هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .
الرسائل - kunda
صفحات: [1] 2 3 4 5 6 7 8 9
2
الاخ او الاخت Happiness جميع مواعيد السفر هي بالنهاية تتم عبر الiom.. حتى ملفات الUN تسافر عن طريق iom ,لانه حاليا حسب علمي لايوجد تقديم مباشر على iom الا من العراق .
التقديم يكون على منظمة الUN ولكن عندما يصل الملف الى السفر تسلتلمه IOM ..الملفات التي سافرت كانت UN وسافرت كالعادة على IOM
3
بصراحة ماعندي علم عن المواعيد القادمة ..لكن اذا سمعت او عرفت اي خبر مؤكد اخر راح انقله الكم هذه الوجبتين الاخيرة يوم ٢١ و٢٧ بيها حسب علمي اربع عوائل عراقية هذولة اللي عرفنا بيهم قد يكون هناك وجبات او عوائل اخرى من لبنان الله اعلم ممكن ما نسمع بيهم وان شاء الله القادم افضل.
5
تحديث لجماعة لبنان... عائلتين عراقيين واخيرا استلموا سفر عن طريق الامم العائلة الاولى يوم ٢١ والثانية يوم ٢٧ من هذا الشهر الثامن ...خبر مؤكد وان شالله القادم افضل واخيرا تحركت الطابوكة شوية .
6
ببالغ الألم والحزن تلقينا خبر وفاة الناشط الأستاذ سمير شبلا.. الى رحمة الله تعازينا الحارة لذوي الفقيد واقاربه
7
نعتذر اخي العزيز ..موقعنا لايدعم ولايشجع ولاينصح بالسفر عن طريق التهريب ابدا .. ننصح ونعطي المعلومات المتوفرة والمساعدة المطلوبة من قبل جميع الاعضاء والاداريين فقط في حالات السفر او اللجوء او الهجرة بطريقة قانونية ورسمية وشرعية .
اما عدا ذلك مم حالات تجارة البشر والتهريب فنتعذر.
وشكرا
8
حياك الله اخونا الغالي واهلا وسهلا بك ..
واحلا عودة
9
بصراحة لم يتوفر لي الوقت الكافي للاستفسار عن هذه الأمور لكن اتمنى من الاعضاء إذا توفرت لديهم معلومات إضافية أن يرفدونا بها مشكورين .. وسوف احاول ان اتابع معكم اكثر ...وشكرا
10
والله يا اخي مسألة الوقت غير معلومة خصوصا في هذه الظروف.. بس مع ذلك حاول أن تدرس الموضوع من عدة جوانب ولمن تختار محامي ناقشة مسبقا وتأكد أنه قد استلم قضايا مشابهة لقضيتك يعني صار عندة خبرة في نفس موضوعك، وكن دقيق باختيار المحامي
11
طالما انت بقيت فترة طويلة خارج أمريكا والترافل دوكمنت صار منتهي الصلاحيه فالافضل أن تستعين بمحامي هجرة لان معاملتك ستكون معقدة نوعا ما ومطولة .. السؤال هل انت عزابي لو معاك عائلة بنفس وضعك ؟ إذا لوحدك شوية اسهل بتقديري... لكن بجميع الأحوال المفروض محامي مختص بشؤون الهجرة يساعدك بالموضوع.
12
اليوم سمعت هذا الشي ايضا ... والله مامعلوم بس احتمال اكو حركة أو لاغراض إحصائية مثلا الله اعلم
صباح الخير ز اخوان دا اسمع اليوان هواية ديخابرون على ناس وينطوهم مواعيد حتى يجددولهم الورقة مالتهم رغم انه اكو ناس مجدديه قبل شهرين او بعدها مخلصانة وتخلص نهاية السنة بس اني لحد الان مخابروني .
احد عندة خبر شنو معناها هاي شنو الغاية منها
13
لا والله ماكو اي خبر جديد موثق خصوصا على امريكا
الله كريم
14
هل من جديد ياجماعة لبنان؟؟
15
اخبار مفرحة للبعض ومحزنة للبعض الآخر ..قبل يومين بدأت المنظمة في لبنان بإعطاء مواعيد سفر الى امريكا ..والخبر اكيد ١٠٠ بالمئة يوم ٣/٣. يوجد سفر لكن للأسف لحد الان جميع الاسماء من سوريا لم نسمع عن أي ملف عراقي حدد له سفر في ذلك اليوم ..
الخبر المحزن الاخر وحسب تحليل أحد الإخوة الذين يعملون في المنظمات يقول إنه الإدارة الأمريكية ستبدأ فعليا بتنفيذ خطة مايك بينس بتقديم دعم مادي للاقليات في العراق عن طريق ممثليهم والبدء باعمار مناطقهم وبالتالي الغاء فكرة إعادة توطينهم في الولايات المتحدة الأمريكية مما يعود بالضرر على الكثير من اخواننا واهلنا المنتظرين في لبنان ودول الجوار .
16
تحديث سريع لجماعة لبنان ..اليوم سمعت خبر أنه ديتصلون على مواعيد فحوصات .. خصوصا للي عندهم إعادة فحص وان شالله خير.
17
والله يا اخي احنه عائله من شهر ١١_ ٢٠١٧ طلبوهذا المعلومات
تحياتي الك ولعائلتك اخي العزيز ..هواية ملفات طلبوا منهم شغلة المعلومات من ٢٠٠٧ الى ٢٠١٧ ،وبعد ماسمعنا وراها أي تطورات ،،ان شالله خير ياربي
18
هل من جديد ياجماعة لبنان ؟
19
اخونا الغالي ابو وليد ..شوية تعذرنا والله مشغولين هذه الأيام بالحرائق يمنا في كاليفورنيا والله يكون بعون الجميع .
طبعا القرارات المتسرعة تكون عاقبتها وخيمة واصلاحها صعب دائما.. قرار العودة إلى العراق غالبا مايكون قرار عاطفي ومتسرع.
20
الضرائب مالها اي علاقة بتقديمك للجنسية بامريكا ، هناك شروط التقديم يجب أن تكون متوفرة بحضرتك .
لكن مع ذلك منطقيا يجب أن يكون موقفك سليم من الضرائب وليس لديك مخالفة أو جريمة ضريبية ومن الواضح أنه ماعندك لأنه لو عندك اكيد كنت ستكون خلف القضبان لان موضع الجرائم الضريبية لايستهان به في امريكا. اذن موقفك سليم من الضرائب بأجنحة ولاجناية ولست مطلوب لاي سبب .وقد قضيت في امريكا الفترة المطلوبة فلاغبار عليك .وايضا اوراق التسوية الضريبية ليست مطلوبة منك اثناء التقديم لأنهم لابحتاجونها بمجرد أن يكون لديهم السوشل سكيورتي نمبر الخاص بك فإنهم يعرفون تاريخك المهني والمالي في امريكا.
21
اتمنى ان تكون هذه القرارات في صالح الجميع .
فعلا لطالما كانت امريكا هي المساهم الأكبر والداعم الأكبر لمسألة اللاجئين والمهاجرين على مدى عقود من الزمن وطالما كانت ماديا وماليا تساهم بحصة الأسد في جميع الأنشطة العالمية التي تخص هذه الامور بقية دول العالم مجتمعة لم تساهم بربع ما قدمته امريكا .. اما الدول الغنية والبترولية لم نسمع يوما انها قدمت اي شكل من أشكال الدعم لاي لاجيء أو مهاجر .ومع ذلك فإن سياسات امريكا في هذا المجال كانت دائما محل جدل وانتقاد بل وحتى استغلال من الجميع بل وحتى من المستفيدين منها ومن برامجها الإنسانية.. امريكا اولا هو عنوان كبير وعظيم قد ينزعج الكثيرين منه لكنه في النهاية سيسود ويثمر .
22
المشكلة أننا كلما نواجه هكذا اراء نقول لأصحابها ببساطة وعفوية ليش ما ترجع أو تروح لغير مكان ؟
يكون جوابه الحاضر دائما وانت شعليك هي امريكا مال خلفك ....!!! هذا الجواب يحمل في طياته الحقيقة الكاملة اصلا.
23
انا ساكن في امريكا لما يقارب ٦ سنوات والحمد لله حصلنا على الجنسية الأمريكية ..بدون ماادخل بالتفاصيل فقط اختصر كلامي قدر الإمكان واقول لااتفق مع كل ماجاء في طرح الاخ صاحب الموضوع ابدا.. وامريكا ليست كذلك ولو كانت كما صورها الاخ لما بقينا فيها يوما واحدا .. انا احمد الله واشكره على وجودي ووجود عائلتي في امريكا واصلي كل يوم شكرا لله على هذه النعمة العظيمة وبصراحة أنا نادم وحزين على كل يوم وكل دقيقة عشتها خارج هذا البلد الراقي ، العيش في امريكا هو مباركة من الرب للاسف الكثير ممن يستحقون هذه البركة حرموا منها والكثير ممن لايستحقوها قد نالوها دون أن يقدروا قيمتها .لكل من يلعن امريكا سرا وعلانية عليه أن يرحل ويترك مكانه لغيره لعله يشعر ويقدر تلك النعمة .
اخيرا نحن عائلة مكونة من خمسة أفراد اثنان منهم ولدوا في امريكا نحب هذا البلد كثيرا كما نحب بلدنا الاصلي العراق ونحترمه ونحب العيش فيه ونتمنى له الازدهار والسلام والتقدم .
24
تحياتي للجميع .. فقط حبيت اسلم على الجميع في هذا الكروب وحبيت أنوه الى شغلة وهي سؤال الاخ lebanonicmc حول فيما إذا كان هناك حركة وصول لاجئين جدد هذه الفترة، احب أن اذكر بما أنه انا اشتغل بالمطار أنه حركة السفر جدا جدا ضئيلة هذه الفترة لكن الاسبوعين الفتات شفت عائلتين فقط وحدة من تركيا والثانية من الاردن والعائلات عراقيين وعلى الأمم العائلة الجاية من الاردن كانوا نفرين فقط ام وابنتها ومن تركيا اب وام واطفال..ايضا قبل أيام أخذت العائلة الى المتنزهات القريبة على بيتنا والتقيت بناس أفغان جايين من أفغانستان مباشرة احدهم اكدلي أنه عددهم كلش جبير تقريبا ١٠ عوائل وجايبن كلهم هالفترة من شهر وانت نازل .
على مايبدو اكو حركة سفر بس سوريين وافغان ..بالنسبة العراقيين خصوصا من لبنان للاسف ابد ماشفت ولاسمعت عن عوائل جاية هالفترة ..
بس حبيت اسالكم على استعمال الموقع للتجيبك على حالة ملفكم من لبنان ياريت احد يشرح لنا الطريقة حتى توصلها إلى اقاربنا في لبنان ..ولكم خالص الشكر والتقدير وان شالله نبقى على تواصل.
اخوكم كوندا / كاليفورنيا
25
عزيزي lebanonicmc. اتمنى ان تكون هذه بشرة خير اعتقد انه التحريك الامني يا اما خلصان أو وصل إلى مرحلة أخيرة ولذلك طلبوا هذه المعلومات ..اعرف شخص كالولي بعد المعلومات بعشرين يوم اعطوه موعد سفر مباشرتا ..أن شالله خير عليكم انتو ايضا. خلينا على تواصل رجاءا
26
مرحبا..تحياتي للجميع ..اخر تحديث اليوم ١ نوفمبر اتصلوا لاقاربي في لبنان وابلغوهم أنه هناك فقرة جديدة مطلوبة منهم في لبنان وهي مليء استمارة معلومات العشر سنوات الأخيرة السكن والعمل وتواجد أقارب الدرجة الأولى والابناء جميعا معلومات وافية ومطولة لمدة عشرة سنوات للفترة من ٢٠٠٧ لحد ٢٠١٧ ..ايضا احب أتوجه بالسؤال الى الاخ lebanonicmc والبقية في هذا الكروب كم اصبحت فترة الفحوصات هل هي ٦ أشهر ام سنة صلاحية؟.
وشكرا
27
مرحبا شباب..تحياتي للاخ سمير سعدالله وشكرا على مداخلته وكلماته الطيبة.. بالنسبة لسؤالك عن تحويل الملف إلى لبنان فأعتقد هذه الحالة صارت مع اخ كان مشترك معانا بالمنتدى بس صارلها فترة جدا طويلة واعتقد أنه كان بالمراحل النهائية ... اذا بعدك بالبداية مااعتقد راح استفاد من النقل كلش.
28
والله يا اخي lebanonicmc اذا تراجع نقاشنا عن تفسير القرار بالنسبة لتحديد صلة القرابة فأعتقد أنه الخال صار مشمول بالموضوع ..يعني انت شغلتك بالسيف سايد هاي من ناحية صلة القرابة ..بس هل راح يطلبون منك اوراق ثبوتية عراقية مثل الجنسية فاحتمال قوي يطلبونها واذا هي عندهم فماعتقد يطلبونها منك.
بالنسبة لاقاربي واللي هم بيت عديلي همه مخلصين كلشي ومنتظرين موعد فقط لكن بلغوهم أنه عندهم تجيبك أمني وحاليا الفحص الطبي اكسباير وراح يسوون فحص اخر إعادة .. اللي سمعته من ناس هنا بامريكا أنه ثائرة حركة هالايام وديتصلون باقاربهم .. وانا شخصيا اعزو هذا التحرك إلى أنه السنة المالية الجديدة سوف تبدأ قريبا والتخصيص المالي سيتم صرفه ولذا دوائر الهجرة ستصبح نشطة أكثر بسبب بداية السنة المالية والتي دائما يكثر فيها السفر مقارنة ببقية فترات السنة.
29
شكرا اخي المحقق العدلي ..العائلة اللي اني كافلهم بلبنان ايضا ملفهم يبدأ ب١٠٩١ وشوية والتطور اللي صار اليوم خابروهم وطلبوا منهم إثبات صلة قرابة بشخص يعيش في امريكا غيري يعني غير كفيلهم لأنه انا لست قريب درجة اولى وفعلا اتصلوا باخوانهم وطلبوا منهم الجناسي العراقية وبعد مااعرف شلون الإجراءات القادمة ..احد منكم مر بهيج حالة؟
30
والله يااخي للاسف ماكو اخبار مفرحة عن السفر هذه الايام.
31
شكرا على الاجابة يا غالي
بس هل فصل الملف قبل المقابلة الاولى افضل لم بعدها ؟
اذا تقصد فصل ملف بسبب تجاوز احد الاعضاء في الملف عمر 21 فهو اجراء روتيني هم سيبلغونكم به اما فصل بمعنى الغاء اسم شخص من الملف ككل فبأمكانك الفصل في اي مرحلة تريد ويفضل بالمراحل المبكرة
32
info@gls-1.com
349-9142 (800)
هذا ايميلهم ورقمهم والتحقق من التوظيف مايستغرق كثيرا ربما ساعات بالكثير ايام قليلة . تواصل معهم وسوف يرشدوك ويساعدوك ... تدلل احنا بالخدمة
33
والله ياخي كان الله في عونك خمس سنوات فترة طويلة وظالمة.. اقدر اكولك دير بالك من مشاريع السفر الوهمية وعمليات النصب والاحتيال فهي كثيرة ولها عدة اوجه. وبالنسبة لمعلوماتك عن العراقيين في امريكا احب اصححلك المعلومة وهي انه اغلب العراقيين الموجودين في امريكا هم عن طريق اليو ان وiom والقليل منهم عن طربق برنامج siv وطرق اخرى .. اتمنالك التوفيق وكن حذر في كل خطوة تخطيها بخصوص موضوع الهجرة والسفر والله يعوض صبرك خير
34
تقديمك على اللجوء هو الذي سوف يؤثر سلبا على تقديمك على الفيزا .. واعتقد انك تقصد فيزا الزيارة ..لانه سوف يأتيك سؤال هل سبق وان قدمت على اي من البرامج ..وطبعا جوابك يجب ان يكون نعم لانك لاتستطيع الانكار ..اسمك داخل عندهم بالسستم.وهنا سيأخذون عنك فكرة انك غير ذاهب للزيارة هناك بل للاستقرار ..لو كان العكس لكان التأثير اقل نوعا ما .
35
يؤسفنا هذا الشيء الذي حصل معك ..بامكانك التقديم على مفوضية اللاجئين في احدى دول الجوار لبنان الاردن تركيا.وللاسف لن تستفيد من فترة انتظارك الطويلة.
وايضا من غير الممكن او المنطقي اقامة دعوى قضائية من قبل افراد على المنظمة لانها منظمة دولية لاتتبع للقوانين والانظمة المحلية.
36
طبيعي جدا وحصلت مع الكثيرين .. الموضوع لايؤثر لا سلبا ولا ايجابا على سير المعاملة ..
حصل الموضوع مع اقاربي وكان الوالد غير راغب بالسفر بل انه حتى اثناء احدى المقابلات صرح بانه غير مهدد وسوف يرجع الى العراق ..وفعلا عاد الى العراق ولايزال هناك وبقية العائلة تعيش في ديترويت منذ ٣ سنوات.
لااعتقد ابدا ان ذلك يؤثر.
37
منطقيا..المتقدم الرئيسي يستطيع (تقديم طلب) لالغاء احد الكيسات مع شرح الاسباب .. خاصة اذا كان ذلك بالاتفاق مع صاحب الكيس او الملف. لكن يبقى للمنظمة او الجهة التي قدم اليها الطلب القرار النهائي والحق بالموافقة ام لا بعد دراسة تلك الاسباب.
وسوف يتصلون بصاحب الكيس للاستفسار
اما اذا كان صاحب الملف غير موافق او مقتنع بهذا الالغاء فيبقى الوضع رهن قرار الالمنظمة المعنية بالطلب
اتذكر واقعة حدثت وهي ان احدهم كان لديه ملف على برنامج siv وكان قد قدم طلب لشقيقته عن طريق ion لكنها سافرت مع زوجها واستقرت في اوربا ..فقدم طلب اخر لالغاء الملف وبعد الاتصال بالشقيقة (واعتقد انها لم تجب على اتصالاتهم) قاموا بغلق الملف اوتوماتيكا.او على الاقل تجميد او ايقاف المعاملة.
38
نعم مسموح استخدام virtual private network في امريكا واستراليا وكندا وايضا بريطانيا والكثير من الشركات واصحاب الاعمال المهمة يستعملونه بدون اي مشاكل او تبعات قانونية.
39
عفوا شنو تقصد بالغاء الكيس؟
اذا صاحب الكيس عنده ملف مستقل بذاته فهو حر يلغيه او يبقيه .ياريت لو تفاصيل اكثر حتى نفهم الموضوع ونقدر نجاوب .
40
شكرا للاخ dole79 على الكلمات الطيبة المشجعة..
ساستغل هذا الموضوع الرائع لطرح بعض المعلومات المهمة والمفيدة عن الحياة في امريكا وارجو ان يساهم الاخرين ببعض المعلومات عن استراليا وكندا .. انا لم ازر استراليا لكنني زرت كندا التي لاتختلف كثيرا عن امريكا الا من ناحية المناخ البارد .. هذا الكلام موجه للاخوة الذين ينتظرون سفرهم الى امريكا ليكونوا فكرة معقولة عن نظام الحياة هنا لانه يختلف كثيرا عن بلداننا لتقديم شرح مبسط لمسألة مهمة غالبا يساء فهمهما من قبل الكثيرين وهو موضوع الضرائب الذي دائما مايصوره الناس على انه جانب سلبي ومزعج وسيء في مسالة العيش في امريكا خصوصا والغرب عموما .
ربما انك في اي مرحلة من حياتك قد سمعت الكثير من التذمر من البعض عن دفع الضرائب وكيف ان المغترب يصور الضرائب وكأنها البعبع الذي يأكل الاخضر واليابس .... وطبعا هذه افكار مغلوطة واحيانا يتعمد البعض بنقل صورة مشوهة وغير حقيقية للاخرين .
سأحاول شرح الموضوع ببساطة قدر الامكان ..اخواني ان النظام الضريبي الامريكي هو اسمى وارقى نظام اقتصادي موجود في العالم يتوافق كليا مع مباديء التكافل الاجتماعي والمشاركة.
في بلداننا مثلا نكاد لانسمع بكلمة ضريبة الا عند بيع عقار مثلا اما في امريكا فالوضع يختلف فكل من يعيش في امريكا ويعمل عليه ان يدفع ضريبة للدولة .. (السالفة صار بيها احنا ندفع ) .. اذن اين الجميل في الموضوع ؟ ؟ صبرك قليلا ... عندما تعمل فان الدولة تستقطع منك مبلغا بسيطا كل شهر مني ومنك ومن الغني والفقير والجميع .. وفي نهاية كل سنة تجمع هذه الاموال الطائلة كلها وتقوم الدولة عبر برامج محسوبة حسابا دقيقا (بتوزيع ) هذه الاموال بما تراه عدلا وانصافا وياخذ كل ذي حق حقه. يعني بصريح العبارة انت (كعائلة) سوف تأتيك هدية مالية كبيرة جميلة ومغلفة نهاية كل سنة تقديرا لتعبك وجهدك وتحقيقا لمبدأ التكافل الاجتماعي. يعني بصراحة اكثر ياخذون من الغني ويعطون للفقير طبعا ياخذون من مدخوله وليس املاكه ... وانت تذهب الى البنك وتصرفها وتستمتع بها هنيئا..
وطبعا هذه الهدية التي تاتيك كل سنة ليست لها اي علاقة ببرامج المساعدات الاخرى التي تستلمها ولاتؤثر عليها هذه مجرد مداورة للفلوس بين ابناء المجتمع يعني كمثال مبسط انت عندك عشرة ابناء وخمسة منهم يعملون راتبهم عالي والخمسة الاخرون راتبهم قليل نهاية السنة انت تجمع الفلوس كلها اللي حصلوها وتقسمها بينهم كأخوة بالعدل والانصاف حتى لايكون هناك ابن جارية وابن سيدة الكل سواسية ..
سوف اضع لكم ارقام تقديرية وتقريبية للهدية التي نحصلها نحن العايشين في امريكا نهاية كل سنة والتي يسمونها هنا بلغة ابناء الجالية (تكسات) يعني سوف تسمع عبارة ها اجت التكسات؟ ابو فلان استلم تكساتة لو بعد ؟ اريد اغير سيارة بنتي وابدل الاثاث من تجي التكسات.
ورسميا فان التكسات تسمى (العائد الضريبي) وطبعا فان هذا العائد الضريبي يتفاوت من شخص لاخر ومن عائلة لاخرى وحسب ساعات العمل والراتب والايجار والدراسة وتدخل عوامل كثيرة في تلك الحسابات لكن عموما بدون تشعب للمعلومات اذا اردت ان تفهم الموضوع ببساطة فان الشخص الاعزب او السنكل الذي ليس لديه عائلة يعيلها او اطفال فان عائده الضريبي يكون اقل بكثير من (العوائل) اذا اعطينا امثلة على تلك المبالغ مثلا :-
ابوين وطفل واحد احد الابوين يعمل او كلاهما فان عائدهم الضريبي كل سنة سيتراوح بين 5000 الى 6500
ابوين وطفلين احد الابوين يعمل او كلاهما فان عائدهم الضريبي سيتراوح بين 7000 الى 8500
ابوين وثلاثة اطفال احدهما يعمل اوكلاهما فان عائدهم الضريبي سيتراوح بين 8000 الى 12000
وارجو ان لاتتوهم انك بزيادة عدد الاطفال يظل المبلغ يزيد لاطبعا لانه الجماعة (مو زواج) العدد 3 اطفال يعامل نفس معاملة مافوق ال3 ال4 و5 و6 اطفال ومافوق .حتى لايشجعون على الانجاب الغير مسؤول .
هذه ارقام تقريبية طبعا وسأعطيكم ايضا مثال حي حالتي انا شخصيا :-
في سنة 2015 انا متزوج ولي طفلان وعملت احيانا بدوام كامل واحيانا جزئي . زوجتي لم تعمل نهائيا في تلك السنة وكنت ادرس وجائت (هديتي) يعني تكساتي في تلك السنة 8150 دولارا عدا ونقدا ..
في السنة الثانية 2016 تغير وضعي قليلا حيث زادت ساعات عملي اكثر بقليل وعملت زوجتي لمدة 5 أشهر ولم اكن ادرس وقتها فان التكسات جائت في نهاية تلك السنة 7700 دولار
وطبعا هذه حسابات عادلة جدا جدا ومنطقية ومعقولة .. تصور انت كرب الاسرة وتعلم علم اليقين ان دولتك سوف تعطيك في نهاية كل سنة مبلغ جيد كهذا ناهيك عن المستحقات الاخرى. فان هذا الامر يعينك كثيرا ويريحك.
قد يتسائل احدكم لماذا تجاهلت موضوع الاعزب او الشخص الذي ليس لديه اطفال وهل هو فعلا مظلوم كما يدعي البعض في موضوع النظام الضريبي الامريكي؟ وهل هذا الشخص يكون لديه هو الاخر عائد ضريبي؟
عندما شرع المختصون هذه الانطمة فانهم جعلوها تتوافق مع متطلبات المجتمع قدر الامكان .. الشخص الاعزب صحيح انه يدفع ضرائب اكثر للدولة وتعود له عوائد قلية في نهاية السنة او قد لاتعود لكن وقته ملكه اكثر من المتزوج ذو الاطفال الشخص الاول يستطيع ان يعمل ساعات اكثر لانه ليس مطلوبا منه رعاية احد وبالتالي سوف يحصل رواتب اكثر .. بالنهاية هناك عدالة ومساواة في هذا النظام .
..................
هذا فيما يخص موضوع الضرائب الذي كان مجهولا ومبهما لنا قبل ان نأتي الى امريكا وطبعا كانت الجملة الشهيرة التي اسمعها (يمعود شمحصلين من امريكا بس نشتغل وندفع تكسات ) وغيرها من التعليقات والعبارات السلبية المحبطة لكن عندما اتيت الى هنا وعشت اجمل 5 سنوات من عمري ادركت ان تلك العبارات السلبية لاتأتي من فراغ بل من اناس جهلة اقل مايقال عنهم انهم الفشل بعينه .
شكرا لكم وعذرا للاطالة
41
لي عودة لشرح موضوع الضرائب الذي فاتتي
42
اشكرا لك على هذا الموضوع ..بصراحة المقارنة ليست سهلة خصوصا اذا كانت امريكا ضمن دائرة المقارنة ..والصعوبة تكمن في ان امريكا بلد كبير وكبير جدا وتتكون من ٥٠ ولاية وكل ولاية تقريبا تختلف كثيرا عن الولاية الاخرى حتى وان كانت جارتها بكثير من الامور يعني لو كان الموضوع المقارنة بين الولايات لكان موضوع كبير ومتشعب فمابالك ان تقارن بين امريكا ودول اخرى هناك ولايات لوحدها اكبر سكانيا من كندا واستراليا .
فمثلا يقول بعض الخبراء ان ولاية كاليفورنيا لوحدها لو كانت دولة مستقلة لكان اقتصادها ضمن العشر دول الاوائل عالميا.
كذلك فان امور مثل الضمان الصحي والحد الادنى للاجور يتفاوت ايضا حسب حالة الفرد وليس الولاية فقط .فمثلا في ولاية كاليفورنيا الحد الادنى للاجور هو 11.5 $ وليس كما ذكرت حضرتك .. ايضا الضمان الصحي مجاني مئة بالمئة لايوجد شئ اسمه اشتراك شهري ابدا ..جميع التكاليف والمصاريف والعلاجات والعمليات والمستلزمات الطبية مجانية مئة باامئة .للمواطن واللاجيء والمقيم على حد سواء. وحتى اامناخ متفاوت من ولاية لولاية ومن مدينة لمدينة ضمن نفس الولاية بامكانك التزلج على الجليد في بعض المدن وما ان تقود سيارتك قليلا لتستمتع بالسباحة والشاطيء في مدينة اخرى.
بالنسبة لبعض تقييمات قوة الجواز ايضا انا اعتبرها تقييمات مجحفة لانها تبنى على اساس عدد الدول التي تسمح لحاملها بالدخول بدون فيزا وهذا ايضا تقييم خاطيء برائيي الشخصي لان دول (ليس لها شأن يذكر) كالصومال ممكن ان تمنع حامل الجواز الامريكي من الدخول بسبب امور سياسية وبذلك ينخفض تقييم الجواز المفروض ان تحسب عمليا ماهي فعلا الدول (العظمى والكبرى) التي تسمح لحامل ذلك الجواز بالدخول ولااعتقد ان اي من الجوازات الامريكي او الكندي او الاسترالي لديه مشكلة في ذلك .
امريكا حتى وان دخلت عدة حروب وازمات اقتصادية الا انها لاتزال تتربع على عرش افضل واقوى اقتصاد في العالم بفارق كبير عن اقرب المنافسين وهو العملاق الصيني ((لكن)) عندما تقارن مدى رفاهية الشعب الامريكي بالمواطن الصيني فبالتأكيد لاتوجد مقارنة ايضا .الفرد الامريكي (مقيم او مواطن) مرفه ومرفه جدا .. كل منزل عموما لديه جهاز تلفزيون واحد على الاقل او اكثر غالبا كل فرد يمتلك سيارته الخاصة وعمل يعتاش منه بسهولة ..النقل العام متوفر لكن لاتتعدى نسبة مستخدميه ال١ بالمئة على عكس دول اوربا التي يندر فيها وجود سيارات خاصة لكل فرد او حتى لكل عائلة مقارنة بالشعب الامريكي.
ايضا نسيت ان تذكر جانب مهم وهو التعليم .. التعليم في امريكا مجاني ومدعوم من الدولة بل ان المواطن الذي يرغب في تحسين مستواه الدراسي يتلقى معونات حكومية اقرب الى الراتب الشهري لو كان عاملا او موظفا..تسمى( الفايننشال ايد ) الحياة في امريكا باغلب ولاياتها حياة سهلة وبسيطة وممتعة ورخيصة والشعب باغلبه قريب الى مايسمى (الازدهار والسعادة) التي ذكرت في كواحدة من اهداف الدستور الامريكي ووثيقة الاستقلال .امريكا باختصار اعطها تعطيك . لكل مثابر ومجتهد وصادق ومخلص امريكا هي البلد والمكان المناسب .وهنا انا لا اريد الانتقاص من معيشة اي بلد اخر لكن اتكلم من خلال تجربتي لمدة اكثر من خمسة سنوات وانا الان احمل الجنسية الامريكية . وكنت قد سافرت كثيرا ورايت الكثير من البلدان والاماكن لكن تبقى امريكا فغلا كما يقول عنها الفلاسفة والمفكرين هي بلد الفرص والاحلام.
شكرا لموضوعك وارجو ان يشارك الاخرين للفائدة العامة.
43
اشكرك عزيزي على تهنئتي بالجنسية .. بالنسبة لاقاربي ابنهم قابل معاهم محلفين واللي يسموها سفير بلبنان .. بس هو اصلا قبل المقابلة كان فاصل ملفه ..وهمه الاي سي ام سي اصلا بلغوهم انه ابنهم عبر ال٢١ واذا يريد يقدر يفصل ملفه او يريد يبقا يعني خيروهم .. وانطوهم نصيحة بوقتها انه اذا يفصل احتمال يسافر قبلهم واسرع وفعلا هذا اللي صار.
44
الاخ Lebanonicmc. اسف على التاخير بالاجابة بسبب انشغالي بالفترة الاخيرة بموضوع استلام الجنسية الامريكية والحمد لله استلمناها للعائلة كلها ويوم الالكم يارب...
بالنسبة لسؤالك فاقاربي بالضبط نفس حالتك اولا انطوهم لاقرار وبعدين قبول مبدائي وراها باسابيع قبول . وهذه اول اعادة فحص راح يسووها بعدهم مامسوين الاعادة حسب مافتهمت منهم باخر اتصال معاهم.
وكلما احنا نجيك مع المنظمة يكولونا تجيبك امني .وكذلك بلبنان ينطوهم نفس الجواب.
ايضا قبل فترة طلبوا منا ان يكون الكفيل من الدرجة الاولى على اعتباري انا لست درجة اولى لانها عائلة عديلي فحاولنا نغير كفالتي من اسمي الى اسم زوجتي على اعتبارها اختها لكن رجع مدير المنظمة اتصل بينا وكال لا لاتغيرون اي شي لان انت وزوجتك واحد تعتبرون كفيل درجة اولى واعتذر المدير منا وكال احنا اخطأنا في تفسير القرار الجديد لانه مادام زوجتك هي اختها فماكو اشكال وماكو داعي تغيرون الكفالة .. ولايزال اسمهم بالانتظار
لكن الفرق الوحيد بينك وبين اقاربي حسب اعتقادي هو انه ابنهم كان عابر ال٢١ من عمره ولذاك فصلوا ملفة وفحص واكمل الدورة التثقيفية قبل اهله وسافر لوحدة طبعا هذا الكلام قبل ٨ اشهر .وهسة ابنهم وحده هنا بامريكا..وهم لايزالون بالانتظار ..عندي توقع انه سبب التجييك الامني هو الخدمة العسكرية مال ابوهم اللي الملف باسمه بس هذا مجرد توقع..
اريد اسألك انت اشكد صارلك تنتظر التجييك الامني وهل تعتقد السبب هو العسكرية؟ اذا انت نفس الحالة؟
سؤالي الثاني الك هو هل طلبوا منك اثبات صلة القرابة مع كفيلك؟ وشنو الاثباتات المطلوبة ؟؟
وتحياتي
واي سؤال اني بالخدمة.
45
اخي العزيز بالبداية المنظمة اتصلوا بيا على اعتباري اني كفيلهم في امريكا وبلغوني انه الفحص راح يخلص قريبا وكتلهم نعرف هالشي ..وبعد فترة من انتهاء الفحص يعني ايام معدودة اتصلوا بيهم ايضا وحددولهم موعد لاعادة الفحص. لكن لحد الان ماكو اي خبر عن سفرهم .. والله كريم.
46
والله يااخي مااخفي عليك انه الهيمونتريان برول اجراءاته معقدة وطويلة نوعا ما .. انت في هذه الحالة طالما بقيت فترة طويلة خارج امريكا من المستحسن ان تشوفلك محامي هجرة لكن من داخل امريكا وليس خارجها .. وتشوفلك شخص يتابع امورك مع المحامي لان مثل ماكتلك في هذه الظروف لازم تكون حذر وماتنطي فرصة لرفض دخولك .خلي تخسرلك كم فلس اذا انت فعلا ناوي ترجع لامريكا ومخطط لمستقبلك هنا .
لانه اذا اعتمدت على نفسك حتى لوكانت انكليزيتك قوية راح تصطدم بهواية امور قانونية لازم تكون حذر فيها .دخول امريكا لم يعد سهلا مثل السابق القوانين دتتغير يوم عن يوم والامور جاية تتصعب .ليش تغلط غلطة صغيرة تروح عليك فرصة العمر.
انا اتذكر صديق يعرف شخص راح للعراق وعبر الستة اشهر وراها صارت شغلة وانمسك وانحبس وبقا بالسجن فترة طويلة من طلع حاول يرجع الى امريكا وحاول المستحيل حتى يرجع وطبعا خاف يذكر انه كان بالسجن لذلك لجأ الى حجج واساليب اخرى ..لكن بالنهاية طلباته كلها انرفضت ولايزال بالعراق حسب ماسمعت .
47
بصراحة انا احيانا اعتب على الاحزاب المسيحية وبعض الرؤوساء الدينيين بسبب بعض مواقفهم من الهجرة ..المسيحيين اصبحت حياتهم ضائعة في العراق بصورة عامة .. لكن وجهة نظرك طيبة ومحترمة ومقالتك رائعة واختصرت فيها الكثير من معاناة اهلنا وابناءنا ممن سبقونا في الهجرة في الحقب الفائتة .فعلا لايوجد مقارنة بين ماعاناه هؤلاء وماعاشوه من عذاب ومرار اثناء رحلتهم العصيبة الى بر الامان .. وبين مهاجري اليوم .لكن احب ان اذكر تنويه بسيط وهو ان مهاجري الامس من المسيحيين خصوصا كانوا من ابناء الطبقة الغنية والميسورين حصرا ، اما غالبية الذين بقوا في العراق واستحملوا عذاب الحصار وطحين الحصة كانوا من الفقراء والضعفاء الذين لم يقووا حتى على دفع مصاريف استخراج الجواز ناهيك عن مبالغ (القجغجي) الخرافية..اضف الى ذلك ان بعض العوائل للاسف اقولها من شدة العوز والظروف ضحوا حتى بفلذات اكبادهم حين كانوا يزوجون بناتهم (للعريس القادم من الخارج) ايا كان عمره او شكله او مستواه الثقافي وقد تضطر الفتاة بالتضحية بدراستها ومستقبلها لمساعدة ابويها وماتبقى من اخوتها ولعلك تذكر تلك الفترة المؤلمة التي مرت على الكثيرين..
ان مهاجري اليوم (بعضهم طبعا وليس الغالبية) هم من ابتسم لهم الحظ في اواخر الزمن عندما قلبت امريكا موازين الغنى والفقر في العراق.
بالنسبة لموضوع الكنيسة والاحزاب المسيحية الاخرى فموقفهم واضح وصريح وهم ضد الهجرة قولا وفعلا وقد لايخلو هذا الموقف من التدخل في موضوع الملفات (الله اعلم).. السبب المعلن هو الحفاظ على الوجود المسيحي في ارض الاجداد اما السبب الغير معلن كما يقول البعض هو الحفاظ على الكرسي. ببن هذا وذاك انا شخصيا لااستطيع تبني اي رأي ..لكني اقول ان المنطق والواقع سيفرض نفسه والتاريخ سيكرر نفسه ... شكرا لك ولموضوعك اخي العزيز تحياتي.
48
هناك عدة برامج لشراء البيوت لكن سكشن 8 ليس من ضمنها لانه برنامج يختص بمساعدة في مبلغ الايجار ولن ازيد على ماذكره الاخوة والاخوات الاعضاء.
اما اذا كنت تقصد برامج شراء البيوت لذوي الدخل المحدود. فهنا الموضوع يختلف كثيرا ومن ولاية الى ولاية .ويتطلب الكثير من الوقت والبحث.
49
مرحبا ..
والله قبل ايام سمعنا عن اهنلنا واخواننا في لبنان بانه عاملين اعتصامات ومظاهرات امام مكتب المفوضية بسبر التلكوء والتباطؤ في انجاز معاملاتهم .. بصراحة لم اسمع عن مواعيد سفر لكن الذي سمعته هو انه هناك بعض العوائل اتصلوا بهم على موضوع التوطين في فرنسا ومن ضمنهم احد اقاربي لكنهم رفضوا الطلب حتى بعد الحاح من المنظمة .
اليوم سمعت من نفس الشخص انهم اتصلوا على بعض العوائل ممن انتهت صلاحية فحوصاتهم باعادة الفحوصات ..
بالنسبة لموضوع المحكمة العليا لاجديد اكثر مما ذكره الاخوة والاخوات في المنتدى
والله كريم
50
تحياتي الك اخونا العزيز espero اتمنالك الموفقية بحياتك وتحية من الاعماق لجميع الاعضاء القدماء والجدد
51
كلامك صحيح مئة بالمئة اخي المحقق العدلي .. هناك ناس حالفهم الحظ بالسفر اكثر من غيرهم وهم ليسوا بحاجة له . مجرد زاحموا الناس اللذين فعلا ظروفهم سيئة وبحاجة ماسة لاي خيط يتعلقون به .
اذا كنت تنوي العودة الى بلدك الاصلي مرارا وتكرارا لماذا خرجت منه وسلبت حق غيرك .الظروف الان في امريكا اختلفت كثيرا حتى الناس العايشين بامريكا من سنوات ومامقدمين عالجنسية الان اصبحوا يتزاحمون على مكاتب التقديم على الجنسية وعندما تسألهم لماذا؟ يقولون ان الظروف الان اختلفت وعلينا ان ننتبه اكثر .
52
هناك فيز خاصة لرجال الاعمال والمستثمرين .. ممكن الحصول عليها بعد استيفاء الشروط .. لكن حسب علمي ان الشخص المتقدم يجب ان يكون له خبرة ودراية بنوع البزنس او التجارة التي ينوي دخول امريكا لاجلها وان يقدم لهم مايثبت ،يعني بالعراقي ماكو شي اسمه انا رجل اعمال اعطوني فيزا ؟!
طيب ماذا ستفعل هناك تحديدا ؟هل هناك دعوة عمل من شركة او موؤسسة تجارية هل ستشارك في مؤتمر تجاري ماهو المجال الذبدي تنوي الاستثمار فيه وماهي الطريقة التي ستثبت فيها مقدرتك المالية ؟ و و و كثير من الاسئلة التي تحتاج الى اثباتات وبراهين مقنعة لغرض الحصول على فيزا تجارية او استثمارية .
الكثير لديهم اتصال بدائرة قانونية او محامي يساعدهم في ذلك.
53
صعب شوية لكن ممكن..وطبعا بطريقة غير قانونية . وهواية ناس سووها لكنهم تندموا بعدين.. برائيي الشخصي المتواضع ويشاطرني الكثيرين ان العيش في امريكا افضل بكثير من العيش في دول اوربا مجتمعة.
اما اسلوب الطريقة فهو غير قانوني وغير رسمي ونحن في منتدانا لانشجع ولاننصح باللجوء الى هذه الطرق.انصح صديقك بالصبر والتأقلم والعمل في امريكا .. بامكانه ان يستخرج ترافل دوكمنت ويسافر الى المانيا رسميا على الاقل ليستطلع الوضع قبل ان يغير رأيه.
تحياتي
54
بمجرد ان ترسل نسخة شهادة الميلاد والجنسية المترجمة ..ينضاف الطفل اوتوماتيكيلدا الى الملف. يعني مجرد ساعات او بالزايد ايام.فقط المهم مطابقة الاسماء حرفيا
55
شكرا لنشر الموضوع للفائدة العامة ..انا ايضا عندي تعقيب على موضوع الترافل دوكمنت وهذه المعلومة ماكنت اعرفها الا ان صارت بيا شخصيا وهي انه جماعة الاس اي في مايطلعلهم ترافل دوكمنت .
56
الترافل دوكمنت به نوعين ابو السنة او السنتين اولا انت اي واحد عندك ؟ وهل عندك كرين كارت لو لا؟
برائيي بجميع الاحوال يجب ان تتصل بالسفارة باي بلد انت موجود به ..لانه بالظروف الحالية ماكو ضمان لاي شي.ولازم ايضا تدعم كلامك بمستندات ووثائق تشرح قصتك وليش صار عندك تاخير بالعودة الى امريكا .حتى ماتتعرض الى مشاكل
57
قرار المحكمة العليا الامريكية هو الكلمة الفصل في هذا الموضوع لانه شأن داخلي امريكي اما ICMC والتي هي اختصار الوكالة العالمية الكاثوليكية للهجرة .. او IOM المنظمة العالمية للهجرة هذه مجرد وكالات باختصار وظيفتها تنظيم امور اللاجئين واعادة توطينهم وتحضيرهم الى البلدان التي ستستقبلهم لكن استقبال اللاجئين هؤلاء هو شأن داخلي امريكي وتلك العملية تخضع لقرارات وانظمة داخلية خاصة بامريكا .. او اية دولة اخرى تعلن استعداداها لاستقبال اي عدد من اللاجئين .. اذن جميع وكالات اعادة التوطين لايمكنها عمل شيء بدون وجود بلد يستقبلهم وايضا ليس لها سلطة على القرارات الداخلية لتلك الدولة .. ولحد الان لايزال الصراع قائم قضائيا حول موضوع اللاجئين وموضوع الدول الستة وبصورة عامة موضوع الدخول الى امريكا . وبعد استلام ادارة ترامب اصبحت دول اخرى كانت تستقبل اعداد كبيرة من اللاجئين المعاد توطينهم اصبحت ايضا تعيد النظر في قراراتها مثل استراليا.
مرة اخرى لاتزال الرؤية غير واضحة وعلينا انتظار المستقبل القريب.
58
صحيح اخي المحقق العدلي .. هذا كان قرار محكمة هاواي التي اقرت بنقض قرار ترامب وترجمة كلمة صلة القرابة العائلية بشكل موسع اكثر لكي تشمل الاجداد والاحفاد ... لكن المحكمة العليا والي يسموها سبريم كورت هي لها السلطة القضائية النهائية اعلى من السلطة الممنوحة للقضاء الفيدرالي ..يعني الصراع القضائي لازال مستمر وهناك جلسة يوم ٥ من الشهر العاشر قد تحدد الشكل النهائي للقرار وتتم فيها تحديد صلة القرابة المطلوبة مع العلم انه النسخ المسودة الاولى للمجموعة التي تمثل جبهة ترامب في هذا الصراع كانت ترجمة ضيقة لكلمة الاقارب لكنها عادت وقدمت بعض التنازلات وشملت الخطيبين وحتى بعد قرار المحكمة الصغرى في هاواي قدمت جبهة ترامب تنازل اخر بتوسيع دائرة الاقارب الى الاعمام والاخوال والاصهر لكن اشيع بعد ذلك ان هذا التنازل قد يكون مشروط اثناء الجلسة القادمة شهر اوكتوبر القادم والشرط المتوقع حسب تحليلات صحفية هو ان يكون القريب حامل للجنسية الامريكية . لكن تبقى هذه تكهنات لحين الخروج بنتيجة نهائية للقرار .ننتظر ونرى
59
مااعرف هذه النسخة منين جبتها ... التعديل الوحيد الي صار هو السماح باضافة الخطيبين فقط ... حتى الاجداد مامشمولين ولا ابناء العم او زوج البنت او زوجة الابن ...اقارب الدرجة الاولى فقط باضافة الخطيبين كتعديل اخير ...حتى ان بعض سكان هاواي طالبوا بادراج الاجداد على اعتبار ان ثقافتهم تعطي اهمية كبيرة للجد والجدة لكن طلبهم واجه بالرفض لحد الان .
هذا هو القرار الذي نشرته وسائل الاعلام الامريكية .
60
في دول مثل العراق ومنطقة مثل الشرق الاوسط التاريخ والمنطق يكرر نفسه دائما ..الاقليات لاوجود لديها ولا رأي ولا يسمح لها باثبات وجودها. كل ماتفعله الاقليات شئنا ام ابينا هو الانصهار والانضواء تحت مظلة القوى الاكبر منها والمنتصرة وهنا يبدأ الاختلاف والنزاع البعض يريدك ان تنضوي تحت العباءة الكردية والاخر تحت العباءة العربية ..شيئا فشيئا وجود الاقلية المسيحية يضمحل ويتشتت مهما رفعنا من شعارات فباانهابة نحن اما مع الاكراد او العرب او مع الهجرة والتي هي الحل الافضل برايئي المتواضع خير لما من العيش كتوابع...
