عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - البصراوي المحب

صفحات: [1]
1
السلام عليكم اخواني عندي ولد صديقي صارله سنه 7 واشهر بمريكا ومقدم على الكرين كارت صارله 9 اشهر ومسوي بصمات العام بشهر 12 ولحد هسه ماجا الكرين كارت ولا عنده ترفل دكيومنت وبدايه الشهر الجاي راح يسافر للعراق لان عنده ظروف ولازم يسافر فبهيج حاله شلون راح يرجع لمريكا وشنو يسوي بالظبط
   تحياتي لكم

2
السلام عليكم اخواني ممكن احد عنده مواقع مال ايجارات والشقق في امريكا واكون ممكن منكم

 تحياتي.

3
السلام عليكم اخواني مثل ماوعدتكم اكتب تفاصيل سفري من الف الى الياء
طبعا كان موعد سفري يوم الاثنين 22_10 وانا من محافظه البصره الحمدلله اطلعت من البصره يوم السبت بليل صعدت بالمنشات الحكوميه وصلت لبغداد الاحد الفجر اجرات فندق بالكاظميه ارتاحيت وب11 رحت للمستشفى حته اسوي الفحص ماقبل السفر.المهم ساعه 1 الظهر طبعا كنه مجموعه هوايه وماطولنه بالفحص مجرد اخذنه الحبايه.طبعا بالمستشفى اتعرفنه على بعض واتفقنه نلتقي ثاني يوم بساحه عباس ابن فرناس.
الحمدلله ثاني يوم الصبح رحت لساحه عباس ابن فرناس وصلت ساعه ب8 لكيت ناس جايين قبلي وناس اجت وراي المهم اجمعنه كلنه وبقينه ننتظر ابو المنظمه يجي ينطينه التذاكر والله ساعه ب10 اجه ابو المنظمه وانطانه التذاكر وكال انتظروني بقاعه نينوى.اجرنه سياره الي الكل تعرفها اليوكنات النفر 10 ونطلقنه للمطار طبعا تفتيش دقيق للتذاكر وللجنط كملنه التفتيش ورحنه لقاعه نينوى وصلنه فتشو الجنط ايضا ودخلنه جوه للصاله لزمنه سرى على مكتب الملكيه كملنه شحنه الجنط وصعدنه فوك ننتظر صعود الطائره.تقريبا ساعه بالوحده صعدنه بالطياره بالوحده ونص طارت الطياره الحمدلله.وصلنه لعمان ب3 الا ربع.نزلنه من الطياره وصعدنه بالباص الخاص وصولنه للصاله دخلنه ولكينه ابو المنظمه ينتظرنه كملنه اجارائات انطونه بطاقه واخذو الجوازات وثاني يوم رجعنه البطاقه الخضره اعتقد كان لونها اخضر واخذنه الجوازات.طبعا الي كان عنده طياره بنفس اليوم خذوا لغير مكان ترانزيت والي كان منهم الاخ مراد البغدادي الي كان سفره ترانزيت على فرنسا.والي كان موعد طيراته ثاني يوم بتنه بفندق المطار اعتقد هواي ناس تعرفه اسمه كولدن توليب.ابو المنظمه كال الموعد باجر ساعه 7 الكل تكون موجوده جوه حته ناخذكم للمطار.المهم ثاني يوم ب7 اجمعنه اخذنه الباص واتجهنه للمطار دخلنه وكملنه الاجرائات طبعا الي طيارته على نيويورك اتجه للبوابه المخصصه وكعد ينتظر والي طيراته على شيكاغو همين راح للبوابه المخصصه.
طبعا هنا بدت الكارثه مالتي ساعه ب8 وشويه انا كاعد جان يجي ابو المنظمه صاح بسمي كتله نعم كال تعال معي جيب الكيس مال الاي او ام وجوازك انا همين رحت ويا لمكتب الجوازات اخذو الكيس مالتي وبدو يجيكون صارت اتصالات ومااعرف شنو المهم طلع واحد من المكتب جان يكلي انته احتمال ماتسافر انا هنا صار عندي انهيار كتله ليش شو السبب كال مابعرف بس هاي الشغله من نيويورك مش من عدنه طبعا مااكلكم شنو صار بيه بس الله اليدري.