عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - عمر عراقي

صفحات: [1]
1
اليوم سمعت خبر اكيد انه اكو مواعيد سفر جديدة من عمان
يوم 11-1 موعد سفر
يوم 23-1 موعد سفر
يوم 26-1 موعد سفر
........................
بلكي يلوحنه السره .. انشلعت كَلوبنه  :'( :'( >:(
المهم حبيت انقل الكم الخبر وافرحكم.
ان شاءالله هاي السنة تكون خير علينا كلنه.
وبالتوفيق
اني اخوكم من جماعة 12-9 مؤجلين وللان انتظر نتيجة المحلف والفحص الطبي ادعولي حبايب


2
لفت انتباهي ان ولاية يوتا هي من الولايات التي لم تذكر هنا في المنتدى او لا اعلم ان فاتني انها ذكرت ولكن ليس بالقدر الذي
يمكننا ان نعرف كل تفاصيل تلك الولاية او على الاقل التفاصيل التي تهم اللاجئ هناك
اترككم مع بعض ما وجدت من معلومات عن تلك الولاية على امل مشاركاتكم وترك ردود تنفعنا جميعا .
............................
 تقع في غرب البلاد يحدها اريزونا من الجنوب ونيفادا من الغرب وأيداهو وويومنغ من الشمال وكلورادو من الشرق وعاصمتها سالت لايك سيتى وهي أيضا أهم مدنها ومن مدنها الكبيرة أيضا مدينة اغدن ويوجد في شمالها بحيرة سالت لايك ويجرى في اراضيها نهر غرين ونهر بلات الجنوبى وخلال اراضيها توجد جبال ووستش وتعتبر مرتفعات واستش تبلغ أقصى ارتفاعها 12000 قدم فوق سطح البحر وتمر من منتصف الولاية وتكسوها الجليد حوالي 500 بوصة في العام. تعتبر معقلا لمذهب المورمون المسيحي.
.....................
مناظر لدعاية سياحية لولاية يوتا
http://www.youtube.com/watch?v=lExoPqgJ4UY
..................................
اما بخصوص العمل هناك فقد سمعت من احد الاصدقاء انه متوفر وجيد
اتمنى المشاركة الفعاله لخدمة الجميع.

