عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - BraveHeart777

صفحات: [1]
1
شكرا عالموضوع وعندي سؤال
اني عندي اي فون 5 شتكولون ابيعه لو اخذه وياية اذا الله سهلنة وسافرنة

احتفظ بي و يشتغل بامريكا عادي ... ترة سعرة هنا 650$ 

2
اولا مشكور اخوية عالموضوع المهم .. بس جم نقطة حبيت اضيفها للموضوع:

1- بشكل عام ... التلفونات مال اي شركة (فرايزن, اي تي اند تي, سبرنت و تيموبل) متشتغل وحدة عاللخ (باستثناء At&t  و  Tmobile ولكن فقط عال 2G البطيء ولازم تفتح القفل مالة) ... بمعنى اخر لاتحاول ترهم ... لا تشتري تلفون الا مال الشركة مالتك.
2- اللغة العربية مدعومة بهواتف اندرويد 4.0 فصاعدا ... بس تحتاج تنزل كيبورد ببلاش (انصح بهذا الكيبورد A.I type keyboard Free )
والعربي مدعوم بهواتف الايفون كلها.

3- بالنسبة للربط مال الانترنت وسرعتة (يعني 2G 3G 4G) فهاي تعتمد عالشبكة و عالمكان الي انتة بي و على نوع الخطة.
وخلي ببالك انه ما تكدر تعتمد كلش عالنت مال الشبكة و تستخدمة هواية (خاصة للفديوات و اليوتيوب) حتة لو كالوا "انليميتد" ... لانه عادة يكون اكو حد او سقف لكمية الاستعمال ووراها لو يكطعوا لو يقللون السرعة كلش بحيث اتصير مزعجة.

4- تجنب اجهزة LG , Huawui , Pantech , ZTE .... و دور علة Samsung or HTC لانه مشاكلها اقل.

5- للي ما عندة خبرة زينة بسوالف الالكترونيات  و يريد شي سهل الاستخدام خل يشوفلة ايفون ... و للي يريد مواصفات ياخذ اندرويد زين.

6- الموضوع بي تفاصيل كلش هواية ... بس حاولنة نذكر بعد الاشياء الاساسية و للي عندة اي سؤال احنة حاضرين.

3
اولا شكرا للاخ صالح على هذا الموضوع المهم.

بس حبيت اضيف كم شغلة:

1- اكو برنامج اسمة (Turbo Tax) ينباع بهواية محلات (ولمارت, تاركت, اوفس ديبو, ستيبلس , ...) يسهلك ملأ استمارة التاكس باسلوب مبسط و مرتب ... سعرة 50 دولار و يحقلك تستخدمة لخمس اشخاص (5 5times ُE-federal tax filing) ..  وبالنسبة للولاية تكدر تطبع الاستمارة مملية و كاملة و تدزها بالبريد.
وبالمناسبة هذا البرنامج (وأشباهه) هو نفسة الي يستمعلوا جماعة مكاتب التاكس.

2- لا تحاول تملي الاستمارة بنفسك بدون مساعدة لأنك عالاغلب رح تخسر فلوس هي من حقك.

3- مثل ما كال اخونة صالح ... اكو حالات ممكن ترجعلك فلوس اكثر حتى من الي دفعتها ... فتأكد من أنك مغطي كل شي ممكن.

4
اختي العزيزة ... عالدراسة لتخافين ابد , هنانة شتدرين تدرسين مفتوحة كدامج.. و تكساس بيها هواية جامعات.
اللاجئين (مثل المواطنين الامريكان) يحقلهم يقدمون على financial Aid (يعني منحة و قرض).
مختصر الكلام .. الي يريد علم و يريد يجتهد و يتعب بالدراسة فأحسن من امريكا ما يلكة.
 

5
تكدر تسوي مكالمات مباشرة من  ال Gmail على اي تلفون بامريكا من خلال الحاسبة و ببلاش و مجرب و ناجح.
شوف هذا اللنك شارح الموضوع
http://googlevoiceblog.blogspot.com/2010/08/make-and-receive-calls-in-gmail.html


6
اختي العزيزة ... ماكو جواب محدد لسؤالج... كل جامعة الها متطلباتها فلازم هو يقرا المواقع مال الجامعات الي يريد يقدملها و يراسلهم و همة يفهموه شنو المتطلبات مالتهم.
بس بشكل عام (اكرر بشكل عام يعني في اغلب الاحيان)  ... الجامعات تطلب التوفل و تطلب امتحان ال "سات" SAT.
او يدخل "كوميونتي كولج" سنة سنتين و بعدين يحول عالجامعة حتة يتخلص من امتحان السات و احتمال حتى التوفل.

7
اخوية العزيز... عمليات الليزك غير مشمولة بالتأمين الطبي... لانها تعتبر عمليات "تجميلية" مو اساسية.
تكلفة العملية حوالي 2000 $ دولار لكل عين (يعني 4000$) تدفعها من عندك.

8
مشكور على الموضوع ... بس ترة الجهاز بعدة ما نازل للسوق وحتى لو نزل ف راح يكون حصري لشركة وحدة بس (اما اي تي اند تي او فرايزون).
المشكلة انه اجهزة وندوز اثبتت فشل مرارا و تكرارا ... و ما طيح حظ نوكيا  الا تبنيها للوندوز (بعد ان كانت الاولى بلا منازع الان تملك اقل من 4% من سوق الهواتف الذكية "الماركت شير").
احسن نظام حاليا هو نظام كوكل (أندرويد) و الي يشكل حوالي 52% من سوق امريكا (و 63% بالعالم) و متوفر بهواية شركات و بمختلف الاسعار.
هذا مثلا جهاز (كالاكسي نكسس) من سامسونك سعرة ب 350 دولار بلا عقد
http://www.google.com/nexus/#/galaxy ...
اما اذا عقد فتلكون اجهزة زينة بمية دولار او حتة ببلاش (وية العقد) ... والطاكة ب 200 دولار (مثل الكالاكسي اس 3).

9
اكو جهاز يحول الواي فاي الى ايثرنت WiFi to Ethernet Adaper  اعتقد يفيدك , سعرة حوالي 50 دولار تلكاه بولمارت او بيست باي او امازون. هاي اللنكات
http://www.bestbuy.com/site/NETGEAR+-+Universal+Wi-Fi+Wireless-N+USB+Adapter/1002457.p?id=1218207316028&skuId=1002457&cmp=RMX&ky=2oh0NrwOl4j1qjMx3Oy2gXfVGhMUl0WiJ&utm_campaign=bazaarvoice&utm_medium=SearchVoice&utm_source=AskAndAnswer&utm_content=Default

http://www.walmart.com/ip/Universal-Wi-Fi-Internet-Adapter/14550215

بس اني ما اشجع كلش عالفونج .... سعرة اول شي زين و بعدين يصعدوه بحيث يصير ميسوة ... اذا تريد اكو جهاز اسمة OBI 110 سعرة 50 دولار وهاهية...  نفس فكرة الفونج بس الحلو انه يستخدم تقنية Google Voice الي هي ببلاش (يعني متدفع لا اشتراك شهري و لا سنوي) وبي شغلات اضافية مثل تحويل المكالمات الى التلفون الخلوي مالتك اذا تريد وغيرها ....شوف اللنك

http://www.amazon.com/OBi110-Service-Bridge-Telephone-Adapter/dp/B0045RMEPI

http://www.obihai.com/what-is.html





 

10
اخوية العزيز ... ماكو مجال للمقارنة بينهم.
اولا الكوميونتي كولج تحتاج حوالي سنة الى سنتين (تقرا بيها مواد عامة) ووراها تحتاج سنتين الى ثلاثة بالجامعة (انت اصلا قاريهة كبل).. يعني هاي صارت اربع سنين  يلة تصير مهندس حامل شهادة بكلوريوس.
اما بالنسبة للماستر ... فعادة سنة و نص ( هم تتعلم بيها هواية  و تكتسب خبرات جديدة) و هم تطلع حامل لشهادة ماجستير بما لها من امتيازات من حيث نوع الشغل الي تحصلة و الفرص لمناصب ادارية  اعلى بالمستقبل و طبعا  الراتب.
وبالنسبة لامتحان التوفل و ال GRE فهن مو امتحانات "خرافية" بس طبعا يرادلها قراية لمدة اشهر (مو اربع سنين).
بالاضافة لهذا فاذا اخذت اتجاه البكلوريوس ف راح بالنتيجة تكون مطلوب دين اكثر (بعد اربع سنين) و متأخر اكثر حتة تبدي تكون نفسك و تستقر ماديا.... و هذا كلة وقت محسوب عليك.
فيا خوية توكل على الله و شد حزامك و خلص امتحان التوفل و الجي ار اي باسرع وقت و اتجة عالماستر.

