عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - samsoma

صفحات: [1]
1
حبيت اكلكم اخباري مال ٣ سنين اهنا صارلي فتره انكطعت بس والله الحياه اهنا تشغلك عن اقرب الناس الك المهم أني بعدلي سنه ونص عل جنسيه أموري الحمدلله زينه اشتريت بيت وسياره بمساعده اهلي والسيارة أني هههههه أهلي اجو وأخذوا كرين كارت بس اخواني بعدهم أهناك الله كريم ان شاء الله انجيبهم عن قريب أني حاليا بولايه مشكن مثل متعرفون او يمكن نسيتوا ما ادري أني الحمد لله أموري زينه بلشت شغل بمطعم واخذ دولارين جنت بس مكلت لاوقلبلت بكلشي محد يجئ أهنأ يكعد وره الكرسي دا احاول اساعد ناس الي جاين جدد اشلون ايسون معاملاتهم بالي اعرفه طبعا احسن ميستعانون بالمحامي الي ياخذ بلاوي والحمد لله هسه اني مانجر بمحل الي ايدور شغل بولايه مشكن خصوصا بنات دزلي مسج عل خاص اكدر اساعدج اتلكين شغل الحمد لله الأمور ماشيه الحياه زينه بس شغل فوك كلشي وأني اي سؤال او استفسار اني حاظره تحياتي ألكم 

2
الهجرة و واللاجئين / معامله I 130
« في: 21:37 08/07/2014  »
هلو ووووو حبايب اشلونكم والله اني مناسيتكم ما اعرف اذا تذكروني أني بعد ما أهلي اجووو وأخذوا الكرين كارت هسه أمي أتريد أتقدم الإخواني اريد اعرف كل واحد احطه بمعامله مع العلم همه فوك ال٢١ اشلون ادفع فلوس المعامله وهي بس معامله وحده لو اكو وحده ثانيه ياريت الي عنده فكره عن الموضوع ايساعدني وشكرا جزيلا

3
مثل متعرفون اهلي عدهم موعد سفر يوم 24 خابرنا الاردنيه ولكينه حجز باسمهم والرحله بغداد عمان شيكاكو وان اشاء الله يوصلون بالسلامه وباجر الفحص بس يوصلون اكلكم تفاصيل الرحله

4
هلو اخواني البارحه دزوا رساله الاهلي من الاردن بموعد سفر يوم 24 وفحص بابن البيطار يوم 21 همه على ولايه مشكن جايين وكلولهم تفاصييل الرحله قبل يومين من السفر وهاي بعد العناء سنه ونص بحدي عايشه راح يجووون واخيراا

5
هلو اخواني اشلونكم الحمد لله البارحه اجاني الكرين كارت بالبريد الحمد لله مطول غير 3 اسابيع الامور كلها زينه والحمد لله الشغل والدراسه كلشي تمام بس اهلي لحد الان مجاهم اي شي ما ادري اشصار الله كريم وبالموفقيه للجميع

6
اشلونكم حبايب اخباركم اني احب بين فتره وفتره اكلكم اخباري اهنا الحمد لله كل اموري تمام رحت قبل اسبوع على ولايه فلوريدا سياحه طبعا اتمنيت ما ارجع بس واحد من يستقر ابمكان والشغل ميكدر طبعا اهناك لاحظت اكو شغل هوايه وخصوصا بالمناطق السياحيه حتى كمت افكر احول اهناك ههههه شغلي زين الحمد لله وعندي وكت فراغ هم لكيت شغل ثاني بيه صح هي تعب بس كلت استغلها لبين مايبدي الكورس مالتي حتى ادرس اهنا الي يتعب يلعب ومره سالوني على الشغل بولايه مشكن اكو شغل اني صار عندي شغلين الحمد لله على كل شي واحد ايدور يلكي هو بس بالبدايه صعبه لان ايريدون واحد عنده خبره بس تلكي اول شغل بعدين تلكه غيره وغيره وغيره اني اصلا خابروني اكثر من شغل مرحت كمت اني اختار وهسه راح ابدي احضر اوراقي مال كرين كارت لان بعد شهرين اقدم عليه وان شاء الله اظل اتواصل وياكم بين فتره وفتره سلامي الكم ويارب بالتوفيق للجميع هاا نسيت وبالنسبه على اهلي سووا اعاده الفحص الطبي وليهسه ماكو شي الله كريم

