اتمنى اليوم اشوف عراق جي اس ام ويجوز شفته بس ما عرفتة  واكلة الف مبروك
واني احب اشكر كل من ساندني بالدعاء طيلة الفترة السابقة واشكر الاخ الشبح عمود الزاوية على نقل الخبر واكول الف الحمد الله والشكر للي خلاني ارفض السفر على الللجوء واتمسك بالهجرة اللي اعتبرهه حق من حقوقنة

وفي النهاية احب اكل لاخوتي حجاية زغيرة من اخ خبرتة الحياة

اخواني الي دينتظرون واللي حصلو الفيزة ترة الفيزة مو نهاية المطاف الفيزة اول الطريق وبعد ورانة حصبة وجدري واني يالمني من اشوف عضو يتباهى بفيزتة لو هو هسة بامريكا وانت كاعد متاجل لو ابحر الظلمات
ويكلك اني بامريكا وانت بالعراق ليش هو بعد 5 سنين اكو واحد يبقى سولفلي انت اشسويت بامريكا واحجيلنا تجاربك الفاشلة والناجحة على حد سواء

الحجي هواية بس الادارة والاخ شبح اتكفلوا بالموضوع وكفوا ووفوا


اخوكم ابو اسد

166

الهجرة و واللاجئين / رد: شباب وصلكم شي لو بس اني

« في: 17:01 11/06/2009  »

اخي تغير الموعد من الظهر الى الصبح واجاك بالغلط

167

مواضيع بعد السفر / رد: ملاحظات مهمة جدا من اعظاء وصلوا لامريكا حديثا...موضوع للنقاش والاطلاع

« في: 19:53 09/06/2009  »

يمعود فنشينزو

هاي وين لكيت هذا الموضوع وشلون لميته
تدري هسة بديت اصدق انت حديقة ههههههههههههههه وعندك وقت

المهم بارك الله بيك وان شاء الله الاخوة يستفادون منه
تحياتي

168

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times(ثابت)

« في: 21:07 07/06/2009  »

اخوية ماجلان

والله هسة يللة قريت الرد مالتك والظاهر  التاجيل راح يصير القاعدة والقبول هو الاستثناء
وطبعا كلمات المواساة مرح اتقلل من قلقك وتفكيرك خاصة بالاسبوع الاول بس بعدين تصير عادي الشغلة........

اني باجر راح احتفل بالدخول بالشهر الرابع من الانتظار وبنجاح ساحق  
اني ورقتي ام الست اشهر مع العلم القنصل كللي ابد متحس جكة ابرة هههههههه

بالنسبة لأخونة عراق جي اس ام هاي عادية مال واحد يستفيد بس من تخلص شغلتة يفلت واني بصراحة من يصير مجال ما ادخل على المواضيع ادخل على الردود الخاصة مالتك ومالت همر ايرون مان ومنكووووووووووس واكو واحد جديد هم تاخرت فيزتة اسمة شقندح بس اختفى يمكن حصل الفيزة والله وفقة وبعد ميحتاجنة طبعا اس اي في الولد كال وهية شغلتة متاخرت هواية ها طبعا ما انسة الشيخ اس اي في 2007 وهسة ماجلان طبك على السرة

وبصراحة كلكم متواجدين اللهم الا همر اشوفة متصل بس ميسجل يمنة حضور يمكن ديتصفح بمواضيع السفر والاستفادة من تجارب الغير فيا ريت يدخل يطمنه

169

الهجرة و واللاجئين / رد: الان من دالاس

« في: 20:11 07/06/2009  »

حمد الله على السلامة وان شاء الله موفق
سولفنة انت وين بدالاس والكلايش المعروفة مال الايجار وغيرها

170

الهجرة و واللاجئين / رد: البطاقة الخضراء ( الكرين كارت) ودعابة العودة الى العراق

« في: 09:39 07/06/2009  »

اني اضم صوتي الى صوتك بموضوع عدم اخذ فرصة الغير وخاصة المهددين والمهجرين في برنامج اللجوء
من قبل ملفقين القصص وجماعة خل نلروح نتونس ثمان اشهر
ولكن اضع استثناء بسيط لجماعة الهجرة الخاصة فهم احرار بالعودة او البقاء او حتى لو يذبون الكرين كارد بالشط فبرنامجهم خاص لأنهم عملوا مع القوات الامريكية ومصيرهم مجهول بعد رحيل القوات........

171

الهجرة و واللاجئين / رد: سؤالالى ذوى الخبرة

« في: 13:08 04/06/2009  »

اخي العزيز

احسلك واسرعلك بالدي اج ال

وبالنسبة للفيزة فهي 3 شهور عدا البرنامج القديم 6 اشهر

172

الهجرة و واللاجئين / رد: أغرب أيميل في التاريخ... وصلني اليوم من IOM بغداد!!! الرجاء عدم الاستغراب!!!

« في: 22:04 03/06/2009  »

عليك بالاس اي في
وبست اشهر انت مسافر والكرين كارد بجيبك ولا محلف ولا مهدد ولا هم يحزنون وبالتوفيق

173

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 15:12 03/06/2009  »

اخوية الرجل الحديدي

هاردلك وان شاء الله تعدي هية مسالة وقت واستوقفتني هاي الجملة اللي كاتبهه بنهاية ردك
There is absolutely nothing to worry about it

وضحكت هواية لأن نفس الجملة اللي كاليلياها القنصل بيوم المقابلة  واخوك بعد اشكم يوم يطب بالشهر الرابع
يللة تصير سوالف

174

الهجرة و واللاجئين / رد: الازمة المالية وحمى الاسواق في امريكا واشياء اخرى

« في: 10:17 03/06/2009  »

عفية اوركي
وبارك الله بيك
 هسة غير يفضهه القنصل وينطيني الجواز حتى نشوف وجه الله

175

مواضيع بعد السفر / رد: كيف يتم استخراج وترجمة وتصديق الوثائق المدرسيه لعائلتك

« في: 07:22 03/06/2009  »

عاشت ايدك ابو نور
بالفعل ضروري الواحد يترجم حتى شهادة الاعدادية رغم اني مترجم مال الكلية بس كلشي يصير يجوز احتاجهه

اخوية فنشنزو تسلم على المخطط الحلو واني ارشحك تصير وزير التخطيط بالعراق الكلش جديد من نرجع نسوي انقلاب على العمايم بعد عشرين سنة هههههههههههههههههههههههه

176

الهجرة و واللاجئين / رد: الجنسية الأمريــكيـــه للمترجمين جماعة الــSIV (الموضوع باللغة الانكليزية)

« في: 09:19 02/06/2009  »

هاي شلون لمة اس اي في والشبح  وبعد فنشنزو

مشتاقيلك اخوية اس اي في ان شاء عدت الازمة وهسة القنصلية كام حتى ابو الفيزة المابيهه اشكال
يشمروة اسبوعين وفوك يللة يدزولة ايميل يعني احنة شغلتنة مكيسة

177

الهجرة و واللاجئين / رد: (الى الطيبين) في كاليفورنيا استغاثة من عمان

« في: 09:06 02/06/2009  »

خلص فضهه اخونة غسان
واللـــــــــــــــــــــــــــــــــــــه ميكطـــــــــــــع

178

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 08:59 02/06/2009  »

الف مبروك اخوية الشبح والله يسهل
اخوية ابوحسوني لتخاف اني هم كاعد واتمنالك الحياة السعيدة واتمنى واني متاكد انه انت عندك كل الشجاعة لذكر ابسط الاشياء حتى الغير مشجعة او السلبية واحنة منتظرين تواصلك ويانة
واعذر الاخوة واكيد انت لاحظت انه اكو دماء جديدة واعذر القدماء لأن السفر قرب وميتواجدون الا بالليل يعني عندك العصر بس اني دائما اتواجد الصبح

179

الهجرة و واللاجئين / رد: سؤال لأخوان الذين وصلوا أمريكا عن طريق أس أي في

« في: 15:51 31/05/2009  »

يابة ست لينا علكيفج

ترة يمكن غلطتي وطبيتي هنا شنو لغوة شنو فالكون
يابة الدردشة فوك
هنا بس شغلات الهجرة الخاصة
اتمنى تمسحين الرد كبل ميرجعون الولد ويلزوك بتنبيه المراقب

180

الهجرة و واللاجئين / رد: تحويل المعاملة من NVC الى U.S. EMBASSY

« في: 13:05 31/05/2009  »

اخوي الكابوي مبروك

اني بنفس اليوم ليش لأن كان ماكو عليهم لود وبسرعة ينطون موعد
والدليل هسة اللي يقابل يكلولة اوكي احنة اندزلك ايميل علمود تجي تستلم الجوازات وتدري قسم صارلهم اكثر من اسبوعين ينتظرون ايميل السفارة مع العلم هذولة شغلتهم اوكي والفيزة ريدي تو اشيو
يعني ما عدهم اي تاجيل
بينما كبل تستلم الجواز باول خميس فالشغلة عادية ولتخاف

181

الهجرة و واللاجئين / رد: سؤال لأخوان الذين وصلوا أمريكا عن طريق أس أي في

« في: 12:59 31/05/2009  »

اخوان لا ما اقبل تحجون على اخوتكم يعني قابل همة مصلحجية وكملت شغلتهم لو همة عطالة بطالة ويستحون يحجون لو حصلوا شغل ومغلسين يخافون من العين
المهم الله ميكطع
شغلة الكرين كارد اخذت اكبر من حجمهه انت من توصل بامطار يسئلك الموظف اتريد اندزلك الكرين كارد على العنوان اللي ماشرة بالفورمة يمكن230 لو 234 ما اتذكر تكله اي وخلص انتهت المعاملة وورة 15-30 يوم يوصلك
اني اعتقد الاخوة ميحجون بيه لان مفرق وياهم من اخذوه يعني محصلوا بية فد فائدة اوشغل يعني ابو الجواز ميشتغل ابو الكرين كارد يشغلوا يعني مو فد شي مهم وبالمناسبة الكرين كارد حسب مسمعت مو اخضر لونة بيجي او حليبي ممتاكد

182

الهجرة و واللاجئين / رد: اريد حلا

« في: 12:35 31/05/2009  »

استاذي العزيز

انت واصل مرحلة المحلف يعني تحسب 45 يوم وتجيك النتيجة والسفر بعدههة من 45 يوم الى 6 اشهر
كحد اقصى عدا الحالات النادرة الي تعبر الست اشهر
يعني شلون متحسبهه انت متلحك الا اذا غامرت وتندعي بلكت اتطول الامنية سنة وهاي حالات قليلة
زين انت متكدر تاجل ليش لان انت مرح يوافقون عليك الا اذا اثبتت انك مهدد زين شلون مهدد وشلون تريد اتاجل علمود ابنك ليش منو الاهم الدراسة لو حياة العائلة بكاملهه هاي اني ابينلك شلون همة يفكرون زين شنو الحل
1-اما تعوف شغلت اللجوء وتبلش بالهجرة ومن توصل لامريكا تسوي لم شمل بعد متحصل الكرين كارد وتكول ابني فوك ال21 وممشمول ابرنامج الهجرة

2-ان ابنك يقدم على اللجوء بشكل منفصل بالاعتماد على قضيتك واوتوماتيكيا الشغلة اتطول اكثر من سنة

3-او هاي الشغلة مرة سمعتهه من الاخ عكعك واني ممتاكد منهه انه اتدز ايميل تسوي لقضيتك هولد وتتوقف الاجرائات لحد مواصل انت ومن اتدز ايميل ثاني تكلهم بلشوا يبلشون وين موصلت

وبالحالتي  الاولى والثانية لازم اتسافر وتعوف ابنك واعتقد سنة اتطب منا وتطلع منا واذا كلش تخاف علية تكدر ترجع للعراق بعد متحصل الكرين كارد على برنامج الهجرة بس متبقى اكثر من 6 اشهر

والله يسهل امرك

183

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 10:24 31/05/2009  »

الاخوة الاعزاء
رجعت لأن الطريق مسدود وازدحام

المهم اخوية الرجل الحديدي احنة ينرادلة نتناقش بالخطط من هسة علمود لننصدم بواقع الحال
اخوية ارقى شاب
المنظمة متريد ابو الاس اي في يستفاد لذلك همة يلحون علية يختار الخيار الاول اللي هوة وية المنظمة علمود المهاجر يحصل اقل فائدة والفلوس تروح لناس همة برأيهم يستحقوهه اكثر مع العلم انت الك الحرية باختيار الخيار الثاني ورغم ذلك همة الهم تاثير على الحكومي اذا كالوا مقبل يشتغل
 اخوية الشبح

اذا تسجل على الحكومي راح ينطوك 470 دولار  بالشهر انت تدفع 150 للايجار ولنفرض الباقي 500 المنظمة اتدفعة شكد يبقالك 320 تدفع فرضا 120 للكهرباء والمي يبقى200 مصرف جيب هذا الحجي لمدة اربعة اشهر
هذا الحجي ميصرف للمنظمة ليش لأن انت اذا سجلت على المنظمة فماراح يدفعون ايجار اذا لكولك شعل وهمة بعد ما كايل يا الله لكولة شغل ميناسبة ورفضة يعني ميستحق مساعدات ويسببله مشاكل ويه الحكومي وما الك حق ترفض اول شغل يعني هو بالخيار الاول ميدفعولة اي فلس وبالثاني  يدفعولة 3200 دولار ليش لان ايجارة 950 همة يدفعولة 800 بالشهر والباقي علية من 470 دولار بالشهر وتضرب 800 في 4 اشهر تطلع 3200 دولار وهذا الحجي ميصرفلهم

اني احاول اجيب منة تفاصيل اكثر اذا حصلته اليوم

اخوية جاي جاي

الك الحرية تبطل شوكت متريد بس بعد ميدفعولك ايجار ويلزوك بتقرير من هذا مال ايام زمان للحكومي يكلولهم هذا ميريد يشتغل جاي يريد يسخت هههههههههه وتنلاص كل امورك

سيوفي حمد الله على السلامة مرة لخ وسؤالي هو بيش اجرت الشقة وشنو مواصفاتهه وتدفع شهر بشهرة زين والاثاث والمي والكهرباء والانترنيت والمنطقة شلونهه

184

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 07:45 31/05/2009  »

اخوان اني هسة رايح للكلية اشوف فلم الشهادة شنو صارلهه 6 اشهر وممطلعيلياهة وان شاء الله اجاوب على كل الاسئلة مالتكم
واخوية سيف الف حمد الله على السلامة والي عودة للموضوع لأن اني هم مراح اقدم على المساعدات منا وان شاء الله نسولف بعدين

185

الهجرة و واللاجئين / رد: ألأخوة المخضرمين أرجو الدخول للضرورة رجاءا" حارا"

« في: 21:29 30/05/2009  »

اخي الكريم الموافقة الامنية صلاحيتها شهرين فقط

186

الهجرة و واللاجئين / رد: نصائح وأرشادات للأخوة اللاجئين الى أمريكا

« في: 21:24 30/05/2009  »

الف شكر اخوية العزيز

الموضوع سبق ان نشره الشيخ ابو دجلة ولكن لاضير من الأعادة

187

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 20:36 30/05/2009  »

اليوم احجيلكم سالفة زغيرونة نقلهه اليه اليوم اخوية حداد السيوف

راح البارحة على السوشيال وكمل كلشي وخلال عشر ايام يستلم الرقم بعدين اخذ كفيله وراح للمنظمة الي اسمهه IRIS المهم يكول اول مطبينة كعدونة بغرفة وشغلونة فلم ساعتين على المكادية مال المنظمة وشلون همة اكثر الناس يحتاجون المساعدات طبعا كلهم امريكان
المهم اخونة الحداد وصلة الباص وافتهم الغرض من الفلم بعدين خيروة خيارين
الاول

1- ينطوة 400 كاش ويدفعون فلوس الايجار والماء والكهرباء الي هيه بحدود  1100 لمدة 8 اشهر عدا الفودستامب الي هوة بحدود 250 للنفر والميدكل لمدة 8 اشهر
ها شلون عرض حلو بـــــــــــــــــــــــــــــــــــــــــــــــــــــس دقيقة السالفة بيهه دالغة!!!!!!!!!!!
هنالك شرط واحد زغيرون للحصول على هذا العرض وهو ان توافق على اول عمل تعرضه المنظمة عليك
زين خوش حجي شكو بيهه اشتغل بس من تشتغل شراح يصير؟؟؟
راح تنكطع كل هاي السوالف الفوك عدا الفود ستامب والضمان الصحي لمدة 8 اشهر
هم زين اكعدلي اشكم شهر  علما يلكولي شغل والله كريم
لالالالالالالالالالاللالالالالالالالالالالالالالالالا ياحبيبي الشغل جاهز وبالفعل عرضوا على الحداد
يعني شوفوا الدهاء همه صحيح عرضوا يدفعولة ايجار 8 اشهر وراتب زين بس همه كلشي مدفعولة لحد الأن ولكولة شغل يعني كلشي مراح يدفعون      شلونكم بهاية

المهم الشغل شنو  حدقجي بالبلدية ماشي الشغل مو عيب بس الحداد بية ربو وميكدر على هاي الشغلة يعني رفض يعني اي مساعدات مراح اتشملة من المنظمة؟؟؟؟؟؟؟؟؟؟؟؟
كبل لا انسة الشغل جزئي من 10-12 دولار بالساعة مو كل الاسبوع  يعني بالشهر 1400

2-الحل الثاني امام الاخ الحداد هو الحصول على المساعدات الحكومية من ال DSS  واللي هية
الفود ستامب 8 اشهر بحدود 250 دولار للنفر
الميدكل 8 اشهر
الكاش اللي هو 470 دولار  تدفع 150 للايجار والباقي المنظمة مجبرة تدفعلك الباقي والكهرباء والمي من المتبقي من ال470

المنظمة طلبت من الحداد انه ميقدم على الحكومي ويقدم عليهم والسبب واضح لأن بالاول ميدفعون كلشي اذا يلكون شغل وميكدر يرفضة وهمة الريدي لكولة شغل بس مو على مرامة ورفضة
بس الثاني غصبا ما عليهم يدفعولة بقية الايجار ووصل الامر ان يهددوة انه يرفعون تقرير الى الدي اس اس ويكلولهم رفض الشغل علمود مينطوة المساعدات

الحداد استنتج انهم ميحبون جماعة الاس اي في وميحبون اي شي يجي من طرف الجيش لان الجيش يروح يحارب ويجيب لاجئين

اتصوروا كعد الصبح لكة ايميل من المنظمة يكولولة ها شكلت تشتغل لو لا
طبعا بالنسبة لزوجتة رح يدخلوهه دورة انكليزي والشغل الوحيد المتوفر الهه هو تنظيف فنادق

ارجو ان اكون نقلت الصورة لأخوتنة بشكل واضح واذا اكو خطا اكيد الاخ  الحداد يدخل يصلحلي واتمنى من خلال هيجي تجارب تخلون فد استتراتيجية وخطة من هسة وكلمن يكول اني شريد من امريكا
اني عندي هواية افكار بس تعبت وان شاء الله بغير مرة نسولف بيهه
وسلاــــــــــــــــــــــــــــــــــــــــــــــــــ مــــــــي للكل

188

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 19:38 30/05/2009  »

اشو ماكو احد
شنو طالعين

189

مواضيع الحياة العامة في بلاد المهجر (امريكا) / رد: اون لاين من ولاية فرجينيا

« في: 09:23 29/05/2009  »

الف مبروك اخوية والحمد الله على السلامة

والظاهر هاي الوجبة كلش نشطة لأن اخونة حداد السيوف هو وزوجتة سافر وياك بنفس الطيارة وهم رجعنة

190

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 07:44 29/05/2009  »

ها اخوان شفتوا حداد السيوف
البارحة واصل وراسا دبر طريقة وتواصل ويانة
وديجاوب ويتفاعل وما اريد احجي بعد

حمد الله على السلامة والبارحة دك علية رقم خاص هاي انت لو منو !!!!!!!!!

