عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - اسامة الهاشمي

صفحات: [1] 2 3 4
1
ليش هوه اكو واحد ينسه اخوانه وخواته ... طبعا اذكرج اختي الغاليه كوكي .
تسلمين ويارب يحفظج ويسلمج .
مشتاق الكم كومة

2
تسلمين sound الغالية .. يابنت الاصول .
حيل شلون اتذكرتيني .   :D :D :D ;D


اسامة الهاشمي

4
ايامكم سعيدة وكل عام وانتم بخير .
اخوية الغالي اتوكل على الله وهذا الشي ميأثر ابد لان اني عائلة من اربعة اشخاص وكل شخص لقب او جد . وهسه اني بكندا  والحمد لله والشكر .
ابد مااثر عليه هذا الشي اتوكل بالله ولا تفكر بيه .
وان شاء الله تتوطن باسرع وقت وتوصل البلد الي اتريده وتتمناه وترتاح من هم الانتظار .



اسامة / تورنتو

5
الف الف الف الف مبروك اخونة الغالي ابو قطر وان شاء الله يوم وصولك بالسلامة .
ويارب يعجل سفر الجميع . باقرب وقت


اسامة / تورنتو

7
زين اذا واحد عنده بوكه او شخص ضايع هم يلكاه  :-\
 :D :D :D :D :D :D :D


اسامة / تورنتو

8
يارب يسهل على الكل وتسافرون باسرع وقت .
جماعه كندا وجماعة اميركا والكل ان شاء الله اتسافر باسرع وقت يارب .


اسامة / تورنتو

9
الف الف الف الف الف مليووووون مبروك اخوية ابو هيا وان شاء الله السفر باسرع وقت يارب
والف الف الف الف مبروك لاخونة قطر عبد الرحيم  وان شاء الله السفر السريع للجميع يارب

وان شاء الله نسمع الاخبار الحلوة من الكل يارب . ويارب يستر ويحفظ كل العراقيين من كل مكروه وشر



اسامة / تورنتو

10
السلام عليكم

شلونكم اهلنا واخوتنه جماعه سوريا .. يارب يسهل امركم باسرع وقت ويريح بالكم يارب .
وان شاء الله نسمع اخبار طيبة منكم بهل ايام الجاية .

اخوية العزاوي الغالي . ابو سرمد . ان شاء الله يارب نباركلك باسرع وقت على موعد السفر . وتخلص من هم الانتظار يارب يارب يارب  ..

دعائنا لكم بالسلامة والستر والعافية والفرج القريب بأذنه تعالى .



ابو نور / تورنتو

11
الف الف الف مبروووك ويارب ان شاء الله السفر باسرع وقت .
ويارب يسهل امر الجميع ويحفظ كل اهلنا بسوريا يارب بحق كل الانبياء والرسل . يارررررررررررب


اسامة / تورنتو


12
ابو مصطفى الغالي ..
الحمد لله والشكر ما ادري شكلك بس راح اخابرك . لان مدا اصدك .



ابو نور / تورنتو

13
يارب يفرجها عليكم ويحفظكم ويسهل امركم ويبعد عنكم كل مكروه وشر بحق كل الانبياء والرسل .
دعواتنا وياكم  وربي يسهل على كل العراقيين بسوريا يااااااااااااااااااااارب .
بجاه شهر الخير والبركة الي على الباب والباجر اول ايامه .


برداً وسلاماً


ابو نور / تورنتو

14
هههههههههههه حلوه هاي كاندي تموت من الضحك .

بالمناسبة الرحمه على الحي وعلى الميت .

والله يرحم الشعب العراقي على الي كاعد يصير بيه





ابو نور / تورنتو

16
الف الف الف الف الف الف الف الف الف الف مليوووووووووووووون مبرووووووووك .. اخوية العزيز  بشار .
ويارب باسرع وقت ينطوك موعد سفر وتوص الكندا بالف سلامة وترتاح من هم الانتظار والصبر .
والله فرحتلك من كل قلبي .
ويارب يفرجها على الجميع  ان شاء الله .





ابو نور / تورنتو

17
هوه اكو واحد ما مدخن الجكارة الاولى بالسطح يم تانكي المي . ما شاء الله كلها نفس القوانه هههههههههههههههههههههههه.


اني بالنسبه اليه اول جكارة مور نعناع 2/5/1986  بالسطح يم التانكي . ... والى اليوم اني ادخن نعناع سبحان الله بس مو يم التانكي .

الله يبعد الجميع عن الدخان ومظاره .



ابو نور / تورنتو

20
7777777777777777

كل اعضاء عنكاوا الطيبين والي ميحملون اي شخص منيه على فائدتهم اله .
ويارب تتحقق اماني الجميع





ابو نور / تورنتو

21
صدك كذب كاندي ..

تحتاجين فوتو شوب ومتكولين ..

يمعودة على بختج .

اي شي تحتاجين بالفوت شوب بس كولي .
اني





كلش ما اعرف بالفوتوشوب هههههههههههههههههههههه .
واضوجح منه
انتي بس اامري وحجي .
كلشي مراح اسوي اني هههههههههههههههههههههههههه





ابو نور / تورنتو

23
اعتقد يا اخي يا صديق هاي محد يجاوب عليها غير دزمند ...
بس دزمند قرر بعد ميرد على العام .. اتصور هيج شي لان كاعد يلاقي مشاكل فانته ضل لح عليه على الخاص .
وخلي ابلك تره هوه عنده كل ثلاث ايام 300 رسالة يعني اذا اجاك السره وره شهر كلش زين .
اصبرله شويه وتحمل ... هسه انته مو متحمل الاي او ام .. يعني متتحمل دزمند . الرجال ان شاء الله ميقصر ...





ابو نور / تورنتو

24
انته وين بيتكم ووين رايح زين شدخن



ابو نور تورنتو حلوة منك ههههههههههههههههههههه

والله يا خوية يا شغيدل اني لحد هسه ما فهمت شي لا من الرد الاول ولا الرد الثاني بس ادعيلكم ان شاء الله ربي يفرجها عليكم وترتاحون مثل ما اني مرتاح ويبعد الشر عنكم وعن كل العراقيين وعن كل الناس الطيبين .
وياااااااااااااااااااارب يفرجها .






ابو نور / تورنتو

25
اولا اني حبيت اطرح موضوعي هذا مو على اساس اكسب خاطرك وانت مبين محترم من اسلوبك
ثانيا\لااحد في المنتدى عاتبني بس هذا الموضوع خارج عن المنتدى لانه احنه كعراقين اكول شوفو كلشي ماعدنه وهاي العالم بدت بمجرد مارحنه فحصنه بصاطه بدات الدعايات ؟الموضوع سابق اوانه؟
شكرا على التعليق

والله ما ادري شنو الي اكوله لان بصراحة خجلتني باخلاقك العالية ... وما افتهمت اي شي ؟ ههههههههه
يارب يسهل امر كل محتاج سفر وكل متضايق . ويارب ياذي كل واحد أذا انسان وما رحم .



ابو نور / تورنتو

26
حسبنا الله ونعم الوكيل

يااخي صوج الشعب  >:(
لشوكت يضلون كاعدين وساكتين  >:(
باعو السوريين شديسوون  >:(

احنه مابينه خير  >:(


اختي الغاتلية اروش ..ز هو منو الشعب ؟؟؟ !!! احنه الشعب اني وانتي وعادل ورافت والبغدادية2 وكاندي وغيرنه وغيرنه هذوله هم الشعب ..
احنه الساكتين . لا تعتبين على الناس لان انتي منهم ما دام انتي عراقية .... ومن تحجين ومتسكتين اني احجي وانتي اتكولين من انته تحجي اني هم احجي وما اسكت . وانتي افتهميها بعد باي صورة تردين .
بس العراق بعد انتها وميصيرله حل الا اذا رب العالمين راد .. ونعمه بالله .

الله يرحم جميع شهداء العراق واموات العراق . ويارب يرحم العراقيين العايشين بالظيم والقهر بكل مكان بالعالم .




ابو نور / تورنتو

27
ههههههههههههههههههههههههه اخ اسامة الهاشمي
اي والله تريد الصدك احنا النسوان احيانا نجفص واني مرة صارت وياي اجه ابو الجهال دياكل والله بدون قصد جنا دانتعشا كتله سالفة اشوف عاف الاكل وكام وبعدها توبت احجي سالفة عل الاكل اني شمدرني راح تغثه

هيه هاي المشكلة بدون قصد ؟؟؟؟. اي ليش دغلسو . على الاكل ميصير واحد يحجي وانتو النسوان بيكم طبع اله تحجون وطلعون كل السوالف الي اتضوج وقهر السنين كله ميطلع اله على الاكل ... طبعاً الرجال يضوج ويكوم يحب اكل المطاعم مو لانه اطيب لا والله لان اكل النسوان العراقيات اطيب اكل بالعالم  . بس حتى ميوجع راسه من الحجي يروح ياكل بالمطاعم هههههههههههههههههه . هاي نصيحة لكل الخوات الي بالمنتدى . واليوم كتلي يصير عمل شعبي والله كريم ههههههههههههههههههههه .


طبعاً من وصلت الكندا ما كمت اكل بالمطاعم ... وبصراحة حيل جوعان اني هسه هههههههههههههههه  ...




ابو نور / تورنتو

28
اني اجاوب وبصراحة .
لان انريد ناكل بدون وجع راس وبدون حجي زايد هههههههههههههههههه


ابو نور / تورنتو

31
حتى هيج معزة ما تنراد هههههههههههه


حلوة عاشت ايدج اختي .

ههههههههههههههههههههههههههه




ابو نور / تورنتو

33
اخ اسامه كتبه على اليوتيوب شوف اكو واحد لو لا  ;D ;D ;Dاذا لا السؤال ترك ههههه لا اشاقه


   نااهد شريف

هاااااااااااااا يعني كاعد اتغشين ... والله اذا شافتج كاندي اتغشين هسه اطلعج من القاعه هههههههههههههههه


محمود المليجي

ي

34
زين يصير واحد يحجي وره الاكل ..

شطلعت هاي يعني معناها لازم كلشي منسوي وره الاكل .. بطلت حتى اكل ما اريد اكل بعد .

عاشت ايدك اخوية كوبرا  على الموضوع المحبط للمعنويات هههههههههههههه



ابو نور / تورنتو

35
الله يسترنه . ويبعد عنه كل شر .
زين الريجيم ليش ابو شمس هوه اذا راد ياكل لحم بشر اكيد يحب يكروط عظام ههههههههههههههههههههه ..

الله يبعدنه .


ابو نور / تورنتو

36
يا اخي العزيز حقك ..
بس مع ذالك انته المفروض منك مطب على هاي الاخبار ولا اتعب نفسك ولا ابد . .. لان هنا مراح تعرف موعد سفرك انته لان هذا منتدى مو iom  يعني شتريد يجي واحد ينزل موضوع يكول بيه موعد سفر البغدادي المجروح ونته متدري معقولة .هههههههههههههه .
واني اول الناس ان شاء الله مراح افرحلك بموعد السفر ولا حتى ابارك الك بعد شتريد .



ابو نور / تورنتو

39
ح
أحبك أحبك أحبك اهديها لأغلى أنسان بحياتي المرحوم والدي الله يرحمه


الله يرحمه برحمته الواسعه يارب .
ويرحم جميع امواتنه ويغمدهم فسيح جناته .



ح

40
احمد السلطان .
طبعاً اني ما متأكد اكو هيج فنان لو لا بس ما شاء الله اي اسم انكولة بيه لقب يطلع بيه اسم مطرب هههههههههههههههههههههه
اعتقد سامع هيج شي اني .

ن

ابو نور / تورنتو

42
اهم شي الابتسامة متفاركج يا غالية ...
وكلها اتهون يمعودة تره انتي مو شوية عدنة انتي كلش هواي عدنه وعزيزة.

اي ديري بالج من كوندا تره صايره اتهج . ومرات اتصيح هسه اني مرات اريد احجي فد شي بس اخاف منها اخاف تهجني وبعد وين اكدر الها تعرفين انتي بعد هيه دولة وعلم .. بس هذا الحجي بيني وبينج لا تكوليلها تره تلحكني بالتوثية هسه .

والله يا ريومة الصداقة والاخوة الي بين اخوة عنكاوا بيها طعم وعطر ميتعوض وان شاء الله محد يبتعد عن الثاني الى اذا رب العالمين شاء .




ابو نور / تورنتو

43
الحمد لله على كل حال ..
اتوكل بالله اخوية العزيز والخيرة في ما ختاره الله .
وان شاء الله عن قريب موعد سفرك وتضحك على الايام الي مرت .
ان شاء الله خلل بسيط ويتصلح باقرب وقت يارب .
ولا تهتم ولا اتفكر ابد .


الله يكون بعونك وعون الجميع
دعائنا معكم .




ابو نور / تورنتو

44
اخوية الغالي ابو مصطفى الوردة .. الف الحمد لله على اتمام المقابلة ويارب يكون بيها كل الخير والبركة .
اخوية الغالي لا تهتم لدفتر الخدمة ولا تحسبله حساب ابداً وكلنه نفس الحالة مثل ما كتلك من جنت بسوريا هم سألوني عليه وكلت الهم ضاع . وعادي . لا اتخلي ابالك هذا الشي اتوكل على رب العباد .
وان شاء الله يارب تتسرع شغلتك وتسافر وتخلص باقرب وقت بحق الانبياء والرسل .
وعلى كولة اخوتنه المصريين خلي ابطنك بطيخة صيفي . وكلها بيد ربك وميصيبك غير الخير ان شاء الله ..
دعائنا الى الله معك .




ابو نور / تورنتو

47
غير اتكملون الاحرف بالبداية ههههههههههههههههههههه


ابدي اني
حرف

أ


ابو نور / تورنتو

48
اخي العزيز شنو الفلم ؟؟ ومنو يعاتبك انته صارلك 14 يوم مسجل منو عاتبك وهوه منو يعرفك اصلاً . اني هسه قبل خمس دقايق شفت اول رد الك بموضوع دزمند . شنو منو ليش مدا افتهم . انته وين بيتكم ووين رايح زين شدخن .
بس على كيفك حتى نفتهم ...وبعدين العتاب .


 ردود6 :o :o :o :o :o




ابو نور / تورنتو

49
واله يابو انور ماله واهس والنت تعرف مره موجود ومره ماموجود بس اني احجي وياه مرات على الياهوا الله يكن بعونه تعرف الظروف والانتظارالقاتل وانشاء اله يبين

ان شاء الله يارب يكون بالف خير وصحة هوه وعائلته . ويارب يرجع ينورنه .
ويارررررب نسمع خبر سفر الجميع باقرب وقت


ابو نور / تورنتو

50
الاخ العزيز دزمند، صار هواية مرات اعيد نفس الحجي بس اظاهر ما يفيد، اخي تحليلاتك كلها غلط و بعيدة كل البعد عن الواقع، فرجاءا ابدال ما دايخ بالامنية ما قبل السفر ركزلنا على امنية مال اثناء الطيران لان هاي اهم شي، لخاطر الله اذا المسافر بالجو و صارت امنيته اكسباير فشنو مصيره؟ احنا اخر شي توصلناه من تحاليلنا اما الطيارة تظل تفتر بالجو لحد ما تخلص البانزين و تالي تسوي زرك الى بطن الحوت في المحيط، و التحليل الثاني انه يتم تحويل المسافر المكرود الى كوكب اخر مثلا المريخ او الزهرة لانتظار اكتمال الامنية.

احنا محتاجين جدا لتحليلاتك القيمة لهاي المرحلة الحرجة اللي تهم كل المسافرين فرجاءا لا تبخل علينا بتحليلاتك و خصوصا جيب وياك الدليل القاطع.


مع تحياتي اختك روز




هههههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههه
هههههههههههههههههههههه
ههههههههههههههه
ههههههههه
ههههه
هه
ه
اخ بطني ..
تره اني ما الي علاقة بالموضوع بس ضحكتي على رد الاخت روز مال تخلص بانزين وتسوي زرك ههههههههههههههه .
بالمناسبة اخوية دزمند انته مقولتك صحيحة ( خير لا اتسوي شر ما يجيك ) فيا اخي انته لا اتسوي خير بطل اتسوي خير حتى ما يجيك شر او عندي اقتراح ثاني . وهو ...
سوي خير بس بالبسكوت على الخاص لا تنشره على العام والي يريد يراسلك بس على الخاص لا تعلن عنه يعني بينك وبين الي اتسويله خير هوه يراسلك على الخاص وانته راسله على الخاص .
ولا تشهر بالخير الي اتسويه هو الخير الي اتسويه انته اتريد الناس تدري بيه لو ال الله اتسويه ... وابوك الله يرحمه .

مره ثانية احيي الاخت روز على ردها الفضيع ههههههههههههههههه .


ابو نور / تورنتو

51
podium menthol    
هذا دخاني وخصبن عليه ومن لا جارة لان ارخص شي بكندا هههههههههههههههه
وراحت ايام المور نعناع الله يرحمه .
بس تدرون مرات اباوع على الناس الي ميدخنون اكول ليش عايشين . او شلون يخلصون يومهم بدون تدخين . بس للاسف اني الغلطان وارجع واكول ان شاء الله يارب يبعدني عن التدخين . ادعولي .




ابو نور / تورنتو

52
ناس متكيش اله بالعين الحمره . .. هههههههههههههههههه

عاشت ايدج كاندي على هاي المبادرة الحلوة .

وريومة اخت عزيزة ووردة وحبابة . ومتتعوض ابد لا بكلامها الراقي ولا باسلوبها الحلو ولا باخلاقها العالية ..
ويارب يخليكم البعض ..




ابو نور / تورنتو

54
ان شاء الله يارب نبارك الهم بيوم السفر .

تسلم الغالي اوركا على تذكيرك . بالمناسبة وين اخونه الغالي العزاوي شو مختفي . شنو اخر اخباره .




ابو نور / تورنتو

56
اي والله الله يذكره بالخير لورنس الغالي . ان شاء الله يارب يكون بالف خير .

انتي السالمة اختي العزيزة .

جورج وسوف

ف



ابو نور / تورنتو

58
الله على العايل هههههههههههههههههههه

يستاهل كل الخير كاندي ايدج وما مدت .. ههههههههههه



مقلب حلو عاشت ايدك


ابو نور / تورنتو

59
اي والله اختي الريم مشتاقين نقره كتاباتهم . ونسمع اخبارهم .
يارب يكونون بالف خير .


اني وراج حرف ...

ح



ابو نور / تورنتو

60
ادللي اختي الغالية .. بس بعدج ما شايفه الجاي ..
اله اعيد القديم كله اليوم هههههههههههههههههه





ابو نور / تورنتو

61
صار الها سنة مجلبه بالكرسي دعوفيه شنو انتي منو ؟؟؟؟ هههههههههههههه

111111111111
استغلوها فرصة ما دام رولاية ما موجودة

ابو نور / تورنتو

64
ك
اني كملتها وره سنة وشهرين وسبعه  ايام ههههههههههههه

احبك اهديها الى اعز الناس ..... امي



ابو نور / تورنتو

65
الله يرحم ايام زمان ههههههههههه 
هسه انوب كاندي .
وبعد سنتين هم ترجع كاندي اتغير اسمها ..
بس كل الي نتمناه انبارك الها بموعد السفر .

الف مبروك على الاسم الجديد



ابو نور / تورنتو

66
يله هوه كله شكر وطحين وكاكاو ونشأ  .. المهم واحد يفرش اسنانه بعدهن ههههههههههههههههه


حلو الاسم الجديد ان شاء الله يتألق باميركا يارب عن قريب .
كاندي بس ذكريني بالاسم القديم الي كان قبل ماكنتوشة شنووو ؟؟ وضليتي شهرين ادزين رسايل للادارة حتى يغيروه وشلعو قلبج هههههههه تذكرين .




ابو نور / تورنتو


ابو نور هههههههههههههههه هو انت لسة فاكر اشكد عيب
جان اسمة mms هههههههههههه

 ;D كلبت الدنيا بوكتها لحد ما اتغير ايباه ايام زمان

نورت اخوية

نورج اختي العزيزة ..
اي والله ايام زمان جانت كلش حلوة اتخبل الله يرحمها هههههههههههههههههه .
هسه اليوم اني مقرر ابحوش بالمنتدى واطلع اللعبات القديمة كلها .حتى انرجع ايام زمان


ابو نور / تورنتو

67
حييييييييل ذكرتونه بايام كاليميرو .. ونحول ( بشار ) بس مو بشار مال هل وكت ههههههههه .. وخماسي .. . وعلى كولة نداوي جانت ايام خير الله يرحمها .
والافلام الكارتونية .. الاميرة  والنهر .




ابو نور / تورنتو

68
يله هوه كله شكر وطحين وكاكاو ونشأ  .. المهم واحد يفرش اسنانه بعدهن ههههههههههههههههه


حلو الاسم الجديد ان شاء الله يتألق باميركا يارب عن قريب .
كاندي بس ذكريني بالاسم القديم الي كان قبل ماكنتوشة شنووو ؟؟ وضليتي شهرين ادزين رسايل للادارة حتى يغيروه وشلعو قلبج هههههههه تذكرين .




ابو نور / تورنتو

70
عمري وحياتي ما شايف هيج اب ظالم  .
يا اخي الولد يريد يتزوج شنو انته متقبل اتزوجه ليش هيج مو حرام عليك ههههههههههههههههههههههههههههههه


الله يسترنه . ويارب يحفظه لاهله ويطول عمره ويتزوج




ابو نور / تورنتو

75
الحمد لله انحلت ..


عاشت ايدج انجي الوردة . مبدعه



ابو نور / تورنتو

76
المؤنث
لاحظوا بأن الجنة مؤنث
والجحيم مذكر
وأن الابتسامة والسعادة مؤنث
والحزن مذكر
الصحة مؤنث
والمرض مذكر
والحياة مؤنث
والموت مذكر
والمودة والرحمة مؤنث
والحقد والحسد والغضب مذكر
وأن الاجازة والراحة والمتعة مؤنث
وأن الدوام والعمل والقرف والتعب مذكر
فاعلم أن ((الأنــــــــــاث)) سر جمال هذا الكون فهمتوا يا..... نكد
حتى النكد مذكر




اي من ورا منو صارن ذني كلهن .. الحزن والقهر والظيم والتعب والقرف والعمل والمرض والحقد والحسد والغضب  ...؟؟؟ متكلي من ورامن صارن مو هنه الساس والراس  .. خليني ساكت لا تحجيني مو خاف انفجرررررر (( وبعدين يكولون عليه ارهابي))

ابو نور / تورنتو

77
خير ان شاء الله ..
ربي يسهل امرك ويسهل الصعبات .ويبعد عنك كل مكروه وكل شر ..
خير اخوية الفرج شكو شصار يمعود قلقتنه .... ان شاء الله الكل بخير..






ابو نور / تورنتو

78
سبحان الله ..


عاشت ايدك اخوية .
زين هذا مي لو تراب لو رمل لو جليد لو شنو

وله في خلقه شؤن .



ابو نور / تورنتو

79
لو حظر تجوال لو الطريق مسدود .. انتظر للباجر اذا ما مرو خابرهم   ;) ;) ;)





ابو نور / تورنتو

80
موال
وصال

 اذا ميم واذا واو هاي الحرفين وانتو اختارو بكيفكم المهم الاثنين ينتهن بنفس الحرف الاخير هع  :D :D :D


ل

82
ولله حقك .. ارجو من الادراة تثبيت الموضوع لأهميته

بعثتك عل الخاص بعض المعلومات حول هل الشي .. لان عل العام مثل هيج معلومات خطيرة ممكن تسوي مشاكل وتثير فتن

شكرا على جرأتك وطرحك للموضوع بكل مصداقية وشفافية وموضوعية

تحياتي

اني هم اظم صوتي الى صوتك .. وارجو من الادارة تثبيت الموضوع لكن ليس هنا وانما في منتدى الهجرة . لاهميته الكبيرة في حل جميع القضايا المتعلقة بهكذا مواضيع وعلى كولت صاحب الموضوع بالشطر الاخير من موضوعه  :o


ابو نور / تورنتو

87
مراد علم دار                         


كلهم بدون نقاط  اسمه واسم ابو واسم جده هههههههههههههههه

ر

89
عاشت ايدك اخوية الغالي .
هسه يله حسيت انه منتدانا هذا بيه فائدة لا تحصى . مثل هل موضوع الراقي والي يدل على ...!!!! ؟؟؟؟  على ...؟؟؟؟؟ما ادري شنو


ابو نور / تورنتو

90
رنين    ;)

ن

فعلا هاي الكلمة بدون نقاط  ;D :D :D :D


ههههههههههههه يعني تردون بدون نقاط ههههههههههههههههه

أدهم     :P :P :P

91
 1- انشدكم عن شمس ماتغيب ؟؟
2- وعن بنت عاقر ماتجيب ؟؟
3_   وعن شايب مايشيب ؟؟

 1-شمس ماتغيب شمس الحق أو الأسلام
 2-والبنت اللي ماتجيب هي الارض الجدباء .او البنت العاقر!!
 3-وشايب مايشيب الغراب



ابو نور / تورنتو

92
عاشت ايدك اخوية الغالي .
بس والله تعبت يله ضبطت ساعتي . اركض وره الثواني مثل توم وجيري هههههههههه

تسلم



ابو نور / تورنتو

93
الك الله يا الفقير






ابو نور / تورنتو

95
الف الف مبروك اختي ماكنتوشة وان شاء الله يارب تقومين بواجبج بصورة صحيحة وان شاء الله السفر السريع باقرب وقت .


ابو نور / تورنتو

96
بشار الغالي اني بخير اذا انتو بخير ..
ربي يديم عليكم الامان يارب ويبعد عنكم كل الشرور .

الغالي IRAQ.CA تسلم على الاب الحلوة هاي .



ابو نور / تورنتو

98
ابو حمودي انتو جماعه البرتا  غير شكل حتى الاسنان عدكم مجانية بعد شتردون قابل مثل حالنه بس قلع الاسنان مجاني الباقي كله بمئات الدولارات اذا مو اللاف الدولارات . بس يله شنسوي ننتظر منكم تنطونه شوية نفط  :D :D :D :D :D :D :D :D :D.

اني عن نفسي الباجر راح اخابر الدكتور مال الاسنان واسوي شكو شي ابلاش والي بفلوس مراح اسوي منا الى ان الله يسهل . ههههههههههههههه


ربي يشافي الجميع ويارب كلكم اتسافرون وتوصلون بسلامة .



ابو نور / تورنتو

99
اخويه ابو نور شو صاير خطر  ;) ;) ;) ;) ;)  بس دير بالك لان الي يشهد ع الناس بعد ما يصيد سمج  ;D ;D ;D ;D خليك محضر خير


اخويه الغالي تعقيبا على كلامك اريد اذكرلك كم شغله

هذا اقتباس من كلامك :

تقدم البرنامج تغطية محدودة على المدى القصير من الرعاية الصحية للأفراد التالية:-

الأشخاص المحمية بمن فيهم اللاجئين الذين أعيد توطينهم
طالبي اللجؤ
الأشخاص الذين تم رفض طلبات لجوئهم
مجموعات معينة محدودة أخرى

دقق في اخر فقره وهي( مجموعات معينه محدوده اخرى ) طبعا هاي تشمل الي همه على الولفير وغيرهم الذين هم (لو انكم ) يعني ماعدهم دخل

طبعا في البرتا الاسنان مجانا وحتى الي يركب تخم اسنان مجانا وتكدر تدخل على اي دكتور اسنان وتنظف وتقلع وتركب تخم وتحشي كله بلاش لان في كندا اي شخص ماعنده عمل يستحق مساعده شهريه واكيد العلاج مجانا ولكن ليس كل العلاج لان يوجد علاج غير مغطى يعني مايشمله التغطيه واما الفيتامينات والكريمات وغيرها من المواد الموجوده في الصيدليه على الرفوف كلها غير مغطيه واذا كان العلاج غير مغطى تكدر ترجع للدكتور تطلب منه يغير العلاج لان سعره غالي مثلا او ماعاجبك تدفع فيغيرلك العلاج والدكتور عنده علم بالادويه الغير مغطيه

اخويه ابو نور انصحك روح تعارك ويه جيرانك حتى تاكلك بوكس واكسرلك كم سن وروح للدكتور وشوف بلاش لو تدفع فلوس حتى نتاكد من الخبر  ;D ;D ;D ;D ;D ;D ;D ;D

بس اريد اعرف انته كاضيها تصيد سمج لو تحرك بجيران  ;) ;) ;) ;) ;)  ولا تكعد راحه  :D :D :D :D :D :D

تحياتي اخويه العزيز ابو نور الورده وننتظر المزيد من مغامرات ابو نور ولينا  ;D ;D ;D ;D  هذا بمكان عدنان ولينا  ;D ;D ;D ;D ;D لاتضوج ترى نشاقه  ;) ;) ;) ;)



اخوك : الفريدو

ههههههههههههههه .. والله ابو حمودي لو انته ابمكانية مو بس تشهد عليه لا والله حتى تلزمه ودك بوكسيات بس اني اتحملت وصبرت وما سويت شي لان فد انسان هذا غريب عجيب . وهيه مره وكع عليها دك بوكسيات شنو هوه لو زلمه صدك خلي ايروح الواحد رجال ويتعارك وياه ههههههههههههه .
المهم البارحة بليل اجت الشرطة دكت الباب عليه وكالولي ممكن ناخذ منك معلومات . كلت الهم صدك كذب مو تدللون تعال استريحو كالو لا بره تعال لان الوقت متاخر ومنريد نزعج اطفالك . كلت الهم هسه اجي وراكم ها هذا الحجي من كتبت الكم اني هم طلعت بره اشرب جكارة (( حرشة )) فحجه ويايه المحقق كلي تكدر تدلي بشهادتك . كتله صدك كذب من عيني .. كال من نحتاجك نجيك كتله اي . كال حتى اذا اتاخرنه فد نص ساعه كتله هم اي . المهم من طبيت وراها اجاني كلت الكم وحجه ويايه بره وسالني وجاوبته الصحيح لان جيراني يستاهل كل الخير  ;) ;) ;) ;) ;) ;) ...
ورحت نمت وبعد كلشي ماكو المهم اليوم لحد هسه ما شفته يعني يا اما بعده بالحبس يا اما بعد ميطلع من البيت فد شهر من الفشلة مالت البارحة هههههههههههههههههه .
ولو اني اشتميت اليوم ريحت الدخان مال جكاير بالممر . يعني معناها هوه موجود بس الله اعلم ما اعرف .

المهم الله على العايل ... ابو حمودي لا اتلومني بس تره هوه يستاهل الي يصير بيه لان اخلاق ابد ما عنده اني اعرفه ;D .




ابو نور / تورنتو



100
صباح المساء الخير ....
طبعاً اني الخباثة تجري بدمي .. ههههههههههه

هسه قبل لحظات طلعت اشرب جكارة بره . شفت جيراني الي اكرهه كلش كلش كلش كلش طلع بنفس وقتي .
اثناء ما وصلت للباب الخارجي هوه شفته يحجي ويه بنية كاعدة بسيارة حجه وياها  واني ورثت جكارة بره اعتيادي يعني طبيعية الشغلة كعدت بره اشرب الجكارة اني هوه راح صعد وياها بالسيارة حجو حجي بصوت عالي ما اسمع شنو الحجي بعدين صار ملاطم بالسيارة وضربها بوكس على وجها طلع من خشمها دم . وطلع من السيارة هيه راساً خابرت الشرطة وكالتلي شفت الي سواه كدامك كلتلها اي شفت والقران بالانكليزي بس مو بالعربي ههههههههههههههه .. لان اني حيل احبه هذا جيراني كلش يعني هواي . كالت تبقى هنا كلت الها طبعاً ابقى شلون ما ابقى . المهم هيه خابرت الشرطة  وانطتهم المعلومات وكالت الهم اكو شاهد كالولها يبقى الشاهد منتظر . سالتني تبقى كلت الها اي باقي للصبح اليوم  . المهم ظلت تحجي وياهم واني خلصت الجكارة الاولى وشربت الجكارة الثانية وهم خلصت . ومن جاي اروح كلت الها رقم الشقة مالتي واي شي تحتاجي اني حاضر اذا الشرطة رادوني . وكلت الها هذا الي ضربج رقم شقته ( 000 ) يعني حركت ابو ابوه هههههههههههههه .  المهم ما لحكت اطب للبيت خمس دقايق وارج اطلع . لكيت الشرطة تارسة الشارع ويحجون وياها وكالت الهم هذا الشاهد  بس محد حجه ويايه لحد الان هم ورثت جكارة ما اريد اشرب جكارة طبعاً بس اريد اخبث ههههههه . طلع هوه الافندي على اساس سبع راساً الشرطة سألوه انته ابو المشكلة كلهم اي راساً كلوله بعد اذنك روح على الحايط دير وجهك رجع اديك ليوره جلبكوه وشالوه بالسيارة مثل ال (( .. ))  المهم دخلوه بسيارة الشرطة وكالولها اطبكي السيارة  المهم اني كاعد اسمعهم يحجون وياها طلعت الزمالة ما عدها رخصة قيادة يعني اجازة سوق يعني هم راح يطيح حظها . ولحد الان محد حجه ويايه اني عبالي احركه الجيراني بس لحد الان ما صار شي ومنتظر هسه الشرطة ادك بابي ويسالوني .
لا اتكولون عليه خبيث بس اريد اجرب اكون شاهد بمركز الشرطة  :D :D :D :D :D :D :D :D :D حلوة هاي مو

الباجر اكمل الكم شصار   هع



ابو نور / تورنتو

101
صباح المساء الخير ...

طبعاً وللاسف الشديد التامين الصحي بكندا الشامل الادوية والاسنان والعيون انتها وبعد ميمشون بيه . وهذا نص الكناب الي اجانه بالبريد بس مع ذالك الضمان الصحي موجود بعده يعني اتروح للدكتور ويكشف عليك مجاني وهواي شغلات مجانية منها العمليات لا سامح الله . بس عدنه احنه الاجئين والي جايين على هذا البرنامج ضمان صحي لمدة سنه يشمل حتى العيون والاسنان والادوية وهسه هذا البرنامج اتوقف للاسف الشديد ... بعدين ما مجربه اني ههههههههههههههه ... المهم هذا نص الرسالة ومصايبها والله كريم وربي يبعدنه عن الامراض وشرورها ومصايبها .




إعلان الى المستفدين

تغييرات في برنامج الصحة الأتحادية المؤقتة ستصبح نافذة المفعول من تاريخ
2012/5/30

بكونك مستفيداً في الوقت الحالي من برنامج الصحة الأتحادية المؤقتة، نود أعلامك عن بعض التغييرات التي ستطراء على هذا البرنامج ابتداءً من 2012/5/30 والتي ستشمل كافة المستفيدين الحالي والمستقبل. هذه التغييرات ستحدد الأشخاص الذين سيكونون مؤهلين لهذا البرنامج بالأضافة الى نوعية الخدمات التي ستقدم لهم. في سبيل المثال:-

تقدم البرنامج تغطية محدودة على المدى القصير من الرعاية الصحية للأفراد التالية:-

الأشخاص المحمية بمن فيهم اللاجئين الذين أعيد توطينهم
طالبي اللجؤ
الأشخاص الذين تم رفض طلبات لجوئهم
مجموعات معينة محدودة أخرى

تعطى الفوائد  فقط للمذكورين أعلاه الذين ليس لديهم تأمين صحي عام أو تأمين خاص أهلي شامل.

بعض المستفيدين سيلقون خدمات مجانية عند مراجعتهم للطبيب أو الدخول الى المسشتفى
إذا كانت الحاجة لهذه الخدمات هي لمنع أو علاج مرض عضال التي تشكل خطرا على الصحة العامة أو حالة من القلق على السلامة العامة.

يجري خفض تغطية الخدمة المجانية لكافة الوصفات الطبية للمستفدين وسيتم تغطية اللقاحات والأدوية فقط، عند الحاجة لمنع أو علاج مرض التي تشكل خطرا على الصحة العامة أو حالة من القلق على السلامة العامة.

خدمات العناية بالرؤية والعناية بالأسنان، والأجهزة الخاصة لمساعدة المعوقين على التنقل،والرعاية المنزلية لذوي الحاجة  ورعاية المعوقين على المدى الطويل  لا يمكن تغطيتها ابتداءً من التاريخ أعلاه.



يارب يشافي مرضى العالم كله



ابو نور / تورنتو

102
اخواني ORCA ... بشار ابن الجامعه السلام عليكم

اني بخير ماطول الطيبين امثالكم يسالون عني دائما

طبعا تعذروني لعدم تواجدي دائما بس لا تنسون ماشالله كلمن يوصل كندا كاعد يوافينا بالاخبار يعني الحمدلله اكو من يحل محلي وينطيكم معلومات واتمنى الكل يوصل حتى ما نلاكي احد يسال هههههههههههه ونطلع تقاعد ونكعد بالكهوه نلعب دومنه والخسران يروح يكعد يم ابو نور يصيد سمج .. طبعا ابو نور راح ياخذ الجنسيه الكنديه وبعده ماصايد سمجه  ;D ;D ;D ;D ;D ;D
بس لو يعوفه للبايسكل جان يوميه يصيدله اربع سمجات  :D :D :D :D :D :D :D

تحياتي لكم اخواني ولكل الطيبين ودعواتي لاخويه ابو نور بصيد سمجه وحده على الاقل حتى يرفع العلم العراقي بالشط  ;D ;D ;D ;D


امنياتي للجميع بالموفقيه ياربي


اخوكم : الفريدو


ارفعه انا اخوك ابو حمودي  ... ارفعه للعلم العراقي  ابحيرة تورنتو  .. جبتها  والباجر اتغده بيها قبل ما تتعشه بيه هههههههههههههه .
ابشركم اخواني الاعزاء طلعتلي الفيزا ... العفو صدت السمجة العزيزة واليوم اول يوم فرحة اليه بكندا لان صدت احلى سمجة بالعالم عيونها زرك وشعرها اصفر  ;) ;) ;) ;) ;) ;)  بس سمجة تره هااا مو تكولون غير شي ..
وبس يجهز الرابط مال صور راح انزل صورتي وياها ولو هيه خجولة شوية ((( السمجة يمعودين شبيكم )))  يارب كلكم تجون الكندا وتصيدون سمج ههههههههههههههههههههههههههههههههه .

ابو حمودي البايسكل ما اعوفه لو تنكلب الدنيا تدري ليش ؟؟؟؟ اااااااخ لان الاجازة صعبه واطول مو مال يوم ويومين تطلع بس ادعيلي اكدر احصلها قبل الشته لا يجي . واذا عندك معلومات شلون اكدر اطلع اجازة سياقة بسرعة  اخوية اخوية ارفدني بيها باسرع وقت لان التشنجات موتتني من بره البايسكل ههههههههههههه .

يارب يسهلها على الجميع بحق كل الانبياء والرسل ...


ابو نور / تورنتو

103
اسامة الهاشمي (أبو نور ) اخويه العزيز شوكت توكلني سمجة  صيد اديك الحلوه وشوي أختي ام نور؟...
ياألله وربي تعبت هنا ومحتاج أطلع هههههههه...عبالك هي بكيفي....المهم شلونك حبيبي وشلون الأهل؟ياربي كلكم مرتاحين بجاه رب العالمين...صار فترة ماموجود ومن أجيت لكيت مواضيعك الحلوه والصور مالية المنتدى تعبتني بالقراءة ههههههه .ياربي يوفقك وينطيك العافية لأن هواي دتبذل جهد ووقد وجكاير هواي تشرب بره وبالبرد وأنت لابس نص ردن(هههههههه حبيت أضحك وألله) مشكور أخويه الغالي على كل حرف كتبته وعلى طبيعة سردك للمواضيع وفيت بوعدك قبل لتطلع وياربي نشوف منك بعد اكثر ولو نتعبك بس شنسوي هو انت واخ ألفريدو والغالي شمعة وكل الطيبين الي بكندا ثقتنا بيكم عاليه وأنتم أهلنا ونمون عليكم...
لكم مني كل التقدير والأحترام
أخوك دائمآ وأبدآ أبو مصطفى
سوريا / دمشق
[/b][/color]

حبيبي الغالي ابو مصطفى الورد .. والله بالي يمكم يا اخي ربي يحفظكم ويسلمكم ويارب يسهل امركم باسرع وقت وتسافرون ان شاء الله .
عمي بس تعال انته وعساك على سمج اوكلك حوت مو سمجة بس البرياني عليكم هااا ... لان اختي ام مصطفى اطبخه مضبوط . يمعود بعده الطعم لحد هسه مال الغداء الاخير الي بسوريا يارب ان شاء الله تفرج عليك وعلى الجميع بحق جميع الانبياء والرسل .