7
هلو اخواني اشلونكم والله مشتاقتلكم كومه مثل متعرفون صارلي هوايه محاجيتلكم اخر اخباري اخباري الحمد لله زينه اخذت الاجازه مال سياقه قبل شهر ولكيت شغل والحمد لله كلشي ديمشي تمام الحياه حلوه اهنانه بس ابنفس الوكت صعبه واخر اخبار اهلي اني دزيت رساله لل اي او ام قبل اسبوع طلبت احول الكفيل من ولايه اريزونا الى ولايه مشكن واني صرت الكفيله مال اهلي هسه وخابروني اول البارحه حتى اروح اوقع اوراقهم باجر اروح وان شاء الله راح استفسر عن وضع السفر وراح اكللكم شيصير ويايه ان شاء الله الله يوفق الجميع

8
مرحبا اخواني مثل متعرفون اني اول موصلت رحت بولايه اريزونا وهسه غيرت ولايتي رحت على مشكن عن بيبتي والحمد لله مرتاحه اهنا اني اريد احول اوراقي وهناك جانوا ينطوني راتب وكلولي كطعنا عليج لان انتي رحتي الغير ولايه المهم والفحوصات هم لازم اروح الاريزونا اسويها اريد احول اهنا واخلص فشسوي اول شي اخابرهم واكلهم حولولي ملفي على مشكن لو اكلهم اغلقولي ملفي واروح اهنا على نفس الكنيسه واقدم عليهم وارجع اخذ مساعدات ساعدوني بليززز علما اني ما اخذت مساعدات بس شهرين وحتى جانوا مماجريلي شقه والفود ستامب صارله 3 اشهور فياريت الي يعرف ايكلي شسوي حتى اظل اهنا اسوي فحوصاتي مال كرين كارد ويمشي عندي بقيت الشغلات ومشكوره الكم

9
اشلونكم اصدقائي عندي اخبار جديده كلت اكلكم عليه اني تركت ولايه اريزوناوانتقلت على مشكن عند بيبتي بسبب مشاكل عائله مع خالي الحمد لله هسه مرتاحه اكثر رحت قدمت على الجامعه حتى اخذ كورسات مال لغه وسويت اختبار اللغه طلع مستوايه متوسط المهم عندي 3 كورسات اخلصها وبعدها اكدر افوت ادرس ان شاء الله  قدمت على الفانيشل ايد حتى الدوله تدفعلي فلوس الكورسات وناطره الجواب منهم حتى ابدي وان شاء الله خير وراح ابدي من جديد ادور شغل والله كريم صح مشكن بارده وكايبه اشويه بس المهم راحه البال وراح اشتري سياره بعد كم وان شاء الله خير هاي اني لازم اظل متواصله وياكم حتى اكلكم كل اخباري وان شاء الله بالتوفيق للجميع

10
مرحبا اخواني اشلونكم اني احب اكتبلكم بين فتره وفتره حتى اكلكم اخر اخبار الوضع باميركا والله زينه اشكد متحس بالحماس من توصل وتحس نفسك انت راح تمشي امورك على احسن حال بس اشويه اشويه ينزل عندك مستوى الحماس ما اريد اكابكم بس هي هيج اصير نوع من الملل يعني اني ماعندي غير اروح اسوك واشتري وارجع ناطره الشغل قدمت طبعا على اكثر من شغل بس محد خابرني لحد الان صار شهر تقريبا رحت سجلت بمدرسه مال سياقه دفعت 330 دولار ينطوك بيها 8 ساعات ايقرووك الكتاب ويطلعولك برمنت حتى تكدر اتسوق بس على شرط ايكون احد يمك عنده ايجازه بعدين ايعلموك السياقه طبعا 6 ساعات للي ميعرف مثلي مو كافيه كلي تحتاجين تمرين وره شهر يله اتخابرين طبعا اني بالبدايه حسيت نفسي مراح اكدر اسوق وكمت ابجي جنت خايفه بس مثل الي اصريت على روحي صح عندي غلطات بس كدرت اسوي شغلات صح هاي للبنات خصوصا وهاي ناطره اهلي حتى يجون ان شاء الله حتى اطلع من يم خالي انصح الكل الي رايح يم كرايبه اكثر من اسبوعين ليبقه اشكد ميكون محد يتحمل احد بهل وكت واسأل واتعلم وحدك احسن ما احد ايعلمك هاي نصيحه مني وان شاء الله بس اشتغل اكتبلكم عندي موعد يوم الاثنين انروح اني ومساوله الشغل حتى اتشوفلي شغل ان شاء الله خير اميركا حلوه بس بنفس الوكت صعبه صعبه واميركا مو حلم جنت اني هيج اصورها قبل ما اروح بس اني اشوف سوريا احله منها يمكن لان كظيت فتره طويله بسوريه عل عموم ان شاء الله اكلكم اخر الاخبار واي سؤال اني حاظره وبالتوفيق للجميع