191

الهجرة و واللاجئين / رد: انتوني بالسفاره وتاجيل غير متوقع في مقابلة SIV

« في: 07:22 29/05/2009  »

اخوية ابو نور
والله خبر مو حلو
بس هيه كل ما بيهه تاجيل وليس رفض وينرادلهة صبر
ومشكور على نقل السلام بس كلي هو قابل ابغداد لو برة
وسلامنة لأنتوني

192

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 18:30 28/05/2009  »

اخوية اس اي في
كول خو ماكو شي واذا اتريد دزلي على الخاص يمكن اكدر اساعدك ترة احنة اخوة واي شي تحتاج بس كول

193

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 18:14 28/05/2009  »

مبروك لكل الاخوة الي استلموا الانشورنس

اخوكم حداد السيوف يخصكم بالسلام وصل البارحة لكينيكتك مدري شيسموهه
ويكول جنة والانترنيت وية الستلايت ما ادري شلون بس شوية غالية وباجر رح يلتقي بالمنظمة ووعدني يكشفنلة اسرار الكرين كارد الي محد من الوصلو يقبل يحجي بية دكول جواز هههههههه وراح ناكله
يمعودين بعد عشر سنين منو يتذكر فلان طلع كبل فلان بست اشهر فليش نظم على اخوانة شغلات هي اصلا مو سر والكل ان شاء الله رح يمر بيهه طبعا الكلام موجه للي وصلوا والتهوا بالطلايب وكشف عورات الاخرين على الملأ وجعلوا المنتدى ساحة لتصفية الحسابات

خوش نزلة مو...........

194

الهجرة و واللاجئين / رد: سؤال محتاج شخص متأكد من الرد ضروري

« في: 18:00 28/05/2009  »

اخوية سندباد

انت مبين عليك خوش ولد وعلى نياتك لأن لو كنت عكس ذلك كان دخلتنة من غير باب مثل البقية
تكول اخوان عذروني اني كنت مشغول ورجعت حاضر لأي مساعدة وبعدين تزحلكنة سؤالك بنص الموضوع

بس مال تكلي محدق 24 ساعة بالمنتدى ويومية صور وبالاسكندرية وتهاني وتبريكات وثم تختفي من توصل وهسة تريد مساعدة فشوية زحمة ولتستغرب تشوف هلكد قروا الموضوع ومحد جاوب لأن اليزرع يحصد والله يهدي الجميع

195

الهجرة و واللاجئين / رد: العاملين مع القوات البريطانيه

« في: 14:42 28/05/2009  »

اخ داني

هاي الاستمارة واعتقد انت مشمول

196

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 12:37 27/05/2009  »

الأخوة الأعزاء مشتاقين

سيف مبروك على السفر وان شاء الله راحة البال

ابو نور شكرا على السؤال ومبروك على التطورات بقضيتك ونعم الكفيل ولو هو مديكول بشكم يوم حصل الكرين كارد

ماجلان امبين من كلامك اجاك موعد مقابلة واذا توقعي صحيح الف مبروك واذا لا فالله يسمع من حلكي
ولتخاف ترة الشغلة صارت سريعة

الاخوة الاعزاء الشبح وفنشنزو واس اي في وكل الي يسال عني اني بخير واسال عليكم
الاخ ايوكا تدلل وهذا التحديث

مقابلة جنرال 7-2008
uscis بعدهه بشهر
nvc اكتملت الاوراق 30-9-2008
شهر 11 اجاني رقم IZ
19-2-2009 تحديد موعد مقابلة
8-3-2009 المقابلة وتم اعطائي ورقة ام الست اشهر مال الاجرائات الادارية وبعدهه مفاضة

اضافة بسيطة اتحددلي موعد سفر يوم 17-5-2009 على اللجوء وطلب تاجيل السفر لمدة شهر بلكي تفض وية القنصلية وتتدلل.........

197

الهجرة و واللاجئين / رد: مشكلتي بعد المقابلة

« في: 12:15 27/05/2009  »

اخوية العزيز

عندي صديق قابل قبلك بيومين وكالوله عدنة زخم هواية وبعده دينتظر ايميل ولحد اليوم ماكو شي
ولتنسه الربع بعدهم جدد على الشغلة وصار زخم بالمقابلات لان سهلوا الاجرائات الادارية يعني مو مثل كبل هسة اسبوعين ثلاثة ويجيك موعد مقابلة
فالصبر مطلوب...........

198

الهجرة و واللاجئين / رد: السكن

« في: 08:40 15/05/2009  »

ها ولك جراخ
سويتهه ورح تسافر كبلنة ههههههههههههههه
المهم انت تستاهل تروح ترتاح وفلوس وايجار مدفوع ومتشتغل بعد شتريد ههههههههههه

نصيحتي الك لتأجر لأن المؤجر يلزك حتى لو اخوك رح يكلك اني وين اروح وليش طلعتني من بيتي مو جنت مرتاح وكاعد هسة وين اروح ادفعلي مال سنة ايجار يلة اطلع هههههههههههه
ولتبيع لأن شتسوي بالفلوس وانت ماعندك مشروع تصرفهن وتكعد
ولتعوفة فارغ لأن الأمريكان يكعدون بيه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

199

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس.......SIV Times

« في: 08:22 15/05/2009  »

الاخوة الأعزاء

مشتاقين للكل بدون استثناء والف مبروك لكل اللي حصلوا فيزة سيوفي وشيخا وهاندي مان والرجل اللي مضيع عنوانه ابوصورة المجكنمة
وان شاء الله الباقي تتسهل عليهم وتصير سوالف
اني اخر اخباري انه تحددلي موعد سفر يوم 17-5
رح تتفاجئون مو وتكولون سبع صنايع جذب علينه ههههههههههههههههههه
المهم هواية ميعرفون انه اني مقدم على برنامج اللجوء صارلي 10 اشهر ومن اجاني موعد مقابلة ملغيت شغلت اللجوء وكنت محق مية بالمية لأن القنصل منطاني الفيزة
المهم اني كنت بصراع بالأيام الماضية واتخذت قرار انه ماسافر وادفع السفرة فد شهر لأن اكو بوادر انفراج ازمة وية السفارة لأن دزيتلهم رسالة تهديد وهمة خافوا مني ههههههههههه وكلولي السبب الرئيسي لتأجيلي وهو انه لكل سيكيورتي جيك تاريخ اكسباير واني حظي الاكسباير خلص بيوم قبل المقابلة لذلك لازم يسووه من جديد وهية مسألة وقت
المهم دزيت ايميل للاي او ام وارفقتلهم ايميل السفارة وكتلهم يابة الجوازات يم القنصل واتفهموا الموضوع واجلوا سفرتي شهر.......

اني اعرف السفر فرصة ولو احجي هذا الحجي يم جماعة اللي ينتظرون مقابلات امنية لو المحلف ممتخذ قرار صارلة سنة كان كالوا ينطي الجوز للماعندة سنون
بس اخوان اني مقتنع انهوا احنة شغلتنة تختلف وبرنامجنا ما بيه حسنة من محلف او تلفيق قصص
احنة اشتغلنة وخاطرنة وضحينة علمود نحصل برنامج بية خير واعتقد الأس اي في احسن من اللجوء مو لو مومو

بالمناسبة جماعة اللجوء اتصلوا بكفيلي اللي هو خالي قبل شهرين وبجالهم حسب الأتفاق وراح يكعدوني بمنطقة اسمهة فورت وورث بدالاس تكساس

تحياتي للكل ابونور والشبح وفينشنزو وكل اللي يسأل علية واتمنى تفض لجماعة الورقة الكشرة

200

الهجرة و واللاجئين / رد: بفضل الله عز و جل ...... و تكاتفكم اخوتي و اخواتي ...... قابلت و انقبلت

« في: 08:24 01/05/2009  »

الف مبروك شبوح
ولو سويتهه مفاجئة بس احسن شي سويته واكيد هاي كانت نصيحة ابو نور الوردة لأن العلس صاير على فلس
المهم اني دخولي قليل واعذرني متأخر بس اول مشفت الموضوع دخلتله
اني بعدني انتظر وكلشي بالقسمة سلامي الى كل الأخوة

201

الهجرة و واللاجئين / رد: برامج المساعدات الموجوده في مدينه هيوستن والمنظمات

« في: 08:18 01/05/2009  »

مشكور فالكون الورد وفينجنزو شلونك مشتاقين

202

الهجرة و واللاجئين / رد: الانترنت والحساب البنكي

« في: 08:10 01/05/2009  »

الف شكر فالكون
وحمد الله على السلامة
وعفية عليك اسلوب بسيط والفائدة موجودة
لاتحرمنة من طلتك
وان شاء الله فد يوم افتح المسنجر ونسولف

203

مواضيع الحياة العامة في بلاد المهجر (امريكا) / رد: جماعة تكساس .. لوبي هيوستن

« في: 09:19 19/04/2009  »

بارك الله بيك اخوية والله يسهل امرك

204

الهجرة و واللاجئين / رد: تحديد موعد السفر يوم 28-4

« في: 13:49 18/04/2009  »

الف مبروك وتستاهل وان شاء الله الحياة السعيدة وراحة البال

205

مواضيع الحياة العامة في بلاد المهجر (امريكا) / رد: جماعة تكساس .. لوبي هيوستن

« في: 13:46 18/04/2009  »

الأخوة الأعزاء واخص بالذكر اخوية ابو نور

السلام عليكم
اني بهلفترة دخولي جدا قليل للمنتدى لأن مشغول بألأضافة ما عندي شي جديد والي يحتاج شغلة او سؤال ديدزلي علخاص لو اوف لاين واجاوبة
بالنسبة للموضوع والله ما اعرف شكول كلكم اخوة واعزاز علية بس رأيي انه العائلة تأتي اولا صحيح احنة هم عائلة بس الوقت الزائد يكرس للعائلة وفد ربع ساعة يومية اعتقد كافي للمنتدى لأن اخوان كل واحد وظرفة والله مع العاذرين

لذلك تشوفون ناس يختفون واكيد الهم عذرهم وهذا ميمنع انه اكو قسم منتفعين ومصلحجية ومن تخلص شغلته يكلك الله وياك عبوسي
لذلك اكدر اصنف العراقيين الي وصلوا لأمريكا الى عدة اقسام

1-المصلحجي الي بعد تحلم تشوفة
2-الي ما عندة انترنت
3-الخجلان يحجي وضعة الصعب بأمريكا بعد ما كان ينتظر ويخطط ويناقش بالمنتدى
4-اليشتغل وما عندة وكت وما عندة جديد لأن كلشي انكال
5- العطال بطال وعندة انترنت تلكاة محدق بالمنتدى وحتى من ام واحد تموت يطب ويبارك وحتى  بغير منتديات بعين كاوه يكتب

ابو نور اني مفتهمت منو تقصد بس لا الي بالي يمعود ممعقولة ومشكور على الرابط

206

الهجرة و واللاجئين / رد: امريكا هل هي لجوء للفقراء او اهجره وستثمار للعراقيين الاغنياء

« في: 10:28 17/04/2009  »

الاخ هلال ضاج من كلمة الطاغية لأن اكيد رح جماعة  يتنحسون من هلكلمة وجماعة رح تعجبهم حسب الميول الشخصية
المهم

اللجوء ليس للفقير او للغني بل للمهدد وللبرامج الخاصة يعني الي اشتغل وية الامريكان وكلمن عندة عقل براسة ويوزن الامور فاكو الي ياخذهه سياحة واكو الي عندة ارادة ويكدر يكمل
اما الي ما عندة فلوس ولا كرايب ولا شهادة ولا لغة فأحسنلة يبقة وين ما كان الا في حالة انه متفرق بعد عندة وما بقالة شي يبقة علمودة

207

الهجرة و واللاجئين / رد: المقابلة

« في: 10:10 17/04/2009  »

الف مبروك جراخ السيوف
وان شاء الله السفر القريب
ههههههههههههههههههههههه
ورح تعزل نيويورك من هسه

208

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات............. SIV Times

« في: 11:01 15/04/2009  »

اخ SIV

الف مبروك على الأخبار الحلوة وان شاء الله تتسهل على الكل
وعندي شكم استفسار  راح ادزلك على الخاص
وواضح من جواب الأخ همر انه ايضا يمر بنفس الحالة ان شاء الله تفرج علية
وسلام لكل الأخوة ومشتاقين وشنو اخبار فالكون اشو طولت الغيبة

209

الهجرة و واللاجئين / رد: تفاصيل فورم ING221 لجماعة SIV

« في: 07:10 11/04/2009  »

اخوية العزيز
الف مبروك وان شاء الله خميس الجاي تروح تستلم الفيزا
بس حبيت ابين نقطة حول هذه الفورمة

كل اللي كلته صحيح بس شوية تفاصيل تختلف اني ماشريلي على 3 حقول الثالث يكول لازم تنتظر من 2-6 يلة تتصل بينة
والسابع اللي ممأشرين علية انه اوراقك تروح الى uscis
بس اني اوراقي حاليا هناك

اما سبب الرفض فلا يوجد اي سبب واوراقي كاملة وبدون نقص يعني بأختصار هاي الفورمة متغيرة ومو ثابتة وكلمن حسب حالته

210

مواضيع قبل السفر / رد: ارشيف لمعاملات ال SIV و اخر الاخبار و نماذج للمقابلات............. SIV Times

« في: 14:06 07/04/2009  »

الأخوة الأعزاء

مشتاقين
اخ همر شكرا على السؤال واني مشغول بأعمال خاصة ما الهه علاقة بالسفر لذلك قليل ادخل للمنتدى وخاصة اذا ما عندي شي جديد اضيفه الكم بالاضافة الى حزني على بعض الأصدقاء من خارج المنتدى الي رجعوا بسرعة غير متوقعة للعراق ولحد يسألني ليش وشلون كلمن وظرفة ومجرد سوء حظ للعراقيين ان تجيهم مثل هاي الفرصة الي يحلم بيهه كل شخص بالعالم بهذا التوقيت السئ

بالنسبة لأخر تطورات قضيتي فاني كدرت احصل ايميل محامي امريكي ودزيتلة رقم القضية وشكم شغلة وبعد الاتصال بالسفارة تبين ان اوراقي رجعت لامريكا الى ال USCIS وانطاني رقم وحجيت وياهم وكالوا شغلتك تطول من 6 اشهر الى ربما سنوات

اني حاليا تقريبا نسيت الشغلة وشوكت متصير خل تصير بلكت الوضع  يستعدل بأمريكا
 سلامي الى كل الأخوة والأخوات
واني اكيد بين فترة وفترة ادخل للمنتدى واذا صار شي جديد اكيد انتو اول ناس تعرفون

211

الهجرة و واللاجئين / رد: 16 شهر من الانتظار لـSIV البرنامج القديم والنتيجه.......الحمد لله!! 2\4\2009

« في: 07:55 03/04/2009  »

الف مبروك اخوية
وتستاهل على كد الانتظار والتعب
والفحص الطبي والمقابلة سهلة و99% فيزا مضمونة ان شاء الله
واني حاضر لأي سؤال

212

الهجرة و واللاجئين / رد: عـــــــــــــاجل..للمشتغلين مع البريطانيين فقط...الدخول فورا

« في: 08:02 02/04/2009  »

اخ فينشينزو

هاي حلوه مال تصريح خطير
ليش هو اني بقيت جنسية مشتغلت وياهه
واعتقد ماكو احد طلع بالبرنامج لأن مثل مكتلك الشغلة كلش بطيئة يعني اتخيل سنتين حتى بس تحصل مقابلة
وبالنسبة للعائد المادي فمثل ما كال اخونة اس اي في انه يدفعون راتب شهر لكل شهرين عمل بالأضافة الى 10% المبلغ الكلي عن كل شخص بالعائلة مقدم وياك يعني الزوجة والابناء تحت 21 سنة والام والأب والجد والجدة بشرط ان لا يقل عمر كل منهم عن 65 سنة وهذا ايميلهم يمكن يفيدكم
IraqLEStaffSchemeBaghdad@fco.gov.uk

213

الهجرة و واللاجئين / رد: المدة بين الحصول على الفيزا الخاصة SIV و السفر للي مقدمين على البنفتس

« في: 07:38 02/04/2009  »

اخي العزيز
وبدون مقدمات ولا لف ودوران مو اقل من 65 يوم ومبروك على الفيزة وتدلل

214

الهجرة و واللاجئين / رد: عـــــــــــــاجل..للمشتغلين مع البريطانيين فقط...الدخول فورا

« في: 17:10 01/04/2009  »

الهجرة الى بريطانيا جدا صعبة
وما اتذكر واحد بالمنتدى طلع على هذا البرنامج وحتى الأعضاء من بريطانيا جدا قليلين
والسبب هو الصعوبات والكلاوات والحجج الي يخلوهه البريطانيين حتى يصعبون الشغلة
بالنسبة اليه اني اشتغلت وياهم اكثر من سنتين اخذت التعويض المادي وسكتت احسن من لغوة الانتظار
وشكرا على الموضوع

215

الهجرة و واللاجئين / رد: شباب SIV نور وفالكون وسيف وشبح بغداد وسبع صنايع وعكعك والباقين سوال/ اخوكم

« في: 16:24 01/04/2009  »

اخ ثعلوب
ما اعرف انت حصلت كيس نمبر لو لا
اذا حصلت فاوراقك تحت بند المراجعة الأدارية وتكدر تجيك قضيتك بسهولة بالاتصال
اما اذا انت ما عندك كيس نمبر فمعناهه قضيتك في مرحلة ترتيب الاوراق وتدقيقها قبل الدخول بمرحلة الأجرائات الأدارية ومع الاسف لاتستطيع ان تفعل اي شي في هذه المرحلة
وتدلل

216

الهجرة و واللاجئين / رد: اخواني IOM ..... مساعدة

« في: 19:31 31/03/2009  »

يكدر في حالة وحدة انه احد من اهلهه عمل مع الأمريكان فينفتحله كيس على بغداد خاص بيه وحده
بالأعتماد على الي اشتغل وية الأمريكان من اهله
وتدلل

217

الهجرة و واللاجئين / رد: مباشر من عمان بدئت رحلتي الى امريكا اليوم

« في: 17:38 30/03/2009  »

الله يسهلك وسفرة مريحة ومابيهه تعب
وان شاء الله رسالتك اللخ من امريكا

218

الهجرة و واللاجئين / رد: مرحبا

« في: 09:03 30/03/2009  »

اخوية زاك المشاركات مالتك خلتلك رصيد سنة ليكدام
فروح والهوة بظهرك ومعذور

219

الهجرة و واللاجئين / رد: ابشركم استلمت الفيزا على برنامج الـ SIV5000

« في: 07:38 29/03/2009  »

الف مبروك وشكرا على النصائح الثمينة

220

الهجرة و واللاجئين / رد: الحمد لله موافقه

« في: 08:15 27/03/2009  »

هسة اني اكدر ابارك بزود
لأن هلمرة العنوان واضح والمضمون مفهوم
والله عكعك اتذكر اول مسجلت انت بالمنتدى كنت تتشاقة وتنكت خوب مرة واحد نزل اسم يشبه اسمك كلبت الدنية علية
المهم احنة نحبك بكل الأحوال
وتستاهل كل الخير

221

الهجرة و واللاجئين / رد: بعد 9 اشهر انتظار حصلت موعد مقابلة SIV بغداد......يوم تقابلون ان شاء الله

« في: 08:00 27/03/2009  »

الف مبروك والله يحنن كلب القنصل عليك
ويسهل على كل الأخوة المحمظين بالان في سي

222

الهجرة و واللاجئين / رد: سؤال

« في: 17:22 26/03/2009  »

يابة هنة كل اللي عند 13 الف ودايخ بيهن
لعد لو عندك عشر دفاتر جان اسويت
انت وزوجتك يحقلكم تشيلون 19998$
ماشي وامسح الصورة دتخوف الأعضاء
ههههههههههههههه

223

الهجرة و واللاجئين / رد: تجربة الاولاد في امريكا...القسم الاول

« في: 11:45 26/03/2009  »

اني دائما اكول فعل الخير وحب المساعدة فد شي موروث وبالدم فتلكة الطيب شكد يحلف ويكول بعد ما اساعد احد هم تلكاه لا اراديا يرجع ويساعد لأن مـــــــو بيدة
اما الخبيث فيامكثرهم وخلوهه سكتــــــــــــــــــــــــــــــــــــة
مشتاقين استاذنا

224

الهجرة و واللاجئين / رد: فيزة

« في: 11:17 26/03/2009  »

حبيبي تدفع الف دولار على النفر
لأن انت خلصت اجرائاتك الأدارية باسبوعين
هههههههههههههههههههههههههههههههههههههههههههههه

225

الهجرة و واللاجئين / رد: قدر الله وما شاء فعل

« في: 11:09 26/03/2009  »

اني لفتهمت العنوان ولا الكلمة الكاتبهه
بس مبين فد شي زين وشايف كل الخير

226

الهجرة و واللاجئين / رد: تضارب الفحص الطبي مع مقابلة المحلفين

« في: 07:26 25/03/2009  »

الاخ ابو ستيفن
عتبي عليك لأن انت مكلت يابة اجاني فحص طبي لو قريت مواضيع الأرشيف لأن انت من يخابروك يكلولك تكدر تجي فكنت تكدر تكول اسف عندي حالة وفاة مثلا لأنه ببساطة انت عندك علم مسبق بموعد المحلفين
وبما انه الفحص الطبي يوم فحص اول ويوم استراحة ويوم فحص ثاني يعني اكيد رح يتعارضون
طبعا المحلف اولى من الفحص الطبي فانت تتوكل وتروح ومن توصل هناك تكلهم يخابرون على العيادة وياجلون فحصك ليوم الأثنين وليش الأثنين لأن دائما الأثنين اكو بس وجبة وحدة وماكو لود عليهم بينما باقي الأيام وجبتين
او تكدر تخابر البنية سالي الي خابرتك وتكلهه اكدر اجي اثنين الجاي
والله يسهلك

227

الهجرة و واللاجئين / رد: مقابله الثانية

« في: 07:07 25/03/2009  »

اخوية ابو هدى دكول يا الله الوقت بين المقابلتين مو اقل من شهرين
هاي بالنسبة لبغداد اما غير بغداد فاكثر من مقابلتين وطريقتهم تختلف عن بغداد

228

الهجرة و واللاجئين / رد: محتاج مساعدتكم جماعة IOM بغداد عن المقابلة الاولى رجاءً\\ التحضيرات للذهاب

« في: 13:59 24/03/2009  »

والله اخوية العزيز
اني هم موكلش قوي بالشكر واضوج من اشوف هيجي مواضيع بس هذا امر واقع ومرات تخجل ولازم ترد
بس من اشوف احد محتاج مساعدة انطلق وهذا سبب انه ناس تللكاهه عندهه 2000 مشاركة وناس مية مع احتراماتي لهواة هذه المواضيع..............
وخلي اضحكك اني اليوم شفت احلى موضوع بخصوص الدعاء والشكر
احد الأخوان كاتب موضوع يندعي لعضو عزيز بالمنتدى ويطلب الدعاء لأن اخونة راح يسوي فحص طبي
يعني بلة هذا شحجي وياه ادري قابل هية مقابلة قنصل لو محلف يعني قابل شرح يصير بالفحص الطبي يعني قابل السرنجات تخلص ويأجلون سحب الدم لو الكهرباء تطفى وكاز ماكو بالمولدة ومراح ياخذون اشعة
والله الواحد ميعرف شيكول...............

