ankawa

المنتدى الثقافي => زاوية الشعر الشعبي => الموضوع حرر بواسطة: ميسون نعيم الرومي في 20:38 09/04/2021

العنوان: طاح .. الصنـَم ..
أرسل بواسطة: ميسون نعيم الرومي في 20:38 09/04/2021
طاح .. الصنـَم ..
ميسون نعيم الرومي
 
ماكو ظلم .. طاح الصنم - اتحقق املنه والحلم
اعلگنه شـموع النذر– طشينه مسـقول او لـُقم
افرحنه فرحه امن العمر – ديمقراطي صار الحكم
والگـلب غـَـنـَّه وابتـِشـَـر– ماكو حرب جانه سلم
هـَـلهلنه وافرحنه فرح! – عالي رفعناه العلم
وابلحظه .. كلشي انگلب – ثاري الرسم موش الرسم
طلقوا اللحيه والشنب – لفـَّـت عمايمهه زلم
نسوان شفنه اتگبعت ! – ماندري شنهي الفلم !!
ثاريهه عدَّه للشغل – واعراقنه كلـَّه انهجم
ألف مليار اتفرهدت – مبروك حصتنه لطم !!
بلوه ابتلينه ياوطن – بغداد يحكمهه عجم
طاح الصنم طاح الصنم
----------------------------------------------
اهديها الى من تروق له
بمناسبة مرور 18 عام
على سقوط النظام السابق
-----------------------------------------------
ســـــــــــــــــــــتوكهولم
9 / نيسان / 2021