عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ok_ok755

صفحات: [1]
1
اي صح اكو اعصار جاي من المكسيك واليوم كامت باوستن تكساس تمطر من ساعه 3 الظهر الى حد هسه ما وكفت وهذا مصدر الخبر

http://www.news8austin.com/content/top_stories/272154/rainstorms-pelt-austin

2
اني باوستن تكساس وهنا فرص العمل هوايه قدمي اونلاين اني قدمت اونلاين والحمد لله صارلي فتره اشتغل

3
السلام عليكم اخواني واخواتي الاعزاء

طبعا اني مقطوع عن المنتدى صار فتره لانه كلش مشغول وما عندي مجال فراح احجيلكم تجربتي بامريكا وانتو احكموا طبعا اني دخلت بالشهر الرابع بامريكا المنظمه زينه والمساعدات يعني مو كلش زينه بس احسن من ماكو يعني اني جيت لامريكا وبجيبي تقريبا 1400 دولار ولحد هسه ما صارف فلس منها بالشهر الثاني اشتغلت كاشير في احد المحلات المشهوره بامريكا ولحد الان اشتغل اشتريت سياره وكل عطله اطلع اروح اتونس يعني بشكل عام الحياة بامريكا شغل اذا ما تشتغل ما تكدر تعيش ابد يعني اذا انت ما تعب نفسك وتروح وتدور شغل وتسال تره محد راح يصرف عليك ويساعدك لانه كل واحد حاير بنفسه وهمه الامريكان هم نفس الشي حالهم حالنه والحمد لله والشكر كل العراقيين تقريبا اللي يمي اشتغلوا الشغل موجود بكثره, بس ارجع واكول كل واحد ووجهة نظره اعرف ناس يمي يحجون على امريكا ويسبووون امريكا صبح وليل ويكولون لو باقيين بالاردن لو سوريا لو تركيا او مصر هوايه احسن, اني سالتهم ليش جيتوا لعد ؟

راح اضربلكم مثل عندي ولد صديقي جان عايش بعمان 7 سنوات يشتغل بمطعم وظل هاي ال 7 سنوات ما عنده اقامه ولا عنده تصريح بالعمل وينهزم من الشرطه الاردنيه يعني بشرفكم هيه هاي حياة ؟
المهم اجه الولد لامريكا وهسه الحمد لله اموره احسن هسه صار عنده سوشيال وهويه واقامه وتصريح بالعمل واجازة سوق وحساب بنك وبده يشتغل ياهو الاحسن امريكا لو الدول العربيه ؟

بالنسبه للعراقيين اللي رجعوا من امريكا او يريدون يرجعون للاسباب الاتيه :

الرواتب بامريكا قليله مقارنة بالعراق اني من الناس جان راتبي 4000 دولار وهسه راتبي 1500 دولار !
اذا ما عندك لغه بامريكا وما بيك حيل اتعب نفسك وتتعلم فاحسن شي ترجع للعراق وهناك ما راح تتعلم لغه !
مستوى المعيشه بامريكا في بعض الولايات اغلى مقارنة بالعراق ولكن بعض الولايات ارخص من العراق بهوايه
الشغل بامريكا مو صعب ولا مستحيل بس يرادله لغه ويرادله تعب ويرادله التزام ويرادله انضباط وهنا الشغل مو مثل العراق تسخيت بامريكا اذا اشتغلت 4 ساعات مثلا فهذي ال 4 ساعات لحظه ما توكف بينما بالعراق كل الناس كاعده وره مكاتبها وتجيها رواتب والشغل بالعراق سهل يعني ؟ يعني اذا ما عندك واسطه او معارف او تدفع فلوس تكدر تشتغل اني اكلك مستحيل , التعيينات ماكو والناس كاعده عطاله بطاله ؟
اكو ناس ما تكدر على الغربه فاتصحهم هم يرجعون للعراق ويجرعون الوضع شلون ما جان , وارجع واكول كل واحد ووجهة نظره اكو ناس ما عجبها الوضع عادي ارجعوا للعراق بس المشكله يظلون يحجون على امريكا وامريكا احسن بلد بالعالم ومن يكولون بلد الاحلام صدك يعني تكدر تحقق احلامك كلها بامريكا بس مو بسهوله يراد تعب.

صدكوني اكو ناس قبل ما اجي لامريكا كاموا يحجون حجي على امريكا يعني صارت امريكا دوله تعبانه كلش من جميع النواحي بس من جيت هنا شفت الوضع احسن من كل الدول اللي زرتها قبل من جميع النواحي , اعرف شخص ظل فتره هنا بامريكا وطبعا يوميه يسب بامريكا الصبح وبالليل اخر شي رجع للعراق والله بعد اسبوع من رجعته خابرنه كال هسه اسوي كلشي بس اريد ارجع !!!!!!!!



4
مرحبه

اني صارلي اربع اشهر في مدينة اوستن تكساس وانصحج تجيين هنا لانه بيها شغل والوضع احسن تقبلي تحياتي اذا احتاجيتي شي كتبيلي على الخاص

5

اخي العزيز حمد الله على السلامه
اذا تحتاج شي دزلي انت وين كاعد اني هم باوستن اذا تحب نلتقي اذا محتاج شي تقبل تحياتي

6

اخي العزيز اي بس اللي عمره من 18 الى 24 مشمول بهذا القرار تقبل تحياتي.

7

السلام عليكم


صدر قانون جديد في ولاية تكساس وما اعرف اذا بغير ولايه اتطبق هذا القانون اللي يعرف يا ريت يساعدنه بهاي المعلومه ؟

القانون صدر في شهر 3 2010
قانون جديد للمتقدمين من 18 سنه الى 24 سنه للحصول على رخصة قياده يجب عليهم الحصول على كورسات لتعليم مهارات القياده لكي يستطيعوا الحصول على رخصة القياده في تكساس.

وعند التقدم بطلب للحصول على رخصة القياده يجب على المتقدم اظهار شهادة والتي يحصل عليها من كورسات تعليم القياده (يجب الحصول على على 80% للحصول على الشهاده) والرابط ادناه المدارس المعتمده في تكساس في كل المدن تقريبا :

http://ritter.tea.state.tx.us/drive/activede.html


ويمكن على المتقدمين اكمال الكورس اونلاين وسعر الكورس يتراوح من 39 دولار الى 49 دولار


وهذا مصدر الخبر

http://www.txdps.state.tx.us/DriverLicense/


اي احد عنده سؤال اني حاضر تقبلوا تحياتي



8

اخي العزيز صاحب الموضوع

ما اعتقد اكو هيجي شي لانه العدد اللي عدهم كلش جبير وما يسمح يسوون هيجي اجراءات بس تكدر تكول اكو اليه جديده لتسريع العمليه يعني بمكان السنه تصير 6 اشهر او اكثر وتقبل تحياتي

9

حبيبي ابو بشير الورده

شخبارك امورك انشاء الله تكون مرتاح ؟


بالعافيه يابه بالجذب اعزمنه هنا دندور على الاكل الحلال صار فتره اخر شي لكينه كم محل بس كله اكل حرام ههههههههه

ومثل ما كلت كل بدايه صعبه وانشاء الله يفرجها علينه وعليكم اذا تحتاج شي اني حاضر وتقبل تحياتي.

10

حمد الله على السلامه اختي العزيزه واني هم مريت بنفس الظروف اللي مريتي بيها بس اهم شي هسه وصلتي وانشاء الله الاستقرار وراحت البال

11
الف مبروك للجميع وشكرا على نقل الخبر

12
راهب الحب
بغداد بقلبي
المتميز العراقي
اربد
swan_mo

الله يبارك بيكم اخواني الاعزاء واشكركم على مروركم


أبو بشير

هله الله بالذهب اني بخير اذا انت بخير, اكيد طبعا انت وجهالك اللي يخبلون الله يخليهم الك تقبل تحياتي وشكرا على مرورك

ابو خالد
الحمل

الله يبارك بيكم وشكرا على مروركم واتمنالكم الموفقيه والنجاح بحياتكم


✿AnGie✿
ابو ياسين
عكك التطوى

الله يبارك بيكم وشكرا على مروركم واتمنالكم الموفقيه والنجاح بحياتكم

13
نهاد احمد
الاصيل222
silver_d

الله يبارك بيكم اخواني وانشاء الله يا ربي الموفقيه والنجاح بحياتكم


مهند هادي

الله يبارك بيك اخي العزيز مهند وانشاء الله يوما اللك


alugily
الله يسلمك اخي العزيز اي اني اتوكلت على الله وانطلقت,

14
maitham70
اين انا 2
الناسك
القرش

الله يبارك بيكم اخواني الاعزاء وشكرا على مروركم اتمنالكم الموفقيه والنجاح بحياتكم


Shebo
حبيبي ورده انت النور انشاء نلتقي فد يوم

Tik Tak Tik Tak
الله يبارك بيك اخي العزيز وانشاء الله امورك هم تصير كلها اوك

ريم عبد
عيني ريم الله يبارك بيج واشكرج وانشاء الله اظل اتواصل وياكم


iraqiheart100
اخي العزيز الله يسلمك, طبعا الرحله كلش طويله شكد ما تتصور تقريبا ساعه ونص من بغداد الى عمان ومن عمان احتمال تضلون ترانزيت يوم لحد ما تجي الطياره والرحله تطول من عمان الى مطار جورج كيندي تقريبا 13 ساعه فالله يعينك على جهالك



15
اخي العزيز ابو بشير الورده انشاء الله تكون سفره سعيده ويا ربي تتوفق ومع ذلك السفره كلش متعبه والله يساعدنه وتقبل تحياتي

16
السلام عليكم اخواني واخواتي الاعزاء


اول شي احب ابشركم بوصولي لمدينة اوستن في تكساس بعد عناء طويل ورحله طويله جدا, وراح احجيلكم بالتفصيل شنو صار ويايه

طبعا اتصلوا بيه من عمان حددولي موعد للفحص الطبي قبل السفر ورحت لمستشفى ابن البيطار الساعه 2 الظهر وجان الكي اسمي ما موجود بالاسماء كالوا ما يصير تدخل لانه اسمك ما موجود اتصلت بعمان واتصلت بالمسؤول عليه بغداد كالوا هسه راح يضيفوك وره نص ساعه صاحوني كالوا اتفضل للفحص المهم كملت الفحص بعد 4 ساعات طبعا ويايه بحدود 30 نفر بالغرفه من عوائل وشباب اخذتلي الدكتوره نبض وضغط وبعدين ودونه شربونه من هاي الحبابي ام الدود وراها رجعت للبيت وطبعا الكل جانوا ينتظروني عبالهم صار بيه شي لانه من الساعه 2 الى الساعه 6 يله رجعت وتلفوني جان يم الامانات.

ودعت الاهل والاصدقاء والاقارب واتوكلت وطلعت للمطار الساعه 6 ونص الصبح وهناك بساحة الوفود استملت التكت مال الطياره وبعدين كملنه الطريق للمطار وجان موعد الرحله مالتنه ب 12 ونص ضلينه كاعدين بالمطار بحدود ال 3 ساعات او اكثر صعدنه بالطياره وانطلقنه الى عمان واني الصراحه ما ردت انزل من الطياره مال عمان لاسباب فنيه هههههههه

وصلنه الى عمان وهناك اجه موظف الاي او ام استقبلنه طبعا رحنه لعمان ترانزيت ومن عمان الى مطار جورج كيندي بنيو يورك ورحت استلم التكت مال الطياره الثانيه ولكيت وقت الرحله الساعه 4 ونص العصر ثاني يوم لذلك خلونه نبات بالفندق مال المطار وجان هم اسمي ماكو ويه الاسماء وجان الموظف مال اي او ام يكلي انت متاكد اجيت ويه الاي او ام كتله لا اني اجيت من القمر وبعدين خابر على المنظمه طلعوا ناسين يخلون اسمي مثل شغلة الفحص الطبي مال قبل السفر, رحنه للفندق وضلينه ليله والفندق يعني زين اكلهم طيب والغرفه هم زينه, الساعه 3 ونص رحنه للمطار وصعدنه بالطياره اللي رايحه لامريكا  وبعد رحله 13 ساعه بالطياره نزلت من الطياره نسيت اسمي هههههه

وصلنه الحمد لله مطار نيويورك وهناك استقبلونه الاي او ام ورحنه لفد غرفه انطونه بيها الاوراق المهمه الوايت كارد وباج مكتوب عليه الرحلات مالتنه وارقام المنظمه وبي بعد تفاصيل وجان يجوون شرطيين مثل هذوله اللي يطلعون بالافلام حتى يختمون دخول على الوايت كارد واحنه تعبانين كلش ونريد نام جان ابو الاي او ام يكول ماكو نوم اليوم الكل لازم تسافر وتروح على المكان المحدد الها, طلعنه من المطار اخذونه بسيارات الاي او ام وطبعا ما احجيلكم الطريق كله طسات هههههه هاي نيو يورك كلها طسات ههههههه المهم ودونه لمطار يونايتد اميريكا وهذا خاص بالرحلات الداخليه بامريكا طبعا ذبونه الاي او ام باب المطار وراحوا كالوا هسه نجي والجو جان بارد واكو ناس كبار بالعمر بالاضافه للعوائل اللي وياهم اطفال, واني صرت عصبي وحاولت اتصل بالمنظمه بس محد يرد المهم بعد تقريبا نص ساعه او اكثر بالبرد اجه ابو المنظمه وكال تعالوا فوتوا جوه المهم دخلنه وانطانه التكتات مال الرحله واني لازم اروح لشيكاغو وبعدين لتكساس لمدينة اوستن وطبعا اني ما نايم صارلي اسبوع مخبوص بالتحضيرات للسفر انتظرت تقريبا بحدود 3 ساعات حتى تجي الطياره طبعا كضيتها كله فر بالمطار افتريته شبر شبر وبعدين وصلنه لمطار شيكاجو وهذا المطار عباره عن فد شي يخبل وهنا بهذا المطار هم ضلينه بحدود الساعتين او اكثر واخر شي بعد عناء طويل وتعب مو طبيعي وصلت لمطار مدينة اوستن تكساس وهناك استلمت الجنطه مالتي والحلو بالموضوع ماكو ولا واحد يستقبلنه من الاي او ام بالمطار وهم حاولت اخابرهم وماكو نتيجه المهم حجيت ويه واحد امريكي يخابر عليهم من موبايله لانه ما اكدر اخابرهم اشو هذا جان يكول ما اكدر وجان يتركني هههههه اخر شي كلت لازم اروح للشرطه وهمه يلكون حل لهاي المشكله اني دا اروح للشرطه جان وحده تصيحيني الحمد لله طلعت بالمنظمه واخذتنه بسيارتها وودتنه للشقه مالتنه وطبعا مكان الشقه حلو اني وولد عراقي كعدنه بيها الشقه عباره عن غرفه وصاله ومطبخ وحمام ومخزن يعني كلش عجبتني.

راح اكمل الكم بعدين شنو صار ويانه بس خلاصة الموضوع المنظمه مال الاي او ام موظفين ناس مو خوش اوادم واني راح ادز ايميل الهم بخصوص هذا الشي وتعاملهم جان مو حلو وشايفيين نفسهم وحتى ما يعرفون يحجون عربي.



17

السلام عليكم

مبروك اخي العزيز توصل بالسلامه انشاء الله

18

اخي العزيز الف مبروك وشايف كل الخير وتوصل بالف سلامه, الصراحه اني سفري يوم 15 - 3 الى ولاية تكساس مدينة اوستن من بغداد فرق يومين بيني وبينك تقبل تحياتي

19
alugily

اخي العزيز بارك الله بيك على ردك, اني اعرف المنظمه راح تستلمني بس جنت اريد اتعرف على احد بنفس المدينه اللي اني بيها والى هسه ماكو احد .

20

بارك الله بيك ابو ياسين وانشاء الله ما تقصر

21

يعني ماكو احد بهاي المدينه بالمنتدى بس اني ؟  ;D

لعد الاعضاء اللي بهاي المدينه وين راحوا شالوا  :D

22

TOMMY735

اخي العزيز بارك الله بيك وتسلم على النصيحه.

