عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ABUALI

صفحات: [1]
1
بنك الاسكان فرع الهاشمي الشمالي

2
ماهي اخر اخبار الملفات التي تبدي123
جاوبوا رجاءا اكو احد سافر ؟

3
الأخ سليم المحترم توجد جمعية اسمها مركز انقاذ الطفل واتصور يشتغلون مع منظمة كير العالمية مسؤولة عن تسجيل الاولاد بالمدارس  وتنسيق الوضع لهم للاندماج بالمجتمع موقعهم خلف الاستقلال مول (جبل النزهة) وبطريقك من توصل هناك اطلب مقابلة باحثة اجتماعية واحجيلهة وضعك وهم يساعدوك لو بمبلغ مادي لو مساعدات عينية يعني غراض بس اولا لا تكول اجرت مفروش ولا يكون ايجارك اكثر من 110 واذا عندك عقد ايجار بعد احسن وهم احجيلهم ان مدير المدرسة رافض يسجلهم

4
ليش الانسحاب ؟ هستوني شوية صعدت معنوياتي وكلت اكو امل والناس كلهة متفائلة ليش فجأة تنسحبون ؟ هو احنة واحد يصبر عالثاني مو واحد يؤذي الثاني مكافي اللي احنة بي من ضيم وقهر

اختكم

5
مرحبا اخوان طبعا اني زوجة ابوعلي هاي اولا
ثانيا اني متفائلة بالسفر اذا مو عالعيد فنهاية السنة علما انو احنة مامسوين فحص طبي ولا متصلين بكفيلنة بس اكول الله اذا راد يوفق شخص مايحتاج وقت (انما امره اذا اراد شيئا ان يقول له كن فيكون)والله كريم

6
والله قبل شوية سمعت خبر من صديقي انهم اتصلوا بكفيلة ووقع اوراقهم وبالنسبة الي كلشي ماكو والحمد لله علما انه الولد مسيحي والكفيل يصير خاله

7
انا قصدت ما يشتري ارض للاستثمار ولكن لابأس بشراء ارض للادّخار والفائدة لكن بدون ان يستثمرها بمشروع ويربط نفسه

8
زين اخوان اني قبل ايام اجتني رسالة انو اني ربحت اللوتري بس من سألت كالو هذولي هكر لا تديرلهم بال؟؟؟؟؟؟؟

9
اخوية يعني بس للعراقيين وشكد كلفة الدورة؟

10
أخي المحترم طالب النصيحة أي عراق هذا الذي تريد الأستقرار فيه؟
وأي مشروع ممكن ان يغنيك عن الدراسة في ارقى بقاع العالم؟
عزيزي اميركا حلم لكل ذي عقل يعي معنى التطور والنظام والحقوق والواجبات؟ والله لو تعرف مقدار الاسى واللوعة التي اعيشها كلما تذكرت العراق وارض العراق وسرّاق العراق(اجلّكم الله) ،حاول ان تنسى مابيدك من مال او اشتري به ذهب وادخرهة للزمن لكن لا تستثمر في ارض لا تعرف مستقبلها
في الماضي كانوا يقولون بلادي وان جارت عليّ عزيزة         وقومي وأن شحوا علي كرام
ولكني اقول بلادي التي ارعبتني ليست عزيزة وقومي الذين خذلوني ليسوا بكرام واعذرني لتعابيري القاسية لأن الله وحده يعلم ما جرى ويجري علي

11
شكو ماكو اخوان شو سويتوهة سكتة اني لهسة ماخابروني عالفحص احد من جماعة يوم الاثنين خابروه ؟؟؟؟؟؟
ياريت تبشرونة

12
هسة رحت كلشي ماكو

13
اخوية بدون زحمة يعني انت تكول التوجه للأقليات الدينية يعني اهتماما بيهم او تهميشا بحقهم؟

ياريت توضح

14
سمعت السبت ينزل

15
الحمد لله على سلامة الوالد ويارب يكوم بالسلامة

16
هذا حال العراقيين ؟؟
ضاقت بيهم كل الدنيا؟
الله يجازي اللي كان السبب

17
      السلام عليكم جميعا اخت تقوى الله اتمنى ان تكوني بخير دائما ، اخواني مثل ما تعرفون انا من جماعة يوم الاثنين بس ما عندي بشارة ولا يحزنون ومحد دز علية فحص.
يجوز يريدون يسفروني عدل وكبل بدون امنية وفحص ;D ;D ;D ;D ;D ;D ;D ;D ;D ;D

18
السلام عليكم اخ سيكو ياريت تغير اسم الجمعية بحيث نبقى متواصلين الى ان الله يفرجها

19
تغيرت البلاد ومن عليها فوجه الارض مغبرُّ قبيح

تغير كل ذي لون وطعم وقل بشاشة الوجه الصبيح

وجاورنا عدو ليس يفنى لعين لا يموت فنستريح

تهون اخواني الله ينتقم من اللي كان السبب بكل هذا حجاياتكم توجع القلب والله

20
عالخير الجمعية الجديدة وان شاء الله تتسهل اموركم جميعا بحق محمد وآل محمد

21
up up up                                upupup

22
الاخت العزيزة تقوى الله انا بخير مادمتم بخير والحمد لله على كل حال اليوم سمعت من صديق انه كثير من اللي استلموا نتائج المحلفين الاثنين بدأوا بأجراءات الفحص الطبي وهذا طبعا دليل على الموافقة ومع ذلك مازلت اقرأ من بعض الاخوة انه تأجيل فقلت اسكت احسن لأن كم مرة قلنالهم مو تأجيل محد يريد يصدك بس ان شاء الله يجيبهم موعد الفحص حتى يصدكون وتحياتي لأعضاء الجمعية فردا فردا وياريت اللي ينطوه موعد فحص ينزل الخبر حتى نطمئن

