عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - hornet

صفحات: [1]
1


 شلونهم اهلي الطيبين... يارب الكل بخير
اقامتي راح تنتهي ولازم تجدد ... رحت  دفعت اجور المدرسة ... مشيت باجراءات تجديد الاقامة الدراسية وما احجيلكم الروتين شلونه يم الكدعان !! .... خلصت المعاملة وسلمته بمجمع التحرير وكلي ضابط الجوازات تعال بعد اسبوعين علمود ندكلك الاقامة على الجوازات.......  
واني راجع  للبيت رن التلفون ..... رقم ارضي غريب ......
الوووو نعم
مسترر هورنيت؟
نعم
معاك (نفيسه) من منظمة الهجرة الدولية... موعد سفركووو اتحدد  .... مبروووك

صفنت واختلطت عندي المشاعر بين الدهشة والعبره والفرحة ومكدرت اجاوبه بس كتله اوكي
لله الشكر والحمد من قبل ومن بعد
اول موعد سفراستلمته كان بشهر 1 سنة 2011 وصفيت كلشي وكلاشي واتاجل سفري بسبب ابطال كنتاكي والربيع العربي المصري . واليوم وبعد سنة و8 اشهر اجه الموعد (كلاكيت ثاني مرة) بس الفرق هسه ماعندي شي اصفي بعد ... ام الدنيا علست كلشي
وره ساعات من الصدمة ولان ممصدك عدت الاتصال بنفيسه هانم وكتله  انتي متاكدة من اللي كلتي اخاف متوهمه بالرقم وتقصدين غير واحد . ممكن تتاكدين وترديلي خبر ؟ جاوبتني وبعصبية( مالك ياباش مهندس بأؤلك انته اللي حتسافر )... كتله اوكي بس اذا اجلتوني  هل مرة  راح اجيب الجنط وابات بالمنظمة  .... جان تضحك نفيسة وتكلي انت تشرفنه ياباشا خخخخخخخخخخخخخخخ
اعزائي نطيت عهد ع نفسي انه مثل مشاركتكم همومي ومعاناتي ع مدار 3 سنوات فالكم كل الحق عليه بان اشارككم فرحتي بموعد سفري الثاني عسى ان يكون بي بارقة الامل والتفاؤل لاقراني من اصحاب الكيسات القديمة واللي اضناهم الانتظاار
واذا شاء الله وقدر ان اتاجل مرة اخرى لا سامح الله فارجع واكلكم وكأن شيئا لم يكن بس ارجو ان تعذروني وتسامحوني وان ما اصدمكم اذا صار هذا الشي لان اني مؤمن برب العباد وقدره وع كولة المصريين كل شي مئدرر ومكتوب

الخبر
من خلال حواري مع نفيسة هانم (موظفة الهجرة) كالت اكو تعليمات من الابي للمنظمة بانهاء الملفات القديمة  والمتاخرة وخصوصا المؤجلين

ختاما


اتوجه بالشكر الجزيل والامتنان للاخ العزيز امير المالح لتهنئته الرائعة و الصادقة كما احيي كل الاخوة الاداريين فردا فردا واشكرهم على جهودهم الرائعةوستظل يا عين كاوه منبرا صادقا للكلمة الحرة والمعلومة المفيدة لكل سائل
 نهلنا منه الكثير وكان خير سند وعون لكل عراقيي الداخل والمهجر
تحية ود واحترام لجميع الاعضااء المحترمين (الاخوة والاخوات)واتمنى لهم ومن صميم قلبي السفر القريب والعاجل  وادعو بالتوفيق لكل من حط الرحال في بلاد العم سااام
 
 ارجو العفو وابراء الذمة من الجميع بلا استثنااء وتبقوون أهل وأحبة وأخوة


تحيااااتي
اخوكم
ابو مريومة

cairo


2
ابو خالد (ايكو 9) ينصح ابنه ;D ;D

إبنى العزيــز

... ... ... ...
عندما يحل اليوم الذي ستراني فيه عجوزاً .. أرجو أن تتحلى بالصبر

و تحاول فهمي

إذا اتسخت ثيابي أثناء تناولي الطعام .. إذا لم أستطع أن ارتدي

ملابسي بمفردي ..

