عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - موعود

صفحات: [1]
1
السلام عليكم اخواني واخواتي المحترمين
سؤال لجماعة الاي او ام بغداد اللي سافروا او اللي حددولهم موعد سفر
سؤالي هوة : من اتصلت بيكم المنظمة وحددولكم موعد سفر هم طلبوا منكم تدزون نسخة من الجواز او لا؟
ارجو المساعدة ولكم جزيل الشكر والتقدير
اخوكم موعود

2
السلام عليكم ورحمة الله وبركاته
طبعا مشتااااقلكم بكد الدنيا وسبب هذا الانقطاع الطويل انو كنت محضور وهسة انفتح الحضر الحمد لله
طبعا اني جايكم بطلب مساعدة عاجلة اتصل بيه صديقي قبل شوية وكان جدا قلق وخايف لان محدديلة موعد سفر والسفر جدا قريب
لكن لحد الان مامتصلين بي على تاكيد السفر اللي المفروض يتصلون بي من رقم موبايل من العراق واني الصراحة ما اعرفه لان بعدني مواصل هيج مراحل متقدمة ;Dفارجو منكم
اخواني اذا احد بيكم يعرف الرقم خلي يرسله الي علة الخاص واله ثواب لان الولد حالته كلش صعبة ومحضر كلشي

واشكركم مقدما يا اطيب ناس
اخوكم موعود

3
الصراحة ما ادري شكتب
تعبنة والله  :'( :'( :'( :'( :'( :'( :'(

4
السلام عليكم

قبل بداية السنة سمعت اخبار هواية انو راح تصير مواعيد سفر كلش هواية علة بداية السنة وصار حتة بالتحديد من بعد يوم 6-1
اشو اجت السنة الجديدة واليوم 15 بالشهر وكلششششششششش صنطة  ::) ::) ::) ::) ::) اشو حتة دزيت ايميلات للاي او ام مردوا عليه ??? ??? ??? ???

شني السالفة هم راح تنعاد نفس معاناة السنة القبلهة والقبلهة والقبلهة مو زنجرت من ورة الانتضار  :'( :'( :'( :'( :'( :'(

5
السلام عليكم

ابشركم اخواني واخيرا  الفحص الطبي صار مكتمل  اللي عدته يوم 28-11
الف الحمد لله والشكر
التقديم 2009
الملف 112
حالة الملف (معلقة Hold)

6
السلام عليكم

اخواني اني عدت الفحص الطبي يوم 28-11 ولحد الان حالة الفحص الطبي ( فعال in process ) شني السالفة ليش لحد الان مصار مكتمل يعني صارلي 25 يوم من عدت الفحص الطبي ارجو منكم مساعدتي بهذا الخصوص
علما انو اني مقدم من 2009 ورقم ملفي 112

7
السلام عليكم

هسة اتصل عليه صاحبي وسالني اذا الجواز مسافر بي لايران اكدر اسافر بي لامريكا او لا ؟

8
السلام عليكم

اوباما 172
رومني 162

والعدد المطلوب لازم يكون 270 نقطة

يارب يفوز اوباما

9
السلام عليكم

اخواني فتحت الموقع لكيت مكتوب لازم تغير الباسوورد خلال يومين زين جاي اغير الباسوورد يكلي خطا ممكن تكولولي شنو الطريقة الصحيحة ؟؟؟

واشكركم مقدما

اخوكم موعود

10
السلام عليكم اخواني واخواتي

هسة فتحت الموقع لكيت تغيير في حالة الملف من انتضار النتيجة الى هولد ؟؟؟ شنو معناهة ؟؟ ارجو الجواب اللي صاير وياه نفس الشي او اللي عنده خبره بهذا الموضوع واكون جدا شاكر الكم لان والله تعبت من الانتضار  :'( :'( :'(


اخوكم موعود

12
موقع الاي او ام مجاي يفتح عندي هسة ياريت تجيكونة يمكم وتكتبولي اذا فتح عدكم او لا واشكركم مقدما


اخوكم موعود

13
ياناس ياعالم شلون يعني احنة بشر لو صخر حتة نكدر نتحمل كل هذا الانتضار والترقب وحرك الاعصاب والخوف والله حتة النوم كرهته من كثر الكوابيس شلون يعني لو اموت واخلص ولا هذا العذاااااااااااااااااااااااااب  :'( :'( :'( :'( :'( :'( :'(

14
الى الاخت كالاكسي

بشري رحتي للدورة التثقيفية ؟؟ سولفينة شنو الشفتي واللاحضتي ؟ شنو كلولكم ؟

ويارب السفر القريب.