229

الهجرة و واللاجئين / رد: محتاج مساعدتكم جماعة IOM بغداد عن المقابلة الاولى رجاءً\\ التحضيرات للذهاب

« في: 08:00 24/03/2009  »

الف مبروك اخوية العزيز
اني هم مثلك مقدم على البرنامجين
وراح اجاوبك على اسئلتك
1-بالنسبة للمقابلة الأولى فهي سهلة ومع موظف اردني او مصري بس مرات اجنبي بس مو امريكي والمستمسكات المطلوبة اكيد دزولكياهه بالايميل وهي شهادة الجنسية والجنسية والجواز وشهادات التخرج ودفتر الخدمة وهكذا والأفضل يكون مترجمة بس مــــــــو شرط
2-بالنسبة للسيارة فاكو كراج انت فرضا نازل من جسر الجمهورية بأتجاه كرادة مريم تعبر الترفك رح تلاكيك سيطرة وميدخل بس جماعة الباجات انت متلزم سرة بيهه تدخل بالرونك سايد راح تشوف فرع على ايدك اليسرة تمشي بيه عشرين متر رح تلاكي كراج على ايدك اليسرة
طبعا اكو غيرة بس هذا اقرب واحد ومن الأفضل انه تترك التليفون بالسيارة واذا تريد اتدخله تكدر بس بعد متطلع الباتري ومن توصل للكابينات مال المقابلة اكو ولد عراقيين تسلم التليفون وتاخذ كارد من عندهم
3-مكان الدخول هو من الباب الثالثة الخاصة بالدوائر العراقية يعني مو مال المنطقة الخضراء ومن تدخل لازم تكون شايل بيدك هويتين يعني شهادة جنسية وجنسية لكل شخص وياك ايضا والباب الثالثة صايرة كبال مركزشرطة الصالحية طبعا من تدخل رح تمشي وتعبر اكثر من سيطرة ورح يفتشوك اكثر من مرة الى ان توصل الى باب قصر المؤتمرات ورح تدخل وتمشي بنص الحديقة طبعا بالباب تكل للحرس الي همه يحجون اسباني بس يطكطكون انكليزي انه انت عندك مقابلة مال اي او ام وكلما تمشي وتلكاهم تكلهم نفس الشي الى ان توصل الى الكرفانات مال المقابلات الي صايرة بظهر الكراج

4- اول متدخل تروح تدور على المصري الي شايل ورقة علمود تكله اني وصلت علمود يسحب فايلك وتلزم سرة ولتغلط مثل غلطتي اجيت وكعدت كبل ولا شريف كلي لازم تسوي هيجي عبالك تكول راح اخذ مكانهم بالسفر وبعدين اجوي جماعة وراية بنص ساعة سجلوا اسمائهم وسألت الي بصفي يابة ليش مكتلي لازم نسجل اسمائنة اول مندخل طبعا كام يمتمت وريحة الجذب تعط من حلكة وطبعا مو كل البشر سوه اكو الي يحب يساعد واكو الي يغلس  تكول عبالك راح اخذ فرصتة بالسفر

المهم بخصوص المقابلة فالحديث طويل لكن باختصار راح يطكولكم صور واحتمال ياخذون بصمات لأن اني اخذوا بصماتي بالمقابلة الثانية ورح يسألوكم اسئلة كثيرة واهم شي شنو سبب مغادرتك العراق وهل انت مهدد بالوقت الحالي وطبعا تكدر تراجع المواضيع المثبتة
5-اخيرا بالنسبة للطلعة فلا تخاف المنطقة مؤمنة بالكامل وهم عمليا ينتهي دوامهم ب4 ونص يعني الدنية ضاوية ومعظم العالم بالمقابلة الأولى ميعبرون الساعة 3

اتمنالك الموفقية وبلكت هلمرة تكعد وياك واني حاضر لأي سؤال

230

الهجرة و واللاجئين / رد: اخواني الاحبه قابلت على برنامج SIV والحمد لله حصلت على التاشيره وهذه التفاصيل

« في: 07:00 24/03/2009  »

اخوية الغالي ابو نور

الف مبروك رغم انه احنة سولفنة بالتليفون واعرف كل التفاصيل بس انت تستاهل كل خير وان شاء الله السفر القريب وراحة البال
واتمنى يتحدد موعد  لجميع الأخوة ويحصلون فيزا واشكر اخوية فالكون على وكفتة الطيبة وياك

231

الهجرة و واللاجئين / رد: اخواني واخواتي احبائي ابن الرافدين يعود اليكم

« في: 19:00 23/03/2009  »

الف مبروك اخي العزيز وكان ماكو داعي للتشاؤم بس يلة درس وتعلمته
وبالنسبة للاستوديو اخ فينشيزو فهو حسب مشفنة بالأفلام صالة كبيرة ومابيهه غرف ولاحيطان بس انت تكدر ترتبهه ومرات بيهه درج خشب داخلي يصعدك الى فد مكان مثل الطبكة بالمحلات بس اوسع وغالبا تصير غرفة النوم فوك ومرات المصعد يكون كبل على باب البيت يعني تفتح المصعد كبل على البيت بس طبعا اي واحد ميكدر يدخلك الا اذا انت فتحتله

232

الهجرة و واللاجئين / رد: ال Siv وهوستهة اي سؤال عندك اتفضل و انشاء الله اكدر اجاوبك

« في: 18:42 23/03/2009  »

اخوية محمد
اهلا وسهلا بيك بالمنتدى
وموضوع الاس اي في هنالك اساتذة في المنتدى وحتى اخذوا دكتوراه بالشغلة
بس تبقة شغلات تستجد وتحير الواحد ومحد لكالهه حل مثل الاجرائات الأدارية بعد المقابلة والقانون
INA Section 212 g
فاذا عندك علم بهلشغلة تكدر تفيد اخوتك

233

الهجرة و واللاجئين / رد: مقابلتي

« في: 07:32 23/03/2009  »

هههههههههههههههههههههههههههههههههههههههههههههه
هنوبة حداد السيوف
ابو ........... والله دوختنة منين تجيب هلأسماء
المهم اني كلتلهم للولد بموضوع الشبح عليك بس مكلتلهم على اسمك اخاف من العلــــــــــــــــس
هههههههههههههههه
طبعا اني والأخ الحداد اشتغلنة بنفس المكتب تقريبا اربع سنين بس اني تركت العمل قبل المقابلة بيوم على اساس انه ثاني يوم رح اوقع تعهد ابطل لأن اني مقدم على البنيفت بس القنصل ضربنه بوري وكرك على الجوازات
المهم اخوية جراخ السيوف تدلل والف مبروك بس اكلك انت شراح تسوي بأمريكا وشراح تشتغل ههههههههههه 
اتشاقه وياك........وان شاء الله يوم الموعد لجميع الأخوة وخاصة الي حمضوا بالأن في سي............

234

الهجرة و واللاجئين / رد: أبارك للاخ العزيز نور2 حصوله على موعد استلام الفيزا

« في: 13:56 22/03/2009  »

والله اخ فالكون انت سبقتني بالموضوع وان شاء الله ماكو فرق
ولأخونه ابو نور نكله الف مبروك وان شاء الله الحياة السعيدة وراحة البال واني اشكر الأخ فالكون الي وقف وياك بهاي المحنة وهية بالفعل محنة واحب اكل للاخوة ان فالكون اجة قبل اشكم يوم من المقابلة وبقة يمة لحد يوم المقابلة مع العلم فالكون بمحافظة وابو نور بمحافظة وبيناتهم فوك ال500 كيلو متر
والله يديم المحبـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة

235

الهجرة و واللاجئين / رد: اررجو المساعدة جماعة SIV

« في: 08:59 21/03/2009  »

الأخت ساسي
هسة بينت الصورة الأخ نور2 سوة مثل ما اني سويت ومشت
والأخ SIV الله يفرجهه علية وعلييه محتاج يسوي مثلنة ومشت يعني انتي اتسوين مثلة وابوج الله يرحمه

الأخ نور يعني متحملت اله تكتب رد يمعود مو كلت رايح للسوك ههههههههههههههههه

236

مواضيع قبل السفر / رد: ارشيف لمعاملات ال SIV و اخر الاخبار ........................... SIV Times ...........

« في: 06:50 21/03/2009  »

الف مبروك اخوية العزيز

وان شاء الله يوم الفينشنزو والشبح وسيف و2007 والكل ان شاء الله واحنة عدنة صديق بالمنتدى طولت اجرائاته الأدارية 10 ايام فقط والله سهلهة علية والبارحة دزولة ايميل بالفحوصات وراح يتبعوة بموعد مقابلة وما اكدر اكتب اسمه الا اذا هو دخل لأن يمكن هوه يريد يبشركم او يمكن يخاف من الحســــــــــــــــــــــــــــــــــــــــــــــــــــــــــــد !!!!!!

وعندي استفسار احب كل الي عندة معلومة يجاوبني بالسرعة الممكنة
اكو بنية اسمهه ساسي فاتحة موضوع وعندهة استفسار هيه خارج العراق ومتكدر ترجع السؤال هو
اكو واحد بيكم سوة صورة قيد 57 من الجنسية وما اخذهه للسنك يعني كبل ترجمهه بنادر الرجاء الأجابة وبالسرعة القصوى مع الشكر

237

الهجرة و واللاجئين / رد: اررجو المساعدة جماعة SIV

« في: 06:38 21/03/2009  »

اخي العزيز فنشينزو

شكرا على تواضعك ومابيناتنة القاب ان شاء الله
اني بأول رد كلت اني سويت كلشي بيرفكت فأذا اكو احد سوه غير اللي سويته ومشت اموره فخل يتفضل يكول تسهيل امر للاخت ساسي واني هسة راح انقل استفسارك لموضوع الاخ شبح بغداد المثبت فوك واكيد رح الولد ميقصرون وياك وتلكين الجواب اليوم هناك ان شاء الله

238

الهجرة و واللاجئين / رد: اررجو المساعدة جماعة SIV

« في: 06:09 20/03/2009  »

اخت ساسي بس دقيقة صورة القيد تطلع من دائرة الجنسية وممكن تطلع بفلوس بس بعدين لازم تروح لدائرة جنسية السنك والورقة تكون مقسومة نصين نص عربي والنص الثاني انكليزي والترجمة بنفس الدائرة يعني لا يم نادر ولا غيرة اما بالنسبة للتصديقات فهي تصدق من الداخلية في ملجا زيونة والخارجية في مكتب التصديقات
اني ما اريد احبط معنوياتك بس هذا الشي اللازم يصير فأنت اذا تكدرين اتسوين كل هاي الشغلات بفلوس فأمورك ماشية

239

الهجرة و واللاجئين / رد: خلصت مقابله اولى

« في: 06:00 20/03/2009  »

الأخ ابوهدى
الف مبروك وهسة بديت بأول المشوار
اني عندي صديق قابل مقابلة اولى هوة وعائلته قبل 5 ايام خابروة بليلة المقابلة وكالوله يابة تجي باجر لو لا كلهم اخوان انطوني فنتك وين اجي كالو مو احنة دزينة ايميل بموعد مقابلة ومحد جاوبنه  كلهم يابة محد دزلي شي المهم دزوله ايميل بالليل وراح ومشت امورة سألهم على البرنامج الثاني كالولة احنة راح اندز تعميم اجباري لكل اللي مقدم على البرنامجين حتى يختارون واحد فقط

اما بالوقت الحالي فأذا محد كلك شي فأنت بدون نقاش تبقى على البرنامجين وانطيك ابسط مثال شغلتي اني مخلص مقابلات ومحلفين وفحوصات طبية مال الأي او ام واجاني موعد مقابلة اس اي في طبعا كل اصدقائي كالوا يابة دزلهم ايميل واغلق القضية لأن الفيزا صارت بالجيب كتلهم يابة دخل نشوف شنو الفلم وبالفعل الفلم كان مأساوي وتراجيدي والقنصل خلة الجوازات يمة الى اشعار اخر و يجوز يتحددلي موعد سفر وية الأي او ام والقنصل بعدة مكرك على الجوازات

240

الهجرة و واللاجئين / رد: الي مترددين بالذهاب الى امريكا

« في: 05:44 20/03/2009  »

والله اني اكو اثنين دائما اتبع اخبارهم لأن يكولولك الحقيقة سعدتوم والذكي واليوم ماشاء الله كان جواب سعد بيه تفاؤل ان شاء الله الوضع احسن هسة

241

الهجرة و واللاجئين / رد: خبر جديد بدات في IOM بغداد مواعيد فحص طبي ومواعيد مقابلات

« في: 19:46 19/03/2009  »

الأخوة الأعزاء

الفحوصات نهائيا لم تتوقف وحاليا الفحوصات بعيادة بالمنطقة الخضراء مو الشفاء ولا ابن سينا
عيادة جديدة يومية 10 عوائل والفحص يومين
اليوم الأول فحص ايدز وطول ووزن ونظر وضغط واشعة صدر ويسووه اطباء بريطانيين
تستراح يوم وتجي اليوم الوراه يفحصوك اطباء عراقيين ويسألوك على امراضك المزمنة واذا عندك عمليات سابقة او تقارير طبية طبعا اكو نسوان مسويات عملية قيصرية والدكتور راح يكلهه اكدر اشوفهه وتكدر تكلة لا وتوصفلة طول الشق الجراحي
بالنسبة لأشعة النساء فيجب ان تكون مترتدي اي شي بلاستك او معدن او عظم عاج بصدرهه وطبعا هذا الشي صعب لذلك اكو بنية راح تخليهم يلبسون تي شيرت وماكو شي جواه علمود الأشعة تطلع واضحة وهذا الشي اجباري لذلك اللي متستنضف تلبس تي شيرت ملبوس تجيب واحد وياهها او اصلا متلبس شي جوه ملابسهه او ما اعرف تحسب حسابهه من هسة

242

الهجرة و واللاجئين / رد: مهم....الرجاء الدخول والقراءه للجميع

« في: 19:24 19/03/2009  »

اخوية فنشينزو

القصص حلوة ومعناها كبير وبقدر تعلق الأمر بيه فأحب اسردلكم سالفة وجبناها على التطور ومحاكاة العصر
اني كنت اعمل بوزارة امنية طبعا مترجم والأمريكان تعاقدوا وية شركة سوت برنامج يخليك تنقل المعلومات الامنية يين جميع الوزارات الأمنية ورئاسة الوزراء وجميع المحافظات اون لاين يعني بعد ماكو كتابنا وكتابكم المهم اني عندي خبرة بمجال الشبكات كول دربناهم طبعا الضباط من مقدم وفوك بأول يوم التدريب كالوا هذا البرنامج ميفيدنة ونبقة على الورقة والقلم المهم الأمريكان حسوا انهم زمايل وعقولهم متحجرة واكو قسم منهم رتبهم وهمية وميعرف يكتب اسمه لذلك راحو لدورات الضباط الجدد واستنكوا 20 ضابط شاب خريجين اختصاص حاسبات وفروعها طبعا من اجوا دربناهم ومطولنه وياهم لأن كانوا اذكياء وشباب بعدين الأمريكان سلموا العراقيين كلشي واول شي سووه الضباط القدماء انه عرقلوا عمل البرنامج الجديد لأن حسب ميكولون ماكو احسن من الورقة والقلم وانه الأمريكان زمايل ويريدون يبوكونة لذلك جابو هذا البرنامج الغير مفيد حتى يخمطونة طبعا الأنترنيت حاجة ضرورية الهم للتحدث بالشات والدخول الى المواقع الأباحية بس من توصل للتطور والفائدة يصيرون الأمريكان زمايل
وتخيلوا عدنة ضابط امريكي شغلته يومية من الصبح للعصر بس يفرمت حاسبات لأن الربع بالليل يملوهه فايروسات ويرجع ثاني يوم يفرمت نفس الحاسبات وابد ميضوج من شغله رغم ان هذا مو شغله لأن هو ضابط مو IT
ومشكور على الموضوع الحلو

243

الهجرة و واللاجئين / رد: ابشركم انطوني موعد دورة تثقيفية

« في: 18:37 19/03/2009  »

اخ نازكول

انت طيب والله ينطيك على كد نيتك
الــــــــــــــــــــــــــــــــــــــــــــــــــــــــــــــــــــــــــــــف مبـــــــــــــــــــــــــــــــــــــــــــــــــــــــــــرووووووووك

244

الهجرة و واللاجئين / رد: اررجو المساعدة جماعة SIV

« في: 18:25 19/03/2009  »

الأخوة الأعزاء

طبعا اجاباتكم شافية وكافية وكل الي كالوا صحيح رغم انه اكو اختلافات بالي اشتغلوا بمعاملاتهم بس بالمحصلة الأن في سي ماطول انطتهم الأوكي يعني اجرائهم صحيح
ومثل متشوفين برد الأخ العزيز عكعك اني اشتغلت معاملتي وكملت اوراقي قبل سنة حتى كبل ما احصل توقيع الجنرال لذلك سويت كلشي بشكل كامل وبدون اي نقص يعني مافوتت شغلة مكملته الي تحتاج تصديق داخلية او عدل او خارجية او معهد ترجمة او محكمة استئناف او ترجمة نادر كلهه سويتهه
طبعا انتي ظرفك يختلف
و انتي مشكلتك الوحيدة هي صورة القيد لأن لازم تحضرين بنفسك لذلك اقترح ان ترسلي من ينوبك الى دائرة الجنسية بالسنك وتستوضحين هل يجوز ان تعملي وكالة وتمشين معاملتك لأن هذا هو الحل الوحيد واني حاضر لأي استفسار

245

الهجرة و واللاجئين / رد: تفاصيل مقابله SIV وانا لله وانا اليه راجعون

« في: 06:42 19/03/2009  »

الأخ باسل
يعني هسة الواحد يكدر يكول مشاركتك مفيدة وتشكر عليهه
بالنسبة لعدم المحكومية فأعتقد للي باقي برة اكثر من 6 اشهر واني عندي سفره اسبوع اكشر يتيم رحنة للبحر باللاذقية ب2004 بس مو بجواز الجي
لذلك ما اعتقد السفر هو السبب لأن مثلا اخونة فالكون مسافر لأربع دول ومحد اعترض علية
بالنسبة لدفتر الخدمة فمحد طلبة مني بالبرنامج القديم واني ضاع مني قبل 10 سنين ومحتاجيتة لأن كنت طالب
اما بالنسبة للمقابلة الثانية يمعود ما بيه حيل لأن اسد راح يكلب السفارة عليهم مرة اللخ

واهلا بيك صديق جديد بالمنتدى

246

مواضيع قبل السفر / رد: ارشيف لمعاملات ال SIV و اخر الاخبار ........................... SIV Times ...........