اخي العزيز شغلة الاي او ام بغداد تطول كلش اني ما اريد اهبط معنوياتك اني مقدم من شهر ال 11 2008 وهسه احنه شهر 3 2010 وانت احسب المده واني الايزي نمبر مالتي 104XXX

وااذا تحتاج شي اني بالخدمه تقبل تحياتي

23

بارك الله بيك وشكرا على التنبيه ويا اخي العزيز هاي الاشياء مو بس بامريكا تصير بأي مكان بالعالم لانه اكو ناس نفوسها ضعيفه تسوي هيجي اشياء.

24

السلام عليكم اخواني واخواتي

طبعا اني قبل كم يوم  الحمد لله تم تحديد موعد سفر لي من بغداد 15-3 الى ولاية تكساس مدينة اوستن فهل يوجد شخص يستطيع استقبالي في هذه المدينه ؟

وشكرا الى الجميع

25
اربد
Abo Rami
sonmaz
السومري
مهند هادي
أبو بشير
أمنية
المتميز العراقي
اين انا 2
وردة بغـداد
show
الحمل

بارك الله بيكم واشكركم على مروركم والله يوفقكم ويسهل امركم وانشاء الله تفرج على العراقيين اجمعين

26


السلام عليكم اخواني واخواتي الاعزاء

اليوم تم الاتصال بي لتحديد موعد السفر من بغداد يوم 15-3 الى تكساس مدينة اوستن اللي راح يسافر ويايه بهذا التاريخ يا ريت يراسلني, وطبعا احب اشكر الجميع اللي قدموا معلومات اكثر من رائعه الي وللجميع وادعي بالموفقيه والنجاح للجميع وخصوصا المشرفين الموقع والاخت انجي وشبح بغداد وريم عبد وعكك وابو عبد الله وانشاء الله ربي يهدي النفوس وبعد ما تصير مشاكل واتمنى ترجع انجي والاعضاء اللي انسحبوا والله يسهل على الجميع وتقبلوا تحياتي.

27
الف مبروك وتوصلون بالف سلامه ؟ ممكن تكتبين تواريخ المقابلات بالتفيل اني هم دا انتظر موعد سفر من بغداد؟

28
اخي العزيز مبروك وشايف كل الخير وانشاء الله يوم ينطوك موعد سفر.

عندي استفسار بسيط اني مقدم على اي او ام بغداد اكدر اتصل بمصر حتى اعرف الامنيه مالتي واصله لو لا ؟ واذا اكدر تكدر تنطيني الارقام اللي اتصلت عليها وبأي وقت اتصلت بيهم ؟ وتقبل تحياتي

29

اخي العزيز استعجلت بالاجابه وهذوله جماعة الاي او ام من يتصلون مثل العيد بس مع ذلك اتمنى يتصلون بيك باسرع وقت ويحددولك وقت للمقابله والله يسهل

30
الف مبروك وحمد الله على السلامه

31

شكرا اخي العزيز على الجواب وعندي سؤال ثاني دزيته الك على الخاص تقبل تحياتي

32

الف مبروك وشايف كل الخير وانشاء الله موعد السفر

33
اخي العزيز اذا بعدك ما مقابل المقابله الاولى عادي تكدر تصلح الاسم باول مقابله واذا مقابل مقابله تكدر تصلحه بالمقابله الثانيه بس بالمقابله الاولى الموظف يكلك اسمك لازم يكون نفس ما موجود بالجواز.

34

اخي العزيز

هذا الايميل يكول شوكت ما راح انحدد الك المقابله الثانيه راح نتصل بيك نبلغك يعني اخي الشغله يرادلها صبر, اني اكلك اصبر ولا تستعجل تره شغلة الاي او ام طويله اني صارلي سنه وستة اشهر وبعدني ما مسافر

35

اخي العزيز

السبيلنك فد شي كلش مهم ولازم يكون على نفس ما مكتوب بالجواز, فاذا كنت تكتب اسمك بشكل ثاني عن الجواز انصحك بانه تكتبه مثل الجواز حتى الامور تمشي عدل وتقبل تحياتي.

36

اخي العزيز

الايميل الاول لتحديد موعد للمقابله الاولى والايميل الثاني لالغاء موعد المقابله الاولى

37


السلام عليكم اخواني واخواتي

اعتقد اكو مشكله بمواعيد السفر لانه سالت هوايه اصدقاء ومعارف والكل جايهم ايميل يكول انت مجدول لموعد السفر عن قريب موظف الاي او ام راح يتصل بيك اكو ناس صارلهم فوك ال 6 اشهر واكو ناس صارلهم 3 اشهر وماكو اي شي محد اتصل بيهم علما الاشخاص الي اتصلت بيهم بمصر وعمان وتركيا ولبنان وبالاضافه الى بغداد فهل يوجد احد اخذ موعد سفر خلال مده قصيره ؟

38

اخي العزيز ادخل على الرابط اني نزلت هذا الموضوع قبل فتره لمن قابلت المحلفين ومريت بنفس ظروفك

http://www.ankawa.com/forum/index.php/topic,369487.0.html


اخي هاي الخدمه مو اجباريه بس التسجيل اجباري ولازم تسجل بيها لمن تدخل امريكا خلال شهر والتسجيل اونلاين وهذا موقعهم

http://www.sss.gov/

39
اخي العزيز

الله يسهلك يا ربي بس اني قابلت مقابلة محلفين بغداد وكانوا المحلفين كلش متعاونين ويه الناس ويضحكون ويشاقون ويه الناس وماكو واحد ضاج منهم, احتمال غيروهم واما بالنسبه للنتيجه كما ذكرت الاخت ريم بعد 45 يوم اذا ما دزولك جواب لازم تراسلهم واتوقع اني انشاء الله يجييك الجواب بعد شهر.

40
اخي يرادلها صبر وحاول بين فتره وفتره تدزلهم ايميل والله يفرجها عليكم

42
موضوع حلو واتمنى الكل يشاركونا وخصوصا الي موجودين بامريكا

43
اخي العزيز انت مو خلصت التجييك الامني حددولك ولايه يمكن الاسكا ؟ اشو رجعوك ليوره لو هذا الايميل مو الك؟

44

اخي العزيز

موضوع رائع ولكن عندي سؤال اتمنى تجاوبني عليه ممكن تشرحلي بالتفصيل مميزات اللجوء A في هولندا يعني اعلى انواع اللجوء من ناحية الفلوس شكد ينطون والسكن والى اخره من التفاصيل ؟ وهل صحيح اللجوء A يستطيع عمل لم الشمل لعمر 24 سنه او اكثر ؟

45
اخي العزيز بارك الله بيك موضوع احلى من موضوع

46
الف مبروك وتوصلون بالف سلامه اخي ممكن تنطي تفاصيل انت باي دوله وعلى اي برنامج طالع ومواعيد المقابلات ؟ والفتره بين موافقة المحلف وموعد الطيران ؟ وتقبل تحياتي

48

اخي العزيز

انت وينك مختفي نزلت كم موضوع حددولي ولاية تكساس مدينة اوستن ودزولي انت مجدول للسفر قريبا راح نتصل بيك, وصدك تره ضفتك بالمسنجر والله يسهلها علينه وعليكم.

49

اخي العزيز

والله انصحك لا تأجلون موعد السفر اله اذا كان عدكم ظرف طاريء جدا يله تاجله اخويه مهند انت من القدماء مثلي فاقبل بأي موعد سفر هم تريد تنتظر بعد اتوكل على الله وخلي عمك يلكي حل بديل لشغلته وتقبل تحياتي.

50

حمد الله على سلامتج ومنوره المنتدى وانشاء الله تطيبين باسرع وقت وتقبلي تحياتي

51
 

شكرا جزيلا على الموضوع الجميل اني مفكر اعيش بهاي الولايه

52
violin

الله يبارك بيك اخي العزيز وشكرا على مرورك

53

شكرا اخي العزيز على الموضوع المهم, احب اقدم نصيحه وهيه الي ما يريد يشتري البرامج وراح تكلف هوايه فلوس  وتسوي مشاكل خصوصا بامريكا يكدر يستخدم البرامج المجانيه وهيه تسد بمكان البرامج الاصليه مثلا بمكان ما تشتري انتي فايروس اصلي تكدر تنزل برنامج AVG or Avira المجاني مدى الحياة ما يخلص  ;D واني مجربهن شغلهن ما بي اي فرق عن الاصلي, واحب اشاركم هذi المواقع المهم للبرامج المجانيه وغير المجانيه والبرامج الجديده والتعاريف والالعاب وكلشي :

WWW.DOWNLOAD.COM
WWW.DOWNLOAD2YOU.COM

اتمنى الكل يستفاد من هذه المواقع واي احد محتاج اي استفسار يكدر يراسلني على الخاص وتقبلوا تحياتي

54
السفير80

اخي العزيز بارك الله بيك واشكرك جدا على المعلومات

55

اخي العزيز ما اعرف شنو اكلك بس كل موضوع تنزله احلى من الثاني الله يوفقك ويخليك تقبل تحياتي

56
اخي الله يسهلك انشاء الله ويتصلون بيك عن قريب واني هم مثلك دا انتظر موعد السفر والله يسهل على الجميع

57
ال رداد
الله يبارك بيك وشكرا على مرورك وانشاء الله يوما الك

المهاجر الجديد
الله يبارك بيك واتمنالك الموفقيه والنجاح بحياتك

58

اخي العزيز
اني مقدم على اي او ام بغداد واجاني فحص طبي قبل مقابلة المحلفين والشغله كلش عاديه لا تهتم واذا تحتاج شي بعد دزلي على الخاص

59
القرش
زيوس

اتمنى الموضوع فادكم تقبلوا تحياتي

60

اخي العزيز مبروك وانشاء الله يوم موعد السفر , وشكرا على المعلومات التفصيليه واتمنى الجميع يستفاد منها

61

اخي الف شكر على المعلومات, اذا على هالحجي كانما رايحين لباب الشرجي مو لامريكا  ;D

62

ام امنيه
هذا عود العراق الجديد الي ما شفنه منه كلشي لعد احنه ليش نريد نطلع, زين اذا هذوله البره هيجي يتعاملون ويه الناس وعود سفاره والمفروض موظفين السفاره يكونون ذو اخلاق عاليه بس كل واحد راح جاب كرايبه ومعارفه وصارت عصابات عبالك, زين الي جوه شلون ديتعاملون ويه الناس (الله يساعدنه ويساعدكم عليهم) ؟
انت لا تضوجين ولا تهتمين تره هاي مو جديده على بعنه  ;D انت شغلتج يمهم واكو مثل يكول اذا شغلتج يم .... ما اكدر اكمل  :D تقبلي تحياتي واتمنى معاملتج خلصت بعد هذا التعب.

64
khldoon2000
الحمل
ابو عبد الله التكساسي
Aram2003
GoldenEgle

شكرا على مروركم وردودكم واتمنى يكون الموقع مفيد للجميع

65
شكرا على الملومات

66

هسه كلامك مضبوط جواز H لازم يتبدل ب A وذلك لانتهاء طبعة جوازات ال G فصدروا كما ذكرت لاحقا جواز ال A الي هوه مكمل اله, يا اخي توصل بالف سلامه انشاء الله

67

khldoon2000
الله يبارك بيك واتمنالك الموفقيه والنجاح

68
اخي العزيز مبروك وتوصل بالف سلامه

عندي استفسار حول الجوازات ردا على موضوعك حول تبديل الجوازات G ب A ؟؟؟؟

من شروط التقديم على اي او ام لازم يكون عندك جواز G او A واني رحت للجوازات قبل فتره كالوا ما يصير تبدل جواز ال G ب A لانه ال A هوه مكمل لنسخة ال G ارجو التوضيح اكثر حول هذا الموضوع ؟

69

الى كاتب الموضوع

اولا من الاحسن ويجب عليك استخراج جوازات جديده من نوع A وذلك لتوقف اصدار الجواز G مع العلم جواز G يتم العمل به ويعتبر جواز A مكمل الى جواز ال G

Haider Naem
اخي العزيز منو كلك ماكو بعد G ؟؟؟؟ جواز ال G بعده يشتغل بس S انتهى العمل به وال A مكمل لل G

70

اخي العزيز الله يصبرك انشاء الله خير, هاي مو نهاية الدنيا خيرها بغيرها بلكت يحولون ملفك لغير دوله ومن الله التساهيل وما تشوف نفسك اله وانت بغير دوله.

71

شكرا عيني معلومات روعه

72

السلام عليكم اخواني واخواتي الاعزاء

طبعا حبيت اشاركم هذا الموقع الاكثر من رائع الي هوه عباره عن جميع قوانين الولايات المتحده الامريكيه ويحجي عن كل الاشياء في امريكا مثل حقوق الموظفين, وحقوق المهاجرين والكثير الكثير, ما عليك سوى ان تكتب اي كلمه في السيرج Search وبعدين راح تشوف القوانين لكل ولايه من الولايات المتحده الامريكيه وكل ولايه قوانينها تختلف عن الثانيه, اتمنى هذا الموقع يخدم الجميع ويطلع على القوانين قبل ما يسافر حتى لا ينصدم بأي قانون, لانه الصراحه اكو قوانين العرب يحسوها غريبه جدا (تعبانه  ;D) وتقبلوا تحياتي وهذا الموقع دخلوا عليه جوه:


http://www.lectlaw.com

73
mayada2009
AbU.SaRa
ماجلان

بارك الله بيكم واشكركم واتمنالكم الموفقيه والنجاح في حياتكم

74
الف مبروك والموفقية يارب حبيت اسال اشكد الوقت من قدمت الى ان صار تحديد الولاية مع تمنياتي بالموفقية

الله يبارك بيك, بالنسبه لسؤالك لا تنصدم اذا اكلك اني مقدم من شهر 10 2008 والى حد هسه ما مسافر

75
الف الف مبروووووووووووووك اخ ok_ok755
والله ايباركلك ان شاء الله بولايتك وان شاء الله يوم الي اتحصل موعد السفر وتتهنه بيها يارب


الله يبارك بيج واشكرج على جهودج وتقبلي تحياتي.

76

الف مبروك صديقي الورده فرحت لك هواي والله هسه وجبت العزيمه تشريب معدل وبصل اخضر ما زال دنيا شتا ههههههههههههههههههه الف بالخير عليك


الله يبارك حبيب كلبي وانشاء الله يوما الك يا ورد وهالايام راح يتصلون بيك, اما للعزيمه قدوري موجود نروح ناكل هناك  ;D

77

alaakato
البصراوي 75
79النرجس
ابو ياسين
ظاع الوطن
اربد
omaha2
الحمل
marhan
نهاد احمد
um faisel
زيوس

الله يبارك بيكم جميعا ويوفقكم وشكرا على ردودكم الجميله ومن كل كلبي اتمنالكم الخير والحياة السعيده

78

السلام عليكم

شكرا على الموضوع الجميل.

اني مقدم على الاي او ام بغداد في شهر 10 2008
انطوني BGD بشهر ال 11
مقابله اولى و IZ بشهر السابع 2009
فحص طبي وره شهرين
مقابلة المحلفين بشهر 12
نتيجة المحلفين كانت على الاختيار الاخير مع كتابه باللغه الانكليزيه
بشهر ال 2 2010 تم تحديد الولايه تكساس
والى حد اللحظه بانتظار موعد السفر ؟؟؟

79

اخي العزيز ابو ديانا

الاي او ام بغداد ديجاوبون على الايميلات خلال ايميلات صار جربت وياها بحدود 3 مرات وبالفعل جاوبوني بعد اسبوع تقبل تحياتي.

80

اخي العزيز مبروك وشايف كل الخير يا رب وتوصل بالف سلامه وتتوفق وانشاء الله يوما النه

81

 السلام عليكم اخواني واخواتي الاعزاء

طبعا اليوم حددولي ولايه Austin , TX وكالوا راح نتصل بيك عن قريب حتى نحدد موعد السفر  ;D

منو بهاي الولايه خلي يسولفنه شويه ؟ تقبلوا تحياتي وشكرا للجميع.

82
freeman2
اخي العزيز الكورسات كلش غاليه بامريكا وينطوك الكورس بمده قصيره جدا فاني كثير ناس نصحوني اخذها بالعراق ارخص بهوايه بس ما اعرف اذا معترفين بيها هناك او لا, مع العلم الامتحان اونلاين.