23
زين اخوان انا اسأل سؤال قريب لسؤال الاخ الكريم لكن مو اني اللي ارجع وانما زوجتي فهل ترون هذا يؤثر على الكيس وشاكر لكم حسن التعاون

24
 :oليش تخلون الجمعية تروح بعيد انا كلش متفائل بيهة لأن كان افتتاحها بأيام شهر رمضان المبارك ولو وين متروح ارجعهة

25
والله اخوية حسب علمي بعدهم موجودين اشو اعرف بنية اليوم قابلت واني هم تفاجأت بصراحة لأن هاي المرة كلش طوّلوا

26
يا اخوان الله يشهد على كلامي البارحة خابرت موضف بالاي او ام والله والله والله قال انتو جماعة يوم الاثنين موافقــــــــــــــــــــة وانتظروا الامنية كل ما هنالك ان المعاملات ما تم انجازها باليوم المقرر لأن عدد هاي الوجبة كبير جدا فقسمونة قسمين يعني اللي قابل نهاية شهر الثامن مثل اللي قابل بشهر السابع؟ واكيد اكو مراحل تمر بيها معاملاتنة خومو شخطة قلم؟ اصلا انا اعرف جماعة قابلوا وبعد فترة عادوا المقابلة وكالولهم الموضفين حتى لاتبقى معلقة شغلتكم عدنالكم المقابلة اكو شغلات المحلف يريد يتأكد منها وانتو بكيفكم  تصدقون او لا تصدقون

27
والله اني قارنت الورقة مالتي واني من جماعة يوم الاثنين مع ناس جيراني وهم من جماعة يوم السبت ولكيت نفس الكلام نفس الكليشة وبعدين خابرت موضف بالاي او ام كالي انتو مقبولين ولا تسمعوا كلام من الناس انتظروا الامنية فقط

28
اخوان دخيل الله رفقا بأعصابنة ناس تكول الاثنين تأجيل ويحلفون ايمان غليضة انو كلامهم صح وناس تكول موافقة مبدئية وتنتظرون الامنية اي غير نفتهم من واحد زين هم يكولون daferraed) معناها تأجيل وهذا صحيح بس التأجيل مشروط بحصولك على الامنية بعدين ليش محد كتب عن final decision والتي تعني انك يالمراحل الاخيرة للقرار النهائي يعني لوما موافقين ليش يوصلونة للمراحل الاخيرة من القرار اللي عادة يكون البت به من قبل اجهزة امن الدولة المانحة للجوء؟حتى يكملون اجراءات السفر

29
الله يساعدك ويكون بعونك اخوية الاعظمي اشو هبطوا معنوياتنة كنا متأملين انه احنة هم قبول اشو الاخ دا يحجي غير شكل زين شنو رايكم شخص استلم معانة يوم الاثنين واسمه غزوان الاعظمي ونزل خبر بالمنتدى واستلم امنية همينة هو معانة جماعة الاثنين شنو القصة؟ غير نفتهم

30
ارجو تغيير اسم الجمعية الى جمعية اللي استلموا نتائج المحلفين عمان شهر 7 او 8 (2011)
بالمناسبة شأخبار سيكو؟ ابو الجمعية والاخت ضوء ؟

31
السلام عليكم اخوان استلمت المغلف اليوم وكانت النتيجة موافقة مبدئية وبأنتظار الامنية بخير وسلامة ويوم الالكم جميعا
ابو احمد انا اعرف ناس صارلهم 3 اشهر دخلوا عمان واليوم استلموا نتيجة  المحلف ويانة وقسم اجتهم الامنية واكثر من مرة نزلوا اخبار بالمنتدى انو جماعة 124 نطوهم خط رحلة وكل واحد وحظة والتوفيق من الله

32
مبرووووووك اخوية غزوان شايف كل الخير وان شاء الله السفر القريب بحق محمد وال محمد
بس ردت استفسر منك اخوية العزيز التأشير على المربع الاول عندك كان بعلامة صح لو اكس لو هاي ما الهة علاقة ؟ فقط المربع الاول يعني موافقة المحلف؟ اكون ممنون اذا جاوبتني

33
الف مبروووووووووووووك لكل الاخوة وابشركم انا هم اليوم استلمت موافقة وكل الموجودين تقريبا استلموا نفس الشي عددهم كان حوالي 50 او 70 كيس

34
وهمينة up ليش شمرتو الجمعية مو احنة بعدنة مامستلمين كلشي؟؟؟؟؟؟؟؟

35
ليش لعبت نفسك؟ ازدحام؟ رفض؟ تأجيل لو شنو القصة اني لزمت هاي الحجاية منك وكمت احرك بأعصابي لأن اني ما شاء الله ابدا موقلق  :(

36
مبروك للجميع upمبرووووووووووك up والله مبروك وهم up

37
مبرووووووووووك للأخت العزيزة أم حنيـــــــــــــــــــــــــــــــــــــــن ويارب السفر القريب

38
الف مبروك الف مبروك الف مبروك تستاهلين كل الخير اختي تقوى الله ادعلينة نلحق بكم في ركب الموافقات ويارب ما يخيب امل واحد بينة بحق الحبيب محمد

39

اخواني الاعزاء سلام عليكم
علمنا اليوم من مجموعة من الاصدقاء الذين استلموا المغلفات ان العدد كان كبير جدا بحدود الف (1000) شخص لهذا تم توزيعم على وجبتين السبت والاثنين وهم المقبولين.
اما الذين تأجلوا الى يوم الأحد فلديهم نقص في المعلومات والوثائق، يعني تأجيل.
واما يوم الثلاثاء فهم المرفوضين ندعوا ان لايكون احد مرفوض انشاءالله وان يجبر  الله خاطر كل الذين ينتظرون هذه الساعة الحاسمة.
تحياتي ابو علي