11
اليوم اتصلوا بخالي على مود اهلي لان همه كلشي امخلصين حتى دوره تثقيفيه امسوين وصارلهم من الشهر الرابع هسه يله الحمد لله وان شاء الله ينطوهم موعد سفر قررررررررررريب حبيت ابشركم

12
Dear Sir/Madam,
 
Thank you for your email,
 
A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.
 
Kind Regards,
 
IOM Information Center
 اجه وياه رمز adj

13
مرحبا اخواني اشلونكم اريد اسال عن الرابط القوي والضعيف واشلون اسويه عندي امي وابويه بنفس الكيس نمبر وانريد نفصلهم لان كلش اتاخروا ويمكن العسكريه مالت ابويه هي الي امخرته فاريد ادزلهم رساله اطلب فلصلهم كل واحد بكيس لو اشلون احد يعرف ويفيدني وينصحني شسوي

14
اشلونكم اخواني مثل متعرفون نزلت موضوع قبل يومين على التهديد اهلي متهددين ودزيتلهم ورقه التهديد وخابروا اهلي واستفسروا منهم وكلولهم راح انحاوس انسرعلكم بالاجراءات والله كريم ورجعوا دزولي هذا الايميل
/Inquiry/WSK/IZ‏
Dear Sir/Ma`am
 
Thank you for your Email,
 
Kindly be informed that we will take your request into consideration.
 
Please feel free to contact us for further inquiries.
 
Kind Regards,
IOM Info Center
 

15
اليوم اجاهم الاهلي تهديد ظرف وبيه طلقه ورساله واني مدا اعرف شسوي اشلون حظ مكملت ويايه اني دزيتلهم لل اي او ام وكتلهم اجانه تهديد  وصورنا التهديد ودزيتلهم اياه قبل اشويه علما اني ماعدنا اي علاقه بالاميركان اني معاملتي جانت لم الشمل وحولتها لجوء او اي شي مشاكل ماعدنا ويه احد مدنعرف شنو السبب اهلي ادهورت حالتهم اختي تركت الكليه وكعدت بالبيت من صدك كمت اكره العراق وساعه السوده الكشره الي اجيت بيه نصحتكم اخوان شسوي

16
مشكورين على الردود الطيبه بالموضوع السابق احجيلكم طلعت السوشل نمبر ورحت ثاني يوم طلعت هويه وقدمت على شهاده السياقه وانطوني الدفتر اقراه وبعدين من اخلصه احدد امتحان بيه وبعدين السياقه واشتريت بايسكل اروح واجي بيه للمدرسه ب 90$ واجتني وحده من المنظمه على مود الشغل كلتلي راح الكيلج شغل من شهر الجاي اتبلشين كتلها ماعندي مانع اي وكت اني جاهزه والحمد لله الامور دتمشي شويه شويه واصلا محاسه بغربه ولا عندي اي هومسك حياه حلوه بس اكيد من يبدي الشغل اتصير متعبه بس الي ايريد شي ايعوف شي صح اميركا مو جنه بس الحياه بيها نظام والالتزام وعمل الي يلتزم بيها ايعيش احله حياه وان شاء الله اكلكم شصير ويايه حبيت انززلكم صوره الباسكل بس جبيره الصوره وما اعرف اشلون اصغرها

