ankawa

المنوعات => استراحة المنتديات => منتدى في الاعادة افادة => الموضوع حرر بواسطة: alan ashuraya في 13:25 22/11/2011

العنوان: الحياة بعد 50 سنه
أرسل بواسطة: alan ashuraya في 13:25 22/11/2011
الحياة بعد 50 سنه

البنية مرعوبة : بابا بابا.... اكو واحد تافه و قليل أدب سوالي آد !!

الأب و عيونة طلعن برررة : شنووووووووووووووووووو ؟؟؟
...
الأم : ياويلي .. لج انهجم بيتج مو كلتلج لاتتأخرين بالسهر عالفيس بوك و تضلين لنصاص الليالي ؟ الله لايوفقج O.o

ينط أخوها الصغير : منو طوووووووط ؟ .. والله لا اجيب اصدقائي و انزل بيه ريبورتات و انعل ابو الاكاونت مالتة والله !!!

يجي أخوها اللاخ الفهيم : لج أختي بلكي الرجال رايدج بالحلال ؟

ينط الأب : لك شنو انت طووووووووط ؟ لو ابن عوائل و رايد الحلال جان سوالي آد مو لأختك

بس هية الحق عليها خلت علينا الحجي بين الصفحات ... يرفع كفة الاب و يصلخ البنية عجل ..و يكوللها لج من طووووووووط ابوج على هالتربية فضحتينا......اليوم تسوين دي آكتفيت لأكاونتج ...

الأم تكول : لك خاف ربك يا رجال البنية مضايفة غير صديقاتها البنات و آني اعرف كل امهاتهن ضايفتهم عندي الله وكيلك ....

يكول الأب : لج أصلا هاي آخرة تربيتج ... روحي و أنتي بلوك بالتلاثة ... بلوك .. بلوك ... بلوك ....

و العائلة تشردت