ابو نور / تورنتو

104
صباح المساء الخير ...
قبل كم يوم كلنه نحجي على الهويات ونسينه نسولف بيهن اليوم اذكرتهن لان اول البارحة اجتني وحده من الهويات على البريد .
المهم ...
اول ما وصلت الكندا / تورنتو. اول يومين اخذونه للدوائر اول شي رحنه سوينه هوية او بطاقة الصحة الهيلث كارد وهاي الضمان الصحي .. الي بكندا يكون عندك طول العمر ضمان صحي ما عدى اسنان وعيون  وادوية يعني اي فحص يم الطبيب او لا سامح الله اي عملية او شي طارئ يكون مجاني  وسوينه ضمان صحي خاص بينه لمدة سنة هاي القادمين على هذا البرنامج لمدة سنة العلاج والادوية والاسنان والعيون ايظاً مجاني لمدة سنه كاملة بس وره السنة يتوقف هذا البرنامج ونبقى بس على الهيلث كارد يعني لا اسنانولا عيون ولا دوه مجاني .وبقية الاشياء كلها مجاني .
المهم ...
بعدين رحنه على السوشل انشورس نمبر سويناه ونطونه كل شخص اله رقم خاص بيه هذا يعتبر الهوية مالتك بكندا او يعتبر سيرة حياتك بكندا . يعني مثل منكول السيفي مالتك او اكثر هم . المهم انطونياه بورقة وكالو يوصل الكم بالبريد الكارت بعد فترة .
وبعدين رحنه على البنك وسوينه حساب . يعين سوينه اكاونت جديد . ونطونه كارت خاص بينه حتى من انزل فلوس بالبنك او من يجينه الراتب يجينه على هذا الحساب او اي شيك او اي تسديد كله على هذا الاكاونت.
وطبعاً اكيد والاهم من كلشي احنه قدمنه على هوية البي ار والي هيه هوية او بطاقة الاقامة في كندا والي مدتها خمس سنوات .
هذا الحجي كله بالبداية احنه انروح ونسوي معاملات ومنعرف شنو الي دنسويه يعني قصدي مو مهم تعرف شنو الي كاعد يصير المهم بعدين وره كم يوم من تحتاجهن اتكول اهووو هاي القدمت عليها قبل كم يوم الكوستي الي هوه الفندق الي طبينه بيه بالبداية هوه يقوم بكل هاي الاعمال والموظفين البيه ميقصرون همه كاعد يمشون ويانه بهاي المعاملات .
المهم اول شي استلامناه وبنفس اللحظة هوه كارت البنك والي استلمناه ووقعنه عليه بنفس لحظة انشائه بس فارغ ما بيه ولا قمري . ووراها بيومين استلمنه الضمان لمدة سنه اسنان وعيون وادوية مجانيه  .. وهذا راح اسولف عنه بنهاية الموضوع لان صار بيه تغيير هسه  بعدين احجيلكم عنه .
المهم وره ما رحت للبيت الي اجرته وره اسبوعين خابرت الكوستي الي هوه الفندق الي يستقبل الاجئين او المهاجرين الجدد  كلت الهم وصل السوشل مالتي كالو اي تعال استلمه رحت لكيتهن كلهن جايت السوشل والهيلث كارت بطاقة الصحة مال طول العمر والي تتجدد كل خمس او اربعة او سبع سنين .
المهم اخذتهن ورحت للبيت بقت بطاقة البي ار والي هيه الاقامة في كندا لمدة خمس سنين هاي البطاقة مطلوبة في كل الدوائر وكل المكانات وكل شي ودائماً يكلولي الايدي مالتك اني جان ما عندي جنت انطيهم الورقة الي انطونياها بسوريا والي هيه تعتبر بديله للبطاقة مال الاقامة وتمشي شغل هم بس هاي البطاقة البي ار اهم من كل شي . قبل يومين وصلن البطاقات مال عائلتي كلها بس مالتي ما وصلت والحمد لله يوم الخميس وصلت مالتي البطاقة وارتاحيت وهسه ما عندي اي شي نقص كل شي كامل تقريباً .. يعني السوشل . والهيلث  والبي ار اهم ثلاث بطاقات في كندا ...
اما بطاقه الضمان الصحي لمدة سنة باعتبارك لاجي جديد كانت قبل تشمل العيون والاسنان والدوه مجاني هسه راح يصير بيها تغيير ومراح تشمل الادوية  يعني راح اتكون ادوية على حسابك الخاص بس اكو نسبة تدفعها الدولة شكد ما اعرف لان بعد ما دزولي الخبر الاكيد بس هيه هل الايام كاعد تتغير . فالي عنده هاي البطاقة خلي يلحك ويروح يسوي اسنان او عيون او علاج (( ادوية )) لان كاعد يغيرون بيها . اما الجايين الجدد فالله اعلم ما ادري شراح يصير وياهم من هاي الناحية .
هاي الهويات والبطايق وملاعيب العيد . الباجر انسولف على دكتور او دكتورة العائلة



ابو نور / تورنتو
 

105
شونكم اخواني ان شاءالله بخير
يابة اخوية ابو نور بشرفي موتتني من الضحك
احلا شي هاي الجملة (يمعود كل سمجة طولها متر  اتفوت كدام عيني من يم السنارة ولا كانه بيها اكل او يجوز اكلي ميعجبها حضرة جنابها اتريد تاكل قوزي .)ههههههههه :) :) :)
اخوية ابو نور ان شاءاللة اليوم بس تروح تصيدلك بدل السمجة سمجتين  :D
اخخخ   :'(شوكت نوصل ونخلص من هم سوريا لان بصارحة الوضع هنا صاير مأساوي
يومية الصبح يصحينا صوت انفجار عبالك نحن بالعراق
الله كريم ان شاءالله تفرج بوجه الجميع
بالتوفيق

عمي ما اريد اصيد سمج .. بس اريد اسمع اخبار حلوة منكم واريدكم اتسافرون وتخلصون من الهم الي انتو  بيه . مو مشكلة عود اشتري سمج اني هههههههههههه  يارب يفرجها على الجميع باسرع وقت ياااااااااااااااااااارب .
سمعت بانفجار وزارة الداخلية ونهد حيلي البارحة الله يكون بعونكم ويحفظكم يارب .. برداً وسلاماً
 




ابو نور/ تورنتو

106
يارب ايسرها على الجميع ... والكل اتسافر باسرع وقت




ابو نور / تورنتو

107
يارب احفظ سوريا والعراقيين الي بيها ... بحق كل الانبياء والرسل .



ابو نور / تورنتو

108
الله يساعدج ويكون بعونج ويارب نسمع منج الاخبار الحلوة باسرع وقت ياااااااااااااااااارب ..
ان شاء الله السفر باسرع وقت .



ابو نور / تورنتو

109
                السلام عليكم
 
  اخواني واخواتي الغالين شلونكم شخباركم ان شاء الله الجميع بأتم صحة وعافية

الاخ العزيز الفريدو شلونك شخبارك ياطيب عساك بخير .. تحياتي لك وللعائلة

  الاخ العزيز ابو نور الورد .. شخبارك شلون مغامراتك بكندا .. ان شاء الله مرتاح ومتونس .. تحياتنا لك ولعائلتك



    الله يسر امر الجميع ويسافر الكل ويرتاحون





      اخوكم   بشار

حبيب قلبي الغالي بشار الورد ... الحمد لله اني بخير وما ناقصني غير اخباركم الطيبة والحلوة ويارب تكونون مرتاحين وان شاء الله ربي يفرجها عليكم باسرع وقت يااااااااااااااررررررررررررررررررررررررررررب .

اما عن مغامراتي فيا اخي اتورطت وطلعت اجازة صيد سمك وهاي يومية ارجع من الدوام اروح للصيد ومن ذاك اليوم لليوم كلش ما صايد ولا زورية .. حتى موتتهم بالبيت من الجوع كل يوم اكلهم لا اتسوون غده اني راح اصيد سمجه واجي نتغده بيها اروح ما ارجع اله نص اليل ايد وره وايد كدام والكاهم خطية ميتين من الجوع  :D :D :D :D :D بس اجيب ويايه حصوة من البحيرة علمود اخليه بحوض السمج على يوم اصيد بحوض السمج مال زينه ههههههههه شسوي من لا جارة .
يمعود كل سمجة طولها متر  اتفوت كدام عيني من يم السنارة ولا كانه بيها اكل او يجوز اكلي ميعجبها حضرة جنابها اتريد تاكل قوزي .
هههههههههههههههههه
الله كريم ادعولي اصيد سمجة لان صار اسبوع ما متغدين منتظرين شوكت اصيد هل سمجة .

اشكرك اخوية على سؤالك ويارب يفرجها عليك وعلى الكل بحق الحبيب محمد


ابو نور / تورنتو

110
احنه الاشوق اخويه ابو نور

شلونك اخبارك ؟؟

شو ماكو ؟؟ بس لا عطل البايسكل  ;D ;D ;D ;D ;D ;D ;D

الموضوع منور بوجودك ووجود الطيبين



اخوك : الفريدو

لا يمعود فال الله ولا فالك ههههههههههههه ابيش طالبة للبايسكل ... يله حتى لو يعطل عندي واحد ثاني احتياط ولا يهمك  :P :P :P

اشكرك يا غالي انته نور المنتدى وان شاء الله دومك منور ..


ابو نور / تورنتو

111
اكول اليوم المنتدى منور .. طلع ابو حمودي الورد هنا ..
يابه حمد لله على السلامة . مشتاقوووون


ابو نور / تورنتو

112
اخ او اخت قطر عبد الرحيم السلام عليكم

شغلة سوريا كانت متوقفه كليا ولكن الان يوجد اتصال من السفاره على الملفات المنتهيه والدليل توجد عوائل مواعيد سفرها بهذا الشهر وقبل اسبوعين تقريبا جاءت عائله وبنت عزابيه الى كالكري يعني اكو تحرك حاليا في سوريا ولكن بطيء بعض الشيء وانشالله الايام القادمه يكون الطلب اسرع وتسير الامور طبيعيه

انشالله الفرج قريب والصبر مفتاح الفرج



اخوك : الفريدو

وللتاكيد اليوم جنت بالفندق مال استقبال الاجئين عندي شغل هناك وهم لكيت عوائل جاية من سوريا ..
ويوم 27 بالشهر هذا اكو مواعيد سفر من سوريا ايضاً .
يارب يسهلها على الجميع والكل اتسافر .


ابو نور / تورنتو

113
صباح المساء الخير




ابو نور / تورنتو

114
الفريدو وبشار ابن الجامعة و شكوماكو وdarknight وباقي الاخوة الاعزاء
السلام عليكم
وانشالله كلكم بخير واعلمكم بأن عودتي الى المنتدى فأل خير بالنسبة لي حيث
ومنذ ساعة اتصلو بي من منظمة الهجرة الدولية وحددو لي موعد السفر
وسيكون يوم 28 من هذا الشهر
اخي darknight
كانت اخر مقابلة لي 29 الشهر ال9 سنة 2011 واتمنى من الله ان يجمعنا سوية في كندا
وارجوا من الله التوفيق للجميع ولاتنسو ان تدعوا لنا بالخير
اخوكم متشتاق لكندا


ان شاء يارب توصل بالسلامة .

115
صباح الخير على الجميع ويارب الكل بخير  وتحقيق الاماني .

طبعاً البارحة نزلت صور هواي وبراحتي ههههههه واني نسيت وما خطر على بالي انه اكو دول بيها النت تعباان وبالكوه يفتح الصفحة . المفروض متفوتني هاي الشغلة لان اني جنت بسوريا الي هيه اتعب دولة بالنت .
بس الحمد لله اليوم لكيت رسالة من شخص عزيز نبهني الهذا الموضوع ...
وتعذروني راح امسح الصورة . بس ان شاء الله اكو حل ثاني بعدين نسويه .
اشوف جماعه سوريا ماكو هل ايام يمكن من برايه ميكدرون يفتحون نت ههههههههههههههههه .
يارب الجميع يسافرون ويخلصون من هذا الهم



ابو نور / تورنتو

116
طبعاً هاي الصورة الاخيرة لو واكع بيها جان صدك رجعت السوريا ههههههههههههه ... لان باردة صح نص اردان بس الدنيا باردة .
ها للعلم هاي البارك . بيها حتى مناقل للشوي يعني اني اجيب اللحم مالتي واجيب ويايه الفحم واكعد اشوي هناك اكو مكانات مخصصه للشوي بس شنو يعني مكانات كبيرة جداً جداً وما اتصور هذا النهر اله نهاية . وبيه صيد السمك فد شي حلو كلش حلو .. ان شاء الله اني الباجر راح اروح اطلع اجازة مال صيد واشتري اغراض الصيد .واذا الجو حلو الباجر اروح اصيد واصور الكم شنو الي اصيده هههههههههههه .بس كون ما اصيد جريديه .


طبعاً اعذروني اذا ايام ما اكتب وما اطب للمنتدى بس الصدك مشغول .... مو مشغول بعمل او دراسة لا مشغول انه اتونس بحياتي لان اني ما عندي لا شغل ولا عمل حالياً بس المدرسة الي اروح الها وهذا هوه . الباقي كله للونسة وللطلعه والفرفرة . يادوب الحك  ;) .
 :D :D :D :D :D :D :D




ابو نور / تورنتو

118
هسه نجي للصور مال اليوم . الي هوه شبه صيف  ... بس تردون الصدك هسه بردت يعني رحت اشرب جكارة بره واني نص ردان  خلصت نص الجكارة ذبيتها وشردت طبيت جوه صارت باردة .. بس الباجر يمكن عدنه حارة ..
المهم هسه راح انزل الكم الصور مال البارك الي رحتله اليوم بس واني كاعد اشتغل بيهن هسه .. حرامات هم وكع عليهن صبغ ابيض وصارن الوجوه ميبينن  ;) ;) ;) ;) ;) يله انتو شتسوون بالوجوه المهم المناظر ههههههههههههههه




119
IRAQ.CA الغالي . احلى اب منك .. وان شاء الله تجيك الاب الي توصلك الكندا هههههههههه

حبيبي بشار الوردة جار العزيز يارب نسمع منك ومن الجميع  الاخبار الحلوة بحق الحبيب محمد .

اخوية الغالي شكو ماكو . يارب يسهل امرك وامر الجميع ان شاء الله .
اخواني الاعزاء يارب كلكم ترتاحون من هم الانتظار والصبر الممل .
الغالي الفريدو وينك يمعوووووووووووووووووووووووود .......


طبعاً المواضيع هواي وشكد ما احجي بيهن ميخلصن ابد مع انه الاخ الفريدو ذاكرهن كلهن بس بالاعادة افادة وحلو من نلكاهن ابداية الصفحة باسم الاخ الفريدو .. وبعدين اني اذكرهن وبعدين يجي غير شخص وهم يذكرهن . يعني تبقى الناس على اطلاع .
بس اليوم ما بيه حيل اكتب  :D :D :D :D .
لان تعبان من رجعت من المدرسة اتغديت وارتاحيت شوية وعلى اساس نطلع اني وشخص صديق هم ويايه اجه من سوريا بس بعدين اتاخرنه لان ناس اجوه جدد عراقيين اتحولو بالبناية مالتنه فساعدتهم بنقل اغراضهم لان اعرفهم من كانو بالفندق اول ايام جيتنه الى كندا . المهم التهيت وياهم كم ساعه خلصنه طلعنه اني وصديقي .
رحنه على بارك حلو كلش حلو وكبير بالحجم يعني مو حديقة عادية وبيها ملاعيب اطفال بس لالا حتى اكو نهر بيها وبيها الغزلان وانواع من الحيوانات يعني مثل الغابة بس زغنونه ههههههههههههه . الطريق حوالي نص ساعه بالبايسكل . او اقل لان احنه بالبداية تيهنه وما اندليتاها زين  بس شفناها على الخريطة ورحنالها .
المهم وصلنه !!!!!! اول ما طبينه الصدك غير انقهرت وما اكدر اكول ليش انقهرت بس على العموم ان شاء الله يارب العراق يصير احلى واحسن .
حياة حلوة ناس اخلاقها عالية ومؤدبة . مناظر جميلة وخلابة هواء نقي ارض حنينة على اعشابها .. يعني غير غير غير شكل . غير ما شفت بهاي الشهرين الي صارلي بكندا .
المهم راح انزل الكم صورة مال بارحة اخذتها للشارع  وللجو لان البارحة جان الجو كلش بارد ومطر . واليوم الجو كلش حلو مع انه مغيم بس حلو واني بالنسبة اليه صيفت طلعت شورت ونص ردان . بينما البارحة بااااااااااررررررردة  كلش ومطر ما وكف ابد .
بس اعذروني صور اليوم والبارحة  وكع عليهن صبغ شوية وما راح اتبين عدكم الوجوه  ;) ;) ;) ;) ;) ;) ;) ;)
المهم الصور اتبين بس بدون وجوه  ;)


120
هلا بالغالية زيتونة شلونج اختي العزيزة ان شاء الله الصحة والسلامة ...

اني الحمد لله بخير ..


ابو نور / تورنتو

121
يارب اتكوم بالسلامة وما عدها غير العافية دعائنا معها  وقلوبنا معها .

ان شاء الله ننتظر نسمع الاخبار الطيبة عنها .. لان عزيزة علينه ريومة ومن تختفي نفتقدها .
ان شاء الله يارب يرجعها النه بالسلامة .




ابو نور / تورنتو

122
ان شاء الله تتحقق كل احلامك واحلام الجميع ويااااررررررررررررررررب الكل اتسافر باسرع وقت وترتاحون من هم الانتظار ...




ابو نور / تورنتو

123
لا بالعكس ... ماكو اي مضايقة اني بالنسبة اليه كاعد واتمنى افيد اي شخص باي شي ولو بالكلمة الطيبة اذا ما عرف




ابو نور / تورنتو

124
عاشت ايدك اخوية على هاي الملاحظة الراقية .. وان شاء الله ربي يحفظ العراق والعراقيين . وين ما كانو .
ويارب يبعد عن العراق السوء والسيئين .


بالمناسبة

ازيد من الشعر بيت ..

اسم العراق هو المذكر الوحيد بين كل الدول تقريباً  وخاصة الدول العربية يعني ...
ما عدى لبنان اختلفو بتانيثها او تذكيرها .


ابو نور / تورنتو

125
دخلت للموضوع ركض ..
عبالي كاعد يوزعون (( شكر )) بالحصة ... لان شفت اسم الموضوع شكر  ??? ??? ??? ???

مو اليوم ما شاء الله عينكاوا اخونة الغالي جان يوزع قطع اراضي وهسه كلت راح يوزع شكر   والباجر  تمن  ووراها طحين  ;) ;) ;) ;)

 :D :D :D :D :D :D

لا تزعل حب تره اشاقه كبد


ابو نور / تورنتو

126
مرحبا اخ اسامه...انشاءالله تكون بخير اخ اسامه عندي الك استفسار ممكن اعرف اشكد الفتره بين الفحص الثاني اللى سويته و موعد السفر اللى انطوك ياه و سؤال ثاني بلا زحمه عليك..و اني هم والده لاطفال 2 شنو الملابس الضروريه اللى اخذها ويايه و هل صحيح انو مو ضروري الملابش الشتويه البيتيه يا ريت لو يشارك بالاجابه كل من الاخ الفريدو و شمعه و حضرتك طبعا و اكون ممنونه الكم جميعا

مراحب اختي .. الحمد لله اني بخير  .
والله شغلة الفترة بين الفحص الطبي وموعد السفر مو متساوية ابد يعني ماكو واحد يشبه واحد بهاي الفترة بس اذا كان سؤالج على شغلتي الخاصة اني .. فاني سويت فحص طبي الاول ووره شهرين بالضبط يعني سويت الفحص الطبي يوم 18 بشهر الثامن 18 بشهر العاشر خابروني على اعادة الفحص الطبي سويتها وسويت وياه تحاليل هاي التحاليل كملت وره شهرين وطلعت النتيجة بيوم 18 /12 اخذتهن بيدي وديتهن للدكتور الي اسوي الفحص يمه وهوه بدوره وداهن للسفارة واعتيادي السفارة دزوهن . ووره شهرين اله 4 ايام خابروني كالو جيب الجوازات
يعني بتاريخ 14/2 /2012 وديت الجوازات وصار سفري يوم 12/3/2012 يعني 28 يوم . بس للعلم اسرع سفره يمكن صرنه علمود الظروف مال سوريا الصعبة .
واكو ناس صار سفرها بوقت اسرع مني واكو ناس صار سفرها بوقت اطول بكثير من هذا الوقت
فما اكو فد شي ثابت تكدرين اتقيسين بيه مية المية ..
بس بشكل عام وتقريبي لاكن مو ثابت .
اما بالنسبة لشغلة الملابس ...
اني اجيت بوقت مو كلش باردة بس مع ذالك اكلج مو ضرورية الملابس الشتوية البيتيه لان الجو بداخل البيت حار .. مو بس حار لا يعني حار حار لان التدفئة مشتغلة 24 ساعه والجو بره كلش كلش بارد .. مع ذالك نحاول نفتح الشبابيك ولو شوية بس حتى انبرد الجو شوية .يعني الملابس البيتية لا اتفكرين بيها شتوية ابداً .. واذا اكو تعليق اخر ما ادري بيه لان اني ما اجيت بنص الشته الكندي بس حسب تفكيري نفس الشي .. بس ما بيها شي اذا واحد يجيب وياه فد قطعتين او 3 شتوية بيتيه من الموجود عنده . بس ميشتري جديد ابد . لان تره اكو هنا ملابس واكو نوعيات صينية عادية واسعارها رخيصة حتى اكو ارخص من سوريا والعراق ونوعياتها احسن . بس يراد الواحد ميستعجل بالشراء ويدور على كيفة الى ان يعرف المكانات الرخيصة .

واني حاضر لاي سؤال .



ابو نور / تورنتو

127
اشكر كل من ساهم بمعلومه يجزيكم بالخير
وارجو  اخويه ابو نور يزيدلنه الصور ;D ياريت والله واكون له شاكر
نريد  نشوف الشوارع الناس الاماكن حتى اذا موصلنه هناك اسمنه شفنه كنده بالصور
ياريت والله

اخوية ذو الفقار عساك على صور بس خلي الجو يكسر شوية واخليك تشبع صوووور الى ان تمل وتكلي كافي بعد ما اريد ..
بس ان شاء الله توصل يارب وكل الي ينتظرون .



ابو نور / تورنتو

128
و الله يا اسامة شغلة تغث , اني صارلي كم يوم ملتهي بالشغل اجي الكة جم عضو جديد مسويلنا جمبش و تعال هوس ويا و لو كاتبلة شغلة بيها خير جان كلت بلة ميخالف , و لو عندا سوال جان جاوبتة , بس مال ما عندة شغل و عمل غير بس كال فلان و حجة علان هاي تسطر

ولا يهمك تهون الله يساعدك ويكون بعونك وبعونه انته بس طول بالك . وكلها تنحل
بلكي الله يوزعون قطع اراضي على الاعضاء .. او يجوز راح يحسبون العدد علمود يجهزون فيز على كد الاعضاء مال عينكاوا ويسفروهم كلهم  :) :) :) :) :) :)



ابو نور / تورنتو

129
الف شكر اخوية ابو نور عالاجابة بارك الله بيك

وياريت اذا تعرفها هاي الزواغير تعلمنا اياها  ;D ;D ;D ههههههههههههه

شكرا مرة ثانية بس ترة اني اختك مو اخوك ـــــــــــــــــــــــــــــــــــــ تحياتي


ادللي اختي ..
وانتي شلج بهل زواغير هههههههههههههه .. خلي يلقحون الجهال من جديد احسن بالف مره وشفتي الفريدو شكال . عنده اللقاحات وذبهن ورجع عادهن من جديد .
احسن بالف مره والله .
ها بالمناسبة هنه شنو فد شي بسيط يعني اول اسبوع جرعتين وثاني اسبوع جرعه ويكدرون يسجلون خلاص يعني كلها مجرد اسبوع واحد اني كملت لقاحات الاطفال هسه حتى اكون مطمئن ومرتاح البال على اطفالي . والكبير بالعمر ياخذ لقاح واحد بس ..
المهم هسه انتو توصلون بالسلامة يارب وكل شي يهون مو مشكلة .. يا اختي 
صلحتها بعد كلت اختي .. :) :) :) :) :)


ابو نور / تورنتو

130
ترا ضجنا كل شوية واحد طافرنة بشغلة جديدة , واحد يكول اكتب هيج و احد يكول لازم ما تحجي هيج و الثالث ديربالك تنتقد هيج , و انتة واحد من الناس عرست علينا ليش موضوع برنسيسة موجود و ما منة اي فائدة بالمنتدى , خبلتونا ترا شو بلة فهمني شراح تسوي بالعدد ؟؟



 :D :D :D :D :D
اعصابك ايهم



اني ادري شنو السبب ... ;) ;) ;)
راح يوزعون قطع اراضي على الاعضااااء ..


ابو نور / تورنتو

131
يارب يفرجها عهلى الجميع بحق كل الانبياء والرسل .
وان شاء الله الكل تفرح

شكراً على نقل الخبر

ابو نور / تورنتو

132
صباح النور اخويه ابو نور ههههههههه حلوه هاي صباحك كله انوار


ماكو رسوب بالمدارس العامه مو مدارس اللغه ههههههههههه مدارس اللغه بيها رسوب ديربالك اخويه ههههههههههه

مو تكضيها ع البايسكل وتجي اخر الفصل راسب  >:( >:( >:( >:( >:( >:( >:( >:(   ;D ;D ;D ;D ;D ;D



اخوك : الفريدو

لالالالالا لعد اني مكيف كلت راح اغيب الباجر ..... مو خوش فقرة هاي .. يا فرحة الي ما تمت ..

تسلم اخوية وان شاء الله الانوار بدربك


ابو نور / تورنتو

133
صباح الخير ...

احلى فقرة هاي مال ماكو رسوب ... لو ادري جان اجيت من زمان الى كندا ههههههههههههههههه لعد ليش ما كتلي قبل 20 سنه ..


عاشت ايدك اخوية الفريدو ..


ابو نور / تورنتو

134
ان شاء الله ربي يفرجها عليك وترتاح طول العمر .. ولا اتقصر بالدعاء لاخوانك ..
واتمنى انه متنسى اخوتك المنتظرين وتساعدهم ولو بالكلمة الطيبة والشرح الوافي .. واذكر ايامك الي جنت بيها تنتظر كلمة تزرع بيك الامل ..

مره ثانية الف مبروك على وصولك بالسلامة ويارب يتمم عليك بالخير ويسعدك بحياتك الجديدة ...


ابو نور / تورنتو

135
مساء الخير والعافية عليك اخوية ابو نور

عاشت ايدك على هالمجهود الله يكتبلك بكل حرف الف حسنة ولايحرمنا من مشاركاتك ياطيب يااصيل

شكرا لك لان جاوبت على سؤالي

اخوية بالنسبة للاولاد الي عمرهم فوق ال10 سنوات والي بالاعدادية هم مطلوب منهم جدول تلقيحات ؟

مشكور مرة ثانية


اخي العزيز توتي فروتي ..
بالنسبة للقاحات مالتي والي اتخصني رادوها مني وعمر بنتي الكبيرة 6 سنوات ..
من لقحتي اطفالي اول لقاح انطوني كارت مال لقاحات كل طفل اله كارت شمكتوب بيه هذا الكارت ..؟
انه هذا الطفل لقح اللقاح الاول من عمر هل كد شهر الى هلكد شهر وبعدين الوراه من هلكد شهر الى هلكد شهر والوراه من هلكد شهر الى هلكد شهر والوراه الى ان يوصل الى عمر 16 سنه اكو عنده لقاح اخير ...
يعني الطفل راح يلقحوه من يصير عمره 16 سنه هذا الي شفته بالنسبة لاطفالي ومكتوب بقالكارت مال اللقاح ايضاً انه لازم احتفظ بهذا الكارت لان هذا الطفل اذا كبر وراد يدخل كليه او راد يتوظف بالدولة راح يطلبون هذا الكارت منه بعد هاي صدك جذب ما ادري او يجوز اني مفتهمها غلط ..
الباجر راح اسال على الي عمره 10 سنوات او اكبر يردون لقاحاته لو لا ..وهم اتاكد من هاي الشغلات .. اذا كان بيها غلط اصلح كلامي ان شاء الله .
بس اني الي اشوفه يمكن . يمكن يردون لقاحات الي عمره عشر سنوات او اقل ..
وبالمناسبة هيه هم اكو بيها زواغير هواي للي يريد يفلت من هاي الشغلات ههههههههههههههههه. بس الاحسن واحد يمشي نظامي .


ابو نور / تورنتو

136
عاشت ايدك اخوية الغالي ابو قمر الوردة ... موضوع مفيد جداً جداً ..


الله ينطيك على كد نيتك يارب ويحقق امانيك ويحفظلك اهل بيتك .



ابو نور/ تورنتو

137
حبيبي ابو نور..لك مني كل الود والاحترام وشكرا على هذا النفس الطويل بكتاباتك التي بالتاكيد سيستفيد منها الاخرون ..بارك الله بك ولك كل الخير والتوفيق ان شاءالله تعالى ولك مني وللعائلة الطيبة الكريمة كل الاحترام والتقدير ....اتمنى لك النجاح في حياتك وعملك ومدرستك فانت بحق طيب بالقلب ونعم الاخ والصديق ومن خلال كتاباتك فاني التمست ووجدت فيك  روح التعاون والخير للغير وهذه الصفة التي اكرم الله لك بها ستفيد بمن هو محتاج الى هكذا معلومات ..وفقكم الله جميعا لما في الخير للغير ..شكرا جزيلا ياطيب ويا وفي ...


اخوية الغالي شكو ماكو اشكرك كل الشكر على هاي الدعوات الصادقة ويارب يفرجها عن الجميع ويوفق الكل بحق الحبيب محمد ...
اخوية هذا واجب عليه مثل ما اني استفاديت من هاي الصفحة وهذا الموضوع الي سواه اخونة الفريدو احاول ارد ولو قطرة من هذا الجميل .
كل ما اتذكر ايام الانتظار الممل ارجع افتح المنتدى واكتب لان احس مثل ما اني جنت محتاج اسمع كلمة او وصف اعرف انه اكو غيري هم محتاج يسمع
وهذا الي اكدر عليه واتمنى اكدر اسوي شي اكبر بس مثل منكول على كد الحال وان شاء الله يارب تستفادون منها ولو حتى اتصبركم وتزرع بيكم الامل هم كلش كافي .لان هذا الي جنت اريده اني ومتاكد هواي هم يردوه .


ابو نور / تورنتو

138
اشكرك ابو نور الله يسهلها على الجميع
اني صح هاي مشاركتي الاولى بس اني متابع المنتدى من زمان كزائر
وطبعا اني قديم بتقديم اللجوء يعني صارلي تقريبا 3 سنوات
يعني هسة من حقي استعجل مو
لان بعد مظل صبر من كثرة الانتظار


الله يكون بعونك يارب وان شاء الله تفرج ..عن قريب ..
دعائنا معك ومع جميع المنتظرين


ابو نور / تورنتو

139
السلام عليكم اخواني وخواتي
حبيت اسأل ذوي الخبرة عندي كيس حاسبة يعني مو لابتوب وشاشة حجم 23 اريد اعرف
اقدر اخذهن وياية بجنطة وحدها واطلعها من مطار بغداد لو افسخها قطعه قطعه
لو هي غير مسموح بيها لأنها كيس .
وزنها تقريبا تسع كيلوات ومواصفاته كلفتني هواية فلوس .
ما غير شغلاتي الشخصية اللي بيها من صور ومقاطع فديو .
يعني اذا اخذوها ابجي عليها 100 سنة.
فياريت واحد عنده خبرة يجاوب .حتى اسويلها مكان بجنطة سفر وحدة
يوم سفركم ان شاء الله

والله صحيح اخذ الهارد وياك يا شاشة يا كيس ..

انته راح اتعوف العراق كله بقت على الشاشة متكدر اتعوفه اتوكل بالله اخوية وانسه الحاسبة وال .....


المهم انسه كل شي الحاسبة تتعوض .
وكل شي يتعوض مستقبلك ومستقبل جهالك ميتعوض ... والي عفته انته مو اقل شأن من الحاسبة اهلك وناسك واصدقائك وان شاء الله ترجع الهم مرفوع الراس وخلي الحاسبة تنتظر وياهم هههههههههههه




ابو نور / تورنتو

140
السلام عليكم
اول شئ احييكم على هذا الموضوع الرائع
طبعا اني مكدرت اقراه كله لان ماشاء الله 25 صفحة
بس داحاول انو اقراه كله لان كلش استفاديت من المعلومات الي موجوده
واشكر كل الاخوان الي كاتبين معلومات اتفيد الجميع وبارك الله بيهم


عندي سؤال واتمنى الكي الاجابة هنانة مثل ملكيت اجابات لهواية اسئلة

اني قبل اسبوع رحت للسفارة وسألت على الفحص الطبي
وبالسفارة كلولي الفحص الطبي وصل من يوم 5 ابريل
كتلهم يابه لعد ليش ماكو سفر لحد الان
كالوا اجراءات وهمة هسة يتصلون عليك
زين اريد اعرف لان اني سامع من يوصل الفحص الطبي الاجراءات كلها اتصير خلصانة
وعلى فكرة هذا اعادة فحص يعني هذا الفحص الثاني الي والعائلة كاعدة تنتظر
يعني من يوصل الفحص للسفارة مو المفروض يخابرونا على تسليم الجوازات
ليش هذا التاخير كله من يوم 5 ابريل واصل ولحد الان ماكو اتصال من السفارة
ممكن اصحاب الخبرة يفيدوني بهذا الموضوع لان الديلكو عندي افتر  ;D

وشكرا جزيلا للجميع

اخوكم ابو رشا

حبيبي الغالي ابو رشا .. ادعي من رب العالمين يسهلها عليك يارب وان شاء الله تفرج عليك باسرع وقت ... طبعاً تعذرني اني مراح افيدك بشي بس انتظر الفريدو هسه يجيك وينطيك المفيد .. لان اني كلشي ما اعرف بشغلة اللجؤ او الكفالات لان بعدني جديد بكندا ما صارلي شهر وعشر ايام . وما اريد احجيلك حجايه وبيها غلط حبي لا تستعجل لان انته هاي المشاركة الاولى الك  ;) ;) ;) ;) ;) ;) ;) ;) ;)

بس اذا عندك شي بسوريا يجوز اكدر افيدك . بشكم شغلة .



ابو نور / تورنتو

141
هذا السواد الي طالع بالصورة الثانية هوه جكارتي ههههههههههههههههههه



ابو نور / تورنتو

142
ها بالمناسبة البارحة جنت كاعد احجي ويه صديق اليه بكندا صارله يمكن 3 سنين هنا كالي تره مو عبالك الصيف سهل بكندا كتله ليش شكو كال يراد الك دهن مال بك كتله شنو بك كال هذا البك الي جان يكرصنه بالعراق ... كتله شبيه كال هنا اكو بك بس معدل يعني كل كرصة ولا الثانية اتفاجئت بالموضوع كلت اهوز هم لحكني البك هنا ..
صدفه اليوم واني كاعد اشرب جكارة بره اباب العمارة وره ما اتغديت جنت ستوني راجع من المدرسة .. اباوع والكه بكايه بس شنو من بكايه الله يستر عليها ويحفظها يارب ويطول بعمرها .. حتى لا اتكولون هذا يحسد ... هههههههههه راح انزل الكم صورتها لان اخذت الها صورة راسا بالموبايل ... شكم صورة .. ونسيتها هسه بليل من طلعت اشرب جكارة اباوع نفس المكان بيه هاي المكموعه بعدهي هم اخذت الها صور وخليت الجداحة يمها حتى اتقيسون حجمها بس من قربت الجداحة يمهم مع اعتذاري الشديد الها طخيتها بدون قصد فكشت شوية ههههههههههه ...
بعد ما ادري يجوز تطلع مو بكة الله اعلم الي عنده خبره بموضوع الحشرات خلي يكللنه شنو هاي اذا مو بكة ههههههههههه


طبعاً اعذروني كاعد اصغر الصورة لان المنتدى ميحمل اكثر من 200 كيلو شكر
ابو نور / تورنتو


143
السلام عليكم شلونكم اخوتي واخواتي يارب كلكم بخير

اخوية اسامة هاي شنو كاعد تغورنا يمكم باردة ويمنا فاتحين مبردة   >:( >:( >:(

هههههههههه عافياااااااااااااااااااااااات اخوية

بلا زحمة طلب زغيرون بلكي تكتبلنا عن المدرسة الي انت بيها يعني اريد كلشي وكلاشي بالتفصيل الممل  وشلونك بالكوز  ;D بالموفقية يارب




وعليكم السلام ..
لا والله مو شغلة اغور بس صدك جانت باردة اليوم الظهر بس بليل اتعدل الجو وصار حلو يعني برد يمكن 2 ساعه وراها صار يخبل صح هم بارد بس حلو. اني طلعت بالبايسكل رحت افتريت  . مليت من الفره ورجعت قبل شوية .
اشكرك على الدعاء اخوية ...
حلو موضوع المدرسة هذا خوش فكرة تمام  عاشت ايدك ...
 راح احجي على المدرسة الي اني بيها والمدرسة الي زوجتي بيها لان احنا كل واحد صرنه بمدرسة .. اما بقية المدارس ما ادري بيها سجوز تطلع غير شكل احتمال ما اعرف يعني راح اخص الحجي على المدرسة الي اني بيها والثانية الي زوجتي بيها وبس وبس وبس ...

سابقا حجيت الكم على مسئولي الي طلع وللاسف الشديد مو خوش انسان او بالاحرى مهمل الى درجة بعدين نطرق الهذا الموضوع ..
بيوم خروجي من فندق الاستقبال (( الكوستي )) جان المفروض من مسئولي يملي كل الاوراق وينطيني عنوان مدرسة وياخذ اليه موعد وياهم او مو وياهم ويه الجهه الي راح تمتحني حتى اتنسبني على مكان معين اتوجه اله يعني .. اختبار يحددون بيه اني يا لفل استحق الاول لو الثاني لو الثالث لو الرابع لو لو لو . المهم هذا المسئول التعبان مال سوه هاي الشغلات ولا فهمني عليهن وكالي تعالي الاسبوع الجاي حتى اكمل شغلاتك ... اني من رحت للبيت الجديد ما كدرت اصبر ثاني يوم طلع ورحت ادور على المكان الي يمتحنون بيه ... ولكيته ... طبيت عليهم كلت الهم اني جاي جديد الكندا واريد اتعلم لغه كالو اهلا وسهلاً بيك انته ماخذ موعد كلت الهم لا كالو اول مره تجي كلت الهم اي .. كالو اوكي راح انسويلك موعد امتحان او اختبار هسه كلت الهم بس عندي زوجتي بالبيت كالو جيبها الباجر اليوم بس انته ... كلت الهم اوكي .... طبيت واختبرت وكملت ... كالولي اتروح على المدرسة الفلانية كلت الهم اوكي ... يسموها هنا المدرسة الهندية لان اكثر مدرسيها وعمالها هنود ...
المهم ثاني يوم اخذت زوجتي ورحت للامتحان وهم نفس الحالة امتحنت وكملنه وطلعنه ها قبل لا اطلع كلت الهم عندي بنتي جانت اتداوم بص الاول وهسه اريد اسجلها بالمدرسة كالو اي اتفضل استريح استراحيت اجتني وحده حبابه ودرة مال الله كالت اي شي تحتاج اني حاضره . سولفنه بموضوع بنتي دلتني منين اروح وشلون اسجلها بالمدرسة ومن هذا الحجي وبعدين انطتني كارت كالت اي شي تحتاجه تجي  بهذا الكارت ... طبعا الكارت مثل المفتاح يعني اخليه بجهاز خاص واطب حتى توصل الهم معلوماتي .انه اني طبيت ... اذا احتاج ادز سكنر اروح يمهم اذا احتاج نت افتح اروح يمهم حتى اذا احتاج استنسخ اوراق اروح الهم كل الخدمات هاي ابلاش .. وفوكاها اي شي احتاج من معاملات هم يوكفون ويايه همه .
المهم طلعت واوراقي يمهم كملت ولحد اليوم ما وصلت الهم بعد ههههههههه ...
رحت اراجع على المدرسة الي دزونه عليها اني وزوجتي .
اسمها المدرسة الهندية .
قبلوني المدرسة بس زوجتي ما قبلوها لان لازم بنتي الي عمرها 4 سنوات اتروح وياها كالو ما عدنا فراغ الها لازم تنتظر اقل شي فد شهرين ...
زين اني شنو اتخبلت اخليهم فد شهرين يكعدون بالبيت ... طبعاً لا .... رحت على مدرسة ثانية هم قريبه علينه نفس المسافه تقريباً كلت الهم عندي زوجتي ووياها بنتي عمرها هلكد تقبلوها عدكم فراغ كالو اي بس يصير فراغ انخابرك وبالفعل وره يومين خابروني كالو خلي تجي اداوم .. والحمد لله داومت ........
هسه نجي نحجي على المدرسة مالتي ... والتناقضات بين المدرستين .
بس خلي اروح اشرب جكارة واجيكم

اي اجيت نكمل حجينه ...
وين وصلنه . ها المدرستي الي اني اداوم بيها ..
اول ايام داومت ودوام حلو المدرس مالتنه هندي طبعاً بس مضبوط ودرجة اولى باللهجة . لان هنا عدنه الهنود كارثة باللغه الانكليزية يعني من اتشوفوهم يحجون عبالك كاعد يحجون وياكم هندي مو انكليزي هههههههههههه .
بس مدرسنه لا الحمد لله زين لان ولادته كندا وميعرف يحجي هندي توب يعني يطكطك هندي .. بس مع ذالك اكو عنده لكنه هندية ...
وخوش انسان يعني يحاول يوصل الفكرة بقدر المستطاع وابن اوادم .. واذا جانت عندي شغلة عادي اكله يابه اني راح اروح لان عندي معاملات او عندي شغلة او عندي موعد او او او او  يكلي روح يا العزيز ولا يهمك اخذ راحتك ويسألني الباجر تكدر تجي لو لا اكله اي طبعا اجي ... واذا شخص اتاخر على الدوام عادي يكله ها خو ماكو شي يكله لا اخذتني النومة ايكله نوم العوافي ههههههههههههه ..يعني متساهل وخلوق ووردة مال الله واهم شي انه هوه يفهم المقابيله بكل الطرق والوسائل وحتى يعرف كلمات عربية قليلة لكثرة العرب الي مرو عليه اثناء تدريسه وعمله ...هاي اول عشرة ايام تقريباً . بعدها كال اني راح اروح ادرس غير مرحلة لان محتاجيني انتو راح ادرسكم ولمدة شهر بس مدرسة ثانية وجديدة هنا عدنه . تسمحولي كلناله عادي ولا يهمك وطبعاً يوميه الصبح لحد هسه من يجي لازم يمر علينه يسلم علينه يله يروح الدرسة ... المهم ... اتجتي المدرسة الجديدة وبعد ان عرفتنه بنفسها واسمها طبعاً اسمها عربي ميه المية . عرفت اني انه هيه عربيه .. هناك سالتها منين انتي كالت من فلسطين ..وهاي اول مره انشوف مدرسة عربية بالمدرسة مالتنه حسب حجي القداما الي صار الهم سنتين او اكثر . المهم طلع حبابه ووردة مال الله بعد اكثر من ذاك القديم الهندي الحباب  وهم اتدرس بشكل مبسط اكثر واكثر يعني اني حسيت نفسي خلال هاي الايام المعدودة استفاديت كوومة منهم  الحمد لله والشكر . ومتساهلين وعدهم المواعيد عادي واحد يضربها  :D :D :D :D

زوجتي من داومت بالمدرسة الثانية مدرستهم كنديا ماصله  يعني اذا متصير الساعه ضبط يعني اذا همه البريك او الحلة مالتهم الساعه 2.15 دقيقة لو تنكلب الدنيا متخليهم يحلون الساعه 2.14.5 دقيقة اتكول وقت هذا ميصير نخربه . لازم نحترمه حتى هوه يحترمنه .
صح كلامها بس ؟؟؟؟!!!!!!!!! المهم .
التدريس بكل نواحيه وبكل المدارس حلو وزين ومرتب ويفهم وكلشي وكلاشي بس تبقه حسب الشخص الي ايريد يتعلم يجوز هوه دماغه ثكيل هاي تبقى عليه هوه ..
ها بالمناسبة ..
اني من اروح للمدرسة اكدر اتمشه الها ربع ساعه مشي بس اني لا ليش اتمشى اركب سيارة واخذ الهم التكت الي ركبت بيه ينطوني تكت بمكانه وتكت الرجعه ثاني يوم انطيهم اياه هم ينطوني بمكانه يعني يوميه اخذ منهم تكتين مال باص اركب بيه .. الصبح واحد صح اركب بيه . بس من احل من الدوام لا ما اركب باص ارجع مشي وعود العصر اركب باص اروح اخلص شغلاتي  واكملهن . يعني فايديني بهذا الشي واكو ناس متركب باص لا الصبح ولا العصر شيسوون يروح يدورون تكتات الصبح او العصر وينطوها الهم حتى ينطوهم بمكانها . تكتات صالحة لحين استخدامها وان شاء الله بعد كم يوم اخذ سكنر وانزل الكم صور التكتات الي نستخدمها هنا وطريقه عملها .
بالمناسبة بنتي نور بعدهي ما مداومة لحد الان لان ورقة اللقاحات مالته ما جايبها ويايه . لان اني ما بقت عندي اي اوراق رسمية او صحية بالعراق القديم  وللاسف الشديد لذالك اضطريت اعيد لقاحاتها من جديد هنا حتى يقبلوها بالمدرسة .. فالي جاي على كندا لازم لازم لازم يدبر اوراق اللقاحات مالته تره دوخة بيهن ولو مو كلش صعبة بس تعال اتاخر بتسجيل الاطفال بالمدرسة .
. بشكل عام حلوة المدرسة وحلو التدريس للي يريده اما الي يكول لا شنو ذولي كلاوجية يردون يربحون من عدنه فلوس فهذا اعتبرها ميريد يتعلم ويفيك ..
لان بالمناسبة ذولي المدارس ياخذون علينه فلوس من الحكومة على كل نفر هلكد (( يعني ما ادري شكد )) يعني بالنسبة الهم شغل او عمل اما بالنسبة للدولة فمصلحة ..
المهعم هاي الشغلات مو اختصاصي وما اعرف بيها زين ما اريد اظلم احد . بس على العموم حلوة دراستهم وسهلة ويحاولون يوصلون الفكرة باي صورة .
ها وهاي المدرسة الفلسطينية هسه الي كاعد ادرسنه دره مال الله وتحاول اتساعد بكل الطرق ..
وكاع اتساعدني بموضوع بنتي نور هسه اتريد اتسجلها بالمدرسة قبل لا تخلص التلقيحات يعني تعبت ويايه الله يحفظها .