17
اشلونكم حبابيب عندي استفسار اكو ناس جماعه كرايبنا امقدمين على اليو ان من سوريا صارلهم 5 سنين انرفضوا وقدموا استئناف وهسه اجتهم موافقه بس واحد منهم انرفض على مود جان ايروح ويجي البغداد فشتكولون شنو الحل اله اخته اهنا اباميركا اتقدمله لم الشمل لو اتحطله محامي لو شسوي ساعدوهم لن خطيه ديفوت الوكت وميعرفون شيسوون ومشكورين

18
مرحبا اخواني اشلونكم طبعا والله اشتاقيتلكم واشتاقيت للفوته للمنتدى والسؤال والجواب وانتظار رددودكم الحلوه طبعا احجيلكم على الحياه اهنا بعد اسبوعين طبعا الله ذبلي كيس منجر كلش فاهيه كلشي متفتهم وتنسه هوايه وطبعا كل الي كالولنا اياه بالدوره التثقفيه غلط حددولي راتب 200 دولار بالشهر +55مواصلات+250  ايجار+160 فود ستامب. الفود ستامب لمده 6 اشهور الراتب والايجار والمواصلات لمده 3 اشهور وينطوك بعد شهرين فوكها اذا محصلت شغل ومن ظمنها ايدورلك على شغل استلمت الكارت مال مدكل وبعد 10 ايام استلم السوشل نمبر وجان هسه استلمته بس صوج الكيس منجر مالتي فاهيه الله ايعيني هاي دا اكلك اشصار ويايه بهل اسبوعين وان شاء الله اوافيكم بكلشي بعد ما استلم السوشل واسوي ايديه ورايه اقدم على شهاده السياقه وشويه اشويه والله اتحس صعبه اشويه بس اني يم خالي محاسه بغربه بس صعبه من ناحيه بعدك متندل اتروح وتجي وهسه فتت مدرسه مال لغه اقوي الكونفرزيشن والسبلنك مالتي وباجر راح اشتري بايسكل حتى اروح واجي بيه اهنا حياه حلوه بس متعبه يارب ان شاء الله الجميع بالتوفيق ويوم سفركم كلكم

19
سؤال عن الكفاله الخماسيه اكو احد يعرف عنها شي ايساعدني واشلون اتصير ناس ايريدون يستفسرون عليها اكون ممنونه

20
طبعا بالبدايه جانت الرحله متعبه جدا الرحله من بغداد الى عمان انتظار ١٢ ساعه بعدها الى فرانكفورت المطار مالتهم شي فوك الخيال جنا 32 بالاصل 40 اكو 8 مجايين وبعدها انتظرنا 4 ساعات بالمطار بعدها الشيكاكو الرحله 9 ساعات جانت متعبه جدا بعدها انتظرنا وكل واحد راح على ولايه اني اباريزونا كله خضار واشجار ايكولون عالم جديد وصلت اريزونا موظفه من ال iom جانت وخالي وقعت على اوراق وانطتني ١٢٥ $ مصرف وكالت الج 1000$ وانطيج الباقي بالمقابله الاثنين اي سؤال اني موجوده وعندي نت لان نازله يم خالي

21
طبعا مثل متعرفون اني عندي موعد سفر والبارحه جانت عندي دوره تثقفيه وهسه رجعت من ابن البيطار وجانوا هوايه عالم ديسون فحص ماقبل السفر يمكن شي 20 شخص من اجيت بعد ما اعرف ورايه اكو احد جان لو بعدي بس هو الفحص سريع يعني ميطول وباجر ان شاء الله انروح للمطار ونوصل العمان ومن عمان لفرانكفورت وراها نيويورك وراها كل واحد ايروح الولايته احب اشكركم اخوتي على المعلومات الي تشاركونا بيها والي استفاد الكل منها ان شاء الله اول  مااوصل اكتبلكم تفاصيل الرحله بالكامل وراح ادعيلكم على باب الطياره يوم الالكم

22
طبعا البارحه جان عندي دوره تثقفيه جان ويايه شي 15 شخص وجانت المحاظره حلوه واني بالنسبه الي اتونست بيها يعني من 8 لل 4 محسينا بالوكت اما بالنسبه الي جان اكو العالم الي جانت عل مقابلات فد شي مو طبيعي الغرفه مال انتظار جانت مليانه عالم حتى بره الغرفه كاعدين الاكثريه مقابله ثانيه اكو ناس اعاده بصمات وبالباب امشددين اشويه مو مثل قبل حبيت انقللكم هاي الاخبار وافرحكم طبعا هاي بغداد