61
ياريت لو توضح سؤالك اكثر هواية نقاط مبهمة اولا انت وين حاليا ؟ هل دخلت امريكا لو بعدك ثانيا برنامج الsiv مابيه شيء اسمه لم شمل ... عائلتك تاخذ الفيزا معاك مباشرة بدون معاملة لم شمل ولاشي... الا اذا تكون تزوجت بعد دخولك امريكا وحدك لمن كنت اعزب .. بالنسبة للحظر فجميع البرامج مشمولة بالحظر لمدة ١٢٠ يوم الا اذا كان عندك اقارب من الدرجة الاولى في امريكا ... ارجو توضيح اكثر حتى نقدر نجاوبك .. ولاتنسى بان القوانين حاليا في تغيير مستمر
62
نعم اخي lebanonicmc. للاسف انت مشمول بقرار الحظر لانه الخال والعم لايعتبرون اقارب من الدرجة الاولى وحتى بعد ال١٢٠ من ااحظر ايضا الاولوية ستكون لمن لديهم اقارب من الدرجة الاولى وهم الابوين الابناء الاخوة والاخوات والازواج والزوجات ولاشيء غير ذلك .. اذا كان عندك اقارب من هؤلاء يعيشون في امريكا فسارع بتقديم الاوراق الثبوتية ..اما اذا لم يكن لديك فليس لك سوى الانتظار..وتحياتي
63
مرحبا .. تحياتي لكل الاخوان والاخوات المشتركين معانا في منتدانا الرائع هذا ... بصراحة انا على اتصال دائم بالمنظمات هنا في امريكا وعرفت منهم انه هذه الايام بداؤا بالتحرك والاتصال على بعض الملفات الجاهزة للسفر خصوصا من لبنان ..انا عندي عائلة منتظرين في لبنان انا كفيلهم وحاليا سوف يعيدون الفحوصات ، ان شالله قريبا يتصلون بالجميع
64
وهذه واحدة من نقاط الخلاف بين المرشح الجمهوري دونالد ترامب المعارض بشدة لقرار توطين السوريين في امريكا ... وبين المرشحة من الحزب الديمقراطي هيلاري كلنتون التي تدعو الى زيادة اعداد اللاجئين السوريين .
65
مرحبا .. الاتصال بالكفيل بدون توقيع الاوراق هو خطوة جيدة الى الامام طبعا في موضوع سير المعاملة وهذا شيء مفرح طبعا وغالبا هذه الاتصالات يقومون بها للتاكد من الكفيل اولا .. قبل المضي قدما في مراحل اخرى .
اما موضوع الامنية (ماقبل السفر) او الامنية العادية فتلك امور ادارية خاصة بهم وباعتقادي من الصعب التكهن بها...باعتقادي اغلب التجارب السابقة هي اجتهادات شخصية حيث ان كل ملف يختلف عن الملف الاخر ولايمكن الاخذ به كمقياس عام لقضيتك..
وان شالله خير. تحياتي اخوك كوندا العنكاوي
66
مرحبا.. اسمحلي بمداخلة بسيطة ..هذا النوع من الاجرائات معقول ومنطقي ويحدث كثيرا ,هذا لايعني رفض الملف او اغلاقه ابدا ممكن ان تكون اسباب واحتمالات عديدة كل ماعليك هو التحلي بالصبر وانتظار النتيجة وان شالله خير.
67
شكرا اخي العزيز مهندس احمد على الرد واتمنى ان تحصلي على الجواب الشافي.
شكرا اخي ابو شذى الغالي على الرد بس ياريت توضحلي شنو نوع الدعوة اللي يسويها اللبناني؟ اذا تريد تدخل لبنان لايام معدودة فقط للسياحة فهل تحتاج دعوة ايضا؟ وهل هناك معاملة لرفع المنع نهائيا ؟
الشكر والتقدير لكم اعزائي
68
مرحبا اخواني الاعزاء اعضاء واداريين في موقعنا الجميل ..
تحية طيبة بعد انقطاع لجميع اخواتي واخواني الاعضاء بدون استثناء الجدد منهم والقدماء
عندي موضوع مهم واتمنى المشاركة من جميع من يملك معلومة , كما تعلمون ان الكثير من العراقيين مروا بدولة لبنان عبر احدى مراحل اغترابهم وفي الغالب فان الاكثرية منهم تعرض لعقوبة المنع سواء غادر عن طريق الامم المتحدة ام القي القبض عليه بسبب دخول البلاد (خلسة) كما يحلو للجانب اللبناني تسميها ... السؤال هو هل بامكان المواطن العراقي الذي دخل اسمه في سجل منع من دخول لبنان ان يعود ويدخل لبنان بجوازه العراقي او بجواز اجنبي يحمل نفس الاسم والبيانات ؟؟
ملاحظة : سمعت الكثير من القصص عن عراقيين حاولوا دخول لبنان قانونيا عبر المطار ولم تفلح محاولاتهم بسبب وجود قانون المنع .
ايضا راجعت موقع الامن العام اللبناني وتضح من خلال موقعهم ان المنع هو 5 سنوات للمرة الاولى و10 سنوات للمرة الثانية لكن السؤال هل يحق للعراقي (الممنوع) الدخول بعد 5 سنوات فعلا ؟ وهل هناك اي تجربة شخصية لاحد الاعضاء ؟ اتمنى ان تنوروا موضوعي بردودكم رجاءا ..
وتحياتي للجميع
أخوكم كوندا العنكاوي \كاليفورنيا
69
مرحبا للجميع ... من المؤسف ان نسمع هكذا قصص مع الاسف بعض جماعة الsiv لم يقف الحظ الى جانبهم تماما يعني انت تأخرت هواية ...
اني شخصيا عندي تحليل واحد بسيط ومنطقي لهذا الامر وهو انه المشكلة ( بأسمك ) على الاغلب قد يكون اسمك الاول او الثاني او اللقب نوعا ما من النوع الشائع او متوافق نوعا من مع اسماء اخرى مطلوبة او حساسة فيما يخص الجانب الامني .
وهذا المشكلة تكررت كثيرا للاسف وكانت سبب في تأخير او الغاء سفر الكثيرين ..ليس لديك سوى الصبر وعسى ان يكون المانع خيرا ولاضير من ان تراسلهم بين فترة واخرى ومن الضروري جدا الاسراع بالاجابة على رسائلهم واستفساراتهم والاجابة على جميع الاسئلة بمهنية وترتيب وحرفية .
................
انا من جماعة الsiv القدماء بصراحة لااتذكر بالضبط اعتقد سنة 2009 وسافرت الى امريكا بداية سنة 2012 للعلم اني كنت مع البرنامج منذ بداية ظهوره سنة 2006 بنسخته الاولى عندما كان يسمى برنامج الجنرال ثم تم صياغته بطريقة اشمل واوسع ... بصراحة وقتها للاسف لم ناخذ البرنامج على محمل الجد وهذا كان خطأ كبير اقترفناه في حياتنا كان المفروض ان نسرع ونعجل بالخلاص من جحيم الشرق الاوسط عموما والعراق خصوصا ..الحمد لله على كل حال...
بصراحة الايميل الذي وصلك عادي جدا والكثير منا وصلنا مثل هذه الاستفسارات من قبلهم (بعض هذه الاسئلة وجهت لي مباشرة في المقابلة وقتها) والبعض الاخر بالايميل.. هناك ايضا سؤالين بقيا عالقين في ذاكرتي (لعلك تستفاد اذا وجهت لك ايضا ) وهي ...
1- مع كم تشكيل او وحدة عسكرية امريكية خدمت ومافترات الانقطاع بينها؟
2- ماهو الايميل الذي تستعمله عندما كنت تخدم مع القوات الامريكية وكم من الوقت تستعمله (متى انشأته في اي سنة) وايضا ايميلك الحالي .
................
اعتذر عن الاطالة وشكرا لكم .. اخوكم الادراي كوندا العنكاوي -كاليفورنيا
70
مرحبا تحياتي للجميع ..
احد اقاربي قابل وفد امريكي في لبنان في نهاية السابع واستلم فحص طبي بعد عشرة ايام تقريبا بس اهلة اللي قابلوا وياه بنفس اليوم بعد مامستلمين شي اقصد ابوه وامه واخوتة لانه هو طلع من الملف مالتهم لان عبر السن القانوني وصار ملف بوحده ,, بس هو بصراحة مايعرف شنو الخطوات التالية هل اكو دورة تثقيفية للعزاب ام لا؟ وهل هناك اجراء اخر قبل تحديد موعد السفر؟
وشكرا
71
ابو قمر الوردة والاخوة الاعزاء اللي عندهم معلومه بهذا الخصوص انا عندي شهادة الاعدادية جبتها من العراق نصها انجليزي ونصها عربي وطبعا صدقتها من الخارجية ومن التربية ومن الخارجية الاردنية ومن السفارة بعمان يعني بعد هل هناك نوع ترجمة خاص يحتاج لو هاي هيه فبعد ما اعرف شنو يحتاج مني حتى تكون فعاله بامريكا والف شكر مقدما لمن يجيب وخاصة ابو قمر بما انك موجود هناك في ارض الواقع وللتوضيح اكثر هاي الشهادة بعد التعديل لدواعي معروفة تم التعديل
73
شكرا اخواني على الردود المشجعة انا سوف انقل له الصورة وايضا انصحة ان يسجل معانا في المنتدى لتبادل الخبرات والاستفادة . تحياتي للجميع
74
مرحبا اصدقائي تحية قلبية لجميع من يقرأ هذا الموضوع من اخوكم المخضرم العائد(kunda) في البدايةاحب ان اسلم على الجميع في هذا المنتدى الغالي واقدم اعتذاري بسبب الانقطاع المستمر ...
اعزائي جماعة siv الجدد لي صديق قدم من بغداد على هذا البرنامج واستمر في اجرائات المعاملة وعبر مراحل عديدة منها مثل الكوم ابروفال ومرحلة نبراسكا وال nvc وحتى اجرى مقابلة في السفارة ببغداد وهو في انتظار الفيزا تقريبا لكن قبل ايام وصلته رسالة منهم مفادها انه الكوم ابروفال الذي قدمه قد تجاوز تاريخ الdeadline المطلوب والذي هو 30 من الشهر 9 -2014... حيث ان الكوم ابروفال الذي قدمه كانت الموافقة قد صدرت بتاريخ شهر 11 -2014... ولذا فقد اعتبروه غير مؤهل للتقديم على البرنامج مع العلم انه قد عبر مراحل كثيرة فيه؟!! فهل مر احدكم او سمعتم بهكذا تجربة وهل من المعقول ان يتم رفض معاملته بعد ان قضى الكثير منها؟؟؟
صحيح انا ايضا من جماعة siv 2012 انا خبرتي نوعا ما قديمة وعلى وقتنا كانت كثير من الامور مختلفة عن الان فاتمنى على كل من لديه خبرة في هذا المجال ان يفيدنا ويفيد الاخ صاحب السؤال ولكم خالص الشكر والتقدير
اخوكم كوندا العنكاوي ... كاليفورنيا
75
أموت على هذا الحلقوم الاحمر ههههه
76
شكرا جزيلا على الطرح المفيد والاسلوب الشيق
77
اتذكر ان هذه الاستمارة سهلة نسبيا , ارجو البحث عن المواضيع التي تناولتها
78
متى يدرك بطريركنا الجليل ان عليه ترك العمل الاعلامي والصحافة كمراسل ينقل اخبار بائتة وقديمة ؟ هذا ليس تهجما على شخصه الكريم ابدا لكن هذا انتقاد بسيط لعمله الغير مثمر، بطرياركنا العزيز مادخلك انت بالسلطة والسياسة والحكم؟ في العراق اما حان الاوان للكنيسة ان تصالح شعبها؟ الى متى تضل الكنيسة في وادي والشعب في واد اخر ؟
يعلم الجميع ورجال ديننا اولهم وبعدهم احزابنا المسيحية الكرتونية الهشة المتعددة (متعددة لحد اننا نسينا اسمائها)الكل يعلم جيدا ان العراق لم يعد مكانا للمسيحيين ابدا لم يعد بلدا صالحا للعيش لكنم بقيتم تقنعون شعبنا بشعارات وطنك ارضك تاريخك حضارتك ، نسيتم او تناسيتم ان الديانة المسيحية ليس فيها مفهوم الوطن بل ان الوطن فيها هو الانسان وسلامته وكرامته نسيتم وتناسيتم كلام الانجيل الواضح والصريح ((ان اضطهدوكم فانفضوا غبار رجليكم وارحلوا))نعم ارحلوا المسيح اوصانا بالهجرة والرحيل ..
المسيح يوصينا بالهجرة والرحيل لكن احزابنا وكهنتنا يعلمون غير ذلك ..... لماذا ياترى ؟؟؟ الجواب بسيط لكي تبقى كراسيهم لان الكرسي يستند على الشعب وبدون الشعب لايوجد كرسي .
ياتيك اخر ويقول لكن البطريرك اوضح موقفه من الهجرة قائلا انا لاامنعها ولا اشجع عليها . طيب ولو ان كلمة لاامنعها عليها الكثير من الملاحظات لكنها ليست موضوعنا المهم
ساقفز الى الحل الوحيد...
سيدنا العزيز لقد حان الوقت لتظهر في شاشات التلفاز وتطلب بنفسك حق اللجوء من جميع الدول الخيرة لك ولعائلتك الكبيرة لانك انت قائدها وابوها لانه ليس لديك بديل اخر ولن يتقدم احد حلفائك ببديل لا المالكي ولا البرزاني ولا العبادي ولا ولاحتى الحماية الدولية الطلب الغريب المضحك المبكي ، ليس لدينا الا طلب اللجوء الجماعي باسمك واسمنا جميعا عندها ستكون قد اديت رسالتك بامانة واخلاص.
79
هذا ليس بالضرورة جهل او عدم فهم من الادارة الامريكية واعتقد ان تفسير هذا الامر سهل جدا وهو ان غالبية هذه الصناديق (الاغلفة فقط ) تم اعدادها مسبقا قبل احداث الموصل للارسال كمساعدات لدول افريقا او الشرق الاوسط ولعلم الادارة الامريكية والقائمين على الامر ان غالبية المستفيدين من هذه المساعدات من خلفيات اسلامية وسمت تلك الاغلفة بعبارة الحلال لمعرفتها المسبقة بطبيعة تلك الشعوب ونظرتها الضيقة للغرب وكل ماياتي من الغرب،
باعتقادي ان كاتب هذا الموضوع بعيد جدا عن تصورات الادارة والمجتمع الامريكي ورؤيتهما للامور. . امريكا بلد يقف في صدارة البلدان التي تمد ايادي العون والمساعدات للدول المنكوبة وهي تراعي طييعة تلك البلدان لو تلاحظ ان المساعدات التي تقدم للفلبين او الهند او بنغلادش اثناء الفيضانات والاعاصير والكوارث الطبيعة فستعرف ان الصناديق المخصصة لهذا الغرض والكتابات عليها تختلف عن تلك التي تقدم لدول الشرق الاوسط وافريقيا وامريكا اللاتينية .اذن هذا ليس جهلا ولا غباءا .... وتحياتي
81
الاضطهاد مستمر على المسيحيين منذ 1400 سنة و اكثر اي منذ دخول الاسلام على العراق انظر الى تكريت مثلا كيف كانت و كيف اصبحت ............ الم تكن تكريت احدى اكبر العواصم المسيحية في الشرق و انظر اليها الان انظر الى كنائسها ........... الم تكن نينوى ذات اغلبية مسيحية بوما ما مع وجود اليهود معهم ......... اين اصبح اليهود الان و كم نسبة المسيحيين في نينوى حاليا و كيف يعيشون الان ........... الم يكن شمال العراق مسيحيا بالكامل ............. اين ذهب كل هؤلاء اليس بسبب الاضطهاد و التهميش و الاذلال المستمر منذ 1400 سنة ............ انا اعذركم حين تكتبون في الصحف او الجرائد او تدلون بتصريحاتكم اذ لا بد من بعض الدبلوماسية و لكن انتم و نحن نعلم ماهي الحقيقة .............. من سيهتم باستقرار البلد او توفر العمل بعد ان يفقد شخصا عزيزا عليه ما الذي سيعوضه عنه
الذي يترك بلده و يخرج منه لا بد وانه يفكر في الافضل له و لابنائه من سيرضى لابنائه بالمذلة التي عاشها هو لماذا هذا الاصرار و التشبث بهذه الارض اليس بامكان هؤلاء او لابنائهم ان يفيدوا المجتمعات الجديدة التي سيذهبون اليها و يعيشوا بامن و سلام بعيدا عن الاضطهاد
الم يقل المسيح ( المدينة التي ترفضكم اخرجوا منها و انفضوا ترابها من ارجلكم ) ؟؟؟؟؟؟؟؟
++++++++++++++++++1111111
82
فصح مجيد وكل عام والجميع بالف الف خير
تحياتي ابو ديانا الورد
83
اخوان اعرف جماعة في ديترويت اشترو بيت بس ما صار انهم قطعو الفود ستامب ولا احد حاسبهم او شافو مضايقات من ناحية الفودستامب ولا احد طلب منهم ايرجعون اي شي حصلو من المنظمه بعد ما ادري
طبعا همه اشترو بيت واستلمو مبلغ مادي من العراق وهمه بعد سنه من وصولهم الى امريكا اشترو البيت
ديترويت قوانينها اسهل من البقية
85
اعتقد كل اللاجئين الذين يستلمون أي نوع من المساعدات مطالبين كل ثلاث اشهر بأملاء استمارات تثبت عدم حصولهم على أي دخل كافي لاستمرار حصولهم عليها، كذلك الابلاغ عن أي مبلغ حصلوا عليه حتى لو كان من اليانصيب او أي تغير كلحصول على عمل خلال فترة عشرة ايام اثناء دفع المساعدات لهم. كذلك هناك تحديد بمقدار الاملاك property value الواجب امتلاكها لغرض استلام المساعدات، يعنى انت تروح على موظف الدائرة الي هو كاعد ايجار بس ديشتغل وانت تكله انى اشتريت بيت و اريد استمر باستلام المساعدات.
ممكن لاى شخص حتى بدون اقامه دائميه شراء بيت ان كان له المبلغ كاملا او الحصول على قرض. لشراء بيت عليك ان تنسى المساعدات ان كنت تستلمها، لان المساعدات يعطوها للاشخاص ان كانو اميركان او لاجئين الذين ليس لهم الامكانيه الماديه او يكسبون اقل من خط الفقر..
لان الاجابه ستكون ان كان لديك مال او امكانيه ماديه يمكنك ان تسكن ايجار حالك كحال كل الاميركان وعندما تخلص فلوسك تعال وقدم على المساعدات.
صحيح انت مطالب بمليء هكذا اوراق لكن الان اصبح التقرير كل 6 اشهر يعني نصف سنوي ... ويمكن الالتفاف قانونيا على هذا الامر بالادعاء بانك قد ورثت مبلغ معين او قطعة ارض او بيت في بلد ما وحولت المبلغ الى امريكا لكن في هذه الحالة يجب ان يكون المبلغ معقول وليس كبير جدا اي مايكفي فقط لدفع الداون بيمنت (اي المقدمة ) لااكثر , وان تكون في وضع يسمح لك بتسديد اقساط البنك ودفع مستحقات البيت (ضريبة العقار والبلدية وغيرها) وان تكون على استعداد لفقدان او تقليص المساعدات . وقتها تفكر بشراء بيت
86
كلام الاخوة انيس الجاليس وكوندا صحيح لكن تصحيحا لمداخلة الاخ كوندا
( وللأمانة لست متأكدا فان المبلغ سوف يتم احتجازه من قبل الدولة لغرض
استقطاع مبلغ المساعدات التي حصلت عليها سابقاً... والله اعلم)
اولا : لا تستقطع مبلغ المساعدات المستلمة من الولفر قبل شراء البيت لو كان الشراء عن طريق قرض
سواء كان قرض بنكي او قرض من احد الاقارب او الاصدقاء او من اي مصدر كان .
وفي هذه الحال تبقى المساعدات مستمرة حتى الكاش لا ينقطع فقط يجوز يتم تقليله قليلا
كونك ما عندك ايجار بعد .
ثانيا : في حال شراء البيت كاش من مالك الشخصي
فان اموالك لا يتم احتجازها كما تفضلت فهو مالك وملكك لكن يتم مطالبتك من قبل دائرة الولفر
بالمبلغ الذي صرف عليك طوال فترة استلامك المساعدات وذلك بدعوى قضائية
ويتم تقسيطه لك على شكل دفعات شهرية ان كنت قد اشتريت البيت وصرفت الفلوس .
النقطة المهمة والاهم في كل ذلك يجب ان يكون مصدر الفلوس معلوما عند الحكومة
وبالامكان ارسالها من العراق عن طريق التحويل البنكي او المكاتب .
ارجو ان تكون الفكرة وضحت
بالتوفيق .
العزيزة الغالية (ساوند) شكرا على التعقيب والايضاح , بعني بالمحصلة النهائية فانه المطالبة بالتسديد موجودة فعلا من قبل الحكومة سواء كانت على شكل تقسيط او غيرها والاسواء انها تتم عبر ملاحقة قضائية , حسب المعلومات البسيطة التي اجاول جمعها من هنا وهناك .. ولو ان هذا النوضوع بالذات تكاد المعلومات فيه تكون شبه معدومة واغلبها غير مؤكدة وحتى الامريكان انفسهم يتجنبون الخوض فيه لقلة توفر ووضوح القوانين والتشريعات الخاصة بهذا الامر (او ندرة وجود الاشخاص الفاهمين لجميع خفاياه) بل ان اغلب اصحاب الاموال وخصوصا المهاجرين يلجأون الى السماسرة والعاملين في مجال الاستثمار العقاري للتزود بالمعلومات (خصوصا في كاليفورنيا) . بالنسبة للشطر الاول من التوضيح وهو ان يدعي مثلا الشخص انه تحصل على مبلغ معين عن طريق دين من احد الاقرباء او الاصدقاء فهذا الامر وارد ومعقول ويجنبه ملاحقة الدولة لتسديد ماكان قد استلمه سابقا من مساعدات .(باعتقادي اغلب العراقيين يطبقون هذه النظرية عند شراء بيت) ....... طريقة اخرى تضمن استمرار تدفق المساعدات مع شراء بيت (لكني لا احبذها شخصيا) وهي الاكثر انتشارا للعلم .. وهي تسجيل البيت باسم شخص (ثقة) والشاري يعتبر نفسه مؤجرا امام الدولة .! ........... اما بالنسبة لتحويل الاموال فقد تكلمت مع احد الصرافين في بنك ويلس فاركو واكد لي بان البنوك الامريكية لاتحمل مبالغ كبيرة على التحويل من خارج امريكا الى داخلها لحد المليون دولار ب45 دولار فقط اجرة التحويل !! تصوروا . لكن لااحد يحول فلوسة بهذة الطريقة لانه التصريح بامتلاك مبلغ كبير في امريكا هو مصيبة بحد ذاتها ................... ارجو استمرار المشاركة في هذا الموضوع المهم
87
انا ساكن في الكاهون المحافظة ال19 ايضا  بصراحة اكثر ماتفضلت به صحيح .. ولو اني ابد مو عنصري ولا اقيم الشخص بحسب عرقه او انتماءه او دينة لكن الحق يقال وللاسف انه الجماعة المكسيكان والسود اسمهم دائما مرتبط بالمخدرات والجريمة والمشاكل . الكاهون نسبة السود فيها اقل بكثير من نسبة المكسيكان وحاليا نسبة العراقيين في تزايد مضطرد . العمل : حسب المتعارف عليه انه فرصة العمل قليلة جدا وتكاد ان تكون معدومة خصوصا للاشخاص الذين يعانون من ضعف في اللغة الانكليزية لانه المايعرف انكليزي في الكاهون ماعندة غير شغلتين (كار ووش او اسواق عراقية ) كارووش يعني غسل سيارات  وغسل السيارت طبعا موسمي وبالايام اللي اكو مطر او الجو مو زين الشغل يضعف ,, والاسواق العراقية مليانة موظفين واكثرهم اقارب صاحب العمل .الايجارات فعلا غالية شقة غرفة واحدة حاليا ماكو اقل من 900 $ ,, غرفتين بصعوبة تتحصل واقل شي 1100 $ .الا اذا كانت طابق ثاني وبمنطقة بعيدة ومجمع رخيص . ........... مناطق الى الشمال من سان دياكو افضل بكثير واجمل ومشاكل اقل وذات اغلبية بيضاء لكن اكيد انت راح يكون عندك لهجة عربية لذلك لازم تتغلب على مشكلة التمييز العنصري اذا تعرضتلها هناك(حسب مااسمع) , فرص العمل اكثر .. ومع ذلك يجب ان لغتك الانكليزية قوية .
88
صحيح الماليبو مرغوبة وسيارة جيدة
89
اذا كان الانكم مالتكم عالي ايضا ينقطع الفود ستام
91
لست متأكدا من القانون الخاص او القوانين الخاصة بهذا الامر ... فحسب علمي انه في ولايتة كاليفورنيا لايوجد هكذا شيء للاسف .. لان المساعدات التي قد تم استلامها سواء على شكل فود ستامب او كاش او كمديكال سوف يتم استعادتها كاملاً اذا ثبت ان الشخص المعني قد تحصل على مبلغ مالي معين . وباية طريقة كانت فمثلا : انت لاجي او مهاجر واستلمت مساعدات لفترة ثلاث سنوات وانقطعت وبعدها قبضت مبلغ لنقل 40,000 الف دولار من اخوك او قريبك وارسله لك رسميا وقانونيا الى الولاية (فحسب ماسمعت ) وللأمانة لست متأكدا فان المبلغ سوف يتم احتجازه من قبل الدولة لغرض استقطاع مبلغ المساعدات التي حصلت عليها سابقاً... والله اعلم
92
ارجو من الجميع التواصل في هذا الموضوع الرائع والمشاركة بتيادل الخبرات والمعلومات ...
اتمنى من اصحاب الخبرة ايضا توضيح موقف المهاجر او اللاجيء الذي سبق له ان استلم مساعدات حكومية او لايزال يستلم وعلاقة ذلك برغبته في فتح مشروع او الاستثمار في ولايته . هل يتوجب عليه قانونا تسديد مابذمته من مساعدات استلمها من الحكومة ام بمجرد خروجه من برامج المساعدات يصبح حرا طليقا ؟ وعليه فقط توضيح مصدر الاموال التي يرغب في استثمارها (على اعتبار انه لم يكن يملك مايكفي لفتح مشروع ما) ؟؟؟ ام ان هذا الامر يتعارض مع القانون الامريكي ؟
93
شلونك صديقي القديم
راسلني عالخاص وبيك خير وتدلل
94
انت لاتكول يحقلة يرجع للعراق لو لا ؟ لانه امريكا مالازمة الدرب على احد
بس السؤال المفروض يكون هل امريكا تسمحلة بالعودة الى اراضيها بعد بقاءه 6 اشهر خارجها ؟؟؟
الجواب نعم مسموح
..............
وبالنسة لشغلة الاردن العراق مالة علاقة .
وطبعا اكيد هو الافضل ام ياخذ تكت عبر تركيا ومن ثم مطار اربيل ... ورا اربيل يقدر يرجع لبغداد يااما بطيارة او بسيارة بكيفة
95
معقولة  صارلك 5 سنوات وليهسة ماتعرف انه امريكا مالها علاقة لا بالدين ولا العرق ولا الشكل ولا الاغاقة ولا الزواج او السلوك الجنسي او الاجتماعي او اي نوع من انواع التمييز .. احنا من جنا بالعراق نعرف هالشي . عموما هي مسالة وقت واجرائات ومبروك الجنسية حبي 
96
مرحبا شباب .. اسف على الانقطاع لفترة
اني بالنسبة الي قبل فترة خابروني هذه المنظمة (فرعهم بسان دياكو) رحت كفلت (خال الجهال)
وطبعا تعاملهم جميل جدا واسلوبهم راقي وشرحولي كلشي لكن السلبية الوحيدة هي انه مقرهم بعيد عن اماكن تواجد العراقيين وللاسف ماعدهم وسيلة نقل متوفرة تابعة الهم تمر في مناطقنا .لذلك علينا ان نفرغ نفسنا لموضوع النقل ولو انه الموظفة اكدتلي انه اغلب التواصل سيكون عن طريق البريد والتلفون.
97
ولو البيت صغير بس مع ذلك رخيص جدا ..
98
عزيزي اني عندي خبرة جيدة بالسيارات وبسوق امريكا للسيارات المستعملة
ومع ذلك ماافتهمت شنو تقصد بشوفرليت اوربي ؟
ثانيا الشوفرليت شركة عملاقة تصنع اشكال والوان من المعدات والسيارات , ياريت لو تعرفلنا شنو فئة هذه السيارة هل هي صالون عادي لو اس يو في لو تك باب لو بيكب لو فان لو ميني فان لو هاجباك لو لو ... واذا عرفت هم ياريت تعرفلنا اي نوع من الشوفرليت هي ؟
وبعدين نقدر نخمنك سعرها التقريبي للعلم ايضا هناك مواقع لتخمين الاسعار حسب نوع وحالة السيارة واشهر هذه المواقع هو ال kbb تقدر تشوفة من الكوكل .
وتحياتي
99
اخي العزيز لانه عندك وقت صلاحية جدا طويل بالفيزا مالتك اذن راح يتعاملون ويا ملفك بتأني وعلى كيفهم مامستعجلين ..
بوقتها اني انطوني مجرد كم يوم ولذلك استعجلوني بالسفر ..لاتستعجل ان شالله توصل بالسلامة
100
مبروك لدكتورتنا الوردة (امل) تستاهل اكيد وبكل جدارة واستحقاق ..
ومبروك ايضا لصديقي العزيز (رازي) الذي يحق له ان يفخر ويرفع راسه بزوجته العزيزة...
ومبروك لنا جميعا هذا الانجاز الرائع
اخوكم كوندا العنكاوي \ امريكا كاليفورنيا
101
الموصل من زمن الدولة العثمانية، تعتبر منبع ومركز للتطرف، واليوم اصبحت عاصمة لدولة العراق والشام، ومجموعة اخرى من التنظيمات، والافضل ان يتم اعلانها دولة منفصلة تابعة للتنظيم؟!!!.
كلامك صحيح 100% وانا برائيي الشخصي انه الان حان وقت الرحيل فعلا .......... ان اضطهدوكم او قاتلوكم لاجلي فارحلوااااااااااااااا ارحلووووووووووو ارحلووووووووو الانسان اهم من المكان
102
موضوع شيق والخوض فيه يحتاج الى جلسة طويلة وساعات عديدة من التحليل والنقاش , ببساطة العرق الابيض هو الاكثر نجاحا في جميع ارجاء المعمورة .. هذا مؤكد وصحيح, بالمناسبة انا لم اكن اعرف ان العراقيين يعتبرون من الجنس الابيض هنا في امريكا
103
اعتقد اذا تستفسر عن هذا الامر من دائرة الهجرة نفسها يكون افضل
104
جزيل الشكر اخويه على هاي المعلومات المفيدة
بالخدمة عيوني
105
طوبى لمن اختاره الرب ليكون الى جواره ,طوبى لمن اصطفاه شهيداً بأسمه
...
تم خطف المواطن المسيحي (سالم داؤد كَوكَا) الملقب ابو ضياء بتاريخ 27\5\2013 في منطقة الطارمية ,وصباح أمس تم العثور على جثته في داخل سيارة نقل الماء التي يعمل بها عند خطفه حيث اقدم الخاطفين المجرمين على توثيقه وتفخيخ السيارة بعبوات ناسفة ,لكي يجبروه على تنفيذ احدى عملياتهم الارهابية الجبانة , الخاطفين اجروا اتصال واحد مع اهله سابقاً ولم يطلبوا فدية ,وكانوا قد وصفوا الشهيد سالم ب(النصراني الكافر) .
(ابو ضياء) الانسان المحبوب من سكنة قرية باطنايا ومن احد ابناءها المعروفين بطيبة الاخلاق وحسن السيرة ..من مواليد 1950 متزوج وله ابناء وبنات .
نعزي ذوي المرحوم باسمي وبأسم عائلة كوندا في العراق والمهجر
الراحه الابديه اعطه يارب نورك الدائم فليشرق عليه والصبر والسلوان لعائلته.
106
شكرا على المعلومات لكن ... سان دياكو في ولاية كاليفورنيا هي الاكثر احتضانا للجالية العراقية اكثر من لوس انجلس .
في لوس انجلس يكثر تواجد الجالية الايرانية والهندية وبعض الدول العربية ايضا
107
الحل بسيط
اترك التدخين
108
مرحباً
الموضوع باختصار شديد هو انه جميع العوائل في منطقة الكاهون مقاطعة سان دياكُو اللذين يحصلون على كاش ايد يعني (مساعدة مالية ) من الولفر يجب ان يكون لهم ملف في شركة الpcg التي تقوم بدورها بتنظيم عملية النشاطات والساعات المطلوبة والحقوق والواجبات التي بين العائلة صاحبة الملف وبين الولفر ..
وكل عائلة سيكون لها كيس وركر (يعني موظف مسؤول) على الملف وهو الذي يقوم بتلك العملية للعائلة المذكورة .
العوائل تقسم الى نوعين
1- عائلة ذات والدين تسمى بالانكليزية two parents case
2-عائلة ذات ام او اب فقط one parent case
العائلة الاولى مطلوب منها القيام بنشاط معين لمدة 35 ساعة اسبوعياً ايام العطل والاعياد مستثناة (يعني ماتسوي شي بالعطلة )
العائلة الثانية مطلوب من رب العائلة نشاط ل20 ساعة فقط
النشاط هذا يكون عبر توقيع (خطة) plan مع الكيس ووركر ...
النشاط هذا بعد الاتفاق مع الموظف المسؤول (بالمناسبة غالبية الموظفين عراقيين) يكون اما حضور مدرسة او دورات معينة تقوم بها الpcg نفسها او عدة منظمات اخرى متعاقدة معها الpcg او يكون على شكل عمل او دراسة جامعية او البحث عن عمل او مايسمى الjob search والذي يعتبر اسهل تلك النشاطات ..
..............................................................
فوائد ومميزات الpcg كثيرة ومهمة للعائلة مثل
1-تقوم الpcg بدفع مبلغ جيد نسبيا لمصاريف النقل في حالة العمل وكذلك مصاريف استهلاك السيارة ايضاً وحتى تصليحها عندما تعطل .
2- تقوم الpcg بدفع اية مبالغ مطلوبة للحصول على اجازة ايقاف السيارة في مكان العمل او الجامعة او الكلية او المدرسة التي تعمل او تدرس فيها وبعض تلك الاجازات تكون مكلفة .
3- تقوم الpcg بدفع مصاريف التدريب للحصول على اجازة في اي مجال عمل مثلا لو دخلت دورة لتعلم الحلاقة فانها تدفع لك مصاريف تلك الدورة بالاضافة الى النقل والكراج وايضا ثمن الملابس والمعدات والمقص والمشط الذي تستعمله .
4- في حالة ان يكون لديك مقابلة للحصول على عمل وليس لديك بدلة رسمية (قاط) فان ال pcg تدفع لك ثمنه بعد ان تشتريه وتقدم الفاتورة لهم.
5- في حالة القيام بنشاط معين مطلوب منك وليس لديك من يرعى اطفالك فبأمكانك الحصول على جليسة اطفال وتسمى baby sitter او الحصول على روضة او حضانة وهم اللذين يدفعون لتلك الروضة او الحضانة , او انك تقوم باستئجار احد اقاربك لرعاية الاطفال وايضا هم اللذين يدفعون له اتعابه وبالساعة حسب الساعات التي سيقضيها مع الاطفال وحسب عددهم.((للأسف هذه الفقرة يستغلها عدد كبير من العراقيين لأمور النصب والتلاعب على القوانين)).
6-في حالة الدراسة تقوم الpcg ايضا بدفع ثمن الكتب والملازم والدفاتر وحتى القرطاسية اللازمة للدراسة في تلك المدرسة والذي غالبا مايكون مكلف جداً.
7- في حالة استصدار اجازة سياقة لك او لزوجتك فان الpcg تدغع لك جميع المصاريف .
8-في حالة عمل اي دورة للحصول على اجازة ممارسة المهنة مثل السكيورتي او كوافير او مربية اطفال او ميكانيكي او عامل بناء او طباخ او اية مهنة اخرى تتطلب اجازة وتدريب فان الpcg ايضا تتكفل بكل شيء .
9- في حالة العمل في مكان حساس يطلب منك تجييك امني (وغالبا ما تلاقي هكذا اعمال ) كالعمل في المطار مثلاً او الفنادق الراقية او دوائر حكومية فيجب عليك القيام بعمل التجييك الامني والذي يشمل على بصمات الاصابع والى غير ذلك وهذه العملية ليست مجانية ايضا , وهنا ال PCG ايضا هم من يدفع ويساعد .
.........................................................
مساؤي الPCG لايوجد مساويء تذكر لانه هذه الموؤسسة موجودة لخدمة الناس وفائدتهم وليس العكس لكن ابرز تلك الصعوبات وليس المساويء هي
1- فقط التقييد بالوقت المطلوب لاتمام الساعات المطلوبة .
قوانين الpcg قوانين جيدة ومهمة ومفيدة لجميع العوائل التي تحصل على الولفر وهي لخدمة المواطن وليس لتعذيبه ويمكن الاستفادة منها كثيرا اثناء فترة الاربع سنوات .. لكن يجب اتباعها بعناية ودقة وعدم التلاعب والتزوير والاحتيال للحصول على بعض المكاسب وبعض الدولارات ,, فمثلاُ بعض اهلنا العراقيين يلجأون الى اساليب رخيصة (ولو ان الموظفين اصبحوا على دراية بمعظمها) الا ان البعض لازال يمارسها.
....................
اذا كان هناك اي سؤال او اي امر غير واضح في قوانين الPCG فارجو مراسلتي على الخاص او طرح السؤال على العام وشكرا
ارجو ان تكون اجابتي مفيدة
اخوكم كوندا العنكاوي كاليفورنيا الكاهون
109
مرحبا اخي العزيز ... حاول تدخل وتخرج من مرة ومرتين وان شالله يمشي الحال . تحياتي
110
منور ابو سماني ... وعودة ميمونة
111
في اي منطقة باربيل انت اتدور ؟؟ممكن افيدك راسلني عالخاص مع التفاصيل
112
اهم شيء في مسألة تعلم اللغة الانكًليزية هو عامل العمر اولا واخيراً ...
1- بين ال3 سنوات و15 سنة لايحتاج الى اي تعب مجرد تواجدك على الاراضي الامريكية بعدة اشهر كفيل بان تنطق وتتكلم بطلاقة وبسهولةوتفهم كل مايقال لك بسهولة .ستفهم (100% من الحديث الدائر بين شخصين امريكيين)
2- بين ال16 سنة ولحد منتصف العشرينات 25سنة تحتاج الى المزيد من التعب لكن النتيجة جيدة جدا سوف تتكلم (بشبه طلاقة) بعد مايقارب سنتين او ثلاثة من الاختلاط المستمر مع الامريكان لكن اللهجة ستكون معروفة سيفهم ابن البلد الاصلي انك لست امريكياً بالولادة . بسبب تداخل لهجتك الاصلية مع انكليزيتك .. بالطبع لن تفهم جميع المصطلحات والنكات والاغاني والرموز اللغوية وخاصة الشعبية الا بعد فترة طويلة جدا .وقد تتمكن من فهم (75% من الحديث الدائر بين شخصين أمريكيين)
3- اذا كنت في منتصف عمرك اي نهاية العشرينات 29 لحد نهاية الثلاثينات 39.. فأنسى موضوع انك تتعلم الانكليزي (اذا لم يكن لديك اساس معقول اصلا )
ستحتاج الى وقت طويـــــــــــل وطويل جدا من الدراسة والاختلاط والمعاناة وتصبح صديق دائم للقواميس والسيديات ومقاعد الدراسة وكل ذلك لن ينفعك بشيء , فقط ستتمكن من نطق بعض الجمل القصيرة او ملىء بعض الاستمارات البسيطة وبالطبع لن تفهم 90% من المصطلحات والاغاني والرموز ومكالمات الهاتف ستكون عبء ثقيل والامثال والثقافة اللغوية عموما الا اذا شرحت لك .(لن تفهم اكثر من 30% من حديث شخصين امريكيين فيما بينهم)
4- اذا كنت قد دخلت مرحلة الاربعينات 40 سنة من العمر (فانسى موضوع اللغة بالمرة) ويفضل ان تحاول حفظ بعض الكلمات البسيطة تقريبا 50 كلمة تكفي.لانه من الصعب عليك حفظ وتذكر كلمات وجمل كثيرة .واذا تحدث شخصين امريكيين (ف مو يمك السالفة).
5- مرحلة الخمسينات 50 سنة فما فوق ... اهم شي المشاركة
................
والسبب في هذا كله (حسب رأيء بعض خبراء اللغات) هو انه الجزء الموجود في الدماغ والمسؤول عن تعلم لغات جديدة يكون نشيطا وفعالا في الصغر ويضعف تدريجياً بمرور العمر ... قد يكون هناك (استثنائات بسيطة) لبعض الاشخاص اللذين يبقى هذا الجزء من دماغهم في حالة عمل وعطاء اكبر من غيرهم بالمعدل العام لذا تستمر معهم قابلية تقبل لغة جديدة لبضعة سنوات لكن بالطبع هذا الامر مرتبط بالحالة النفسية والصحية ايضا , وطريقة التعلم.
........................
تحياتي للجميع اخوكم كوندا ...
lمع احتراماتي بس كلامك مو واقعي ومحبط للعالم
اللغة صح الها علاقة كبيرة بالعمر
بس ابد مكان العمر فد يوم عائق
الانسان الجدي يكدر يتعلم ويتكلم بطريقة جيدة جدا ومفهومة
اذا كان جدي بدراسته وبتعلمه
يعني دراسة + كتب+ اغاني ويحفظ الاغاني ويعيدها+ افلام ومسلسلات وياها الدبلجة الاجنبية ويعيدها
يسجل صوته ويعيده
يقرة مجلات جرايد وكل كلمة يطلع معناها ولفظها
لو مهما كان عمره لو كان جدي بدراسته راح يتعلم ويجيد اللغه
اما الناس المتكاسلين والمتحججين ..راح يلكون اي حجه حتى ميتعلمون
هذا الانترنيت كدامنا ...الاف الاشياء نكدر نتعلمها لو نريد
بس احنا نضيع وقتنا بالشغلات المو مفيده بغالب الاحيان
.......................... ياريت لو يوجد فعلا تجارب حقيقية تثبت عكس كلامي .. اني حاولت ادور هواية بس مالكيت للاسف , اتمنى يكون كلامك صحيح بس ياريت يكون موجود على ارض الواقع .وايضا اني ماقصدت تعلم لغة التخاطب البسيطة ابدا لانه هذه سهلة ومقدور عليها لكن انا قصدت التكلم بسهولة وانسيابية .
113
اخي العزيز لاتخوف نفسك من السياقة فاغلب العراقيين اللي اجوي هنا تعلموا سياقة هنا او على الاقل تعلموا السياقة (الاصولية والنظامية ) هنا اغلبهم تعلموا على كبر ... انت لاتخوف نفسك من سياقة امريكا ابدا لانه هنا كلشي مرتب الخانا ت مخططة والقوانين موضوعة وبكثرة لحمايتك والسرعة محددة وكلشي بالكامرات والحساسات مسيطر عليه تماما ماكو داعي للخوف اصلا النسوان والمراهقين يسوقون بكل اريحية هنا .
وطبعا اسلوب السياقة يختلف عن الدول العربية وعن هنا اختلاف جذري .
............
الحاجة الى اجازة واقتناء سيارة من الاساسيات للعيش في امريكا لذلك توكل على الله وتعلم واشتريلك سيارة ابدأ بشيء رخيص وغير مكلف .
وبالتوفيق
114
سلامات ... وماعندك الاالعافية دير بالك على نفسك اخي .
115
تم تعديل وحذف الردود المسيئة ...
ومرة اخرى ارجو الالتزام بقوانين المنتدى والنقاش بتمدن وباسلوب حضاري بعيداً عن الاراء التي تحمل صبغة سياسية او دينية او طائفية .
الاداري كوندا العنكاوي
118
ارخص شي اونلاين جرب ال ebay
يعني يشتري تاير لو ويل كب اونلاين ؟ هاي شلون دبرتها ؟ اخي العزيز ارخص شي الولمارت اسعارة مناسبة وارخص حتى من ال auto zone واذا ردت ادوات احتياطية مموجودة بالولمارت روح على auto zone هم رخيص ال ebay يعرضلك حاجة على اساس هية جديدة يرسلك حاجة اخو الجديد ومستعمل عدنا تجارب وياهم ونعرفهم الاخوة الجدد ميعرفون يريد حاجة راح دزها اونلاين وميعرف شنو نوعيتها
>>>>>>>>>>>>>>>>>>>>>>>>>
اي اخي الذكي يشتري اي شي اونلاين (تايرات ويل كبات محرك كًير ابواب بونيد دعامية او سيارة كاملة او حتى تريلة ) عادي اي شي يريد يشتريه اونلاين ارخص واحسن ويقدر يتفق حتى على امكانية الترجيع او التبديل بعد الشراء اذا يحب .