كافي خلص موضوع المدرسة مالتي  ... ههههه



وان شاء الله الموضوع الجاي والثاني على دكتور العائلة وشنو الضرورة بيه ومنو هوه وكلشي وكلاشي عنه وعن الخلفوه هههههههههههههه
وعن المستشفيات وشلعان القلب مالتهن  الي راسه يوجعه . لا يروح الهم ويكلهم اريد حباية براسيتول هههه لان راح يوجعون راسه اكثر واكثر ...


وبعدين نحجي عن الهويات وعن البريد الي يجيك وشنو الهويات الي لازم تستلمهن او بالاحرى راح نحجي على الهويات الي راح تستلمهن وبعدين على طبيب العائلة  يكون احسن حتى بالتسلسل ..



ابو نور / تورنتو


144
هههههههههههههههههههههههههههههههههههههههههههههههه

الجو بره يخبل طبعاً باردو وهوه كلش قوي اذا واحد عقله صاحي يطلع بره هسه يمكن يتخبل من الهوه البارد .. لعد اذا المخبل طلع شيصير بيه يمكن يعقل هههههههههههههههههههههههه..

راح اطلع بس ادعولي ميصير بيه شي



ابو نور /تورنتو

145
واو ... طبعاً واني كاعد اسولف الكم ..شخص عزيز عليه بالمنتدى دزلي اسم منظمة كالت اشترك بيها اتفيدك كلت الهم ما اعرف شنو ووين هاي المنظمة بس راح اطب ادور عليها بالنت ... طبيت دورت لكيتها فد شي راقي جداً جداً جداً وتفيد كلش كلش كلش اتفيد من ناحية العمل او التوظيف او المساعدات او اللغه او او او او او او  هواي شغلات  ... ان شاء الله الباجر لو بعد باجر  راح اروح عليهم بس اندل المكان بالضبط واسجل بيها واكلكم شنو الترتيبات مالتها وشنو الاستفادة الي بيها والي عليها بس كون بدون عرضة ..... ها هذا الحجي اذا وافق الشخص الي دزلي اسم المنظمة وحسب ما هوه يطلب .ربي يسلمه ويحفظه ويخليه النه


ابو نور / تورنتو

146
اخواني الاعزاء انا لما كتبت على الاتصالات لا اريد ان اعمل دعاية لاي شركة والله شاهد على كلامي لاني لا املك اي شركة هنا في كندا ولا يوجد لي اخ او صديق يملك احدى شركات الاتصال كل قصدي اوضح الكم شلون اشتركت هذا كل ما في الامر ....
وما معقولة اني ابسطها واسهلها واني بالبداية كلت الكم تره لحد الان ما مفتهم شي شلون يربحون ذولي ... مو جهل مني لالالا بالعكس اني الحمد لله ذكي وفاهم ومثقف وهذا اختصاصي ويمكن اكو من يعرفني بالمنتدى ويعرف شنو اختصاصي وجان شايف شغلي سابقاً بسوريا وبالعراق ويعرف اني شدارس وشنو شهادتي ... بس ما اريد افتي بشي اني ما اعرفه ... يعني كمثال اكو ناس لحد اليوم ما عدها موبايل وهيه تحجي عن انواع واحجام الموبايلات وشنو الشركات الي تشترك بيها ... هذا موجود بالنت ونكدر نعرف عنه بمجرد الكبس على زر البحث في القوقل يعني الكوكل يعني google  فيا اخوان تره مو دعاتية ولا اريد اورط احد ولا ابد بس هذا الي اني مشترك بيه واذا بيه خسارة الخسارة اتصير عليه اني مو على اي واحد منكم ... وارجع واكول شلون اني ابسطها وشلون اني اكول تره ما فهمت شي ... يعني الكلمتين متناقضات اذا اني بسطتها يعني اني كلت الكم روحو اشتركو ولا يهمكم بالشركة مال خلفوني الي اني مشترك بيها حتى اسوي الها مشتركين يمكن اربح منها واذا كلت اني ما فهمت شي منهم وشيربحون منها بعدني متردد وما عرفت شنو شغلهم ... رجاءاً اخواني انتم اخوتي واصدقائي بس لحد يخربط بالحجي تره اني قصدي اساعدكم يعني خاف باجر عكبة واحد يروح يشترك بالشركة الي اني بيها تره معليه  اذا اخذو منه هواي فلوس  . مو تكولون ابو نور كلنه احسن شركة هاي هههههههههههه ... بس هاي الي كاعد ايصير بيه واذا متردوني احجيه كولو يابه نقطنه بسكوتك واذا تردوني احجي واسولف سوالف عامية هم كولو انريد اتسولف شيصير وياك .. واني حاضر وجسر للطيبين ...

بس بدون ما ادوخكم بسوالف الشركات وهوستها ولا ابحث من الكولكل واطلع الكم انواع الشركات واحجامها وشكد تربح باليوم . واذا تردون تعرفون شكد تربح وشلون تشتغل هاي الشركات اكتبو على الكوكل ونتم تعرفون ... بس الحياة العامية الطبيعية مراح تلكوها بالبحث عن الشركات . ولا راح تلكون صورة اطفال ابو نور . او صورة ابو نور ولا المكانات الي يزورها ويروح الها ولا اي شي غير حجي تصفيط وبس .. مال شغل تعرفون ذني شركات واحنه مو كدهم .. بس شنو يعني شكد يصيرن فلوسهم بالشهر 50 دولار 100 دولار 200 دولار 500 دولار هنه وقندرة اطفالي . قابل هواي عليهم  لو عليه ... شتشوفون ما استاهل 500 دولار بالشهر للموبايل هههههههههههههههههههه ..
للعلم صاحبي صارله سنه ونص وياهم ونفس العرض ونفس الخدمة وما طلعت عليه غير الفاتورة المتفق عليها  بس ما دز رسالة لان الرسالة بفلوس . ولا خابر الى العراق او سوريا لان هاي كلها بفلوس بس اله المكالمات القادمة مجانية والخارجة داخل الولاية مجانية ومكتوبة وياهم بالعقد واذا اخلفو الله كريم بذاك الوكت






ابلو نور / تورنتو

147
اخويه ابو نور اولا انا اعتب عليك لاني دخلت يوم امس وانته موجود بالموضوع واليوم نفس الشيء وماكو لا سلام ولا شي لكن اشكرك لمسح الردود وشكر خاص على مواضيعك الشيقه الي تقدمها وعبالك اني هسه بكندا هههههههههههه

حلوة هاي مال عبالك انته بكندا ههههههههههههههههههههههههه .
ادلل بعد شتريد

بالعكس اخوية ابو حمودي اني متاكد اكو اشياء راح تختلف عندي بعدين لان هسه ستوني واصل . بس اني الي كاعد احاول اوصله شي كاعد اعيشة اني لا احمد بيه ولا اتذمر منه بالعكس شي كاعد اشوفه بس اكو ناس نظرتهم الهذا الشي مو حلوة واكو ناس نظرتهم اله حلوة ... يعني قصدي اني رحت للبحيرة شفتها حلوة يجوز اكو غيري يشوفها مو حلوة . وشغله الاطفال وفلوسهم اي تكدر اتكول بيها حرام وتكدر اتكول لا كل حسب تفكيره . يعني اكو ناس تشرب كحول واكو ناس متشرب  .. ههههههه شلون مثل مو يخبل .

واني دائماً احاول ما اكتب موضوع ما اليه بيه لان الصراحة كلشي ما اعرف عن نظام الهجرة او اللجؤ او القوانين الكندية وما اعرف بيها ابد نهائياً
بس اني كاعد اشرح الي يصير ويايه بس .
الباقيات والصعبات عليك انته .
بالنسبة للاتصالات كتلك اني دايخ بيها لحد هسه وما افتهمتها بس هذا الي اني مشترك بيه وشنو ربحهم ما اعرف ... يمكن بعدين انظرب بورررررري ههههههههههه . بس اني شسويت عندي صديق مشترك بهاي الشركة صارله اكثر من سنة ونص يكول اوكي وتمام وياهم لحد الان .


وداعتك ما شفتك من طبيت بس اتصور مرات اطلع ويبقه اسمي موجود .
شعدنه غيرك يمعود يا ابو الغيرة انته الروح والريه .




ابو نور / تورنتو

148
اختي لا اتكولين اول درجة ... بالعكس عند ربج ماكو شي صعب .
اني في يوم من الايام طبيت الهاي الصفحة وكلت الاخوية الفريدو ادعيلي انه تطلع اليه كندا لجؤ وضحكت وكتله ولو اني ستوني واصل السوريا ... سبحان الله طلعت اليه كندا ووصلت وهسه احجي وياكم من كندا .
ماكو شي عند رب العالمين بعيد ولا صعب .
كولي يا الله وان شاء الله توصلون باسرع وقت ...
وان شاء الله الجميع يوصلون بالسلامة يارب .....

ابو نور / تورنتو

149
السلام عليكم اخواني واخواتي شلونكم

اخوية ابو نور شلونك شكرا على اجابتك وماشاء الله عليك حجيت بالصميم ولو اني مو من جماعة بس خلي اوصل لا اختك تحسبها ميت حساب هاي اولا وشكرا على المواضيع الي تكتبها والي تنقل واقع الحياة بشكل مبسط وبالتفصيل جزاك الله الف خير هاي ثانيا والف عافية عليك الصور بداااااااااااااااااااعة ادعي لنا نوصل ولو بعدها شغلتنا اول درجة بس الله كريم  بارك الله بيك والله يحفظلك البنوتات وامهم ويوفقك يارب


توتي فروتي اختنه العزيزة .
اتوكلي بالله عز وجل وداعتج كلها اتهون . اذا الله مفضل عليج وحالتكم المادية زينه مراح تفرق عندج كفالة او لجؤ ان شاء الله الله يسهلها عليكم وتوصلون وراح اتشوفين ماكو ذاك الفرق بين العراق ودول الجوار وكندا كلهن نفس الاسعار يجوز اكو فارق قليل بس بعدين تتعودون عليه من تشتغلون .
وبالنسبة للعنصرية هذا شي انسه وراح لان لو اكو عنصرية بكندا معناها راح اتصير كندا اسؤ بلد بالعالم لان  اذا تمشين 10 امتار راح تلكين عشر اشخاص انكول بكل متر شخص . صدكيني كل شخص جنسيته وديانته تختلف عن الاخر .  وشي ثاني راح اتشوفيه اهنا من توصلين ان شاء الله بسلامة .
وهو ..
راح تلكين الصيني ويه زوجته الامريكية يمشي وابنهم طالع على امه لو على ابوه .... راح تلكين الشقراء تمشي ويه زوجها الي لونه اسود وابنهم طالع على ابوه او امه .
وراح تلكين الكندي  الاشقر يمشي ويه زوجته الي لونه اسود وابنهم الي طالع على واحد منهم وبتهم طالعه على الثاني . وراح تلكين كل الالوان والاشكال متالفه ومتكاتفه ومترافقه . ماكو شي اسمه مسيحي او مسلم او ابيض او اسود او صيني او هندي او او او او او او او .
الكل سواسية . كل واحد اخلاقه هيه الي اتقيمة كل شخص اسلوبه ويه الناس واتباعه للنظام هوه الي ايقيمه .... اكو ناس لابس بوشيات  وصديقاتهم كنديات يمشون سويه بالصيف وانتي افتهمي قصدي يعني هاي وين وهاي وين . بس ماكو فرق .
ولا اكو شي اسمه عنصرية . اكو اخلاق واكو قوانين لازم نتبعها .



ابو نور / تورنتو

150
مرحبا اخ اسامه الهاشمى اني اخت جديده الكم بالمنتدى..انى كملت فحص و الحمدلله بس عندي مشكله حبيت اسئلك بيها اخ اسامه بالمناسبه اني تقديمي من مصر و صار تقريبا شهر و نص من خلصت فحص طبي بس من خلال قرائاتي الى كتاباتك اكتشفت ان حضرتك امر من عندي في التدخين  ;D  ولو سؤال يمكن شويه يضحك بما اننا مدخنين من الدرجه الاولى هل يؤثر هذا على الفحص الطبي..و ارجو الرد منك و من الاخ شمعه حتى نيقى نحس ان كلنا نبقى اخوه متعاونين في هذا المنتدى و سوف تكون لدي اسئله كثيره لك تباعا و شكرا على كل مواضيك اللي تنزلها لان حقيقه كلش شيقه كلش استمتع من اقراها و شكرا الك مره ثانيه و الى جميع الاخوه


يمعودة يا مشكلة هاي الي اتكولين عليها .
اني جنت ادخن بسوريا 3 باكيتات ووصلت اربعه قبل لا اجي .
وصدري جان منخل احس بيه وايست من الطلعه كلت راح يرفضوني لان صدري تعبان ويخافون منه .
بس هسه صرت اضحك على روحي .
بالمناسبة قللت الجكاير وصرت ادخن اقل الباكيت يومية . واحس صدري مو نفسه القديم اول يوم طبيت الكندا انفتح صدري وكمت اشتم هوه رب العالمين من صدك .
جنت من ادخن جكارة اكح او اختنك بيها او او او او او او هسه لا من اشرب جكارة عبالك كاعد اتنفس عادي .


بالمناسبة للمدخنين . .... جكارة كندا تختلف عن جكارة الوطن العربي لان الوطن العربي يخلي مطيبات بالجكارة مادة ما اعرف شسمها . بينما كندا ترفض استيراد بل وتمنع استيراد مثل هذه السكاير الي بيه مطيبات .
يعني هسه من اشرب الجكارة تلعب نفسي منها مو مثل قبل ادخن الثانية وره الاولى مباشرة .

ان شاء الله يارب اتركها ادعولي .
وان شاء الله شرها يبتعد عنكم ومحد يدخن ....




ابو نور / كندا

151
اخواني الاعزاء .
اسامة الجميلي
ابو اسيد / السنونو .
امير العراقي  .
بشار ابن الجامعه
زيتونة وليمونه العزيزة الي مشتاقين الها كووووووومة
جان دارك ... ((الجديدة ))

شكرا للجميع .



ابو نور / تورنتو

152
صباح الخير .

اليوم راح انسولف على التلفونات والاتصالات بكل نواحيها .

اول ما وصلت الكندا وطبعاً اني ما جايب ويايه تلفون بس 1200 وجبته علمود انه بيه كل الارقام مال عراق ومال سوريا الي احتاجها لان ما عندي ولا رقم بكندا غير الفريدو وشخص اخر صديق وذني محفوظات على الايميل لان دزولياهن على الايميل .
البقية ارقام مال العراق وسوريا اهلي واصدقائي .... المهم .
اول يوم وصلت كعدت بفندق فما اعرف شلون اتصل محد يمي ومحد فهمني فعندي صديق واحد داخل كندا تورنتو اتصلت بيه اسمه حيدر الشاهي كتله اني وصلت ونطيته اسم الفندق الكاعد بيه ورقم تلفونهم واتصل بيه مره او مرتين يمكن بس المره الثالثه ضوجني لان كلي تعال فرمتلي الحاسبة واني كاعد ادور شقة وكاعد ابفندق فما اتصلت بيه بعد هههههههههههههههه . للعلم هوه كفيلي .
بس بعدين وره ما استقريت اتواصلنه مع بعضنه .
بس هذا الي عندي رقمه بكندا .
اما البقية يدرون بيه اني طرت من سوريا بيا ساعه حسبوها وعرفوني اوصل يا ساعه .. لكيتهم رايحين لفندق استقبال الاجئين بس ما لكوني لان اني رحت الغير فندق المهم ما قصرو ويايه . الله يحفظهم ويسلمهم بعدين هواي ساعدوني ولكولي شقة وكفلوني .

نجي لاول يوم اشتريت بيه تلفون .
طبعاً بعد ان دورت واتطقست عن انواع الشركات مال موبايل وخدمتهن ... ودخت حيل دخت ولحد الان اني دايخ بيهن هههههههههههه  . ما ادري شلون يشتغلون وشيربحون .
المهم ..
اكو هنا بكندا شركتين وحده اسمها روجرز والثانية بيل ... اما الباقي فهي شركات متفرعه من ذني الشركتين او ما اعرف شنو ... لكيت شركة اسمها فيرجن طارحة عرض حلو طبعاً هاي الشركة هم ويه وحدة من ذني الشركات المهم .. اخذت منهم تلفون سامسونج كلاكسي وسيم كارت واشتراك لمدة شهر مجاني وبعد الشهر انطي بس 35 دولار كل شهر واتصالاتي بداخل ولايتي كلها مجانية بداخل اونتاريو فقط اما بباقي الدول والولايات لا لازم اعبي كارت بعدين افهمكم شنو هذا الكارت وشنو سعره ...
اتصالاتي داخل اونتاريو مجانية يعني لو اخابر اربعة وعشرين ساعه محد يحاسبني . والتلفون ياخذون عليه 3 دولار كل شهر يعني مثل الاقصاد . بس بدون عقد يعني اذا بطلت منهم ادفع 100 دولار سعر الموبايل واطلع منهم يعني حاسبيلي الموبايل 100 دولار .
خدمتهم حلوة وزينة ومابيها مشاكل ابد ومرتاح اني عليها هسه .
وتقريبا كل الشركات هنا نفس الشي . يعني من 25 دولار الى 40 دولار بالشهر .
ها للعلم كل المكالامات الي تجيني من بره فري يعني مجانية ميحاسبوني عليها لان اكو شركات اتحاسبك على المكالمات الي تجيك من بره يعني من العراق ومن سوريا او غير مكان .
لازم واحد ميستعجل . ويتسرع وياخذ تلفون اله يشوف عروض اتناسبه وتناسب حاجته الهن . 
المه نجي هسه من اريد اخابر العراق او سوريا او اي دولة شلون .
اكو كارت عدنه هنا وطبعاً بنوعيات كثيرة ومختلفة  . بس كلهن رخيصات كلش رخيصات . يعني ......... كارت تحجي بيه 30 او 40 او احياناً يوصل الى 50 دقيقة سعره ب 2.5 دولارين ونص  او دولارين وربع الدولار فقط .بس على شرط اتجرها جره وحده اما اذا ما جريتها جره وحده او جرتين لا راح يقل الكارت ويجوز ميوصل اكثر من 10 او 15 او 20 دقيقة بالزايد . فواحد اذا ايريد يخابر لازم يخلي اباله انه يكمل الكارت احسن اله او يسويه مرتين . ليش ما ادري . ولو الصراحة اني عندي كارت كاعد اخابر بيه صار يمكن 10 مرات وكل مره كومة ابقى وبعده لحد الان شغال .. بخت ههههههههههه بس المشكلة على رقم واحد كاعد اخابر لان بقية الارقام الي بالموبايل ما اعرفها لان موبايلي القديم طافي وما بيه شحن وما عندي محولة مال كهرباء يعني قصدي تحويله الى امريكي .
المهم اسعار الاتصالات كلش رخيصة غير ما جنت محسب الها  بالنسبة للدولي قصدي ... اما بالنسبة للداخلي فاتصور اني دافع دافع يعني اكدر اتصل 24 ساعه محد يكلي على عينك حاجب .

اما بالنسبة للتلفون الارضي . فاسعاره ارخص وارخص بهواي . يعني اكو شرمات تجي تنصبلك التلفون او ادزلك الاغراض بالبريد وانته تشده وكل هذا سعر الاشتراك بالشهر 10 دولار وعندك 6 اشهر مجانية اي .. صح سته اشهر مجانية وبعدين ياخذون منك 10 دولار بالشهر بس عقد لمدة 3 سنوات اذا تخلف بيه يغرموك .. بس حلو يعني تلفون ارضي 24 ساعه اتاخبر بيه بالشهر 10 دولار وتحجي ويه الموبايل وويه الارضي وويه روحك .. كلش زين يعني .
وتكدر هم اتعبي كارت بالارضي وتخابر العراق او سوريا او الاردن او الصين او اي دولة .


ها بالمناسبة  اكو تلفون ارضي اشتراكة هم رخيضص 10 دولار بالشهر وبيه ميزة حلوة وهي انه تتصل بكندا كلها وتتصل بامريكا كلها وتتصل داخلي ايضاً مجاني . بس المشكلة لازم عندك فيزا كارد واني هسه ما عندي فيزا بعد ما مسويها لاني ((( جديد )))  بس راح انجبر اشترك بهذا ابو العقد 3 سنوات داخلي بس . لان محتاجه هسه بصراحة لان بالبيت ما اخذت موبايل الهم وهذا الارضي احتاجه يبقى بالبيت .

بالنسبة للانترنيت .
هنا الانترنيت حلو كلش حلو ورخيص .
يعني اني رحت على شركة نفسه الوكيل الي اشتركت وياه بالموبايل سوالي اشتراك بالانترنيت .وثاني يوم اجه ابو الانترنيت ربط اليه انترنيت وشغلة واير لس بالبيت وراح .
طبعا نسيت اكلكم رحت اني على هذا الوكيل انطاني موبايل واشتراك شهري وثاني يوم دزلي ابو الانترنيت للبيت ربط اليه انترنيت وشد اليه راوتر بالبيت يبث واير لس وكمل .... واني لحد الان ما منطي ولا فلس ولا عانة الاي واحد .. لان الانترنيت مجاني لمده شهر والموبايل مجاني لمدة شهر ووراها ياخذون الاشتراك عود .
المهم الانترنيت
70 كيكة بايت بالشهر هذا حدي سعرها 45 دولار بالشهر . بس شنو يشبه الطيارة الي اجيت بيها من تركيا الى كندا بالضبط نفس السرعه ويمكن اسرع ههههههههههههههه... يا سوريا يا العراق .. بحيث اكو مواقع مال بث مباشر اباوع عليها قنوات الشرقية والبغدادية والجزيرة والعربية وكل القنوات الفضائية العربية  عبالك تلفزيون مو حاسبة . من السرعه .
وراح يخلص الشهر الي مشترك بيه اني وبعدني ما واصل نص ال 70 كيكة .بس اذا خلصت ال 70 كيكة لا يصير حسابي غير شكل اتكوم تجي الفواتير وحدة وره الثانية ركع ركع هههههههههه  يعني انهب نهيبة وارجع للعراق لو السوريا احسن اليه ههههههههههههههه.

يعني بشكل عام لحد يفكر بالاتصالات هنا بكندا لان كلها رخيصة وحلو بس للي يعرف شلون يختار ويتصرف ....


ابو نور/ تورنتو

155
طبعاً اليوم بارد الجو عدنه بس مع ذالك لبست زين وطلعت افتر بالبايسكل الجديد (( هههههههههه ))
عجبني اروح للبحيرة الي بس اسمع بيها ومارايح الها لحد الان .
اسمها بحيرة اونتاريو .
رحت طلعت قريبه عليه مو بعيدة يعني ربع ساعه بالبايسكل وصلت منظر جميل جداً وحلو بس الجو مغيم حرامات . بس كلت لازم اخذ الكم صور للبحيرة والبط الي بيه ولو بالعراق جان جبنا فحم وصدنا البط وشويناه ههههههههههههههههه
 المهم طبعاً ما استطلعت استطلاع قوي لان الجو شوية بارد مو مال اطول هواي بس اخذت شكم صورة وكعدت شوية شربتلي جكارتين ورجعت ان شاء الله من يصير الجو زين اروح اخذلكم صور توب لكل الموجودين  :D :D :D :D :D :D :D على الطبيعة

هاي الصور .


156
هسه هيه مال دم لو مال طلي ..... لا اتخليني احجي هههههههههههههههههههه

ابو نور / تورنتو


ديلا .. وجماله ايكولي  لا اتخليني احجي ...

حبي وحبيبي ابو الأنوار ... انا ما راح اكول غيرشي واحد بس ... سالفة المكمط طلب عليك والشهود عليه موجودين الفريدو وابو اسيد وبشار ;D ;D ;D

اتريد اجيبلك بعد شهود حبي وحبيبي يا ورده لوكافي هذوله ؟؟؟ وهسه النوبه فوكاها فجران دم للبايسكل هم لازم اتسويها  ;D ;D

بعدين جبار ابو الشربت ايكول زعلان على ابو نور لان ما اجا اشترى مني شربت رمان احمر اصلي  ;D ;D ;D


تحياتي

شمعه - كندا


مال بايسكل سهلة ..
بس الطلي مال سفر صعبة لان حتى لو جايبه ويايه هم جان خاس وعفن ومحد اجه عليه  ههههههههههههههه





ابو نور / تورنتو

157
اعذرني اخوية الغالي . لو عندي شي اكدر افيدك بيه جان ما قصرت . بس اني رحلتي من سوريا الى كندا وكان اطفالي اعمارهم 4 سنوات و 6 سنوات مع ذالك لم اسمع لهم صوت وهم ونيسي بالرحلة وتمتعنا بها بسببهم .

يعني بين قوسين همه الي صبروني على الجكارة .
تعرف 24 ساعه سفر وماكو جكارة  مره انام مره اضحك وياهم مره اسولف وياهم ومنا ومنا خلصت السفرة .
بس لا فكرت اشربهم شي ولا ابد .  مع العلم انه بنتي الصغيرة عمرها اربع سنين .وهي التي جعلت الرحلة سعيدة بالنسبة لي ولجميع الركاب .


ابو نور / تورنتو

158
هسه هيه مال دم لو مال طلي ..... لا اتخليني احجي هههههههههههههههههههه




ابو نور / تورنتو

159
ومنو كلك انته تكدر تشتغل زبال ؟؟؟؟؟؟؟؟؟؟؟؟؟
بالنسبة النه بكندا مو اي واحد يكدر يشتغل زبال .. يعني هاي مهنه او شغلة صعبة ومو اي واحد يكدر يشتغلها اله عنده شهادة خاصة وعلىيها شرط يحمل الجنسية الكندية وفي بعض المقاطعات ميقبلون اله ولادة الشخص اتكون في كندا .تدري ليش ؟؟؟ يكلك لان محد يدير باله على هذا البلد غير الي مولود بيه .
بصراحة شفايتلك لو تشتغل زبال  .بس اكول ان شاء الله ربك يحققلك هذا الحلم .

وتره ما بيها شي انته مو عبالك اتنازلت باقل عمل  هذا اكبر عمل ومو هين وسهل ...


ابو نور / تورنتو

160
حبيبي الغالي شمعة الوردة البايسكل ابخير وشايلني شيول خطية الله يحفظة ويحرسة . وان شاء الله يجيك احسن منه .

حبيبي الغالي وجاري القديم بشار الوردة ربي يخليك ويسلمك وان شاء الله اني بخير وصحة وعافية اتمنى من رب العالمين اتمر عليكم .

بالنسبة لسلبيات كندا اكو سلبيات عدى الي ذكرهن اخونة الغالي شمعه . وهي انه الحياة اخنا فري free جداً . يعني وخاصة بالبداية راح انلاقي صعوبة انه اطفالنه ايشوفون مواقف صعبة علينه ونحاول نبعد انظارهم عنها بس هذا واقع وسلبيات لازم نذكرها  وما عشناها قبل بحياتنه احنه مثلاً ........ بصراحة ما اكدر اذكر امثال بس انتو افهموها اختنه توتي فروتي اكو سلبيات بكندا وكل واحد واله نظره .
بس مع ذالك السلبيات هذه متوقف حياتك ولا تكون عثرة بطريقك في بناء مستقبلك ومستقبل افراد العائلة . .. ولازم نتجاوزها وكل واحد وشطارته وتربيته لاطفاله وعائلته ..طبعاً هذا الموضوع جدي ولازم نذكره ولو البعض راح يزعل منه ويكول يمعود بس خلي نوصل .
المهم  ...
البارحة واليوم اني مصيف ولابس شورت وتشيرت نص اردان وافتر بالبايسكل وما خليت مكان يعتب عليه فريت ميسيسوجا كلها بالبايسكل ورجلي دمرتني دمار من الفره  هسه الساعه 12 اله ربع جاي اطلع اني هم افتر بالبايسكل بس كلت خلي اشرب الي جكارة بره وارجع اجيب البايسكل واروح افتر بس من طلعت لكيتالدنيا كاعد تمطر وباردة مع العلم من طلعت اني نص اردان بس الجو حلو يخبللللللللللللللللللل وكفت اباب العمارة شربتلي جكارة شفتها اشوية شربت الجكارة الثانية يله ارتاحيت على هذا المطر والجو الحلو والي يخبل والي اتمناكم كلكم اتشوفوه ان شاء الله باسرع وقت .

زين ... نجي هسه لموضوع الاكل . وللاسف الشديد هنا محلات اللحم الحلال تستغل اصغر فرصة الها يعني ... لحم مذبوح على الطريقة الاسلامية بنفس المحل الي يعرض لحم ما مذبوح على الطريقة الاسلامية السعر يفرق دولار او دولارين وحسب الحجم يعني هذا ب 3 دولار ذاك الي مذبوح على الطريقة الاسلامية 5 دولار تقريباً .
اي ليش محد يعرف .. مجرد استغلال . هذا اذا كان صدق .
بالنسبة للمخضر والمواد الثانية لا عادي تكدر تلكاها باسعار رخيصة بس مو بكل يوم . يعني كل يوم خميس تلكه اباب العمارة جرايد بيها العروض لهذا الاسبوع . وهاي طبعاً بعض المحلات او الاسواق المعروفة  مثل ولمارت او فرشكو او اي كان . من توصلون تعرفوها .
شتسوي هاي المحلات او الاسواق تعرض مثلاً عرض لبعض من المواد .
مثلاً الشكر نشتريه ب الكيلوين ب 2.99 سنت يعني 3 دولار اليوم اجت الجريدة كمثال لكينه الشكر معروض بفرشكو ب 1.99 سنت لمدة يومين انروح نشتري كمية منه ونظمها حتى منشتري غالي .
والبيض مثلاً 2.99 سنت العرض ماله لمدة يومين او اسبوع او حسب يعني 1.99 سنت هم نكدر نشتريه ونظمه  .
وهكذا كل المواد يعني الي اله واهس ايفرق بالاسعار ويجوز ارخص من العراق وسوريا وكل البلدان العربية الاخرى .
والي ميكدر يشتري هم اكو جمعيات وكنائس مثل ما كلنا توزع اشكال وانواع من الطعام والمواد الغذائية الاخرى.
يعني قبل كم يوم رحت سجلت بكنيسة اتوزع مواد غذلئية .
انطوني معلبات من فاصوليا وحمص وعصائر ومعلبات لا تحصى وحتى ايس كريم ودوندرمة ونساتل وبساكت وخبز وصمون وطحين ورز بحيث الكاونترات والثلاجة انترست ترس ومحتار وين اخليهن .
ها وللعلم سالوني انته مسلم لو مسيحي ولو ان شاء الله ماكو فرق بس كل انسان الي بداخله يدفعه ..
المهم كلت الهم مسلم كالو يعني متريد لحوم كلت الهم لا كالو اوكي انطوني اشياء يعني كلت الكم احتاريت وين اخليهن بالبيت ...
الي يجي الكندا لا يفكر ولا يحتار بالاكل او بالمسواك بس اول ايام يفكر بيهن ويحسب الهن حساب بعدين لا عادي ينساهن لان يصيرن فد شي بسيط . اله اذا هوه كان مترهي واحواله زينه او يستحي ومياخذ . او ميندل وميعرف . واني بهاي الساعه اكون حاضر اذا ميندل بس يسألني ادليه واروح وياه او اعلمه شلون يوصل . وبعدين ان شاء الله وره ما يرتب اموره ويستقر ويشتغل صدكوني ايكوم هوه ميريد هاي الشغلات تدرون ليش ؟؟؟؟؟  ايكول خلي غيري يستفاد منها لان اني عندي واكدر اشتريها وما محتاج الها . طبعاً هذا الحجي للشريف ابن الاوادم .
خرب انه هسه غير يوكف المطر جان طلعت افتريت شوية ..
اي نرجع الموضوعنه .
موضوع العروض ..
قبل لا اجي الكندا جانو اصدقائي هنا يكولولي الايام تمشي بسرعة ومنحس بيها  اكلهم ليش يكلولي مندري الايوم يطب منا يطلع منا ولا كانه يوم كامل . مع انه الشمس اتغيب عدنا الساعه بالتسعة ونص يمكن بليل .
هسه عرفت ليش ...
السبب انه العروض والتكنلوجيا والتطور والحياة هنا سريعه لو تلحك لو متلحك يوميه شي جديد يومية عرض اقوى من العرض مال البارحة جرايد تشتغل بيها عروض اشكال الوان متلحك عليها ثاني يوم ايصير ارخص او اغلى او احسن او احدث او او او او او ..
اما الي ميهتم الهاي الشغلات راح يكول اني شعليه اني اريد اعيش مرتاح وبدون مشاكل وبدون قال وقيل بس اريد اخلص من الدول العربية . اكله تكدر عادي يصير بس مع ذالك مراح تخلص من العروض راح اتصير بيك سوله اتباوع الجرايد واتابعهن . ودور الارخص .

خرب انه بعدهي تمطر !!!! اريد اطلع ..
اي المهم ..
لحظة اروح اشرب جكارة واجيكم  بس كون متطفه الكهرباء ويروح الحجي الكتبته

اشاااااااااااااااااااه .
رجعت بس كلش صارت باردة واني طلعت نص ردان . وشمعه نايم هسه اني الك ان شاء الله بيتكم ينقط عليكم من المطر حتى اتحس بمعاناتي من اشرب جكارة بره  ههههههههههههههههههههههههههههه .
طبعاً اني ماجر بيت 3 غرف وعندي هسه غرفة زايدة وفارغة واكدر ادخن بيها بس مع ذالك اني ما ادخن بالبيت لان على اساس اريد اقلل من التدخين  ههههههه(( على اساس ))  .
بس الصدك قللت هواي يعني جنت بسوريا ادخن 3 باكيتات  ووصلت 4 هسه لا ادخن باكيت او اقل بشوية . يعني كلش كلش كلش زين بالنسبة القبل .


تذكرون موضوعنه القديم والطريقة الي لكيت بيها البايسكل .. نفس الطريقة لكيت بيها تلفزيون حجم 36 عقدة فلات رون  سوني يخبل .
وشغال وما بيه شي وهسه خليته بالهول همزين قبل لا اشتري تلفزيون جديد . وميزه وياه هاااا مو عبالكم اشتريت ميز جديد مال تلفزيون هههههههههه . ومسافه 20 متر عن بيتي . يعني كانما جايبه بتكسي .

بالنسبة للمدرسة . كاعد اداوم ودراسة حلوة وتعليم مفيد .
ها بالمناسبة .
اليوم عدنه بكندا مميز اسمه يوم الارض ... Earth Day
يعني هذا اليوم الناس تهتم بالارض الي عايشه بيها وتنظفها وتعتني بيها وتقلل من استهلاك الطاقه الكهربائية وتقلل من صرف الوقود واتطفي الكهرباء على الاشياء الي متحتاجها واكو وقت الي هوه الساعه 11 الصبح الناس اتطفي حتى التلفزيونات والاجهزة الكهربائية عامة ومنها الاضوية وكل شي تضامناً مع هذا اليوم .
واحنهاليوم بالمدرسة وزعولنه اجفوف لايلون لبسناهن وطلعنه بره بالشارع انظف الكاع انشيل هل الاوراق والقواطي ان وجدت محاولة لتنظيف اكبر عدد ممكن من الارض . والاطفال بالمدارس نفس الحالة طلعو بره ولبسو جفوف بديهم ونظفو يعني لو كل واحد شالة قطعه مو بمكانها معناها صارت الكاع انظف ب 33 مليون مره والصراحة اني اشتغلت بكل حيلي لان هاي الكاع تستاهل واحد ينظفها .
هسه غير يوكف المطر ...

يله بعدين انكمل لان الكيبورد راح يخلص هههههههههههههههههه





ابو نور / تورنتو

161
الله يكون بعونهم ويفرجها عليهم يارب .



ابو نور / تورنتو

162
أني أخوكم عضو قديم ونسيت الباسورد مالتي وصار عندي خلط من دارجعه وصرت عضو جديد ساعدوني بس ارجع عضويتي القديمه الي هي باسم alqaragulli وشكرا جزيلا


اكتب موضوعك بقسم ( سجل الزوار و باب الاقتراحات ) حتى تشوفه  الادارة

 هنا منو راح يجاوبك الادارين الي كل سنة كبيسه يدخلون مره  للقسم

هههههههههههههههههههههههههههههههههههههههههههههههههههههههه

163
اسبيرو وصلت الفكره 
واول جمله بردي كتبت 
اني ضد الياخذون مساعدات وعدهم امكانيه

دزمند 
يمكن  اني توفقت وانقبلت ويمكن اسافر قبلك لان حبيت الخير لغيري مثل ما حبيت لنفسي 

وبالمناسبه ماكو ضحك بالموضوع 
بس اني جاوبتك بنفس الاسلوب الدتستخدمه ويايه

وشكرا وتصبحون على خير

+ 1



+1


ابو نور / تورنتو

164
ههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههه
ههههههههههههههههههههههههههه
هههههههههههههههههههههههه
ههههههههههههههههههههه
هههههههههههههههههه
ههههههههههههههه
هههههههههههه
ههههههههه
هههههه
هههه
هه
ه


عاشت ايدك شمعه على هاي الشغلة ههههههههههههههه

165
الغالي العزيز الوردة كوندا الف الف الف الف الف الف الف الف مبرووووووووك وصولك بالسلامة وان شاء الله يارب تحقيق كل الاماني وترتاح انته وعائلتك الكريمة بارض الاحلام بحق كل الانبياء الاطهار .
وان شاء الله يوم الي لكل المنتظرين السفر ويرتاحون ويخلصون من هموم الانتظار والملل .

ان شاء الله نسمع اخبارك الحلوة والمفرحة باسرع وقت يارب ...



ابو نور / تورنتو

166
هلا بعبادي الغالي  .
يمعود ليش مختفي شنو قضيتك .
شو صاير متزيد عن الحجايتين ؟؟؟ شنو مسوي اقتصاد بالحجي لو ريجيم مال حجي ؟؟؟؟ ههههههههههه
مشتاقيلك يا غالي ونتمنى نسمع اخبارك الحلوة باسرع وقت يارب .



ابو نور / تورنتو

167
الله يحفظهم يارب

ويحفظك ويسهل امرك يا غالي ويارب تسافرون باسرع وقت وتوصلون بالسلامة



ابو نور / تورنتو

168
اليوم رحت استلمت حصة غذائية غير ذيج الحصة الاولى من مسلم ولفر  . هاي من كنيسة واسمها فود بنك .
ما شاء الله حصة كووومة بحيث الكاونترات انترست كومة بعد ما احتاج الاي معلبات منا الى شهر .
يعني اني جنت محسب المسواكات اسعاراها غالية جداً بس هسه افتهمت هواي شغلات وطبعاً وحدي افتهمتها وعرفتها محد كلي عليهن لان هنا حتى لو عندك اصدقاء ومعارف مراح يعلموك كل شي لازم انته تفتهم وتعرف وعلى كولتنه العراقيين (( تتخشخش )) .
المهم الكنيسة هاي رحت اليوم سجلت بيها وراساً وره ما سجلت انطوني ورقة كالولي روح استلم حصة واحنه نشكرك واسفين لان سألناك هواي اساله وتعبناك من الانتظار . معه انه كل انتظاري جان 2 ساعة ويه الاستلام مال حصة .الله يرحم ايامج يا سوريا .
المهم رحت استلمت الحصة ورجعت للبيت . هااا هذا الحجي اني جايب ويايه جنطتين وحدة ام (( الجروغ )) ووحدة هاند باك عبيتهن تعباه بالكوة ورجعت للبيت ... وحتى ايس كريم هم انطونه (( موطة )) .
المهم .
يعني الي يجي هنا ميحتار بالمعلبات والجاي والشكر والقهوة وهاي الاشياء بس بالبداية يدوخ بيهن ... وبعدين يشوفهن سهلات ماكو اسهل منهن وميحسب الهن حساب حتى لو جاي كفالة كفالة خماسية او كنائسية او اي جية المهم يوصل بالسلامة ..

واني حاضر لاي سؤال وبالخدمة .
اي شي تردون اتعرفو اسالوني عليه منا الى ان يجي ابو حمودي ( الفريدو الغالي )



ابو نور / تورنتو
 

169
حبيبي الغالي بشار الاسد .. العفو قصدي بشار ابن الجامعه الغالي .
ان شاء الله يارب ايسر امرك وامر الجميع وتجون هنا وتخلصون من الهم الي انتو بي يارب يوفقكم وترتاحون مثل ما خلصت اني وارتاحيت .

