ankawa
المنتدى الثقافي => نتاجات بالسريانية => الموضوع حرر بواسطة: عوديشو سادا في 10:33 29/06/2019
-
موضوع من جريدة بانوراما باللغة العربية بعنوان
هل تكفي الموسيقى وحدها لجمع الثروة
ترجمة الى اللغة الآشورية
عوديشو سادا البيلاتي
܀ܟܹܐ ܡܲܠܝܵܐ ܡܘ̇ܣܝܼܩܝܼ ܠܚܘ̇ܕܼܵܝܘܼܬܼܵܐ ܠܡܲܓ̮ܡܵܥܬܵـܐ ܕܥܲܬܝܼܪܘܼܬܼܵܐ܀
ܦܝܵܫܵܐ ܝ̄ܠܵܗ̇ ܚܫܝܼܒܼܬܵܗ̇ ܐܲܡܵܢܬܵܗ̇ ܒܝܘ̇ܢܸܣܝܹܐ ܘܓܲܒܼܪܵܐ ܓ̮ܵܐܝ ܙܝܼ ܡܼܢ ܥܲܬܝܼܪ̈ܐ ܕܬܹܒܹܝܠ ܕܡܘ̇ܣܝܼܩܝܼ ܒܥܲܬܝܼܪܘܼܬܼܵܐ ܕܒܸܡܛܵܝܵܐ ܝ̄ܠܵܗ̇ ܥܲܠ 1،26 ܡܸܠܝܵܪ̈ܐ ܕܘ̇ܠܵܪ̈ܐ، ܒܝܘ̇ܢܝܼܣܝܵܐ ܘܓܲܒܼܪܵܐ ܠܵܐ ܐܲܚܟ̮ܝܼ ܟܹܐ ܩܵܢܝܼ ܟܸܣܦܵܐ ܙܘܼܙܵܐ ܒܐܸܛܪܵܐ ܕܡܘ̇ܣܝܼܩܝܼ، ܡܛܠ ܐܝܼܬܠܲܝܗܝ̈ ܦܘܼܠܚܵܢ̈ܐ ܓܘܼܒܼܪܹ̈ܐ ܘܐܝܼܬܠܗ̄ܘ̇ܢ ܣܵܗܡܹ̈ܐ ܐܲܢܸܢܩܵܝܹ̈ܐ ܓܵܘ ܡܸܢܝܵܢܵܐ ܡܼܢ ܬܲܪܸ̈ܡܝܵـܬܼܵـܐ ܡܐܲܝܟܼ ܪܘ̇ܟ ܢܵܐܝܫܸܢ؛ ܬܝܼܕܵܐܠ؛ ܐܵܝܦ̮ܝܼ ܦܵܐܪܟ ܘܒܐܸܛܪܵܐ ܕܥܲܬܝܼܪ̈ܘܼܬܵܝܗܝ ܟܹܐ ܙܵܒܼܢܝܼ ܡܲܢܙܝܼܠܹ̈ܐ ܒܲܬܘܵܬܹ̈ܐ ܘܚܲܫܠܵܬܼܵܐ ܘܛܲܝܵܣܝܵܬܼܵـܐ ܕܝܼܠܵܢܵܝ̈ܐ، ܘܗܲܪ ܗܵܕܵܟܼ ܟܹܐ ܦܵܪܥܝܼ ܟܸܣܦܵܐ ܡܛܠ ܥܘܼܕܼܪܵܢܵܐ ܘܦܘܼܠܚܵܢ̈ܐ ܛܵܒܼ̈ܐ، ܓܵܘ ܫܹܢ̄ܬܵـܐ ܕ 2018 ܡܛܹܐܠܵܗ̇ ܥܲܬܝܼܪܘܼܬܼܵܐ ܕܲܒܝܘ̇ܢܝܼܣܝܵܐ ܒܛܝܼܡܵܐ ܕ 355 ܡܸܠܝܘ̇ܢܹ̈ܐ ܘܥܲܬܝܼܪܘܼܬܼܵܐ ܕܓܲܒܼܪܵܗ̇ ܓ̮ܵܐܝ ܙܝܼ 900 