بس احسن طريقه حتى توفر فلوس وهيه انت تقره الماده (تسحبها من النت) وتقدم امتحان بيها علما ان سعر الامتحان مو هذيج التكلفه بس وين الواحد يدفع 4500 دولار ووين الواحد يدفع 200 دولار (بس فلوس الامتحان) !

83
احمد عباس
عيني هوه ايميل اي او ام بغداد (baghdadinfocenter@iom.int)

84
مبرووووووووووووك اخي العزيز وتوصل بالف سلامه وهاي كلش خوش اخبار للي منتظرين موعد سفر

85
مبروك وشايف كل الخير وانشاء الله موعد السفر

86
الف مبروك وشايف كل الخير واتمنالك الموفقيه والنجاح.

87

اخي العزيز بارك الله بيك على الموضوع الحلو واحب ان اشكر جميع الاعضاء الذين شاركوا بخصوص هذا الموضوع المهم واتمنى الجميع يلكه شغل بامريكا ويتوفق, اني راح اشارك بجمله قصيره وهيه الي عنده شهايد الدنيا كلها وما عنده خبره صعب جدا يشتغل بأي مكان وخصوصا بامريكا لانه انت اذا تروح تقدم على شغل وعندك فد ريكومنديشن من شركه امريكيه بانه انت اشتغلت وياهم بمجال الشبكات والحاسبات كلش راح يفيدك هذا الشي, اني بعدني ما مسافر واكيد الي مسافر هناك يعرف الوضع بس احب اكول شغله وهيه منو احسن العراق ام امريكا من ناحية فرص العمل ؟ بالتاكيد امريكا

88
اخي العزيز
ما دام صارت شغلت نسوان فمعناها كل يوم راح تنزل موضوع هههههه

حبي شوف اني بالبدايه دزيتلهم ايميل وجان يجيني ايميل كال انت بالمراحل النهائيه من الموافقه الامنيه وره تقريبا فترة شهر دزيت ايميل الهم وجان يجيني الايميل المفاجئه انت مجدول للسفر وراح نتصل بيك قريبا, اخي العزيز وعندي بشاره الك هسه اتصل بيه احد الاصدقاء الي جان ويايه بالمقابله بنفس الوجبه حددوله موعد سفر بداية شهر ال 3, فلا تخاف انت الامنيه مالتك طالعه وما بقه شي شهر او اقل يتصلون بيك انشاء الله, بس اني معليه اذا خابروك اطلبك عزيمه ;D

89
اخي العزيز

هاي الارقام خاصه بالاي او ام عمان بدليل اتصلت بيهم وكالوا ملفك في بغداد ما نعرف شي احنه, الحل الوحيد هوه انتظار الرد من جماعة اي او ام بغداد .

90
ها يابه البارحه تكلي لا توهس ههههههه هسه منو كام يوهس هههههه

اخي العزيز اني هم محتار بخصوص هذا الشي وسالت هوايه ناس وحتى نزلت موضوع بخصوص هذا الشي والي استنتجته بانه الموافقه الامنيه طالعه لانه همه مستحيل مستحيل يحددون موعد سفر الك والامنيه ما طالعه, اخي العزيز اتوكل على الله وانتظر والله يسهل انت شكد صارلك تنتظر من دزولك الايميل مال جدولة موعد السفر؟

91
اخي مراد2010

شكرا على الارقام ولكن هل حضرتك مجرب متصل بهاي الارقام ؟

92
الحمد لله على سلامتها وتكوم بالف سلامه وترجع للمنتدى احسن من قبل, واكيد ما راح ننساها بالدعاء

94
اخي العزيز ابو ديانا

طبعا انت اكيد تعرف بانه همه يتأخرون بالرد على الايميلات كلش, وتجي مرات يجاوبوك بسرعه يعني اني قبل فتره دزيتلهم ايميل خلال اسبوع جاوبوني انت شكد صارلك من داز الايميل ؟ ومره دزيت ايميل الهم وره اكثر من 3 اسابيع يله جاوبوني, والمشكله ماكو غير وسيلة اتصال بيهم غير الايميل, اتصلت بمكتب عمان ومصر وراسلتهم على الايميل وماكو نتيجه يكولون الشغله مو يمنه يم مكتب بغداد, على العموم اخي اصبر همه اكيد يجاوبون والله يسلهك انشاء الله.


95
انشاء الله ورده نتلاكه بالطياره ,ضفتك بالمسنجر وتقبل تحياتي

96
اني ما سامع بيها مال التاكس بس اخي العزيز مال الضمان الاجتماعي اكيد 100 بالميه بس اني اكلك اله تدفع فلوس يله ينطوك الراتب مالتك ويعتمد على عدد سنوات الخدمه يعني اذا راتبك فوك 2000 دولار ومشتغل وياهم فد 5 سنوات تحصل من الضمان الاجتماعي 10000 دولار تقريبا او اقل.

97
اخي العزيز موضوع جميل, ويرفع المعنويات وانشاء الله كل اللاجئين العراقيين الي بامريكا يرتاحون وتقبل تحياتي.

98
اخي العزيز echo9

اني راح احجيلك عن تجربتي بخصوص هذا الموضوع اني اشتغل بشركه امريكيه ولكن قبل 5 سنوات الحكومه العراقيه دزت كتاب رسمي الى الشركه الي اشتغل بيها لازم الشركه تدفع ضمان اجتماعي حتى اذا بطلوا الموظف يكدر ياخذ حقه منهم على اساس  ;D الشركه تدفع نص والموظف ينكص من راتبه نسبه معينه يعني نص على الشركه ونص على الراتب النسبه بحدود 5 بالميه, وحسب كلام الحكومه العراقيه يكولون هذا ضمان الكم اذا لا سمح الله طلعوكم من الشغل عدهم الضمان الاجتماعي على اساس هوه ما ادري شكد ويشلعون كلب الواحد يله ينطوا ;D ;D ;D, وبالنسبه للعناوين والارقام والتفاصيل الشخصيه احنه حجينه ويه الشركه بانه ما تنطي اسامينه ولكن تنطي ارقام لكل موظف رقم معين حتى من يروح يراجع على الرقم الي تنطي الشركه وبهيجي حاله الشركه تكدر تضمن سلامة الموظفين واما بالنسبه لشغلتك اعتقد نفس الشي هوه ضمان اجتماعي مو تاكس وتقبل تحياتي.

99
Basheer73

اي الحمد لله لكيت واحد مثل سالفتي, واني خالها على الله , وبارك الله بيك وشكرا على مرورك وانشاء الله يجيك موعد سفر قريب اذا بعدك ما مسافر واذا سافرت اتمنالك الموفقيه والنجاح وتلكه شغل.

100
معلومات روعه شكرا, وشكرا الى اوباما  ;D

101
الله يساعدك اخي العزيز ولكن برأيي ان تذهب الى هذه الولايه وعند الوصول غير الولايه لا تغير الولايه الان ابدا لانه موعد سفرك سيتأجل لمده غير زمنيه غير معلومه.

اني دا انتظر هالايام تحديد الولايه احتمال يحددولي هاي الولايه ونروح اني وياك سوه  ;D ;D ;D

102
اياد عطران

عفوا اخي العزيز شلون يدخل على موقع اليو ان ويشوف موعد الطيران ؟

✿AnGie✿
الله يبارك بيج وشكرا جزيلا على جوابج وعادي ماكو مشكله شغلة التأخير اني ما عندي شي دننتظر شوكت تفرج ولا يهمج التاخير.

103
الصور تسوي واهس حتى اذا ماكو شغل هم ميخالف  ;D

104
بارك الله بيج وشكرا على هاي المعلومات الحلوه

105
حمد الله على سلامتكم وانشاء الله الموفقيه وتلكون شغل ولكن عندي نقطه هل المساعدات لمدة خمس سنوات ؟

106
اخي العزيز عكك التطوى بارك الله بيك على جوابك وهسه طمنتني هوايه لانه اني عبالي همه غلطانين ويايه او هيج شي على العموم شكرا جزيلا على ردك

اخي echo 9 الله يبارك بيك وشكرا على مرورك

107

اخي العزيز رجل الظل بارك الله بيك وشكرا على المعلومات القيمه واتمنالك الموفقيه والنجاح

108
✿AnGie✿
انجي الله يبارك بيج وشكرا على مرورج وعندي سؤال هل هذا يعني بان الموافقه الامنيه طلعت ؟ وشكد برأيج يله يحددولي موعد سفر ؟

109
✿AnGie✿
انجي الله يبارك بيج وشكرا على مرورج وعندي سؤال هل هذا يعني بان الموافقه الامنيه طلعت ؟ وشكد برأيج يله يحددولي موعد سفر ؟

110
نيولوك
AbU.SaRa
Basheer73
أ.ج.ت
الحمل
maitham70
نهاد احمد

بارك الله بيكم وشكرا على ردودكم الحلوه واتمنالكم الموفقيه والنجاح بحياتكم

اربد
طبعا اني ولد مو بنيه :)) بارك الله بيك وشكرا على مرورك

مهند هادي
بارك الله بيك اخي العزيز مهند واتمنالك الموفقيه يا ربي وانشاء الله يتصلون بيك باسرع وقت وتفرج عليك وانت من جماعتي الي صارلنه فوك السنتين حاول تراسلهم على الايميل كل فتره دزلهم لا تتركها للشغله ابد.

مها البغدادية
الله يبارك بيج بس خلي ينطووني الموعد مال السفر واني حاضر  اعزمج باي مكان انت تختاري وانشاء الله تفرج عليج هم انت هم صارلج هوايه من مقدمه بس هيه الشغله يرادلها صبر اتمنالج الموفقيه وانشاء الله يتصلون بيج باسرع وقت.

✿AnGie✿
انجي الله يبارك بيج وشكرا على مرورج وعندي سؤال هل هذا يعني بان الموافقه الامنيه طلعت ؟ وشكد برأيج يله يحددولي موعد سفر ؟

زيوس
اخي العزيز دزيت رساله عاديه كتلهم اريد استفسر عن الكيس مالتي وين وصل اشو وره اسبوع جان تجيني هاي الرساله يعني من يدزون لشخص هيجي رساله يعني الامنيه المفروض تكون واصله  ؟ومكمل كل الاجراءات يعني بس باقي على الاي او ام يحددون موعد سفر.

111
السلام عليكم اخواني

طبعا بعد ان شفت تجارب هوايه للاخوه والاخوات الموجودين بالمنتدى لكيت بانه الاي او ام بعد الحصول على الموافقه الامنيه ما يتصلون بيك وانما فقط يرسلون ايميل بتحديد موعد السفر وفي تلك اللحظه يحصل نوع من الاحراج اذا كان موعد السفر قريب, اني حصلت جواب من المحلفين بشهر 12 ونزلت موضوع بالمنتدى بخصوص هذا الموضوع واجه على الاختيار الاخير مع كتابه بالانكليزي وارسلت ايميل الهم قبل اسبوع واجاني الجواب كالاتي :

Dear Sir,
Thank you for your-email, kindly note that we have checked your case and found that you are scheduled for travel.
Please be informed that soon IOM staff will contact you for travel details.



يعني راح يحددولي موعد سفر قريبا من بغداد يعني الموافقه الامنيه واصله وكلشي خلصان ؟
زين ليش ما بلغوني همه بهذا الشي ؟ ليش اله اندز ايميلات يله يحجون ؟


ارجو من الاخوان الي مر بهيجي شي ان يكتب تجربته لانه اني ما اجاني ايميل يكول وصلت الموافقه الامنيه بس اجاني الايميل اعلاه بانه سيتم تحديد موعد سفر ؟



112
الف مبروك اخي العزيز وتوصل بالسلامه

114
توصلون بالف سلامه يا ربي

115
اخي العزيز الساعي

شكرا على هاي المعلومات القيمه وبارك الله بيك واحنه وكعنه بهاي الغلطه لانه اباءنا ما سوولنه هذا الشي على العموم راح اكله لصديقي على هذا الشي والله يسهل.

ريم عبد

شكرا اختي العزيزه على المعلومات وبارك الله بيج والله يكثر من امثالج.

116
اختي العزيزه ريم بارك الله بيج واشكرج على المعلومات, يعني مو من المستشفى ؟ من دائرة الشهادات بساحة عدن ؟

117
اخواني الاعزاء لا يوجد احد لديه معلومات بخصوص هذا الموضوع ؟

118
السلام عليكم اخواني الاعزاء

طبعا اول شي اتمنى الكل بخير وصحه وسلامه.

عندي صديقي والده طلعله لجوء بهولندا وهسه راح يسحب اهله يعني يسوي لم شمل ولكن طلبوا منهم شهادة ميلاد (بيان ولاده لكل فرد بالعائله عدا الاب والام) ولكن المشكله لا يعرف اجراءات الحصول على بيان الولاده, فارجو من اخواننا الاعزاء ممن لديه معلومات عن هذا الموضوع ان يساعدنا في كيفية الحصول على شهادة الميلاد (بيان الولاده ) علما ان الشخص موجود في بغداد.

بارك الله بيكم ونشكر جهودكم.

119
الف مبروك وشايف كل الخير وانشاء الله مقابله سهله وخفيفه

120
شكرا الك اخي العزيز موضوع رائع

121
sakoa
الله يسهل امرك هيه الشغله يحتاجلها صبر يعني اني مقدم من شهر 11 2008 وظليت انتظر بحدود 8 اشهر يله قابلت المقابله الاولى فلا تستعجل هاي الشغله مو مال استعجال وانت رتب امورك لحد ما يقابلوك وانشاء الله هالايام الجايه قريبا جدا راح يدزون عليك حتى تقابل الثانيه تقبل تحياتي وشكرا على مرورك.

122
sakoa
شكرا على الرابط

الاسد الجامح
والله خوش خبر وهنا الكل دينتظرون الامنيه وما جتي على العموم الله يسهل للجميع وشكرا اخي العزيز على المعلومات

عكعك التطوى
شكرا الك اخي العزيز على التوضيح واني الصراحه سالت الناس الي جانوا ويايه بالمقابله وجان جواب المحلفين الهم كلهم نفس الجواب مالتي يعني تقريبا 10 عوائل اجاها هذا الرد وشكرا مره ثانيه على مرورك.

ريم عبد
يله الله كريم اني ما مستعجل عادي شوكت ما تجي الامنيه خلي تجي وجزيل الشكر على المعلومات الرائعه وانشاء الله يا ربي تجييكم الموافقه الامنيه مال الكيس الثاني باسرع وقت

الى متى
مره ثانيه اشكرك اخي العزيز الى متى على التوضيح الرائع وانشاء الله يا ربي تجييك الموافقه الامنيه باسرع وقت

جوني جاك
شكرا اخي العزيز على المعلومات وشكرا على مرورك واتمنى تجييك الموافقه الامنيه باسرع وقت

rafid82
اخي العزيز رافد شكرا على الملاحظه واني اكيد بعد ما قريت الايميل وره ربع ساعه دزيتلهم جواب بانه اني استلمت الرساله, شكرا على مرورك

مهند هادي
الله يسهل امرك انشاء الله وتجييك الامنيه باسرع وقت وقريت رسالتك على الخاص

123
الى متى ؟
شكرا اخي العزيز على المعلومات وبارك الله بيك والله يسهل امرك انشاء الله

أ.ج.ت
شكرا على مرورك

124

السلام عليكم اخواني واخواتي الاعزاء

طبعا بعد انتظار دام 29 يوم اجاني قرار المحلفين على الايميل ولكن النتيجه شويه غريبه وهي:

The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.
 
Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. It is not possible to estimate how long this will take.

You will find a scanned copy of your decision deferral letter attached to this email.
 
It is very important that your reply to this email (do not send a new, separate email) to confirm that you have received this email and the attached letter.
 
We can not proceed with your case until we have received a reply from you. When you reply please write the following:
 
“I confirm that I have received this email and the attached decision letter for my refugee case with the United States Refugee Admissions Program.”

Please write your name at the end of your reply.
 
After we receive your reply, we can proceed with your case.
 
Please note that if your case is approved you do not have an option about when you can depart or delaying your case for any reason.
 
Once you receive a date for departure, you must make plans to depart Iraq for the United States on the assigned date.






