عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ليث النصرالله

صفحات: [1]
1
شكرا اخواني واخواتي علردود وهلمشاعر الطيبه منكم الملف بقه 4 اساييع بين معلق وفعال ورا اﻻربع اسابيع صار الملف فعال الوﻻيه والمطار نازﻻت قبل سنه بعد اﻻنتظار بعشر ايام اجاني اتصال موعد سفر  الملف IZ -127تقديم 2011

2
السلام عليكم
اولا مليون مبرووووووك السفر وتوصلون بالسلامة
ثانيا - اريد اسألك شسوي ؟ ملفي فعال والمقابلات كلها مكتملة واخر فحص طبي اكتمل يوم 2014/6/11 بس عندي الامنية بالانتظار والسفر بالانتظار
 والمدينة والمطار نازلات بالموقع  . لكن لحد الان محد اتصل بيه ودزيت الهم رسائل كومة اسألهم اني على جدول السفر لو لا ؟
الجواب الوحيد هو (ان ملفك قيد المراجعة الامنية .... الخ ) . والله طلعت روحي من الامنية ! يا اخي  من 2012  تم الغاء موعد سفري من طرفهم ولحد الان الامنية بالانتظار !
اذا عندهم شي ضدي ليش ميكولون ؟ او حتى يرفضوني هم احسن من انتظار بدون نهاية . واذا ماعدهم شي ليش مينطوني موعد سفر ؟
ارجوكم ساعدوني ولكم الشكر
تحياتي
ابو علي





عزيزي ابو علي اشكرك انته ماطول فعال يعني طلعت من اﻻمنيه الشي الثاني السفر انتظار انته على جدولة السفر بس يحتاجلهه صبر شوي اقل الشهر ويجيك اتصال

3
اليوم تم اﻻتصال بي من المنظمه وتم تبليغي بموعد السفر يوم 2014/9/7 وخط الرحله سيكون بغداد-عمان-القاهره-نيويورك-مانشستر

واﻻوزان حقيبتين وزن 20 كيلو+4 هاند باك وزن5كيلو+جنطتين ﻻبتوب ان وجد

ولكن اكو امر غريب طلب مني ان تفحص زوجتي باجر 8/27 بمستشفى بغداد وراها تفحص العائلة كلهه يوم 9/4 الي دوخني انو هو يقصد بكل العائله وهي الحبايه ماقبل السفر او فحص واذا كان فحص ليش  زوجتي بموعد وانوب العائله وهم زوجتي ويانه هذا الشي دوخني ﻻن الصراحه ماسئلته للمتصل ﻻن من كثر الفرحه دخت وتيهت شنو اسئلة

4
شكرا للجميع على الردود وياربي انشالله السفر للجميع وياربي الممقابل يقابل والمافاحص يفحص  التفاصيل وحسب ماوعدتكم بتبادل المعلومات ﻻن لو شما اسوي مااوفي بربع ماسواه اليه المنتدى من 
نصايح  والسير على الخطوات الصحيحه:
رقم الملف:IZ -127
المقابله اﻻولى :مكتمل يوم 2012/10/2
المقابله المحلفين2013/2/12
الفحص الطبي:2013/2/13
مقابلة محلفين ﻻضافة طفل:2013/12/13
فحص طبي ﻻضافة طفل:2014/2/9
بقه الملف 25 يوم معلق بعدين بقه حوالي اربع اسابيع اسبوع معلق واﻻسبوع الي بعده فعال وراها بيومين اتحول السفر الى انتظار
وهاي كل المعلومات وبخدمة الطيبين

5
الحمد لله تحولت عندي خانه السفر الى انتظار يوم 8/18 ورقم الملف IZ-127 ولكم جزيل الشكر والتقدير وانشالله على تواصل باقين وياكم لتبادل المعلومات 

6
الف الحمد لله على سﻻمتك وسﻻمة العائلة الكريمه الحمد لله ماطول جوازاتك ومستمسكاتك بخير كلشي يتعوض وداعتك انشالله الحياة الجديده تعوضك وتعيش حياة هنيئه بس الحجي بيناتنه 
هذا الحرك مال البيت من واحد ضربك صاروخ ارض ارض ابين قوسين هاي عين البشر هذا واحد يحسد بيك ويرجع ليورى والحسد موجود بلقرأن خويه اقره سورة الفلق دائما ودعاء واقره دعاء ربي يسهل
امرك انشالله وتعيش حياة جديده حلوه بحق محمد وال بيت محمد

7
اخي العزيز ﻻتدوخ نفسك بشغله مو ذات اهميه وﻻ الهه داعي مدوخ نفسك علخالي بﻻش صدكني همه اكبر من هلشي وهمه راح يتعرفون عليك اكيد  اذا مشتغل وياهم انه اسمي بلباجات كلهه 
والركومنديشنات الي عندي laith بينما بلجواز السبيلنك يختلف layth وكذلك بجواز ابني هماتينlayth والحمد لله والشكر كملت كلشي والسفر صا  عندي انتظار فما حاجه اخي تدوخ نفسك بشي بسيط 
واتوكل على الله ومحمد واهل بيت محمد وكلشي يصير سهل انشالله واسف علاطاله 
اخوك: ليث النصرالله

9
شكرا اخي رأفت على المشاركة ربي يحفظك انشالله ويوم سفرك

10
انشالله الفرج قريب يااخي واعتقد وااكد على ماقاله اﻻخ ابو شموسه عين العقل وانشالله تسافر بهاي السنه 

11
الف الف مبروك اخي العزيز على موعد السفر ...والبقيه بحياتك وخاتمة اﻻحزان انشالله تعالى 

12
شكرا اخواني اﻻعزاء على ردودكم وتفاعلكم وي الموضوع انشالله الصحه والعافيه والسفر لجميع المنتدى انشالله الله يحفظ العراق واهل العراق من كل سوء

13
شكرا لمرورك اخي الغالي سوك الشيوخ ربي يوفقك ويوفق الجميع

14
لي والله ياخويه سمك بني كل لسبوع يصير تحديث خبلني

15
حبي الغالي فراس انه هماتين الفحص صار اكسباير ﻻت فحصت شهر شباط  يوم 9 بس باقي شو بلملف مكتمل ماتحول عندي وهم منتظر مثلك عسى ولعل بيهه خير

16
عزيزي الخير فيما اختاره الله بس انته سوي استئناف عندك هلفرصه وعسى ان تكره شي وهو خير لكم ياخويه الغالي

17
شكرا اخي حيدر والله الله يسمع منك وانشالله كﻻمك بمكانه وانشالله السفر للجميع بحق محمد وال محمد

18
اخوان انه صارلي من بدايه شهر السابع تستمر حالة الملف  اسبوعين معلق وراها اسبوعين فعال وهذا الشهر كل اسبوع حاله لو فعال لو معلق اليوم جمعه تحول فعال ذاك اﻻسبوع معلق اﻻسبوع القبله فعال وهاي انه كل جمعه حاله وظال هيج واخر رمز اجاني هو HFS ممكن احد يفهمني شنو الموضوع منو الينطيني الخبر و
يفهمني فدوه ترى هاي الوضعيه تعبتني حيل

19
انه ضفت طفل قابلت شهر 2013/12  وفحصت فحص طبي شهر شباط 2014 وكلشي صار مكتمل بس رد محلف ماكو يعني اذا رد محلف ماكو مايعتمدون على قرار المحلف الي قبل ماضيف الطفل مو
صحيح لو انه غلطان اله قرار محلف بعد اﻻضافه ياريت اﻻجابه على هلموضوع هل يتم اعتماد القرار اﻻول قبل اﻻضافه اذا مااجه قرار محلف بعد اﻻضافه 

20
السلام عليكم ممكن احد يفهميني شنو معنى هلرمزCase update/HFS/IZ

21

السلام وعليكم شلونكم شخباركم عساكم بخير انه الملف مالتي صارله شهر فعال وكلشي مكتمل بس حالة السفر غير فعال شلغمت عليه ماتقبل تتحول برئيكم شكد وتتحول لو هم راح تبقه أكثر من سنه وشكرا

22
الف الف مبروك اختنا الغاليه تستاهلين كل الخير ويارب التوفيق لكل المقدمين والسفر لنا جميعا

23
حياك الله حبي الناصري اكيد انته من الناصريه عادي خويه ﻻتخاف بس شويه يحتاجلك صبر اتوقع عن قريب يتصلون بيك علفحص وتحياتي

24
شكرا الكم اخواني اﻻعزاء سمك بني وحسين الجبوري على ردودكم اسئل الله عز وجل ان يتمم لنا بلسفر جميعا بحق ليلة القدر العظيمه والله فرحتوني بهاي الردود الي تبشر بخير

25
اخي سؤال: هل اكملت الفحص الطبي مؤخرا. و شوكت؟. و هل الفحص الطبي تحول مكتمل عندما تحول ملفك الى فعال؟؟ وهل استلمت رسالة من محلف ام لا؟.