« في: 17:57 18/03/2009  »

الف مبروك على التثبيت لهذا الموضوع الرائع

247

الهجرة و واللاجئين / رد: أكملت مقابلة الـ SIV5000 وتحدد موعد استلام الفيزا

« في: 13:01 18/03/2009  »

الف مبروك الأخ الرحال1

وان شاء الله السفر القريب
شبح بغداد مشكور على المشاعر الحلوة وان شاء الله يوم سفرك

248

الهجرة و واللاجئين / رد: تفاصيل مقابله SIV وانا لله وانا اليه راجعون

« في: 18:33 17/03/2009  »

اخوية فنشينزو

اني راح اجاوبك على اسئلتك

اول شي الأسكورت سهلة هو نفسة اللي يدخلك للفحص الطبي يدخلك بالوقت اللي تريدة بس تنطية اشكم فلس وعندي رقم تليفونة
بالنسبة للمحادثة بينك وبينهم فاكو مثل الحاكية بالجانبين تشبه اللي تنحط بالباب الخارجي بس من جوة يكدر يشغلهه ويطفيهه علمود متسمع كلشي
بالنسبة للخصوصية فماكو خصوصيه يعني الكل يباوع والكل يتسنط ولو يرادلهه سمع قوي بس اذا تركز تلكف هواية شغلات وخاصة اللي بالجهة مالتنة  وخصوصا اللي يكعدون بصف كابينة 7 ام الخبزة وتدلل

249

الهجرة و واللاجئين / رد: استفسار لخبراء الــ SIV

« في: 18:16 17/03/2009  »

اخوية العزيز
انت اذا جديد بالمنتدى فأبشرك اكو ناس عبرت السنة واني طولت 5 اشهر واكو ناس اقل الشهر واجزم انه الموضوع يعتمد على الحظ لا اكثر ولا اقل
وتستطيع ان تراجع الرشيف وراح تلكة هواية مواضيع تتكلم على هذا الموضوع

250

الهجرة و واللاجئين / رد: على الطريق إلى يوتاه!

« في: 14:48 17/03/2009  »

ما اعرف الموضوع شلون زرك هنا
الرجاء من الأخوة الأنتباه ان الموضوع اكسباير
ولا تعليق على الأخ الي وصل لأمريكا قبل شهر لأن الغايب عذره وياه

251

الهجرة و واللاجئين / رد: الغيت الموافقه الامنيه قبل السفر لكل افراد العائله الخمسه

« في: 07:51 17/03/2009  »

اؤيد الاخ ماجلان في ما قاله
وما استبعد يكون كلام الأخ صحيح بس طريقة طرح الموضوع  مريبة شوية وخاصة ان العضو جديد
والمنتدى تعرض لهواية مشاكل من الأعضاء الجدد الي يدخلون بردود ومواضيع مثيرة للجدل مع احتراماتي للطيبين منهم
اني اتذكر اول موضوع وحتى قبل ما ادخل بأي رد موضوعي اتثبت لمدة شهرين يعني الواحد لو يشارك بشغلة مفيدة لو يسكت احسن ويبقى متفرج وميدخل بأسم جديد يدعبله حجاية ويفلت
مو لو مو مو

252

الهجرة و واللاجئين / رد: تفاصيل مقابله SIV وانا لله وانا اليه راجعون

« في: 07:31 17/03/2009  »

يمكن اني اكثر واحد حاس بيك اخوية خاصة بالبداية بس بعدين عادي تصير ومجرد انتظار يشبه الأنتظار الأول بس اكلك الله يساعدك ويصبرك
قريت ردود هواية وراح اوضح اشكم شغله
بالنسبة للي صار ويه الأخ SIV فهو بالضبط اللي صار ويايه
بالنسبة لمواضيع الأخ عكعك فهي صحيحة ودقيقة مئة بالمئة لكن رح اوضح وين صار الأشكال
احنة انطونه 3 اوراق مكبوسة سوة مكتوب بيهه اسمك وتاريخ المقابلة والصفحة الأولى بيهه 7 فقرات كل فقرة كدامهه مربع احنة خلولنه علامة X على المربعات الثلاثة الأولى وكالولنة اتجاهلوا الأربعة الأخرى اللي مابيهه حرف X
المربع الاول يكول انت ما مستوفي شروط الحصول على الفيزا الفقرة الثانية يكول هاي الورقة اللي ناطيكياها اسمهه refusal sheet حسب ال INA Section 221 g ومن توفر المعلومات اللي نطلبهه منك تعال للسفارة والفقرة الثالثة تكول انه يجب ان يتم اعادة نظر بالقضية وهذا قد يستغرق من 2-6 شهر وراح اندزلك ايميل من نخلص
طبعا احنة لا طلبوا منه اوراق ولا كالوا عندك نقص ولا كالوا راح تاخذ الشغلة 6 اشهر بالعكس القنصل اعتذر بأدب وكال اوراقكم كاملة والشغلة مراح اطول فترة كبيرة وماكو داعي للقلق
نرجع لموضوع الأخ عكعك المربع السابع شيكول:يكول انه قضيتك سوف تعود الى USCIS لغرض التدقيق
يعني كلام الأخ عكعك نظريا جدا صحيح لكن عمليا احنة اوراقنة مراح تروح هناك لأن المربع السابع ماعليه علامة اكس ارجو ان تكون الصورة اوضح الأن

253

الهجرة و واللاجئين / رد: Administrative Review and/or Administrative Processing

« في: 06:21 17/03/2009  »

موضوعك هو حديث الساعة بالنسبة اليه اخ عكعك وبصراحة اسباب الاجرائات الأدارية كثيرة وتدوخ يعني الواحد ميكدر يحصر الأسباب وكل شي جائز
المهم الف شكر على الموضوع الرائع

254

الهجرة و واللاجئين / رد: 221g Administrative Processing

« في: 19:35 15/03/2009  »

الأخ عكعك الوردة

مشكور على الموضوع الحلو بس اني عندي سؤال واحد
اني انطوني هاي الورقة الي بيهه INA SECTION 221 g بعد مقابلة القنصل
والرابط يكول راح ترجع اوراقك للUSCIS
والقنصل يكول الأجرائات الأدارية يمنة مو بامريكا وما اعرف الشغلة اتدوخ والله

255

الهجرة و واللاجئين / رد: اخواني موضوع هام للجميع بخصوص مقابله ال SIV بخصوص مترجم يوجد خبر جديد من اخونا بانه يوجد مترجم

« في: 18:49 15/03/2009  »

الأخ سيف المحترم

اول شي اتقانك لللغة الانكليزية ليست معيار حصولك على الفيزة والدليل ما حصل معي واكو هواية ولا طكة وبربع ساعة خلصوا مقابلة ومشت امورهم
بالنسبة للمترجم فماكو مترجم واني بنفسي ساعدت عائلتين وحدة عندهة طفلة مريضة وتريد تحصل على فيزا للعلاج والعائلة الثانية لم شمل طبعا اني دا احجي على بغداد
وشكر للاخ ابو نور اللي دزلي رابط الموضوع

256

الهجرة و واللاجئين / رد: ماهو الLE schem ??????????

« في: 19:00 13/03/2009  »

اخواني الأعزاء
اني  راح اجاوب عن تجربة شخصية وليس سامع
اني عملت مع فريق بريطاني لمدة 26 شهر من 2005 الى نهاية 2007
البرنامج ينص على انك تستحق التعويض المادي او التوطين في بلد ثالث او التوطين في المملكة المتحدة.
شروط البرنامج انه تكون عملت مع القوات البريطانية لمدة لا تقل عن 12 شهر بين 2005 و2007 واكرر حصرأ بين هذه الفترة يعني ميصير قبل 2005 ولا بعد 2007 والسبب انه البريطانيين رادوا يصعبوها الى اصعب الحدود لأن بهاي الفترة انتشرت المليشيات بالبصرة ومعظم المترجمين بطلوا
طبعا اني قدمت بنهاية 2007 وحصلت رقم اسمه FCO والشغلة ماتت لأن البريطانيين نفسهم طويل تكول بعد ست اشهر تحركت الشغلة وكالولنة انتو تشتغلون وية البريطانيين بس رواتبكم من تايتن يعني انتو ممشمولين بالبرنامج وتكنسلت الشغلة وبنهاية 2008 اتصلوا بينة وكالوا يابة صارت تغييرات بالبرنامج وانتو انشملتوا بالبرنامج بس نحتاج سنتين وفوك حتى تتحرك شغلتكم والأستيطان راح يكون بأسكتلندة
اني بوكتهه كنت صارلي شهرين مقدم على الاس اي في و4 اشهر على الاي او ام
لذلك قررت اخذ الخيار المادي اللي هو راتب شهر لكل شهرين عمل اضافة الى 10%من المبلغ الكلي لكل شخص وياك بالقضية مع العلم المشمولين فقط الأبناء والزوجة والأبوين اذا كان عمرهم فوق 65 سنة
طبعا هذا الكلام صارلة اشهر يعني يجوز صار تغيير على البرنامج واذا تحب انطيك ايميلهم ابغداد اني حاضر

257

الهجرة و واللاجئين / رد: باركولي حددوا مقابلة مال فيزا البرنامج القديم لكن اني بمشكلة

« في: 06:51 13/03/2009  »

اخي العزيز

الف مبروك على المقابلة

وبالنسبة للباجات صحيح يكولون لازم تجيبهن بس بصراحة همة عندهم ورقة بيهة شغلات محددة يطلبوهه منك بالسرة وابد مطلبوا باج من احد واني اتحارشت بيهم وكتلهم اني جايب الباجات تريدوهن كالوا لا منحتاجهن

258

الهجرة و واللاجئين / رد: استلمت الفيزا SIV 5000

« في: 06:39 13/03/2009  »

الف مبروك علاوي
اني يجوز اكثر واحد منتظر هاي البشارة ومن رخصتك اكل للأخوة التفاصيل
اخ علي مشابه لقضيتي مقدم على سوريا على ال5000 وقابل يوم 22-2 والقنصل منطاه موعد فيزة وانطاة ورقة اسمهه OF-194 يكلوله بيهه اوراقك مو كاملة ويحتاجلهه مراجعة ادارية اضافية وبعد 18 يوم استلم الفيزة
طبعا نفس التفاصيل مرت وياية واني صارلي 5 ايام انتظر والله يسهل للجميع.

الف مبروك وتستاهل كل الخير

259

مواضيع قبل السفر / رد: ارشيف لمعاملات ال SIV و اخر الاخبار ........................... SIV Times ...........

« في: 06:44 12/03/2009  »

اخ SIV المحترم

بالنسبة للتفاصيل ماكو اي تفاصيل من تستلم الفيزا تسوي سكان وتدزهه الهم وراح يتصلون بالكفيل مالتك وراح يرتبولك موعد سفر ولتتوقعة قريب يعني شهرين وفوك

260

الهجرة و واللاجئين / رد: ارجو المساعده

« في: 06:04 12/03/2009  »

الأخ ابو هاجر المحترم

الأفضل الأتصال بالمكتب الأقليمي بمصر وهمه مسؤولين عن بغداد
اني عندي رقم البنية المسؤولة عن الفحص الطبي مال الاي او ام ما ادري يفيدك لو لا

261

الهجرة و واللاجئين / رد: quistion for closing my case in IOM

« في: 11:54 11/03/2009  »

اخوان الولد كال اني كيبوردي ميكتب عربي
زين انتوا شبيكم كلبتوا انكليزي
المهم اني عندي صديقي قدم على مصر وكمل قضيتة بالعراق بس هو مسافر بس امه واخوتة وهو بعدة ينتظر التجييك الأمني
بس الأضمن انه تخابر المركز الأقليمي بمصر وتستفسر

262

الهجرة و واللاجئين / رد: وصلت لامريكا قبل اكثر من شهر

« في: 02:33 10/03/2009  »

الحمد الله على السلامة وبالموفقية

263

مواضيع قبل السفر / رد: ارشيف لمعاملات ال SIV و اخر الاخبار ........................... SIV Times ...........

« في: 02:30 10/03/2009  »

فكرة حلوة ابو نور وموضوع متعوب عليه من قبل اخونه شبح بغداد
نأييدك عليهه

264

الهجرة و واللاجئين / رد: حصلت على فيزا الامريكا عن طريق ال SIV بس بدون ال Resettlement Benefits (واحتاج مساعده المقيمين

« في: 04:13 08/03/2009  »

اخوية فنشنزو

ادري انت واكف على حلك البنية دعوفها يمعود خطية بفرحتهه
الأخت ريتاه الف مبروك على الفيزا واتمنى متحتاجين مترجم بأمريكا لأن اكيد اكو فرق بين من يكلج امريكي الفيزة باجر مو بعد عشر ايام
مو لو مو مو

265

الهجرة و واللاجئين / رد: ضروري للجميع (فد يوم تحتاجوها!!!)

« في: 13:01 05/03/2009  »

بالله بلا زحمة عندك واحد تثبيت وصلحوا
عفيـــــــــــــــــــــــة

266

الهجرة و واللاجئين / رد: واخيرا تحددلي موعد مقابلة SIV

« في: 06:45 04/03/2009  »

الف مبروك اخوية وان شاء الله يوم لسيف ولجوني و2007 والكل

267

الهجرة و واللاجئين / رد: مقابله SIV السفاره الامريكيه ببغداد(تجربتي الشخصية)

« في: 06:35 04/03/2009  »

اخت ريتا الف مبروك وبارك الله بيك تكتبينه وتنقلين تجربتك بهذا الوقت المبكر
اني مقابلتي بعد ايام والله يسهلهه واكيد راح استفاد من اخطائك بس عندي سؤال
انتي منو دخلك وبيش الساعة دخلتوا وبعد اشكد قابلتي واكو اخذوا موعد ثاني يوم لأخذ الفيزا
والف مبروك

268

الهجرة و واللاجئين / رد: اليوم بالضبط (صارلي 4 اشهر منذ مغادرتي بغداد الى الولايات المتحده)

« في: 07:56 02/03/2009  »

اخوية زاك الله يساعدك وتسلم على الموضوع المفيد وهاي مو جديدة عليك
حبيت اسأل على شغلة تأمين الأسنان يعني كلشي يسوون لو بس من يوجعك سنك يعالجوك يعني اذا تريد تصلح سنونك وتحتاج شغلات يعتبروهه كمالية او تجميلية مثل سن لو جسر لو حشوة ضوئية يشتغلوها لو بس الحالأت الأضطرارية
مع الشكـــــــــــــــــــــر

269

مواضيع قبل السفر / رد: موسوعة الهجره (SIV ) واللجؤ (IOM) للعاملين مع الجهات الامريكية في العراق

« في: 05:45 01/03/2009  »

يمعمودين صارلي يومين ما اكدر ادخل على المنتدى شنو الفلم

270

الهجرة و واللاجئين / رد: تفاصيل اللحظات الاخيرة قبل السفر والمرحلة الاولى من السفر بالتفصيل الممل

« في: 05:43 01/03/2009  »

الله يساعدك ابو قمر يعني لو ملحك مسوي قصتك فلم قبل حوائز الأوسكار جان حصدت كل الجوائز
يللة خيرهه بغيرهه
المهم حمد الله على السلامة

271

الهجرة و واللاجئين / رد: مقابله SIV td السفاره الامريكيه ببغداد( الى اداره المنتدى نرجو نثبيت الموضوع لتعم الفائده)

« في: 19:23 27/02/2009  »

اخ ماجلان

شلونك مشتاقين

ان اعتقد انه المفروض انت متذكر انه انت باقي بهذه الدول اكثر من ستة اشهر بس تكول اني طلعت بس قلل بفترة الأقامة واكيد هاي السفرات كلهه مو بجواز جي ومن يسألوك على القديم كول ضاع
هاي الطريقة اسهل من تروح تطلع محكومية من ثلاث دول
المشكلة انت حتى اذا تريد تخابرهم اول حجاية راح يكولولك شكد رقم الكيس يللة بعدين تكدر تسأل
اني هاي فكرتي ورأيي والأعضاء احتمال افيدونة بغير افكار مع الشكر وبالنسبة لدون 15سنة الفحص الطبي 93$ بس بأبن البيطار اكثر بهواية


اخ SIV

اني ما اريدك تقلق بس موعد المقابلة يجي بي دي اف من 15 ورقة بيهه كل المعلومات عن كل شي واول سطرين بيهه اسمك ورقم الكيس وتأريخ المقابلة
بس ماطول همة كالولك راح اندزلك ايميل منفصل يعني ماكو غلط وعندهم علم والصبر طيب

272

الهجرة و واللاجئين / رد: ابو قمر وصل لبيته الجديد .. نقل مباشر من تكساس فورت وورث صوت وصورة

« في: 07:48 27/02/2009  »

ابوقمر
حمد الله على السلامة وتستاهل كل الخير

273

الهجرة و واللاجئين / رد: الحمد لله..طلعت من بحر الظلمات...خلص الغضب...انتهت ال administrative processing

« في: 07:38 27/02/2009  »

حبيبي اليوم لو باجر يجيك موعد والف مبروك

274

الهجرة و واللاجئين / رد: مقابله SIV td السفاره الامريكيه ببغداد( الى اداره المنتدى نرجو نثبيت الموضوع لتعم الفائده)

« في: 07:30 27/02/2009  »

الأخت العزيزة عراق

مثل ماكال اخوية فالكون بس للتوضيح انتي من راح يجيك موعد مقابلة راح تلكين تليفونين لأطباء بالشفاء تخابرين الأول وكوليلة اريد اسكورت راح ينطيج رقم شخص اسمه ..... تخابريه وتتفقين ويايه على يوم الفحص يسويلج اسكورت وكرمي زين وكوليلة اريدك ادخلني بيوم المقابلة ب7 ونص الصبح وشتأمر اني حاضرة وبما انه شغلتة بس الأسكورت راح يكيف وتكدرين ايضا تتفقين وياه على ثاني يوم لأستلام الفيزا ونسيت اكول انه اكو رقم ثالث لشخص مو دكتور بس هو ايضا اسكورت يعني عندك خيارين
والله يسهلج

275

الهجرة و واللاجئين / رد: باركولي حبايبي

« في: 06:51 27/02/2009  »

ابوهدى

الف مبروك وان شاء الله المحلفين والفحص والسفر كلهه خبز

276

الهجرة و واللاجئين / رد: مقابله SIV td السفاره الامريكيه ببغداد( الى اداره المنتدى نرجو نثبيت الموضوع لتعم الفائده)

« في: 16:40 26/02/2009  »

اخ فالكون

الف شكر على الأستجابة السريعة
وبالمناسبة اخوتي اليوم دار بيني وبين الأخ فالكون حوار طويل حول المقابلة والفحص الطبي واستلام الفيزا وطبعا فالكون الله يخليه ابد مقصر واستفاديت هواية من الحوار ومن ضمن الأمور الكثيرة الي تحدثنا بيها هنالك عدة نقاط اذكرهه للتأكيد واكو نقاط يجوز بعدكم متعرفوهه

1- الفحص الطبي مثل مكال الأخ فالكون يفضل ان تسوي بعيادة الشفاء بالخضراء لأن ينطوك الفحص بنفس اليوم والأسكورت رقمه موجود من تستلم ايميل المقابلة وهمة منطي باج اسكورت علمود هاي الشغلة وعود ذكروه بجم فلس ولتفكرون تسووه بابن البيطار لأن فالكون تأخر 10 ايام حتى طلع الفحص

2-في يوم المقابلة يفضل ان ادبرلك اسكورت ليش؟
لأن صحيح موعدك بثمانية ونص بس السوداني ميجي الا بالتسعة واخ فالكون سامع انه مرات ميجي
بألأضافة انه كلما توصل من وكت وتسلم اوراقك والجواز كلما تقابل اسرع لأن من وصل لكة ستة كدامة

