عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - lemon33

صفحات: [1]
1
اخوان قررت ارسل الوالدتي فيزة حتى تقضي فترة من الوقت يم عائلتي  فدخلت على موقع السفارة الامريكية او كملت الابلكيشن DS-160 او طلبت المقابلة اتكون في اربيل او ارسلت الطلب علمود اسكجول الموعد بس بعدين استلمت ايميل من السفارة في بغداد يكولون ما عدنة اي فيزة سياحة الى امريكا,
يا اخوان ما اعرف هل يوجد مقابلات فيزة سياحة في القنصلية الامريكية في اربيل لو لاارجو مساعدتي بس الغريب بالموضوع اني الطلب مالتي كان موجه للقنصلية في اربيل الجواب اجاني من السفارة في بغداد
بماذا  تنصحوني ارجو المشاركة

2
هههههههههههههههه والله بيش ذكرتني مو جنت ناسي اني هماتين siv عائلتي كلهة استلمت في وقتهة بقيت بس اني والمصيبة  اني اهم شي لان ما اكدر اشتري سيارة ولا اقدم على الاجازة ولا اكدر اشتغل بقيت 3 اشهر حتى حصلت عليه فكلش عادي

3
اني عندما كنت اذهب للمقابلة اخلي سيارتي بشارع الحارثية اكو
 كراجات اهواية خصوصا بالقرب من الجسراو بعدهة اخذ تكسي خمس دقائق عن السفارة

4
عزيزي بالنسبة الى سوالك حول الاختيار فتختار SELF الك والعالتك كلهم مثل ما سويت اني
او بالنسبة لبقية الاسئلة فكلشي واضح معلومات خاصة بيك
او عندك الاسئلة الي تبدي من السوال الي يكول بيه
do you have a communicable disease of public health significance such as tuberculosis (tb
 الى  السوئل الي يكول بيه
have you ever applied for a social security number
تقريبا 40 سوال
كلهم تكتب الجواب NO
او تبقة بس سوالين الاخيرات تكتب الجواب YES لكل منهما
اني مليت الفورم مالتي على هاي الطريقة واني حاليا في امريكا
او اني حاضر لأي سوال

5
اني بالنسبة الي هماتين مليت الاوراق مالت البنفيت قبل لا استلم الفيزة او بعد ما استلمت الفيزة ارسلت نسخ من الفيز والجوازات الى IOM SIV "ضروري لان اني مليت الفورم مال البنفت " او بعد تقريبا شهرين استلمت ايميل ابو الخمس اسالة الي يتضمن موعد السفر الي ترغب بيه ..... يا حبيبي الفيزة مالتك بيهة 5 شهور ليش تستعجل او تالي تدخل ابمتاهات اصبر او ارسل النسخ مال الفيز
تحياتي

6
عندي صيق قدم على السكشن 8 بعد انتضار طويل اتصلو بيه ونطوه شقة ابمجمع الليل والنهار بيت ابو العبدة يركصون ويكمزون فوك البيت مالتة المنطقة تعبانة حيل بحيث صديقي حاليا ايدور على بيت ايجار 800 دولار مع العلم الشقة  الي استلمة الايجار مالتة 200 دولار بس شنو الفايدة المكان حيل تعبان او هسة هوة متندم ابكد شعر راسة لان استلم هيج شقة  .....اني من سكنة ولاية اوهايو او بالنسبة الي ما افكر نهائيا ان اقدم على هكذا سكن تعبان لان احنة المفروض اجينة اهناية حتى نرتاح مو جاين حتى ينشلع اكلوبنة

7
حبيبي اسبوع الى عشرة ايام من ارسال الجواز راح  تستلم الفيزة انشاء الله

8
سنوات طويلة و نحن نسكن هذا البيت الرائع نشكو لبعضنا البعض نتبادل التجارب يساعد بعضنا البعض انا بالنسبة لي انتهت حياتي لا استطيع ان اتخيل المنتدى بهذا الشكل ليش يا اخوان غيرتو الشكل اشبيه الشكل القديم صعبة يا اخوان صعبة كان الشكل القديم يبعث الطمانينة الى القلب هسة صارت الشغلة مثل العسكرية من الواحد ينقلوه الغير وحدة عسكرية ايحس بالغربة واني هسة بالغربة في امريكا ,من كنت ادخل للمنتدى احس اني بين اهلي او ناسي هسة فقدت هذا الشعور من اتغير الشكل والله راح ابجي  :'( :'( :'( :'( :'( :'( :'( :'(

9
مبروك اخوية العزيز ,اني ساكن اوهايو صارلي شهرين لحد الان ممستلم الفود استامب ولا السوشيل سكيورتي

10
حبيبي ابو حسن عذرا على التاخير ترسل نسخ الفيز الى الاميلين

    SIV@wrapsnet.org
 
  siv_ope@iom.int

11
السلام عليكم
بالنسبة الى سوال الاخ حول التاريخ
اني مقابلتي كانت بتاريخ 26 من شهر ال11 عام 2013
استلام الفيز كان بتاريخ 31 من شهر 12 عام 2013
وصلت الى امريكا بتاريخ 28 من الشهر ال3 من هاي السنة
اتمنالكم الموفقية او اني حاضر لاي سوال

12
السلام عليكم شباب
اني بالنسبة الي لغتي متوسطة او صارلي حوالي شهر ونصف من وصلت الى امريكا تعرفون معظم وقتي وين امخلصة (بالباصات) عندي كومة بطايق مال باص انطونياهة المنظمة او كل ما اصعد بالباص اكنك وية واحد من الامريكان وسولف وياه ونطيه فكرة من البداية عن لغتي ابصراحة الكل ايكيف او يبقون يسولفون وياي اضافة الى السواق مال الباصات معظمهم من النساء من يفرغ الباص ابقة اسولف وياهن   ::)  او حاليا لغتي صارت اقوة (الاحتكاك)اهم شي في امريكا حتى تتعلم اللغة , الثقة بالنفس لا تبقة ساكت اججي اي شي اهم شي توصل الفكرة للمقابل بالنسبة لامريكان يتفهمون هذا الشي ويساعدوك 

13
حبيبي اهلا وسهلا بيك .... بيان الولادة ما مطلوب ويمكن الاستعاضة عنه بصورة القيد لان بيها كل المعلومات المطلوبة ببيان الولادة من محل الولادة واسم الابوين واللقب وتاريخ الميلاد والى اخره

وبالنسبة للتصديقات ما مطلوبة نهائيا وكل الي تحتاجه تترجمها يم مكتب رسمي ومعتمد مثل نادر وغيره .... وهاهيه

تحياتي الك

كلام سليم مية بالمية

14
الف الحمد لله عالسلامة هو السفر متعب وان شاء الله ترتاحون ابمكانكم وتنسون الضيم وما اوصيكم فوكة فوكة عالمعاملات والاوراق اكمل كل شئ
اشكرك اخوية ابو فرقان على المشاعر الجميلة  ,انشاء الله ماشي بكل الاوراق شكرا

15
الف الف مبروك ويوم ال الي واذبح طلي .. بس اسمحلي مداخلة عن موضوع الدخول للمطار بالسيارة .. طبعا الله اعلم بنية الموظف اللي منعك لكن اني بنفس الوقت وبشكل عام مع التشدد بدخول السيارات او الحقائب للمطار حفاظا على ارواح الناس لان حضرتك تعرف الارهابيين ميخافون الله ولوما التشدد كان يومية انفجار .. والحمد لله ع سلامتك
اذا تسال عن نية الموظف فاني راح اكلك شنو نيتة او ليش ضاج هوة ,مو كلشي ينحجي بالمنتدى بس راح اريحك وكولك على السبب (مع الاسف لان كنة امصعدين الجنط ابسياراتنة معناتهة مراح انأجر سيارة جيمسي والسيارة من تتاجر هذولي الهم نسبة
(هاي اذا متكون وحدة من السيارات ملك الة ) فلا تتوقع حرص على المطار هاي الامور اتجاوزناهة حبيبي )اما بالنسبة للتفتيش فما ممكن لاي شخص يمر بدون ما تتفتش الجنط مالتة بواسطة الكلاب اجلكم الله اولاً والتفتيش اليدوي ثانياً والتفتيش بواسطة السونار ثالثاً اي شخص او مهما كان هذا الشخص او طبعا احنة مرينة بكل مراحل التفتيش ,لان التفتيش من قبل شركة حماية عالمية هية ال (G4S )
ارجو ان تكون وصلة الفكرة واتمنى ان تذهب للمطار بسرعة (اتسافر الى امريكا )وتشوف ابعينك هاي الامور.....تحياتي