اني اكو شي ابالي و اكد. اجاوبك ورة ما اعرف التفاصيل اعلاه

تحياتي الك

اخي العزيز جوكر الورده انه فحصت ثاني مره يوم 9/2/2014 وره شهر تحول الفحص عندي مكتمل وتحول الملف معلق بقه تعليق مدة شهر وراها بشهر الرابع صار فعال لمده شهرين تقريبا بدايه الشهر السادس تحول مره ثانيه معلق لحد امس رجع عندي فعال اما بشأن الموافقه انه مستلم موافقه مشروطه شهر الرابع 2013 وبعدين صار عندي اضافه طفل وضفته وبقت الموافقه مشروطه رد المحلف وتدلل

26
السﻻم عليكم اليوم رجع الملف الى فعال بعدما كان تعليق لمدة شهر ونص تقريبا مع العلم انه مكمل كلشي والفعال يبشر بخير لو ﻻ و هل صحيح اذا صار الملف فعال معناها اﻻمنيه اكتملت  للملف ارجو التوضيح ولكم الشكر والتقدير 

27
السلام عليكم اني 128 من 2011 معلق وعالشحن رآح أموت

انه وياك نفس السنه انه هم2011 واثنيناتنه تعليق نفس الشعور خويه شنسوي خليهه على الله هي تصفه شبدينه ندعي الله ان يسهل من امرنه بحق محمد وال محمد

28
يالله انشالله مابقالك شي كلهه كم يوم وتسافر الف الف مبروك يوم الي تبشرنه بوصولك الى بﻻد العم سام

29
السلام عليكم رمضان كريم عليكم شلونكم اخواني اخواتي شخباركم جماعة  IZ-127 وين وصلتو اكو ناس سافرت بلجديد ﻻ اتمنى الكل يشارك وينطينه ملفه وين وصل انه التفاصيل مالتي هي:   
حالة الملف: معلق HOLD
المقابله اﻻولى :مكتمل
الفحص الطبي :مكتمل
مقابلة المحلفين: مكتمل
التشيك اﻻمني : اﻻنتظار
حالة السفر : اﻻنتظار
المدينه والمطار : نازﻻت
مع العلم انه مقابل محلفين مرتين ﻻن عندي اظافه طفل وفحص طبي مرتين وهاي نايمه عليه الطابوكه اتمنى الكل يشارك علمود نعرف احنه القدماء شكد باقي من عدنه لو كلهه سافرت وبس انه باقي 
طبعا انه احجي عن جماعة IOM بغداد وياريت نتواصل ونستفاد من بعض

30
والله ياخويه الغالي انه هم مثلك مكمل كلشي وهاي قبطت تقريبا 27 يوم والملف تعليق شنو الموضوع ماادري بس الصراحه هسه عرفت باان مو بس انه معلق هواي مثلي الله يفرج علينا بحق شهر رمضان وحرمته عند الله انشالله السفر للجميع

31
هذا هو قرار المحلف بشأن قضيتك ياابن سوق الشيوخ ابن وﻻيتي

32
حبي عادي الملف هسه انشالله فد عشرين يوم او شهر يتصلون عليك علمود الفحص وراها بعشره او عشرين يوم يوم يتخول عندك الفحص مكتمل ورا  ماتفحص طبعا الفحص لكل العائله بما فيهم الطفل ورا ماتفحص بعشرين يوم راح يتحول عندك الملف لو فعال وتمشي امورك لو تعليق واتنام عليك طابوكه مثلي والله كريم

33
اي والله خويه كلش صايره قليله روح المساعده وخصوصا بهذا الشهر واعتقد هذا كله بسبب المنظمه الي هبطت معنويات الناس الله يكون بعون الجميع

34
اخي يصير ليش مايصير وثاني شي بطياره من مطار بغداد لمطار اربيل وﻻ هلخطوره هاي كلهه

35
حبي انه مشابه لملفك كلش بلضبط بس انه مقابلة اظافة طفل شهر12/2013 وفحص طبي9/2/2014 وراها تحول عندي الملف فعال لمدة حوالي25 يوم وتحول تعليق وهاي صار حوالي27 يوم معلق وملفي مثلك بس ماادري برقم القضيه مالتك
رقم الملف:IZ -127
حالة الملف: معلق  HOLD
المقابله اﻻولى: مكتمل
المقابله الثانيه : مكتمل
الفحص الطبي : مكتمل
التشيك اﻻمني : اﻻنتظار
حالة السفر : غير فعال
المدينة والمطار: نازﻻت 

36
الله يكون بعونك اخويه ابو رهف والله هذا كله اسستهداف للعوائل  هاي من 2011 لهذا اليوم ومكمل كلشي ومعلق الملف لهذا اليوم ﻻمخلينه نشوف حياتنه ومستقبل عوائلنه الله ينتقم من الظالمخويه بعد كل هاي الفتره ﻻتيئس قدم استئناف والله حرام توصل لهاي المرحله ﻻتيئس  ربك كريم بكلشي اتوكل على الله وقدم وعسى ولعل تفرج انشالله تفرج عليك وعلينه وعلى الجميع بحق شهر رمضان

37
السﻻم عليكم بعد مكان الملف فعال تحول تعليق وهاي 22 يوم تعليق HOLD حسب خبرتكم اكو شي جديد  راح يصير على الملف لو ماكو وهل التعليق يعرقل سير الملف اكو امل يعني لو تبقه الطابوكه نايمه علينه  وملفي هو كاﻻتي:

رقم الملف:  IZ-127***
حالة الملف:  معلقه  HOLD
المقابله اﻻولى: مكتمل
مقابلة المحلف:  مكتمل
الفحص الطبي:  مكتمل
التشيك اﻻمني: اﻻنتظار
حالة السفر: غير فعال
المدينه والمطار: نازﻻت

38
السﻻم عليكم والله احتارينه وي اﻻي او ام انه كلشي مكمل والمطار والمدينه نازﻻت وحالة الملف فعال قبل اسبوع رجعت حالة الملف الى معلق علما ان الفحص الطبي  بعد شهرين يلله ينتهي والله تعبنه من الخربطه مالتهم ممكن احد يفهمني شنو معناها مع العلم الملف قبل شهرين
 تحول عندي من معلق الى فعال  وهسه رجع معلق فهمونه شنو الفلم  الله يخليكم

39
شكرا الى اﻻخ ابو روان واﻻخت صبيحه على مشاركتهم طبعا الفتره التي تحول بيه الملف من هولد الى فعال تقريبا شهر او شهر ونص

40
اشكر جميع اخوتي واخواتي على الردود والله انتم نعم اﻻصدقاء واﻻخوه من اول يوم قدمت ولهذا وانتم مابخلتوا عليه نهائيا بلعكس تزودوني بكل التفاصيل على طول اسئل الله عز وجل ان يعطيكم الصحه والعافيه ويوم الي تسافرون كلكم واتعيشون احسن
عيشه بحق محمد وال محمد تحياتي لكم جميعا

41
شكرا ﻻخي الغاليskyربي يحفظك انشالله تعالى ويوم سفﻻك وتسهيل امرك ريحت قلبي بجوابك اشكرك اخي الغالي ابو الوليد على الرد حبي ابو الوليد تقريبا بقه من عشرين يوم الى شهر بس على اﻻغلب20 وشكرا لتواصلكم اخواني

42
السﻻم عليكم اليوم تحولت حاله الملف من هولد الى فعال وطبعا الملف مالتي كاﻻتي:

المقابله اﻻولى: مكتمل
الفحص الطبي: مكتمل
مقابله المحلفين: مكتمل
التشيك اﻻمني: اﻻنتظار
المدينه والمطار موجودات
حالة السفر : غير فعال
يعني اذا هيج يعني الموافقه المشروطه اكتملت واكو احتمال سفر الشهرين الي جايات لولا
وشكرا الكم ولتعاونكم

43
السﻻم عليكم شلونكم حبايب موقع IOM   صارله 10 مجاي ينفتح عندي مو الحاله بس الموقع كله مجاي ينفتح نهائيا وصارلي عشر ايام ماشايف حالة الملف هذا الشي هم صاير عدكم لو بس وياي طبعا على الكوكل كروم والاكسبلور اثنينهم مجاي يفتح ممكن مساعدتكم وبس وياي هلحاله لو وي الكل وشكرا جزيلا الكم

44
انه الموقع صارله عندي 8 ايام مايفتح عندي لو يلغوه مو احسن

45
شكرا الك حبي اسير الله يوفقك ويوم سفرك

46
السﻻم عليكم تم ارسال اﻻيميل واﻻتصال بي يوم21/11 وقمت بلتاكيد على حضوري في الزمان والمكان المحدد ولكن تعودنه قبل موعد المقابله بيوم يتصلون يتاكدون منك انه مقابلتي باجر الساعه 9 ومااتصلو بيه علمود التاكيد هذا الشي عادي  لو اكو اشكال شكرا جزيلا الكم