اخوكي موعود

15
السلام عليكم

شباب اذا الواحد يريد يسافر لعمان كم يوم شنو الاجراءات ؟ يعني سهلة ؟ هم لازم الواحد يطلع فيزا لعمان ؟

ارجو الرد واشكركم مقدما

اخوكم موعود

16
السلام عليكم

الى الاخت جيجي والاخ ابن الاكابر بلازحمة عليكم عندي سؤال وارجو مساعدتي بالجواب

في حال موعد المقابلة مع الجي ال اس واجراء الاختبار واعطاء النتيجة في نفس اليوم ,,, سؤالي هو متى يمكن المباشرة بالعمل ؟ نفس اليوم ؟ بعد اسبوع ؟ وبالنسبة للسكريننك ؟ ممكن تحجولي عنه ؟

واشكركم مقدما

17
السلام عليكم

طبعا اني كلش فرحان لاخوية العزيز ساحر بغداد لان هوة عانة هواية وانتضر هواية ولان هوة من جماعتنة ال 2009 واللي مقابلين ومخلصين كلشي بال 2010 ولان هوة واحد من اعضاء جمعيتنة القديمة جماعة جورجيا

هسة طلع اول واحد من هاي الجمعية بعد توقف جدا طويل بالجمعية
منو راح يكون التالي ؟ منو وصل اله السرة ؟
واوجه نداء الى اختي العزيزة جورجيا انو امانة ترسل سلامي الى اختي الصارله فترة جدا طويلة غايبة عنه اختنة ( داليا الوردة الوردة ) وتكليلة امانة تجي للمنتدى تشارك ويانة لان كلش اشتاقينة لمشاركاته .
والموفقية للجميع يا رب .

اخوكم موعود IZ-112 :'(

18
السلام عليكم
ماشاء الله عيني عليكم باردة الربع كله سهرانة  ::) ::) ::) ::) هاي كلنة منتضرين يوم الاحد يجي بلكت اتصال منا  8) ايميل يبشر بخير  ;D

19
منو هسة بهاي اللحضة 03:25 صباحا ويريد ينام ومايكدر ولعبانة روحهة من كثر التفكير بالسفر وفاتح الفيس بوك مالته يباوع لصور اصدقائة اللي واصلين لامريكا ؟

20
السلام عليكم

اخواني واخواتي اكو احد منكم اتصلت بي المنظمة علة موضوع التهديد ومن بعد الاتصال صار فد اجراء ايجابي بالملف مالته ؟؟؟

اني قبل يومين اتصلت بيه المنظمة وسالوني اذا كنت اتعرضت لتهديد مؤخرا وسولفتلهم وبعدين سالتهم عن حالة الملف مالتي كالوا ماكو اي تغيير وخلص الاتصال ,, لكن ثاني يوم لكيت ايميل واصل منهم كاتبيلي نسبة الى المحادثة التلفونية رفعنة الايميل مالتك الى الجهة المختصة وخليناه بنظر الاعتبار .

شباب سؤالي احد منكم مار بهيجي حالة ؟؟ وشصار بعدين ؟؟ لان والله العظيم كلش تعبت مقدم من 2009 ولحد الان بعدني والفحص الطبي صارلة قرن اكسباير .

21
السلام عليكم اخواني واخواتي

ممكن احد يعرف اخبار ساحر بغداد صارلة مدة منقطعه اخباره ؟ اتمنة يارب يكون سافر ووصل لامريكا وارتاح ....

22
السلام عليكم

الى كل اللي بعدهم يشتغلون وي الجي ال اس ارجو منكم تكتبولي شنو نوع الاسالة اللي سالوهة الكم بالمقابلة واكون جدا شاكر الكم لان صديقي هسة اتصل بيه عند موعد مقابلة مع الجي ال اس ويحب يعرف شنو نوع الاسالة اللي راح تنسال والسكن راح يكون وياهم او يروح ويرجع كل يوم ؟

23
لعبت روحي وملت وبزعت واحتركت من الحر حتة المكيف يذب سموم وبراكين يعني شلون نضل عمرنة كله منتضرين رحمة الاي او ام سنين من عمري راحت هدر علة حلم عشته وضحيت بهواية علة مودة ولحد هاي اللحضة ماكو رد ولا جواب شافي يريح كلبي كلش تعبت وماعندي بعد صبر هسة دزيت رسالة رزلتهم بيهة رزالة ناشفة وبعد ابد ما اسكت لان اريد حل نهائي مليت من الانتضار القاتل

