ankawa

المنوعات => استراحة المنتديات => ابداعات اعضاء استراحة المنتديات => الموضوع حرر بواسطة: الشاعر ماكو وفه في 11:18 21/10/2010

العنوان: الشاعر ماكو وفه( الى بسمة) ابو ذيات عراقية بقلمي
أرسل بواسطة: الشاعر ماكو وفه في 11:18 21/10/2010
                                              يهل تنشد على حالي ترابي
                                             غيرك هالكلب محد تره بـــــي
                                            تعال وشوف زرعاتي وترابـــــي
 
                                      بعدك بس اثر فوك الوطية


                                         لغيرك مانزل دمعي ولاهل
                                        كمر كلبك علي صاير ولاهل
                                       بعدك ماكو احد عندي ولا اهل

                                عمنك كاطع ومبعد علية

                                 
                                      تعال وشوف حالي انته ونته
                                     وصدى صوتك بذاني انته ونته
                                    احب عشرة بحياتي انته ونته
   
                            وحظرتك ونته ونته وهاي هيه


                                  منهو اليرحم بحالك لونك
                                همت والشوك والعشرة لونك
                               اذا ونيت من يسمعه لونك
         
                     اذا مالك محب فوك الوطية


                         محبتكم علينة هاي نعمة
                        وبعدكم مانشوف الكون نعمة
                        اكو اغنية بشريط حسين نعمة
 
                كافي من البعد حنو علية


                  كلبك لو نساني بيوم ذكرى
                  وحبيبك دوم بالطيبات ذكرى
                 عالحايط كتبت بحزن ذكرى
 
 
           اعزاز وصعب فركاكم علية


                                                    تحياتي للجميع اخوكم الشاعر احمد الدوري
العنوان: رد: الشاعر ماكو وفه( الى بسمة) ابو ذيات عراقية بقلمي
أرسل بواسطة: اسعد الزبيدي في 08:23 31/10/2010
كلام جميل 


          تحياتي
العنوان: رد: الشاعر ماكو وفه( الى بسمة) ابو ذيات عراقية بقلمي
أرسل بواسطة: ديراني في 07:14 07/12/2010


دام قلمك الذهبي يرسم اروع المعاني

عاشت الايادي وردة
العنوان: رد: الشاعر ماكو وفه( الى بسمة) ابو ذيات عراقية بقلمي
أرسل بواسطة: نادر البغـــدادي في 12:31 09/01/2011
       

              خاطرة شعبيّة رائعــــة !!!

                 تسلم الأيادي شاعرنا المتألق ، ماكو وفــــه ،  ..

                       خالص تقديرنــــا ...
العنوان: رد: الشاعر ماكو وفه( الى بسمة) ابو ذيات عراقية بقلمي
أرسل بواسطة: Sound of Soul في 17:51 10/01/2011
ابوذيات جميلة جدا


عاشت الايادي خيي