47
السﻻم ئعليكم شلونكم اخواني واخواتي عندي مقابله محلفين ﻻضافه طفل بس همه طالبيني انه وزوجتي وبنتي وعندي ابني عمره 4 سنوات ماطلبينه بلمقابله ﻻن هو مكمل كلشي بس سؤالي انه بيتي ابحدي وبعيد عن اهلي واقاربي محتار وين اخليه يصيراخذه وياي للمقابله واذا اخذه وياي يدخلونه لو ﻻ زين سؤالي  شنو نوع المقابله هم يسئلوني بقضيتي ويعيدونهه  عليه زين هاي اخر مقابله شكد حسب خبرتكم ويطلع السفر واكون شاكر الكم اهتمامكم  بااخوانكم وتقديم العون الهم

48
شكرا اختي ام اديان الورده الحمد لله احنه مكملين مقابﻻت بس هاي بنتي جديده اخوي ابو الحكم اشكرك على نصيحتك والله هو مامذكور بموعد المقابله بس انه اريد اخذه وياي خاف يطلبونه والله انه جنت خايف كلت خاف ميدخلوه بس راح اخذه وياي والله كريم

49
السﻻم عليكم يوم14/11 كاعد بلسياره واتصلوا iom كالو عندك مقابله محلفين ﻻضافة طفلكم الجديد يوم3/12 رديت عليهم اوكي فتحت اﻻيميل لكيت رساله منهم موعد المقابله ومنو الي ﻻزم يحضرون السؤال هنا السؤال اﻻول همه ذاكرين بموعد المقابله انه وزوجتي والطفل وماذاكرين ابني الجبير نكول بلله ماذكروه ﻻن مكمل المقابﻻت كلهن زين يصير اخذه وياي للمقابله ﻻن انه ماعندي احد ابقيه يمه ﻻن انه بيتي ابحدي يصير اخذه وياي والله محتار وين ابقيه وهو طفل مو تكول جبير وتبقيه يم احد عمره 3 سنواات هاي شغله والسؤال الثاني هاي المقابله هم راح يعيدون عليه اﻻسئله مال قصتي لو بس يشوفون الطفله وخﻻص تحياتي الكم واتمنه ان تنوروني بمعلوماتكم القيمه ربي يوم السفر لكل المنتدى انك على كل شي قدير

50
اشكركم حبايب ﻻانه بغداد مو اﻻردن طبعا بلغتهم شهر الثاني بمقابلة المحلفين ان زوجتي حامل ماكو مستمسكات للطفله ﻻن جديده والبيان كالولي تجي تستلمه بعد سبع ايام زين سؤال ادز بس البيان ومن تطلع جنسيتهه ادزهه يحتاج ادز جنسيتي والسؤال الثاني ليش يسوون مقابله محلفين للبنيه مو طفله بعدهه وبمقابله المحلفين يعيدون عليه قصتي يعني هم يرجعون يسالوني

51
السﻻم عليكم قبل 7 ايام رزقت بطفله شلون اضيفهه للكيس مالتي وشنو الخطوات رحم الله والديكم

52
شفرة: [اختيار]
حبايب كلبي انه ماجبت شي من جيبي انه مشترك بكروب siv ولكيت هذا الخبر ونقلته منهم بعد ان اتاكدت مصدره ثقه وماجنت اعرف الموضوع ﻻخوي وحبيبي دبس وانه ذكرته ﻻن  انه اي او ام وهم تعبت مثلكم من اﻻنتظار ولكيت هلخبر فرحني فحبيت افرح اخواني واخواتي مثل ماانه صار عندي بصيص امل  فيااخوان انه مو قصد ان انه بس النسخ او اخذ جهد احد ﻻوالله بس القصد ننطي شويه امل لنفسنه والكم وتحياتس الكم ولاخوي دبس وانتم علكيفكم وياي نزلتو عليه دوسه ونص انه ماادري الموضوع للاخ دبس وراشي وثاني شي يمعودين  هيج خبر حلو نتمنه  يتنزل بموضوع ابحده علمود يكون  كدام الكل مو خلف الكواليس والله منزلينه بموضوع اعداد المسافرين   وﻻيهمكم حبايب كﻻمكم على راسي بس انه مو قصدي ان اضيع تعب احد  الله قاسملنه نروح نروح مقاسملنه متصير لو مو تعليقات فيااخوان خلو شويه عدنه التسامح  طبعا كﻻمكم  على راسي وﻻيهمكم بعد ماانسخ ابد  علمود ﻻاحصلي  احجايه من واحد ادخل اشوف واقره المواضيع واطلع هو هذا الشي الي تريدونه مو  الي سافرت انته او واحد يغيرك محد يستفاد بس انته بي احنه راح نجي نكلك مبروك ونتمنالك حياة سعيده يااخوان  خلونه متعاونين  حتى الله من فوك يرضى علينه  مااعرف المن الموضوع شنو قابل انتهت الدنيه شفته نسخته ومره ثانيه تحياتي ﻻخوي دبس وراشي  olor]

53
صبــــــــاح الخير أخوتي و أخواتي اليوم هو الاحد والمصادف 2\6\2013. والرحلة طبعا صباحية. عدد الي سافروا اليوم( 52شخص ) وكلهم IOM .ومن بين الي سافروا اليوم (اخ عزيز علينه بالمنتدى) هو وعائلته الكريمة . والعوائل جانت خيـــر من الله . والسنكل قليلين جدا . ومن بين ارقام الكيسات ( 102 و 103 و 106 و 105 و109 و111 و116 و118 و119 ) واكيد بعد اكو ارقام ما كدرت اسئل اصحابها لان بصراحة التهيت بأجراءات السفر وية زميلنه الي بالمنتدى .يارب يوصلون بالسلامة .

54
الف الف مبروك ياربي تتهنون بحياتكم الجديده

55
السﻻم عليكم الكيس 127*** قابلت شهر ثاني وكلشي مكمل ومحصل موافقه مشروطه بلامنيه ومنتظر بس التجيك اﻻمني  يخلص

56
السلام عليكم اخت نور الخزرجي

تقديم 18\3\2011
IZ-127
مقابله اولى 2\10\2012
مقابله محلفين 12\2\2013
فحص طبي 13\2\2013

انشاالله يااختي بهاي الايام القليله الجايه راح تجيج مقابله محلفين لان انتي متاخره هواي وانشاالله خير لان همه ذابين جهدهم على الملفات القديمه بلكي الله الايام الجايه تبشرينه بمقابله المحلفين مالتج

57
الساعه 1:30ظهرا وماشتغل الموقع يمي

58
تحياني لكل اعضاء عينكاوا بس اكيد راح يطلعوته سالفه جديده بلامنيه على خلفيت تفجيرات بوسطن

59
اخوان السىم عليكم ممكن تفيدوني بمعلومه عن وﻻيه نيوهامبشرز newhapshres
من  كل النواحي وتحياتي الكم

60
مرحبا شلونكم حبايب شخباركم طبعا انه هم مثلكم مكمل كلشي ومتغير شي بس الملف من هولد اتغير الى انتظار النتيجه وشنو معناها ماادري مع أغلبية اﻻعضاء نفس حالتي بي انه اعتقد سواء هولد او انتظار النتيجه نفس مجرد تغير كلمات

61
اخي الله يعينك والله يوم برى يوم جاي نشوف اﻻخوه اﻻعضاء ينسحبون بحيث جاي تدمر نفسياتنه ﻻن مو بلهين علينه اخوانه يستسلمون بس انه اكلك قرارك حلو عوف الملف وﻻتغلقه وخليهه على الله وباشر حياتك الى ان تفرج والله كريم اخوك ليث النصرالله- الناصريه

62
الف مبروك اخي ابو ايﻻف طبعا هاي حاله صارت وباي حددولي موعد مقابله محلفين يوم 12/2/2013 وموعد الفحص الطبي يوم13/2/2013 طبعا مقابله المحلفين يدخلوك انته وزوجتك واﻻطفال يسلم عليك المحلف وبعدين يكللكم ارفعو ابديكم
ويكللكم كولو اقسم اقول الحق وهنا تبدي اﻻسئله الي تجاوبون عليه انته وزوجتك وهي هل اشتركتو بحزب البعث دفعتو اشتراك لحزب البعث مشترك بمنظمات ارهابيه دفعت فديه للارهابين اذا كان مخطوف عندك احد ارجو منك اخي العزيز ان تكون اجابتك انته وزوجتك وحده وهيه بكلمتين اما نعم او ﻻ من تخلص هاي المرحله تطلع اﻻخت زوجتك هيه واﻻطفال وتبقى انته يم المحلف يسالك عن قصتك الي قدمتهه بلمقابله اﻻولى طبعا اﻻسئله مثﻻ يكلك بتاريخ انته منطيه شنو صار ﻻزم انته تعرف بهذا التاريخ شنو صار يسالك بقصتك ومايجيبهه بلتسلسل حسب السوال الي يختاره هو بعدين من تكمل القصه يكلك ليش تريد تطلع ﻻمريكا انطيني اﻻسباب ﻻزم عندك اسباب مفنعه بحيث من يشوف اﻻسباب يتاكد باانك محتاج اللجوء اما بخصوص الفحص الطبي فاتروح لمستشفى ابن البيطار واول متدخل تكل للاستعﻻمات انه من جماعه اﻻي او ام علمود يكون عدهم علم ويبلغون الموظف بوجودك يجي الموضوف وينطيكم باجات بيهه ارقام تنتظر ينطوك محاضره بقاعه ازغيره انته واﻻخوه الي عدهم نفس موعدك بعدين يصيحوكم تروح لبنايه بداخل المستشفى يقيسون طولك وزنك نظرك يسحبون منك جم قطرع دم للفحص هههههه ضغطك طبعا انته والعائله كلهم نفس اﻻجرائات بعدين من تخلص يودوك على دكتور او دكتوره تسالك عن تاريخك الصحي يعني مسوي عمليه قبل اهواي شغﻻت من تخلص تروح لبنايه قريبه عاى المستشفى تعبر الشارع بس اشعه للصدر يسوولك انته والعائله طبعا الاطغال اعتقد اقل من خمس سنوات ممشمولين بلاشعه ها صدك شوف جان نسيتني اذا زوجتك حامل بلغهم بمقابلت المحلفين اذا متبلغهم تطلع عندك بلفحص الطبي وتسويلك اشكاﻻت وطبعا الحامل معفيه من اﻻشعه ﻻن تاثر على الطفل وهذا كلشي اتمنه ان قدمتلك شي يفيدك طبعا مقابله المحلفين والفحص يوم ورى يوم اعتقد بس للمحافظات ﻻن الطريق بعيد يحسبونهه الهم المنظمه مثﻻ انه من الناصريه سولياها يوم ورى يوم  وبلتوفيق انشاالله
تحياتي اخوك
ليث النصرالله-الناصريه

63
الف مبروك اخويه سيف والحمد لاه على سﻻمتك وياربي تنفتح بوجهك وتلكه عمل والرزق الحﻻل طبعا قريت هواي قصص سفر بس قصتك جانت ممتعه ودقيقه بكل تفاصيلهه ومشوقه اتمنالك كل الخير من كل كلبي
اخوك ابواحمد $ ليث النصرالله-ذي قار

64
حبي فراس مو بعيده على ربي العالمين اذا اراد شء ان يقول له مون فيكون وانه اعتقد هذا اﻻغﻻق بيه خير اكو شغله جاي تراودني وهو اتذكر سمعت خبر باان التقديم ينسد نهايه 2013 وبلكي هاي اﻻغﻻق هو تكميل للملفات وانهاء كل الملفات لعرض اغﻻق البرنامج في العراق وهذا تحليلي والله واعلم يوم سفر الجميع يارب

65
والله ان قريت المواضيع الي منزلينهه وماادري احس اكو تغيران راح تصير على الملفات نحو اﻻحسن وانشاالله خير للجميع

66


اخوان السﻻم عليكم انه كلما اريد اشوف حاله الملف مالتي مايطلع تطلعلي هاي الجريده الي مااعرف شنو معناها ممكن احد يفهمني
Server Error in '/refinfo' Application.

Runtime Error

Description: An application error occurred on the server. The current custom error settings for this application prevent the details of the application error from being viewed remotely (for security reasons). It could, however, be viewed by browsers running on the local server machine. Details: To enable the details of this specific error message to be viewable on remote machines, please create a <customErrors> tag within a "web.config" configuration file located in the root directory of the current web application. This <customErrors> tag should then have its "mode" attribute set to "Off". <!-- Web.Config Configuration File --> <configuration> <system.web> <customErrors mode="Off"/> </system.web> </configuration>Notes: The current error page you are seeing can be replaced by a custom error page by modifying the "defaultRedirect" attribute of the application's <customErrors> configuration tag to point to a custom error page URL. <!-- Web.Config Configuration File --> <configuration> <system.web> <customErrors mode="RemoteOnly" defaultRedirect="mycustompage.htm"/> </system.web> </configuration>

67
شكرا الك حبيب كلبي حدوري الورده

68
السﻻم عليكم  اذا كانت حاله الملف  hold هولد وانته مكمل كلشي ماذا تعني هذه الكلمه ياريت الكه جواب لهاي الكلمه واشكر الجميع

69
مرحبا
الكيس نمبر:127***
تقديم 18/3/2011
مقابله اولى:2/10/2012
مقابله ثانيه12/2/1013
فحص طبي:13/2/2013موافقه مشروطه بااكتمال اﻻمنيه ومنتظرين والله كريك

70
شلونكم حبايب انه هم مت حماعه 127 كملت كلشي وطابكين على التشيك اﻻمني انتظار والله كريم اختنا تيولب هيه هم 127 وهاي بادرت خير والجاي اسهل الله كريم صبرنه هواي ومابقه الى القليل انشاالله

71
 الف مبروك خويه انه هم مثلك وبنفس اليوم استلمنا نتيجه المحلف تاجيل الف مبروك اخويه ويوم سفر الكل ياربي

72
اشكركم حبايب كلبي والله الفضل يعود لله سبحانه وتعالى ولهذا المنتدى واﻻعضاء الموجودين بيه ﻻن جاي تشوفك بعدك ماناطق السؤال تلكاهم قبلك يساعدونك ويتسابقون بلمساعده الله جاب هلمنتدى رحمه ماطول عليكم بس اكللكم اشكركم واسال الله ان يسهل عليكم وعلينه ونسافر وتصير سوالف اما بالنسبه ﻻخويه jason  والله مااعرف ليش المهم ماكو فرق ابين الفحصين واتمنه التواصل ونصير عون واحد للثاني سواء اهنا او ابامريكا ﻻن على كولت شيابنه الكوم التعاونت ماذلت اشكركم من كل كلبي واسال الله السفر للجميع ويفرج الغمه عن العراق واهل العراق من كا واحد يااذي هلشعب المسكين

73
الف مبرووووك حبي وان شاء الله تخلص امنيتك بسرعة وتسافر الله يسهلك
بس ممكن مقابلتك شوكت جانت او وراها بشكد جاوبوك اذا مو زحمة ؟؟
تحياتي
مقابلت المحلف جانت يوم 12/2/2013
والفحص الطبي يوم 13/2/2013
وشكرا الكم حبايب كلبي يوم سفر الجميع يارب

74
يمعودين رحم الله والديكم بردتو كلبي موافقه مبدئيه كلشي وﻻرفض الحمد لله والشكر على اي حال يعني هاي اليسموها موافقه مشروطه اعتقد بااﻻمنيه مااعرف شنو رحم الله والديكم والله لو المنتدى جان كلشي ماعرفت اسوي ربي السفر للجميع

75
Deferral Letter

Case Number: IZ-

Applicant’s Name:

Dear Sir/Ma’am,

The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter. 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.

You will find a scanned copy of your decision deferral letter attached to this email.

It is very important that your reply to this email (do not send a new, separate email) to confirm that you have received this email and the attached letter.

When you reply please write the following:

 “I confirm that I have received this email and the attached decision letter for my refugee case with the United States Refugee Admissions Program.”

Kindly include your full name in your reply.

  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.

 

Best Regards,

 

International Organization for Migration

76
السلام عليكم انه الكيس نمبر مالتي  IZ-127+++

مقدم 13\3\2011

الكيس نمبر 14\4\2011

مقابله اولى  2\10\2012
مقابله ثانيه 12\2\2013
فحص طبي 13\2\2013
ها التطورات الي جرت على الكيس مالتي ودزولي رساله جيك ملفك من الموقع طبعا سويت باسوورد جديد وتم قبوله بس مجاي يفتح عندي نهائيا وانه محتار اريد اتابع حالتي وماكو ميفتح الموقع سوويت باسوورد جديد وقبلوه ومن ارجع اكتبهه هو والكيس نمبر وانطيه لوك ان يكلي غلط تراي اكين والله تعبت من الموقع اريد اتابع حالتي ومجاي يفتح عندي

77
شلونكم حبايب انه مكمل كلشي  مقابﻻت وفحص طبي واﻻمنيه كامله  واريد اضيف اخوي واذا ضفته راح  ياخروني علموده ﻻن ضفته  وانه محتار اخاف اضيفه واتتاخر لو ينطونه كيس ابحده جوابكم ممكن

78
الف الف مبروك والله العظيم فرحتلج من كل كلبي لان انتي تستاهلين كل الخير ربي ينطيج السعاده والاطمئنان وماانسه وكفاتج وياي ربي يسهل امرج وينطيج انتي وعائلتج الصحه والعافيه امين ربي العالمين 

79
وردتني رساله من المنظمه وهي كالاتي:

Dear Sir/Madam,




For general case status inquiry, we encourage you to visit IOM website at https://www.jordan.iom.int/refinfo/ to receive an instant case status update.