3-في يوم استلام الجواز ايضا ادبرلك اسكورت لأن الأخ فالكون من راح كالوله بالباب الوصل مياكل بس بالسفارة والله سترة ويسرهه عليه لأن اذا متستلمة الجواز يروح الى دائرة عراقية بالخضراء وتروح تستلمة مناك

4-بالنسبة لجماعة البرنامج القديم فيجب ان يدفعو 400$ لكل نفر

من اتذكر بعد راح اكتبلكم والف شكر مرة اخرى للأخ العزيز فالكون

277

الهجرة و واللاجئين / رد: اخوكم اشويه انسطر ودخت دوخه دخلو وشوفوا اشلون

« في: 09:21 26/02/2009  »

عزيزي سيف

اللي اكدر اكلكياه انه هاي علامات الساعة بالنسبة للغضب
اني قبل تحديد الموعد بأسبوع هروني طلبات عجيبة غريبة وبعدين فرجت
الله يسهل امرك وامر الكل

278

الهجرة و واللاجئين / رد: سؤال للمقدمين على Siv - بخصوص موعد المقابله ارجو المساعده لتعم الفائده للجميع

« في: 07:55 26/02/2009  »

الأخ هاندي مان المحترم

مسألة مكان المقابلة مالهه علاقة بالتأخير لأن او وتالي ميحددولك موعد مقابلة قبل الأنتهاء من الأجرائات الأدارية
اني كنت على عمان وبشهر العاشر غيرت على بغداد ومن خلصت الأجرائات الأدارية غيروا الكيس نمبر ثم انطوني موعد على بغداد
وتدلل

279

الهجرة و واللاجئين / رد: العمل مع الجيش الامريكي في امريكا

« في: 06:55 26/02/2009  »

حلوة منك اخ سلاما وان شاء الله هواية راح يقرون الموضوع ويستفادون
الف شكر

280

الهجرة و واللاجئين / رد: بروسس في السفاره الامريكيه بسورياSIV 5000

« في: 19:04 25/02/2009  »

والله اخوية علي الله يساعدك

بس اللي اعرفة انه تاخذ من 60-90 يوم بس السؤال شنو الاوراق الجانت نقص عندك

281

الهجرة و واللاجئين / رد: اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 10:16 25/02/2009  »

اخ siv

بالنسبة للامريكان فما الهم قياس واني متأكد من رح ادك باجر تلكة كل شي تمام ومسوين الابديت خو ميكولك اني زمال يكلك هذا البرنامج جديد يشرفك برنامج الهجرة جديد مو صارلة من 2006 مفتوح وشي منطقي انه السيرفر يصيرله اوتوماتك ابديت يوميه وبالتالي الاوتو ريسبوند مربوط عليه وله منين يجيب المعلومات اكيد مربوط بسيرفر  واكيد جماعة النت وورك والراوترات راح يأيدوني بهذا الشي والاهم من هذا كيف يكون النظام ممسولي ابديت واني انطاني المعلومة كبل الأيميل اني اعتقد انه هذا الرقم ينقلك حالتك بالضبط وهذا يقدم تفسير لتأخير المعاملات والكذب والخربطة بالأيميلات يعني ممشي المعاملة ويكلك اجرائات ادارية والخطوة اللي سويتهه صحيحة لأن راح يصلحون قضيتك وجيك الأبديت باجر واني ادعو كل الأخوة المتأخرين ان يسوون نفس شغلتك واذا اكو اختلاف بين الأيميلات وحجي التليفون اتصلوا بيهم على الفور حتى يصلحون الحالة والا بماذا نفسر انهم ينطون الرقم وبعدين يكولون لتصدكون بالحجي اللي يكوله!!!!!!!!!!!!!!!


ومشكور على بيان النقطة اخي العزيز

282

الهجرة و واللاجئين / رد: اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 09:28 25/02/2009  »

اخ عدنان اني مشفتة اني سمعتة واقر ة الخبر للأخير وانت تعرف مع الشكر

283

الهجرة و واللاجئين / رد: اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 07:00 25/02/2009  »

اخ siv

قبل شهر او اكثر بقليل اتغيرت القوانين مال الفيزا وكالوا احتمال تحتاج اجرائات ادارية بعد المقابلة تستمر 60-90 يوم بس مو الكل وايضا تعتمد على الحظ لأن كل اللي اعرفهم حصلوا فيزا ثاني يوم بس الأخ علي اتأخرت شغلته

284

الهجرة و واللاجئين / رد: اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 19:18 24/02/2009  »

والله اخ علي بالفعل سؤالك حلو تكدر تخابر وتخلي نفس الكيس وشوف
بس اشعجب اخذوا الجواز وشحنوك معظم الأخوان فيزولهم ثاني يوم
ان شاء الله تهون وتسهل شغلتك

اخ كوماندوز كافي عاد مو افضحك واكول انت منو local ههههههههههههههههههه

285

الهجرة و واللاجئين / رد: اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 13:44 24/02/2009  »

اخي او اختي ساسي
الامر جدأ بسيط ادخلي اول ثلاث حروف من القضية كانما تكتبين رسالة في الموبايل وبعدين تأكدي بالضغط على 1 ثم العشرة ارقام ومربع

286

التعازي / رد: وداعا اخي حيدر وليرحمك الله وليرحم شهدائنا ألأبرار

« في: 13:32 24/02/2009  »

انا لله وانا اليه راجعون
اخ نور من ارجع من الدوام ادعفس وارد عليك لأن اني بالشغل وتدلل والعتب مقبول بس اني ترة وياكم اول بأول وماظميت خبر المقابلة لأن اعرف هذا الشي ينطي امل لجماعة البرنامج القديم  والله يرحم صديقك

287

الهجرة و واللاجئين / رد: المتفرج أصبح بطلاً للفيلم وحصل على موعد سفر...ألف مبروك

« في: 13:29 24/02/2009  »

والله المتفرج يستاهل
تعب وصبر وان شاء الله ظفر
الف مبروك

288

الهجرة و واللاجئين / رد: بعد 5 اشهر انتظار حصلت موعد مقابلة SIV بغداد......يوم تقابلون ان شاء الله

« في: 17:27 23/02/2009  »

اخويه جوني ابو د..........
شكرا على المرور وان شاء الله نسافر سوة وبنتك بعد 12سنة تجيب البوي فريند مالتهه وانت حلكك متكدر اتفكه
هههههههههههههه

اخ ماجلان ان شاء الله يجيك جواب قريب من نبراسكا وتسهل امورك وتحصل الكرين كارد وترجع تكرف

اخ سليم كلماتك هواية بحقي والله يخيلك ويسهل سفرك يا طيب

289

الهجرة و واللاجئين / رد: (الكرين كارت والعوده للعراق )استفسار

« في: 15:46 23/02/2009  »

اخوية كاوبوي اذا على حجيك اني مستحق جواز من العام لأن اني صار 6 سنين اشتغل
هههههههههه يارب الخبر يكون اكيد وصحيح مع الشكر

290

الهجرة و واللاجئين / رد: مالمقصور بالـ Certificate of Nationality في مقابلة الـ SIV

« في: 15:35 23/02/2009  »

الف مبروك اخي والمقصود شهادة الجنسية

291

الهجرة و واللاجئين / رد: بعد 5 اشهر انتظار حصلت موعد مقابلة SIV بغداد......يوم تقابلون ان شاء الله

« في: 16:04 22/02/2009  »

الأخ الأسد2006

الله يبارك بيك ويوفقك وبالنسبة لشغلت الأيميل فهو فقط للتذكير واندز للكل واذا انت مسوي بنيفت ومحصل كيس نمبر فلا تجاوبهم اما بالنسبة لقضيتك فما اعرف انت اجاك كيس نمبر من جماعة البنيفت يبدي ب IZ لو لا ومن كتلهم اريد الغي البنيفت لغوة ودزولك ايميل لو غلسوا
وبالنسبة لسؤالك فأيميل البنيفت ما اله علاقة بموعد المقابلة وكانت مجرد صدفة
نصيحتي ان تخابر على الرقم اللي نشرته بموضوع لاخ وتشوف قضيتك وين صارت


اخوي المسيحي المهاجر
شكرا على مشاعرك الحلوة وكافي لواكة ماصير السبونسر مالتك وباجر اشوفك بالشغل

292

الهجرة و واللاجئين / رد: اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 15:47 22/02/2009  »

اخوتي الأعزاء
هاي سهلة وتستاهلون واني برأيي اللي عندة شك بشغلة يخابرهم على الرقم الى موجود بنهاية الأيميل مال الان في سي وهو يشبه هذا الرقم بس تغير بأخر اربعة ارقام بس راح تطلعلك موظفة وتكدر تحجي وياهه والدوام من الاثنين لنهاية الجمعة وتدللون

293

الهجرة و واللاجئين / رد: بعد 5 اشهر انتظار حصلت موعد مقابلة SIV بغداد......يوم تقابلون ان شاء الله

« في: 06:58 22/02/2009  »

اخوية العزيز نور
عمرك اطول من عمري اني البارحة اكول ويه نفسي اشو ابو الأنوار ماكو بس ترة اني هسة كلش مشغول ويجوز الأخ فالكون يعرف شلون الواحد بهاي الفترة يرتب وضعة واوراق وصور وفحص طبي ودوخة حلوة هاي حلوة مال دوخة حلوة واشكرك على المشاعر الصادقة وان شاء الله يوم السفر
بالمناسة متصلوا بيك على فحص شي لأن اني تدري جاي اشتغل على البرنامجين

ابن بغداد

الف شكر على مشاعرك الطيبة وعاشت ايدك مرة اللاخ على الموضوع الروعة مال الربع
بالمناسبة عندي اصدقاء بالشغل من الربع يبجون الراتب قليل وكصونا 20% طلع ياخذون بشهر بكد راتبي بسنة وفوكاها اني اسوي الشغل

294

مواضيع بعد السفر / رد: ☠☠☠شــروط وواجبــات التتــطوع في الD☻D وشركات الحماية الامنية☠☠☠

« في: 19:10 21/02/2009  »

اخوية يعني الا تكول شكد ياخذون مو فضحت الربع

عاشت ايد وتسلم على الموضوع الروعة

295

الهجرة و واللاجئين / اخوان... هكذا عرفت بأنتهاء الأجرائات الأدارية لبرنامج SIV قبل تحديد موعد المقابلة

« في: 19:01 21/02/2009  »

الأخوة جماعة الSIV

كثر الحديث عن التي اهواها......هاي شنو رح اغني
كثر الحديث عن الأجرائات الأدارية وشوكت تخلص واليوم رح اكلكم شلون عرفت اجرائاتي خلصت قبل يومين من تحديد المقابلة
طبعا اكو اخوة يعرفون الطريقة بس متأكد هواية ميعرفون
عندي صديق وهو عضو بالمنتدى بأسم John85 شاكه لحلك الجماعة كلسع يخابرهم ويعرف الموظفات وحدة وحدة كالي يا سبع ليش متخابرهم وبالفعل خابرت على الأنسر مشين وتكدر تخابرهم على هذا الرقم 24 ساعة لمدة 7 ايام راح تطلعلك وحدة تحجي انكليزي واخرى اسباني تضغط واحد لأختيار الأنكليزي وتعليمات تتبعهه بالضبط مثل متخابر الشركة مال التليفون علمود توصل للخدمة اللي انت تريدهه وبالمناسبة هذا الرقم ينطيك موقفك وية ال NVC و USCIS يعني القضية من اول متروح لأمريكا لحد مترجع للسفارة ولازم تنتبهون من يكلك دخل الحروف الثلاثة لقضيتك يعني اذا بغداد اتدوس 244 واذا عمان تدوس 266 حسب تواجد الحروف بالتليفون
نرجع لسالفتي اني كنت دائما اسمع الكليشة الأدارية ولكن قبل ميتحدد الموعد بيومين تغيرت الى القضية اكتملت بالتاريخ الفلاني واذا متصلنه بيك خلال شهرين دوس صفر بس بخلال اقل من 48 دزوا الأيميل
ارجو ان يكون الموضوع بيه فايدة الكم وشكرا



















































هاي وين رايحين دقيقة متريدون التليفون  0016033340700

وشكر خاص لأخوية ابو داليا

296

الهجرة و واللاجئين / رد: بعد 5 اشهر انتظار حصلت موعد مقابلة SIV بغداد......يوم تقابلون ان شاء الله

« في: 18:35 21/02/2009  »

الأخ الحافظ
الف شكر على المشاعر الطيبة وبالنسبة لسؤالك فبرنامج ال SIV مخصص للعاملين والمترجمين وزوجاتهم  وابنائهم دون 21 سنة يعني الأخ والأم والأب غير مشمولين هنالك برنامج اخر هو اللجوء عن طريق IOM هذا يشمل الأقارب درجة اولى بس اخوك اولا لازم ينشمل باللجوء وبما انه اخوك عندة جنسية امريكية وغير مهدد يعني ممشمول
الحل الوحيد هو لم الشمل واعتقد هو سهل بس دائما جماعة برة يظلموهه

الأخ سيوفي الوردة

الف شكر وان شاء الله هل ايام تسمع شي يفرحك بالنسبة للايميل فهو يسموه Reminder يعني تذكير دزوه للكل اللي مسوي ماكو داعي يدز وهسة راح افتح موضوع يخليك تعرف اوراقك كملت من الغضب لو لا وتدلل
الأخ show الأخ NAZGOL الأخت بت بطوطة الأخ untitled man

الف شكر على المشاعر الجميلة وان شاء الله السفر القريب
الأخ asswally

اني دفعت 375$ بشهر الثامن من دزيت الباكج اللي بيه توقيع الجنرال لأن اني على البرنامج القديم

ألاخ شبح بغداد
تسلم يا وردة وموضوعك كان الفعل فأل خير عليه وان شاء الله المقابلة والسفر القريب

الأخ فالكون
 الف شكر وانت سيف مجرب وان شاء الله اراسلك اذا  احتاج شي وان شاء الله يتحددلك موعد سفر

الأخ jesse

الف شكر اخوية العزيز
بالنسبة للأيميل اني دزيتلهم وكلتلهم مكمل الأوراق فدزولي 3 ايميلات الأول بيه موعد مقابلة والثاني يكلي لازم تمليهن مرة ثانية والثالث يكول انت ماليهن وماكو داعي اتدزهن بس اني خابرتهم  وكالوا ماكو داعي اتدزهن وانت قيس بعد شلون هوسة يمهم
بالنسبة للفلوس كلامك صحيح 100%

297

الهجرة و واللاجئين / رد: ضريبة المطار واجور التفتيش

« في: 19:42 20/02/2009  »

الف شكر وبالفعل العمل مع الجيش موضوع يشغل بال الكثيرين ننتظر ابداعاتك

298

الهجرة و واللاجئين / رد: بعد 5 اشهر انتظار حصلت موعد مقابلة SIV بغداد......يوم تقابلون ان شاء الله

« في: 19:37 20/02/2009  »

الأخ العزيز عكعك

صدكني هذا البرنامج يسوة الأنتظار لأن اذا الله راد المقابلة واحدة فقط والفيزا ثاني يوم والكرين كارد بشهر بس ان شاء تمشي الأمور بسلاسة واتمنى سفرك القريب ان شاء الله

ابو هدى الوردة

هذا المنتدى وجد للطيبين حتى يفيدوا ويستفيدوا والكل ربحان ان شاء الله واشكرك على كلامك الجميل

الأخوة iraqgsm    audesos tiger zozo شاعر الرومانسية
مشاعركم غالية وتعبر عن اصلكم الطيب وان شاء الله اللي بأمريكا يرتاح و المنتظر يسافر

الأخ SIV2007

اشكرك واني حاضر
1-قدمت اوراقي ببداية التاسع 2008 واول ايميل بتأريخ 23-9-2008 وكان بيه الكيس نمبر
2-اني مقدم على البرنامج القديم
3-لم اخدم لأني كنت طالب بس ترة اني كبير مو كتكوت يعني كنت طالب دراسات
4-بدأت العمل 19-4-2003 ولحد الأن بدون انقطاع

وتدلــــــــــــــــــــــــــــــــــــــــــــــــــــــــل

الملاك انجي
 همزين لحكت على ردك طبعا انتي متميزة خط ونخلة وفسفورة وارجو ان تعرفين معنى كلامي ولتخافين يعني فد شي زين

299

الهجرة و واللاجئين / بعد 5 اشهر انتظار حصلت موعد مقابلة SIV بغداد......يوم تقابلون ان شاء الله

« في: 16:47 20/02/2009  »

الأخوة المعذبين في الأرض

اليوم اجاني كيس نمبر جديد يبدأ ب BGH بدلا من القديم اللي كان يبدا ب AMM ووياية PDF بيه موعد مقابلتي منتصف الشهر الثالث وشروحات هواية
سبب تغيير رقم الكيس هو في شهر العاشر طلبت يتغيير مكان المقابلة من عمان الى بغداد  وكالوا اوكي بس لازم اول مرة يخلص الغضب وبالفعل قبل يومين اتصلت بيهم وكالوا الغضب خلص ورح اندزلك ايميل بالتفاصيل ودزوه اليوم
اني جاهز لأي سؤال.........ردا لدين المنتدى علينا مو مثل بعض الناس اللي يشتغلون كله سكتاوي تكول عبالك راح يفرشوله الدرب ورد بأمريكا......

300

الهجرة و واللاجئين / رد: بعض اكاذيب العراقيين

« في: 07:45 20/02/2009  »

والله هذا الموضوع له شجون في المنتدى صادفت هواية اخوة طيبين ويحبون يساعدون وبنفس الوقت يستفادون بس اويلي على البعض اللي يمص بهل المعلومات ويتوسل على الخاص اخويه سبع ساعدني ومتشوف اله بالصدفة نعرف لو عندهم سفر لو طلعت الفيزا ومن تكله يابة سولفلي على التواريخ يغلس والأقبح انه تلكاه فاتح يعني مو تكول عندة شغل بس نرجع نكول انما الأعمال بالنيات ونتمنى الخير للكل وصدكوني هـــــــــــــــــــــــــــــــــــــــــــــــــــــــــــــــــــــــــــــــــــــــــــــانت

301

الهجرة و واللاجئين / رد: عبيس في امريكا..افرح يبو داوود

« في: 09:52 19/02/2009  »

سلامات عمي ابو داوود ومنور المنتدى

302

الهجرة و واللاجئين / رد: مقابلات ال IOM بغداد

« في: 09:40 19/02/2009  »

اخي ابو هدى
عندي معلومتين بلكي تفيدك
1- الفترة بين المقابلتين هية بحدود شهرين
2- IZ التقريبي للواصلين محلفين هو 101490

303

مواضيع قبل السفر / رد: ارشيف لمعاملات ال SIV

« في: 09:32 19/02/2009  »

الأخوة الأعزاء

اسف على التأخير مثل متعرفون اني شغلتي شوية تختلف لأن اني على توقيع الجنرال لذلك شوية اني عتيك
طبعا التقديم بالثامن بس رح اذكر الشغلات المهمة والأرقام كلهة تقريبية
1-بتأريخ 23-9-2008 حصلت رقم من NVC  والرقم AMM2008502007
2- بتأريخ 30-9-2008 اكتملت اوراقي
3-بـتأريخ 3-11-2008 حصلت رقم IZ-300060 من RPC
4- متزوج وعندي طفل ومخادم عسكرية

ولهسة دا انتظر حظي وليس استحقاقي يكعد وية ال NVC

304

الهجرة و واللاجئين / رد: بين العصر والمغرب!!!!!!