40
الهجرة و واللاجئين / رد: تساؤل
« في: 06:29 10/09/2011  »
والله يا اخي عدنة وضائف محترمة بس انهزمنة من الضيم يعني هو العراق ينعاش بي ورة هاي المساوئ كلهة
وتسلط الاحزاب وضيم الدوائر والتعليم الفاشل اوووووووووووووووووووووه من غير ان حياتنا عدهم فلس متسوة يعني يجيك واحد شهادة ابتدائية ماعندة يتحكم بمستقبلك ومقدرات حياتك حسبي الله ونعم الوكيل

41
ان شاء الله الخير للجميع والله من قرأت معلومات الكيسات مالتكم اتعجبت لان لحد الان معاملاتكم متأخرة الله يكون بعونكم وتتسهل اموركم بحق الحبيب محمد، بصراحة انا اعرف جماعة 124 سافروا والله يسهل للجميع

42
الاعلان الموجود بالاي او ام يكول الحضور يوم السبت ب  9 صباحا وان شاء الله الفرج للجميع 

45
لا والله ما سافرنا مدمرة اعصابنا ننتظر نتائج المحلفين يوم الاثنين والليل مدا انّام
اخوكم ابوعلي من عمان 123
قدمت شهر الثامن 2010
قابلت الاي او ام شهر الرابع2011
ومحلفين شهر الثامن 2011
يعني اول عشرة ايام من الشهر الفضيل

46
السلام عليكم جميعا وجمعة مباركة لكل الطيبين رغم كل مافينا من أسى على احوال بعضنا البعض نرجع ونشكو الى الله قلة الحيلة وهو ارحم الراحمين، نرحب بالاخ او الأخت ضوء وبالنسبة للأخ الأعظمي كان الله في عونك لكن انا لي عائلة اصدقائنا بعد ان اكملوا مقابلة المحلفين بيومين دزوا على الرجال وسوولة اعادة محلفين استشبر اخي والكاتبة الله يصير وان شاء الله يسهل امرك بحق محمد وآل محمد

47
السلام عليكم اخواني شكرا للاخوات ام حنين وتقوى الله وللأخ العزيز ابو صابر اتمنى ان يكون كلامكم صحيح ونرتاح ونفرح بالموافقة بحق محمد وال محمد

48
السلام عليكم جميعا البارحة خابروني استلام المغلف يوم الاثنين وبس الله اليدري بحالي والحمد لله على كل حال نعم المولى ونعم النصير

49
انا اللي اعرفة ان المؤجل والمرفوض يتصلون بيه يبلغوه اذا قيد الدراسة يروح يوم الاثنين واذا لا سامح الله مرفوض يروح الثلاثاء وذا ميتصلون معناهة امورة ماشية ويروح يستلم موافقة السبت واذا الله راد ينهي معاناة التفكير عندة يتصلون بيه عالفحص الطبي فيعتبر نفسة ضامن الموافقة والله كريم نسيت اذكر شي واذا حظة كلش كاعد وهذا نادر جدا تجي الامنية والموافقة سوة وادعيلي اختي العزيزة لأن راح انجلط

50
مبروووووووك اخوية تستاهلون كل الخير :D

52
يعني اتصور كل أيام الأنتظار اللي مرت بكوم وهاي الأيام بكوم والله اللي يستر ، والله كتلنة القلق والتفكير

53
والله يا اخي هاي الحيرة اللي انت بيهة مالهة اي داعي عندك جوازات A ادخل بيهة للاردن وخلص وماكو اي داعي لذكر سفرة ايران قابل هم يعلمون الغيب؟؟ اصلا  لا تكول عندي جوازين لان يعتبروهة شغلة تزوير لان كل العالم والناس يسحبون الجواز القديم يلله يصدرّون الجديد بس العراقيين يتهاونون بهيج شي  وانة والله والله اعرف شخص انرفض لأن غير جوازة من S الىG خلال المقابلات واعتبروهة تزوير وهسة قدم استئناف ورفق الجواز القديم يعتي اندمرت المعاملة دمار من ورة الجواز . فأنت ليش تفتح على نفسك باب شك هم ما يعلمون الغيب يعلمون اللي انت تكولة وبس

54
مساكم الله بالخير اخواني اعضاء الجمعية الكرام اعتقد بدأ العد التنازلي لجواب المحلفين لأن اليوم 1-9 ولو حاليا دخلنا باليوم الثاني والله اليستر ويوفق الجميع بحق هذي ليلة الجمعة انه على كل شيء قدير

55
عيدكم مبارك وكل عام وانتم بألف خير

56
أمّنــــــــــــــــــ يجيب المضطر اذا دعاه ويكشف السوء
                                   أمنــــــ يجيب المضطر اذا دعاه ويكشف السوء
                               أمنـــــــ يجيب المضطر اذا دعاه ويكشف السوء

57
مبرووووك لكل من اتصلوا به للفحص الطبي واعتقد انها بوادر موافقة بحق العلي القدير والدعاء للجميع براحة البال والحصول على الموافقة ان شاء الله بالنسبة الي محد خابرني لحد الان وكتلني القلق والحيرة . بس ما باقي شي الله كريم هو يشوف حالنة

58
ماعدنة غير رحمة الله ، الله يوفق الجميع

59
السلام عليكم اخوان منو حددولة موعد للفحص الطبي ؟ افيدونا رجاءا

60
مبروك للاخ الجديد    3mان شاء الله فاتحة خير عالجميع 

61
آلهي بحق علم التقى، بحق ابن عم المصطفى ،بحق الوصي المجتبى،بحق علي المرتضى ،يفرجهه على كل متضايق خصوصا فريد وسيكو وابن العراق كولوا آميـــــــــــــــــــــــــــــــــــــــــــــــــــــــن

62
الف مبرووووووووووووووووووووووووووووووووووك ان شاء الله توصل بالسلامة والله بالعافية على كل من يسافر ويخلص لان احنة معاناتنة واحدة ونفرح من واحد يرتاح ويخلص روح اخوية الله يوفقك ويفتحه بوجهك بحق هذا رمضان