وايضا ارسلوا لي ورقه موقعه من دائرة الهجره وتوجد علامة صح على مربع (other) وتوجد كلمه مقابل ال(other) الى حد الان لم افهم معناها لقد وضعتها في المرفقات عسى ولعل احد يستطيع قراءتها ?

هل تعتبر هذه الرساله بمثابة موافقه اوليه على اللجوء في الولايات المتحده الامريكيه ؟ وهل انا الان بانتظار الموافقه الامنيه ؟

شكرا على ردودكم مقدما

تحياتي للجميع

125
اخي العزيز مبروك وشايف كل الخير واني هم مريت بنفس التجربه قبل فتره والحمد لله هم سهله وهم نزلت موضوع بخصوص تجربتي مع المحلفين

126
اخي العزيز شكرا على هاي المعلومات القيمه وبارك الله بيك ويسهل امرك.

127
الله يرحمها ويقويكم على فراكها

128
شكرا اخي العزيز على التفاصيل والله يوفقك يا رب ويسهلك امرك.

129
شكرا الك اخي العزيز

130
اخي بارك الله بيك على المعلومات, اخي العزيز عندي سوال الك اذا تكدر تجاوبني عليه عندي شخص مقدم لجوء سياسي بهولندا ولكن ولسوء الحظ كانوا يريدون يثبتون عليه بانه هوه مشارك بجرائم حرب وبعد ستة اشهر من المقابلات والمحاكم تمت برائته وذلك عن طريق كتاب ارسل اليه من محمكة العدل الهولنديه فهل هذه الخطوه جيده له في الحصول على الاقامه من النوع A وكم تستغرق المده؟

تقبل تحياتي

131
الله يسهل امر الجميع يا رب

133
مبروك وشايف كل الخير وتوصل بالف سلامه

134
شكرا اخي العزيز على المعلومات

135
اشكرك اخي العزيز على المعلومات القيمه

136
اخي العزيز اصبر اني هم مثلك اني مقدم من شهر ال 11 2008 ولحد شهر السابع 2009 يله قابلت اولى وبشهر 12  2009 قابلت الثانيه يعني صارلي اكثر من سنه فلا تستعجل تره الشغله مطوله لانه هوايه اكو عالم تريد تسافر لامريكا واعرف الانتظار كلش صعب بس شسوي الله يسهلك انشاء الله ويخابروك يكلك تعال قابل محلفين تحياتي اللك واكلك اصبر.

137
اخويه العزيز طلعلك موعد السفر وانت بعدك ما مقرر تروح لو لا صدك تحجي ؟
اخي انت المفروض تكون دارس الموضوع قبل ما تقدم اصلا, بس احب اكلك اتوكل على الله وروح هناك والله يسهلك ومبروك موعد السفر وبالنسبه لاطفالك تره ماكو دوله بالعالم مثل امريكا تداري الاطفال فلا تخاف من هاي الناحيه.

138
الله ما يضيع تعب لاحد هاي هيه امريكا ما تحب احد يكعد بالبيت ويريد الشغل يجيله حيدوري ورده الله يوفقك ويسهلك امرك انشاء الله تقبل تحياتي واتمنى الناس العراقيين الي بامريكا يسوون مثل ما سوه حيدر.

139
مبروك وشايفين كل الخير والله يسهل امركم ويسهل امر الجميع

140
الف مبروك وانشاء يوم السفر القريب

141
اولا حمد الله على السلامه للجميع وحمد الله على سلامتك دنفش

ثانيا شكرا على موضوعك واني احترم رائيك بس يا اخي اذا تجي وتفكر زين وتسوي مقارنه بين الوضع بالعراق والوضع بامريكا برائيك يعني ومن خلال كلامك الوضع بالعراق احسن ؟
انت غلطان اخي العزيز ابسط شي اذا تجي تقارن بين الخدمات فاكيد بامريكا احسن بمليون مره واذا تجي تقارن الاسعار راح تشوف هم امريكا ارخص من العراق واذا قارنت نسبة البطاله راح تشوف امريكا اقل من العراق انت تعرف هسه شكد ناس ما عدهم شغل بالعراق ؟ اني ضربتلك هاي الامثله البسيطه بس اكو شي مهم جدا ما ذكرته لانه اكيد تعرف وهوه الامن والامان هل تعتقد هذا الشي موجود بالعراق ؟ اسالك انت مأمن على نفسك من تطلع للشارع ؟ انت مأمن على نفسك من تكعد بالبيت ؟ انت تكدر تمارس ديانتك بكل حريه بالعراق ؟ تكدر تعبر عن رايك بمنتهى الصراحه بالعراق ؟ ما اتوقع منك راح تكول نعم على اي سوال من هاي الاسئله فيا اخي فكر زين قبل ما تنزل هيجي موضوع ما اعرف شنو الي تريده بس احب اكلك مو ظروف كل الناس سوه.

تقبل تحياتي

142
السلام عليكم اخواني واخواتي الاعزاء

طبعا احب ابشر الجميع بانه اني بعد ما قابلت المحلفين قبل كم يوم , خلال المقابله المحلفه الامريكيه طلبت مني التوقيع على ورقه وهيه اعادة التوطين في دوله اخرى في حال تم رفضي من قبل امريكا  ;D وخلال الايام الماضيه اتصلت ببعض الاصدقاء في دول الجوار وسالتهم عن هذا الموضوع فكانت كالصدمه لهم لانهم لا يعرفون شيئا عن هذا الموضوع ولم يعطهم احد اي ورقه خلال المقابلات تنص على اعادة التوطين في دوله اخرى في حال امريكا رفضت صاحب مقدم الطلب.

اخواني واخواتي هل يوجد احد تم توقيعه على اعادة التوطين في دوله اخرى في حال تم رفضه من امريكا في دول الجوار او في اي او ام بغداد ؟

143
شكرا على المعلومات الرائعه

144
اختي العزيزه يكدر يروح يراجع بالسفاره العراقيه الي بتركيا ويكدر يطلع جواز من السفاره او اذا عنده احد معرفه يطلعله الجواز من بغداد ويدزه اله اتمنى اكون قدمت فائده الج.

145
الناسك
الله يبارك بيك هوه اذا الامور دجت هناك اشتغل عسكري  :D شكرا على مرورك والله يسهل امرك.

الله...محبة
امير الاحلام
الله يبارك بيكم وشكرا على مروركم.

✿AnGie✿
الله يبارك بيج وشكرا على مرورج واتمنالج الصحه الدائمه والموفقيه بحياتج تقبلي تحياتي.

szsz
الله يبارك بيج طبعا المراة في امريكا تعتبر فد شي جبير فمنو يحجي وياها يكلها تعالي خدمي عسكريه  :D حتى ابسط رجلها ما يكدر يحجي وياها واذا فكر يطلكها فمعناها تاخذ نص ما يملك بالعافيه على النسوان

جورجيا
الله يبارك بيك وشكرا على مروك.

146
شكرا على المعلومات الرائعه واتمنى الج الصحه والموفقيه يا رب.

147
الف مبروك حبيبي وانشاء الله يوم يجي المغلف قبول مال الاهل.

148
الف مبروك اخي العزيز وتوصل بالف سلامه يا رب.

149
هلو حبي مهند الله يبارك بيك اشكرك.

اولا ما وصلتني رساله منك ؟

ثانيا لا تخاف من المقابله تره كلش سهله شكد ما تتخيل اني ما جنت متوقع هيجي طبعا الي قابلتني وحده سوده صغيره بالعمر طولت مقابلتي ثلث ساعه سالتني كم شغله ما مقتنعين بيها بالقصه مالتي وظلت تسالني عليها لحد ما اقتنعت  :D وظلت تسالني اسئله اجاوب بنعم او لا وهاي تكدر تشوفها بموضوع الاخ عكك الله يخلي النه اسم الموضوع المقابلات في الاي او ام من الالف الى الياء حبي لا تخاف وكلهم للاهل لا يخافون تره كلش سهله بس اهم شي تحجون نفس الحجي الي حجيتوا بالمقابلات السابقه والله يسهل عليكم واذا تحتاج شي دزلي رساله واني حاضر.

150
انشاء الله يا ربي يتممها عليكم بالخير.

151
اين انا 2
الله يبارك بيك اخي العزيز وشكرا على مرورك

violin
الله يبارك بيك وهمزين لكيت احد موقع هيجي ورقه عبالي بس اني  ;D وانشاء الله تقابل المحلفين باسرع وقت ولا تخاف من المقابله تره كلش عاديه والمحلفيين الي بغداد كلش متعاونيين

y.a.r.a
الله يبارك بيج وشكرا على المعلومات واتمنالج الموفقيه والنجاح.

alugily
الله يبارك بيك وشكرا على مرورك

untitled.man
الله يبارك بيك اخي العزيز وشكرا على المعلومات القيمه


152
شكرا اخي العزيز على المعلومات

153
الف مبروك وشايف كل الخير وتوصل بالف سلامه

154
الف مبروك وشايف كل الخير وانشاء الله يوم الجنسيه والجواز الالماني

155

اخي العزيز عكك بارك الله بيك وشكرا على المعلومات عن نظام الخدمه الانتقائيه الامريكيه

ام عبد الله
شكرا على مرورج واتمنالج الموفقيه.

156
المهندس حمودي

خير الي يصيبك اشكرك وعلى شغلة الجيش يعني شغله غريبه الصراحه لانه سالت هوايه ناس محد ناطي من هاي الورقه مال الجيش  ;D يمكن شاف العب حديد كال هذا خوش جندي ههههههه بس بيها مميزات كلش هوايه والله يسهل انخليها اذا دجت الامور كلش نروح نطوع بالجيش شسوي  :D

taif_alsaad1982
بت بطوطة

شكرا على مروركم واتمنالكم الموفقيه والنجاح انشاء الله.

157
اخي العزيز شكرا على موضوعك وبارك الله بيك

159
الحياوي
بارك الله بيك وشكرا على مرورك

alprince1980
الله يبارك بيك اشكرك

volca
شكرا على مرورك وبالنسبه لسالفة العسكريه اني شبهتها بسالفة الحزب قبل لانه ما تشتغل باي مكان بالدوله ولا تحصل قروض ولا شغل اله تسجل بهاي الخدمه فهاي الخدمه زينه وبيها مميزات كل هوايه للي يسجل بيها

زيوس
نهاد احمد
shawqi shumran
بارك الله بيكم واتمنالكم الموفقيه

sakoa
اخي العزيز شكرا وبارك الله بيك وكانت مقابلتي الاولى والثانيه في نفس اليوم بشهر السابع 2009

show
انشاء الله يا رب تسافر باسرع وقت وهيه اسمها الانتقائيه مو الوقائيه  ويسموها بالانكليزي Selective American System

rafid82
اشكرك اخي العزيز واعتقد هاي الشغله جديده مال الخدمه الانتقائيه لانه اي احد اساله ما يعرف عليها شي والحلو بالموضوع انطوني بس الي هاي الورقه مال هاي الخدمه.

160
تكوم بالسلامه انشاء الله

161

السلام عليكم اخواني الاعزاء


طبعا اليوم احب ابشركم بانه قابلت المحلفين في بغداد والمقابله كانت سهله الحمد لله بس موعد الوصول كان الساعه 11 واني رحت ساعه عشره ونص صباحا وطلعت الساعه 4 العصر التاخير صار بانه اكو هوايه ناس واكثرها عوائل تقريبا بحدود 10 عوائل و4 شباب واكو بحدود 3 محلفيين كل واحد يقابل عائله او شاب ولازم كل واحد ياخذ طول ووزن وبصمات الاصابع فهنا صار التاخير بينما طولت المقابله مالتي بحدود ثلث ساعه او اكثر وبعد ما خلصت كل الاجراءات وقعت على اقوالي وانطوني كتاب عن الحياة في امريكا اسمه دليل اللاجئون في الولايات المتحده الامريكيه وكال النه موظف الاي او ام بان نتيجة المحلف ستكون بعد 15 الى 45 يوم.

اي واحد يخاف من مقابلة المحلفين اكله لا تخاف ابد لانه المقابله سهله والمحلفين متعاونيين كلش واقدم الشكر الجزيل الى الاخ عكك على موضوعه الاكثر من رائع الي هوه المقابلات في الاي او ام من الالف الى الياء  واتمناله الموفقيه والله يسهل امر.

طبعا اكو شغله وحده خفت منها بالمقابله وهيه انطوني ورقه تكول اخطار بواجب تسجيل مع نظام الخدمه الانتقائيه الامريكيه لانه عمري 24 سنه فكلي موظف الاي او ام انت مشمول بهايه الخدمه والتسجيل بيها اجباري خلال شهر من دخولك للولايات المتحده الامريكيه واذا ما سجلت خلال شهر اسمعوا المصيبه السجن لمدة 5 سنوات بالاضافه الى دفع مبلغ 250 الف دولار غرامه  ;D فرجاءا الي عنده معلومات عنها يكدر يكلي شنو معناها يعني الواحد ينجبر يروح للجيش الامريكي ؟

اخوان اي احد عنده سوال خلي يسالني عادي وتحياتي للجميع


162
مبروك وشايف كل الخير وانشاء الله مقابله سهله

163
الله يسهل امرك

164
حمد الله على السلامه والله يوفقك

165
حمد الله على السلامه يله بالغراض ولا بيك, اخي العزيز هيجي حالات تصير بكل العالم لانه اكو بهوايه دول ناس قلوبها ضعيفه فنسال الله سبحانه وتعالي ان يجفينا شر هذوله الناس وتحياتي الك وحمد الله على سلامتك مره ثانيه وشكرا الى الاخ shawqi shumran على نقل الخبر

166
اخي العزيز مبروك وشايف كل الخير واتمنالك التوفيق.

167

storm2000
اخي العزيز كلامك ذهب واتمنى الك الموفقيه بس يا اخي المقابلات تعتمد على شخصية المحلف الامريكي اكو ناس مقابلاتها نص ساعه واكو 4 ساعات واني الحمد لله ما خادم عسكريه واما بالنسبه للحزب فالشعب العراقي جان كله بالحزب وهمه الامريكان يعرفون هذا الشي واتمنى المقابلات تكون سهله على الجميع.

زيوس
اخي العزيز اشكرك على النصائح وشكرا على مرورك.


✿AnGie✿
الله يبارك بيج ويا ربي الله يسهل امورج مثل ما تسهلين امور الناس تحياتي الج.


168

اخي العزيز مهند هادي شكرا واتمنى يتصلون بيك باسرع وقت حبي اني دزولي ايميل اليوم يعني اني طولت فوك 3 اشهر عن المقابله الاولى.


اخي ريفولفر اشكرك على مرورك الكريم واتمنالك الموفقيه .

169
شكرا الك اخي العزيز واتمنى الك الموفقيه.

170

السلام عليكم

تحيه طيبه الى جميع الاخوه والاخوات واتمنى اني يكون الجميع بالف خير وسلامه.


طبعا احب ابشر الجميع بوصول المحلفين الى بغداد واليوم اتصلوا بيه اي او ام بغداد وحددولي موعد لمقابلة المحلفين بشهر 12 علما اني قابلت بشهر 7 2009 المقابله الاولى تحياتي للجميع.

171
مبرووووووووووووك وشايف كل الخير ممكن اعرف مكان التقديم ؟ وشوكت تواريخ المقابلات ؟

172

مهند هادي

Safaa Alkhrkhy

الحنين


شكرا على ردودكم واتمنالكم الموفقيه

173
الف مبرووووووووووووووووووووووووووووووووك واخيرا يا ربي بالتوفيق انشاء الله والحمد لله فضت شغلتج بعد عناء طويل ادعيلج من كل كلبي هسه ترتاحين وتعوضين التعب والانتظار تحياتي الج.

174
السلام عليكم اخواني

اني قدمت اوراقي بشهر 11 2008
حددولي موعد مقابله راسا بعد 7 اشهر تقريبا يعني يوم 26-7-2009
وحددولي موعد فحص طبي قبل المحلفين بنهاية الشهر 10 2009

175

السلام عليكم اخواني الاعزاء واسف جدا على الانقطاع وذلك بسبب ظروف العمل.