« في: 07:49 18/02/2009  »

عفية بزاك رافع الراك قصدي الراس

305

الهجرة و واللاجئين / رد: أخبار مفرحة من IOM

« في: 13:50 17/02/2009  »

الف مبروك انت من الدرك القديم بالبرنامج وتستاهل

306

الهجرة و واللاجئين / رد: سؤال للمقدمين على Siv - بخصوص موعد المقابله ارجو المساعده لتعم الفائده للجميع

« في: 06:35 17/02/2009  »

من خلال جواب الأخت الأخير
يثبت ان نظريتي صحيحة شوية حظ على غباء موظف تمشي امورك
وبالنسبة للبرنامج الجديد فهو يشمل القديم حسب حجيهم و تشريع القانون يعني ممعقولة ينشك حلكك علما تحصل توقيع جنرال وبعدين تعيد التقديم من جديد

307

الهجرة و واللاجئين / رد: سؤال للمقدمين على Siv - بخصوص موعد المقابله ارجو المساعده لتعم الفائده للجميع

« في: 07:47 16/02/2009  »

الأخوة المنظرين

بكل بساطة الموضوع لا موافقة امنية ولا ادارية بس يعتمد على حظك ويه الموظف وصدكوني الأمريكان رب الغباء ولا يوجد اي تفسير يبرر انه شخص ينتظر 8 اشهر دون رد. اني اشتغلت وية الأمريكان يوم 19-4- 2003 ولحد الأن 90% من عملي كان مع S2 و THT team وماكول ذولة شيشتغلون لأن المفروض الكل يعرف ذولة منو!!!!!!!
فالمفروض الموافقة الأمنية تصير زلاطة لأن اني كل 6 اشهر اسوي فحص امني دوري
لذلك التفسير الوحيد للذي يحصل هو انه معاملات دتصير فوق معاملات بدون قصد ولكن بدرجة عالية من الثول والغباء والا ما التفسير انه بعد 5 اشهر من الانتظار وبعد تأكيد انه اوراقي كاملة يطلعلي موظف يكول دزلنه صورة وبعد اخذ ورد يكول اسفين لكينة الصور يعني بشرفكم هاي طريقة عمل اوراقي كلهه دزيتهه بأيميل واحد يعني الصورة طارت ورجعت
وما معقولة انه شخص عمل مع شركة حراسات لمدة سنة وبطل وقدم اوراقة بشهر ال12 قابل وحصل الفيزة مع احتراماتي لحق الجميع في البرنامج بس اعتقد المفروض تكون اكو اسبقية على الأقل اسبقية التقديم.....

308

الهجرة و واللاجئين / رد: أخوتي الاعزاء أخونا العزيز نور2 موعد مقابلته غدا ( أرجو من الجميع الدعاء له بالموفقيه )

« في: 18:49 14/02/2009  »

حمد الله على السلامة وموفق ابو الأنوار

309

الهجرة و واللاجئين / رد: SIV البرنامج القديم (تزكية الجنرال) مواعيد المقابلات

« في: 16:24 13/02/2009  »

اخي SIV2007


بالنسبة لبرنامج الجنرال فأنغلق 10-10-2008
وبالنسبة لل50 فيزا فهي مقبطة من 2007 والكل سافر
اما بالنسبة للزايدين من البرنامج القديم فيحولون على البرنامج الجديد اوتوماتيكيا لأن ال50 مقبطة ومحد بلغنه قدموا على الجديد
اني عندي صديق بالشغل كملت اوراقة كبلي بشهر وهو على البرنامج القديم وقابل وحصل الفيزا
اني متأكد انه الخلل من عدهم وصدكني 1% من الأمريكان يفتهمون والباقي ثولان واني احجي عن تجربة

310

الهجرة و واللاجئين / رد: الNVC يطلبون طلب جديد بخصوص الصورة

« في: 12:39 13/02/2009  »

اخي سيف لتدوخ ولا تتعب ولو قاري الموضوع وية الردود كان كلشي بين

اني على برنامج المترجمين القديم واوراقي كاملة من شهر التاسع والموظف دزلي ايميل يريد صورة وكلي افتح الرابط واتبع التعليمات ومن ضمن التعليمات فورمة لازم امليهه كتلة يابة هاي الفورمة لغير المهاجرين كلي اسف بس اقرة تعليمات الصورة وقياساتهه كتله حبيبي اني دازلك بشهر التاسع صورتين مو وحدة ووره يوم كلي اهوووووووووو احنة اسفين لكينة الصورة واتحفني بسطر الأجرائات الأدارية ودار وجهه وراح
يعني الموضوع من البداية غلطة موظف واني اتقصدت ما امسح الموضوع حتى يعرفون الأخوة المنتظرين حجم الخربطة ب NVC وهذا يفشر انه كيف ناس تسبق ناس وكلمن وحظه
يعني اتصور من دز الأيميل كلي قضيتك متوقفة لأن نريد صورة والله اللي يعلم صارلهه شكد متوقفة والزمال الصورة يمه وميدري
وارجع واكول اشتغلت وية الاف الجنود لمدة 6 سنين بس 5 منهم اكدر اكول عليهم يفتهمون والباقي كفيلكم الله جملة ميعرف يكتب بدون اخطاء والله كريم

311

الهجرة و واللاجئين / رد: الNVC يطلبون طلب جديد بخصوص الصورة

« في: 08:49 12/02/2009  »

Good afternoon,
 Your case has been delayed in administrative processing.  In an effort to move your caseforward, we request that you provide the following information: a photograph of (my name).  Please visit http://travel.state.gov/visa/immigrants/types/types_1320.html for further information on the photo requirements. 
When responding to this email, please put your case number and ATTN: Team Leader in the subject line of your email.
Regards,
National Visa Center
SIV Unit Team Leader / Jo
Serco Inc.
Support Contractor
NVCSIV@state.gov

312

الهجرة و واللاجئين / رد: الNVC يطلبون طلب جديد بخصوص الصورة

« في: 19:36 11/02/2009  »

الأخوة الأعزاء جبتلكم الخبر اليقين
دزيت اشكم استفسار وجاوبوني بالتالي
طالبين فقط الصورة اليه مع العلم انه اني داز الصور سابقا وكالوا منريد لا صور الزوجة ولا الأطفال
كلتلهم يابة اني ما رايد فيزة سياحة او دراسة ليش دازيلي هذا الرابط كالوا نعتذر احنة ردنة بس تشوف شروط الصورة النموذجية والظاهر ذولة جدد وديخربطون حتة اسم الشركة متغير
وكالوا فورمات الفيزا تحدد من قبل السفارة وتمليها يوم المقابلة
ارجوا ان تكون الصورة وضحت الأن

313

الهجرة و واللاجئين / رد: الNVC يطلبون طلب جديد بخصوص الصورة

« في: 11:08 11/02/2009  »

الأخ ابو الأنوار

بعد ما دعفست شوية ب DS-156 والله الشغلة مبينة زينة لأن الفورمة مثل طلب حصول على الفيزة تمليه on line وتطبعة وتلزك الصورة وترجع اتسويله سكنر وتدزه
وهذا الرابط مال الفورمة
https://evisaforms.state.gov/ds156.asp

314

الهجرة و واللاجئين / رد: الNVC يطلبون طلب جديد بخصوص الصورة

« في: 10:13 11/02/2009  »

الأخ نور الورد

طبعا الصورة 5*5
بس هسة يريدوهه بشروط اخرى من ضمنها المسافة من الشعر للذقن والعرض وشروط اخرى موجودة بالرابط ومثل ماكلت اني اوراقي كاملة بالتاسع والأيميل اجاني البارحة واني طلبت استفسار اكثر لأن همة ما ذكروا بس اسمي يعني ما رادوا الزوجة والأطفال ومنتظر الجواب بألأضافة الى انه لازم نلزكهه بفورمة جديدة

315

الهجرة و واللاجئين / الNVC يطلبون طلب جديد بخصوص الصورة

« في: 08:32 11/02/2009  »

الأخوة الأعزاء المنتظرين

بعد 5 اشهر من الأنتظار الممل جماعة ال NVC ذكروني بس بطلب جديد
الأفندية يكولون لازم الصورة تكون تنطبق عليهه الشروط نفسهه مال الجواز الأمريكي وتلزكهه او تكبسهه بفورمه اسمهه DS-156

اللي احد عندة علم بلكت يفحمنة
وهاية الشروط
http://travel.state.gov/visa/immigrants/types/types_1320.html

316

الهجرة و واللاجئين / رد: رجعت الكم ومشتاقه الكم هواي... اني مستعدة لاي سؤال او خدمه

« في: 07:05 09/02/2009  »

اديان

حمد الله على السلامة والأخوة ما قصروا خلونة بالصورة بس انت اي شي تعتقدين يفيدنة نزلي بدون تردد وبارك الله بيج

317

الهجرة و واللاجئين / رد: الاجراءات الادارية بعد المقابلة \SIV فقط

« في: 06:52 08/02/2009  »

اخي اشو انت مكلت من قابلت ومن انلاصت يلله حجيت!!!!

318

الهجرة و واللاجئين / رد: ألمراجعه الادرايه لجماعة SIV

« في: 14:24 06/02/2009  »

اخي ابو الأنوار

بالنسبة لللجوء اخر مرحلة هية التدقبق الأمني ووقتها غير معلوم
اما بالنسبة للهجرة فالاجرائات الادارية تعادل التدقيق الأمني ولكنها قبل المقابلة لأن بمجرد تحديد الموعد للمقابلة اعتبر الفيزة بجيبك والأجرائات الأدارية مو بالسرة انت وحظك لذلك تشوف اكو هواية من البرنامج القديم دينتظرون حالهم حال البرنامج الجديد واكو جماعة من البرنامج الجديد طلعتلهم فيزة المهم انت رح تروح على المحلفين مو؟

319

الهجرة و واللاجئين / رد: الى الاخوه في امريكا ممكن أحدكم يعلمني عن اسعار اجار الشقق في تكساس او في امريكا على العموم

« في: 08:20 05/02/2009  »

الأخ فالكون

من مصدر موثوق وعايش حاليا في تكساس
ايجار الشقة الجيدة من 500-600دولار
الكهرباء كمعدل صيف وشتاء 150$
الماء 40-50 $
الأنترنيت 30-40$

320

الهجرة و واللاجئين / رد: "الحلم صار حقيقه"...الحمد اله والشكر,

« في: 08:13 05/02/2009  »

عفيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
ههههههـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
بطل زاك

321

الهجرة و واللاجئين / رد: الاستمارة 230 بيها عنوان الشخص الي يستلم الكرين كارت

« في: 06:49 04/02/2009  »

هاي شنو نور صاير تخوف
هههههههههههه
تدلل يا وردة

322

الهجرة و واللاجئين / رد: الاستمارة 230 بيها عنوان الشخص الي يستلم الكرين كارت

« في: 18:04 03/02/2009  »

الأخ العزيز هاي مساعدة خاف عندك شي ناقص بالفورمة


 DS-230

طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم  تطبع وتوقع  وتسوي سكنر وترجعة بي دي اف

1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع           
N/A

3-الاسم حسب مامكتوب بالجواز ولكن بالعربي

4-تأريخ الولادة

  5- العمر
6- مكان الولادة (المدينة,المحافظة والبلد)

7-الجنسية طبعا عراقي

8-الجنس

9-الحالة الزوجية

10-اسم وعنوان وهاتف الصديق او القريب في امريكا واذا لايوجد تكتب
N/A

11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.

12-شنو شغلك يعني اذا مترجم تكتب
   ثم رقم تليفونك.Linguist

13-عنوانك الكامل محلة وزقاق ودار ومحافظة والبلد

14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.

15-اسم الاب الكامل

16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A

17-اسم الام الكامل

18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16

19-تكتب اسماء الابناء وتاريخ الولادة ومكان الولادة

20-تكتب جميع العناوين والاوقات  التي سكنتها لمدة ستة اشهر واكثر منذ ان اصبح عمرك 16 سنة

21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
 والقسم الثاني
-هنا محد رح يلحكك لامريكا يعني تكتب
N/A

22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.

23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A


24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو

25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.

26-ترجع تكتب اسمك مثل الجواز

27-تكتب
N/A

28-اسمك الكامل بالعربي

29-اسمك وعنوانك ورقم تليفونك بالانكليزي

30- مربعات تزركهن كلهن
NO
يعني انت مو حشاش ولا مخبل ولا مجرم وهكذا

31-
NO

32-
NO

33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي

34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص

35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A

323

الهجرة و واللاجئين / رد: ابو هدى اليوم استلمت ال IZ

« في: 17:57 03/02/2009  »

ابو هدى
اولأ مبروك على الرقم
ثانيا انت متأكد انطوك موعد بعد شهرين لأن همة ينطون قبل 25 يوم لو كالولك اتوقع نتصل بيك خلا شهرين

324

الهجرة و واللاجئين / رد: الي يعرف هذا الشي عن SIV خلي ايفيدنة؟؟؟؟

« في: 08:34 03/02/2009  »

سهلة

انت من تخلص كل اوراقك ويه nvc راح يدزولك جماعة اللجوء ورقة بيهة خيارين تريد فوائد لو متريد توقع وتدزلهم الورقة راح يجاوبوك انه لازم اتدز نسخة من الفيزا حال الحصول عليها حتى يحجزولك على الطائرة والموعد المحدد لا يقبل التأجيل او الالغاء.

325

الهجرة و واللاجئين / رد: وصلنا الى امريكا

« في: 08:22 03/02/2009  »

حمد الله على السلامة وشايف كل الخير

326

الهجرة و واللاجئين / رد: هذه تفاصيل عوده صديقي من اميركا واسبابها

« في: 08:15 03/02/2009  »

اخوان قبل سنة اشتركت بالمنتدى بس مو بهذا الأسم
وانفتح مثل هيجي موضوع وكلت لازم تتوفر 3 شروط حتى تكدر تعيش بأمريكا بوضعها الحالي واكرر وضعها الحالي مو قبل كم سنة
1-رأس مال جيد
2-لغة جيدة
3-اقارب يوجهوك معنويا وليس ماديا حتى تعرف كل الدوالغ ومتخسر اي شي من فلوسك

اي خلل بهاي الشروط يعرقل معيشتك بأمريكا
وكالعادة جاوبوني الأخوة ومزقوني
ابو الشهادة كال حبيبي لعد اني المن درست وتعبت
الي ما عندة فلوس كال الما عندة منين يجيب ياخلك الله واتهمني بأني اصادر حقه بالحياة لأنه لا يملك فلوس.
المهجر واللي هارب من العراق كال مهما يكون اني ما عندي خيار وراح نشتغل 20 ساعة علمود نعوض بيوتنة اللي هجرناها
يعني كسر بجمع طلعت خائن وعميل للقضية ومهبط للمعنويات

اخوان There is nothing for free in USA وهاي حقيقة خالصة وهذا وضع امريكا الحالي
يجوز بعد سنتين يتحسن الوضع وتصير الفرصة احسن والدليل على كلامي تجارب الأخوة بالمنتدى اللي يمتلكون الشجاعة وتواصلوا ويانة بعد السفر اما اللي كانوا محدقين بالمنتدى ومن سافروا اتبخروا فأعتقد السبب واضح هو الفشل ومارادوا يخربون واهسنة

نسيت ان اكول انه اني عندي شهادتين وحدة من عدهن عليا بس رغم ذلك مذكرتهن بالشروط لأن واقع الحال يفرض ان تتجاهل شهايدك بالبداية وتثبت نفسك وبعدين تكدر تكمل او تعدل شهادتك

327

الهجرة و واللاجئين / رد: صديق NAZGOL عاد ولكن صديقي لن يعود

« في: 07:27 03/02/2009  »

موضوع على الجرح وخير الكلام ما قل ودل
الف مليون شكر

328

الهجرة و واللاجئين / رد: الى الاخوه الاعزاء الذين وصلوا الى امريكا ارجو الدخول

« في: 07:43 02/02/2009  »

الأخ الذكي

مشكور على واقعيتك واني استغرب كيف انه بعض الأخوة يعترضون او يغالطون الواقع عندما تنقل الحقيقة وينقلون غير صورة مع العلم همة خارج امريكا وعمرهم مشافوا امريكا

329

الهجرة و واللاجئين / رد: الى الاخوه الاعزاء الذين وصلوا الى امريكا ارجو الدخول

« في: 18:49 01/02/2009  »

الأخ فالكون

اعتقد افضل شي الك هو ارشيف المنتدى لأن الأخوة هواية شرحوا تجاربهم
بس لازم يكون عندك نت قوي

330

الهجرة و واللاجئين / رد: باركولي اليوم استلمت IZ# على قضيتي ويا IOM بغداد

« في: 07:49 30/01/2009  »

حاليا واصلين بالمقابلات الى 1350
يعني انت المفروض خلال 10 ايام يتحددلك موعد مقابلة اولى وبعدهه بشهرين ونصف المقابلة الثانية والأخيرة ومن ثم الفحص الطبي
يعني موعد مقابلتك راح يكون من 1-10 من شهر الثالث
يعني السفر من شهر الثامن الى العاشر

331

الهجرة و واللاجئين / رد: حددو لي مقابلة المحلفين هل هي فرحه او حزن شاركون الرأي اخوتي الأحبه

« في: 16:16 28/01/2009  »

الاخ نور
قضيتك مشابهه لقضيتي فانا ايضا العب على الحبلين ولكن هل احد طلب منك ان تنسحب بشكل رسمي
انا قبل ما اقدم على البرنامجين في الشهر السابع ارسلت ايميل للطرفين واخذت الاوكي ولحد الأن كلشي تمام
لكن مؤخرا بداوا يخيرون الاخوة الجدد بأنه يجب ان ينسحب من احد البرنامجين ولا اعرف لماذا

توكل على الله ويجوز نلتقي بمقابلة المحلفين

332

الهجرة و واللاجئين / رد: المقابلة الاولى اي او ام بغداد

« في: 06:36 27/01/2009  »

والله ينرادلهة ذبيحة
يمعود مو صرت طرشي
والله اني متعاطف وياك واتذكر موضوعك ويه الاخ المتفرج وشلون كنتوا اول ناس بديتوة بالشرح وشكد طول وطبعا اني كنت وياكم بس بغير اسم
اني حاليا دا امر بنفس حالتك بس بغير برنامج هم كنت اول واحد يقدم على برنامج الهجرة ونزلت موضوع رنان استفادوا من عندة الألاف من الأخوة وظل شهرين مثبت لكن القسمة غير شكل ولحد الأن معبروني بموعد مقابلة والحمد لله الأخوة اللي استفادوا قسم من عندهم قابلو او دينتظرون
بالنسبق لللجوء فأني قابلت قبل 50 يوم والموظفة كالت احنة نخابرك علمود الفحص وماكو شي
المهم اتوكل على الله وخير ان شاء الله

333

الهجرة و واللاجئين / رد: اخطاء قبل الوصول الى امريكا

« في: 18:04 26/01/2009  »

الأخ العزيز
اول مرة حمد الله على السلامة وما عندك الا العافية
وموضوعك بصراحة اجه على الجرح وسبق ان استفسرت منك حول هذا الموضوع بالذات
ومن خلال شرحك عرفت انه هنالك فرص استثمار لكن ينرادلهه راس مال والندم واضح في كلامك
المهم يعني اني لو حصلت الكرين كارت ورجعت على الفلوس وحولتهن بحسابي اللي بامريكا هل ممكن اواجه مشكلة على فرض انه اني اسافر على برنامج الهجرة اللي يسمحلك بالحصول على الكرين كارد بسرعة
الشغلة بالفعل تحير وينرادلهه ترتيب
واذا دزيت الكرايبي اللي بأمريكا مبلغ كبير قبل ما اسافر زين مراح يكولوله يابة يا عربي ها شسوي بالفلوس
مشكور اخي على جهدك المبذول

334

الهجرة و واللاجئين / رد: هل مر احدكم بهذا يا جماعة الــSIV البرنامج القديم؟

« في: 17:54 24/01/2009  »

الموضوع مبهم يعني انت منتظر مقابلة لو وين واصل بالضبط لأن اكيد اكو خلل ممعقولة الفترة كلش طويلة

335

الهجرة و واللاجئين / رد: التفاصل الدقيقه للفحص الطبي والمقابله في السفاره الامريكيه والحصول على الفيزا(جماعه برنامج الهجره الخاصه 5000)

« في: 06:27 24/01/2009  »

ماشاء الله جماعة الهجرة كلهه منورة هنا
الف مبروك اخ فالكون بس واحد يكدر يأجل سفره لأن عشر ايام متكفي واحد يصفي اموره

336

اجتماعيات (ترحيب، تهاني و تعازي منتدى الهجرة) / رد: أخوان باركولي استلمت الفيزا مال الهجره الى امريكا (ملاحظه انا مقدم على siv 5000 )

« في: 18:06 23/01/2009  »

الأخ فالكون

الف مبروك واعتقد هسة لازم اتدز نسخة من الفيزا لجماعة اللجوء علمود تنشمل بالفوائد

337

الهجرة و واللاجئين / رد: تأخير منح الفيزة بعد مقابلة SIV

« في: 10:44 23/01/2009  »

اخوان بكل بساطة صار اكو updates بالموضوع وهذا منقول من موقع الهجرة الأمريكي والتحديث يقول انه في بعض الحالات واكرر بعض الحالات تتطلب اجرائات ادارية بعد المقابلة لا تقل عن 60 يوم ولا تستطيع الحصول على اي خبر الا بعد 90 يوم بعد المقابلة

يعني كلام جميع الأخوة صحيح انه اكو قسم يستلمون الفيزا ثاني يوم واكو قسم بعد 3 اشهر وكلمن وحظه

338

الهجرة و واللاجئين / رد: الى الاخ NOOR 2 وكافة الاعضاء ارجو الدخول والمساعده

« في: 12:22 19/01/2009  »

الأخ سيزارو المحترم

اولأ الأخ نور 2 دزلي الرابط لأن اني مكنت ادري بالموضوع
ثأنيا هاي انت بعدك تبجي من عفتك اخر مرة قبل 6 اشهر تقريبا ثم انت رجعت للعراق لو بعدك بالسويد
من كلامك مبين انت بالعراق
نصحتك من قبل وكتلك ارجع للعراق وقدم منا
بالنسبة للSIV فأعتقد صعبة لأن ماعندك توصية اما IOM فأعتقد اسهل ولو تأخذ وقت بس تكدر تروح للشركة واعتقد بعد ان تشرحلهم وضعك راح يساعدوك حتى لو تضطر ان ترجع للعمل لفترة مؤقتة حتى تحصل اللي تريدة وبعد متحتاجهم

المهم هسة اني منو!!!!!!!!!