وبالنسبة الشغلة المواضيع هاي سهلة وداعتك وشتريد اني حاضر الاي سؤال بس كول وادلل شتريد احجيلك .



ابو نور / تورنتو

170
ان شاء الله يارب باسرع وقت تجون .هلا بالاخت هيفاء حمد لله على السلامة .



ابو نور / تورنتو

171
هاي صور الجهال شوفو شلابسين حتى يصير الكم واهس تجون وتكتبون بالصفحة .
بعد غير مقبول الغياب المستمر .



ابو نور تورنتو

172
اي والله صدك UP   
شنو القضية وينكم يمعودين .

اخواني رائد وخليل ان شاء الله ربي يسهل عليكم يارب وتسافروني باسرع وقت .
تعذروني ما اعرف عن تركيا شي ولو اعرف كان ساعدتكم  . بس ان شاء الله ما بقالكم شي . حسب الي انشوفه
وان شاء الله عن قريب اتفرحونه بخبر حلو وبموعد سفر .



ابو نور / تورنتو

173
شك عيني شك .
بس اول شي البس الملابس القديمة لا اتشك الملابس الجديدة حرامات .





ابو نور / تورنتو

175
اقتباس من اسامه الهاشمي

وينه شمعه طبعاً يمكن شمعه فرار من الجيش الكندي هههههههههههههههه .



اخويه اسامه ليش تتحارش بيه ؟؟؟؟ هاااااااااااااا  ....  هاااااااااااااااااا ... بدت الحرشه ؟؟؟ هاي يعني انت على اساس جديد  ;D ... شلون جديد يتحارش بعتيك ؟؟ ليش انته ما تدري أنا بالقوات الخاصه ؟؟؟ ;D ;D ... ولا تنسى تره الفريدو بالثلجيه .. العفو قصدي بالبحريه ;D


اكعد راحه ولا اتسوي وكاحه  ;D


تحياتي

شمعه - كندا



حبيبي الغالي شمعتنه الوردة هلا بهل طلة وينك يمعود .
هاي شنو طلعت بالقوات الخاصة ؟؟؟ لعد اني البارحة شفت الحزب طب على البناية مالتكم عبالي جايين عليك ههههههههههههه.
والفريدو شنو بالثلجية . يمعود اني ادري بيه راح يصير رئيس الحكومة ويريد يسوي كالكري اقليم وحده ... هههههههههه .

يارب نسمع صوته وان شاء الله سالم غانم اخونة الفريدو .




ابو نور / تورنتو

176
ان شاء الله يارب يجي وباقرب وقت .
ماكو شي عند الله بعيد .
بين يوم ويم تنحل وتخلص .
والله اجتي ايام ايست وكلت بعد ما اتصور راح اسافر لان الشغلة صارت شبه مستحيله ووضع سوريا شبه منتهي
بس الحمد لله فضل رب العالمين وفضل دعاء الناس الطيبة صارت وخلصت ووصلت بالسلامة
ان شاء الله يارب يوم الي الكم وترتاحون من هم الانتظار والصبر الي يملل ويبزع .


ابو نور /تورنتو

177
مساء الخير اخواني وخواتي

احب اشكر الاخ اسامة عل المواضيع اللي دايكتبها وينزلها بصراحة كلش مفيدة 
بس باقي نجي لكندا حتى انطبق اللي حجيتا مانحتاج اي دليل هههههه
الله يبارك بيك ويكثر من امثالك ويوميا ادخل للموقع اكثر من مرة بس حتى اشوف
اخ اسامة شكاتب اليوم
               تحياتي

ادللي اختي هيفاء .
اني هم كنت سابقاً ادخل المنتدى واتصفح بمواضيع الاخ الغالي الفريدو وستفاديت كومة منهن وهسه وصلت والحمد لله .
ان شاء الله يوم من الايام راح توصلون بالسلامة هنا وهم تكتبين عن رحلتج .
دعائي لكم  بالوصول الى كندا بسلامة .


ابو نور / تورنتو

178
تسلم عيني ابو نور الوردة على هذه المعلومات القيمة
وأن شاء الله بالتوفيق وتحقيق الاماني

ابو أسيد / دمشق

ادلل اخوية الغالي ابو اٌسيد الوردة وان شاء الله عن قريب تخلص من الدول العربية وتسافر بحق الحبيب محمد .


ابو نور / تورنتو

179
بس اخوان مدا افتهم شنو قصدكم من شغلة المطافر اعتقد الاخ بلغ الكل بوصول الفيزا وحتى جان خايف من شغلة القمة لان صادف سفره وياها واذا كان القصد شي ثاني فبعد ما اعرف
ام ديما



ههههههههههههههههههههههههههههههههه
ليش ما نشرها بالجريدة لعد شو محد قراها لا بالجريدة ولا طلعت بالاخبار ولا بالاعلانات

ههههههههههههههههههههههههههههههههههه




ابو نور / تورنتو

180
صباح الخير ...

اني رايح للمدرسة عندي دوام ...

حلو هذا الموضوع مال البارحة هههههههههه




ابو نور كندا

181
صباح المساء الخير ...
اليوم راح اسولفلكم على موضوع ظريف شوية هنا بكندا .

مثل ما كلنه اكو محلات ومولات راقية جداً وضخمة جداً ... وكلنه اكو محلات مال بالة يعني مال اغراض مستعمله من ملابس واجهزة كهربائية والكترونية واثاث منزل بكل الانواع والاشكال . ((اكو ناس تكدر تشتري منها واكو ناس متستقبل هذا الشي)). كل واحد براحته اعتيادي . بس احنه نحجي على الموضوع بشكل عام .
المهم ...
هاي المحلات متشتري الغراض طبعاً لا تاخذها مجاني . منين ؟؟؟ . الناس اتجيب الاغراض الزايدة عدها ومتريدها  اتذبها ابمكان خاص يم المحلات مال البالة اهل المحلات ذني ياخذوني الاغراض هذي ينضفوهن او يغسلوهن او يفحصوهن ويرتبوهن , حسب نوع الحاجة , ويصنفوهن ويسعروهن , ويعرضوهن للبيع.. الاسعار احياناً اتكون مناسبة واحياناً اتكون مناسبة جداً واحياناً اتكون غالية واحياناً اتكون غالية جداً .. يعني المفروض الواحد ميشتري رائساً لازم يتاكد من سعر الجديد ويعرفه يله يشتري من الباله .
طبعاً مو هذا موضوعنا .
موضوعنا انه بايام العطلة الي هذه المحلات اتعزل .الناس هم تجي اتذب اغراض زايدة عدهم بالمكان المخصص . واهل المحل امعزلين . الناس شتسوي تروح تاخذ الي يعجبها وبلاش المهم الحاجة ما طابه بعدهي للمحل الك حق تاخذها .
هاي وحده ..
الثانية ..
كل بناية اكو بيها حاويات نفايات اكيد .. بس اكو مكان ثاني هم بس بعيد على النفايات هذا المكان هم اهل العمارة( السكان )  يذبون الاشياء الزايدة عدهم وميحتاجوها من اغراض واجهزة  ومن يجون يذبون الاجهزة او الاغراض هم يقلبون بالاغراض الموجود يعني يذبون فد شي واذا يشوفون فد شي يفيدهم ياخذوه ما بيها عيب ولا ابد وكل شي تبقى كم يوم الى ان تجي سيارات خاصة اتشيلها اذا بقه بيها شي . طبعاً السيارات تابعه للمحلات مال باله الي كلنه عليها بالبداية .
بس هذي الاغراض مو فد شي عادي او وصخ او تعبان .. لالالا بالعكس اشياء نظيفة ومرتبه ويمكن ينظفوها ويغسلوها ويرتبوها يله يذبوها يعني مثلاً تلكه تلفزيون حديث مرتب حجم 50 او 40 او اقل واي نوع شغال وما بيه اي شي .
يعني كمثال ...
قبل كم يوم جنت ادور على بايسكل اريد اشتري افتريت محلات ومولات هواي باوعت انواع البايسكل غالية يعني 300 او 400 $او اكثر او اقل بقليل لكيت نوعية مال بايسكل رخيصة ويعني لا باس بيها . كلت هاي هيه راح اشتريه بس مو اليوم الباجر . كلت حتى ارجع بيه بدون ما اركب سيارة .
رجعت للبيت من وصلت للبناية مالتي باوعت لكيتهم ذابين ويه الاغراض بايسكل من هذا الي سعره 420 دولار رحت قلبت بيه شفته تمام وما بيه شي عبالي واحد واكف كاعد يدور بالاغراض باوعت التايرات فاشة مالته كلت خلاص ليش اشتري جديد .. اخذته ورحت للبيت وثاني يوم اشتريت بم ب 2$ ونفخت التايرات وصار هسه تمام وعال العال ووفر عليه مصاريف زايدة هواي
بس تره بعدني ما طالع بيه لان بصراحة استحي ...  اشوف نفسي مو مال بايسكل هههههههههههههه . بس بالبداية هاي بعدين عادي .
يعني عدهم الشي الي انته متستفاد منه ذبه بس بمكان مخصص حتى اذا واحد شافه ويحتاجه ياخذه وانته اذا محتاج شي وتلكاه يم الاغراض اخذه
وبعد وبعد هواي شغلات كومة بهذا الموضوع وما عدهم عيب بيه او اشمئزاز او استنكاف
ها بالمناسبة حتى الغني الغني عدهم عادي اذا شاف حاجة وتفيده هم ياخذها . عادي ... بس اذا واحد يكول لا اني شنو هاي الشغلات اخذ منها اروح اشتري جديد بكيفه يكدر عادي بس اني بالنسبة اليه مراح اشتري بايسكل لو تنكلب الدنيا هههههههههههههه .
عدهم هنا . دائماً الشي الي متستفاد منه حاول انه اتخلي غيرك يستفاد منه . واني طبعاً اليوم قمت بهذا العمل بس بصعوبة .
يعني قبل شوية رحت بشغلة مستعجلة ركبت باص ورجعت كل الوقت ما صار ربع ساعه بقه هواي وقت بالبطاقه مال باص من وصلت شفت ناس واكفين منتظرين الباص بالكوه حجيت وياهم لان استحي بصراحة كلت الواحد تحتاج البطاقة كلي لا شكراً عندي شهرية  ردت افشل اله شوية واشرد .. بنية جانت كاعده بالمنطقة كامت كالت اي اني اريدها كلت الها اتفضلي اخذتها وكالت شكراً حسيت نفسي سويت شي صح بحياتي ويمكن هوه هذا الصح الوحيد بحياتي لحد الان !!!!!!.

الله عليكم لا اتكولون عليه هذا يمكن عتاك هههههههههههه بس هذا الموضوع محد حاجيه لانه يمكن البعض ايشوفه موضوع مو بمحله او يفشل يحجي بيه  بس صدكوني اريدكم اتعيشون الحالة ويايه بالضبط وان شاء الله كلكم اتعيشوها بالحرف الواحد في يوم من الايام .


وينه شمعه طبعاً يمكن شمعه فرار من الجيش الكندي هههههههههههههههه .



ابو نور / تورنتو

182
الاخ اسامة الهاشمي
شنو اخبار العشر دولارات مالتك طلعتها من الكانطور لو بعد؟

شسوي بيها اطلعها من الكنتور خليها تبقى ذكرى جبتها من سوريا من اروح زيارة للعراق بعد 50 سنة من اتصير الاوضاع زينة (( هاي اذا صارت زينه )) عود استفاد منها .


ابو نور / تورنتو

183
شكراً للاخ شمعه مبادرة حلوة انه نبهتني على الملاحظات الاساسية المهمة لانه اني بعدني جديد وما منتبه انه كل محطات انتظار الباص نظيفة  :D :D :D :D عبالي وصخات  ;D ;D ;D ;D ;D ;D

ها واكو ملاحظة ثانية هم كلش حلوة بعض الناس يصعدون بالباص يردون يرجعون للبيت فمن يصعد السايق ينطيه تكت اعتيادي والتكت بيه ساعتين مثل ما كلنه .. وهو راح يوصل بربع ساعه وبعد ما عنده طلعه  فشنسوي انذب التكت بمحطة انتظار الباص لان بيه بعد وقت احتمال يجي شخص يستفاد منه ابدال ما يشتري تكت ثاني .
قبل يومين نزلت من الباص ونزلت وحدة ويايه وكان اكو ناس واكفين يردون يصعدون فهذي المرية راحت تتوسل بيهم منو يريد التكت ما احتاجه بالاخير اخذته وحده من عدهم وكالت الها شكراً .
ها ومرات شخص ما عنده من يصعد يكل لابو الباص تره ما عندي يكله اصعد ولا يهمك اكو متساهلين هواي .

وهسه شمعه هم يكمل اذا اكو اشياء ناسيها




ابو نور / تورنتو

185
صباح الخير .
طبعاً النظام بكندا فد شي مو حلو لالا لالا..
كلش كلش كلش حلو ... ويمكن بعد اكثر  .
بحيث من ينتهي الدوام مال مدرسه تلكه اكو ناس متطوعين بالشارع ينظمون السير ولو هوه السير بالاساس منظم بس حرصا على الجميع يوكفون متطوعين وهمه من كبار السن  يعني بالعراق انسميهم المتقاعدين هههههههههههههه يوكفون ايساعدون الناس  بالعبور تحسباً لاخطاء هيه بالاساس غير موجودة .
اي اليوم خلي احجي على الباصات بس .
التنقل اهنا كلش غالي يعني التكت  مال باص تاخذه سعره 3.25 دولار .... بينما اذا اشتريت تكتات من المحل يصيرن ال خمس تكتات ب 13 دولار يعني ارخص .. او اذا اتريد تشتري بطاقة اسبوعيه وسعرها يكون ب 29 دولار او اقل يعني اني ذاك اليوم اخذتها ب 22 دولار والسبب لان فات الصبح ومحد اشتراها يعني قلت فائدتها لان تشتغل جانت من يوم 2 بالشهر لغاية 8 بالشهر .. اشتريتها اني يوم 2 بالشهر بس وره الظهر .. اذا بقت لثاني يوم ايجوز ينزل سعرها الى النصف .
بس الي يجي الى كندا اول ايام وبعد ميستقر ابيت اله خاص لازم يشتري من البطاقة الاسبوعية .. لان اتفيده بمشاويرة المستمرة
حتى لو يكول لا ما عندي مشاوير اكله لا اكو عندك ليش لان بيوتنه بعدهي فارغة ونحتاج كلشي يوميه او كل شوية تذكر شغلة وكل ساعه رايح جاي واتدور على مكانات رخيصة وزينه فلازم تشتري بطاقة ام الاسبوع بالبداية اتمشي بيها امرك او ام الشهر . اني بالنسبة اليه اشتريت ام الاسبوع مرتين .
وهسه مخلص ما عندي رحت اشتريت تكتات بس اليوم صارف تكتات ب 10 دولار يعني يوم واحد تكتات بعشر دولارات بينما كنت اسبوع كامل ب 22 او 25 دولار .
نظام الباصات هنا عدهم يشتغل هم على الثقة .. يعني
انته صعدت انطيت افلوس او كرت تكت . السايق راح ينطيك تكت هذا التكت راح يشتغل عندك لمدة ساعتين اتروح اتكمل شغلك وترجع قبل الوقت لا يخلص لازم .. اذا خلص الوقت الي هوه ساعتين بعد ميشتغل عندك التكت لازم تنطي بعد افلوس او بطاقة تكت شلون يشتغل عندك التكت . من صعدت اول مره وانطيت فلوس او بطاقة تكت ونطاك السايق تكت بيه وقت كلنه ويخلص التكت هذا الوقت ساعتين مكتوب بالتكت لازم من تصعد مره ثانية بالسيارة نفسها او غيرها لازم اتراويها الى السايق . السايق ميركز بيها اصلاً .. ليش .. لان انته صادق مو كاذب .
اكو ناس يكلك لا اني اصعد واغطي التاريخ او ما اشوفها اله بالضبط هيج بس اطلعها كلاوات .
مو مشكلة يجوز تمشي ... بس هوه كاعد يتعامل وياك بالثقة .
يعني اني اليوم طلعت وبالرجعه لحكت على السيارة بالكوة جاي اتحرك فركضت عليها وكف هوه وتاناني من وصلت اله طلعت التكت وبيدي غراض وهوسة فما كدرت افتح التكت واشوفه الوقت كلي فوت ابويه ماكو داعي المهم انته تدري بوقتك يعني يتعامل وياك بالثقة انته تدري بوقتك صح اذاً انته صح مراح يتخايلك انته كذاب ولا يتخايل انته اتريد اتقشمره ابد . وفوكاها يتشكر منك ويسلم عليك ومن تنزل هم يكلك تصبح على خير ويبتسم بوجهك ... نفس ابو الكية عدنه بالعراق  ???
ها طبعاً كل سيارة مجهزة بكل الادوات اللازمة للمعاقين ولكبار السن .
يعني ...
اذا رجل كبير بالعمر يريد يصعد راساً السايق ينزل السيارة اله يوصلها بمستوى الرصيف تقريباً او اذا طفل يريد يصعد او عربانة طفل او او كل حسب الحاجة الها . واذا عربانة معوق اتريد تصعد يعني شخص معوق يريد يصعد ووحده هوه شيسوي السايق ينزل السيارة للرصيف وبعدين يطلع ممر الى العربانة يعني حديدة بليته شلون الرمبة الي انزل السيارة بيها بحيث المعوق الي بالعربانه يصعد كبل عبالك كاع عدلة .. وميحرك ابو السيارة اله المعوق او الطفل او الكبير بالسن يستقر ويكعد بمكانه .
الكنديين بيهم طبع يحبون الوكفه بالممرات يعني الباص حتى لو فارغ تلكاهم واكفين بالممر بس اذا صار ازدحام كلش لا تنترس الكراسي . دائماً يخلون مكان فارغ لكبار السن والاطفال .
لان المعوقين مكانهم معروف محد يكعد بيه وحتى اذا واحد كعد بيه من يطب معوق كلهم يكومون وبدون تردد .
بالمناسبة الاطفال ما محسوبين بالتكت او انته ابكيفك اتريد تنطي تكت الهم خاص او متريد تنطي بكيفك هاي بس اذا طفل فوق العشر سنوات لا يمكن يحاسبك السايق ويكلك هذا محتاج تكت .اما اذا خمسة او سته او سبعه او ثمانية لا ابد ميحجي وياك بالعكس ينزل الهم السيارة بالصعدة وبالنزلة بس مرات الشخص يريد يعلم اطفاله على النظام وعلى اعطاء التكتات يشتري للاطفال تكتات خاصة وبسعر ارخص حتى ياخذون لانص عليها .
ها وحتى تكتات كبار السن هم تفرق بالسعر يسموها سنيور .سعرها ارخص من التك العادي .
بس تردون الصراحة اني عجبتني البطاقة ام الاسبوع لان احتاجيتها هواي وفتريت بيها هواي بدون ما احسب للوقت  يعني من اروح اتسوك براحتي ساعه ساعتين 3 او 10 اني عندي بطاقة اسبوع المهم .
هسه اكو بالاسبوع ايام عطل ... الباصات بيها اتقل مو مثل الايام الاعتيادية يعني بالايام الاعتيادية الباص كل 10 او 5 او 15 دقيقة هوه يمك  بالزايد وابعد منطقة 15 دقيقة الباص يجي اكو باكثر المناطق مال الباص لوحة بها انواع الباصات الي اتمر منا وبيها خريطة كاملة ومفصله وبيها جدول لقدوم الباص . يعني اتباوع على ساعتك وتباوع على الجدول وتعرف الباص بعد شكد يجي خمس دقايق او سته او عشرة تعرف من خلال الجدول .. وتره الجدول مضبوط 100% يعني باللحظة والثانية يجي الباص .
مرات اتشوف الباص يوكف بالمنطقة مال باص ومحد موجود اتكول ليش واكف .. ومحد موجود . السبب انه وقته بعد ما سامحله بالتحرك يوكف لان اكو ناس ابالها الباص يجي بالعشرة ضبط وهسه الساعه بالعشرة اله دقيقتين لازم يوكف دقيقتين الباص خاف واحد محسب هيج حساب .
يعني الباص لا يتاخر ولا يتقدم عن موعد وصوله . حتى اذا اتقدم راح تلكاه يوكف الى ان يحين موعده يله يمشي . مرات ناس تجي تتمشه مع انه الباص راح يطلع ومحد واكف سره عليه ويمشي الباص خطوتين ويوكف بترفك لايت لان كل وكفات الباص تره يم الترفك لاين هيج نظامهم يجي هذا الشخص الي جان يتمشة من الباص جان واكف . لو تطلع نخلة براسه السايق مراح يفتح الباب يكله على التالي انتظر .
بس مرات السايق من يشوف الشخص صادق ويريد يوصل للباص بسرعة لا ينتظره .
يعني اني اليوم عبور الشارع جنت واجه الباص الي اريداركب بيه بس الاشارة مال مشاة جانت حمرة ما كدرت اعبر بس اشرت اله وجني مستعجل وجانت اشارته هوه خضرة وكف خطية وتاناني الى ان عبرت وركبت فوكاها يكلي شكرا الك ويبتسم ويتعذر لان خلاني اركض بالعبور مال شارع  كتله رحم الله امك وابوك قابل انته جاسم ابو الكية مال باب الشرجي . ومن نزلت طبعاً باب النزول يصير الباب الخلفي بس اني بليل احب انزل من الباب الامامي اذا كانت سائقه تدرون ليش ؟؟؟؟؟؟ . حتى السايقة اتكلي كد نايت .ههههههههههههههههه وتبتسم وتكلب الدنيا كلاب اتكول اني ابو السيارة (( الملاج )) .
طبعاً للعلم اكو سواق مو خوش يضوجون . متنكين ووجوهم اتكول عبالك جايبيهم غصب . بس ذولي قله .
بعد شنو شكو بالباصات .
ها طبعاً التدخين اكيد ممنوع بالباصات وبكل مكان ما عدى الشارع ... هذا موضوع التدخين موضوع ثاني . بعدين نحجي عنه بس اني ذكرته لان اليوم خلصت اخر جكارة جايبها من سوريا واشتريت اول باكيت كندي وحسيت بالظيم هههههههههههههههه....
كافي اليوم تعبت الباجر موضوع جديد ان شاء الله .





ابو نور / تورنتو

186
                          السلام عليكم جميعاً

اخواني اخواتي شلونكم شخباركم انشاءالله الكل بخير وعافية والله يسر امرنا جميعاً

   يمعودين اخواني وخصوصاً شمعتنا المنور وابو نور الهاشمي شوفولنا عرابنا الفريدو ابو حمودي الغالي وين تره صدقاً بالنا يمه وما عدنا تواصل وياه غير المنتدى والجمعية الحلوة انشاءالله المانع يكون خير .. عمي واذا ما عدكم رصيد احوللكم من الغندور او من محفوظ بس خابروه وسلمولنا عليه وكولوله اخوتك يسألون عليك ....



   اخوكم  بشار


حبيبي بشار الغالي .. االباجر ان شاء الله اجيبلك الخبر الاكيد ... ويارب يارب يارب .. ان شاء الله المانع خير .. والشغل ماخذه من عدنه وان شاء الله يرجع معانا باسرع وقت .؟


ابو نور / تورنتو

187
الاخ الحبيب ابو نور الوردة ..... لقد اسعدني كلامك حول الشغل ورغبتك الشديدة بالالتحاق بشكل تستطيع ان تبدي به حياتك المهنية دون الاعتماد على اي شخص هناك سوى رحمة الله وفضله .
كما اسعدني وأصابني بالاندهاش من البرامج التي تضعها الحكومة الكندية لضمان مستقبل الاطفال الدراسي من خلال توفير مبالغ لهم لحين بلوغهم سن الثامنة عشر . وعندما نرى ما يحل باطفالنا بالعراق أو بدول المهجر المجاورة للعراق يعتصر القلب وينزف دماً لحالة الطفل العراقي وهو ينشأ بدون ضمان لمستقبلة و لا هو يعرف ماذا سيحل به في مستقبله .
أحياناً أفكر وأقول مالذي يجعل الانسان محباً لوطنه هل هي الاطلال والبنايات والشوارع فقط ؟ أم لما يلاقيه الانسان من رعاية من بلده
ما زلت لحد الان أتذكر ابني الكبير وهو يسرد لي ما رأه وهو راجع من المدرسة ويقول لي : أبي أبي لقد رأينا جثة ملقاة في الشارع أمام باب المدرسة أو يسرد لي بأن بعض المسلحين دخلوا للمدرسة وهددوا بعض المدرسين ويفرضوا عليهم أن يدرسو كذا وأن لا يدرسو كذا
تصور  طفل يرى هذه الاشياء كيف ستكون نشأته ومستقبله حينما يصبح شاباً

وغيرها الكثير وممكن القاري يحفظ قصص أخرى عن معاناة الاطفال ما هو أشد ألما من هذه القصص .
 ولكن ماذا نقول .... حسبي الله ونعم الوكيل
انا أعتبر الوطن هو المكان الذي تستطيع  أن تعيش فيه بكرامتك كونك أنسان وأن حكومتك هي الحكومة التي تفكر بمستقبلك ومستقبل أطفالك أكثر مما أنت تفكر بهم .
تقبل تحياتي
والى المزيد من النجاح والتوفيق .
أخوك السنونو ابو اسيد / دمشق


اخي العزيز ابو اُسيد الغالي .. اشكرك كل الشكر .. اتمنى يا اخي ان اعمل باسرع وقت ولكن لدي عقبات كثيرة يجب ان اتجاوزها واولها اللغة لكن مع ذالك راح اجرب حظي بهاي الشغلة بلكي الله تنفعني ..
وانته تعرف بيه اني متعود على الشغل لفترات طويله ميهمني الملل او الكلل ومستعد ابقى ساعات طويله بالعمل . ان شاء الله يارب يسهلها عليه باسرع وقت .. ولو تره اني مرتاح حالياً واكدر ابقه بدون شغل لفترة بس اني اريد اتحرك لان الملل من الكعده والفرفرة بده يصيبني اريد اكون نفسي بوقت سريع .. لو الحك لو ما الحك ههههههههههههههههههههههه .
مختصر مفيد اني مو مال كعده احب اشتغل واتحرك .. يعني بسوريا جنت خارج البيت تقريبا 15 ساعة والبقية مال يوم داخل البيت او بالمسواق فصعب انه ابقى كاعد حالياً بدون عمل بس ان شاء الله ربي يسهلها واشتغل باسرع وقت

محتاج دعائكم ويايه .. ودعائي وياكم

وان شاء الله يارب يفرجها عليكم وعلى الكل وتسافرون باسرع وقت بحق كل الانبياء والمرسلين .



ابو نور / تورنتو

188
هاي همين رجع شمعة منورة اهنا هاي اشلون مشكلة   >:(
ابو حمودي مشتاقين وبعنف شديد والله اشو مختفي من الايميل

ابو نور الله يحميلك البنات الحلوات ويتربون ب عزك ان شاء الله
والله يساعدك على جيرانك عرفت منو اقصد مو  ;D

الفريدو الورد اشو مختفي عمي ان شاء الله الامور كلها تمام

بشار صديقي وبعدين ويه قدسيا يعني طلعنا بيه اقامة دائمية
وفوك القهر همين كفيل ماعدنا بيها ان شاء الله تفرج عليك اخويي
وتسافر اليوم كبل باجر

تحياتي لجميع اخوتي واخواتي

ههههههههههه اخوية الغالي داراك .. اعرف منو قصدك . بس تره ورده مال الله شمعه  يعني مو بس شمعه منوره .. لا لا لا هوه ..شمعه فله وردة منورة ههههههههههههههههههههه
ربي يسلمه ويحفظه
ويارب كلكم توصلون باسرع وقت وترتاحون وتخلصون من هم الانتظار وهم سوريا والعراق وكل الدول العربية .
شنز هاي مال كفيل انوب .. يردون كفيل بقدسيا لو شنو ..
قابل هيه كندا لو شنو .



ابو نور / تورنتو

189
نحن هنا ابو نور جماعة عمان صامدوووووون تحية وسلام لك وهذي الصور الحلوة للبنات الله يخليهم ويحفظهم
المعلومات طبعا مفيدة لكل شخص يصل الى كندا
تحية لك وللعراب ابو احمد (الفريدو) يمعود انت قريب عليه خابرة ترة ابو احمد شخص قل ماتجدة في العالم
انشاء الله التوفيق في الحياة الجديدة






ابو هيا______الاردن


حبيبي الغالي ابو هيا الوردة ...
ربي يسلمك ويحفظك يارب . وان شاء الله باقرب وقت توصل كندا .
والله اول ايام وصلت الكندا اتصلت على الاخ الفريدو وما حصلته مرتين طلعلي المجيب الالي .
وهسه تلفوني مخلص شحن الي بيه كل الارقام الي خازنها اني بسوريا وطبعاً ما عندي تحويله امريكيه لان ما جبت ويايه اي جهاز من بره كندا ما عدى الموبايل ... بس الباجر راح اروح اجيب التحويله حتى اشحن الموبايل واطلع رقم الغالي الفريدو ابو احمد واخابره واشوف شنو القضيه وان شاء الله المانع خير واحتمال هوه ملتهي بالشغل ومكاعد يكدر يفتح نت ان شاء الله هيج.
والصحيح انه هوه مو قل ما اجد منه بالعالم بل .. هوه شخص ليس موجود منه بالعالم ابداً .. لكرمه وطيب اخلاقه وصبره وثقته العالية بكل الناس .
ربي يحفظه ويسهل امره ويرزقه ويبعد عنه كل مكروه وشر ..
وتريد الصدك ابو هيا .. اني متفائل بالفريدو من جنت بالعراق واول موضوع اليه بهذا المنتدى هوه بهذي الصفحة لمدح الاخ الفريدو واخلاقه وحبه للناس . وسبحان الله من العراق الى سوريا هوه دعالي بسلامة الوصول وساعدني ووكف ويايه حتى لو بالكلمه الطيبة وبعدين من سوريا طلعتلي كندا سبحان الله .. ومن سوريا الى كندا هوه حجالي وفهمني ووجهني وطمني ودعالي كووووومة بالوصول بالسلامة والحمد لله اني هسه بكندا .
وطبعاً مو بس اني هواي ناس تحجي هذا الحجي نفسه وهواي ناس ساعدها وحتى اكو ناس ساعدها مو بس بكلمة طيبة لا اكثر من هذا ..
واني هسه والله مرات اتصير مواقف ويايه راساً اتذكر الاخ الفريدو واكول هوه جان كاتب هيج وهيج .. ونفس الكلام الكاه يطبق بالواقع ... ومن ظمنهن هذا البرنامج مال دراسة الاطفال الي شرحته والي الاخ الفريدو جان كاتب عنه شي مطول السنه الي فاتت .
يعني اني من وصلت الى كندا الى اليوم ما لكيت شي جديد عليه او غريب عليه  لان الاخ الفريدو شارحه كله وبالتفصيل .
ندعي من رب العالمين ان يطب علينه ويطل بطلته الكريمة ويطمنه عنه ان شاء الله باقرب وقت وان شاء الله الباجر اني اتاكد منه بالتلفون .




ابو نور / تورنتو

190
وينكم يمعودين شنو الكل سافروووووو
ماكو احد بسوريا او بالاردن او بالعراق
شنو القضية بس ابو اسيد وابو مصطفى
الوووووووووووووووووووووووووووووووووووووووووووووو






ابو نور / تورنتو

191
حلووو
كلش حلووو الاعتذار .. وبعد احلى قبول الاعتذار الي راح يجي من ام مهند




ابو نور / تورنتو

192
اخويه المهندس

اكو اغنيه قديمه اسمها (يا حيف ضاع التعب وياك) تتذكرها مو ؟؟؟؟ وداعتك .. وعيونك ...لا اتصدك تره لا الكيت كات ولا الكات كيت .. ولا الميو ميو  ;D ;D ;D .... وداعتك لا انا ولا الفريدو شفنا شي  ;D ;D ;D

اخوك ابو نور طلع ( هبياض اصلي)  ;D ;D  ... ولا تعتبون عليه اذا اختفا كم يوم لان مشغول خطيه ديدور على دريل يزرف الحياطين حتى ايعلك البردات علمود المكمط ما ينصاب بالعين  ;D ;D ;D وعين الحسود بيها نخله مو بس عود  ;D ;D ;D

وهذه اغنية ( نسيتنا مالك وفه) اهديها الى الاخ ابو نور مع التحيات  ;D ;D ;D


تحياتي

شمعه - كندا

والله جبته وجبت  .. اليوم من الصبح طالع ادور دريل .. طبعاً هوه اكو مو ماكو مكومات بس اني ما احب اشتري شي وبعدين اتندم عليه واكول لالالا حرامات لو صابر شوية .. لذالك فريت ميسيسوجا كلها على الدريل . لكيت الانسب والارخص والاحسن ولو الوقت اتاخر بعد ما اكدر ازرف الحايط اليوم ان شاء الله الباجر الظهر او العصر ارتب اموري
لان الصبح عندي دوام والظهر عندي موعد ويه دكتورة علمود الاطفال اتصير دكتورة العائلة ووره الظهر عندي موعد اروح استلم حصة تموينية من جمعية اسمها (( مسلم ويلفر )) ..
لان هنا اكو جمعيات هواي تنطي مواد غذائية ومنها كنائس ايضا وبكثرة اتصور .. اني سجلت بوحده هسه وحتى بيها لحم يوزعون وتمن وشكر وجاي ورايح ودجاج  وطحين وعدس وهوايه شغلات كلش هواي يعني اتكفي شهر وزيادة . واكو بعد غيرها هم واكو كنائس كومة هم اتوزع يعني واحد ميحتار هنا بالاكل او الحصة التموينية .
طبعا اي واحد من عدنه اول ميجي يتفاجأ بالاسعار مثل ما اني متفاجي هسه بس بعدين اعتقد شوية شوية راح نتعلم مثل ما اتعلمو الي قبلنه وشوكت نتعلم من نشتغل ويصير النه دخل ونستلم فلوس شغلنه ذاك الوكت انحس انه الموازنة متعادلة شكد متستلم انته تصرف .
قبل كم يوم بالصدفة شفت وحده اتعرفت عليه بالصدفة طلعت تشتغل ويه الحكومة او مثل الوكيله جنسيتها كندية بس باكستانية الاصل كالت انه هيه  اتحاول اتساعد القادمين الجدد بكل الطرق ومن ظمنها انه اتخلينه انشارك ابرنامج خاص بالاطفال (( طبعاً البرنامج هذا شرح عنه الاخ الفريدو شرح مفصل 100% قبل سنه يمكن )) وهو عبارة عن انه اخلي بالمصرف مبلغ من المال كل شهر اقل شي 10 $ والدولة اتخلي 40% من المبلغ الي اخليه اني يعني اذا اني خليت عشرة دولار الدولة اتخلي اربعة دولار  ومن يصير عمر الطفل 18 سنة ينسحبن ذني الفلوس بصكين صك واحد باسمي وصك ثاني باسم الاطفال .. الصك الي باسمي هو المبلغ الي دفعته خلال هاي السنين والصك الي باسم الجهال هو المبلغ الي دفعته الدولة .. وهاي الفلوس هيه للاطفال لاكمال دراستهم الجامعية وهواي اكو تفاصيل بعد يعني اذا بطلت او اذا سحبت الفلوس الي خليتهن بس ذني التفاصيل مو مهمة بالنسبة للي يريد يكون مستقبل اطفاله  .
المهم  هذي الباكستانية تعبت ويايه وراحت واجت ودورت اليه شغل وخلتني اسجل بمكاتب مال عمل وخابروني على شغل بمطعم صيني بس اني رفضته ..
اليوم خابرتني لكتلي شغل بمعمل بلاستك واحتمال فد يومين اروح اشوف شنو الوضع بالمعمل وشنو طبيعة الشغل ويمكن راح اشتغل .
المهم _ نسيت شنو موضزعنه ............................................
 
ها موضوعنا شمعه ... يمعود دخلي بشار براحته لا اتضوجه  واني مقرر ما ادفع اي فلس الواحد اسمه بشاررررر ههههههههههههههههههه
حتى لو بشار ابن الجامعه فاذا راد بشار يدزلي كت كات اقبل بس بدون ما ادفع اله فلوسهن .. يعني على حسابه  .

تعبت من الحجي والكتابه والله ..
بس المهم كندا شنو بيها من تعب وشنو بيها من غلاء وشنو بيها من صعوبات كلهن يصيرن سهلات بالنسبة للامان وللنظام وللحياة الحلوة ولاحترام الانسان ولوسائل الراحة الي متوفرة .
بالمناسبة اليوم على على اساس اروح اسوي اجازة مال صيد بس مصار عندي مجال ان شاء الله الباجر  لو الي بعده اروح اسويها حتى بالصيف اروح اصيد سمج براحتي لان اني احب هاي الفقرة ... واعتبرها هواية بالنسبة اليه .

..... ابو حمودي اشتاقينالك يمعود شو متبين وووووووووووووووووووووينك




ابو نور / تورنتو


193
عيني ابو نور صور الاطفال كلش حلوة اتمنى من الله ان يدخل الى قلوبكم السعادة ويزيدها
الاخ ابو مصطفى بارك الله فيك على هذا الدعاء الجميل ونسأل الله الفرج لنا ولكم ولكل العراقيين الذين ذاقت عليهم الدنيا بما رحبت

اخوكم السنونو / دمشق

الغالي ابو اٌسيد .. ان شاء الله يوم الي الك يارب وتخلص من سوريا وظيمها ..
فرج ربك بين لحظة ولحظة .. الف الحمد لله والشكر


ابو نور / تورنتو

194
الغالي بشار جاري القديم ..
الله يسلمك ويحفظك ويرعاك ويرزقك . ويخلصك من سوريا باسرع وقت يارب .
اشكرك حبيبي على هذا الدعاء .
ويارب توصلون يمنه باسرع وقت .

ابو نور / تورنتو

195
اشكرك حبيبي امير العراقي ويارب يرزقك وينطيك الي ابالك


ابو نور / تورنتو

196
ها بالمناسبة هاي الي ابظهرهم شقتي .. لان اجرت طابق ارضي




ابو نور / تورنتو

197
موضوع حلو
لان اني واحد من الناس من ورة الاس اي في وشغلي كعميل دحت من محافظة الى محافظة وصفى بي الوكت بسوريا وصرفت الاول والتالي وفوك القهر رجعت لبغداد وماكدرت ارجع لمحافظتي الاصلية لان اني مهدد مهدد وهم صرف ودورت شغل وهم صعبة المهم حسبتها راح اطلع وبجيبي 2500 دولار فقط وشون وشسوي بس الله يعرف



هههههههههههههههههههههههههه

حلوة هاي ... يمعود اني عائلة عندي 4 انفار يعني اطفال اثنين وسافرت من سوريا الى تورنتو وما بجيبي غير 20 دولار صرفت عشرة منهن  بتركيا لان بقيت ترانزيت 6 ساعات اشتريت مي للجهال وشربت كهوة .. وبقت عشر دولارات ليحد هسه تسمع حسك ضامها بالكنتور راح ابقيها ذكرى  الى ان الله يفرجها عن العراق ...




ابو نور / تورنتو

198
وهذي صورة جهالي ووياهم سنجاب كندي يسوه واحد بالعراق ما اريد اكول اسمه ههههههههههههههه






ابو نور / تورنتو

199
ها وهاي صورة بداخل السكوير وان مال شقاوات ...

طبعا السكوير وان هوه عبارة عن مول كبير جداً وتلكي بيه كلشي الي اتريده ومن كل الماركات .. يعني الرخيص والغالي



ابو نور / تورنتو

200
شلونك اخوية ابو نور ان شاء الله بخير
بالنسبة لقدسيا فوضعها من سيء الى اسوء
اما بالنسبة لبنايتك الي جنت ساكن بيها , بيوم الجمعة الفاتت رحت للساحة اني وابني الصغير فشفت الجيش ناصب سيطرة مقابل بنايتك وفوك القهر جانوا يسون جاي بالمساحة الي اسفل بنايتك ويشربون جاي اخوية
يعني لو انت موجود هنا جان قمت بالواجب وياهم .... يعني اسويلهم جاي خطية هههههههههههههه

شلون قهر اخوية الله يفرج علينا ونطلع من هالحفرة الي احنا بيها

اخوك السنونو / سوريا دمشق

اني بالف خير لحد الان والحمد لله بفضل رب العالمين ودعائكم  .
الله يساعدكم وان شاء الله يارب يفرجها عليكم وتسافرون وتخلصون باقرب وقت والله بالي يمكم لان اني شفت ايامي الاخيرة بسوريا صارت مرار ودمار وعذاب ..
يارب نسمع اخباركم الحلوة باسرع وقت وترتاحون وتخلصون بحق كل الانبياء والمرسلين  .
اني لو موجود مو بشس اسويلهم جاي لا حتى الغداء والعشاء عليه والببسيات من الغندور  هاي اذا ما جبت الهم شاورمة من النور  .

بالمناسبه عندي صور بسوريا للجهال البارحة جنت اقلب بيهن بعدين مسحتهن من شفت صورهم هسه بميسيسوجا وهاي وحده منهن

ابو نور / تورنتو

201
يمعود بشار شعندي صندوكين شنو قابل راح اعزم كل كندا هههههههه .
بشرني بقدسيا شلونها شخبارها شكو ماكو وصلتني اخبار ايكولون مسوين بنايه مقابيل بيتي القديم مسويها مقر عسكري .. لا خربت الشغلة .. هههههههههه ...

  الله يساعدكم ويسهل امركم وزيفرجها عنكم باسرع وقت يارب .

والله صدك يا خوية يا مهندسنه شو ماكو ابو حمودي الفريدو مختفي . ان شاء الله المانع خير ويجوز ملتهي بالشغل والدراسه والاطفال والله اعلم .
ندعي ان يكون بخير وصحة وسلامة


ابو نور / تورنتو

202
اخويه الفريدو ابو احمد  ...


يمعووووووووووووووووود وينك ؟؟؟ الحك الحك ...