طبعا اني مقدم على اي او ام من شهر 11 2008 وقابلت مقابله اولى يوم 26-7-2009 ولكن الغريب بالموضوع حددولي موعد فحص طبي بنهاية الاسبوع واني بعدني ما مقابل محلفين !!!! ممكن احد عنده فكره تحديد الفحص الطبي تعني الموافقه ؟ ام لا ؟

شكرا الى الجميع

176
مرحبه ابو راشد الف مبروك انطوك موعد للفحص الطبي بس انت كم مقابله مقابل ؟ وشوكت مقدم بالضبط ؟ اما بالنسبه للفحص الطبي اني هم حددولي موعد بنهاية الاسبوع وتكاليف الفحص الطبي للاي او ام مجانيه ما تدفع ولا فلس واخذ الجواز وياك حتى يتاكدون من اسمك تحياتي الك وموفق

177

اختي العزيزه اني ارسلت الهم بس حبيت استفسر على القضيه مالتي لا اكثر ولا اقل واني وحدي بالكيس بس ما اعرف هاي شنو معناها وشكرا على مرورج

178
اخي العزيز بارك الله بيك بس اني حيرتني هاي وسالت هوايه ناس محد دازيله هيجي شي بس اني اعتقد ه1ا الاختيار

AAN --- All Area Network 

بانه يسوون بحث شامل بكل مكان واشكرك على مجهودك.

179
اخي العزيز

انت كلامك صحيح بس اكو صارت كدامي حالات مترجمين جانوا يشتغلون ويه الامريكان راحوا لامريكا SIV وره ما اخذوا الكرين كارد راسا رجعوا للعراق واني برأيي تكدر ترجع للعراق في حال اذا تشتغل ويه القوات الامريكيه وهذا سبب مقنع حتى ما ينلغي الكرين كارد ومع ذلك اكو شويه راح يصير تضارب بالموضوع وهوه بانه اي واحد يريد يسافر لامريكا عن طريق اي او ام او اس اي في اكيد راح يحجيلهم قصة التهديد مالته وهوه ليش يريد يسافر ؟ زين شلون وره فتره يرجع للعراق فهنا راح تصير المشكله فراح يكولون ديستغل الكرين الكارد واحتمال ينسحب منه.

180
الف مبروك وتوصل بالف سلامه والله يسهلك ويسهل للجميع

181
السلام عليكم اخواني الاعزاء

اني مقدم على اي او ام بغداد واني حاليا بانتظار مقابلة المحلفين يعني صارلي بحدود شهر وعشر ايام بعد المقابله الاولى بس دزيتلهم ايميل قبل فتره وجاوبوني بانه القضيه مالتي بالتجييك الامني بس اكو شغله ما افتهمتها وهيه AAN شنو يقصدون بيها يعني ؟ زين التجييك الامني مو بعد موافقة المحلفين ؟

تحياتي للجميع

182
اخي مبروك وشايف كل الخير وانشاء الله توصل بالسلامه اني هم مقدم على اي او ام بغداد من شهر ال 11 2008 وهسه دا انتظر مقابلة المحلفين والله يسهل على الجميع.

183
اخي العزيز زاك بارك الله بيك على الموضوع الرائع وانشاء الله يا ربي الله يوفقك.

184
مبروك اخي مهند وانشاء الله يوم السفر شوف اني وراك ب 3 اشهر مقدم وقابلت قبلك بشهر السابع مقابلتين يعني شوف شغل الاي او ام شكد مخربط, انت هم اكيد مقابلتين قابلوك بهاي الغرفه الصغيره ومنو قابلك هذا المصري ؟ وما انطوك موعد محلفين ؟

185

اخي العزيز اوراس اهلا وسهلا بيك بالمنتدى انشاء الله تفيد وتستفيد.

شوف اخي العزيز اني مقدم على اي او ام بغداد من شهر ال11 2008 استلمت الكيس نمبر ويبدي ثلاثة الاف وره تقريبا اكثر من 7 اشهر يله قابلت مقابلتين بنفس اليوم ودا انتظر مقابة المحلفين فالشغله يرادلها صبر اكثر من قبل لانه العدد هسه زاد كلش اذا واحد يقدم هسه يجي رقم كيس ثمانية الاف يعني شغلة تعبانه صارت وطويله بسبب الزخم الي صار عليهم, فانصحك ان تصبر واكو خلال شهر التاسع مقابلات محلفين في بغداد الي ما مقابل محلفين الى هسه احتمال يتصلون بي قريبا يحددوله موعد وتحياتي للجميع.

186
اخي موزارت بارك الله بيك على الموضوع الرائع , وتقبل مروري.

187
اخي بارك الله بيك على هذا الموضوع الرائع واتمنى الاخوان بالمنتدى يستفادون من عنده وتحياتي اللك والله يوفقك ويوفق جميع الاخوان في المنتدى انشاء الله.

188
اخي العزيز birj  بارك الله بيك على المعلومات القيمه والدقيقه وشكرا اخي مهند على فتح هذا النقاش.

189
قسم الازياء / رد: عذورني اخوان
« في: 22:18 19/08/2009  »
اخي العزيز حمد الله على سلامة الاهل وياربي يوفقك.

190
ابو راشد الله يسهل امورك انشاء الله وانشاء الله السفر  السريع

جوزيف العراقي شكرا اخي العزيز على مشاعرك وياربي انشاء الله توصل لامريكا باسرع وقت

191
اخي العزيز صاحب الموضوع ,

اولا الله يسهل عليك واذا انت بمصيبه فانشاء الله الله يسهلك امورك ويدزلك ولد الحلال الي يوكفولك بالغربه بس يا اخي العزيز من تكتب هيجي موضوع حاول تنطينه الاسباب الي خلتك تحجي هذا الكلام بلكت احد من الاخوه او الاخوات الي موجدين بالمنتدى يكدر يساعدك وبنفس الوقت نفهم انت ليش كتبت هذا الكلام واتمنالك الموفقيه يا رب.

192
الهجرة و واللاجئين / رد: مساعده
« في: 19:56 18/08/2009  »

اهلا وسهلا بيك اخي العزيز ونتشرف بمعرفتك , اني هم مقابل بغداد مقابلتين ودا انتظر المحلفين واما بالنسبه للموافقه الامنيه يا اخي ما بيها موعد محدد انت وحظك اكو ناس تجيهم باسبوعين اكو ناس تجيهم بسنه اني ما اريد اهبط معنوياتك بس يا اخي الموافقه الامنيه هيه المشكله يعني هسه هوايه ناس صارلهم سنه او اكثر كله دينتظر الموافقه الامنيه وطبعا مخلصين كل الاجراءات بس باقيه على الامنيه واتمنالك يا اخي الموفقيه وانشاء الله تجي الموافقه الامنيه باسرع وقت وتقبل تحياتي.

193

السلام عليكم اخواني الاعزاء


هسه اتصل بيه صديق محدديلهم موعد محلفين بشهر التاسع في بغداد وهمه مقابلين مقابلتين بيوم واحد وهذا الحجي قبل شهرين يعني الفرج قريب الى جماعة بغداد اي او ام (يعني المحلفين راح يجون لبغداد) والي عنده معلومه ثانيه او موعد محلفين قريب خلي يفيدنه وتحياتي للجميع.

194
اخي العزيز مبروك وشايف كل الخير وتوصل بالف سلامه وانشاء الله بالتوفيق.

196
بارك الله بيك اخي العزيز على المعلومات الحلوه والمفيده. ولكن اخي العزيز توجد طريقه اسهل وهيه موجوده في الموبايلات الحديثه حيث تستخدم خدمة GPS خدمة الاقمار الصناعيه واي برنامج Navigation حتى توصل للمكان الي انت تريده, مثلا اني اريد انتقل من ولايه واشنطن الى ولاية نيويورك اخلي النقطه الاولى هيه واشنطن والنقطه الثانيه نيويورك واصعد بالسياره واشغل GPS وعند تشغيل البرنامج في الموبايل راح تشوف كل الشوارع وكل البنايات الي على الطريق بين واشطن وبين نيويورك وانت تختار الطريق الى تريده واني برايي الشخصي هذي الخدمه كلش مفيده لاي شخص يسافر مكان ما يندله وتحياتي الك وشكرا على الموضوع.

197
لوتس شكرا على نقل القصه, ولكن احب اكول هاي القصه لا شيء بالنسبه لبعض العراقيين في بلاد الغربه والله بعض العراقيين سووا اشياء ما يرضى بيها اي دين بالعالم وطبعا اكيد مو الكل ودائما الموزين يعم على الزين.

198
عاشت ايدك اخي العزيز واتمنى الاخوان الي بامريكا يستفادون من موضوعك.

199
والله عاشت ايدكم على هاي المعلومات وانشاء الله يا ربي كلكم تسافرون باقرب وقت.

200
اخي العزيز تسلم على المعلومات الحلوه وانشاء الله الجميع يسافرون باقرب وقت تحياتي الك.

201
شكرا اخي على الموضوع, ولكن كل واحد اله وجهة نظر ورائيه الخاص اني اعرف كثير ناس ما يكدرون يعيشون بالمجتمع الغربي لان تقاليده وعاداته تختلف عن المجتمع الشرقي بهوايه امور وكل مجتمع اله محاسن ومساوىء والقرار الاول والاخير بيدك انت وين تريد تعيش.

202
اخي العزيز امريكا تقبل جواز ال G فقط وما تقبل الاس فطلع جواز هسه, بس هسه اكو جواز جديد A اذا تكدر طلع A او G

203
يا مية هلا ومية مرحبه ومنوره المنتدى وانشاء الله اخت عزيزه .

204
اهلا ومرحبا بيج بنت السيديه منوره المنتدى واني هم قابلت مقابلتين بيوم واحد في بغداد وهسه دا انتظر مقابلة المحلفين والمده بين المقابلتين من شهر الى شهرين واحتمال اكثر او اقل حسب الزخم الي عليهم بس انت بعمان الاجراءات اسرع يمكم والله يسهل امورج.

205
اخي العزيز الحمد لله اخذت الموافقه الامنيه وما طولت بيها بس هذا مو دليل بانه انت ما مسافر لاي بلد او حجيت ويه المحلف بثقه , اخي هذي ما الها اي علاقه بالموافقه الامنيه , لانه الموافقه الامنيه تجي من امريكا مو من المحلف, المحلف وظيفته بانه يشوفك ويشوف قصتك تستحق تسافر لامريكا لو لا وتحياتي الك والله يسهل امورك.

206
اختي العزيزه, الي اعرفه عن SIV لازم بس الي يطلع الفيزا اله حق ياخذ زوجته وجهاله وبس, بس اذا كان صاحب القضيه ما موجود وزوجته قدمت على ال SIV راح يقبلون عليها بس ما يقبلون على ولده وبناته اذا كان عمرهم اكثر من 21 سنه واني صارت بيه هذي الحاله وجاوبوني جماعة SIV وكالوا انت ما دام عمرك اكثر من 21 سنه ما تكدر تقدم على الكيس مال والدك وتحياتي الج واذا عندج اي استفسار ثاني بخصوص هذا الموضوع اني حاضر.

207
هله بالعزاويه بنت ديرتي, الله يصبركم ويسهل امركم اختي ما عندج غير الصبر وتراجعوهم كل فتره بس تطلع انشاء الله بس يرادلها صبر والله يكون بالعون.

208
بارك الله بيك على المواقع والله يسهلك امرك.

209
الف مبروك وشايفه كل الخير وتوصلين بالف سلامه, ولو الرحله مالتكم من عمان او اي دوله ثانيه احسن من سوريا على العموم انشاء اله ماكو شي والله يسهللكم .

210
عمار البصري بارك الله بيك شكرا على المعلومات

baraya اخي العزيز شكرا على مرورك وبارك الله بيك على التوضيح

211
ابو ايوب شكرا على المعلومات والله كريم انشوف شلون تصفه

212
شكرا اخي ابو ايوب يعني اذا انطوني 3 اشهر وخلصت وبعدني ما مسافر اذا اروح عليهم وافهمهم الوضع بانه دا انتظر السفر ممكن يتفهمون الشغله او لا ؟

213
السلام عليكم اخواني الاعزاء

الي عنده معلومات عن الاقامه بالاردن ممكن يحجيلي عنها شويه لانه اذا طلعت فيزا للاردن ودخلت للاردن ونقلت ملفي من بغداد IOM الى الاردن IOM حتى اسرع العمليه راح اكدر احصل اقامه من الاردنيين لو صعبه ما تصير ؟

وتحياتي الى الجميع

214
بارك الله بيكم جميعا على المعلومات القيمه

215
صديقي ok_ok755 ,,,,,,

وين اوصل ؟ 


ههههههههههه جنت بعدك ما واصل وهسه يله وصلت حبيبي حمد الله على السلامه وشكرا على تفاصيل رحلتك يعني الواحد اذا يروح لامريكا يروح مغمض يعرف كلشي وشنو راح يصير هههههه تحياتي الك وموفق

216
تسلم الايادي الي كتبت الموضوع وبارك الله بيك وانشاء الله جميع الاخوان في امريكا يستفادون من هاي المواقع.

217
الحمد الله اخي العزيز طلع غلط بالحساب وهو اكيد اكو غلط قابل انت حاجز طياره وحدك  :D

218
مبروك اخي العزيز وتوصل بالف سلامه

219
حبيبي الف مبروك وانشاء الله يوم السفر بس كلي انت شوكت مقدم وشوكت قابلت ؟

220
لوتس عيني الولايه ما تكدرين تغيريها بمطار امريكا اله تخلص المساعدات الي هيه من 4 الى 6 اشهر وره ما تخلص تروحين عليهم تكولين اريد اغير الولايه وثاني شي اذا ردتي تغيرين الولايه قبل ماتسافرين لازم عندج كفيل وهاي العمليه راح تطول فانصحج سافي والله كريم

221
شكرا اخي العزيز على المعلومات

222
حمد الله على السلامه والله يوفقك انشاء الله

223
مرحبه اخوان اول شي شكرا على المعلومات اخي العزيز بس الصراحه اني عندي اقارب بهولندا صارلهم سنه دينتظرون اللجوء, همه قصتهم سياسيه وهسه نزلت قرارات صعبت اللجوء بهولندا يعني اله قصه كلش قويه يله يوافقون بس اغلب الي انقبلوا خلال الاشهر الاخيره اكثرهم كانوا يشتغلون ويه الحكومه الامريكيه بالعراق والبعض الاخر كانوا يشتغل بالحكومه العراقيه واكو مشكله ثانيه وهيه وجود اعداد هائله من اللاجئين غير العراقيين وهذا اثر بشكل كبير على اللجوء في هولندا , وحاليا هولندا تنطي اللجوء فقط للمسيحيين والمثيلي الجنس واللاجئيين السياسيين اما الباقي فاما ينرفض او يبقى بالكامب فتره طويله يعني بين قوسين ينشحن.

224
مرحبه اخوان هوه مكتب نادر وين يصير ؟ اصلا والله ما اندله ممكن احد يكتب العنوان مالته واكون ممنون تحياتي للجميع

225
اخي العزيز مبروك وشايف كل الخير وانشاء الله يوم الموافقه والسفر , وصحيح اكو تسريع بالاجراءات لانه اني قابلت مقابلتين في يوم واحد علما اني مقدم في بغداد وتحياتي الك اخي العزيز.

226
اخي مبروك وشايف كل خير وانشاء الله السفر القريب يعني من شهر الى شهرين والله يسهلك

227
مبروك اخي العزيز وانشاء الله يوم تحصل الموافقه الامنيه الك وتسافرون والله يسهلك انشاء الله

228
بارك الله بيك اخي العزيز على المعلومات الحلوه الي انشاء الله الجميع يستفادون منها.

229
فستق عراقي ما تكلي انت ليش تحجي بالالغاز  ;D شنو هويه زركه وشنو طالع من زمان وين تروح يعني شويه احجي اكثر واشرحلنه حالتك وهم قدملنه شويه فستق من تحجي  :D

230
الف مبروك اخي العزيز وتوصل بالف سلامه

231
بارك الله بيك اخي العزيز على المعلومات المفيده, وشغلة العواصف تخوف احنه دنطلع من المفخخات تجينه العواصف  ;D

232
مببروك اخي العزيز وانشاء الله يوم السفر اني هم مثلك بالمقابله ما عقدتها عليهم شي بسيط جدا حتى لا تطول السالفه لانه كل ما القصه مالتك معقده راح تطول شغلتك لانه هذا المتحلف العفو المحلف  :D يقراها فد الفين مره يله يوافق تحياتي الك اخويه.

