عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - مسيحي وافتخر 2

صفحات: [1]
1
سلام

اولا شنو الرقم
ثانيا بيا ساعة يفضل الاتصال
ثالثا شنية التعليمات يعني نضغط يا خيارات
رابعا شراح يطلبون من عدنة معلومات حتة يتاكدون من ان المتصل ابو الانه
خامسا اكو احد راح يجاوب يعني اكو موضف راح يرد عل المكالمة لو بس تسجيل الي


بالكي من الي تصلوا وعدهم معلومات يفيدونة ترة ملينة

2
سلام

اتصل بية الكفيل وكال جوي جماعة سالوني عليك وعلمود الاقامة والفيز (على حسب قولة) هل معنى هذا انه الامنية اوكي لو هذا مجرد شي روتيني.... لان ما اريد اعيش بالاحلام والامنيات واني مخليهة يم الله و واصلا ما اسال على الموضوع.

اتمنى الي عندة فكرة يشاركنة بيهة

سلام

3
السلام عليكم

سؤال اخوان اني مقدم UN عمان بس مقابلة وحدة كالتلي الي قابلتنب اذا تريد تزور العراق لاي سبب لازم تعلمنا

زين هسة اني اريد اروح للعراق لان اني اصلا مو مقيم بعمان شتكولن اتصل بالمنظمة واخبرهم انه اريد ارجع عندي شغلة مثلا مرض او فد شي لو اغلس؟

الي شفتهم بعمان يكلون عادي روح ولا تكللهم

ارجو الرد.... حرامات تروح عليه.....الرجاء الرد


وشكرا

4
السلام عليكم

اخوان اني مقدم عل SIV وقابلت قبل شهر اكدر اقدم عل IOM هسة لو ما اكدر علما انه هم دزلوي ايميل IOM عمان قبل 4 اشهر اذا احب اشارك ببرنامجهم

الرجاء الرد واكون ممنون منكم


5
السلام عليكم اخواني

اخيرا قابلت بالسفارة وصار الي جنت خايف منة

مثل ما كلت قبل اني اكسس دينايد يعني علية منع وجنت حيل خايف منة

المهم من الجماعة اخذوا بصمة اصابعي وبصمة العين كلت بكلبي (جاك الموت يا تارك الصلاة) المهم قابلني القنصل وارتاحلي حيل بس اخر شي كلي هم عليك هل انت اكسس دينايد للمواقع صفنت جان يكول بالعربي هم يوم ردت تدخل وكلولك متكدر....كتلة لا المهم اشو هذا كال اني كلش سعيد بمقابلتك بس اريد ادزلي نقوصاتك بال دي اج ال ..... وهنا الكارثة...............هاي جوازك خلي يمك اذا طلعتلك فيزا احنة نتصل بيك!!!!!!!!!!!

الوحيد الي كلة هيج هو اني...... صفنت كتلة ليش سيدي خو ماكو شي..... كال لا بس انت تسافر هواي ليش مخلي يمنة وعلى كلن اذا تريد اعوفة فانت مرحب بيك ان تعوفة ...كتلة لا اخذة.

وطبعا لاطلب مني اوقع عل ال DS-230 و ولا هم يحزنون

طبعا مثل البطل انسحبت من الشباك.... المهم اني جنت مأيس مسبقا بس كلت بنفسي احسن رجعة للجواز ليش يشتلني حوالي سنة وبعدين هو ميريد ينطيني فيزا وبعدين  لو هي بيهة مجال فيتصل بية

طبعا بغض النظر عن النهاية المأساوية بس حسيت هم وانزاح عن كلبي ورة المقابلة المهم اخواني وخواتي شتتوقعون وبكل صراح هاي هي راحت علية لو (احتمال) بيهة مجال وهم سامعين اكو رجعولهم جوازاتهم من البداية وماطلبو التوقيع على الDS-230 ؟؟


6
السلام عليكم

حبايب مقابلتي بعد كم يوم بالسفارة ببغداد اني مقدم عل اس اي في محتاج كم جواب عل السريع اذا امكن:

1.كاتبين وقت المقابلة 7 ونص سريعا صباحا بس هم كاتبين لازم احضر قبل ساعة حتة الحك عل الباص زين اني وياية جهالي يعني معقولة لازم بالستة ونص اني بالباب مال معسكر الازدهار؟ يعني عل هل الحجي اطلع فد بالستة من بيتنة فد بالستة و بالله هاي صايرة حتة الدنية مضلمة وشغلة ثانية معقول الباب تنفتح بالستة ونص؟

2.رحمة لوالديكم محد يكلي الباب الي ادخل منهة معسكر الازدهار صايرة ورة سيطرة الحارثية من جهة ساحة النسور يعني جوة الجسر الي يروح عل الساعة؟ ارجو التوضيح

3.اذا دخلنة والله سهل جوازاتنة يعني راح تضل يمهم ؟ وبعدين هم ورة ميقررون(حضرتهم) يدزوهة لاحد المكاتب؟

4.لازم اضبط وية ابو مكتب DHL او FEDEX قبل المقابلة حتة استلم جوازاتنة لو مو شرط هم يدزوا وابو المكتب يتصل بي؟

5.واخر شي شنو ممنوع الواحد يجيب عل الاقل موبايل بدون كامرة؟ يعني مثلا الواحد يتصل باهلة يطمأنهم؟



والله اذا الجماعة المقابلين قبل عدهم اجوبة ويكدرون يساعدون علوا


7
حبايب

كم صورة احتاج عند المقابلة ؟ علما ان مقابلتي اس اي في وشكرا

8
السلام عليكم

بالبداية باركولي عل التسجيل بالمنتدى لان عبالك مدا اسجل بالمنتدى عبالك مقدم فيزا لامريكا هم تجييك سكيورتي وامور  ;D صارلي شهر الة حصلت الموافقة فمنعتب عل الامريكيان

اخواني اني مقدم عل اس اي في ومقابلتي بعد كم يوم

اولا محسوبكم اكسس دينايد للمواقع الامريكية علما ما اعرف السبب شنو ولحد الان ايدي بطنهم ومساعدتي الهم محد مساعدهم ابد لان اني لايف سبورت كونتركتور

المهم اني ببصمة العين راسا انلكف واحتة بالاسم

اولا طبعا اني مأيس من الشغلة بس هي تستحق التجربة
ثانيا اذا اريد ادخل من باب الازهار على الباص هم يجيكون بصمة عين لو كبل للسفارة بس ياخذون الجنسية وهاي هي
ثالثا باب السفارة اكو تجيك للبصمة العين لو كبل الواحد بس تفتيش ويطب

اذا كان اكو تجييب لبصمة العين باب الازدهار وباب السفارة لعد شلون كثير من جماعة البلاك لست قابلو ودخلو ولو بالنهاية اكثرهم انرفضوا

بالنسبة الي مو فد شي اذا مدخلت بس وياية اهلي وعيب كداهم يكلولي متكدر تدخل

واكو شغلة لخ اني اكدر احصل اسكورت كبل يوديني لباب السفارة من باب الجسر المعلق في حالة ما اكدر ادخل من باب الازهار

انتظر جواب اهل الخبرة ولكم جزيل الشكر



صفحات: [1]