واتمنالك الموفقية يا رب

11


ليش الله نزل 12400 نبي عدنة ومصار براسنه خير ؟ رجعنة ليورة بدل منتقدم..ليش الله ينزل انبياء هوايه بمكان معين ؟ لان هذ المكان صار كفر بي واختلاف جبير مع الله  :)
[/quote]

مع احترامي لرأيك ... بس ترة كلام مو دقيق ابدا.
اولا ما اعرف شلون الانبياء صاروا 12400 !!!!!!!!
ثانيا العرب جاءهم انبياء اثنين فقط همة اسماعيل و محمد (ص) ... عدا ذلك فكل الانبياء من بعد ابراهيم بعثوا الى بني اسرائيل, والي قبل ابراهيم فكانوا لاقوام مندثرة ممتصلة بالعرب "الحاليين"
ثالثا لما العرب استقاموا يعني "جروا عدل" بعد محمد (ص) سادوا العالم و اضافوا للبشرية و الحضارة الانسانية ما لا يمكن حصره ابدا, هاي لما جان الغرب بعصور الظلمات ..... ثم انقلبت الاية.... (وتلك الايام نداولها بين الناس) .
ثم اخوان ترة هذا الاسلوب مال (تحقير الذات) ترة عيب جوزوا منة و ما ورا اي فائدة و بالعكس يخرب و يربي الشعور بالذنب و الفشل بعد فوك فشلنة.

12
شكر جزيل جدا جدا لاخونا المشرف "Kunda" على رده الحازم و المحكم ... 
محد كال احنة ملائكة و اكيد بينة  عيوب ... و هو اصلا منو الي ما عدة عيوب؟؟!!!  بس الطريقة الي كاعد يحجي بيها صاحب الموضوع سوانا ألعن و أسوا حتى من الشياطين.
 

13
اذا الهارد درايف ممضروب فالمعلومات متروح... وحتى تطلعيها تحتاجين جهاز اسمة IDE to SATA adapter

http://www.ebay.com/itm/USB-2-0-to-IDE-SATA-S-ATA-2-5-3-5-HD-HDD-Adapter-Cable-/180550148600?pt=US_Drive_Cables_dapters&hash=item2a09a0a1f8
وتحتاجين حاسبة ثانية شغالة طبعا.

اول شي لازم تطلعين الهارد من اللابتوب (تحتاجين درنفيس ناعم غالبا)... و وراها تربطيه بالشاحنة من جهة... و بالكيبل الي يتوصل لل USB مال الحاسبة الي تشتغل من الجهة اللخ.

http://www.youtube.com/watch?v=Civ3nQM-mHQ&feature=related


14
اخوية العزيز
حتى تكدر تشتغل صيدلي في امريكا يحتاجلك اولا تتعب و تدرس (امتحانات و قراية حنينة)  و بنفس الوقت تشتغل و تجد جد مو سهل (طبعا الا اذا عندك مصدر دخل خارجي فبهلحالة تكدر تتفرغ للدراسة).. هاي خلال اول كم سنة  ... يعني بأختصار رح تشوف فد شي ما شايفة كبل.

بس اذا كدرت تعبر هاي المرحلة فحياتك بعدها بأذن الله  تكون ممتازة و مريحة. أنطيك مثال... اكو عائلتين عراقية يمنة ( اثنينهم رب الاسرة بيها صيدلي) جايين لامريكا من اكثر من 20 سنة... هسة بفضل الله و بزودهم طبعا عايشين هم و اطفالهم حياة ما ممكن يعيشوهة لو باقين بالعراق ابدا... هاي حتة اجيبلك اياها من الاخر.

فالشغلة يمك... اذا تشوف نفسك كدها و عدك القدرة و الارادة فأكلك تعال و الف تعال ... واذا لا فالعراق احسلك.

وتذكر ((قل لن يصيبنا الا ما كتب الله لنا))

اخوك بريف هارت

15
Safaa Alkhrkhy:

للاسف الكونغرس صوت باغلبية ضد مشروع التامين الصحي مال اوباما وياغافلين الكم الله

ابو سارة

هاي مو خوش شغله ! شوكت صوت الكونكرس ضد مشروع القرار ؟ لعد مو قبل سبوعين المحكمه العليا رفضت طعون الجمهوريين واقرت ووافقت على قانون الاصلاح الصحي

اخوان على كيفكم ... ترة القانون لم ينقض والشغلة مو كوترة... اولا صحيح هسة مجلس النواب House of representatives (الي يسطير علي الجمهورين) صوت لايقاف قانون اوباما بس هذا مو كافي... لانه حتى يتم نقض القانون يحتاج ايضا موافقة مجلس الشيوخ Senate و هذا حاليا مو ممكن لان الديمقراطين مسيطرين على مجلس الشيوخ ... طبعا بالاضافة لهذا فيحتاج ايضا موافقة الرئيس.
وبالمناسبة حتى الجمهوريون يعرفون هاي محاولة يائسة بس يريدون يكولون احنا حاولنا.

لو ترجع تقرا الخبر مرة ثانية نفسة الي بالرابط رح تعرف الموضوع.

16
بس اريد اضيف شغلتين بالنسبة لهذا الموضوع المهم...
الاولى ... اكو عيادات او مستشفيات يسموها  Community Health Centers  هاي مخصصة بالاساس لذوي الدخل المحدود, تكلفة العلاج اقل بهواية من تكاليف العيادات الخاصة و غالبا يقبلون بتأمين مينقبل بغير عيادات مثل الميدكيد او غيره و ممكن حتى ببلاش حسب نوع التأمين.

الثانية .. على الكردت كارد,  ترة هواية من  الشركات و البنوك مال الكردت (مثل اميريكان اكسبرس و ديسكفر و ستي و جيس و غيرها الكثير) يسوون اعفاء من الفائدة (انترست) بأول سنة من حصولك عالكارت (قسم الى 15 شهر) لتشجيع الناس على الاشتراك,  على شرط اتسددها بخلال هذيج الفترة... بمعنى ممكن تقدم على هذا الكارت قبل متروح للعيادة و تستخدمه حتى تستفاد من فترة السماح.
بس دائما انتبهوا على الرسوم السنوية (Annual Fee)  لازم تكون صفر (فري) و الا ميسوة.

اخوكم بريف هارت

17
صاحب الموضوع انت دتسأل سؤال زين ليش تسأل بعصبيه؟!!



يمكن اخي لو تغير عنوان موضوعك الى عنوان اكثر لياقة لانك ضمنيا اتهمت الناس بالكذب وتنتظر الاجوبه!!!!!

اعتقد هاي طريقة مو صحيحة لطلب المساعدة و الجواب

18
بس للتوضيح... القانون مو جديد لانه تم اقراره من الرئيس والكونغرس ب جناحيه (الشيوخ و النواب ) قبل اكثر من سنتين لكن بعض فقراته تنفذ لاحقا.

اول شي , ابشروا... لان اكثر فئة رح تستفاد من هذا القانون همة ذوي الدخل المحدود (والي من ضمنهم اللاجئين).
فبومجب هذا القانون سيكون على حكومات الولايات توفير تأمين صحي رخيص (MedicAid)  لهذه الفئة.
 اما بالنسبة للناس القادرين على دفع تكاليف التأمين الصحي فسيكون واجب عليهم الحصول على تأمين خاص والا فالحكومة رح تغرمهم نسبة معينة من دخلهم حسب الدخل.
وبالنسبة لقرار المحكمة العليا الجديد فكان في صالح هذا القانون (أكد انه القانون دستوري)  وبذلك سيبقى كما هو بدون تغيير... (طبعا الا اذا الجمهوريون سيطروا لاحقا على جناحي الكونغرس ونقضوا القانون).
بالاضافة ... فهذا القانون يجبر شركات التأمين على قبول اصحاب الامراض المستعصية او المكلفة (Pre-existing condition) والي جانوا قبل القانون ميكدرون يحصلون تأمين لانه محد يقبلهم... و عددهم في امريكا حوالي 32 مليون!!!

الي يريد اكثر معلومات شوف هذا اللنك
http://en.wikipedia.org/wiki/Patient_Protection_and_Affordable_Care_Act
 

19
مرحبا للجميع ... اني سامع هواية ناس تحجي بانه الي يدرس قبل الكرين كارد لازم يدفع فلوس و الفانينشال ايد ماتطلعله بس شروط الفانينشال ايد ممكتوب انو ممسموح للي ماعندة كرين كارد ؟؟ ممكن الي متأكد من الموضوع يكتبلنه او يراويلنه بموقع شنو الشرط ؟؟

اخوان شنو الموضوع... اكو هواية معلومات مو صحيحة انذكرت هنا و لازم تتوضح بعض الامور:

1- يحق للاجئ التقديم على الفايننشل ايد (فافسا) فور حصوله على السوشال سيكيورتي و ماله علاقة لا بالكرين كارد ولا بالاقامة سنة بنفس الولاية (طبعا هذا موضوع ثاني هسة راح اجيلة) وما له علاقة اسهل و مو اسهل هي معاملة تمليها وتدزها لهم... والي يحب يتاكد هذا موقع الفافسا الرسمي
(شوف نص الصفحة "eligible non-citizens"   
http://studentaid.ed.gov/PORTALSWebApp/students/english/Glossary.jsp#elegiblenoncitizen
هاي بالاضافة للمعاملة الورقية مال الفافسا نفسها مكتوب عليها منو يحقلة و منو لا.