16
الف الحمد الله ع السلامة اخي اني وصلت قبلك بشهر يوم 26-2 ونفس الاوقات مالتي مال سفر والوجهه بس وصلت لديترويت ساعة 11 الصبح
ربي يوفقك وين ماتكون والله يسهل امرك

تحياتي اختك
كلوري المحبة
اشكرج اختي العزيزة على المشاعر الجميلة

17
awssss
slam hawk
الملك أدوارد
ريحانة بغداد
ابوحسن 89
amireo74
ابو الامراء
Gamma
البرق
Ray
صبيحه
ام اديان
غربة الدار
اشكركم اخواني جميعا لتمنياتكم ودعائكم لي وانشاء الله الموفقية للجميع

محمد ي
اخوية ابو جاسم انشاء الله اي شي جديد في حياتي الجديدة راح انزلة في موضوع

18
الف مبروك بالموفقيه والنجاح حياتك كلها اخويه العزيز... ياريت لو تنطينا تفاصيل ملفك شوكت قدمت؟؟   ومحلفين شوكت قابلت؟... والفحص الطبي وأتصال الكفيل من بعد شكد وره مقابله المحلفين ؟
اشكرك اخوية العزيز اني SIV  تقديم 2012 الشهر  ال8

19
الحمد لله وصلنا لامريكا ولاية اوهايو اكرن وحبيت اسلم عليكم وادعيلكم بالسفر القريب واحب ان اقدم شكري واعتزازي بموقع عنكاوا الذي قدم لنا الكثير من المساعدة والحمد لله وصلنا بعد معاناه الطريق  وكان خط الرحلة بغداد عمان نيويورك ديترويت اكرون طبعا كانت الرحلة جيدة بالنسبة الي انطلقنة من مطار بغداد وكان التجمع الساعة 5 والنصف يوم الاربعاء المصادف 26 -3حسب طلب موظف ال iom استلمنة التكتات طبعا اني siv او كان عندي عديلي الله يحفضة امسوي نداء النة بدخولنة مباشرة الى المطار بدون ما انزل الجنط من السيارة اتعرفون ان هذه العملية راح اتوفر وقت وجهد وفلوس ايضا  بس تعرفون العراقيين مع شديد الاسف لازم يطلعلك واحد خبيث نحيس يكره الخير للناس ,كال هاي وين ليش داخلة سيارتين جاوبناه يابة اكو نداء كال لا مستحيل تدخلون يابة ليش داتشوف العائلة والنسوان والاطفال رجعنة ,اتصلنة مرة ثانية بالجماعة و اكدو على النداء جانلك اترزل رزالة اتخبل او دخلنة او ضل بس ايباوع ,
اني ليش سولفتلكم هاي القصة علمود بس ردت ابين شي واحد احنة لو في بلد ما بي واسطات ولا محسوبيات او بي القانون او بس كان هذا الشخص الخبيث الة الحق  يمنعنة من الدخول ابسياراتنة  بس داتشوفون اشو هية خربانة او كلمن لازم الباج بيدة ويصيح اني نقيب افلان اني صديق الضابط افلان اني عندي النداء من افلان زين بقت بس علينة يا طايح الحض جاي تضبطهة , على العموم نرجع السالفتنة بعد عناق الاهل والاصدقاء طرنة الى عمان وهناك لازم انسوي دخولية الى الاردن لمدة 24 ساعة مع العلم هية فقط 4 ساعات بالفندق بس ارتاحينة بيهن احسن من ما نبقة بالمطار او نتعذب مثل ما صار مع بعض الاعضاء ,ثاني يوم الساعة 11 صباحا على الخطوط الاردنية وصلنة بتوقيت انيويورك الساعة 5 والنصف فرق الوقت سبع ساعات عن بغداد بيتونة في فندق قريب على المطار طبعا في مطار نيويورك استلمنة الجنط او ما شاء الله الجنط كلهة تشابه بس اخوكم عندة 8 جنط خلال ثواني عرفتهم من بين عشرات الجنط تعرفون اشلون خليت على كل جنطة باليدات الثنين كيبل تاي (شناطة) لون اصفر او من خلالهة كدرت اعرف الجنط مالتي ثاني يوم طيارتي اتطير الى ديترويت الساعة 11 صباحا توصل الى دترويت الساعة 1 بعد الضهر انتضر بالمطار 3 ساعات اطير الى اكرون وجهتي الاخيرة الساعة 4  اوصل الساعة 5 الى مطار اكرون ,عدما صعدت بالطيارة الي متوجهة الى دترويت اتضح ان الطائرة بيهة خلل او بقينة كاعدين بالطيارة ما يقارب الساعة على امل تصليح الطائرة بس بيني اوبينكم لعب كلبي من الطائرة او فعلن اعتذرو من عدنة كادر الطائرة كالو ما نكدر انطير بسبب الخلل الفني فنزلنة من الطائرة وتعرفون الصعود الى الطائرة والنزول منهة بيهة اشكد معاناة خصوصا الي عندة اطفال رجعنة ننتضر بالمطار على امل تغيير الطائرة وكنت في صراع مع الوقت لان احتمال ايفوتني موعد الطائرة المتوجهة الى اكرون او فعلاً تم النداء الى الركاب التوجه الى الطائرة خصم  الحجي وصلت الى مطار ديترويت الساعة 4 لكيت الطيارة طالعة , اسودت الدنية ابعيني وين اروح موظفي المنظمةما موجودين بالمطار لان اني عندي علم ابهاذا الشي بعدين (  كلت لازم اتصرف شفت باللوحة الموجود بيهة الرحلات اكو رحلة الساعة 8 ليلا سالت على الحجز كالو امقبطة كلتلهم وكفة يمعودين ههههههههههه
وراهة حميت  >:( >:( هههههه  اكو بالمطار مكان مكتوب بيه هيلب او بيه 4 تليفونات رفعت السماعة ابصراحة ما اتذكر اي رقم ضغطت عليه المهم جاوبتني الموظفة سولفتلهة على المشكلة مالتي ونطيتهة رقم الكفيل مالتي اتصلت بيه او حولتني عليه كلي هاي انت وين , المسكين ينتضرني بالمطار او معاه الكيس وركر سولفتلة القصة عاد ابهاي الاثناء ادخلت الابنية ام الهيلب ثاري باقية معانا على الخط خليناهة تتكلم مع الكيس وركر او بعدهة اتكلمت وياي لا اتدوخون المكالمة طولت نصف ساعة اخر شي سالت عن مكاني بالضبط وين بالمطار كلتلهة بالقرب من بوابة سي 2 ماكو خلا ل دقيقة اجت ابنية معاهة ولد من اليمن الله يحفضة ما قصر ويانة اعتذرو من عندي اخبروني ان ادارة المطار حجزولي في فندق مع وجبات الطعام او فعلا همة الي حملو الجنط وخذوني في سيارة المطار الى الفندق بس المشكلة  الطيارة القادمة موعدهة بعد يومين اني شيصبرني بالفندق عاد كفيلي اجر سيارة على احساب المنظمة لان المنظمة راح تستقطع افلوس التكتات من ادارة المطار وجاني ثاني يوم من الصبح وكان الطريق 3 ساعات اجمل ما شفتة بحياتي وصلنة الى البيت في مجمع جداً جميل
بالنسبة للمنضمة اتفقت معاهم ما يصرفون اي فلس ينطوني الويلكم مني او اني الي ااثث البيت
بالنسبة للجنط الوزن كان اشوية ازيد مكالو شي او اخذت كمية كبيرة من الدواء الحبوب فقط مكالو شي
اي شي اني حاضر بالجواب
وارجو المعذرة لان طولت بالكلام معاكم او دوختكم

21
الف مبروك اخويه , اني موعدي يوم 18 قبلك بكم يوم , بلا زحمه سفرتك شنو تفاصيلها ووين الترانزيتات؟
اخوية هلبيرتون اني بالنسبة الي عائلة او عندي اطفال عدما اتصلت بية موضفة من ال siv عمان علمود اضافة طفل (كنت بانتضار اصدار فيزة للطفل ) طلبت من عندي الاستعجال بارسال الفيزة علمود ايخلوني بجدولة السفر اني استغليتهة او كلتله اني عندي اطفال ايصير اتسفروني بدون اترانزيت لان اتاذة والاطفال ايضاً يتاذون عاد جاوبت البنية كالت العوائل دائما انسفرهم بدون اترانزيت علمود الاطفال او فعلاً خط الرحلة من عمان الى انيويورك بدون توقف والحمد الله
اني قريت خط الرحلة مالتك دمار , الله يساعدك انشاء الله توصل بالسلامة