ابو نورشعل المنقله والدخاخين تارسه الأمه والدنيه والمكمط طلع تازه فريش ماكو اطيب منه  ;D ;D ;D ;D

الحك يمعووووود تره تعبنا من الشوي تعال ساعدنا اخوي  ;D ;D  عمي الدخانه مال منقلة ابو نور تنشاف من يمكم والريحه مال الشوي واصله لكالكاري  ;D ;D ;D ... تره انا ما مسؤؤل اذا حصتك راحت عليك  ;D ;D ;D

الله يرحمك يا مكمط  ;D ;D ;D

تحياتي

شمعه - كندا




يمعود حتى الاطفاء راح يجون علينه من بره الشوي بنص السكوير وان ههههههههههههههههههه
لا اتصدكون لا شوي ولا ابد .. المكمط طلع نستله كت كات ام العشر ليرات جبتها من سوريا هههههههههه




ابو نور / تورنتو

203
الف الف حمدا لله على السلامة اخونا اسامة الهاشمي ابو نور وهاي المعلومات القيمة انشاء الله توافينا بكل الايجابيات والسلبيات التي تواجهك
بس عندي سوال  ماافتهمته  ال1150$ لكل شخص هدية الحكومة الكندية لو شنو هاي ارجو منك التوضيح ابو نور وسلامي لك







ابوهيا_______الاردن

الاخ الغالي العزيز ابو هيا الوردة اشكرك على التبريك ويارب يوم الي الك بحق الحبيب محمد ...
اخوية مثل ما كالك الاخ شمعه بس بالنسبة اليه وللمجموعه الي جانت ويايه تقريبا كلنه نفس المبلغ لان كلنه عوائل بس الشخص الوحده او العائلة الي اطفالهم اكبر بالعمر وبالغين تختلف طبعا .



ابو نور / تورنتو

204
مساكم الله بالخير


هههههههههههههههه



ابو نور / تورنتو

205
ياااااااااااااارب يسهل على الجميع  وخاصة اهلنا بسوريا لان الوضاع كلش تعبانة والله يساعدهم ويسهل امرهم

ان شاء الله خير اخوية ابو اُسيد ويارب نسمع اخبارك الحلوة



ابو نور / تورنتو

206
ااااااااااااااااالف مليون مبروووووووك اخوية العزيز كوندا وان شاء الله يارب ولايه الخير والبركة والرزق والاستقرار عليك .
نتمنى نسمع اخباركم الحلوة يارب
وان شاء الله كلها مفرحة





ابو نور / تورنتو

207
هاي شنو شو جفاف صفحتنه ... معقولة الكل سافرو .ان شاء الله يارب 





ابو نور / تورنتو

208
عيد قيامة مجيد وكل عام وانتم بخير ونجاح

تسلمين ارمنية الوردة


ابو نور / تورنتو

209
اخوية المهندس / ابو مصطفى الغالي شلونك يمعود .. مشتاقلك طعم البرياني بعدهي ريحته ويايه بكندا .. اخر غداء اليه بسوريا هههههههههههه
شلونك شخبارك ..
الباجر اشترك بموقعك ولا يهمك اني اول واحد اعتبرني بس الربح بالنص ها ... ههههههههههههه
يارب تجي الكندا واعزمك العزومة الاولى بكندا مثل ما عزمتني العزومة الاخيرة بسوريا
سلامي للجميع ..
ويارب يسهل امرك ويحقق امانيك


ابو نور / تورنتو

210
الاخ العزيز ابو نور الوردة ..... ربي يوفقك دنيا وأخرة وأتمنى لك طيب الاقامة في كندا ومستقبل زاهر لك ولأبنائك
لقد أسعدتنا بمشاركاتك وشرحك المفصل عن الايام الاولى لأقامتك هناك
وكأننا معك بكل خطوة تخطوها في حياتك الجديدة



بالتوفيق ان شاء الله ... واتمنى ان تجد عملاً بأسرع وقت لاني اعرفك ما تستطيع ان تكعد بلا شغل

اخوك السنونو ابو اسيد/ دمشق

ابو اٌسيد الغالي حبيب قلبي ربي يخليك ويسلمك يارب ان شاء الله طول العمر سعيد وفرحان يارب وان شاء الله ترتاح باقرب وقت واتمنى انه توصل الكندا باي طريقة .
بشرني شلونها قدسيا شخبارها جماعتنه شلونهم ان شاء الله زينين سلملي على الكل امانة ... وكلهم اسامة راح يجيكم بعد فد 20 سنه هههههههههههههههههههههههههههههههههه .
يارب يسهل امرك ويستعجل بسفرك بحق الحبيب محمد .



ابو نور/ تورنتو 

211
اختي الغالية كوكي  كل الهلا بيج .

الحمد لله استقرينه ورتاحينه وهسه كاعدين ناكل ونام هههههههههههههههههههه

ان شاء الله يوم الي الكم



ابو نور / تورنتو

212
ابو مريومه الغالي  الله يسلمك يا غالي ربي يحفظك .. والله يا خوية تورنتو اتخبل عبالك بغداد ايام السبعينات  :D :D :D :D :D :D  اتمناكم كلكم يمي بحق الحبيب محمد


ابو نور / تورنتو

213
حبيبي بشار الغالي تسلم ياورد ربي يوفقك .
اتريد الصدك اخوية .. مشتاق للناس الي هناك بس ما مشتاق للمنطقة .
اني الحمد لله بخير هسه ومرتاح وكملت كل اموري تقريبا .
هل ايام راح اخليكم تشبعون مني لان كاعد ما عندي شي
ربي يسهل على الجميع يارب وان شاء الله يوم الي نشوفكم بكندا كلكم يارررررررب


ابو نور / تورنتو

214
مساء الخير وصباح الخير  وكلشي وكلاشي
شلونك شخباركم



215
اخوية امير العراقي اولا شكرا جزيلاأً الك يا غالي

بخصوص الكفالة اتصور كلش عادي وما متاخره حسب الي اسمعه وهسه هم يجيك اخونه الفريدو يكلك الحجي التمام 100%
بس تره شغلة اربعة اشهر وعلى هاي الاوضاع يعني بعد وكت
ان شاء الله تخلص باسرع وقت يارب وتوصل الكندا


ابو شهيد الغالي اشكرك كل الشكر وربي يسهل امرك يارب بحق الحبيب محمد

اشكرك اخوية الخديدي ويارب يسهل امركم وتحقيق الاماني يارب ..


ابو نور / تورنتو

216
ها بالمناسبة  كلشي موجود بالعراق وبسوريا موجود هنا وبعد اكثر يعني حتى صمون عراقي موجود صح الاسعار غالية بس كلشي موجود واني اتندمت جبت ويايه كومة جنط لان اكو اشياء هنا لكيتها ارخص من سوريا ما عدا الكيبورد العربي والكاميرا وهاي الشغلات الي ذاكرهن اخونه الفريدو بالمنتدى ابداية موضوعه
يعني الكترونيات بسيطة بس هنا غالية بالسعر .
ولكينه الخبز والصمون العراقي هم غالي سعره هنا .. فبدينه نخبز بالفرن انسوي خبز او صمون شوية اصرف واطيب واسهل .
واكو محلات شلون مال باله عدنه بس هاي باله مال كلشي وكلاشي حتى اجهزة كهربائية وتلفزيونات بيهاواسعارها هيج بفلس ونص يعني تلفزيون حجم 34 بس عادي مو ال سيدي يعني ضخم سعره 19 $ شاشه حاسبة حجم 19 ال سي دي  سعرها 19$ وكل شي موجود وبكل الاسعار ومحلات هواي مو واحد او اثنين ميعجبك هذا طب بغيره وبيهن ملابس بالات هم كومة .. واكو بتورنتو سوق اسمه السوق الصيني او الحي الصيني هوه كله .. بيه محلات عارضة بالشارع البضاعه واسعارهم ارخص من سوريا يمكن للنص فرق او اقل وكله جديد صح صيني بس درجة اولى .

وكل ما اذكر شي اكتبه واني حاضر لاي شي .



ابو  نور / دمشق



















لالالالا يا دمشق نسيت عبالي بعدني



ابو نور / تورنتو

217
صباح الخير كلش هواي ..
الاخوة والاخوات الاعزاء
كوكي
الفريدو
كلي امل
الحديدي
المسافرة
المهندس
بشار ابن الجامعه
عبادي
ابو شهد
عراق سي اي
زيتونة وليمونة
شمعه منور
دراك انجل
وكل من سألأ عني وبارك بوصولي ... اشكركم جزيل الشكر ويارب تتوفقون بحياتكم وين ما كانت بحق الحبيب محمد
هسه نجي الى تكملت موضوع سفري ..
طبعاً اولاً عذرا على التاخير بس التهيت بالمعاملة وبالاجار مال بيت والتدور والتبحوش هههههههههههه ..
اكمل الكم  من بعد ما اكتشفو خطا بتاريخ دخولي
بعد ما وصلت للاوتيل الخاص بالاجئين طبعاً جماعتي الي ويايه من سوريا موجودين كلهم اني كان عندي خطا بتاريخ دخولي الى كندا يعني ما ذاكرين تاريخ الدخول كالولي لازم ترجع للمطار وتصلح الخطأ بس المشكلة ماكو واحد يروح وياك تكدر اتروح وحدك كلت الهم ميخالف اروح بس خلي اخلص للعلم المسئول مالتي كان عراقي الجنسية  ان شاء الله ميصير مسوول عن احد منكم لان كل شغله خطأ بخطأ ومتلكأ يعني ماخذ الطريقة العراقي بتأديه واجباته ما عنده مصداقيه ابد وبطي وينسه كلشي وميكمل شغله ابد وياخره بس هوه خوش ولد وحباب (( شبقيت بيه بعد اني هههههههه )) المهم رحت للمطار على الخريطة وصلت وكملت النقص الي عندي ورجعت  وبعدين بلشت من جديد بالسوشل والمدكيت وكملت كلشي الحمد لله والشكر هسه بقه عندي لازم الكه بيت للايجار والحمد لله اول بيت شفته صارت قسمه وقبلت بيه وابو العمارة هم قبل بس بقت مشكلة الكفيل اتعروجت لان لازم كفيل يكفلني حتى يقبلون بيه لان ما عندي تاريخ بكندا  بس بعدين صارت الف الحمد لله اصدقاء وكفولي طبعا لا اعرفهم ولا ابد مجرد ايام تعرفت بيهم بكندا  وشمعة يكلي نتشاوف هههههههه اني حاير بروحي وشمعه يكلي نتشاوف وحيدر الشامي يكلي تعال فرمتلي الحاسبة لان متشتغل المهم هاي بعدين هسه عاد  انتظرت استلم كل اوراقي حتى ااجره وبالفعل الخميس كملت كل شي ورحت اجرته للبيت والسبت انتقلت للبيت بس جان عدهم عطلة كالولي اذا رحت هسه للبيت مراح اندزلك الاثاث الى يوم الاثنين كلت الهم ميخالف اقبل بس خلي افلت من الكوستي ورحت للبيت الجديد بطرك اللحافات والبطانيات وفرشنه وكعدنه يومين بدون اثاثق على الكاع ههههههههههههه طبعاً الشقة متكونه من 3 غرف وصالة وكل الملحقات جديدة نظيفه وحلوة وطابق ارضي وسعرها رخيص بالنسبه لبقيت الشقق بمنطقتي الي هيه ميسيسوكا / تورنتو المهم الاثنين جابولي الاغراض والي هيه اسرة ثنين للاطفال كل واحد واحد وواحد ابو نفرين  وميز تواليت واحد ومجرات للاطفال واربعه تيبلامات ونص تخم قنفات شغل باب الشرجي وميز طعام مع اربعة كراسي وميزين صغيرات مال هول  ها نسيت بيوم الي طلعت من الكوستي هذا مسؤلي العراقي ما كمل اوراقي وكلي تعال يوم الاثنين اكمل اوراقك علمود اتروح لمدرسة وعلمود راتب الاطفال اني هم رجعت رحت اله يوم الاثنين وهم ما كمل اوراقي بس انطاني اوراق كلي كملهن انته بيدك ودزهن علمود راتب الجهال وعلمود المدرسة وعلمود تغيير العنوان هم كلت ميخالف وكملتهن الاوراق ورحت للمدرسة وسويت امتحان وسجلت بالمدرسة ولا خلفت الله عليك يا مسؤلي ههههههههههههههههه ..
وره الاثنين بعد ماكملت كلشي واجتي الاثاث ورتبت البيت طلعت ابحوش على محلات ومولات ومكانات  حتى اسوك منهن شغلاتي الي احتاجهن بالبيت وبالفعل دورت وفتهمت وبدون استعجال ولكيت اشياء اسعارهن ارخص من سوريا والعراق واصليات كملت نواقصي الي احتاجهن وبعدين اشتريت موبايل وحاسبة لان اني ما اخذت ويايه حاسبة ورحت اشتركت انترنيت بدون مساعدة اي احد الحمد لله والشكر دبرتها اصلا كلش سهلة وهسه اني كاعد ومرتاح واستقريت وكاعد ادعيلكم يارب يفرجها عليكم كلكم وتخلصون من هم الانتظار والصبر الطويل ويارب تفرج على الكل وتسافرون باسرع وقت بحق الحبيب محمد .
ملاحظة :- اول يوم وصولي للبيت الجديد جاي انسوي عشه بالبيت وبدون اي دخان او اي شي ودك جرس الانذار ههههههههههههههه شلنه جنطنه وردنه نشرد ههههههههه  بعدين لحكت اهفي للجهاز وابرده يله سكت (( خطية ))
هسه هاي اول خطوة والخطوات الجاية ان شاء الله يصيرن اسهل بفضل دعائكم يارب
لان الحياة اهنا مثل متعرفون صعبة ويراد الها ركض . ولو اني هسه كاعد اشوفها حلوة بس متاكد بعدين تبدي الصعوبات والي اولها الشغل لذالك من هسه اني بديت ادور شغل وان شاء الله لكيت واحتمال الاسبوع الجاي اشتغل الي هوه ثاني اسبوع بشهر الرابع  
ها نسيت شي بعد اول ما وصلنه للمطار وقبل لا نطلع منه انطونه ملابس شتوية شي بسيط وعادي وبعدين من وصلنه للفندق ثاني يوم انطونه كل شخص 50 $ اطفال وكبار  والهدية  انطونياها وره ما كملنه كل المعاملات والي هيه اتصير تقريبا كل شخص سواء كان طفل او كبير 1150$ وطبعا مقسمه ايجار وطعام وملابس ومن ضمنها قرض ايضا يطلع تقريبا 867 دولار بالنسبة لكل العائلة مو للشخص الواحد وراتب الزوج والزوجة يصير 1454 $والاطفال كل واحد تقريبا من 350 الى 400 دولار
وعاشو عيشة سعيدة ولو بيتنه قريب جان جبتلكم سله عنب
واني حاضر وبالخدمة لاي سؤال
بالمناسبة هذه الكتابة كتبتها من جان المنتدى ميشتغل وخزنتها على الوورد خاف بيها تواريخ تختلف واكو منهن صلحتهن


ابو نور / تورنتو

218
صباح الخير ..

اختي الغالية كوكي ربي يوفقج ويسلمج ويحفظج ويريح بالج ان شاء الله .. اشكرج كل الشكر اختي العزيزة وان شاء الله ربي يفرحكم مثل ما فرحتي يا غاليه .

العزيز الغالي الفريدو الوردة ربي يحفظك ويرعاك ويه اهل بيتك يارب ويسلمكم .الف الحمد لله والشكر وصلت بفضل رب العالمين وبفضل دعائكم الطيب يا غالي . لا اتخاف على المكمط موجود هههههههه يمعود الي ابالك هذا دمرني راح ارجع السوريا من وراه من اخابره لو طالع لو نايم الله يساعده من الفرفرة 24 ساعة هههههههه.
طبعاً اني رجليه صايره خيوط من الفره لان فرفرت تورنتو كلها يوميه من الصبح لليل افتر ما خليت مكان يعتب عليه ابد  هههههه

هسه نجي للتفاصيل
اول يوم وصلنه نورنتو الساعة 3.5 الظهر تقريبا بالمطار كملنه تفاصيل الدخول وطلعنه تقريبا 3 ساعات كل واحد اخذوله تكسي اني نفس الحالة بس اني ما ودوني للكوستي لان جان مقبط فاخذوني الى فندق محترم ودرجة اولى خمس نجوم بس المشكلة وين ؟؟. ابو التكسي ذبني بالشارع وكال هذا الفندق وراح  بس طب ويايه وكلي هذا الباب نزلت اغراضي وجنطي وجهال بالشارع راح ابو التكسي طببت الجنط اني الفندق عبارة عن مول جبير ومن ظمن المول اكو هذا الفندق المهم طببت كل اغراضي ودا افتح الباب طلع مقفول هذا الباب لازم افتر من وره بالعكس هم ما كلت شي رحت افتريت للفندق صعدت طبيت للرسبشن مال الفندق كتلهم حجز باسمي دور كال وين اكو هيج شي كتله يمعود اني اني اسامة اكو حجز باسمي كال لا ابد والله ماكو (( طبعاً بالانكليزي )) كتله من الاي او ام .. ما فاد كتله من السي اي سي ما فاد كتله الخاطر الله ما فاد كال اله فيزا عندك يله احجزلك نزلت على ابو التكسي ماكو رايح جاي اطب بالمول على اطفالي والجنط لكيت الباب مقفول عليهم والحارس رايح كايللهم ممنوع بعد الساعه تسعة يبقة المول مفتحوعزلوه والجهال والجنط جوه بالمول ه المهم رجعت على ابو الفندق طنكر بس باحترام كال اعذرني .. المهم تعبت الى درجة وصارت الساعه 11 بليل وماكو اي شي صفنت كلت وين اروح اني ارجع السوريا للمطار لو وين ومنو الي راح يستقبلني المهم صارت الساعة 11 ونص وجان واحد كاعد بالرسبشن كام على حيله كال شكو حجه ويه ابو الرسبشن كاله هذا يكول اكو حجز باسمي باوع عليه كلي شسمك كتله اسامة كال اي انيمنتظرك كتله صدط تحجي انته كال اي كتله مو صارلي 4 ساعات واكف هنا احجي ويه ابو الفندق كال اسف اني جنت منتبه على الشارع عبالي تنزلون بهاي الصفحة كتله رحمه الله والديك المهم رحت للغراض والجهال وبالتواسيل يله قبل الحارس يفتح الباب النه وطلعنه الغراض ورحنه فوك وكعدنه بالفندق وكلش تعبانين نامو الجهال واني طلعت افتر بتورنتو  :D :D :D :D :D :D :D  وما نمت غير الساعة 3 الصبح هاي عود تعبان

المهم الصبح ثاني يوم الساعة بال 11 اتفقنه يجينه شخص وبالفعل الساعه 11.5 اجتي بنيه حبابه واخذتنه مشي للكوستي الي هوه الفندق مال الجايين لكيت جماعتي الي ويايه بالطيارة كلهم هنابس الازدحام هم امبهذلهم وتعبانين والباكستانيين اعدادهم كلش ضخمة المهم كمت اروح اتغده واتعشه بالكوستي والريوك بالفندق ويه المبيت والكعده كملنه معاملاتنه وخلصنه هل ايام والبارحة اتحولت للكوستي لان فرغ عادي وكاعد هسه ويه الجماعة . بس المشكلة الاقوى بالمعاملات عندي نقص صاير بالمطار لازم اراجع المطار يوم الاثنين لان ما كاتبين تاريخ دخولي الى كندا الضابط المسؤل بالهجرة غلط ويايه وكذالك السفارة الكندية هم غلطت ويايه واكو فقرة ناسينهه لذالك التامين الصحي مالتي مراح يصير هسه اله بعد ما استلم البي ار هوية الاقامة المهم بشكل عام اني هسه مرتاح كلش واتمنى كلكم ترتاحون وتخلصون من هم الانتظار بحق الحبيب محمد .
شمعـــــــــــــــــــــــــــــــة اني الك هههههههههههههههه

يارب يسهل على الجميع يارررررررب

ملاحظة : السفر مستمر من دمشق والبارحة الجمعة ناس وصلو عددهم بالطيارة كان تقريباً 18 شخص بشكل عام وهنا بتورنتو اتقسمو منهم سنكل ومنهم عوائل واكو سفر يوم 29 بالشهر هذا هم وتقريبا كل ايام الاسبوع اكو سفر ما عدى يوم الاسبت والاحد محد كاعد يوصل




ابو نور / تورنتو

219
السلام عليكم يا غالين
شلونكم شلون الصحة ان شاء الله الكل بخير يارب
اشكر الجميع على تبريكاتهم اليه ويارب نسمع الاخبار الحلوة منكم يارب

اني الحمد لله والشكر وصلت الكندا تورنتو يوم الاثنين 12/3 والف الحمد لله والشكر مرتاح واليوم اتحولت للكوستي لان اول ما اجيت جان الكوستي مقبط وكعدوني بفندق اليوم اتحولت للكوستي الباجر اشرح شنو الي صار ويايه بالضبط بس المهم اني مرتاح واتمناكم كلكم يمي تجون ان شاء الله ةدعيت الكم هواي بالطيارة


ابو نور / تورنتو :D

220
ان شاء الله توصل بلسلامة اخي العزيز اسامة

تحياتي لجميع اخوتي واخواتي في جمعيتنا

تحياتي


تسلملي اخوية الغالي وان شاء الله يوم الي الك يارررررب وتفرحنه



ابو نور / دمشق

221
السلام عليكم ورحمة الله وبركاته ...


ابمداخلتي هذه راح اساهم برفع الصفحة اولاً علمود الناس تستفاد  :-[

وسؤالي ايكول. هاي وره ما راح ارفع الصفحة يعني هههههههههه

التقديم على اليو ان راح يفرض امريكا اولا لو واحد يكدر ايكول اني اريد كندا
وثانياً هل التقديم على كندا من سوريا افضل لو من عمان لان اني افتهمت انه السفارة بس بسوريا اما بالاردن قنصلية ..
زين ...
اذا كان الجواب لا بالاردن احسن راح اكول بالنسبة الية مصاريف اكثر وما اتحملهه وبسوريا عندي فرصة عمل اكثر لان بعمان ما اعرف اي شخص ابدددددد اما سوريا لا بها مجال هواي يعني احسن اليه ...
يعني بشكل عام اني اريد اسافر واقدم وكملت كل اوراقي بس بقيت حاير بالفيزة منين ابدي اخيرا قررت سوريا  فاريد بس تاكيد حتى اعرف شلون التقديم الهه قصدي ( كندا )
حيل شكد احجي اني هاي عود بس ارفع الصفحة ؟؟؟
وسلامي للاخ الغالي الفريدو.



ابو نور / بغداد


سبحان الله  جنت محتار اليا دولة اروح .. والله وسويتها  الف الحمد لله والشكر ان شاء الله يوم للجميع ياررررررب



ابو نور / دمشق اخر يومين


222
ماكو ام تي ان  .. حرامات

تسلمين اختنه كلي امل وان شاء الله يفرجها عليكم يا رب


ابو نور / دمشق

223
هاي شنوووووووو شمسوين هنا .. شو عالكة وين الغايبين لعد شو كلها حاضرة ما شاء الله  
ربي يديم هاي اللمه دووووووم يارب




ابو نور / دمشق

224
ان شاء الله يارب تفرج على الجميع



ابو نور / دمشق

225
تسلميلي اختي الغالية كلي امل وان شاء الله يارب اتفرحينه باخبارج الحلوة باسرع وقت



ابو نور / دمشق

226
اشكركم يا غالين وان شاء الله ربي يفرجها عليكم مثل ما فرجها عليه وتفرحونه باخباركم الطيبة ونبارك الكم بحق الحبيب محمد


ابو نور / اخر 3 ايام دمشق

227
ياربي توصل بالسلامه انت والعائله الكريمه ان شاء الله والله يفتحها عليكم ويسهل امركم يارب .... ولتنسى دعائك النا بالطيارة دعاء المسافر مستجاب وان شاء الله دعائك مستجاب


اخوك
IRAQ.CA

مصر


اشكرك اخوية الغالي ويارب يسهل امرك وامر الجميع .. ومستحيل انساكم وان شاء الله ادعي للكل بجاه الحبيب محمد تفرج عليكم ويسهل امرنه .




ابو نور / دمشق

228
اكو البعض سال هل دا يستلمون لو يسلمون فورمات من السفارة الكندية اجواب لاااااااااااااااااااااااااااااااااااااااااااااااااااااااا ولحين فتح مكتب الفيز و التاشيرات في سوريا واللي يعرف يقرا خلي يدخل على صفحة السفارة الكندية في سوريا

صحيح اخوية العزيز ستيفن ماكو اي مقابلات بس الي كاملة شغلتهم بس اعتقد العدد مو قليل لان يوميه اكو سفر يعني الموظفين الي بالدورة كالو يومية احنه بالمطار يعني يومية اكو سفر .
ان شاء الله ربي يسهلها على الكل ويارب ينفتح المكتب باسرع وقت بحق الحبيب محمد .
وان شاء الله الكل تخلص من هم الانتظار .

للعلم والاطلاع باقي 6 ايام لسفري
ادعولي اوصل بالسلامة



ابو نور / دمشق

229
اخوية الغالي  nedaa123  ان شاء الله تسمع كل الاخبار المفرحة طول العمر يارب وان شاء الله اتفرحنهع بخبر سفر بعون الله



الف رحمة على والديك ريحت قلبي.. مادام السفرة على ال IOM يعني الجواز مو اجباري  لان يكدرون يسوون جواز مرور مؤقت.

بس شغلة ماكو مساعدات اول سنة مو حلوة... اعرفها اني لكن حبيت اتأكد.


اشكرك اخوي ع الجواب الوافي





اخوية العزيز Ashurram كلام اخونة الفريدو صحيح بخصوص الاطفال واني كان ويايه بالدورة  خص بنته عمرها سنه واربع اشهر بدون جواز وسوولها جواز مرور مؤقت وطيارته ويايه هوه يوم 11 بالشهر فان  شاء الله هاي الشغلة متاثر بعون الله



ابو نور / دمشق


230
الف مبروك اخوية الغالي والله ييسر امرك ويفتحهة بوجهك يارب ... والله فرحنالك وفرحنة لأهلك والحمد لله الله يسر امركم وانطاكم على نيتكم وتستاهلهة ابو نور الورد ...
بالخير عليك وسلامي للأهل والله يحفظكم لبعض يارب ويوصلكم بالسلامة ان شاء الله ... ادعولنة بالتيسير ...


حبيبي الغالي ابو عبد الوردة يارب ييسر امرك ويحفظك ويسلمك ويارب يارب اسمعنه عنك الاخبار الحلوة والله مشتاقيلك ودائماًبذكرك يا غالي يا عزيز  .
اسال الله ان يوفقك ويسهل امرك يارب .



ابو نور / دمشق

231
اااااااااااااااااااالف ااااااااااااااااااااااااااااالف مبروك ابو نور تستاهل اكثر من سفر على ضبرك يارب بتوفيق ويتتممها على خير وترتاح اهناك ... وتبدي احلى حياة جديده بعيده عن العراق .... مني لك اجمل وارق التهاني ... الله يحفظكم من كل مكروه .



قارورة عسل .. اشكرج كل الشكر ويارب نسمع اخبارج الحلوة عن قريب ان شاء الله ويخابروج وتسافرين وتخلصين من هم الانتظار يااااااارب وتكون فرحتنه اكبر واكبر




232
اختي الغالية العزيزة ام ريم ... اشكرج وربي يستجاب دعائج وتفرج على الجميع يارب ,

Ashurram  اخي العزيز اشكرك على التبريك اني عن طريق اليو ان والله سهلها عليه ويارب يوم الي يسهلها عليكم يارررب


233
اخوية الغالي بشار الوردة  .. هلا وكل الهلا بيك ان شاء الله نتشاوف قبل لا اسافر يارب ..

اختي الغالية موناليزا الوردة اشكرك كل الشكر على دعائج الطيب وربي يسهل امرج ويفرحج طول العمر يارب

ابو ديانا الغالي .. يارب يوفقك بحياتك وان شاء الله يفتح الك الف باب وباب للفرج يا طيب تسلم غلاي

الارمنية اختي العزيزة ... امين . ويارب يسلمج ويحفظج من كل مكروه اشكرج يا غالية

اخوية الغالي دارك انجل ... ان شاء الله يارب الكل اتسافر وتخلص من هم الانتظار والصبر . ان شاء الله نتشاوف قبل لا اسافر وربي يسهل للجميع .

النمر الغريب ربي يوفقك وان شاء الله الكل سالمين وربي يحفظ سوريا واهلها وكل العراقيين امين

سباركي اخوية الغالي ربي يوفقك ويفقنا ويوفق الجميع يارب اشكرك يا غالي

بشار اخوية العزيز والله ملتهي تعرف هاي الايام الاخيرة والتجهيز للسفر وفوك هذا كله تعرف انته الكهرباء شلونها ويانه .. والبارحة النت طافي عدنه بقدسيا بكل المحلات تعذرني حبيبي

مؤيد العبيدي .. اخوية الغالي اشكرك كل الشكر ويارب يسهل امرك وامرنه يارررررب



ابو نرو / دمشق

234
ابو مريم سوريا مؤسس جمعية انتظار الوفد في سوريا

اتصور الكثيريرن لايعرفون انه هو اخي (ابن امي وابي)
لااخبار عنه منذ ايام ولاانترنيت ولاتلفون واني جدا قلق عليه  ياريت الاخوة بسوريا ممكن ايساعدوني بالاطمئنان عليه ..

ابو سارة


اخوية ابو سارة اني حاضر بس دزلي عنوانه  بالضبط واني مستعد اروحله واتاكد منه  وان شاء الله ما كو شي عليه بس للاطمئنان لا اكثر ولا اقل.. منتظر منك العنوان اخي الكريم
ربي يحفظ كل الغايبين ويرجعهم النا بالسلامة يارب .

مشكورة الاخت الغالية البرنسيسة على تفقدها لاخوتها واخواتها



ابو نور / دمشق

235
الله يكون بعون الجميع يارب .
اولاً اعتقد ما الها واهس تدخل نت لان تعرفون وضعها الله يساعدها على هاي الظروف الي دتمر بيها سوريا والله يساعدها على تاخيرها .
وثانياً اعتقد منطقتهم ما بيها نت لان قبل كم يوم سمعت النت عدهم طافي بكل المقاهي والارضي مال بيوت ما ادري بعد شتغل هسه لو لا ما ادري .
يا رب يكون المانع خير ويفرج همها باسرع وقت وتسمعنا اخبار السفر يارب



ابو نور / دمشق

236
اشكرك ابو حمودي الغالي ربي يوفقك ويسهل امرك ويحفظلك اطفالك يارب




ابو نور / دمشق

237
الاخوان

حامد شاكر  العزيز

القرموطي ربي يفرج عنك

اوركا الغالي العزيز


متأمل الغالي

عدنان صالح


اشكركم كل الشكر ويارب يسهل امركم والله فرحتكم ويايه هايه تسوه عندي ابو السفر وان شاء الله يارب اسمع احلى الاخبار وافرح بفرحكم يا غالين وربي يسهل امركم ويعجل سفركم ويفرج همكم ... امين بجاه الحبيب المصطفى


ابو نور / دمشق

238
السلام عليكم
ابو نور اخوية شلونك شخبارك يابه شايف الف خير وان شاء الله توصل بالسلامة والله يفتحها بوجهك ويارب تتوفق والله يعوضك على سنوات الضيااااع هههههههههه الي بسوريا مشتاقين والله وهسه قريت موضوعك كلت لا والله يرالدها دخله وتهنئة خاصة لأبو نور لأن خوش أنسان وذهب

وهمين شفت الفريدو ابو حمودي الوردة همين داخل من ريحة وبرد وثلج كندا فحبيت اسلم عليه من رخصتك حبيبي الغالي ابو حمودي شلونك شخبارك مشتاااااقون بكد ثلوج كندا مختفي عمي على كيفك علينا

ابو نور حبيبي الف مليون ترليون مبروك وان شاء الله تفرحنا بسلامة وصولك واستقرارك هناك

تحياتي وسلامي للطيبين والغاليين

أخوك أبن زيونة



حبيبي الغالي ابن زيوونة الوردة الله يسلمك والله انته الوردة وذهب مصفا ..
مشتاقين يا غالي ربي يوفقك ويسهل امرك 
ابو حمودي مو مختفي بس منتظر وصول المكمط على احر من الجمررررررر هههههههههههههه
اشكرك يا غالي وان شاء الله نسمع اخبارك الطيبة يارب



ابو نور / دمشق

239
الف مبروك اخونة اسامة وربييوفقك بحياتك الجديدة وترتاح من ضيم سوريا وانشالله يارب لكل المنتظرين امين في كل البلاد العربية والعراق خاصة وترتاحون امين يارب العالمين---بلتوفيق

اشكرج اختي الريم ويارب يسهل امرج
ويارب تفرج على الكل



ابو نور / دمشق

240
الف الف الف الف مبروووووووووووووووووك اخويه الغالي ابو نور الورده

واني اشوف كندا منوره من هسه والشمس طالعه والعصافير تغني  ;D ;D ;D ;D ;D ;D ;D

عمي الف مبروك عليك واخيرا راح تخلص من هم الانتظار وشايف كل الخير ياربي  بس ماكتلنه المكمط خط رحلته بنفس الطياره لو راح يجي بالتاته  ;D ;D ;D ;D ;D


اخويه انته مبين عليك خوش ولد وحباب وما اريد منك غير بس تجر وياك كم واحد من اخوانه منتظرين السفر
بلكي الله رجلك خضره وتخلصنه من كم واحد وتسحبهم وياك  ;D ;D ;D ;D ;D لان ضجت منهم كل يوم كاعدين وكابلين المنتدى  ;D ;D ;D اريد افراح وهلاهل وطبعا ماشفت اي هلهوله ليش ؟؟ بس لا ماوزعت شربت  ;D ;D ;D ;D ;D

هاي مني احلى هلهوله واريد ام سبايكي ماتسكت تجرها بس هلاهل انشالله





اخوك : الفريدو

هلا بالعزيز الغالي صاحب الدعاء المستجاب ربي يوفقك ويحفظك العائلتك ويحفظ عائلتك الك يارب بجاه الحبيب المصطفى
هاي مال العصافير والشمس الها سبب ثاني.. هو لان انته منور كندا وكندا منورة بيك وبطيبة كلبك يا غالي .
وهسه نرجع للموضوع الاصلي ههههههههه (( المكمط )) هههههههههه المكمط خط رحلته يختلف مو ويايه يعني اني انزل بتورنتو هوه لا راح يطلع الى كالكري فلا عبالك شمعة يستلمه اول ما اوصل لا مسجل باسمك وانته كفيله ههههههههههههههههههه .

اتمنى والله ابو حمودي اتمنى الكل تفرح نفس فرحتي لان كل العراقيين الطيبة مزروعة بقلوبهم يارب يسهل امر الجميع يارب من كل الدول وخاصة الي بسوريا وعذروني من كلت خاصة الي بسوريا . بس لان وضع سوريا كلش محرج والي منتظرين التفكير تعبهم والحيرة ماخذتهم فيارب يارب كلنه ندعيلهم بالسلامة وتحقيق الاماني ويارب ينطيهم الصبر على الي همه بيه اذا كانو منجماعت كندا او اميركا او اي دولة .
وبلكي الاوضاع ترجع وتستقر بسوريا حتى منخاف عليهم حتى لو اتاخرو بعد شوية .
امين يارب



ابو نور / دمشق


241
مبروك ابو نور والله فرحتلك من كل كلبي الله يشهد انشالله بالتوفيق والحمدلله خلصت من الازمة اللي دتمر بيها سوريا والله انشالله يحفظ كل العراقيين الموجودين بيها ويخلصهم من الضيم

زهرة الصبار ... الاخت العزيزة الغالية المساندة .
اني فرحتي بفرحتكم والله اشكرج كل الشكر ويارب يوفقج ويسهل امرج ويريح بالج يارررب ..
اي والله اني خلصت وعلى كولت الفريدو . الشغلة بسوريا الحلقة الاخيرة .. الله يسهل على الجميع يارب وان شاء الله اتمر هاي الازمة على خير والكل تطلع وترتاح يارب




ابو نور / دمشق

242

الف مبروك اخوية وان شالله الحياة السعيدة و الموفقية..

اشكرج اختي الغالية وان شاء الله الاستقرار والحياة السعيدة الكم والنه وللجميع يارب



ابو نور / دمشق

243
حبيبي الغالي أبونور....ألف مبروك قليلة بحقك وألله....وربي من قريت الخبر أحس عبالك آني الي راح أسافر موأنت....يارب يقرب الأيام وتمشي ركض ويوم الي أدخل للمنتدى وأقرأ خبر((أسامة الهاشمي يحيكم من كندا)) يارب
يسهل أمورك ويحقق مرادك وطريق السلامة إن شاء ألله

تقبل تحياتي
أبو مصطفى/دمشق

ابو مصطفى الوردة ربي يحفظك ويسلمك ويسهل امرك ويعزك ياررررب وان شاء الله نسمع اخبار مفرحة منك باقرب وقت يارب اشكرك على الدعاء وبارك الله بيك واعذرني هل مره ما خابرتك وكتلك على موعد السفر تعرف الخبصة الي اتصير اول يوم .. ان شاء الله يارب تسمعنه اخبارك الطيبة الي هيه مثل قلبك الطيب وتفرحنه



ابو نور / دمشق

244
الف مبروك وان شاء الله توصل بالسلامة
بس لا تنسانه وانت بكندا


ابو اسيد / دمشق

ابو اسيد جيراني الغالي والعزيز يارب ان شاء الله اتصير جاري بكندا ايضاً

هسه اليوم استحقت ببسي وكيك تعالي بليل للمحل اليوم معزوم ههههههههههههههه
ان شاء الله يارب اتسمعنه خبر منك بالوقت القريب يارررررررررررررب
د



ابو نور / دمشق

245
اخي وعزيزي ابو نور

الف الحمد لله والشكر وتوصل بالف سلامة يا طيب
صبرررت ونلت ;D

انته اصيل وتستاهل كل خيررر :)


تحياتي

اخوك
ابو مريومة

ابو مريومة العزيز الوردة ربي يحفظك وعائلتك الكريمة يارب  وان شاء الله ما تسمع بس الاخبار الحلوة الي تسعدك يارب ..
وشهادتك هاي اعتز بيها لان من شخص اصيل ابن اصول بارك الله بيك يا غالي



ابو نور / دمشق

246
أخيراً ,, أسامة العزيز ..

الف مبروك اخوية ..

اشكرك اخوية استقرار ... وصدكني اني اتفائلت بموضوعك مال الحلول الممكنه وراها ثاني يوم بدت المخابرات اتهل عليه الف الحمد لله والشكر


ابو نور / دمشق

247
الف الف مبروك اخونا ابو نور بعد طول انتظار والحمد لله هاي اخبار اسعدت كل الاخوان بالمنتدى
اتمنى لك الحياة السعيد والاستقرار في كندا الاحلام
ادعي للجميع بالسفر بااقرب وقت تحياتي







ابو هيا_____الاردن


ابو هيا الغالي ... اشكرك كل الشكر ويارب اتسافر باسرع وقت وتفرحنه وياك مثل ما فرحتو ويايه ويارب يسهل امر الجميع بحق الحبيب محمد


ابو نور / دمشق

248
تعيش ابن عمي وراسك سالم ياطيب اي زين كتلنه على موعد السفر
حتى نجييك للمطار اني وبشار ها بشار شتكول
بش اشو همين غلست على كيك ولبيبسي  ;D ;D

هلا وكل الهلا بيكم واشرف بمعرفتكم ويارب تتحقق كل امنياتكم

بس هاي شغلة الكيك والببسي ... صدكني اني جبتهن بس هذا المكمط مال ابو حمودي (( الفريدو )) اكلهن لان جنت رابطه يم الثلاجة .
عبالي انوزع بس ما صارت هههههههههههههههه

عمي عساك على ببسي وكيك اتمنى اتشرفوني وتجوني القدسيا واني حاضر ابطن عيني انته وبشار وكل اعضاء المنتدى واذا تردون بغير مكان اني هم حاضر خاف اتكولون قدسيا اتخوف ومتنطب .

ابو نور / دمشق

249
الف الف الف مبروك اخويه اسامة الهاشمي
ان شاء الله توصل بلسلامه يغالي

اشكرك اخوية الغالي وربي يوفقك ويسهل امرك يارب




ابو نور / دمشق

250
السلام عليكم .

يابه اخذت موعد سفر يوم 11/3  وان شاء الله للجميع وتخلصون من هم الانتظار .

واليوم خابروني طلعت اكو دورة طيران راح نبلش بيها يوم 27 بالشهر اذا الله سهل





ابو نور / دمشق

251
لك عمي الف ملياااااااااااااااااااااااار مبررررررررررررروك
ان شاء الله يوم نلحكك تستاهل كل خير
يله وين جكليت ولشربت  ;D ;D

ان شاء الله سفرة سعيدة واتمنالك كل الموفقية يارب

تحياتي

اشكرك حبيبي الغالي زيارب يارب يارب يارب تلحكوني واذا كندا ما شالتكم اشيلكم على راسي  يا طيبين
وما انسه فرحتكم ويايه .

بارك الله بيك يا غالي وربي يسلمك ويحفظك




بالمناسبة يوم سفري يوم 11/3 اذا الله سهل وراد جنت ناسي اكتبه بس بشار ذكرني بيه هههههههههههههههه
يارب يوم للجميع وترتاحون وتخلصون من هم وظيم القهر والانتظار




ابو نور / دمشق.... قريباً كندا

252
الف مبرووووووووووووك


الف الف الف مليوووون شكر وربي يوفقك ويسهل امرك يارب



ابو نور / دمشق

253
                     السلام عليكم

الف الف الف مبروك اخوية الغالي ابو نور الوردة ... انتم السابقون ونحن اللاحقون انشاء الله


     يارب تتوفقون بحياتكم الجديدة ويرزقكم راحة البال انه سميع الدعاء


اخوك   بشار


حبيبي الغالي بشارة الوردة اشكرك ويارب يسهل امرك وان شاء الله اجه دوركم وتسمعونه اخبار حلوة ياررررررررررب



ابو نور / دمشق

254
مبروك مبروك ابونور واخيرا توصلون بألف سلامة يارب

اختي الغالية كلي امل ان شاء الله يارب يزيد املك وينحققين كل طموحاتك وتخلصين من سوريا وتستقرين باحسن مكان بالعالم يااارب



ابو نور / دمشق

255
آني ما أكتب  :'( :'( :'( :'(  :'( :'( :'( :'( :'( :'( :'( :'(

ليش كوكي اختي الغالية انتي الخير والبركة يمعووودة
اذا ما اسمع تبريك منج ما افرح كل حيلي
ان شاء الله يوم الي افرحلج بسفرج يارب واهلهل وحتى اركص ههههههههههههههههههههه




ابو نور / دمشق

256
بالتوفيق وتوصل بالسلامة ...........مليون مبروك............