119
يجوز ذلك في الولايات الاخرى ولكن في مدينة شيكاغو يعطي فقط للمتقاعدين
وليس كل ما ينشر في الانترنيت من مواقع صحيح صديقيني فامريكا هي
ابو النصب والاحتيال
>>>>>>>>>>>>>>> كل شي بامريكا اونلاين ماتقدر تتحرك خطوة بدون الانترنت بامريكا .. انا سألت عبر الانترنت وعرفت بانه التلفون يُعطى ايضا في شيكاكًو ليس فقط للمتقاعدين بل حاله حال الولايات الاخرى النصب والاحتيال في امريكا على صحيح موجود لكن ليس كالسابق الان الناس اصبحت اكثر وعيا وثقافة واصبحت تعرف كيف تميز مواقع النصب مو المواقع الامنة .... ثم هذه ان مواقع التقديم على هذا النوع من التفونات لاتطلب منك شيء يستحق النصب بالعكس انت المستفيد وبشكل كبير .. انا قدمت عليه اونلاين وحصلتة بسهولة وحتى دزولي تلفون مجاني ويعتبر حديث نوعا ما والان تستعمله زوجتي .حتى انه يغنينا عن التلفون الارضي
120
ارخص شي اونلاين جرب ال ebay
121
اهم شيء في مسألة تعلم اللغة الانكًليزية هو عامل العمر اولا واخيراً ... 1- بين ال 3 سنوات و15 سنة لايحتاج الى اي تعب مجرد تواجدك على الاراضي الامريكية بعدة اشهر كفيل بان تنطق وتتكلم بطلاقة وبسهولةوتفهم كل مايقال لك بسهولة .ستفهم (100% من الحديث الدائر بين شخصين امريكيين) 2- بين ال 16 سنة ولحد منتصف العشرينات 25سنة تحتاج الى المزيد من التعب لكن النتيجة جيدة جدا سوف تتكلم (بشبه طلاقة) بعد مايقارب سنتين او ثلاثة من الاختلاط المستمر مع الامريكان لكن اللهجة ستكون معروفة سيفهم ابن البلد الاصلي انك لست امريكياً بالولادة . بسبب تداخل لهجتك الاصلية مع انكليزيتك .. بالطبع لن تفهم جميع المصطلحات والنكات والاغاني والرموز اللغوية وخاصة الشعبية الا بعد فترة طويلة جدا .وقد تتمكن من فهم (75% من الحديث الدائر بين شخصين أمريكيين) 3- اذا كنت في منتصف عمرك اي نهاية العشرينات 29 لحد نهاية الثلاثينات 39.. فأنسى موضوع انك تتعلم الانكليزي (اذا لم يكن لديك اساس معقول اصلا ) ستحتاج الى وقت طويـــــــــــل وطويل جدا من الدراسة والاختلاط والمعاناة وتصبح صديق دائم للقواميس والسيديات ومقاعد الدراسة وكل ذلك لن ينفعك بشيء , فقط ستتمكن من نطق بعض الجمل القصيرة او ملىء بعض الاستمارات البسيطة وبالطبع لن تفهم 90% من المصطلحات والاغاني والرموز ومكالمات الهاتف ستكون عبء ثقيل والامثال والثقافة اللغوية عموما الا اذا شرحت لك .(لن تفهم اكثر من 30% من حديث شخصين امريكيين فيما بينهم) 4- اذا كنت قد دخلت مرحلة الاربعينات 40 سنة من العمر (فانسى موضوع اللغة بالمرة) ويفضل ان تحاول حفظ بعض الكلمات البسيطة تقريبا 50 كلمة تكفي.لانه من الصعب عليك حفظ وتذكر كلمات وجمل كثيرة .واذا تحدث شخصين امريكيين (ف مو يمك السالفة). 5- مرحلة الخمسينات 50 سنة فما فوق ... اهم شي المشاركة ................ والسبب في هذا كله (حسب رأيء بعض خبراء اللغات) هو انه الجزء الموجود في الدماغ والمسؤول عن تعلم لغات جديدة يكون نشيطا وفعالا في الصغر ويضعف تدريجياً بمرور العمر ... قد يكون هناك (استثنائات بسيطة) لبعض الاشخاص اللذين يبقى هذا الجزء من دماغهم في حالة عمل وعطاء اكبر من غيرهم بالمعدل العام لذا تستمر معهم قابلية تقبل لغة جديدة لبضعة سنوات لكن بالطبع هذا الامر مرتبط بالحالة النفسية والصحية ايضا , وطريقة التعلم. ........................ تحياتي للجميع اخوكم كوندا ...
122
بس لازم يسافر بجوازة العراقي طبعا ... بالكرين كارت وحدة مايفيد
123
تحياتي اذا اكو فعلا فاكيد تفيد العزابية اكثر شي ومو بعيدة تكون اللغة العربية مطلوبة حتى في افغانستان
124
الراحة الابدية اعطه يارب ونورك الدائم فليشرق عليه ,تعازينا الحارة لذوي الفقيد .
عن عائلة كوندا في كاليفورنيا\امريكا
126
بحضور الالاف المؤمنين من ابناء شعبنا في مدينة سان دياكًو التابعة لولاية كاليفورنيا ,وبحضور (سيادة المطران مار سرهد جمو) اقام (الاب فريد كينا )والاب (فارس مروكُي) احتفالية جماهيرية بمناسبة تذكار مار اوراها وذلك صباح يوم 7 نيسان 2013 على حدائق منتزهات منطقة (ليك جيني) السياحية . وتضمن هذا التجمع نشاطات دينيية واجتماعية ساهمت في زيادة اواصر الالفة والمحبة والتواصل بين ابناء الجالية المسيحية العراقية من جهة وبين كنيستها الجامعة من جهة اخرى .. .......................................................   
127
نعم توجد مدارس ومعاهد ودورات والكثير من المنظمات ايضا تقوم بعمل هكذا دورات وهناك اوقات دوام مختلفة حتى تناسب الجميع وهناك ايضا برامج التعلم عن بعد يعني عبر اقراص الدي في دي وطبعا جميعها مجاني والدولة هنا تشجع الجميع على تعلم اللغة الانكليزية والمجتمع ايضا يرحب بذلك وبقوة .......لكن ....... المحزن في الامر ( وبرائيي الشخصي طبعا ) جميع هذه الامور برغم التسهيلات جميعها لاينفع الا بنسبة ضئيلة جداً لان تعلم اللغة الانكليزية او اي لغة اخرى يعتمد في الدرجة الاولى على عامل العمر, الاطفال والمراهقين باعمار صغيرة سوف يتعلمون ويتكلمون بطلاقة وبدون لهجة مختلطة بينما الاباء والامهات سوف يعانون الامرين ولن يستطيعوا التكلم بطلاقة وبدون لهجة غريبة مثل ابن البلد ولا حتى بعد مئات السنين (يعني راحت علينا) الشيء البسيط الذي من الممكن ان ندركه هو لغة التخاطب البسيطة لتمشية الامور مثل التسوق وملىء بعض الاوراق وعند الطبيب والجمل البسيطة هذا هو رائيي وللاسف لحد الان لم اجد من يثبت لي انني على خطأ[/size
128
ه المرة الاولى التي تحدث فيها هكذا حوادث والجهات الرسمية تتأخر (فعلا) في كشف الحقيقة !!
أمر محير معقولة هذه المرة المنفذين اشطر وادهى من السلطات او ان الامن الداخلي الامريكي تراجع وتقهقر قليلا بسبب الوضع الاقتصادي ؟
129
العنصرية موجودة في امريكا لكن بنسبة اقل من العراق والدول العربية
الواسطة موجودة في امريكا لكن بنسبة اقل من العراق والدول العربية
ال911 موجودة بامريكا بس بينما بالعراق والدول العربية (الك الله) اذا صارلك شي .
.............
وتحياتي
130
اي نعم اخي العزيز طبيعي وصارت هواية سابقا
131
مو شرط اخي اكو ناس اتصلوا بيهم هاتفيا واكو ناس على الايميل واكو بدون مايتصلون عدل وكبل دزوها بالدي اج ال
اني بالنسبة الي خابروني لانه كانوا يريدون ينطوني خيارين ان اوافق على اصدار الفيزا واسافر باسرع وقت لانه الفحص الطبي كان باقيلة مجرد ايام ويخلص والخيار الثاني اذا لم اكن مستعدا للسفر خلال ايام معدودة ان انتظر واعيد الفحص الطبي واسافر على راحتي وينطوني صلاحية فيزا اطول .. لكن اني بالطبع اختاريت السفر السريع لانه محد يضمن شيصير . صحيح خسرت شوية في تصفية اموري لكن الحمد لله وصلنا بخير وسلامة
132
كل عام والجميع بالف خير.....
134
موضوع مهم جدا نريد بعد مشاركات وتجارب
135
العرب ليسوا عراقيين **** بل نزحوا من صحراء شبه الجزيره العربيه و استوطنوا المدن الساحليه القريبه من النهر و بنوا حضاره **** اصل العراقيين هم الكلدان و الاشوريين و السومريين ( الذين هم ليسوا عرب )
تعقيب بسيط اخي العزيز وحسب معلوماتي ومن مصادر تاريخية (يحاول الكثير اخفاءها او تحويرها) انه بعض القبائل العربية الاصيلة يمتد اصلها الى النسل الكلداني والاشوري او الارامي الذي يعتبر الاصل الحقيقي لغالبية سكان مابين النهرين القدماء من هذه القبائل بني طي وحارث وتميم وكثير غيرها وربما يستغرب البعض اذا علم ان سكان (النجف وكربلاء والانبار وصلاح الدين ونينوى وبابل ونسبة كبيرة جدا من بقية مدن العراق القديم بالاصل كانت ارامية اي سريان واشور وكلدان ) واعتنقت الديانة المسيحية..في حقبة من الزمن بعد ظهور المسيح .. والعراقيين المدركين لهذه الامور يستشهدون على اصولهم الارامية المسيحية بعادة متبعة لدى النساء وخاصة كبار السن وهي رسم علامة الصليب على عجينة الخبز والتي اصبحت عادة متوارثة جيلاً بعد جيل وغالبية النساء يفعلنها بدون معرفة السبب فقط لانها متوارثة عن الام والجدة وهذا الفيديو عن اكتشاف اثار مسيحية في النجف اكبر دليل على هذه الحقائق التاريخية ..بل ان سامراء وتكريت وخانقين كانت تضم العدد الاكبر من الاديرة والكنائس ..يعني بعبارة اصح مسيحيو العراق ليس وحدهم فقط من اصل ارامي بل هناك عدد كبير من مسلمي العراق ايضا ينتمون الى نفس الجذور .... http://www.youtube.com/watch?v=4E7D_eROqYk............................................................................................ بعد توالي الحروب والغزواب والفتوحات والحضارات والامور والمخاضات التاريخية التي مر بها العراق نتج عن ذلك تغيير كبير في ديمغرافية المنطقة من تغيير شامل للانتماءات والاديان والقوميات والحضارات واندثار بعضها وظهور اخرى وهذه امور متوقعة عبر التاريخ . تقبلوا تحياتي
138
لا ماصايرة ... اللي يبلغوه اعادة فحص يعني اوراقة كملت ولازم فيزتة طلعت , السفارة ماتطلب اعادة فحص الا اذا وياها اكو فيزا ...
بس اذا انت سويت اعادة فحص طواعية فهذا شي عايد الك .
اما الناس اللي يعيدون الفحص مرة ومرتين وثلاثة فهذولة جماعة اiom وليس siv .
اني اول مرة اسمع باعادة فحص وماوراها فيزا مباشرةً لجماعة siv !!
.................
ممكن تفاصيل اكثر عن قضيتك؟
139
شكرا على نقل الخبر عزيزي ابو ديانا.
140
مبروك كوكي تستاهلين كل الخير
141
مبدع ابن العم عاشت الايادي
142
أذا المقاييس المســاعدات والرعــاية للاجيء
والجنســية والاســلام فوبيــا والأمــنيات المشـــــــــددة تجــاه المواطــن العربي
بالتأكـــيد أمريــكا آخر بلد
تم التصــويت
ابو ســـماني
بالعكس امريكا الدولة الاقل لوجود هذه الامور قياسا ببقية دول العالم المواطن الامريكي اخر همه اذا كنت مسلما او يهوديا او بلا دين ولايهتم ايضا بلون بشرتك او اصلك لانه ببساطة امريكا كلها كذلك (مشكل يالوز) .. اما الاجرائات الامنية المشددة فهذه نقطة تحسب لصالح البلد وليس ضده باعتقادي . ومسألة المساعدات والرعاية هاي ينرادلها ورقة وقلم وتختلف من ولاية الى اخرى ومع ذلك فباعتقادي ايضا تعتبر من افضل دول العالم في هذا المجال ان لم تكن افضلها.
143
تم التصويت
واقترح ايضا اضافة دولة اوربية كالمانيا مثلا او غيرها او جميع دول اوربا الغربية مجتمعة (مجرد اقتراح)
وشكرا
144
هذا مو خوش خبر الله يرحمه ويصبر اهلة
145
Dear Mr. Ahmed,
We have added your wife to your case. For the purposes of filling out the DS-260, her Invoice ID will be the same as yours, and her beneficiary number is
Please make sure she fills out this form and has all the documents ready for your interview on March 2013 at 7.00 am.
ناس متجي اله بالعين الحمرة 
مبرووووك على الاضافة ويوم الفيزا
146
عاشت ايدك اخ كوندا
صدك الكاهون تشبه عنكاوه يعني حتى اسواقها قبل اربع اشهر كنت بكاهون بزياره دخلت اسواق مال جماعتنا طبق الاصل اسواق شار اللي بعنكاوه حتى يمكن نفس المواد والسلع ههههههههه كلش عجبتني ودنفكر نحول عليها ان شاء الله
تحياتي
فعلا ماحاسين بغربة ابد ... كلشي متوفر وحلو ونظيف وبالنمط العراقي (الكباب واللحم من حيدر , الدبس والرشي والكيمر من اسواق نجاة دلي , الصمون من اسواق الكرادة , الخضراوات من فالي, وعندك اسواق بابل واسواق بغداد ومطعم علي بابا وحمورابي الكبة والدولمة والباجة والبرياني الفلافل ونورث بارك ومليسون والحلويات من النابلسي وشكيرا هاي اللي اتذكرها هسه وماعدا صالونات الحلاقة الرجالية والنسائية كلها نظام عراقي محلات التصليح , المخابز المطاعم المقاهي وحتى المستشفيات والدوائر والمنظمات ....يعني نادراً ماتلكُة مكان مابيه عراقيين او عراقيات ) .... الحمد لله هاي هم نعمة بس سلبيتها انه ماتتعلم انكًليزي بسهولة طول ما تبقى هنا .
148
كان الله بعونك اخوية defa aliraqi عمي انت تاريخ بحد ذاتك , كول يالله ان شالله تفرج قريبا راح الكثير وبقى القليل
149
قلناها مراراً وتكراراً يجب ان يكون عنوان الموضوع له صلة مباشرة بالموضوع نفسه ولانزال نقولها وطبعا كاداريين احنا نحاول ان نغير العناوين لتصبح مفهومة وسهلة ومرتبطة بموضوع النقاش واشكرج اختنا العزيزة حزيران على هذا الموضوع الذي يذكر بكلامنا السابق . بس نرجع نكًول الحمد لله ماكو هالفترة مواضيع تحت عناوين مثل :- طاط طوط اني اجيت او يبووووووووووو الحكولي او جكجكجكجك او شنهي ماشنهي اذا على عاجل عاجل سهلة تنجرع قياساً بغير عناوين رنانة ,, تقبلي مروري اخوكم كوندا\كاليفورنيا (عنكاوا سابقاً)
150
اني ترجمنها بنفسي وبمساعدة الانترنت وايضا بنية مترجمة تشتغل بالعيادة الطبية التابعة للمنظمة وبوقتها مااعادوا اي لقاح ماخذتة بنتي بالعراق ماعدا اللقاحات اللي اوقاتها تختلف بامريكا
151
اذا ماوصلك روح انت قدم بنفسك والمعاملة مو اكثر من دقائق معدودة
152
الجواب الاول على سؤال الاخ michigan حبي يسوون التغيير بالتاتيل علمود تخف الغرامة لانه اذا احتفظت بالكلين تايتل لازم يدفعون مبالغ اعلى .
الجواب الثاني على سؤال الاخ hawk80 اغلب السيارت ال4 سلندر تكون اكثر اقتصادا خاصة اذا كان حجمها صغير , السيارة المعروفة باقتصادها على مستوى العالم هي الهوندا ,, يجي وراها غالبية السيارات اليابانية والكورية والامريكية الصغيرة الحجم.
اخي الغالي شكراً للمعلومات الي تدقمه
عندي اقتراح عسى ان يكون مقبول منك ومن قبل الجميع
هو تسوي موضوع خاص بالسيارات شامل من جميع النواحي
حسب مفتهمت هي ضروريه بامريكا ومهمه للغايه
وحتى لانقع بمطبات بالمستقبل
امتناني الشخصك
اخي العزيز فعلا هذا الموضوع به معلومات قيمة ومهمة وياريت اي شخص يحتاج لهكذا معلومات ان يقوم بالتحديث المستمر للموضوع او على الاقل يخزنة عندة ويرجعلة من يحتاجة في اي وقت وتقد فعلا تعتبر هذا الموضوع هو الشامل . الا اذا حب اي شخص اخر ان يرفدنا بموضوع اكبر واكثر شمولا تقبل تحياتي
153
لا حبيبي لا متغيرة ولا شي . اني امتحنت قبل كم يوم ونفس الاسئلة القديمة واني طلعتها من منتدى عين كاوة موجودة بصيغة PDF واستفاديت هواية ونجحت والحمدلله
ياريت لو ترفقلنا اياها مشكوراً ......... زوجتي امتحنت قبل فترة وقدرنا نحصل على نسخ من الاسئلة لكن الحمد لله الجيران نصحونا بانه مانعتمد على النسخ القديمة لانها تغيرت بنسبة كبيرة وهمه جان عدهم نسخة جديدة وفعلا درستها زوجتي واجتازت الامتحان بفضلها . وبعدين امتحنت عملي ونجحت ايضا من المرة الاولى والحمدلله .. ............... حسب ماجمعته من معلومات بانه الامتحان التحريري يكون عبارة عن اربعة نسخ مختلفة من الاسئلة سابقا كانوا يعتمدون على مترجمين عرب )غير عراقيين) وتقدر تكتشف هذا الشيء من طريقة ترجمتهم لبعض الكلمات مما تضع الشخص في حيرة وسبق ان نزلت رد او موضوع بخصوص هذا الشيء بس مااتذكر وين بس بالفترة الاخيرة تم تغيير قسم كبير من صيغ الاسئلة حتى تصح اكثر فهماً وتبقى انت وحظك اي نسخة من الاربع نسخ راح تجيك بالامتحان . ملاحظة : الشيء الذي تغير في الاسئلة هو طريقة صياغة السؤال وليس جوهر السؤال اعطيك مثالين:- النسخ القديمة .. س1 لايعتبر محظورا قانونا استخدام جهاز الرد حر اليدين في الاجابة على المكالمة الواردة اثناء قيادة المركبة؟ النسخ الجديدة .. س1 يسمح القانون باستخدام سماعة لاسلكية للهاتف اثناء القيادة؟ ........................... النسخ القديمة .. س2 عندك ولوج المركبة احدى المنعطفات في حارتك المقامة وكانت منزلقة وارتفاع الشبورة المائية ماذا يتصدر قائمة اولوياتك؟ النسج الجديدة..س2 عندك دخولك منعطف في المسار المخصص لك وكانت نسبة الضباب عالية والطريق منزلق مالذي عليك فعله اولا ؟
154
يايابا اشكد تتعب على مواضيعك ياليو ... مايسعنا الا ان نقول عاشت الايادي ,صحيح الموضوع مكرر لكن بنسخة محدثة ويواكب العصر يعني 2013 بس ملاحظة صغيرة ونصيحة وياريت يعمل بها كل المقبلين على السفر وهي ( ترك التدخين) لانه غالبية المجتمع الامريكي ضد التدخين ونسبة المدخنين اقل من كثير من دول اخرى وليس هذا فحسب بل ان التدخين ممنوع في اماكن عامة ودوائر كثيرة وحتى في السيارة التي فيها اطفال وفي النقل العام . اني كنت ادخن نركًيلة من قهر انتظار السفر بصراحة بس الحمد لله فرجت وتركتها .. ولاحظت ايضا انه اغلب القادمين الجدد يقلعون عن التدخين عاجلا ام اجلا ويعوضون عنها بممارسة الرياضة والنشاطات الاخرى والاهتمام بالصحة . هذه مداخلتي وشكرا للجميع . اخوكم كوندا - كاليفورنيا
155
سان دياكو - كاليفورنيا
حيث هناك اشهر معلم سياحي والذي هو SEA WORLD
وايضا اشهر حدائق الحيوانات بالعالم SAN DIEGO ZOO
طبعاً هاي يقال عنها تشبه رحلات السفاري للي يحب السفاري SAN DIEGO WILD ANIMAL PARK
هاي لأستئجار قارب سريع و استكشاف خليج سان دييغو SAN DIEGO SPEED BOAT ADVENTURE
اهم سوق فى سان دييغو , فيه ماركات عالمية ,سينما , التييزكيك فاكتورى FASHION VALLY MALL
مدينة العاب مائية للاطفال legoland water park
وغيرها الكثير من المعالم السياحية الجميلة
وياك مية بالمية ولاتنسى اكو شغلتين مهمة بعد 1-عندك بيها منطقة الكاهون العراقية ... 2-وعندك بيها ايضا عدد كبير من اعضاء عنكاوا ((مانذكر اسماء ونعدد حتى لاتطير البركة ))
156
رفع لاصحاب الخبرة
157
افضل شي تروح للدي ام في وتصورهن بتلفون حديث ...لانه اتغيرت الاسئلة
158
شكرا للاخ الفرج 2
والشكر للاخ Mount Zion
على الاجابه والتوضيح لكن ذكرت حضرتك الجواز مطلوب عند الخروج والدخول ويختم على الجواز عند الخروج سؤالي هنا والحديث على الذي دخل بصفه لاجيء كيف يختم الجانب الامريكي بلمطار خروج على الجواز العراقي اذا كان اصلا لم يطلبو الجواز العراقي من الاجيء عند دخوله اول مره وفقط يعطى جواز مؤقت للدخول .
يعني بلمختصر غير يكون اكو علجواز ختم دخول حتى يكون اكو ختم خروج.
ارجو نوضيح هذا من الذي لديه تجربه
مع ملاحظة الحديث هنا على الذي دخل كلاجيء
أخي العزيز ... اللجوء في امريكا هو لمدة سنة فقط او بعبارة اخرى لحين حصولك على الكًرين كارت بعد ذلك تسقط عنك صفة اللاجيء (حتى لو كان دخولك كلاجيء)وتصبح مقيم شرعي وقانوني ويحقلك تسافر الى الدول التي تتطلب بطاقة اقامة فقط اي الكرين كارت الذي حصلت عليه ومثل هذه الدول (كندا والمكسيك واعتقد اكو كم دولة صغيرة ايضا قريبة على امريكا). لكن اذا سافرت الى دول اخرى عدا هذني فتبقى حسب نظام تلك الدول وما تتطلبه منك وبأمكانك الدخول على مواقع الخارجية او سفارات تلك الودل لتتعرف على شروطها لكن بصورة عامة أغلبها تطلب توفر (جواز رسمي نافذ +الكرين كارت ) للحصول على سمة دخولها. في حالة لم يتوفر لديك جواز رسمي نافذ عراقي مثلا ..فبأمكانك التقديم على جواز مرور مؤقت (ترافل دوكمنت) ويسمى ايضا بالفرنسية (لاسيه باسيه) والجماعة اللذين دخلوا لاجئين الى اي بلد يعرفونه جيداُ. .............. اما الشطر الثاني من سؤالك وهو عند رجوعك الى الولايات المتحدة الامريكية ,اذا كنت مقيم وعندك كرين كارت وسافرت الى كندا او المكسيك فلا تحتاج لجواز عراقي او ترافل دوكمنت .الكرين كارت وحده يفي بالغرض. اذا سافرت لدول اخرى غير كندا والمكسيك وكنت مقيم ايضا فتحتاج الى جوازك العراقي او المؤقت الذي سافرت به وايضا الكرين كارت او الوايت كارت لااثبات انك مقيم في امريكا (يعني ماتحتاج فيزا من السفارة الامريكية ). ............................ اما الحديث عن احتساب مدة البقاء خارج امريكا من عدمها في فترة احتساب المدة لاغراض التجنيس ((فهذه حسبة طويلة ومعقدة وتحتاج لموضوع منفصل لشرحها لكن افضل كلام موجز هو زياة موقع دائرة الهجرة الامريكية والاطلاع على القوانين والمقررات )) وهذا احد مواقعها المفيدة http://www.uscis.gov/portal/site/uscis
159
حبي البلدوزر ... اكو اكثر من مشتركة بهذا الاسم اذا مو غلطان اثنين بالانكليزي واثنين بالعربي وحسب علمي انجي الادارية القديمة ساكنة ديترويت .. وانجي اخرى اللي يكتب الاسم بالانكليزي ساكنة في كاليفورنيا بس مااعرف وين بالضبط .. بما انه انت تقول انك وصلت (بالسلامة) الى سان هوسية كاليفورنيا فاعتقد انك تبحث عن الثانية والله اعلم .
ياريت توضح وتحياتي
160
شكرا على المجهود ...
بس ملاحظة (عن كاليفورنيا طبعا) بالنسبة لاامتحان التقييم لدخول الكوميونتي كالج يسمى (كالسا) ولايمكن اعادنه الا بعد مرور سنة او 360 يوم من اجراءه ,, يمكن فقط الاعتراض على الدرجة والتحقق منها .
هذا حسب معلوماتي والله اعلم
161
عاشت الايادي ليو
فعلا اللغة المحكية اكثر استعمالا للمصطلحات هذه من اللغة الاكاديمية
مشكور على تعبك ياغالي
162
انا لااعرف مامعنى هذه الرموز ,,, بحثنا وحللنا كثيرا ولم نصل الى نتيجة واتذكر كان هناك موضوع للاخ ويلباور يشرح فيه الكثير عن هذه الرموز حيث قام في وقتها بجمع الرموز استنادا الى كلام الاصدقاء وحسب الرسائل التي تردهم ... لكن تبقى تلك ايضا تخمينات .. ..................... لكن اقول لكل من يعتقد ان هذه المختصرات هي اسماء اشخاص ... هل عمرك سمعت باسم شخص يبدأ بحرف x  ?
163
لحد الان لا يوجد دليل قاطع على صحة هذا الراي ام ذاك
مسألة الرموز تبقى مجرد تكهنات ,
164
مرحبا .. عزيزي جاوين اهلنا
من رخصة الغالي (دريمي) اسمحلي ان اعقب في موضوعك هذا تعقيب بسيط بخصوص اللغة الانكليزية واتقانها...
بالنسبة الك اخي انت بعدك بالعراق فافضل فرصة الك هو ان تتابع الافلام والمسلسلات (ويفضل المسلسلات) وخاصة الكوميدية القصير ة لانها تكون سلسة وخفيفة على المعدة وممكن اتكملها بسهولة ويكون فيها التحدث اكثر من الافلام بصورة معقولة ومفيدة اكثر.
...............
هناك خطأ شائع تم اكتشافه مؤخرا بخصوص امكانية تعلم لغة اجنبية لغير الناطقين بها وهو لان اللغة لايمكن اتقانها عن طريق دراستها (مثل الكتب والملازم والكتابة والقراءة والقواميس) بل ان هذه الامور سوف تؤثر سلبيا على محاولتك النطق والتكلم بسهولة وسلاسة واوتوماتيكيا بدون ان تفكر في الكلمة او الجملة قبل نطقها.
بل ان الدراسة بهكذا طريقة تفيد فقط في اتقان اللغة (اكاديميا فقط) وليس للتحدث
اما لغرض التحدث عليك الاستماع والمحاورة فقط.. لاغير
165
سبحان الله ,, وعلى مدى سنوات اشكد ما تكرر هيجي مواضيع بس الواحد يبقى يقراها ويستمتع بيها من اول رد الى اخر رد ...
166
تحت السنتين ... نو لكًج نو سيت (لاامتعة ولاكرسي)
167
العزيزة ريم .... على التعديل الاخير للموضوع (للاسف) طلعتي خسرانة بهكذا صفقة , بس ان شالله يكون درس للمستقبل تستفادين منة وماتكررين للاخطاء والاستعجال بالشراء..
168
الف مبروك شراء السيارة و الله يوفقك بيهه
بس من رخصتك عندي سؤال للاخوان و خاصة اخ كوندا...شنو مشكله سيارات الماشيات هواية مثلا 130 او 150 الف مايلز لان اموت علا بي ام دبليو فئة 7 موديل 1997 حتى 2002 و اشوفهن ماشيات هواية يعني واحد يكدر يستفاد منهن لو شنو؟
و شكرا مقدما
كازه
............... اخوية العزيز اكو سيارات معروفة بكفائتها حتى لو تعبر ال200 الف مايل ... اذا كانت عليها صيانة دورية ومداراة بانتظام , الbmw سيارة راقية بس اذا انت تحب السرعة العالية ماراح تتونس بسياقتها بامريكا بسبب تحديد السرعة . بس تبقى الفخامة والمواصفات .
170
الجواب الاول على سؤال الاخ michigan حبي يسوون التغيير بالتاتيل علمود تخف الغرامة لانه اذا احتفظت بالكلين تايتل لازم يدفعون مبالغ اعلى .
الجواب الثاني على سؤال الاخ hawk80 اغلب السيارت ال4 سلندر تكون اكثر اقتصادا خاصة اذا كان حجمها صغير , السيارة المعروفة باقتصادها على مستوى العالم هي الهوندا ,, يجي وراها غالبية السيارات اليابانية والكورية والامريكية الصغيرة الحجم.
171
شكرا اخوية العزيز حمادة على هذه المداخلة الجميلة ...
لكن صدقني اني حاسبها والكردت مايفيد بشي غير شراء بيت وهذا الموضوع اني لغيته من اساسه .. لانه تملك العقار في امريكا لايعتبر تملك بالمعني الحقيقي .. لانه انت مديون للبنك وكأنما شخص ثاني اشترالك البيت وانت كاعد اتسددلة وتنطيه فوائد وتترجى رضاه وراح تبقى ضحية سلسلة طويلة من القوانين والتشريعات ,, هذا ناهيك عن انه العامل الاهم وهو (المساعدات بجميع اشكالها سوف تتأثر وهي الكاش والفود والمديكال) .
.....................
بالنسبة لشراء سيارة فاكيد ماراح اشتري سيارة من الشركة او على الزيرو وبالاقساط ومن هالسوالف اولا لانه اني على الولفر وهذا الشي يتعارض ويا قوانين الولفر .. اشتري سيارة بفلوسي اللي جبتها من العراق وكاش وعلى كًدي .. لانه مااعتقد هنا لو ابقى مليون سنة راح اجمع فلوس سيارة غالية كاش والاسباب معروفة ضعف الشغل والضرائب والمصاريف العالية .
..........................
بالنسبة لقرض الطيارة على اساس المنظمة مالتي قبل 6 أشهر كتبتلهم ان يأجلولي الموضوع لانه مدااشتغل ومااقدر اسدد المبلغ المطلوب حالياً بس همه نازلين عليه دكً بالرسائل بالفترة الاخيرة .
172
هههههههههه قرض الطيارة صارلهم 9 اشهر وراية ومامحصلين شي .. يالله بلكت ايأيسوون مني وبعد مايدزون فواتير ,بصراحة اني تفاجأت بالمبلغ اللي كاتبيلي اياه مجنت متوقع هلكد غالي . هاي اولاً
وثانياً اذا عدم الدفع او التأخير بالدفع يأثر على الكردت سكور او الكردت ,, فما اعتقد هذا الشي مهم ويستاهل الواحد يفكر به .
لانه الكردت برأئيي غير مهم الا اذا الواحد يفكر بان يشتري بيت بامريكا وهذا الشي اخر مانفكر به .
عجبني مرة واحد من اصدقائنا كتب انه الكردت ماهو الا خدعة رأسمالية .وهذا الشيء صحيح لانه جميع دول العالم لمن المواطن يفتح حساب بالبنك يكون لأجل ان يستفاد هو على عكس امريكا (البنك) هو المستفيد دائماً.
173
عاشت ايدك صاحب الموضوع
لو بس اتعلم الانكليزي واصير احجي بي اعتيادي اشوكت
اكو هواية مواقع لتعليم اللغة الانكًليزية وقسم منها منشور هنا بمنتدانا ,, لكن اذا تحب تسمع رائيي اني اعتقد انه تعلم اللغة في الكبر صع وصعب جدا جدا ... وحتى اذا تمكنت من ضبط اللغة بنسبة لابأس بها فماراح تتمكن من ضبط اللهجة ,,,,, الا اذا كنت في عمر صغير يعني بين الخمس سنوات و17 سنة لان عندما يكون العمر صغير يكون الجزء الذي في الدماغ المسؤول عن مسألة اللغة واللهجة اكثر نشاطاً وتقبلا واستيعاباً للغة واللهجة الجديدة ........... لذا فانك من المستحيل ان تقابل شخص قدم الى امريكا وهو في عمر صغير ولديه مشاكل في اللغة او اللهجة . وايضا من المستحيل ان تقابل شخص قدم الى امريكا وهو في عمر الثلاثينات ومتمكن من اللغة واللهجة . (هذا رأئيي الشخصي وعن عدة تجارب)
175
ب_(سالفج تايتل) اي بمعنى ان السياره مصدومه او تعرضت الى حاله غرق
>>>>>>>>>>>>
بس اسمحلي اضيف شغلة حبي وهي او قد تكون السيارة لم تتعرض الى اي حادث وليس بها اي عطل او مشكلة وقد تكون سالفج salvage وذلك بسبب الغرامات المترتبة عليها كأن تكون مطلوبة للبنك مثلا (مثل سيارتي قبل مااشتريها) .. او ان تكون مسحوبة لوقوفها في مكان ممنوع وصاحبها ماعندة فلوس حتى يفكها من العقوبة والغرامة لذلك تنترك محجوزة لحد الفترة القانونية وبعد ذلك تباع بالمزاد العلني حتى بلدية المدينة تستوفي حقها ... ومن تنباع بهذه الطريقة يتغير تايتلها الى سالفج .. (بس ماعتدي معلومة اذا هذا القانون يتطبق في كل الولايات وفي جميع الحالات).
ملاحظة :- هنا في الكاهون كاليفورنيا اعرف شخص عراقي صاحب (كرين تونكً) وهو الكرين اللي يرفع السيارات المخالفة والمتوقفة في مكان ممنوع وهو زودني بمعلومات لم اكن اعرفها وهي انه مثلا صاحب محل بلغ عن سيارة متوقفة في في كراجه بغير حق .. او مجمع سكني توقفت فيه سيارة في مكان محظور لها ان تتوقف فيه . فان بلدية المدينة تقوم بمصادرة السيارة ورفعها .. ((تصور انه صاحب المحل او المجمع السكني له حصة من مال الغرامة!! وذلك تعويضا للضرر الذي لحق به من جراء توقف سيارة في كًراجه والحصة الاخرى يتقاسمها شركة الرفع يعني الكرين والبلدية)).
بين فترة وفترة يقوم هذا الشخص (ابو الكرين) بالمزايدة وشراء مجموعة من السيارات التي لم يأتي صاحبها لفك الحجز عنها ومن ثم بيعها للعراقيين في منطقة الكاهون.
176
هذا التقرير عبر الكارفاكس ..؟
ياريت لو تشرحيلنا تفاصيل اكثر شلون الطريقة وشلون دفعتي الفلوس ؟ وهل انتي اللي قمتي بيها بنفسج؟لو بمساعدة من احد ؟
............. اللي اعرفة المفروض تتوفر معلومات عن السيارة من يوم صنعها والله اعلم
تحليلي قد تكون السيارة موديل 2002 لكن انباعت فعليا ودخلت بالاستخدام في 2006 ... ومع ذلك نحتاج اراء خبير بالموضوع .
بس الشيء الجيد انه تاريخ السيارة نظيف من 2006
177
وقبل الالفين وستة؟؟؟؟؟؟؟؟
178
اختي العزيزة مااريد اكسر واهسج .. بس اريد مثل مايكًولون افتح عيونج على شغلات مهمة بموضوع السيارات بامريكا .
هسه اني صارت عندي شكوك عن هذه السيارة .. اولا راح اعوف السعر مااناقشة لانه السعر نوعا ما معلكُ بس اكو سبب ليش سعرها غالي لانه مثل ما وضحنا بالموضوع السابق عن السيارا للاخ international 3 واتفقنا على انه الاهم في امريكا هو المايلج وليس الموديل ..على هيجي مايلج السعر جيد جدا .
............
لكن هل تحققتي من انه المايلج هذا ال60 الف حقيقي؟؟؟؟؟؟؟؟؟؟؟؟؟ قد يكونون مبدلين محرك السيارة والعداد يتصفر طبعاً.
لانه سيارة موديل 2002 وماشية فقط 60 الف فهذا شيء مثير للشكوك , المعدل العام لمشي السيارة بامريكا هو بين 12-15 الف ميل بالسنة وهالسيارة صارلها عشر سنين تقريبا بالشارع . فيجب التأكد من شيء يسموه Actual mileage ,وهذا التحقق يتم اونلاين بس بفلوس مو ابلاش يسموه carfax تدخلين رقم الشاصي يعني الvin نمبر وهو يدزلج تقرير شامل عن تاريخ السيارة من اول يوم انصنعت بيه ..
...........................
اكو سيارات موديلها قديم وماشية قليل جدا ومامبدلين بيها لامحرك ولا كًير ومابيها اي عطل لكن هذه السيارات قليلة جدا وقد تكون يااما محجوزة عن طريق البنك او محجوزة بسبب مشكلة ما . مثل سيارتي موديل 2001 وماشية فقط 69 الف ميل (والسبب انه كانت محجوزة لمدة 6 سنوات ونصف) بسبب غرامات عليها من قبل البنك.الا ان طلعها صاحبها وطبعا غير التايتل مالتها الى salvage حتى تقل عليه الغرامة .واني اشتريتها منه .
179
كوندا اني اليوم اشتريتهه وصاحبهه كال بدلت الباتري قبل شهر وما استعملتهه
ابو السموك يكول هي مبيهه اي عطل بس المسكله معلوماتهه مصفره هذا كلامهم
............. اذا هيجي معقولة , انتظري شوية او الافضل ان تسوقيها على (الفري وي) وبسرعة ثابتة لفترة فد 20 دقيقة . استعملي الكروز كونترول اذا امكن. بس اسمحيلي اسال كم سؤال بس للفائدة العامة وحتى اخواننا مشتركي عنكاوا ياخذون فكرة عن انواع واسعار السيارات شنو التايتل مالتها ؟ واشكد ماشية وشلون حالة السيارة ومواصفاتها ..لانه اكو هواية اصدقاء ديسألون عن الموضوع هذا .. مع تحياتي والف مبروك وتشوفين كل الخير بيها .
180
ابو التيست مال السموك كال هاي مبيهه شي بس لان مبدلين الباتري قبل شهر
....................
سوري اني هسه انتبهت على كلمة شهر ... لالالاهاي مامعقولة هسه لو يوم يومبن اي معقولة حتى لو اسبوع هم ميخالف بس مال شهر لالالالالا هواية
لانه المعلومات ماتحتاج هذا الوقت الطويل . ..
....................
سؤال هسه اكو جك اينجن يضوي لو لا؟ ولمن بدلوا الباتري قبل شهر اشكًد مشوا بالسيارة وقت او مسافة ؟
181
ال100 ميل زلاطة مو شي يعني من بيتكم لراس الشارع .. هاي سهلة مكًدور عليها
هو بصراحة اكو علاقة بين الباتري الجديد والعقل مال السيارة صحيح .
اكو بعض الاعطال تتشخص عبر الضوء اللي بالدشبول والي نسميه (جك اينجن) check engine بعض هذه الاعطال تتصفر وتروح في حالة ان تشيل راس الباتري لفترة 10 دقائق او تغير الباتري واكيد من تغير الباتري راح تفصل الكهرباء لفترة قصيرة عن العقل .
حتى يرجع العقل يسوي رفرش للمعلومات الموجودة بيه يحتاج الى فترة معينة من الاشتغال .
غالبا الجك اينجن يرجع يضوي وهذا شي مؤسف .. واحيانا مايرجع حسب نوع العطل طبعاً
...................
وللأسف هذه الحيلة يلجأ اليها بعض الناس اللي تظهر عدهم اعطال ممكن تصفيرها برفع راس الباتري لحد مايبيع السيارة .
.........................
وفي نفس الوقت قد مايكون هناك اي عطل اساسأ
..................................
لكن للتخلص من هذه المشكلة حاليا بعد محد كًام يشتري سيارة في كاليفورنيا الا ومعها شرط عبور السماك تيست اجباري (اذا ماتعبر ترجع) لانه محد مجبور يفوت بدوخة عدم العبور . حتى لوجانت السيارة تخبل اكو اعطال تكلف هواية تعب ومصاريف وركض .
اتمنى ان تعبر السيارة وترتاحون .
تحياتي
182
تحياتي لابو سارة ولكل من شارك في هذا الموضوع اما بعد ... ....... باعتقادي انه قوانين نيو مكسيكو تختلف عن قوانين كاليفورنيا فيما يخص ربط (المساعدات ) بشراء بيت ولهذا نشوف اغلب اصدقائنا يروحون لو اريزونا لو تكساس لو نيو مكسيكو او ديترويت .. ........... موضوع شراء بيت في امريكا قناعات واجتهادات برائيي شراء بيت في العراق افضل بكثير لكن الفرق هو انك في العراق يجب ان تملك مبلغ البيت كاملا اوعلى الاقل 90 % منه اما في امريكا ف5 % من المبلغ تعتبر اكثر من كافية حتى تقدم على شراء بيت الاهم هو ان تكون تعمل وتسدد وهذه حالة غريبة ومستهجنة يصعب على المواطن العراقي البسيط مثلي هضمها واستيعابها ابسط تفسير ومقارنة للحالتين هي :- في العراق تعمل تعمل تعمل ...... حتى تشتري بيت في امريكا تشتري بيت ........حتى تعمل وتعمل وتعمل
183
((شوف اخوية خلي اسولفلك سالفة
احنه الناس اللي سافرنا لامريكا وباقين يدخلون للمنتدى معدودين
فخلي شوية نتعاون بيناتنه حتى نوصل للواقع الموجود وبدون تخيلات وحسابات غير قابلة للتطبيق))
...................غسق العامري هاي مو جملة هاي صرخة ضمير ........
تحياتي الك ياطيب ولكلامك الذهب
.....................
حسب معلوماتي المتواضعة فانه موضوع المساعدات لايقع تحت المظلة الفيدرالية برمته جميعاً بل هناك امور تدخل وتنظم بقانون الولاية وهناك امور فيدرالية ,مثلا موضوع شراء البيت وانقطاع المساعدات (المهمة )والتي يستفيد منها مايقارب ثلث سكان امريكا .
........
عندما يقرر احد عراقيي كاليفورنيا ان يشتري بيت فانه يذهب الى ديترويت ويشتري ويستقر هناك .... وعندما تسأله , لماذا ؟؟ يجيب :-
1-لانه حسب قوانين كاليفورنيا لاتسطيع استلام المساعدات والعائلة تملك اي شي قيمته تفوق ال4650$ فقط... بغض النظر عن الانكم .
2- أية أموال غير مبلغ عنها تدخل ضمن قائمة المسائلة القانونية والشكوك المتعلقة بالمخدرات والارهاب وغسيل الاموال (من اين لك هذا)
3-فلنفرض انك بلغتهم انك استلمت اموال من العراق ورث او غيره ... اولا يجب التبليغ بطريقة دخول المال الى البلد والوصولات وسوف تصل في نهاية المطاف الى نفس النتيجة قطع المساعدات .
بالعامي راح يكًولك اصرف فلوسك وبيع املاكك ومن تفلس بعدين تعال استلم مساعدات.
.................
في ديترويت الامر يختلف اذا اشتريت بيت ودفعت داون بيمنت (يعني دفعة مبدئية) سوف تبقى تستمر تستلم مساعدات اوجزء منها طالما ان دخلك لايكفي لجميع احتياجاتك يعني لتسديد القسط والاحتياجات المنزلية الاخرى .
......................
هذا مافهمته ببساطة من موضوع شراء البيت وتعقيداته
اذن يبقى موضوع تملك منزل او عقار في امريكا حساس جداً ومعقد ويرتبط ارتباطاً وثيقا بموضوع المساعدات
برائيي شراء البيت في العراق خصوصا كردستان او دول الجوار افضل واسهل واكثر اماناً وضمانة للمستقبل
184
صحيح ابو ليونا ... اعمال النصب والاحتيال موجودة واني صادفت هيج نماذج (لكن ) لمن كنت مبتديء بالكركسلست وايضا ماعبرت عليه هسه والحمدلله كمت اعرف البوست الحقيقي من النصب بلحظة . خل احجيلكم هاي السالفة صحيح اطول عليكم لكن راح يستفاد منها الناس ..
قبل فترة شفت سيارة كامري موديل 2000 (كلين تايتل) بالصور مبينة كلش نظيفة وراقية والمايلج جيد بالنسبة لسيارة كامرة 104 الف مايل السعر اكثر من مناسب والموقع الكاهون يعني ماراح تتعبني بالمسافة البوست(يعني الاعلان) جديد ماصارلة دقائق .. المهم خابرت الرقم المرفق حتى الحكً عليها طلع شخص امريكي ولهجة امريكية 100% .وجان يكول السيارة باسم امي وهي قليل تسوقها وصارلها فترة طويلة يمها كتلة اوكي هسه اجي اشوفها ... (طبعا هيجي امور وفي منطقة عراقية مثل الكاهون تعتبر صيدة راقية ) .
المهم اخذت فلوس ورحت بسرعة لانه هنا البيع بالدقائق لازم تلحكً قبل ا(لبياعة شراية ).
طبعا الفيكة اللي سواها صاحب الاعلان انه نزلة قبل ماتظلم الدنيا بساعة تقريبا . حتى لو تلحك تشوفها مضوط لولا .. ومن وصلت على العنوان شفت شخص امريكي اشقر وبصفة كاعد ولد اسمر عندة لحية خفيفة مبين من ملامحة عراقي(وهنا المفاجأة من العيار الثقيل) , سلمت عليهم .. الاشقر الامريكي على اساس صاحب السيارة قدملي صاحبة العراقي على اساس انه راح يساعدنا بالترجمة وكأنما متوقع انه ماراح يشتري السيارة غير عراقي ..!!!
اي سؤال اوجه للامريكي عدل وكًبل العراقي يجاوب من يمة حسيت انه اكو لعبة بالموضوع بالاخير كتلة ممكن اشوف التايتل باسم منو وهنا جان صاحبنا العراقي يضوج وكالي انت شعليك مو تريد السيارة تتسجل باسمك ادفع فلوسها والله وياك .!! والامريكي ساكت ولاكلمة وكأنما الشغلة مويمة ..
تركتهم على ثاني يوم الصبح واخذت ويايا اثنين اصدقائي ورحنا عالموعد وهنا اكتشفنا انه السيارة مكًلوبة وكذلك مضروبة بجٍم ومعدلة وملحمة ومشتغليها بالمكسيك واصلا طلعت مو مال الامريكي ومالة اي علاقة بيها مجرد صاحبنا العراقي ديستخدمة علمود يرغب الناس بالشراء والشغلة كلها نصب في نصب ولمن هددناهم بانه راح راح نشتكي عليهم لان يقومون باعمال النصب والاحتيال على الناس احتاروا وخافوا وضلوا يتوسلون بينا والامريكي ضل يغلط وصار عصبي على صاحبة وكالة انت تريدني اتورط وياك. بالاخير كامو يعتذرون منا وكالو احنا محتاجين فلوس ومن هالسوالف وبعد ميسووها ورمسحوا البوست وشغلوا سيارتهم وشلعوا !....