22
الف الف مبروك اخي
توكل وادفع حساب المولدة  ;D ;D ;D وتشوف كل الخير ان شاء الله

اهم شي ما شوف ابو المولدة يومية الواير مكطوع

23
   عمر النعيمي -عراقي مغترب طريق السعادة.frg : ابو هفال-علوشششششه  ENGINEER88  ابو الامراء   -كلــــــــــــوري المحبة hawk salam  هذا عراقي -halliburton
اشكركم اخواني على هذه  المشاعر او يارب الموفقية

24
يابه شايف كل الخير ياربي والله يوفقك ويفتحه بوجهك  
مبروك وتوصل بالف سلامه
ويوم النه كلنه
يارب الله يسهلهة على الجميع يارب اشكرك اخوية العزيز

25
بالخير عليك اخوية وتستاهل كل خير وبالتوفيق لحياتك الجديدة في وطنك الجديد

اشكرك اخوية العزيز على هذه المشاعر

26
اخي العزيز الف مبروووك وان شاءالله توصل بلسلامه ولا تنسانه بدعائك بلطياره وان شاءالله الحياة السعيده يارب بس ممكن اخي تفاصيل ملفك


اخوك ابو وطن
عزيزي ابو وطن اني تقديم كان شهر 8 عام 2012 الكوم حصلتة بعد شهرين مقابلة 26-11-2013
طلب الجوازات من قبل السفارة بتاريخ 31/12/2013
ارسال الجوازات للسفارة 2/1/2014
اصبحت Issued بالموقع بتاريخ 7/1/2014
وانشاء الله للجميع اصدار الفيز واني بالخدمة لأي سؤال

27
السلام عليكم
اليوم استلمت ايميل حددولي موعد سفر يوم 26 بهذا الشهر طبعاً اني siv
 و اشكر كل الاخوة بالمنتدى الي ساعدوني وانشاء الله يوم سفركم كلكم اما بالنسبة لعنوان الموضوع اني كل راس شهر من اسدد افلوس المولدة ادعو من الله ان يكون هذا التسديد الاخير ;D ;D  وايضاً الدعاء عندما انتضر بالسيطرات لساعات حتى اوصل يم الجندي المسكين الي لازم لعابة لونهة اسود او يلعب بالموبايل  >:( >:( والكثير الكثير من الحالات المأساويةالموجودة في بلدنة مع شديد الاسف  على العموم اعذروني اخواني اذا طولت بالكلام وانشاء الله اتسافرون كلكم او ربي يحفظكم .

28
1 صوره القيد  ممكن اني اترجمها  من مكتب الترجمه لو لزم اوديها الى مديريه شئون احوال بغداد  للترجمه

حبيبي تستلم صورة القيد مترجمة من الدائرة الي مكانهة ابشارع الرشيد او بعدين لازم اتصدقهة من الدائرة الي مكانهة في زيونة يعني متحتاج ترجمة هية اصلاً مترجمة

2 طلبو  مني بيان الولده    واني ما اكدر احصله   شنو اسوي

اني بالنسبة الي من سالوني عن شهادة الولادة جاوبتة ان الدائرة مال الشهادات احتركت عاد مكال شي مع العلم اني عندي عائلة ولا واحد من اطفالي سويتلة شهادة ولادة


3     DS -260  هل يمكن ان ارسل قبل اكمال كل المستمسكات المطلوبه

عادي ما طول انت عندك بينفشري نبر او كيس نبر تكدر اتكملهم

4-طلبو فحص شرطه  ولكن الفحص يتئخر عشره ايام  هل يكمن ارسل المستمسكات المتوفر حالين  وعندما احص على فحص الشرطه ارسله لهم


عادي اني بالمقابلة كان عندي نقص الفحص الطبي +وصولات الدي اج ال + او بعدين ارسلتهم بالدي اج ال


 اخي lemon33  اني استلمت صوره القيد من النفوس  غير مترجمه  هل يمكن ان اترجمها من مكاتب الترجمه  وارسلها


عزيزي لاتتعاجز   روح الى شارع الرشيد دائرة صغيرة وموظفيها ناس لطفاء او مراح ياخروك حتى من اتروح للسفارة كاملة اتكون او تكدر تستغني عن شهادة الولادة بوجود صورة القيد المترجمة
تحياتي

29
تعقيبا على كلام الاخ احب اوضحلك انه السفارة تطلب صورة القيد مترجمة وفقط
ماكو داعي نصعب الامور على نفسنا ونعقدها لان بس يريدوها مترجمة وما تحتاج هاي الفرة مال شارع الرشبد وبزيونة
هاي الفرة يحتاجها الي طالع دراسات يعني الي يروح يدرس بالخارج مو اهل اللجوء
تحياتي

عزيزي اذا الكلام الي اتفضلت بيه جاي عن تجربة مرت بيك او قابلت بالسفارة وقتنعو بصورة القيد (الغير مكتملة ) اني ارفعلك القبعة ....اما اذا كانت استنتاجات او تصورات فالرجاء لاتورطون الولد
تحياتي

30
 1 صوره القيد  ممكن اني اترجمها  من مكتب الترجمه لو لزم اوديها الى مديريه شئون احوال بغداد  للترجمه

حبيبي تستلم صورة القيد مترجمة من الدائرة الي مكانهة ابشارع الرشيد او بعدين لازم اتصدقهة من الدائرة الي مكانهة في زيونة يعني متحتاج ترجمة هية اصلاً مترجمة

2 طلبو  مني بيان الولده    واني ما اكدر احصله   شنو اسوي

اني بالنسبة الي من سالوني عن شهادة الولادة جاوبتة ان الدائرة مال الشهادات احتركت عاد مكال شي مع العلم اني عندي عائلة ولا واحد من اطفالي سويتلة شهادة ولادة


3     DS -260  هل يمكن ان ارسل قبل اكمال كل المستمسكات المطلوبه

عادي ما طول انت عندك بينفشري نبر او كيس نبر تكدر اتكملهم

4-طلبو فحص شرطه  ولكن الفحص يتئخر عشره ايام  هل يكمن ارسل المستمسكات المتوفر حالين  وعندما احص على فحص الشرطه ارسله لهم


عادي اني بالمقابلة كان عندي نقص الفحص الطبي +وصولات الدي اج ال + او بعدين ارسلتهم بالدي اج ال

31
اخي العزيز اني بالنسبة الي
طلب الجوازات من قبل السفارة بتاريخ 31/12/2013
ارسال الجوازات للسفارة 2/1/2014
اصبحت Issued بالموقع بتاريخ 7/1/2014
وانشاء الله للجميع اصدار الفيز واني بالخدمة لأي سؤال .

32
سبحان الله (لا يكلف الله نفسا الا وسعها ) صديقي العزيز صدمتني ابموضوعك عجيب غريب هذا الانسان شنو ذنب هذه العائلة الي ورطهم بالروحة الى امريكا ليش هوا ميعرف شنو امريكا حتى ميسجل اطفالة بالمدرسة بس هنالك علامة استفهام حول ايجار البيت 1800 مبلغ كبير بالنسبة لايجار بيت كم غرفة يحتوي هذا البيت وفي اي مدينة اي ولاية

33
الف الف مبروك على موعد السفر وانشاء الله سلامة الوصول

34
مرحبا اخت فايلوت .

اني البارحه استلمت الاسئله من اس اي في عمان وجاوبتهم عليها وما وصلني اوتو ربلي , SIV AMMAN بدون اوتو ربلي .

بالنسبه للاخ ليمون انت دتحجي على iom siv ةاحنه دنحجي على siv amman  واكو فرق بين الايميلين.

للتوضيح فقط.

تحياتي للجميع
اخ halliburton ممكن توضح الي ازيد مو نفس الاميلات الي ارسلنالهم الفيز SIV@wrapsnet.org -- siv_ope@iom.int  يعني الي راح يرسل النة ايميل ابو خمس اسئلة غير ذولي اني بالنسبة من ارسل الى الاميلين استلم اوتو ربلاي .