24
السلام عليكم

اخواني اني فحصت مرة وحدة وهية بالشهر التاسع سنة 2010 ولحد الان ماعايد الفحص ومن تاسس موقع الاي او ام وحالة الفحص الطبي هية (فعال ) لكن هسة فتحت الموقع لكيت حالة الفخص (expired ) منتهي الصلاحية !!! شنو السالفة ؟؟ ??? ??? ??? الله يخليكم اللي عنده خبرة او مار بهيج تجربة لايبخل علية بالاجابة لان كلش مليت ولعبت روحي من سوالف الاي او ام  :'( :'( :'( :'(

25
السلام عليكم

الصبح حوالي بال 7 انفتح عندي
هسة ردت افتحة ما انفتح تطلعلي هاي العبارة

Your login attempt was not successful. Please try again.

شنو السالفة ؟؟ الباسوورد حافظة اكثر من اسمي وجييكتة الصبح انفتح ليش هسة تطلعلي هاي العبارة ؟؟

26
اني اسف اذا اضوجكم وياي بس والله كلش انقهرت هسة وتعبت ,, قبل دقائق كنت فاتح السكايب وي اصدقائي بامريكا رايحين سفرة بسيارة واحد منهم وفتحولي الكاميرا وشفت جمال امريكا و الطبيعة وشفت السوبر ماركت دخلوا اشتروا وطلعوا بالسيارة وكلش فرحانين ويكلولي نتمنة انت هسة ويانة , واني جاي احجي وياهم وعايش وياهم اللحضات الحلوة انكطعت الكهرباء !!! اشكد انقهرت , وهسة اجت المولدة وفتحت النت وكاعد اكتبلكم لان انتم راح تحسون بيه لان كلنة نفس المعاناة ,, ليمتة نرتاح ونخلص , ليمتة نعيش بمكان مابي انكطعت الكهرباء واجت المولدة والحر والتراب والخوف والرعب , ملينة من كلشي هنا كانوا جاي نعيش يوم واحد لان كل ايامنة نفس الشي اذا مو للاسوء .

اني اسف اخواني بس حبيت اجحيلكم وافرغ البداخلي .

اخوكم موعود

27
السلام عليكم

جاي احاول افتح الموقع ماجاي يفتح مع انوا الصبح فتحته انفتح عندي ,,, ممكن بلازحمة عليكم تجيكون الموقع عدكم وتكلولي اذا كان يفتح عدكم او لا ؟ بلازحمة عليكم واشكركم مقدما . وانشاء الله الكل تسافر باقرب وقت .

28
شباب الموقع مفتوح حاليا جيكت حالة الملف مالتي ماكو اي تغيير pending result والفحص الطبي in process
شباب ياريت هسة تجيكون حالة الملفات مالاتكم وتكلولنة اذا كان اكو اي تغيير بملفاتكم


اخوكم موعود

29
السلام عليكم

أخواني واخواتي اكو احد بيكم صار عنده تحديث بالبيانات مالته علة موقع الاي او ام ؟ اني صارلي فوك الشهر من اتغير الفحص الطبي من فراغ الى in process ولحد الان كلما افتحة نفس الحالة ,, هسة اجيت افتحة ما انفتح عندي , ارجوكم اخواني اذا اي احد صار عنده تغيير الاسبوع اللي فات او اليوم خلي ينطينة خبر لان والله ملينة وتعبنة من الانتظار .

اخوكم موعود.

30
السلام عليكم ...
شلونكم اخواني واخواتي حبيت اسال اذا اي احد كانت الخانة مالت الفحص الطبي in process وبعده اتصلوا بي علة فحص طبي او اعادة الفحص الطبي ؟ لان الفترة الاخيرة هواية من الاعضاء اتغيرت عدهم خانة الفحص الطبي الى in process فياريت اللي اتغيرت عنده الى كلمة اخرى او اتصلوا بي خلي ينطينة علم , والله العظيم كلش تعبت من الانتضار والقلق .