3
اخواني واخواتي اعضاء المنتدى
سلامٌ من الله عليكم ورحمةٌ منه وبركات...
(راح اطول عليكم بالمقدمه شويه الي ماله خلگ ينزل على الكتابة الحمره گبل) ;) ;)
سبب كتابتي للموضوع
انا الان اجلس مع صديق جديد تعرفت عليه قبل بضع ساعات فقط .
وكالعادة كانت جلستنا الغدائيه مليئه بالاسئلة المتبادلة لاسيما الاسئلة المتعلقة
(بـــساعة السوده) ..المنظمة طبعا..
وسبب تسميتي لها بهذا الاسم هو لان (نكته) قديمه من الزمن الماضي
استوقفتنا عند ذكرنا للمنظمة الهجرويه موضوع الحديث.
ولاضفاء لمسه من روح المرح والدعابة على الموضوع سأذكر لكم تلك (النكته)
وتدور احداثها في شوارع العاصمة العراقية اثناء فترة حكم احد الرؤساء السابقين
عندما سئل احد السائحيين دليله العراقي عند مرورهم بشارع المتنبي عن اسم تلك الساعه
الرائعه الشاخصه في سماء بغداد فاجابه الدليل انها تسمى (ساعة القشله)
وعند مرورهم بجوار ساحة الاحتفالات سئله عن اسم تلك الساعه الكبيرة الموجوده بجوارهم فاجابه الدليل
هذه (ساعة بغداد) وعند مرورهم باحدى الجداريات الكبيرة لاحدى صور ذلك الرئيس فسائله ماهذه؟
فاجابه باللهجة العراقيه (هذي ساعة السوده) ............................ مجرد نكته منريد ندخل بنقاشات سياسيه ((((مطلقاً)))) ;)
هسه ندخل بصلب الموضوع
سئلني صديقي عن الموقع مال IOM وعن مدى مصداقيته وشنو فايدته
واني جاوبته كالاتي .. اما عن الموقع فهو رسمي ومعروف واما عن مصداقيته
فلأنه رسمي يجب ان تكون معلوماته صحيحة ولكن بالمقارنة مع سمعة المنظمة
(المشكورة لجهدها طبعا) والمعروف بتناقضاتها في اعطاء المعلومات ...الخ
فهنا اصبح لدى الكثيرين شك في ذلك الموقع الرسمي والصريح .
واما عن الفائدة فهي لاتتعدى توفير جهد ارسال ايميلات وتوفير مال الاتصال
واختصارها بمتابعة الملف عن طريق الويب سايت .
واخبرته عن وجود بعض الاشخاص الذين يتحدثون عن (خربطه) في معلوماتهم والعهدة عليهم (انا لا اعلم مدى المصداقية) .
وهنا اخبرني بانه سجل اشتراكا قبل عشرة ايام تقريبا ولكنه لم يتابع ايميلاته ليعرف ان كان قد تفعل ام لا.
المهم فتح ايميله ولكه رسالة التفعيل واصلتله قبل اسبوع تقريبا وفعلنه الاشتراك ودخل وشاف معلوماته كالاتي.
.......................................................
Case Status (حالة الملف)   ACTIVE (فعال)   
Case Size (عدد الأفراد)   نفرين كباب ونفر معلاگ نص ستاو .!!
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)   Pending (بالانتظار)   
Travel Status (حالة السفر)   Pending (بالانتظار)   
......................................................
هو من جماعة استلام ضرف موافقة المحلف بشهر 3 - 2011.
ودينتظر الفرج .
وبالمقارنة مع ما موجود عندي من معلومات وهي كالاتي .
(هذا ملفي)
......................................................
Case Status (حالة الملف) HOLD ( مُعٌلقة) 
Case Size (عدد الأفراد)   نفرين تكة ونفر كباب .
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)      
Security Review (التشييك الامني)   Pending (بالانتظار)   
Travel Status (حالة السفر) NO ACTIVITY (غير فعال)
......................................................
واني من جماعة استلام ضرف المحلف 12-9-2011 .
.................
حبيت اطرح هذا الموضوع نريد نعرف منو HOLD ومنو ACTIVE
وشنو الفرق بيناتهم (ان وجد فرق) وشنو تفاصيل مقابلاتهم (اذا ميخافون من العين طبعا)  ::) :o ;D ;D ;D
حتى نسوي فد مقارنه نسبيه بين الملفات بلكي نوصل لنتيجه حتى لو نقنع نفسنه بيها
واتمنى تكون مساهماتكم جديه والنقاش يكون واقعي وهادف .

4
ما اعرف جماعة استلام الضرف يوم 10 ويوم 12 الي بلغوهم بورود موافقة المحلف وكملوا فحص والي مابلغوهم
وينهم؟
بس لا كلكم سافرتو ؟؟؟  ;D ;D ;D ;D ;D
تعالوا حبايب ادري بيكم نايمين خلونه نتناقش بأخر الاخبار ....

5
اتقدم بجزيل الشكر والتقدير والاحترام للاخ والصديق العزيز (عبادي)
على وقفته الاخوية الرائعه وسعيه لفعل الخير دون التفكير بمصلحه او نفع شخصي
علما اننا تواصلنا هنا ومن ثم عن طريق التلفون واني لم التقي به شخصيا الا من فترة قصيرة
وما ان سئلته عن رأيه في مشكله قد حصلت لي حتى وجدت فيه كل العون والمساعدة
وكان له الفضل بعد الله بحل معظم الاشكال فما كان مني الا ان اقف حيرانا لا اعلم كيف اتقدم له بالشكر
وكيف اجزل شكره على وقفته تلك .
فلك مني كل الاحترام ايها الاخ الغالي والصديق العزيز .
كفيت و وفيت وكسبتني اخا وصديقا ومهما فعلت لك لن استطيع ان ارد لك الدين الذي احمله لك
فجزاك الله كل خير ووفقك في مسعاك وبارك لك في حياتك كلها وسهل لك سفرك واستقرارك عاجلا
في المكان الذي تحب ومع من تحب يا اصيل يا ابن الاصول.
..............
..............
اخـــــوك الممتــــــــن
عمــــــــــر عــــــــراقي