على العموم مبروك عليكم استلام الاميل ابو خمس اسئلة اني لحد الان ما مستلم الاميل لان صار عندي اضافة طفل

35
مبروك عليك استلام الفيز اني مثلك siv مستلم الفيز وتصالي بال iom siv اهواي بسبب فيزة نصف ردن ومن ثم اضافة طفل بس ما اتذكر يوم من لايام ارسلت ايميل الهم او ما رجع اوتو ربلاي .دزة الايميل لحد ما تحصل الاوتو ربلاي واذا كلولك ليش اتلح كولهم صوجكم انتو لان ماكو الاوتو ربلاي.
بس سوالي الك هل انت عائلة ام ازكرتي وشوكت ارسلت الهم الفيز

36
ممكن نعرف سبب الرفض اخي العزيز

37
والله يا اختي يا ام احمد اني مثل حالتج يوم 18 بالشهر اجاني ايميل البروسس ولحد الان ماكو شي بس ردت  اعرف التواريخ من استلام الفيزة الى ارسال الفيز واستلام ايميل البروسس
على العموم يمكن هذا الرابط ايفيدج
مع التقدير.
http://www.ankawa.com/forum/index.php/topic,702149.msg6115051.html#msg6115051

38
مبروك اونتمنالك الموفقية في حياتك الجديدة

39
يا اخوان اني بالنسبة الي من اطلع اصبح للشغل ابوس اطفالي واحد واحد وتشاهد وطلع لان ابكل لحضة اتوقع السيارة الواكفة او امر من يمهة راح تنفجر او اي شخص لابس قمصلة او شكلة ما بي رحمة اكول هذا انتحاري او راح يفجر نسة هذا حالي او حال اغلب اهل بغداد او قبل ابداية التفجيرات 2007 كان من يصير انفجار الناس تبدي تسال واحد عن الثاني هسة صارت الشغلة عادية القنبلة والسيارة من تنفجر انكول كم واحد مات اذا الميتين 5 لو 7 انكول انفجار ضعيف مو قوي لا ادوخون البشر صار ما الة اي قيمة بالعراق وكلوب العراقيين هم ابشركم صارت قاسية او مانكول اي شي غير انا ل الله وانا اليه راجعون

40
وعليكم السلام اخي العزيز اني راح اجاوبك على الشق الثاني من سوالك " هل يحتاج بيان ولادة "
اني عدما قدمت اوراقي للمقابلة مسويت شهادة ولادة لا الي ولا الى اطفالي سألوني عنهة كتلة البيانات كلهة محتركة بالدائرة مكال شي , بس القيد 57 ضروري سويتة او شغلتة كانت كلش سهلة اما عن سوالك الرئيسي بلكي الاخوان الي عدهم خبرة ايفيدوك او اي شي تحتاجة اني بالخدمة.

41
اني اليوم وصلني ايميل البروسس مع العلم اني ارسلت الفيز يوم 14 /1

42
اني بالنسبة الي تم الاتصال بالكفيل وتوقيع الاوراق ايضاً اتصلت بية ابنية من المنظمة كالت انت عندك طفل اتريد اتضيفة كلتلهة اي نعم او قابلت او منتضر الفيزة تطلع هليام كالت اول ما تطلع الفيزة مالت ابنك دزهة النة وملي الفورم ds234 حتى انخليك على جدول السفر او فعلاً الحمد الله طلعت الفيزة او ارسلتهة الهم البارحة او انتضر رحمة ربك طبعاً ارسال الفيز كانت بتارخ 14 من شهر الواحد يعني صار اكثر من شهر ....للتذكير

43
إنشاء الله سلامة الوصول الصديقك واحنة بالخدمة عزيزي

44
حبيبي كالوني البصرة اتصلت ابشخص يعمل في الادلة الجنائية او سالتة بخصوص قضية صديقك الجواب كان كالاتي:

البصمات تصقط بعد مرور 3 شهور فيا حبيبي يجب احضار والدتة الصديقك واني بالخدمة لأي سوال .

45
اخوان الي عندة معلومة صحيحة او متأكد منهة خلي يكتبهة اما الي معلوماتة قديمة او ما امسوي الهة ابديت خلي لا يكتب لان اخونة صاحب الموضوع اذا قراء مشاركتين نفس الجواب راح ياخذهة راس مال والولد من البصرة مكانة بعيد او صعب يتأخر في بغداد والمصايب ما شاء الله في بغداد
حبيبي الادلة الجنائية موقعهة بالبلديات في الامن العامة القديمة على القناة بالقرب من بانزين خانة المشتل يعني من كراج النهضة تاخذ تكسي ب 5000 دينار ايوصلك مباشرة للمكان او تاخذ معاك صور عدد 3  هوية الاحوال نسخ عدد 2 بطاقة سكن نسخ عدد 2  طبعا النسخ الاصلية اتكون معاك ياخذون البصمات مال اصابيعك العشرة او ينطوك موعد 10 ايام

46
والله اخوية العزيز ابو اريغون الحمد الله اني هسة قريت الموضوع مالتك من البداية الى النهاية ضجت حيل على التأجيلات المريرة الي مريت بيهة وخصوصا بعد بيع اثاث البيت ووداع الاهل والاصدقاء والتي وصفتها بالفشلة ههههههههههههه او هسة فرحت حيل من عرفت انه انت عندك موعد سفر جديد يا رب الله يسهلك او توصل بالسلامة او ما وصيك من تطلع من بيتك ابيوم السفر قراءة سورة الفاتحة اهديهة الى ام البنين عليها السلام تسهل امورك انشاء الله

47
اخوان لا تخبلوني اني قدمت الصديقي على ال iom بعد ارسال الملفات وصلنة ايميل بالسبجكت كاتبين الرمز AHN / IZ
يعني ممستلمين كيس نمبر او هذا الرمز كان مكتوب بالاميل ؟؟؟؟؟؟؟؟؟

48
اول شي اريدك اتكون ريلكس , اشوكت وصلك ايميل موعد المقابلة الي اعتقدة مو اقل من 10 ايام  او في بعض الاحيان قبل شهر,
الشي الثاني بالنسبة الى الفورم 260 قبل اسبوع كانت عندي مقابلة اتعرفت على شخص ايضاً كانت عندة مقابلة بس كانت مقابلة ثانية فسألتة ليش مقابلة ثانية كال  "بالمقابلة الاولى كنت ممالي الفورم 260 لذالك كلولي امليهة اون لاين حتى نعطيك موعد مقابلة ثانية " يعني لغوهة للمقابلة هذة الشي كدام عيني صار .
الشي الثالث حضرتك اتكول مقابلة الزوجتك وانت ضايفهة للكيس مالتك مو المفروض تدخل ابنفس الكيس نمبر والانفويز نمبر الخاصات بقضيتك الي كنت تدخل بيهم من مليت الفورم 260
الشي الرابع بالنسبة لعدم المحكومية يحتاج الهة عشرة ايام  عادي ممكن ترسلهة مع الفحص الطبي بالدي اج ال .
تحياتي الك عزيزي انشاء الله تفرج عليك اوتسهل المقابلة

49
اهلا وسهلاً بيك اخوية وعودة ميمونة الى بيتك عين كاوة اللهم فرج على اخونة" مايكل "

50
اهلا وسهلا بك وبصديقك

ومبروك عليه العودة الى وظيفته ومبروك عليه قانون التقاعد الموحد

ابو الوليد
والله ابو الوليد اني ضايج حيل او ضحكتني بالرد مالتك واني اعتبرة اجمل رد لمثل هكذا اناس لا يعرفون كيف يستغلون الفرص
"اغتنمو الفرص حتى لو كانت احلاماً "

51
الهجرة و واللاجئين / رد: siv_ope@iom.int
« في: 17:32 05/02/2014  »
 مبروك استلام الفيزة  اني بالنسبة الي 21 يوم من ارسال الفيزة لحد الان ماكو شي ..... بس سوال اخ  violet اشكد صلاحية الفيزة ؟

52
موفقين وسلامة الوصول انشاء الله اخوية ابو نور
والكروب مالتنة المستلمين الفيزة شهر الواحد "سيس " بالصفحة الثانية او راح يعبر على الثالثة بلكي الخوان يتلاحكوه او يصعد حتى اذا اكو اخبار حلوة تنذكر بيه
بس اذا امكن ابو نور تذكر تاريخ استلام الفيزة وارسالهة .....