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ ܟܲܕ ܒܸܡܛܵܝܵܐ ܝܑܼـܠܵܗ̇ ܥܲܬܝܼܪ̈ܘܼܬܵܝܗܝ ܥܲܡܚܕܵܕܹܐ 1،26 ܡܸܠܝܵܪܹ̈ܐ ܕܘ̇ܠܵܪܹ̈ܐ، ܐܵܢ̈ܝܼ ܬܪܹ̈ܝܢ ܢܲܓܡܹ̈ܐ ܟܵܘܸܟܒܼ̈ܐ ܕܡܘ̇ܣܝܼܩܝܼ ܩܢܹܐܠܗ̄ܘ̇ܢ ܪܵܒܵܐ ܟܸܣܦܵܐ ܒܐܘܼܪܚܵܐ ܕܡܲܢܬܵܝܬܲܝܗܝ̈، ܘܬܸܪ̈ܘܲܝܗܝ ܡܓ̮ܘܼܡܸܥܠܗ̄ܘ̇ܢ ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ ܒܲܚܒܼܘ̇ܫܝܵܐ ܕܚܘ̇ܦܵܛܹ̈ܐ ܐ̄ܚܹܪ̈̄ܢܹܐ ܟܲܕ ܦܝܵܫܵܐ ܝ̄ܠܲܝܗܝ̈ ܡܫܘܼܡܗܹ̈ܐ ܡܼܢ ܥܲܬܝܼܪܹ̈ܐ ܕܬܹܒܹܝܠ، ܘܒܲܚܙܘܼܩܝܵܝܗܝ̈ ܐܘܼܡܵܢܵܝܵܐ ܡܫܵܘܸܬܦܵܐ ܩܢܹܐܠܗ̄ܘ̇ܢ ܥܲܠ 253،5 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ، ܒܡܸܨܥܵܝܘܼܬܼ 5،28 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ ܠܟܠ ܙܘܼܝܵܚܵܐ، ܒܫܸܢ̄ܬܵـܐ ܕ 2018 ܝܑܼـܗ̄ܘܵܗ̇ ܒܝܘ̇ܢܝܼܣܝܵܐ ܢܲܓܸܡܬܵܗ̇(ܟܵܘܸܟܒܼܵܐ) ܓܵܘ ܥܲܕܥܹܕܵܐ ܕܟܘ̇ܬܫܝܼܠܵܐ ܡܘܼܣܝܼܩܵܝܵܐ ܘܐܘܼܡܵܢܘܼܬܼܵܗ̇ ܩܵܡ ܡܲܡܛܝܼܵـܠܵܗ̇ ܕܩܲܢܝܵܐ ܥܲܠ ܟܸܣܦܵܐ ܕܡܵܛܹܐ ܒܲܝܢܵܬܼ 8 ܐܵܘ 12 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ، ܒܵܬ̄ܪ ܗܵܕܹܝܟܼ ܓܪܝܼܫܠܵܗ̇ ܕܪܵܥܢܵܐ ܥܲܠ ܟܘ̇ܢܬܪܵܟܬصفقة ܒܛܝܼܡܵܐ 60 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ ܥܲܡ ܢܸܬܦ̮ܠܝܼܟܣ ܕܝܼܠܹܗ ܚܲܕ̄ ܙܘܼܠܵܐ ܕܲܫܛܵܪܵܐفلم وثائقي ܬܚܘܼܬ ܫܸܡܵܐ ܕܥܵܪܬܵܐ ܥܲܠ ܐܲܬܪܵܐ، ܕܦܝܼܫܠܹܐ ܦܪܝܼܣܵܐ ܒܝܲܪܚܵܐ ܕܢܝܼܣܵܢ ܥܒܼܝܼܪܵܐ ܕܝܼܗ̄ܘܵܐ ܡܪܵܙܘ̇ܓܹܐ ܓܵܐܢܵܗ̇ ܩܵܐ ܥܲܕܼܥܹܐܕܵܐ ܕܟܘ̇ܬܫܝܼܠܵܐ، ܡܲܒܘ̇ܥܵܐ ܕܥܲܬܝܼܪܘܼܬܼܵܐ ܕܲܒܝܘ̇ܢܝܼܣܝܼ ܠܹܐ ܗ̄̈ܘܵܘ ܐܲܚܟ̮ܝܼ ܒܝܼ ܚܙܵܝܵܬܼܵـܐ ܐܘܼܡܵܢܵܝܹ̈ܐ ܒܫܹܢ̄ܬܵـܐ 2010 ܥܒܸܕܠܵܗ̇ ܡܵܘܕܥܵܢܘܼܬܼܵܐ ܠܐܵܬܝܼܪܵܐ ܕܝܼܠܹܐ ܫܡܹܗ ܗܝܼܬܼ ܟܲܕ ܡܛܹܐܠܗ̄ܘ̇ܢ ܩܢܵܝܵܬܹܗ ܥܲܠ 75 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ ܒܝܵܘܡܵܐ ܕܲܦܠܝܼܛܠܹܗ ܘ 400 ܡܸܠܝܘ̇ܢܹ̈ܐ ܕܘ̇ܠܵܪܹ̈ܐ ܡܼܢ ܗܵـܝ ܥܸܕܵܢܵܐ؛ ܒܫܹܢ̄ܬܵـܐ 2015 ܥܒܸܕܠܵܗ̇ ܡܲܘܕܥܵܢܘܼܬܵܐ ܒܚܸܠܡܸܬܟܵܪܘܼܬܼܵܐ ܕܡܲܡܛܵܝܬܵܐ ܕܡܹܐܟܼܘܼܠܝܵܬܹ̈ـܐ، ܘܒܵܬܪ ܗܵܝـ ܫܹܢ̄ܬܵـܐ ܦܘܼܠܸܛܠܵܗ̇ ܪܸܡܙܵܐ ܕ ܐܝܼܦ̮ܝܼ ܦܵܐܪܟ ܬܲܓܵܪܲܝܬܵܗ̇ ܕܲܠܒܼܝܼܫܵܬܼܵـܐ ܘܡܐܲܝܟܼ ܟܠܲܝܗܝ̈ ܡܫܲܡܗܹ̈ܐ ܩܢܹܐܠܵܗ̇ ܒܝܘ̇ܢܝܼܣܝܵܐ ܪܵܒܵܐ ܟܸܣܦܵܐ ܒܐܸܛܪܵܐ ܕܡܵܘܕܥܵܢܘܵܬܼܵܐ ܡܐܲܝܟܼ ܫܵܘܬܵܦܬܵܗ̇ ܓܵܘ ܡܵܘܕܥܵܢܘܵܬܼܵܐ ܕ ܬܘ̇ܡܝܼ ܗܵܝܸܠܦ̮ܝܼܟܸܪ ܘ ܠܘ̇ܪܝܵܐܠ ܘܐܲܡܝܼܪܝܼܟܵܐܢ ܐܸܟܣܸܒܪܝܼܣ ܘ ܒܝܼܒܣܝܼ، ܘܐܝܼܬܠܵܗ̇ ܣܵܗ̄ܡܵܐ ܒܝܘ̇ܢܝܼܣܝܵܐ ܓܵܘ ܡܘܼܠܟܵܢܵܐ ܒܚܸܠܡܸܬܟܵܪܘܼܬܼܵܐ ܕܣܲܓܝܼܐܘܼܬܼ ܡܘܼܣܝܼܩܝܼ،،
ܬܲܪܓܵܡܬܵܐ ܡܼܢ ܣܦܲܪܙܲܒܼܢܵܐ ܕܦܵܢܘ̇ܪܵܡܵܐ ܒܝܲܕ
ܥܲܒܼܕܝܼܫܘ̇ܥ ܣܵܗ̄ܕܵܐ ܐܲܠܒܹܝܠܵܐܬܝܼ