6
السلام عليكم
اخوان منو عنده تجربة سابقة بهذا الموضوع مال استخراج جواز بدل ضايع اتمنى يفيدني
اعرف لازم اسوي بلاغ بمركز شرطة وبعدها اعلان بالجريدة بس هم يحتاجون كتاب من الداخلية
علما اني غير مقيم.
لو ماكو حاجه؟
اني الي عرفته الجواز بدل التالف اصدارة فقط من بغداد يعني الي يتلف جوازه ماعنده غير العوده الى العراق
وبدل الضايع يصير من السفارة بس اريد استفاد من تجربة اي شخص مر بهذه التجربة
واريد اعرف التفاصيل .
مع تمنياتي للجميع بالتوفيق وديرو بالكم على جوازاتكم يمعودين
تره الجواز العراقي!! .... حسبي الله ونعم الوكيل.

7
احد الاصدقاء الذين قابلوا محلفين بيوم 9/8/2011 قابل محلفين هو وعائلته
وبنفس اليوم كان اكو رحله وبيها اكثر من 20 شخص رايحين للخالدي وماخذين الحباية
ومستعدين للرحلة بذاك اليوم .. حبيت ابشر الجميع
وان شاءالله يوم النه نروح نضرب الحباية وناخذ  الفيزا ونشلع لبلاد الامريكان.

8
مساء الخير على الجميع
عندي صديق صارله شهر ونص من استلم الضرف بنهاية شهر السادس
والنتيجه كانت قيد الدراسة
وهو يعيش بقلق وتفكير مستمر ولا يعلم مايفعل .
بالبداية اريد اعرف اذا اكو احد عنده معلومات عن السيناريوهات المحتملة
بمسئلة التأجيل او قيد الدراسة يعني هو يكول المحلف كان جيد بالتعامل
ولكن الظاهر انه كان قاري القصة بشكل جيد جدا بحيث من يسئل سؤال
بمنتصف الجواب يقاطعه ويسئل سؤال اخر ولم يدعه يكمل القصة
يعني ماسئله عن القصة كامله يعني عنده حادثة بنهاية قصته مسئله عليها..
المهم نتيجته بالاخير كانت قيد الدراسة وهو يريد يعرف شنو الاسباب الي تأدي
الى هذي النتيجه .
[/b]

9
بخصوص مواضيع اخونه الورد rayanchase عن الاشباح والجن والبيوت المسكونه هالايام مشتغلنه بيها ما اعرف يريدنه نغير جو لو نتعود على هاي الاجواء الرومانسية  ;D ;D طبعا احنه بالعراق صايرين اتعس من الطناطله خصوصا الظهريات ودرجة الحرارة شويه جوه الــ 60 درجة
وكهرباء ماكو والحياااااااااة بمنتهى الروعة بس حبيت الطف الجو وانقللكم قصة العراقي مع الاشباح  ;D :D ;) :)


اكو عراقي مهزوم من مصايب الحرب راح لبلد عربي...يدور على شقة...فد واحد ابن حلال حصله شقة باجار رخيص العراقي كال الشقة اخت البلاش ..قبل بيها واجرهه وصاحب الشقة كله : شقة رخيصة بس بيها عيب واحد بيها جني..فالعراقي كال ميخاليف...سكن العراقي بالشقة وراح جابله مشروب وكعد ديحتفل طلعله الجني شاف الرجال وحده كاعد بالشقة راح عليه سوه عيونه حمرة وطلع دخان من اذانه وسوه صوته مرعب وراح ع العراقي كله مرحبا خالي ممكن جكارة؟؟؟
العراقي باوع عليه وانطاه جكارة .. ورجع للشرب ويدك داخل حسن  :)
رجع الجني يم ربعه وسولفلهم ع العراقي وكال اخبله يعني اخبله الا اهججه من الشقه رجعله بس شنو شلع وحده من عيونه و طير اذاناته ثنينهم وشك بطنه ودندل مصارينه بالكاع و هالمره بدون سلام گله فد جكارة بلا زحمه رفع راسه العراقي باوعله شويه وطلع جكارة من الباكيت وانطا .!!!! الجني هنا اتخبل رجع لجماعته گلهم اني بحياتي مشايف هيجي بشر بس هاي المره لو اني لوهو بالشقه ورجع للعراقي بس هالمره صلخ جلده كله وطلع اللحم والعروك والعظم والدخان يطلع من عيونه واذاناته وخشمه وحلكه وبصوت مرعب ومخيف جدا صاح على العراق (انطيني جكاره) .......... العراقي المسكين وين ميروح تطلعله مصيبه .....
رفع راسه العراقي وبقه صافن على هذا الجني ومنظره المرعب المخيف ... وقال للجني ..
( حبيبي انته مملاحظ الجكاير دتأذي صحتك ؟؟ وره كل جكارة دتجيني متخربطه احوالك ليش متعوف الجكاير تره تموتك!!!!!)
الجني كله اعوف الجكاير ؟  لا حبيبي راح اعوفلك الشقه والولاية والدنيا كلها  ;D ;D ;D ;D ;D
يعني اتصوروا تالي عمرنه يجي جني يريد يخوفنه ههههههههههههه