....................
ايضا بعض المكسيكان عدهم هيج سوالف ...
اخيرا نصيحة ذهبية اذا تريد تخلص من هيجي سوالف اتفق ويا البائع انه يجي وياك الى دائرة التسجيل الDMV وبهذا راح تعرف اذا اكو اي مشكلة بالسيارة .او بالبائع اذا رفض المجيء وياك ..
186
بارك الله فيك اخ كوندا
عزيزي لي سؤال عندك
مثل ما تفضلت قطع الغيار رخيصه لكن شدها على السياره مكلف
زين بالنسبه الي على الاقل
اكدر ابدل دسكات فيت بمب بلكات نوزلات وغيرها من الامور الي ممكن تكون بسيطه
هل اكدر ابدلهن بنفسي لو اله يم الفيتر ؟
اي صحيح عزيزي ... اني ايضا اقوم بهذه الامور بنفسي يعني اذا انت تسويها بنفسك تكون قد وفرت مبلغ كبير من المال مثلا الاسبوع الفات جان عندي شوية وقت استغليتة بمايلي .. 1-تبديل فلتر البانزين اللي صاير داخل التانكي يعني جوة الفيول بمب 2-تبديل فلتر البانزين الخارجي وطبعا ماتحتاج غير جك لرفع السيارة وسبانات اثنين ودرنفيس مربع واكيد تكون محضر الفلتر الجديد 3-بدلت ماطور مال الباب الخلفي اللي يفتح الباب اتوماتيك لانه جان عاطل(الماطور من التفصيخ ب5$) 4-بدلت المسجل لانه جان السيدي مالتة ميشتغل والدكمة الرئيسية مال صوت اتشكل (اشتريتة مسجل كامل ب20$) 5-جان عندي سنسر مال كرنك يشكل شوية وجنت محضر واحد من التفصيخ شديتة بمكان القديم (السنسر حصلتة ابلاش ويا المسجل والماطور) 6- ايضا حصلت صفقة زينة من التفصيخ , اشتريت (سطاب اكسل كامل) مال الجهة اليمين ب15$ وخليتة احتياط لانه عندي صوت خفيف جدا بالبولبرن مال سطاب اكسل عود من يخلص عمرة ويصيرلي وقت ابدلة بنفسي . بالناسبة سيارتي kia optima والمفروض اغراضة مامتوفرة بكثرة مثل الياباني والامريكي لكن الحمد لله كلشي ينلكًي هنا بالتفصيخ ........................................................................... اني انصح اي شخص عندة سيارة مستعملة وتحتاج شوية ترتيبات ان يكتب كلشي يحتاجة بورقة (بالانكليزي طبعاواذا ميعرف اسم القعطة يدورها بالكوكل ) ويروح بين فترة وفترة (للجنك يارد) وحتى اذا ماعندة خبرة بالميكانيك يقدر يحصلها من اليوتيوب اكو الالاف الفيديوات اللي تشرحلة . .................. بس اكو ملاحظة مهمة : وهي انه قانونا ممنوع تفتح ورشة كبيرة بالسكن خاصة اذا اكو وصخ ودهن بالموضوع لذلك لازم تكون حذر وتختار ايام واوقات واماكن بحيث ماتأثر على بقية سكان البناية او يسمحلك المانجر احيانا مايهتمون بالموضوع واحيانا يمنعون لذا لازم تتأكد اولا.
187
مبروك مقدماَ للفائزين ... والشكر موصول للمنظمين .
188
هسه نجي على السيارت المرغوبة بكاليفورنيا ... طبعا انت هناك راح يكون عندك سوكًين مختلفين عن بعض وهما سوق السيارات العراقي وسوق السيارات الامريكي .. طبعا نبدي بالسوق العراقي , ابناء الجالية العراقية يكونون حذرين جدا جدا في التعامل مع بعضهم البعض (( للاسف الشديد)) عند شراء سيارة فيما بينهم وغالبا مايتعاملون بسهولة وسلاسة وثقةعمياء تقريبا عند شرائهم سيارة من شخص امريكي .. وهذه هي الحقيقةالمرة وسوف تلمسها بسهولة هنا.. السبب:غالبا لان الامريكي يقوم باعمال الصيانة بانتظام ويحتفظ بسجل للسيارة وكل اجراء تم عمله وكل اجراء يتوجب عمله حسب (كتلوك الشركة) وحسب المواد المطلوبة حصراً ,اما العراقي فلا يهتم بهذه الامور (الا نادرا) ويقوم بالتصليح بشكل عشوائي وبدون صيانة وعند محلات عراقية لاتحتفظ باية سجلات وتقوم بالتحوير والترهيم.حسب الطريقة المتبعة في العراق غالبا. ............... يجب ان تعرف انه النقطة الاهم في شراء سيارة في امريكا هي المايلج (عدد المايلات التي قطعتها السيارة ) وليس سنة الصنع . بالمناسبة التلاعب في المايلج يعتبر جريمة يحاسبها القانون. المستهلك العراقي يفضل السيارات اليابانية بالدرجة الاولى بعدها السيارات الكورية وخاصة فوق الالفين منها ثم الامريكية فالاوربية والسيارة الاكثر اقتناءا لدى العراقيين هي الكامري وكورياً الكيا والهيونداي. المستهلك الامريكي يفضل السيارت اليابانية والامريكية تقريبا بدرجة متساوية ثم الاوربية والكورية ..عدا الكوري الحديث جدا 2008 فمافوق حيث اصبح متصدر المبيعات حالياً في امريكا .السيارة المفضلة هي الامريكي بانواعه وخاصة الفورد وشوفرليت ويابانياً نيسان وكورلا . ..................... الادوات الاحتياطية متوفرة لغالبية السيارات الارخص طبعا هي الامريكية على اعتبار انها(بنت البلد) ثم اليابانية والكورية .. الاغلى هي الاوربية بامكانك ايضا الحصول على قطع السيارات الموجودة في التفصيخ وباسعار رخيصة ايضا . المشكلة في عالم السيارات ليست في المواد والقطع بل هي في كلفة التصليح المجنونة ,, مثلا زوج دسكات بريك امامي (الاصلي الاصلي اقل من 15 $دولار) لكن تركيبه يكلف 200$ دولار احيانا لاتستغرب اذا سمعت هكذا اسعار .............................. نرجع لموضوع شراء السيارة والاسعار وماهو الافضل ... طبعا انصحك وبقوة مراجعة موقع كرايكسلست وحاول ان تقضي اكثر وقتك هناك وانت سوف تكسب خبرة كبيرة منه. ............. السيارة حسب استعمالك وخدمتك انت ,,فمثلا اذا كنت تدور فد شي رخيص ومناسب وراح تسوق بداخل البلد اغلب شي فانصحك تاخذ 4 سلنر رخيص كوري او ياباني اقتصادي (ويفضل كوري للرخص) اما اذا كنت تقود مسافات طويلة على الفري وي فلابد لك من 6 سلندر .. ............ السيارات الغير مرغوبة هي الاوربية (طبعا من المستحيل ان تشوف اوبل بامريكا ..) الاوربية ليس لانها سيئة لكن لان ادواتها الاحتياطية غالية بسبب فرض الضرائب عليها (حسب علمي) ومع ذلك ممكن ان تشوف بي ام ومارسدس وفولفو واودي وفولكس واكن .طبعا الكلام عن السيارات الصغيرة فقط. .......................... اتمنى لك التوفيق وان تحاول الاعتماد على نفسك (لاباس من مشورة بعض اصحاب الخبرة ) وان تستفيد من موقع كراكسلست قدر الامكان.
189
مرحبا اذا تقصد اجرائات تسجيل السيارة فهي بسيطة ومعقدة بنفس الوقت بعد ان تشوف سيارة وتعجبك وتتفقون على السعر ..وطريقة الدفع , يوجد شيء اسمه التايتل وهو بمثابة سنوية السيارة بالعراق وهذا التايتل يكون عند مالك السيارة الاصلي (يعني اللي السيارة باسمة ) وانت تاخذ التايتل بايدك ويكون البائع قد وقعلك على التايتل في خانة بيع المركبة وكتب اسمك يعني صرت انت المالك الجديد للسيارة وكل ماعليك ان تسويه هو ان تروح لدائرة تسجيل المركبات وتسجلها باسمك وتدفع الرسوم اللي هي بكاليفورنيا 8% من سعر السيارة تقريبا ((ولذا يضطر غالبية الناس الى ان يسجلون السيارة بسعر رخيص حتى يدفعون اقل)) ........................... هذه هي الاجرائات الرسمية :لكن يوجد امور مهم ايضا لازم تعرفها اثناء سير المعاملة وقبلها وهي .. 1-يوجد بعض المكاتب التي تقوم باجراء المعاملة عوضا عنك وقد تتقاضى 20 دولار (بدل مانت تروح وتجي اذا ماعندك وقت) 2-في ولاية كاليفورنيا لاتستطيع تسجيل السيارة باسمك الا بعد ان تكون قد اجتازت اختبار ال سماكً (smog test ) واللي هو اختبار انبعاث الغازات واداء المحرك للتقليل من تلوث البيئة يعني اذا محرك السيارة يدخن فلازم تصلحها يالله تتسجل والا تتعرض لغرامات مشاكل ومتنزل باسمك اصلا يعني فلوسك راحت بالشط, 3-اذا الجك اينجن (CHECK ENGINE ) بالدشبول مشتغل السيارة ايضا ماتعبر اختبار السماكً . وطبعا اخوتك العراقيين ماخلوا شي ومادخلوا بيه الرشوة والاحتيال ((حيث انه يوجد محلات فحص اهلية عراقية لتعبير السيارة التي لاتعبر بس وفق مبلغ مالي لايقل عن 200 $ او اكثر)) 4- لازم تتأكد ايضا من انه كل ماقاله لك صاحب السيارة عن تاريخها هو صحيح وقانوني ومسجل في الدوائر المختصة عن طريق الVIN نمبر يعني رقم الشاصي وتستطيع التأكد من صحة كلامه عبر الانترنت خدمة تسمى (كارفاكس) لكنها ليست مجانية .واذا طلعت نتيجة الكارفاكس مخالفة لما اتفقت انت والبائع فاعرف انه قد تم النصب عليك وتتحمل العواقب (خاصة اذا اكو بالموضوع سرقة او تحوير او مشكلة ) ........................ هذا فيما يخص تسجيل السيارة هسه نجي على الانواع المرغوبة واللي سوكًها ماشي بكاليفورنيا
190
تحياتي لا ابو سمسوم الورد ولكل المشاركين في هذا الموضوع ..
بس عندي فد مداخلة بسيطة ومهمة ... ماهو موقف الولفر او موقف من يستلم اي نوع من المساعدات سواء كانت غذائية او صحية او نقدية ...
في حالة شراء بيت وبالطبع حسب الولايات ,
مثل مانعرف انه هواية من العراقيين خاصة اللي اجوي الى امريكا بالفترة الاخيرة ( ليس من الصعب عليهم) شراء بيت بهذه المبالغ لكن ماشفناهم يقدمون على هكذا خطوة على الرغم من مقدرتهم المالية بل يفضلون البقاء بالايجار والسبب بالطبع هو (انقطاع المساعدات).
.............
حسب دراسة قريتها مؤخراً وطبعا اذا تبحث عنها راح تشوفها اونلاين او تشوف دراسات مشابهة الها (تفيد الراسة باختصار انه اكثر من 100 مليون شخص عايش في امريكا يستفاد بشكل او باخر من احد برامج المساعدات )سؤاء كانت فود ستام او كاش او مديكيداو مديكير (ضمان صحي باي نوع)
مايقارب ثلث سكان امريكا 36 %من المولودين خارج امريكا ...
23 % من الامريكيين بالولادة ...
رقم ماهول طبعا ....
واعتقد هو السبب الوحيد الذي يتعارض مع فكرة شراء بيت ..
والتعليق لكم
اخوكم كوندا
191
ا لاخ Schwany ..
معاك بالطرح لكن الوظائف التي تتكلم عنها , والتي تتطل جنسية أبشرك يااما اضمحلت او انتهت من الوجود وذلك بسبب الانساح الامريكي من العراق والوشيك من افغانستان . والاشخاص الي اصلا ماسكين المواقع القليــــلة الاخرى المتبقية اصلا منتظرين تسريحهم او ايقافهم من العمل وذلك بسبب انتفاء الحاجة الى خدماهم كمترجمين . الا اذا كانوا قد ثبتوا انفسهم في وظائف اخرى وليست الترجمة فقط .
................
وحسب معلوماتي فانه حتى حامل الجنسية الامريكية يحتاج الى السكيورتي كليرنس
192
ياجماعة ... اشبيه الكًرين كارت بس اريد اعرف ؟! أشو اخضر ولماعي وحلو هسه الجنسية وين تروح تجي تجي اذا مو اليوم باجر ثم هسه اشعدكم بالجنسية ؟! بشنو راح تفيد ؟؟ اذا على السفر لأي مكان عندك الكًرين كارت شوكت متريد تسافر وين ماتريد والفيزا مو بهذيج الصعوبة طالما انت مقيم شرعا وقانونا بامريكا ... شنو راح تضيفلك الجنسية ؟! وحتى اذا ماعندك كًرين كارت هم مو مشكلة اكو ترافل دوكمنت وتحصلة بسهولة ,بس شغلة التفييز شوية اصعب عليك (شوية ). ........... اني اشوف اذا انت حددت لمستقبلك ان تبقى بهذا البلد فاكيد ماراح تشوف اي فرق (قبل الجنسية او بعدها) الوظائف نفس الشي الدراسة نفس الشي , العيشة , التعامل .. صدقوني ماكو فرق.... المهم انت عايش بامريكا قانوني وهايهية . .............. اذا احد عندة غير وجهة نظر ياريت يشارك.
193
بس توضيح (وعن تجربة ) التصديق من الخارجية غير ضروري وغير مطلوب ابدا في السفارة
194
شنو الاختام الموجودة في جوازك القديم ونواريخها ؟ وليش ماجبتة وياك وهل تقدر تجيبة؟؟
هذا سؤال فاجأني بس جاوبتة بكل امانة وصدق
195
كل عام والجميع بالف خير
196
اغلب الموبايلات بامريكا بدون سيم كارت .......
الموبايلات اللي تجي من العراق اكثرها تشتغل عادي اني جبت 3 وياية جربتها اشتغلت كلها بنفس السيم كارت طبعا جربتها
بالنسبة للرسيفر مااعتقد راح يفيد هنا هواية لانه شغلة القنوات التلفزيونية تختلف هواية , اولا لازم تتأكد انه يشتغل على 110 فولت , ثانيا لازم تحل مشكلة البلك لانه البلك الامريكي يختلف عن العراقي ,ثالثا مو كل المجمعات السكنية تسمح بتركيب صحن لاقط (دش) .
ثم القمر المتوفر واللي بيه قنوات عرية هو كالاكسي واغلبها قنوات مجانية بيها تقربيا 30-40 قناة عربية . والباقي ايراني وتركي وافريقي وشوية اوربي وهندي .
198
هلو ستيفن شلونك ..جوابي الك هو انه المنتخب العراقي باجر عندة لعبة ويا عمان ..والمدرب زيكو ليهسة غايب . ................ سالمين مو ......................... حبي اتشاقة وياك ,عيوني انت اكو جهاز اسمة zaap t.v بس غالي تقريبا 400 دولار بس صدقني ماراح يفيدك كلش هواية ,انت اربط تلفزيونك على الانترنت واكو هواية مواقع بيها قنوات عربية مواقع كلش هواية , بس لازم تخلي ابالك انه نقاوة الصورة وجودتها ابد ماراح تكون مثل القنوات الامريكية . ............... ومن بعد اذنك راح انقل الموضوع الى مكانه الصحيح
200
الله يرحمهم جميعا والله خبر محزن مع الاسف
202
ملاحظة: ارجو الرد من قبل البنات فقط .
>>>>>>>>>>>>>>>>>>>>>>>>>>>>
يعني مابيها مجال ؟كلش
نبقى ساكتين احنا ؟؟
203
عاشت الايادي ... هذولة اني اراسلهم دائما من جنت بالعراق وحتى همه يجاوبوني ومرة نشروا رسالتي بموقعهم ...
204
صور حلوة روان اتمنالك الموفقية شوفوا هالملاحظات :- ................. عندي نفس الجنطة مالتك روان ............. مطار بغداد كان ولايزال وراح يبقى جٍولة وحشاكم مزبلة وما يستحق الواحد يطكًلة صورة .. الميزانية بالمليارات والنفط سعرة معلكً واغنى بلد على شنو مااعرف .. اتراهن انه مطار زيمبابوي وموزمبيق احسن من مطاراتنا بملوين مرة . ............ تيولب الوردة مشكورة على المبادرة وعاشت الايادي .............. الصور تدل على انه الجو في بغداد لايزال مأساوي وكما يقولون,, فوكً هم الدنيا هم انت عليً ................... اتمنالك الموفقية روان وان شالله تشوفلك عروس حلوة مثلك . تحياتي للجميع أخوكم كوندا
205
اخي كوندا الموضوع بدا من قصة عائلة مكونة من شخصين على اساس ذلك جاوبت لان اكيد شون متفضلت اذا عندك اطفال الحساب غير شي
اي صحيح اخي وياك ولهذا لونت كلمة عائلة باللون الاحمر في بداية ردي ... همه الاطفال اكيد رزق وهبة من عند رب العالمين , لكن مسيرهم يجيبون اطفال ان شالله يرزقهم ويرزق الجميع .. لانه نادرا مانسمع عن علاقة زواج والزوجين مايرغبون بانجاب اطفال هاي نادرة جدا جدا ... الا اذا كان السبب اجباري وليس اختياري..
206
احنا SIV ماعدنا وايت كارت , كًبل كًرين كارت ...
بس اللي اعرفة انه الايلان نمبر ينكتب ايضا بالفيزا مال ال SIV
207
حبي المساعدات (للعائلة ) لا 3 اشهر ولا6 اشهر ولا تسعة ... المساعدات تبقى مستمرة وياك الى ان يبلغ اصغر اطفالك عمر 18 سنة .. والفود ستامب (يعني كارتات الغذاء ) ايضا تبقى مستمرة وياك طول العمر سواء كنت لاجيء ام مهاجر طالما دخلك الشهري ضعيف او معدم .. وطبعا المساعدات تختلف نوعا ما حسب بياناتك وحسب الولاية وحسب التغييرات اللي تصير وياك .
........
فلوس الطيارة صحيح دين بس تدفعها على اقل من مهلك واذا مالكًيت شغل تبقى تأجل بأقساط الدفع وهذا من حقك . الى ان يصيرلك دخل معقول , وفي بعض الحالات مثل التقاعد ssi اصلا تنعفي من قرض الطيارة ويصفرولك اياه ويعتبر هدية الك من قبل الحكومة الامريكية .
........
اما الشقة المجانية او مثل مامفتهمة الزوجة (بيت ملك) فهذا شيء اخر وهو احد البرنامجين ياأما (سكشن 8 ) او البيوت المخصصة لجماعة الدخل الضعيف يعني بيوت low income واللي حالها حال البيت الملك عدا انه ماتقدر اتبيعة وتسويه فلوس مثل العراق مجرد تسكن بيه ان وعائلتك ومحد يكًولك على عينك حاجب وطبعا هذا النوع من البيوت يكون متوفر حسب الولاية وحسب الزخم وحسب دورك في التسجيل والنقاط التي تجمعها يعني ( استحقاقك ) ومدة الانتظار تتراوح بين 6 أشهر الى 7 سنوات حسب ماذُكر اعلاه.
.......
باعتقادي القضية ليست قضية اكاذيب بقدر ماهي قناعات واجتهادات .
الحياة في امريكا ليست كاملة وليست الجنة بالتأكيد (((لكن))) تبقى افضل بملايين المرات من الحياة في العراق او اي دولة عربية او شرق اوسطية او اسيوية او افريقية (وبرائي البعض ) وانا منهم حتى افضل من اوربا واستراليا .
.......
لكن تبقى العيشة في امريكا سهلة اذا اردنا تسهيلها وصعبة اذا صعبناها على انفسنا .هناك ايجابيات كثيرة لايجب اغفالها كما انه هناك سلبيات ايضا.
.......................
الشيء الاكثر غرابة في موضوع امريكا هو ان اكثر المتشائمين من المعيشة هنا واكثرهم انتقادا وتذمراُ من امريكا هم نفسهم الاكثر تمسكاً بها .... واتمنى ان يفهمني احدهم لماااااااااااذا .
208
موضوع اكثر من رائع والاروع منه انو ميشمل الاجئين وبالاخص الجدد
طبعا المسئله مو سهله ولا هيه انو تسوي 250 ساعه بلاش يمهم لا
من الشروط يكول تشتغل يمنه كمتطوه اب 250 ساعه وراها نحنه قرر انته رح اتكون كولافايت لو لا طبعا والشرط الاساسي هوه
انو الشخص لازم يكون عنده كردت هستري وثاني شي يكون عنده Income ما لا يقل عن 18 الف دولا ولا يكون اكثر من 20 الف دولا لكل افراد العائله
وبفس الوقت لازم يكون مشتغل بالمقاطعه الي يريد يشتري بيها بيت
طبعا الشغله مو بناء بيت يبنولك بيت جديد وينطوه بيدك هذولي شركات احتكاريه يعني بين قوسين تقفيص اني خابرتهم وحجيت وياهم هاتفيا
بكجرد تشتغل 250 ساعه بلاش ورلاها يكلولك انته مو كولافايت للبرنامج وتهبك يروح بلاش وبالمناسبه 250 ساعه مو فد شي قليل يعني 3 شهور شغل الهم ابلاش
فيعني الشغله بايكه طن هوه فمانصح بيها اني لان مساوئها اكثر من حسناتها
تحياتي واسف مو قصدي اهبط معنوياتكم بس هاي الي اني استفسرت منهم شخصيا بالمقاطعه مالي
اخي سعد الكلام عن كاليفورنيا لو غير ولاية ؟؟
209
اني قابلت 3\2011 والحمد لله شفت امريكا 3\2012 .... أتمنى السفر والفرج لكل اخواني اهل الSIV الصابرين المجاهدين ربي يفرجها عليكم واحد واحد .ومايبقى ولا واحد منكم لابالعراق ولا بدول الجوار.
اخوكم كوندا
بالمناسبة تقديمي كان نهاية ال2009
210
الشهادة مالها اي علاقة بقضية اللجوء .... لامن قريب ولامن بعيد
211
خاصة شغل المنظمات اللي الها علاقة باللاجئين ...... الكل يخاف من الكل ,وخاصة القادم الجديد اذا أنكًليزيتة قوية كلها تدخل انذار (الحجي على الموظفين العراقيين والعرب طبعا). بينما الامريكي مو يمة الشغلة لانه انت ماراح تكون منافس الة ابدا.
213
بس عيب عليهم ليش يسوون هيجي .. اخي حاول انت تحجي وياهم ,
بس أكولك اكو شغلة اغلب الشركات والمحلات اتسويها وهي انه يصورون الاوراق هذه ويحتفظون بيها كنسخ الكترونية بالكومبيوتر والباقي يتلفوه يعني هذا احتمال وارد فانت ياريت تتأكد من هالشغلة ايضا.
وتحياتي
214
يستاهل كل الخير والمحبة والتقدير اخونا الغالي شنايزر ربي يوفقة ويفتحها بوجهة ....... مشتاقيلة هو والبي ام مالتة
217
اولا الف الف مبروك على المولود الجديد ويتربى بعزكم
ثانيا هناك موضوع (السفر والطفل ) ان شالله اشوفلك اياه وارفعة واتمنى ان تستفاد منه لانه به نتاج خبرات كثيرة .
219
ملاحظة اخرى نسيت ان اذكرها ... وهي ان دائرة تسجيل المركبات الDMV قد اعتمدت في ترجمة الاسئلة التحريرية على مترجمين مصريين ولبنانيين , او عرب غالبا غير عراقيين .. وقد استخدم هؤلاء المترجمين كلمات عربية شعبية قد تكون دارجة في مجتمعاتهم ولكنها غريبة على المجتمع العراقي لذا عليك تقبل الامر وفهم الاسئلة وحلها كما هي حتى لو صعب عليك فهم بعض الكلمات باللغة العربية .
بعض الكلمات التي لاازال اتذكرها هي
حارة.. هنا لايقصد بها حارة يعني منطقة مثل باب الحارة وأنما تعني (مسار ) يعني الجهة المخصصة لسير السيارة في الشارع وتكون محددة باللون الابيض
مزلقان .. يعني انحدار
طبون .. ويعني دعامية السيارة بالعراقي
رفراف .. جاملغ
الشبورة المائية ... بصراحة احتاريت بهذه الكلمة لكن اعتقد يقصد بها الضباب الذي يتراكم على الزجاج الامامي
رضوخ .. yield بالانكًليزية وتعني الاسبقية ليست لك
المصابيح ..لايتات
نفير السيارة ..يعني الهورن
جهاز الرد حر اليدين ... يقصد به سماعة الهاتف البلوتوث (لاسلكية )
يحظر القانون ...يعني يمنع القانون
مصابيح الفرامل الوامضة ..يعني الاربع اشاير بالعراقي
اختبار الضباب الدخاني ... يعني فحص الانبعاث الغزات ويسمى بالعامية smog test
شخص كفيف يعبر الشارع ... يعني شخص اعمى يعبر الشارع
واذا اتذكر كلمات ثانية راح اكتبلكم اياها ايضا
220
مرحبا أخواني الاعزاء ...
مع حبي وتقديري واحتراماتي لجميع من شارك في الموضوع لكن اسمحولي بمداخلة ضرورية تفيد الاخ السائل وتفيد اي شخص يريد التقدم لاٍداء الامتحان التحريري لاجازة السياقة في كاليفورنيا النسخة العربية ((وذلك لااهمية الموضوع القصوى واهمية اجازة السياقة في امريكا عموما وكاليفورنيا خصوصا ))...
بالنسبة للامتحان التحريري وبعد مشاكل وفضائح الرشاوي التي عصفت بDMV الكاهون...والتي كان بطلها (وللأسف) أحد خواننا العراقيين...لذا فقد\ اتبعت الdmv سياسة مختلفة وذلك بتغيير نوع الاسئلة التحريرية بين فترة وفترة ....
بالنسبة للامتحان هناك اربعة نسخ من الاسئلة يرافقها ايضا اربعة نسخ من اسئلة الاشارات
الاسئلة التحريرية كل نسخة 36 سؤال يسمح لك ان تخطىء ب6 فقط
اسئلة الاشارات كل نسخة 12 سؤال ويسمح لك ان تخطيء ب2 فقط
اذا تمكنت من اجتياز احدهما (التحريري أو الاشارات ) فلاداعي لاعادته مرة اخرى في حالة الفشل بالاخر ...
انصحك بقراءة الاسئلة النسخ الجديدة جيدا وفهمها جيدا حتى تتمكن من اجتياز الامتحان ......
للأسف فأن اغلب النسخ المتوفرة هي نسخ الاسئلة القديمة والتي ليست متعمدة بعد الان
نصيحتي الذهبية (اذا رغبت بالنجاح) هي:- ان تذهب شخصيا الى مبنى الDMV وتأخذ معك جهاز تلفون حديث وتنتظر اي شخص عراقي (راسب في الامتحان ) وتترخص منه وتصور النسخة التي رسب فيها .... وكلما جمعت نسخ اكثر كلما كانت فرصتك في النجاح اكبر ,, لاتنسى هي 4 نسخ فقط اذا حفظتها عن ظهر قلب تضمن النجاح ان شاء الله .
أخوكم كوندا العنكاوي
222
حامل المسك .. تحياتي الك اولاً , وكلامك صحيح فعلا منتدانا هذا والحمد لله قدر ان يدخل قلوبنا وعقولنا ...الى الامام ومن نجاح الى نجاح ادارةً واعضاء ومتابعين .
أخوكم كوندا
223
الحمد لله انه يوجد عندنا اعضاء في منتدانا هذا قدروا ان يكشفوا الجريمة ويصرحوا علانية من هو القاتل بعد يوم او يومين من الجريمة ... وأنا متأكد انه احد الاعضاء في وقتها نزل موضوع عن هذه الحادثة وكشف ملابسات الحادث وأشار علانية ان القاتل هو زوج الضحية ... حتى عندما كان القاتل (الزوج) حراً طليقاً ينعم بالحرية امام أعين شرطة كاليفورنيا واجهزتها الامنية ....
........ اعتقد انه في وقتها تم مسح الموضوع بسبب بعض التجاوزات والمشاكل التي رافقته , تحياتي الى صاحب الموضوع الذي نسيت من يكون وهو بحق يستحق لقب (شرلوك هولمز المنتدى )
والى الامام يامنتدى عنكاوا ...تحياتي للجميع
أخوكم كوندا العنكاوي
224
الف مبروك ابو ستيفن ...
225
مبروك عمو اوباما ...ان شالله خير علينا وعليكم
226
الف مبروك للجميع ,, مع اني بصراحة صوتت ل Ray
يالله ماكو فرق الكل متألقين ومبدعين ....... ,وفعلا اثريتونا واثريتوا المنتدى باقلامكم الذهبية .
تحياتي للجميع
أخوكم kunda
227
راح اتكلم عن سان دياكو \كاليفورنيا
الكاش راح تستلم 762 $ والفود ستام 623 $
والمساعدات تستمر لااربعة سنوات وليس خمس سنوات كما ذكر البعض سهوا او خطاٍ يعني 48 شهر عدا ونقدا وراح تكون مجبور ان تقوم بالنشاط المطلوب منك مثلا حضور مدرسة لغة او العمل التطوعي (دون مقابل) او حضور دورات اخرى وكل هذه النشاطات بدون مقابل عدا انه سوف تستلم 72 دولار اضافية للتنقل ... بعد انتهاء الاربع سنوات طيعا راح تبقى تستلم مساعدات ايضا لكن هذه المرة اقل لانه راح تنقطع مساعدات الاب والام وفقط تبقى مساعدات الاطفال. واللي هي تقريبا نص المبلغ المذكور اعلاه.
.................
بالنسبة للسكن يقال ان سان دياكو غالية جدا مقارنة باماكن اخرى ,,غرفة واحدة 800-900 غرفتين 950- 1200 وهذا الكلام عن المناطق العادية الرخيصة وليس الراقية .
...........................
بالنسبة للعمل يتوفر لكن بصعوبة نوعا ما واغلب الاعمال يدوية مثل التنظيف وغسل الصحون وفي محلات البيتزا وكذلك بعض الاسواق والبانزيخانات (لكن الاسواق خطيرة جدا بسبب تعرضها لااعمال السطو المسلح باستمرار خصوصا الشفت المسائي)
....................
ملاحظة مهمه : في حالة العمل لااكثر من 20 ساعة اسوعيا فان المساعدات تقطع بنسبة كبيرة وهذا امر غير مرغوب به لان الوارد المستحصل من العمل (المتعب ) لن يكون اكثر من الوارد المستحصل من المساعدات (المريحة) بنسبة كبيرة
اي سؤال او اي نقطة غير مفهومة انا حاضر للاجابة .
228
بعيد عن كل ماحمله الموضوع من تجاذبات ................. الخلاصة ...
أنا لاأكره فلان لانه (أسود) ولا احب او افضل فلان لانه (أبيض) بل أكره تصرفات فلان اذا كانت سيئة وأحب وأقدر تصرفات فلان اذا كانت جيدة .
.................................
229
يااخي الميني فان متوفرة ورخيصة مو مال تشتريها بالاقساط ثانيا لاتنسى انه الشراء بالاقساط او شراء سيارة جديدة راح يسببلك مشاكل ولغاوي مع الولفر انت في غنى عنها او مع اي برنامج مساعدات وبما انه انت جاي جديد فاكيد يهمك جدا ان تبقى علاقتك نظيفة في هذه البرامج . بس نصيحة اكثر شي انت اهتم بالمايلج (يعني عدد المايلات التي قطعتها السيارة ) قبل ان تهتم بالموديل .لانه مثل ماتعرف انه في امريكا الموديل ليس باهمية المايلج . ابحث اونلاين وابدا بالمناطق القريبة من سكنك اولا .وانصحك اكيد بالموقع الاكثر شعبية في مجال السيارات ...كرايكسلست هذا ادناه انت ماعليك غير اخيتار منطقتك . وتحياتي http://www.craigslist.org/about/sites
231
هناك ميزه واحده فقط للكردت هو شراء البيت بالتقسيط عن طريق البنك اما باقي الاستعمالات فهي ليست في مصلحه صاحب الكردت واهمها تراكم الديون بدون ما يشعر
+1
232
hاخوية بما انه الكل اتفق على انه امريكا مابيها كشخة بالسيارة (بالمفهوم العراقي) اذن اخذلك اي سيارة على كد فلوسك بس تكون اقتصادية بالبنزين وقوية بنفس الوقت لانه التصليح هنا نهيييييييييبة وعوفك من شغلات الكردت والاقساط والديون هالسوالف متفيد .اخذلك شي رخيص ترة السيارات بامريكا اغلبها في حالة جيدة لانه الشوارع هنا نظيفة والادوات الاحتياطية اصلية .فلاتخاف
233
عيد مبارك على الجميع ,,, ويارب بالخير واليمن والبركات
234
مرحبا .. تحية لصاحب الموضوع (دائما مواضيعك مثيرة للاهتمام اخي العزيز)
عيوني انتو راح اتكلم عن تجربة شخصية .. بصراحة اللي شفتة انه اغلب العراقيين هم اقل الناس والجاليات في امريكا عنصرية (صدق او لاتصدق) خصوصا من ناحية العنصرية المتعلقة بلون البشرة ... هاي هم نقطة عالسطر .
..............
لكن عندما في نفس الوقت عندما تلاقي اي عراقي مثلا يبحث عن شقة للايجار وتقول له ان هناك شقة مناسبة في الشارع الفلاني فيسارع الى القول ( لو ابلاش مااسكن بيها ) ..ليش ؟؟ لانه المنطقة كلها سود ...
ارجع واكرر ان هذه ليست عنصرية ابدا وان كانت تبدو كذلك للوهلة الاولى ... لكنها وكما وضح الاخ الحاضر الغائب العزيز ((مغترب بلا وطن)) في رده السابق .عن الجريمة والانحلال والانحطاط الخلقي والخطورة والمخدرات والاتجار بها ووووو ...الخ
............
أخي العزيز برأئيي ان المواطن الامريكي الاسود ال African American يولد وينشأ ومعه عقدة النقص وشيئا فشيئا تتولد لديه دوافع الحقد والكراهية والرغبة في الانتقام ومشاكل نفسية وامور اخرى لانريد التطرق اليها لانها تحتاج الى جلسات ونقاشات واشياء اكثر توسعا من موضوعنا هذا .
.................
وهنا اود ان اعرج على امر خطير اخر في الموضوع وهو كلمة (مخدرات) بالنسبة لتعاطي المخدرات فاستطيع القول انه على الاقل 85 الى 90 % من الشعب الامريكي او المقيمين في امريكا على الاقل تناولوا المخدرات مرة واحدة في حياتهم (طبعا هذه ليست نسبة معلنة ولكن عندما تصل امريكا سوف تنصدم بهذه الحقيقة المرة ) بحسب مصارد غير رسمية طبعا . المجتمع الاسود طبعا تزيد عنده هذه الارقام قليلا .
...........
خلاصة القول ان المجتمع الاسود في غالبيته مجتمع خطير ومنحط ويفتقر الى الكثير من مقومات الحياة الكريمة وايضا مقومات الانسان المدني المثقف والمتحضر الجميع في امريكا يتجنب الاختلاط معه . اما نسبة المتعلمين والمثقفين والمتحضرين في هذا المجتمع فهي نسبة ضئيلة جدا جدا تتلخص في الاغنياء والمشاهير الذين بمجرد حصولهم على المال او الشهرة يحاولون الابتعاد قدر الامكان عن مجتمعهم . هذا الكلام ليست له اي علاقة بالعنصرية وانما هي حقائق ثابتة في المجتمع الامريكي عموما.
235
تاج راسي عندي استفسار رحمه على والديك
اول شي شنو الفرق بين ال LEASE وRENT
صحيح الاول يتملك الك بعد فتره وياريت معبومات اكثر
والشي الثاني صديقي يريد يحولي 5000 دولار مال سيارتي انباعت يصير يحولهة على حساب زوجتي واكو بي مشكله لولا
حبي اذا تاخذون اي نوع من المساعدات من الدولة فمن الافضل ان مايبعثها بالطرق الرسمية المتعمدة ..يااما يدزها بايد شخص او عن طريق المكاتب العراقية الغير رسمية .لانه من الممكن ان تؤثر على استلامك للمساعدات .(هذا رأئيي والباقي بكيفك)
236
مرحبا .. اخي العزيز صاحب الموضوع بدايةُ تقبل تحياتي ... تحياتي ايضا لكل الاخوة المشاركين .. بالنسبة لموضوع الكردت فانه (وكما يعلم الاخوة القدماء) فقد تم تناوله ومناقشته كثيرا ضمن اروقة هذا المنتدى وطبعا اختلفت التحليلات والاراء والمسميات , بالنسبة لي شخصيا اتفق معك من حيث المبدأ انه المفروض ان لا ننساق وراء ألية رفع نقاط الكرت باي ثمن خصوصا عن طريق عمليات الشراء والتسديد بالآجل لما تترتب على هذه الالية من مشاكل والتزامات وعواقب في حالة عدم الايفاء . لذا فانه من الضروري جدا تطبيق مثل (مد رجليك على كًد لحافك) خصوصا في الفترة الاولى على الاقل الخمس سنوات الاولى. .................... اخواني الاعزاء هل تعلمون بأنه بعض اخواننا العراقيين يترددون على العوائل القادمة حديثا ويطرحون عليهم فكرة شراء اثاث المنزل والحاجيات الضرورية عن طريق الكردت وهم طبعا ياخذون المبلغ نقدا من تلك العائلة ويشترون السلعة المعنية باسمهم عن طريق الدفع بالتقسيط (لغرض رفع السكور)!!!! وهي عملية ناجحة بالنهاية . ................ نقطة الاختلاف الوحيدة التي قد تكون بيني وبينك عزيز صاحب الموضوع هي بالنسبة (لشراء المنزل) خصوصا في الولايات التي لاتقطع المساعدات مثل مشيكًان في حالة شراءك بيت وتكون ايراداتك على قد صرفياتك تقريبا. وطبعا الامر للأسف يختلف في كاليفورنيا ,اذ أنه لايسمح لك نهائيا بالحصول على اي نوع من انواع المساعدات في حال تجاوزت قيمة ممتلكاتك ال4650 دولار امريكي فقط .... وهذه هي احدى اسباب نزوح بعض العوائل من كاليفورنيا الى ديترويت. في هذه الحالة سيكون بأمكان العائلة الفقيرة التي (كما تفضل الاخ aljaderi11 بالشرح مشكورا ) سيكون بامكانها التمتع وامتلاك بيت ملك على غرار المالكين في العراق بعد ان يكون لهم فقط دخل ثابت وتاريخ جيد في الالتزام المالي يعني كردت قوي ,, الامر الذي لا ولم ولن يكن بامكانهم تحقيقه في العراق ابدا وكذلك الحال بالنسبة للسيارة والاثاث والكومبيوتر ...الخ وفي الاونة الاخيرة كان التوجه في اقليم كردستان لتطبيق مثل هذه التجارب او الخدع الراسمالية لكن بما ان الطرفين راضين ومتراضين فما المانع ؟؟!! ............. وفي النهاية يبقى موضوع الكردت سلاح ذو حدين ممكن ان ينقلب ضدك في اية لحظة وهو ايضا قابل للتأويل والشرح وللاجتهاد ويتحمل مختلف الاراء وكما ذكرت فانا ولحد الان وبعد اكثر من 6 أشهر في امريكا لم افتح حساب في اي بنك ولااعتقد انني سأفعل ذلك في المستقبل القريب طالما انني رافض لفكرة الكردت اصلا ولااحتاج اليها على الاقل حاليا واتجنب الوقوع في الفخ قدر الامكان حتى ان بعض الامريكان يتفقون معي ومعك كثيرا من حيث المبدأ على الاقل.
237
مشكور ابو عمار ...عاشت الايادي
238
ان شالله يكمل النص الثاني قريبا
بس سؤالي الكيس بأسمك لو بأسم الزوجة؟؟؟؟
239
شكرا اخونا العزيز ياسر
بس ياريت لو احد جماعة سان دياكًو يفهمنا اذا مسوي هيج اشتراك وشلون ؟؟
240
تحية الى الاخ ساحر بغداد
تحية الى كل الحاضرين
عمي انا وياكم خوش فكرة
سلامي الى جميع
عزيز ..
الاخوان كوندا و الاخ ساحر بغداد الله سهللهم و الان همه باميركا
لكن لابأس من دراسة اقتراحات الاخوان و العمل بيه
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> اي نعم اخوية ابو شمس .. الله فرجها علينا اني والزميل ساحر بغداد ون شالله تكون قد فرجت على اخونا الغالي tamata والحياة فرص وشنايزر وايهم وياروحي وهارت اوف بغداد وايكل ايز وطائر البرق والاخ بيمر وجميع الاخوة الطيبين اللي نعرف اخبارهم واللي مانعرفها اتمنى ان تكون قد فرجت عليهم ايضا ... صحيح في وقتها سوينا حركة وحركة قوية جدا جدا وقدرنا من خلال هذا المنبر ان نلفت الانظار الى قضيتنا والحمد لله جنينا الثمار (سواء كانت بمحض الصدفة او بفعل حركتنا) المهم انها صارت سوالف .. والحمد لله حتى في الفترة التي تلت فترتنا فان حركة السفر والحمد لله عادت وبقوة وبكثافة غير مسبوقة في تاريخ الهجرة واللجوء الى امريكا . اتمنى التوفيق لكم جميعا وتحياتي أخوكم KUNDA
242
والله ياخويه ماعدي فكره عن الامتحان بالعربي بس لكيت موضوع للاخ Abo Andrew يمكن يفيدك وكل التوفيق ان شاء الله.
منقول من هذا الموضوع: http://www.ankawa.com/forum/index.php?topic=358913.0
"بصراحة اليوم جنت دا ادور بالايميل مالتي واتذكرت انه اني قبل ما امتحن علمود السياقة جان اكو اسئلة بالعربي وهية نفسهة من امتحنت جتي بالامتحان يعني لا اتغيرت ولا اجة اي سؤال غريب
بصراحة هي كلش مفيدة بس اني مقريتهة وحدهة وامتحنت ولا انصح احد يقراهة وحدهة ويدرخهة ويمتحن لان اني فهمت القوانين كلش زين وحتة قريب الكتاب الانكليزي ورحت امتحنت
واني من هذاك الوكت سويتهة سكان وحطيتهة على الحاسبة على شكل فايل PDF
من اتضغطون الرابط تلكون جوة مكتوب
Save file to your PC: click here
الجزء الاول
http://www.2shared.com/file/8593629/18088bf8/Part_1.html
الجزء الثاني
http://www.2shared.com/file/8593680/9b3bdbd6/Part_2.html
حبي حاولت انزلها ماكًدرت ياريت لو مساعدة ... وشكرا
243
اعتقد حاليا افنتي انسب شي بالنسبة للعراقيين القادمين الجدد (عفوا هذا الكلام عن كاليفورنيا )
وتدفع مايقارب 60 دولار شهريا والتأمين شامل يعني (full cover )
واكو قسم يسووه غير شامل يعني one way واعتقد مايزيد عن ال150 دولار كل ستة اشهر
244
بصراحة اني شخصيا احسد الاطفال على عيشتهم هنا بامريكا واتمنى انه الواحد يرجع به الزمن ويكون وياهم طبعا الاطفال اسرع من الصاروخ في تعلم اللغة كل طفل وكل شخص في عمر المراهقة مايتطل منه الامر اكثر من ستة اشهر اختلاط حتى تشوفة يغرد بالانكًليزي وتحسدة على هذه النعمة . ........................... الحفاظ على اللغة العربية امر مهم ايضا في داخل العائلة على الاقل لانه اللغة العربية تعتبر اللغة السادسة عالميا (حسب علمي) وتنفع كثيرا في رحلة البحث عن عمل في المستقبل .. .................... ايضا الطفل لمن راح تصير لغته الاولى هي الانكليزية راح يتكلم العربي بطريقة مضحكة نوعا ما .
245
احييك على تعبك وعلى تعمقك في الموضوع ودراسته من جميع الجوانب \ لكن يبقى امر مهم ماحسبتة وهو نوع الاعمال (اذا توفرت ) في امريكا الاعمال تختلف جدا ,, يعني انت تعمل في العراق في صيدلية .. في امريكا الامر يختلف لازم تخلي ابالك انه ماراح تشتغل بصيدلية في امريكا ..وخاصة في الولايات ذات الجالية العربية والعراقية الكبيرة خاصة في بداية سنوات مشوارك في امريكا .. الاعمال المتوفرة خاصة للشباب في اعمار العشرينات هي التنظيف \غسل السيارات\البانزيخانات\السوبر ماركت \اعمال الخدمة في المطاعم ....
.............
أمر اخر ماحسبتة وهو المصاريف في العراق تختلف عن المصاريف في امريكا فمثلا في العراق لايوجد شيء اسمه تأمين على السيارة بينما في امريكا عليك دفع مالايقل عن 120 دولار شهريا خاصة اذا كنت اعزب وعمرك في العشرينات .
ايضا في العراق لايوجد شيء اسمه (tax) ... في امريكا عليك دفع التاكس او الضريبة على كل شيء.. وايضا تدفع ضريبة على المبلغ الذي تجنيه من جراء عملك.
....
وأخيرا هناك مسألة مهمة جدا جدا ويجب ان تضعها في بالك وهي انك في العراق عندما تريد الحصول على فرصة عمل فأنك سوف تتنافس مع ابناء بلدك واصدقاءك والذين يتقارب مستواك مع مستواهم من حيث مؤهلات الحصول على الوظيفة .
بينما في امريكا سوف تتنافس مع اهل البلد الاصليين (الامريكان) أو المهاجرين القدماء الذين سبقوك ومن المؤكد انه سيكون هناك فارق كبير بينك وبينهم من حيث مؤهلات الحصول على الوظيفة اهمها (اللغة والشهادة الامريكية والخبرة في داخل امريكا).لذا فأن الحصول على (وظيفة لابأس بها) تعتبر فرصة ضئيلة جدا للمهاجر العراقي .
..............