2- الفافسا ما الها علاقة بالكردت ... الحالة الوحيدة الي تحتاج بيها كردت او (Co-signer)  هي اذا  كنت مو مشمول بالفافسا او المبلغ الي انطوكيا اقل من الي تحتاجه ... وهاي الحالة تصير اذا كانت عائلتك عدهة دخل متوسط  او كانت جامعتك  كلش غالية.

3- في كثير من الاحيان... الطالب يكدر يحصل منحة من الجامعة (خاصة اذا كان معدلة زين) او من الولاية او اثنينهم... هاي طبعا بالاضافة للبيل كرانت Pell Grant الي هي ايضا فدرالية وحدها الاقصى 5550 دولار.

4- نجي لموضوع السنة... هذا اله علاقة بالجامعات الحكومية حصرا لانه بعد السنة تكلفة الاقساط والرسوم Tuition and Fees تنزل هواية (حوالي للنص) اذا كنت مقيم بنفس الولاية مال الجامعة لمدة سنة او اكثر ( وهذا ايضا ما له علاقة بالكرين كارد) ... بل احيانا بعض الجامعات (مو معظمها) تعتبر اللاجئ بالتحديد مقيم (In-State)   بالولاية حتى قبل السنة
(ملاحظة : مرة سألت مسوؤل التسجيل عن هذا الموضوع بالتحديد و كلي لا ميصير لانه مصارلك سنة الى ان نبشت بموقع الجامعة نفسة و طلعتلهيا و خشيت بعينه لل "الاحمق" ... وبالمناسبة هاي جدا عادي الحالة لانه هواية منهم هيج لا سامع باللاجئ ولا يعرف التعليمات الخاصة بيهم)

واسف بالنسبة لصاحب الموضوع ما عندي معلومات مضبوطة عن ال"جي اي دي " لذلك ما اكدر افيدك هواية.

وانصح كل  عراقي ان يجتهد و يتعب و يقاتل  بكل ما عندة من اجل الدراسة و التفوق ... ترة هاي اهم استثمار بحياتك ... ووراها بعون الله تنفتحلك كل الابواب.

اخوكم بريف هارت

 

 


20
راح اكول شغلة وحدة الميعرف تدابيره  حنطته تاكل شعيره .... اذا انت مو كد امريكا بالشغل واللغة والدراسة لاتجي احسلك لانه راح تتبهذل وراح تطلع روحك ... بس اذا انته جاي تريد تشتغل وعندك لغة وتريد تتعلم لا تعال .... امريكا مو كعده بالبيت والدولة تصرف عليك لو تجيك شغلة بالواسطات ويدارون عليك فلان وفلان .... بس اذاانت تريد هيجي شغل كلاوات وتغلط وتجفص ويوم تشتغل وعشرة لا ونص الشغل مالك تسخيت وشغل مستواه راقي فظل بالعراق تلكه هذا الشي موجود ......

الف رحمة على والديك ... هاي زبدة الموضوع

ء

21
اخوية العزيز
اول شي خلي املك برب العالمين جبير و لا تيأس ابد, ترة هذولة العراقيين الي دشوفهم معظمهم مروا بظروف قاسية و تأذوا خاصة اول ما وصلوا ... بس الحمد لله شوية شوية بدت تتحسن اوضاعهم و تمشي امورهم و يتعلمون نمط الحياة هنانة.... والمفتاح لهذا الموضوع هو الشغل.(بلا شغل امريكا ما ممكن تنعاش).
وبالنسبة لكاليفورنيا فهي نزيف مستمر و ما له حل ... يعني اذا تشتغل فول تايم يلة بالدوب تسد الايجار (بينما بغير ولايات ممكن تحصل اجار بثلث الى نص هذا المبلغ).
حاول بكل طريقة تجمع مبلغ التحويلة منا منا لازم اكو من يساعدك والله ما يكطع ....  و ترة بس فرق كلفة المعيشة والايجار مال شهرين ممكن تسد فلوس التحويلة.
وان شاء الله تسهل امورك و تفرج بأذن الله.

اخوك بريف هارت

22
اختي العزيزة... اول شي حاولي بكل الطرق تلكيلج جامعة حكومية لانه كلش تفرق (ممكن تكون حوالي نصف هذا المبلغ او حتة اقل).
اما بالنسبة للقرض ... فقرض الدراسة هو "اقدس" انواع القروض على الاطلاق... الى درجة حتى اشهار الافلاس "Bankruptcy" الي همة يسمو (انتحار مالي) ممكن يسقط عليج كل القروض مال البيت والسيارة و الكردتات و غيرها ...الا قرض الطلاب ميسقط لو يحضر.
طبعا محد رح يذبج بالسجن اذا مدفعتي.. بس تاثير عدم التسديد هو بمثابة وضع "اكس" على التاريخ المالي (الريكورد) للشخص... بحيث وراها بعد اي شي متعلق بكردت او قرض ميكدر يحصلة (حتى بالايجار هم يباعون بالكردت)...وهذا للاسف بامريكا يمثل شي اساسي بالحياة.
واتمنالج الموفقية
بريف هارت

23
اخوية العزيز

1- بالنسبة للجامعات لتخاف .... صحيح الجامعات القوية تريد معدلات عالية بس اكو هواية من الجامعات ميركزون كلش عالمعدل (مثلا اكو جامعات تقبل اكثر من 90% من المتقدمين) ... بس هم رح يطلبون منك (عالاكثر)  امتحان توفل و جي ار اي.

2- حاليا اقوى شي ماشي بالحاسبات و عليه طلب مخييييف و رواتب عالية هو Software engineering فاذا تكدر تتخصص بي فهذا لوز... وايضا شغل الشبكات مثل السيسكو و غيرها...هم مطلوب هواية, ودورات اكو هواية بهالسوالف بس احيانا تكون شوية مكلفة.

بالنسبة لفتح شركة فهنانة الاجراءات سهلة واصلا يشجعوك و يكيفون عليك... بس  اذا انت ممشتغل بامريكا وما عندك ألمام و خبرة كافية بالسستم و  طريقة الادارة و التسويق و الضرائب و بتفاصيل العمل وغيرها .... ف راح تنضرب "بوري" معدل بكل سهولة , للذلك يحتاجلهة  شوية وكت بس ممكنة للي يسعى الها.

اتمنالك التوفيق

اخوك بريف هارت

 

24
بالمناسبة (مفاجاة)  حسب الاحصائات الرسمية... نسبة الختان عند الذكور في امريكا 56%     ??? ???

25
اخت "كبريائي" .... الفايننسل ايد (الفافسا) اكرر ما اله علاقة بالسنة او الاقامة..
مع ذلك.. الي ممكن يتغير بعد السنة هو االقسط (tuition)  للجامعات الحكومية حصراً ( اقساط الجامعات الحكومية ممكن تقل لحد النص اذا صارلك سنة بنفس الولاية).

26
اخوية العزيز... اول شي بالنسبة للفايننسل ايد (فافسا) فانت كلاجيء يحقلك تقدم عليه مباشرة (طبعا بعد حصولك على السوشال سيكيورتي) و ما له اي علاقة بموضوع السنة الاولى او غيرها .. و بالاضافة لهذا فهو برنامج فدرالي و ما له علاقة بالولاية. و اذا تحب تتأكد بنفسك شوف موقع الفافسا الرسمي نفسه   http://studentaid.ed.gov/PORTALSWebApp/students/english/Glossary.jsp#elegiblenoncitizen

وبالنسبة للمساعدات مال النقل فاعتقد ممكن تحصلها من المنظمة مال التوطين (بس بيها بعض الشروط) فاتصل بيهم واشرحلهم وضعك شوف شيكلولك.

 

27
اخ ابو سلطان اهم شي تتأكد من انه بامكانك تحصيل تأمين صحي يغطي تكاليف العلاج بشكل كامل لانه في امريكا تكاليف العلاج مخيفة جدا بدون تأمين (قد تصل الى عشرات او مئات الالاف من الدولارات).
وبالمناسبة قوانين التامين الصحي قد تختلف من ولاية لاخرى.

28
اخوية بالنسبة للجزيرة الرياضية فما عندها اي حقوق للبث في امريكا (عن طريق الستلايت او الكيبل او حتى اذا مشترك بالنت) .
القناة الرياضية الاولى في امريكا اسمها ( fox soccer)  وتنقل ابطال اوروبا و الدوري الانكليزي والايطالي والالماني ووو... و اشتراكها ب 15 دولار شهريا اذا كنت مشترك بكيبل (مثل دش نتوورك, ديركت تي في, فرايزون, يو فيرس, ...) و يخلوك وية الاشتراك تتفرج القناة حتى علة الحاسبة او الايباد.
واكو قناة اسمها espn تنقل الدوري الاسباني (ممتاكد بيش اشتراكها بالضبط بس اعتقد مثل فوكس)... بس الحلو انه تبث هواية مباريات HD عالنت و بلاااااش من خلال هذا الموقع (بس بامريكا)

espn3.com

وبالنسبة لل ZAAP Tv فما بي قنوات الجزيرة المشفرة , شوف هذا اللنك http://www.pulsat.com/news/15/Zaap-TV-%252d-Latest-Channel-Listing.html

مختصر الكلام هنا شتريد اكو بس كلشي بحسابة.