والله شويه وجان اشوفلك ابو المنظمه الشخص الثاني الي كان بالمطار رحت علي ركض كتله استاذ صارت معي هيج شغله والجماعه كالوا ماراح تسافر ممكن اعرف شنو السبب.طبعا اجه وياي لمكتب الجوازات وكال اي نعم هاي دائما تصير عدنه بيصير تشابه اسماء ومافي مشكله عادي بعد 24 ساعه بيجي الكلير الموافقه وبطير على امريكا.المهم خذه الكيس مني وبقيت انتظر الجواب من نيويورك لحد ماطارت طياره نيويوك ماجت الموافقه كال هسه بناخذك للفندق بترتاح وباجر اذا اجت الموافقه راح تسافر او اذا اجت منا لليل راح نحجزلك على فرانك فورت طبعا هذا الحجي يوم الثلاثاء الصبح.المهم رجعت للفندق منهار نفسيا بتت بالفندق ثاني يوم ساعه ب7 ونص الصبح جان يتصل على ابو المنظمه سيد فلان كتله نعم كال الموافقه من نيويورك لهلا مااجت ولازم ترجع على لبغداد كتله اوكي انطيني 10 دقايق وبكون يمك.والله بدلت وكملت اموري ونزلت.صعدت بالباص دخلت للمطار وكلي اجلس هون حته اخذلك تذكره بغداد.كعدت انتظر.والله جان يجي الخبر الصاعق اجه الموظف الثاني جان يكول موافقت جايه البارحه بليل وهسه بلغوني انك لازم تسافر على شيكاغو طبعا هنا انا مااعرف شنو صار بيه راسا طفرت علي وبسته كتله تحجي صدك لو تشاقه كل لا والله هلا اتصلو بيه وبلغوني نحجزلك على شيكاغو الف الحمدلله والشكر.والله حجزولي وكملت الامور رحت اننتظر بالبوابه المخصصه مال طياره شيكاغو بعدين كملنه التفتيش وانتظرنه شويه وصعدنه بالطياره طبعا جانت مجموعه هواي وياي عوائل طبعا بس انا عزابي بيهم.والله طارت الطياره ب11 الا ربع الحمدلله و12 ساعه ونص طيران وصلنه لشيكاغو ب3 وثلث العصر الحمدلله.نزلنه واتجهنه للصاله لكينه جماعه الاي او ام ينتظرونه كملنه الاجرائات همين واستلمنه الجنط.طبعا انا طيارتي كانت ب7 ونص بليل يعني لازم اركض ركاض ياله الحك.والله صدك صارت ركض الشغله صعدت بالمتور ونزلت صعدت بمصعد ونزلت من مصعد بس منين دخلت منين طلعت ماادري جان وياي موظف الاي او ام الحمدلله وصلت للبوابه مال الطياره لكيت الناس واكفه حته نصدت بالطياره طبعا الرحله كانت على شركه امريكان ايرلاينز.والله الحمدلله صعدت بالطياره ورى ساعتين وصلت لمطار دالاس تقريبا ب9 ونص نزلت خذيت الجنطه مالتي طلعت مالكيت ولا واحد من المنظمه.خابرت على كفيلي اجه علي بالسياره وخذاني للشقه مالته.طبعا هوه ويا جماعه بالشقه يعني مقبطه فرحت يم ولد ثنين اصدقائنه كعدت يمهم ابين ماينطوني الشقه والحمدلله مرتاح انا هسه.ثاني يوم الصبح رحت للمنظمه طبعا طلعوا الجماعه مايدرون بيه انا جاي بس يدرون لمن انلغت سفرتي لنيويورك والكيس وركر كام يتعذر.المهم رحت سويت معامله السوشيل سكيورتي وهاي هيه.وانتظر ليوم الاثنين اكمل الاجرائات.
والحمدلله على كل حال.
اخواني بس احب ابلغكم قبل شويه اتصل حجيت ويه الاخ مراد البغدادي وكال سلملي على الاخوان بالمنتدى وخلي يعذروني لان ماعندي انترنت طبعا مراد البغدادي طلع قرايب الكفيل مالتي.وسلام خاص من مراد للاخ توفي وانشاء الله هوه ماناسيكم بس يصير عنده انترنت راح ينزل موضوع سفره.