وشكرا
246
شكرا حبي مشيكًان
سالي صدقيني بهالفلوس تحصلين ارقى سيارة مريحة ونظيفة ومااتعج خاصة شوارع امريكا زبد السيارة اتعمر بيها مو مثل شوارع العراق ...
واذا انتي مخصصة هيج مبلغ فماكو داعي تروحين على سيارات السالفج والمضروبة ابدا ابدا ..... الا اذا كانت سالفج (بدون ضربة ) مثل سيارتي يعني غرامات لو سرقة لو حجز بنك (اكو هيج حالات يطلعوها سالفج ).
اما اذا كان ولابد وعجبتج سيارة سالفج فحاولي ان تكون ضربة خفيفة من ورا صندوق او دعامية او لايت خلفي وتكون مصلحيها تصليح مضبوط ويفضل تبديل القطعة المتضررة .
يعني كفر تاخذين سيارة سالفج مضروبة من الامام وبهيجي سعر (جريمة) .
...............................
247
بصراحة اني بالفترة الاخيرة صرت اتحاشى الخوض في هكذا نقاشات وممداخلات ..لكن الي خلاني اليوم اكتب وبأختصار هو كثرة المواضيع التي تتناول هذا الموضوع ( أمريكا هل تستحق العناء ...أم لا)
وأيضا لفت انتباهي عودة اعضاء قدماء أعزاء للكتابة في هذا المنتدى الرائع الخيمة التي جمعتنا لسنوات ,(تحياتي للعزيز فالكون)
اخواني الاعزاء رأئي الشخصي هو ان امريكا والحياة فيها تعتمد على الشخص نفسه .. المهاجر او اللاجيء الذي سيعيش فيها وهل هو مؤهل للعيش فيها من جميع النواحي ؟؟
وقد تكون الاجابة على هذا السؤال ليست سهلة كما هو متوقع ,, من الممكن جدا ان تتوقع نفسك قادر على العيش والتأقلم والعمل في امريكا لكنك تنصدم باكتشافك العكس هو الصحيح تماما .
اذن للأجابة على هذا السؤال عليك ان تقيم نفسك وقدراتك ومؤهلاتك بمعادلة بسيطة
لغة ضعيفة +ثقافة ضعيفة+معنويات هابطة +عدم القدرة على العمل والعطاء والمطاولة +محاولة العيش (عراقيا) في امريكا=فشل 100%
لغة قوية +ثقافة عالية +طموح وحماس+القدرة على العمل وتحمل الاعباء +التأقلم السريع وفهم الحضارة الجديدة =النجاح بنسبة 100%
هناك ايضا عوامل نجاح وفشل يمكن اضافتها الى المعادلة حسب وضع الشخص ايضا.. مثلا باعتقادي ان العمر يلعب دورا مهما جدا في مسألة النجاح في امريكا ....فمن الصعب ان تتوقع من شخص قد تجاوز العقد الرابع او الخامس من عمره ان نتوقع منه نفس القدرة على العطاء والعمل خاصة وانه قد جاء من بلد يحمل اعباء وتراكمات الحروب ومخلفاتها لسنوات عديدة ..... وللحديث بقية
248
الف مبروك للعزيزة صوت الروح ...
أثبتت بحق انها مكسب كبير لنا جميعا .
ومن تقدم الى تقدم ومن نجاح الى نجاح
تحياتي (اخوكم كوندا العنكاوي)
249
مرحبا سالي
اول شي مبروك على نجاحج باختبار السياقة ...
ثانيا اشو انتي من هسه ضجتي من شغلة البحث عن سيارة ؟!! تعرفين اني بقيت بدون سيارة اكثر من خمسة اشهر وهذا الاسبوع يالله اشتريت بعد معاناة وتعب كبير مع مواقع البحث اونلاين .... وطبعا اهم هذه المواقع هي كراكسلست .واللي انصحج به وبقوة
ثم اشو انتي اتدورين سيارات غالية نوعا ما ؟! اني اقول ممكن ب اقل من هذه المبالغ ان تلكَين سيارات مناسبة ولحد ال 3500 الى 4000 دولار.اني برأيئي بامريكا مومال واحد يصرف اكثر من هيج مبلغ على سيارة كلش كلش بالزايد 5000$ ..بتقديري كافي وزايد.
وشغلة ثانية حبيت اسألج عنها وهي انه انتي اذا كان عندج اجازة عراقية وتسوقين من جنتي بالعراق ليش ماقدمتي مباشرة على الاختبار العملي وخلصتي حتى تاخذين الاجازة الامريكية .؟
250
مرحبا ,
هذه الفكرة طرحتها قبل سنتين او ثلاثة وكانت فكرتي ان ننشيء غرفة جات على البالتوك
252
والله يااخوان .. بعد هي هاي امريكا وهذا الموجود ... اسمحولي بجملة ( شعبية ) نسمعها هواية بالعراق لما نتذمر من شيء وهي يعجبك اهلا وسهلا , مايعجبك .... هم اهلا وسهلا............ امريكا لادزت علينا ولا توسلت بينا وصحيح هي ليست الجنة الموعودة ((هذا الموجود اخي)) احنا اللي كتلنا روحنا علمود نوصلها .................. اذا ماتقدر تعيش بيها.. اتركها وسافر الله وياك امريكا مامجبورة لابيا ولابيك ولابظروف بلدي ولابلدك ,,,,,,,,,,,,,,,, وبدل ان تلعن امريكا (عوفها) المشكلة من نحجي هيج حجي كًبل المقابل يتعصب ويكًولك وانت شعليك وشمدريك بظروفي وشلون ارجع ووين ارجع وقابل امريكا مال الخلفك وليش اتدافع عنها وانت اكيد جايب وياك دفاتر وميهمك الخ من عبارات التذمر . ................................... بس اني ابقى على فكرتي وباصرار اذا متعجبك امريكا يااخي عوفها وروح ..
254
نعم اخي تسافر من اربيل عادي جدا .. ومثل ماذكرت الملاك الحائر عني .. نعم اني ايضا رحت الى اربيل وبقيت فيها ومالها علاقة سواء كنت iom \siv المهم همة يسألوك شنو اقر مطار عليك يعني منين تريد تسافر حتى لو انت مثلا من اهل دهوك وحبيت تسافر من البصرة مالهم علاقة حسب ماانت يريحك (طبعا بشرط يكون عدهم اكانية لتسفيرك من المطار اللي تختارة ) .
في وقتها اني اختاريت ان اسافر من اربيل وفعلا استجابوا لرغيتي لكن حاولت ام يكون الترانزيت على تركيا وليس الاردن لكن همه رفضوا . وفعلا سافرت من اربيل الى امريكا مرورا بالاردن .
.............
والقصة مالها علاقة بالسفر من اربيل , وماتؤثر خاصة بعد ماتكون اخذت الاوكي
تحياتي
255
لقيت نظره سريعه لان الامتحان 65 سؤال و بي وقت 40 دقيقه
احد الاسئله
اذا اثنين من الموظفين الوياك ديتعاركون انت شنو رح تسوي ومنطيك خيارات :
1- انت تحاول تحل المشكله
2- تخبر المنجر
3- تعوفهم يتعاركون
4- ترزلهم يمكن هههههه
هيج شي
بس اذا رسبت مينظرون للابلكيشن مالتك الا بعد مرور 60 يوم تقدم من جديد
حقيقةً سؤال حيرني ... بالله شنو افضل جواب رقم 2 يمكن؟؟؟؟
256
قدمت عل ولمارت وصلت للامتحان وطلعت
شكد دورت عله الاجوبه بالنت ملكيتها
كولها امتحانات هنا 
الاسئلة مثل شنو سالي؟؟؟
257
مبروك لنا جميعا هذا الانجاز ...
بس ماعرفنا منو من اعضاء منتدانا يصير والد هذا المبدع ..؟؟؟!!!
.........
ابو دجلة منور (دزيتلك على الخاص )
261
مبروك وحمد لله على سلامة وصولكم وأخيييييييييرا
اتمنالك النجاح والموفقية في حياتك الجديدة عزيزي ساحر بغداد
262
شكرا اخي على الموضوع اللطيف وتسمحلي ببعض الاضافات والتعقيبات .. مسألة العرق مسألة مهمة في امريكا طبعا ليس لاامور طائفية او للتفرقة العنصرية ( ابدا) وانما لاامور احصائية او ماشابه .وبالنسبة للعايشين في امريكا اصبحت مالوفة لديهم حيث انك عندما تملاء استمارة المستشفى او استمارة التقديم على عمل سوف تجد دائما هذا السؤال ((الى اي عرق تنتمي ومنطيك خيارات ,لكن يكتبلك بجانب السؤال الاجابة على هذا السؤال اختيارية optional يعني لست ملزما )) . غالبا مايخطأ بعض اخواننا العراقيين ويكتبون Asian يعني اسيوي وهذا خطأ شائع لاننا نحن العراقيين بجميع طوائفنا والعرب ايضا والاتراك والايرانيين محسوبين على العرق White يعني ابيض وليس اسيوي . اما اختيار Asian فهو للكوريين والصينيين واليابانيين والفيتناميين.لذا لن تجد في الاحصائات كلمة عربي او عراقي لانها تضاف الى العرق الابيض. بالنسبة للعرق (اسباني) او مايسمى باللغة الانكليزية Hispanic هذا لايقصد به فقط اهل مملكة اسبانيا وانما كل شخص ينحدر من اصول لاتينية امريكا اللاتينية او الجزر المحيطة بها ويتكلم باللغة الاسبانية او البرتغالية (مثل البرازيليين) او المكسيكان او اهل تشيلي او بيرو او باركًواري او الارجنتين او حتى اسبانيا نفسها . هذولة يسموهم هسبانك يتدينون بالديانية المسيحية الكاثوليكية وتعود اصولهم الى شبه الجزيرة الايبيرية مثل ميسي وماردونا وكرستيانو رونالدو وانطونيو بانديراس وجنيفر لوبيز .هؤلاء في امريكا يسمونهم hispanic هنا في امريكا اهتمام كبير بمسألة تنويع الاعراق فمثلا في اي دائرة حكومية ذات تمويل فيدرالي عليها نوع من المحاسبة اذا كانت المدينة المعنية ذات تنوع يعني لايمكن ان تجد جميع الموظفين من العرق الابيض او الاسود او الهسبانك .يعني ضد الاحتكار. بالنسبة لكلمة عروق اخرى فيقصد بها العروق المختلطة مثلا ان يكون من اب ابيض وام هسبانيك او افركان امريكان (سود) الابن يكون عرق مختلط . هذا الموقع مفيد جدا لكل من يحاول الحصول على معلومات كافية ووافية حول اي مدينة امريكية الخرائط ,النمو السكاني نسبة الولادات نسبة الاناث والذكور نسبة المتزوجين والاطفال ,معدل الدخل للفرد ومقارنته بالولاية,انحدار اصول الاجداد,التحصيل الدراسي,الاعمال المتوفرة الطقس التاريخ كل شيء تريده عن المدينة ....وهذا الموقع http://www.city-data.com/شكرا لصاحب الموضوع وتحياتي للجميع أخوكم كوندا العنكاوي .
263
اخي روح للجوازات وصلح ... طبعا يكتبولك التصحيح باللغتين العربي والانكليزي في صفحة الملاحظات واذا عندك واسطة كلش قوية راح يتلفون الجواز ويصرفولك نسخة جديدة
صارت كًدامي ويا شخص جانوا غلطانين باسمة بشكل فظيع بالعربي وبالانكليزي غلطانين وصرفولة نسخة جديدة.
265
مشتاقين عمي ايكو9 والله هالاغنية حلوة والمطرب هذا اول مرة اشوفة ,يمكن لان اني مبتعد عن الساحة الفنية من زمااان . بس ذواق عاشت ايدك ,, الله يسهلها عليك وان شالله تفرج ونشوفك سعيد ومرتاح وواصل الى المكان اللي تريدة وتستقر . أخوك كوندا
266
الامتحان نفسيته موجود اونلاين تجربيه فد خمس او ست او عشر مرات وكانه انته ممتحن وتطلعلك النتائج والاخطاء وبعدين من تشوفين نفسج مسيطره روحي امتحني راسا وان شاء الله راح اخلي الرابط مال موقع الامتحان
http://driversprep.com/index.php
اني شخصيا استخدمت هاي الطريقة وان شاء الله تكون ناجحه
عاشت الايادي اخونا او اختنا ... الاسم بفد مرة مبهم بالنسبة الي ,,,لكن على مااعتقد انه الDMV حاليا وقف هذا الويبسايت مااعرف ليش .!
267
ابو سمسوم انت بالضبط بأي منطقة اقدر اسويلك بحث عليها واتأكدلك من وجود اقرب مسجد لمنطقتك ...
اني راح اتكلم عن سان دياكَو والي لمستة بيها...
بالنسبة لشغلات التكتل والطائفية هاي تبقى كلمن وذاتة طبعا ,بس اولا وأخيرا تخلي ابالك انه هذا البلد يحكمة القانون وفعلا المقولة اللي كنا نسمعها منذ الصغر التي تقول (( الدين لله والوطن للجميع)) هنا تطبق بحذافيرها .
بصراحة اني شخصيا فادوني الجماعة الي يلتقون بالمسجد بسان دياكًو في مسألة ختان ابني والاخ عباس مشكورا بالتحديد , مع العلم اتعرفت عليه في مركز ثقافي مسيحي يعني الجماعة هنا عقلتيهم متفتحة بس خلي ابالك انه همه قدماء كلش هنا يعني 15 سنة وفوق.
268
اي فعلا صار فترة اعداد بوتان بازدياد والعراق بانخفاض
269
اخوان سلام عليكم احد الاعضاء ذكر انه اقليات يكدرون يقدمون من عراق هل هاذا الخبر صحيح ؟
لا أخي هذا الخبر غير صحيح .. للأسف ياريت يكون صحيح ... التقديم يكون حصرا من دول الجوار الاقليمي الي بيها مكاتب للمفوضية السامية لشؤون اللاجئين ومو بس للاقليات وانما لكل انسان متعرض الى الاضطهاد والتهديد في بلدة الاصلي موشرط يكون اقليات لكن الاقليات في الفترة الحالية الها نصيب اكبر في القبول نظرا لما تتعرض له من مشاكل وتهديدات عامة . ................. التقديم من العراق ساحة النسور كما ذكر الاخ هذا ايضا مخصص للافراد الذين عملوا مع الجهات الامريكية وتوابعها بصورة مباشرة وعوائلهم المباشرة مشمولة ايضا .وعر برنامجي siv و iom فقط. .........................
270
الذي اعرفه انه القرعة انلغت ... انت على اي قرعة تتكلم وعن أي سنة ؟؟؟ وكيف ربحت وكيف قدمت وهل استلمت الفيزا من السفارة الامريكية في الجزائر ؟
وهل بامكانك مشكورا ان ترفق لنا ايميل القبول ومن اي جهة صدر .... ارجو المعذرة هذا ليس تشكيكا لكنه تحذير لك لان هناك الملايين من عمليات النصب والاحتيال تجرى باسم قرعة الهجرة .تحياتي.
271
أكو حالات العن والعن بكثير ... وقسم منها انتشر في العراق بالفترة الاخيرة .. اخر درجة من درجات السفالة والابتزاز وبطريقة عمرها ماتخطر ابال احد وشنو هي ....
شايفين دوائر الدولة المهمة اللي تشلع القلب الدوائر المهمة جدا للمواطن مثل التسجيل العقاري والضريبة والعقود وغيرهن من الدوائر اللي يكون عندك بيها معاملة جدا مهمة وشلعت قلبك اقل شي فد شهر وانت تركض بالمعاملة هنا وهنا وفلان توقيع وفلان لجنةوعد ما تكون خسرت الكثير من الرشاوي والوقت والتعب ... تجيك بنت محترمة جدا او مرة عجوز او او يعني فد شي بحيث مستحيل تشك بيه وايضا بيدة فايل مليان اوراق وعلى اساس انه هو او هي ايضا عدها معاملة ومشلوع قلبها وتعبانة وعركًانة وتبدي تفتح حوار عادي وياك ... طبعا حالة حال اي حوار عراقي عام وفي مكان عام يبدأ بعبارات التذمر من الحر والكهرباء وتعب الدوائر ويستمر الحديث بكل اريحية ولطافة وابتسامات ...
بعد قليل تكتشف ان فايلك او جزء مهم منه ((قد تبخر واصبح في البياي)) وهذا طبعا بعد رحيل الشخص الذي كان يدردش معاك .. .. لهم اسلوبهم في سرقة المعاملة بطريقة او بأخرى يا اما بهوسة التدافع والتزاحم يااما بأشغال الضحية .
...........
بعد ان تذهب الى البيت يائسا من كل محاولات البحث عن المعاملة المفقودة وربما بعد ايام او ساعات يأتيك التلفون المهم للمساومة((اوراقك في الحفظ والصون ادفع كذا مبلغ او نحرقها ))
وقد اخبرني احد الموظفين بأن هذه العمليات اصبحت تلقى رواجا وهي اكثر ربحا من خطف الاطفال واقل مشاكل وضرر. بل ان بعض الموظفين لهم علاقات مع هذه العصابات ويرشدونهم الى بعض الضحايا الاغنياء والدفاعة والتي تكون معاملتهم في المراحل الاخيرة ومهمة جدا.
272
الى جماعة سان دياكو ...
اليوم وصلتني مواقع مهمة فاتحين يها التقديم ..
وايضا وصلتني رسالة عبر الهاتف من ال pcg بافتتاح فرع جديد للولمارت ومحتاجين موظفين
ان شاللة قريبا انشرها .بس خلي اتأكد منها اولا
273
فعلا مطلوب تفاصيل اكثر
274
مرحبا
1-اذا زوجتك siv وبشرط ان تكون هي صاحبة الكيس الرئيسي فيحقلك تسحبها عبر الiom من العراق او دول الجوار لكن اذا كنت انت صاحب الكيس الرئيسي وزوجتك مرافقة مالتك اذن مايحقلك ... تاخذلها بين سنة الى 3 سنوات
2-ايضا تقدر تروح الى اي دولة مجاورة تركيا او الاردن او الجوار الاقليمي لبنان او مصر طبعا (سوريا ماكو بعد متفيدك ) ... وتروح تقدم هناك على المفوضية السامية لشوؤن اللاجئين unhcr او مانسميه بالمفهوم العراقي (تقدم على الامم ) وتقدر تربط قصتك اذا انت iom او siv ويا قصتها اللي راح تقدمها الهم العملية هذه غير محددة بسقف زمني بين 8 أشهر الى 3 سنوات هي وحظها
3- تقدر تقدملها من العراق على فيزة زيارة عادية بس تخلي علمك انه اذا تريدها تبقى بامريكا فالعملية مو سهلة ينرادلها تكسر اقامتها المحددة وبعدها تقدم على حق اللجوء وتوكل محامي لكن خلال فترة الزيارة وفترة التقديم على اللجوء من داخل امريكا تحط ابالك انه حماتك مايحقلها اي شي من الدولة كحقوق مثل العلاج او التطبيب او راتب تقاعدي (احنا نسميه هيج هو مساعدة لكبار السن والمرضى) ولايحقلها ايضا ود ستامب .
الحصول على الفيزا ياخذ بين ابوعين الى 45 يوم فقط ... والتقديم على اللجوء (اذا انقبلت ) سنة الى 3 سنوات هي وحظها ايضا .
275
من تنجحين بخير وسلامة بالامتحان النظري عندي الج خوش دروس للامتحان العملي وهي عبارة عن فيديوات يوتيوب تبدأ من الدرس رقم واحد والى 16 درس وكلش مفيدة حتى لو كان الواحد سائق متمرس وصارلة سنوات يسوق تفيدة هواية ...وهذا رابط الدرس الاول وانتي اتبعي الدروس اباقية من الشاشة http://www.youtube.com/watch?v=Qw4-0GfcFYA&feature=related
276
شلوووونكم
بالنسبه لامتحان الرتن للاجازه
داقره الدرايفر هااند بوووك
60 صفحه وتعبت
اني طلعت اجازه عراقيه قبل ماسافر يعني امتحاني 25 سؤال و اوبن بووك
بس اني بالقوانين والسياقه مو كلش
فشلون لازم احفظه كوله ؟
لو اكدر اقرا واطلع عليه حتى اعرف جواب اي سؤال يجي .. انجح هيج لو لا ؟
سالي الهاند بوك راح يدوخج اكثر ,,, انتي روحي كًبل على نماذج الاسئلة والاجوبة افضل ثم انتو بولايتكم ماكو نسخة امتحان بالعربي؟؟؟؟؟؟؟؟
277
اخي الكريم kunda جبتلك موقع مال سيارات اني مشتري من عنده وان شاء الله يفيدك اما بخصوص الموضوع الي كتلك عليه الى الان محصلت اي معلومات جديده
AUTOTRADER
مشكور حبي مشيكن راح ادورة الكوكل
278
مقتبس من werewolf
واني حجيت على الاجانب مو على شعب العراقي المسكين
.............................................
يعني حتى اذا كنت على خطأ لازم نؤيدك لانه التحجي عليهم (أجانب) ثم الى متى احنا العراقيين نخلص من عقدة كره الاجنبي ؟! ياأخي ليش مو هالاجانب انتشلوك من الضياع انت وعائلتك مو هالاجانب فتحولك بيتهم وانطوك اقامة وبعد كم سنة تصير واحد منهم وتاخذ جنسيتهم هالاجانب ساعدوك , وانطوك قبول ولجوء واقامة وسكنوك بالدولة رقم واحد بالعالم بعد انت جنت تعاني ماتعانيه من كنت في دول الجوار او في العراق هالاجانب اللي عدهم رحمة وانسانية اكثر من اي شعب عربي هالاجانب راح يدخلوك تتعلم في مدارسهم واطفالك (من يصيرلك اطفال) يتعالجون في مستشفياتهم مجانا .. هالاجانب وفرولك الامن والامان بعد ان كنت عايش برعب وخوف . هالاجانب راح يعلموك انت تحترم جميع البشر وماتتكلم على اي فئة وما تفرق وتميز بين ابيض واسود مسلم ومسيحي يهودي وعربي وهندي وبنكلاديشي.
والسبب انه من كنا اطفال صغار بالمدارس بالدول العربية حكوماتنا علمتنا على معاداة وكراهية بل وحتى تكفير الاجنبي .
وأخر شي اكًولك اخي العزيز اني اتكلمت بعصبية وبدم حار لاني ادافع عن الحق وعن هالاجانب اللي تريد تحجي عليهم اصحاب الفضل عليك وعليً وعلى كل عراقي بامريكا . واخيرا الاجانب مااجوي دكًو الباب علينا وكًالونا تعالوا يمنا ... احنا رحنا وطلبنا مساعدتهم..
تحياتي الك وين ماتكون وان شالله الايام والسنوات راح تثبتلك صحة كلامي طبعا مو بيوم وليلة راح تتغير النظرة اكيد تحتاج وقت .
وشكرا
.................................. السلام عليكم .. اولا اني ذكرت دول الجوار والعراق ايضاً .. واني كًدامك ايضا اجيت من العراق بفيزا siv . ثانيا تهجمك على اخوانك العراقيين العايشين في دول الجوار غير مقبول ابدا (وبصفتي اداري) راح امسح جميع الكلام المسيء اللي بدر منك او من الاخ codename-v واكيد النقاش بهكذ اسلوب هو بعيد جدا عن روح التحضر وغير مسموح به في المنتدى. ثالثا أرجو ان تغير نظرتك ومفاهيمك حول العراقيين في دول الجوار اولا ليسوا شحاتين وحتى لو كان البعض من اهلنا يعيش في ضائقة مادية فالفقر ليس عيبا .. ايضا ليس جميع من في سوريا والاردن ولبنان متهمين بالعمالة او محسوبين على ماسميته بنظام هدام وفروا من العراق بسبب خوفهم من الشعب والامريكان فهذا كلام مغلووووووط مليار بالمية .يعني كل موظف او مدير دائرة او ضابط او مدرس اصبح صدامي ؟ ملايين من العراقيين لجئوا الى الخارج وفي فترة من الزمن انا كنت واحدا منهم يعني هذولة كلهم معادين للشعب العراقي ؟؟!! رابعا الممارسات اللاخلاقية التي يمارسها بعض العراقيين , يااخي والله عيب هذا الكلام , ومع ذلك اكولك في كل ملة وشعب وفئة هناك الصالح والطالح .ارجو عدم توجيه اصابع الاتهام وعدم التخوين .
279
مقتبس من werewolf
واني حجيت على الاجانب مو على شعب العراقي المسكين
.............................................
يعني حتى اذا كنت على خطأ لازم نؤيدك لانه التحجي عليهم (أجانب) ثم الى متى احنا العراقيين نخلص من عقدة كره الاجنبي ؟! ياأخي ليش مو هالاجانب انتشلوك من الضياع انت وعائلتك مو هالاجانب فتحولك بيتهم وانطوك اقامة وبعد كم سنة تصير واحد منهم وتاخذ جنسيتهم هالاجانب ساعدوك , وانطوك قبول ولجوء واقامة وسكنوك بالدولة رقم واحد بالعالم بعد انت جنت تعاني ماتعانيه من كنت في دول الجوار او في العراق هالاجانب اللي عدهم رحمة وانسانية اكثر من اي شعب عربي هالاجانب راح يدخلوك تتعلم في مدارسهم واطفالك (من يصيرلك اطفال) يتعالجون في مستشفياتهم مجانا .. هالاجانب وفرولك الامن والامان بعد ان كنت عايش برعب وخوف . هالاجانب راح يعلموك انت تحترم جميع البشر وماتتكلم على اي فئة وما تفرق وتميز بين ابيض واسود مسلم ومسيحي يهودي وعربي وهندي وبنكلاديشي.
والسبب انه من كنا اطفال صغار بالمدارس بالدول العربية حكوماتنا علمتنا على معاداة وكراهية بل وحتى تكفير الاجنبي .
وأخر شي اكًولك اخي العزيز اني اتكلمت بعصبية وبدم حار لاني ادافع عن الحق وعن هالاجانب اللي تريد تحجي عليهم اصحاب الفضل عليك وعليً وعلى كل عراقي بامريكا . واخيرا الاجانب مااجوي دكًو الباب علينا وكًالونا تعالوا يمنا ... احنا رحنا وطلبنا مساعدتهم..
تحياتي الك وين ماتكون وان شالله الايام والسنوات راح تثبتلك صحة كلامي طبعا مو بيوم وليلة راح تتغير النظرة اكيد تحتاج وقت .
وشكرا
281
اخي هذا الموقع للسيارات بالمزاد فقط والي يحقلة يزايد هو فقط الديلر اللي عندة هوية معتمدة ويكون هو هذا شغلة تجارة السيارات . يعني عندة هوية ورخصة مال ديلر الشخص المستهلك العادي مايحقلة . وانما يقدر يشتريها من الديلر . الموقع الافضل برائيي لشراء السيارات في امريكا هو كريك:لسلست وتستطيع ان تشتري من المالك مباشرة بان تضغط على اختيار (owner)وتشوف الناس العاديين اللي عارضين سياراتهم لليع وتتواعد وياهم في اي مكان عام وتشوف السيارة وتتفق. مثل مايسون الاكثرية وهذا هو الموقع http://www.craigslist.org/about/sites
282
هو صح تمويل للارهاب ..ماكًلنا شي بس انت مامولت الارهاب بأرادتك ,كنت مجبر على ذلك , واعتقد همه لابد ماياخذون ذلك بنظر الاعتبار اني برأئيي تفاصيل القصة غير مهمة جدا(طالما مابيها اخطاء قاتلة ) مثلا يسألك شوكت انخطف اخوك انت تجاوب بشهر السابع السنة الفاتت ورا شوية يسألك من انخطف اخوك جان شتا لو صيف ؟؟ وانت تجاوب على الفور لالا جان مطر وبرد زمهرير وأخوية جان لابس قمصلة سودة (همه ترة عدهم هيج اسلوب وهيج اسئلة مراوغة وصارت وياصاحبي ) هذا يعتبر من الاخطاء القاتلة .بس مال واحد يدفع فدية لالالالا مااعتقد فد شي مهم لعد شنو قابل يتخلى عن اخوه او ابنه؟؟؟؟؟ ............ انت اهتم اكثر بموضوع الامنية .... هو المهم البقية انساها والله كريم ان شالله خير
283
مشكور عزيزي (ولو الموضوع راح ينقل)
عيوني حاليا التوجه في امريكا هذه الايام خاصة مع الارتفاع الجديد في اسعار البنزين الى السيارت ذات المحركات الصغيرة وخاصة للناس الي مايحتاجون قطع مسافات طويلة يوميا . بالنسبة الي لحد الان مامشتري سيارة ويوم عن يوم السيارات دتغلا اكثر للأسف , وهذا الموقع ماشايفة سابقا وراح احاول استفاد منه ومشكووووور .
غالبا ادور على موقع كركسلست .
284
اني هم دادرو شغل
سالي لعد (اذا تحبين) اكتبيلنا مؤهلاتج وولايتج مثل ماسويت اني والامور اللي تشوفيها مفيدة وتشوفين نفسج زينة بيها واكيد تقدرين تتجنبين الامور الشخصية لانه هذا منتدى عام . من حقج وخل نشوف نصائح الاخوان والاخوات
285
الموضوع انكلب دردشة مثل اغلب بقية المواضيع
ي حبي مو هي لازم سالفة منا سالفة منا هذا الاسلوب العراقي بعد منردي نفوت رأسنا بالموضوع لازم شوية مقدمات
286
سؤال لاخونا صاحب الموضوع ..
هل صحيح ان العراقيون في امريكا في حالة يرثى لها؟؟؟
جواب .. وهل أن العراقيون في العراق في حالة افضل منها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا كان الجواب نعم , فلماذا لم يرجع مايقارب الربع مليون عراقي لجأوا اليها ؟؟ عدد الراجعين والذين ندموا لاحقا على رجعتهم لايتجاوز اصابع اليد.
اما اذا كان وضع العراقيين في العراق أسوأ من وضعهم في امريكا فليس علينا الا القول ((الف الحمد لله والشكر خلصنا ))
.....................................................
سؤالي الثاني الى الاخ ...
werewolf صاحب الرد القبلي .... اريد اسولف وياك شوية ...
انت تقول :-
اني صارلي شهر من وصلت الى امريكا ولاية mobile, Alabama
المنظه المسؤله على الاجئين في ولاية الباما موبيل المنظمه الكاثلوكية
هي المنظمه هم حرامية با سلوب حضاري
الكاثوليك جارتي من ارقى منظمات العالم وقامت باعمال خيرية لاتعد ولاتحصى واذا تعتقد ان المنظمة التي استقبلتك كلاجيء وقامتلك بالواجب واشترولك اغراض وصروفوا عليك ((حرامية )) وهم ليسوا كذلك فاسمحلي اقول لك بانك غلطان وغلطان جدا وهسة نشوف شلون ........
اولا من وصلت جبولي دوشك وشراشف وسلموني وصل صارفين علية 600$
شراشف ودوشك يعني من تريد تشتريهن كل سعرهن مجاوز 40$
نعم أخي سعر الدوشك بامريكا يعبر الخمس ورقات وهذا الدوشك العادي مو التوب اني اشتريتة ب 600 بدون شرشف .
وسلموني وصل صارفين علية 600$
لعد السرقة وين اذا انت شفت وصل الشراء بعينك ,, لو المنظمة متفقة ويا الولمارت لو المعمل مال الدواشكً؟!
خلوناي اوقع على عقد الايجار 500$ بل شهر ادفع الايجار من جبي الخاص
(خلوك) توقع عقد ايجار 500$
اولا ماكو شي بامريكا اسمه (خلوني أوقع ) ماكو شي بالغصب والاكراه اذا متريد توقع لو يجي اوباما بنفسة ميقدر يخليك توقع
ادفع الايجار من جيبي ؟!!!!!! هسه احد يسمعك عبالة امريكا كلها شقاوات .
متكًولي بالعراق من جان يدفعلك الايجار ؟!! وليش بالعراق بالكرة الارضية كلها أكو واحد يدفع بمكان واحد بس دليني عليه .
وكاتب حضرتك بين قوسين ملاحظة (همة يدفعون مال شهرين بس ) لالالالالالالالالالا صدكً ميستحون بس شهرين اصلا المفروض يدفعون العمر كله , غصبا عنهم !!!
واذا تركت الشقة اقل من سنة يتوجب ان ادفع غرامة 700
حبيي هاي يسموها شروط العقد الجزائية (موجودة حتى بالصومال واريتيريا وجزر القمر) هاي مونذالة او قلة اصل هذا قانون حسب عقد الايجار المتفق عليه اللي خلوك توقعة .
اما بخصوص العمل بل ساعة 7% من يخلص الشهر راح ايحاسبوك على كم يوم اشتغلت ودفع تاكس.
منو اليحاسبك على شغلك ؟؟ وشنو ضايج من دفع التاكسات ؟ ليش متريد شوارع نظيفة وخدمات راقية ثم كل الناس التشتغل تدفع تكسات حالك حال اي مواطن امريكي.و7% يمكن قصدك تكًول 7$ وايدك راحت على ال% عموما اكو شي هنا اسمة الحد الادنى للاجور وهذا الشي بعده ماواصل لعالمنا العربي المتخلف ومعناه انه اي صاحب عمل مايصير قانوناً ان يدفعلك اقل وايضا كلمة قانوناُ ما مستعملة بالعالم العربي فعليا القانون يطبق بس عالفقير والماعندة ظهر. عكس امريكا بالضبط.
يعني اذا تحصل بل شهر 1500$ تدفع منها التاكس والايجار فواتير الكهرباء والماء ولموبايل و انترنيت
واذا عندك سيارة راح تدفع تاكس + تأمين
بل شهر يو يصفالك 100$ يوكل شي ماكو
صدكً متفيد ....هاي صارلك شهر وعزفت كل هالنغمات الحزينة , اي متكًولي شتريد بعد , لازم تحمد ربك وتشكرة انه عندك على الاقل موبايل وسيارة وانترنت وكهرباء مستمرة (اطفال البصرة يحلمون بمي الشرب من وقت صدام وليهسة واكثر من 60 بالمئة من الشعب تحت خط الفقر المدقع وعايشين على العتيكً ومنتظرين الحصة, اطفال بعض المحافظات محرومين من -تكرمون- الاحذية والتعليم والتطبيب ووو الخ )
واخيرا الجملة الحماسية المحفزة :-
من تشتغل اتحصل بس التعب
جبناها على الشغل والعمل ........ (هاي مااعرف اي غلطان كًال العمل عبادة ) حاشا :-
نصيحتي الك غير (ارجع للعراق فورا ) وبسرعة وعلى اول طيارة مادام تتعب بالشغل , والمن لهذولة الامريكان الميستاهلون لاوالله روح ابلدك اتونس وافتر وتمتع بالاجواء الخلابة احسنلك .
...........................
ملاحظة للأخوة القراء:-
طبعا اني هواية ناس يحذروني من الكتابة بهكذا طريقة وهكذا اسلوب اعرف احيانا اكون قاسي وأكتب في مواضيع وانطي رائيي والمفروض كأداري اتجنب الخوض في هكذا امور (هذه نصائح الاصدقاء) حتى لايفهم لاحقا ان الادارة تتبنى موقف معين وتتجاهل الموقف الاخر المضاد ودائما الاداري لازم يمارس الحيادية لكن .... اخوان اي حيادية بشرفكم .. يعني الواحد حتى عيونة ماتتحمل تشوف الغلط وتسكت الواحد يحجي الحق لو على كًص رقبته ,.
يعني جنا بالعراق نتمنى وننتظر اي خبر حتى لو اشاعة عن السفر واللجوء والقبول وجنا عايشين جحيم الاقتتال والطائفية والمأسي والمظالم التي لاتعد ولاتحصى ابو المولد وطحين الحصة والتهديدات والقتل العشوائي والممنهج والرشاوي والفتنة وقلة التعيينات والتطرف وووووو الخ حتى الجو والمناخ هم وقف ضدنا ,,,,,,, يعني نكًوم من نوصل امريكا ونعرف اكو ناس تقدر فرصة الوصول الى امريكا بفرصة العمر ناس عايشين افضل من العراقيين بمليون مرة الاوربي والاسترالي واياباني والكوري والعربي يتمنى فقط ان يعيش في امريكا ولو لشهر واحد ..... وانت تجيك الفرصة اللي يتمناها الملايين من البشر وتكًولي هيج وهيج , يااخي اذا امريكا مو زينة ارجع لبلدك ببساطة وانطي فرصة لغيرك ,, اذا راح تكًولي اني مهددد بسيطة روح اي بلد عربي لبنان مصر الاردن السعودية الامارات عمان او حتى تركيا ايران .. اشوف هناك يامنظمة راح تستقبلك منو راح يكًولك هلا , بس اويلي شحجي وشكًول .
اترك صفحة قسم مواضيع امريكا(الشبه خالية) وروح على الصفحة الاولى وشوف المواضيع اللي تنزلها الناس المستقتلين على السفر واقرأ شنو ظروفهم ومأسيهم واحمد ربك لانك عبرت مرحلتهم ... (واني كنت مثلهم) والحمد لله ربك قسملي وفرجت وسافرت .حالي حال الكثيرين .
اسف على الاطالة وتحياتي واعتذارتي من الجميع بضمنهم اخي صاحب الموضوع واخي werewolf. اليوم تعبتني وخليتني اصرف الوان هواية .
287
موبكيفهم اخي ليش شنو الماجنك كرانت اجباري ؟؟؟؟؟؟؟؟؟؟ اصلا المنظمة شغلها تخير على اي برنامج تريد وخلص ماكو شي بالاكراه اخي ؟!!! واذا الكيس وركر مالتك هيجي فهمك تقدر اتطيح حظة (بالقانون) مو بطيفة يجبرك على برنامج انت مااتريدة
288
مشكور اخي كوندا على هذا الموضوع الهادف و بلكي يساعد اخواننه الي يبحثون عن عمل كون الحياة بدون عمل بامريكا عبارة عن موت بطيء
باعتباري من المخضرمين الي جربت الحياتين الحياة باعمال بسيطة (عماله) و حياة العمل باختصاصي اكدر اكول انه غطيت الوجهين من الحياة بامريكا لذلك احب اساعد اخواني ولو على الاقل بنصيحه ..تحياتي الك و ان شاء الله تلكى شغل و تتوفق بحياتك الجديدة
سنوبي
هلو سنوبي شلونك .. مشكور على المداخلة والرد عزيزي , أكيد المنتدى بصورة عامة والموضوع هذا بصورة خاصة محتاجين اهل الخبرة والدراية على الاقل بتقديم المشورة والنصيحة .
289
عاشت ايدك اخ كوندا خوش فكره
بخدمة كل طيب
290
السلام عليكم
اخي كوندا أني رحتلهم اكثر من مره لنفس الدائرة رقم
الضمان الاجتماعي وكلولي بعده رقم والمساعدات نفس الشي
تنتضر الرقم يطلع ياله تمشي وانتضر والله كريم
اذا تنتظر ماعندك غيرها عموما هو مايعبر العشرين يوم ...... ثم مرة ثانية تقدر تستفسر عبر التلفون ماكو داعي تخسر بانزين ووقت .
291
انت لاتدوخ روحك أخذ ارقامهم وخابرهم ... وشوف الافضل ان تروح انت بنفسك لو لا .
قصدي رقم دائرة السوشل علمود رقم الضمان في ولايتك ومدينتك .
وكذلك دائرة الهجرة علمود الكَرين كارت ومن تخابرهم خلي جوازك كًبال عينك (كل جوازات العائلة ) لانه راح يطلبون منك ارقام موجودة على الفيزة ارقام مهمة ماتمشي معاملتك دونها مثل الايليان نمبر (همة يسموه A نمبر) \تاريخ الميلاد علمود يتأكدون انت نفس الشخص ...وانت كًاعد ابيتك لاتسأل هذا ولا ذاك ولا اتعب روحك بردودنا على موضوعك (مع حبي وتقديري لجميع الذين ردوا وشاركوا بالموضوع) بس هاي اني خصمتلك اياها وجبتلك اياها من الاخير .......................
واذا شفتها صعبة ان اتدبر ارقامهم عندك الانترنت دورهم بالكًوكًل صدقني ماتاخذ منك اكثر من دقيقة بحث , واذا كلش مادبرت خابر على منظمتك واخذ الارقام منهم . بس تبقى شغلة وحدة اذا انكًليزيتك موقوية شوفلك واحد يخابرلك وانت تكون بصفة .
................................
تحياتي اخوك كوندا
292
رائيي الشخصي
للسنكًل ..... الماجنكً كًرانت افضل
للعائلة ...... الولفر أفضل
294
موشرط ممكن اسبوع وممكن سنة اعرف ناس اخذتة باسبوع وناس بسنة . بس هسة وعلى هذه الاعداد الباقية وعلى قرب انتهاء برنامج الsiv اعتقد راح يعجلون بيه نسبيا خلي نكول شهرين ( تعتبر فترة ممتازة حاليا) اني اخذتة ب اربعة اشهر ونص
295
صح برنامج الويك برنامج راقي ويقدم خدمات راقية للاطفال منذ الحمل ولغاية عمر 5 سنوات .... وفعلا حليب الاطفال هنا غالي جدا لولا توفره عبر برنامج الويك لكانت مصاريفه كارثية . اقصد الحليب الباودر .. لحد عمر ستة اشهر
296
يرفع لجماعة كندا ......
297
السلام عليكم قريت كل الردود بالمناسبة اخوية عايش في _كلفورنيا __سكرمنتو _ يشتغل فيتر عندة محل وعندة شريك ومشي امورة بالوقت الحاضر هو يعتبر من اوئل siv 2008 ما فد يوم جاب طاري واسطة ابشغل ومشتغل بالرتيشن سنة ورة سنة هو بالبداية عانة في كلفورنيا لان وحدة ماكو احد ايعينة الى حد قبل سنة فتح المحل وتوكل على الله ومشت امورة الغربة صعبة واليصعبهة حشاكم ابن الحرام الخاين للزاد انسو الواسطة وهاي السوالف واعتمدو على حضكم لاءن
الـــــــــــــــــــــــــــــدنية ليس لمن جد وجد
الـــــــــــــــــــــــــــــــدنية لمن حـــــــــــظة كعد وتحياتي الكم
أي اخي ابو علاوي احنا كلامنا جان على سان دياكو مو على سكرمنتو .. والواسطة عند الامريكان الها مفهوم اخر مختلف مو مثلنا بالعالم العربي اهنا عدهم مثل يقول ليس المهم ماتعرف لكن المهم من تعرف وهنا مايقصدون الواسطة بالشكل السيء يعني مو مال اخلي الرجل الغير مناسب في المكان المناسب وانما الشخص اللي يعرف الكثير من الناس والموظفين والمدراء واصحاب الاعمال وهذولة الناس يزكوه بتوصيات معناها هذا الشخص انسان كفوء ويستحق شغل المنصب . مو مثلنا بالعراق ياخذلة توصية سلبية من فلان خلص اتعين ...
298
مبروك وحمدالله على سلامة الوصول
بس هاي الطاطاططاطاططاططا لويش مداافتهم ؟؟!!
299
قصدك امنية ماقبل السفر ؟؟ هذا المصطلح اللي اعرفة ؟
300
والله الخبر صحيح مليون بالمية ومو اشاعة اني هسه بسان دياكو (للميعرفوني) كان المجمع مالتنا هواية بيه شقق فارغة اول مااجينا قبل 5 اشهر تقريبا ... هسه صار اسبوع المنجر مال مجمع من شالت القطعة مال (for rent ) وصار كم يوم نصحى الصبح جماعة عراقيين يدكون الباب علينا ؛- مرحبا احنا جايين جدد كًالو اكو شقق فارغة بهذا المجمع ؟! ................ خبر حلو ان يتجمع اهلنا واخواننا العراقيين المنتظرين وخاصة اللي بدول الجوار ويوصلون بالسلامة لكن الخبر السيء هو انه الايجارات دتغلا يوم بعد يوم ............................
301
مو شرط اخي \حسب اكو منظمات نشيطة وقوية واسلوب عملها يختلف عن المنظمة الاخرى واكو لا حسب بالنسبة الي منظمتي كانت اخر من يعلم وماعرفت بموضوع سفري الا قبل يوم من وصولي فقط لاغير .
302
كان الله بعونك نجم المشرق والله جماعة 112 باقيلهم شوية ويقدمون على الجنسية الامريكية \الله يساعدك بس ان شالله على هذه الحركة القوية بالايام الاخيرة الدنشوفها ان شالله يكون الك نصيب بيها يارب
303
نعم اخي غالبا المعاملة كلها تتعطل الى ان يحضر الكفيل ... لانه توقيعه شيء مهم جدا
304
مشكور على النصيحة بس يااخي الديرجعون اكثرهم من جماعة سوريا بسبب الظروف التعيسة هناك
305
مبروك تاسيس الكروب اخونا العزيز كوندا
بالتوفيق ان شاء الله
تحياتي.
شكرا عزيزتي صوت الروووووح
308
اخويه اني سامع بس ما شايف اكو مزادات سيارات تابعه للحكومه فقط لجماعه ال low income هاي السيارات الحكومه مصادريهه من الناس لعده اسباب وتنباع بالمزاد باسعار رخيصه جدا
اخوية ياريت لو تجيبلي تفاصيل ارجوك.
309
يابة ليش مايطلبون تبديل الكيس وركر مالتهم ترة هذا الشيء من ابسط حقوقهم. شنو ماكان سواء عراقي او غير جنسية
..............
310
turture killer انت على دي اج ال اربيل اذا مو غلطان مو؟
اولا خليها بعلمك انه احقر ناس واكثرهم حقدا على كلمن يستلم فيزا همه جماعة الدي اج ال ومااعرف ليش؟؟(حشا الزينين منهم)
ثانيا جماعة مكتب اربيل مصيبة سودة اتذكر اني بالعركات يالله اخذت جوازاتي منهم وبسبب اهمال وحقارة الموظفين مالتهم جانوا محضريها للتلف مال مخازن مالتهم وطلعنا الباكجات مال العالم كلها جانت مشمرة بالكًاع ومحضريها للذب والناس اتدوس عليها وليهسه جوازي بالذات معقج شوية على الرغم من انه الباكج تنحفظ بطريقة جيدة .
عندك صاحبي مااخذ جوازاتة منهم الا بالمحاكم والشكاوي والتهديدات وبسببه انفصل واحد من موظفيهم الي تضارب بوكسات هو وصاحبي اباب المكتب لانه كًالة طز بيك وبجوازك وبامريكا مالتك بس بيهم ولد كلش حباب وابن اوادم وهو اللي ساعدني بوقتها بس ان شالله يكون بعدة موجود لانه هو همين siv .