233
الهجرة و واللاجئين / رد: فرص عمل
« في: 21:59 10/08/2009  »
بارك الله بيج وانشاء الله الاخوان الي بامريكا يستفادون منه تحياتي الج

234
عيني عسوله هذي عناوين البريد الاردني واكيد طبعا الشحن السريع غالي مثل DHL , UPS , Fedex فاتصلي بالارقام مال البريد الاردني وشوفي شكد يريدون على الكيلو وتدللين عيني .

البريد الأردني
jordanpost@jpc.com.jo
الإدارة - المقابلين - ص.ب 110110 عمان 11110
هاتف: 4644278 فاكس:4641891

مديرية البريد السريع ( خدمة البريد السريع فقط )
emsinfo@jpc.com.jo
البريد الاردني - مركز العبدلي - ص.ب 110110 عمان 11110
هاتف: 4644278
الرقم المجاني:  080022801
فاكس: 4641891+

الدعم الفني
helpdesk@jpc.com.jo
الإدارة - المقابلين - ص.ب 110110
هاتف: 4293000فرعي 259   
فاكس: 4206342

 قسم التسويق والمبيعات
eibrahem@jpc.com.jo
هاتف: 4644278
 فاكس: 4641891

 مدير التسويق والمبيعات
bgharaibeh@jpc.com.jo
هاتف: 4644278
 فاكس: 4641891

235
بارك الله بيك اخي العزيز على المعلومات واتمنى الاخوان يستفادون منها الي بمصر وتحياتي الك.

236
بارك الله بيك اخي العزيز واتمنى الكل تمشي معاملاتهم بسرعه بس ممكن تكول انت شوكت مقدم يعني التفاصيل ما المقابلات والفحس الطبي ؟ اني هم مقدم بغداد بشهر العاشر 2008 واستلمت الكيس نمبر شهر 11 2008 وقابلت مقابله بشهر السابع 2009 ودا انتظر المحلفين تحياتي الك.

237
اي والله كلها تصير سوالف على العموم الله يوفقج ام منيه وتحياتي الج

238
اهلا وسهلا بيج بالمنتدى ونورتينه وانشاء انفيدج وتفيدينه تحياتي الج.

239
ههههههههههههههه عاشت ايدك على القصه والله تخرب ضحك

240
حبيبي المهندس سيوفي اني مقدم بشهر العاشر 2008 دزيت الايميل ويه المستمسكات اجاني BGD37XX بشهر ال11 2008 وضليت انتظر وانتظر وماكو نتيجه دزيتلهم ايميل بشهر الثالث 2009 وهم ماكو نتيجه اشو بشهر السابع طبعا جنت سهران ونايم متاخر اشو الساعه ب 8 الصبح جان يدك التلفون كول همزين سمعته شلته جان وحده تكلي اني من منظمة IOM عندك مقابله شوكت تريدها انت حدد كتلها بكيفج وهاي اني نص ونص بين النايم وبين الكاعد هههههه اخر شي انطتني موعد يوم 26-7-2009 رحت وجان تطلع مو مقابله وحده مقابلتين المقابله التعريفيه والمقابله مال القصه طبعا اكو استراحه عشر دقايق الى ربع ساعه بين المقابلتين وره ما خلصت كلولي احنه نتصل بين على مقابلة المحلفين والى هسه دا انتظر النتيجه والله يسهل على الجميع بس تدري اني ما دزولي رقم IZ بالايميل من رحت للمقابله انطوني هذا الرقم ورقم الملف مالتي يبدي IZ-104xxx وللعلم اني وحدي بس اريد اسافر بدون عائله.
واذا تحتاج معلومات بعد اني حاضر بس كلي انت شوكت قدمت ؟؟؟

مها البغداديه الله يكون بعونج على الانتظار بس ممكن تكوليلي انتو عائله لو بس انت ؟ وانت نفس رقمي 37XX بس والله راح يدمروني الاي او ام يعني اني وراج ب3 اشهر مقدم ودزوا عليه قبلج ليش ما اعرف والله شلون يفكرون وشلون يمشون المعاملات هذوله الله اعلم اذا على التسلسل فمستحيل اني اصير قبلج بس مثل ما كال احد من الاخوان بالمنتدى كال احتمال قرعه كلشي يصير على العموم الله يسهل امورج يا رب.


241
مبروك اخي واخيرا ردوا عليك يعني انت هسه تعتبر محظوظ لانه جابوك  ;D يله يعني قضيتك راح تفرج عن قريب الله يسهل امورك يا رب.

242
لوتس هوه كاتب اريد اعرف اخبار كندا يعني يا اخبار  ;D يعني من اي ناحيه اللجوء العيشه السياسيه الاجتماعيه الثقافيه والصراحه هم في بعض الاحيان لازم يصير تعليقات شويه نضحك مو بس حجي جدي كالوا الامنيه وكالوا المتحلفين العفو المحلفين  ;) وهاي كلنه كاعد ننتظر تفرج علينه ونسافر وتحياتي الك

243
عاشت ايدك اخي العزيز

244
شكرا اخي العزيز على المعلومات

245
بارك الله بيك اخي العزيز وتسلم على المعلومات وهذي تفيد اصحاب الكرين كارد اذا رادوا يسافرون غير دول

246
تسلم اخي على مواضيعك المميزه وبارك الله بيك وننتظر مزيد وانشاء الله الكل يستفادون منها, انتبهت على شغله وهيه بهذا السوك ماكو حاتات مثل هذاك السوك ههههههه وهذا عبالك باب الشرجي مو امريكا ههههههه تحياتي الك اخي العزيز

247
اخبارهم بخير ويسلمون عليك ويكولون مرنه فد يوم

248
بارك الله بيك على هاي المواقع واتمنى الاخوان الي بامريكا يستفادون منها وتحياتي الك .

249
اني انصحج تسافرين بالموعد الي ينطوا الج المنظمه لانه اذا ما تسافرين بهذا الموعد احتمال سفرج يتاجل اقل شي شهر حسب الزخم وحسب مواعيد الرحلات الي والله يسهل امرج انشاء الله.

250
الامل الضائع اخي اصبر لانه هاي الشغله يرادلها صبر والله يسهلك امورك وتحياتي الك.

251
اخي المهاجر الحمد لله والشكر فضت وانشاء الله الله يسهلك واما بالنسبه للاخت انجي رحمه الله والديج وبارك الله بيج ويا ربي الله يسهل امورج دوم مثل ما تسهلين امور الناس.

252
اول شي مرحبتين

 عندي صديقي بسوريا مرته جابت ولد فاكو احتمالين اما امه تضيفه وياها بالجواز وهذا الاحتمال الاكثر واقعيه او يطلعوله جواز وحده وهيه نفس الاجراءات الي بتركيا وبسوريا وتحياتي الج.

جمهورية العراق في تركيا
السفير صباح جميل عمران
عنوان: تركيا-انقرة-غازي عصمان باشا-توران ايمكسز زقاق-رقم 11,Ankara
هاتف: 4687421 / 4684834 - 0090312
فاكس: 4684832 - 0090312
البريد الألكتروني: ankemb@iraqmofamail.net (ankemb@iraqmofamail.net


253
اخي العزيز ابو ايمن اني شفت كدامي بالحدود السوريه العراقيه ناس جايين من سوريا وجوازاتهم اجنبيه الي منهم امريكي وسويدي وهولندي الى اخره انطوهم فيزا بالحدود يسوون مثل المعامله بس ما سالت شكد رسم الدخول للعراق بس كلهم ياخذون منهم 5000 دينار ما عدا رسم الدخول وهاي من يجوون الامريكان يوكفون فوك راسهم محد يكدر ياخذ  :D

254
زين ليش مستعجل يعني الامريكي كاعد بالمطار دينتظر الجواب هذا هسه ههههههه حبي شوف اني الي اعرفه بانه من يوصل المطار بغداد يدكوله فيزا بالجواز بس ما اعرف هسه اتغيرت لو لا ؟ لو اله يجيب الفيزا من السفاره العراقيه ؟ بعد ما اعرف بس تعرف هسه الاجانب مو مثل قبل بكيفهم طابين طالعين كله فيزا ودنيا بس على الاكثر الفيزا يدكوها اله بالمطار او الحدود البريه

255
يله انشاء الله تصير سوبر ماركت مو جمعيه ههههه او لا تصير مول هههه حبي بس اصبر شويه والله يسهلك شوف اني هم مقدم بغداد قدمت شهر العاشر 2008 استلمت الكيس نمبر بشهر ال 11 2008 وضليت انتظر من شهر ال 11 2008 الى حد شهر السابع 2009 وقابلت مقابلتين وهسه دا انتظر مقابلة المتحلفين  ;D اقصد المحلفين والله يسهل يعني الموضوع كله انتظار وهسه هم عليهم زخم مو طبيعي الشعب العراقي كله راح يطلع لامريكا وهمه ما كاعد يلحكون انت اهم شي تصبر وتضل تلم فلوس حتى من تروح هناك مرتاح وهم حتى تصرف على الجمعيه يعني على الاعضاء مال الجمعيه خوما تريد ينضمون الك بلوشي هههههههه وتحياتي الك والله يسهلك امرك انشاء الله

256
الله يسهل امرك اخي العزيز واتمنى من الاخوه الي بامريكا يساعدوك, وهذوله الاي او ام شبيهم ؟ تدري شتسوي اشتكي عليهم احسن شي تسوي وانشاء الله يا ربي يكعدوك بمكان احسن انت وعائلتك وتحياتي الك والله يفرج عليك.

257
اخي العزيز رحم الله والديك على الموضوع الحلو واتمنى يساعد الاخوان الي بامريكا حتى يلكون شغل باقرب وقت وتحياتي الك.

258
بارك الله بيك على المعلومات والله يفتحها بوجهك.

259
اخي العزيز اصبر والله كريم, وانشاء الله يجي الفرج وتسافر لاي دوله احسن من العراق وترتاح انت وعائلتك.

260
ام امنيه انشاء الله العراقيين كلهم يرتاحون وتدرين اهم شي بامريكا بعيدا عن كل شي هوه الامان, الواحد يشعر بالامان والاستقرار هناك هذي تعادل كل التعب الي تعبناه بالعراق وشكرا على مشاركتج

ابو ايمن شكرا على مشاركتك واتمنالك الخير والموفقيه بحياتك

عيون بغداد بارك الله بيك على كلامك السليم ميه بالميه واتمنى الاخوان يمشون بحجيك

باسل بلالو الشغل ابد مو عيب مهما كان منصب الانسان  وشكرا على مرورك وبارك الله بيك

261
ام منيه والله كلامج صحيح العراقيين من يطلعون بره مو الكل طبعا يتغيرون وياذون اخوانهم العراقيين بس ليش هيجي ؟ ليش ما تساعدوهم وتوكفون ايد وحده ؟ يااختي مثل هيجي نماذج هيه الي دمرتنه على العموم انشاء الله زوجج يلكي شغل احسن من الي هوه بي والله يوفقكم يا ربي وتحياتي الج.

262
عاشت ايدك موضوع مميز وهيجي مواضيع تفتح النفس وتشجع الناس تروح لامريكا وتحياتي الك اخي العزيز.

263
انجي شكرا على مرورج الكريم والله يوفقج انشاء الله

وداعا بغداد كلامك مضبوط ميه بالميه وبارك الله بيك واني هذا الي اقصده الشغل ما ينقص من قدر واحد مهما كان ومهما كانت عنده شهايد او مهما وصل من منصب.

كمال الشاطيء شكرا على المرور والله يوفقك.

264
اخي المده تتراوح بين شهر الى شهرين يعني اني قابلت هم بغداد بشهر السابع 2009 ولحد هسه طبعا ماكو شي يرادلها صبر وانصحك تنتظر لانه اكو زخم عليهم وتحياتي الك.

265
نتشرف بيك اخي العزيز ومنور المنتدى وتحياتي الك

266
الاخ هيثم هاي مشكلة العرب عدهم تعالي اكثر من اللازم يعني المدير على قصتك هايه ما يصير يلم الزباله اذا جان مدير عربي وهذا الي دمرنه !!! وكلامك سليم ميه بالميه وانشاء الله يا اخي الله يوفقك وتلكه شغل احسن.

Siv2007 شكرا على مرورك الكريم واتمنالك الموفقيه والنجاح بحياتك, وتعوض حياتك الي راحت هدر بالعراق بامريكا انشاء الله وتبدي حياة جديده ومستقبل احسن الك واذا متزوج لجهالك تحياتي الك.

267
الاخ العزيز ايرون مان شكرا على مرورك الكريم

الاخت ام يلدا اولا اسمي يعجبني واني ولد, طبعا شكرا على مشاركتج وكلامج احترمه وهم بي نوع من الصحه وهم بي نوع من التناقض !!! واني من كلت مدير وكلت وزير دا اضرب مثل لا اكثر ولا اقل العراقي يبقى عراقي ان كان وزير او كان كناس بس الفكره بالموضوع بانه دا اريد ابين شغله وهيه الشغل مو عيب ابد وان كان هذا الشخص يمتلك شهادات الدنيا كلها مع ذلك الشغل مو عيب !!! اختي العزيزه عندي صديقي بغداد من عائله فقيره بس هوه ما شاء الله عليه شاطر وطلع معدل بالسادس دخل كلية الطب بدون واسطات بدون فلوس وجان هوه المعيل الوحيد لاهله وعنده 3 خوات شوفي جان يدرس طبيه ويشتغل حمال !!! زين هوه طبيب ويشتغل حمال يوميته 10000 دينار ويصرف على اهله وعلى كليته زين اشو ما كال اني بعد كم سنه اصير طبيب شلون اشتغل حمال !!!! اختي العزيزه ام يلدا اكو مثل يكول الي يطلع من داره يقل مقداره وهذا الشي صار بينه احنه العراقيين يعني لا تصورين الواحد يروح لبلد اول مره يروحله يشتغل شغله درجه اولى بي ومثل ما كلت العافيه درجات والي يشتغل بمطبخ او بحمام مو عيب تره بينما العيب الي يكعد وما يشتغل ويكول هذا الشغل ما يليق بيه (والانبياء جانوا كلهم يشتغلون شغلات درجه عاشره الي جان يرعى الغنم والي كان نجار والي كان حداد محد اشتغل شغله طاكه وهذا دليل من الله سبحانه وتعالى بانه الشغل مو عيب مهما كان الانسان ومهما وصل ومهما اخذ شهايد)!!! وكذلك الامريكان عدهم اكبر عيب بانه الواحد اذا عبر ال 18 سنه وما يشتغل ويشتغل اي شغله مو عيب!!! بس للاسف المجتمع العربي يختلف عن المجتمع الغربي بهوايه اشياء من ضمنها بانه الي يشتغل حمال او كناس او زبال براي المجتمع العربي عيب هذا الشي ولكن المجتمع الغربي ما عنده هذا الشي, واما بالنسبه كلتي ماكو طائفيه فراح اكلج من تروحين وتشوفين بعينج هذاك الوقت تكدرين تحكمين على هذا الشي, ومع ذلك اشكرج مره ثانيه على رايج واتمنالج الموفقيه وانشاء الله تطلع هاي الامنيه الغضب وتروحين وتعيشين حياتج كانسانه تحب الحياة وتريد تعيش حياتها مثل بقية الناس.

اخي حسين كلامك صحيح وشكرا على مشاركتك واتمنالك الموفقيه, ولف الجكليت مو عيب تره بس الواحد مجبور يشتغل هيجي شغلات لحد ما تفرج  ويلكي الشغل الي هوه يريده.

الاخت ورقاء شكرا على مشاركتج وشكرا على هاي القصه الحلوه واتمنالج الموفقيه بحياتج والمفروض الواحد من يوصل يشتغل اي شغله ومثل ما كلتي الله يفرجها.

268
القرش دائما مواضيعك حلوه وتخدم الناس وتنطيهم انطباع حلو على امريكا وتفتح النفس  ;D

اخي بارك الله بيك ونتمنى مواضيع احلى واحلى منك تحياتي الك.

269
الخالدي الاصيل احسن شي تسوي تصبر من ساعه الى ساعه فرج والله كريم لانه الموافقه تطول انت وحظك.