29
كلام الاخوان جدا صحيح ... كل الولايات بيها شغلات زينة و شينة فتبقى الشغلة تعمتد علة كل واحد و ظروفه و قناعته...
عل العموم.. بالنسبة للرخص فهاي اللنكات بيها تصنيف الولايات حسب "كلفة المعيشة" من الارخص للاغلى ... و الوضع الاقتصادي و التعليم و اشياء اخرى ممكن تكون كلش مفيدة

http://www.cnbc.com/id/41666605

http://www.cnbc.com/id/41666604

http://www.cnbc.com/id/41666603

30
مرحبا اخواني وخواتي... من رخصه صاحب الموضوع عندي استفسار اتمنى اجد الجواب هنا
بنتي دتدرس بكوميونتي كولج ومقدمه على فاينينشال ايد ولكون بنتي اصغر من عشرين سنه اي لم يحسبوها مستقله مادياّطالبين منها دخل ابوها السنوي لسنه 2010وما اعرف شكد نكتب علما بانه اني وابوها بعدنا في العراق واخاف اكتب مبلغ ماينطوها هالمساعده وعلما بانه حتى فلوس المنظمه والفود ستامب كطعوها كالو مدام تدرسين ودوام كامل ماتستحقين
ياريت الاجابه بسرعه لانه الاستماره يمنا ولازم نكتب بيها الدخل السنوي ونوقعها ونرجعها الهم... شكرا
تحياتي


لا تخافين اختي اكتبي اي رقم معقول... (ملاحظة العائلة الي دخلها اقل من 40 الف بالسنة تصنف ضمن  ذوي الدخل المحدود بامريكا.. يعني الي يستاهلون فايننشل ايد).
اكو احتمال انه ابو الفايننشل ايد بالكولج مالتها يطلب فد وثيقة تأكد الدخل مالتكم .... بس هي خل توضحلة انه اهلها عايشين بالعراق و معايشين وياها.
واذا تريد تستفسر عن اي شي بالمعاملة تكدر تخابر عالرقم مال الفافسا الرسمي   http://www.fafsa.ed.gov/contact.htm

31
شكله رسمي... بس طريقة الدفع غريبة.
حاول اتدور على الجهاز بالامازون او الايبي او اذا عدك احد بعمان يشتري ويدزلكيا... بالمناسبة اني عندي واحد و للامانة اطلس احسن قاموس شفتة لحد الان.
اذا تريد اكو برنامج كلش حلو اسمة "McAfee site advisor" ببلاش نزلة من النت يطيك ريبورت عن اي موقع تفوتة اذا مضبوط لو فرود , وهذا اللنك
http://www.siteadvisor.com/

32
اخوية هذا الجهاز شنو الوضوح مال الصورة مالتة يعني HD or SD ؟؟؟

33
اولا مشكور اخوية عالموضوع الرافع للمعنويات الي نحتاجها بهل الوكت .. ولكل واحد يريد يبني مستقبل و حياة كريمة الة و لاطفالة فامريكا هي الخيار الافضل.
بس للامانة و الانصاف ... ترة الوصف مالتك مينطبق علة الغالبية العظمى من اللاجيئن و الي من ضمنهم داعيك (استلمت نقطة رقم 2 و رقم 3 والكاش اسستنس RCA لمدة 8 اشهر فقط لا غير).
فاذا امكن توضح للاخوان بالتفاصيل (يعني اسماء البرامج , المبالغ , فدرالي لو من الولاية... ) للنقطة رقم 1 و رقم 4 و رقم 7 .... حتى الناس تستفاد و تفتهم بالضبط شنو الموضوع و شلون تتوجه على الشي الي يفيدها.

ومشكور مرة ثانية
اخوك بريف هارت

34
اخي اذا تكدر تساعدني بالنسبة للمعادلة طبية وصيدلة والله يخيليك اذا تكدر بالتفصيل لان الموضوع حسيته متشعب فاللهلا يخيليك اذا عندك التفاصيل توضحلياها وتسلم مقدما

اختي العزيزة ... والله اتمنى اكدر اساعدج بس معلوماتي عن المعادلة لشهادات الطبية كلش بسيطة. عل العموم لكيتلج بعض المواضيع القديمة بهاي الشغلة واتوقع تفيدج:

http://www.ankawa.com/forum/index.php?topic=264742.15;wap2

http://www.ankawa.com/forum/index.php?topic=382680.10;wap2


35
اخوية العزيز ... اولا ان شاء الله يا ربي الصحة والسلامة و متشوف غير العافية.
بالنسبة للتامين الصحي في امريكا فهو ايراد و مصرف من هذا الزين.
 اكو عشرات اذا مو مئات البرامج الصحية (Plans) وتفرق هواية حسب الشخص ( العمر , طبيعة الامراض المشمولة بالتامين, الحد الاعلى لكلفة التغطية , الديداكتبل "يعني شكد تدفع اضافي من عندك اذا صار شي و طبيت مستشفى" , الاعراض المسبقة Pre-Existing Conditions , الولاية  .. الخ).... و عموما مكلفة جدا.
اما اللاجئين فيحصلون تامين جيد نسبيا اول 8 اشهر وببلاش. واحيانا ممكن يتمدد.
فنصيحتي الك قبل ما تجي لامريكا و تخطو هالخطوة لازم اضبط امرك زين من البداية حتى ما تتفاجئ بعدين.

ويمك العافية
اخوك بريف هارت

36
الشغلة تعتمد عليك بالاساس... مثلا تريد كونتراكت (عقد) لو بلا كونتراكت ؟؟؟ تريد تلفون بس تحجي بي لو تريد تلفون طاك وبي انترنت؟؟...  خط واحد لو فاملي بلان؟؟....
اذا كونتراكت (سنتين) تحتاج شوية كردت جيد او تخلي تامينات  بس تحصل تلفون طاك وبسعر جيد او حتة ببلاش.... وارخص شركة بهذا النوع هي Tmobile تي موبيل  (50 دولار للخط اذا تاخذ خطين او اكثر .. انليميتد كلشي) بس بنفس الوقت اضعف شبكة.... اما احسن شبكة فهي  verizon بس كلش غالية (توصل فوك المية دولار بالشهر للخط)  ... اي تي اند تي و سبرنت بالوسط (بالخدمة وبالسعر).
السعر لكل الشركات يتغير هواية حسب الخطة (يعني شكد تريد دقايق , مسجات و انترنت كل شهر).
اما اذا استعمالك للموبايل قليل و بسيط فما انصحك بكونتراكت ... اخذلك تلفون بري بيد Prepaid or  Pay as you go  تمشي حالك بي مثل التراك فون وايضا اي تي اند تي عدهم بري بيد (10 سنتات بالدقيقة) ... او 1500 دقيقة بالشهر بتلاثين دولار (تي موبيل).
واكو شركة جديدة اسمها Republic Wireless همين بدون عقد ب 19 دولار بالشهر... تطيك انليميتد كلشي  بس لازم تكون بمكان بي راوتر (واي فاي)  معظم الوقت (مثلا بالبيت او الشغل ...) واذا ماكو واي فاي فتستخدم شبكة سبرنت (550 دقيقة و300 ميكابايت بالشهر خارج الواي الفاي).
وبالمناسبة اذا تريد تتاكد من تغطية كل شركة طب عالموقع مالتهم وشوف coverage map على الزبكود مالتك.

و اي استفسار اني حاضر
اخوك بريف هارت

37
عندي واحد ارخص جهاز وباشتراك مجاني طول العمر ورقم انت تختاره والاتصال مجاني لامريكا وكندا وللعراق الدقيقة ب 16 سنت للموبايل وب 6 سنت للارضي وباقي دول العالم رخيص ايضا
الجهاز هو Obi وكذلك يحتاج انترنت وتلفون بس تسوي بالاول حساب بقوقل وتختار الرقم من Google Voice
هذا موقع الجهاز وبي كل الشرح http://www.obihai.com وموجود على امزون واتوقع ب 45 دولار او هيج شي
وهذا رابط قوقل فويس https://www.google.com/voice
للعلم الصوت واضح جدا وكذلك خدمات مميزة من قوقل فويس منها تحويل لعدة ارقام بنفس الوقت واستلام  اس ام اس والبريد الصوتي والكثير
والله اني مجربه وفد شي راقي جدا

جهاز كلش حلو خاصة انه ما بي اشتراك سنوي ... بس المشكلة انه يعتمد علة خدمة الكوكل الفويس الي هي لحد الان مجانية (الى نهاية 2012)  بس ماكو اي ضمان انه رح تبقة مجانية سنة الجاية.