53
إنشاء الله سلامة الوصول ,والموفقية في الحياة الجديدة

54
اني متأكد انتة ابن دلال او زنكيل او ما يهلك تترك العز والفخفخة والاملاك هاي حجة مال اهلك كلولك , ارجع وكول مثل ما كالو الاخوان في المنتدى
اذا انت مرتاح بالعراق في امريكا متكون مرتاح والعكس صحيح
تحياتي

55
والله يا اخي اكو كلمات اني قاريهة في هذا المنتدى :
اذا انت مرتاح بالعراق في امريكا متكون مرتاح والعكس صحيح
تحياتي

56
وعليكم السلام اخ ENGINEER88
اني وياك مشابهين بالتواريخ تقريبا اني ايضا عندي IZ -144 او مالي الفورم  DS234 بس يا اخي خلوني اشك ان الاميل مالتي مواصل على الرغم من استلام الاوتو ربلاي لان رجعو دزولي ايميل ارسل الفيز الخاصة بيك واطفالك , على العموم احنة من خلال هذا الكروب على الاقل راح نكون على بينة شنو الديصير من خلال مشاركة الاخوان , بس اعتقد الكيس الي تكون الفيزة صلاحيتهة اطول يخلو على الشحن والله اعلم

57
اشكرك اخ الوتار على حسن التواصل او يارب الموفقية وسلامة الوصول
بس سوالي الك ليش اكو ناس 3 شهور وناس مثلي اني 6 شهور صلاحية الفيزة مع العلم كان اصدار الفيز بيني وبينك شي قليل اعتقد هذا السبب الي يخليهم يتصلون بيك ويسرعون من عملية السفر
يا رب الموفقية الك

58
السلام عليكم ورحمة الله وبركاته .
شباب حبيت اعمل هذه المجموعة للاخوة المستلمين الفيزة خلال شهر الواحد من عام 2014 حتى انكون على بينة كل واحد من عدنة وين وصلت قضيتة بالنسبة الى تاريخ استلام الفيزة تاريخ الارسال الى iom siv استلام ايميل الخمس اسألة ومن ثم تحديد موعد السفر توقيع الكفيل اي شي بعد ارسال الفيزة .......
اني بالنسبة الي كانت الفيزة نصف ردن فقط زوجتي ما صدرت الفيزة ,صلاحية الفيزة 6 شهور .
تاريخ اصدار الفيزة 31/12/2013
تاريخ ارسال الفيزة الى iom siv   يوم 14/1/2014
تارخ صدور فيزة زوجتي 20/1 ارسلت الفيزة بتاريخ 23/1 بعدهة ابيومين استلمت  هذا الاميل من iom siv

Dear Sir,
 
Send us your visa and your children visas as well.
 
Regards,
IOM SIV Applications
  اخوان شوفو الخربطة مال ال  iom siv اني داز الفيز قبل اسبوعين ..على العموم دزيت الهم ايميل كلتلهم اني ارسلت الفيز قبل اسبوعين ورسلت الهم نسخ الفيز مرة ثانية .

59
الف مبرووك اخي صهوبي والحمد لله على السلامه اي ولاية اي مدينة siv لو iom؟

60
اخ لويس اذا امكن تفاصيل استلام الفيزة تاريخ ارسالهة الى iom siv تاريخ استلام ايميل ابو الخمس اسالة 
لان اني مستلم الفيز او ارسلتهة الى الiom siv صارلي 14 يوم او ماكو شي اشوكت تتوقع يتصلون بية او يرسلون الاميل ابو خمس اسالة

61
السلام عليكم جميعا
ارجو ان تقبلوني عضوا في الكروب الخاص بكم وبالنسبة اللي اني الفيزا مالتي صدرت يوم 27-12 بال 2013 ودزيت نسخة من الفيزا يوم 9-1-2014 بس لحد الان محد اتصل بييه بس عندي استفسار بالنسبة للتسجيل بالموقع مال عمان من يطلب رقم الملف انطيه نفس رقم case number  لو غير واحد لانه مديقبل ياخذ case number  واكدر اني اححدلهم خطوط الطيران اللي اريدها لو الا همه يحددون وشوكت انسب وقت قبل نفاذ الفيزا ممكن واحد يختار وشكرا لمساعدتكم وجهودكم الطيبة واعتبروني صديق للجميع ويارب التوفيق للجميع
حبيبي انت عندك كيس نمبر من siv iom او مالي الفورم ds234 و البنفيت امبين عليك مماليهن ولاعندك كيس نبر الي يكون ابهلشكل
iz-144xxx  لان انت دتدخل على موقع عمان

62
السلام عليكم شباب
اشكرك اخ يوسف على هذا الكروب الي اعتقد من خلالة نكدر نعرف امور ممكن تكون غايبة عن تفكيرنة وعن عقولنة الي اشوية اشوية راح نفقدهة ونصير مجانين بسبب iom و siv  هههههههههههههه
بالنسبة الي التقديم علىiom 
 12/2011
مقابلة اولى 10/10/2013
او بعدهة كلشي ماكو
التقديم siv
8/2012
مقابلة 26/11/2013
ارسال الجوازات 2/1/2014
استلام الفيزة Issued  بتاريخ 7/1/2014
لكن سوالي الكم اخوان هل من المفترض ان ارسل ايميل الى ال iom اخبرهم انه اني استلمت الفيز عن طريق ال siv
مع الشكر الجزيل

63
حبيبي جدا طبيعي التقديم بدون جواز الكثير من الاعضاء قدمو بدون جواز او بعض الاحيان نكتب قيد الانجاز اثناء التقديم

64
اخوان اليوم حددولي موعد سفر سفري يوم 29-1-2014 باركولي يوم الي اتسافرون كلكم
مبروك على موعد السفر انشاء الله توصلون بالسلامة و الموفقية بالحياة الجديدة بس ممكن تفاصيل الملف.

65
السلام عليكم اكروب نص ردن
اني بالنسبة الي استلمت الفيزة بتاريخ 31-12-2013
الي ولاطفالي اما زوجتي لحد الان معالجة ادارية

66
اخوية شلتاغ اني بالنسبة الي
تاريخ المقابلة 26/11/2013
طلب الجوازات من قبل السفارة بتاريخ 31/12/2013
ارسال الجوازات للسفارة 2/1/2014
اصبحت Issued بالموقع بتاريخ 7/1/2014
وانشاء الله للجميع اصدار الفيز واني بالخدمة لأي سؤال .

67
الاخوان حيدر ويوسف اشكركم على المشاركة والتهاني
بالنسبة لولادة الطفل شهر 11 -2013 قبل المقابلة ب15 يوم او سألت القنصل عن اضافة الطفل جاوبني كلي بعدين تكدر اتضيفة ....

68
مرحبا اخوان تم اصدار الفيزة وانشاء الله للجميع يتم الاصدار
اني عندي كم سوال ارجو الرد لمن لديه الخبرة
1- الله رزقني بطفل وارسلت للسفارة ايميل طلبت بيه اضافةالطفل بس ماكو رد ممكن ايميل الي ارسل الة الطلب اخاف اني غلطان بالنسبة للعنوان ,مع العلم اني انشاء الله يوم الخميس اكمل الجواز
2- اني عندي ايزي نبر من siv iom ---iz-143xxx او مليت الفورم DS234 علمود البنفيت اكدر ااخر ارسال الفيز حتى اصدار الفيزة لابني؟
3-ابرايكم اشلون اتصرف في حالة ارسلت الفيز الى الsiv iom وتم تحديد موعد سفر واني ممحصل فيزة لابني ؟

69
عزيزي Iraqi-SIV ماكو اي cc بالاميل ....  الارسال الى TO ME
مع الشكر

70
السلام عليكم
اليوم السفارة دزولي ايميل يردون ارسال الجواز بالسرعة الممكنة
شنو رئيكم اكو فيزة لو لا .. اخر تحديث عندي اليوم 31/12/2013
مع العلم المقابلة مالتي بيوم 27/11/2013

اخوية  ENGINEER88 اني ايضا اجاني ايميل طلب الجواز اليوم او على اساس انزل موضوع جديد بالمنتدى بس شفت الموضوع مالتك يشبه موضوعي بس الفرق يوم واحد اني مقابلتي كانت يوم 26/ 11/ 2013 فمبروك علينة وانشاء الله جميع الاخوة يطلبون جوازاتهم ويحصلون على الفيزة اني عندي سوالين للاخوة الاعزاء
1- كم المدة تتوقعون للفيزة تصدر بعد استلام الجوازات من قبل السفارة ؟
2- اني عندي طفل اريد اضيفة بس الجنسية بعد 10 ايام  تكتمل يعني فد اسبوعين ايصير عندة جواز انشاء الله ,اشلون اكدر اضيفة ؟