339

الهجرة و واللاجئين / رد: لجماعه الSIVفقط

« في: 12:30 15/01/2009  »

الأخ العزيز اني كملت اوراقي يوم 1-10  ولهسة دا انتظر مع العلم اني على البرنامج القديم يعني توقبع الجنرال وبالمنتدى عدنةبس الأخ فالكون كمل اوراقة بشهر ال11 ودزوله موعد وكمل فحص وهو على البرنامج الجديد يعني توقبع السفير

340

الهجرة و واللاجئين / رد: موضوع الفلوس شكد يحقله الواحد الى امريكه واذا واحد ماعنده شلون

« في: 17:48 09/01/2009  »

10000$
ومفتهمت السؤال الثاني

341

الهجرة و واللاجئين / رد: هل هي فرحه ام ماذا احتاج رايكم في حيرتي هذه

« في: 12:41 09/01/2009  »

طبعا مينرادلها سؤال
توكل على الله وافحص
البرنامجين ميتقاطعون
والهجرة فرقهه انه تحصل كرين كارت اسرع ولا توجد اي مميزات اخرى الا اذا اتريد ترجع تشتغل بالعراق بس ها ترة السرة بأمريكا على هاي الشغلة لابو موزة

342

الهجرة و واللاجئين / رد: IOM بغداد هل يوجد اخبار ساره

« في: 14:24 07/01/2009  »

الاخ المتشرد

اني نفس حالتك قدمت بالسابع وقابلت الأولى بال12 ومنتظر تليفون على الفحص
وبالنسبة للسرة اكو سرة ولازم تحسب من موعد استلام الرقم مو من موعد اكمال الأوراق وحاليا عبروا ال1300

343

الهجرة و واللاجئين / رد: الى الاخوة الاعضاء سؤال مهم

« في: 20:42 05/01/2009  »

والله ابو حسين اعرف ناس صارلههم سنتين مسويلهم هولد وشغلتهم مكيسة فأنت اذا عبرت ال6 اشهر اقرة على السالفة السلام وقدم على الاس اي في

344

الهجرة و واللاجئين / رد: أرجو المساعده بخصوص الفحص الطبي في بغداد

« في: 08:43 04/01/2009  »

اخي من تروح الى مستشفى ابن ال....... للفحص اسألهم لأن همة مرت عليهم حالات يومية هواية وحسب علمي النفر ب 190 $ بلانسبة لبرنامج الهجرة

345

الهجرة و واللاجئين / رد: اللجؤ الى تركيا بكامل التفاصيل

« في: 12:19 03/01/2009  »

عاشت الأيادي

346

الهجرة و واللاجئين / رد: [باركولي أستلمت موعد مقابله من NVC

« في: 18:27 02/01/2009  »

مبروك اخ فالكون

انت صرت اول واحد بالمنتدى يحصل موعد وهاي خوش خطوة بالسنة الجديدة
نتمنة كلشي يمشي تمام

347

الهجرة و واللاجئين / رد: بأمريكا دخلوني بغرفه 3 مترات بـ4 وكلولي اكعد!!!!!!!

« في: 09:11 02/01/2009  »

اعتقد ان المترجمين عملوا مع الجيش وعاشوا ومستحيل ميجاوبون هيجي اسئلة سهلة
وبالنسبة لأصحاب الشهادات فالكلام صحيح هنالك الكثير ولا طكة ولكن اكو ناس دخلوا ولا طكة واصبحوا ماشاء الله وخصوصا الصغار في العمر وطبعا تعتمد على طبيعة العمل مع الجيش هل هو كتابي لو بس دوريات وان شاء الله التوفيق للجميع

348

الهجرة و واللاجئين / رد: مقابلة IOM بغداد من الرقم 2000 الى الرقم 3000

« في: 18:31 01/01/2009  »

we trust in God

اخي عادتا الرقم الأول بعد 2-3شهر والمقابلة الأولى في حالتك بعد 9 اشهر من اعطائك الرقم لأن رقمك قريب ال4000 وهمة واصلين 1250 وبعد المقابلة الأولى 2-3 شهر المقابلة الثانية والفحص الطبي والجيكنغ 2-4 شهر والسفر بعد ذلك بشهر يعني من اليوم احسب 16-20 شهر الا اذا سرعوا بأجرائاتهم على السنة الجديدة وبالتوفيق للجميع

349

الهجرة و واللاجئين / رد: مقابلة IOM بغداد من الرقم 2000 الى الرقم 3000

« في: 15:05 01/01/2009  »

تدلل ابو هدى وكل عام وكل العراقيين بألف خير

350

الهجرة و واللاجئين / رد: مقابلة IOM بغداد من الرقم 2000 الى الرقم 3000

« في: 07:15 01/01/2009  »

وصلوا الى 1250

351

الهجرة و واللاجئين / رد: طلب أخوي لكل المقدمين على SIV تساؤلات واجابات

« في: 12:13 31/12/2008  »

بالنسبة لحالتي

اني استلمت الرسالة من مركز اعادة التوطين قبل شهرين مليتهه ودزيتهه بس منطوني اي رقم بس كالوا وصلن وكلشي تمام

352

الهجرة و واللاجئين / رد: مطلوب مساعدة طارئة من جماعة ال SIV رجاءا

« في: 11:57 30/12/2008  »

الأخ العزيز

اذا صديقك استلم ظرف فمعناه استلم رقم
المطلوب منك ادزلهم ايميل ويجب ان يكون عنوانه هو رقم الوصل اللي هو صار رقم التسلسل مالك
طبعا تكلهم انه اريد الاتصال مباشر معي لأن انت ورة محصلت الرقم بعد كل المراسلات تكون بالايميل
وبعدين تكتب اسمك مثل الجواز وهمه راح يعرفون انت الشخص المعني من خلال الرقم ومن خلال ايميلك اللي من المفروض انت كاتبة ب i-360  وبعدين NVC راح يطلبون منك اتدز اوراقك على ايميلك من ظمنهه معلومات عن الكفيل وهنا تكدر تخلي عنوانه الجديد او تكدر تخلي غير كفيل او حتى تكلهم ما عندي كفيل
واتدلل

353

الهجرة و واللاجئين / رد: بعد انتهاء مساعدات دفع الايجار ماذا نفعل

« في: 20:07 29/12/2008  »

عاشت الايادي اخ سلاما

يا ريت لو تسلط الضوء على شراء المنازل ونظام الدفع النقدي وبالأقساط اذا كانت عندك معلومة مع الشكر

354

الهجرة و واللاجئين / رد: الاخ مهند هادي و من يحب الاطلاع: اجراءات مقابلة المحلفين في بغداد

« في: 06:05 29/12/2008  »

رجاء ولأسباب امنية

عدم ذكر اي معلومات عن اوقات او اماكن لأن المنتدى بيه الصالح وبيه الطالح

مو لو مو مو

355

الهجرة و واللاجئين / رد: سؤال حزبي الرجاء كل واحد يبدي رايه

« في: 16:26 28/12/2008  »

اني كلتلهم انه جنت مؤيد رغم انه اني جنت مستقل لأن توقعت يسألوني شلون انقبلت ماجستير وانته مستقل وبالفعل سألوني انت انظميت علمود الدراسات

اسف اذا اتفلسفت عليكم لأن اكو عضو داخل بأسم قريب على اسمي وكاعد يتفلسف
يعني اتخيل واحد جديد  ويسمي اسمه عكعك التطوي الفكر يعني عبالك الأسامي خلصت

356

الهجرة و واللاجئين / رد: سؤال للي يعرف يجاوب الله يخليكم عن المنسيين في مصر

« في: 16:17 28/12/2008  »

واللة اخوية

ليش تأسف على المقدمة الأفضل امسحهه

357

الهجرة و واللاجئين / رد: أحصاء لعدد المقدمين على SIV والى اي مرحله قد وصلوا

« في: 07:18 26/12/2008  »

موضوع قيم اخ فالكون

ويثبت بما لا يدع مجال للشك انه لا يوجد اي احد وصل الى مرحلة تحديد المقابلة

358

الهجرة و واللاجئين / رد: غدا أنشاء الله مقابلة المحلفين

« في: 20:28 21/12/2008  »

يابة ترة الموضوع قديم
اقروا قبل لتجاوبون

359

مواضيع الحياة العامة في بلاد المهجر (امريكا) / رد: ملاحظات حياتيه حول الاجهزة الكهربائيه والاتصالات في امريكا

« في: 20:23 21/12/2008  »

بارك الله بيك وما قصرت

360

مواضيع الحياة العامة في بلاد المهجر (امريكا) / رد: ملاحظات مهمه في الحياة اليوميه الامريكيه

« في: 11:31 21/12/2008  »

والله اني كلتلهم من الاول انه الأخ سلاما مشغول ومستحيل يكون متقصد
وارجع اكلك مبروك العضو  المميز مقدما

361

الهجرة و واللاجئين / رد: صورة قيد ولادة لبرنامج ال SIV

« في: 12:14 20/12/2008  »

الاخ العزيز

المنتدى مخله شي ما كاله
اقرأ جيدا المواضيع المثبتة رح تلكة جواب لسؤالك
وتدلل

362

الهجرة و واللاجئين / رد: بعد الكرين كارد بموجب SIV، بطران ينتظر جواباً!!

« في: 19:20 19/12/2008  »

الأخوان الاعزاء

بكل بساطة ان نسبة كبيرة من الجيش الامريكي هم يحملون الكرين كارد ولا يملكون جنسية وينتمون للجيش حتى يختزلوا وقت الحصول على الجنسية
لذلك فالخدمة بالعراق مع الجيش مجزية ولكن المعلومة الاخرى ان طابور الانتظار يصل الى 6 اشهر وان الرواتب انخفضت بنسة 30% للمتعاقدين

363

الهجرة و واللاجئين / رد: عاجل الى جميع الاخوة العاملين كمترجمين (منطمة عراقية امريكية )قد تساعدكم ف طلب اللجوء

« في: 19:41 15/12/2008  »

هذا الموقع وزعوة لكل المترجمين ومن تسجل عندهم يدزولك ايميل يكولولك احنة اخوتك بامريكا دنساعد المترجمين العراقين وبلكن تناوشنة اشجم فلس
بلله هذا حجي اني كاعد بالعراق ويريدني ادز فلوس لأمريكا!!
مشكور اخوية ترافلر..........

364

الهجرة و واللاجئين / رد: عاجل الى جميع الاخوة العاملين كمترجمين (منطمة عراقية امريكية )قد تساعدكم ف طلب اللجوء

« في: 19:37 15/12/2008  »

هذا الموقع وزعوة لكل المترجمين ومن تسجل عندهم يدزولك ايميل يكولولك احنة اخوتك بامريكا دنساعد المترجمين العراقين وبلكن تناوشنة اشجم فلس
بلله هذا حجي اني كاعد بالعراق ويريدني ادز فلوس لأمريكا!!
مشكور اخوية ترافلر..........

365

الهجرة و واللاجئين / رد: مقابله برنامج SIV

« في: 16:30 14/12/2008  »

كلام الاخوة صحيح وهذا الشي جديد
هسة ديخيرون بين البرنامجين ربما بسبب الزخم الكبير
مع العلم ان رابط البرنامجين يكول تكدر تقدم للبرنامجين
المهم اعتقد انه يجب ارسال ايميل للاستفسار مدعوم بالجزء اللي يكول انه تكدر تقدم للبرنامجين قبل متسوون اي تصرف ممكن تندمون عليه
يعني حاججوهم

366

الهجرة و واللاجئين / رد: واخيرا اتصلوا بيه IOM بغداد بعد انتظار طويل

« في: 11:33 13/12/2008  »

الاخ travleler

يمعود اني كلت هذا هسة بامريكا
لا انت ولا المتفرح
المهم اتمنالك ان يتصلون بيك ابسرعة لأن بالفعل اكو جماعة قبلك قدموا ووصلوا مراحل متقدمة

367

الهجرة و واللاجئين / رد: معلومة مهمه جدا تخص SIV المرحله الثالثه NVCSIV (مهم جدا مهك جدا الرجاء الدخول)

« في: 11:27 13/12/2008  »

الاخ صقر
الموضوع قيم
لكن اعتقد الرابط مشيول من الاباتشي سيرفر
المهم دخلت على النشرة من غير مكان وتبين انه اكو حالات من 1996 لأشخاص من غير دول مقدمين هجرة لأمريكا وما مخلصة قضاياهم
المهم اكو رابط حول برامج المترجمين العراقيين والافغان وطبعا كلنة نعرف المعلومات البيه

انت اذا تكدر تسوي كوبي بيست لنشرة الشهر القادم وتشرح شلون واحد يكدر يعرف شوكت يوصلة السرة اعتقد الموضوع راح يكون مفيد للالاف.

مع الشكر

368

الهجرة و واللاجئين / رد: مقابله برنامج SIV

« في: 11:16 13/12/2008  »

الى جميع الاخوة

نفس الرقم

369

الهجرة و واللاجئين / رد: بخصوص معاملهSIV و IOM في العراق

« في: 11:12 13/12/2008  »

الاخ صقر

انت اذا قدمت هسة راح يكون رقمك 3500
والمقابلات وصلت الى1100
وبالشهر 300 مقابلة
يعني مقابلتك بعد 9 اشهر من تأريخ اعطاءك الرقم الاول
عادة الرقم يعطى بعد شهرين واكثر
يعني سنة والسفر من 2-6 اشهر من المقابلة الاولى يعني سنة ونص
المهم البرنامجين ميتعارضن بس لو كنت مقدم في بداية البرنامج كنت هسة بأمريكا

370

الهجرة و واللاجئين / رد: مقابله برنامج SIV

« في: 07:38 13/12/2008  »

الأخوان الاعزاء

ماريد اضوجكم
بس اني قبل مينفتح هذا البرنامج اوراقي كاملة
يعني اني ابرنامج الجنرال ومنتظر مقابلة صارلي 3 اشهر
وطبعا كلما ادزلهم يكولون اجرائات ادارية ومنعرف شوكت اتخلص
واني رح اكمل ابرنامج اللجوء وبعد برنامج الهجرة اللي مفروض يكون اسرع بعده سكته

371

الهجرة و واللاجئين / رد: سوالف ابو داوود..اول عيد بامريكا

« في: 13:08 12/12/2008  »

روعة كالعادة
والاجمل هي تلقائية السرد تذكرني بأيام الفنان المرحوم البصري
استمر واحنة كلنة وياك

372

الهجرة و واللاجئين / رد: بريطانيا

« في: 08:11 11/12/2008  »

الاخوة الاعزاء

الجميع هنا ابدى رأيه ومعظم الاخوة والاخوات قالوا سمعنا وربما الاخ الكريم الراشد هو الوحيد اللي عايش التجربة
بالنسبة الى تجربتي مع القوات البريطانية

القوات البريطانية فتحت برنامج للي عمل معاها للفترة من 2005 الى 2007 حصرأ

يعني من 2003 الى2005 لا
ومن 2007 الى هسة لا
يعني ببساطة الفترة اللي زاد بيهه العلس والكل بطل من الشغل(شوف الخباثة)
شملني البرنامج ومراسلوني لمدة سنة ونوموا الشغلة وبعد سنة خيروني بأن اذهب الى الاردن لمقابلة جنرال بريطاني او استلم تعويض
ونبهوك اذا تريد فلوس تعال هسة استلم من السفارة واذا لجوء التوطين في اسكتلندا وياخذله سنتين واحتمال انرفض وعندهه يرجعون ينطوني فلوس
المهم المبلغ كان راتب شهر لكل شهرين عملتهه بالاضافة الى 10% من راتبك لكل شخص وياك بالقضية
يعني اللي اشتغل سنتين وعندة زوجة وثلاثة اطفال ياخذ 20000$ واعتقد المبلغ جيد
المهم التسليم ماكو اسهل منه وميصدكون احد يكول اريد فلوس علمود يخلصون منه
طبعا الفلوس تستلمهه من السفارة ابغداد ومتاخذ غير ربع ساعة
بينما اللجوء سنتين وما مضمون

373

الهجرة و واللاجئين / رد: ام داوود اتريد تشتري بيت بامريكا

« في: 07:45 11/12/2008  »

الفائدة متغيرة
معلومة تنضاف الى مئات المعلومات التي نتعلمها من المنتدى كل يوم
سلمت يداك يا ابا داوود

374

الهجرة و واللاجئين / رد: ارجوكم المساعدة حول طلب الهجرة USA... رجاءً اخواتي واخوتي الدخول

« في: 20:25 10/12/2008  »

الاخ العزيز

1-شرط السنة الغي قبل فترة
2- الوثائق لو توفرت افضل وتحتاجها في المقابلة الثانية يعني المحلفين وحاول تحفظ القصة جيدا
3-الافضل والاسرع خارج
 العراق ولكن نصيحتي ان تقدم من العراق لان عوائل كثيرة لم تذهب او اوقفت المعاملة
4-عدد الملفات المقدمة لحد الان 3000  ملف والمقابلات وصلوا الى 1450 وبمعدل 300 مقابلة لكل شهر يعني اذا تقدم الان راح اتسافر في بادية 2010

375

الهجرة و واللاجئين / رد: عراقيون مشمولون بالتوطين في أميركا بين مخاوف البقاء والمستقبل المجهول

« في: 17:06 10/12/2008  »

من الضروري سماع جميع القصص حتى نستفيد من اخطاء الأخرين لكن الفيصل الاخير هو ان لكل انسان ظرفه الخاص في بغداد وفي امريكا
وشكرا على النقل المفيد

376

الهجرة و واللاجئين / رد: الى اللذين ينتظرون ااقدون الى الولايات المتحدة

« في: 06:32 10/12/2008  »

الاخ العزيز

مبروك على سلامة الوصول
وسؤالي الاهم هو ماهي طريقة معادلة الشهادة وهل توجد برامج في الجامعات للمنح الدراسية للمهاجرين واللاجئين مع الشكر

377

الهجرة و واللاجئين / رد: انكلترا تدعم اللاجئين قبل وصولهم اليها .