 تحياتي لكم جميعا.

4
الحمدلله والشكر امس بليل وصلت لمريكا بعد مااتأجلت في عمان وبأخر لحظه اجت الموافقه من نيويورك وسافرت على شيكاغو ومن شيكاغو الى تسكاس مدينه دالاس.

وانشاءالله اكتبلكم تفاصيل الرحله عن قريب.

 تحياتي.

5
اخواني الغالين اولا انا اعتذر لعدم ابلاغكم بموعد سفري لان كنت مشغول جدا واخر اياام قبل السفر ماكان عندي انترنت.

واشكر لكل من سأل عني وباركلي بموعد سفري وانا اعتذر جدا منكم

اخواني يوم امس طرنه من بغداد والحمدلله بعد ساعه ونص وصلنه لعمان.الي كان عدهم سفر بنفس اليوم سافروا والي عنده سفر ثاني يوم بتنه في فندق المطار

طبعا انا كمان خط الرحله مالتي بغداد عمان نيويورك
لكن اليوم الصبح وقبل ساعتين من السفر تم تأجيل سفري ولا اعرف السبب الجوازات في عمان راسلوا مطار نيويورك وابلغوهم بعدم سفري على الرحله والان انا انتظر اما احصل الموافقه من نيويوك واسافر الى المانيا ومن ثم الى امريكا او ارجع الى العراق.

 هذا الي صار اليوم

 تحياتي لكم.

6
اخواني هذا صديقي قدمنه انا ويا بسنه 2010  بس هوه وراي قدم بكم شهر  ورقم الكيس مالته 116

وكمل مقابلات وفحص طبي بل 2011 وقبل شهرين عاد الفحص الطبي

قبل شويه جيكت ملفه على الموقع شفت التجيك الامني مكتمل عنده بس السفر غير فعال

توقعاتكم اشكد وينطونه موعد سفر؟

 تحياتي.

7
اخواني انا قبل 35 يوم عدت الفحص الطبي وهسه فتحت الموقع لكيت الفحص الطبي مكتمل

وبقت حاله الملف فعال.اريد رأيكم هل ملفي بالمراحل الاخيره او هل احتمال التجيك الامني اكتمل عندي

Name (الاسم)   Status (الحالة)   Note(ملاحظة)
Case Status (حالة الملف)   ACTIVE (فعال)   
Case Size (عدد الأفراد)   1   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)

 تحياتي.

8
اخواني قبل فتره دزيت رساله استفسر عن حاله الملف وامس اجاني الرد منهم بالكليشه المعروفه تحت التجيك الامني وبيها الرمز AMZ منو جايه هيج رمز انا اول مره يجيني هيج..ذاك الشهر ايضا اجاني الرمز ND ونزلت موضوع بي.

علما انا يوم 16_8 عدت الفحص الطبي والي هسه ان بروسس.

  تحياتي.

9
مرحبا شباب منو جايه هيج رمز ND من ال iom انا قبل اسبوعين تقريبا عدت الفحص ودزيتلهم رساله استفسر عن حاله الملف

واليوم وصلتني الرساله المعتاده مال التجييك الامني بس هاي المره الرمز مختلف واول مره يجيني هيج رمز

انا مقدم من بغداد IZ 115

 تحياتي.

