كتبت الأخت أم ملك بعد وصولها إلى كندا موضوعاً مهماً جدا على صفحة (جماعة تركيا) بهذا المنتدى على الرابط
http://www.ankawa.com/forum/index.php/topic,581659.msg7373284.html#msg7373284أنقله لكم لأهميته لمنتظري السفر إلى كندا وأتمنى من الأخت أم ملك أن لا تبخل علينا بالكتابة بين الحين والآخر، وإليكم الموضوع:
ان شاء الله ابقى متواصلة معكم قدر الامكان ..
الحياة في كندا .الجو بااااارد جدا وصلت درجة الحرارة -35 اما اليوم غيوم وباردة درجة الحرارة -2 . أول ما توصلون الي المطار ستجدون شخص يستقبلكم مكتوب اسمكم يمه وغالبا الي تستقبلكم بنات من السودان .
يتم اعطائكم ملابس من المطار وهي هدية زينين جدد وليس مستعملين (( حذا خاص بالثلج .اكرمكم الله وقمصلة تتحمل درجة حرارة -30 . وجواريب شتوية سميكة وشفقة وكلاو شتوي سميك .)لكل شخص بالغ، اما الاطفال يعطوهم ملابس كاااملة مثل ( بنطلون وقمصلة وشفقة وكلاو وجفوف وجواريب )) كلها سميكة تتحمل درجات حرارة منخفضة جدا .
انتبهوا من الاخوات الي من السودان عندما يستقبلوكم ..لان في نوعية منهم ..صارت معاي شخصيا انها طلبت من زوجي ان ينطيها على كل شنطة 10 $ قال لها ليش مال شنوا قالت انت تشيل فقط 3 شنط وتطلع من المطار وباب المطار يطلع وما تقدر ترجع منه وباقي الشنط مين ايشيلهم ؟؟؟؟؟؟
انطيني 10 دولارات على كل شنطة واشيلهم انا واطلعهم خارج المطار ؟؟ وهذا جان نصب منها وتصرف شخصي
ورفض زوجي ؟وبعدين ربي دز النا شخص وساعدنا بيهم والحمد لله وربي خلصنا من شرها .
بعدين تكون اكو سيارة برا خارج المطار موجودة حتى توديكم الي منظمة وزلي وكل من يأتي الي هاملتون سوف ينزل فيها .
بيها نجوى و مصطفى و هاميون جانيت ..ناس طيبون لكن المشكلة جانت بالاكل مال المنظمة شلون ؟؟
جان قبل ينطون لكل شخص 20 دولار حتى ياكل لكن هسا صاروا هما الي يطبخون الاكل وينطوه النا ..اكل ما أعرف عبارة عن شنوا الله اعلم حاولوا قدر المتطاع انكم اتقولون الهم انه الاكل مو زين ؟؟حتى يغيرون الكم .
بعدين ينطون الكم 200 دولار مال مواصلات ليش ؟؟
لان بعد يوم او يومين تبدأ بعمل اوراق مال الرقم الوطني وبعدها محاضرات عن كندا واحد الاخوة الي ذكرتهم رح ينطوك اياها .
تبقى بالمنظمة (( كمب )) مدة 10 أيام او اكثر في حالة لم يجدوا الكم بيت ولكن ؟؟؟؟؟ رح يصون ما بعد العشر ايام من المرتبات ..
المرتبات في هاملتون كندا لكل شخص 711 $ كل شهر والاطفال 400 $ تى يصبح عمره 6 سنوات يصبح الراتب 350 $ .
المدارس مجانا ..اتسوي امتحان مال اللغة وانت ومستواك اللغوي ..السنة الاولى التعليم ليس اجباري ابدا ..رغم ذلك انصح الجميع بتعلم اللغة لانها اهم شيء بكندا .
الصحة بعد ما تسوي اوراق الصحة وتفتح حساب بالبنك يتم وضع بي المرتبات وشيك الولكم عبارة عن ؟؟؟
2345 دولار هدية من الحكومة الكندية لبدأ الحياة بها .
1422 دولار راتب الشهر الي انت اجيت بي على كندا .