10
طبعا هذي العجائب والغرائب موجوده بس بالعراق والي يميزها اكثر انها من رحم الالم والدمار
الله يعين العراقيين .



هذا راتب شهر مال عضو برلمان ... طبعا من غير المخصصات  ;D :D ;)



ميحتاجلها تعليق هاي الصورة ;D ;D



هاي مشكلة الالماني يوگف بالحماوه .. واحنه الحرارة عدنه فوك الخمسه وخمسين درجة يعني حتى الدبابة تنصهر   :P



هذه كهربائي ...........  :'( :'( ............



منو يعرف حجم البوري الي ماكله هذا السايق واله جائزة قيمه ... قيمه وتمن  ;D ;) :D



عمو شرطي المرور ..... شگـــــد شريييييف ...... بس هذا صدك ابن حلال



من تطلع امنياتنه عود هذا العينتين راح يلگي الواير مال بيتهم  ??? 8) :o



الحجي فرحان بالجواز خطيه ميدري جواز غانا وبوركينا فاسو  احسن منه  :'( :-\



وهذا غداكم يله حبايب تشريب باميه او ما يسمى بالعراق بــ(ثريد البانيه)  ;) ;)




تحياتي للجميع واشوفكم بخير






11
يحلالي العتب ياوطــــن وياك ... لان بس الاحبهم عاتبتهــم
وتدري شگــد احبنك واهواك ... بگـد ناسك الفقره العذبتهم
بصغري گالو اطلع تره يأذيك ... وصدگ اذيتني وما صدگتهم


الحلفي 2007
........

بين الصباحات والاماسي نتقلب في الدنيا وندعوا الله
ونرجوه ان نكون و احبتنا بخير وسعادة .


كيف حالكم جميعا اتمنى ان تكونوا على خير مايرام.


أكاد اسمع النخيل يشرب المطر ..
وأسمع القرى تئن ، والمهاجرين ..
يصارعون بالمجاديف وبالقلوع ..
عواصف الخليج ، والرعود ، منشدين ..
مطر ..
مطر ..
مطر ..
وفي العراق جوع ..


السياب 1954
........

وانا اقول .

في العراق خوفٌ ودمٌ وتهجيرٌ وقهرٌ ودموعٌ وجـــــــــــــــوع
لم يعد هاجسنا الذي يشغل تفكيرنا ويستنفذ عقولنا
لم يعد الجوع شغلنا الشاغل والطعام منتهى مبتغانا وحلم اطفالنا
اصبحنا بلا مأوى بلامنجى وبلا احلام بلا معنى اصبحت حياتنا
اصبحنا \\ياسياب// بلا وطن.
بلا وطـــــن اصبحنا. انت على الاقل كنت ترى النخيل ونحن الان لانراه
كنت ترى الخليج ونحن لانراه وترى دجلة ولانراه ولانريد ان نراه وهو اسود كلون القيح والبارود.
نهرب من الواقع ونتشبث بالاوهام وفي العراق مطـــر ومطـــر ومطـــر ونحن نبحث عن شربة ماء
تروي بعض ضمئنا .
لم يعد للمال والترف معنى كما كنت تظن ياشاعر الفقراء فما فائدتها ونحن بلا وطــــــــن !!!
..........
و من منا لايريد ان يسمع النخيل وهو يشرب المطر ولايعكر صفو هذه اللحظات صوت انفجار مفخخة
او قنبلة ناسفه او اطلاق نار ...