طبعا انه مسجل قبل ونسيت كلمه السر وطبعا كتبت الكيس نمبر مالتي ورجعولي الرابط باانه ادخل كلمه السر الجديده وكتبت كلمه السر الجديده والجواب تمت العمليه بنجاح بس جاي ادخل بكلمه السر الجديده مجاي يفتح عندي نهائيا علما من ادخلت الكلمه الجديده تمت العمليه وكلمه السر صحيحه ليش مااعرف ممكن احد يفهمني ومع العلم مال حرف كبير ورمز ورقم هم ادخلتهن ممكن جوابكم







80
اشكركم اخواني واخوتي بارك الله الله فيكم لخدمه اخوانكم ياربي يوم الي تسافرون وتفرحون انتم وعوائلكم ويفرج همكم مااعرف شنو ارد بس اكول بارك الله بكل واحد يسوي عمل خير ويساعد اخوه ولو بمعلومه بسيطه

81
فعلا اخي معلومات الكفيل عندك ناقصه وترجمة الرساله كالاتي :
يجب ان تلاحظ ان معلومات الكفيل التي ارسلتها غير كامله .يجب ان تعيد ارسال معلومات كامله عن اسمه وعنوانه الكامل حتى يتم التحديث في قضيتك ويجب ان تقوم بمﻷ الحقول التاليه :

1رقم الملف يجب ان يبدأ باحد الرمزين (BGD) او (iz)
2اسم الشخص في امريكا (الكفيل)
:
3 عنوانه الكامل ورقم الهاتف:البريد الالكتروني (الايميل)
5:تاريخ الولاده وعلاقته بالشخص والحاله الاجتماعيه
وبخلافه فلن ناخذ باي معلومات غير كامله
نقدر صبرك وتفهمك

شكرا اختي ام اديان بس حبي اعرف النقطه الاولى IZ مالتي لو مال الولد الكفيل

82



 

Dear Sir,

 

Kindly note your Anchor Info That you have provided is incomplete, you are required to provide a full address and name for your anchor. Please fill below required fields. Once you complete the Info  kindly resend it back. So we can update your case

1.     Your case number (starting with either BGD or IZ);

2.     The name of the person in the U.S.;

3.     Their complete address and telephone number;

4.     Their email address;

5.     Their date of birth, relationship and marital status.




Otherwise will not be able to submit or consider any anchor info if it’s not complete!

We appreciate your patience and understanding.

 Regards,

 Info Center

فدوه بس اريد اعرف شنو معناها مو اعتقد علمود الكفيل معلوماته مو صحيحه لو انه غلطان جاوبوني اخواني اخواتي وانتم السباقون لكل ماهو خير

83
طبعا اشكركم هواي من صميم قلبي وكل الي دعموني بلكلمات الحلوهه والدفع المعنوي انه جنت ابد ما ناوي اروح لمقابله المحلفين لان هواي اكو من اصدقائي راحو ورجعو وكرهوني حتى بااسم امريكا ساعه شغل ماكو عيشه صعبه ومن هذا الكلام لكن هذا المنتدى ومابيه من ناس طيبه من اخوه واخوات اعزاء انطوني الدعم الكامل والدفع المعنوي والحمد لله والشكر قابلت محلفين وبس وصلت اهناك للمقابله بشروني بلفحص الطبي وفحصت وانشالله السفر لكل الموجودين وانه اكول فد شي استبشرو خير لان المنظمه جاي تشتغل بجد وتسريع مو طبيعي بلملفات وسمعت من ولد وياي بلمقابله اخته متزوجهه جنرال امريكي ابو الجنرال عراقي وامه امريكيه باان اوباما والحكومه الامريكيه مصرحين بتسريع الملفات وانهاء البرنامج نهايه هذا العام يعني الشغله صايره سريعه ومحد راح يتاخر انشاالله وطبعا كل الي موجودين بمقابله المحلفين همه من الملفات القديمه على كولتهم الي نايمه عليهم طابوكه يعني الكل انشاالله راح يسافر عن قريب واما بخصوص اخويه كازه اخويه
مقابلتي الاولى 2\10\2012
المحلفين 12\2\2013
الفحص الطبي 13\2\2013
ويوم سفر الجميع ياربي

84
اشكركم اخواني واخواتي وياربي يوم سفرنه كل احنه ومايبقى واحد من المقدمين على البرنامج اله ويسافر بحق محمد وال بيته الطيبين الطاهرين

85
السلام عليكم اصدقائي واخواني واخواتي الاعزاء  IZ-127***
كملت مقابلت المحلفين يوم 12\2 والفحص الطبي يوم 13\2
نبدي بمقابله المحلفين طبعا استقلت سياره في الصباح الساعه السادسه صباحا وكنت اتوقع باانني اول الاشخاص الموجودين ولكن اتفاجئت ان كم كلش جبير من العوائل متواجده من الصبح ولزمت بلسره وكلعاده كما تعرفون اخذت الجوازات وادخلونه الى القاعه وكنا حوالي 10 الى 15 عائله وطبعا اعطونا ارقام وعندما اصبحت الساعه 11 الظهر صاحو برقمي ودخلوني انا وزوجتي وابني وطبعا الاسسئله المشتركه كلعاده هل انته في حزب البعث طبعا بلنسبه لي ولزوجتي عندما سقط النظام كان عمري 16 سنه وزوجتي اصغر بخمس سنوات مني فاانطيناه من الاخير عمرنه كال كلش زين وطبعا الاسئله المشتركه ماطولت اكثر من ربع ساعه وبعدين طلعوا زوجتي للقاعه وبقيت انه سالني المحلف بلقصه والحمد لله اكملتهه وبعدهه بصمونه ويسالوك اذا عندك فد شي جديد وبعد المقابله بلغوني باان الفحص الطبي باجر عندك يوم 13\2 والحمد لله كلت فرج من الله سبحانه وتعالى وحمدت الله واثنيت على نعمته
في يوم 13\2 في الصباح الساعه السابعه اتوجهت الى مستشفى ابن البيطار وطبعا الاخوه العراقيين مشكورين الي بلمستشفى كلش متعاونين الى درجه انطونه ارقام ومحاضره بلفحص بعدين صاحو بااسمائنه رحنه فحصونه نظر وبعدين وزن زائدا طول وبعدين يصيحون بااسمك تفحص دم وضغط وبعدين تنتقل لقاعه تنتظر يصيحون بااسمك يسالك الدكتور عن كل حياتك الصحيه يعني مثلا عندك تشوه مسوي عمليه قبل لولا وغيرهه من الاسئله وخصلنه من الدكتور اتوجهنه الى بنايه قريبه عن المستشفى سوينه الاشعه ورجعنه ولله الحمد والشكر على فضله ونعمته الي جاي يمن بيهه على عباده

86
اولا الكيس:127***
مقابله اولى مكتمله

الحمد لله تم تحديد موعد مقابله محلفين يوم 11\2 اريد نصاحئكم يااخواني الاعزاء وتريدون الصدك مااعرف شنو مقابله محلفين ارجو الشرح لي وشنو معنى محلف يعني يصير تجي مقابله المحلفين قبل الفحص الطبي اتمنه ارائكم

87
اول شي السلام عليكم وثاني شي اشكركم اخواني واخواتي على النصيحه وعلى حجيكم راح توكل على الله وفعلا هواي ناس تحلم بهاي الفرصه راح انطي نفسي وزوجتي وابني فرصه بلحياه واتوكل واقابل والرزق بيد الله كلشي بيد الله ومراح اخذ احجايه اي احد بعد وربي يوفقكم وتسافرون ياربي

88
اشكر كل الي رد على رسالتي وياربي يوفقكم ويوم الي تسافرون كلكم بحق محمد وال بيت محمد

89
اخي هسه هذا الحجي بعد وكت .توكل على الله وروح قابل وراها تنتظر الموافقه وبعدين تطبك عالسره وتاخذلك نومه طويله لمن تكمل الامنيه عاد وانت نايم استغل الفرصه وفكر تروح لو ما تروح.
اشاقه طبعا بس اذا الله وفقك وسافرت اذا تدور شغل تلكه وكل شي بالبدايه صعب بس اكيد مو اصعب من وضعنه العايشينه .توكل على الله ولا تخلي التردد يبين عليك كدام المحلف وخلي عندك اصرار وعزيمه عالسفر لان يأثر على قرار المحلف.




شكرا ام ديونه بس الكليشه الاولى تهبط اكبر معنويات بس شكرا على رايج يلغاليه

90
اشكرك حبيب كلبي اشو والله مقصرت حبي الغالي الله يحفظك خلي اجمع الاراء الموجوده والله كريم

91
السلام حبايب كلبي شلونكم شخباركم اخواني واخواتي انه اجاني اشعار بموعد مقابله محلفين الشهر الجاي وانه قلق كلش مو من المقابله
بس ياهو الي يروح لامريكا يرجع يشكي ويكول ماكو شغل اهناك والوضعيه تعبانه اواحد يكلي زينه وانه محتار والله محتار اروح لو مااروح للمقابله وثاني شي يصير واحد يكفلني صارله اربع اشهر من طلع واستلم الكرين كارد لولا ارائكم حبايب كلبي

92
السلام عليكم الي قابل مقابله اولى بشهر العاشر اريد اعرف منكم اجتكم مقابله ثانيه فحص لو مثلي كلشي ماكو علشحن اتمنه ان تشاركون وتكولولي

