الرسائل

1

الاخبار العالمية / رد: سيدنا يسوع المسيح و العذراء مريم البتول يظهران بإعجوبة جديدة في أحد كنائس مدينة مرج عيون اللبنانية

« في: 20:18 14/10/2008  »

اخويه زعبي لاحظت بااكثر من موضوع حضرتك داخل وتستهزء برموزنا الدينيه فااحب اوضحلك عدة اشياء
-اول شي مريم العذراء لم تمت وانما صعدت الى السماء بينما حضرتك تكول انو هي ماتت فهاي اول نقطه على انو حضرتك غير ذات معرفه بالرموز الدينيه المسيحيه مما يجعلك عندما ترد على موضوع وتستهزء بطريقه غير مباشره تهاجم من قبل ردود الاعضاء الاخرين فقبل لاتجاوب على اي موضوع شوف نفسك تفتهم بي لو لا

-ثاني شي منو يكول زمن المعجزات انتهى لعد الناس الي صارلها خمس سنوات داتعيش بالعراق بينما جميع الخدمات غير متوفره لديهم لكن بمعجزه من الله وبقدرته عايشين والحمدالله وهاي نقطه اخرى تدل على انك غير فاهم شنو معنى المعجزه مو شرط تكون المعجزه شي انت تشوفه يجوز غيرك يشوفه وانت لا لان انت اصلا متأمن بالمعجزات فصعب تشوفها
-وشغله ثالثه من ماتحب محد يتعدى على دينك فلازم تحترم دين الاخرين لان شنو الي يميزك علمود يكون حلال عليك تستهزء بينا واحنا لا لك دينك ولنا ديننا
-ورابع شغله اريد اكولك انت لحد الان فكرك ممتطور لان شوف العالم وين وصلت بالتطور وصلوا للقمر وانت حضرتك لحد الان كاعد تكولي هذا الدين صحيح وهذاك لا وكاعد تطلع فتاوي من يمك ومحد دمر الناس غير هاي الفتاوي مال جهله وبالنسبه الصديقك الي تناقشه باامور الدينيه تريد تعرف ليش ميطول خلق وياك بالنقاش ويسوي نفسه انو اقتنع بكلامك لان يعرف انو النقاش وياك اله حد مستحيل راح تغير تفكيرك

-وخامس شي احب اكولك احترم الاخرين ودياناتهم ورموزهم ومعتقداتهم لكي يحترموك واعتقد انو لو كنت انت بغير موقع وتتهجم بهذا الاسلوب جان لغوا عضويتك بس هذا الموقع يحترمك على انك انسان قبل ان نعرف شنو ديانتك واذا تحب تسوي نعرات طائفيه بين الاعضاء من مختلف الاديان بسبب ردودك الطائفيه  فماراح تكدر تسوي لان الناس خلصت قلوبها من هاي السوالف وبعد ماعدها خلق فااتمنى تشوفلك كتب ملمه بالديانه المسيحيه وتقراها زين علمود تعرف اذا السيد المسيح والعذراء يسوون معجزات لو داينتظروك تأمن بيهم
واخيرا ارجوا انو كلامي مابي اي تجريح الى اي جهه لان كل واحد عندما يمسون شي يخصه ميسكت

2

الاخبار العالمية / رد: شعبولا القشمر يهاجم البابا ويدافع عن الإسلام

« في: 19:56 14/10/2008  »

هو مبقى غير القشامر مثل هذا الحشاش يحجي على رموزنا الدينيه

3

أخبار العراق / رد: المترجمين العراقيين يرغبون بالعودة الى العراق ولايكترثون بالمخاطرة

« في: 02:11 07/08/2008  »

اخي معن احب اسالك سؤال بااعتبارك بالجيش العراقي السابق هل ممكن ان تكولي شكد النسبة من الجيش الي اتعاركوا بالحرب ضد الامريكان ؟؟؟ لو كان النص يتعارك لما كان هذا حال العراق ولما كان باستطاعت الامريكان الدخول اخي انت تحجي على الخيانه لعد الي ترك موقعه بالحرب وانهزم ويلي جان ينطي احداثيات بالحرب وهسه صاير يحب الوطن ويدافع عنه والدفاع مالته هو الارهاب الي يقتل جيرانه شنو يسموا ويلي ينطي معلومات عن جيرانه شنو هو هاي كولها خيانه بس خيانه مستوره يعني بدون علم احد اكثر الي يكولون احنا نحب الوطن ونضحي من اجله لمن تجي ادور وراهم تلكاهم همه اكثر الناس يشتغلون ويا الامريكان ولصالحهم اخي العزيز اذا نكعد نكول المترجم خائن ومايحب وطنه فااكيد كل شخص يشتغل حاليا يعتبر خائن لان الحكومه اتت بمساعدة امريكا وكل انسان عنده محل او اي شي ثاني يسترزق منه هم نكول عليهه خائن بااعتباره دايساعد اقتصاد البلد الي تقوده حكومه جاءت بمساعدة المحتل فشفت يااخي طلع الاكثريه خونه وهذا شي غير صحيح الي يحب وطنه يحبه بقلبه مو يبرر حقده وارهابه على اساس حبه للوطن ويامهندس معن مااعتقد عائلتك بحاله جوع فضيع وانشاءالله مايجي اليوم وتكون بحالة جوع بس ثق يااخويه العزيز انك اذا رايت دمعة طفلك او امك او اي احد من افراد عائلتك وكان سبب الدمعه هو الجوع لفعلت كل شيء لأجل ان تمحيها ويمكن راح تستغرب على طريقة دفاعي عن الاخرين لكن هي هاي روح المحبة مهما يكون هذوله شباب العراق واخوانه واذا احنا نعاملهم بهاي الطريقه ونحجي عليهم لعد لا عتب على الغريب شيسوي بيهم  اعتقد ماكو احن من قلب العراقي بالدنيا كولها لان مستعد يعرض نفسه للخطر علمود يشوف عائلته عايشه العيشه الي تريحهم