أكادُ أسمعُ العراقَ يذخرُ الرعود
ويخزنُ البروقَ في السهولِ والجبال

........

فمتى تطلقها ياوطني رعودا وبرقا تنتفض وتنأى بأرضك عن جهل وتخلف الاوباش تسحقهم وتمحي اثارهم
كما ثمـــــود .


لم تترك الرياحُ من ثمود
في الوادِ من أثر

........

وتغتسل من رجسهم ونجسهم بزخـــــــــــــة مطــــــــر....


..............................................................

واعتذر عن مأساوية الطرح ولكن لم يسعني الا ان اكون كذلك. واتمنى ان اكون مخطئاً .

..........................
مانقلت من شعر كان ازرق , والباقي هو مانضح على وجه افكاري البخيلة
فياليتني ما اجدت وياليت اقلامي ماكتبت وياليـــت وطني مارحــل


كتبت هذا الموضوع في قسم الهجرة واللاجئين وارتأيت ان انقله هنا لاطلاع ومشاركة اوسع.

12
مرحبا
شباب وبنات وكافة اعضاء منتدى الهجرة واللاجئين هذه اللعبة
اعتقد واضحة من العنوان ولكن لاضرر بشرح بسيط.

حبايب يعني اي واحد راح يكتب اسم اغنية معينة والعضو الي بعده
يكتب اسم المغني صاحب هاي الاغنية
واسم اغنية جديدة حتى تستمر اللعبة.
اتمنى ان تعجبكم .
واني راح ابدي اللعبــــــــــــــة


اسم الاغنيــــة

ممنوعة انتـــي

13
اخواني واخواتي اعضاء منتديات عينكاوا الاعزاء
ارجوا من جميع الاعضاء المشاركة في هذا الاستفتاء
وارجوا من الادارة وخصوصا الاخت انجي المتابعة معنا
لغرض اتخاذ اللازم . والتقدير للجميـــــــــــــــــع
الموضوع هو ان كثيرا ما يكتب اخواننا في المنتدى مواضيع حول اغلاق برنامج التوطين
وايقاف استقبال المقدمين على التوطين لاميركا وغلق او ايقاف مؤقت او دائم لمنظمة IOM
وما الى ذلك من كلام لا يغني ولايسمن حسب تقديري.
يعني بالمختصر المفيد خلينه نفرض ان هذا الكلام صحيح شنو راح نسوي؟
مثلا نكدر نسوي شي يمنع اتخاذ مثل هذه القرارات؟ طبعا مستحيل.
لو نكدر نخليهم يتراجعون عن مثل هذه القرارات واحنه كاعدين نكتبلهم معاناتنه بالانترنت؟
يا اخوان والله واقسم بكل ما تصدقون به هذه المواضيع لاتنفعنا بشيء ولا تفيدنا
بل انها تزيد القلق وتدفعنا لليأس وتضاعف التفكير والتشويش على عقولنا .
والله يا اخواني اي واحد يفكر لحضة بالموضوع ويخلي نفسه بمكاننه راح يعرف شكد دنعاني
وننتظر ونعد الايام والساعات والدقايق ومع كل رنة تلفون نستبشر ونتأمل ان هذا الاتصال الي راح يغير حياتنه
نحو الافضل يا ناس ارجوكم الكف عن مثل هذه المواضيع حتى وان كانت صحيحه او كانت مجرد اشاعه
..
واذا كانت صحيحة فبالتأكيد سنعرف عند مراجعة المنظمة او سيبلغونا ذلك بأتصال هاتفي على الاقل
او عند مراجعتهم او بأي طريقة المهم انهم سيبلغون الجميع بذلك ولن يغلقوا منظمتهم ويهربوا لانهم باختصار لن يكونوا
خائفين بل انهم يطبقون قوانين الهجرة وليس بيدهم شيء سوى تنفيذها .
او ان كانت اشاعة فأظن انه من الجهل نقل اشاعة قد تحتمل الكذب بنسبة 90%
او انها كذب 100% .
ارجوكم جميعا ان تراعوا مشاعر العراقيين المظلومين الذين تظرروا في بلدهم وفي دول الجوار وتحملوا
الكثير من الويلات والمصاعب ويعيشون منذ ذلك الوقت على امل الهجرة والبدء بحياة جديدة لهم ولاولادهم
حياة بسيطة تكفل لهم حقوقهم كبشر في دولة توفر لهم تلك الحقوق الانسانية وتوفر لهم الامان والحياة الكريمة.
واتمنى من اي اخ عايش باميركا او بأي مكان وما حاس بمعاناة الناس الي كاعده تنتظر الامل (وطبعا هناك الكثير من اصدقائنا واقاربنا هناك ويشعرون بما نشعر او مروا بنفس الموقف)
اتمنى انه لايتلاعب باعصاب الناس المساكين الي مو ناقصين الم وعذاب وان يتمنى لهم الخير او يكتفي بالسكوت وعدم
نقل الاخبار السيئة التي لاتنفعه ولاتنفعهم ولاتنفع احد سوى اطراف لاتريد للعراقيين المشردين في العديد من الدول الاستقرار
والحياة الكريمة..
وارجوا تقبل موضوعي ورأيي حتى وان كان لاينسجم مع تفكير البعض من الاخوان . وشكــــــــرا
[/color][/size]