اكو جهاز  اسمة MagicJack Plus ميحتاج كمبيوتر بس تربطة بالانترنت من جهة وتربط التلفون العادي من الجهة الثانية... سعر الجهاز 50 دولار و الاشتراك السنوي 20 دولار مكالمات ببلاش لامريكا و كندا ... وبالمناسبة تكدر تحول (تحتفظ) برقمك القديم نفسة. هذا الرابط   http://www.magicjack.com/plus-v05/

ملاحظة: اجهزة ال VOIP (تلفون على الانترنت)  زينة لانه رخيصة بس متكدر تعتمد 100% على اي نوع من انواع هاي الاجهزة  لان  الجودة مو ثابتة دائما و ممكن تخسر الخدمة اذا وكف الانترنت او احيانا الكهرباء او يقفل السرفر الرئيسي.... ومعظمها ما بيها 911 (الطوارئ) .

38
اخوية العزيز
اذا تريد تكمل دراسة (ماجستير و دكتوراه) فتحتاج تمتحن توفل (انكليزي) و امتحان GRE (رياضيات و انكليزي) ... الامتحانين مو صعبة بس يرادلها قراية اشهر  وانت وشطارتك   و هاية الروابط الرسمية       .....   http://www.ets.org/gre/           http://www.ets.org/gre/
ورة متنجح تقدم عالجامعات ... غالبا الجامعات ما تطلب معادلة  credential evaluation الي تسوي وكالات المعادلة مثل ECE و WES    واذا يريدون هيجي شي رح يكولولك شنو الوكالة الي لازم تعادل يمهم.
بالمناسبة هاي المعادلة Credential evaluation هي تحويل درجاتك و دروسك الى النظام  الامريكي (الدرجة من 4) ومتحتاج تسوي امتحان... شوف هاي الروابط  http://www.ankawa.com/forum/index.php/topic,463711.0.html
https://www.ece.org/
طبيعة الشغل الي تحصلة بعد حصولك على الشهادة العليا يكون غالبا بالجامعة او بمجال البحوث والتطوير Research & Development R&D 
ورواتبهم اعلة من رواتب المهندسين اهل البكلوريوس.

اما بالنسبة لمزاولة المهنة ... اول شي لازم تعرفة انه ماكو اي قانون يكول انه المهندس الاجنبي لازم يمتحن و ينجح حتة يكدر يشتغل بشهادته (مثل ما موجود عند جماعة الطبية مثلا)... بس الي يصير انه الشركات بصعوبة تقبل واحد اجنبي ممكمل من امريكا و اكيد يفضلون الامريكي لهواية اسباب.
بس عل العموم اكو امتحان شامل اسمة   Fundamental  of Engineering (FE) or EIT يمتحنة حتة الامريكي الي مخلص منا (اذا يريد).... هذا الامتحان يساعدك هواية بالمنافسة ويحسن الريزومي مالتك (وخاصة للمدني كلش مهم) ايضا يحتاجلة قراية هواية ... شوف هذا الرابط يفيدك
http://www.ankawa.com/forum/index.php/topic,380395.0.html
 بعد هذا الامتحان اذا اشتغلت كمهندس لمدة من سنتين الى اربع سنين (حسب الولاية)  اكو امتحان ثاني تكدر تاخذة (اذا تريد) حتى تكدر تحصل شغل احسن (وخاصة كأداري) اسمة Professional Engineer PE
وهذا رابط الرسمي للمؤسسة الي تسوي الامتحانين FE & PE   
http://www.ncees.org/Exams/FE_exam.php

اتمنة اكون فدتك
اخوك بريف هارت

39
اخوية انت تريد "تعادل شهادتك" حتى تكمل دراسة (يعني ماجستير و دكتوراه) لو حتى تكدر تشتغل بيها (مزاولة مهنة) ؟؟

40
يبدو بعض الاخوان ما افتهموا الموضوع ... كيبل HDMI يفيد فقط للي عندة اولا: تلفزيون  HD TV (يعني بلازما او ال سي دي ..) و ثانيا: حاسبة بيها HDMI port
اما اذا وحدة من هذني الاثنين ما عندك فكيبل HDMI كلشي ميفيدك .... ويرادلك كونفرتر VGA to RCA حتى تربط الحاسبة او اللابتوب بالتلفزيون.

41
اختي العزيزة ما اعتقد اكو واحد من اخوانا اعضاء المنتدى عايش بهاي الولاية (:
حاولي تبحثين عن هذا المعهد اونلاين

42
السلام عليكم
الاخوة والاعزاء .... بالنسبة الي مخلص معهد نفط يعني دبلوم شنو يعتبر المبلغ قرض ومطلوب تسديده لو منحه غير قابله للتسديد
وشكد راح تكلف دراسة بكلوريوس هندسة ميكانيك كم سنة وشكد المبلغ
وهل تكفي المبلغ الي تدفعه الحكومة
مع التقدير


ياريت احد يجاوب على الاخ علاء99 بسؤاله من ذوي الخبرة
ونكون شاكرين لكم على مساعدتكم الطيبة



تمت الاجابة عن اسئلة اخونا علاء 99 بهذي الصفحة:
http://www.ankawa.com/forum/index.php/topic,542803.0.html

43
1- اعتقد شهادة الصناعة مقبولة بس بصراحة ممتاكد ... وشهادة المعهد ما اعتقد تفيدك بشي (بس الخبرة العملية تفيدك بالشغل بعدين)
2- نعم. اذا جانوا من منخفضي الدخل
3- ممكن تقدم علة كومونتي كولج مباشرة بس اكرر مرة ثانية هاي مو هندسة ولا موادها  هندسية تخصصية ( وانما مواد عامة يسموها Humanties  او مبادئ رياضيات او انكليزي وهكذا)
ملاحظة: اذا جيت بصفة طالب (international student) يسموها فيزا i-20 .... يعني مو لاجيء مفيحقلك تقدم علة اي مساعدة مالية لا قرض ولا منحة لحد ما يعطوك صفة لاجئ او مقيم يلة.
4- ما الها علاقة قسم يطولون بيها لان يحتاجون يقرون انكليزي هواية ... اكو ناس تظل بالكولج اكثر من سنتين واكو ناس اقل من سنة و  وكلمن و ظرفة

وهذا الرابط يفيدك اقرا
http://www.ankawa.com/forum/index.php?topic=430433.0;wap2

اتمنى اكون جاوبتك عن جميع اسئلتك

 

44
اخوية العزيز

اولا كلام اخونا كوسوفي مضبوط 100%.
بالنسبة للمنحة تاكد انت يحقلك تاخذها ما دام انت بعدك مماخذ شهادة بكلوريوس واذا تحب اكثر معلومات بهالخصوص فشوف هذا الموقع http://www.fafsa.ed.gov/
بس النقطة الرئيسية الي لازم تكون واضحة عدك هي انه هاي المنحة مرح تغطي الا جزء قليل من تكلفة الدراسة اذا جنت تريد تقرا اي نوع  هندسة لان مثل مدتشوف السنة يجوز تكلفك 20  الف دولار  او حتى اكثر.. والمنحة كحد اقصى هي 5500 بالسنة فانت اول و تالي تحتاج تاخذ قرض (او تدفع من جيبك اذا عدك)
بس اذا تريد تحصل قبول على هندسة باي جامعة قبل متجي فالشغلة ممكنة بس يرادلها جهد لان عل الاكثر رح يطلبون منك امتحان لغة (توفل) و امتحان ثاني اسمة سات SAT (انكليزي ورياضيات) بالاضافة الى شهادة السادس اعدادي..... والرابط الي نطاكيا اخ كوسوفي بي كل الاشياء الي تريدها هذيج الجامعة (وبقية الجامعات رح تلكة متطلباتهم مشابهة لهاي الجامعة)
وبالنسبة للكوميونتي كولج فمتطلباتهم اسهل بهواية من الجامعات تقريبا بس شهادة السادس مطلوبة ممكن تدرس بيها سنة سنتين  وبعدين تعادل (يعني تنقل) معظم هاي المواد للجامعة (بس مرح تصير اكثر من سنة غالبا) فيبقالك تقريبا 3 سنين بالجامعة (الهندسة).