93
اخوي العزيز الف الف الف مبروك على المقابله الاولى ويوم المقابله الثانيه طبعا انه قابلت مقابله اولى يوم 2\10 وهي نفسهه الي قابلتك بنت عراقيه مجنسه سويسريه وهيه ابنيه حبابه الى ابعد الحدود نفس الشي الي صار وياك صار وياي هم ابني كام يبجي وقابلت انه اول واحد بعدين زوجتي وبعدين انه والتفاصيل الي ذكرتهه كلهه انه مريت بيهه بس اريد انوه على شي ان الزوجه لايطلبون منهه اي تواريخ تهديد ولا اي شي مجرد معلومات عنهه بس كو فد شي ذكرته انو انته بصموك ليش احنه كل احنه المجودين بذاك اليوم مقابله اولى مجرد توقع وتاخذ صور وخلاص شنو موضوعهه جديد مال البصمه

95
ممنون منك ليث حبيبي عاشت ايدك ورحمه الله والديك بس سؤال اخير موعد المقابله بالوحده ونص يعني المفروض شوكت اني اروح واكون موجود هناك


حبي اذا بلوحده انه افضل كون انته واصل اباب المنظمه الساعه 11 احسنلك انته لان متعرف الاوضاع شنو تصير ولتهتم لاي واحد يريد ينزل معنوياتك اكو ناس مقدمه صارلهه 3 سنوات ومطالعين لان تجيكات امنيه عليهم واكو ناس صارلهه سنه ونص او سنتين وهسه يسمعون حسك باامريكا فخليك ريلكس وعادي عيش حياتك واشتغل وهم خلي السفر كدام اعيونك وكلشي يم الله الي كاتبه الله يصير

96
مبروك مليون مره وانشالله موفق

اشكرك اختي العزيزه تيولب والله الفظل الى الله ثم الج وانه اعلن امام الجميع باان اختي تيولب هيه الي عرفتني بكلشي من اول بدايه لان ايست وصلت ابطل من كلشي بس هيه الي خلتلي الطريق وانه مشيت عليه ولله الحمد مشه كلشي مثل ماعلمتني هيه انشاالله يوم سفرج وسرفنه كل احنه ياربي اشكرج اختي العزيزه

الشكر للالله اخويه وتدلل و انشالله حتى بالمقابله الثانيه ما اقصر وياك و هو هذا الهدف من المنتدى واحد يساعد الثاني وكلنا اخوه وخوات وانشالله دائما نساعد بيناتنه واتمنالك الموفقيه وانشالله يوم سفرك

اختك تيولب

اشكرج اختي تيولب

97
مبروك اخي وانشاء الله الفحص ولمقابلة الثانيه باقرب وقت


اشكرك اخويه عمار انشاالله يوم سفرنا كلياتنه

98
اشلونكم حبايب اني قدمت شهر السادس 2012 و دزولي الفورة المبدئيه و مليتهه و رادوا مستمسكات هم و دزيتلهم و كبل اسبوعين دزولي كيس نمبر بس الشي المستغربله طبعا و اتمنه الخبراء ايجاوبوني انه نطوني كيس 123 واني هسه كاعد اسمع بالمنتدى انه الكيسات الجدد 136 المهم ورة مدزولي كيس نمبر بيومين دزولي الاستمارة الثانيه والي بيهه كل التفاصيل يعني حته عله الخياطه الخيطت ثوب العروس الي اتزوجهه جيرانه هم سئلوا هع هع ;D ;D ;D ;D ;D زين عيني و دزيتلهم الاستمارة الثانيه ورة ممليتهه و هسه انشاله عندي مقابله هليام اذا الله سهل

حبي كوستاف انته مقدم على احد اقاربك الي باامريكا يعني اقاربك هو او اخوك هو مشتغل ويه الامريكان ومسافر وانته قدمت على اساسه هل انطوك كيس نمبر هيج اخوان هيه هيه شغله تحب صبر شويه لان انه مقدم شهر 18\3\2011 ورا اسبوعين انطوني كيس نمبر مقابله اولى يوم 2\10\2012 والله كريم بس كولوا ياالله والله كريم اصبروا ان الله مع الصابرين

99
حبيب كلبي تذكر التواريخ كلهن مال قصتك وبعدين تبدي تفصلهن تاريخ تاريخ شنو صار وياك يعني خلي تواريخك بصوره متسلسله مثلا يوم 14\2\1999 صار وياي هيج تهديد مثلا وبعده مثلا يوم 3\3\2000 صار هيج شي يعنس خليه متسلسل لتخربط بلتواريخ اهم شي التواريخ واني بخدمتك ولاشكر على واجب انه هم مثلك جنت كلشي مااعرف والاخوان والاخوات وضحولي الصوره ومقصروا وصدكني الموجودين هنا بلمنتدى ميقصرون نهائيا فاانه مثل ماعلموني الي صار وياهم انه هم لازم اعلم الناس الي وراي الي صار وياي

100
الف مبروك اخوية العزيز على المقابلة وان شاء الله قريباااااااااااا يحددولك الفحص الطبي.


حبيب كلبي اخويه برنسو انشاالله يوم سفرك وسفرنه وسفر الجميع يارب

101
الف مبروك ويوم الي تبشرنه بموعد سفرك يارب
تحياتي
اختك ام شاهين من سوريا

عيوني اختي ام شاهين اشكرج انشاالله كل احنه نسافر يارب اتمنالكم كلكم الخير من كل كلبي يارب

102
مبروك مليون مره وانشالله موفق

اشكرك اختي العزيزه تيولب والله الفظل الى الله ثم الج وانه اعلن امام الجميع باان اختي تيولب هيه الي عرفتني بكلشي من اول بدايه لان ايست وصلت ابطل من كلشي بس هيه الي خلتلي الطريق وانه مشيت عليه ولله الحمد مشه كلشي مثل ماعلمتني هيه انشاالله يوم سفرج وسرفنه كل احنه ياربي اشكرج اختي العزيزه

103
اخي العزيز

الله يسهل عليك وتمشي قضيتك باسرع وقت

بس ممكن تذكر المستمسكات الي طلبوهه منك بالضبط يعني هل التموينية و السكن مطلوبة ام لا ام فقط الاوراق التعريفية؟؟

ارجو الاجابة لفائدة الجميع لام مقابلتي يوم 21 من هذا الشهر منتظر ردك رحمة لوالديك

تحياتي


حبيب كلبي اشكرك حبيبي المستمسكات التعرفيه فقط يعني ميحتاجون لابطاقه سكن ولابطاقه تموينيه

104
مبروك اخي وان شاء الله يوم سفـــرك
\

اشكرك حبيب كلبي ابو هفال يوم سفرنا كلياتنه يارب

105
حبي انه امس قابلت مقابله اولى وكلش سهله ولتخاف المعلومات الي ذكرتهن بلاستماره هنه نفسهن يسالونك خاف اكو شي ماذاكره خاف عندك غلط خاف ناسي شي يعني ابين قوسين شكو شي كاتبه بلاستماره هو نفسه والمقابله الاولى عباره عن معلومات الاستماره وقصتك شنو يكتبوهه الك وتصادق على اقوالك يعني توقع لتخاف كلشي بسيط يعني شلون جاي تكتب قصه حياتك بدفتر ذكرياتك وجوا توقع وتكتب اليوم بلضبط بس اهم شي تحفظ التواريخ مال قصتك بلضبط ولترتبك ولتخاف لان همه متساهلين ورجاءا اخويه لتنسه شي من مستمسكاتك اخذهن كلهن مستنسخات واصليات وياريت اترجمهن ترجمه قانونيه احسنلك انه هيج سويت اتوكل على الله ولتخاف واخذ اكل وياك لان ماكو اكل ماي موجود هناك بعدين ياخذولك صوره وينتهي كلشي واني بخدمتك

106
الف مبروووووووووووك اخوية وبالتوفيق ان شاء الله احسب شهر ان شاء الله يصير الفحص الطبي والله يسهل امورك

اشكرج طبعا انتي السباقه بمدي بلمعلومات عن المقابله الاولى واشكرج على هاي المعلومه انشاالله الله يسمع منج واشكرج جزيل الشكر

107
حبي الف مبروك علمقابله و انشاله مقابلة المحلف  و التجييك الامني بسرعه والسفر بأسرع وقت يارب بس سؤالي الك حبي انته اشوكت امقدم؟؟و اتمنه اتجاوبني

حبيب كلبي انته واشكرك طبعا انه مقدم يوم 18\3\2011 واني خدمتك

108
مبروك اخي ليث يارب السفر ان شاء الله بس تقدر تكتب اشكد طولت وهل هيه نفس الاسئله الي تكون بالمقابله لو اكو شي مختلف حتى اتوضحه للجميع وشكرا الك مقدما

اشكر الجميع طبعا نفس الاسئله مابيهه اي تغير وكلمن حسب قصته اكو قصه ساعه واكو 3 ساعات انه مادازيلي استماره عل الايميل فهناك الي قابلني هو مله الاستماره مالتي طبعا اكو اختلاف بشي بسيط وهو ان الدراسه يريدوهه يوم وشهر وسنه هناك كلولي مو مهم يوم وشهر فكتبولي بس السنوات انه بلنسبه اليه طولت ويه ملئ الاستماره 3ساعات ونص بس اهم شي اخواني واخواتي المستمسكات مالتكم لازم كامله اخواني مو احد ينسى شي ترى راح يتاخر لان اكو عائله مستمسكاتهم ماكامله اخروهم الكل قابلت وطلعت وهمه بقوا فاارجومن الكل ماينسى شي واشكر الجميع على الي قدموا اليه من دعم ومعلومات