14
اخواني واخواتي الي مسجلين على UN بهاي السنة  وقابلو مقابلة توطين
ارجوا كتابة تفاصيل المواعيد والمقابلات والاجراءات اذا امكن مع امنياتي لهم بالسفر
والتوفيق

15
يقال هذه الايام بأن هذه السنه 2010 ستتغير فيها الكثير من الامـــور المتعلقة
بمسألة التوطين والاجراءات التي تسبق السفر من مقابلات UN و IOM
ومقابلة المحلفين والفحص الطبي والموافقة الامنيـه و الدورة التثقيفية الى موعد السفر
ان شـــــاء الله.
الموضوع فقط حتى نستفيد من خبرة بعضنا البعض يعني لتبادل الخبرات والمعلومات
حتى نشوف مواعيد المقابلات بهذي السنه صدك تغيرت وصارت اسرع من السنوات الماضيه
ام لا . وارجوا من الاخوان عند قرائتهم لموضوعي ان لايشحوا علينا وان يكتبوا تواريخ مقابلاتكم مشكورين
والترتيب راح يكون كالاتي:


.مكان التقديم   ..   الدولة .. (          )
.عدد الافــــراد  ..   (عائلة) او (شخص واحد)

نــــوع المقابلـــــة ــــــــــــــــــــ  التاريــــــــــخ

1- مقابلة اولى        ـــــ      /     / 2010
2- مقابلة ثانية        ـــــ       /     / 2010
3- مقابلة توطين      ـــــ       /     / 2010
4- IOM                ـــــ       /     / 2010
5- محلفين            ـــــ       /     / 2010
6- استلام الضرف      ـــــ       /     / 2010
7- فحص                ـــــ       /     / 2010
8- الموافقة الامنية      ـــــ       /     / 2010
9- الدورة التثقيفية        ـــــ       /     / 2010
10- موعد السفر          ـــــ       /     / 2010

................................................
مع امنياتي للجميــــــــــــــع بالتوفيق والسفر بأقرب وقت
واطلب منكم ان تدعو لي كذلك.
مع امنياتي القلبية.
اخوكم عموري
.

16
حبايــــــــــــــــــــب حبيت اجدد الروح المعنوية بالنسبة للاخوان الي مقدمين من شهر الثالث (اذار) 2010
الى اليوم الذي ينتهي فيه الموضوع او يسافر الجميع او لنقل الى نهاية هذا العام
لاسباب عدة اهمها ان اكثر المواضيع المشابهه هي قديمة وان الوضع الحالي يختلف عن السابق
من حيث الوقت والطريقه في المقابلات . وبالتأكيد فان الجميع سيستفيد حتى الاخوان القدماء.
واشكر مقدما الاخوه الذين يساهمون في تجديد وتحديث معلوماتهم كلما استجد اي شي لديهم
نطمح لفائدة الجميع.
حبايــــــــــــــــــــــــــــب