63
السلام عليكم اخوان اولا مبروك للاخت ام حنين على المقابلة وان شاء الله الموافقة
بس الاخت تقوى الله ماكو لهسة ان شاء الله تكون توفقت بمقابلة اليوم اخ فريد ادعو الله بحق هذه الليلة المباركة ان ينطوك موعد الاسبوع الجاي هو ترة دا يخابرون قبل يوم واحد او يومين فانشاء الله تفرج عليك وعلى كل اللي ممقابلين
اخوك ابو علي

64
اخ فريد شنو رأيك انه اني بيوم اللي اتصلو علية وبلغوني بالمقابلة كنت مخابرهم الظهر الساعة بالوحدة ونص وطبعا دمروا اعصابي لان من سألتهم كلولي مش مبين موعد وبصراحة يأست لكن بنفس اليوم ساعة اربعة العصر خابرتني بنية كلتلي عدكم موعد محلفين الخميس !!!!!!!!!!!!!!!!!! طبعا ما اخفي عليكم طرنا من الفرح لكن بعدهة بكم ساعة اجاني ايميل يكولون فيه اسفين منكدر ننطيك موعد معين لمقابلة المحلفين شتريد صار بحالي والله ردت ما اروح من ورة الايميل بس الحمد لله من رحنا كان اسمنة موجود وقابلنة  فأنت لا تصدك كلش بأيميلاتهم. بالمناسبة خلونا ندعي للاخوة اللي مقابلوا سيكو وابن العراق وفريد ان يحيط الله برحمته ويحددولهم موعد للمقابلة وندعو للاخوات تقوى الله وام حنين بمقابلة سهلة ان شاء الله

65
مبروك مبروك مبروك الف مبروك للاخوات العزيزات ام حنين وتقوى الله هسة ارتاحينة وفرحنالكم والله ابدا لا تخافون خلي ايمانكم بالله قوي اقوى من كل محلف والاطفال اختي ام حنين ما الهم علاقة بس ياخذون اسماءهم ويطلعون هم ما يعتمدون على كلام القاصرين ومرة ثانية مبروك بقى بس ابو الجمعية هو افتتحه وكل قابلنة وهو فلت / ملاحظة صغيرة اخذوا اكل للصغار لان كلشي ماكو هناك وامنياتي لكم بالموفقية

66
اهلا وسهلا بالأخت كردية أخت عزيزة ان شاء الله ،حسبما سمعنا انه اللي يعمل فحص طبي يستبشر خير بموافقة المحلف لآن الفحص يكلف منظمة الهجرة اموال ومن غير المنطقي انه يصرفون هذه الاموال بدون حصول موافقة مبدئية من المحلف وان شاء الله تكونين اول من يسافر من جمعيتنة

67
ام حنين وام دعاء كرروا هذا الدعاء(يا ودود يا ودود ياودود يا مبدئ يا معيد ياذا العرش المجيد يافعالا لما يريداسألك بنور وجهك الذي ملأ اركان عرشك وأسألك بقدرتك التي قدرت بها على جميع خلقك وأسألك برحمتك التي وسعت كل شيء ان تصلي على محمد وآل محمد وان تجعل لي من امري فرجا ومخرجا ) واذكروا حوائجكم بأسمها وان شاء الله تفرج عليكم بحق محمد وال محمد وبحرمة هذا الشهر الفضيل كولوا آميـــــــــــــــــــــــــــــــــــــــــــــــــــــــن

68
السلام عليكم قابلت محلفين 10-8-2011
اخوكم ابو علي

70
اني هم والله كنت اخابر يكولون عالجدول وراهة بعشرة ايام خابروني تفائلي خير اختي العزيزة وان شاء الله تقابلين هذه الوجبة

71
شكرا اختي العزيزة ان شاء الله هذا الاسبوع يخابروكم بحق محمد وآل محمد بس انتي حاولي تتصلين عليهم

72
السلام عليكم، اخوان لوتنتبهون انه احنة وصلتنة الاخبار قبل ما نقابل بأن المحلفين مو زينين بس من قابلنة الحمد لله كانو زينين ويانة واتوقع القصة والوثائق المقدمة من صاحب الكيس تلعب دور واتمنى للجميع الموفقية ويارب يطئمن بالكم بحق محمد وال محمد ونسأل الله ان تكون الموافقة من نصيبنا جميعا كولوا اميــــــــــــــــــــــــــن
اخوكم ابو علي

74
ربي يفرج عن كل مكروب ويزيح هم كل مهموم ويريح بالكم ويعوض صبركم خير اخي ابن العراق بحق هذا اليوم المبارك يخابروك الاحد وتبشرنة بالمقابلة والله يا اخي احنة قلنة بعد ميخابرون وبيومه خابرناهم الظهر نسأل عن موعد المقابلة كالوا اسمكم عالجدول بس مامبين الموعد وبالاربعة العصر خابرونة  وراهة دزونة ايميل منكدر نخليكم عالجدول ودمروا اعصابنة بس منكول غير الله ارحم الراحمين

76
الله اللي يستر اشو خوفتونة احنة هم كان المحلف زين ويانة يعني هم قيد الدراسة غير انتحر هو اني كلولي النتيجة بعد شهر وادمرت اعصابي انوب انتظار الى اشعار اخر

77
مبروك للأخ الاعظمي ويارب مقابلة سهلة وان شاء الله نسمع خبر بقية الاخوة بالجمعية تقوى الله وام حنين بحق هذه الليله وهذا الشهر الفضيل