اخوكم موعود. :'( :'( :'(

31
السلام عليكم شباب ...
اليومين اللي فاتت اتغيرت هواية بملفات الاعضاء من هولد الى انتضار النتيجة وصارت تفسيرات هواية عليهة
راح اكللكم شي عني واللي ممكن راح تعرفون تفسير الpending result
اخوان اني اجاني رفض بالشهر السابع وطبعا رفض غير متوقع لان كلشي مكمل وماعندي شي وحتة الكفيل متصلين بي وكنت بوقتهة اشتغل وي الخوال وحتة همة نفسهم اتفاجئوا من اجاني الرفض ,, الحاصل بالشهر الثامن قدمت طلب باعادة النضر بقضيتي ومن طلع موقع الاي او ام كلما اجيك قضيتي يطلعلي pending result وكلما ارسل رسالة للاي او ام يكلولي بعدنة جاي نعيد النضير بقضيتك ,, فمعناهة انو هاي البيندك ريزولت هية القرار النهائي اما اي او لا يعني اللي واصل لهاي المرحلة يعني المرحلة النهائية وانشاء الله خير علة الجميع علة السنة الجديدة .

اخوكم موعود

32
السلام عليكم اخواني واخواتي

ممكن احد يكلي اذا اكو سفارة كندية بالعراق ؟؟ وشنو موقعه علة النت ورقم تلفونه

واشكركم مقدما

اخوكم
موعود

33
السلام عليكم ورحمة الله وبركاته

الى الاخ المحترم Tamata ممكن نعرف شنو اخر الاخبار والتطورات من بعد اللقاءات اللي سويته ؟ والمقالة اللي نشرته؟ واكون شاكر الك لان انت تدري احنة جدا محتاجين اخبار تحفزنة وتنطينة امل .


تحياتي الك
اخوك موعود

34
السلام عليكم وكل عام وانتم بالف خير ويارب العيد الجاي كلكم تعيدون بامريكا

حبيت اسال اهل الخبرة عن موضوع الاستئناف او موضوع الطلب باعادة النضر بالقضية بعد الرفض
السؤال هوة (( اشكد تطول المدة ويحصل الشخص علة الجواب ؟؟ ))
اذا اكو احد منكم يعرف اي احد اجاه رفض وبعدين قدم استئناف او قدم طلب باعادة النضر بقضيته وبعدين اجاه الرد ,, اشكد طولت الفترة ؟؟

واشكركم الشكر الجزيل ويارب بحق هاي الايام كلكم  تنقبلون وتسافرون باقرب وقت

اخوكم موعود

35
 واشنطن : ترددت شائعات قوية على مدارالأيام الماضية عبر شبكة الإنترنت والعديد من وسائل الإعلام حول إقتراب نهاية العالم بحدوث أقوى زلزال في تاريخ البشرية يوم 26/ 9 / 2011 .
ومما ساعد على زيادة تلك الاشاعات،إنتشار فيديو مخيف لبروفيسور امريكي يدعى "الكساندر ريبروف" يتحدث من خلالهعن وجود مذنب صغير يدعى "مذنب الينين"، وقد اكتشفه رائد فضاء روسي عام 2010, هذا المذنب يدور حول الشمس دورة كاملة كل 10,000 سنة ليكمل دورة واحدة فقط.
ويضيف الكساندر ريبروف: "كل مرة تواجد فيها هذا المذنب على استقامة واحدة مع كوكب الأرض والشمس او احد الكواكب الأخرى يحدث زلزال كبير وعنيف, وان التناغم الارتجاجي الذي يحدث عندما تصطف هذه الأجرام على خط مستقيم يسبب تضخم في الطاقة, ويفسر حديثه بالتوضيح الاتي:


- ففي يوم 27/2/2010 تواجد هذا المذنب على خط مستقيم مع الأرض والشمس، وفي هذا اليوم حدث زلزال تشيلي .
- وعندما استمرت الأرض في دورانها اصطفت مرة اخرى على استقامة مع الشمس والمذنب "الينين" الذي أصبح اقرب هذه المرة، وكان ذلك في يوم 4/9/2010 حدث زلازل في مدينة كريست تشيرش في "نيوزلندا".
- ثم عندما اكملت الأرض دورانها لتصطف مرة اخرى مع الشمس والمذنب "الينين" الذي أصبح اقرب أكثر وذلك في يوم 11/3/2011 حدث زلزال اليابان المروع.
ويؤكد ريبروف ان المواعيد الثلاثة صعب جدا ان تكون مصادفة، ومما يزيد الشائعة تأكيدا ان "الكساندر ريبروف" تنبأ ان الظاهرة ستتكرر في يوم 17/8/2011.
وفي وقتها قال: سأصرح علانية لأن يومها في تاريخ 17/8/2011 ستكون الأرض على استقامة مع الزهرة والشمس وعطارد، وانه يتوقع حدوث زلزال كبير على الأرض، وتوقع ان يؤثر على المنطقة بين ولايتي ألاسكا وسان فرانسيسكو، وبالفعل في اليوم المحدد حدث زلزال في المنطقة بين ألاسكا وسان فرانسيسكو.
ومما يثير الريبة والفزع اكثر، توقع "ريبروف" ان الاصطفاف القادم سيكون يوم 26/9/2011، وفي هذه المرة سيكون مذنب "الينين" ولأول مرة بين الأرض والشمس، وسيكون المذنب على بعد 0,38 من الارض.
وفسر قوة الزلزال المتوقع قائلا: "عندما كان المذنب على بعد 2,0 من كوكب الارض كانت قوة الزلازل حوالي 9 درجات، وان قوة الجاذبية وقوة الأشعة تحت الحمراء ستكون 25 ضعف عن ما هي عليه في ذلك اليوم، وان كل السواحل الواقعة على المحيط الهادي سوف تدمر بسبب الزلازل وقد تصل قوتها الى 12-15 درجة.