17
حبايب بالنسبة الي مسجل جديد وبالمقابله سألوه عندك احد بأميركا؟
راح يجاوبهم مثلا عندي صديق او قريب او لايوجد  لديك احد مثلا.
هاي معروفه بالنسبه الي بس سؤال هو:
اذا توجهلك مثل هذا السؤال وكان الجواب انه عندك صديق بكندا
فهل يساعد ملفك على التحول اذا تمت الموافقة الى كندا؟
ام لا؟
وهل يجوز في المقابلة الثانية ان ان تقول بأنه لدي صديق يكفلني في كندا
وهل تؤخر اجراءات التزطين والسفر ام هو موضوع عادي وكل شئ يسير بشكل طبيعي؟
مع حبي للجميع

18
حبايـــــــــــــــــــــب عندي صديق صار اكثر من 5 سنوات مشايفه وبعد البحث الطويل
والمعقد كدرت احصل ايميله من صديق اخر في الفيس بوك المهم الموضوع هو
ان هذا الصديق له عمته في دولة اوربيه معينه وتحمل جنسية تلك الدوله.
وبعد ملحة صديقي على عمته ان تشوفله جاره حتى تسحبه
كانت تقول ان الامر صعب الى ان اتصلت به في احد الايام (قبل سنه ونصف تقريبا)
وقالت له انني استطيع ان اسحبك انت وعائلتك بطريقه وضع محامي وبالتعاون
مع احدى المنظمات (وطبعا المحامي يريد فلوس) ولحد الان الولد راسل لعمته
20000 دولار (دفترين) ويوميه تتأجل شغلته واللافت للنظر انه الولد ماشايف اي ورقه
رسميه اوغير رسميه تخص شغلته وكلما يسأل عمته تكوله انته معليك اني ارتبهه
واجيبك (لجوء). شنو رأيكم من خلال قرائتكم للموضوع .علما ان الولد خطيه متبهذل
بعمان وهسه انتقل لسوريا وحالته جدا صعبه وانتظار وصرف فلوس وفوكاها عمته ماخذه منه دفترين تقريبا.
يعني اكو هيجي صيغه انه تخليله محامي بذيج الدوله وهيه تراجع المحامي واكو هيجي منظمات
تساعد اللاجئين وتسحبهم . لو العمه قفاصه ودتسحب فلوس من ابن اخوهه بدون متسوي شي؟
والله صدك حيره هذا الموضوع يعني اني من حجالي الفلم حاولت افسره لكن دون جدوى.
ارجو  منكم حبايب ان تنطوني بعض المعلومات عن هذا الشخص واني خليته يقدم على un لان هو
كان خايف يقدم وتتأثر شغلت عمته (الحجيه) والله اذا طلعت الحجيه قفاصه تصلح تصير فلم هوليودي
هاي القصه.
وشكرا حبايـــــــــــب
وقبلااااااااااااااتي للجميع

19
حبايـــــــــــــــــــب شلونكم وشلون صحتكم وشلون الاهل ان شاءالله بخير
المهم الموضوع شنو
حبايب مره ثانيه نريد نعرف منو من الي موجودين هنايه او الي يعرفهم احد الموجودين
صاحب اسرع سفرة بالعراقيين يعني نريد نعرف حتى نفرح (طبعا يشمل المسافرين او الي ماخذين موعد رحله) ..
وحتى نرجع نقلق  مره لخ نريد نعرف منو صاحب ابطئ ملف يعني يعني المسافرين وغير المسافرين.
واتمنى ان اكون توفقت بطرح مثل هذه الفكره .
ولكن لزيادة المعلومات والالمام بكافة التفاصيل
وقبلااااااااااااااااتي لكم حبايـــــــــــــــــب

20
حبايب عندي واحد من الاصدقاء الي التقيت بيهم بعد سنوات
وبعد ان كلمتهم عن هذا المنتدى الرائع طلب مني ان استفسر له
من حضراتكم عن موضوع وهو انه منذ سنه مقدميله في احدى الدول
الاوربيه من قبل احد اقاربه . يعني محامي وماشي بالشغله بس يكول
اخاف متصير فيصير اقدم على اليو ان توطين يعني اذا وحده مصارت فبلكي الخ
تصير. شنو رأيكم حبايــــــــــــــــــــــــــــــــب ;) ;)
مع حبي وقبلااااااااااااااااااااااااااتي

