الحمد على كل حال اليوم مثل ما تعرفون كان موعد سفري رحت للانتظار مال مطار بغداد والساعة 10:10 ص اجة ابو الايوم ونطانا الاوراق مال خط الرحلة ودخلنة للمطار ... طبعاً البهذلة مال نزل وصعد الجنط وكلساع تفتيش ما احجيلكم والحر والتراب وياهة وفلوس السيارة والحماميل وكلهة هينة كلت بس خلي اخلص واهون على اهلي وياية . دخلنة آني وعائلتي واطفالي لقاعة نينوى الي بيهة الخطوط الملكية الاردنية ووكفنة بالسرة وكلنة تفاءل وسرور وما مصدك اجة هذا اليوم .... وجان يجي ابو المنظمة ويكول حضرتك فلان كتلة نعم كال انلغة سفرك !!!!!!!!!!!!!! ما اوصفلكم وقعة الخبر وشلون زوجتي وكعت . كتلة ليش كال ما اعرف هسة اتصلوا من عمان وكالوا لا يسافر ؟؟؟؟ ... وجان يجية تلفون لاخ ويبلش ينة واحد واحد 2 سنكل وعائلة لخ ويانة يعني صرنة عائلتين و2 سنكل ... ليش يمعود كال والله ما ادري ... ورة شوية خابر على عمان كلولة موظفي الايوم لما استلموا كيسهم بالمطار وديجيكوه لغوا سفرهم بسبب اكو فد اجراء صاير اكسباير !!! شنو هوة ما ادري زين واحد يكول البصمات صايرة اكسباير واللاخ يكول امنية قبل السفر ... اكو ولد كلش قهرني صعد اللكج مالتة على الشحن ووصل للكاونتر مال الجوازات وعاط ابو المنظمة كال لا لا تختمولة خابروني عليه عمان وبقة حاير اللكج مالتة انشحن ...زين وين كانوا لما حددولنه موعد سفر اني قبل اسبوع حددولي موعد سفر والعوائل الي وياية قبل 20 يوم زين هسة يلا اتفطنوا الايوم اكو شي اكسباير ... اني اهلي حاجزيلي شقة وااثثوهة بامريكا وآني صفيت كلشي هناية ببغداد وبقيت انا والسماء والطارق وهمزين صفيت على المبردات والطباخ الي اصلاً نطيتهن لخالتي ... وحتى فراش ما بقة عندي ... الله يصبرنه على هالحال يعني لازم اشتري من جديد ... زين ذولة شنو ديلعبون بينه لو شنو ... ابو ايوم بغداد يكول الاسبوع الفات نفس الشي صار وية عائلة ورجعوا ولد من عمان لبغداد نفس السبب ؟؟ ؟ الله يجازيهم على هالوضعية الي ديسووهة بينة لأن ما بقة بينة صبر توصل شغلتك للحلك وتروح ... آني رجل مؤمن بحكم رب العالمين وأكول الخير فيما يختاره الله لنا ... بس والله تعبنة والمنظمة راح تسوي بينة امراض نفسية لأن ما اعتقد اكو عاطفة او انسانية بالتعامل وية العراقيين ... بس ردت اعرف شنو الي صار اخواني اذا واحد ما نفس التجربة وزين شكد تطول وتفض وشنو بعد هالاجراء ات . آني هسة فتحت الموقع طلعت الامنية (بالانتظار ) وحالة السفر ( بالانتظار) والملف فعال .... شنو انعادت امنيتي لو شنو ...