وأكد ايضا انه سوف تدمر كل من نيوزلندا واليابان والصين واندونيسيا وكوريا وروسيا بالإضافة الى السواحل الغربية للولايات المتحدة الأمريكية، وجميعها سوف تتاثر وان الساحل الشرقي لأستراليا لن يدمر بسبب الزلازل لكن سوف يتأثر بموجات التسونامي التي ستسببها الزلازل.

وقال انه عندما يتحرك المذنب في الفضاء سوف يسبب كسوف للشمس لمدة 3 ايام على الاقل لذلك على الجميع ان يتوقع ان تثور البراكين وتحدث إنفجارات كبيرة في كل مكان، وزلازل تصل قوتها الى 12-13 درجة، وانه ستنطلق اشعة كهرومغناطيسية خطيرة ورياح قد تصل سرعتها الى الاف الاميال في الساعة، وان درجات الحرارة ستصل لأكثر من 60 درجة وستتبخر جميع المياه السطحية، وان الرماد البركاني سيتسبب في امطار اسيدية حمضية، وستكون هنالك حرائق كبيرة في جميع إنحاء الكوكب.

واستنكر البروفيسور الكساندر ريبروف عدم اهتمام العالم وتطرق الجهات العلمية لخطورة المذنب "الينين" على نهاية كوكب الارض.

ومما يزيد الامر تأكيدا، استشهد مطلقو فيديو "الحقيقة التي لا يخبرونك عنها" بآية من القرآن الكريم، وهي: قال تعالى (فَلَا أُقْسِمُ بِالْخُنَّسِ * الْجَوَارِ الْكُنَّسِ ) التكوير: 15-19 ، وفسروها معناها بأن الخنس هو المذنبات، وإنها تعني ان المذنبات إذا صارت على استقامة واحد فأنها تؤدي الى كوارث !!


المصدر : http://www.onradioz.com/2011/09/2692011.html#ixzz1YmDDnv9Y

36
السلام عليكم اخواني واخواتي الطيبين
بس حبيت استفسر علة شغلة الاستئناف اذا واحد سوة استئناف او اعادة النضر بقضيتة اشكد الفترة ويحصل الجواب؟؟ اذا اكو واحد منكم عنده علم بهاي المسالة او سامع باحد قدم استئناف او اعادة النضر بقضيته اشكد واجاه الرد وهل اكو موافقة اجتهم ؟؟

اخوكم موعود

37
اصدقائي اعضاء عين كاوة الصابرين المكاريد
هسة خابرني كفيلي من امريكا كلي انو صديقة كان علة اساس اخو يسافر قبل كم شهر ومن وصل للاردن نزلوه من الطيارة ورجعوا علة ابو تجييكات امنية وهاي الشغلة كله تعرفوه
فاليوم اخوه متصل علة الامم المتحدة بامريكا وسائلهم علة حالة اخوه فمجاوبي كايليله انو جميع الملفاة المؤجلة والمتاخرة راح يسافرون بالشهر التاسع :D :D
هذا ما ورد لدينا والله على ما اقول شهيد