21
حبايب اني مقدم جديد على اليو ان طبعا اني احب اسئل سؤال مو الا اني استفيد
حتى لو يستفيد غيري طبعا اني راح اكون سعيد وفرحان ( للعلم سعيد فرحان هذا مو اسمي مجرد وصف لمشاعري) ;D
المهم حبايب
اريد اسئل سؤال الي يقدم شهادة وفاة ابوه او ابنه مثلا وهو احد ضحايا القتل العشوائي في العراق
هل هذا يزيد من فرصة قبول توطينه واسراعه؟ ???
مع حبي ياحبايب
قبلااااااااتي للجميع ::)

22
اني مقدم جديد على un ادعولي اول مره حبايب وقبل يومين التقيت
باقار لي من بعيد عزموني على الغده فرحت اركض لان صارلي هوايه
مماكل اكل مال بيت (صارلي شهر تقريبا ).. حيييييل هوايه!! ومادري شكد راح ابقه على هالحال؟
المهم موضوعنه هو
الناس (اقاربي) همه عباره عن رجال كبير (عجوز) وزوجته (عجوزة)
وابنهم مواليد 89 ..
الرجل سئلني سؤال  همه مقدمين قبل 3 اشهر حسب قولهم وطالعلهم توطين ومقابلين بس محلفين بعدهم
السؤال هوه هذا الرجل مقدم ورقه رسميه
صادره من دائره حكوميه عراقيه ومختومه وموقعه وكامله (يعني صحيحه وبيهه رقم وتاريخ)
بس هوه شمسوي الاخ هوه وابنه(................. تم حذف بعض الكلمات لضمان السريه الشخصيه ...........) بمحافظه الحله(مدينتهم الاصليه)
يطلبون نسخه من هذا الكتاب ومن الدائره الي .
يعني هيهمابيهه شي موزين بس همه مسوين نفسهم (منتهين)
و حتى اليقرا الورقه يبجي من القهر عليهم.
وعدت هذه العائله ان اسئل الهم على هذا الموضوع لان همه يكولون المن نسئل ومحتارين.
همتكم شباب واذا اكو واحد يورقلي (اعلسله العائله) واني الممنون.
هههههههههههههه.
بوسااااااااات  هوايهههه الكم حبايب

23
حبايب اني سبق وسألتكم عن صديق العزيز والي مشتغل مقاولات مع عدة شركات اميركيه
ويريد يقدم من عمان بس يريد يعرف شكد الوقت تقريبا الى ان ينطوه موعد السفر....
يعني الشغله كلهه يمنتا ويسرتا واسفلا واعلوا يعني كلها تقريبـــــــــــــــــــــا شكد الفتره التقريبيه
يعني بين 9 اشهر الى سنه مثلا او اقل او اكثر .
مع قبلاتي وتقديراتي للجميييييييييع

24
صديقي بالعراق يريد يجي للاردن ويشتغل مقاولات من قبل 5 سنين ولحد الان مع الامريكان
ويريد يقدم على IOM بالاردن لان اني اليوم خابرني وكتله حبي يكولون من الاردن اسرع
من بغداد فكال مو مشكله اجي للاردن اقدم بس عنده سؤال واني مكدرت اجاوبه لان معندي معلومات
يكول اذا قدمت SIV من الاردن يصير اروح وارجع للعراق بحكم شغلي وللعلم هوه خطيه يوميه بمكان
من وره التهديدات بس شيسوي اذا يعوف شغله يموت من الجوع وهوه عنده عائله يعني مو مثلي عزابي.
شنو رأي الحبايب بالمنتدى ..؟

25
حبايب بالنسبة لموضوع قبل سنة تقريبا انطرح بالاوساط العراقية بالداخل والخارج
وهوه موضوع الجواز الليبيري والغيني وهل هذا الجواز صدوك صحيح وهل بعده
مستمر الشغل عليه وبيش صار هسه وهل تكدر تطلع بي لدول الخليج ولفرنسا بسهولة (فيزة كاونتر) يعني بالمطار؟
وبيش يتحصل بالسوك هالايام ..؟؟
مع التقدير

صفحات: [1]