71
مرحبا اخوان
اني امقدم على البرنامجين siv  --iom  استلمت ايميل من siv iom علمود املي الفورم المساعدات واجور الطيارة ونطوني كيس نمبر iz-144xxx او كدرت يتفعل حسابي في موقع عمان او ما عندي مشاكل بالنسبة لهذا الكيس , اما بالنسبة لل iom رقم الكيس iz-133xxx ما اكدر اعمل حساب بالموقع ايكلي اليوزر مستخدم يعني اشلون ابهاي الحالة ايصير عندي 2 كيس نبر واشترك بيهم بنفس الاسم والايميل . اخوان الي عندة خبرة بالموضوع ارجو ان يسعفنة
مع الشكر والتقدير

72
السلام عليكم
فترةالباج ليس لهاعلاقةبفترة رسالةالسوبرفايزر التي يجب انك قدعمغت معه سنةع الاقل لان الباجات مرات غيروهابفترةقصيرةشهراواكثر
لكن برسالةالسوبرفايزرالمفروض يكتب معلوماتك كاملةومنهارقم الباج
شكرا
+++++++++++1

73
السلام عليكم شباب
اني عندي فحص طبي في برنامج siv بتاريخ 14/12 يوم الاحد وفي نفس الوقت امقدم على iom لكن بعدني ما عامل فحص طبي سوالي الكم في حال تم الفحص الطبي في siv  او مباشرةً اجاني موعد فحص طبي في iom  هل سيعتمد الفحص الطبي من قبل ال iom خصوصاً اذا ما علمنا ان هنالك تلقيحات للعائلة  اذا اي شخص مار ابمثل هذه الحالة ياريت لو ينورنة ابتجربتة
مع الشكر الجزيل

74
شكرا على المشاركة كلام جميل ...بس اخر صطر دمار

75
نعم تحتاج الى توقيع
  اخوية سلام الله يخليك يعني افهم من ردك مباشرة بعد ما امليهة اطبعهة او بعدين التوقيع  ومن ثم اسحبهة اسكنر ...... موووووو

76
السلام عليكم شباب ولو انتو ضايجين لان البرنامج على وشك الاغلاق بس نبقة انكول يالله الفرج قريب انشاء الله
اعيوني سوالي عن الفورم DS234  اشلون امليهة لان كلما اكمل احاول اخزنهة للمعلومات تطلعلي نافذة ايكول ما تكدر اتخزنهة فقط طباعة يعني هل بعد ما اكمل اطبعهة او بعدين اعمل الهة اسكنر  ثاني شي هل تحتاج الى توقيع
الي عندة معلومة لايبخل علي الله يخليكم .

77
http://albelagh.com/index.php/%D8%AA%D8%AD%D9%82%D9%8A%D9%82%D8%A7%D8%AA/3193.html

شاب يموت والطبيب يتفرج على مباراة “برشلونة وريال مدريد” في الديوانية

يبدو ان خسارة فريق برشلونة امام الريال الاخيرة، كانت سببا في خسارة ابو كامل حياة ولده “حيدر حريجه عبد” ذو الاربعة وعشرين عاما ،بعد ان وصل إلى طوارئ مستشفى الديوانية ، وعانى فيها أكثر من ستة ساعات يصارع الالم، على امل ان يأتيه طبيب الاختصاص الذي كان منشغلا بالمباراة، بدل إجراء عملية له لينقذ فيها حياته وينهي عذاباته ،لتكون نهايته بداية آلام اسرته.
وقال والد الضحية باكيا أن” ولدي شاب قوي ولم يشكوا مرضا مزمنا من قبل ، يعمل سائقا بين بغداد والديوانية ،كنا نستعد لخطوبته بعد أن أكمل غرفة زواجه كي يتزوج ،لكن يبدو ان الموت قد سبقنا بذلك”.
واستدرك “تفاجأت حين أخبرني أخاه الكبير كامل بأنه راقد في طوارئ مستشفى الديوانية التعليمي، فركضت مسرعا إليه، وعندما وصلت شاهدت  ولدي يصارع الموت “.
وأضاف “كنت وأخوته اسرعنا الى المستشفى وطوابقها السبعة نبحث عن الطبيب ،الذي أحاله من الطوارئ إلى الطابق الاول لإجراء عملية جراحية له، لكنه اختفى في زاوية لا يعرفها احد يشاهد “الطوبة” لعبة كرة القدم ولا يرد على هواتف الاطباء المقيمين عندما اتصلوا به”.
وزاد ابو كامل ان “ما أعرفه عن الطب مهنة إنسانية، فهل انمسخت هذه الصفة، اين ذهبت مشاعر الاطباء ، كيف تتحمل قلوبهم مشهد أخ أو أم واب يركض كالمجنون لينقذ ولده ؟ كنا نتوسل ونستجدي عطف الطبيب لينقذه دون جدوى، أسرعنا بين سبعة طوابق نبحث عن الجراح لأكثر من خمس ساعات، حتى المرضى الراقدين هبو معنا بحثا عن ذلك الطبيب الذي فضل “البرشة” على حياة ولدي، وعندما جاء في الثانية عشر ليلا ،كان ولدي قد فارق الحياة وخسرته ،كما خسرت برشلونة المباراة ،لكن الثمن كان غاليا علينا بموت ولدي”.
وأكد “لن اترك الدعوى القضائية التي رفعتها على هذا الطبيب، وسأصل بها إلى أعلى المستويات، ليكون عبرة لكل من يستهتر بحياة الناس وأرواحهم، ولا يكون جلادا ووحشا مفترسا يلتهم الفقراء”.
وكانت صحة الديوانية قد سجلت في وقت سابق وفاة شابين اثناء التخدير في صالة عمليات مستشفى الديوانية التعليمي، وبينت ان الوفاة كانت نتيجة التسمم بغاز ثاني أوكسيد الكاربون، بحسب الفحوصات التي أجراها المختبر المركزي في الطب العدلي ببغداد، الذي أثبت أن سبب الوفاة هو استنشاق غاز ثاني أوكسيد الكاربون، وليس مادة سامة أعطيت لهما عن طريق الحقن المخدرة،  كما أشيع في ذلك الوقت ،وبين مدير عام صحة الديوانية، ان التحقيق أثبت تقصير وإهمال المسؤولين عن عملية التخدير، الذين لم يفرقوا بين غاز الأوكسجين وثاني أوكسيد الكاربون الذي يستخدم في العمليات الناظورية، وقد تمت إحالتهم إلى القضاء.
من جهته بين شقيق الضحية كامل حريجه ان “أخيه خرج إلى عمله المعتاد كما يفعل كل يوم ،وذهب بسيارته إلى بغداد ،اتصل بي عند عودته عصرا وأخبرني إنه يشكوا من ألم حاد في بطنه، فأخذ أحد الركاب معه هاتفه وهو صديق لي وأبلغني بعدم الحاجة للحضور إلى المستشفى، لأنه سيكون مع أخي”.
وزاد “لم اصبر فذهبت لانتظره في باب الطوارئ، وصلت سيارته قرابة السادسة عصرا وكان صديقي يسوقها ،فأنزلناه إلى الردهة وهو يتألم بشدة وكانت يداه وقدماه باردتان جدا، فحضرت الطبيبة المقيمة (س) اجرت له الفحوص والتحاليل وأعطته علاجا، فسكنت حالته عشر دقائق تقريبا ،وظهرت نتائج التحاليل وتخطيط القلب وكانت ايجابية، وبعد نصف ساعة تقريبا وصل الطبيب الجراح الاختصاص (ح ع ا) وكشف عليه واخبرنا انها اعراض (الزائدة الدودية)”.
وأضاف حريجه ان “الطبيب قام بتحويل الضحية إلى طابق العمليات الاول، وبدأت حالته تتدهور واخذ المه يزداد ،وبقى يعاني ألمه حتى التاسعة مساءً ،فأسرعت الى الطبيب المقيم (م م) وأبلغته بخطورة حالة اخي، الذي حاول الاتصال بالجراح دون جدوى، فركضت ابحث عن مسؤول المتابعة في المستشفى وكان الوقت قرابة العاشرة والنصف ليلا ،وعندما وجدته اخبرني بان الطبيب منشغل بمتابعة لعبة فريقي برشلونة وريال مدريد ولن يأتي قبل نهاية المباراة، واجتمع الاطباء المقيمين في الطابق وحاولوا الاتصال بالجراح دون جدوى، فاتصل أخي الاصغر علاء بمدير المستشفى حوالي الحادية عشر والنصف لأكثر من مرة ،حتى أجاب وأبلغه بحالة اخي حيدر الذي كان يصارع الالم وينازع الموت ،وأجابه بأنه سيقوم بإرسال الطبيب اليهم، وفي الساعة 11،50 دقيقة وصل الطبيب الجراح (ح ع ا) ليشهد وفاة أخي ،وقام بصعقه بجهاز الصدمات الكهربائية دون جدوى ،فأحاله إلى الطب العدلي وأدار وجهه وذهب، فخسر فريقه “البرشة” مباراته ونحن خسرنا أخينا”.
ولفت إلى أن “والدي أقام دعوى قضائية على الطبيب الجراح (ح ع ا) الذي أحال الجثة إلى بغداد لتشريحها وبيان أسباب الوفاة ،ونحن نخاف ان يكون هناك تلاعب بنتيجة التشريح فهو طبيب قديم ويملك علاقات واسعة ،وعند وصولنا إلى الطب العدلي في بغداد تولدت لدينا الشكوك من خلال حركة العاملين هناك وكلماتهم التي سبقت تشريح الجثة”.
وأشار حريجه إلى ان “طعنا سأقدمه ان شككت بنتيجة التقرير الوارد من الطب العدلي في بغداد، فالجراح يتحمل المسؤولية كاملة ،فبعد ان احاله من الطوارئ إلى العمليات كان من المفترض إجراء العملية له ،لا أن ينتظر المريض وهو بحالة حرجة طبيبه الخافر حتى ينهي الاخير مباراته ،على الرغم من اتصال العديد به ،ولو كان شقيقي مات في صالة العمليات لما تألمنا”.
وكان مدير عام صحة الديوانية السابق قد صرح في وقت سابق ان أخطاءً كثيرة تحصل في المستشفيات الحكومية ،لكن هذا لا يعني إغلاقها وان انتهاء التحقيقات كفيل بإرجاع ثقة المواطن الديواني بالمستشفيات الحكومية “مبينا” انه تم أجراء (7000) عملية جراحية في مستشفى الديوانية التعليمي عام 2007 ،وازداد العدد في عام 2008 ليصل إلى أكثر من (13000) عملية وهذا حصل بعد ما تم منع إجراء العمليات في المستشفيات الأهلية إثناء الدوام الرسمي وتحسن الأداء بالمستشفيات الحكومية ومتابعة ضعاف النفوس الذين يستغلون المرضى بأخذهم من المستشفيات الحكومية إلى الأهلية وقطع دابر السماسرة الموجودين في المستشفيات الحكومية من خلال المتابعة وشكاوى المواطنين الذين يتعرضون للابتزاز مما ولد ضغينة لدى المستشفيات الأهلية وقلة المرضى الذين يجرون العمليات فيها