تذكر الساعات التي قضيتها لأعلمك تلك الأشياء


إذا تحدثت إليك و كررت نفس الكلمات و نفس الحديث آلاف المرات ..

لا تضجر مني لا تقاطعني .. و أنصت إلى و تحمل تكرار اسألتي

عندما كنت صغيراً يا بني , كنت دائماً تكرر و تسأل و انا اجيبك بصدر رحب

إلى أن فهمت كل شئ


عندما لا أريد أن أستحم .. لا تتسلط علي

تذكر عندما كنت أطاردك و أعطيك الآف الأعذار لأدعوك للاستحمام

عندما تراني لا أستطيع أن أجارى و أتعلم التكنولوجيا الحديثة ..

فقط .. إعطني الوقت الكافي .. و لا تنظر إلي بابتسامة ماكرة و ساخرة

تذكر أنني الذي علمتك كيف تفعل أشياء كثيرة .. كيف تأكل ..

كيف ترتدي ملابسك .. كيف تستحم .. كيف تواجه الحياة


عندما أفقد ذاكرتي أو أتخبط في حديثي .. إعطنى الوقت الكافي لأتذكر

و إذا لم أستطع .. لا تفقد أعصابك .. حتى و لو كان حديثي غير مهم ..

فيجب أن تنصت إلي

إذا لم أرغب بالطعام .. لا ترغمني عليه

عندما أجوع سوف آكله


عندما لا أستطيع السير بسبب قدمي المريضة

أعطني يدك .. بنفس الحب و الطريقة التي فعلتها معك

لتخطو خطوتك الأولى


عندما يحين اليوم الذي أقول لك فيه إنني مشتاق للقاء الله ..

فلا تحزن و لا تبكي

فسوف تفهم في يوم من الأيام

حاول أن تتفهم أن عمري الآن قد قارب على الانتهاء


و في يوم من الأيام سوف تكتشف أنه بالرغم من أخطائي فإنني كنت

دائماً أريد أفضل الأشياء لك .. و قد حاولت أن أمهد لك جميع الطرق


ساعدني على السير .. ساعدني على تجاوز طريقي بالحب و الصبر ..

مثلما فعلت معك دائماً


ساعدني يا بني على الوصول إلى النهاية بسلام ..


أتمنى أن لا تشعر بالحزن و لا حتى بالعجز حين تدنوا ساعتي


فيجب أن تكون بجانبي و بقربي .. و تحاول أن تحتويني ..

مثلما فعلت معك عندما بدأت الحياة


احتضني كما احتضنتك و انت صغير


  ايكو 9 .... جنوب شرق اسيا
 :'( :'(


نولد : فَ يفرحْون بناً !

و نموًت : فَ يحزْنون علينا !

وما بين الاثنينَ : ( لآ يشْعروَن بنا)


 ابو مريومة


 


3
احبتي جميعا
 (( صيااام مقبوول وذنب مغفوور ان شاء الله وكل عاام وانتم بالف خير وعيد سعيد مبارك عليكم ))