10
طبعا خابروني يوم الثلاثاء على اعاده الفحص وبلغوني الخميس عندي اعاده فحص في ابن البيطار
مثل ماتعرفون انا من البصره طلعت من البصره يوم الاربعاء الحمدلله وصلت لبغداد بسلامه
الخميس الصبح رحت للمستشفى وصلت ساعه 8 الصبح كالوا الموظفين يجون ساعه 8 ونص انتظر
طبعا اكو ناس وياي جانوا ينتظرون بره المستشفى المهم ساعه  8 ونص بدينه ندخل للمستشفى وكفنه بالباب اكو ممر صغير وكفنه بي بالسره وبده الموظف ياخذ جوازاتنه وجيك الاسم وبده يدخلنه
دخلنه بالبدايه الموظف كال الرجال يدخلون لمكان الفحص والي الكل تعرفه والنساء يكعدون بقاعه صغيره يم كرفان الفحص دخلنه وبدت الموظفه تصيح بالاسماء وبعدين شرحت طريقه الفحص وكالت كل واحد يوقع على الاوراق مال الفحص ونطونه ورقه صغيره بيها مكان الاشعه ورقم الملف واسم الشخص.بعدين دخلوا النساء ويانه.
بدت الموظفه تصيح بالاسم حته يوقع الاوراق ويروح ينتظر بالقاعه الصغيره المهم كملنه ورحنه كعدنه بيها.
طبعا الي يروح يكعد بالقاعه شويه ويجون ياخذونه لقاعه ثانيه همين صغيره ومرتبه بعدين اجه الموظف يصيح بالاسماء حته نروح نسوي فحص طول ووزن وسحب دوم كملت انا قياس طول ووزن وسحبوا دوم بعدين رجعت للقاعه شويه وصاحوا بأسمي حته اسوي فحص سريري دخلت على الدكتور طبعا دكتور عبالك يعرفني من 10 سنوات انسان خلوق جدا ومرح  كلي انته العام ماكان عندك مشكله وصحتك ممتازه بهاي الفتره خو ماصار شي جديد عندك يعني عمليه او جرح قوي صار اوعندك سكر ظغط كتله لا ابد الحمدلله ماعندي شي.قبل مااطلع سالته كتله شنو اخبار السفر بهاي الفتره عندك معلومات كلي والله انشاء الله خير بالايام الجايه وهسه اكو سفر هواي كتله شكرا وطلعت .رحت كبل على مكان الاشعه الي هوه عبر الشارع مقابيل المستشفى اكيد الكل يندله خذيت اشعه ماطولت نص ساعه والحمدلله كملت كلشي.

ورجعت للبصره بخير وسلامه.


ملاحظه_الي جانو وياي بالفحص هواي وقسمونه وجبتين كل وجبه تقريا 15 بين عائله وسنكل.
طبعا الاكثريه عدهم اعاده فحص يعني 90 بالميه  اعاده.مااعرف اذا جان اكو جماعه عدهم فحص اول
والغلبيه من الي مقدمين 2008_2009_ 2010
رقم الملف_115
مقابله اولى وثانيه شهر 3 2011
فحص طبي اول شهر 4 2011
اعاده الفحص 16_8 2012
وبعدني انتظر الامنيه.

 تحياتي للجميع.

11
صباح الخير اخواني

قبل قليل اقلعت طائره الملكيه الاردنيه وفيها 3 اشخاص وعائله كلهم siv

طبعا من ضمن الي سافروا العضو والاخ العزيز asad3333

طبعا اليوم راح يبقون في عمان وباجر الصبح طيرانهم الى شيكاغو ساعه 10 ونص

يوصلون بالسلامه انشاء الله.

واحب اكلكم انو يوم 1_8 همين راح يكون اكو سفر حسب ماكلي ابو المنظمه.

 تحياتي.

12
مرحبا شباب طبعا اليوم سافرو 6 اشخاص من مطار البصره

وهمه siv  وانشاء الله اكو سفر همين يوم 18  ويوم 25 من مطار البصره

بس حبيت افرحكم وابلغكم بهاي الاخبار

 تحياتي.

13
شباب اليوم شفت ابو منظمه iom بصاله مطار البصره وكلي هاي الايام عندي سفر كلش هواي

يعني في كل اسبوع عندي رحلتين ويوم 11_7 راح يكون عندي رحله

وكلي ايضا السفر كلش قوي وخاصتا من بغداد.

حبيت اخبركم بس وانشاء الله السفر للجميع.

 تحياتي.