80
السلام عليكم شكرا لكل من هنأني على المقابلة وادعو الله ان يفرج عن الجميع بحق هذا الشهر الفضيل
اخوان المقابلة كانت نص ونص المحلف كان هادئ نوعا ما وركز على العسكرية بشكل خاص (يعني شوية طنكر يم هاي النقطة) بس الحمد لله بقيت مسيطر عالوضع واستمرت المقابلة حوالي ساعة وطلعت وبعدها انتظرت نص ساعة وطلعنة بس المفارقة انه احنة وصلنا بالسبعة الصبح وقابلنة بالاربعة العصر
كان اكو سفر اليوم الصبح وجماعة يوم 24 بالشهر تقريبا فد 15 كيس بيهم تقريبا 4 عزابيين
اكو عوائل كانوا ينتهون من المقابلة بس يحجزوهم وكل شوية يرجعون يستفسرون منهم احنة كنا حوالي 20 عائلة عدنة محلفين والبقية سفر ودورة تثقيفية ومقابلات اولى وثانية يعني القاعة مليانة
والله انطباعي زين كانو هادئين وبالنهاية شكرنة المحلف وهو لاطفنة بالكلام وبقت يم الله
اكو جماعة لحوا المحلفين وياهم اكو جماعة طولوا هواية يعني مو سوة ونسأل الله التوفيق للجميع

81
نعم موجودين انا البارحة قابلت واذا تريد معلومات اكثر اكو جمعية اسمه(جمعية اللي ينتظرون مقابلات المحلفين شهر 7 و 8 عمان)بيها تفاصيل اكثر وان شاء الله يخابروكم عن قريب

82
السلام عليكم اخوان الحمد لله قابلنة محلفين اليوم طبعا هم اول البارحة اتصلوا حددوا الموعد والظهر دزولي ايميل بلغوني انه منكدر نخليك عالجدول!!!!!! تصوروا ومن رحنة اليوم كنا ما متأكدين هل اننا على الجدول ام لا ؟؟؟؟؟؟؟؟ بس الحمد لله قابلنة وكانت مقابلة زينة ونسأل الله التوفيق ونتمنى للكل ان يقابلون خصوصا الاخت تقوى الله بحق هذا الشهر الفضيل

84
شكرا للأخ كوبرا عالدعاء ونريد الفرج للجميع ان شاء الله الأخ ابو صابر مادري شأكول بس نكول رحمة الله واسعة والله كريم ماعدنة غير هاي الكلمة تدري اخوية احنة بحيرة من امرنة لان جماعتنة تقريبا 7 عوائل كلهم قابلوا اي او ام ورانة بعشرة ايام او شهر ومن وصل محلفين كلهم قابلوا واحنة بقينة شلون ؟ مندري شنو الجدول اللي ديمشون عليه الاي او ام ؟؟؟ ثانيا اريد أسألك سؤال هو اللي يخلوه على جدول المحلفين يقابل لولا؟

85
رأيي الشخصي انك متروح لأن يسفروك ولا تخطي هيج خطوة بوحدك  استشر محامي اولا

86
السلام عليكم اخت تقوى والله احنة ندعي ليل نهار ودماغنة يم التلفون بس شنسوي(انت تريد وانا اريد والله يفعل مايريد) بلكي يتصلون بينة وبيكم بحق هذا الشهر الكريم لأن اعصابنة انهارت والوضع ميتحمل تأجيل

87
الأخت زهرة الصبار اولا اشكرك على الرد وثانيا اسمي ابو علي وليس(عبولي) تحياتي ورمضان كريم على الجميع والفرج القريب أن شاء الله

88
السلام عليكم اعضاء الجمعية فردا فردا احب اعرف شروط التسجيل بالجمعية
هل هي لأهل عمان أم بغداد ؟
وهل يسجل عندكم كل من اخذوا بصماته فقط ام يشترط مقابلة المحلفين وفحص طبي وغيره؟
هل يجوز لي وانا بصمت اي او ام من شهر الرابع وبعدني ما مقابل محلفين ان اشترك معكم؟
هل تعتقدون ان امنيتي بدأت من شهر الرابع ومر عليها لحد الان 4 شهور؟
وهل تعتقدون ان حظي كاعد يعني اقابل محلفين بهاي الوجبة واستلم مغلف وامنية يوم 10-9-2011 (شكد متفائل) ؟


89
مبرووووووووووووووووووك وان شاء الله السفر القريب بس نريد رأي صريح بالمحلف زين؟ لو موزين؟ لو نص ونص ؟   مع فائق الاحترام

92
المفروض احنة على اريزونا بس خل نقابل محلفين ونستلم الضرف وتجينة الامنية ونسوي دورة تثقيفية ويخلونة على جدول السفر ونسافر حتى نوصل اريزونا

93
والله يا اخت تقوى الله احنة هم كلش خايفين وتقريبا كل 3 او 4  أيام دنخابر يكولون انتو عالجدول بس محد ينطي موعد الى ان صدمني الموضف اليوم من قال مو بالضرورة اللي عالجدول يقابل ؟؟؟؟؟؟؟؟؟؟ انتم تستحقون مقابلة محلف بس مش مبين الموعد!!!!!! بصراحة انصدمت وانسطرت بنفس الوقت وبس رب العالمين يعلم بحالنة لأن تأذينة من الانتظار ومندري مصيرنة وين قبول؟ رفض؟ محد يدري بس علام الغيوب (لاتقل يارب عندي همّ كبير بل قل ياهم عندي رب كبير)

94
السلام عليكم مثلما نقلنا اخبار عن سوء معاملة المحلفين اليوم وبكل صدق احب انقل لكم خبر جيد وهو وجود محلفين اثنين بالوجبة يعتبرون ودودين نوعا ما خصوصا المحلفة التي وصفوها انها شقراء نحيفة حيث قالوا ان معاملتها معهم كانت جيدة جدا وكانت تتأسف منهم عن التأخير الحاصل بالمقابلات وقد طمأنتهم بالموافقة من الان ياريت الله يرزقنا بمقابلة مع هذه المحلفة كولوا أمين، ومحلف اخر اسمه ديفد يقال انه يشدد على العسكرية لكن اسلوبه هادئ وغير هجومي طبعا الكلام منقول من 3 عوائل والله على ما اقول شهيد وتقبل الله صيامكم وقيامكم