109
اشكركم حبايب كلبي انشاالله كل احنه نسافر  يارب ياارحم الراحمين

110
السلام عليكم اصدقائي واخواني واخواتي طبعا امس قابلت اول مقابله انا وعائلتي وكانت ويانه عشر الى 12 عائله وكانت المقابله سهله ومتساهلين ويه العالم بصوره كلش حلوهه وحتى معاملتهم ويانه كانت معامله حلوه وكلمات حلوهه وتسوي واهس للعالم حتى الاجرائات كانت سهله جدا يعني ابين قوسين متساهلين ويه الناس وسالتهم كالو احنه زودنه عدد الموظفين علمود نمشي اكبر عدد ممكن من المتقدمين لان انتظار المتقدمين طول واحنه مو بدينه لان جان عدد الموظفين قليلين وهسه صار عددنه هواي وجاي نمشي هواي ناس يعني احنه 12 عائله عدد كلش زين وكل احنه مقابله اولى والحمد انشاالله الشغله تبشر بخير والله وخصوصا الاطفال اهتمام كلش عالي وكانت غرفه خاصه للاطفال تحتوي على الالعاب ومعلمه خاصه للاطفال تلعبهم يعني اخر شي اكول اتفائلو بلخير اخواني واخواتي وانشاالله الكل يسافر طبعا اشكر كل من ساعدني بمعلومات عن المقابله الاولى

111
اشكركم اخواني على الي جاي تقدمونه اليه ولاخوانكم الله يسهل علينه وعليكم وينور دربكم ويوم الي نسافر  كل احنه يارب انته ارحم الراحمين انك على كل شي قدير

112
لامادازهن الهم ماداز ولاورقه ابد

113
اشكركم اخواني على توضيح الامور ياربي يسهل لي والكم ويوم السفر للجميع يارب ياارحم الراحمين

114
السلام عليكم انه عندي مقابله بعد يومين واوراق التهديد مالتي ابين قوسين المره شامرتهن بلزبل لان حسبالهه اوراق زايده ودورت لمن عجزت بس التواريخ حافظهن همه بلمقابله يطلبون اوراق التهديد لو اهم شي التواريخ والله محتار جاوبوني وريحو كلبي

115
[اخويه العزيز انت من دزولك الرساله جاوبتهم؟ يعني انت اكدت حضورك بالمكان والزمان المعينين؟
قبل يوم واحد رح ايخابروك وياكدون عليك الموعد
تدلل
[/quote]

اي اخويه جاوبتهم واكدت حضوري بلمكان والزمان المعينين

116
وعليكم السلام ورحمة الله وبركاته ...

أخي العزيز مو إلا يتصلون بيك لأن أني واحد من الناس قابلت المقابله الأولى والثانيه بدون إتصال يعني بس على ئيميلهم فإنت همين مدام واصلك ئيميل منهم فتوكل وروح وكول يا الله ...

اشكرك حببب كلبي روان اي اني واصلني ايميل تحديد اليوم والوقت والمرافقين وهيه على احجايتك راح اتوكل على الله ومحمد وعلي الله يسهل الامور انشاالله علينه كل احنه ياربي

117
السلام عليكم طبعا  عندي موعد مقابله يوم 2\10 الي هو بعد باجر بس المنظمه دزتلي بس ايميل محددين بيه يوم المقابله وساعه المقابله بس مخابروني بلتليفون لحد الان بس حبيت اعرف ان الايميل يغني عن الاتصال لو اله اتصال تاكيد زين اروح على اساس الايميل ومااعرف طبعا انه من غير محافظه وباجر راح اتوجه لبغداد واتوكل على الله والي من الله حياه الله
شنو رايكم واجوبتكم

118
بالخير أخويه ليث يارب يوم السفر أني وياك نفس الأرقام بس قبلك بخمسة أيام قدمت لل iom بس بعدني كلشي ماكو موفق أخوية بس اهم شئ ركز على التواريخ بالتوفيق



اشكرك حبي انته هذا كله من فضل ربي العالمين الخيرين امثالكم وانشاالله مقابلتج قريبه ياربي لتشيلين هم بس يرادلهه صبر

119
اخي العزيز
بالتوفيق اولا
ثانيا حبيت اعرف انته بيا تاريخ بالضبط مقابلتك
لا اني مقابلتي يوم 10/8
علما ان رقم الكيس 131 مقدم في الشهر الثامن 2011

تحياتي



مقابلتي يوم 2/10

120
السلام عليكم الحمد لله والشكر اليوم اجتني رساله من المنظمه iom مقابله اولى الشهر الجاي الكيس نمبر iz 127 وبعد انتظار سنه ونص بس اكو شغله انو همه دزولي موعد مقابله الشهر الجاي ومازيلي استماره الفورمه على شنو راح يسالوني يغير لازم اكو فورمه على اساسهه يسالوني خايف من المقابله كلش بس اريد نصائحكم اليه اخواني

121
مبروك ان شاء الله تجتازة بتفوق

بس اخي ممكن معلومات كيس مالتك

ورقم الكيس بيش يبدي
ويمت قدمت من بغداد
تحياتي



اشكرك ابو هفال اخويه العزيز
رقمي  iz 127


تاريخ التقديم   18\3\2011

122
مبرووووووووووووووووووووووووووووووك و راح يسألوك على القصه و معلومات عنك انت وعائلتك بس هسه يدزولك الفورما و هاي سولك على بناء على الركمنديشن الثاني مو الاول مثل مكتلك

اختك تيولب



اشكرج اختي العزيزه والله كله من توجيهاتكم والحمد لله والشكر على كل حال والله مااعرف انه مجهز كلشي للفورمه والله كريم

123
السلام عليكم طبعا واخيرا حددولي موعد مقابله الشهر الجاي واتمنه ان تكلولي شنو راح يسؤلوني بلمقابله الاولى لان خايف كلش وشي ثاني حددولي موعد مقابله بدون مينطوني استماره وانه سامع ان المقابله الاولى يسالوك على ماموجود بلاستماره وانه منطوني استماره نهائيا يعني شنو راح يسالوني ويصير يحددون مقابله بدون مينطوك استماره

124
صحيح ضجنه بس خليهه على الله وماكو ارحم ومسهل غير الله واتفائلوا بلخير تجدوه والله كريم انشاالله كل احنه نسافر بس يرادلهه شويه صبر بعد صبرتوا هذا الي فات كلهه مابقه انشاالله الا القليل

125
اشكركم اخواني على هاي المساعد وندعولك بلخير والسفر انشاالله وانه وياكم

126
انه الكيس نمبر مالتي iz127  وممقابل ولامقابله ورادو المستمسكات ودزيتهن واجتني هاي الرساله شنو معناها

Dear Sir,

 

Thank you for your email.

 

Please rest assured that your current situation has been taken into our consideration.

 

We have received the documents attached to this email, and they have been added to your case file.
 

You will be informed if there are other documents required for your case.

 

You will be contacted in the future for any updates.

 

Please feel free to contact IOM Info Center for further inquiries.

 

Kindly be informed that if you would like to learn more about the current status of your case, you can visit the following website:

 

https://www.jordan.iom.int/refinfo/
 

This website is designed to provide information to applicants regarding the current status of their cases with IOM- RSC Middle East and North Africa.

 

We appreciate your assistance.

 

Kind Regards, 

 

IOM Info Center

127
انا الكيس نمبر مالتي iz 127 ولحد الان لامقابله ولاشي واجاني ايميل شنو معناه برايكم


Dear Sir,
 
Thank you for your mail.
 
As per our phone conversation, please rest assured that we are taking your current situation into our consideration.
 
You will be contacted in the future for any updates.
 