 وبعد ...
كلنا ع علم بعملية التحديث للبصمات (الفنكرز برنت) والتي تحدث بعد مرور (15-18) شهر على عملية التبصيم الاولى والتي تتطلب ايضا الذهاب للمنظمة لاجراء العملية عند قدوم المحلف او كما في فرع المنظمة في عمان بان يقوم الموظف المختص باجراء هذا الامر.
الجديد في الامر
ضمن اجراءات تسهيل وتسريع انجاز الملفات اصبحت عملية الاستدعاء لاعادة البصمات عملية اختيارية من ضمن اختصاص المحلف فقط من خلال عدم اللجوء لاستدعاء اللاجئ لاجراء اعادة اخذ البصمات واعتمااد البصمات الاولى وارسالها لاجراء عملية الابديت عليها (يعني المحلف اذا رادك تجي تعيد بصمة يدز عليك واذا شاف ميحتاج تجي يدز بصماتك القديمة للتحديث وانت تبقى بالبيت ) .
هذا الامر حدث مع صديق لي هو الان في امريكا وكانت بصماته قد دخلت بالاكسباير منذ فترة طويله وعندما اتصلو به لابلاغه بموعد السفر ولخوفنا من ان يعيدوه من المطار بسبب انتهاء البصمات وما نقرأه من عمليات التاجيل ولان الموظفين معرضين للخطا قمت انا باثارة هذه النقطه قبل سفر صديقي وعند ذهابنا لموظف مرموق في المنظمة للاستفسار حول هذا الامر وبيان الموقف .
 كان جواب الموظف ما كتبته اعلاه . وصديقي يسرح ويمرح منذ 3 اسابيع في اميركا الصامده
(صديقي مقدم من 2009 وسوه بصمات بال8 2010 فقط وسافر بال8 2012  وفحص طبي 3 مرات ... مصر )

ملاحظه
اخواني لحد يكلي وين الرابط والدليل اني كلت اللي صار ويه صديقي .. اليصدك ع راسي والميصدك هم ع راسي
 :D :D :D

 تحياااتي
ابو مريومة


4
مبروك للعزيزة البرنسيسة اللون الاحمر والتالق والتميييز
دومك صاحبة مبدأ ولسانك ينطق بالحق والعدل .... تهانينا وعلى عناااد رزوقي  ;) ;)

  اعتذاري لكوكي الوردة ( اخذتك غفل ونزلت الموضوع  )  ;) ;)


 تحياااتي
ابو فدعم

5
التجيكااات الامنيه
عبارة تحيا معنا وتقض مضاجعنا ولا يمكننا ان نغفل عن ذكرها او ننساها لما سببته للكثير من دمااار مادي ومعنوي ونفسي مستمر في تأثيره لكل منتظري السفر من المتأخرين من وجبات 2008 2009 2010
كلما بعثنا ايميل او اتصلنا هاتفيا ياتينا الجواب الاوحد (انت بانتظار التجييك الامني)  >:(
ولا اعلم هل توجود تجييكاات امنيه تستمر لسنيين   :o والطرف الاخر هو  امريكا قمة التقدم الامني عالميا
ساروي لكم هذه الحالة من ارض الواقع واترك لكم الاجابة ع السوال ... هل التجيكاات الامنية وهم ام حقيقه ؟؟
لي صديق  عزيز جدا يسكن عمااان وعنده اقامة سنويه
مقدم ع ال اي او ام من سنة 2009 ولهذا اليوم سبب التاخير هو التجييك الامني الذي يتعرض له كل من يرووم الدخول لامريكا والذي لا يستثني صغيرا وكبيرا
هذا الصديق ذهب الى السفارة الامريكيه في عماان واعتمادا ع اقامته النافذه قدم طلب للحصول على فيزا لدخول امريكا
وفعلا تم اخذ بصمات اصابعه في السفارة وبعد ايام ابلغ بصدور الفيزا متعددة الاغراض له والتي يمكنه بها دخول امريكا  ::)
طبعا هذه الفيزا لا تغني ولا تسمن من جوع ولا يمكن ان يعامل بها كلاجى ...
انها دليل بسيط ع ان التجيكات الامنيه لا تاخذ غير هذا الوقت البسيط لاغير وما نسمعه ما هي الا اعذاار وحجج فقط
هذا راي فقط والمعتمد ع ما حصل مع صديقي ومع الكثيرين من العراقيين المقيمين في عماان ممن اخذو هذه الفيزا