ملاحظة: مكتب الdhl ماعدهم غير كيات اثنين للمحافظات وحدة للبصرة والثانية اربيل ومن يعطلن يدزون الباكجات بايد السواق الغربة من كًراج العلاوي ., هالمعلومة عرفتها منهم بوقتها.
انت اول شي تابع الباكج مالتك اونلاين عبر التراكنك نمبر وتأكد انها واصلة اربيل اول شي .
311
رياض عبد العباس اللي مالبس دريس المنتخب الوطني بحياتة وشرار حيدر ابو الرجفة مال ستيرن من يوكًف بالدفاع اللي جان عدي صدام بالكًوة ينزلة ويفرضة فرض على المدربين لانه ابن الكرخ الى ان تعارك وياه وطرده وهم ماجان هذاك اللاعب الكفوء .. وسمير كاظم اللي زور شهادات علمود يصير رئيس نادي القوة الجوية سوولة شهادة مختومة من مريدي .. هذولة يستلمون مناصب قيادية عليا في العراق الجديد حالهم حال اي عضو بالحكومة جان عايش على راتب اللجوء باوربا لو امريكا ورجع وصار استاد فلان ودكتور فلان وهو مايفتهم شي ............ وعمو بابا اللي ضحي بحياتة من اجل اسم العراق وهذا اللاعب القدير القديم يوأو كًوريال داود هذا حاله................. عمي هو العراق ظل بيه عيشة بعد ؟!
الك الله عمي
313
snoopy العزيز ..... دائما معلوماتك صحيحة وارائك حلوة لكن هذه المرة اسمحلي اني اخوك الزغير اكًولك هالمرة تحليلك بعيد عن الصواب .... عيوني انت أصلا اكو شباب عراقيين قبل لايوصلون امريكا ماكو ابالهم غير شي واحد فقط لاغير وهو حياة الرذيلة والطربكًة .
انت ابن اوادم وانسان محترم وعايش حياة تختلف عن هذولي وهواية من ابناء هذا المنتدى مثلك ناس مثقفين وخلوقين وأكيد فكرك وستايلك يختلف عن هذولة النماذج لذلك تشوفها شغلة غريبة لانه انت بعيد كل البعد عنها .
بالنسبة انه شلون مرية وحدها تروح لشباب .. اخي في المجتمع الامريكي هاي شغلة عادية جدا همه ماعدهم تفرقة ومايعتبرون المرأة كائن مستضعف ومايعتبرون روحة أمرأة لشقة شاب او شباب فد حدث غريب او معيب .
اما عن الجنس في امريكا ... ولو مااحب اخوض في هكذا مواضيع احتراما لمشاعر الجميع ولخصوصية الموضوع فاسمحلي اخالفك بالرأي الجنس غير متوفر (مثل مايتصور هواية من الناس مخطئين) وللأسف احنا الشرقيين كوًنا صورة مغايرة للواقع ورسمناها بخيالنا . صدقني صدقني اني ماشفت (رذيلة وانحطاط وخلاعة وجنس رخيص واباحة معلنة ) غير بس بالدول العربية, هنا ماكو هيجي شي تريد صدكً تريد لا بعد بكيفك.
اما اذا تعتبر مسألة البوي فريند والكًيرل فريند (رذيلة) فالشعب الامريكي يخالفك الرأي ويعتبرها امر مقبول ضمن ثقافته ويعتبروهم مايوازي حكم المتزوجين شرعا في ثقافتنا. ولو ان الجديث يطول في هذا الموضوع واختلاف الثقافات له اليد الطولى في تفسير الموضوع.
.........................
اما شلون وليش هذولة الشباب قاموا بهيج عمل وخاصة هي أمراة كبيرة بالسن .. فلحد الان ماعرفنا نتائج التحقيقات ولكن برائيي الشخصي اكيد اكو موضوع كحول ومخدرات بالموضوع وسكارى وعلى كولتنا بايعين ومخلصين بعد شتتوقع منهم.
صدقني snoopy اني دااشوف اهلنا العراقيين ديسوون اشياء (بحق يندى لها الجبين) وهاي الحادثة تعتبر لاشيء قياسا باللي دنسمعه ونشوفه هنا .
314
والله ياأخي هذا الشي اكيد يقرره القانون الامريكي والمحكمة .. واحتمال يأخذون بنظر الاعتبار حالته النفسية هذا بالنسبة للشخص (رمضان) بس بالنسبة للخمسة الباقين فمااعرف بصراحة شنو دوافعهم وشنو قصتهم وشنو اللي خلاهم يقدمون على عمل شنيع مثل هذا واغتصاب امرأة عمرها تجاوز الخمسين سنة !!!
..............
اني اعرف قصة مماثلة هنا في سان دياكًو عن عراقي صارلة 7 سنوات بالسجن وايضا متهم بالاغتصاب وشوف اغتصاب منو ؟؟ صديقته المكسيكية اللي بقى وياها اكثر من سنة عايشين سوا وشوف المفارقة وين ,, والدة هذا الشاب هي التي بلغت عنه وليس صديقته بعد ان كثرت مشاكله .بس صديقته وجهتلة التهمة .ومن اول سنة على اساس يسفروه للعراق وليهسة ماكو شي بعده بالسجن .
......................................
المصيبة الاعظم يمي انه من اقرأ هيجي امور ومشاكل يسووها العراقيين بامريكا عدل وكًبل انزل للردود حتى اشوف شنو ردة فعل المواطن الامريكي ,, ومع كل الاسف صدكًوني اتأذى هواية واكره نفسي انه اني عراقي , من اقرأ ردودهم وياريت اي شخص انكًليزيتة جيدة يفوت ويقرأ الردود الي تصاحب القصة وهي اكيد لمواطنين امريكان عاديين .
315
سمعت بعض المعلومات عن هذا الشخص والله اعلم مدى صحتها ... هذا الكلام المتناقل هنا نقلا عن شخص يعرفهم ..
انه هو من اب مسلم سني وام مسيحية كلدانية وزواجهم كان سري وبمعارضة الاهل وخصوصا اهل الزوجة الذين قاطعوا ابنتهم وتبرءوا منها وفعلا كانت علاقتهم مقطوعة بها لحد يوم مماتها وهذا الشخص(رمضان) لايعرف ايا من اهل امه . نشأ في بيئة مليئة بالمشاكل الزوجية وحياة مضطربة جدا ,ابوه كان يعامل امه بقسوة ويضربها كثيرا , هو كان متعلقا بأمه كثيرا ويحبها وهذا مادعاه للانتقام من والده بأن يبلغ عنه بأنه يقوم بنشاطات ارهابية (وحسب زعم الكثيرين انها اتهامات باطلة)
منذ ان كان صغيرا كان يتردد على موقع الجيش تارة لبيع الاقراص (السيديات ) وتارة للاختلاط بالامريكان عساه يحصل منهم كرة قدم او تيشيرت كما كان يفعل العديد من اطفال المنطقة .
بعد حادثة التبليغ عن والده اصبح يعيش معهم في المعسكر لفترة من الزمن وتمكن من تعلم الانكليزية بشكل مبسط عبر الممارسة وقام ايضا باعمال الترجمة . حتى حصلوا على موافقة لتسفيره الى امريكا .
وهناك عاش في بيوت الرعاية (الابوين البديلين) ودرس وتخرج من الاعدادية وتزوج وللأسف تعرف على مجموعة شباب عراقيين (شركاءوه في الجريمة) ,,,باعتقادي ان نفسيته المضطربة والامراض التي يعاني منها هي التي أدت الى ان ينساق مع تلك الشلة الفاشلة لارتكاب جريمة الاغتصاب.
هذا بالنسبة للمدعو رمضان , اما البقية فلم اسمع عنهم معلومات كافية سوى صفحة الفيسبوك لااحدهم وقد نشرتها اعلا
316
هو يجيك بالريد لاتدوخ ... بس على العنوان اللي انت ذاكرة بالاستمارات من قدمت المعاملة .من جنت بعدك بالعراق
والصورة اللي راح يخلوها بيه هي نفسها الصورة مال الفيزا . اذا عبر الشهر وبعدك مامستلمة فلا تسكت اخذ رقم دائرة الهجرة واهريهم تلفونات الى ان يدزولك اياه
عموما جميع الولايات زينة وماتتأخر بالكرين كارت ماعدا ولاية كاليفورنيا ...... اني مرتي وبنتي استلموه من اول اسبوع بس مالتي تأخر شوية
317
بالنسبة للولفير .. حسب ماتقول ان لديك باسبور امريكي ارجو التوضيح هل هذا يعني انه حضرتك مواطن امريكي ؟ ام مانوع الباسبور الامريكي الذي تحمله ؟
على اية حال بالنسبة لمساعدات الولفر وحسب علمي سواء كنت مواطن امريكي ام مقيم شرعي فهناك بعض الشروط الواجب توفرها لغرض التقديم على المساعدات .
مساعدات الولفر تقسم الى 3 اقسام رئيسية (الكاش والفود ستامب والضمان الصحي)
العزاب والمتزوجين لايحق لهم التقديم على مساعدة الكاش او الضمان الصحي الا اذا كان لديهم اطفال او ان تكون الزوجة حامل .وان يكونوا من ذوي الدخل المحدود.
اي شخص يعيش شرعيا في امريكا يحق له الحصل على منافع الفود ستامب اي بطاقات الغذاء بشرط ان يثبت انه من ذوي الدخل المحدود.سواء كان اعزبا او متزوجا.
................
يحق لك التقديم على الاسكان لذوي الدخل المحدود والسكشن ايت ولكن ذلك ياخذ وقتا طويلا جدا والمفضلين بالقبول هم اصحاب العوائل والاطفال وكبار السن ايضا.
...............
العمل كفالانتير ممكن ان يستمر لعدة سنوات حسب \ الى ان تحظى بفرصة عمل مناسبة . اذا كنت تعمل فالنتير فان المساعدات تستمر ولاتنقطع لانه عملك مجرد تطوع ولايدر عليك بمبلغ من المال .
318
اشتري سمارت TV وخلص نفسك واتفرج على كل القنوات العربية وغيرها الموجودة عبر الانترنت
319
انا ايضا ابحث عن عمل في اي منطقة قريبة من الكاهون \سان دياكًو ........... أجيد الاعمال اليدوية مثل الصباغة والديكورات والاعمال الميكانيكية البسيطة ,لغتي الانكليزية جيدة (استطيع التفاهم مع الامريكان ) ,
عندي اجازة سياقة بس ماعندي سيارة !!
في نفس الوقت ادور على سيارة 4 سلندر رخيصة
320
@ Kunda
فعلا قصة غريبة و شكرا للمشاركة Kunda طبعا هو هذا المجرم يستحق كل ما يلقاه من يد العدالة الأمريكية .
ياريت يسحبون منة ال green card و يرحلونة من أمريكا
و هذا الشي طبعا جائز و يقرة القانون الأمريكي
تحياتي Kunda
والله ياأخي هذا الشي اكيد يقرره القانون الامريكي والمحكمة .. واحتمال يأخذون بنظر الاعتبار حالته النفسية هذا بالنسبة للشخص (رمضان) بس بالنسبة للخمسة الباقين فمااعرف بصراحة شنو دوافعهم وشنو قصتهم وشنو اللي خلاهم يقدمون على همل شنيع مثل هذا واغتصاب امرأة عمرها تجاوز الخمسين سنة !!! .............. اني اعرف قصة مماثلة هنا في سان دياكًو عن عراقي صارلة 7 سنوات بالسجن وايضا متهم بالاغتصاب وشوف اغتصاب منو ؟؟ صديقته المكسيكية اللي بقى وياها اكثر من سنة عايشين سوا وشوف المفارقة وين ,, والدة هذا الشاب هي التي بلغت عنه وليس صديقته بعد ان كثرت مشاكله .بس صديقته وجهتلة التهمة .ومن اول سنة على اساس يسفروه للعراق وليهسة ماكو شي بعده بالسجن .
321
اخي هذا الهاتف مخصص لذوي الدخل المحدود لاعلاقة ولادخل لاأي منظمة فيه او كونك لاجيء او مهاجر او حتى مواطن امريكي المهم انك تقدم لهم مايثبت انك من ذوي الدخل المحدود اي مايسمى هنا low income تراسل احدى الشركات التي تقدم هذه الخدمة وتملاء الاستمارة الكترونيا عبر الانترنت بعدها بايام تأتيك رسالة بالبريد على عنوانك وفيها استمارة اخرى صغيرة تملاءها الاسم والتوقيع بعدها بفترة اسبوع الى اسبوعين يأتيك الهاتف مجانا بالبريد ... وبه 250 دقيقة اتصال (امريكا وكندا) . ملاحظات : - 1-الدقائق تخصم من رصيدك في جميع الاحوال سواء كانت مكالمة واردة ام صادرة. 2-اذا لم يعجبك الجهاز المقدم من قبلهم (المجاني) فهناك كتلوك يرسل من الرسالة الاولى وبأمكانك اختيار الجهاز الذي ترغبه وهناك اجهزة حديثة ايضا ولكن في هذه الحالة عليك يتوجب عليك الدفع وليس مجانا ولو ان السعر مدعوم ايضا. 3-الاتصال الى كندا يكلف اكثر بقليل من الاتصال في داخل امريكا . 4-يتم تعبئة رصيدك كل شهر وعن طريق الانترنت ايضا تقريبا دولارين او ثلاثة شهريا فقط (اذا موغلطان) . 5- البعض من اهلنا العراقيين لايعرف استخدام الانترنت او التقديم على هذا الهاتف (وهنا) يأتي دور المنظمة هناك بعض المنظمات والجمعيات التي تساعد المواطن وتقوم بالتقديم له على هذا الجهاز وهذه الخدمة ... وقد يفهم البعض خطأً بان المنظمة هي التي منحته الهاتف (خصوصا اهلنا من كبار السن). 6- بالنسبة للاتصال الدولي نعم حاله حال اي هاتف يمكنك الاتصال دوليا وعلى اي بلد ترغب فقط عليك تعبئة كارت الاتصال الدولي والذي يباع في اغلب الاسواق هناك كارت ب2$و5$ و10$ اعتقد ال2$ يعطي مايقارب 45 دقيقة الى العراق وساعتين الى دول اوربا و5 ساعات الى دول اوربا خط ارضي. لكن هذه الدقائق سوف تخصم من رصيدك المحدود لذا فأن اغلب العراقيين لايستعملون هذا الجهاز للاتصال الدولي وانما يستعملون اما الهاتف الارضي او اي خط اخر غير محدد بدقائق يعني مايسمى unlimited 7- خدمة الانترنت متوفرة ايضا في هذا الهاتف ولكن هنا عليك الاتصال بالشركة ودفع مبلغ اضافي وحسب استعمالك للانترنت ايضا . وايضا القليل يستخدمون الانترنت في هذا الهاتف .بسبب توفر خدمة الانترنت وبسعر مخفض ايضا لذوي الدخل المحدود 15$ شهريا. 8- هذا النوع من الهواتف المحدودة مهم جدا لكبار السن ولربات البيوت وللقادمين الجدد حيث ان تكلفته مناسبة جدا وايضا الدقائق نكفي وتزيدبالنسبة للاستعمال المعتدل . 9- قانونيا لايحق للعائلة امتلاك اكثر من خط واحد من هذه الخدمة . كل عائلة خط واحد فقط . 10- الاسم المتداول لهذه الخدمة بين العراقيين هو (تلفون اوباما) ارجو ان تكون الاجابات كافية ووافية واكيد بقية الشباب ماقصروا
322
نسيبي راح يجي بعد كم يوم الى امريكا حجز من اربيل الى لوس انجلس روحة ورجعة 1600 $ فقط لاغير ........ اعتقد ابد موغالي .
324
كَروب اعتبره من اهم الكروبات لما فيه من فائدة للجميع ..مع تقديري اخ كوندا للموضوع..تحياتي وتقبل المرور
مشكور اخوية مودي على المرور العطر والتحية الطيبة , أتمنى ان ينجح هذا الكروب حتى لو توفرت فرصة عمل واحدة عن طريقه ,والله الموفق.
325
ملاحظة؛ تم حذف بعض الردود الخارجة عن نطاق النقاش الحضاري المتمدن ,
راجيين الالتزام باداب الحوار من الجميع. مع تحيات الادارة
326
سمعت بعض المعلومات عن هذا الشخص والله اعلم مدى صحتها ... هذا الكلام المتناقل هنا نقلا عن شخص يعرفهم ..
انه هو من اب مسلم سني وام مسيحية كلدانية وزواجهم كان سري وبمعارضة الاهل وخصوصا اهل الزوجة الذين قاطعوا ابنتهم وتبرءوا منها وفعلا كانت علاقتهم مقطوعة بها لحد يوم مماتها وهذا الشخص(رمضان) لايعرف ايا من اهل امه . نشأ في بيئة مليئة بالمشاكل الزوجية وحياة مضطربة جدا ,ابوه كان يعامل امه بقسوة ويضربها كثيرا , هو كان متعلقا بأمه كثيرا ويحبها وهذا مادعاه للانتقام من والده بأن يبلغ عنه بأنه يقوم بنشاطات ارهابية (وحسب زعم الكثيرين انها اتهامات باطلة)
منذ ان كان صغيرا كان يتردد على موقع الجيش تارة لبيع الاقراص (السيديات ) وتارة للاختلاط بالامريكان عساه يحصل منهم كرة قدم او تيشيرت كما كان يفعل العديد من اطفال المنطقة .
بعد حادثة التبليغ عن والده اصبح يعيش معهم في المعسكر لفترة من الزمن وتمكن من تعلم الانكليزية بشكل مبسط عبر الممارسة وقام ايضا باعمال الترجمة . حتى حصلوا على موافقة لتسفيره الى امريكا .
وهناك عاش في بيوت الرعاية (الابوين البديلين) ودرس وتخرج من الاعدادية وتزوج وللأسف تعرف على مجموعة شباب عراقيين (شركاءوه في الجريمة) ,,,باعتقادي ان نفسيته المضطربة والامراض التي يعاني منها هي التي أدت الى ان ينساق مع تلك الشلة الفاشلة لارتكاب جريمة الاغتصاب.
هذا بالنسبة للمدعو رمضان , اما البقية فلم اسمع عنهم معلومات كافية سوى صفحة الفيسبوك لااحدهم وقد نشرتها اعلاه.
327
ارجو ان يكون هذا الكًروب ذو فائدة كبيرة لاابناء المنتدى وكل من يتابعه , حيث ان موضوع العمل والبحث عنهخ يعتبر الخطوة الاولى والاهم في طريق النجاح والتوفيق في امريكا اتمنى ان تتظافر الجهود وان تكثر المشاركات والنصائح . في هذا الخصوص
وشكرا
328
مرحبا شباب هذا اقتباس لردي في احد المواضيع وهو جواب لمن يسأل عن منطقة الكاهون ..
مرحبا بكم .. في الكاهون تحس انك لم تبتعد عن بغداد خطوة واحدة ....... الكاهون مدينة عراقية :- وصف سريع ومختصر:-
-تعتبر الايجارات فيها غالية قياسا بالولايات الاخرى ,اذا غرفتين نوم اقل شي بين 1000 الى 1200 $ واذا غرفة وحدة 800-950$ في الفترة الاخيرة الايجارات ارتفعت اكثر نسبيا بسبب كثافة القدوم الجديد للعراقيين .
-نسبيا الاعمال قليلة جدا وتكاد تكون معدومة خصوصا للعراقيين لان المكسيكان مستحوذين على سوق العمل وخصوصا العمل اليدوي وهو الاصلح للقادم العراقي الجديد ان توفر .
-نظام السير والمخالفات صارمة جدا جدا
-دائرة الولفر مزعجة جدا ومزدحمة يعني كل مراجعة مهما كانت بسيطة تستغرق اليوم باكمله
-المنظمات فاشلة وتسيطر عليها مجموعة من الاقارب والمعارف والاصدقاء تقدر تسميهم (عصابات صغيرة)
-المطاعم العراقية والمحلات منتشرة بشكل كبير ومفرح لكنها ليست مكان مناسب للبحث عن عمل لانها غالبا ما تكون فاملي بزنس
-يجب الانتباه كثيرا الى مشكلة الحشرات في اي مجمع سكني في كاليفورنيا لانها متفشية في الفترة الاخيرة بسبب حظر استعمال نوع معين من المبيدات الذي كان فعالا جدا بالقضاء عليها وذلك بسبب تحذيرات من بعض الخبراء انه يؤثر على الانسان على المدى البعيد.
-الاعمال التي يزاولها ابناء الجالية العراقية بالدرجة الاولى ... غسل السيارات (carwash) \لكر ستور (محلات بيع الخمور)\الكًاز ستيشن(عامل بانزيخانة)\صيانة السيارات والبنجرجي\الاسواق العربيةوالمطاعم\بعض الاخوة والاخوات القدماء وممن لديهم لغتين قويتين وواسطة يعملون في اعمال تعتبر ادارية مثل وظائف ترجمة في دائرة الولفر وما يتبعها وبعض المستشفيات والصيدليات والدوائر والمنظمات.
-مناخ المنطقة جميل ومعتدل
-نقطة سلبية.. تنتشر بين ابناء الجالية للأسف الشديد وهي (ممارسة القمار) بسبب انتشار المحلات والمكائن المخصصة لها ..اللهم أبعدنا عن هذه الافة المقيتة .
- النقطة السلبية الاخرى وهي (الطامة الكبرى) في المدينة والولاية عموما ..وهي انتشار تعاطي المخدرات بصورة كبيرة جدا وبصورة علنية خصوصا في صفوف المراهقين وغالبا مايُطلب من اولياء الامور العراقيين تفتيش حقائب المدرسة لابنائهم وبناتهم في مختلف الندوات والاجتماعات .
ارجو ان تكون مداخلتي مفيدة وشكرا
-
أخوكم كوندا
329
والله يااخوية اني قبل مااوصل امريكا ضليت ادور وابحوش عن هذا الموضوع اونلاين لانه عرفت انه من المهم جدا جدا ان اتطلع اجازة سياقة بامريكا واللي هي بمثابة الجنسية العراقية بالعراق وربما اهم بعد ... وبوقتها لكًيت واحد منزل الاسئلة كلها مسويلها تصوير بالتلفون ومحملها . بس من وصلت امريكا كًلبت النت عالي واطي علمود الكًاها مرة ثانية مالكًيتها اخر شي توكلت على الله ورحت للامتحان بدون مراجعة نصحني اخوية بانه اذا ارسب مو مشكلة راح ينطوني النسخة مالتي اللي جاوبت بيها علمود ادرسها واتجنب الاخطاء في المرة الثانية ... لكن الحمد لله نجحت من المرة الاولى ومااحتاجيتها . بس نصيحتي الك انت اهتم بالامتحان العملي اكثر لانه النظري مو فد مشكلة راح تعبرة عاجلا ام اجلا ... اكو باليوتيوب دروس مال الامتحان العملي حاول اتابعها اعتقد 16 درس وهذا الرابط راح يقودك الها http://www.youtube.com/watch?v=Qw4-0GfcFYA&feature=related
331
والله لو بدولة عربية (شقيقة) ماجان يقدر يسويها ويرفع علم العراق ..... وليش نروح بعيد اتحداه اذا يقدر يسويها بكردستان العراقية . كل هذا ويحجون على امريكا يكولك عدوة الشعوب ايبااااااه
332
عيوني فيزا السياحة للكبار بالعمر بيها مجال شوية (شرط ان يثبتوا امور مهمة في العراق يجب عليهم العودة لاأجلها) أما للشباب والشابات فصعبة جدا جدا وتدخل ضمن خانة المستحيلات ايضا ولو قبل فترة سمعت انه انتشرت الفيزا السياحية وفيزا العمل ايضا لكن بيها شروط وترتيبات معينة وعقود وشركات ..يعني ينرادلها ركض وراها مو شغلة سهلة .
333
بما انه عدهم رفض الموضوع صعب جدا
336
كل عام والجميع بالف الف خير وينعاد عليكم بالخير
337
هاي عين منتدى عنكاوا صابتة , هلكًد ماجبنا طاريه بالمواضيع ... خوش عين عدنا عابرة للقارات
338
اخوكم اني ساكن بسان دياكو منطقة الكاهون ...
وشكرا على افتتاح هذا الكًروب وهذه الفكرة الجميلة ,
339
ياأخي دبرلك اي عنوان حتى لو من جماعة المنتدى ... احسن ما بعدين يتأخر عليك الكًرين كارت ... ولو هو انت ماراح تحتاجة بشي على , الا اذا ردت تسافر خارج امريكا .
341
حمدلله على سلامتك ابوخالد .. يالله بالمال ولا بالعيال
واتمنالك التوفيق برحلتك وين ماتكون ويارب ان شالله تنفتح بوجهك وتوصل الى بر الامان .
342
نعم اخي fort carson >>
اني بامريكا بولاية كاليفورنيا \سان دياكو وطبعا العنصرية بيها اقل من الولايات الشمالية ذات الغالبية البيضاء ..
لانه سان دياكو يغلب عليها الطابع المكسيكي والمنطقة اللي اني عايش بيها يغلب عليها الطابع العربي واكيد انت سامع بيها اسمها( الكاهون )
ومع ذلك العنصرية والتمييز حاضرين وبقوة ..ومثل ماكتلك اللي يمنعهم من البوح بها علانية هو الخوف من القانون .
وطبعا مو الكل عدهم هذه النقطة السيئة .. وانت مثل ماكًلت بانه عندك اصدقاء وماكو بيناتكم اي شي من هذا القبيل واني اكولك كلامك صحيح , بس لابد ماراح يجي يوم وتتذكر كلامي لمن تلتقي بهيج ناس ...... اني مرات أحتقرهم ومرات اكًول هم عدهم حق يتحسسون منا ,,
ابسط شي حتى تتأكدون من كلامي انت فوت على اي خبر مثل هذا الخبر وأقرأ التعليقات اللي جواه واللي اكثرها من ناس امريكان 100% على الاقل فد اربع اجيال وهمه بامريكا وشوف شنو يكتبون وشنو الصورة المقرفة والسيئة االلي ماخذيها عنا للأسف الشديد .
343
هذه صفحة الفيس بوك مال واحد منهم ... http://www.facebook.com/yasir.jasim.16#!/yasir.jasim.16................................................... مع الاسف هيجي ناس يوصلون الى امريكا , ومع الاسف المعيار هو فقط لانهم عملوا مع القوات الامريكية , هي بلا شي النظرة للعراقي وللمواطن الشرقي نظرة سيئة سيئة جدا النوب هذولة الحثالات زادوا الطين بله . اخي fort carson.... اسمحلي اكولك انت غلطان, بامريكا اكو تمييز واكو عنصرية والأنسان العربي او المسلم او الجاي من دولة شرق اوسطية (طبعا ماراح يعرفوك مسلم او مسيحي او كردي او افغاني ) لانه انت بجميع الاحوال تتكلم لغة غريبة عنهم وجاي من الشرق الاوسط هذا كل ما راح يدور بذهنهم لما يلتقون بيك ... لكن هو ماراح يبينلك هذه العنصرية وهذا التخوف والتحسس منك عيني عينك ((ليش؟)) مو لانه يحبك او يراعي شعورك وانما لانه يخاف من القانون اللي يحاسبة اذا أظهر عنصرية تجاهك ..مثلا اذا تروح تأجر بيت ماراح يكولك مااجريك لان انت عراقي وأنما راح يشوفلة غير لوفة علمود لايأجرلك. او اذا قدمت على شغل وصاحب الشغل عرف بيك (عربي) يكولك مااقتنعت بيك بالمقابلة حتى لو كانت مؤهلاتك افضل من المدير نفسه .
345
سؤال جميل جدا اتذكر جان يسألوه ايام زمان باللقاءات الصحفية ...ولو الموضوع يعتبر للدردشة .. جوابي هو:- مو المهم جنسيتي المهم خمس شغلات ان اكون ( طيب \ذكي \غني \معافى \مرزوق ) وأذا عندي هالخمسة هذولة اي جنسية ماراح تفرق ويايا بس بصراحة أفضل العراق لكن في الزمن الجميل والمكان الجميل الستينات والسبعينات فقط وتحياتي لكم ولصاحب الموضوع الخيالي هذا .
347
الف الف مبروك اخونا المناضل القديم تورجر كيلر .... واخيرا فرجت على واحد من ابطالنا القدماء ... الحمد لله والشكر . والله فعلا التأخير هذا ظلم وظلم كبير وقع علينا جميعا ,بس الحمد لله والشكر طلعنا بنتيجة على الاقل في نهاية المطاف , اتمنالك سفرة سعيدة ممتعة وحياة اكثر من جميلة في عالمك الجديد. أخوك كوندا من كروب الsiv القديييييييم جدا
348
اي طريقة لتحويل الفلوس من خارج امريكا الى داخلها (اذا كانت رسمية) راح تسببلك قلق نفسي ومشاكل اذا كنت ناوي ان تخفي الموضوع عن السلطات يعني كونك تاخذ مساعدات من الدولة فالمفروض ماتحول فلوس بطريقة رسميةلا عن طريق مكاتب تحويل ولا عن طريق بنوك لابأسمك ولا بأسم زوجتك لانه اذا عرفوا راح تتعرض لمشاكل كبيرة مستقبلا وتوصل الى الحبس لانه خلي ابالك دائما من تقدم على اي مساعدات انت راح توقع على اقوالك بأنه ماعندك فلوس ولا يجيك فلوس لا من الخارج ولا من الداخل...... شتسوي في هذه الحالة ؟؟؟؟؟؟؟؟؟؟؟
......................
الحل بسيط ....
اذا كان عندك فلوس في العراق وتريد تجيبها لاامريكا فاكو ناس غالبا في الولايات ذات التواجد العراقي (هاي شغلتهم) ينطوك الفلوس هنا بامريكا وجماعتهم يستلمون هناك بالعراق وطبعا (ياخذون نسبة معقولة ) سواء حولت من العراق الى امريكا او بالعكس ايضا .
349
وردة ام الهنا ............ والف الحمد لله على السلامة وبالتوفيق بحياتج الجديدة
اخوكم كوندا
350
جاي اتبدع هالايام ابو عمار ................ عاشت الايادي
351
الله كريم ... ان شالله خير
352
snoopy دائما يظهر بالمواقف الصعبة والحرجة وينقذ الموقف ......
وهاي مو اول مرة يسويها , هالرجال دائما ردودة محقة ورائعة ودوا عالجرح .
تحياتي أخوكم كوندا العنكاوي
353
أبو علاوي انت اتطوعت (اجباريا ) بجيش القدس لو لا؟
354
اي نعم اختي ام تنسيم انا ايضا اسكن في الكاهون العراقية .
نهاية شارع مكًنوليا
355
اعذرني على عدم اجابتك على شطرك الثاني من السؤال وهو عن خاصية التنبيه للمراقب ......... بصراحة ماعندي جواب لكن اعتقد انها لاتزال فعالة .
356
برائيي الشخصي فأن التصرف الامثل هو مايفعله حاليا اغلب اهلنا العراقيين من( الميسورين ماديا ) لمن يجون الى امريكا .. يشترون عقارات في العراق (حاليا التوجه للشراء يكون في شمال العراق اكثر شي لعدة اسباب)
وبعدين يأجرون هذا العقار او العقارات (سواء بيت او مجموعة بيوت او عمارة او شقق او محلات ) ويسوون وكالة لغرض متابعة الامور (وليس لغرض البيع طبعا)
وبهذه الوكالة يقدر صديقهم او قريبهم من متابعة الموضوع وقبض الايجارات .. وايداع المبالغ في البنوك العراقية باسمهم او ارسالها بطرق (اخرى غير الرسمية المتعارف عليها اليهم في حالة ان يحتاجوها )
وفي حالة ان لايكونوا بحاجة اليها مجرد يتركوها رصيد في البنك للمستقبل . وبعد انقضاء سنوات انتظار الجنسية يكًولك يحلها الف حلال
357
مع ذلك راح اجاوبك على قدر فهمي وتحليلي لسؤالك (وهذا الكلام من وجهة نظري وعن تجربة تقارب ال5 أشهر في امريكا)
الشيء اللي داأحسة بسؤالك انه كلامك لايشمل فقط الميسورين ماديا بل يشمل ايضا الميسورين من ناحية الشهادة والعلم والثقافة التكنولوجية الحديثة ... يعني تقدر تكًول شباب الجيل الجديد خلي نقول مواليد ((الثمانينات والتسعينات )).. اغلب مواليد هذه الفترة عاصروا فترة مابعد ال2003 والذي نعتبرة جيل (الدفاتر الثقافة والتطور والايفون والابتوب والانترنت والستلايت والفيسبوك والشهادات والجامعات والمطاعم الراقية ونركًيلة التفاح والعمل مع الامريكان والتكلم باللغة الانكليزية بطلاقةوخلطها مع اللهجةالعامية جيل قيادة السيارات الحديثة البي ام والنترا وركوب الطائرات بل وحتى البعثات والسفر خارج العراق وبسهولة و و و ...الخ ونعم هو في نفس الوقت جيل المفخخات والارهاب .)
اما الجيل الذي سبقه ((جيل السبعينات والستينات)) (جيل حرب ايران و جيل الحصار و الفقر اغلب رواد هذا الجيل يتذكرون الطماطة والبيتنجان كوجبة الشعب الرئيسية ,جيل عدم اكمال الدراسة لااسباب اقتصادية , جيل الفورتات والباصات المزدحمة والمشي لمسافات طويلة. جيل سامكو .جيش القدس وجكًاير سومر ومزبن وعدي وتيفي الشباب جيل اللي سامعين بالدولار بس مشايفيه ,,جيل اللي كان مجرد عندة جواز او تلفون ارضي او مصادق ولد عندة سيارة يعتبر من صفوة القوم . و و و ... الخ اذا حبيت ان تضيف )
.............................
عزيزي القاريء.... اذا كنت من اهل الجيل الاول وكنت حريص على تطبيق كل مقومات العيش كأنسان من هذا الزمان فعليك بامريكا واروبا وبالفعل ان حياتها ستهون عليك حتى وان لم يكن عدد الدفاتر عندك عالي جدا ونوعية اللابتوب قديمة شوية فسوف تتأقلم بسرعة وتعيش الجو ولن تجد صعوبة كبيرة ..
..................................\
اما اذا كنت من الجيل القديم ممممممممم فاعذرني ان اقول لك وبصراحة امريكا ليست لك ولست لها , سوف تتعذب كثيرا وتعاني كثيرا ...
امريكا ليست لها علاقة بما تحمله من دفاتر ولابتوبات ولاتهتم ... امريكا لها علاقة بشخصك انت بثقافتك بعلمك بذكائك بما تعرفه بشهادك بخبرتك في مجال مطلوب وكلما زادت معرفتك بالتكنولوجيا الحديثة واللغة وقل عمرك ايضا كلما كانت (امريكا) سهلة وممتعة ومرغوبة ومحبوبة لك .
.............
اذن بقت يمك انت راجع نفسك وشوف هل تقدر ان تلحق بالركب ام لا ......... وبعدين انت جاوب نفسك
تحياتي اخوك كوندا العنكاوي
358
عندي رد بموضوع ابو انغام مال الدفاتر واللابتوبات هسه انسخة واجيبلكم اياه عساه يفيدكم (والله بصراحة اني كلش مقتنع بيه)
359
اخوية العزيز سوي مثلي اطلب جلسة استماع يسموه هيرنكً يعني مختصر مفيد تشتكي عليهم اصلا المحكمة مصفطة وكًاعدة ماعدها غير قضايا الولفر اكثر شي ...
وقبل لاتسوي هيرنكً اول شي اتأكد من القوانين واتأكد انه انت على حق واسأل اقرانك واصدقائك اشكد يستلمون حتى تقارن وتشوف نفسك اذا انت مغبون او لا..
...............
لعد احنا هسه اربع نفرات وانطونا كاش 230 دولار ؟؟!!!!! بعد ان كانوا قاطعيه عليه بالبداية .. هاي وين صايرة !
سويت جلسة الاستماع وحددولي موعد محكمة بس بعد ما منتهية القضية
رحت على الولفر علمود استفسر منهم اشعجب بقية الناس يستلمون اضعاف اضعاف اكثر مني ؟؟ جان يكًولي الموظف اولا انت ماعليك بغيرك مجرد تسأل عن قضيتك وبس .
ننتظر والله كريم
360
الله يكون في عونك وكل العوائل اهناك بالمناسبة انا اريد اروح للكاهون شتنصحني اروح لاي مكان بكلفورنيا لو اروح لغير ولاية
مرحبا بيك .. في الكاهون تحس انك لم تبتعد عن بغداد خطوة واحدة ....... الكاهون مدينة عراقية :- وصف سريع ومختصر:- -تعتبر الايجارات فيها غالية قياسا بالولايات الاخرى ,اذا غرفتين نوم اقل شي بين 1000 الى 1200 $ واذا غرفة وحدة 800-950$ -نسبيا الاعمال قليلة جدا وتكاد تكون معدومة خصوصا للعراقيين لان المكسيكان مستحوذين على سوق العمل وخصوصا العمل اليدوي وهو الاصلح للقادم العراقي الجديد ان توفر . -نظام السير والمخالفات صارمة جدا جدا -دائرة الولفر مزعجة جدا ومزدحمة يعني كل مراجعة مهما كانت بسيطة تستغرق اليوم باكمله -المنظمات فاشلة وتسيطر عليها مجموعة من الاقارب والمعارف والاصدقاء تقدر تسميهم (عصابات صغيرة) -المطاعم العراقية والمحلات منتشرة بشكل كبير ومفرح لكنها ليست مكان مناسب للبحث عن عمل لانها غالبا ما تكون فاملي بزنس -يجب الانتباه كثيرا الى مشكلة الحشرات في اي مجمع سكني في كاليفورنيا لانها متفشية في الفترة الاخيرة بسبب حظر استعمال نوع معين من المبيدات الذي كان فعالا جدا بالقضاء عليها وذلك بسبب تحذيرات من بعض الخبراء انه يؤثر على الانسان على المدى البعيد. -الاعمال التي يزاولها ابناء الجالية العراقية بالدرجة الاولى ... غسل السيارات (carwash) \لكر ستور (محلات بيع الخمور)\الكًاز ستيشن(عامل بانزيخانة)\صيانة السيارات والبنجرجي\الاسواق العربيةوالمطاعم\بعض الاخوة والاخوات القدماء وممن لديهم لغتين قويتين وواسطة يعملون في اعمال تعتبر ادارية مثل وظائف ترجمة في دائرة الولفر وما يتبعها وبعض المستشفيات والصيدليات والدوائر والمنظمات. -مناخ المنطقة جميل ومعتدل -نقطة سلبية.. تنتشر بين ابناء الجالية للأسف الشديد وهي (ممارسة القمار) بسبب انتشار المحلات والمكائن المخصصة لها ..اللهم أبعدنا عن هذه الافة المقيتة . - النقطة السلبية الاخرى وهي (الطامة الكبرى) في المدينة والولاية عموما ..وهي انتشار تعاطي المخدرات بصورة كبيرة جدا وبصورة علنية خصوصا في صفوف المراهقين وغالبا مايُطلب من اولياء الامور العراقيين تفتيش حقائب المدرسة لابنائهم وبناتهم في مختلف الندوات والاجتماعات . ارجو ان تكون مداخلتي مفيدة وشكرا - أخوكم كوندا
361
اخوان اني مااعرف انتو ليش تضخمون من المنظمات وتنطوهم اكبر من حجمهم وطاقتهم .... اصلا المنظمات مالها اي علاقة مجرد اتدليك الدرب وفي امان الله ان تروح اتكمل بقية المشوار لوحدك .. والله اني ماشايف خلقة المنظمة مالتي ولا الكيس ورركر غير كم دقيقة بس ومامترجي منهم اي شي لانه اعرف مايسوون شي ولا اصلا بيدهم شي .
الدور كلة عليك وعلى كفيلك وبصراحة بالايام الاولى كفيلك يتحمل الثقل الاكبر ........اما اللي ماعدهم كفيل فسالفتهم سالفة خوب اذا ماعدهم لاكفيل ولا لغة انكليزية يبوووووووووو بالضيم (في الايام الاولى خصوصا )
................................
شوفوا اللي صار ويايا اخوية كفلني وقاملي بالواجب ومن اول يوم فهمني انه المنظمة مجرد حبر على ورق الا ان تكمل شغلاتك بنفسك وفعلا مجرد دلاني الدرب (اول شي \استلام الولكم موني من المنظمة\بعدين تأجير سكن والتأثيث \بعدين التقديم على السوشل \بعدين التقديم على الولفر (مع العلم عندي مشاكل وياهم)\التقديم على برنامج ويك للاطفال \رحلة البحث عن سيارة لاتزال مستمرة \واخر شي رحلة البحث عن عمل ايضا لاتزال مستمرة )
وهاهية ابوكم الله يرحمة لااريد اشوف المنظمة ولا مترجي منها اي شي .
..............................
ونصيحة اتقوا شر ابناء بلدكم العاملين في المنظمات (طبعا ليس الكل)
362
مرحبا ... اسمعوا ردي المتواضع ..
اغلب الكوميونتي كالج لاتطلب منك معادلة شهادة الاعدادية مجرد يكتفون بادعائك الشخصي وراها يسوولك اختبار لتحديد مستواك باللغة الانكليزية ...وحسب كلامهم بسبب معرفتهم بظروف العراق .يعني من الصعب معادلة او التأكد من شهادة الاعدادية العراقية ...وبهذا تضمن دخول سهل الى الكالج.
بالنسبة للفاينينشال ايد ... بمجرد ان تذكر انك تحمل شهادة البكالوريوس (تلغي حقك باستلام مبلغ الفاينينشال كليا) فيجب الحذر .وان تعلم ان امامك خيارين يااما معادلة الشهادة يااما الفاينينشال ايد؟؟!!!
السؤال الاخر اذا عادلت شهادتي فهل سيطلبون مني تعويض ساعات الدراسة واكمال بعض اليونتات :... اخي حسب اولا حسب شهادتك وحسب المواد التي درستها وحسب مايوازيها او يعادلها عندهم وهل مطلوب من شهاداتهم درس كذا يونت وكذا كورس لازم تتأكد من الجهة التي سوف تعادل الشهادة وتقوم بمراسلتهم والافضل انك تتأكد من بعض اصدقائك من خريجي نفس اختصاصك وبسنوات مقاربة .
باعتقادي غالبية الذين عادلوا شهاداتهم من خريجي السنوات الحديثة لم يطلب منهم الساعات التعويضية ..على عكس القدماء
(اعتقاد شخصي اخر )
معادلة الشهادة في امريكا لاتغني ولاتسفر من جوع ليست اكثر من مجرد سطر يضاف الى سيرتك الذاتية عسى ولعل ان ينفعك في رحلة البحث عن وظيفة .
363
مع ذلك راح اجاوبك على قدر فهمي وتحليلي لسؤالك (وهذا الكلام من وجهة نظري وعن تجربة تقارب ال5 أشهر في امريكا)
الشيء اللي داأحسة بسؤالك انه كلامك لايشمل فقط الميسورين ماديا بل يشمل ايضا الميسورين من ناحية الشهادة والعلم والثقافة التكنولوجية الحديثة ... يعني تقدر تكًول شباب الجيل الجديد خلي نقول مواليد ((الثمانينات والتسعينات )).. اغلب مواليد هذه الفترة عاصروا فترة مابعد ال2003 والذي نعتبرة جيل (الدفاتر الثقافة والتطور والايفون والابتوب والانترنت والستلايت والفيسبوك والشهادات والجامعات والمطاعم الراقية والعمل مع الامريكان والتكلم باللغة الانكليزية بطلاقة وقيادة السيارات الحديثة وركوب الطائرات بل وحتى السفر خارج العراق بسهولة و و و ...الخ ونعم هو في نفس الوقت جيل المفخخات والارهاب .)
اما الجيل الذي سبقه ((جيل السبعينات والستينات)) (جيل حرب ايران و جيل الحصار و الفقر اغلب رواد هذا الجيل يتذكرون الطماطة والبيتنجان كوجبة الشعب الرئيسية ,جيل عدم اكمال الدراسة لااسباب اقتصادية , جيل الفورتات والباصات المزدحمة والمشي لمسافات طويلة.. جيل اللي سامعين بالدولار فقط ,,جيل اللي كان مجرد عندة جواز او تلفون ارضي او مصادق ولد عندة سيارة :Dيعتبر من صفوة القوم . و و و ... الخ اذا حبيت ان تضيف )
.............................
عزيزي القاريء.... اذا كنت من اهل الجيل الاول وكنت حريص على تطبيق كل مقومات العيش كأنسان من هذا الزمان فعليك بامريكا واروبا وبالفعل ان حياتها ستهون عليك حتى وان كانت لم يكن مبلغ الدفاتر عندك عالي جدا ونوعية اللابتوب قديمة شوية فسوف تتأقلم بسرعة وتعيش الجو ولن تجد صعوبة كبيرة ..
..................................\
اما اذا كنت من الجيل القديم ممممممممم فاعذرني ان اقول لك وبصراحة امريكا ليست لك ولست لها , سوف تتعذب كثيرا وتعاني كثيرا ...
امريكا ليست لها علاقة بما تحمله من دفاتر ولابتوبات ولاتهتم ... امريكا لها علاقة بشخصك انت بثقافتك بعلمك بذكائك بما تعرفه بشهادك بخبرتك في مجال مطلوب وكلما زادت معرفتك بالتكنولوجيا الحديثة واللغة وقل عمرك ايضا كلما كانت (امريكا) سهلة وممتعة ومرغوبة ومحبوبة لك .
.............
اذن بقت يمك انت راجع نفسك وشوف هل تقدر ان تلحق بالركب ام لا ......... وبعدين انت جاوب نفسك
تحياتي اخوك كوندا العنكاوي
364
السلام عليكم ورحمة الله وبركاته
اخواني وخواتي من خلال متابعتي لنشاطاتكم طيلة فترة دخولي للمنتدى ولحد الان لفت نظري الى موضوع (الدفاتر والابتوبات) الي ياخذوها الاخوان وياهم عندما يسافرون عن كمية المبالغ وانواع الابتوبات بس اكو شغلة مهمة مو كل الناس الي عدهم توطين من اصحاب الدفاتر والابتوبات
انا مثلا واعوذ بالله من كلمة انا عندي توطين ومكمل كل شي ومنتظر الاوكي ولااملك ورقة واحدة يشهد الله هل هذا يعني اني لااستطيع العيش في امريكا ارجو من اصحاب الخبرة وخصوصا الي همه بامريكا يدخلون وينورونا بمشاركاتهم والله من وراء القصد وتحياتي الكم
>>>>>>>>>>>> اخي العزيز الدفتر بالمفهوم العراقي هو 10,000 دولار اللابتوب ممكن تشوفلك مستعمل ب ورقتين فقط ........ فالمهم هو الدفاتر طبعا
365
اخي العزيز .. خليني اجاوبك ببساطة وبدون تعقيد .. موضوعك هذا والتساؤل اللي ابالك يندرج ضمن خانة (الكذب على الجهات الرسمية واخفاء المعلومات) مع احتراماتي لشخصك ..وهسه اوضحلك ليش:-
انت تريد تبقى تستلم المساعدات اللي تقدمها دائرة الولفر من فود ستامب او كاش ايد او اي مساعدات اخرى وفي نفس الوقت تبقى محتفظ بمبلغ معين من المال (سواء في بنك او في مكان اخر في امريكا)..