78
الهجرة و واللاجئين / رد: siv siv siv
« في: 21:18 02/12/2013  »
و الله يا اخوان الشغلة تعبانة حيل او اني قابلت قبل كم يوم بس ما فحصت فحص طبي لان مكلف او من جهة ثانية اخاف افحص ونضرب بوري اني صاحب عائلة  ....شتكولون افحص لو لا لا لا لا لا لا لا لا لو انتضر يدزون ايميل يطلبون بيه الفحص وبهل حالة نكدر نحكم على السالفة ابخير....

79
وينك ابو الحروف اخوية اليوم الاعضاء كلهة مستعجلة على الردود ميسي  طول 37 دقيقة او متحمل  والاخ 14 دقيقة ويكول ماكو شريف ايجاوب شجاهة الناس شجاهة الناس اي شي ما الي اوية الناس .... شنو ماكو صبر  ??? ???

80
يا اخي انت منزل الموضوع وره 37 دقيقة تريد الاعضاء يجاوبوك !!!!!!!!!!!!!!! وفوكاها كاتب (( ما شاء الله شنو هلردود   ??? ))

عمي احنا نكتب مواضيع يومين و 3 وتبقى بدون ردود ومن يصير مجال للاخوان والخوات بعدين يجاوبون ..... انت بعدك بالبداية وهيج .... اتصورك ما تطول

تحياتي
تعال اخذلك راجدي فد نوب , اني مراح استمر لان ما عندي حاجة استمر بس هسه علمود صديقي ولو اني اللغة العربية لاغيها اصلا من الابتوب.
لك رد عدل بابا رد عدددددددددددل
والله يا اخي دوختني بالرد مالتك اني صارلي سنوات بالمنتدى مشفت هيج حالة او كل الولد والبنات مينوصفون او فوكاهة تتعالى على اللغة العربية؟؟؟؟؟؟؟

81
الله يساعدك اخوية  abulweew
والله اني متعاطف معاك واتمنة ان تجد من يقدم لك العون بعد الله في هذا المنتدى
بس ردت اعرف اشكد الفترة صارلك في امريكا وفي اي ولاية اي مدينة  والعائلة كم نفر..............

82
موقع وزارة الصحة في باب المعظم خلف مدينة الطب ومقابل الوقف الشيعي /دائرة صحة بغداد

83
مقابلتي  كانت يوم 26 اي قبل يومين ,القنصل كلي ما  انطيك ظمانات اتحصل على الفيزة لكن اوراقك راح تكون تحت المعالجة الادارية و احتمال يتمدد البرنامج كل الاحتمالات مفتوحة ...
انشاء الله نتوفق ونحصل على الفيزة

84
ابو ضحاوي لتضوج
انت سويت اللي عليك والباقي على رب العالمين
أمنياتي بالتوفيق
شكد كلولك المدن الي تنتظر بيهه ؟
سؤال ثاني
هم طلعت ضوجتك بأم ضحاوي؟
مو احنه من يصير شي رأسأ نذبهه برأس النسوان ;)
  والله يا محارب بقينة اني او زوجتي نبجي او نلطم للصبح خطية مثل حالي ضاجت .
اما عن سؤالك عن المدة نعم سالتة او جاوب انه ما راح ننطيك كارنتي اتحصل على الفيزة و احتمال يتمدد البرنامج

85
مرحبا شباب
اليوم قابلة siv وعتقد هذا شي طبيعي .الشي الموطبيعي الي صار بية في ليلة المقابلة وفي اثناء المقابلة
قبل يوم حضرت الاوراق والترجمة وووو الكثير الكثير من الاوراق او من ضمن هذه الاوراق الصور عدد 2 لكل فرد والقياسات المعتمدة 5×5  اني الصور امحضرهة للعائلة او ضامهة بالكنتور ليش ما تجي بنتي ضحاوي قبل يومين او تاخذ الصور مالتهة وتضيعهم اجيت بليل اريد اضع الصور بالجنطة يمعودين وين الصور مال ضحاوي خواتهة اعترفن عليهة كلتلهة بابا وين الصور كالت ضميتهن بالبيت  بابا وين بالبيت كالت انت دور عليهم او من تلكاهم كلي ,نبشت البيت نبش او ما لكيتهم ,هاي الحجي بيش الساعة صارت 12:30 ليلا زين وين اكو مصور ابهل وقت رجعت عليه مرة ثانية بابا طلعيل الصور ترة انروح الامريكا ونتي ما تروحين ويانة  او ما فاد ,تاليهة بقيت كاعد للساعة 3 صباحا واني المفروض اكعد الساعة 5  على العموم نمتلي ساعة وتصلت الساعة 4 ابنسيبي (اتخبل نسيبي) كتلة راح اجيك اطبع الصور يمك (سحبت اسكنر ) تاليهة وصلت للسفارة  امطفي او بالاسئلة خربطت بالتواريخ  مال العسكرية  والعمل حتى القنصل كلي انت فاقد الذاكرة ... هذا كلة ابسبب بنتي ضحاوي شتكولون هاي الخربطة بالتواريخ هماتين اتاثر على الملف  وحتمال يجي رفض ,  زين  الجماعة الي يسوون اعادة قسم  ليش ؟؟؟؟
اني اسف اخاف طولت بالحديث  شكرا

86
اعيوني اني رحت للدائرة بتاريخ 10-11-2013 وستلمتهة بعد مرور عشرة ايام  استلمتهم ,الموظفين جداً متعاونين تاخذ وياك استنساخات عدد2  لكل من الجنسية والشهادة الجنسية وبطاقة السكن او طبعا الاصليات هماتين وياك , او صور عدد 3  ميهم الحجم  ,او هنة كلهن شباكين او ياخذون طبع الاصابع العشرة او مبلغ 10000 لكل شخص , العنوان  قناة الجيش كانما جاي من المشتل او طالع باتجاه  مدينة الصدر  بالقرب من بانزين خانة القناة  اكو فتحة  او حرس موجودين طبعا اكو كراج جدن كبير اتخلي السيارة بي (بدون كراجية مجاني) او تدخل جوة اكو سيارات اتوصلك الى المكان الي اتريدة مجاني
ملاحضة :
ذكر احد الاخوة في موضوع  سابق انه اكو تحرش بالنساء الي يراجعن الدائرة ,من قبل الجيش او العاملين في الامن العامة ؟؟؟ ماكو هيج شي

87
اني مقابلتي يوم 26- 11-2013  ادعولي تصدر الفيزة قبل ما ينسد البرنامج

88
الله يكون ابعونكم المسافة بعيدة جداً ....
اني مقابلتي الاولى كانت يوم 10 - 10 -2013  او بيتي يبعد حوالي 10 كيلو متر عن مدخل الحارثية وتبهذلت بهذلة  اني و الاطفال الله يساعدكم
اني هماتين الموضف اللبناني اسمة عبد الرحمن خوش ولد كلي راح اعمل الفحص الطبي بنفس يوم مقابلة المحلفين علمود عندي اطفال .على العموم الله يتمم بخير عليكم وعلى كل العراقيين

89
ابو الحكم اعيوني اني اتخبلت حسبالي اكو فد فايل ينزل او كاتبة بيه معلومات عن امريكا
بس ما شاء الله تجربة الاخت كانت جدا مثيرة ...............