95
مساكم الله بالخير والعافية احنة هم لحد الان لا حس ولا خبر ومن خابرناهم قالوا انتم على جدول المقابلات بس شوكت الله اعلم ورمضان كريم عليكم وعلينا

96
ومن يتهيّب صعود الجبال                                         يعش أبد الدهر بين الحفر

هاي بدل الup هذا قدرنا اخوان ما نرتاح الا بعد ان ينشلع قلبنة توكلوا على الله ورمضان كريم وكل عام وانتم بألف خير ان شاء الله تكون المقابلات سهلة بس ادعولي يخابروني لان لحد الآن صنطة !!!!!!!!!!!! والله اريد اخلص

97
آميـــــــــــــــــــــــــــــــــــــــــــــــــــــــــــــــــــــــــــــــن

98
السلام عليكم جميعا اخوان الله يشهد اني ما اكتب الا ما اسمعه من اصدقاء لي واكتب على لسانهم لحد الان 4 من اللي اعرفهم قابلوا وواحد على يوم الاثنين  وبصراحة اخت تقوى الله قهرتني جدا لان حسيت انه اني سببتلهة خوف وارتباك بس اختي العزيزة انا مثلج خفت بالبداية لكن احد اقربائي نصحني نصيحة حفزتني كثيرا على دخول المقابلة بقلب جامد وهي من شقين:
الاول: الايمان الكامل بالله وكلمن وقسمتة وتوفيق رب العالمين
الثاني : ان المحلف ضابط تحقيق يمارس معك كل اساليب التشكيك ووضيفتنا هو اقناعه بالقضية التي تخصنا اما مسألة الانسانية فهم ميشعرون بمعاناتنة صدقيني اختي العزيزة خلي اتكالج على الله وانا راح انزل بعض ملاحضات المقابلات للفائدة لأني بصراحة دخلت دورة اربعة ايام تعلمت بيهة كيفية السيطرة على النفس واقناع المقابل بما تريده وهي وان كانت ملاحظات بسيطة بس عسى تكون لها فائدة

103
وينكم اشو الجمعية فارغة بعد متريدون محلفين؟ اخت تقوى الله شو سكتة؟ بنجامين .ام حنين؟ ابو الجمعية شأخبارك وين ما وين ؟؟؟؟؟؟؟؟  بقية الاخوة الاعضاء يمعودين الووووووووو

104
مساء الخير على الجميع لحد الآن اخبار المحلفين لا تبشر بخير لأن كل اللي قابلوا اكدوا على سوء المعاملة لدرجة اني سمعت انهم ضربوا ملف احد الاخوة بوجهه !!!!!!! وخطية طلع يكول اني مرفوض من هسة بس منكول غير حسبنا الله ونعم الوكيل يعني فوك القهر والضيم اللي احنة بي هيج تكون معاملتهم

105
والله يا اخت تقوى الله كلش ضحكتيني لان كنا نسأل محلفين عمان متى يصلون هسة صارت محلفين عمان متى يرحون؟ بصراحة ثالث مرة اسمع ان هاذي الوجبة جاية لتصفية ملفات اللاجئين وتصفيتهم مثل ما حصل بشهر الثالث صديقي البارحة قابل يكول لعبت بية لعب بحيث من احجي تكول انت جذاب  خطية وهسة متندم لأن قابل الله اليستر

106
زين اذا هيج غيروا أسم الجمعية قبل لاتنتقلون لغير جمعية( سموهة جمعية اللي انضربوا بوري مع المحلفين شهر 6_7_ 2011) مو احسن ???

108
الله يكون بعون الجميع؟ ها اخت تقوى الله شلون معنوياتج؟؟؟؟؟؟؟؟ خومو مثل معنوياتي؟؟؟؟؟؟؟؟؟

109
السلام عليكم اعضاء الجمعية الكرام اخت تقوى الله اسف عالتأخير بالرد بخصوص سؤال الموضفة رؤوس اقلام مثل ما ذكرتي فأحب انقل مقابلة جيراني بالوجبة السابقة يكولون ربع ساعة ما طولنة واسئلة اعتيادية جدا فمو قياس اختي العزيزة (قل لن يصيبنا الا ما كتب الله لنا) وتفائلوا بالاي او ام  يخابروكم عالمحلفين ;D

110
تدرون اخوان احنة سألونة الأسئلة اللي كاتبهة الاخ بنجامين بالمقابلة الاولى مال IOM؟؟؟؟؟؟ مو كله طبعا بس ليش قدمتم لجوء؟ ليش متبقون بالأردن؟  شكد ارقام تلفوناتكم بالعراق؟ والضيم انها ركزت على هذا السؤال انطوني رقم تلفون مال عراق!!!!!!!!! شوكت اشتريتوا هذا السيم كارت  مال اردن ؟ انطوني ايميل؟؟؟؟؟؟؟؟ من شوكت تركتوا عملكم بالعراق ؟ فهم بصراحة مينحزرون بس كل من سألناهم قالوا هذه الأسئلة لتشتيت الذهن لا اكثر ولا اقل

111
السلام عليكم اخونا المحترم طول بالك وان شاء الله يكون خير بس ممكن تحجينة بس عن الاسئلة اللي انطرحت عليك بدون اجابتك طبعا . بس نريد نعرف طبيعة الاسئلة غريبة لو تقليدية لأن بصراحة اني سألوني سؤال غريب بالمقابلة الاولى انه: شكد رقم تلفونك بالعراق؟ واني شمدريني طبعا نسيته