270
شكرا على المعلومات وحمد الله على سلامتج.

271

السلام عليكم يا احلى منتدى

طبعا بالبدايه اني قريت هوايه مواضيع بالمنتدى وكدرت استنتج فد استنتاج بسيط بانه الي راح لامريكا ولكه شغل واستقر ينقلنه الصوره بامريكا بشكل حلو ويسوي واهس للناس تروح لامريكا وتبدي حياتها من جديد في مجتمع منفتح ومتحضر وتعيش حياتك كانسان, ولكن بعض الناس الي ما لكه شغل او ما يقبل يشتغل اي شغله لانه تعرفون هوه جان مدير عام بغداد ومن راح هناك هم يريد يشتغل مدير عام وهذا الشي اكبر غلط ؟؟

اخوان انت اذا جنت تشتغل وزير بالعراق تره لا تفكر بانه راح تشتغل نفس شغلتك هناك بامريكا ولازم تكون حاسب حسابك قبل ما تروح (ركز على هاي النقطه تحسب حسابك تشتغل اي شغله) بانه تشتغل اي شي لحد ما الله يفرجها عليك وتشتغل ضمن اختصاصك احسن من ما تنزل المواضيع الي تسد نفس الناس وتخليهم يكرهون امريكا (اذا هذا الواقع هناك لعد ليش رحت لامريكا اذا تعرف هذا الشي لا تروح احسن).

اني اجي وياكم اخوان بعد الازمه الاقتصاديه الشغل بامريكا كلش صار قليل او معدوم في بعض الولايات وهذا الحجي عن طريق بعض الاصدقاء الامريكان يعني اني هسه اعرف الشغل قليل هناك ومع ذلك مقدم على امريكا ودا انتظر الفرج, ليش لانه اني حاط بالي كلشي اشتغل اذا وصلت هناك لحد ما الكي الشغل المناسب اليه او ضمن اختصاصي(واني رايح وعايف شغلي الطاك الي بغداد براتب بالاحلام في سبيل اعيش حياتي كانسان وكشاب يريد يعيش حياته مثل بقية الناس) وهذا ما يجي بالساهل يحتاجله وقت وبالدرجه الاولى العلاقات اذا ما عندك علاقات فصعب تلكه الشغل الي من ضمن اختصاصك.فالي ما عنده علاقات او احد يعرفه هناك فلازم تشتغل اي شغله بالبدايه لحد ما توصل للهدف الي انت تريده وشويه وشويه تسوي علاقات والعافيه درجات.

واتمنى من الاخوان الي وصلوا امريكا ان يساعدون اخوانهم العراقيين عن طريق هذا المنتدى في البحث عن شغل طبعا هذا الحجي موجه للاخوان الي مستقرين لامريكا وصارلهم فتره وتعرفوا على الناس وعلى الاجواء واتمنى هذا الشي, لانه الصراحه بقية الجنسيات وراح اضربلكم مثل الهنود من يروح لامريكا لو تعرفون جماعته الهنود القدماء شنو يقدموله خدمات ليش احنه ما نصير مثلهم ؟؟؟ وليش العراقيين محد اله شغله بالثاني وقليل تلاكي ناس عراقيين تساعد ناس بالغربه شنو السبب ؟؟ وين العراقيين اصحاب الغيره ؟؟ انتو طالعين من بلدكم ليش ما تصيرون ايد وحده وواحد يساعد الثاني ؟؟؟

اتمنى كل شخص ساكن بامريكا بولايه معينه ينزل موضوع بالشغل الي موجود بهاي الولايه في سبيل يستفاد منها الاخوان الي ما لاكين شغل لحد هسه (هسه واحد يكول واني شعليه بالبقيه اني لكيت شغل اليه كل واحد عليه بنفسه)  والله محد دمرنه غير هايه الحجايه على العموم الله كريم وانشاء الله الكل تلكه شغل وتستقر وتعيش حياتها مثل بقية العالم, وبعد ما اريد احد ينزل موضوع يكسر النفس  ;D يمعودين فوك الوضع الي احنه بي بالعراق او باي دوله كانت وكاعدين ننتظر السفر على نار لامريكا ونسمع هذا الحجي صدك حجي يضوج ويطلع الروح !!!

وتحياتي لكل اعضاء هذا المنتدى والله يفرجها عليكم جميعا وتسافرون ....

272
عاشت ايدج على الفيديو شفته كلش حلو, يعني هيجي واحد من راح يروح هناك اكيد راح يلكي شغل لانه العلاقات الي تجيب الشغل والله يوفق الجميع.

274
الله يسهل على الجميع والبدايه دائما صعبه وتحياتي الك والله يوفقك

275
اخي عادي اخذه وياك وخلي بالجنطه الهاند باك هوه قابل شكد وزنه مو هوايه واذا تريد تره هناك بامريكا القران يوزع مجانا وتكدر تحصله من هناك اذا ما تريد تاخذه واذا كلش كلش تريد تاخذ وياك قران اخذ قران صغير وياك وهذا وزنه ما يطلع نص كيلو .

276
اخي العزيز بارك الله بيك على الموضوع الجميل والمفروض الكل تسوي مثلك لانه الي يروح هناك ويصرف فلوسه على اشياء ما تسوه هوه الي راح يتاذه اول وتالي بس الي حالته زينه عادي يصرف براحته تحياتي الك وموفق.

277
اخي الله يكون بعونك بس انت رايح لامريكا تبدي صفحه جديده لا تتوقع تشتغل ضمن اختصاصك اخي حاول وحاول وحاول واقبل باي شغله وحاول تسوي علاقات لانه العلاقات هيه تجيب الشغل واتمنالك كل الخير تحياتي الك

279
مبروك وتوصل بالسلامه

280
والله اخي كلشي يصير احتمال قرعه بس لازم اعرف هذا الشي من مصادري الخاصه وانشاء الله اكتبها بالمنتدى  ;)

281
مبروك اخي العزيز وهذوله الاي او ام راح يدمرونه ما ادري اختيار الناس شلون يصير عدهم يعني عندي صديقي مقدم من شهر السادس 2008 ولحد الان ماكو ولا مقابله واني مقدم بشهر العاشر 2008 وقابلت صار مقابلتين الى هسه وهوه بس شخص واحد واني بس شخص واحد زين اريد افتهم ليش هيجي  :D لو هيه على المزاج لو هذا عجبه الاسم يختاره وهذا ما عجبه ياخره  :D على العموم اخي الكريم انشاء الله مقابله خفيفه عليك وعلى عائلتك ولا ترتبك ولا شي تره كلش سهله المقابله بس اهم شي ركز على التاريخ يريدون منك تواريخ مضبوطه بالمليم حتى سالني يكلي شوكت دخلت الابتدائيه يا سنه  :D فلمن طلع كتله بشرفك اذا اسالك اني هسه شوكت دخلت الابتدائيه راح تجاوبني مو زين بعد هذا الي صار بينه كله نتذكر
تحياتي الك اخي العزيز.

282
مبروك اخي العزيز وانشاء الله مقابله سهله واعتقد اذا انت بغداد راح يسوولك مقابلتين اولى الي هيه تعريفيه والثانيه الي هيه القصه مالتك وانت ليش تريد تسافر لامريكا ومثل ما كالوا الاخوه راجع موضوع الاخ عكك الي هوه موضوع مميز اقراه وروح للمقابله ما راح تتفاجىء من اي سوال , واخي العزيز ممكن تكلي انت شوكت مقدم وشوكت انطوك موعد مقابله وانت وحدك لو وياك عائله يعني هيجي تفاصيل تحياتي الك .

283
اخي العزيز الله يصبرك انشاء الله ويسهلك امرك بس اخي العزيز للاسف احنه العراقيين هيجي صار بينه احنه الي جنه قبل من نروح لدوله يريدون يشيلونه فوك راسهم بس هسه للاسف كلشي اتغير والعراقي صار منبوذ من اغلبية  الدول العربيه مو بس المصريين ولا السوريين ولا الاردنيين تقريبا اغلبية الدول العربيه محد يريد العراقيين واكولها للاسف الشديد يرحبون بالعراقيين بالدول الاجنبيه اكثر من الدول العربيه ويحترمون الانسان حتى لو كان لاجىء ويعاملوه مثل ما يعاملون اي شخص ثاني اخي العزيز لا تنقهر ولا تضوج لازم يجي يوم ويرجع للعراق وخصوصا للعراقيين مكانتهم بين الدول وانشاء الله يرجع هذا الشي قريبا بس العتب هم على حكومتك التعبانه الي كلشي ما تكدر تسوي وملتهين بس يبوكون وهذا هوه.

اخي العزيز اني حصلت عقد عمل بشركة اجنبيه براتب 6500 دولار شهريا في دبي علما اني اشتغل بشركه اجنبية بس ردت احول لدبي كلت احسن تدري وقعت العقد وكملت اوراقي كلها واخر شي جان يرفضون الفيزا مالتي الاماراتيين تعرف شنو كاتبين سبب الرفض لانه عراقي ولاسباب امنيه !!!!! والشخص الي اشتغل بمكاني واحد هندي بيوم واحد طلعتله اقامه 3 سنوات !!!!! عادي اخي العزيز مو بس انت متاذي كل العراقيين متاذيين بس شنسوي نصبر والله كريم تحياتي الك ولا تضوج ولا تنقهر الله يسهل امورك .

284
حبيبي الله يبارك بيك ويوما الك, بس انتو تكدرون تسوون ربط كيس يعني كلكم تصيرون بملف واحد تصير اسرع من كل واحد وحده وتكدر مثلا انت تصير صاحب الكيس وتحجي ليش تريد تسافر لامريكا يعني القصه مالتك وتضيف التهديدات مال الشخصين الي وياك الي همه اكيد عائلتك, اني هيجي سويت ضفت التهديدات مال عائلتي ويه التهديد مالتي, والي ما خادم عسكريه يفيدهم اكثر على اعتبار ما يعرف يستخدم السلاح او هيج شي واني الحمد لله ما خادم  :D والصراحه ما اعتقد الي خادم راح يعرفون بي لانه كل الاوراق القديمه الي تثبت هذا الشي راحت منين يجيبوها يعني فما اعتقد هذا الشي , واخي العزيز الله يسهللكم المقابله بس اني الصراحه ما اعرف همه على شنو يعتمدون ويختارون الناس واحد قبل الثاني يعني الي مقدم قبل اربع اشهر ما دازيله كيس نمبر واني مقدم وراه باربع اشهر اجاني الكيس نمبر بشهر.

على العموم الله يسهلك واذا تحتاج شي كلي اني حاضر تحياتي الك.

285
اخي العزيز شغلتك صعبه لانه اسمك هسه نزل عدهم بالسستم لانه اي واحد يعتقلوا ينزل اسمه وتفاصيل عنه كامله فاذا تريد تجرب حظك وتقدم وما تكلهم اعتقلوك الامريكان او حتى اذا تريد كلهم سوي محاوله انت ما خسران شي لانه اذا ما كتلهم اول وتالي راح يعرفون هذا الشي من يسوون تجييك امني عليك والله يسهلك شغلتك انشاء الله.

286
يعني اني وراك مقدم, قدمت بشهر العاشر 2008 واستلمت هذا الرقم BGD بشهر ال 11 2008 وضليت انتظر فتره طويله اخر شي بشهر الرابع دزيت ايميل دا استفسر على الكيس مالتي, جان بشهر السابع يله يجاوبوني والحلو خابروني ساعه 8  الصبح عبالك حلمانيين بيه كلولي تعال عندك مقابلتين الاولى التعريفيه والثانيه القصه ورحت وقابلت وهسه دا انتظر مقابلة المحلفين وانشاء الله خير.

يعني اني اريد اعرف شغله هيه يمكن مو على التسلسل واكثر شي على القصه وعدد الاشخاص يصير الترتيب واكو شغله اذا تلح عليهم يسرعون الكيس مالتك وهاي الشغله مجربه من بعض الناس اصدقائي, يا ربي انشاء الله تسهل امور الجميع .

287
شكرا بارك الله بيج

288
ههههههه هاي باللهجه العراقيه القح شكرا على الموضوع

289
انشاء الله مقابله سهله وخفيفه عليك وعلى عائلتك بس عندي سؤال انت بغداد مقدم مو ؟ بس تكدر تنطيني شوكت قدمت لانه اني هم بغداد ودا انتظر مقابلة المحلفين !!!

291
مبروك اخي العزيز وتوصل بالف سلامه انت واهلك

292
اخي العزيز اشكرك على الموضوع بس اعتقد الاي او ام عدهم اجازه شهرين لانه عندي صديقي دينتظر لجوئه بهولندا والمفروض ينطوا جواب بشهر السادس وما انطوا جواب السبب لانه اخذوا اجازه ال UN فما اعرف اذا الاي او ام هم مثلهم مع تحياتي الك

293
شكرا اخي العزيز على الموضوع والله يكون بعون الاجئين العراقيين

294
اخي العزيز يوجد امل

الي اعرفه بالنسبه للمقابلات بنفس المكان قصر الازدهار بساحة النسور واذا تريد تفاصيل اكثر كلي حتى ادزلك على الخاص, واعتقد همه بالايميل راح يطلبون منك شنو تجيب وياك مستمسكات واما بالنسبه للفحص الطبي اعتقد في مستشفى ابن البيطار ولاتخاف همه يفهموك كلشي بالايميل وانشاء الله موفق انت والجماعه الي يريدون الاجوبه تحياتي الك

296
مبروك عبسي توصل بالف سلامه انشاء الله, وهناك لازم تلتقي بلينا عاد هيه تنتظرك بالمطار ههههه

297
مبروك ورده وتستاهل كل خير

298
عاشت ايدك ابو انس على المعلومات وعلى الصور بس شغلة التكسي شويه صعبه يرادلها خبره اولا لازم تندل كلشي بالولايه حتى تكدر تشتغل وتوصل الناس وين ما يريدون وثاني شي انكليزيتك لازم تكون على الاقل متوسطه حتى تكدر تفتهم من العالم اذا يصعدلك واحد ياباني ويحجي انكليزي شتفتهم عليه ههههههه يعني يرادلها خبره وممارسه وتحياتي الك وعلى موضوعك الرائع.

299
اخي العزيز الله يسهل امرك انشاء الله ما بقه شي الك اصبر


300
عاشت ايدك على الصور بس الفرق بين سوك الاحد وسوك الجمعه هيه الحاتات هههههه بس خطيه الجو حار الله يساعدهم  :D

301
تسلم عيني امريكا بلد الكتروني وبلد الارقام تكدر كلشي تدفع وانت كاعد بالبيبت عن طريق الانترنت وشكرا على المعلومه.

303
بارك الله بيج انجي تسلمين وشكرا على الرد المرتب مثلج  ;)

304
كمال الشاطىء شكرا على مرورك وبارك الله بيك

ليسا طبعا نورتيني بهاي الفكره تسلمين عيني وشكرا على المرور

مهاجر ابدي وصلت الفكره وبارك الله بيك



305
اخي العزيز عيون بغداد ما دام اسمه لاجىء فلازم يستفاد من كل شي يقدموا للاجىء لازم ياخذ كل حقوقه وحتى اذا ما تسوى هم تفيده شكرا على مرورك

SIV بلكت احد من الاعضاء يفيدنا بخصوص هذا الموضوع وشكرا على مرورك

306
 لعد الواحد يشتري بيت بدون ما يبلغ المنظمه لو يسجله باسم واحد من الربع حتى لا تنقطع المساعدات شكرا الك اخي

307
السلام عليكم اخواني

الي عنده اي معلومات بخصوص شراء بيت او شقه بامريكا وهوه لاجىء هل يسرع بحصوله على الاقامه والكرين كارد والجنسيه ؟؟؟ هسه يكولون هذا غير لاجىء طاك هههههه

308
مبروك وتوصلين بالف سلامه

309
تسلم على الموضوع الرائع عاشت ايدك بس عندي سوال رحمه لوالديك تعرف اسعار البيوت هناك هوه اكيد اكو فرق بين منطقه ومنطقه وفرق بين ولايه و ولايه فاذا بيها مجال تنطيني اسعار بيع البيوت بولايتكم وتحياتي الك اخي العزيز.