وتدلل
اخوك بريف هارت

45
تعليقا علة ما كالة اخونا ستورم 2.... حاليا اكو اكثر من جهاز يسوي التلفزيون العادي سمارت تي في ارخص واحسن بهواية مما تشتري سمارت تي في بالف دولار... يخليك تربط الانترنت بالتلفزيون   ومن اشهرها جهاز الروكو Roku    و جهاز كوكل تي في (LOGITECH REVUE)  وثنينهن ب 100 دولار و ما بيها اشتراك شهري
الجهاز الثاني يخليك تتصفح الانترنت مباشرة باستخدام نظام اندرويد (هونيكمب) مع كوكل كروم و يدعم الادوبي فلاش
واكو جهاز ثالث يشبه الريفو و بي همين بلو-ري بلاير مال سوني شوية اغلى

وهاي اللنكات
http://www.roku.com/roku-products

http://www.logitech.com/en-us/smartTV/revue


http://www.bestbuy.com/site/Sony+-+Wi-Fi+Built-In+Blu-ray+Player+with+Google+TV/1235001.p;jsessionid=48C07F9AD8AE6F404FEF3306DA37CF83.bbolsp-app04-46?id=1218241026006&skuId=1235001

46
اخوية العزيز

1- المبلغ الي تدفعة الحكومة منحة هو 5500 بالسنة (ماكسيمام) و ميطلبون منك ترجعة ... واذا هذا المبلغ ميكفي لدراستك يكملولك الباقي قرض (ترجعة)
2- معادلة الشهادة هي امتحان يأهلك تزاول مهنة معينة (مثلا بحالتك يسمو تكنشن (technician)  فني ..   راتبة نوعا ما جيد بس اقل من المهندس
3- دراسة الهندسة تطول غالبا اربع سنين والتكلغة تتراوح من 13 الف الى اربعين الف دولار حسب الجامعة
4- ممكن
5- الحل الافضل الي كل جماعتنا ديسووا هو يدخلون "كوميونتي كولج" سنتين هم يتعلم انكليزي (و ينعفي من امتحان اللغة "التوفل") وهم يكدر ياخذ بعض المواد الاولية مال اول سنة سنتين تقريبا  بسعر ارخص بهواية من الجامعة وبعدين يعادل هاي المواد بالجامعة (تكلفة الكوميتني كولج 3 الاف الى 5 الاف يعني تتغطى كاملة بالمنحة بدون قرض)

47
الجهاز الي ذكرة اخ كوسوفي هو الي يفيدك (VGA to RCA Converter) ,وسعرة زين نسبيا لانه اذا تريد تشتري من محل يصير هواية اغلى
radioshack عدهم مثلة ب 99 دولار

48
اخوي العزيز

اذا تريد تقدم على دراسة باي جامعة بامريكا تكدر مباشرة تقدم عليها اونلاين ONLINE ( حتى الناس الكاعدين بامريكا هم يقدمون بنفس الطريقة)
طب على المواقع مال الجامعات و تلكة بيها شنو الاشياء المطلوبة للتقديم (مثل شهادة السادس, امتحان التوفل او الاس اي تي الخ...) وتكدر تخاطبهم بالايميل همين اذا تريد اكثر معلومات, ايضا انت  حاليا تعتبر انترناشنال ستيودنت (International student( بالنسبة الهم ...لان بعدك موصلت لامريكا وصرت لاجئ.
بالمناسبة اذا تريد تشتغل او تدرس بالنفط فتكساس هواية احسلك.

اخوك
بريف هارت

49
اخوية العزيز

شركات الموبايلات نوعين : الاول عقد "كونتراكت" (فاتورة) متكدر تطلع منة قبل سنتين الا بغرامة قوية بس يطوك موبايل زين بسعر مخفض جدا او حتى ببلاش ... والثاني "بري بيد" مثل ما جنا بالعراق يكون ارخص بس الموبايل تشتري بسعرة الكامل و ما بي اي التزام.
بالنسبة للتغطية فهاي مو سوة تختلف من مكان لمكان بس اذا تريد طب على موقع الشركة نفسها وتلكة حاطين الكفرج    coverage map بس دخل عنوانك والزبكود ... و تلكة ايضا الاسعار والاجهزة.
واذا تحتاج بعد معلومات اني حاضر

اخوك
بريف هارت

50
بليززززز جاوبوني
أختي العزيزة لماذا لا تراسلين الجامعة نفسها أفضل ؟؟؟؟

مثل ما قال اخونا دلتا .. احسن شي هو تراسليهم  مباشرة و هم يعطوك كل الاجوبة الي تحتاجيهة (حتى تكاليف المعيشة والسكن) ... لانه كل جامعة الها سياستها الخاصة

51

اخوية العزيز

اولا اكيد تكدر تدخل كلية قبل الكرين كارد. مو بس هيج حتى تكدر تاخذ منحة و قرض من الدولة لتغطية تكاليف الدراسة. فلا تدوخ بموضوع الفلوس ابد.

و معظم الناس الي مخلصين اعدادية يبدون اول سنة سنتين ب "كوميونيتي كولج" تكون غالبا رخيصة و سهلة نسبيا وبعدين يحول علة جامعة حتى يقرا التخصص الي يريدة.

اخوك بريف هارت

52

السلام عليكم

اولا احب أكد على كلام اختنا cry moon ان الموضوع مالة علاقة بالكرين كارد وانما فقط اثبات انه انت عايش بنفس الولاية لمدة سنة ( وبالمناسبة هذا الحجي ينطبق علة الامريكان نفس الشي)
ثانيا اكو 3 فئات من طلاب الجامعات
IN-STATE   ,    OUT-STATE  , and INTERNATIONAL
معظم الجامعات تعامل اللاجئين (بأول سنة) علة out-STATE  يعني الحالة الوسط من حيث التكاليف و ورة السنة تصير in-state
وقسم مباشرة يعتبروك ان-ستيت
بس ما ممكن يعتبروك انترناشنل لانه انت يحقلك تقدم على الفافسا والاجنبي ميحقلة
و بحوش بالجامعات زين لانه هواية مرات advisors   ميعرفون التعليمات الخاصة باللاجئين تحديدا و ينطوك اجابة غلط.

أخوك بريف هارت

53

اختي مريم العزيزة... يصير مو ميصير واحتمال جبير مرح يعرفون و هواية من جماعتنا مسويهة... بس القسم الكبير من هذولة الناس ميعرفون التبعات القانونية الخطرة على هيج موضوع... فحسب التعليمات  (Terms and conditions) المكتوبة على معاملة الفافسا نفسها وعلى الموقع مالتهم  انه اذا اكتشفوا لاحقا انه انت تعمتدت الكذب عليهم لاي سبب (يعني كتليهم ما عدي بكلوريوس)  فعقابها هو غرامة 20 الف دولار او السجن او كليهما.
وبالاضافة لهذا كله هو النقطة السودة الي رح تسجل بالركورد مالج (يعني اكس بعيييد) ... وهنانة الدولة تعامل الشخص علة انه هو صادق حتى يثبت العكس... فبعد الواحد شلة بهالدربونة العوجة.

اخوج بريف هارت

54
السلام عليكم

اخوية بغدادي العزيز كلام اختنا سرى صحيح 100% .. والفايننشيال ايد هو حزمة منح و قروض وتعمتد علة الحاجة مالتك , وانت ما مجبور تاخذها كلها اذا متريد.
فمثلا اذا جنت بكوميونيتي كولج فعلى الاكثر مراح تحتاج القرض لانه غالبا المنحة (بيل كرانت  $5500) رح تكفي و زايد... بس لمن اطب بجامعة فالفايننشيال ايد رح يشمل قرض (قسم بفائدة وقسم بلا فائدة لحد التخرج) والمنحة (بيل كرانت) اذا جنت ممخلص بكلوريوس واحيانا الجامعات تنطي بعض المنح (سكولار شيب) للمتوفقين والمحتاجين .... وهذني كلها تندرج  بالفايننشيال ايد.

اخوك
بريف هارت

55
أخوية العزيز

طب الاسنان في امريكا 8 سنين. اول اربعة هي كلية (بكلوريوس بيولوجي غالبا) و ثاني اربعة تخصص (طب اسنان).
فبالنسبة للمعادلة ممكن اتصير على الكلية (البكلوريوس) وتختلف من ولاية لولاية و من جامعة لجامعة و باحسن الاحوال هما ما ممكن يعادلون اكثر من النص (يعني سنتين) و اذا لا سامح الله ماعادلولك فراح تعيد من البداية اعتمادا على شهادة السادس اعدادي.

وبالنسبة للمساعدة المالية ينطوها للاجئين او المقيمين (حاملي الكرين الكارد) حالهم حال الامريكان ... و هي عبارة عن مزيج منحة (هبة) و قرض من الدولة و احيانا من الجامعة همين.

اخوك بريف هارت

56

الف رحمة على والديك اخوية الغنماوي. صدك هاي السالفة خربت المنتدى.
و شكر جزيل للاخ هاشمان على مشاركتة الحلوة واطلب تطبيقها من الادارة.

للرفع     UP

57
 اخوية العزيز اوفرلود

اول شي احب اشكرك هواية علة موضوعك المفيد. و اناشدك مناشدة اخوية ان ترجع الموضوع لانه يستحق النشر و معليك من التعليقات انت احجي رأيك وما لك علاقة.
سوق الابليكيشنز (وخاصة للاندرويد) مفتوح لكل الناس ان تشارك بي. وبرامج مهمة ومنتشرة بكثرة مسوييها طلاب مدارس و مراهقين (مزعطة) حتى شهادة ما عدهم .... بس مثل ما كلت الموضوع مو سهل ويرادلة واحد طموح و صدك يفتهم.