هذا الشيء غير قانوني وغير جائز ليش ؟ لانك عندما تتقدم بطلب الحصول على المساعدات المذكورة راح توقع تعهد (بالواقع توقع كومة اوراق) بانه انت ماتخفي معلومات وماعندك اي املاك او اموال او او ... وعلى اساس انه انت مستحق راح يصرفوك اياها .
زين اذا عرفوا وأكيد (لكل يعرف مقدرتهم وامكانياتهم) ماينراد اثنين يتناقشون بيها ... اذا عرفوا بعدين تعرف شنو راح يكون موقفك ؟؟؟؟؟ صعب جدا جدا .
ابسط شي لمن راح تظهر فلوسك اللي انت اخفيتها باي طريقة كانت وأشتريت بيت او اي شي ثمين اخر..... شنو راح يكون جوابك لما يسألوك من اين لك هذا وشلون دخل المبلغ الى امريكا وعن اي طريق ووين الوصولات وشلون مابلغت به ؟!! شنو راح يكون جوابك ؟!
367
هاي اجاك رد شكرا على ملاحظتك اخي وان شالله اخوتك الاداريين يحاولون الالتزام والمساعدة قدر الامكان وشكرا ايضا على الطريقة الحضارية في الانتقاد والطرح.
368
بالنسبة للبلك فهي ملاحظة مهمة والحمد لله اني طبقتها بس مااشتريت لانه هي اصلا تجي ويا اللابتوب مجرد طلعتها من الباكيت وبدلت النوع الدائري اللي نستعملة بالعراق وخليت النوع الاخر اللي دااستعملة حاليا بامريكا ...
بس بالنسبة للصوندة فتعذرني هاي الملاحظة متفيد ليش لانه ببساطة الحنفيات هنا تختلف
369
ابو سارة الله يساعدك ...
باعتقادي فان التعامل مع السفر الى كندا مشابه جدا السفر الى (المكسيك )... جماعتنا يدخلون المكسيك بالكًرين كارت فقط لاغير لاداعي للجواز العراقي او الترافل دوكومنت . حتى لو كان مذكور غير ذلك في التعليمات .
وبالمناسبة فأن السفر الى هاتين الدولتين لايؤثر كثيرا على قضية الحصول على الجنسية مثل السفر الى دول اخرى .
اخوية كوندا
منو كلك المكسيك ماتريد جواز منك اذا تريد تدخللهة
http://mexico.visahq.com/requirements/Iraq/resident-United_States/
هذا الرابط مالتهم
ابو سارة
>>>>>>>>>>>>>>>>>>>>>>>> عيوني ابو سارة الرابط على عيني وراسي ... بس احجيلك شغلة وحدة وهي انه اخوية ماعندة غير بس كًرين كارت ويومية رايح جاي للمكسيك اصلا يروح يترجم للعراقيين اللي يراجعون (اطباء الاسنان واطباء التجميل ) بالمكسيك وحتى صاروا اصدقائة ويجيبلهم زباين ويسوولة خصم . وللعلم جوازة العراقي مجرد طلع بيه من العراق قبل ماتفوت امريكا للعراق يعني قبل 2003 ..طلع لسوريا ومنها الى لبنان تهريب لان بوقتها مجانت لبنان تنطي فيز للعراقيين مثل هسة ... وصل امريكا بدون جواز عراقي طبعا . وماناوي يطلع جواز عراقي حتى لانه ماباقيلة شي عالجنسية الامريكية وهاي صارلة تقريبا 3 سنوات رايح جاي للمكسيك هو واصدقاءة وكلهم بدون جواز عراقي ... ويسلم عليك ويكًولك ابو سارة اي شي تحتاج من المكسيك اني بالخدمة .
370
كمعدل دولار او دولار وشوية تقريبا .. بس انت من تجي امريكا راح تتعلم ان تقيس بالكالون واللي هو 3.78 لتر ., غالبا الولايات النفطية مثل تكساس ونورث كارولاينا يكون بيها البانزين ارخص من بقية الولايات ودائما اغلى ولاية هي كاليفورنيا بدون منازع .
..............
371
ام تنسيم يمكم على الاقل مسموح شر الهدوم ... يمنا ممنوع منعا باتا .
اللي يريد يشر الهدوم لازم بداخل الشقة فقط!!!
372
هههههه اني من اول شهر كًطعوهن كلهن شلع .,.. بقوني بطركً المديكال ... هم خلف الله عليهم وطبعا للأسف الشديد هذا كلة بسبب غلطة الموظف اللبناني (الحقير) المعروف لدى العراقيين جميعا بحقارتة المعهودة هذا الموظف يجي ويفتر على البيوت ويسجل بكيفة هو وظيفته تقتصر على التحقق من وضع العوائل ... لكن هو يخبث لانه يكره العراقيين كره شديد وخاااااااااااااااصة جماعة ال siv المترجمين تحديدا .
373
kunda
تحياتي لوجهة نضرج
قصدك نظرك ...كوندا ولد مو بنية ,,تحياتي
374
لااتفق في كثيييييييييييير مما جاء في هذه المقالة ...المقالة المفككة التي تعبر عن وجهة نظر الكاتب فقط وجهة نظره الوهمية جدا جدا ..
............
قد يكون استعمل بعض العبارات والافعال والامور الصحيحة لكنها استعملها بطريقة خاطئة اسمحولي بالتعليق على بعض مما جاء فيها...
اقتباس " في مدينة سان دييغو يكفي أن تتبع آثار الزبالة و حيث تنتشر الأوساخ تجد العراقي جنبا إلى جنب ـ بكردهم و عربهم و مسلمهم و مسيحيهم ـ ينشرون تلك الأوساخ حالهم حال الصومالي و الأفغاني و الباكستاني و المسلمين عموما، "
هنا يبين الكاتب بأنه ليس حاقد فقط على ابناء جلدته العراقيين ويستخدم معهم العبارات القذرة والعنصرية بل انه ايضا حاقد على بعض الجنسيات الاخرى (السمراء)ويحاول ان يلصق بهم صفة القذارة ونشرها ؟!!! ولعمري اني لاارى فرقا بين تلك الصفات وبين مطلقها على الاخرين. ولااعرف هل الكاتب يتكلم عن الزبالة الحقيقية حرفيا ام عن زبالة الاخلاق والسلوك؟! اذا كان يتكلم عن الزبالة الحرفية يعني الtrash فلايوجد شيء مما ذكر في ساندياكَو لانه هناك شركات متخصصة بالتنظيف والشوارع على اخر حباية ..اما اذا كان يتكلم عن الزبالة بمعنى مجازي ؟! فماذا تعلم من امريكا ؟؟!! هذا هو التعنصر والحقد والتمييز بحد ذاته ينطلق من فمه هو .. الافندي المثقف المنتقد لهم.
..................................................
اقتباس اخر "فنشهد في شارع ماديسون ـ أحد شوارع سان دييغو ـ صراعا بين الكرد و العرب على "أرض متنازع عليها"
هنا الكاتب ينتقل من التشهير والتمييز الى الكذب المحض .. اي ارض واي نزاع اخي هنا كل شخص كًاعد ابيتة ويدفع ايجارة شنو نزاع شنو صراع على ارض انت وين عايش؟؟
...............................................................
اقتباس اخر"أو صراعا سنيا شيعيا في ماغنوليا ـ شارع آخر ـ "
عدنا الى فقرة الكذب (الجزء الثاني ) الحمد لله انني اسكن في نفس الشارع المذكور .
.................................................................
اقتباس"فتجد الكردي يكره كل الأمريكيين لأن أمريكا ـ لم تقم بإنشاء وطن قومي لهم ـ و العروبي يكرهها ـ لأنها أسقطت صدام ـ و الشيعي يكرهها لأنها ضد الخميني و الخامنئي و الولي السفيه و الشيوعي يكرهها لأنها رأسمالية إمبريالية أسقطت عبد الكريم و من بعده الاتحاد السوفيتي،"
كلام مغلوط مئة بالمئة .. لانه كل انسان يمثل نفسه وليس غيره
.............................................................
اقتباس "المسيحي يكرهها ( يعني يكره امريكا) لأنها أسقطت صاحب النعمة "طارق عزيز"
عمر المسيحيين ماكانوا يشعرون بطارق عزيز او يعتبروه صاحب نعمة عليهم او له تأثير في مجتمعهم. مجرد شخص موالي لصدام لااكثر ولااقل
............................................................................
اقتباس "و السني يكرهها لأنها تقتل "مجاهديه" من قاعدة و بعثية، بوجيز العبارة فإن كل واحد منهم يريد أن يتحول إلى الزعيم الأوحد حتى في عقر دار الديمقراطية."
اعتقد ان الكاتب تمادى كثيرا هنا , هاي لو هيجي جان امريكا سقطت بشهرين .
............................................................................
اقتباس "عراقي آخر حاول إقناعي بوجوب "رجم العاهرات" اللواتي يمشين على الشارع و يتصيدن الزبائن، فقلت له متهكما:
ـ إنهن فاعلات خير يا رجل.."!! فقال متعجبا:
ـ تسمّي العاهرة فاعلة خير.."؟ فقلت له متهكما مرة أخرى:
ـ الملالي مالك فتحوا كل أبواب الجّنّة للقاتل الفاجر المجرم صدام.. صعب عليهم يلقون باب صغير لهذه العاهرة المسكينة؟؟".
لاتعليق نهائيا بالمرة على هذه الفقرة
.......................................................................
الاقتباس الايجابي الوحيد" كنت في العراق (في دهوك) محطما لا أملك حتى الحق في أن أحلم كأي إنسان طبيعي، و لولا عائلتي لكنت من الهالكين، و هنا مرة أخرى يريدني العراقيون أن أترك كل الحياة المتاحة أمامي و أن أعود للمربع الأول، حيث العزلة و الموت البطيء، "
الجملة الوحيدة التي اتفق فيها مع الكاتب .
.......................
للأسف المقالة برائيي تحت مستوى سطح البحر ليست سوى كلمة حق يراد بها باطل ..صحيح يوجد امور سلبية كثيرة في مجتمعنا وفي جاليتنا لكن ليس بهذه السوداوية والتضخيم والتشهير
375
عيني الاهم جدا جدا بالموضوع كلة هو لغته الانكليزية .....كلما كانت لغتة قوية كلما سهلت عليه الامور .. وخلي نحجيها بصراحة احنا العراقيين بصورة عامة ضعيفين باللغة الانكليزية زخاصة التحدث (ماعدا اللي اشتغلوا مترجمين ويا الامريكان وكانوا بعمر صغير ولفترة ليست قصيرة ايضا)
اما البقية كلنا ينطبق علينا عبارة ESL يعني من جماعة الانكليزية كلغة ثانية مع بعض التفاوت في مستوى الفهم والتكلم والكتابة والفراءة .
...................
اذا هو جوة ال18 فمثل ماجوابوا الاخوان وماقصروا راح يروح هاي سكول يعني اعدادية واذا هو في منطقة ذات جالية عراقية كبيرة فهذا ماسيحصل
يعاني معاناة نفسية اقل لكن تلقيه للغة الانكليزية يكون اضعف (على اعتبار انه سيستخدم اللغة العربية بكثرة)
اذا كان في منطقة ذات جالية عربية قليلة فسوف يعاني نفسيا لكن تلقيه للغة الانكليزية سيكون اقوى بكثير (على اعتبار انه سيضطر لاستعمال الانكليزية)
..............................
اما اذا كان فوق ال18 (في كاليفورنيا ) يكفي ان يدعي فقط انه خريج سادس اعداي فقط الادعاء ليس ملزم ان يؤكد (بالنسبة للعراقيين فقط معفيين من احضار الشهادة بسبب ظروف البلد)
وبامكانه الدخول في احدى الكوميونتي كالج والحصول على شهادة تعادل الى حد ما شهادة المعهد في العراق ..... وايضا يقدم على المساعدات المالية للدراسة والتي تسمى الفاينينشال ايد حتى يتمكن من دفع مصاريف دراسته.
............
لكن نرجع ونقول ان اللغة الانكليزية هي العامل الاهم في الموضوع وبما انه عمره صغير فمن المفروض ان يتعب نفسه على استقبال وتلقي اللغة ولو بنسبة معقولة .
لانه لو كان عمره كبير نسبيا فمن عاشر المستحيلات ان يتعلم اللغة الانكليزية في الكبر حتى لو عاش عشرين سنة في امريكا.
376
راجعهم اخي اكيد اكو غلط بالموضوع ... اني ايضا صايرة ويايا اغلاط كثيرة بقضيتي كطعوا عني الكاش ايد والفود ستامب بالغلط وسويت محكمة (هيرنكً) ولاازال بانتظار النتيجة ان شالله خير.
377
بصراحة احنا اول مااجينا هنا لكاليفورنيا العراقيين خوفونا من ركوب الباصات جدا .. خاصة اوقات المساء او الصباح الباكر جدا ....... لانه (وحسب الكلام المنتشر هنا) ماتعرف بأي لحظة يصعدون الحشاشين والسلابة ويسلبون الركاب تحت تهديد السلاح وتأثير المخدر ... لذلك الغالبية يعتمدون على سياراتهم الخاصة..الا فئة قليييلة جدا .
378
صارلي فترة طويلة ادور ولحد الان مالاكًي سيارة مناسبة وبسعر مناسب ....
والله هالسيارات حيرة وحيرة جبيرة هنا بامريكا والبحث عن سيارة للشراء يعتبر المصيبة الاعظم
المشكلة الاكبر عندي هي البحث عن طريق الانترنت (الخوف الاكبر هو من التقفيص والتزوير) خاصة اذا صاحبها اجنبي وهاي متعرف يطلع هو صاحبها الحقيقي لو لا ...وتعال ابقا دور على سيارة من مالك عراقي .
مايسموهم ( بالديلرية )يعني بياعة شراية مال سيارات مالهم أمان ايضا وماكو اي ضمانات بالموضوع اكيد.
البحث عبر الانترنت مشكلة كبيرة ايضا ...
واذا لكًيت سيارة اونلاين فأكيد ماراح تكون بصف بيتك لازم تروحلها (بسيارة ثانية ) وتقطع الاميال والمسافات علمود تشوفها ... وتطلع مالها علاقة بالشيء المنشور بالانترنت .
والله الموضوع عدنا بالعراق على بساطته يعتبر اسهل بكثيــــــر هي كلها روحة يوم لو يومين للمعارض وترجع راكب سيارة وينتهي الموضوع .
379
صارلي فترة طويلة ادور ولحد الان مالاكًي سيارة مناسبة وبسعر مناسب ....
والله هالسيارات حيرة وحيرة جبيرة هنا بامريكا والبحث عن سيارة للشراء يعتبر المصيبة الاعظم
المشكلة الاكبر عندي هي البحث عن طريق الانترنت (الخوف الاكبر هو من التقفيص والتزوير) خاصة اذا صاحبها اجنبي وهاي متعرف يطلع هو صاحبها الحقيقي لو لا ...وتعال ابقا دور على سيارة من مالك عراقي .
مايسموهم ( بالديلرية )يعني بياعة شراية مال سيارات مالهم أمان ايضا وماكو اي ضمانات بالموضوع اكيد.
البحث عبر الانترنت مشكلة كبيرة ايضا ...
واذا لكًيت سيارة اونلاين فأكيد ماراح تكون بصف بيتك لازم تروحلها (بسيارة ثانية ) وتقطع الاميال والمسافات علمود تشوفها ... وتطلع مالها علاقة بالشيء المنشور بالانترنت .
والله الموضوع عدنا بالعراق على بساطته يعتبر اسهل بكثيــــــر هي كلها روحة يوم لو يومين للمعارض وترجع راكب سيارة وينتهي الموضوع .
380
السلام عليكم
أغاتي .. steven_siv
تحياتي .. مع إحترامي لكل الأجوبة .. عن تجربة شخصية يمكنك من الدخول لـــ كندا
والخروج منها بواسطة البطاقة الخضراء (( الكَرين كارد )) فقط .. ولا تحتاج لأي جواز
مع تقديري
أخوكم .. أبـــو دجــــلة
**
الزميل العزيز المخضرم ( ابو دجلة )عندنا يامرحبا يامرحبا ... والله من شفت ردك تصورت انه الموضوع قديم بصراحة مشتاقين ياغالي صار فترة مانورتنا بزيارة ودية ... تحياتي و welcome back عزيزي واستاذنا الكبير ابو دجلة ..
أخوك كوندا العنكاوي
381
ابو سارة الله يساعدك ...
باعتقادي فان التعامل مع السفر الى كندا مشابه جدا السفر الى (المكسيك )... جماعتنا يدخلون المكسيك بالكًرين كارت فقط لاغير لاداعي للجواز العراقي او الترافل دوكومنت . حتى لو كان مذكور غير ذلك في التعليمات .
وبالمناسبة فأن السفر الى هاتين الدولتين لايؤثر كثيرا على قضية الحصول على الجنسية مثل السفر الى دول اخرى .
382
زين هالعمودين بعنوان الموضوع شنو ؟؟؟؟؟؟؟ ياريت احد يفهمنا الى شنو ترمز هالبواري ؟؟
383
حبي مغترب اني شبهتلة الكوميونتي الكالج (بالمعهد)عدنا بالعراق من حيث الشهادة ... تحياتي
384
التقديم اونلاين على السكشن 8 ..... لكن خلي ابالك مو اسرع من 5 سنوات وايضا يختلف من ولاية الى اخرى
واكو ايضا تقديم على شقق ال low income هاي تختلف عن السكشن ايت وهاي تقدملها مباشرة للمجمع السكني نفسة لكن غالبا ماتكون مجمعات تعبانة (رائي الشخصي) ومايحقلك انت تختار الشقة اللي تريدها همه يختارولك المكان والزمان ... في كاليفورنيا هذه الشقق ايضا تتأخر حسب كلام الموظف المسوؤل (اللي قابلني الاسبوع الفات) وكًال تتأخر من 7 الى 8 سنوات فقط ؟!!!!!!
طبعا اني دااحجي عن كاليفورنيا ..مااعرف انت اي ولاية واي مدينة ؟!
تحياتي
385
حسب علمي ماكو دايركت الى بغداد ...... يااما تركيا او الاردن وهالبلدين احسنلك وأئمنلك في الوقت الحاضر وممكن ايضا ترانزيت على فد دولة اوربية بس انت تعب نفسك ودور باحد مواقع الطيران مثل هذا http://www.cheapflights.com/
386
اغلب الشقق الغسالة ممنوعة في داخلها ........ ممكن اتحطلك وحدة (قجغ) مثل مايسوون هواية عراقيين لكن تبقى المشكلة بالتنشيف ايضا راح تضطر ان تستعمل النشافة العمومية وامرك الى الله ....
لانه ايضا ممنوع نشر الغسيل في اي مكان خارج الشقة (لا في البالكون ولا الممر ولا حتى في الحديقة ولا اي مكان اخر في المجمع السكني ) هذه ايضا عليها غرامة ... اني اجاني قبل فترة تحذير من المنجر مال المجمع .. وبعدين تحذير ثاني ودزوا علية لانه جانوا ماخذين الملابس ايضا , ورحت رجعتها بس مادفعت غرامة لانه ورا الانذار الثاني يالله يغرمون .وجاولت اشرحلهم كذا مرة انه هذه ملابس الطفل الحديث الولادة ولازم نعرضها لااشعة الشمس ومايصير تختلط مع بقية الملابس مال السكان ..لكنه ماقبلوا للأسف .
387
العفو rania61بالمناسبة تعقيبا على حجيج العراقيون بيس اب الكاهون 40000 فشلون الاخ يكول 30000ابكل اميريكا
ويقال ايضا اكثر من 50,000 في الكاهون وحدها .. ............... اعتقد انه هذه الاحصائية قديمة جدا يمكن من اوائل التسعينات او الثمانينات.
388
شكرا على هذا الموضوع الراقي وعلى ذكر موضوع السيارات فاني اخوكم لاازال ادور على سيارة يكون سعرها بين ال1500 الى 2000 دولار في ولاية كاليفورنيا \سان دياكًو ..... وياريت من عند اخواننا العراقيين اللي عندة هيجي شي جوا ايدة ياريت لو يراسلني على الخاص او يكتب في هذا الموضوع على العام والشكر موصول للاخ تكريتي على الموضوع .
389
السلام عليكم ورمضان كريم على العراقيين جميعا اينما كانوا
وعليكم السلام ورمضان كريم
ممكن الاجابه عن الاسئلة من اصحاب الخبره ولكم جزيل الشكر
1- اني SIVيصير أسفار وحدي وعلى حسابي الخاص؟؟؟ لو شرط لازم ابلغ ال IOM
طبعا يصير تسافر وحدك ويصير ايضا تسافر عبر الiom مثل ماسوينا احنا الاغلبية في هذا المنتدى وفي الواقع ايضا يعني من النادر جدا ان تلكًا واحد siv ومسافر على حسابة .. السفر ويا الiom افضل الك بهواية صدقني واريح اكيد.. وطبعا مالة علاقة بالكًرين كارت لانك راح تستلمة في فترة بين الاسبوع والشهر اكثر شي.
2- شنو الفرق بين ال College وال Community College ? واني خريج كلية عادي اغلس على شهادة الكلية (للعلم اني بالمقابلة كلت عندي بكالوريوس)؟؟؟
الكوميونتي كالج يعني تقدر تكًول(دراسة حكومية) الشهادة الي ممكن تحصلها من اي college هي Associate Degree (الاسوسيت دكًري) يعني مانسميه بالعراقي الدبلوم مال المعهد ... والدراسة بيها تكون غالبا مجانا وبكاليفورنيا ممكن تحصل فلوس ايضا من ( الفاينينشال ايد) لكن هذا القرار مايسري الابعد مرور سنة من عيشتك في الولاية ., اما اليونفرستي فهي الجامعة بالمفهوم العراقي وتنطيك شهادة (Bachelor) يعني البكالوريوس ..لكن الدراسة بيها مو مجانية , الا اذا تحصل على منحة دراسية يعني ( scholarship).
ملاحظة :اذا تريد تدرس بالكالج وتاخذ فلوس من الفاينينشال ايد لازم (تغلس) على أي شهادة انت ماخذها من العراق فوق الاعدادية ..لازم تدعي انك خريج اعدادية فقط. والا يروح عليك الفاينينشال ايد الي تستلمة بايدك .لكن يحقلك تدرس بالكالج مجانا بس ماتستلم فلوس .
3- اذا اريد اجيب وياي مبلغ اكثر من 10.000$ شلون بهاي الحالة اكدر اخذ Financial Aid? ترهم لو مترهم؟؟ شنو الحلول؟
الفاينينشال ايد مالة علاقة بالدفتر اللي تجيبة وياك لانه همه يعتمدون على الانكم مالتك يعني اشكًد هو الراتب اللي يدخلك للبيت وعلى اساسة يقررون هل انت low income ام لا ؟ ثانيا من الخطأ جدا ان تجيب وياك مبلغ كبير فوق ال10000 دولار خاصة اذا عرفوا بيه لانه اسمك يدخل ويعرفون بيك اشكد جايب فلوس وياك كًدامك حلين ياأما توزع الفلوس بين افراد العائلة او الاصدقاء الثقة اللي وياك بالطيارة او تجيب مبلغ 10,000 دولار فقط لاأكثر والباقي تبعثة بطريقة اخرى.[/color]
4- ممكن اشكر كل الموجودين في المنتدى لانه اليوم عرفت الموقع وسجلت اغلب المواضيع لانه مفيده جدا وياربي ميضيع تعبكم...
المنتدى بخدمتك وبخدمة كل طيب
تحياتي
اخوكم Alves
أخوك كوندا العنكاوي
390
باعتقادي الشخصي ان الرفض لايأتي من فراغ لابد من وجود سبب (هم مقتنعين به جدا ) للرفض ...
الحالات المرفوضة خصوصا للمترجمين عبر برنامجي (siv \iom ) هي حالات نـــــــــــادرة جدا جدا وقليلة وقد يكون المترجم صاحب الرفض على علم بسبب رفضه حتى وان اخفاه او قام بالتقليل من اهميته ...غالبا ما نسمع قصته عاجلا ام اجلا .. وقد لايكون على علم احيانا لكنه مع ذلك ينجح في التخمين .
............
أخواني لايوجد نار من دون دخان لماذا تم قبول الالاف والالاف المترجمين مع عوائلهم ايضا بالمقابل؟؟؟
حالات الرفض قليلة وقليلة جدا ولها اسبابها
391
الاعداد في تحسن واضح وملموس والحمدلله ....
393
هسا لازم شنكول انكول شكرا امريكا على هاية الحرية والديمقراطية الي تريدهة لسورية مثل مرادتهة لغيرهة وحسبي الله ونعم الوكيل وبعدين انكول الله يرحمهم
صدقني امريكا مالها علاقة ولامتدخلة بالوضع السوري واصلا مامنطيتة الاهتمام المطلوب اساسا...واذا امريكا رادت تدخل فبشار الاسد مايبقى اربع أيام بالحكم , بس امريكا كًامت مؤخرا تركز على امورها الداخلية اكثر من السياسة الخارجية ((خصوصا اذا فاز رومني بالانتخابات )) الشرق الاوسط راح يتحول الى غابة حقيقية .. (طبعا هذا رأئي الشخصي واني مو محلل سياسي أكيد) .................... الرحمة والغفران لشهداء العراق في سوريا
394
خالو المارد لولو .............. ماتفهمنا شنو سالفة البنية اللي طلعت فيزتها وبعدين انرفضت ؟؟؟؟؟؟ ترة هاي شغلة اتدوخ وتسطر ؟! وصعبة التصديق ..شلون طلعت فيزتها وشلون انرفضت لعد التجييك الامني على شنو يناملة اشهر وسنين ؟!!
395
والله اذا اتطبقت بطريقة سليمة اني اعتبرها خطوة ايجابية من قبل الحكومة (اللي ماعودتنا على هيجي اهتمام) لاهسة ولا قبل .. بس كون تطبق على مبدأ الحق والعدالة مو نص الفلوس او اكثر تفوت بجيوب هذا وذاك .. مثل ماكنا نسمع عن رواتب للمهجرين داخل البلد حرام اذا شفنا منها فلس احمر . عفنا البلد وليهسة ماشفناها ...
396
هنا الخبر نقلا عن احد الوكالات ........وهذا الرابط من وكالة اخبار المستقبل نيوز http://almustaqbalnews.net/ArticleShow.aspx?ID=31645... 29/7/2012 4:46 مساءَ يغداد/ وليد مهدي اعلنتْ وزارة الهجرة والمهجرين عن منح العائدين من سوريا 4 ملايين دينار بشكل نقدي ومباشر واتستثنائي واعادة الموظفين لوظائفهم والطلبة للدراسة ممن سجلوا عودتهم بعد العشرين من الشهر الماضي. وقال مصدر مسؤول في الوزارة في تصريح لـ «المستقبل» امس ان «وزير الهجرة ديندار نجمان دوسكي اصدار اوامر وزارية باعطاء اسبقية للعائدين من سوريا بعد 20/6/2012 لصرف منحة العودة البالغة 4 ملايين دينار ومن خلال مراكز العودة التي يفترض ان تسجل فيها العوائل العائدة» مبينا ان «صرف المنحة سيكون بشكل مباشر من المراكز ونقديا بدون اجراءات روتينية في المصارف». واضاف المصدر ان «الوزارة ستعمل على اعادة المفصولين ممن عادوا من سوريا الى وظائفهم واحتساب مدة تركهم الوظيفة اجازة بدون راتب لانهم تركوا وظائفهم نتيجة للاوضاع السيئة التي عاشها العراق انذاك». واوضح ان «وزير الهجرة وجه الكادر الوظيفي في مقر الوزارة بالاسراع في منح العوائل العائدة من سوريا بعد العشرين من حزيران الماضي تاييدات للوزارات الحكومية كافة لاسيما الى وزارة التربية والتعليم العالي بغية تسهيل عودة ابنائهم للدراسة بدءا من العام الدراسي المقبل». واشار الى ان «وزارة الهجرة تعمل من خلال خلية الطوارئ لاستقبال العائدين العراقيين من سوريا واللاجئين السوريين على تهيئة الظروف المناسبة والخدمات الاساسية للعائدين العراقيين واللاجئين السوريين خاصة ان الوزارة ارسلت وفدين الى منطقة القائم في محافظة الانبار والى معبر اليعربية في الموصل يقومان بمتابعة اجراءات دخول العراقيين والسوريين وتسهيل الاجراءات القانونية وتقديم المساعدات لهم».من جانب اخر اكدت وزارة الهجرة والمهجرين ان اعداد العراقيين العائدين من سوريا وصلت الى اكثر من 12 الف لغاية يوم امس الاحد. في وقت اكدت الوزارة وصول اعداد اللاجئين العراقيين الداخلين للاراضي العراقية الى 2802 لاجئ سوري متوقعا زيادتهم خلال الايام المقبلة.
397
مشرفنا العزيز كوندا , قبل اكثر من سنه اني سمعت عن هذي المنحه وهي حصرا لاصحاب العوده الطوعيه وللعوائل فقط يعني السنكل مثلي حتى لو يرجع مامشمول بيها. وكذلك في وقتها كالو شغلتها دوخه بس اكو معقبين يكملوها وياخذون جزء من المبلغ, طبعا هذا الكلام نقله لي صديق بالعراق قبل اكثر من سنه والعهده على الراوي.
احترامي
حجي صحيح واهم شرط هو انه تنمنع من السفر لمدة خمس سنوات وراهة لانه صارت وية ناس اعرفهم
ابو سارة
يعني يمنع من دخول سوريا فقط لو ينمنع من السفر خارج العراق ..... اذا اكو هيج قرار فااعتقد انه هو المنع من السفر لانه جماعتنا ماعدهم صلاحية ان يمنعون احد من دخول سوريا لانه هذا شأن سوري داخلي .. بس اذا اكو هيجي قرار فمعناها انه الحكومة تريد تلزمهم من ايدهم التوجعهم حتى محد يفكر ياخذ الفلوس ويفلت بيها مرة ثانية ...
398
صحيح الولايات ذات الاستقبال الاكبر للتواجد العراقي والعربي وهي كاليفورنيا مشيكًان تكساس اريزونا الينوي ............... سمعت انه كاليفورنيا بعد مشيكان بدأت تقلل من النسب حسب المستطاع ..ايضا التوازن العرقي له دخل في الموضوع. ...زز السلام عليكم اني لاجئ بتركيا انشاء الله مابقة شي اسافر الامريكا ......... اني عندي مهنة سايق سيارة حمل يعني تريلة او لوري علما اني املك اجازة سوق وكذالك املك شهادة اعدادية واريد اكمل كلية القانون ......... كفيلي بولاية كلفورنيا ....... نورني برايك مع جزيل الشكر والتقدير
جوابي:- اي اخي اتمنالك السفر بالقريب العاجل والوصول بالسلامة .. اجازتك احتفظ بيها وهنا راح تمتحن وتسوي اجازة عادية (الامتحان بكاليفورنيا بالعربي) وبعدين تمتحن عملي حتى تستلم اجازة سياقة عايدة للسيارات الصغيرة .. بعدين تدخل دورة وتسوي اجازة مال السيارات الكبيرة ولازم تشتغل على تقوية لغتك الانكليزية لانه (الامتحان النظري بيها بالانكليزي)هالمرة فقط . وبعدين تمتحن عملي من تنجح بالنظري الاجازة الثانية اعتقد تكلفك حوالي 2500 دولار بس اكو شركات تدفعلك اياها كلها على شرط ان تشتغل وياهم لفترة سنة على مااعتقد . وهم اسأل بيها للتفاصيل اكثر .
399
المارد لولو ... عبالي عندك جواب شي .!! .. لاوالله صديقي بس وصلتني هيج اسئلة وكتلهم ماعرف الجواب بس راح انزل موضوع لخاطركم عسى ولعل يوصلنا جواب اكيد . ........ منور لولو
400
مرحبا ... كثرت التساؤلات عن هذا الموضوع فياحبذا لو تشاركوننا الرأي هل هذا الكلام صحيح وهل هناك قرار فعلا من مجلس الوزراء بمنح العوائل العائدة بعد تاريخ 20-7 مبلغ 4000,000 دينار عراقي ... أين ومتى وكيف ؟؟ وهل التاريخ هو فعلا 20-7 وهل هذا المبلغ فعلا للعوائل ام للافراد؟ ؟؟ وهل هي اشاعة اصلا ام الخبر صحيح ؟
ارجو اثراء رواد المنتدى بمعلومات دقيقة وموثوقة رجاءا .
.............
ملاحظة : قمت بالمشاركة بهذا الموضوع بعد الكم الهائل الذي وصلني من الاسئلة عبر الهاتف والرسائل وللاسف لااملك معلومات اكيدة لذا اطلب مساعدة لمن لديه معلومة مفصلة .ولكم خالص الشكر والتقدير .
أخوكم كوندا العنكاوي
401
أعضاء عنكاوا المحترمون...البعض يعرف منكم والبعض لا إنه في بداية شهر السادس إنطوني موعد سفر بس بسبب زوجتي كانت حامل بذاك الوقت تم تأجيل السفر لما بعد الولادة..هسه الحمد لله جاني الولد وضفته على الملف ..هسه أسأل الأخوان والأخوات أصحاب الخبرة بهذه الحالة...شنو الخطوة القادمة؟ هل يتم فحص طبي للطفل أولآ ؟ أو يسوون مقابلة أول؟ لو شنو؟ ...علماً أنه حالة الملف بقت نفسهه pending result بس الأمنية رجعت pending بس حالة السفر ضلت pending متغيرت..وبالمناسبة قبل ماأضيف الطفل جتي الي 3 إيميلات تكلي إنته على جدولة السفر وحيتصل بيك موظف IOM ...وأخر إيميل منهم بعد الإضافة كالولي لازم تكون جوازات العائلة كله سارية المفعولية يعني مو أكسباير...بأيكم الكريم..الشغلة ممكن تتأخر لو تتم بسرعة في ضوء التسريع الحاصل على الملفات...وشكرأ لمن يبدي رأيه أو يشارك أو يقرا الموضوع.
.................................................................... السلام عليكم
بالبدايه الف مبروك على المولود الجديد
اخويه صاحب الموضوع
ماريد اكئبك بس اكيد حالتك تختلف عن حالتي لان انت الامنيه مالتك واصله بس اذا تكمل اوراق الطفل بالعجل يمكن تمشي شغلتك بدون تاخير
قبل متصير اكسباير الامنيه بس حالتي اني انتضر الامنيه عود من تجي اسوي مقابله اضافة الطفل والفحص وباقي الترتيبات
بالمناسبه ابني جان تاريخ ولادته 24/9/2011 وكملت اوراقه 25/10/2011 وضفته بنفس اليوم والى هسه انتضر المجهول 
وان شاء الله السفر القريب للكل
اخوك نائل من دهوك
............................................................ اخي الكريم ، اني ضفت طفل بشهر الثالث 2011 وقابلت محلف للطفل في 20/4/2011 وفحص للطفل في 1/5/2011 و دورة تثقيفة في 1/9/2011 وأخيرا اعادة فحص طبي للعائلة في 10/12/2011 وما زلت منتظر الفرج .... تحياتي .
.......................................[/size][/size]
402
اخوان السلام عليكم ورمضان كريم عليكم وكل عام وانتم بخير سءوال يرحم والديكم اخر موعد لسفر المرأة الحامل يعني بأي شهر تقدر اتسافر وبأي شهر نقطع الامل بالسفر مع جزيل الشكر
غاليا لمرأة الحامل تقدر تسافر حتى لو كانت في الايام الاولى من دخولها الشهر التاسع ( بشرط اثبات خطي من طبيبها يضمن صحتها وسلامتها ومقدرتها على الطيران وبأن موعد الولادة غير قريب )... لكن جماعة الiom يتخوفون ويتحسسون من ذلك لعدم الوقوع في ورطة خاصة اذا كانت المرأة في الفترة الاخيرة من الحمل ولذا يقوم اغلب اللاجئين باخفاء الفترة الحقيقية للحمل وتقليلها اي عندما تكون في الثامن او التاسع نقول انها في السادس او السابع ... وهكذا ................... لكن بحسب اغلب قوانين الطيران المدني فان الحامل يسمح لها بالسفر (عدا الاسابيع الاخيرة من الحمل)
403
http://www.ankawa.com/forum/index.php/topic,470620.0.html>>>>>>>>>>>>>>>>>>>>>>>>> هذا موضوع مثبت في قسم مواضيع الهجرة المهمة ويختص باضافة الطفل والسفر ... الموضوع قديم لكن يتجدد ويتحدث باستمرار تبعا للمعطيات والتحديثات الجديدة (وايضا اسمحولي بعمل بعض الاقتباسات الضرورية لااثراء الموضوع ايضا ) تحياتي اخوكم كوندا
404
مااعتقد انه مايسمى بالبند السابع له علاقة بموضوع اللجوء والهجرة من قريب او بعيد !!! لانه لما كان المواطن العراقي يقدم على لجوء وينقبل ويسافر ايام الثمانينات والتسعينات والالفينات ...لم يكن هناك شيء اسمه البند السابع.
لاتنسى انه حصولك على حق اللجوء هو استنادا على امور (شخصية) حدثت معك في بلدك الاصلي وليس بسبب الوضع العام للبلد ... هم يعرفون انه الوضوع الامني المتردي والمشاكل والوضع السياسي قد يكون هو السبب فيما تعرضت له لكنه ليس سببا كافيا لقبولك ...راح اضربلكم مثل....
.............
ايام الثمانينات لما كان اخواننا الاكراد يقدمون على اللجوء ... اذا كان صاحب الطلب يتكلم بصفة عامة عن وضع الاكراد وقصفهم بالاسلحة الكيمياوية في العراق عموما ,بدون وضع قصة تفصيلة فردية حدثت معه شخصيا او مع عائلته فان طلبه كان يرفض .
ايام التسعينات لما كان اخواننا من ابناء الطائفة الشيعية يتقدمون بطلبات اللجوء كانت طلباتهم تواجه بالرفض ان لم تكن تحتوي على قصة منفردة منفصلة ... لم يكن كافيا ان تقول ان النظام الحاكم حارب طائفتي .
ايام مابعد احداث 2003 وكل الحديث الهائل عن استهداف الاقليات (المسيحيين والصابئة واليزيديين)كل هذه الاحداث والاخبار التي تصدرت الصحف ليست كافية ان يحصل احد ابناء هذه الطوائف على حق اللجوء الا اذا قدم قصة شخصية منفردة ايضا .... يعني لايكفي ان تقول انني مسيحي وجميع المسيحيين مهددين واريد حق اللجوء ...(كما حصل مع البعض) ..
اذا وحسب استنتاجي ان حق اللجوء يمنح للافراد او العوائل بناءا على احداث شخصية مروا بها وايضا استنادا على الاحداث العامة للبلد او المنطقة باعتبارها سببا للنتيجة التي هم عليها ...
اذا البند السابع لاعلاقة له بالموضوع.
405
الف مبروك اخي العزيز كوندا الطفل الجديد ..... يتربى بعزكم ان شاء الله ..... وان شاء الله الاعضاء فادوك بمعلوماتهم والموضوع مهم ويفيد كل العوائل...
تحياتي الك
شكرا اخي العزيز برنسو
406
اخي كوندا مبروك المولود الجديد يتربى بعزك انشاء الله اذا اتريد ادزلك رقم اخويه يمك نفس المنطقه صارله اربع سنوات والعام هم اجاه طفل اذا اتحب ادزلك رقمه واستفسر منه
مشكور اخوية فارس العراق 90 ... اعرف انه عندك اخ هنا يمنا وياريت لو تستفسر منه اذا يعرف ارقام او عناوين عيادات تقوم بهذا الاجراء هنا في منطقة الكاهون ومشكووووووووووووور عزيزي
408
يمنا بسان دياكو الحلاقة يم العراقيين مو اكثر من 5 الى 15 دولار بالزايد
يم الامريكان مااعرف بصراحة
المكينة اذا بيها تغيير فولتية من 220 الى 110 اي جيبها وياك ليش لا خاصى اذا نوعية راقية وانت مجربها ...
اني اشتريت وحدة وياها هواية ملحقات وتقريبا 18 مشط ومقصات وكلشي وكلاشي ب 21 دولار فقط من الوولمارت وكلت اذا ماطلعت زينة ارجعها واخذ فلوسي ... لانه يحقلك ترجع من الولمارت لحد فترة 3 اشهر ..
بس الحمد لله طلعت ممتازة وليهسة يمي
409
ali-ip اتمنالك الموفقية ويارب حظك حلو دووووم . بس لاعبالك الحظ كل شي في معاملات الهجرة واللجوء ,,صحيح الحظ يلعب دور قوي بس مو كلشي
النقطة الثانية مااعتقد انه اكو غيرة وحسد بالمنتدى بالعكس الجميع تفرحلك لمن تسافر وتنجح بمعاملتك وانت بنفسك دتشوف الردود الايجابية والمهنئين ,,, واكيد كلتنا نفرح بخلاص اي اخ عراقي من المأساة العايشيها في بلدنا . تحياتي
410
مبرووووووك اخي المولود يتربه بعزكم و ان شاء الله وجه خير عليكم
ان شاء الله تكون معلومه الاخ العزاوي فادتك .. ونطمح للمزيد من المشاركات للي عنده معلومات
تحياتي
شكرا سوسو اسو الف شكر
411
كوندا اني عدي عرف ب فاونتن فالي ..... يفيدك
هلووووووووووووو ايهم وعودة مباركة اخوية ... ولو مااعرف وين صايرة فاونتن فالي بس مو مشكلة ندور عليها بالكوكل ... شوفلنا رقمة عنوانة وهسه اخابرة ومشكور مقدما
412
اخويه العزيز كوندا
عندي بنت خالتي بأريزونا من ولدت ابنها بالمستشفى بنفس اليوم عملوا للطفل عملية الختان وبنفس المستشفى
ومجانآ ·· يعني شعجب بكاليفورنيا ماكو هذا النظام لأن همه يعرفون عاداتنا وتقاليدنا انه لازم انطهر الطفل من هو حديث الولادة
الله يسهل امرك ويتربى بعزك وتشوفه خريج احسن جامعات أمريكا يارب
اي صحيح كوكي باريزونا هذه الخدمة متوفرة ومجانا ... وبكاليفورنيا ايضا لكن سابقا مو هسه .. للاسف هسه على حظنا كامو مايقبلون يسووها بالمديكال ...لازم على حسابنا والمشكة انه الاطباء بعيدين علينا نوعا ما .
413
أخي كوندا السلام عليكم
اخويه منو طبيب العائله مالتكم هو يعمل الختان للطفل ويمكن ب200 دولار واذا ما يسويه
اكو دكتور اسمه محمد البيلوني سوري الجنسيه بنتي من اجاهم ولد عملوله ختان عنده
بس بمنطقه اسمه نشنال سيتي تبعد عن الكاهون نص ساعه تقريبا
مرحبا اخوية العزاوي وشكرا على المداخلة القيمة .... احنا ماعدنا طبيبي عائلة محدد احنا مسجلين بعيادة كلش قريبة على بيتنا وحتى نروحلها مشي الاطفال مخصصيلهم طبيبة اطفال اطفال واللي يسموها بالانكليزي (بدترشن) اما اني والام كل واحد مخصصيلة طبيبي معين .للمراجعات العادية ... طبيبة الاطفال مالتهم رفضت تسوي الختان وكًالت عيادتنا ماتقدم هذا النوع من الخدمات روحوا شوفوا طبيب خارجي اخر.. ......................... بالنسبة للدكتور محمد البيلومي ويكًولون ابوه ايضا دكتور واسمة احمد البيلومي ... لو لبناني لو سوري مااعرف ...هذا اخذت تلفونة وخابرتة وفعلا مثل ماكلت هو بناشنال ستي ... لكن المشكلة انه عدهم اذا الطفل عمرة من يوم الى 14 يوم ياخذون 250 دولار من 15 يوم الى 30 يوم ياخذون 400 دولار واذا عمر الطفل 31 يوم مايقبلون يستلموه ابدااااااااا.. اني ابني هسه عمرة اليوم24 يوم لكن المشكلة ماعدهم مواعيد قريبة الا من يعبر عمرة ال30 وبذلك ماراح يقبلون ؟!!! دااحاول اشوف بلكت اكو غيرة وشكرا على ردك اخي العزيز
414
مرحبا,, شلونكم اصدقائي الاعزاء ؟...
مثل ماتعرفون انه رزقنا بمولود قبل كم يوم والحمد لله على نعمته ,
موضوع (الختان)لحديثي الولادة كانت مصاريفه تغطى من قبل الضمان الصحي (المديكال انشورنس) لكن بعد جدل وتجاذب من اطراف متعددة في ولاية كاليفورنيا تم اعتباره (عميلة تجميلية ) وليس للضرورة الطبية !!
وكما تعلمون فان ابناء جاليتنا واهلنا المقيمين في امريكا يهتمون بهذا الموضوع لااعتبارات كثيرة منها دينية وصحية ولتقليل الاصابة بالاخطار والامراض خصوصا في اعمار مبكرة للمواليد الذكور ...
.....................
أتمنى لو تشاركوني باية معلومة عن اسماء اطباء او عيادات قريبة من محل سكني منطقة (الكاهون) El Cajon وايضا نبذة عن الاسعار والخدمات المتوفرة .. ولكم خالص الشكر والتقدير
ملاحظة : سيتم (لاحقا) نقل الموضوع الى قسم مواضيع امريكا . بعد ان يطلع عليه الاعضاء حتى قبل سفرهم الى امريكا للفائدة العامة ايضا.
مع خالص الشكر والتقدير للجميع اخوكم كوندا العنكاوي ...
415
ولو ماعندي اي معلومات عن الشفق نيوز غير انه اشوف انه اسمها تكرر اكثر من مرة اثناء تصفحي الانترنت ربما بالصدفة ...