 تمنيااتي بالتوفيق والسفر القريب لكل المنتظرين

 اخوكم
ابو مريومة

6
هاااي ايفري بودي
واني اقره بموضوع اخونه السلام عن الاخلاق ونسبيته واختلافه وتطوره من مجتمع لمجتمع اخر والنقاش الصاير بي واللي موجود بهذا الرابط
ردت ارد بالموضوع واكتب اجم كلمه ويصير حالي حال العبريه وكان الله يحب المحسنين
بس اشو اتذكرت قصة صديقي جواد اللي هو هسه بامريكا وهيه تبين التطور النسبي للاخلاق مثل ما اشار اله اخونه ابو فرح بموضوعه الكريم
شفت ان يكون ردي على موضوع اخونه السلام  ع شكل موضوع احجيلكم بي قصة جواد وبيتر الواقعيه (ترو ستوري )بامريكا مثل محجاهه جواد

الستوررري

جواااااااد
ولد صديقي عايش بامريكا شاب وبعده ممزوج حاله حال اغلب شبابنه هناك تعرف ع بنيه امريكيه وارتبطو بعلاقه حميميه كلش هو يكولي ازوجه واني المفروض اصدكه   المهم يوم من الايام والولد راجع من شغله رن تلفونه واذا بالعينتين ع التلفون كلتله جواد ممكن تجيني هسه ؟؟؟ كلله خير؟؟؟
كلتله تعال اريد اشوفك  
الولد مجذب خبر ولان البنية عزيزة ع كلبه ميكدر يرفضله طلب (حب عذري) نكر سلف وسج الطريق كله (بيته عن بيته بعيد شويه) ولمن وصل للبارك اللي كدام بيت العينتين رن تلفونه مره اخرى واذا بالبنية تكله جواد وين انته كلله اني دا ابرك السيارة جان تكله ممكن تروح تاخذلك فره وفد نص ساعة وتجي كله بابا اني ابو ابويه مسموط وين انطي وجهي   تنك جواد وصار عصبي وكله اني راح افره للسيارة وارجع لبيتي مو صوجج صوجي اني اسمعت كلام وجيت (جواد صار نجر) جان العينتين تنصدم وكلتله لا جواد برك السيارة وتعال  اصعد
برك جواد السياره وصعد يتمندل ويهز بطوله (مسيطر) دك الجرص فتحتله العينتين الباب واول مشافته كلتله جواد عندي ضيف بالبيت  
جواد بعصبيه وبالنكهة العراقيه الاصيله (منين هذا) كلتله ادخل اعرفك عليه هههههههههه
دخل ابو جويده وجان ينصدم بشخص مترين بمترين طول وعرض (جحنتي اصلي)  
جان العينتين تعرفهم واحد ع الاخر (بيتر ذس ااز  جواد ..... جواد ذس ااز بيتر) واحد سلم ع الاخر وكلي جواد ايدي مرده من سلم عليه هلكد مالله ناطي صحه
جان ياخذه جواد للعينتين ع صفحة وكله ولج  هذا منو بيتر ... كلتله هذا زوجي جوااااد اختلفنه واحنة منفصلين صارلنهه شهرين (بس ممطلكين) واني حجيتله عليك ههههههههههههههههههههه
جواد كام يذب الوان ويريد يطلع الحرف ميعرف ويكول كلت هاي هيه اجاااك الموت يا تارك الصلاة  
جان بيتر يحس بنفسه صار عذووول وما اله مكان من الاعراب وكبل ليبلع جواد ريكه من الهبطه كلهم بيتر اني اكسكيوز مي اترخص هسه  
جوااد يباوع عليه وفاتح حلكه حتى ال اوكي متطلع منه ههههههههههه
المهم بيتر وصل للباب مال الشقه وسلم ع العينتين وجواد بعده متبسمر بمكانه وفجأة بيتر كركعه للشقه بصوت جهوري وصااااح جوااااااااد جست امنت بليييزززززز وهنا جواد قره الشهادة وكال هاي هيه راشدي واحد من بيتر واكتهن كلهن كدامه  
  راح يمشي للباب مكان مواكف بيتر  وابو جويده بالكوة شايلته رجليه :o
وصل يمه وصار كباله فيس تو فيس
جان يشوووف بيتر والدمعة نازله ع خده وعيونه مغرورقه بالدموووع والعبره خانكته وشال بيتر ايده وخلاهه ع جتف جواد وكله  
ما اوصيك على العينتين دير بالك عليه تره عزيزة ع قلبي ههههههههههههههههههههههههه  
جان جواد من فرحته وممصدك باللي يكوله اله بيتر ومن الخرعه مالته حضن بيتر وكام يبجي ويااااااا  :'(
لو هيج تطور نسبي لو ملازم اخويه ابو فروحه  
الله يبعدنه ويبعدكم عن هيج تطور نسبي للاخلاق  ;) ;) ;)