والله يالناسك قهرتني ...... بس ان شاء الله خير ومطول ان شاء الله و تسافر يارب يارب يارب مطولون اسبوع و اتسافرووون
السلام عليكم جميعا اخواني واصدقائي الاعزاء ربما القليل منكم او بالاحرى الاخوة القدماء في هذا البيت الرائع من يعرف بقصتي مع الهجرة واللجوء وساذكر التالي 14/9/2009 وعندما انتهى العمل في الشركه التي كنت اعمل بها وكنت اخر المغادرين (عزلتها بيدي)قدمت على برنامج الاس اي في وبعد اللتي واللتيا حصلت الموافقه في شهر الواحد 2010 وبعد اكمال جميع الطلبات والمستندات وروح وتعال من قيد نفوس الى بيانات ولادة وترجمه حتى صرت خبيرا في مراجعه دوائر الدوله اكملت كل ما مطلوب وحسب الاصول حتى تصديق الخارجيه التي تبين لاحقا انها غير مطلوبه مطلقا المهم حصلت على موعد مقابله نهايه شهر 12 من 2010 وجرت المقابله بشكل روتيني وعادي وبسيط وبدءت مرحله الانتظار والتي كانت مقررة من 6 اسابيع الى 3 اشهر حسب قول الشخص الذي قابلني الى ان اتى شهر اب وفي اول يوم من رمضان الكريم استلمت ايميل من السفارة يعلمني بسحب الكوم والسبب الخلفيه الامنيه حمدت الله وشكرته على تقديره وقضائه ولا اخفيكم اني تالمت وضاقت الدنيا في عيني قدمت مرة اخرى بعد مراسلات مع مركز الهجرة الوطني نبراسكا فاتى الرفض مرة اخرى في اقل من شهر وهذه المرة اني لست مؤهلا لاس اي في نسيت الامر برمته واتجهت الى حياتي وحياة عائلتي المعلقه لثلاث سنين للا شيء
كان لدي كيس على الاي او ام وكنت قد اغلقته عندما حصلت على كوم بروفال وابلغت الاي او ام بذلك حتى لا اخذ فرصه غيري والحمد لله فتحت القضيه من جديد بعد مراسلات وجيب وودي المهم اخوتي الاعزاء قبل 5 ايام فتحت الايميل المخصص للهجر واللجوء فوجدت رساله من الان في سي ومعها اتجمنت يحوي كوم بروفال وبنفس الكيس نمبر القديم وتاريخ التقديم ونفس السيدة المنسقه لشؤون اللاجئين والتي سحبت الكوم الاول هي التي وقعت الكوم الجديد ويطلبون مني ان ارسل الاي 360 وباقي المستندات المهم ثاني يوم كبل وعدل للدي اج ال ارسلت المتطلبات ههههههه وثاني يوم رجعت فتحت ايميلي وجدت رساله من الاي او ام تعلمني انه لدي مقابله بدايه الشهر السابع وياسبحان الله المهم اخواني انا حبيت تشاركوني الفرحه ولو الحماس فتر والامل قليل لكن صدكوني رحمه الله واسعه وواسعه جدا بحيث لا تدركها عقولنا القاصرة وكل هذا بفضل الله عز وجل شكرا لكم واتمنا لكم التوفيق
يارب الله يفتحها بوجهك و يسهل امرك و ينورلك طريقك يارب يا الله
اختي العزيزة .... عدم المحكومية هي اهم شي الشخص ما عليه ( حكم محكمة ) اذا ماكو حكم ما كو مشكلة وطبعا مو كل الاحكام تنكتب بعدم المحكومية يعني اكيد مشاجرة عادية مو مثل شروع بالقتل ..... وطبعا حسب قانون البلد اكو بلدان حكم سجن تحت 3 اشهر مينكتب بعدم المحكومية وضل نضيفة
موضوعي اسمحوا به ليوم واحد وبعدها ساقوم بحذفه بنفسي