ابو مودي الغالي تسلملي وربي يوفقك وان شاء الله يوم الي الك
وللجميع




ابو نور / دمشق

257
الف الف مبروووووووووووك توصلون بالسلامة
يالله انتم السابقون ونحن اللاحقون  ;D ;D

البرنسيسة الغالية اشكرج اختي العزيزة وياااااارب يااااارب تسمعونه خبر سفركم باسرع وقت يارب
ان شاء الله ما بقى شي



ابو نور / دمشق

258
الـــــف مليـــــــــــــــــــون ترليـــــــــــــــــــــــــــــــــــــــون مبرووووووووووووووووووك
توصل بالسلامه ان شاءالله

رافت

اشكرك اخوية رافتالعراقي وبارك الله بيك يا غالي


ابو نور / دمشق

259
ابو مصطفى الوردة الغالي اشكرك وان شاء الله ربي يسمع منك

بس هاي مال سالفة المكمط لا والله اعذرني ابو مصطفى ما ترهم يمعود ابو حمودي يسويه عليه فيل مو مكمط ههههههههههههههه

عمي اني وياك قبل لا اروح نذبح النه مكمط ونشويه بس كون عنده جناحات ورجلينات ثنين بس هههههههه



ابو نور / دمشق

260
اللهم لك الحمد     اللهم لك الحمد

الف الف مبروك اخويه الغالي ابو نور والله فرحت من قريت الخبر ربي يسر امرك ويوفقك ويرزقكم الخير دائما
ان شاء الله الموفقيه والامن والامان لك ولعائلتك وتوصلون بااااااااااااااااالف سلامه امـــــــــــين يارب

ابو شهد الغالي ربي يسلمك ويوفقك ويحفظك يارب وان شاء الله اتنول الي ابالك بحق الحبيب محمد ..
اشكرك يا غالي وان شاء الله افرحلك بيوم فرحك ياررررررب .
بارك الله بيك اخوية



ابو نور / دمشق

261
الف الف مبروك اخ اسامه الهاشمي ويارب توصل بالسلامة

اشكرج اختي ماريان وان شاء الله يارب التوفيق بحياتكم وتحقيق الاماني  اشكرج على الدعاء


ابو نور / دمشق

262
الف الف مبروك ان شاءالله الاستقرار

اختي الغالية ام محمد واحمد اشكرج كل الشكر ويارب يخلصكم باسرع وقت وتسمعون اخبار حلوة يارب وتخلصون من سوريا بجاه الحبيب محمد



ابو نور / دمشق

263
الف مبروك اخي وان شاء توصلون بالسلامة وتتوفق بحياتك الجديدة

اشكرج اختي العزيزة روزة ويارب يوفقج ويسهل امرج وامرنه وامر الجميع


ابو نور / دمشق

264
الف الف الف مبرووووك اخويه وان شاء الله توصل بالف سلامه
اتمنالك التوفيق


اشكرج اختي العزيزة تقوى الله ويارب يسعدكم  وبارك الله بيج على هذا الدعاء




ابو نور / دمشق

265
حبيبي الغالي مغترب بلا وطن .. عاشت ايدك على هذا الذوق الراقي . ويارب تتحقق كل امنياتك
وامنيات الجميع يارب





ابو نور / دمشق

266
الف الف مبروك  وبيها كل الخير


اشكرك اخوية ماركوس وربي يسهل امرك يا الله



ابو نور / دمشق

267
اخيرررررررررررررررررررررررراً

الساعة العاشرة صباحاً اتصال من منظمة الهجرة الدولية ..
تعال بعد شوية رايديك علمود خط الرحلة .
وصلت انطوني خط الرحلة ودورة تثقيفية على السريع مطولت خمس دقايق بس الطريق منين لي وين وشكد نكعد بالمطار وشكد الوزن والهاندي ووو يعني مو اكثر من عشر دقايق .

ونطاني ورقة بيها خط الرحلة من دمشق الى استنبول وبعدين الى تورنتو وهم بيها الاوزان وشنو ناخذ ويانه يعني مثل الدورة ملخصة بورقة زغيرة . وكال الجوازات تستلموهن الايام الجاية ووياهن ظرف الاي او ام وبيهن التذاكر وكل شي وكلاشي يمكن حتى شربت مخلين بيهن
وكال وياكم خمسين نفر بالطيارة .
وهذا هوه
 
اتمنى الكل اتسافر وتخلص من ضيم الانتظار والقلق ويارب يسهل على الكل بكل الدول وخاصة جماعة سوريا والله المعين



ابو نور / دمشق

268
اشكرج اخت روزة وربي يسلمج ويسهل امرج ياااااارب .

وجايكم الموضوع الجديد بعد خمس دقايق البشااااااااارة الكبرى




ابو نور / دمشق

269
هههههههههههههههههههههههههههههههههههههه


لا ابو حمودي الثاني اله غير مكمط هوه يعرفه شنو  مكمط بس مينوكل هههههههههههههههههه

انته المكمط مالك ابو الامنية ميتغير وميصير الغيرك ما بيها مجال وماكو اي خيانة بالموضوع .

ان شاء الله يارب ما بقى شي كلها كم يوم وانزل خط الرحلة  ومن اسافر حتى الكراسي مال مطار الي راح انتظر بيها هم اصورها الكم  بس كون اسافر قبل لا يصير السقوط ههههههههه



ابو نور / دمشق

270
             السلام عليكم

شلونك اخويه ابو نور انشاءالله بخير .. شوماكو

   لاتكطع اخوية تره يظل بالنا يومية اكتبلك شي لو بس سلام يعني نريدك لحد متسافر بالسلامة تحرك الجو حرك

بس اني اكول انت من تغيب معناه رايح تجيب المكمط لاخونا ابو احمد الوردة  ;D ;D ;D

   تقبل تحياتي اخي الغالي


        اخوك   بشار

وعليكم السلام اخوية الغالي بشار ..
موجود والله بس عايش بقلق اكول خاف ما الحك على السفر خاف لا يصير سقوط هههههههههههههههههههههه

المكمط موجود وطلعت الامنية مالته جاهزة وكلشي تمام ويمية مدوخني بس يمعمع بنص الليل ميخليني انام يمكن راح اذبحة وجيبه تفصيخ لبو حمودي ههههههههههههه .
تسلم اخوية الغالي على سؤالك عليه وان شاء الله ابشركم بموعد السفر بالقريب العاجل  بفضل رب العالمين وبفضل دعائكم اليه
يااااااارررررب تفرج على الجميع باقرب وقت يارب



ابو نور / دمشق

271
اختي العزيزة امل  انتظار صبر ... كلام الاخ الفريدو صحيح 100% واني من ضمن الناس الي سلمت جوازاتي يوم الثلاثاء 14/2 .
وكان ويايه حوالي من 15 الى 20 شخص ايظاً يسلمون جوازاتهم .
بينما من يجون الناس يسألون اباب السفارة يكلولهم معزلة السفارة وماكو احد بالسفارة ومن طبينه ماكو اي احد بس احنه المجموعة الي سلمنه جوازاتنه حسب التسلسل الي ينادون بي همه وموجود عدهم على ورقة مطبوعة .
يعني برايي اني انهم كاعد يشتغلون بهدوء يعني ميردون ازعاج ومراجعات حتى يخلصون اكبر عدد ممكن من الناس الي منتظره ... والله اعلم
للعلم قبل يوم من اتصالهم بيه اني خابرت السفارة ولحيت وياهم بالحجي بدون اي فايدة يكولولي ما عدنه اي ملف بالسفارة وكلهن اتحولن الى عمان وبيروت وتكدر تتصل بيهم وهمه  يجاوبوك عدهم الملف وشوكت يتصلون بيك احنه منعرف اي شي ملفاتكم كلها اتحولت ... كلت الها خاطبتهم بايميل وما ردو عليه ... يعني لحيت زايد كلش كلش من الضوجة والقهر مالتي ...
اخر شي كالتلي روح راجع  اليو ان بكفر سوسة همه يكلولك شتسوي ووين اتروح .
سديت التلفون وخلص اليوم شلون ماجان اجه الصبح وخابروني كالولي جيب جوازاتكم ونفس الرقم الي جنت اخابره قبل يوم وايسوني من الحياة .
اختي العزيزة بس يراد شوية بعد صبر وان شاء الله يارب تفرج عليكم وعلينه وعلى كل الي ينتظرون يااااااااارب .
انتي بس خلي ابو حمودي(( الفريدو )) يدعيلج هسه تفرج عليكم بسرعة بسرعة ما ادري هذا الرجل عنده علاقات قوية  ;) ;) :D :D



ابو نور / دمشق

272
اشكرج اختي الغالية ويارب تتحقق كل امانيكم يارب وتشوفون كل الخير بجاه الحبيب محمد
ويارب يفتحها ويفرجها على كل الناس الطيبة امثالكم ... وتتحقق الاماني .




ابو نور / دمشق

273
اخي العزيز اسامة بلبداية الف مليووووووووووووووووووووون مبروك
وان شاء الله اتروح يم اخوتنه الفريدو وشمعة واكيد راح يذبحولك ذبايح  ;D ;D

بلنسبة لموضوع السفارة ترى هي كلتالي

الحكومة الكندية طلبت من جميع موظفيها الانسحاب الا ان الموظفين
خاطرو ب ببقائهم وذالك لتسهيل المعاملات

ولسفارة ما يردون تجمعات لانو السلطات طلبت منهم توخي الحذر
من سيارات المفخخة وبل اخص انو سفارتهم تقع على شارع العام

هذا كل الي اعرفه

تحياتي للجميع وان شاء الله يوم تفرحنه ب خبر سفرك



والله اني هم اكول هيج يا اخوية الناس خايفة وحقهم ..
اشكرك على تهانيك وربي يوفقك ويسهل امرك يارب وان شاء الله بكل خطوة سلامة يارب



ابو نور / دمشق

274
   أخويه العزيز أبو نور أنت بس أدعيلي أوصل لأمريكا وشوف شلون أتعنه وأجيكم لكندا بس حتى أشوفكم
   وبهذاك الوكت تكول صدك آني كدهه لو لا

  ربي يحقق آمالك ويسهل أمرك ويبعد عنك أولاد الحرام ولميخافون الله
  وان شاء الله أسمع بس أخبارك الحلوة يااااااااااطيب



              أختك كوكي

ياااااااااااااارب ياااااااااارب يااااااارب ان شاء الله توصلين بالف سلامة صدكيني توصلين باذن الله ...
ووالله ادري بيج كدها وكدود وان شاء الله نتشاوف وتجون اتصيفون يمنه بكندا ان شاء الله يارب  ونضحك على هاي الايام  الي اتمرمرنه بيه
الله يسلمج يا غالية وربي يحفظج ويسهل امرج مثل ما سهل امري وتسمعينه الاخبار الحلوة عن قريب ... شرط ان تجين اتصيفين يمنه ههههههههه


ابو نور / دمشق

275

اخونا الغالي اسامة ابو نور
صدقا فرحلتك هواية تستاهل يا طيب الف الف مبروك يارب يوم
تبشرنا بموعد الطيران عن قريب ان شاء الله
والله يفرجها على العراقيين بسوريا وبكل مكان يارب
تحياتي .


اختي الغالية الارمنية جارتي المستقبلية ههههههههه
اشكرج كل الشكر ويارب يسهل امرج .. اشكرج على فرحتج ويايه وربي ايسر امرج يارب وان شاء الله يرزقج .


ابو نور / دمشق

276
فرحتني ابو نوروالله والله الفرحة بسفرك راح تبجيني ربي ايتمم بخير وتسافر باسرع وقت بحق كل انبياء الله ادري بيك تعبت يا خوية الغالي بس ان شاء الله ربك ما يضيع تعبك ويعوضك بكل خير وان شاء الله تسافر وتستقر وتصير سوالف

ابو ستيررررة الغالي  حبيب قلبي شلووووووونك مشتاقلك موووووت .
اشكرك يا غالي على فرحتك ويايه وان شاء الله يوم الي تسمعني خبر سفرك وافرحلك  يارررررررررب ..

ونعم بالله ربك ما يترك عبده
الحمد لله على كل حال

خليني اشوفك قبل لا اسافر يا غالي


ابو نور / دمشق

277
   يا أسامة يا أبو الأنوار كلهه  :D
   أأأأأأأأأأأأأأأأأأأأأأأأأأأأأأأأأأأأأأألف ملللللللللللللللللليون تررررررررررررررررررررررررررررررررليون مبرررررررررررررررررررررررررروك
   ياطيب والله والله والله فرحتلك من عماميق قلبي  :D صدك صبرت ونلت وان شاء الله يتممهه عليكم بالخيرررررر
    والسعادة والأستقرار والراحة بعد التعب والصبر اللهم بحق حبيبك النبي توفقك أخويه العزيز أبو نور وترزقه من حلالك الطيب
    لأن هو طيب ويستاهل كل خير .
    بس أمااااااااااانة مو تنسانه ولو ادري بيك أبن حلال ومتنسه الخوة
    وأكيد رح أظل أتابع وياك الى المطار ولو جنتوا بعمان قسمآ بالله جان وصلتكم لباب صالة المسافرين  :D :D :D
     سلامي للعائلة ومنا لمن تسافرون لتطلعون من باب البيت أستروا علينه يمعودين  ;D
     تحياتي لأخويه العزيز


اشكررررررررررج اختي الغالية العزيزة كوكي ويارب يارب يارب يارب تسمعين كل خبر حلو ويارب تحقيق كل الاماني اشكرج وربي يبارك بيج وبالعائلة الكريمة يارب .

لا والله اخت كوكي اني اطلع ومتعود يومية اطلع واذا ما تصير الساعة بال 1 بليل ما اكدر ارجع لان ما اعرف انام من التفكير  على الاقل وره الوحدة اكد اتعشة اسمع اخبار صارت الساعة 5 الصبح اكدر وراها انام هذا صار عندي لنص هنا بسوريا .

مستحيل انسه الناس الطيبة الي وكفت ويايه بايام جنت محتاج بس حجاية وترتيبة على الجتف  ...
والله ادري بيج متقصرين وكدها وكدود  وحتى اذا  طلبت منج توصلين الكندا هم تجين ومتتعاجزين  ;D ;D ;D ;D ;D


اشكرج اختي العزيزة ويارب يوفقج وتسمعينه الاخبار الحلوة يارب




ابو نور / دمشق

278
الف مبروك الهم وان شاء الله يوصلون بالسلامة يارب .. . ويوم الي النه ان شاء الله

عاشت ايدك على هذا الخبر الحلو ...

عيني تره السفارة الكندية مستمرة بالشغل وما متوقفة ابد بس ميردون لا تجمعات ولا شي يمهم بالباب لذالك كاعد يبعدون الناس
وربكم الي يسهل ..
وان شاء الله الكل اتسافر وتخلص باسرع وقت ... ويارب حتى جماعت اميركا يحولوهم على كندا بسرعة حتى يخلصون





ابو نور / دمشق

279
مبروك والف مبروك اخونا العزيز ابو نور وانشاء الله السفر القريب بعون الله
وطبعا فرحة اخونا ابو احمد لاتوصف لان وقوفة مع الجميع ومسانتدة لكل الاخوان والاخوات لاتوصف...تحياتي لك
وانشاء السفر السفر القريب للجميع






ابو هيا______الاردن

اشكرك اخوية الغالي اسامة وربي يوفقك وان شاء الله تسمع خبر يفرحك يارب
واكيد ابو حمودي غني عن التعريف
ربي يوفقكم جميعاً ويارب الكل اتسافر وتخلص



ابو نور / دمشق

280
بشااااااااااااااااااااااااااااااااااااااااااااااااااااااااااااااااااااااارة


طلبو جوازاتي اليووووووووووووم
الباجر اوديهن
ابو حمودي اريد الهلهولللللللللللة بسرعة



س/ الصورة الي يردوهن الهن مقاسات لو عادي صور مثل مال الجواز



ابو نور / دمشق



الف الف الف مبرووووووك اخويه الغالي ابو نور الورده

والله فرحتني بهذا الخبر الحلووووووووو

مو كتلك عدنا وعاد الامل معنا وبشارتي بيها انه مو لو مومو ؟؟؟؟؟


اخويه شنو قصدك ماتجي لكالكري ؟؟؟ >:( >:( >:( >:( غير اسويها حرب على المكمط اذا مادخل لكالكري

اخويه اذا على كالكري كول واني انطيك اسمي واسم كل الي ساكنين بكالكري بس تعالو يمعود ههههههههههه


وهاي احلى هلهوله لاخويه الغالي ابو نور الورده

حبيبي ابو حمودي الغالي والله انته ذهب يا غالي ربي يحفظك ويرعاك يارب .
بس هيه الي خابرتني كلت الها الباجر اجيبلج رقم التلفونوالاسم كالت لا لازم هسه بهل لحظة عندي ولد صديق بمسساكا . كتلها زين ميصير  بمسساكا اول شي ما رضت بعدين وره الملحة كالت ديله ميخالف كتلها بس بالتلفون لازم اطفي واطلعه الرقم كالت يله خمس دقايق واخابرك . وصدك وره خمس دقايق خابرت انطيتها الرقم  . بس وين ايروح المكمط انجيبه انجيبه الكالكري ونجيك ما الك علاقه هههههههههههههههه

 بعدين تعال اكلك انته المن انطيت رقمك واسمك ههههههههههههه ما وصلني شي خاف دازه الغير واحد يمعوووود  جيك زين



ابو نور / دمشق

281
بالخير حبيبي ابو نور ان شاء الله يسر امرك وامر جميع العراقيين الي بسوريا
اخويه لا تنسى المكمط تره والله ابو احمد متخلص منه هههههههههههه
انت بس كله هذا المكمط واني اريد اهدي النفوس هو يعرف  ;D ;D ;D ;D
بالموفقيه ان شاء اخويه ابو نور


ابو شهد الغالي اشكرك على التبريك . ..
بس على تهديه النفوس ما اشكرك هههههههههههههههههههه  والله ابو حمودي يستاهل قطيع مكاميط مو مكمط لان هوه بس الدعوي الدعاها النه تسوه ذاك الحساب هههههه
ان شاء الله يوم سفرك ويرتاح بالك .



ابو نور / دمشق

282
اخوية العزيز اسامة الجميلي .. اشكرك وان شاء الله يارب تتحرك ملفاتكم باسرع وقت وتفرحونه بخبر سفركم  وتخلصون من هم الانتظار والتفكير  .

الريم 2000 اختي العزيزة اشكرج كل الشكر ويارب يوفقج بكل حياتج يارب وتحقيق الاماني .



اخوية الغالي شكو ماكو اشكرك يا غالي وربي يسهل امرك ويحققلك الي ابالك


تسلمون يا غالين وان شاء الله افرح بفرحكم مثل ما فرحتو ويايه .

بالمناسبة رحت اليوم وديت الجوازات ..الساعه 11 الظهر وخلونه ننجمع كلنه يله فتحو الباب كان عدد الحاضرين ما يقارب ال 15شخص او اقل والكل عوائل طبعاً ال 15 شخص هم ارباب العوائل فقط المهم محد يطب ولا احد يطلع من السفارة والي يجي يسأل يكلوله السفارة مسكرة وما كو احد  طبينه بال 11 الظهر ضبط وماكو احد جوه وبدون ارقام او سره كعدنه وبدو يصيحون باسمائنه الي بالقائمة وكل واحد يروح ينطي جوازاته وينطوه كتاب مال استلام وفي امان الله . لا حجي ولا نفس بس يكلولنه انتظرو من 20 الى 25 يوم يخابروكم  iom  علمود يسلموكم خط الرحلة والجوازات وادخلون دورة تثقيفية . .

اتصور السفارة كاعد تشتغل جوه واكثر من قبل بس ميردون تجمع يمهم يصير وميردون ازعاجات هواي لذالك كاعد يبعدون الناس عنهم وللعلم حتى صبات مخلين اباب السفارة بس الصبات بلاستيكية  ;D ;D ;D بس مليانه (مي) حتى اتصير ثكيلة .

ان شاء الله ايخابرون كل المنتظرين وان شاء الله الكل اتسافر وتخلص من هم الانتظار يارب .


ابو نور / دمشق

283
احلى خبر اسامة بالخير عليك يا طيب



ايهم الغالي تسلم حبيبي وان شاء الله يوم الي الك يارب وتفرحنه بسفرك




ابو نور / دمشق


284
اخويه الغالي ابو نور مبرووووووووووووووووووك عليك

والله فرحتني بهذا الخبر الحلو والله تستاهل كل الخير لانك تعبت واتاخرت كثير بس الحمدلله ربك فرجها

مو كلتلك الفرج واكف على رنة مبايل

شايف كل الخير اخويه بس المكمط اريده يجي لكالكري عدل وكبل والباربكيو ينتظرك اخويه اشوي وارجع ليوره ههههههههههه

الف مبروك اخويه وشايف كل الخير ياربي


هاي احلى هلهوله اخويه ابو نور




اخوك : الفريدو

حبيبي الغالي ابو حمودي الوردة اشكرك  ورحمه الله والديك على كل دعاء دعيته النا ويارب يهنيك ويريحك ويفتحلك الف والف باب للفرج والرزق والخير والصحة امين يارب .
عمي هو اني ليش اتاخرت غير علمود الامنية مال المكمط كله من وره المكمط اتاخرت بالسفر بس هسه كملت الامنية مالته لان طلع بعده ما بالغ سن الرشد هههههههههههههههههههههههه .
ان شاء الله يارب للجميع ونسمع منهم احلى اخبار



ابو نور / دمشق

285
الف مبروك اخونه انشالله السفر السريع والخلاص
فعلا فيزتك اجتي بالوقت الضائع... يعني 1-0 والدقيقة 93
الف مبروك مره ثانية اخوية
يوم الكم شلللللللللللع عينكاويين

اي والله يا خوية بالوقت الضائع الف الف الف الف الحمد لله والشكر على كل حال وان شاء الله يوم سفر الجميع يارب

ابو نور / دمشق

286
الف مبرووووووووووووووووووووووووووك اسامة ادعي الى جماعة اميركا تتحول ملفاتهم على كندا,,,,,,,,,,,,,,,,,,,,,,


والله خي حامل المسك بدون متكلي يومية ادعيلهم لان حالتهم ماساوية الي اشوفهم واعرفهم الله يساعدهم ويكون بعونهم . ان شاء الله يارب ينولون الي ابالهم اذا كانت اميركا او اي دولة يشعرون بيها بالامان والراحة والاستقرار .يارب يسهل على الكل وتسمعون اخبار مفرحة يارب


ابو نور / دمشق

287
الف الف الف مبروك اخوي ابو انور الودره وتستاهل كل خير ياطيب وبالتوفيق انشاء الله

اخوية الغالي العزيز اوركا ربي يسهل امرك وانته الي تستاهل كل الخير وان شاء الله شغلتك ماشية .. متاكد اني كل الملفات موجودة بسوريا والكل راح يمشن وبوقت قصير ان شاء الله من حجيهم ويايه اليوم مستعجلين ويكلولي باي وقت تكدر اتسافر كتلها هسه اذا تردين ههههههه
يارب ان شاء الله اتسمعنه خبر منتك هل يومين يا رب


ابو نور / دمشق

288
عزيزي اسامة الهاشمي

الف مبروك وشايف الف خير تمنياتي بالموفقية والوصول بالسلامة

ابو نورا ---- سوريا

اشكرك اخوية الغالي ويارب تسمع اخبار حلوة بهل الايام الجاية يارب


ابو نور / دمشق

289
الف مبروك عيني ابو نور انت وبقية الاعضاء
والله طرت من الفرح ربي يتمهها على خير وتسافرون وتخلصون
اصبر ان الله مع الصابرين
تحياتي لام نور

اختك ام زيد

ام زيد الاخت الغالية اشكرج وبارك الله بيج هذا كلها ابفضل رب العالمين وبفضل دعائكم الطيب يا غالين .
بالمناسبة خابرو الشخص الي اخذو مني رقم تلفونه اليوم يعني وره ما كالو جيب الجوازات واخذو الرقم وره 3 ساعات اتصلو بيه كالوله تعرفه كالهم اي كالوله بعد اسبوعين يجيك  يعني ما بقه شي هانت ان شاء الله بهل شهر او بداية الي وراه
اشكرج اختي العزيزة على سؤالج الدائم عليه وبارك الله بيج  وتحياتي للعائلة وان شاء الله تخلصون من اليمن باسرع وقت


ابو نور / دمشق

290

شكرا اخي العزيز على هالخبر
انشالله الله يفرجها و يسهلها ع الكل


اشكرك اخوية العزيز وربي يفرجها على الجميع يارب

ابو نور / دمشق

291
بالخير عليك اخويه الطيب ابو نور ربي يسر امرك وتسافر هذا الشهر يااااااااااااااااااارب ان شاء الله ميبقه ولا عراقي بسوريا الله يفرج على جميع العراقيين اللهم امين


ابو شهد الغالي الله يسلمك ويحفظك يارب  واشكرك اخوية الغالي ويارب للجميع السفر والخلاص


ابو نور /دمشق


292
اشكرج اختي الغالية برنسيسة ويارب تحقيق كل امانيج يارررررررب
وان شاء الله ربي يفرج على كل العراقيين بكل مكان يارب
والله يسهل على جماعة اميركا الي بسوريا خاصة وبكل مكان عامة



ابو نور / دمشق

293
اخواني اخواتي السلام عليكم

يعود اليكم الامل من جديد ونعود لنحمل لكم بشرى ساره لمنتظري السفر الى كندا

اخواني السفاره الكنديه في سوريا تعمل حاليا ولن تغلق ولكن الكادر في السفاره تم تقليصه وتم وبعونه تعالى استلام جوازات من الاخوه العراقيين في سوريا لغرض تهيئتهم للسفر وحسب قول موظف السفاره هذه المره سوف يكون السفر بعد 20 يوما وعدد الملفات التي تم استلام جوازاتهم يقدر 200 ملف لحد الان حسب المصدر الذي بلغني وقد تم استلام الجواز من اخونه مستعد لخوض التحدي بتاريخ 6 بشهر الثاني وانشالله الاجراءات ماشيه ولم يتم غلق السفاره نهائيا اما  الموظفين هم سوريين الذين يعملون حاليا في السفاره الكنديه في سوريا وهم الذين يباشرون بتبليغ اصحاب الملفات


انشالله الامل موجود والفرج على رنة مبايل وانشالله مبايلاتكم كلها ترن بهذا الاسبوع






اخوكم : الفريدو




والله صحيح يا اخوية والحمد لله والشكر على هاي البشارة .. ابو حمودي عيني حضر نفسك راح اجيب المكمط وجايك طبعاً كالولي انته كلت عندك صديق بكالكري تكدر تنطينه اسمه ورقم تلفونه كلت الهم هااااا هوه اسم الفريدو ههههههههههههههههههههههههههه
ادري غير تنطيني رقمك واسمك هيه مال الفريدو هههههههه
المهم عندي رقم تلفون واسم ولد صديق انطيتهميا كاعد بتورنتو مسساكا .
كالو لا انته كلت كالكري كلتلهم ميحضرني اسم ابو كالكري هههههههههههه

عمي وين ما جان بس خلي اطلع من سوريا .



اخوية الغالي بشار الوردة ربي يوفقك ويسهل امرك وان شاء الله يا رب تسمع خبر مفرح هل يومين الجاية ياااااااااااااااارب
طبعاً متواصل وياكم الى اخر يوم بعمري  ان شاء الله وعلى الي اكدر عليه وربي يسهل امرنه وامر الجميع
وان شاء الله كل المنتظرين يسمعون اخبار حلوة ومفرحة اذا كانو على كندا او اميركا او اي دولة ياررررررب


اشكرك اخوية الغالي رائد رائد وان شاء الله اتسمعنه خبر مفرح منك يارب ومن كل الموجودين يارب

ابو نور / دمشق

294

عضو مميز جدا

 غير متصل

رسائل: 3966

حبيبي ياعراق


    رد: الى جماعة كندا
« رد #27 في: اليوم في 08:28:41 am »   

--------------------------------------------------------------------------------
اخوان السفاره الكنديه لن تغلق نهائيا

السفاره تعمل بشكل طبيعي ولكن الكنديين يعملون من خارج سوريا واما الموظفين السوريين فهم الموجودين بداخل السفاره لتبليغ الاهالي بالاجراءات وتسليم الجوازات والشغله ماشيه 100%

من يوم 11 بشهر الواحد لحد الان تم استلام تقريبا 200 جواز لغرض السفر الى كندا ويوجد شخص بموضوعي موجود وهو مقبول على كالكري تم الاتصال به وسلم جوازه بيوم 6 بشهر الثاني

يعني ماكو شي اسمه تم غلق السفاره




اخوكم : الفريدو
 


والله صحيح ابو حمودي بس احنه البشر ما عدنه صبر ونستعجل على كل شي ..ز الف الحمد لله والشكر على كل حال .

عيني ابو حمودي حضر الحطب جايبلك المكمط وجاي


ابو نور / دمشق

295
السلام عليكــــــــــــــم .

اخواني الاعزاء تره السفارة الكندية مستمرة بالعمل بسوريا لحد الان واليوم الظهر خابروني وطلبو جوازاتي يعني الشغل مستمر وعلى حسب الاصول .
علماً اني البارحة خابرتهم ومليت من الملحة والحجي وياهم كالو ما عدنه اي ملف هنا بالسفارة كلهن اتحولن على عمان او بيروت اتصل بيهم راح تلكه ملفك . او روح راجع كفر سوسة همه يبلغوك شتسوي .
ونفس الرقم الي حجو هذا الحجي خابروني اليوم وكالو جيب جوازاتك والصور ملفك كامل وراح نفيزلك .
الحمد لله والشكر  .




ابو نور / دمشق

296
بشااااااااااااااااااااااااااااااااااااااااااااااااااااااااااااااااااااااارة


طلبو جوازاتي اليووووووووووووم
الباجر اوديهن
ابو حمودي اريد الهلهولللللللللللة بسرعة



س/ الصورة الي يردوهن الهن مقاسات لو عادي صور مثل مال الجواز



ابو نور / دمشق

297
السلام عليكم

صحيح اخوان ... اني وياكم نكدر هسه بهل لحظة انسافر للاردن او المصر او بيروت او تركيا ... هسه بهل وقت تدبر الفيزا عادي صح بصعوبة المهم تدبر .
بس المشكلة اذا اطور الوضع ومنعرف شراح يصير شلون بساعتها يعني اكو سفر لا . يجوز الحدود تنسد وماكو اي بشر يكدر يطلع او يطب من سوريا ويجوز التنقل بالداخل يصير صعب اذا مو معدوم . وطبعاً هم اكول يجوز ميصير شي والاوضاع تهدأ .
احنه حيرتنه هسه بشنو الي راح انسويه يعني اكو ناس واصله مرحله باليو ان متكدر تتركه واتخاف لا ايضيع الاول والتالي عليها . واكو ناس منتظره الفيزة (( مثلي )) وكالولهم لا تتحركون من مكانكم انتظرونه نتصل بيكم ... واكو ناس عدها اعمال هنا ومصالح ميكدرون يعوفوها .
وبنفس الوقت خايفين من الي راح يصير ويكلك خاف ابقى واتورط .
الله كريم اخوتي كلها اتهون وان شاء الله يجينه الفرج بين يوم وليله .. ربك ما ينسه عبده .


ابو نور / دمشق

298
وعليكم السلام

والله اني من رايي ننتظر الى ان الله يفرجها هذا رايي الشخصي والي راح اسويه اني لان الشغلة مطولة هذا الواضح .وعلى كولتك  حشر مع الناس عيد ..
بس المهم اتكونون حذرين ومو كل وقت واحد يطلع وخلو الجمعه تكون سبات بالبيت  وابتعدو عن النقاشات مع الناس لان متعرف منو الي ضد ومنو الي ويه كلها تشتغل من جوه ليجوه .

وللعلم الاقتراحات الي ذكرتها حظرتك مو كل الناس تكدر اتسويها يعني اكو هواي ناس متكدر ترجع للعراق واكو هواي ناس ما عدها امكانية اتسافر الغير بلد لان همه يادوب امشين حالهم وعيشتهم  .
يعني بشكل عام التفكير الي اتفكر بيه انته والقرار الي راح تتخذه اكيد راح يكون صحيح بخصوصك انته بس .. وكل واحد وحسب ظروفه




ابو نور / دمشق

299
صباح الخير ..

طبعاً اني دزيت ايميل للسفارة الكندية بعمان وبيروت مال بيروت رجعولي جواب وكالو مو يمنه ملفك بس دز ايميل للسفارة الي بعمان  ودزولي ايميلات اثنين وتلفون وفاكس ..
بس طلع الايميل يختلف عن الي دزيت اله اول مره نفس الايميل الي كاتبه الاخ ايوه كده يا وديع  برده .
وراح اكتبلكم الايميلات ودزو عليهن .

Dear Sir/Madam,
 
This is in reference to your e-mail.
 
For additional information on your application, please sent your request to one of the e-mails listed below:
 
re-amman.immigration@international.gc.ca
amman-im@international.gc.ca
 
Regards
 
 
Unité des visas/ Visa Section
Ambassade du Canada/Canadian Embassy
berut.immigration@international.gc.ca
Téléphone/Telephone 961-471-3900
Télécopieur/Facsimile 961-471-0594
Imm.Coolrite,43 Autoroute JalElDib, JalElDib, Liban
Coolrite Building,43 JalElDib Highway, JalElDib, Lebanon
Citoyenneté et Immigration Canada/Citizenship and Immigration Canada
Gouvernement du Canada/Government of Canada


ابو نور / دمشق 

300
اخي الغالي ابو مريم ... قدر الله وماشاء فعل يعني و الله بس ربي يحفضكم من هذا المجنون بشار هو اكبر مكسب .. تعرف عندي ناس اصدقاء ابنهم شاب صغير صارله اسبوع مختفي هو و اصحابه اثنين من منطقة حرستا تعرف قبل يومين يلا ناس كللولهم يمكن موجودين بمركز امني .. و هو الوحيد لاهله .. الله يستر شيفيدهم سفر لو امريكا اذا صار بابنهم شي لا قدر الله .. و انته ممكن تتوكل على الله وتجي لعمان و تقدم منا .. و اكرر اهم شئ سلامتكم وسلامة اهلكم

صحيح اخي ابو شمس ... وطلعو بمركز امني والسبب انه همه ماجرين تكسي وبالطريق موكفيهم سيطرة وفتشو التكسي لكو ابو التكسي محمل اسلحة وياه ووكعت براس الفقرة خطية واثناء التحقيق ابو التكسي كلهم ذولي العراقيين ويايه  وهمه لا بيها ولا عليها  بس هذا حظهم .. الف الحمد لله والشكر وهسه اهله انجبرو راح يطلعون للاردن من لا جارة .. الله يفرج عنهم ان شاء الله ويارب يطلع ابنهم سالم لان همه ناس طيبين وميستاهلون .






ابو نور / دمشق

301
ابو حمودي مبروووك على المولود الجديد ولو اجتي متأخرة تبريكاتي بس عذراً ما دريت اله هسه من راجعت جمعيتنا الف الف الف الف مبروك وان شاء الله يارب يتربه بعزك .

يمعودين ليش هيج مهمولة الجمعية مو تره خطية احنه شنو عفتونة .






ابو نور / دمشق

302
ونعم بالله .. وشعدنه غيره يا خوية يا وديع الله يسهل على الجميع يا رب ...
بس كون ما اقبط السنه والله الي يستر



ابو نور / دمشق

303
والله اني دزيت الهم رسالة على هذا العنوان نفسه بس شو ما مقتنع  الله اعلم

الله يسهل للكل

علماً اني قبل جنت من اطب علىالموقع مال السفارة واخلي الرقم مال الملف مالتي يطلع اليه بس المقابلة الاولى والثانية كاملة بس هسه من اخلي الملف يطلع اليه واردة الفحوصات وهاي صار 10 ايام .





ابو نور / دمشق

304
صباح الخير ...

اليوم خابرت السفارة الصبح .. ردت عليه وحده حبابه الله يخليها الاهلها ..  :)

كالت كل السفارة سكرت الي هنا وحنه هسه كاعدين (( خراعين خضرة ))  كالت تكدر ادز ايميل للسفارة الي بعمان وهمه ينطوك جواب اذا ملفك يمهم .. واذا ملفك مو يمهم عوضك على الله


ابو نور / دمشق

305
صباح الخير ..

بعد غياب 4 اشهر

يعني 120 صباح الخير




ابو نور / دمشق

306
اخوان

اكو تعينات بلسفارة هسة لو لا


شلون ما اشوفج راجعة للعراق وكاعد ادورين على منفذ  :D


307
صحيح ........ يمعود اكو ناس حتى يكولون اليو ان راح تعزل ههههههههههه






اي اني هم سمعت راح يسوون تصفية ويعزلون او يبيعوها شلع لان صارت خسارة عليهم .. ;D ;D ;D ;D


ابو نور دمشق

308
الى رحمه الله ...

شكراً لصاحب الموضوع ..



ابو نور / دمشق

309
صباح الخير ..

طبعاً اسم شمعة يذكرني بفد شي قديم جان يطلع بالكارتون .. ما اذكره يا كارتون بس جانت العبارة اتكول
((((( لمعة يقفز من فوق الشمعة ))))))) ;D ;D ;D ;D

وردة شمعتنا الغالي عزيز وتبقه عزيز



ابو نور / دمشق

310
فديتهااااااااااا الامورة الحلوووووووووووة .. ربي يحفظها ويخليها الك يارب ..


زين هسه اني ما عرفت منو الكيكة ومنو هاجر تيهت ابيناتهن .. هاي الي عليها الشمعة هاجر مو .. والكيكة الي لابسة بدلة مو صح ...

ان شاء الله تحتفل بعيد ميلادها المية يا رب وسنونك واكعة  ;D ;D ;D من اكل الكيك





ابو نور / دمشق

311
الف مبروك اختي نهلة وان شاء الله السفر القريب يا رب ...

بالعادة مقابلة القنصل الكندي وتوقيع اوراق القرض واستلام اوراق الفحوصات الطبية  هاي الي اتصير عدنه جماعة اليو ان ..
يعني اذا الله سهلة يوم الثلاثاء عندج مقابلة ويه القنصل اتوقيعن اوراق القرض وتستلمين الفحوصات وترحون اتسوون الفحوصات الطبية وبعدين ايدزون الفحوصات الطبية للسفارة والسفارة بدورهم يدزوها الفرنسا ويراد الهن فترة شهرين يله يرجعن اذا مو اكثر او اقل ...ووراها الجوازات والفيزا والسفر ان شاء الله .. هذا حسب الي اعرفه اني  عن طريق اليو ان  في سوريا ..

ان شاء الله ربي يسهل امركم وامرنا باسرع وقت يا رب .



ابو نور / دنشق

312
صباح الخير ..

يابه دز والله كريم .. ان شاء الله رب العالمين يسهل امرك


ابو نور / دمشق

313
الف مبرررررررررررررررررررررررروك وكل عام وهاجر الكندية بالف الف الف خير يارب وان شاء الله تتربة بعز الفريدو الغالي وتصير اكبر محامية مختصة بقضايا اللجؤ العراقي  :D :D :D :D :D .

ربي يخليها الك ويحفظها ويحفظكم يا رب .



ابو نور /دمشق

314
يمعود ايهم والله كندا لو تعرفك جان هيه زلغت روحها عليك بس غير الوكت اعوج ... الله كريم ربي يسهل امرك ان شاء الله وتسافر للمكان الي انته اتريده والي تلكه بيه راحتك وحياتك .. والتوفيق من رب العالمين ..

شمعة يمعود هو مكمط واحد وعدت الفحص اليوم من براه انوب ثنين اتريد اتسويهن يمكن يجيني رفض هسه ... وين راح الفريدو منك ..





ابو نور / دمشق

315
تعرفون  الكفاله الخماسيه و كفاله الكنسيه واحسن مني

شبيكم ويايه اليوم بعد مااحجي احسن


والله حقج .... الله على العايل (( شمعة ))  ;D ;D ;D ;D

316
اختي الغالية كوكي والله البارحة خابرني الدكتور اعادة فحص .. واليوم رحت سويت اعادة للفحص وراح ارجع انتظر من جديد والله يسهل ..
بس اني ما اريد اسافر هسه الى ان اطمئن على الاوضاع مال سوريا لان خطية ما اكدر اعوفهم وحدهم واطلع  ;D اخاف عليهم .

اشكرج على السؤال يا غالية وربي يوفقج ويسلمج ويحقق كل امنياتج ..



ابو نور /دمشق

317
اذا تريد تعيش بكندا ليش مسوي
بس امريكا احسن  وروح زياره لكندا كل فتره


بعد شتريد اخ ايهم .. الاخت سالي لكتلك الحل يله كول اتقصرون ويايه ...
ولو اني ما فهمت بس الشطر الاول والثاني  ؟؟؟؟؟؟؟؟؟؟


ابو نور / دمشق
اي لك عيني ابو نور ,,, اصلا سالي جابتلي السبع من ذيلة و خلتة كدامي يثرم بصل و يسوي زلاطة



هاي هيه بعد انوجد الحل وراح يتوكل على الله اخ ايهم وان شاء الله سهلة ... بس كون اترجمولنه الشطر الاول والثاني من الحل .. حتى نفتهمه  .
متكلي شسويتلنه بنص الليل يا ايهم ... مو جاي انروح انام شدعيلك (( ان شاء الله طيارة بيها مقعد فارغ وتاخذك كبل على كندا )) وهاي دعوة واحد اليوم عايد الفحوصات مال كندا دروح  ;D


ابو نور / دمشق

318
اذا تريد تعيش بكندا ليش مسوي
بس امريكا احسن  وروح زياره لكندا كل فتره


بعد شتريد اخ ايهم .. الاخت سالي لكتلك الحل يله كول اتقصرون ويايه ...
ولو اني ما فهمت بس الشطر الاول والثاني  ؟؟؟؟؟؟؟؟؟؟


ابو نور / دمشق

320
صباح الخير ...

عمي ايهم تعال روح  بمكاني اني بطلت وخليني اروح اني لاميركا بمكانك ... اذا يصير نتبادل  ;D
ولا تمرغل الموضوع ولا تكبب الترابه علينه ...



ابو نور / دمشق

321
ملاحظة: أردتُ أن أضع لكِ بعض الفلوس في الظرف، لكني مع الأسف تذكرت ذلك بعد أن أغلقته...‬
 
هههههههههههههههههههه خوش حجة هاية يعني خلصت الظروف ;D ;D ;Dحلوة عاشت ايدك اخ National   




المشكلة مو خلصت الظروف المشكلة شلون كتب الملاحظة والظرف مغلق هههههههههههههههه



عاشت ايدك اخوية ضحكتنه والله



ابو نور / دمشق

322
الله يساعدكم جماعة عمان ..
مدوخينكم بشركات هواية وعروض هواية  ومتعبين نفسيتكم ومحيريكم كل شوية تختارون شركة وبعدين يطلعون مو مظبوطين ..
احنه جماعة سوريا لا مرتاحين من هاي الناحية .. لان هو خط واحد وغصباً علينه ههههههههههههههههه ماكو غيره .. :D :D :D


ربي يسهل للكل وتسافرون وتخلصون ..




ابو نور /دمشق

323
صباح الخير ..