 تحياتي
ابو مريومة


7
 شلونكم يا طيبين

 اعزااائي اللي راح يسافروون واللي منتظرين السفر والفرج القريب

 مثل متدرون انتو الكم فلوس الويلكم جيك واللي المنظمة تصرف منه ع تاثيث الشقه وشراء الحاجات الاساسية
واللي من ضمنه الفرش والاغطية والشراشف
اكو منظمات نفسه دنية تستخصر تروح تشتري الجديد والسبب انتو تعرفو اكيد
ويروحون يجيبون هاي الشغلات(الفرش والاغطية والشراشف) من اماكن مجهولة او من التبرعات  :o :o :o
وهذا الشي كلش خطير لان هاي الاغطية والفرش راح تكون ناقلة للكثير من الامراض الجلدية وع راسها الجرب (عافاكم الله)
وهاي الحالة صارت ويه صديق (المسكين) صار بي جرب هو وعائلته اول موصلو امريكا  :'( :'(
من هذا ابداا  لا تقبلون تستلمون اي فراش او شرشف او اي ملابس مستعملة نهائيا حفاظا ع سلامتكم وخلي كفيلكم ياخذ الفلوس ويشتريلكم الجديد
او انتو تقومون بهذا الشي لمن توصلون بالف سلامة

 تحياااتي وتقديري للجميع

 اخوكم ابو مريومة

8
اخواني واخواتي رحبو معي باختنا الرائعة البغدادية2

 نورتي بيتك ومكانك اختي العزيزة الفاضلة البغدادية (ام عصااام ) وان شاء الله ماعاش من يمسك يا طاهره
عودة ميمونة ومباركة وكل الهلة بالطيبة

الاخوة المشرفين  الموضوع ليس في مكانه  :D
ولكن اختنا ام عصاام تستاهل وحقه علينه وممنون منكم مقدما
اخوكم
ابو مريومة

9
السلام عليكم

هناك بعض المواضيع الحديثه تحتوي ع روابط مريبة جدا ممكن ان تكون فايروس او سباي ,,,, الخ
تحت عناوين مشوقه ورنانة مثل

اقوى فيلم رعب في تاريخ السينما العالميه
اغرب طريقة لطلب الزواج
مو قف مؤثر جدا اسد يحتضر
متعة تعلم اللغة الانجليزية مجانا
<<<< الخ

قمت بارسال روابط هذه المواضيع للادارة للبت في امرها والتاكد منها
لذا
 ارجو الانتباااه وعدم الضغط على هذه اللنكات المريبه وما تحتويه من كلمة download  لكي لا يحصل مالا يحمد عقباااه لحين التاكد من الامر


 تحياااتي
ابو مريومة

10
  اتشرف بان يكون اول موضوع لي بعد عودتي للمنتدا الرائع ان اخص به اخي وصديقي الرائع اوركا

 انته انسان محترم وموقفك الشخصي معي كان موقف اصيل وتستحق عليه كلمة الشكر والامتنان والعرفان
 
 وخلي احرك الفلم بعد لان لازم الكل تعرف هههههههههههه
الاخ المحترم  ORCA  واللي لغة عضويته هو نفسه bossmedo 

 ونفس التحية والتقدير لجميع الطيبين في بيت العراقيين عين كاوه الغالي بدون استثناء
وعذرا لكتابة الموضوع في غير محله

 ابو مريومة
cairo

صفحات: [1]