14
مرحبا شباب اليوم التقيت بموظف الاي او ام بصاله مطار البصره وحجيت ويا على مود السفر كال هاي الايام سفر هواي من بغداد

ومن البصره انا شفته الساعه ب9 الصبح بعد ماطارت الملكيه الاردنيه وكلي اليوم سافروا 18 شخص اس اي في وكال السفر راح يزيد بعد

واكدلي انو الي يعيد الفحص الطبي يعني تقريبا الامنيه مالته كامله.

طبعا الشخص خلوق جدا وكلامه رائع.

اتمنى قدمتلكم خبر حلو وانشاء الله يرفع معنوياتكم.

 تحياتي.

15
الهجرة و واللاجئين / رساله من iom
« في: 14:45 22/05/2012  »
مرحبا اخواني قبل قليل وصلتني رساله من iom طبعا انا مقدم من بغداد وحاليا انتظر اعاده الفحص الطبي

طبعا بالرساله او ل مره تجيني الاحرف RTS  وبنهايه الرساله همين مخلين هاي الاحرف

ممكن احد يفهمني شنو الفلم واذا اكو شخص واصلتله هيج رساله وبيها هاي الاحرف

لان مو مثل كل مره تجيني الاحرف الي معروفه وهيه اختصارات للااسماء الموظفين

يعني هلمره بنهايه الرساله نفس الاحرف.

IZ-115XXX-case Updates-RTS

Dear Sir,

 

 

Thank you for your email.

 

Kindly note that your case has been forwarded to the concerned department.

 

You will be contacted for more details.

 

 

 

Kind regards

IOM Info Center

RTS

 تحياتي.

16
مرحبا اخواني الطيبين.

عندي ولد صديقي يريد يطلع للمغرب ويريد يعرف هل يحتاج فيزا او شلون الدخول هل هيه صعبه او سهله

يعني لازم تحصل فيزا منا من العراق او هناك بالمطار بالمغرب يفيزوله.

اخواني اريد منكم جواب مظبوط واكيد وماراح تقصرون انشاء الله.

 تحياتي.

17
اخويه العزيز ابو ايمن بشرنه اكو سفر هليام من بغداد لو لا لان انته تعرف هذا الشي بحكم عملك بمطار بغداد

نريد اخبار مفرحه منك نورنه بخبارك لان اخوانك بالمنتدى محتاجين الفرحه

اخويه منتظرين منك اخبار الله يسهل عليك وتسافر بأقرب وقت ان شاء الله وتسهل على الجميع


 تحياتي.

18
السلام عليكم

 اخواني الطيبين عندي صديقي يريد يروح لشيكاغو ومحتاج معلومات عنها

من ناحيه العمل والدراسه والجو

فاريد مساعدتكم وماتقصرون انشاء الله

  تحياتي.

19
السلام عليكم

طبعا السؤال موجه الى جماعه iom بغداد.

اخواني واخواتي الطيبين بس حبيت اعرف متى تصبح مقابله المحلف اكسباير وتنعاد انا سمعت ورى سنه واكو ناس دكول ورى 15 شهر

ياريت الي يعرف الجواب الاكيد يكلي او الي قابل بهاي الفتره الي فاتت ورى شكد عادها.

 تحياتي.

20
السلام عليكم اخواني الطيبين

حبيت اعرف منو صار ويا هيج بحاله الملف مالته لان انا كان ملفي هولد بس اشو اليوم تحول انتضار النتيجه ياريت الي يعرف شنو معناها يجاوبني.

 هاي حاله الملف اليوم.

Case Status (حالة الملف) Pending Result (بانتظارالنتيجة) 
Case Size (عدد الأفراد) 1 
Prescreen Interview Status (المقابلة الاولية) COMPLETED (مكتمل) 
USCIS Interview Status (مقابلة المحلفين) COMPLETED (مكتمل) 
Medical Screening (الفحص الطبي) COMPLETED (مكتمل) 
Security Review (التشييك الامني)  Pending (بالانتظار)   
Travel Status (حالة السفر) NO ACTIVITY (غير فعال)

 تحياتي لكم.

21
شباب لحكوا الي ماشاف البرنامج البارحه هسه طلع على قناه الحره عراق.