استيقضت على نغمة الموبايل الساعة السادسة فجرا " الووو" اجبت :"الووو" فقال صوت عذب رقيق :" الطيار العراقي " اجبت :"نعم " فاخبرني ذلك الصوت الرقيق والعذب " نذكرك ان لديك موعد للمقابلة اليوم " طبعا بعد تاكيد الموعد قمت باخذ شاور بارد وشرب كوب كبير جدا دبل فاليوم مال شاي عراقي ثكيل حتى اصحصح وارتديت ملابسي وخرجت واستقليت سيارة اجرة .......... كان الوقت لايزال فجرا والشارع خالي الا من بعض السيارات وهواء الفجر العليل يلاعب وجهي ..... اوقدت سيجارة وانا افكر واراجع مع نفسي كل الاوراق <هل نسيت شيئأ> الوساوس تلاعب عقلي وانا في قلل غير مبرر للمقابلة ...... وصلت الى المقابلة وكانت هناك بعض العاوئل الواقفة فصاح بي جندي عراقي : " على شنو مراجع " اجبته " SIV " فاصطحبني الى السفارة واجريت التفتيش الامني واخذني باص الاحلام الباص الذي انتظرته طويلا ............ وصلت قاعة الانتظار وكانت فارغة حيث كنت لوحدي في الباص ووحدي في القاعة .......... شخص كبير السن في الشباك صاح بي :" لقد جأت مبكرا " بلكنته الامريكية وبابتسامة توحي للطمئنينه وكأن في قلبه يقول نحن نحترم من يحترم المواعيد ........... قال تفضل ارني اوراقك .......... بدأ يقلبها ويتفحصها بنظاراته الي توحي عدساتها بمدى ضعف بصرف ..... وراح يقراها ويتمتم " جيد...جيد ...مثير للاهتمام ...... جيد " قام بسؤالي الاسئلة المعتادة ....... رغم ان المقابلة لعدة دقائق لكنها مرت علي كانها سنوات وانا انظر للعيون الجوفاء والفم المبتسم وعيني كلها طلب ورجاء وانا واقف امام من سيحدد مصيري .......... وقال " حسنا تفضل بعد اسبوع لاستلام الفيزة " وضل فمي مفتوحا كشخص اهبل " هل انت جاد يا سيدي " فاجاب بوجهه المبتسم " بالتاكيد " خرجت ارقص واغني واهلهل وعيني مغرورقة بالدموع ...واذا بصوت عتي " اكعد ....اكعد ...... اكعد " واذا بصوت زوجتي افتح عيني ارى نفسي ممددا بالفراش وزوجتي تصيح بي " يلى تاخرت راح تضل نايم كوم سويلك شي يا رجال " يعني شيصير لو عايفتني شوية افرح بالفيزة مالتي .............اوف الحمد لله عرفت فرحة الفيزة حتى لو لم يكتبها لي الله ................... اروع حلم رايته في حياتي
حبيبي الغالي AntiVirus والله حاس بيك اني و دا تخيل شلون دتجيك افكار شيطانيه تعوف السفر علمود الحاسبه حبيبي سافر و اوصل اهناك و اخذ الشغلات المهمة مثل مكالوا الشباب والباقي اهلك يدزولكياه
الف الف مبروك اخويه ابو نور و ياربي الله يفتحها بوجهك و ان شاء الله يجي اليوم الي نوصل لكندا وادوخكم تلفونات انت و الفريدو و شمعه ( كل خطوه اخابركم شسوي شسوي )
اهلا اختي ريم2000 عزيزتي اني حان عندي اقامه طالب من قدمت لليو ان بعدين انتهت و مجددت وراها ولا حطيت الاقامه على الكارت الاصفر ،،،،، اني دا اسال بهيجي حاله شنو الاجراء ؟
يقال أن إحد الصحفيين سأل أحد الثوار الليبيين الشباب ما الفرق بين الرؤساء العرب والرؤساء الإفرنج فقال الليبي بعفويته وبساطته المعتاده إنه نفس الفرق بين مقعد الحمام العربي ومقعد الحمام الإفرنجي فالمقعد الإفرنجي يمكن نزعه بفك مسمارين فقط أما المقعد العربي فلا يمكن فكه إلا بتكسير الحمام كله
السلام عليكم ... اخواني واخواتي وخصوصا في مصر,,, كل عام وانتوا بالف خير ياربي سنة سعاده و رزق و امل و سفر و مستقبل جديد و تحقيق كل الاماني للجميع يارب .