ربي يكون بعونكم ويساعدكم ان شاء الله ...



ابو نور / دمشق

324
مساء الانوار .. والامنيات والفحوصات



ابو نور / دمشق

325
اخوية الغالي سكن الف مبروووك وان شاء الله يارب يجيك موعد السفر باسرع وقت وترتاح من الانتظار ..
ربي يسهل امرك وامرنا يا رب .



ابو نور / دمشق

326
صباح الخير ...

اشكرك اخوية عبادي وان شاء الله يوم الي الك يارب ويسهل امرك ..


بس صدقني يا اخي الفحوصات من سويتهن متأكد ما جان بيهن صالح لان هنه فايل زغير فمعقولة صالح طب بالفايل وره ما اخذه الدكتور الله اعلم ... يجوز بس الباجر من راح اعيد الفحوصات راح اتاكد ميه الميه انه صالح ما موجود .. والتسهيل من رب العالمين .

اشكرك على الدعاء اخوية العزيز وربي يسهل امرك وامر الجميع واني وياكم ...


اختي العزيزة اسيل .. لا رادوني بس اني اعادة كل الفحوصات اول شي كلي تعال اليوم بالخمسة بعدين كال لالا الباجر تعال الصبح لان عندك تحاليل دم ايضاً يعني مو كل العائلة بس اني راح اروح .. ومن ربج التسهيل . ربي يفرج عنكم ويقضي حوائجكم بجاه الحبيب المصطفى .



ابو نور / دمشق

327
صباح الخير ..

لا اختي امونة ماكو هيج شي الفيزة موجودة ما كو اي عفو عنها بس سمعنه قبل فترة وطلع الخبر دعاية .
يعني الفيزة موجودة وطبيعي مثل قبل .




ابو نور / دمشق

328
ربي يسهل امرك وان شاء الله اتخلص على خير .. وتسافر باسرع وقت يا رب .ز




ابو نور / دمشق

329
صباح الخير ...

اليوم قبطت شهرين على الفحوصات من كملتهن ... وجنت منتظر اتصال من السفارة لطلب الجوازات .. وللاسف الشديد !!! اجاني اتصال باعادة الفحوصات الطبية الباجر .. يعني بوري معدل وانتظار فد اقل شي شهرين ثانية يله تجي الفحوصات مره ثانية وهكذا .. ولله الامر .

ادعولي ....



ابو نور / دمشق

330
صباح الخير ..

اختي العزيزة الاماني .. احجيلج داخل الشام لان بصراحة بره الشام ما عندي اي معلومات .

التنقل داخل الشام واريافها سهل وسلس جداً وماكو اي شي نهائياً نهائياً وباي وقت الي كان يعني 3 بليل اربعة خمسة  اي وقت السيارات موجودة وشغالة وتكسيات موجودة وحركة حلوة وزينة وناس ازدحام .. ما عدى يوم الجمعة الحركة اتقل وتضعف بشكل ملحوظ في اغلب المناطق . مع العلم الجمعة الفاتت اني طلعت لكيت الناس كاعدين بالجزرات الوسطية مال شوارع وجايبين عشاهم وياهم ونراكيل وكعدات عائلية حلوة هذا الحجي طريق قاسيون كله الى الشاام وداخل الشام الوضع تقريباً كلش هادي وماكو اي شي صح اكو سيطرات في بعض من المناطق بس مجرد طلب هويات لا اكثر ولا اقل وما مريت بهاي الحالة اني ومحد طلب هويتي لحد الان ..
عيني امونة اختي الغالية اتوكلي على الله وتعالي وان شاء الله ماكو شي بس الطريق المودي الى سوريا من الاردن ما اعرف بيه ارجو انه تتأكدين منه اول شي والي عنده اجابة ميقصر ان شاء الله ..
للعلم تره فاقدينج احنه بالمنتدى صار فترة يمعودة على الاقل بين فترة وفترة انطينه اخبارج لان انتي عزيزة علينه وان شاء الله يارب نسمع منج الاخبار الحلوة ..


ابو نور / دمشق

331
اخوية الغالي المهندس اشكرك كل الشكر على دعواتك وربي يسهل امرك ويفرج عليك باقرب وقت يا رب ..
وان شاء الله شغلت اتصير بسرعة بسرعة ... وعند ربك مو بعيدة صدكني .

الحمد لله على سلامة الوصول لسوريا وان شاء الله الامن والامان الك والعائلتك يا رب .

وان شاء الله احنه اخوتك هنا  وحاضرين الاي شي ..


ابو حمودي الغالي ( الفريدو ) والله انته معذور يا اخي ولو انته ما مقصر ابد وما عايفنه وويانه ويانه دائماً .. بس احنه انعذرك حتى اذا طولت فترة اكثر لان نعرف بامور الحياة ومطالبها ومشاغلها وربي يكون بعونك ويسهلك كل الصعاب وينولك الي ابالك ويحقق كل امانيك واحلامك وينطيك الصحة والعافية والرزق الحلال .. والستر ... يا ابن الخيرين الطيبين



ابو نور / دمشق

332
مساء الخير ... شلونكم ان شاء الله زينين

ربي يفرجها على الجميع بحق الحبيب المصطفى





ابو نور / دمشق

333
صباح الخير ..
ربي يسهل امركم يا رب ويعينكم وان شاء الله الشفاء العاجل لكل مرضى العالم ..

ابو حمودي وينك يمعود تهنه بلاياك ..

اختي زيتونة شلونكم شخباركم ان شاء الله مرتاحين يارب .

فرجك يارب .



ابو نور / دمشق

334
الف الحمد لله على سلامة الوصول والف مبروك وربي ان شاء الله تتهنة بحياتك الجديدة وتكون عليك فاتحة خير وان شاء الله التوفيق والسعادة ...
شد حيلك وتوكل على الله ...




ابو نور / دمشق

335
صباح الخير ..


اليوم الصبح السفارة الكندية دكولي مسكول ... رجعت خابرتهم .. كالو اعذرنه ما عدنه رصيد .. كتلهم ميخالف ولا يهمكم خير شكو .. كالو انته مستعجل على السفر لكندا .. كتلهم  لا براحتكم من اتخلصون شغلكم دكولي مسكول واني اخابركم .. كالو خاف انسوي زحمة عليك . كتلهم لا عادي ..








اكو واحد مار بهيج حالة  :D :D :D :D :D :D :D :D
هاي من الضوجة .


شلونكم شلون اخابركم ان شاء الله بخير يارب .. وربي يفرجها عليكم كلكم باسرع وقت يارب .. وتسافرون وتخلصون من ظيم وهم وقهر  وفزع وترقب وتفكير الانتظار ..




ابو نور / دمشق

336
ابد ما الها علاقة بالموضوع وال un  موجودة قبل الامريكان



ابو نور / دمشق

337
السلام عليكم اخواني وخواتي نحن هذا الموضوع  لتسهيل امرنا جميعا من امور تخص العراقيين ولا علاقة لنا بشوؤن الخاصة للاخرين , وكل ما نتمناه لسوريا ان تهدأ ويبعد الشر عن الكل لان سوريا  بالنسبة لنا هي  بلادنا وشعبها اخواننا ونحن لدينا من المشاكل تفوق كثيرا ما عند الناس جميعهم فرجاءا رجاءا ان نتكلم بما يخصنا من تسهيل  وتسهيل للعراقيين فقط وهي التي تخص الامور المعيشية في سوريا وارجو ان يكون الامر واضح للجميع


وارجو ان تتقبلوا كلامي من اخوكم او العربي


اخي العزيز ابو العربي ... اني قريت اسم الموضوع خطأ يمكن عبالي كل ما يخص العراقيين بسوريا ... وما اتصورت كل ما يخص الامور المعيشية في سوريا ... او يمكن انته ما معدل اسم الموضوع ...
ثانياً اخي العزيز مو بس الامور المعيشية هيه الي اتهمنه بسوريا لا بالعكس كل الامور مهمة وخاصة هل وقت الي كاعد انمر بيه لان الاوضاع تعبانة مثل متعرف ومثل ما يعرف الكل والناس اتحب تطمئن عن كل الموجودين . واكو من الناس بنيته القدوم الى سوريا لكن متخوفين من الاوضاع وحنه من واجبنه انبين الهم الحالة وما بيهة شي ... حسب ما اعتقد . اما اذا حضرتك عندك وجهة نظر ثانية ما بيها شي .




ارجو ان تعذرني لعدم تقبلي كلامك نهائياً ... وانت اخ عزيز




ابو نور / دمشق

338
الف الف الف الف مبرووووك الوصول بالسلامة اخت مي وان شاء الله يارب بلد الخير والرزق ويارب ترتاحون وتستقرون باسرع وقت ...



ابو نور / دمشق

340
صباح الخير على الجميع .

اي والله ماكنتوشة الجو اول البارحة والبارحة عبالك صدك بالعراق سبحان الله هيه هم مثل العدوى بس لا انعدت سوريا وراح يصير بيها مثل ما صار بالعراق .



السلام عليكم ورحمة الله وبركاته طبعا اخوان مع الاسف الشديد من اقرأ بعض ردود الاخوة غلى الحال في سوريا كأنما اني دا اشوف قناة سوريا وقناة الدنيا من يحجون يحسسوك كانما انت كاعد بجنه مابيها اي مشكله ويكولون هذا حجي القنوات المغرضة مثل الجزيرة هي اتمثل المظاهرات وتسوي فلم هندي على سوريا اخوان اشويه اتقو الله الاوضاع كلش صعبة بالمحافظات انتو موتشوفون حلب بعدها مطالعة وبعض مناطق دمشق على السريع تكتبون الاوضاع الحمد لله زينه انتو ماعليكم بالمناطق الي اتسكنوها واشويه ديرو بالكم ترى الامم المتحدة والهجرة الدولة والمسئولين عن التوطين كاعد تقرأ ردودكم واكيد اتكول من بعد ما تقرأ كلامكم يابه الوضع زين والعراقيين ماعليهم اي خطورة وكاعدين بسعادة مالها مثيل بسوريه فشويه عطلوهم لعد لا تستعجلون عليهم هذا بس الي حبيت انبه اله واني اسف اذا اتعديت عليكم اخزكم الرجل العراقي



اخي العزيز الرجل العراقي احنه كاعد انوضح الحالة الي انشوفها بعينه ومو من الاخبار كاعد نسمعها حتى انصير مثلهم .. لا مثل القنوات السوريا ولا  قنوات الجزيرة والعربية هذا واقع حال كاعد نعيشة وكلنه كاعد نشوفه فما كو داعي انهول الموقف ولا نستهين بيه بالعكس نحجي الحقيقة .. ومثل ما اتكول منظمة الامم المتحدة كاعد اتابع كلامنه فنفس الحالة اخي الكريم ولو المفروض ما احجيها هنا بس المخابرات السوريا والامن هم كاعد اتابع كمبيوتراتنا وخلي ابالك الكلام الزائد اله تاثير ومردود سلبي علينه ...
والحقيقة الي كاعد انشوفها عدنه هنا بالشام الامور تقريباً شبه طبيعية بكل ايام الاسبوع ما عدى يوم الجمعة . اكو شوية هوسات يمكن ... بس شي حتى ميستحق الذكر لكن بالمحافظات للاسف محد مدنا بالاخبار ومحد كال كاعد يصير عدنه فد شي كلش قوي ومو من المعقول احنه انصدك بكلام القنوات الفضائية مع ذلك نعرف كاعد اتصير هواي مشاكل .. بس يمنه بالشام لا .. ان شاء الله يارب الستر والامان على كل شعوب العالم وعلى كل الطيبين والخيرين من كل الديانات والاطياف .
ويارب يحفض سوريا والناس البيها . وان شاء الله ماكو شي .




ابو نور / دمشق

341
انا لله وانا اليه راجعون .... البقاء لله اخي الكريم مترجم وربي يجعلها اخر الاحزان .
وان شاء الله يمدكم باصبر والسلوان .



اخي العزيز دولار اتصور هذه هي الطريقة المثلا وما بيها شي اذا نقلت موضوعها بعدين المهم انقدم التعازي للاخ العزيز علينا مترجم سابق . وبارك الله بيك .





ابو نور / دمشق

342
الله يسمع منك ويارب تسهل شغلت وتسافر باسرع وقت وصدكني الدنيا زغيرة وتتلاكة الوجوه ان شاء الله ..





ابو نور / دمشق

343
ان شاء الله توصل بالسلامة ويارب تحقيق كل امنياتك في البلد الجديد وربي يوفقك ..



ابو نور / دمشق

344
ألسلام عليكم ...

ألله يساعدكم ... فوك الظيم ماكو توطين وين أتروح العالم .... ألله كريم

اليوم الجو ... أصفر ... شنو أشراح يصير ألله يستر


هذا غضب رب العالمين على الناس المتعافية ... اليوم الجو اصفر الباجر ايصير احمر والله الي يستر



ابو نور / دمشق

345
صباح الخير .

شمعتنه الغالي بس تجينه الكندا والله لنذبحلك قطيع كامل مو طلي واحد بس ادعيلي اوصل بسرعة والله يسهلها عليه ان شاء الله ..

ابو حمودي الغالي شلونك ان شاء الله يا رب بخير .


العزيز المهندس يا اهلاً وسهلاً بيك اتنور سوريا بجيتك والله وتشرفنه وان شاء الله ربي يسهل امرك ويفرجها عليك من كل الابواب وربي يسلمك ويحفظك ويوصلك بالسلامة ...
اخوية العزيز اتوكل على الله وتعال وان شاء الله راح تلكاني منتظرك بالكراج مال سيدة زينب واذا سوريا ما شالتك اشيلك على راسي والله ..
وان شاء الله نبقى على اتصال منا الى ان توصل بالسلامة حتى ارتبلك الامور هنا ولا تشيل هم واعتبرني اخوك هنا .





الله يسهل امر الجميع ان شاء الله .





ابو نور / دمشق

346
ههههههه   هاي شلون شغلة فصخته للطلي وهوه بعد ما واصل يا شمعتنه .... بس تره اكلك اني كلت طلي مكمط شو هذا جبير يا بعد روحي ...
ويعني انته راح اطلعه من الكماط اتخليه بالجفن كبل تره ميصير ارحم بيه مو كلنه الفلافل هم نعمة الله






ابو نور / دمشق

347
هلا بلغالي اوركاي .. ان شاء الله بخير




ابو نور / دمشق

348
صباح المساء الخير




ابو نور / دمشق

349
السلام عليكم ..

شلونكم شلون صحتكم ان شاء الله بخير كلكم يارب .. وان شاء الله السفر السريع للكل .
بس بيت ابشركم والعهدة على القائل .

اليوم اني جنت بالمزة اندور بيت الولد صديق وبالصدفة لكيت احد موظفين اليو ان وطلع دلال فسالفة اجر سالفة واثناء الحديث كال هسه الوفد الامريكي كاعد يقابل بالشاشات . كتله يمعود كالو دعاية هاي .. كال شنو  الدعاية غير اني باليو ان وكاعد انجيب الناس اتقابل  واكد الموضوع اليه كتله زين وين همه بالاردن كال ما اعرف لو بالاردن لو بلبنان يعني مره هنا ومره هنا حسب وين ماهمه موجودين  بس هسه ما ادري بيهم وين لكن كاعد يقابلون ومستمرين ..
والله فرحت بالخبر وان شاء الله يقابلونكم كلكم وتخلصون من الانتظار ...
للعلم هذا حجيه هوه بس اني ما شفت ولا اعرف احد مقابل بالشاشات عن طريق الانترنيت بس اسمع ... يعني مو بمسؤليتي الخبر ولا بذمتي  .. وان شاء الله يا رب يطلع صحيح



ابو نور / دمشق

350
الحمد لله على السلامة ابو حمودي الغالي ان شاء الله كل خير يا رب ورب يعينك  .
هسه اني مخلص كلشي تره وباقي على الامنية مال طلي المكمط على كولتك يعني من بره شمعة هذا التأخير يله شنسوي شمعة منكدر انمسه بكلمة او ننفخ عليه لان هوه نور الدرب شمعتنه الغالي .....

اليوم اتمنى منكم كلكم الدعاء لاصدقائنا واخواننا المؤجلين جماعة امريكا الي بسوريا والي منتظرين الوفد لان وضعهم كلش مزري وربي يكون بعونهم ويفرج عنهم ويعينهم ويصبرهم يا رب .



ابو نور /دمشق

 

351
يارب يسمع منج وتسافرون وتخلصون من ظيم الانتظار  ...

حتى لو اشاعة المهم الخبر مفرح ميخالف اذا صدكناه ووثقنه بيه راح يصير ان شاء .




ابو نور / دمشق

352
حتى نساتل ماكو غمسو خبز وسكر  والله كريم .. وابدال الببسي جاي بارد .

هههههههههه هسه الناس اتكول حييييل اشصاير بيكم جماعة سوريا ..
لا عمي تره ماكو شي بس نشاقة.




ابو نور / دمشق

353
الف مبروك اخت مي وان شاء الله توصلون بالسلامة يا رب  وتكون عليكم ولاية الخير والبركة وتتوفقون بحياتكم ..

بارك الله بيج على الدعاء ..




ابو نور / دمشق

354
الباجر لحد يطلع  :( :( :( :(





ابو نور / دمشق

355
اخت سارة شلونك ؟؟؟

شلونك بعد ؟؟؟


الي صاير وياج خربطة بين الكرين كارت وجواز السفر ووثيقة السفر .. الكرين كارت مبيه تسريع لان اجراءاته طويلة , التسريع يصير بجواز السفر تسريع الاجراءات الادارية و لهذا ادفعين رسوم اعله ...
واني متاكد انك مستعجلة على الكرين كارت حتى ترجعين تشوفين اهلك بالعراق ؟؟؟ مو لو مومو ؟؟
بس اني ما انصح بهذا الشي ..
هانت كلها اربعين يوم وانشاء الله  3اشهر وتستلمين الكرين كارت .. يعني تقريبا على راس السنة ..

تحياتي
ابو قمر




اي هذا الحجي المضبوط .... اني سامع اكو تسريع بس شنوو وبيش ما ادري  . هسه اجاج الخبر المضبوط  من ابو قمر ..




ابو نور / دمشق

356
يا شمعتنه الغالي هسه يجوز يسوون حضر صحي بالمطار على الطلي المكمط .. اني شسوي شبيدي يعني . قابل اكلهم لا

سهلة هسه قابل اله طلي مو الفلافل هم نعمة الله شبيهه يعني  :D :D

هذا الولد خلصت شغلته خابرت على المطار ورهمت لكينه الجنطة واخذته منهم رقم فايل وراح يستلمهه مناك كبل .
بس غثوني من رحت عليهم للمطار عبالك ما ادري شريد ايكلي روح الكندا سوي شكوى ومناك جيب رقم الشكوى ولازم هوه يجي يستلمهه بنفسه صاحب الانه ... المهم طولوهه وعرضوهه بس شو بعدين من خابرت واحد عرف ما قصر والله كَلب المطار كَلاب وطلعهه للجنطة .. الحمد لله .

ان شاء الله يوم الي الي واذبح طلي  :D :D :D


الفريدو  الغالي ابو حمودي مفتقديك والله انريد نسمع اخبارك ان شاء الله بخير يا رب

ابو نور / دمشق

357
ما متأكد بس قاري هيج موضوع يمكن وهنا بالمنتدى  .

بس بدون تفاصيل لان ما متأكد منه ومن يجون اهل الخبرة هسه همه ينطوج التفصيل اذا  كان اكو هيج شي او ماكو ...

بس مو رشوة هااا .. :D



ابو نور / دمشق

358
وعليكم السلام ورحمة الله وبركاته

الله يسمع منكم ان شاء الله ويوم السفر الكم .

الله يساعدكم جماعة مصر وربي يكون بعونكم وان شاء الله السفر القريب  .





ابو نور / دمشق

359
يمكن اني صاير استيعابي  ثكَيل  ؟؟؟؟؟؟؟؟؟؟؟؟.

شنو يعني ؟




ابو نور / دمشق

360
هههههههههههه شلون ما اشوف راح يوصل الطلي المكمط الى كندا ويتعشة بيه ابو حمودي واني بعدني اراوح بمكاني بسوريا هههههههه


يله المهم الطلي يوصل ...

اريد اتصل على الرسبشن هاوس الي ابهاميلتون انتاريو  رقمهم يبدي 90552   بس ما ادري البدالة شنو شكد اتصير بالبداية لان عندي صديق سافر يوم 19 بالشهر الفات وخطية ناسي وحدة من الجنط بالمطار وللاسف هاي الجنطة بيهه كل اوراقه الرسمية ما عدى الجوازات من اول يوم ولادته الى لحظة دخولة المطار يعني بوري معدل ناسيهن بمطار دمشق بالجيك خابرتهم كالو لازم تنطينه رقم الحقيبة وكاعد اخابر عليه وما اعرف الرقم بالضبط لان انطاني رقم الرسبشن هاوس لانه بعده ما ماخذ تلفون اله وكل ما اخابر يدك ومحد يشيله ويصرف رصيد كومة ... لان يمكن عندي غلط بالبدالة .. اذا واحد يعرفهه فدوه بسرعة يسعفنه  بالرقم .. كندا / اونتاريو / هاملتون/

الله شوكت اني انسه الجنطة مالتي وبيهه الطلي المكمط واغلس .




ابو نور / دمشق

361
الغالي ابو مريم ان شاء الله بخير يا رب .

اي اكو ناس استلمو من اتروح على الحصة وره متستلم الورقة مال الحصة تروح تلزم سره ثاني على المدرسية وشلعان قلب كلش ههههههههه ينطوك صك  المبلغ يكون 4 ونص للي عنده طفل واحد يسموهه 3 للعائلة والف ونص للطالب يعني الثلاثة الف تاخذهه اذا كان عندك طفل او طفلين او عشرة وكل طالب ينطوك اله الف ونص يعني 3 للعائلة وعندك 2 اطفال ينطوك هم 3 اتصير سته واذا طفل واحد بس اربعة ونص وهكذا .
والمستمسكات المطلوبة تأييد من المدرسة بانه الطفل هذا مستمر بالدوام للعام الدراسي 2011/2012 وبس .. ها وتاخذ وياك كل الجوازات لكافة افراد الاسرة وابوك الله يرحمه




ابو نور / دمشق

362
لايكذب المرء إلا من مهانته...أو فعله السوء أو من قلة الأدب
لبعضُ جيفة كلب خيرُ رائحة..... من كذبة المرء في جدّ وفي لعب



ابو نور / دمشق

363
الحمد لله والشكر امونة .. هي هاي الاخطاء الي يوكع بيهه الشخص وتنهي كل امنياته الف الحمد لله والشكر ربي ان شاء الله يعوضه باحسن من هاي السفرة يا رب  وان شاء الله هه بوجهه بمكان احسن ..



بس امونة ان مو ادري بيه اخوج عضو شعبة لو اني غلطان



ابو نور / دمشق

364
عاشت ايدك ابو العربي خوش فقرة هاي , تسلم يا وردة ...

اخوية العزيز eboo  الطريق مفتوح وسالكة وامنة توكل بالله وكل ما تسرع يكون احسن لان متدري الباجر شيصير ولو ماكو شي ان شاء الله ... الناس رايحة جاية من العراق ومن بقية الدول ..

اخوية ALmlahaltaeh الدورات مستمرة ومفتوحة بعدة مكانات .. واكو معاهد يسموهه الدي ار سي هيه معاهد دنماركية بيهه دورات عديدة هاي موجود باغلب المناطق والكل تكدر اتسجل بيها من دورات لغة انكليزية الى حاسوب وهواي هواي يعني تكدر تستفاد منهه بس اسأل بالمنطقة الي انته ساكن بيهه وين ال drc وراجعهم واسأل شعدهم دورات وشوكت تبدي . هذي ما عدى دورات الاونروا الي هم موجودة ومن خلال الدي ار سي الي بمنطقتك تكدر تسأل عليهه وتقدم من خلالهم او تروح للاونروا  .

الاماني الغالية .. وداعتج كلهه دعايات وحرب اعلامية عمي سوريا الله حاميها تعالي وعلى مسئوليتي اي واحد يحجي وياج كليلهم اني من طرف ابو نور   ;D ;D ومن تجين افتري بسوريا كلها شبر شبر اذا لكيتي شي عاتبيني بس يوم الجمعة اكظوهه نوم ولحد يطلع مو لانه اكو شي لا بس للاحتياط  ...يله تعالي وخلي سوريا اتنور بيج   .

ابو العربي الغالي عاشت ايدك مره ثانية فقرة جميلة .. بالمناسبة شنو انته غبشت ورحت عليهم  وشوكت رجعت وكتبت ههههههههه شو هو اليوم اول يوم .



ابو نور / دمشق

365
اخي انته محمله زياده عن الزوم خصم الكلام تحجي الصدك فقط اما ناسي ليش ما كنت تدفع اشتراك عادي كول كان ياخذون من عدنه اشتراك رمزي يعني 250 بالشهر والاجتماع نفس الشي مره بالشهر ياخذون الاشتراكات وجاي وجذب وابوك الله يرحمه

بالمناسبه اكو ناس حاليا بامريكا وتكلمو بصراحه انهم اعضاء شعب وفرق فلا تهتم


عمي العزاوي جانت 25 دينار بالكلية جانوا يركضون ورة العالم علمودها وين جان اكو 250؟ هو راتب الموظف 3 الاف عراقي هههههههههههههههههههه

اسف عيني هو 25 العتب على النظر

تحياتي


العتب على النظر لو على الامنية ام السفر  .... الله يكون بعونك وان شاء الله اتسافر باسرع وقت يا رب





ابو نور / دمشق

366
عاشت ايدك على هاي الصور


ابو نور / دمشق

367
صور اكثر من روعة عاشت ايدك ... ان شاء الله يكتب النه العمر ونشوفهه الايام الجاية .





ابو نور / دمشق

368
الغالي ابو حمودي .... احلى صباح ربي يخليك .

اعضاء جمعية عودة الامل ان شاء الله كل الخير والبركة يا رب وان شاء الامل يتحقق يا رب وتسافرون كلكم واني وياكم مو تنسوني .

وان شاء الله يارب يفرجهه على كل العراقيين وكل الناس الطيبة بكل مكان بالعالم .



ابو نور / دمشق

370
اخي العزيز اذا نته ما كنت منتمي فكول ما منتمي . واذا كنت منتمي وهذا حال كل العراقيين تقريباً يا اما بالدراسة يا اما بالعسكرية ومجرد حبر على ورق لانه لازم اتسجل واعتيادي حاضرلك اجتماع اجتماعين هيج يعني طرد عيون   ;) ;)
تره همه يدرون انه كل العراقيين كانو منتمين لحزب البعث واغلبيتهم حبر على ورق .. لا تقلق من هذا الموضوع

وربي يسهل امرك وامرنا ان شاء الله .



ابو نور / دمشق

371
السلام عليكم ..
تره بسوريا ماكو اي شي بخصوص هذا الموضوع ..

ولا احد جايته رسالة ولا اكو هيج خبر ابداً .. لا اتذبوهه براسنه احنه معلينه  :D :D :D :D



ابو نور / دمشق

372
(( لا تعليق ))


الشكر لك اخي العزيز ..



ابو نور / دمشق

373
صح


 ;D

ابو نور / دمشق

374
نعم ..


اخت اسراء تره هيه ما كالت كولو    yes  or   no    كالت    نعم   او    لا  :D :D






ابو نور / دمشق

375
شنو محد عرف السر اخواني ليششششش ؟؟؟؟؟؟ .

حضرتك كلت انه امنه ميكول الاحد ولحد هسه مكال ابو الفندق ..

زين اذا ما كال انته شمدريك لعد اخوية العزيز منو كلك  ؟؟؟؟؟؟

هااااا ؟

عيني هذا ابو الفندق خان الامانه وكال للناس ووصلت الشغلة شوية شوية الى ان عرفنه بيهه احنه بس نقص منهه شوية والشوية هاي هيه البيهه السر .



ابو نور /دمشق

376
الغالي اسعد العراقي ..
جزيل الشكر لك على تفقد احوال اخوتك في سوريا وبارك الله بيك .. ان شاء الله ماكو شي والوضع هادئ مع وجود القليل من المظاهرات في قسم من المناطق داخل الشام وفي كثير من المحافظات ...
لكن انكول ان شاء الله ماكو شي .. ربك الستار



الف مبروك اختي العزيزة هدى وان شاء الله الراحة والاستقرار ابلدكم الجديد ..
بس يمعودة ليش ما مشاركة ويانه بعودة الامل على المقبولين على كندا  الموضوع مال الاخ الفريدو .. هم تستفادين وهم تفيدينه هناك ..

مره ثانية الف الحمد لله على سلامة الوصول


ابو نور / دمشق

377
الف الحمد لله على السلامة لوصولك الى ميامي وان شاء الله تلكين مكان احسن من الي انتي بيه بالف مره يارب  واهم شي مكان للجنط وللحاسبة حتى تفتحين عنكاوا  هههههههههههه .
ربي ييسر امرج يا رب وان شاء الله ولاية خير ورزق وراحة واستقرار وكلشي وكلاشي ..




ابو نور / دمشق

378
الغالي العزيز الشهم ابو قمر انا متاكد انك وامثالك من الخيرين لم تنسو الدعاء لنا ولذالك نحن بخيره ونعمته الى الان بارك الله بكم وادام عليكم نعمته ووفقكم للخير وزادكم اجتهاداً ورزقاً ...


حالياً الاوضاع بسوريا شبه مستقرة للعيان لكن ما خفي كان اعظم لان كل دوله والها اسلوب تتعامل بيه ويه الشعب وللاسف الاسلوب الماشي هنا وصح راح ينتقدني البعض . اسلوب همجي جداً جداً والحكومة  السورية ما ادري يعني يا اما ما كاعد تعرف تتصرف يا اما نهاياتها كاعد اتبين وتقرب والسبب مو بالقيادة لا السبب باعوانهه وممثليهه من الي نسميهم احنه باللعامية (اللكلكة) ...
وعلى كولة كاظم الساهر (( خوفي من خوفي لا يكبر )) لان واصله حدهه عند ثلث الشعب والاقصد بيه الثلث هو الثلث الساكت والي اذا حجه ووكف ضد النظام تخرب الشغلة كلهه .. لان هنا الشعب منقسم الى ثلاث اثلاث الثلث الاول مع النظام والثلث الثاني وهو المذكور اعلاه الساكت (( يعني ميهمه سقط النظام لو بقى ..هو عايش بجهده )) واما الثلث الثالث فهو الثلث الغاضب والثار على النظام . وبنفس الوقت هو هذا الثلث الي احنه خايفين من خمسه لما يحمله من حقد وكراهيه للشعب العراقي لانه يشعر اننا نشاركه لقمت عيشه ونحن السبب في غلاء المعيشة وقلة فرص العمل منذ قدومنا .

نرجو منكم الدعاء ثم  الدعاء 




ابو نور / دمشق



379
عمي جوسي  كول يا الله ههههههههههههههههههههه

شجاب البامبية على الجلاق ..

هيج يعني كل العراقيين الي بسوريا يعتبرون رعايا امريكا  :D :D ... لا عيني غلطان .. بس كول الله يساعد العراقيين الي مشلوع كَلبهم وين ميرحون . لان من امريكا سحبت رعاياها يعني اكو فد ترتيب راح يصير وبس ربك الي يستر .

نرجو منكم الدعاء لكل العراقيين الي في سوريا ان يحفظهم الله ويسترهم ويبعد عنهم كل مكروه ويعجل بسفرهم ويخلصون من البهذلة والمرمطة بين الدول ..



ابو نور / دمشق

380
الف مبروك على تحديد موعد السفر وان شاء الله الاستقرار بحياتك الجديدة يا رب ...




ابو نور / دمشق

381
الف الف مبرووووك والحمد لله على سلامة الوصول وان شاء الله ربي يجعلهه عليكم بلد الخير والسعادة وتحقيق كل الامنيات يا رب ..






ابو نور / دمشق

382
توصلون بالسلامة نيو لايف وان شاء الله تحقيق كل الامنيات يا رب .... وهاي الاخت زيتونة جابتلج حالة الطقس المتوقعة للخمسة ايام المقبلة ..




ابو نور / دمشق

383
الف مبروك وان شاء الله ولاية خير يا رب وتحقيق كل الاماني ..


ابو نور / دمشق

384
ربي يكون بعونكم ويساعدكم ويصبركم ويفرج همكم يا رب

ابو نور / دمشق

385
توصل بالسلامة ان شاء الله وربي يوفقهه بحياتهه الجديدة ويارب يجعل الهه بكل خطوة سلامة



ابو نور / دمشق

386
ربي يفرج هكم ويضاعف صبركم ويعينكم على الي ديصير وياكم وان شاء الله يارب تنحل قضيتكم باسرع وقت يا رب ..


والله دائماً على بالي اكول جماعة التاجيل اشصاير بيهم هسه لان الانتظار ايام يموت ويهد الحيل لعد هاي الاشهر وانتم خاتمين شلون خلصت بس انكول الحمد لله والشكر انه عدكم هيج ارادة وصبر رب العالمين منطيكمياه الف الحمد لله والشكر وان شاء الله رب العالمين راح يعوض صبركم هذا بالخير وكل الخير وبالقريب العاجل ان شاء الله يا رب وتتحقق كل امنياتكم ..

عمي العزاوي قلوبنا معكم ... ودعائنا لكم بالفرج القريب ان شاء الله




ابو نور / دمشق

387
الله يسمع منج اختي زيتونة يارب السفر القريب لكل المنتظرين ويارب الامن والامان على العالم اجمع ..
والله هي الاوضاع هدوء بس الخوف من الباجر شيصير مندري بس انكول ان شاء الله ماكو شي يارب يسترهه على الجميع والحقيقة محتاجين دعواتكم هواي هواي بارك الله بيج اختي العزيزة ..


عبادي الله كريم اخوية اتسافر ان شاء الله بعون ربك ..

newlife79 الف مبروك اخوية العزيز وان شاء الله توصلون بالسلامة يا رب وهسه يجيك الفريدو وينطيك نشرة الانواء الجوية وحالة االطقس المتوقعة بعد خمسة ايام  ;D ...
بس ما ادري انته منين راح اتسافر ان شاء الله .. وشكد الفترة من الفحص الطبي الى موعد السفر .. وهاي الترتيبات الي نسال عليهه احنه  ??? .



ابو نور / دمشق

388
الف مبروك اختي زهرة وان شاء الله توصلين بالسلامة وتتوفقين بحياتج الجديدة ...
اتوكلي على الله واخذي الابتوب ولهاند والله كريم .


مبروك مره ثانية وثالثة منا الى ان توصلين  .




ابو نور / دمشق

389
ها صارت بيهه انتخابات  ...

لعد راح اداوم باستمرارية واعلك الجول العفو قصدي الرتب مالاتي ..

اخوان خوات يمعودين شنو ماكو واحد بيكم يدعي دعوة من هاي الي اتسفر بسرعة وينكم شنو القضية هيج هيج انريد دعاااااء قوي كون يخليني اسافر بسرعة بسرعة قبل لا تعلك  لان واصله حدهه الشغلة يمنه وبس الله الستار  .




ابو نور / دمشق

391
الف الف الف الف مبروووووك وصولك بالسلامة اخوية الغالية وان شاء الله ولاية الخير  عليك ويارب تتهنه بيهه دوووووم .

شد حيلك وابدي ببناء مستقبلك واعتبر نفسك انولدت من جديد والله كريم .


الف مبروك مره اخرى



ابو نور / دمشق

392
حبيبي الغالي فترة عدم محكومية 3 اشهر واتصير اكسباير اذا ما مسلمهه  بس اذا استلموهه منك اعتقد بعد هاي هيه .
لان اني من سويت عدم محكومية مكتوب بيهه لمدة 3 اشهر الى ان سلمتهه للسفارة مرت عليهه شهرين و7 ايام وهسه هيه منتهيه يعني .. همه يردون يتأكدون بس وما اعتقد حالهه حال الفحوصات او الامنية




ابو نور / دمشق

393

لا اتسويلك سالفه ... انت غايب وماكو وانا ادور اعليك بالكوكل واجاني الجواب مخبوص ديحضر الجنط  ;D ;D



الله يسمع منك يا غالي اي والله محتاج هيج دعم نفسي ومعنوي فدوه النارك .. ادعيلي


ابو نور / دمشق

394
صباح الخير ...
الف مبرووووك اختي مي وان شاء الله الوصول بالسلامة يا رب . . .


شمعتنة هسه انته ادور عزايم يمعود مو كتلك الطلي المكمط كله اخذه الك ... بس دير بالك تره هوه اني مربي يعني يمكن قبل لا اتذبحه يجيني ركض وتروح عليك .


حلو هاي مال فطاحل ههههههههه شفته الاكشن اني ذاك اليوم  خاف يردون يكسرون سوك ابو حمودي لانه عارض للبيع هههههههههههه  ولو اني متأكد ابو حمودي ميبيع لو بمال الدنية كلهه لان احلى ذكريات اله هنا  والناس الي تحمله الحب والاحترام للمساعدة مالته ولاخلاقه الطيبة كلهم موجودين هنا .

ابو نور / دمشق

395
صار يومين ادور على الصفحة مالتنه وين مودينهه خاف ابو حمودي باعهه ... بحثت عنهه بالكوكل هسه ورفعتهه والله كريم





ابو نور / دمشق

396
الف مبرووووك اخي العزيز احمد الوائلي وربي يجعلهه عليك ولاية الخير والبركة والتوفيق .. من هسه شد حيلك وابني مستقبلك وانسه الحياة الي فاتت واعتبر نفسك انولدت من جديد وتوكل على الله كدامك طريق طويل بالايمان والصبر والمثابرة ان شاء الله يصير سهل .

وان شاء الله ندعيلك ربي يوفقك وانته لا تنسانه بالدعاء ..



ابو نور / دمشق

397
والله يا اختي وحسب الي نعرفه انه العراقيين اذ اشتغلو باليو ان فهم يشتغلون متطوعين وما الهم اي علاقة بايملف ولا يكدرون يوصلون لاي مكان حساس بدخل المنظمة ولا الهم اي سلطة مجرد يقدمون خدمه معنوية ونفسية للاجئ العرقي هاي اولاً وثانياً المنظمة تقصد اتفيدهم بان يعطوهم راتب  ... فالي اعتقده اني انه مستحيل مستحيل مستحيل يكدرون يقدمون او يأخرون ولو شعرة وحدة باي ملف وما الهم الحق السؤال او الاستفسار عن ملف اي شخص لان يدخلوهه بسين وجيم عليهم .. هذا رأيي الشخصي وحسب ملاحظاتي .

بعد ما ادري اذا هذي الي اتكولين عليهه غير جنسية يعني مو عراقية الجنسية ما ادري يجوز الهه فد مكانه بداخل المنظمة وتكدر اتسوي شغل :o

ربي يفرجهه عن العراق وشعب العراق المظلوم



ابو نور / دمشق

398
الف الف الف مبروك للاخ العزيز والغالي عبادي وان شاء الله بالرفاه والبنين ويا رب تحقيق الاماني ... بس ليش سواهه سكته عمي عبادي تره احنه بالاكل مو كلش يعني عادي لو عازمنه منخسرك اكثر من 3 خرفان هههههههههههه..
مشكور اخوية الطموح على مشاركة اخونه بفرحته .




ابو نور / دمشق

399
الله يكون بعونك اخوية صحفي وربي ييسر امرك وان شاء الله ماكو شي وهذا روتينهم الي كاعد يستخدموه ويانه ..
مثل اليتيم الي ما اله احد بس رب العالمين الناس الي ما عدهه ضمير تلعب بيه طوبة ويصيحون عليه الي يسوه والي ما يسوه وتلكاه هو تاج راسهم ... بس محد يسنده ويدافع عن حقه .
واحنه العراقيين تدري محد النه غير رب العالمين ومحد يطالب ويدافع عن حقوقنه لا دولة ولا منظمات بس ان شاء الله يجي يوم ويرجعون مثل قبل .
المهم ربي يسهل امرك ويريح بالك وينطيك على كد نيتك وان شاء الله ان شاء الله ياررررررب باسرع وقت تتوطن وترتاح ...

وافتقدناك بسوريا يا غالي .



ابو نور / دمشق

400
الف مبررررروك اختي عين بغداد وان شاء الله الوصول بالسلامة والاستقرار وتحقيق كل الامنيات  .. ويارب ايكون عليكم بلد الخير والبركة والعافية ..

وان شاء الله نسمع الاخبار الحلوة دائماً من كل الاعظاء وكل العراقيين الخيرين


ابو نور / دمشق 

401
ايامكم سعيدة و كل عام وانتم بالف خير وربي يفرج عنا وعنكم كل هم وانتظار ... وان شاء الله تحقيق الاماني


ابو نور / دمشق

402
تسلم اخوية الغالي ابو حمودي على النصيحة .. ربي يوفقك .

انجيب السحايل مالتنه ويانه ونجي والله كريم ... هسه بس خلي يكولون تعالو حتى لو كل واحد من عدنه يجيب وياه علاكة معادة ميخالف بس خلي نوصل والله كريم ...





ابو نور / دمشق

403
على كولتج زيتونة خلي اوصل هسه يا ملابس .. حتى لو البس صيفي بالشتاء هم ميخالف ... 
بشريني انتو شلونكم راح القلق والتفكير منكم ان شاء الله وارتاحيتو ...


والله يا شمعتنه الغالي اني اروح اروح ولو مو بس مطر بظهري حتى لو بسامير هم اروح ههههههههههههه .

يارب ايفرج عن كل مهموم ومظلوم .. ويارب ايحقق كل امانيكم .. وربي يسهل على جماعة اميركا الي بسوريا باسرع وقت لان وضعهم يرثى له والانتظار تعبهم والقلق اذاهم ارجو ان تدعولهم  بلكي الله يسهل عليهم .. كلهم اخوتنه واصدقائنا .



ابو نور / دمشق

404
الف الف الف الف الف الحمد لله على السلامة و مبروك للاخت الغالية زيتونة الاستقرار بالبيت الجديد وربي يهنيكم ان شاء الله وترتاحون والله فرحتي هسه كانه اني واصل من سمعت اخباركم ربي يوفقكم ان شاء الله  . وربي يفتحهه على الجميع بأذنه تعالى .

بس زويتونة شنو هاي الفقرة مال الجو حار مثل سوريا صدك لو شقة يمعودة اني امحضر كله شتوي حتى ملابسي الصيفية شتوي بحيث اشتريت قبوط صيفي ؟؟؟؟؟... ههههههههههههه .





ابو نور / دمشق


405
الف مبوك اخوية الغالي ايهم انته تستاهل كل خير وفقك ان شاء الله ويارب يجيك موعد سفر باسرع وقت وتخلص من الانتظار ..