 تحياتي.

22
السلام عليكم شباب.ولد صديقي عنده في بدايه الشهر العاشر مقابله siv

المشكله الي عنده الركمنديشن والHR  مسؤوله دزهن اله باللاميل وهوه سحبهن ودزهن الهم فيريد يعرف بيوم المقابله هل يردون الاصليات لو عادي ياخذ ويا الاستنساخ.

الشغله الثانيه ماهيه طبيعه الاسئله بالمقابله مال siv.

ارجو مساعددكم اخواني .

  تحياتي

23
السلام عليكم شباب.قبل كم يوم دزيت اميل لiom استفسر عن قضيتي وايضا سالتهم عن الدوره التثقيفيه لان بعدني ماداخل دوره تثقيفيه وبنفس اليوم جاوبني
طبعا انا انتضر الامنيه منذ الشهر 3.المهم عنوان الاميل الي وصلني هلمره يختلف كل مره يكون العنوان لو case status لو case update بس اشو هلمره كان العنوان lnquiry

اخواني اكو احد منكم وصله هيج عنوان بالاميل.وكان ويه العنوان الرموز SNK

 تحياتي.

24
اخواني واخواتي الطيبين ارجو منكم المساعده في هذا الشهر الفضيل.

طبعا اكثر الاعضاء يعرفون اخونه البابلي80 الي سافر بشهر السابع وبعد كم يوم راح يقبطله شهرين.

اخونه البابلي80 الان في ولايه الباما في مدينه موبيل ولا يوجد لديه عمل يعني كاعد وساكت وصاير عدنه شويه نوع من الاحباط من وره هاي الولايه.

اخواني الي في امريكا وتحديدا في ولايه الباما واخوني الي بالمنتدى ياريت الي عنده موقع مال عمل او الي ساكن في هذه الولايه ويكدر يساعد الاخ البابلي80  لان هوه ديدور على عمل والي هسه ممحصل والمنظمه حصلوله عمل لكن متعب جدا جدا جدا.فماكدر يكمل  بهذا العمل وتركه.

فياخواني اطلب منكم المساعده وادري بيكم مراح تقصرون.

تحياتي للجميع.


25
السلام عليكم اخواني.حبيت اطمنكم على اخونه البابلي80. مثل ماتعرفون قبل ايام سافر اخونه البابلي الى امريكا وانا نزلت موضوع على سفره.

اخونه البابلي80 وصل يوم 6_7 الى امريكا ساعه 11 بليل.

طبعا انا تكلمت ويا البارحه بليل على الاميل وفتحلي كامره وشوفني المكان الي ساكن بي وهوه الان بخير وصحه وسلامه.

سكن في ولايه الباما مدينه موبيل.حاليا هووه مشغول ان شاء الله بس يفرغ شويه راح يدخل للمنتدى ويكتبلكم رحلته من بغداد الى حد وصوله الى امريكا.

  تحياتي لكم جميعا. 

 

26
السلام عليكم اخواني مثل ماتعرفون اخونه البابلي80 كان ترانزيت في مطار عمان.

وقبل قليل اقلعت الطائره من مطار عمان متوجه الى المانيا ليبقه عده ساعات ترانزيت في المانيا وبعدها يتوجه الى امريكا.

يوصل بالسلامه اخونه البابلي ان شاء الله.

 تحياتي.

27
السلام عليكم اخواني الطيبين.

طبعا احب ابلغكم اليوم سفر اخونه البابلي80 الى امريكا.قبل قليل اقلعت طائره الملكيه الاردنيه من بغداد وفيها اخونه البابلي. انا تحدثت معه بالتليفون قبل ان تقلع الطائره وقال لي معي (ثلاث عوائل واربع عزاب مابين اس اي في و اي او ام) وانشاء الله سوف ابلغكم بأخر اخبار اخونه البابلي الى ان يوصل الى امريكا.اخوني دعواتكم لخونه البابلي ان يوصل بسلامه الى امريكا.

  تحياتي لكم.