حبيبي اخويه مشكور على الاجابه السريعه ( طبعا ضحكتني بشغله الفيش ) شوف احنه نعرف انو مصر مابيه بس كندا و امريكا ،،امريكا متريد عدم محكوميه بس كندا ناس تكول اي ناس تكول لا فهذا جان سؤالي يعني هسه كندا مراح تطلب من الدول الي جان عايش بيهن بس مصر ؟ (اكل راسي ) حبيبي مشكور ومتقصر
السلام عليكم اولا تحياتي لكل الاخوه القائمين على هذا المنتدى الي كلمه رائع جدا قليله ولكل الاخوه الاعضاء ... عندي اخويه كان لاجئ باكثر من بلد اوربي وبكل بلد ضل اكثر من سنه وهو حاليا بمصر وقدم الى مفوضيه الي بمصر وقابل في قسم التوطين وهسه ملفه بالمكتب الاقليمي الي بيروت وان شاء الله يوافقون عليه بسرعه سؤالي ( السفاره الكنديه راح تطلب من عنده العدم المحكوميه بكل بلد عاش بيه اكثر من 6 اشهر لو تطلب من عنده العدم محكويه بس مال مصر ) ؟
حبيبي موزارت تسلملي والله مقصرت والاخوه هم قصرو ،،، اني هسه ماشي بطريق الملحه والايميلات والله كريم ،،، واحد من الاصدقاء يسالني انو الواحد يتوطن من يطلع الملف الى لبنان ( يعني الموافقه التوطين من يو ان مصر ) لو مناك تجي موافقه التوطين من يوان لبنان
حبيبي ابو هاشم شكرا لك ولكل الاخوه ... بس سمعت انو السفاره الكنديه تطلب العدم محكوميه المصريه ( الفيش و تشبيه ) ، عكس اميركا الي متطلب اي شي فلهذا سالت هذا لسؤال وسمعت من كم واحد انو كندا تطلب من كل بلد الواحد عاش بيه 6 اشهر بس متتاكدين ،.. سؤالي الثاني كندا تجيك بس بكندا لو بكل العالم ؟ الموفقيه للجميع يارب
شكرا لكل اجابتكم ..... هل السفاره الكنديه في مصر تطلب ( عدم محكوميه ) من كل بلد عاش بيه الواحد اكثر من 6 اشهر ؟ ... وشلون يكون تجيك الامني عند الكنديين
تحياتي للجميع .... يسالنى احد الاصدقاء الموجودين في مصر , انه هو عنده بصمه باكثر من بلد اوربي ما تاثيره على لجوءه ؟..... وهو لازم يحجي الصدك لان جوازه الي جان بيه باوربا وياه ؟
حبيبي ابو هاشم بارك الله بيك و نورت الكروب ...يمكن راح اثكل عليك اني من كملت المقابله موضف اليو ان كلي انت اتحولت من صفه طالب لجوء الى صفه لاجئ شنوه معناه والمفروض الخطوه الجايه شنو ؟ يعني اكو امل ؟ اسف على الاطاله
شكرا الكم جميعا PlatinuM و ابو مريومه وابو زيد و Habazbooz69 و كل الاخوه ..... سؤالي كم مره شفت بالمنتدى شي اسمه ( ارتباط ضعيف وارتباط قوي ) شنو معناه هذا الشي ... واي مرحله من مراحل اللجوء لازم واحد يسوي هذا الشي ... اني بالمقابله كلولي انت صار عندك صفه لاجئ بس منطوني اي شي يعني ( شفهي ) وهذا بشنو يفيد وشنو لازم انتضر وراه ؟ ..... وبارك الله بيكم جميعا
السلام عليكم اولا نشكر الاخوه الطيبين على هذا المنتدى الاكثر من رائع ... ويتعبر من المنتديات المهمه جدا لكل اهلنا العراقين ونشكر كل الاخوه الاعضاء الي مقصرو باي معلومه في سبيل تفادي الاخطاء الي ممكن يوكع بيها لاجئ او المهاجر العراقي ... طبعا اني مقدم جديد على اليو ان مصر شهر الثاني 2011 وانطوني الكارت الاصفر وسويت مقابله تسجيل بعد كلشي ماكو فا تمنى من كل الاخوه والاخوات الي مسجلين يو ان مصر يدخلون لنتبادل الخبرات وان شاء الله الله يفرجها علينا وعليكم وانسافر كلنا باسرع وقت يارب
عرض المشاركات
صدك ماكو شي جديد
شو ماكو احد...... UP
) حبيبي مشكور ومتقصر