ankawa

منتدى الهجرة واللجوء => الهجرة و واللاجئين => مواضيع الحياة العامة في بلاد المهجر (امريكا) => الموضوع حرر بواسطة: عراقي جديد في 14:31 13/06/2012

العنوان: استفسار الى الاخ ابو قمر
أرسل بواسطة: عراقي جديد في 14:31 13/06/2012
الاخ العزيز ابو قمر ......

مساء الخير حسب توقيت العراق

طبعا مواضيعك الي تنشرها بهذا المنتدى والي كلها مفعمة بالروح الايجابية شجعتني  ان اكتب لك مباشرة من خلال هذا المنتدى عسى ان تعم الفائدة على الجميع

انا مقدم على iom  وربما اسافر لامريكا - ولاية كاليفورنيا -خلال الشهور القادمه باذن الله وحبيت اسالك مجموعة اسئلة:

1-انا حاصل على بكلوريوس علوم حاسبات ومعدلي 61 بالعراق ........وطموحي بعد ما استقر بامريكا ان اقدم على الماجستير .....هل يقبلون معدلي بالماجستير ؟ واذا ما يقبلون شنو الطريقه الي اكدر من خلالها ارفع معدلي .....ادرس مواد اضافيه لو شنو ؟

2- اذا فرضا دخلت دورات للتخصص بقواعد البيانات  او تصميم المواقع مثلا اكدر افتح مكتب خاص  الي ؟ لو الاجراءات صعبه ؟  وما اكدر انافس الشركات الموجوده ؟

 عموما  انا عندي طموح اكمل دراسه بارض الاحلام........ارجو الاجابة مع الشكر ......

ملاحظة : اي واحد من الاخوان عنده معلومه  يكدر يساعدنا
العنوان: رد: استفسار الى الاخ ابو قمر
أرسل بواسطة: BraveHeart777 في 04:26 14/06/2012
اخوية العزيز

1- بالنسبة للجامعات لتخاف .... صحيح الجامعات القوية تريد معدلات عالية بس اكو هواية من الجامعات ميركزون كلش عالمعدل (مثلا اكو جامعات تقبل اكثر من 90% من المتقدمين) ... بس هم رح يطلبون منك (عالاكثر)  امتحان توفل و جي ار اي.

2- حاليا اقوى شي ماشي بالحاسبات و عليه طلب مخييييف و رواتب عالية هو Software engineering فاذا تكدر تتخصص بي فهذا لوز... وايضا شغل الشبكات مثل السيسكو و غيرها...هم مطلوب هواية, ودورات اكو هواية بهالسوالف بس احيانا تكون شوية مكلفة.

بالنسبة لفتح شركة فهنانة الاجراءات سهلة واصلا يشجعوك و يكيفون عليك... بس  اذا انت ممشتغل بامريكا وما عندك ألمام و خبرة كافية بالسستم و  طريقة الادارة و التسويق و الضرائب و بتفاصيل العمل وغيرها .... ف راح تنضرب "بوري" معدل بكل سهولة , للذلك يحتاجلهة  شوية وكت بس ممكنة للي يسعى الها.

اتمنالك التوفيق

اخوك بريف هارت

 
العنوان: رد: استفسار الى الاخ ابو قمر
أرسل بواسطة: ابو سمر في 21:51 18/06/2012
الاخ ابو قمر مدري وين
الله يكون بعونه وين ماكان
والاخوان هنا ميقصرون وياك ان شاء الله
العنوان: رد: استفسار الى الاخ ابو قمر
أرسل بواسطة: صياد الاسود في 14:02 23/06/2012
للرفع
العنوان: رد: استفسار الى الاخ ابو قمر
أرسل بواسطة: ميخالف في 03:21 25/06/2012
تحياتي واحترامي للاخوة كلهم  ..... بس والله ضايعين بلا ابو قمر
العنوان: رد: استفسار الى الاخ ابو قمر
أرسل بواسطة: ORCA في 12:31 27/06/2012
صحيح
العنوان: رد: استفسار الى الاخ ابو قمر
أرسل بواسطة: mr alaa في 12:48 27/06/2012
السلام عليكم
بالنسبة للاخ ابو قمر غايب عن المنتدى من فترة طويلة
بالنسبة للدراسة تكدر اول ما توصل راح تسوي امتحانات الي هيه
اول امتحان
GED الي يعادل شهادة الثانوية
طبعا راح تكول اني عندي بكلوريوس شسوي بالثانوية
لان شهادة GED  من الاوراق الاساسية عند تقديم لاي جامعة
وراهة تسوي امتحان انكليزي ورياضيات اخر
ويشوفون مدى قدرتك بالامتحان  للمادة الي مقدم عليها دراسة
ان تحتاج الى دروس اضافية او اخرى
وبعدها تقدم امتحان لمعادة الشهادة


اما بالنسبة للعمل
فهو اشبة بعلمي حاليا شركات استضافة سيرفرات وتصميم مواقع
الي اعرفه صعبة هناك تنافس شركات
خصوصا الكل الاجانب يعتمدون على داتا بيس معروفة وليس صغيرة
لكن يفيدك اختصاصك اذا حاولت ان تقدم معاهد وتاخذ شهادات بالخبرات الي بيهة
ان تشتغل في شركات تخص هالشي
اما بالنسبة لعملك الخاص
فنصيحة ابقة بعمل خاص داخل النت مثل ما مسوي حاليا وهواي اعرف ولد مسوين هم بامريكا ساكنين
شركة استضافة على النت وتعامل على الانترنيت
وابوك الله يرحمة
العنوان: رد: استفسار الى الاخ ابو قمر
أرسل بواسطة: ORCA في 15:16 27/06/2012
السلام عليكم
بالنسبة للاخ ابو قمر غايب عن المنتدى من فترة طويلة
بالنسبة للدراسة تكدر اول ما توصل راح تسوي امتحانات الي هيه
اول امتحان
GED الي يعادل شهادة الثانوية
طبعا راح تكول اني عندي بكلوريوس شسوي بالثانوية
لان شهادة GED  من الاوراق الاساسية عند تقديم لاي جامعة
وراهة تسوي امتحان انكليزي ورياضيات اخر
ويشوفون مدى قدرتك بالامتحان  للمادة الي مقدم عليها دراسة
ان تحتاج الى دروس اضافية او اخرى
وبعدها تقدم امتحان لمعادة الشهادة


اما بالنسبة للعمل
فهو اشبة بعلمي حاليا شركات استضافة سيرفرات وتصميم مواقع
الي اعرفه صعبة هناك تنافس شركات
خصوصا الكل الاجانب يعتمدون على داتا بيس معروفة وليس صغيرة
لكن يفيدك اختصاصك اذا حاولت ان تقدم معاهد وتاخذ شهادات بالخبرات الي بيهة
ان تشتغل في شركات تخص هالشي
اما بالنسبة لعملك الخاص
فنصيحة ابقة بعمل خاص داخل النت مثل ما مسوي حاليا وهواي اعرف ولد مسوين هم بامريكا ساكنين
شركة استضافة على النت وتعامل على الانترنيت
وابوك الله يرحمة

مشكور على التوضيح