28
السلام عليكم تحيه طيبه لهذا المنتدى الرائع.اليوم استلمت موافقه المحلف وهيه التاشير على المربع الاول.علما انا قابلت المحلف يوم 14_3 ورقمي 115 التقديم من بغداد.تحياتي للجميع.

29
السلام عليكم اخواني الطيبين يوم 18_4 الحمد لله اكلمت الفحص الطبي في مستشفى ابن البيطار وكان الفحص في يوم واحد والحمد لله.منو قابل وياي بنفس اليوم.وانا الان انتضر نتيجه المحلف.تحياتي لكم.

30
السلام عليكم اخواني الطيبين.طبعا انا مقدم وحدي من بغداد على iom يعني اعزب  ;D رقمي 115 قابلت المقابله الاولى يوم 9_3 وقابلت مقابله المحلف يوم 14_3 كانت المقابله سهله والحمد لله طولت المقابله نصف ساعه فقططط  يمكن ظربت الرقم القياسي  ;D ;D ;D الي قابلني شاب امريكي طبعا شخص عادي ابد ماستفزني بالاسئله والاسئله جانت عاديه والحمد لله.تحياتي لكم.

31
السلام عليكم اخواني يوم امس قابلت المقابله الاولى والي قابلني شاب اردني.الحمد لله كانت سهله وكلها معلومات عني وعن العائله وعن التهديد.المقابله طولت ساعه ونص.طبعا جانت موجوده عوائل هوايه بس حلوه لان عبالك رايحين سفره ههههه ;D ;D .وبعد كم يوم راح اقابل مقابله محلفين فياريت من الاخوان شويه معلومات عن مقابله المحلفين لان هيه الي اتحدد المصير.تحياتي الكم.

32
السلام عليكم اخوني الطيبين.بس احب اعرف اذا اتأزم الوضع شويه لا سامح الله اكثر ويصير حظر تجول في بغداد في الايام المقبله لان مثل ماعرفت انو هناك مظاهرات الاسبوع المقبل ايضا فكيف ستكون المقابله مع iom واحنه اكثرنه ينتظرون المقابلات وانا عندي مقابله الاولى ومقابله المحلفين بشهر الثالث ويمكن اكثركم يفكرون بهذا الشي فكيف سيكون الحل مع iom ارجو المساعده بهذا الموضوع.وتحياتي لكم.

33
السلام عليكم تحيه طيبه لكم اخواني.طبعا انا مقدم على iom من بغداد قبل كم يوم حددولي موعد مقابله اولى بدايه شهر الثالث.وقبل قليل فتحت اميلي لكيت جايني اميل من iom دازيلي موعد بمقابله ثانيه بمنتصف شهر الثالث وكاتبين لقد انتهيت المقابله الاولى وانا بعدني ممقابل.منو الي صار ويا هيج شغله ياريت مساعده الاخوان شنو اسوي هسه لان دخت والله.تحياتي.

34
السلام عليكم تحيه طيبه لهذا المنتدى الرائع انا مقدم من بغداد بشهر الثاني 2010 وبعد انتظار لمده سنه كامله يوم امس انطوني موعد مقابله اولى بشهر الثالث.واتمنه من الاخوه الي عدهم معلومات عن المقابله يفيدوني بالتفاصيل,واحب اعرف هل صحيح بالقمابله ياخذون الباجات الاصليه الي عندي انا عده مرات سعمت هيج خبر.اتمنه واحد ينطيني جواب اكيد.وهل التقديم مفتوح الى حد هسه لان صديقي يريد يقدم.واشكركم جزيل الشكر.

35
السلام عليكم اخواني في هذا المنتدى الرائع.اخواني ارجوا منكم المساعده عندي شويه ختلاف بأسم ابوي بالجواز وبالورقه مال المدير الركمنديشن يعني اخر حرفين صاير واحد مكان الثاني شنو تنصحوني اسوي هسه وشنو تأثيره بالمقابله علما انا انتضر مقابله اولى.تحياتي لكم اخواني.