38
السلام عليكم

اليوم اتصلت بالاي او ام لان صارلي اكثر من شهر ادز ايميلات ويجيني الاوتو ريبلاي فقط ومايردون عليه
الحاصل اتصلت طلعلي الموضف كتله بالموضوع بالبداية كلي انت من العراق ولازم تدز ايميل كتله اعرف انة من العراق وانتم عدكم تعليمات بان احنة نتواصل وياكم بالايملات فقط وماتردون علة الاتصال لكن اني اتصلت الاحد اللي راح والموضف كلي ارسل ايميل واذا مااجاك رد لحد نهاية الاسبوع اتصل بينة ,,فكالي انطيني اسمك ورقم الكيس مالتك والايميل شوية كالي انتضر من بعدهة كلي احنة ماواصل النة اي ايميل منك !!!!!!!!!!!! :o :o :o :o كتله شلون ماواصل اني داز اكثر من 7 ايميلات وجاي يجيني الاوتو ريبلاي ,,كلي احتمال اكو خلل بايميلك !!!! وكلي ارسل النة من غير ايميل ,,كتله زين ممكن اعرف حالة الملف مالتي كلي ما اكدر لان اكو قسم خاص بملفاة المقدمين من العراق,,,
معقولة هذا الحجي ؟؟؟؟ ارسل ايميلات ويجيني الاوتو ريبلي ويكلي كلشي ماواصلنة منك؟؟؟!!!!!!!!!

39
السلام عليكم جميعا اخواني واخواتي

احد منكم صايرة وياه هاي الشغلة ,, صارلي 4 اسابيع كل اسبوع ادز ايميل للمنظمة ويجيني الاوتو ريبلاي لكن ماجاي يردون علة ايميلاتي والاسبوع الي راح اتصلت بالمنظمة وطبعا كالعادة اول معرف الموضف انو اني من العراق كلي دز ايميل كتله اني جاي ادز ايميلات وماجاي يجيني اي رد كالي انشاء الله يردون عليك وهسة هم خلص الاسبوع وماكو اي رد . اني طبعا من بغداد مقدم IOM وبانتضار الامنية تخلص ومن جماعة الشهر ال11 ومقدم من الشهر الخامس 2009
اي واحد صايرة وياه هاي الشغلة خلي يطمني لان الصراحة بديت اقلق.

اخوكم موعود

40
صباح الخير علة الجميع شلونكم اخواني واخواتي اليوم الثاني من الشهر السادس بده خلي نحافظ علة تفائلنة وانشاء الله نسمع اخبار حلوة .



اخوكم موعود

41
السلام عليكم جميعا ...
اليوم هوة اول يوم من الشهر السادس فخلي نتفائل بهذا اليوم وبهذا الشهر عسى ولعل يتصلون بينة اليوم ويحققولنة حلمنة اللي صارلنة زمن منتضرينة وعلة كولة المصريين ((اضحك للدنيا تضحكلك ;D ;D :D :D))

اخوكم موعود

42
بعد ساعتين اذا ما اتصلوا بينة الاي او ام راح ينتهي الامل والترقب بالنسبة لهذا اليوم ويبقالنة بس باجر وعكبة من الشهر الخامس يارب يسر ولا تعسر يارب

اخوكم موعود

43
شلونكم اخوان بعد ما كنة ننتضر بفارغ الصبر ليمتة يجي الشهر الخامس حتة بلكي يحددولنة موعد سفر علة الشهر السادس لان قرينة كلش هواية بان الشهر السادس راح يكون بي هواية سفر ,, واجة الشهر الخامس وكل يوم نكول بلكت هذا اليوم يخابرونة ويحددولنة موعد سفر ويخلص اليوم ويجي البعدة وكلشي ماكو وعيونة راح تعمة من كثر مامكابلين الحاسبة ونجيك بالايميل وهسة مابقة بس اربع ايام وينتهي الشهر الخامس يعني خلال هاي الاربع ايام اذا ما اتصلوا بينة وحددولنة موعد سفر يعني معناهة راح علينة الشهر السادس ولازم نكعد ننتضر بلكي يسفرونة علة الشهر السابع  ::) ::)
يارب والله كلش تعبنة وما نعرف منين بعد نجيب الصبرررررررررررررررر

44
السلام عليكم اخي العزيز ابن الناصرية بالبداية الف الف مبروك علة موعد السفر ويارب يوم التبشرنة بوصولك لبلد الاحلام

بس ردت منك تكتبلي الرمز ال case status  اللي اجاك باخر رسالة كالولك بيهة علة التجييك الامني ومن بعدهة خلوك علة جدول السفر ,,, واكون جدا شاكر وممنون الك اخوي ارجو الاجابة

اخوك موعود

45
السلام عليكم شلونكم اخواني واخواتي
غدا هوة الاحد 22-5 يعني المفرض اذا كان اكو سفر علة الشهر السادس مثل ماسمعنة وقرينة لازم يتصلون بينة من باجر يعني مابقة بس 9 ايام ويخلص هذا الشهر واذا ماحددولنة موعد سفر خلال هاي الايام راح يروح علينة الشهر السادس  >:( >:( ??? ???
يالله بجاه كل انبيائك نسمع اخبار حلوة هذا الاسبوع وواحد يبشر الثاني وكلنة نسافر بالشهر السادس وبنفس الطيارة ;D
اترجاكم اذا احد اتصلوا بي الاسبوع الجاي يخلي يبشرنة .