23
هسه هسه دكولي على تلفون اخويه طلع تلفوني مدا ايحصلوه راح احرك التلفون مالتي طلع كله من وراه انتطوني تفاصيل الرحله وكلي انسه جاهزه للسفر كتله اكييييييييد انطاني وزن الجنط 23 و5 بالايد وكلي لابتوب مسموح ميحسبون عليه اي وزن وكلي على فحص طبي بابن البيطار الساعه وحده الظهر وكلي قبل يومين من السفر يتصلون بيج زملائنا من العراق حتى ايكلولج وين يلتقون بيج بالمطار توصلين بالسلامه واي استفسار او اي شي حابه تسالين عليه كتله كتله الرحله من وين ليوين وشلون كلي تعرفين من زملائنا الي راح يتصلون واني ردت اساله عل دوره التثقيفيه بس خفت كلت خلي اغلس ماطول مكلي ادعولي اخواني اوصل بالسلامه ويارب يوم الالكم واباركلكم

24
اخواني عندي صديق الي هو اباميركا هسه راح بفيزه ومن وصل لهناك قدم عل لجوء وحط محامي زين صاره سنه من راح ولحد الان مجايه الرد على موافقه اللجوء تكدرون اتفيدوني بشي او يكدر يعرف وين وصلت قضيته وتفاصيل التقديم وبشك تقريبا ايجاوبون واكون ممنونه والله خطيه الولد كاعد بله شغل وبس كت فلوس وميعرف مصيره وين ساعدون رجاءا ويارب ايوفقكم

25
مرحبا اخواني خابروني ال اي او ام عل خطه الرحله وكلولي يوم الاحد الساعه 10 نخابرج ونطيج التفاصيل لان همه البارحه دزولي مسج على الموبايل ايبلغني بوموعد سفر مثل منزلت ابموضوع البارحه حبيت ابلغكم اول باول وياربي يوم الالكم كلكم واي واحد رايح الولايه اريزونا ايكلي بلكي نلتقي اهناك ونصير اصدقاء

26
اليوم الظهر اجتني رساله على الموبايل اتبلغني بموعد السفر طبعا من الاردن وكاتبيلي نتصل على مود بقيه التفاصيل الموعد بدايه الشهر الجاي

27
Dear Applicant,

 

Please note that IOM is in the process of scheduling your departure to the United States.  You will be contacted in the near future by an employee of the IOM regarding your departure details.

 Please also be informed that, for all refugees are 2 and above who are resettling to The United States from Baghdad, the luggage allowance is one checked bag (weighing up to 20 kg) and one carry-on bag (weighing up to 5 kg). For children under two years, only one carry-on bag (weighing up to 5 kg) is allowed, and there is no checked bag allowance.  No additional luggage will be allowed.

 

28
ممكن احد ايكلي اشكد اطول تقريبا واشلون نعرف احنا بالموافقه الامنيه مال قبل السفر؟؟؟؟

29
ااجاني هذا الرمز ويه المغذي جنت dhs وهسه صرت هاي بيها شي معين لو عادي

30
البارحه بالليل دزيت رساله لل اي او ام بال3 بالليل ودزولي المغذي بسرعه يعني دزيته بال 3 الصبح اجاني بال3 الظهر مدري همه مستعجلين مدري اكو تسريع 

“The United States Government has placed your case on hold due to a new security check procedure that was recently put in place and must be performed on all cases that have not entered the United States yet.  This unexpected hold is not an indication that there is a problem with your case, as many cases have been placed on hold.  As soon as IOM has additional information, we will contact you”

31
صار اسبوعين من وقع الكفيل اوراقي وحتى كلشي كلهم اني اتكفله بس جيبوها وماكو شي واني عبالك مو اسبوعين عبالك حاستها سنتين واحد ايكول اطنش وانسه الموضوع بس مو بيده اشلوننننننننننننننننننننننننننن محد يدري