اخوك
بريف هارت


58

اخوية العزيز

اسهل واحسن طريقة حتى تطلع كردت كارد هو ان تروح  لاقرب بنك اوف امريكا يمك وتكلهم اريد اقدم على كردت وهمة يقومولوك بالواجب.
بالمناسبة اذا انرفض طلبك للكردت لاي سبب .... قدم عدهم على سيكيورد secured  كردت كارد بان تخلي 300 الى 500 دولار عدهم تامينات وتسنخدم الكارد ضمن هذا الحد.

ودمتم

59
اختي العزيزة

امتحان التوفل  ( TOEFL ibt )  هو امتحان موحد في كل العالم وتضع اسئلته مؤسسة وحدة ETS
درجتة من 120 ومكون من اربع اقسام بالتساوي  Reading, listening, speaking and writing  كل وحدة 30
مدته حوالي 4 ساعات و سعرة حوالي 160 دولار
واذا منجحتي بي تكدرين تعيدي شكد متردين بس طبعا لازم تدفعين الرسوم كل مرة.

واذا تحتاجين اي معلومات اخرى فهذا رابط المؤسسة

http://www.ets.org/toefl/ibt/about
 
وهذا همين

http://www.ets.org/toefl/ibt/faq/

اخوج بريف هارت
 

60

" الله لا يخليكم"  ؟؟؟؟؟!!!!!!!!!!   زين ليش؟؟؟

61
وانت بالف خير و ان شاء الله رمضان خير للجميع
والله اخوية هذولة محد يحزرهم... والمشكلة انه المعاملات علة عمان كلش هواية
فانتظر الى ان يدزون عليها من السفارة وهناك يكدرون يطونها الموعد مال السفر


62
اخوية العزيز

اذا الاميكيريشن ( USCIS) وافقوا علة المعاملة مالتك فمعناهة رح ينقلوها الى المركزالوطني للفيزا NVC في نيو هامشير ومنها راسا علة الاردن
بصراحة ممتاكد اذا رح يحولوها على السفارة الامريكية بالاردن لو على ال IOM .... بس تكدر تخابر ال NVC على الرقم المكتوب بالورقة العندك وتسالهم.
فمن توصل اوراقها للاردن رح يصيحولها للمقابلة .... بس ما محد يكدر يكلك شكد بعد يرادلها وقت يلة تخلص بس المهم ان الشغلة ماشية بالاتجاه الصحيح وان شاء الله تفض باسرع وقت.


بريف هارت

63

بالنسبة لسؤال الاخت عن الكرين الكارد ( من بعد رخصة اخونا بيتس)
فالقانون للشخص الي جاي هجرة يعني اميكريشن ( و ليس لجوء) فالكرين كارد يطلعلة مباشرة بعد ما يجي تقريبا  باسبوعين او هالحوالي.

ولكن  الجاي لجوء IOM  or UN   فلازم ينتظرون سنة مثل ما كال اخونة.

اخوكم بريف هارت



64

اخوية العزيز

اذا دتحجي علة الفاينيشيل ايد (فافسا) او (المساعدة الحكومية) فهو لا يشمل " الانترناشنال ستيودنت" يعني الي جايين بفيزا دراسة  i-20   او  F1
ولكن بعض الجامعات احيانا ينطون "سكولار شب" يعني منحة او هبة للطلاب الاجانب (الانترناشنال)  وخاصة للمتفوقين او للدراسات العليا احيانا تسد تكاليف الدراسة. فهل انت مقدم علة كلية لو كوميونتي كولج لو جامعة لو شنو؟؟؟؟

فلذلك كل جامعة و الها سياستها و تكدر تتصل بيهم عن طريق الايميل ويكلولك شيكدرون ينطوك

وعن موضوع القرض فاعتقد ممكن تحصلة فقط من بنك بس يرادلك كفيل مادي قوي (Co-singer)  تمون علية حتة يوقعلك.

اخوك
بريف هارت


65
أخوية العزيز

احسن طريقة حتى تعادل شهادتك و حتى تكدر تشتغل بتخصصك هو ان تاخذ شهادة ماجستير من امريكا.
بس يرادلك تنجح بالتوفل والجي ار اي GRE

اخوك بريف هارت

67
أخوية العزيز

اذا تريد تكعد بالقسم الداخلي (يسموها Dorms   or   on-campus) فالجامعة عدهم رابط خاص يحسبلك التكلفة لحد الفلس و عدهم هواية انواع من الغرف . تكدر تلقي نظرة :
http://futurestudents.mst.edu/cost-calculator/index.html


اما اذا تريد تكعد خارج القسم الداخلي . فاليك هذه الروابط (معدل 300 ال 500) دولار

http://www.inv-rel.com/2__3___4__bed_close_to_campus

http://www.rolla-rentals.com/rolla-apartments-info.htm

http://www.inv-rel.com/1_2___3_bed_apts1



اخوك
 بريف هارت

68
اختي العزيزة
حسب علمي المنحة "الفدرالية" (فافسا) ما الها علاقة بالولاية لانها اصلا من الحكومة الفدرالية ... ما دام انت هنانة كلاجئ و عدك سوشل سيكيورتي نمبر .
وبالنسبة لل GED فايضا ما الة علاقة بالفافسا ... يجوز اله علاقة بالكليةز بس عل العموم اكو هواية كليات كومينيتي كولج  تقبل شهادة اجنبية فحاولي اتدورين علة هاذي الكليات.

اخوكم
بريف هارت

69

اخوية العزيز ... كلشي يصير انت وقوتك
تكدر تداوم بالكلية و تشتغل بنفس الوكت .... بس الشغلة يرادلها شد حيل زين.
والفلوس الي تحصلها من الشغل (اذا وية الكلية) يعني "بارت تايم" فاحتمال متكفي كلشي وخاصة بالولايات الغالية.
وبالنسبة للشهاده فتكدر تمتحن امتحان السادس بامريكا يسموه (GED) وتطب باي كلية تريد حسب درجتك ... ولا تشيل هم لفلوس الدراسة لانه دائما تتغطى لو بمنحة لو بقرض.

اخوك بريف هارت   

70
اختي العزيزة

بغض النظر عن التبعات القانونية لسفركم ... اني بس حبيت اعلق علة موضوع تحصيل شهادة الدكتوراة, من وجهة نظري المتواضعة للي يريد يعيش بامريكا ويشتغل بشغلة محترمة و براتب زين فلازم ياخذ شهادة من امريكا (وبالمناسبة هنانة الجامعات "على افا من يشيل" ) .... وبصراحة اني دا اشوف شغلة الدراسة خارج امريكا بعد ان وصلتها هي مضيعة كبيرة للوقت (يجوز اربع سنين) و للجهد و للفلوس لانه الشهادة الاجنبية ميقدروها ولا يفضولها و خاصة اذا همة عدهم اعداد مخيفة من العاطلين (نسبة البطالة حوالي 10 %)ز

و على كل حال, اني بس انصحكم تسالون الناس العدهم خبرة عن جدوى الدراسة خارج امريكا قبل ان تتخذون هذا القرار الخطير.

تحياتي
اخوكم بريف هارت
 

71
أخوية العزيز.... تكدر تتصل بال USCIS و تكلهم اريد رقم الرسييت receipt number وراهة تكدر تكتب الرقم باللنك الي نطيتكيا.
وعلى العموم ... اذا المعاملة صارلها 8 اشهر فهي على الاكثر واصلة للخارجية )department of state)و احتمال للسفارة بالاردن.



72
اخوية العزيز

اذا جان قصدك على معاملة i -730 فهي مثل ما كالوا الاخوان تطول من ستة اشهر الى سنة
ولكن علة العموم ... المفروض USCIS (وزارة الامن الداخلي)  دزلتك رسالة تاكد بيها استلامهم للمعاملة و بيها رقم الرسييت (receipt number)
تكدر تروح علة هذا اللنك
https://egov.uscis.gov/cris/Dashboard.do
وتجيك وين وصلت المعاملة check staus ... واذا جانت واصلة لاخر مرحلة فمعناها المعاملة انتقلت الى وزارة الخارجية وتكدر تتصل بيهم ويكوللك وين وصلت المعاملة

وتدلل
اخوك بريف هارت


73
مشكور عاللنك ابو صابر و حبيت اشارك بهذا اموضوع بكم لنك
بالنسبة للاجئين اهم موضوع يهمهم هو كلف المعيشة و توفر الشغل...