اخوكم موعود

46
شلونكم شياب وعجايز (هاي من ورة الامنية شيبنة :'( :'( :'()
اليوم 15-05 يعني نص الشهر خلص واحنة علة نفس الوضعية كلشي ما اتغير بعدهي الامنية السعلوة تركض ابرانه ليمتة نخلص منهة ما ندري يله شنو فرق هذا الشهر عن الشهر اللي قبله  ??? ??? ::) ::)
شلون بينة والله العظيم تعبت كلش وبعد مابيه حيل انتضر الوقت ماجاي يتحرك والكآبة فوووووووووول احنة شنو ذنبنه عمرنة جاي يروح هدر هوة الواحد كم مرة يعيش هسة همة معقولة الاي او ام مايعرفون باي مرحلة واصلين ليش كلما ندزلهم ايميل حسرة علينة اذا مارودا علينة بنفس الكليشة حتة بعد لعبت نفسي ادز الهم ايميلات من ورة ردهم اليموت قهر ,, انة اسف اذا طولت عليكم بس احنة ليش هيج يصير بينة وخايف لا يجي الشهر السادس وكلشي ما يتغير  :o :o :o

اخوكم الشايب موعود

47
والله العظيم ملت روحي ولعبت نفسي كلش من مغذيات الاي او ام كل ما ادزلهم ايميل اسال عن الملف مالتي يكلولي تجييكات امنية ادري هسة احنة شمسوين وهالكد يجيكون علينة والله تعبنة ياناس صارلي سنتين من قدمت ولهسة بعدني ماطالع وفوكاهة علقت حياتي كلهة علة السفر ومااكدر اسوي اي شي سعادتي ومستقبلي  صارت كلهة متعلقة بايميل من الاي او ام او اتصال منهم وما ادري شلون تاليتهة ,,, ??? ??? ???

48
السلام عليكم اخواني واخواتي ...

ممكن احد عنده علم او يعرف معنى هذا الرمز HMJ
علما انو اني بانتضار الامنية الكشرة تخلص ودزيتلهم ايميل واجاني ردهم المغذي وبي هذا الرمز

ارجو المساعدة

اخوكم موعود

49
اخواني واخواتي السلام عليكم شلونكم انشاء الله تكونون كلكم بخير وتسافرون باقرب وقت
اليوم اجاني رد علة ايميل دزيته للاي او ام وكان نفس الرد التجييك الامني لكن كاتبين يم حالة القضية case update
والرمز هوة MSA

ارجوكم اخواني اذا واحد عنده علم شنو معنة هذا الرمز MSA اكون جدا شاكر اله

اخوكم موعود

50
السلام عليكم اخواني واخواتي...

لفائدة الجميع وحتة نعرف وين وصل الكيس مالتنة اي واحد جاية موعد سفر او خالي علة جدول السفر ممكن يكتبلنة اخر رمز باخر ايميل ومن بعده خلوه علة جدول السفر او انطوه موعد السفر ,,لان اخوان هاي الرموز تعني حالة الكيس وين واصل ولازم اله فد تفسير ,,ارجو المشاركة واشكركم مقدما.

اخوكم موعود.

51
السلام عليكم ....
شلونكم اعضاء عين كاوة فردا فردا انشاء الله مرتاحين...
بلازحمة عليكم قبل كم يوم اجتني رسالة من الاي او ام ردا علة ايميل دازة الهم كلولي انو قضيتي تحت التجييك الامني الروتيني وحالة الكيس هية ADJ ممكن تكلولي شنو معنى هاي الحروف واشكركم مقدما.

اخوكم موعود.

52
السلام عليكم ورحمة الله وبركاته...