32
The priorities currently in use are:

    Priority 1: Cases that are identified and referred to the program by the United Nations High Commissioner for Refugees (UNHCR), a United States Embassy, or a designated non-governmental organization (NGO).
    Priority 2: Groups of special humanitarian concern identified by the U.S. refugee program.
    Priority 3: Family reunification cases (spouses, unmarried children under 21, and parents of persons lawfully admitted to the United States as refugees or asylees or permanent residents (green card holders) or U.S. citizens who previously had refugee or asylum status). For information on the current nationalities eligible for Priority 3 processing, see the “U.S. Department of State” link to the right.
رجاء لليعرف هاي الاولويات واهميتها من ناحيه التسريع والكم الشكر

33
اخواني اني الكفيل وقع اوراقي قبل ايام وكالوله هيه راح تجي ضمن مجموعه و اسم المجموعه p2او لb2 ما ادري هيج شي مفتهمنا شي شنو كروب شنو رقمه هيج اكو احد يعرف ابهيج شي

34
مرحبا اخواني اني طبعا اجتني هل الرساله وحبيت اسوي هل الموضع لان شفت اكثريت الي دتجيهم هل الرساله وره فتره يجيهم سفر الي صاير وياه هل الحاله رجاءا يكتبلنا حتى نعرف انوهل الشي صحيح او يعرف اي شي عن الموضوع وشكرا للجميع

35
مرحبا اني وصلتني رساله من ال اي او ام البارحه اني كلولي بالمنتدى انو موافقه المحلف اشو خالي قراها ايكلي هاي يمكن حولوج على الهجره ولازم تنتظرين يمكن اكدولي هل الشي رجاءا الرساله هThe International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter. 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.

You will find a scanned copy of your decision deferral letter attached to this email.

It is very important that your reply to this email (do not send a new, separate email) to confirm that you have received this email and the attached letter.

When you reply please write the following:

 “I confirm that I have received this email and the attached decision letter for my refugee case with the United States Refugee Admissions Program.”

Kindly include your full name in your reply.

  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.ي

36
اجتني موافقه المحلف وكلولي حضري نفسج اني متحظره من زماننننننننننننننننننننننننن بس خلي ايكولون هههههههههههههه ان شاء الله للجميع ان شاء الله

37
The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter. 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.

You will find a scanned copy of your decision deferral letter attached to this email.

It is very important that your reply to this email (do not send a new, separate email) to confirm that you have received this email and the attached letter.

When you reply please write the following:

 “I confirm that I have received this email and the attached decision letter for my refugee case with the United States Refugee Admissions Program.”

Kindly include your full name in your reply.

  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.

يعني اكو سفر قريب؟؟

38
مرحبا خابروني ال اي او ام يوم الاربعاء الي فات على مود تحديد الكفيل مو العلم اني جنت امحدده الكفيل لان عندي اربعه واني واهلي ابكيس واني ابكيس فكلي نفس الشخص اتريدين حتى نتصل بيه زين اني مواصلني موافقه المحلف مع العلم عبرت ال60 يوم جانت مقابلتي يوم 16-4 وهمه بس سالوني على الكفيل مالتي مو مال اهلي فاذا اكو احد يعرف شي على الموضوع رجاءا ايكلي واكون ممنونه وبالتوفيق للجميع

39
مرحبا سؤالي اني طبعا امقدمه على ال اي او ام ومكمله كلشي وناطره نتيجه المحلفين بس طلعت مشكله انو ابويه طلعله ايفاد الى استراليا 6 اشهر واسبوع الجاي احتمال ايروح وابويه وامي بنفس الكيس واني بكيس ابحد  شسوي انبلغهم من ايخابرونا لو شنو اذا بلغناهم هم ايأجلونا وياه لو نكدر احنا انسافر وهو يجي بعدين ب اذا هم ويه نفس الكيس ويه امي شنو ايفصلوا؟؟؟رجاءءءءءءءءءءءءءءءءا جاوبني وشكرا

40
مرحبا شباب اني حبيت اسوي كروب بيه الي ناطرين نتيجه المحلف وصار اشكد ناطرين لان اني هم ناطره مثلكم وصارلكم اشكد من قابلتوا مقابه ثانيه وان شاء الله بالتوفيق للجميع

صفحات: [1]