ankawa

المنوعات => استراحة المنتديات => استراحة الخواطر => الموضوع حرر بواسطة: bsmaa_bghdad في 01:38 21/10/2010

العنوان: ابو ذيات عراقية
أرسل بواسطة: bsmaa_bghdad في 01:38 21/10/2010
يــــولفي شبيك متكلي تـــره شبــاك
الكلــــب مقفــول لاماصــح تـــره شباك
لاتصيــــد تتــأذه تـــــره شبـــاك
تـــــــزعـــل ادري وادري اتــرد عليــــه  ;D


حبك عالكَلب حاكم ولم بي
وتطشر عمري بفراكك وألم بي
يون كل مفصل بجسمي وألم بي
ودواي انت ياهل مبعد عليه :-X

عبر دمعي بغيابك للسفينــــــــــة
وابد ماراح حبك لسه فينـــــــــة
نصبة اشراع كلبي للسفيـــــــــة
لان حبك بحر مجبل عليه :-[


 
عليك الكلب شيبته وشبلك
اوجن وانطفي الاجلك وشبلك
وصيرن بلسم الجرحك وشبلك
واذوب وياك لو نكعد سوي 8)



ابيك انه وابد ماكول مابيك
يل كلك محنة وشين مابيك
غبت عني واكولن شبيك مابيك
من اغيبن هم يضل بالك عليه ::)

 
وحك الي يفرض دينه علينه
غالي وماتهون انت علينه
لومرة يمر شخصك علينه
طريح افراش وانهض للتحيه  ;D


عشانة احنة فلافل وانتوا باجه
عليك احنة نتلاطم ونتباجه
انه المبجوج كَلبي وانته باجه
أخيطة لحاف يطلع جودلية :D

خيالك ساكن ابعيني ولاراح
وعكبك ماشفت ونسة ولاراح
ترى كلبي شرد مني والك راح
فراكك يالمحب اثر علية :'(

يكلبي اصار ودموعك تهل هل
وعلي متريد شوفتهم تهل هل
كمت ودموعك بعينك تهلهل
لان طارش وصل منهم الية  :)



اهدي هاي الابو ذيات لمرمر وانجول واتمنى يكونو بخير وسلامة ونرجع نشوفهم بالمنتدى ويانا


تحيتي


بسمة وبس  ;D
 
 
العنوان: رد: ابو ذيات عراقية
أرسل بواسطة: الشاعر ماكو وفه في 11:01 21/10/2010
ياجمال الاختيار صدك انتي بسمة عائت ايدج وذوقج الحلو يسلمووووووو
العنوان: رد: ابو ذيات عراقية
أرسل بواسطة: njmat_alba7r في 13:35 21/10/2010
عاشت الايادي يااحلى بسومة

 (http://www.alamuae.com/gallery/data/media/32/alamuae_gallery-94.jpg)
العنوان: رد: ابو ذيات عراقية
أرسل بواسطة: haigo في 14:01 21/10/2010
عاشت الايادي

تحيتي
العنوان: رد: ابو ذيات عراقية
أرسل بواسطة: وردة الربيع في 18:52 21/10/2010
شكرا على الابوذيات الحلوة يسلمووو
العنوان: رد: ابو ذيات عراقية
أرسل بواسطة: hewy في 00:14 23/10/2010
اختيارات مميزة يسلمووووووو
العنوان: رد: ابو ذيات عراقية
أرسل بواسطة: اسعد الزبيدي في 07:46 23/10/2010
عاشت الايادي بسمة  اختيار مميز



  تحياتي واحتراماتي