 
Kind Regards,
IOM Info Center

128
والله ملينه وتعبنه وماكو مشتكه بس لله سبحانه وتعالى انه الكيس نمبر IZ 127   وبس دزولي ارسل المستمسكات وكلشي ماكو لامقابله ولاطركاعه سوده الله يكون بعون الجميع ويارب بحق نبيك الاكرم محمد صل الله عليه واله وسلم وال بيته الطيبين الطاهرين الكل يسافر وانه من ظمنهم وتنتهي امال الجميع بلسعاده والفرحه يارب انته اعلم بحالي وحال اخوتي المتقدمين انك على كل شي قدير ياربي اسعد اثلج قلوب المتقدمين بلفرحه وحقق لهم مايتمون لنا ولانفسهم ولم شملهم واسعدهم في عيش كريم انك فعال اخوان ادعو الله ان يفرج علينا وعليكم وخلوا عينكم بعين الله ومن تفائل بلخير يجده والله كريم

129
بس انه HR  مااعرفه زماعندي الشي الي يوصلني اله ومااعرف وخليهه على الله وين متصير الي يجيبه ربك حياه الله واشكركم على التوضيحات

130
السلام عليكم انه الكيس نمبر مالتي 127 ودزولي ارسل المستمسكات جوازات وعقد الزواج والجناسي رسلتهن بشهر 8 ولهسه ماكو اي خبر عن المقابله سؤالي هو يصير الي مااخر المقابله ان السوبر فايزر ممئكد شغلي لو ماالهه علاقه وثانيا الي مشتغل شركات امنيه حمايات الشركات النفطيه الامريكيه وعنده القائد مال الفريق مسويلي ركومنديشن وهو امريكي الجنسيه يفيد هذا الروكومنديشن اولا علما انني املك رقم السوبر فايزر بس من اتصل بيه يكي نو سيرفز يعني خارج نطاق التغطيه وايميله مسدود وانه الي سامع بيه ميطلبون المستمسكات ولاينطونك كيس نمبر اله مااكدين شغلك يصير المقابله متاخره بسبب هذا الشي ارجو الجواب من حضراتكم

131
لا خويه لافورما ولاشي كلشي ماكو بس ايميل

132
السلام عليكم انه مقدم 18\3\2011 والكيس نمبر مالتي هو Iz 127***    ولامقابله مقابل ولااي اتصال بس يوم واحد سبعه دزولي رساله يريدون:
1.الجناسي
2.جوازات السفر
3.شهادات الجناسي
4.عقد الزواج
5.اوراق ثبوتيه اوباجات ان وجدت

طبعا على ماكملت الجوازات دزيتهن الهم مو يوم 1\8
دزيتلهم رساله يكلولي لاتتصل بينه تابع حاله ملفك عن طريق الايميل انطوني ايميل ومايفتح ولامره والله محتار محتاج رايكم بلحاله ولاتبخلون عليه بااي معلومه واريد اتابع حاله ملفي مجاي يفتح الايميل مكتوب بيج اي او ام جوردن افيدوني يرحمكم الله بس فهموني اكو امل لولا  لان الكيسات الوراي كلهه قابلت وفحصت وانه ماكو هسه الكيسات 129 قابلو قبل شهر وانه ماكو جوابكم ومن علمني حرفا ملكني عبدا

133
السلام عليكم اخي انه مثلك تماما هم مقدم شهر الثالث سنه2011  IZ127   وهم كلشي ماكو لامقابله ولاشي بس قبل شهر دزولي رساله ارسل الجناسي وعقد الزواج وشهادات الجناسي والجوازات والاوراق الثبوتيه ان وجدت دزيتهن كلهن ولحد الان لاحس ولاخبر والله راح اتخبل مثلك خلينه متواصلين اني وياك لان نفس الفتره ونفس الكيس وخل نشوف وين توصل ويانه انتظر منك رساله عل الخاص

134
اخويه العزيز انه من رايي المتواضع ان تنتظر زوجتك هواي احسنلك وحتى لو اتاجلت اربع اشهر المهم زوجتك وياك لان اذا طلعت راح يبقى بالك يم زوجتك وخصوصا اذا عندك اطفال راح يطلع عليك مو سفر جحيم لان راح تطلع وانته ممرتاح فاانه اقترح مصيرك من مصير عائلتك والله يوفقك وانته صاحب القرار الاول والاخير

135
اخواني الشهر التاسع شهر الخير راخ انسميهه لان هواي طلعلهم سفر وانه اثنين من جماعتي موعد سفرهم يوم 19 بشهر التاسع اتفائلو بلخير تجدوه اخواني

136
اخوان السلام عليكم والله كلام الاخ صحيح وميحتاج هذا كله صديقي عماد صارله 3 سنوا منتظر وهسه خابرو وانطو موعد سفر يوم 18 بهذا الشهر يعني الكل راح يسافرون بس حسب الاولويه ومراح يغلطون بااي واحد بس يحتاج صبر

137
هلو خويه يمعود اني رقمي 127*** ولحد الان لافورمات ولامقابله وسوده مظلمه عود قبل شهر دزولي ارسل الجناسي وشهادات الجناسي والعقد والجوازات يعني بيد الله وهل جاي انتظر رحمه الله عز وجل اصلا يمكن همه نسوني مو ظمن القائمه بس لاصرت بقائمه النسيان

138
اخويه العزيز  مبقه شي ويقابلوك مقابله اولى مثل مكالت الاخت حط الفون يمك وكل فتره جيك امييلك لان باي وقت يدزولك امييل يبلغوك بالمقابله ..  وحضرتك سألت ع التهديدات اتصور هسه  سالفة التهديد بهالوكت متفيد وتبين بيهه شك لان هسه  الوضع زين وهمه يعرفون هالشي .. دبرلك قصه ورتبهه بالاسنين الي راحت وصارت بيهه تهديدات لان هسه هالشي ميفيدك ..

وان شاء الله الاخوان يفيدوك اكثر
اي صحيح حجي الاخ مضبوط سوي مثل ميكول



اختي والله مااعرف ماكو اي دنبوس وجنهه منلاصه هذا النص الي دزوه اليه وماكو اي اسئله دازيهه وماكو وماكو اي نسخه مال اسئله والله حيره ياربي انه دخت كلش ومااعرف شنو اسوي فهموني


سيدى/ سيدتى .
 
لقد تم استلام معاملتك المقدمه لبرنامج توطين اللاجئين للولايات المتحده الامريكيه وهى قيد التسجيل حاليا .
انه من امر اجبارى ان تقوم بملىء الاسئله المرفقه لكل فرد من افراد العائله على القضيه الخاصه بكم. الرجاء ملىء طلب منفصل لكل فرد على القضيه.
الرجاء ارسال الينا  الاسئله المطلوبه مع كل الاوراق والمستندات المطلوبه فى خلال اسبوع واحد.مع العلم انه سرعة ارسال المستندات المطلوبه سيساعد فى تقليل وقت انتظاركم للمقابلة.
ولكم جزيل الشكر على حسن تعاونكم
 
الرجاء اتباع التعليمات التاليه بدقه لتتمكن من اكمال المعلومات بدقه.حيث انه هام جدا ان تمدنا بالمعلومات بشكل دقيق وكامل.
 
 
لو انك صاحب العمل مع الجهه الامريكيه وااذى قدم لبرنامج اللجؤ لافراد عائلتكولديك افراد عائله على معاملات اخرىز نرجو منك ان تمدنا بوسائل الاتصال بكل افراد العائله الذي تم فتح معاملات لهم بناء على عملك .
وهذا لنتمكن من الاتصال بهم بشكل مباشر
 
الرجاء من حضرتك ان ترد على هذا الايميل (الرساله الالكترونيه) بدون اى تغيير فى العنوان الخاص بها .
يجب عليك ان تمدنا بالمعلومات المطلوبه لكل فرد فى معاملتك . ولقد تم ارسال عدة نسخ لتساعدك فى هذا.
 
الرجاء ان ترفق ف الرد نسخ واضحه من الوثائق المطلوبه التاليه . ولا ترسل اى صور او ملفات ذات حجم كبير  لانها قد تعيق وصول الرساله.
1-كل جوازات السفر الحاليه والمنتهيه الصلاحيه لكل فرد على المعامله( كل شخص لابد ان يكون لديه جواز سفر سارى ليستطيع السفر للولايات المتحدة الامريكيه . فى حاله عدم وجود جواز سفر لابد البدء فى معامله اصدار واحد لكل فرد)
2-كل الهويات لكل فرد على المعامله (الجنسيه)
3-كل شهادات الجنسيه لكل فرد على المعامله
4-هويات العمل (البادجات) واوراق ثبوتيه العمل ان وجدت
5-شهادات الميلاد( ان كانت متوفرة)
6-عقد الزواج (فى حاله ان كنت متزوج)
7-اى مستندات مهمه تحمل اسمك
 
الرجاء ارسال كل المعلومات فى رساله واحدة(ان امكن) فى نفس الوقت ولا تقم بارسال معاملة غير متكمله  . الرساله لابد الا يزيد حجمها عن 6 ميجا بايت .فى حاله ان اوراقك اكبر من هذا الحجم يمكنك ارسال اكثر من رساله ولكن لابد ان يحملوا كلهم نفس العنوان الاصلى .
ان ارسالك معلومات وبيانات ناقصه قد يؤدى الى تاخير ميعاد المقابله. كما ان ارسال رساله ذات حجم كبير قد لا تصل الينا على الاطلاق.
 
ولكم جزيل الشكر
مركز المعلومات

139
السلام عليكم انه مقدم على iom  في عام 13\3\2011  رقم الكيس نمبر مالتي ***127 وممقابل ولا مقابله بس قبل شهر دزولي رساله يريدون الجناسي وشهادات الجناسي وعقد الزواج والجوازات واوراق ثبوتيه ان وجدت واي اوراق او مستند يحمل اسمي طبعا دزيت كل المطلوب مني ولزوجتي وابني هماتين بشروني طمنوني شنو معناها ترى انه اطرش بلزفه صرت ارجوكم احد يجاوبني شنو معناها تبشر بخير انشاالله وسؤال ثاني دزيت وثسقه التخرج مال الكليه الي متخرج منهه هم يحتاجوهه وانتظر منكم تنوروني بااجوبتكم وتكولولي شنو الخطوه الي راح تسويهه المنظمه راح يتصلون او شنو جوابكم اخواني الاعزاء

صفحات: [1]