ankawa

المنوعات => استراحة المنتديات => استراحة اقلام الهواة => الموضوع حرر بواسطة: P AS في 01:54 28/02/2012

العنوان: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: P AS في 01:54 28/02/2012
وين صفينا يالعراق ؟ـ


صفينه ايدنه ويَ الكَاع، حتى الكَاع ملّت من خطاوينه..ـ
وصفينه ركام، يا مهيوب اسمك، ليش تريد تمسح كل اسامينه..ـ
وصفينه ايد تلوي الايد، بعد ماحار الوكت شلون يلوينه..ـ
وصفينه الدم للركاب يسيل بكل بيت، الجفن حضّرناه، اخاف الموت يلفينه..ـ
وصفينه من الغروب انّام، بعد ما جانت سهر كلها ليالينه..ـ
وصفينه نكَول للي يموت، روح اخّلص من قهرنا، ومن بلاوينه..ـ
وصفينه بالتفكَ متحزّمين، بس نكتل بعض، والموت حادينه..ـ
وصارت كل مُدنّا كَبور ظلمة، ونلبس بس سواد، شوكت ما جيت تلكَينه..ـ
وصفينه عالهويه نذبح الجيران، ولا جنّه سنين الحلوة وياه كَضينه..ـ
وطولنا اللحايا وكَصرنا الثياب، وصار بأسم الدين تطلع كل فتاوينه..ـ
وصفينه نخبط الصافي بنهرنا الماصفه فد يوم طينه..ـ
وصفينه نعيد بالتاريخ ولعصر الجاهلية اليوم ردّينه..ـ
ولا جنّه اول حضارة صارت اعلى الكَاع، ولا جنّه اول مسلّه احنه سنّينّه..ـ
ولا جنّه حكمنا الدنيا من بغداد، ولا جن المنايا تخاف لو سمعت بطارينه ..ـ
ولا جان كَبل من واحدنا من ينضام، يفـزّ الكَلب من حشاه، ويعينه....ـ
شجــــــــانه اليوم بس كاتل ومكتول ولا رحمه بكَلبنا، كَلي شبينه؟؟..ـ
نبوكَ من الليالي مسامر الخلان، ونكَطع وصل حبهم من شرايينه...ـ
نحرّم كل ترافه تخطر عل البال، وندندن، صرنا بالبسكوت اغانينه..ـ
وصفينه كلـشي ما حاوين، لا حاضر جديد، ولا ماضي قديم اللي يواسينه..ـ
نهاجر، نكَول بلكي يهده البال برّه، وتتحقق امانينه..ـ
ومن نفرح غفُل، نبجي بدمع مهضوم، لان فرحتنا تغّص بكل مآسينه..ـ
جاوبني يالعراق وكَلي! ليش هيجي صفينه؟؟؟ـ                                                    باسكوباس
                                                                                                                             
                                                                                                                                                 pascopas
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: كوكي 2004 في 02:10 28/02/2012
عاشت الأيادي فعلآ صار هذا واقع حال  :'( :'( :'( :'( :'( :'( :'( :'( :'( :'( :'(
تحياتي لحضرتك
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: روزة اليرموك في 06:37 28/02/2012
قصيدة حلوة واكثر من رائعة علجرح تسلم وعاشت ايدك
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: DEFA-AL-AIRAQI في 11:16 28/02/2012
عاشت ايدك ياورد حبيبي الطيب
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: ابو ايمن المياحي في 14:06 28/02/2012
صح لسانك
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: ميخالف في 14:13 28/02/2012
صح لسانك
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: شنايزر في 12:44 29/02/2012
صح لسانك

وتسلم اناملك

فعلا هذا وقعنا المرير جدا .............
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: المهــــاجــر في 21:24 01/03/2012
عاشــت ايدك على هاي الكلمات الرائعــة التي تعبر عن واقع الحال الذي نعيشه في العراق..
تقبل مني مروري وتحياتي وهذه الأبيات الشعرية :
×××××××××××
معـانـــاة مهــاجـــــر                   
موسهلة اودعـــــــك يا بلـــدي ويـــــــــــــا داري
نعم تركنا أرض الوطن بس بقى حبك بدمنا ساري
من أرض العراق حتى وصلنا الى أرض المطارِ
وصارنا شهور بلبنان ولازال عليك الدمع جاري
مشــــــتاقلـــــك يــــا بلـــــــــدي ويـــــــــا داري
مشـــــــتاق لاهـــــــــلي ونــــــــاســـي وجــاري
حتى أكلنا بعيد عنك يا عراق مثل ســــــم هاري
أعذرني ياوطــــن لأني تركتك وتركــــت داري
نــــــعــم عــزيــزة عــليـنــــــا كلنـــــا بلادنـــا
بــــــس هــــــــم عـــــزيــزة علينـــــا أولاد نـــا
تهجيـــــــر االعراقييــــــــــــن صار بوضح النهارِ
ليش أنـــا بنــــص بلــــــدي وقــــــل مقـــــداري
أنا مـــا أريــــد أطبٌق قـــــوانيـن غيري أجباري
لأن أحنــــــا مــن نولــــــدنا الله خلقنـا أحــرارِ
أحنــــا أصــــل البلـــد وتشـــهد علينا اللآثـــارِ
شعبنا ينذبح بالمـــــدن أمام مرأى المســــؤولين
وقــــــوات الأمـــــن والحكومـة لا تبــــــــــالـي
شلون ننســـــى شــلون فجـــــروا باصات الجامعة
             وشلون فجروا مسطرالعمال والكنيسـة والجامع والحسينية 
وبقــــــــى النـزيــــــــــف والــــــدم جـــــــــــــاري
فيــــــــــــــــا لـلخــــــــــــزي والـعــــــــــــــــــارِ
والحـكومة بعد فوات الأوان تصدر بيان تنديد واستنكارِ
والجريمة قيــدت كالعادة ضد مجهول يا عراقيين
عـــرفــــــت ليــــــــش تركـــــــــــــــــــت داري
يللي تســــألني ليـــــــش تركت بلــــــدي وداري
الأرهـــــاب دمـــر بلادي ومحــد بينـــــــا داري
يــــــا نـاس ذبــح البشــــــــــر عـــند الارهـــاب
أســــــــــــهـل مـــــــن ذبـــــــــح الأبـــــــــقــارِ
شــــــتعـرف عـــن ذبـــــح أطفــال العــــــــراق
وشــــــــــلون تـنـدفــــــــــــــــن بالمـجــــــــاري
وشــــــــتعــرف عـــن خـطــــــف النســـــــــــاء
وشـــــــلون تختصــــــب الصبــايــا العــــذاري
وشــتعـرف عــــن جثــــــــث العراقييــــــــــن
شـــلون منتشـــــرة ومتفسخـــــة بالبـــــــــراري
ومنـو يكـدر ينسى شلون أنذبحت أطوار بهجت
وشلون طفــر دمـها وشــلون كان الجســـد عاري
ورجال السياسة بعدهم يتعاركون على كرسي الوزاري
عــــرفــــت ليــــــــــــش تــركـــــــــــــــــــت داري

العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: P AS في 21:40 01/03/2012
عاشــت ايدك على هاي الكلمات الرائعــة التي تعبر عن واقع الحال الذي نعيشه في العراق..
تقبل مني مروري وتحياتي وهذه الأبيات الشعرية :
×××××××××××
معـانـــاة مهــاجـــــر                   
موسهلة اودعـــــــك يا بلـــدي ويـــــــــــــا داري
نعم تركنا أرض الوطن بس بقى حبك بدمنا ساري
من أرض العراق حتى وصلنا الى أرض المطارِ
وصارنا شهور بلبنان ولازال عليك الدمع جاري
مشــــــتاقلـــــك يــــا بلـــــــــدي ويـــــــــا داري
مشـــــــتاق لاهـــــــــلي ونــــــــاســـي وجــاري
حتى أكلنا بعيد عنك يا عراق مثل ســــــم هاري
أعذرني ياوطــــن لأني تركتك وتركــــت داري
نــــــعــم عــزيــزة عــليـنــــــا كلنـــــا بلادنـــا
بــــــس هــــــــم عـــــزيــزة علينـــــا أولاد نـــا
تهجيـــــــر االعراقييــــــــــــن صار بوضح النهارِ
ليش أنـــا بنــــص بلــــــدي وقــــــل مقـــــداري
أنا مـــا أريــــد أطبٌق قـــــوانيـن غيري أجباري
لأن أحنــــــا مــن نولــــــدنا الله خلقنـا أحــرارِ
أحنــــا أصــــل البلـــد وتشـــهد علينا اللآثـــارِ
شعبنا ينذبح بالمـــــدن أمام مرأى المســــؤولين
وقــــــوات الأمـــــن والحكومـة لا تبــــــــــالـي
شلون ننســـــى شــلون فجـــــروا باصات الجامعة
             وشلون فجروا مسطرالعمال والكنيسـة والجامع والحسينية 
وبقــــــــى النـزيــــــــــف والــــــدم جـــــــــــــاري
فيــــــــــــــــا لـلخــــــــــــزي والـعــــــــــــــــــارِ
والحـكومة بعد فوات الأوان تصدر بيان تنديد واستنكارِ
والجريمة قيــدت كالعادة ضد مجهول يا عراقيين
عـــرفــــــت ليــــــــش تركـــــــــــــــــــت داري
يللي تســــألني ليـــــــش تركت بلــــــدي وداري
الأرهـــــاب دمـــر بلادي ومحــد بينـــــــا داري
يــــــا نـاس ذبــح البشــــــــــر عـــند الارهـــاب
أســــــــــــهـل مـــــــن ذبـــــــــح الأبـــــــــقــارِ
شــــــتعـرف عـــن ذبـــــح أطفــال العــــــــراق
وشــــــــــلون تـنـدفــــــــــــــــن بالمـجــــــــاري
وشــــــــتعــرف عـــن خـطــــــف النســـــــــــاء
وشـــــــلون تختصــــــب الصبــايــا العــــذاري
وشــتعـرف عــــن جثــــــــث العراقييــــــــــن
شـــلون منتشـــــرة ومتفسخـــــة بالبـــــــــراري
ومنـو يكـدر ينسى شلون أنذبحت أطوار بهجت
وشلون طفــر دمـها وشــلون كان الجســـد عاري
ورجال السياسة بعدهم يتعاركون على كرسي الوزاري
عــــرفــــت ليــــــــــــش تــركـــــــــــــــــــت داري

[/si
bbb                                                  اشكرك    عزيزي واخي المهاجر على قرائتك شجون العراق وتقييمك لها واشكرك مره اخرى
                                                                     
 على كتابتك قصيدتك الرائعة عن شجو ن العراق و  انها لتدمي القلب
                                                                وعاشت اناملك وانشاء الله تفرج على كل ابناء بلدي الذين نتشارك معهم بكووس العذاب والغربة
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: jihan 1 في 13:54 02/03/2012
عاش قلمك  المبدع  كلمات رائعة
العنوان: رد: شجون العراق نهاجر، نكَول بلكي يهده البال برّه، وتتحقق امانينه..ـ
أرسل بواسطة: yasir fakhri في 02:54 15/07/2012
عاش ايدك وتحية لقلمك المبدع  ولهذه الكلمات الرائعة