4

أخبار العراق / رد: المترجمين العراقيين يرغبون بالعودة الى العراق ولايكترثون بالمخاطرة

« في: 19:40 05/08/2008  »

اخي العزيز دجله والفرات ممكن اعرف حضرتك وين عايش ؟لان اذا انت عايش خارج العراق فاانت متعرف شلون يعيش كل شخص بالعراق اخويه الوضع بالعراق وصل الى درجة الاخ يقتل اخو واعتقد ماراح تصدك هذا الشي بس هي هاي الحقيقه وثاني شي كل انسان روحه عزيزه عليهه وميحب يموت موته شنيعه او يلكى نفسه بالنفايات ويلي يسموها بهذا الوقت الطب العدلي لذلك كل الي يشتغل ويا الامريكان فهو مجبور لان يحاول يستغل الفرصه علمود يخلص من هذا الوضع ويغادر العراق واذا تسال كل عراقي ذاق كل المراره هاي راح يكولك اتمنى تكون عندي فرصه علمود اغادر العراق وثاني شي الامريكان ممعتمدين على المترجمين علمود يبقون بالعراق حتى بدون المترجمين همه باقين وانت تعرف علمود شنو ماكو غير النفط ويااخي اريد اسالك سؤال وين جانوا الي عدهم غيره على الوطن من صارت الحرب ليش محد مدافع عن العراق ليش الاغلبيه استقبلت الامريكان بالورود ودخلوهم للبيوت وواكلوهم ؟؟؟؟ ممكن تجاوبني اعتقد لو كان النص واكف ومدافع عن العراق مجان احد يكدر يدخل العراق

5

أخبار العراق / رد: المترجمين العراقيين يرغبون بالعودة الى العراق ولايكترثون بالمخاطرة

« في: 14:32 05/08/2008  »

سؤال موجهه الى الاخ المهندس معن والاخ دجله والفرات هل ممكن ان تجيبوني لو كان اخوك هو الي يشتغل مترجم هل راح يكون رد فعلك بهاي الطريقه وثاني شي ممكن تكولي شنو هي فرص العمل الي موجوده حاليا للشباب الي سواءا كانو خريجين او لا احب اكولك اني عايشه بالعراق واعرف كل الامور الي يمر بيها الشاب العراقي يأما يصير ارهابي ويأما يصير جندي وبالحالتين من يموت فيصبح ليس لديه قيمه مع الاسف وثالث شي كل شاب يفكر يكون نفسه لان كل انسان يحب يكون عائله ويعيش مرتاح واغلب الشباب الي لجؤوا الى العمل ويا الامريكان ليس لحبهم بالامريكان وانما لان عملهم وياهم يوفرلهم فرص اكثر لذلك مو من حق اي انسان يحكم على انسان مايعرفه لان كل انسان معرض للخطأ واكو بعض المترجمين يخطأون لذلك اساؤوا للاكثريه الي تحاول تضحي بحياتها علمود تعيش مثل ماتحب مو يظلون طول حياتهم عايشين ويفكرون اليوم اكو شغل وباجر ماكو كل انسان يفكر بمصلحته والعمل مع الامريكان لا هو خيانه ولا باطل وانما هدف يسعى اليه اكثر الشباب علمود يكونون نفسهم واكثرنا دانسمع حاليا الامتيازات للمترجمين فأنتوا قرروا ياهو احسن يصير ارهابي لو يشتغل ويا الامريكان سنه ويطلع خارج العراق الي صار اشبه بالجحيم  وثاني شي اخ معن مو كل شخص يكدر يروح سفره الدهوك او شقلاوه مثل ما تكول لان اذا انت عايش ابغداد فااول شي راح تسوي علمود تروح سفره هو تكظي 5-6 ساعات طريق وياتصيب ياتخيب يعني لو توصل بسلامه لو لا واعتقد انت تعرف الباقي عن طريقة معاملة الاشخاص الي جايين من بغداد للشمال

تحياتي الكم واتمنى انو الانسان يرى الشخص المقابل من كل النواحي مو بس من ناحيه وحده واني بالنسبه الي لا مترجمه ولا شي وانما اني طالبة كليه


مع احترامي وتقديري

سويت انجل