عندي سؤال وارجو الاجابة عنه لان حاير بي
اني اجتني موافقة المحلفين بالتاجيل ومن بعدهة بيومين اتصلوا بالكفيل مالتي وسالته الموضفة اذا كان مستعد يتكفلني وكلله بان هوة موافق وماعنده مانع وبان هوة مستعد بان اسكن وياه وكلتله من يحددون موعد السفر راح تتصل بي مرة ثانية وتنطي خبر وحتة تجي لصاحب العمارة وتحجي وياه علة مود اسكن وي الكفيل مالتي..بس هية ماجابت سيرة التوقيع علة الاوراق او اي شي من هذا القبيل..
سؤالي هوة ((هل هذا يعني انو الامنية مالتي خلصت؟؟)) واشكد تتوقعون بعد انتضر حتة يحددون موعد السفر؟؟؟

ارجو الاجابة وشكرا مقدما
اخوكم موعود

53
السلام عليكم....
اخواني واخواتي اعضاء عين كاوة الطيبين
حبيت اسال سؤال (اذا احد اجته موافقة المحلفين وتم الاتصال بالكفيل مالته اشكد بعد بنتضر حتة يحددولة موعد السفر ؟؟)



تحياتي الكم
موعود

54
السلام عليكم ورحمة الله وبركاته
اخوان اجاني اليوم ايميل من الاي او ام بغداد علة عنوان الكفيل ورقم تلفونه علما اني منطيهم العنوان بالكامل حتة رقم التلفون والايميل طبعا اني قابلت محلفين يوم 7-11 ومنتضر النتيجة فأجاني هذا الايميل شنو تفسيركم اله واشكركم مقدما

Dear Mr. ....,

 

 

Kindly note that if you want (.....) to be your anchor and to be resettled with in the United States ; please send us his Full address with valid contact numbers.

 

Your quick response is highly appreciated.

 

Kind regards

IOM info Center


55
السلام عليكم ورحمة الله وبركاته....
الى جميع الاعضاء في هذا المنتدى الرائع ارجو كتابة المدة اللي انتضرتوهة من بعد مقابلة المحلفين ياله استلمتوا الايميل اللي بي نتيجة المحلف للفائدة واشكركم مقدما يا احلة ناس بالدنيا .

اخوكم موعود. :o

56
السلام عليكم ورحمة الله وبركاته
طبعا بالبداية احب اسلم على الكل بدون استثناء ,, وطبعا اني كل يوم اقرء كل مشاركاتكم وافرح للاخبار الحلوة واحزن للاخبار المحلوة ...
اخواني واخواتي البارحة اتصل بيه رقم (آسيا) وكالي احنة من منضمة الهجرة وانت عندك فحص طبي ,, ومن تجي للفحص راح ننطيك موعد الفحص الثاني , سؤالي هوة انتم هم اتصلوا بيكم علة رقم (آسيا) لان الصراحة استغربت ..
ارجو من اللي عندي جواب لا يبخل عليه بي.

اخوكم موعود.

57
حبايب اعضاء المنتدى شلونكم انشالله تكونون مرتاحين
عندي فد سؤال (( ممكن الواحد يكدر يفصل الكيس مالتة عن الموجودين وياه بنفس الكيس من بعد المقابلة الاولى؟؟))

تحياتي الكم
اخوكم موعود

58
السلام عليكم ورحمة الله وبركاته
اخواني اعضاء المنتدى الاعزاء اني مقابلتي الاولى يوم 22-6 ب IOM بغداد , منو وياية بنفس التاريخ ؟؟ ارجو منكم الرد حتى نتعرف علة بعض قبل المقابلة واذا واحد عنده معلومات جديدة يفيدنة بيه علة المقابلة وخلونة متواصلين ارجوكم لان هذا المنتدى هوة المكان الوحيد اللي نكدر نحجي بي ابراحتنة ويارب تسهل جميع الامور.

                                                                                                               اخوكم موعود

59
السلام عليكم ورحمة الله وبركاته
بالبداية اسلم علة الجميع في هذا المنتدى الرائع جدا واللي جمعنة علة الخير وانشاء الله نبقى دائما متواصلين....
اني من جنوب العراق مقدم علة الاي او ام صارلي سنة كاملة واخيرا اجاني موعد مقابلةيوم 22-6 طبعا الدنيا ما ساعتني من الفرحة لكن يقة شي واحد (( اني ابد ما اعرف وين صاير المكان صحيح شارحي بالايميل ودازين الخريطة لكن ما اعرف لان صارلي سنين مجاي لبغداد والشي الثاني زوجتي وياي وحامل يعني يوم 22-6 راح تكون بالشهر التاسع من الحمل وخايف عليهة وعلة الجنين يعني ما اريد ابهذلهة )) الرجاء اطلب منكم اذا احد يوصفلي بوصف اسهل شلون اوصل للاي او ام او اذا اريد ااجر تكسي وين اكله يروج ارجوكم اخوكم محتاج لمساعدتكم واشكركم شكر جزيل

                                                                                                             اخوكم موعود

صفحات: [1]