على العموم ... هذا الرابط من مؤسسة مختصة )CNBC) بي تصنيف الولايات الامريكية  من ناحية كلف المعيشة فقط:
http://www.cnbc.com/id/37516040

وهذا اللنك بي تصنيف الولايات (من وزارة العمل BLS)  من ناحية نسب البطالة :
http://www.bls.gov/web/laus/laumstrk.htm

وهذا اللنك بي تصنيف الولايات (overall) يعني من كل النواحي:
http://www.cnbc.com/id/37516043


اخوكم
BraveHeart777

74
أختي العزيزة

بالنسبة للاجئين اهم موضوع يهمهم هو كلف المعيشة و توفر الشغل...
بشكل عام الولايات الشمالية الشرقية ولايات غالية وباردة ... الولايات الجنوبية والوسطى ارخص هواية و جوها احسن.

على العموم ... هذا الرابط من مؤسسة مختصة )CNBC) بي تصنيف الولايات الامريكية  من ناحية كلف المعيشة فقط:
http://www.cnbc.com/id/37516040

وهذا اللنك بي تصنيف الولايات (من وزارة العمل BLS)  من ناحية نسب البطالة :
http://www.bls.gov/web/laus/laumstrk.htm

وهذا اللنك بي تصنيف الولايات (overall) يعني من كل النواحي:
http://www.cnbc.com/id/37516043


اخوكم
BraveHeart777


75
اخوية اني مكتلك مو حلوة.. بالعكس يجوز من احلة الولايات ... بس كلشي بسعرة
وعلى العموم .. روح وشوف واذا معجبتك عود حول علة غيرها

76
اخوان اني انصح كل واحد جاي لامريكا ما يجي بهاي الولاية ابد لان كلفة المعيشة و الاجارات مو طبيعية.. والشغل مو متوفر .. وبالشتا برد وثلج مو سهل....

77
مشكورين اخوان علة مشاركاتكم ....بس محد جاوبن جواب شافي

78

السلام عليكم اخوان

عندي سؤال عن المساعدة المالية (المنحة والقرض)... اشو الجامعات الي  داشوفها كلهة تحجي ب 30 و 40  الف بالسنة.
فسوالي لاي شخص مار بها التجربة او يعرف احد مار بيها... شكد ينطون منحة؟ وشكد قرض؟  من الفافسا او من الجامعة.

ومشكوووورين مقدما

اخوكم بريف هارت 777

79

السلام عليكم

الى الاخ العزيز وودي... مشكور عالتوضيح وعندي طلب صغير من عندك
اذا تكدر تدز ايميل لهذا السيناتور وتساله اذا تحرك هذا الموضوع بالكونكرس ؟؟ او انه بي مجال يتنفذ قريبا ؟؟ وتردنا جواب لان اخوانك كلهم عالشحن

ومشكووووور مقدما

اخوك بريف هارت 777


80

مشكوووووووورة اخت سرى والله ما قصرتي والله يكثر من امثالج

بس اذا تكدرين تعلميني شون اكدر اتصل بالاخ انور (لانه مدا اكدر اوصل للبروفايل ماله بالبحث)
ولو سوينة زحمة عليج


اخوج بريف هارت 777

81
الى الاخ الوتار

ان شاء الله تكدر تدخل كلية الهندسة ( وهنانة ماكو مثل العراق تقديم مركزي وتفاضل بالدرجات )
بس مع ذلك يرادلك تمتحن امتحان اسمه سات SAT (وهو امتحان رياضيات وانكليزي) بس شوية مو سهل
 واذا جانت الجامعة الي مقدملها قوية وتصنيفها عالي والي مقدميلها هواية طلاب فرح تسوي مفاضلة بيناتهم على اساس المعدل ( المعدل مال اخر اربع  سنين بالاعدادية لازم من هسة تحضر الدرجات مالتها) و طبعا درجة امتحان السات.
بالاضافة لامتحان التوفل (امتحان انكليزي فقط) .
بس عموما اعرف  ناس عراقيين بامريكا  دخلوا كليات و ماشية امورهم
شغلة ثانية ... هنانة اكو فد شي اسمة " كوميونيتي كوليج" Community College تكدر تاخذ بيها سنة او سنتين دراسة عامة (يعني مو تخصص) او انكليزي مثلا ( اذا اخذت دروس انكليزي بيها متحتاج تمتحن توفل بعد)
لذلك معظم العراقيين هنانة يدخلون كوميونيتي كولج قبل الجامعة ( بالاضافة طبعا لانه تكاليفها اقل)

بالنسبة للفلوس... هنانة اكو شي اسمه Financial Aid يعني مساعدة دراسية وهي عبارة عن مزيج (منحة وقرض) حسب تكاليف الجامعة الي رح اطبها ... فاذا جانت الكلية مو غالية ( مثل الكوميونيتي) فالمنحة رح تسد كل الفلوس بدون قرض

بالمناسبة المدني هنانة شوية امورة مو هلكد ( نسبة البطالة عالية بها التخصص) فاذا تريد تغير تخصصك اعتقد احسن
وانت براحتك بعد

واحنة بخدمة الطيبين








 

82
السلام عليكم اخوية ليث

حتى نكدر نفيدك بالمعلومات الصحيحة لازم تحددنا شنو قصدك " بالدراسة الجامعية"
- تقصد الدراسات العليا (ماستر ودكتوراه)؟؟؟
- لو تقصد نقل ( يعني انت بعدك ممكل البكلوريوس وتريد تكملة بامريكا)؟؟
- لو تقصد تبدي دراسة البكلوريوس من جديد بامريكا؟؟؟

و تدلل

اخوك BraveHeart777

83

السلام عليكم اخوان

عندي سؤال عن معاملة I-730 ( معاملة سحب الزوجة او الاطفال بالنسبة للاجئين الجدد قبل حصولهم على الكرين كارد)...
اذا اي واحد يعرف شكد تاخذ هاي المعاملة وكت؟ او اي شخص مسويها قبل اكون ممنون له.
علما انه هاي المعاملة لازم تكون عن طريق مكتب تكساس.

و مشكورين مقدما

Brave heart777

84
عليكم السلام اخ وسام
عندي معارف بهاي الولاية ورح انطيك المعلومات الي عندي.

1- المنظمات هواية من ضمنها الكاثلويك جيرتي و (اي اي بي) والبابتسيت والمنظمة اليهودية.
2- معدلات الاجار مثل ما كال اخوية(بغدادي) بين 1000و 1200 غرفة نوم 1 وصالة وحمام والمطبخ مطبوك بالصالة عالاكثر.
3-اكو فرص عمل بهاي الولاية احسن من غيرها وهذا خوش موقع للبحث عن عمل indeed.com  بالاضافة للموقع المشهور جدا
craigslist.com وتلكة بي هواي شغلات تفيدك بالبداية مثل الاثاثوغيرها  وهواية شغلات باسعار زينة
4- اخوية كل التكدر اتجيبة جيبة لتقصر (بس لا تجاوز الحد مال الوزن) وحتى اذا تريد وصي اصدقائك او جماعتك يشحنلوك الغراض الي ممتوازي عليهة هسة اذا احتاجيتها بعدين بس عموما الاشياء المنزلية والملابس وغيرها متوفرة هنا بس اسعارها مو قليلة
5- هذا موقع حكومة الولاية وبالمناسبة كلش مفيد لهواية شغلات mass.gov
6- عموما الضمان الصحي بولاية ماساشوستس زين و احسن من غير ولايات  ويستمر وياك اقل شي 8 اشهر بس ما اعرف تفاصيلة بالضبط
بس لازم اتجيب الادوية وياك اخاف تتاخر السالفة و تظل بلا دوة لان هنانة نوبات اكو فد بطؤ مو سهل بالمعاملات (تكول عبالك بغداد)
7-اعتقد -ولا تؤاخذني اخوية- ماكو هيج بطة تلعب شناو.... لان الي همة عليهم (UNHCR( سووا و اعادو توطينك بامريكا فاذا انت رفضت ما اعتقد يطوك فرصة ثانية وراهة
8- مثل ما كال اخوية اقل من عشر الاف مسموح لكل شخص بالغ
9-التحويلات البنكية كلش سهلة من هنا (بس هاي بعد ماتطلع السوشيال سكيورتي كارد يعني فد شهر اقل شي) واعتقد تصير بس لازم بكميات قليلة لانه اذا هواية ويعرفون بيك يكطعون عنك المساعدات
10-ما عدي معلومة
11-ما اكدر اجاوبك بالضبط بس الرعاية الصحية هناك جيدة جدا

بالنسبة للمساعدات فهي كالتالي:
1-420 دولار بالشهر لكل شخص وتستمر لحين ما تلكة شغل... او يكطعوهة عليك اذا رفضت شغل اكثر من مرة بدون سبب مقنع او تخلص ال 8 اشهر  وهي هاي المساعدة الي رح  تسدد منها فلوس الايجار
2- 200 دولار شهريا لكل شخص يسموها فوود ستامب تستخدم فقط لشراء الاكل والشرب
بالاضافة للتامين الصحي الي يستمر 8 اشهر وممكن يستمر بعدها ايضا بغض النظر عن الشغل


ان شاء الله اكون فدتك واذا اي شي تريد تسأل اني بخدمتك
 
0

صفحات: [1]