112
سامعين بالذي قال(الموت أهون من الخوف من الموت!!!) هسة احنة هم مقابلة المحلفين اهون من الانتظار القاتل للمحلفين ......... بس ان شاء الله نقابل كلنة ونرتاح بحق الشهر الكريم المقبل علينة بالخير والرحمة

113
up مابية حيل اظل ادور ساعة عالجمعية

114
السلام عليكم اخوان لكل من يسأل عن مقابلات المحلفين فحسب ما عرفت من العائلة المسيحية اللي قلتلكم عليهة ان المقابلة كانت مع محلفة جيدة بالتعامل واستمرت المقابلة ساعة او اكثر بقليل وكان التركيز فيها على العسكرية بشكل خاص بحيث يقولون تركت القصة وركزت على العسكرية وين خدمت؟ شنو كانت طبيعة عملك بالجيش ؟وهكذا............ واسف لان تأخرت عليكم

115
يمعودين والله العظيم المحلفين موجودين والبارحة جماعتي قابلوا وكانت مقابلة لمدة ساعة ركزت بيها المحلفة على العسكرية والله موجودين

116
والله يا اخوان اني ملهوف اكثر منكم بس شو جماعتي لا يبينون ولا احصلهم بالتلفون بلكي اليوم بالليل احاول احصل خبر  .......... بعدين للعلم اني خابرت الاي او ام اليوم وكالولي انت مو عالجدول والحمد لله رب العالمين

117
اختي المحترمة بيت اخوية اليوم قابلوا وجيراني اربع عوائل مسيحيين موعدهم الخميس المقبل الله يرضى عنكم يعني اصدق منو ؟؟؟؟؟؟؟؟ انا اليوم خابرت قالوا موجودين بس اسمك مو عالجدول يا بعد عيني

118
السلام عليكم اولا المحلفين موجودين والمقابلات مستمرة على قدم وساق يعني ما أجلوا جيتهم وثانيا احنة بعد 5   أشهر من تحويلنة على الاي او ام يلله قابلنة اولى وثانية  يعني من شهر الرابع واجوي المحلفين شهر الخامس وراحو واحنة ما قابلنة واليوم خابرتهم كالوا انتو مو عالجدول ومن الله التوفيق

119
مبروووووووووووووووك اخونا بنجامين ممكن تقول موعدك اي يوم اذا مابيهة احراج يارب فرجك على الجميع ونحن منهم يارب رفعت معنوياتنة والله

120
السلام عليكم شلون متقلق اخي العزيز احنة الليل اللي يمر على المسلم والكافر ما انّام من التفكير لأن مصيرنة كله متوقف عالمحلفين اما الموافقة او الرفض وبعدين ليش تقلق من الادعية(قل ما يعبأ بكم ربي لولا دعاؤكم) احنة شنو بأيدنة غير الدعاء وهو رب العالمين بيده مقاليد الامور وعسى الخير يكون في طريق الجميع

121
أللهم أنت ثقتي في كل كرب ورجائي في كل شدّة وأنت لي في كل أمر نزل بي ثقة وعدّة.... آلهي كم من همّ يضعف فيه الفؤاد وتقل فيه الحيلة ويشمت به العدو ويخذل فيه الصديق أنزلته بك وحدك لا شريك لك ففرجته وكشفته فأنت ولي كل نعمة وصاحب كل حسنة
الله يفرجها علينة وعليكم بحق محمد وآل محمد

122
السلام عليكم اخوان شفت ردودكم عن الرمزعلى انه جدولة السفر بس انا اجاني هذا الرمزRKH    قبل عشرين يوم تقريبا وانا منتظر مقابلة محلفين !!!!!!!! فما اعتقد التحليلات مضبوطة بعدها يعني قبل اسبوع تقريبا دزولي ايميل بي هذا الرمز ADS  وبصراحة ما اعرف شلون افسرهة بس اعتقد اقرب تحليل هو كون الرمز الاخير يعني ان الملف تحت التجييك الامني لاني بصمت بالمقابلة الاولى والثانية وكانت بشهر الرابع

123
الصبر من الايمان بمنزلة الرأس من الجسد وصدقوني بس توصلني الاخبار انزله انا قلق اكثر منكم لان كنت متأمل اقابل الوجبة الماضية بس ما الله قسمنه بلكي هذي الوجبة بركة دعاؤكم ودعاءنا لكم 

124
السلام عليكم جميعا اليوم هو اليوم الأول لمقابلة المحلفين عائلة من اخواننا المسيحيين مقابلتهم اليوم وبس اسمع خبر جديد يخص نوعية تعامل المحلفين مع اللاجئين ان شاء الله انزلة والله يكون بعون الجميع وتسهل امورنا واموركم بحق محمد وآل محمد.

125
up     هاي  بس حتى تبقى جمعيتنة بالمقدمة!!!!!!!!!!!!!!!

126
سلام عليكم اثنين من معارفنة خابروهم على مقابلة محلفين والتواريخ 27_28 بهذا الشهر بس احنة بعد ممخابرينة!!!!!!!!!!!!!!!!!
يوم الالنة وللجميع يارب

127
عذرا تاريخ التوطين 23_9_2010 حصل سهوا

128
اخوية المحترم احب انضم الى جمعيتكم الموقرة علما اني:
مقدم على un بتاريخ  4_8_2010
مقابلة توطين         23_9_2011
مقابلة اولى وثانية iom وتبصيم بنفس اليوم بتاريخ 18_4_2011
وحاليا انتظر محلفين وتمنياتي للجميع بتيسير الامور وقضاء الحوائج

129
السلام عليكم اخوان انا زوجتي مرتين دخلت الاردن بدون محرم بهذا العام 2011 وماكو هيج شي  :o

130
السلام عليكم اخوان اليوم جماعة جيرانة يسافرون طيارتهم تطلع 4 صباح الغد وان شاء الله النة والكم يااااااااااااااااااااااااارب

131
اذا تبصم بدولة اوربية ومتحصل بيها لجوء مراح تكدر تحصل لجوء بأي دولة اوربية اخرى لان حاسوبهم بالمطارات مشترك وماكو أي بديل تنكشف تنكشف،

132
ياعزيزي لو حاجتك يم الجلب صيحله حجي جلبان ، روح للبومة وجيب شهادتك وحاول اترجمهة وتصدقهة لانهم يقدرون المتعلمين  اصلا انا اخذوا شهادتي بالمقابلة مال (اي او ام) واتحمل ايامك الاخيرة بالعراق العظيم ونتمنالك كل الموفقية ولو اني منك بعد ان اخذ الشهادة اعبر عن رايي الصريح بالموضفة ؟؟؟؟ وكدامهة ها!!!!!!!!!!!!!!!