لكن اعتبر انه الموضوع يحمل جانبين (سلبي وايجابي) طبعا الايجابي هو الحديث الدائر عن التسريع وشخصيا اعتقد الموضوع صحيح وملموس . لكن الجانب السلبي للموضوع هو ماذا عن المتقديمن الذين لايزالون في بداية مشوار المعاملة او منتصفها ؟؟ في حالة تطبيق مايسمى غلق ملف العراق ؟؟ ماهو مصيرهم؟...
ملاحظة اخرى مرافقة للخبر وهي انه اكثر من الحديث عن اوربا ! طيب ماذا امريكا التي تستقبل السواد الاعظم من طالبي اللجوء العراقيين في السنوات الاخيرة ؟
ماعدناغير نكًول الله كريم
417
رفع لفائدة الاخوة الجدد في موضوع اضافة الطفل
418
اللي اعرفة انه هو من اهلنا الاكراد واجهوا نفس النمط مال الاسئلة هذه وقدروا يجابون بانه همه صح اكراد لكن اغلب حياته عاشوها ياما في بغداد او الموصل او اختار اي مدينة اخرى غير كردستانية .. وبالتالي فان جو المعيشة والحقوق واللغة وامور اخرى سوف تقف حائل بينهم وبين مواصلة حياتهم في كردستان ...
انا من الناس انسألت هذا السؤال في وقتها من قبل المحلف (مع ملاحظة انني لاانتمي الى القومية الكردية) وجاوبت اولا بصراحة ثانيا ايضا استفاديت من اصدقائي اهل منتدانا الغالي الذين سبقوني بالتجربة ايضا ...
جاوبت المحلف بانه لو تضمنلي انيي اعيش بحرية وكرامة ولي حقوق اسوة بالمواطن الكردي فماكو داعي ان اتوطن بامريكا..
كتلة اولا (وقتها) اني جاي يمك واقامتي خلصانة بالاقليم والكفيل مالتي رفض يجددلي الاقامة وهسه جاي ادور كفيل وحتى بفلوس وهم ماكو ..
فهو المحلف سألني سؤال كال اذا بنتك تكبر وتدخل مدرسة في كردستان هل هي ايضا تحتاج الى كفيل .؟؟
جاوبتة الى وقتها مااعرف بس حاليا اعرف انه ابوها يحتاج كفيل حتى يقدر يعمل او يسكن في كردستان . وهنا هو التفت الى المترجمة اللي وياه وتأكد منها سألها .: صحيح كلام هذا الشخص ؟ هل صحيح غير الاكردا يحتاجون سبونسر للعيش في اقليم كردستان ؟ فهي جاوبتة نعم والحمد لله اكدت كلامي ......
419
اغلب الاراء تقول بان اوباما ورومني يحملان اراء متعارضة ومضادة في تناولهم لموضوع الهجرة ... بالمختصر المفيد اوباما مع التساهل مع موضوع الهجرة رومني مع التشدد في موضوع الهجرة . هذا هو الرأي السائد حاليا
420
شكرا لجميع الاخوة المهنئين وربي يبارك يكم انتو وعوائلكم جميعااااااااااااا
421
اخي تقدر تتصل الى العراق بهذا التلفون لكن عبر كارتات الاتصال الدولي واللي بنفس الوقت تسحب من وقت الدقايق المخصصة الك ..وللاسف الكارتات ايضا غالية نسبيا.
422
بس اعتقد انه بيه شروط معينة لانه اني هم سألت عليه اعتقد لازم تكون واصل مستوى معين باللغة الانكليزية اذا مو غلطان لازم تكون مخلص مستوى 120 او 124 ... ولازم يكون مضى على وجودة بالكلية المعينة كذا سمستر اي فصل دراسي ..
وسمعت ايضا انه المفضلين في الورك ستدي هم اصحاب الولفر يعني العزابية زحمة يحصلوها ..
نسأل ايضا ونستفسر ونرجعلكم بالاجوبة لانه هذا الكلام مو رسمي هذا مايتناقله اخواننا العراقيين هنا.
423
اخوان اني استغرب ليش الناس تشتري حاليا هذا الجهاز ؟؟؟
مو نزلت تلفزيونات راقية (سمارت تي في) وهاي يكون بيها براوزر فتقدر تتفرج على اي قناة تريد عبر الانترنت بدون اشتراك وبدون اي مشكلة بس ينرادلك مصدر انترنت واغلبنا عدنا انترنت اذن ماكو مشكلة.
424
اخواني الاعزاء هاي بعض النصائح من وجهه نظري
اختيار الولاية من اهم الاشياء الواجب التأكيد عليها لان حسب الولاية ممكن يبنى مستقبل صحيح او خطأ
بالنسبة الي اشوف احسن شي الواحد يختار ولاية حار من ناحية الجو يعني مقاربة للجو مال العراق وذلك لعدة اسباب اهمها توفر العمل ودوامة طيلة فصول السنة
ثاني شي بالنسبة للغة حاولوا تستغلون فترة الفراغ بتعلم اللغه بعدة طرق ابسطها مشاهدة الافلام الامريكية والاصغاء التام للكلام حتى تنطبع بالاذن طريقة الكلام وبالتالي سهولة الفهم حتى للي ميعرف يحجي انكليزي
ثالث شي هو العمل ابسطة شغلة متوفرة بكثرة هي شغلة السكيورتي وممكن تقدم عليها اون لاين واقل راتب بيها 9ونص دولار بالساعه يعني تكدر تدفع البلات بكل سهولة بس لازم من تقدم عليها تكون عندك شغلتين اول شغلة الي هي السكيورتي ليسنز يعني الاجازة مال سكيورتي وهاي الشركة الي تقدم عليها هي تنطيكياها مقابل دروس لمدة 8 ساعات وتكلف تقريبا 140 دولار حسب الولاية والشركة وتستلم الاجازة من اسبوع الى 3 اسابيع
ثاني شي الي هو اجازة السوق لازم تكون عندك سيارة حتى تكدر تروح وتجي واهم شي من تقدم على هيج نوع من الاشغال يطلبون بيه اجازة سوق لازم موجودة
اختيار نوع السيارة
بالنسبة الي اني اشوف الانسب للاعزب الى حد عائلة متكونة من 4 نفرات يختارولهم سيارة نوع كامري وهاي تكون رخيصة او معتدلة من ناحية السعر ومناسبة من حيث صرف البانزين والمصروفات الاخرى مثل تبديل الدهن والداينمو وغيرها لطول عمر قطع الغيار
شغلة اخرى بعد الوصول بالسلامة ان شاء الله ابدا لاتعتمدون على اي شخص واصل الى امريكا قبل 2003 لان بصراحه اكثرهم ما عدهم خبرة بالقوانين ولحد هسه لا كرين كارد ولا جنسية واكثرهم عطالة بطالة
طبعا كلامي مو فد قانون بس هذا الحجي من وجهه نظري اني يمكن اكون على خطأ بس هذا الي لاحظتة
تحياتي للجميع
جورج
عاشت الايادي يامبدع وحشاك من الغلط.......... بس لاتنسى الولايات ذات التواجد العربي والعراقي الاقل تزيد فيها نسبة النجاح ... والعكس صحيح طبعا وهذه وجهة نظري ايضا بدون تعميم
425
اخواني.. الفرج2 و صالح الفحام ... وبقية الاخوة الاعزاء المشاركين في الموضوع
مثل ماتعرفون اني صارلي مايقارب ال4 أشهر في امريكا فاكيد حضراتكم اصحاب خبرة وقدم أكثر مني ,وطبعا اكيد مااحب يتحول الموضوع الى مناقشة عقيمة في مقارنة الوضع والحياة بين العراق وامريكا لانه هذا امر مفروغ منه ولاداعي لذكره لانه لايوجد مجال للمقارنة من جميع النواحي لكن خلوني اطرح فكرة واتمنى ان لايسيء فهمها او تفسيرها على انها تتبني الطرح السلبي . خلونا نقارن بين امريكا وامريكا !
هسه واحد يكًولي شلون وهذا اشديحجي .؟؟
اقصد انه لما كنا في العراق ولانزال نقرأ ونسمع كثيرا عن تجارب الاخوة الذين سبقونا او عن تجار سمعوا هم عنها ايضا ... وكان الاعتقاد السائد بان الفترة الاولى في امريكا هي الفترة الاصعب ... لكن لم تحدد الأراء طول الفترة الاولى والتي هي الاصعب وقد دأب البعض اجتهادا بان يحددها بفترة (سنة ) من الزمن قد تقل قليلا او تزيد قليلا ...
لكن هنا السؤال الاهم .......مالذي سيلي تلك الفترة ؟؟؟؟ ماذا سيحدث بعدها ؟ كيف من الممكن ان تنقلب حياتك في امريكا من السيء الى الجيد او الافضل؟؟؟كيف ستكون حياتي هل ساحقق الاكتفاء الذاتي ماديا هل سيكون لدي بيتا او سيارة مدفوعة الثمن كاملا وليس بالاقساط التي لاتنتهي مع نهاية العمر؟
سألت هذا السؤال مرارا ولم القً جوابا شافيا ...تصوروا انني سمعت ايضا اجابات (عجيبة غريبة وخطيرة ايضا) من ضمن الاجابات الخطيرة التي تستحق التوقف هي الاجوبة التي تسمعها هي انه فقط مروجي المخدارت بامكانهم ان يعيشوا حياه الراحة (بما ان 90 % من الشعب الامريكي او المقيمين في امريكا يتعاطون المخدارات بانواعها ) هذا الكلام يتناقله اهلنا (الجالية العراقية ) في كاليفورنيا والله اعلم .
...........................
الان عبرت ال4 اشهر يعني ثلث المدة المقررة (من قبل البعض المتفائل) باقي ثلثين وبعدها سيكون بأمكاني ن اقرر اذا مدى صحة هذه المقولة ام لا
أخوكم كوندا
426
اني اعرف عائلة راح يسافرون يوم 20 بهذا الشهر وان شالله اكون في استقبالهم بالمطار ايضا .
همه من جماعة 2010 وكانت عائلتهم الكبيرة اتقسمت 3 اقسام اول شيء وصلت وجبة قبل فد 6 أشهر وهسه الوجبة الثانية والقسم الاخير هو اخوهم الجبير (الاعزب) راح يبقى هناك بلبنان الى اشعار اخر ..
427
احمد ربك انت اشتغلت وبشركة محترمة ايضا ... اني دخلت برابع شهر مامشتغل بفلس ,ومو بس اني غالبية العايشين بكاليفورنيا وخاصة منطقة الكاهون ( العراقية ) يعانون من نفس المشكلة , الاشغال القليلة المتوفرة مايشغلون بيها غير الاقارب والمعارف .. وحتى اكون منصف هو اجتني كم فرصة عمل لكنه مؤهلاتي اللي جبتها وياية من العراق ما تأهلني لشغل المنصب وكذلك مو بس اني وانما غالبية الشباب العراقيين هنا مايقدرون يشغلون هكذا مناصب ... هنا يحتاجون خبرة جدا قوية في مجال الكومبيوتر والبرامجيات وبالطبع لغة انكًليزية على مستوى عالي جدا ... يعني برأيي المتواضع لغة المترجمين العراقيين الي اشتغلوا ويا الامريكان ماراح تشفع هنا هواية (ممكن تمشينا بالمعاملات وعند الطبيب او بالتسوق نوعا ما) لكنها لاتؤهلك لدخول ميدان العمل الامريكي ومنافسة الاخرين أبدا.................................
نجي على الاعمال اليدوية التي تحتاج لغة بسيطة مثل ((تنظيف الشوارع,, تنظيف المسابح ,,التقاط اوراق الاشجار,,اكو شركة توظف حاليا بس الاعمار اللي بين 18-26سنة وهم ينراد لغة لازم قراءة وكتابة وتكلم,,غسل الصحون في بعض المطاعم,,خدمة كبار السن ,,عامل محطة وقود لكن في مناطق خارج المدن ....الخ))
الحمد لله هذه الاعمال بدت تتوفر شيئا فشيئا لكن غالبا في مناطق بعيدة عن تجمعات العراقيين والمكسيكان ... فصديقي العزيز أعتقد ان ولاية اوهايو افضل حالا بكثير من ولاية كاليفورنيا . واتمنالك الموفقية
ويارب التوفيق للجميع
اخوك كوندا
429
مرحبا,, الحمد لله على نعمته التي افاض بها علينا حيث رزقنا بمولود قبل ايام قليلة وذلك في أحدى مستشفيات مدينة سان دياكًو الامريكية , نشكر الله على سير الامور على خير مايرام قبل وبعد الولادة ... المعاملة الطبية هنا بصراحة شيء أغرب من الخيال لايمكن لكلمات المديح والشكر والثناء ان تعطيها حقها ,اعتقد انه من المخجل ان نكتب اي جملة تصف مايسمى بمقارنة بين الوضع الطبي في امريكا وبقية البلدان العربية التي عشت فيها بما فيها العراق.. حبيت ان تكونوا اعزائي اول من يعلم بالخبر وان اشارككم فرحتي وسعادتي بقدوم ولي العهد أخوكم كوندا العنكاوي
430
الولفر ماينطي شي للعازب حبي...مالك غير الفود ستامب
431
نسيت ادليك على مكان اسهل تقدر اتطلع منه اجازة دولية وبخمسين الف دينار عراقي ايضا..
اذا عندك روحة الى اربيل روح لغرفة التجارة العراقية الامريكية مكانها في عنكاوا قرب مكتب ممثلية النجف الاشرف .. طبعا لايغرك الاسم مو عبالك صدكً غرفة تجارة وبيها تجار عراقيين وامريكان مو فد شي مهم
اكو بنية بالاستعلامات كوللها اريد اطلع اجازة دولية (مرات يسوولك اياها حتى بدون اجازة عراقية بس اتطول فد 3 ايام )
432
وين اكو اسم (بشارن) باللغة العربية ؟؟!!!!
تحليلي للموضوع قد يكون اسمه بشار والمدل نيم n فمترجميها بشارن (تصير بارقى العوائل)
433
اسمحلي بمداخلة عزيزي .. اجازة السياقة الدولية الصادرة من العراق بامريكا ماتمشي ولا يعترفون بيها وهذا الكلام مؤكد باكثر من ولاية وحدة..
ممكن تقدر تمشيها بالدول العربية او ايران او تركيا ..
ثاني شي البرمت الي طلعتة انت بامريكا ايضا مامسموحلك تسوق بيه سيارة ... بحالة وحدة يسمحولك تسوق وهي ان يكون برفقتك سائق حاصل على الاجازة ويكون عمرة اكثر من 18 سنة وايضا من الشروط الاساسية ان يجلس على المقعد الامامي بجانبك ,واذا ارتكبت مخالفة هو ايضا يتحاسب .
ايضا اكو قانون مهم اغلب العراقيين مايعرفوه وهو انه اذا عندك اجازة سوق عراقية محلية ترفقها أثناء ماتقدم على أمتحان البرمت بس لازم تكون مترجمة وراح يسمحولك ان تسوق لمدة 60 يوم بدون اي شخص يرافقك... شوف المفارقات اذا تودي اجازة دولية مايقبلون بيها بس اذا عراقية محلية يقبلون وطبعا اكيد فترة ال60 يوم قليلة جدا لذلك انت ريح راسك من هالامور كلها وامتحن عملي وانجح واخذ اجازتك الامريكية اللي تسوا مليون اجازة اخرى ..
اذا تسأل اني باي ولاية الجواب كاليفورنيا
وتحياتي
434
مرحبا صديقي العزيز tamata شلونك ؟
الف مبروك صديقي حبيت أكون اول المهنئين راح نشوفك قريبا وقريبا جدا بامريكا ان شالله , بالنسبة لهذه الامور مال السفارة والخربطة بالمعاملات الرسمية فهذه عادية وراح تتعود عليها اكثر من تجي هنا الى امريكا , بس انت لاتشيل هم كلها ايام ان شالله وتفيز وتسافر بخير وسلامة فانت حضر نفسك وwelcome to USA
435
ابو سمسوم بس لو تغير الصورة مال توقيعك تعرف اشكد ارتاح
439
اذا تحب ننقلك الموضوع على قسم مواضيع امريكا حتى يطلع عليه جماعة امريكا ويفيدوك اكثر اكيد ؟؟ لانه هو موضوعك حاليا يقبل التواجد في المكانين على اعتباره تفكير ماقبل الوصول وبعد الوصول ايضا ...
440
الاكسباير مال الفيزا siv مو سوا اخي العزيز killer007 اكو ناس انطوهم 6 اشهر واكو 3 واكو شهر واكو اقل من شهر مثلي اني ...
بس غالبا اللي ينطوهم مدة اكسباير قليلة الiom يسفروهم اسرع من البقية ... ولو هذا ايضا مو قياس ثابت .اكيد اكو عوامل اخرى تدخل ضمن هذا السياق .
441
رأئيي المتواضع جدا ... بالنسبة للمنظمات فأن اكثر من 90% من موظفيها لو عراقيين لو جايين من دول تعبانة (بعد اكثر تعب من العراق) دول ناخرها الفساد الاداري والمالي والحروب والمشاكل الاقتصادية والاجتماعية .. اغلب هؤلاء الموظفين (ولو قسم منهم متطوعين بدون راتب لحين تثبيتهم) . اغلبهم لايفقه شيئا او بعيد جدا او انه لم يختبر بعد عن الحياة الامريكية او الاوربية الحديثة والمتطورة والمتقدمة طبعا لما اقول متقدمة فأعني ذلك بكل ماتحمله الكلمة من معاني. اغلب مشاكل القادمين الجدد هي بسبب بعض هؤلاء الموظفين للأسف الشديد مع اضافة عامل اللغة ايضا .. ....... ولكن ,,ومع ذلك تبقى هناك نقطة مهمة وكلامي موجه للقادم الجديد .. مالذي تريده او تتوقعه من المنظمة ان تفعله لك؟؟اصلا المنظمة دروها ينتهي بعد ان تستقر وتسكن في البلد ,وتستلم مبلغ ( الولكم موني ) خلص الفلم ينتهي ,,مع الاسف ايضا اقولها لايزال اكثر اخواننا القادمين الجدد (على الرغم من اننا حذرنا من ذلك مرارا في المنتدى) لايزال القادم الجديد يتوقع الكثير الكثير من المنظمة , قسم كبير من اخواننا يتصورون ان المنظمة كفيلة بهم الى يوم الدين ومن واجبها ان توفر له الاكل والشرب والسكن والنقل والملبس وأكمال المعاملات والتطبب وايجاد العمل(المناسب كلش) و و و .صدقوني وصل الامر بأحدهم (امام عيني) انه طلب من المنظمة توفير هاتف نقال لزوجته كي تتصل باهلها في العراق ......... اخوان هذه امريكا بلد ( من جد وجد ) ولمن اكتشف مبكرا ماهية هذه المقولة ... فيعلم جيدا ان دور المنظمة ينتهي منذ الايام الاولى لدخولك الى امريكا.
442
وأخيييييييييييييييييييييييييييييييييييييييرا جاسم كرادة في امريكا بعد معانــــــــــــــــــــــــــــــاة طويــــــــــــــــــــــلة
الف الف مبروك حبي وحمدا لله على السلامة
443
واذا عندي اقامة في بلد اخر لمدة سنه فهل ياثر عالكيس مالتي?
الجواب:- لاطبعا مايرفضوك لانه عندك اقامة في بلد أخر
444
مرحبا ..جوابي راح ارتبة على شكل نقاط ... 1-مرحبا اخوان استحلفكم بالله ان لا تقرؤا سؤالي الا وجاوبتموني الجواب  /color] هذه الفقرة راح اشيلها من يمي باعتباري اداري من بعد اذنك , لانها في غير مكانها الصحيح.
2-الIOM يريدون رقم العقد مع العلم انه البريطانيين هم ضمن القوات المتعددة الجنسيات فليش مديمشوني ما اعرف
الجواب :- أخي الiom يتساهلون قدر الامكان لكن في الامور التي يكون التساهل فيها معقول , وليس من المعقول ان يفتحولك ملف بدون سند اثبات رسمي وقانوني يثبت عملك مع الجهة المعنية .
3-ثانيا: انا لدي دراسه في شرق اسيا وباقيلي سنه واخلص فقدمت عاليوان بدولتي كللولي احنه ما عدنه تعامل بهيجي قضايا
اكدر اقدم عالIOM مالت بغداد واروح واجي وقت المقابلات?
الجواب:- نعم اخي تقدر اتكمل سنة الدراسة الي باقيتلك لانه الاجرائات تاخذ وقت طويل يعبر السنة اكيد , وبالنسبة للتقديم الى (الامم) فانت لازم تعرف على اي مكتب مال الامم تروح لانه اكو مكاتب فعلا تابعة للامم بس مالها علاقة بتسيير هكذا معاملات . انت لازم اتدور على مكتب المفوضية العليا لشوؤن اللاجئين .بالنسبة للشطر الثاني من السؤال :-نعم تقدر تقدم وتجي وقت المقابلة سواء في بلدك او البلد الاقرب الذي يوجد به ممثلية تابعةل iom .
4-وهل جماعة الاي او ام ياخذون الجوازلفترة طويله لو بس وقت المقابلة?
الجواب:- الiom مالهم علاقة بجوازك وماياخذوه لاقبل المقابلة ولا بعدها ولا حتى وقت السفر اصلا .جوازك يبقى يمك .
5- تقبل تحياتي وتفضل اسأل اي سؤال تريد والشباب كلها ماتقصر .
446
الاعتراف بالخطأ فضيلة اخي دزمند ...
بالنسبة لي انصحك بمراجعة مواضيع الاخ ويلباور ..هو ايضا كان عندة مواضيع مهمة وتحليلات جيدة جدا في هذا الخصوص , ومن الممكن ان تستفاد منها كثيرا في لملمة الادلة وتجميعها للوصول الى الحقيقة خاصة في موضوع الاي او ام ....
تحياتي اخوك كوندا
447
كلها ايام أو ساعات ويتصلون بحيل الله وتسافرون وتصير سوالف
448
مبروك صديقي الف مبروك
هاااااا تتذكر اشكًتلك عالخاص؟ مبروك حبي
449
اني عندي قناة الكأس وابو ظبي الرياضية بس خايف لا ماينقلوها لانه طلعتها بموقع كوووورة كاتبين النقل بس على قناة الجزيرة العالمية وهذه ماعندي فياريت احد الطيبين او الطيبات يشوفلنا فد رابط زين ونظيف ومرتب للمباراة . (على الاقل احتياط ) اذا ماطلع على الكأس او ابو ظبي .... وشكر ا للجميع .
أخوكم كوندا
450
لعد شنو هذا الخبر المكتوب على قناة البغدادية بان البعثة العراقية توزع البطاقات مجانا على المواطنين العراقيين في الاردن؟؟؟؟؟؟؟؟؟؟؟؟
451
سهم بن القعقاع بن عمرو التميمي ....... هاي شنو انت ؟ جاي اتبدع
والله من زمان مامسوين احصائيات
تعرف ينرادلنا احصائية ثانية او تحديث للأحصائية القديمة (الله يعلم وين صارت) والتي هي توزيع الاعضاء حسب الولايات الامريكية بالنسبة لجماعة امريكا او المنتظرين السفر على امريكا ....
452
أخي الفتلاوي خليك ويايا شوية واريدك تكون مطمئن قبل كلشي ...
عيوني انت , جماعتنا بالمنتدى صار عدهم نوع من المفاجأة والاستغراب بالنسبة لشغلتك لانه هذا النوع من الرسائل والمخاطبة ,, يختلف (نصا ) عن السفارة الامريكية في العراق لكنه يتطابق معها (مضمونا).
الشغلة ببساطة انت مقدم على siv لكن مقابلتك كانت في عمان الاردن ,,ومن الطبيعي ان يكون هناك اختلاف نوعا ما في لغة التخاطب وفي بعض الاجرائات لكن في المحصلة النتيجة والمضمون يكون متطابق .
...............
انت استلمت وثيقة تسمى G221 وهي عبارة عن ورقة الرفض المؤقت من السفارة , وهذه الوثيقة لاتدعو للقلق ابدا هي عبارة عن اعتذار رسمي وتعليل ل(لماذا لم تمنح الفيزا اثناء مقابلتك) . الوثيقة G221 تشرح لك الاسباب قد تكون نقص في الأوراق والمطاليب قد تكون بسب مراجعة ادارية او امنية اضافية , او قد تكون لااسباب اخرى ,,, لكن الرفض المؤقت لايعني انه ملفك وقضيتك في خطر ... نحن اغلبنا استلمنا وثيقة ال G221 للرفض المؤقت وبعدين استلمنا الفيزا وسافرنا .والحمد لله.
..........
الان نأتي على موضوع اخر وهو الفحص الطبي والعدم محكومية او وثيقة البوليس او المخابرات الاردنية ...هذه الامور تختلف من دولة الى أخرى وانت تقول ان معاملتك في الاردن اذن عليك ان تخضع لنفس ضوابط ومقررات السفارة الامريكية في الاردن وليس السفارة الامريكية في العراق ...
من حيث مدة الفحص الطبي والمحكومية وصلاحيتهما ..
.....
وأخيرا ارجو ان تكون مطمئن جدا معاملتك في ايادي امنية وتسير بشكل جيد فقط عليك معرفة القوانين والاجرائات واتباعها ,, واتمنى لك استلام الفيزا والسفر قريبا ..
أخوك كوندا ... بناءا على طلب الاخ (كلش حباب مشكورا)
453
قديمة مال (نقل:) ههههههه بس مال محطم الجماجم يصير كلش حباب هاي جديدة كلش
454
حرامات مااشارك بموضوع اخوية الغالي ابو سمسوم وهاي
up من عندي
456
اخي العزيز نعم ابلغت المنظمة انها حامل وابلغوني انهم حدثوا الكيس وانه ملفك فعال واي تحديث سوف نتصل بك
وانا انهيت مقابلة المحلفين الشهر السادس 2011 وانهيت الفحص الطبي في الشهر الرابع الذي كان اكسباير
وحالة الملف فعال وكل شي مكتمل عدا السفر غير فعال
فهل كان ابلاغي لهم ان زوجتي حامل خطأ
بصراحة لايستطيع احد ان يقول انه خطأ بالمعنى الحرفي ,, لكن تبقى المسألة الاهم في القضية وهي مدة الامنية مابعد استلام موافقة المحلف المبدئية .هذا الذي يجب ان تكون محظوظا فيه وان لاياخذ وقتا طويلا .
457
اخواني اخواتي الاعزاء بارك الله بيكم على صبركم و تحملكم لهاي الردود الاستفزازية و المسيئة و اشكر الادارة لان حذفت الردود المسيئة البارحة و لكن اطلب منهم حذف الردود المسيئة لليوم ايضا
و انا بصراحة اتخذت القرار بعدم الرد على اي رد مسيء او استفزازي لانه الناس عرفوا هذوله على حقيقتهم و هم جاي يلفظون انفاسهم الاخيرة بالمنتدى فماكو داعي ارد عليهم و لا اريدكم تردون عليهم
تحياتي
تحياتي اخي دزمند ... ماكو داعي تشكر الادارة او المشرفين .. هذا واجبنا أخي ... هذا المنتدى موجود للتحاور وتبادل الخبرات ووجهات النظر والاستفادة والمساعدة والتحليل لكن بطريقة واسلوب حضاري وبطريقة محترمة ولائقة , غير مسموح وغير مقبول لأي عضو ان يتطاول ويتجاوز اي عضو اخر مهما وصل بهم الاختلاف في وجهات النظر . تحياتي للجميع
459
مبروك اخوية سهم ... موكتلك لاتخاف وجدك القعقاع
460
نصيحة ... لح عليهم شوية ( موهواية ) بالايميلات انت ذكرهم بوضع أختنا وبضرورة السفر المبكر التذكير ينفع بهيج حالات وماخسران شي ,
461
والله هو أمر غير مستحيل ....انت عندك جواز وعليه فيزة ويحقلك تسافر ...... لكن اني ابد ماانصحك تسويها ومااعتقد اي شخص بالعراق راح ينصحك بالسفر خاصة لو كنت siv ......
شغلة العلاج سهلة انت رايح الى امريكا وغالبا راح يكون عندك تامين صحي شنو العلاج الافضل الذي راح تتلقاه بأي دولة عربية ؟؟؟
462
يعني الموضوع بس على جماعة ال iom
مو هيجي ابو مريومة ؟؟؟؟
463
اشكرك اخوية على الرد بس اني جاي ادزلهم لل IOM زوجتي وحامل وكذا وكل الي جاوبو انه حنتصل بيك من تكون الكيس مالتك جاهزة للمغادرة وهاي صار اسبوعين من دزيت الفيز ووراها كل كم يوم تاكيد وماكو جواب وكتلهم يابة المرة حامل بهلكد مادري شو كمت اخاف النوب
.........................
أخي فترة الاسبوعين مو فترة كبيرة تستحق انه الواحد يخاف هاي اولا
ثانيا انت SIV واستلمت الفيزا فأطمئن ولا تخاف ابدا وماكو احد راح يوقف في طريقك وطريق سفرك ابداً
ثالثا وهو توقع شخصي مني ... هو انه فترة الفالدتي مال الفيزا مالتك بعيدة نوعا ما يعني مو مال تكون شهر او اقل لذلك همه دائما يمشون على الناس الي فيزهم قريبة او شارفت على الانتهاء أولا وبعدين الباقين .
ان شالله مو أكثر من اسبوع ويتصلون بيك .
464
ابو مريومة ارجو توضيح مسألة مهمة جدا ... وقد نبهني عليها احد الاخوة الجدد برسالة خاصة هو كان يسأل انه أشو جماعة الSIV لما يعيدون الفحص الطبي كلها تكوللكم مبروك وتسافرون بعد فترة قصيرة ؟؟؟ ليش كل هالاشكال على مسألة اعادة الفحص
فأرجو توضيح مسألة مهمة وهي ان البحث والتحليل هذا لايخص جماعة الSIV
لان اعادة الفحص في SIV تعني بالضرورة نهاية المعاملة واصدار الفيزا والسفر القريب .أما في موضوع ال IOM فالامر مختلف طبعا
465
هل اصبح لديهم علم بالحمل ام لا؟؟؟ والى اي مرحلة انت واصل ياريت بالتوايخ رجاءا حتى لو كانت تواريخ مقاربة وليست دقيقة
466
زين واذا هي حامل شهر 5 او 6 هل حدود والفيزا طلعت وباقي بس موعد السفر بالنسبة لل SIV يعني شنو متسافر؟؟ .................... شكرا على السؤال .. عيوني وهذا اللي صار ويايا بالضبط زوجتي كانت بين الخامس والسادس او تقدر اتكًول عابرة السادس وطلعت الفيزا .. وسافرنا وهسه دااكتبلك من كاليفورنيا بس النونو الامريكي بعدة ماشرف ... وكالعادة طلبوا من عدنا تقرير من طبيبتها بس التقرير بيه ضوابط محددة لازم يكون :- 1- مطبوع طباعة وليس خط يدوي وباللغ ة الانكليزية 2- عليه ختم الطبيبة وان تذكر ان فلانة تراجع عندها 3-ان تذكر الطبيبة فترة الحمل كم اسبوع 4- ان تذكر الطبيبة مايسمى طبيا ب (EDD) ُExpected date for delivery يعني وقت الولادة المتوقع (تاريخ معين) 5-ان تذكر الطبيبة أنه فلانه حالتها مستقرة ولاتعاني من مشاكل تمنعها من الطيران تعمل منه على الاقل نسختين او 3 أخوكم كوندا العنكاوي ان شالله تفرحونا قريبا بسفركم
467
ياجماعة الخير تحية طيبة
عندي سؤال اذا المرأة حامل يحقلها تسافر والى اي اشهر يحقلها تسافر للي يعرف تفاصيل ارجو انو يفيدني
مع جزيل الشكر
أخواني الاعزاء .. سؤال الاخ هنا (عام) هو مامحدد اذا هو يقصد السفر عن طريق الiom او siv او سفرة عادية على حسابة الخاص فللي دااحلاظة انه اغلب الاجوبة تركزت على السفر مع المنظمة على اعتبارة لاجيء او مهاجر ولحد الان مانعرف شنو حالة السفر التي يقصدها الاخ .. جوابي سيكون حسب سؤالك ( بصورة عامة للسفر جوا)...هل المرأة الحامل يحقلها تسافر ؟ والى اي شهر ؟ الجواب .. اي نعم أخي يحقلها ان تسافر بحسب القانون (قوانين الطيران المدني الدولية أو المحلية )لاتمنع سفر المرأة الحامل أبدا بالنسبة الى حد اي شهر فبصراحة همه يحسبوها بالاسابيع مو مثلنا بالاشهر ... المعروف انه الولادة تتم بين الاسابيع 38 -40 . فقط في الايام الاخيرة للحمل اغلب خطوط الطيران لاتسمح للمرأة في تلك الايام بالسفر (يعني مايريدون يتورطون).بينما باقي الايام كلها لايوجد نص قانوني يمنع سفر المرأة الحامل (وعلى فكرة فان الحمل لايعتبر حالة مرضيًة في اغلب التشريعات والقوانين الدولية ) ..................... هسه نجي اذا الاخ يقصد بسؤاله عن سفر المرأة الحامل مع المنظمة جوا ايضا يعني كأن يكون لاجيء عبر الun او iom او مهاجر عبر برنامج siv هنا ونصيحة (مجربة) اذا كنت في المراحل الاولى للمعاملة فالموضوع غير مهم لانك ستنتظر اساسا لفترة طويلة . أما اذا كنت في المراحل الوسطى او الاخيرة للمعاملة فيفضل ان لاتبلغ عن الحمل ابــــــــــداً لانه سوف يؤثر سلبا على سير المعاملة لكن غالبا سوف تترك المعاملة لحين الولادة واضافة الطفل الى المعاملة . في حالة ان تكون المعاملة وصلت الى الخطوة الاخيرة والتي هي(موعد السفر) فلا ضير من ابلاغ المنظمة لكن بعد استلام موعد السفر فقط على ان يكون هذا الموعد يقع مع او خلف موعد الولادة المتوقع وهنا عليك انتظار عامل الحظ ليلعب دوره.
468
السلام عليكم
اخوية اكو كولج ثانية ب chula vista اسمها southwestern college وهذا عنوانها
Southwestern College
900 Otay Lakes Road
Chula Vista, CA 91910
لا هاي بعيدة كلش عن مدينتي هذه بصف المكسيك كلش
469
تحياتي اخوكم الناسك بغداد - تكساس هيوستن مستقبلاً على عناد كوندا ;Dيعني مو يمي (الناسك) ,, راح يستلموك ابو قمر وعكعك ماشالله قائمة تكساس طويلة جدا من جماعة المنتدى
470
اي صح هذا احد مكاتب بغداد ,, بس ترة 30 عدد كلش قليل لانه بس اذا تقصد فقط الsiv ممكن كلامك صحيح ,لانه هسه فيز الزيارة والعمل والسياحية اكثر بهواية من هذا العدد
471
ان شالله يكون الخبر صحيح
وبالنسبة للحيوان هذا اعتقد باللهجة العراقية نسميه (أرول ) وهو نوع من الزواحف
473
الناعور ... صدق ماافتهمت ردك الاخير على المضبوط ... ياريت لو تفهمني حتى لو على الخاص يكون افضل . مو بعدين راح اظل افكر بيه
474
ياهلا ويامرحبا باختنا العزيزة أمراة المطر شلونج اخبارج مشتاقين احنا بخير والحمد لله .. هواية امور اتغيرت من تركتينا ومشيتي بلا وداع وبلا سلام عندج اعضاء تغيرت الوان اسماءها وتلونت بالاحمر اللون الجميل الذي يرمز للحيوية والنشاط . وعندج اعضاء اتغيرت اسماءها من الكيبل الرئيسي وعندج اعضاء بعدوا عن العين فازداد حبهم غابوا وهم في الفؤاد حضور كوندا العنكاوي
475
اني عايش با العراق وخادم للجيش ألامريكي اكثر من 8 سنوات .وزوجتي وبناتي موجودين بأمريكا وعدهم كل الاوراق .وعيني اليسرى صارت فدوه للامريكان وأتصوبف كل ت يوم28-2-2007 في معسكر تكريت .بس الره له ورب العالمين يعرف الامريكان ما قصرو . وين اني متصوب بالحرب العراقيه الايرانيه الكشره ولا شفت غير اجازه مرضيه وتلتحق . بس أمريكان راحت عينك اكو تعويض 200000 دولار وغي اشاء ما اكدر اكول شنو وشنو
مرحبا اخوية , ومبروك على الاتصال وعلى موعد سفرك ,,هذا االلي قدرت افتهمة من موضوعك ....................................... بس ياريت لو توضح الي وللاخوة المتابعين شنو هذا (اس ايم ايس ) ؟؟؟؟؟ وياريت ايضا لو تتكرم وتوضحلي شخصيا شنو قصة التعويض ال 200,000 ميتين الف دولار بسبب الاصابة مع الامريكان ؟؟؟؟ اني ايضا عندي اصابة قديمة وياهم بالفلوجة يعني ممكن يعوضوني ؟؟؟؟؟ وشلون انت حضرتك استملت مبلغ التعويض الكبير هذا ؟؟؟ هل على شكل كاش موني لو على شكل صك مصدق ومن اي مصرف صرفتة؟؟؟ لانه اي مبلغ حاليا ممكن يفيدني كثيرا وشكرا على الاجابة مقدما اخوك كوندا العنكاوي
476
اخي حسب الخطوط الجوية وحسب الرحلة اللي حاجزيلك عليها الوزن مو فد شي ثابت لكل الخطوط والرحلات بس لمن يطلع سفرك هي الiom تتصل بيك وتنطيك تفاصيل الرحلة وانت ايضا تقدر بدورك اتدور بالانترنت على رقم رحلتك وتشوف القوانين والضوابط اللي محدديلك اياها الخطوط الجوية .
477
ابو مريومة ... سهلة صديقي سهلة
478
انا شفت اللقاء كله مع الاسف انذكرت به حقائق مأساوية مؤلمة بخصوص المواطن العراقي المهاجر او طالب الهجرة واللجوء ... خاصة لما تكلم احد الضيوف عن اوضاع السجناء العراقيين في السجون اللبنانية ..
وضع مأساوي
الله كريم
479
تقوى الله عضوة عزيزة علينا واني اعرفها كلش زين واعرف انه هي ابد مو من النوع الذي يزعل لهكذا اسباب ,, هي بصراحة اكبر من هيجي شي والكل يعرف ,, بالنسبة لااشكالات الردود والمواضيع فهذه حالات تتكرر كل يوم وتصير وماتستحق الزعل او ترك المنتدى ...بس اكيد اختنا مشغولة في متطلبات ومشاغل هذه الحياة من دراسة او عمل اوماشابه ذلك ... الله يسهل عليها وترجعلنا سريعا .
480
شكرا للاخت ماكنتوشة على هذه المبادرة الرائعة واني احب اضيف كلمة الى الموضوع وهي كلمة (المقترحات) ايضا ...
من الضروري جدا ان يكون الاداري قريب جدا من الاعضاء لانه لولا الاعضاء لما كان للادراي وجود اصلا ,, وطبعا المقترحات شي مهم والانسان ممكن يستفيد من اي شيء .
..................................................
بالنسبة لمواضيع العركات والتداعيات التي ترافقها ف ان شالله يتم القضاء على هذه الظاهرة قريبا والادارة حاليا كًاعدة تناقش احد مقترحاتي التي من شأنها ان توقف هذه الامور ... اذا تتذكون هو مقترح حجب الردود والموافقة عليها من قبل الاعضاء نفسهم لحين وصول العدد الى حد معين
..............
اشكر الادارة العليا لموقع عنكاوا على الاستجابة لطلبي برفع عدد المشرفين في منتدى الهجرة وايضا حسب توزيعهم الجغرافي والموافقة على تعيين كل من ماكنتوشة وجوسي البغدادي ..
اخوكم كوندا
481
السلام عليكم
اخوية اني اقترح وهذا مجرد اقتراح وانت الي يناسبك براحتك اني اكول انه لو تترك كيومكا كولج وتروح على ميسا كولج الي بسان دييغو واككدلك رح تحصل من اول سمستر فل يونت يعني 12
وانت براحتك القرار الك ليش تضيع وقتك وتنتظر بكيومكا لو يجيك السرا لو تظل فد سنتين تنتظر
اتمنالك التوفيق
خوش نصيحة هسه ادور عليها بالكوكل وادور ايضا على الاسباب الي تخلي العراقيين مايروحولها بكثرة مثل الكيومايكا والكًروسمنت (باعتقادي هي المسافة)
482
الف الحمد لله والشكر على وصولك بالسلامة اخونا جورج
و welcome to USA
483
خلونا انتابع الردود اولا
بالنسبة الي اني اشوفة اقتراح جيد
484
اخ كبريائي انا في ولاية كاليفورنيا مدينة سان دياكًو منطقة الكاهون العراقية ..... وقدمت على كيومايكا كالج التقديم سويتة اونلاين وحددولي موعد امتحان في منتصف الشهر السادس , وبما أنه الفترة المتبقية قصيرة جدا فحبيت استفاد من كل دقيقة منها الى حد يوم الامتحان ... صحيح انه المفروض نجاوب على كد مانعرف لكن مع ذلك المراجعة البسيطة للغة الانكليزية وقواعدها ونوع الاسئلة سيكون مهم ومهم جدا خصوصا وانه احنا اغلبنا تركنا مقاعد الدراسة من زمان والكل يعرف انه دراستنا في العراق تختلف كثيرا عن الدراسة هنا وأيضا مناهجنا الدراسية وقتها كانت تتناول اللغة الانكليزية بشكل مختلف صراحة لم ينفعنا كثيرا في تعلم اللغة الانكًليزية بصورة جيدة . لذا وللأسف فأن اغلب خريجي الجامعات العراقية اعتمدوا على مصادر اخرى في رحلة تعلمهم للغة الانكليزية.
486
بصراحة اني شفت هواية امريكان باربيل ديشتغلون ووظائف وبرواتب قوية وهمه شهاداتهم من هذا النوع .... بس بالنسبة لامريكا مااعرف اشكد نسبة الاعتراف بهذا النوع من الشهادات .
487
مشكورين شباب على الاجابة والتواصل ... اخي العزيز Y.H شكرا على الاجابة المستفيضة ... اني بصراحة مقتنع جدا بكلامك بانه الواحد المفروض يجاوب على قد مستواه ومايحاول يسوي نفسة عبقري على كًولتك ..
ولو انه الكثير من الامور اختلفت بالتقديم الى الكلية (وهذا كله بسبب سوالف جماعتنا العراقيين حسب كلام الاخوة القدماء هنا) يعني قرارات هواية اتغيرت وخاصة في سياسة القبول , وعندك شي ثاني وهو انه المنافسة غالبا ماتكون بين المستويات المنخفضة اقصد المنافسة على المقاعد يعني اذا اتجيب مستوى 70 -71 او 80 او 90 او حتى 100 من الصعب او المستحيل ان تحصل مقعد دراسي ولاحتى بعد 3 سنوات تقريبا بسبب كثرة الزخم لانه اغلب جماعتنا العراقيين يطلعون هذا المستوى بالاختبار ...
بينما اذا تجاوزت هذه المستويات الى 106 او 110 من السهولة جدا بان تحصل مقعد دراسي لهذه السنة او 2013 ..
.....................
بالنسبة للاختبار اني اعرف انه هواية ناس من جماعتنا خاصة اللي امتحنوا من زمان لمن كان مسموحلك ان تاخذ نسخة الاسئلة وياك هذا اللي اني قصدتة ... اني اعرف انه الامتحان هسه تغير وماراح يجيبون نفس الاسئلة طبعا لكن اللي ردتة هو على الاقل انه اعرف طريقة طرح الاسئلة حتى مااتفاجأ بيها ..ويكون عندي فكرة مسبقة عن اسلوبها
.....................
خي العزيز sartar شكرا على السؤال وشكرا على تذكرك الهدية اللي تغلست وللعلم هاي مو بس انت الحمد لله عندي هواية رصيد من الهدايا المنسية .......... الكالج او الكولج باللهجة البريطانية هي الخطوة المحببة لدى عراقي كاليفورنيا ولعدة اسباب منها اقتصادية او تعليمية او تثقيفية او الخ ..... والاختبار اللي جاي ابحث عنه هو كان في متناول ايدي غالبية العراقيين خاصة جماعة كاليفورنيا اللي قدموا على كيومايكا وكًروسمن كالج .
488
والله عبالي انت مستلم فيزا ومخلص .. باعتبارك من جماعتنة القدماء يالله ان شالله قريبا جدا تستلمون وتخلصون
489
خوش تجمع موفقين ...\\\ جاي اتبدع ابو ديانا
490
استلمت الفيزا بعد فترة انتظار 11 شهرا
491
فكرة حلوة لكن ماتنفع للبيوت العراقية
493
مرحبا ,,
ولو أنه اخونا مودي العراقي سبقني الى تقديم التبريكات للعضو النشط المثابر أبو ديانا
, مع ذلك اتقدم بهذا الموضوع البسيط لتحية اداريينا الجددين ماكنتوشة وابو ديانا ... أنا كلي ثقة وتأكيد بان الاثنين على قدر عال من المسؤولية والثقافة ويتمتعون بروح التعاون والتفاني والمساعدة .
ومن المفرح ايضا ان تضم العائلة الأدارية عضوة من الجنس اللطيف هي الاخت القديرة ماكنتوشة ...
وأخيرا أتمنى لهذا المنتدى كل التقدم والرقي والازدهار بحلته الربيعية الجديدة وبالدماء الشابة المتجددة فيه سواء أدارة او اعضاء او متابعين ..
هذا المنتدى العظيم الذي طالما أفادنا وامتعنا وكان خير جليس وخير رفيق درب لنا ...
أخوكم كوندا العنكاوي
494
مالها تأثير .. بس اهم شي من يرجع يتصل بيهم وياخذ موعد ويروح يوقع الاوراق ,, اهم شي حتى تكمل جميع الجوانب اللي متعلقة بيكم .
495
يالله بلكت على( كًصة ) أدارينا الجديد ;)تنفتح العقدة على اخواننا المنتظرين جماعة الiom بعد ما ربك فرجها على اغلب جماعة الsiv .
496
وأحيانا يستعملون co-signer ايضا .
497
حمدلله على سلامة الوصول ...... ويارب القبول السريع ان شالله ,,,
والحمد لله صار عدنا صديق مهم من اعضاء المنتدى وبالنروج .. سلمنا على ربعنا اليمك.
499
همه بصراحة مو كلش يأكدون على موضوع الجواز الاخر القديم .. يعرفون وصار عدهم علم كلش زين انه جوازاتنا كل فترة تتغير وتتجدد
صفحات: [1] 2 3 4 5 6 7 8 9
|
عرض المشاركات