36
السلام عليكم شباب تحيه طيبه لكم ولهذا البيت الرائع.شباب اريد نصيحتكم لان شويه محتار والله.انا مقدم على iom من بغداد ومنتضر مقابله اولى وكنت اشتغل بشركه امريكيه لمده 4 سنوات بسنه 2008 بطلت بسبب الضروف والتهديد وهسه انا رجعت للشركه اشتغل وسويت بصمات وبصمه عين على مود الباج.سؤالي هوه هل بالمقابله اكلهم انا رجعت للشركه او مااكلهم وانا محتار خاف مااكلهم وبعدين يعرفون يجيكون البصمات والسيكريننك ويعرفون رجعت ياريت اذا واحد صارت ويا هيج شغله يشرحلي شسوي لان محتار ودايخ.مع جزيل الشكر لكم.

37
السلام عليكم شباب انا مقدم على iom بغداد ومنتضر موعد مقابله اولى واليوم وصلتني هاي الرساله من iom ممكن احد ايترجمها الي بشكل صحيح.ولكم جزيل الشكر.


Dear Sir,

 

Thank you for your email.

                                                   

We have checked your case, and it’s in progress.

 

Please be informed that your employment documents have been verified.

 

Please expect to be contacted in the future once you are scheduled for an interview.

 

If your phone number changes at any time, please send us the new number. This is because we will need to call you to schedule your interview. Please reference your case number when you send updated information.

 

We appreciate your patience.

 

Kind regards

 

Info Center



38
السلام عليكم شباب عندي ستفسار عن الشهاده الدراسيه  هل هيه ضروريه ان تحضرها معاك في المقابله وهل اذا ماعندك شهاده قويه تؤثر على لجوئك ياريت توضيح من الخوان بالمنتدى وكون ممنون منكم.تحياتي.

39
السلام عليكم شباب قبل كم يوم وصلتني رساله من iom بس من هذا الاميل مااعرف يعني شنو صار هذا اميلهم هسه يعني غيرو شباب منو من عدكم وصلتله رساله من بهذا الاميل ممكن نعرف.

                 الاميل   IC  IC@iom.int

40
السلام عليكم اخواني في هذا المنتدى الرائع شباب انا مقدم على iom من بغداد وانطوني Iz نمبر في الشهر الثاني وبعدين وره كم يوم كلولي اوراقك ناقصه المهم دزيتلهم اوراقي وكل المعلومات باللغه الانكليزيه وانوب اجاني الرد انو قضيتي كملت.اليوم الصبح اجاني اميل منهم يردون اميل المدير مالتي حته يتأكدون من عملي والاوراق الي دزيتها الهم بس انا دزيتلهم بالبدايه اوراق توصيه من مدرائي اثنين مو واحد وبكل توصيه رقم الموبايل والاميل مع العلم صديقي قدم وياي وعنده توصيه من نفس المدير ونفس الاميل ورقم الموبايل واتاكدوا منه وانا ليش هيج رادوا مني الاميل مره ثانيه يعني بصراحه ضجت شويه ودخت المهم دزيتلهم الاميلات مره ثانيه_شباب اكو واحد صارت ويا هيج شغله وليش يعني هيج صارت شنو السبب اذا احد يعرف لايقصر وياي مع الشكر والتقدير لكم.

41
السلام عليكم شباب لي صديق مقدم على iom  وهوه بعده مامقابل بس هوه سافر لمانيا لعام عن طريق تركيا وحصل على فيزه مضروبه وبعدين رجع وهوه هسه دايخ شويه يعني ايكلهم بالمقابل على سفرته لو ايغير الجواز ومايكلهم على سفرته ويكلهم انو جوازي ضاع قبل فتره وطلعت جواز جديد علما انو جوازه من نوع G_مع شكري وتقديري لكم.

42
الهجرة و واللاجئين / استفسار
« في: 16:18 04/05/2010  »
السلام عليكم اخواني اريد اعرف منكم شغله انا قدمت على منظمه iom من بغداد في شهر الثاني وجاني iz نمبر اريد عرف هل اتاكدو من المدير المباشر ونطوني الرقم لو قبل مايتاكدن انطوني الرقم ياريت جواب اخواني العزاء.مع الشكر والتقدير لكم.

صفحات: [1]