310
عاشت ايدك ابو انس على الصور الطاكه اي زين اذا رحت هناك الكلب مالتي ما يضوج اكو ملاعيب ههههههه

311
حبي مو مبروك من يصير شي اكلك مبروك ههههه وانت ظل دز رسائل الهم حتى تصير عندك خبره ومن يكلولك شغلتك صارت كلهم بطلت ههههههههه  اكو شباب كاتبيلك خفيف الظل انت نفسك الي جنت تطلع بالكارتون مال صاحب الظل الطويل ههههههههه تحياتي الك يا ورده وموفق انشاء الله.

312
مبروك حبيبي انشاء الله توصل بالسلامه بس اني سالت هوايه امريكان يكولون واشنطن خوش ولايه بس عيبها غاليه كلش تحياتي الك.

313
http://www.ankawa.com/forum/index.php/topic,294296.0.html

اقري هذا الموضوع وانشاء الله تستفادين وانشاء الله مقابله خفيفه وسهله لا تخافين كلش سهله وحاولي تسجلين كل المعلومات بدفتر واخذي الدفتر وياج شلون الامتحان وركزي اهمشي على التواريخ وانشاء الله مكضيه تحياتي الج.

314
الف مبروك حبيبي وتوصل بالسلامه وانشاء الله الكل بهذا المنتدى تسافر  ;D

315
تسلم اخويه على المعلومات الرائعه وننتظر منك المزيد تحياتي الك وللجميع

316
مبروك اخي العزيز وبارك الله بيك وانشاء الله يوم السفر

317
الف مبروك اخويه لا مو شغلة حظ حسب القصه مالتك واقتناعهم وحسب الجهه الامريكيه الي كنت تعمل وياها

318
مبروك وشايفه كل خير بس ممكن تفاصيل اكثر شوكت قدمتي وشوكت قابلتي ويا ولايه حددولج تحياتي الج

319
هذوله معروفين مو اول مره بدون تعليق

320
العراقيين اكو دوله ما وصلوا الها هههههههههههه اخي العزيز والله لو اعرف جان كتلك حاول تسوي بحث على الانترنت بالعربي وبالانكليزي وانشاء الله تلاكيها تحياتي الك

321
هاي خوش شغله هههههههههههه تسلم على المعلومات ورده

322
اخي العزيز اني افتهمت فكرتك تكدر عادي ما دام عندك تاشيرة الدخول مال اوكرانيا ما يسالوك وين ختم الخروج معليهم تحياتي الك.

323
مبروك للجميع وانشاء الله تكون مقابلة المحلفين خفيفه على الكل اني هم دا انتظر مقابلة المحلفين بس اني بغداد وقابلت مقابلتين يوم 26-7 والى حد هسه ماكو شي اعتقد تطول فد شهر او اكثر تحياتي للجميع.

324
بارك الله بيك اخي العزيز وانشاء الله تسافر قريبا

325
اخي العزيز مبروك والله يسهلك انشاء الله قريبا يخابروك بس عندي استفسار بسيط اني مقدم بغداد اكدر اخابر مكتب مصر او مكتب الاردن استفسر عن حالتي اني دا انتظر مقابلة المحلفين ؟

326
مبروك حبيبي شايف كل الخير وانشاء الله توصل بالسلامه بس غير اسمك بسرعه :))

327
الهجرة و واللاجئين / رد: مهم
« في: 08:18 30/07/2009  »
بارك الله بيك ابو انس الورده على المعلومات وننتظر المزيد.

328
شكرا اخي وبارك الله فيك على المواقع الرائعه

329
مبروك اخي العزيز وشايف كل خير والله يوفقك هناك وتجد عمل باقرب وقت.

330
مبروك ورده ممكن تحجيلي تفاصيل شوكت قدمت وموعد مقابلاتك خلي نستفاد منك قبل ما تروح  :D ومن توصل تحجيلنه بالتفصيل شنو راح يصير وياك والله يوفقك وتوصل بالف سلامه

331
عاشت ايدك حبي على الصور سويتلي واهس :D يله انشاء الله الكل تسافر

332
لا ما اريد اسجل والمفروض المشرفين ينقلون لو يمسحون هذا الموضوع من هنا

333
مبروك اخي العزيز واتمنى الك الموفقيه وانشاء الله يوم السفر و ممكن تشرحلنه شويه تفاصيل شوكت قدمت وشوكت قابلت اذا وياها تاريخ اكون ممنون منك جدا , اما بالنسبه لولاية اريزونا ممكن تسوي بحث بالمنتدى واكيد راح تلاكي احد هناك وحاجي عليها , واما بالنسبه للشغل ممكن تبحث عن طريق الانترنت وتحياتي الك.

334

عيني بنت عيون يعني ما تقرين شمكتوب قسم الهجره واللاجئين شجاب الدردشه هسه هنا ؟

335
بارك الله وشكرا على هاي المعلومات الرائعه وانشاء الله محد ينرفض والي مسوي استئناف ينقبل وتحياتي الك وللجميع.

336
شكرا اخي على المعلومات.

337
احلى بابليه عيني تسلمين على المعلومات وبارك الله بيج

338
الحمد لله انطوك موعد الله يسهلك اخي بس هيه المشكله همه يكولون سره بس هيه مو سره حسب القصه على الاكثر لانه الناس الي قبلي بعدهم حتى مقابله اولى ما مسوين واكو ناس ورايه مقدمين وسافروا فهيه اني اعتقد بالدرجه الرئيسيه على القصه وعلى الحظ, والله يوفق الجميع والكل تسافر .

339
بارك الله بيك اخي يوجد امل واحلى اسم اسمك بالمنتدى لانه دائما يوجد امل لانه اذا ضاع الامل عند الانسان يخسر حياته تحياتي الك وشكرا على مرورك الكريم

340
السلام عليكم اخواني

اني مقدم على اي او ام بغداد من شهر العاشر 2008 واستلمت BGD بشهر ال11 2008 وضليت انتظر فتره طويله لحد ما ضجت ودزيت ايميل بشهر الثالث الهم اسالهم شنو صار بقضيتي وجان بشهر السابع وحده تخابرني من ساعه 8 الصبح عبالك حلمانه بيه تكلي حددنالك موعد للمقابله الاولى والثانيه شوكت تريد كتلها بكيفج كالت يوم 26-7-2009 ورحت وقابلت وطولت تقريبا 3 ساعات ونص والاسئله كلها جتي نفسها الي بموضوع اخويه عككك اسم الموضوع مقابلات الاي او ام من الالف الى الياء موجود باهم مواضيع الهجره والاجئين وكالوا احنه نتصل بيك انكلك شوكت مقابلة المحلفين, ارجو من الاخوان الي قدموا بهذا الموعد يدخلون ويكتبون التواريخ حتى اي واحد يحصل شي يبلغ الكل ومع تحياتي للجميع وانشاء الله كلنه انسافر سوه بنفس الطياره :))

341
حمد الله على سلامتك حبيبي وموفق وبارك الله بيك وشكرا على المعلومات الحلوه وهسه نام شويه وبعدين اطلع افتر :))

342
اخي العزيز مبروك وشايف كل الخير بعد الفحص الطبي تنتظر الموافقه الامنيه وانت وحظك شكد تطول مع تحياتي الك

343
اخي العزيز مبروك وشايفين كل الخير يعني الشغله كلها طولت سنه من شهر السابع 2008 الى شهر السابع 2009 وبعدهم ما مسافرين همه بس حددولهم موعد سفر , على العموم الله يسهل على الجميع

344
اخي شكرا على المعلومات القيمه

345
شكرا على المعلومات بس بريطانيا من اصعب الدول الي تنطي لجوء للعراقيين مع تحياتي الج والله يسهللكم

346
بارك الله بيك اخي على المعلومات وشايف كل خير ومبروك وانشاء الله ينطوك موعد السفر قريبا

347
شكرا اخي العزيز على المعلومات القيمه

348
اخي العزيز nightmoon78 ممكن تنطينه تفاصيل اكثر انت شوكت مقدم وشوكت المقابله الاولى والثانيه والثالثه والفحص بلا زحمه عليك راح اتعبك ويايه ؟

349
تسلم اخي العزيز على موضوعك, وامريكا بلد الكتروني يعني كلشي يتم عن طريق الانترنت فانصح الاخوان الي يبحثون عن عمل ما يتعب نفسه يكعد على النت ويسوي بحث والله يوفق الجميع

350
مبروك وشايفه كل الخير وتوصلين بالف سلامه

351
حمد الله على سلامتك اخي وانشاء الله السفر القريب للجميع تحياتي الك وللجميع

352
اخي العزيز ممكن تنطي تفاصيل وتواريخ حتى اكدر اجاوبك

353
اخي العزيز استخدم هذا الموقع في البحث عن وظيفه وسوي بحث بالشغل الموجود بالولايه الي انت تشتغل بيها وانشاء الله تلاكي شغل http://jobsearch.usajobs.gov تحياتي الك

354
الله يساعدك اخي والله اني سمعت هوايه ناس كالوا ماكو شغل بس تعتمد على الولايه اخي حاول ؟؟ انت شلونك بالانكليزي جيد لو متوسط لو ضعيف ؟ تره اذا الانكليزيه مالتك ضعيفه ما تكدر تشتغل هناك. اخي اتمنى تلكي شغل هناك باسرع وقت واخي اذا تحتاج اي شي كول احنه اخوتك وحاضرين.

355
شكرا ريم عبد على التعقيب, صحيح اني عندي هوايه جماعات مقدمين من مكتب مصر ومكتب عمان الاجراءات تختلف شويه بس كله نفس الشي مقابله اولى وثانيه وثالثه وفحص طبي وموعد سفر وتحياتي الج

356
اشكركم اخوان وبارك الله بيكم وانشاء الله كلكم تسافرون وانشاء الله ما اكطع وياكم

اخي العزيز اين انا الفحص الطبي بعد مقابلة المحلفين مو بين المقابلات ؟

357
اخي بشهر 11 استلمت BGD , ويوم المقابله استلمت IZ نمبر وتدلل

358
شكرا اخي على المعلومات القيمه تحياتي الك

359
السلام عليكم اخواني جميعا

اخي عميل1 شكرا على موضوعك وكلامك سليم ميه بالميه.

تعرفون ليش الدول ما تقبل العراقيين مو الغلط بالدول الغلط بينه احنه العراقيين والغلط بحكومتنه التعبانه الي ما تخلي احترام لشعبها زين الحكومه غير محترمه شلون تريدون الدول تحترمنه  يعني هسه احنه بمنتدى وعلى شغله بسيطه شفتوا كم مشكله صارت ؟؟؟؟

زين سوال رحمه لوالديكم انتو شايفيين العراقيين من يدخلون دوله شيسوون طبعا مو الكل بس الاغلبيه فلوسه كلها يذبها بالحرام , وما عدهم احترام للبلد الي يدخلوا ويسوون مشاكل والله العظيم اني عندي صديقي بالسويد العراقيين سووا اشياء هناك ما تنحجي وابسط شي اكو بحيرات يربون بيها البجع كجماليه للشارع او للمنطقه تعرف جماعتنه شنو سووا راحوا باكو البجع وشووا واكلوا بس بعدين ما يدرون اكو كاميرات مراقبه وكلهم لزموهم وراحوا للسجن, اخوان احنه قبل ما نحجي على اي دوله لازم نراجع نفسنه بالاول ونشوف اكو عراقيين مو الكل  شوهوا صورة العراقي الاصيل صاحب الاخلاق العاليه واني مدا اكول بانه هاي الدول خوش ناس همه هم الفساد واصل مرحله عدهم بس شعوبهم مرتاحين وعايشين احسن من عدنه بالف مره .

360
اخي العزيز

لاتفكر بهولندا لانه اللجوء جدا صعب صار بهولندا وما ينطون لاي احد نهائيا اني عندي اقارب صارله سنه وما محصل لجوء مع العلم هوه لاجيء سياسي وخلال السنه الماضيه بس 3 او 5 اشخاص حصلوا اللجوء وهاي تعتبر معجزه بالنسبه لهؤلاء الناس واقاربي بعده ينتظر بس اذا تحب النرويج وبلجيكا وبالاخص بلجيكا هسه دينطون اللجوء بس هوه بشكل عام اللجوء باوربا قل اله عن طريق الامم المتحده والي طلع تهريب تقريبا الاغلبيه رفض وتسفير.

361
اخي العزيز

اني دزيت الايميل بشهر العاشر 2008 استلمت الكيس نمبر بشهر ال 11 2008وضليت انتظر اخر شي ضجت دزيتلهم ايميل بشهر الثالث 2009 وحددولي موعد مقابله بشهر السابع 2009 وقابلت مقابلتين مو وحده لانه ديمشون الاجراءات على السريع مع تحياتي الك اخي واي شي تحتاج اني حاضر.


يوجد امل بارك الله فيك واشكرك ويوما الك ولجميع العراقيين ان يسافرون ويخلصون من ضيم العراق.

362
اخي العزيز المهندس سيوفي اكو زخم كبير على كل مكاتب الاي او ام لذلك اصبر فالمده تطول بين خمس اشهر الى 8 اشهر حسب الاعداد الي دتقدم ومو شرط مرات 3 اشهر بس اني طولت 6 الى 7 اشهر وتحياتي الك.

363
مبروك اخي وحمد الله على السلامه وانشاء الله الجميع يسافرون ويوصلون بالسلامه

364
شكرا suzie83 وبارك الله بيج ويوما الج اذا ما مسافره بعد

365
اخي العزيز جوزيف العراقي

اني سمعت من جماعه بامريكا هسه همه مستعجلين بالاجراءات لانه محصلين موافقه من الاف بي اي بتسريع الاجراءات قدر اللازم ويا اخي اني ما مستعجل عادي صارت صارت الحمد لله, واذا ما صارت خيرها بغيرها وانت مثل ما كلت همه بطيئيين كلش بس هسه مسرعين الاجراءات بدليل سولي مقابلتين بيوم واحد ولمعلومات الاخوه اني مقدم بشهر العاشر 2008 واجاني الايميل بشهر السابع 2009 لتحديد المقابله الاولى ورقم الملف مالتي يبدي 104XXX مع تحياتي لجميع الاخوه واتمنى للجميع السفر السريع وتخلصون من العراق الي ما شفنه منه شي بي خير طول عمرنه.

366
اخواني الاعزاء اشكركم جميعا

طبعا الشخص الي قابلني مصري الجنسيه مو امريكي ومترجم وياه وقابلني مقابله اولى وثانيه وكلي احنه اندزلك ايميل على المقابله الاخيره الي هيه مقابلة المحلفين وسالني هوايه اسئله, واكو فد مشاركه قريتها قبل ما اروح للمقابله وفادتني هوايه والاسئله جتي نصا عبالك مستنسخه :)) وسجلت الاجوبه كلها بالدفتر ويايه اخاف انسى شي اكدر افتح الدفتر واذكر بين هوه ما يكتب بس ما قبل اكتب كلشي وياه كال ممنوع على العموم  ارجو من الجميع الدخول على هذه المشاركه للاخ عكك التقوى وبارك الله بي على مجهوده:

http://www.ankawa.com/forum/index.php/topic,294296.0.html

اول شي طلب مني جميع المستمسكات الاصلي والمستنسخ وطبعا همه لمن يدزون الايميل يكولون شنو يريدون وبعدين شرحلي على البرنامج شويه بانه البرنامج كله مجاني بس تكت الطياره يتقسط لمدة 42 شهرا بعد ستة شهور من دخولك امريكا وبعدين بده يسالني للصبح :))

 

367
شكرا الك اخي على الرد

368

السلام عليكم اخواني

اليوم قابلت ب IOM في بغداد في قصر الازدهار وطبعا اني مقدم من شهر العاشر 2008 وهسه يله اتصلوا بيه والي قابلني شخص مصري وقابلني مقابلتين الاولى مقابله تعريفيه والثانيه مقابله قصتي واستغرقت مدة المقابلتين اكثر من 3 ساعات ووقعت على اقوالي وبعض الاوراق الثانيه وكلي احنه نتصل بيك حتى نحدد موعد المقابله الثانيه الي هيه مقابلة المحلفين ارجو من الاخوان اذا احد يعرف الوقت بين المقابلات ان ينورني بهذا الشي مع تحياتي للجميع والله يوفق الجميع.

صفحات: [1]