« في: 21:19 08/12/2008  »

البرنامج البريطاني يفت الكلب وينرادلة سنوات وحتى قانون منح الجنسية غيروا بس اذا تريد فلوس بنفس اليوم يعوضوك ويخلصون من عندك ومن دوختك

378

مواضيع الحياة العامة في بلاد المهجر (امريكا) / رد: معلومات ونصائح الايام الاولى في امريكا

« في: 06:46 08/12/2008  »

مشكور يلغالي يااصيل

379

الهجرة و واللاجئين / رد: باختصار : هل تأثرت الايجارات في الولايات المتحدة بالازمة المالية الحالية ؟

« في: 06:26 08/12/2008  »

الاخت العزيزة

العملية عكسية قل الطلب على الشراء وزادت اسعار الايجارات

380

مواضيع الحياة العامة في بلاد المهجر (امريكا) / رد: مقترح الى الاخوة اللاجئين في امريكا

« في: 06:18 04/12/2008  »

اشو كلهه تكول اساعد وما كو شي
ديللة فضوهه
وهذا غير عشرات الاعضاء اللي كانوا محدقين بالمنتدى واستفادوا من خبرة الاعضاء اللي قبلهم ومن طلعوا لامريكا كاموا يغنون الله وياك عبوسي
هسة اكيد راح تكولون امريكا وماكو وكت يعني خير ديشتغلون
لعد ليش يومية طالعين بموضوع يكولون احنة حدايق بأمريكا

381

الهجرة و واللاجئين / رد: مابين NVC و المقابلة؟ طول الفترة؟

« في: 14:15 01/12/2008  »

الاخ البصير بالنسبة لحالتك فلازم تحصل رقم من عندهم حتى تبدي تراسلهم وتخابر مركز خدمة الزبائن
همه عادتا يدزون ارقم بوصل بالبريد اليدوي بس على العموم تكدر تدخل على موقعهم وتراسلهم بس مو اكيد يجاوبوك والموقع هوه

www.uscis.gov

382

الهجرة و واللاجئين / رد: مابين NVC و المقابلة؟ طول الفترة؟

« في: 11:40 01/12/2008  »

الاخ جاسم قبل 6 اشهر كنت ابداية التقديم على البرنامجين وكنت مثلك حاير فدزيت ايميل الى البرنامجين وكانت الاجابة وحدة انه من يطلع اول اتسافر بيه ولا يوجد ضرر في التقديم على البرنامجين
واني هسة في مرحلة المقابلات في البرنامجين مع اني افضل برنامج الهجرة اكثر

383

الهجرة و واللاجئين / رد: مابين NVC و المقابلة؟ طول الفترة؟

« في: 18:30 29/11/2008  »

الاخ هيثم يؤسفني اكلك انه اني صارلي تقريبأ 3 اشهر انتظر بحيث برنامج الIOM ديمشي ويايه اسرع بس الشي الجيد انه اصدار الفيزا سريع جدا ببرنامج SIV

384

الهجرة و واللاجئين / رد: سؤال عن مركز نبراسكا

« في: 14:12 29/11/2008  »

الاخ نور لا يوجد فرق من ناحية المضمون لكني اقصد الوقت وانت بعدك مداز اوراقك وهسة تلاحظ من تتأخر يوم او يومين عن المتوقع شلون اكو فرق لان يوم واحد تأخير يعني اكو اسماء قبلك يعني انتظار اكثر والامريكان عندهم السرة فد شي مقدس .

385

الهجرة و واللاجئين / رد: مابين NVC و المقابلة؟ طول الفترة؟

« في: 14:03 29/11/2008  »

انلاصت!!!!!

ابوية عايز يتجوزني

386

الهجرة و واللاجئين / رد: ارجوكم فهمونى ظرورى واحد يذكر كفيل بامريكا لو يشمروا وين ميريدون

« في: 13:49 29/11/2008  »

الاخت العزيزة الموضوع ميحتاج حيرة وعليك ان تتقبلي الوضع
اذا عندك كفيل انتي تختارين الولاية
واذا ما عندك همه يختارولك وبالنهاية محد يفيدكم لان لازم تعملون وتكيفون نفسكم على الوضع الجديد
وماكو ولاية احسن من ولاية لان هذا الموضوع نسبي وقابل للمط وكلمن يفسره حسب ظروفه وبالتأكيد انه مهما كانت الولاية المساعدات بعد فترة تنقطع والعمل هو الحل الوحيد مهما كان نوعه مادام شريف

387

الهجرة و واللاجئين / رد: سؤال عن مركز نبراسكا

« في: 06:59 29/11/2008  »

هنالك فرق اعتقد انه مؤثر اعتقد انه المستمر على العمل يختصر الكثير من الوقت والجهد عن طريق ارسال البكج عبر البريد العسكري الامريكي وبالتالي العملية كلههه تستغرق 20 يوم وتبدي ادز اوراقك الى nvc

388

الهجرة و واللاجئين / رد: وجهكم خير علية ..... تعالو باركوووووولي !!!

« في: 06:43 29/11/2008  »

Congratulations sis

by the way i got a chance to live in the Uk but i'm playing on the US tone

389

الهجرة و واللاجئين / رد: سؤال عن مركز نبراسكا

« في: 19:23 28/11/2008  »

الاخ او الاخت العزيزين

تنتظر يدزولك بريد الى صندوق بريد امريكي
تاخذلهه 10-20 يوم وراح يدزولك رسالةالى الشخص اللي دزلك البكج  بيهه رقم الكيس نمبر مالتك وبالتالي تستطيع ان تدخل الى موقعهم وادخل الرقم ويصير عندك يوزر نيم وباسوورد وتتبع قضيتك وينطوك رقم تخابرهم او تكدر اتدزلهم ايميل.
اهم خطوة هو ينطوك وصل استلام يشبه نقش الدولار وبيه رقمك الخاص

390

الهجرة و واللاجئين / رد: انقذو صديق عكوك في العراق ابو نور شبح بغداد صفاء حيدور ماهر ابو اندرو سبع صنايع

« في: 05:15 28/11/2008  »

موجودين كل يوم عدا الجمعة واذا رواتب حتى الجمعة يتواجدون

391

الهجرة و واللاجئين / رد: انقذو صديق عكوك في العراق ابو نور شبح بغداد صفاء حيدور ماهر ابو اندرو سبع صنايع

« في: 15:18 27/11/2008  »

الاخ العزيز

بالنسبة للحالات الخاصة فأفضل طريقة هي المراسلة المباشرة والاستفسار من SIV
واني اكدر اجاوبك بس التفاصيل مبهمة من ضمنهه انه صديقك ليش محصل توقيع الجنرال من كان يعمل معاه وليش متأخر  وليش ماعنده ايميلات لأمريكان وعلى يا برنامج مقدم الجنرال لو السفير وشوكت قدم بالضبط.

وبالنسبة للمنطقة الخضراء فمثل ماكالو الاخوة الدخول من باب قصر المؤتمرات ويحتاج جنسية ام الفسفورة حصرا ورح يجي واحد يصيح GLS
ويصعد وياهم بالكوستر مع ملاحظة انه يطلع باتري التليفون وميدخن نهائيا اثناء الانتظار لأن يطلعوا.

رأيي الخاص انه يستمر مع برنامج اللجوء لأنه بعد ان ينطوه الكيس نمبر الاول رح ينطوه الاي زي نمبر بعد 4 اشهر والمقابلة بعد شهر وتمشي اموره

392

الهجرة و واللاجئين / رد: سؤال بسيط حول اللجوء الى امريكا

« في: 06:37 27/11/2008  »

الاخ العزيز

استطيع ان ادزلك موقع يبين الك شكد ديلزمون يومية لاجئين غير شرعيين لذلك ويه امريكا صعبة لأن يلزموك يلزموك

انصحك بالذهاب الى احدى دول الجوار والتقديم على  IOM وخاصة انه اكو اسراع بالموضوع بالوقت الحالي.

393

الهجرة و واللاجئين / رد: برنامج NVC بأدق التفاصيل وبعرض غير مسبوق لفائدة الأخوة الأعضاء...

« في: 10:45 26/11/2008  »

الاخ العزيز ابو نور

اني ما اعرف انته بيا مرحلة واصل يعني انت داز البكج الى uscis
عن طريق البريد الامريكي العادي Regular Mail:
USCIS/ Nebraska Service Center (NSC)
P.O. Box 87360
Lincoln, NE 68501-7360

Overnight Deliveries:
USCIS/ Nebraska Service Center (NSC)
850 “S” Street
Lincoln, NE 68508

وبالتالي هل جايك ابروفال وايميل من NVC

394

الهجرة و واللاجئين / رد: برنامج NVC بأدق التفاصيل وبعرض غير مسبوق لفائدة الأخوة الأعضاء...

« في: 10:36 26/11/2008  »

الاخوات العزيزات الاخوة الاعزاء

 شكرا على المشاعر الطيبة ومساعدة الناس متعة ما بعدها متعة خصوصا اذا كانت الشخص المقابل محتاج فعلا للمساعدة.

395

الهجرة و واللاجئين / برنامج NVC بأدق التفاصيل وبعرض غير مسبوق لفائدة الأخوة الأعضاء...

« في: 21:21 25/11/2008  »

الاخوة الاعضاء الكرام........

هذا الموضوع مقفل امام الردود من قبل المشرف....... اذا كان لديكم اي سوأل او استفسار....... يرجى ارساله برسالة شخصية الى المشرف او السيد كاتب المقال كي يتم نشرها.......

مع التحيات......

ستافروس


الاخوة الاعزاء..........


كثرت الأستفسارات في الأونة الأخيرة عن برنامج NVC ورأيت ان معظم الأعضاء لا يملكون المعلومات الكافية او يسيرون بأتجاه خاطئ.

بالبداية البرنامج كان محصور بالمترجمين (الطاكين) الذين يمتلكون التوقيع سئ الصيت (توقيع الجنرال) بدأ البرنامج ب50 مترجم عام 2006 ثم توسع الى500 عامي 2007 و2008 وانتهى الى 50 في العام القادم
وبتأريخ 11 اكتوبر انتهى العمل ببرنامج الجنرال (يعني بعد لحد يركض ورة توقيع الجنرال)
بـتأريخ 1 اكتوبر تم العمل بتزكية السفير التي تسمح ل5000 مترجم عدا عوائلهم بالهجرة الى امريكا سنويا الى عام 2013 (يعني العوائل هم يروحون بس لايحسبون ضمن ال5000 مقعد السنوي)

طبعا انا سوف اشرح المستمسكات المطلوبة منك بالتفصيل من لحظة وصول الايميل من NVC ....

المستمسكات المطلوبة:

1-صورة قيد مترجمة
2-صورة قيد ولادة مترجمة والغير مترجمة
3-عقد زواج مترجم والغير مترجم
4-نسخة من DS-230
5-نسخة من DS-234
6-BIOGRAPHICAL
7-نسخة من Refugee benefits
8-صورتين لكل شخص للفيزا بحجم 5*5 سم
9-تعهد خطي ان لا يوجد بالعراق تقرير شرطة
10-نسخ من أي باجات امريكية


اولا:صورة قيد مترجمة(ايضا تسمى 57  او   Family book )

1-   الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.

2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط

ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)

بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا  مطابقة الاسماء وحسب جواز الجي.

3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة  شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.

4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات

هنا احنة كملنة صورة القيد وتكون نسختين لكل شخص

الوقت التقديري (4-5) ايام



ثانيا: صورة قيد الولادة

1-تذهب الى المستشفى التي ولدت فيها اوالى مركز الزوية في الكرادة قبل جامعة بغداد بالنسبة للرصافة ومركز الكرخ لتسجيل الولادات قرب مستشفى الكسور في العطيفية او اذا ولدت من قبل قابلة تذهب الى القابلة وتسألهه في أي مركز صحي تسجل الولادات واذا القابلة ميتة تروح لأقرب مركز صحي على بيتهه
طبعا اسهل شي للي يعرف بيا مستشفى انولد ويزودوا بصورة قيد ولادة للترجمة والتصديق  شكله يكون شوية اكبر من كف اليد

2-الذهاب الى دائرة صحة بغداد في ساحة عدن حصرا وتستنسخ الكتاب قبل متطب وراح اتقفص عليك ام الاستعلامات وتبيعلك طوابع المهم شغلتكم بين الطابق الرابع والخامس طبعا كل شخص بالعائلة اله صورة قيد منفصلة يعني اذا زوجتك ولادتهه بصرة او سليمانية لازم تروح وتجيب صورة قيد ولادة قبل متروح لصحة بغداد هااااي شلون شغلة تعبانة.

2-   الذهاب الى مكتب نادر للترجمة قبل المسرح الوطني واخذوا فلوس وياكم
3-   ثاني يوم تأخذ صورة القيد المترجمة والاصلية الى تصديقات الخارجية واخذوا فلوس وياكم

وهنا نكون خلصنة صورة قيد الولادة الوقت التقديري(4-6) ايام


ثالثا: عقد الزواج

1-   تاخذ نسخة من عقد الزواج وتذهب الى المحكمة التي عقدت فيها وتطلب اربع نسخ للترجمة والتصديق الارشيف راح يدزوك الى عرضحالجي في الباب وسوف يطبعلك اربع نسخ على جهتي الورقة
        تنطي 5 الاف وتدخل للمحكمة وهنا يجب التأكيد ان يتم الختم على جهتي الاوراق يعني وجه وكفة وهذا الشي جدا مهم طبعا اول شي القاضي يوقع على جميع الصفحات وبعدين المحقق القضائي يختم على جميع الاوراق لذا يرجى الانتباه.

2-تأخذ جميع الاوراق وتروح الى محكمة استئناف الرصافة في عمارة شذى في الوزيرية اذا كنت عاقد بمحكمة بالرصافة  او الذهاب الى محكمة استئناف الكرخ في حي العدل اذا كنت عاقد بالكرخ واذا بالمحافظات فكل شخص حسب محافظته.رح يشتلوكم 5 الى7 ايام

3-تاخذ الاوراق الى مكتب نادر للترجمة لغرض الترجمة
 
4-من تستلم النسخ الاربعة تعمل نسختين ملونة وتاخذ الاوراق كلهن الى كاتب عدل الصالحية في شارع حيفا ضمن بناية وزارة العدل وراح يملوهن اختام وتواقيع وراح يحتفظون بالنسختين المستنسخة.

5-في اليوم التالي الذهاب الى تصديقات الخارجية في العلاوي

الوقت التقديري (7-10) ايام

رابعا:
 DS-230

طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم  تطبع وتوقع  وتسوي سكنر وترجعة بي دي اف

1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع           
N/A

3-الاسم حسب مامكتوب بالجواز ولكن بالعربي

4-تأريخ الولادة

  5- العمر
6- مكان الولادة (المدينة,المحافظة والبلد)

7-الجنسية طبعا عراقي

8-الجنس

9-الحالة الزوجية

10-اسم وعنوان وهاتف الصديق او القريب في امريكا واذا لايوجد تكتب
N/A

11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.

12-شنو شغلك يعني اذا مترجم تكتب
   ثم رقم تليفونك.Linguist

13-عنوانك الكامل محلة وزقاق ودار ومحافظة والبلد

14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.

15-اسم الاب الكامل

16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A

17-اسم الام الكامل

18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16

19-تكتب اسماء الابناء وتاريخ الولادة ومكان الولادة

20-تكتب جميع العناوين والاوقات  التي سكنتها لمدة ستة اشهر واكثر منذ ان اصبح عمرك 16 سنة

21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
 والقسم الثاني
-هنا محد رح يلحكك لامريكا يعني تكتب
N/A

22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.

23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A


24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو

25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.

26-ترجع تكتب اسمك مثل الجواز

27-تكتب
N/A

28-اسمك الكامل بالعربي

29-اسمك وعنوانك ورقم تليفونك بالانكليزي

30- مربعات تزركهن كلهن
NO
يعني انت مو حشاش ولا مخبل ولا مجرم وهكذا

31-
NO

32-
NO

33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي

34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص

35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A





خامسا:
DS-234

تتكون من صفحتين و29 فقرة وايضا تكتب حسب عدد افراد العائلة

1-عدد الافراد في القضية يعني اذا 2 تكتب 2 واذا اربعة تكتب 4

2-اذا انت مفدم الطلب الرئيسي تكتب نعم والزوجة والاطفال تختار كلا

3-
N/A

4-الاسم الكامل وحسب الجواز وبالانكليزي

5-الجنس

6-الحالة الزوجية

7-تاريخ الولادة

8-مكان الولادة محافظة وبلد

9- الجنسية

10-القومية

11-الديانة

12-العنوان الكامل

13-رقم الهاتف

14-العنوان البريدي

15-اخر عمل

16- اعلى مستوى دراسي يعني بكلوريوس دبلوم ماجستير وهكذا

17-اللغة الام

18-اللغات الاخرى

19-درجة اتقان اللغة

20-مشاكل صحية تكتب
None

21-عندك احد من كرايبك مقدم على نفس البرنامج

22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك

23-عندك كرايب بامريكا

24-اسم كرايبك

25-تاريخ ميلاد كرايبك

26-عنوان كرايبك بامريكا

27-رقم تليفون كرايبك بامريكا

28- صلة القرابة يعني عمك خالك

29-عنوانه البريدي


 



   سادسا:
Biographical

لحد يدوخ ترة جدا سهلة تسوي سكنر للجوازات وتحت كل جواز تكتب
1-رقم الكيس
2-العمل الحالي
3-الشهادة الدراسية

سابعا:
Refugee benefits

بيهه مربعين تخلي اكس على الاول يعني انتة تريد فوائد والثاني متريد
تكتب رقم الكيس والاسم وتاريخ الولادة توقع وتاريخ التوقيع

ثامنا:

صورتين لكل شخص للفيزا بقياس 5*5 سم  وماكو داعي تخافون المصور بس كلله صور للفيزا وهو يعرف.

تاسعا:

هنا شوية انتبهوا مطلوب تقرير من الشرطة يؤيد انك ماعندك جرائم وبالعراق ماكو هيجي شي لذلك تكتب تعهد بالانكليزي وتوقع وصارت ويايه وقبلو بي ومشة

عاشرا:

سوي سكنر لاي باج امريكي عندك مثل باج تايتن او جي ال اس او أي زي باج وطبعا لتنسون الباج وجه وكفة


الان ماذا ترسل؟

1-ببداية الايميل تنسخ اسمك ورقم الكيس نمبر كما موجود في الايميل المرسل من قبلهم وعنوان الموضوع هو رقم الكيس نمبر
2-تقسم البي دي اف الى ايميلين لان الحجم كبير
3-تعمل اتاجمينت للملفات وترسل التالي:

1-عقد الزواج العربي والمترجم طبعا المصدق
2-صورة قيد الولادة العربي والمترجم لجميع الافراد
3-صورة قيد 57 لجميع الافراد
4-صورتين خلفية بيضاء والنظر مباشر على الكاميرا قياس 5*5 سم للفيزا
5-الباجات
6-
Biographic
7-التعهد الخطي حول تقرير الشرطة
8-
 DS-230

9-
DS-234

10-
Refugee benefits


ويجب ان لا تنسون تقسيم الملفات الى قسمين لان ايميل واحد ميوصل

ارجو ان الشرح وافي  ويجيب جميع الاستفسارات ولا تنسون ان  الكلام اعلاه مجرب وناجح بشكل كامل.



 

396

الهجرة و واللاجئين / رد: شهادة الولادة فتت افادي وملاكي جواب وافي

« في: 04:34 24/11/2008  »

لا لا لا لا لا لا لا لا ............

اخي..... شهادة الولادة تكدر تسحبهه بأي وقت تريد واذا انت رحت للمركز الصحي بالزوية رح تلكة موظفة اسمهه وداد طبعا هنة اثنين خوش بنات ويساعدن بس على شرط ان تعرف المستشفى اللي انولدت بيهة ومركز الزوية يغطي المستشفيات الموجودة بالكرادة والجادرية مثل العلوية والراهبات.
اما اذا كنت مولود بمستشفى مو ضمن الرقعة الجغرافية فيجب ان تذهب الى المستشفى مباشرة ورح يزودوك بالشهادة وهية ورقة زغيرة تاخذهه وتروح لدائرة صحة بغداد في ساحة عدن للتصديق ثم اترجمهه بمكتب نادر يم المسرح الوطني ثم اتصدقهه بالخارجية بالعلاوي
ولتصدك اي احد يكللك مو مهمة لو الهه بديل ترة كلش مهمة وتوكف معاملتك
واتدلل............

397

الهجرة و واللاجئين / رد: استلمت رساله من NVC واحتاج مساعدتكم اخوتي الاحبه

« في: 18:50 16/11/2008  »

يا اخي لم تجاوب على سؤالي هل انت ضمن برنامج توقيع الجنرال او السفير
وهل قمت بترجمة شهادة الولادة وصورة قيد 57 وعقد الزواج اذا كنت متزوج
اما بالنسبة للفورمات فهي سهلة وبالتاكيد ينرادلك تسوي هواية امور قبل ارسال اوراقك الى nvc
اريد ان اعرف ماذا طلبوا منك بالضبط فانا لدي المام كامل بهذا الموضوع
وتدلل

398

الهجرة و واللاجئين / رد: استلمت رساله من NVC واحتاج مساعدتكم اخوتي الاحبه

« في: 11:10 16/11/2008  »

اخي العزيز

تدلل بس انت بعدك مستمر بالعمل وعندك احد يساعدك لو مبطل وبرنامجك مال الجنرال لو السفير