90
مرحبة اخوان
حددولي موعد مقابلة بس اني مدزيت تاكيد الموعد لان مكاتبين بالاميل هذا الشي عكس الiom طالبين التاكيد من خلال الاميل اللي دزوه
او اني بالصدفة وجدت موضوع لاحد الاخوة يتكلم عن موضوع التاكيد على الموعد.
ما ادري ارسل الهم لو لا خصوصا صار على استلام ايميل موعد المقابلة اكثر من اسبوعين
ارجو المساعدة اخوان مع الشكر الجزيل

91
((السلام على الحسين وعلى اصحاب الحسين وعلى اولاد الحسين الذين بذلو مهجهم دون الحسين ))
لا تستغربون اخوان من الكلمات الي بديت بيهة المشاركة مالتي (اقصد علاقتهة بالموضوع)
اليوم اني بقيت اكثر من ساعتين في ازدحام بغداد الجديدة  في منطقة الغدير بالتحديد خلوني اكره العراق وتمنيت ذيج الساعة الفيزة موجودة وطلع الى امريكة مشي مو ابطيارة يا ناس هذا بلد انتهة بمعنى الكلمة تدرون ليش صار ازدحام , اكو استعراض للمواكب (الزنجيل ) والناس اللي سادين الشارع هم اناس يمثلون القانون والازدحام  صاير ايضاً في شارع فلسطين وممتد الى مناطق اخرى ليش هوة ابو عبد الله مو رحمة للعالمين ليش اباسم القضية الحسينية اتسيأون للامام الحسين ابهاي التصرفات .....
يا اخي اتوكل على الله او سافر واتمناء لك الموفقية
وعذراً يا اخوان على الاطالة بالحديث

92
الف شكر الكم اخواني على المشاركة والتفاعل (الهجري) و (حيدر ) و (امين) انشاء الله راح اتوجه للفحص الطبي بس اكو سوال عندي الفحص الطبي اشوكت تطلع النتائج مالتة لان زوجتي امسوية عملية او متكدر تمشي الة قبل المقابلة ابيوم او يومين  او ايصير اكلهم اني راح افحص بعد اسبوع ودزة الكم بال DHL

93
اخي الكريم

لا تقلق لان انت فايلك مفتوح وحيستمر منح التاشيارت لكل واحد فايله مفتوح حتى بعد 31/ 12  اني استلمت منهم رسالة تؤكد ذلك واكيد انت استلمت نفس الرسالة فارجع اقرأها بتمعن
اشكرك اخوية امين على المشاركة ابصراحة ما عندي علم حول الاميل على العموم الله يبشرك بالخير.

94
السلام عليكم شباب
 اني في حيرة من امري عندي مقابلة يوم 25 من هذا الشهر اي بعد 17 يوم , او يتبقى  35 يوم على انتهى العمل في برنامج الsiv  حسب التمديد الجديد الي وقع عليه الرئيس الامريكي اوباما يعني فحص طبي ايكلف حوالي 700$  اضافة الى  العدم محكومية والامور الاخرى متعبة جدا تتوقعون اكدر اكون من ضمن الناس او الكيسات المعلقة واستطيع ان احصل على الفيزة اذا ما حسبنا عدد الايام المتبقية ما بعد المقابلة ارجو ان تساعدوني برأيكم اخواني الاعزاء.

95
والله يا اخي يا ابو الحكم كلامك صحيح بس اريد اعرف بعد التمديد الي صار بال sivممكن تكون السفر اقرب والحلول اسرع بس على حجايتك ماكو شي مضمون الله كريم.

96
مرحبا اخوان
اني عندي مقابلة اولى يوم الخميس القادم iom وايضاً امقدم على ال siv او حاليا املي الفورم ds-260 طبعا مستلم BGH وبصراحة اخوان اني اريد اسافر عن طريق الSIV الاسباب تعرفوهة بالنسبة للكرين كارت اوغيرهة من الامور وهم شي بالنسبة الي المقابلة تكون بدون اطفال يعني فقط اني او زوجتي خصوصاً اذا ما عرفتو اني عند 5 اطفال يعني بهذلة تكون في مقابلة ال iom. او ايضاً اختصار للتعب اقابل وفحص اهنا او بعدين اقابل وفحص اهنا  اني بالنسبة الي ما اريد اروح الى  مقابلة iom وستمر فقط على siv شتكولون ؟؟؟ او من جانب اخر خوما اتاثر مستقبلن عدما اتحول على iom عند السفر؟؟؟؟واذا انسوي مقارنة بين ما واصل الة في IOM  مع ما واصل في الSIV  منو يكون اقرب الى السفر ومضمون بالنسبة الى السقر  .
مع الشكر الجزيل

97
الحمد الله الف رحمة على والديك

98
اخوان شنو القضية ولا مشاركة ولا جواب ما كول غير اغنية كاظم الساهر (شجاهة الناس شجاهة الناس اي  شي ما الي وي الناس شجاهة الناس)  >:( >:( >:( >:( >:( >:(

99
والله ياخوان اتمنة فد يوم من الايام واحد يكتب موضوع ايكول بيه اني ورقت لل siv او طلعتلي الفيزا والله ارتاح اشو ناس 5 شهور او طلعت وكو ناس صارلهة سنتين وثلاثة او ماكو شي صدك ادوخ شغلتهم  ??? ??? ???

100
مرحبا اخوان بخصوص الفورمds-260 ما اعرف اشلون امليهة هل يتم التسجيبل بالموقع لان من ادخل على الموقع ماكو اي اوبشن اكدر اكتب بيه المعلومات فارجو من اصحاب الخبرة ان يساعدوني بهل خصوص و شكرا.

101
مرحبا اخواني اني اليوم استلمت ايميل يحتوي على فايل pdf اسمة I-797 ما اعرف شنو معناه ممكن معلومات عن الفايل
علماً اني قبل كم يوم استلمت ايميل يحتوي على الفورم  I-797C  ممكن تساعدوني
مع الشكر والتقدير الى كل اعضاء عين كاوة او يا رب يسهل على الجميع

102
مرحبا اخواني الاعزاء
اني امقدم siv او حاليا بالمرحلة الثانية ارسلت اوراقي الى نبراسكا عن طريق الاميل او حسب ما كالو الاخوان انه بعد يومين ايدزولك ايميل او ينطوك  الرقم لكن اللي صار دزولي مباشرة هذ الاميل
Your email has been received.  Please allow up to 10 days for a response. Thank you
:
ليش بعد عشرة ايام ؟؟؟؟؟؟؟

103
السلام عليكم اخواني الاعزاء اعضاء منتدى عين كاوة ارجو ان تقبلوني صديق واخ لكم انشاء الله
سؤالي بخصوص الفورم i360 قرات الكثير من المشاركات للاخوة القدماء منهم والجدد حول الفورم i360 لم اجد الفورم النهائي الصحيح حيث هنالك اختلاف من شخص الى اخر حول الفورم  ارجو ان تخبروني عن الفورم الصحيح او الرابط للفورم الصحيح حيث اني في حيرة من امري
وفي ما يخص الفورم i360 هنالك في البارت 3 الحقل المكتوب فيه co اي عنوان واسم الشخص في امريكا ،السطر يتوقف حيث لا استطيع ان اكمل العنوان عكس البارت رقم 1 والذي هو من المفترض ان يكون نفس الجواب في البارت 3 ، ارجو من لديه الخبرة في هذه الفورم ان يخبرني
مع الشكر الجزيل.

صفحات: [1]