ankawa

المنوعات => استراحة المنتديات => استراحة الخواطر => الموضوع حرر بواسطة: haigo في 00:29 17/11/2010

العنوان: عتاب
أرسل بواسطة: haigo في 00:29 17/11/2010
هجرك حيل خايب مرضاني
زعلت وعكب شخصك مرضاني
ترض صدري وتكلي مرضاني
ولاجنك سحكت انته عليه

طفت عيني الجنت يسمر بهاراك
وعشرتك كالوحل صارت بهاراك
يحالي صفنك ادري بهاراك
وتعض بشفاك عالسويته بيه

لساني يعجبك بطكهن ملكلك
وزود البيه موملكي ملكلك
اذا ربك بعث حارس ملكلك
اخطفك انته والحارس سويه

ردت بالكون من عدك ولك حس
وجبينك لوعرك بيه ولك حس
ضربتك للعضم وصلت ولك حس
اموت تريد اموت وهاي هيه

عسى حد سيفه بنحري عساكر
ويتيه حساب طعناته عساكر
انه الجنت اهد لجلك عساكر
تلمني وبيه هسه تهد عليه

بوادي الشوك احس صوتي دوى لك
ودليلي شموع الك عشرة دوى لك
اذا كالولك بكتلي دوى لك
شتضن بدواك روحي اتعز عليه

موش شواي هم كلبي ولك من
وتمندل خايب بحجيك ولك من
احاجيك وتكلي انته ولك من
انه ستادك جنت وتلوذ بيه

شلت منه وتبعني هم لكاني
لكاني وشلكاني هم لكاني
عسل ضنه بعدني هم لكاني
صرت سم وخذت ثارات اليه

احن انه لعشرتك بيه سبه
سلبني وصار حالي بيه سبه
وحك ذاك الصميده بيه سبه
اخلي اهل الكبور تهد عليه

اريد العشره انه اطويه ولفه
بسبب لن الغدر بيه ولفه
جروح اللفين احس بيه ولفه
يعد اللفين من تجبل عليه

تحياتي للجميع
 م ن ق و ل
العنوان: رد: عتاب
أرسل بواسطة: ღ♥ღ LoVely__87ღ♥ღ في 04:37 17/11/2010
,, كلــمات فـي غــايه الــروعه ,,, يســلموووو ,,,,
العنوان: رد: عتاب
أرسل بواسطة: haigo في 15:56 17/11/2010
شكرا لردكم لوفلي اشو ماكو غايب عن المنتدى

العبير شكرا للمداخله


تحيتي لكم
العنوان: رد: عتاب
أرسل بواسطة: nasir yako في 16:28 17/11/2010
عاشت ايدك ياورده عالكلمات الحلوه المنقوله النا..
العنوان: رد: عتاب
أرسل بواسطة: haigo في 18:04 17/11/2010
يا مرحبا خالو ناصر منور متصفحي


احترامي
العنوان: رد: عتاب
أرسل بواسطة: وردة الربيع في 21:18 17/11/2010
رووعه يسلموو
تحياتي لكي
العنوان: رد: عتاب
أرسل بواسطة: haigo في 10:02 18/11/2010
انتي الاروع بمروركي
العنوان: رد: عتاب
أرسل بواسطة: مارسيل 87 في 18:45 18/11/2010
عسى حد سيفه بنحري عساكر
ويتيه حساب طعناته عساكر
انه الجنت اهد لجلك عساكر
تلمني وبيه هسه تهد عليه

كلمات جميلة يسلمووووووووووو
العنوان: رد: عتاب
أرسل بواسطة: haigo في 19:42 18/11/2010
تسلمين يا ورده


احترامي
العنوان: رد: عتاب
أرسل بواسطة: alashoty10 في 21:05 18/11/2010
كلام في غايه الـــــــروعه

عاشت الانامل على النقل الجميــــــــل
العنوان: رد: عتاب
أرسل بواسطة: haigo في 22:12 20/11/2010
شكرا للرد يا ورده