133
شنو رايكم بعراقية مقيمة بالعراق وهم عدهة جنسية مو احسن؟هههههههههههه والله اتشاقة الله يريح بالنا جميعا بحق محمد وال محمد بس يا اخي الزواج بهالطريقة يكون معاملة هجرة مو تأسيس عائلة لو شنو رأيكم؟ ومع ذلك الله يرزقك بللي تتمناه

134
هذه المنظمة موجودة فعلا بالهاشمي الشمالي مابين العنبتاوي ودوار النقاوة في فرع بنك القاهرة عمان وهي فعلا  تعنى بشؤون الاطفال العراقيين والمرضى منهم ولا اعرف اكثر واتصور رقمهم موجود بالكتيب اللي توزعه المفوضية على اللاجئين

135
                                         روح للمحلف >:(

136
لا تجازف بشغلة الجوازين لان من تطلع جواز جديد  راح يسقط القديم ويكشفوك على الحدود ومن تضم القديم للسفر وتروح وتجي بالجديد ، راح تنكشف من تريد تسافر لامريكا لان السفارة العراقية تبلغ الداخلية والحدود بالجوازات الضايعة واللي تجددت وهذا خطر والله الموفق

137
بالمناسبة احنة رقم الكيس نمبر 123

138
احنة هم قابلنة بعمان اي او ام قبل اسبوع  واخذوا بصماتنة بس برايي  لازم تقدمون كل وثيقة تشوفوهة بصالحكم هم ميسألون لأن ميهمهم انا اخذوا وثائق التخرج مالتي وكل الوثائق اللي تدعم قضيتنة وردت اسأل الاخت هم اخذولج بصمات؟ وسمعنة المحلفين يجون نهاية الشهر

139
اياك ان تغير الكفيل حتى لو مامستعد يستقبلك لان الكفيل اساسا ميستقبل المنظمة هي تقوم بهذا الشي ولا تفتح على نفسك باب التأخير لزمن محد يعرف شكد يطول اتوكل على الله وروح ومن توصل اتصل بالمنظمة كول محد اجاني وحتى لو اتييه المهم اوصل واختصر الوقت

140
لا تكول سمسم الى ان تلهم؟؟؟؟؟؟؟؟؟؟؟؟؟ي >:(خابرون الكفيل مايخابرون الكفيل مو مشكلة المهم تركب الطيارة بس اتمنى الاتصال بالكفيل يكون بادرة خير بسير المعاملة والله المعين

141
لا ماكو هيج حجي اخي انا مدرس واخذت اجازة بدون راتب سنة وقدمت من شهر 11-2010 وقابلت  وقلت اني تركت الدوام محد يفتش وراك لان محد يهمه هذا الامر بقدر مايهتمون بالقضية نفسها

142
اخواني الاعزاء جمعية 123 بلا حدود
اني استلمت رقم الملف نهاية شهر 11- 2010، ولحد يوم 18- 4نيسان-2011 يالله قابلت الIOM، طبعا مع بصمات وصور وكلشي. وقالت هاي الوحدة الي قابلتنا انتظروا اتصال منا بخصوص مقابلة المحلفين. وصار يومين ولحد الان ماكو شي الله بدالكم!!!!

143
الشخص المسؤول عن اخذ البصمات اعتقد انه من المغرب العربي، اما جزائري او تونسي من لهجته. يتم اخذ البصمات عن طريق جهاز ماسح ضوئي(سكانر). ثم الوزن والطول، بعدين تطلع على قاعة الانتظار يجي شخص اردني مسؤول عن التقاط صور مع رقم خاص يوضع امام عدسة الكاميرا مثل المتهمين بالضبط. وبعدين تدخل على الجزء الاول من المقابلة وهي عبارة عن تفاصيل عائلية، اسماء وتواريخ ميلاد الاب والام والاخوة والاخوات..الخ. ثم استراحة وبعدين ترجع على الجزء الثاني من المقابلة وهي تفاصيل عن حياتك واسباب الخروج من العراق والتهديدات الي واجهتها.
هذا مجمل ماحصل لنا في المقابلة......والسلام.
ابو علي العراقي

144
سلام عليكم
اخوان اني قبل يومين18 بهذا الشهر قابلت وبصّمت يعني اني مريت بهاي الحالة مو احد قال لي.
تحياتي

145
مقابلات 2011 عمان الاردن

الى كافة الذين لديهم مقابلات من تاريخ 18/4/2011 نعلمكم ان المفابلات القادمة ستكون من ضمنها البصمات، لانه في السابق كانت البصمات تتاخر الى ماقبل مقابلة المحلفين بفترة قليلة اما الان سيتم اخذ البصمات قبل الدخول الى المقابلة الاولى في IOM .
من ضمن الاساليب المتبعة في المقابلة هي السؤال بشكل عشوائي عن التواريخ والحوادث التي مررت بها، ثم يسالك سؤالا اخر قبل ان تكمل الجواب عن الاول. فحذار ايها الاخوة من الارتباك في هذه الحالة، والله بعون الجميع.
اخوكم ابو علي العراقي- عمان

صفحات: [1]