وبعدين شيك تدفع بي اجار الشهر الاول والاخير للشخص المسؤول عن البيت ؟؟ لان اهنا بكندا الشركات هي الي تاجر وليس صاحب الشقه .وتكون معاملاتك كلاها مع الشخص الاداري الي بالعمارة .
الصحة ......العلاج بالكامل مجانا ..العمليات كلاه مجانا ..وتقدر بعد ما يصير عندك طبيب عائلة وينطيك الدواء تأخده من الصيدلية الي بالمستشفى وبعد شهر محتاج الي الدواء نفسه اتخابر الصيدلية ويجيبون الدواء الي بيتك دون دفع اي ميلغ ..
دية ايضا من الحكومة الكندية (( سرير لكل شخص بالغ او طفل وايضا بطانيات وايضا مخدات وشراشف وخاوليات .. وطقم مال قنفات وميز وكراسي على العدد وابجورة .وكمودينة لكل غرفة وطاوليني وحدة منهم خاصة بالتلفزيون .وموجود في كل بيت طباخ وثلاجة .اما الغسالة موجودة في البدروم مال العمارة وحتى تغسل لازم توضع دولارين بيها ودولارين على مود تنشيف الغسيل ويصبح جاهز لوضعه في الكنتور يكون في الحائط مجهز .وممنوع نشر الهدوم بالحبل على البلكونة منعا باتا .
هاي تقريبا الاشياء الزينة ...
الاشياء الي مو زينة ..الجو بااااارد جدا جدا جدا لدرجة انه الوجه يتورم من شدة البرد .وبعدين لو تقارنها بتركيا من حيث كل شيء ..تركيا بجميع محافظاتها اجمل بكثير من كندا .. الاكل ( الحلال ) لازم اتكون حريص على شراتء اللحوم الحلال منها ما تقدر تشتوري من اي مكان ؟
الناس اكو عرب هواية منهم الزين ومنهم لا للاسف ؟؟ ما يساعدون ابدا حتى اتسلم عليه مايرد السلام ويبقى ماشي ؟؟ليش شكوا اشصار السلام لله .
المشكلة الكبيرة جدا جدا جدا وخاصة للنساء ....... الصراصر الي بكندا لا توصف موجودة بكل بيت
لازم اخواتي واخواني قبل ما تسكنوا في البيت يتم رش البيت اجباااااااري قبل ما توقع العقد .
لان الناس هنا خليط من جميع الجنسيات (( الصيني الهندي البوذي الباكستاني الصومالي الروسي الفرنسي الامريكي العربي ..........الخ والاغلب وياهم كلاب يطلعون وياكم حتى بالمصعد )) شلون ما أعرف ؟؟ المهم كندا بيها خير وتحتاج الي لغة وبيها شغل ولازم اصحاب الشهادات يعادلون الشهادة ويرجع مرة ثانية يدرس اربع سنوات وياخد دبلومة وليس جااامعه.
المشكلة الثانية حشرة ( البد بق ) معقولة كندا بيها حشرات مضرة وتقرص ؟؟؟ اي نعم بسب الحيوانات مثل القطط والكلاب ..اكرمكم الله ادا العمارة بيها شقة وحدة بيها هاي الحشرة معناها العمارة كلها رح يتم مكافحة كل الشقق والاغراض كلها يتم رميها بالزبل ( اكرمكم الله) كلها الاثاث والملابس وصااااارت اشكد .
الحل من بين الاغراض الي اتجيبوها وياكم من تركيا (( السيليكون )) لان غالي كلش في كندا لازم اتجيبون وياكم اكثر من 10 .
سوف اخبركم قريبا شنوا تجيبون وياكم من تركيا .ودااااائما اقول الحمد لله يكفي الامان .
اسفة اتأخر الوقت لان فرق بين تركيا وكندا 6 ساعات تقريبا .. الي لقاء قريب ان شاء الله
أم ملك
عرض المشاركات
بس انته حضرتك قريت الموضوع بسرعه فائقه ههههههههههههههه والله يسمع منك ان شاء الله واوصل لكندا