ابو نور / دمشق

406
هههههههههههه

والله يا شمعة الغالي انته تستاهل كل الخير مو بس طلي مكمط ...
واتمنه من الله ان يوفقك ويحقق امنيتك وان شاء الله يا رب بجاه هذا الشهر الفضيل اتسافر باسرع وقت وربي يحفظلك العائلة الكريمة ويرزقك الرزق الحلال ويعافيك دنيا واخرة يارب يا كريم .
لان انته انسان كريم وتحب الخير للكل الف الف الف مبروك عليك هاي الطيبة الي بكَلبك .. ربي يبارك بيك .

بس يا اخي هاي مال بيت بيت زتكة زنكة شارع شارع اتخوف لان ما بينه حيل هههههههه

ابو نور / دمشق

407
يابه سهلة هاي اختي مغتربة ... اني من اصعد بالطيارة راح اجيب ويايه حبل كلش كلش طويل حتى اذا مرينه على مصر والطيار ما قبل يوكف انتي اوكفيلي براس الشارع مال مطار اشمر الحبل وجلبي بيه زين وناخذج ويانه واذا انتي قبلي هم جيبي وياج حبل واني اجلب بيه وجهالي اخليهم بجنطة واجرهم ويايه ... وسحل الكندا ... هههههههههههه


اخوية شمعة على كيفك ويايه ... تره هو مو طلي طلي يعني لالا .. طلي بس عنده جناحات ومنكار ههههههه وعنده ريش مو صوف يعني بين قوسين طلي مكمط ..
ههههههههههه
ان شاء الله ربي يفرجهه على كل العراقيين وكل العالم ومحد يشوف ظلم يارب.


ابو نور / دمشق

408
اخوية الغالي شمعة المنتدى ... تسلملي يا وردة وربي يحفظك ويسلمك .. عمي مو بس جكليت راح اوزع طليان هههههههههه

تسلميلي اختي الغالية مغتربة في مصر والف الف الف الف مبروك على اتمامك المقابلة والفحص وان شاء الله يا رب تسافرين باسرع وقت

اخي الغالي اسامة الجميلي الف شكر الك على تبريكاتك وبارك الله بيك يا غالي واشكرك كل الشكر

ربي يحفظكم ويديمكم وان شاء الله نسمع كل الاخبار الحلو منكم يا رب

ابو حمودي حضرلي زلاجات جايك اخوية جايك ..


ابو نور / دمشق

409
الف شكر اخوية الغالي ابو شهد ربي يفرح باحلى الاخبار ان شاء الله وعن قريب .

الف الف شكر للغالي العزيز عبادي الوردة ويارب نسمع عنك كل خير .
الف الف شكر للاخ العزيز  newlife79  سألوني اي منطقة عندك بيهه اصدقاء او معارف كتلهم كالكري واوتاوا بس مع ذلك كلت الهم واذا انتو اتعرفون شي احسن اليه من ناحية العمل والدراسة يكون افضل  يعني بين قوسين اني من البداية مخليهه على رب العالمين وهسه هم بعدني اكول هيه بيد الله ان شاء الله يسويلي الشي الزين يا رب فخليته على الله وعليهم



ابو نور / دمشق التعبانة ههههه

410
تسلملي حبيبي الغالي العزيز الوردة الفريدو ... اي والله مو بس روتينية اصلاً ماكو اي سؤال من الي جنت انتضرهن ولو ادر جان دزيت بنتي الزغيرة الي عمرهه 3 سنوات جان هيه جاوبت على هاي الاسئلة ..
الف الحمد لله والشكر .. والف الف شكر الك يا غالي على مساعدتك وموأزرتك النه وربي يحفظك ويديمك لاخوتك يا غالي .

والله من سئلوني يا منطقة  كلتلهم كالكري لان ما خطر على بالي بس انته كلت هوه ابو الوكفات .. تسلملي يا غالي وان شاء الله لو كالكري لو اوتاوا . وان شاء الله الي بيه الخير ربك يقدمه .

بقت عندي بس مشكلة الفحص الباجر اروح افحص ادعولي ان شاء الله ماكو شي ياخرني يا رب .


ابو نور / دمشق

411
السلام عليكم .
شلونكم يا غالين  ان شاء الله  بخير  .
طبعاً اني قابلت القنصل يوم الاحد الماضي المصادف 14/8/2011 والحمد لله وقعت اوراق القرض واستلمت اوراق الفحوصات والباجر ان شاء الله راح اروح اسوي الفحوصات وان شاء الله وبفضل دعائكم تخلص هاي المحنه .. ربي يسهل عليكم ويوفقكم يا رب .. للعلم  الفرق بين المقابلتين شهرين وثمانية ايام بالضبط يعني اول مقابلة بالسفارة الكندية 6/6/2011 و 14/8 مقابلة القنصلاية (( مو قنصل قنصلاية زغنوناية  )) كالتلي يا ولاية مفكر بيهه انته كتلهه انتي وين ساكنه كالت ليش كتلهه اريد اصير جيرانج اريد اروح للولاية مالتج ... تره مو اتصدكون اشاقة .
المهم المقابلة كلش كلش كاش كلش سهلة ولا متصورهه هيج يعني ما سألتني اي سوال بس مواليدي ووين خدمت عسكرية وشخلصت دراسة وبيا سنه وهاي هيه بعدين ضلت تشرحلي على القرض الي وقعته والفحوصات الي لازم اسويهه وكالت اليه من اسبوع الى ثلاثة نخابرك على الخطوة الثانية الي راح انسويهه يعني نتيجة الفحص اصور اني

ابو نور / سوريا

412
الف مبروووووك اخت مي وان شاء الله السفر القريب والاستقرار ..

ربي يسهل امركم ويفرج عن الجميع يا رب .

ابو نور / دمشق

413
الف مبروووك اختي العزيزة وبالتوفيق ان شاء الله ويارب سلامة الوصول والاستقرار وتحقيق الاماني

تقبلي مروري .


ابو نور / دمشق

414
اي خوش خبر اخت ريتا ربي يسهل عليكم يا رب وان شاء الله خير

بلكي الله تفرج ..



ابو نور / دمشق

415

اعتقد اكو لان ما صار شي حتى يكطعو بس اكو ناس عدهه رواتب وراجعه للعراق كطعو الرواتب عنهم لان بالسنة 12 يوم بسوريا و11 شهر و 18 يوم ابغداد فكالو ماكو داعي يستلمون رواتب . بس البقية الي كاعدين هنا ما كطعو عنهم الرواتب
وان شاء الله اذا مو الباجر الي بعده تنزل الرواتب


ابو نور / دمشق

416
السلام عليكم

شلونكم اخواني الاعزاء ان شاء الله بخير يا رب وان شاء الله نسمع منكم اخبار حلوة

ابو حمودي الغالي شخبارك ان شاء الله بخير وصحة .

اني بعدني منتظر مقاتبلة القنصل الكندي وراح تنتهي فترة صلاحية العدم محكومية الي سويتهه وبعدني ممقابل والله كريم (( يعني راح اخلص 3 اشهر ))


اختي العزيزة ريتا ربي يكون بعونكم وبعونه ان شاء الله  ... سوي مثل ما كال الاخ الفريدو وابعثي الهم مستمسكات او اوراق تثبت انه الحكومة المالكية ما عدهه شي ويه زوجج وما مطلوب الهم وان شاء الله خير .
وصدكيني تره الشغلة مو بيد السفارة ابد ولا الهم علاقة بقبولكم او رفضكم وانما الشغلة بيد رب العالمين هو الي كاتب الكم يا اما توصلون الكندا يا اما لا فانتي ادعي من رب العالمين انه يفرج عنكم وادعيلنه وياج هم  واحنه هم راح ندعيلكم وان شاء الله ربي يسهل على الكل يا رب ...

ابو نور / دمشق

417
مشكور اخي العزيز على نقل الخبر وان شاء الله التسريع بكل المعاملات يا رب والسفر للجميع



ابو نور / دمشق

419
اي هذا موضوع حلو ..
عاشت ايدك على هذا الموضوع وتسلم وبارك الله بيك موضوع حلو وشيق .

بس المواضيع القديمة لا مو عاشت ايدك عليهن ههههههههههههههههههههه


تقبل مروري

ابو نور / دمشق

420
مبدعة بمعنى الكلمة عاشت ايدج يا غالية وتسلمين ع هذا الموضوع الاكثر من رائع بارك الله بيج وان شاء الله يوم سفرج يا رب



ابو نور / دمشق

421
الله يسمع منك يارب وربي يحفظك يا غالي .



ابو نور / دمشق

422
الف الحمد لله على السلامة اخوية الفريدو والله مفتقديتك ومكانك خالي يا غالي ان شاء الله سفرة سعيدة وربي يديمهه عليك يا رب .



ابو نور / دمشق

423
الف الف الف الف الف الف الف مبروك اخوية الفاتح وان شاء الله ربي يتمم بالخير عليك وعلى كل الي ينتظرون واني من ضمنهم
ونخلص من هم الانتظار والقهر .


ابو نور / دمشق

424
ربي يوفقك ويسر امرك وينطيك وعائلتك الصحة والعافية وطولت العمر وان شاء الله يقرب منك ولد الحلال ويبعد عنك كل شر ومكروه ويبعد عنك الناس الي متخاف الله  وربي يرزق من حيث تحتسب ومن حيث لا تحتسب . امين رب العالمين

بارك الله بيك اخوية ابو قمر على هذا الاسناد المعنوي الي ما اله مثيل .

واعذرني اذا مرات اقرأ دون تعليق لان احتار شأكتب من تعليق على مواضيعك الاكثر من رائعة بس والله كل ما اقرأء موضوع ادعيلك .
 
ابو نور / دمشق
في الطريق الى كندا

425
السلام عليكم .

اليوم الاثنين وماكو شي الحمد لله بس ايام الجمعة شوية مشاكل اتصير لمدة ساعة او اقل اوو اكثر بقليل ووراهه تنتهي ومو بكل الاماكن ..
بالنسبة للاعلام كاعد يهول الموضوع الى درجة كبيرة جداً جداً جداً  والله الي يستر ان شاء الله ماكو شي


ابو نور / دمشق 

426
الف مبروك اخوية الفاتح وان شاء الله اتوقع القرض وترجع بالسلامة ومقبول  ان شاء الله يا رب .
دعواتنا الك بكل خطوة سلامة وتحقيق لامنياتك .



ابو نور / دمشق

427
يمعودة اخذي مية من مية بس الكيهه . ههههههه

عاشت ايدج والله ...  والله يسلمج ويحفظج وان شاء الله السفر القريب يا رب

تسلمين يا غالية .




ابو نور / سوريا

428
لقييييييييييتها ابو نور اريييييييييييد عشر درجات عالمعدل مو عالدروس مال الاكمال هههههههههه
شلونكم اخواني وخواتي جميعا بس حبيت اسلم ولقيت الصفحه لابو نور لان جان يدور عليها



والله عاشت ايدج يا اختي زيتونة  اني يومين ادور عليهه ماكو تسلمين يا غالية  .

ربي يسمع منك ابو احمد الغالي ان شاء الله انسافر كلنه يا رب  تسلم واني بدية يوميه اقفل الموضوع واطلع وافتح من الصبح اجي ان شاء الله  ههههههههه

يمعودين لا اتخلون الموضوع يروح بعيد تره هوه املنه الوحيد .


بالسلامة ابو حمودي راح ننتظرك لا اتغيب هواي تره بركبتك احنه .



ابو نور / سوريا

429
السلام عليكم .

اخوان وين موضوعنه مال الاخ الفريدو (( عودة الامل الى المقبولين على كندا )) شو ماكو صار يومين ادور عليه  منو ماخذه يرفع ايده لو يصيح بات .. تره هوه الامل الوحيد الي عدنه وينه طلعو .


اخوية الفريدو ابو حمودي الورد وينك يمعود شو متبين
ولا اي واحد من جماعة كندا مبين شنو القضية عفتوني وحدي .


ابو نور / سوريا

430
طريق السلامة ان شاء الله
وان شاء الله انهنيه بوصوله وربي يفتحهه على كل المنتظرين ويوصلون بالف سلامة وتحقيق الاماني يا رب .,




ابو نور / سوريا

431
عاشت ايدك اخوية الغالي وبارك الله بيك على هاي الخطوة الجبارة لحمايت هيج كتابات من الضياع في ارشيف المنتديات ربي يسهل امرك وينطيك مثل ثواب ابو قمر .

تقبل مروري .

ابو نور / سوريا

432
اخت بسمة هاي الرسالة اجتني قبل فترة ويردون وياهه استنساخ جواز صاحب الملف  اكو مساعدات جايه 4 الف ليرة سوري للعوائل العراقية بس بشرط الي دازين الهم رسالة كاعد يقسموهم مو للكل بين فترة وفترة تجي القسم من العوائل .
يعني عادي ما كو شي


ابو نور / سوريا

433
الف الف مبروك اختي الغالية ام حمزة على التحويل الى الشقة الجديدة  وان شاء الله الاستقرار بحياتكم يا رب .

ربي يسهل امرج وينطيكم الصحة والعافية .

اخوية الفريدو مشتاقليلك ان شاء الله بخير .واخونة شمعة ما مقصر ويه الاعضاء بارك الله بيك وبيه وبكل الموجودين ربي يديمكم ذخر النه .


ابو نور / سوريا

434
عاشت ايدك على هذا الوقت الثمين الي كاعد اتكرسه في افادة ومساعدة اخوتك ربي يجعلهه بميزان حسناتك ويوفقك دنيا واخرة وربي ينطيك الصحة والعافية الك والعائلتك الكرمة

ابو نور / سوريا

435
الف مليون مبروك سلامة الوصول وان شاء الله التوفيق بحياتك الجديدة ربي يسهل امرك ويطيك الصحة والعافية .




ابو نور / سوريا

436
الف الف الف مبروك وان شاء الله توصل بالسلامة وتستقر يا رب .



حلوة هاي مال كليجة هههههههه .. يمعود دروح سافر يا كليجة (( ذكرتني بايام العسكرية والالتحاق ))
هناك عود سسو كليجة براحتكم .

تقبل مروري .

ابو نور / سوريا

437
الف لف الف الف مبروك الوصو وان شاء الله الاستقرار والرزق والامن والامان



تقبل مروري

ابو نور / سوريا

438
ان شاء الله لمت خير يا رب وميصير فراك ابد ربي يحفظكم البعضكم اخوية الفريدو ويسهل عليكم يا رب .


اني همين اعرف هواي جماعة كاعد يخابروهم على كندا واكو بيهم مرفوضين من اميركا واكو بيهم حتى مقابلين محلفين على اميركا رجعو هل ايام خابروهم كالولهم حولنه ملفكم على كندا ... هذا يعني كندا طالبه عوائل هواي والله اعلم .


ان شاء الله ربي يسهلهه على الكل يا رب  ويعجل بسفرهم وسفرنه ...


ابو نور / سوريا

439
امــــــين يا رب .
هلا بالغالي العزيز ابو شهد شلونك اخبارك امورك ان شاء الله بخير يا رب

شو صار يومين جفاف بالاخبار والاسئلة شكو خير .

ابو حمودي ميبين عسى خير يا رب  واذا ملتهي بالدنيا الله يساعده ويريحه  ان شاء الله .
 

يارب نسمع منكم اخبار حلوة ان شاء الله ويعم الخير على الكل بحق الحبيب محمد


ابو نور / سوريا

440
السلام عليكم

شلونكم اعضائنا الكرام ان شاء الله بخير ندعي من رب العالمين يفرج علينه وعليكم ان شاء الله .



ابو نور / سوريا

441
انا لله وانا اليه راجعون .
لا حول ولا قوة الا بالله .
 الى رحمه الله تخمدها الله فسيح جناته

ربي يصبرك يا اخي زرزور ويصبر العائلة الكريمة . وهذا امر الله ونعم بالله


442
تونة يا قضية احنة حقوق الانسان ما حافضيهه انوب حقوق الحيوان  اووووووووووف

خوية كلش حباب اني هسه ما اشوف تعرف اليوم خميس  وهستوه اذن الفجر يعني اخوك منتهيه شغلته هههههههههه


مو اكلك خلي اعزل واروح للبيت احسن اليه لان كاعد اصرف كهرباء ومحد مشغل ولا حاسبة
كلهم منتظرين الباجر شيصير .
بس ان شاء الله ميصير سقوط ههههههههه





443
خلي اروح اعزل قبل لا اتصير المظاهرات لان بسوريا عدنه كل جمعة يغنون (( بلا بلا بلا مشكلة بلا بلا بلبله ))

الظهر وره الصلاة يله انفتح من تخلص المظاهرات  تصبحون على خير


الله سوريا بشار وبس .. منا الى ان اسافر  راح اكول هيج    وبعدين الله كريم هع

تصبحون على خير لان بس اني مفتح بالمحلات كلهه راح يشيلوني الامن السياسي



 

444
وافقتي لو ما وافقتي راح ينشلف ينشلف لو التشريب ايصير مال ذبان  ههههههههههههههههه وداعت نمبر وان

بس غير الله ساتر وماكو كلوبات زرك يعني شرطة منتديات


445
لاجئين لو حشاشين

ههههههههه
عمي اسامة شلونك
بشرني دزيت الرساله للسفارة

دزيتهه للرسالة .. وشايف النطرون من يلبس اني انلبست مثله لا خبر لا جفية لا حامض حلو لا تشريب ابريعصي العفو شربت


لحكو اكتبو بالموضوع مال تحشيش لان الباجر من الصبح ينشلف للشيشان مو للدردشة
هههههههههه

بمناسبة البريعصية
الله اشكد مشتاق لابو بريص وام ابريص صار هواي ما شايفهم لان بسوريا ما عدنه من هاي النماذج بس تبوله ومسبحة وفلافل  و لبنه  
ههههههههههههههه

446
اخوية الغالي انمار اي بيهه مجال انه يكلولك خلال 15 يوم لازم اتسافر ويجوز اقل  .


اذا انته متهدد وخايف طبعاً تكدر اتسافر خلال 3 ساعات  مو 15 يوم اني اذا كالولي خلال ربع ساعة لازم اتسافر اسافر والله العظيم  وخلال دقيقة وحدة واني الممنون لان وضعي ميسمح ابقى .
اما انته فما ادري تكدر تبقى اكثر لو لا
للعلم اني بسوريا يعني شبه امأمن على نفسي وجهالي

تقبل مروري اخي العزيز



ابو نور / سوريا


447
لاجئين لو حشاشين

ههههههههه

448
الحمد لله على سلامة الرجوع .. ولو اني ما ادري شنو الي صار بس ان شاء الله عتب احباب ما بيه شي
وكلنه اخوة واخوات هنا وابو قمر او بالاحرى ابو قلب الكبير منظاره للحياة اوسع من ان يكون حدي ..
وان شاء الله ترجع كتاباته اتنور منتدانا الجميل هذا .
وطبعاً ابو قمر بكتاباتك راح اتخليني ابطل من كندا واحول على اميركا .

ربي يحفضك ويرعاك ويسلمك انته والعائلة الكريمة وان شاء الله تمام الصحة والعافية والرزق طول العمر .


تقبل مروري

ابو نور / سوريا

449
الف الف الف الف مبروك اخوية العزيز وتوصل بالسلامة ان شاء الله وتحقق كل امنياتك يا رب
وان شاء الله للجميع



ابو نور / سوريا

450
وعليكم السلام والرحمه جميعا وابو نور خصوصا يارب ماكو شي بس انه تعرف كلش زين شنو صارت احداث بهل الاسبوعين الحمدلله على كل شي بس صدقني بس تخلص هالهوسه لازم لازم يخابروك ويارب عن قريب ولتخاف واعرف بنيه نفس سالفتك اول شي قابلوهم 6-1-2011وما انطوهم فورمات وبشهر الثالث سوو الهم مقابلتين مقابلة فورمات ومقابلة توقيع قرض وبشهر الرابع سلمت جوازها يوم 28 وسافرت ايضا مع الاخت ام حمزه يوم 13-6 فلا اتخاف بس انته تعرف الامور كلها صارت خربطه ويارب تهدأ


الله كريم اختي العزيزة ربي يسمع منج ان شاء الله الخير الي يصيبني يصيب الكل يا رب 


ابو نور / سوريا

451
السلام عليكم

طبعاً اول دخولي على الموضوع وياه كلمة ااااااااااااي كلت سافرت المسافرة خطية لان قصتهه معاناة الله يكون بعونهه .
بس طلعت السفرة الى تركيا ... هم ميخالف ان شاء الله تنفتح كل ابواب الفرج عليج يا رب وربي يسهل امرج ويوفقج وان شاء الله سرعة اتمام الاجراءات والسفر وترتاحون وتتهنون بحياتكم يا رب وتخلصون من التفكير والقلق والانتضار .
ربي يسهل امركم وامرنا .


تقبلي مروري

ابو نور / سوريا


452
السلام عليكم

ان شاء الله الكل بخير يا رب
والله اخت زيتونة اني بالنسبة اليه مرت الاسبوعين وما اتصلو بيه على المقابله الثانية كالو اذا مرت اسبوعين وما اتصلنه بيك اتصل بينه انته (( يمكن ميردون يصرفون رصيد لو ما معبين وحدات موبايل )) ههههههه

اليوم دزيت الهم اميل (( للسفارة الكندية )) بلكي الله يسهل ويوفقنه ويوفقكم يا رب

ابو حمودي بشرنه فريد الغالي شلون صار ان شاء الله بخير يا رب


تحياتي

ابو نور / سوريا


453
السلام عليكم
لا اختي بسمة اني توطين على اليو ان

ومن قابلت بكفر سوسة وره 28 يوم بالضبط اتصلو بيه السفارة الكندية وهذا حال معظم الموجودين بسوريا وره 28 يوم يتصلون بيهم ويقابلون اول مقابلة ووراهه بفترة سته ايام او عشرة بالكثير ما عدى اكو قسم اتصلو بيهم ثاني يوم على المقابله الثانية والاخيرة الي هيه ويه القنصل ويوقعون على القرض بنفس اليوم ويدزوهم على الفحوصات ووره الفحوصات يحسبون تقريباً شهرين او اقل ان شاء الله يسافرون هذا الترتيب يمنه بسوريا

وان شاء الله الكل يسافرون وربي يسهل على الجميع



ابو نور / سوريا

454
السلام عليكم

اختي العزيزة بسوريا اول مقابلة بالسفارة للفورمات يعني معلومات سهلة وبسيطة عن الحياة الي عاشهه الشخص بعد ان صار عمره 18 سنة وين درس وين خدم جيش وين سكن وتنقلاته وبعدها تخلص المقابله يكلوله سوي عدم محكومية للي عمره فوك ال 16 سنه طبعاً  ويكلوله احنه نتصل بيك وره اسبوع او اسبوعين  وهم نفس الحالة كم يوم ويتصلون بيه وطبعاً للكل شفتهه متجاوز ال سته ايام ويتصلون  (( ما عدايه صارلي 14 يوم وما اتصلو بيه )) وهاي المقابلة الاخيرة ويه القنصل يوقعون بيهه القرض ويكلولهم روحو سوو فحوصات يسوون فحوصات ويودوها وبعد فترة بسيطة هم يدزون عليهم علمود الجوازات يعني بين الفحص والسفر كمعدل من شهر ونص الى ثلاثة اشهر السفر يكون هاي من سوريا بس .

طبعاً هاي المعلومات قبل لا اعرفهه بنفسي وبتجربتي عرفتهه من الاخوان جماعت كندا واولهم الفريدو الغالي ابو حمودي الوردة ربي يحفظه النه

ابو نور / سوريا 

455
ان شاء الله تبقى سعيد الى الابد وان شاء الله بلدنا الي هوه العراق يجيه يوم ويصير مثل ويجوز احسن من اي بلد بالعالم وندعو ان يصير هيج من اجل اهلنا الي باقين بيه وكمن اجل الناس الطيبة العايشة بيه وربي يوفقك وينطيك على كد نيتك .
وبارك الله بيك على هذا الموضوع .

ابو نور / سوريا

456
الف مبروك والف الحمد لله على سلامة لوصول اختنا الغالية ام حمزة وان شاء الله ترتاحون وتستقرون بولايتكم الجديدة يا رب ندعيلكم ان رب العالمين يسهل امركم وامرنا وان شاء الله تحقيق كل امانيكم يا رب .


الف الف الف مبروك تخرج الغالي ابن الغالي وان شاء الله تخرجه من احسن الجامعات الي بالعالم يا رب ويفرح اهله دووووم



ابو نور / سوريا

457
يمعودة ان شاء الله اتخربين 100 كيبورد هناك باميركا وهذا الكيبورد الي عندج ضميه هناك استخدميه هل ايام ان شاء الله حتى اول متوصلين اتكتبيلنه وتبشرينه ان شاء الله .
دعواتنه الج يا ماكنتوشة الغالية وان شاء الله اتسافرين باسرع وقت يا رب



ابو نور / سوريا

458
ربي يوفقك وينطيك على كد نيتك وان شاء الله الفرحة هاي متفاركك ابد يا رب
وان شاء الله تشتري سيارة ويخت يا رب وان شاء الله تنرزق بمليون دولار يااااااااااااااااااارب

ربي يديم الفرحة

ابو نور / سوريا

459
السلام عليكم

الله يكون بعونج ماكنتوشة وبعون كل الي ينتظرون يا رب

انتضري للاحد واتصلي بيهم لان البارحة مضاهرات تأييد واليوم خميس والله اعلم
ادعي من الله يسهل امرج وامرنه وامر كل منتظر




ابو نور / سوريا

460
هااااا شكلنه .
خوفتونة ناس تكول عودة قسرية وناس تكول تجييك .
يعني احنه يمكن بينه 500 شخص بدوما تدرون 500 احتمال انطرحن كل واحد يكول احتمال وبالاخير طلعن 4000 والمطافر صار من فوك الكراسي للاسف كالو من الواحد للعشرة يجون للباب رقم 400 كام يتعارك ميخلي واحد يفوت هو حاجز الباب للمستقبل هههههههه
المهم طلع ماكو شي مساعدات وان شاء الله الكل تستلم


ابو نور / سوريا

461
السلام عليكم

عمي لا هاي ولا ذيج .
ما دام الشغلة يردون بيهه جوازات مستنسخة اذاً اكو مساعدات جاي من منظمة وراح يوزعوهه عن طريق الامم المتحدة مبينه .

الباجر راح انروح ونرجع نضحك ونكول خوفتونة هههههههههه

ما بقة شي 19 ساعة بعد وتصير ثمانية الصبح واني فوك راسهم  والله كريم هههههههههههه

ابو نور / سوريا

462
السلام عليكم
لرفع المعنويات وللمشاركة وياكم .
اليوم عائلة راح اتسافر الى اميركا ام مع ابنها وابنتها ما اعرف بمواعيدهم بالضبط بس جماعة اشترو منهم غراض اعرفهم وسفرهم اليوم ان شاء الله يوصلون بالسلامة

ابو نور / سوريا

463
ههههههه يمعودة كولي غيره وين يجلونه يا عراق  ههههههههههههههه بعد شكم يوم عندي مقابلة بالسفارة الكندي خلي افلت قبل لا يجلونه جلي هههههههههه

لا  اختي ام محمد الشغلة شغلة منظمة موكله اليو ان امبينه

ان الاحد لناظره قريب

الباجر ان شاء الله مو بعيد

ابو نور / سوريا

464
السلام عليكم

اني هم نفس نص الرسالة اجاني ام محمد ودايخ بيه من البارحة لان منو الي اسأله يكلي ماكو هيج شي
والمشكلة بشغلة الاستنساخ الي يردوه .
يعني هسه اني بقدسيا بس ثنين يمكن اجتنه رسالة حسب الي اعرفهم عائلة سمعت كالو اجتهم هاي الرسالة واني هم اجتني وان شاء الله الاحد راح اروح واشوف شنو القضية .
بس حسب ما اصور ما دام طالبين الجوازات استنساخ اذا اكو فد جمعية او منظمة وكلت اليو ان يقومون بعمل الهم حسب تصوري هذا والله كريم ان شاء الله ماكو شي اني جان طريقي الاحد انه اروح اسوي عدم محكومية للسفارة الكندية بس بعد هاي الرسالة راح اروح الدوما لازم والله كريم

ابو نور / سوريا

465
لعد والامنية شلون . هههههههههههههههههههه




جزيل الشكر اخي على نقل الموضوع

466
الف مبروك اخي الصابر وان شاء الله يوم السفر القريب ان شاء الله


ابو نور / سوريا

467
السلام عليكم

ولو خوفتينه من اسم الموضوع ههههههههههههههه

بارك الله بيج اختي على التنبيه .
بس مع ذالك وان يكن واذا احد دخل قابل احنه شكاعد نحجي علواه خلي يدخلون او يدزون واحد يراقب الكلام بلكي الله ينقهرون على هذا الحال والاذية الي كاعد انشوفهه بدول الجوار ما بيهه شي علووووووواه لو يراقبون وضعنه ويسوون النه حل سريع .


ابو نور / سوريا

468
السلام عليكم .
اخي الجميلي احنه جماعة سوريا بخير ان شاء الله وندعيلكم ربي يفرج عنكم ويعجل بسفركم وان شاء الله خير يا رب

دعواتنا مع ابو حمودي لشفاء ابنه فريد .. اميـــــــــن


ابو نور / سوريا

469
ان شاء الله ما بقى شي وراح اتسافر والف الف مبروووووووووووك وان شاء الله تستقر
بس عندي طلب يمك ..
غير لون كتابتك هسه اني ادعيلك راسا اتسافر

ابو نور / سوريا

470
الف الف مليون مبروك اختي الزبيدية وان شاء الله الخبر الثاني المحلف ووراه خبر سفرج وتفرحينه وتفرحين يارب . اميـــــــــــــــــــن



ابو نور /سوريا

471
الحمد لله على سلامة فريد الغالي ابن الغالي وربي يحفظه من كل شر ومكروه ويارب يتعافى باسرع وقت . وان شاء الله ما بيه الا العافية . وان شاء الله ابو حمودي ربك ينطيك على كد نيتك وطيبة كَلبك . دعواتنا معاك الى ان يشفى فريد ويصبح بالف صحة وعافية ان شاء الله هل يومين يا رب بحق محمد والله واصحابه اجمعين ...
والاخبار الحلوة الي اتفرحنه مو اخبار سفرنه هسه لا والله الاخبار الحلوة هي شفاء فريد ويكوم بالعافية تسوه ابو السفر وان شاء الله شفاء كل مريض . امـــــــــــــين

ابو نور / سوريا

472
اختنا الغالية ام عبد الله الف مبروك وان شاء الله السفر القريب جداً جداً ويسهل امركم يا رب
بخصوص حقائب السفر اتصور وحسب ما عرفت من الاخوة الي مسافرين سابقاً موجودات وهنه خاصات يعني يمكن تسألين عنهن بالاسواق وحسب منطقة سكنك .
اما بخصوص المشتريات ما ادري بس اكو مواضيع هواي عليهن اتصور وهم موجودة ابداية سفرة اخونة الفريدو بهاي الصفحة كاتب هواي عليهن .

بالتوفيق ان شاء الله وربي يسهل امرج يا رب


ابو نور / سوريا

473
على كيفك اخونة زيد هدي اعصابك هو شكو .
شكال علي النعيمي يمعود خاف انته ما فهمت الموضوع اقراه زين وعيد التفكير بكلامك واعذرني على هذه المداخلة بس الحق يعلى ولا يعلى عليه

ابو نور / سوريا

474
الف مبروك وان شاء الله السفر القريب يا رب


475
ابو شهد الغالي اشكرك كل الشكر وهذا ان دل فيدل على طيب اخلاقك العالية .

اي والله لازم اتعوضني على المقابلة الجاية هههههههههههههههههه لا بالعكس ما اتعكر مزاجي ابد اصلاً زادت فرحتي فرحة من شفت كل الاعضاء يردون يساعدون ويوضحون الفكرة وكل واحد يريد يصير هو السباق للمساعدة ما اجمل هذه الروح الي بيكم يا احبابنا ويا اصحابنه واخوتنه بارك الله بيكم على لمتكم الحلوة هاي .

ارجو من الله عز وجل الشفاء لابننا وابن حبيبنا واخونا ابو احمد بعونه وقوته تعالى ان شاء الله ويارب يرجع ينور المنتدى وهذه الصفحة الجميلة وكله فرح وسرور وصحة وعافية هو وعائلته الكريمة كولو امين .

زيتونة وكعت براسج عزيمه ليش ما ادري .. هههههههههههههههههه اخت غالية وعزيزة

ابو نور / سوريا

476
ابو شهد الغالي .
والله يا اخي كلنه نتعلم منا
والله اني ما اعرف اكو اليو ان بسوريا ولا اعرف بهاي الترتيبات من دخلت على هذا الموقع بالعراق عرفت كل هاي الخطوات وتعرفت على ناس ذهب موجودين وقسم ما موجودين هسه هنا واجيت السوريا وقدمت ونقبلت واني بعدني هنا بنفس المكان وويه نفس الناس وياما وياما صارت مشاحنات بين اعضاء بس مع ذالك الكل باقين اخوة واحبة واصدقاء وربي يدوم هاي المحبة والاخوة والصداقة .

ابو شهد الورد هذا المنتدى وهذي الصفحة هيه مو صفحة الفريدو بس لان الفريدو عراقي شريف اذا هاي الصفحة هيه صفحة كل عراقي شريف يحب يساعد ويعين اخوه ولمتنه الحلوة هاي ان شاء الله تبقى طول العمر مو بس وقت انتهاء مراحل السفر وان شاء الله نتشاوف بغير مكان في يوم من الايام لان الدنيا صغيرة وكل الوجوه الطيبة تتلاكة . وان شاء الله اتنور هاي الصفحة يومية وكل ساعة لا اتكول ما اطب لان هذا مكان لكل الطيبين امثالك يا غالي

وزيتونة ... البارحة ذكرتج بالعشة لان اتعشيت جبن وزيتون هههههههههههههههههههههه
يا اطيب ناس واحلى ناس .

بس كلولي ابو حمودي شنو قضيته شو يختفي ويطلع يكتب سطر سطرين ويروح خو ماكو شي وشنو ابو شهد شبيه ابنه الله يحفظه خير خو ماكو شي .

ابو نور / سوريا

477
يمعودة صدك جذب ولا يهمج ولا تفكرين بالموضوع ابد بالعكس انتي قصدج الفائدة العامة وصدكيني من عندج ومن الاخوة اني فتهمت شنو المراحل . عادي ولا يهمج ولا اكو اي حق بالموضوع .
المهم بشرينه باخبارج انتي وين وصلت شغلتج مسلمين جوازات لو بعد



ابو نور / سوريا

478
الف الف مليون مبروووووووووووك اخوية ساحر وان شاء الله موعد سفر جدا قريب ومتلحك اتلم غراضك بلكوة
وتوصل وتحقق كل امانيك يا رب
تقبل مروري



ابو نور / سوريا

479
الف مبروك اختي العزيزة قارورة على المقابلة وان شاء الله القبول يا رب
ما اعتقد ارتباكج شوية ايأثر بكفر سوسة بس حاذري من السفارة الكندية وخليج اكثر دقة وان شاء الله بعد مقابلة كفر سوسة بشهر او اقل شوية راح يتصلون بيج السفارة الكندية على المقابلة للعلم اني قابلت قبلج بخمسة ايام يعني يوم 5 بالشهر ويوم 6/6 كانت مقابلتي بالسفارة الكندية والحمد لله كالولي سوي عدم محكومية ونتظر من عدنه تلفون خلال اسبوع او اسبوعين واني هسه منتظر والله كريم .

ان شاء الله يتصلون بيج اليوم لو الباجر يارب

ابو نور / سوريا

480
اختي العزيزة زيتونة وليمونة .
اولاً اني كنت اظن انه انتي رجل مو امرأة واسف على هذاا لخطأ .
ثانياً اختي العزيزة اني تره اول مره اقابل وما مار بهاي المراحل كلهه  يعني ما اعرف الاجراءات الي اتصير والخطوات واني من كلت وقعت على الاوراق اذا اتلاحظين حجيتهه بسؤال يعني ما اعرف اعتقدت انه الاوراق الي وقعتهه مال قرض هذا جانت احجايتي وما ادري شنو هنه لان ولا باوعت عليهن ولا شفت شمكتوب ولا سألت شنو ذني بس اكو مكانتات امأشرة عليهن كالت وقعو بالمكانات الي امأشرين عليهن احنه .كلت الهه صار وقعت واني الممنون . وانتي من كلتي هذني اوراق للتأكيد على كلامك . اني شكرتج وكتلج كلامج صح وعاشت ايدج بس اني ضني جان هيج يعني اثناء خروجي من السفارة مو هنا ...
ومن رجعت سألت الناس الي اعرفهم كلهم كالو لازم ينطوكم فورمات ما عدى عائلة واحدة ما انطوهم اي فورمات للعلم كملو فحص وكالولهم كم يوم اندز على الجوازات شنو السبب ما اعرف .

فيا اختي العزيزة الي اطلبه منج اتهدئين نفسج وولا تهتمين وادعي من ربي يسهل امرج ويفرج عنج ويعجل بسفرج يا رب باقرب وقت ان شاء الله وترتاحين من هذا الظيم الي انتي وكلنه بيه ويا رب يسهل امر سوريا ويهديهه ويستر على ناسهه وربي يحفظ كل العراقيين الشرفاء بكل مكان بالعالم وعلى راسهم الفريدو الغالي ههههههههههه بعد شتريد ابو حمودي .
واذا اني ازعجتج بكلمة مستعد اروح للسفارة هسه وارفض كندا بعد شتردين واذا الفريدو ازعجج هسه اندز عليه يرجع السوريا هاااا ااااا بعد . المهم انتي وكل اهلنا العراقيين البسمه متفاركهم ابد
ربي يسهل امرج ويعجل سفرج  سامحيني اذا اخطأت بحقج ((واسف جداً كلش هواي ))  :D

ابو نور / سوريا

481
الف مبروك اختي العزيزة وان شاء الله قبول مية المية
يوم السفر القريب ان شاء الله

تقبلي مروري

ابو نور / سوريا

482
السلام عليكم

اتفق ويه الاخت مهندسة من ناحية انه سوريا مو امان هسه ومنعرف الباجر شراح يصير والله الي يستر لان هسه احنه وضعنه بسوريا كلش مرتبك وباي لحظة العراقيين مستعدين يطفرون فما انصحك انه تبني حياتك وامالك بمكان متأمن بيه شراح يصير هل يومين والله يسترنه بالفعل الاردن احسن لكن بالنسبة للاسعر نفس الشي تقريباً اختي المهندسة ما كو فرق عن سوريلا غير القليل جداً .
وتركيا احسن واسرع باللجؤ بس المشكلة غالية كلش واللغة شغلتهه صعبة .
اما بالنسبة للشغل فشغلنه بسوريا كلش تعبان الى ابعد الحدود وفوك متصورون يعني اني رأيي انه اتفكر بعمان اذا اتحس نفسك لازم تخطي هاي الخطوة لان عمان اسرع وحالياً اأمن ونفس اسعار العراق بالضبط للعلم بسوريا الاسعار نفس العراق بالضبط
اخي الدكتور الكريم . اذا عزمت فتوكل .
واذا اتحس نفسك تكدر اتقاوم بالعراق وتعيش على هذا الوضع المزري ابقى .
لان هنا بدول الجوار لازم تتعب وتعاني فد سنه سنتين اذا مو اكثر وبالبداية راح اتحس انه انته حياتك اندمرت هذا اذا جان ظرفك المادي حسب متحجي يا دوب وما عندك الشي الي يعينك وتكول شورطني بهاي السالفة لو ميت بالعراق احسن اليه بس بعدين من اترتب امرك وتستقر اتكول الف الحمد لله والشكر خطيت هاي الخطوة اذا مو علمودك ف علمود اطفالك ومستقبلهم
اتوكل على الله واحنه حاضرين لاي مساعدة نكدر عليه اذا الله راد .


ابو نور / سوريا

483
والله يا اخي ابو قمر عاشت ايدك وربي يحفظك والعائلة الكريمة وان شاء الله الصحة والسلامة طول العمر المديد ان شاء الله .
هذا الكلام الي يجدد ويعيد الامل بنفوس المغتربين والمنتظرين الاغتراب بارك الله بيك وعزز الله في خطاك وسلمك من كل شر ومكروه

تقبل مروري

ابو نور / سوريا

484
الف مبروووووك وان شاء الله يوم السفر  بعون الله باسرع وقت يا رب وتستقرون وترتاحون

تقبلي مروري

ابو نور / سوريا

485
عاشت ايدك ماركوس قصة جميلة وتبين الحظ من يكعد ويه الواحد شلون يسعفه بكل حياته الحمد لله والشكر .

شمعة الغالي .. هو منو الي يلتم على الدبك هههههههههههيمكن المفروض بالعكس اتصير لان اكو ناس يلتمون على الدبك اكثر من الذبان هههههههههههه تسلم غلاي



ابو نور / سوريا

486
الف الف الف مليون مبروووووووك اخونة ابو نادين وربي يسهل امرك ان شاء الله وتوصل بالسلامة يا رب .

يابه اذا نادين اتريد جبس ابدال اميركا انطيها وعوف سالفة اميركا هسه قابل اميركا احسن من الجبس


تقبل مروري
ابو نور / سوريا

487
دكتورنا العزيز ..

برنامج iom  مختص بالافراد الي كانو يشتغلون ويه القوات الامريكية او احدى الشركات التابعة الهم انته بالنسبة الك ما مشتغل ويه اي جهة من هاي الجهات اذاً ميحق الك اتقدم على هذا البرنامج .
الك حق اتقدم على الامم المتحدة اليو ان وهنا لازم اتسافر خارج العراق الى اي دولة موجود بيهه مقر للامم المتحدة مثل سوريا عمان مصر تركيا لبنان او اي دولة عربية موجودة بيهه الامم المتحدة حتى اتقدم على اللجؤ .
ومن اتقدم على اللجؤ راح يسألوك شنو اسباب هروبك من العراق وتقديمك على اللجؤ لازم اكو اسباب مقنعة اتخليهم يصدكون بقصتك ويحسون بيك انه انته مهدد ومتكدر ترجع للعراق اذا ماره بيك هيج اشياء اما اذا بس مجرد اتريد اتسافر وانته ما عندك اي شي معناهه لازم تخترع قصة خيالية صارت بيك (( اتألف )) وانته بكيفك بعد . واما بخصوص انه انته ضايج من الوضع والوضع بالعراق مو زين فهاي احوال واوضاع العراقيين كلهم يعني راح يكلولك منو بالعراق مرتاح حتى انته اتكول ما مرتاح يعني بصريح العبارة اله مار بمأساة ومخاطر كبيرة يله يقبلوك اليو ان واذا لا بس مجرد خوف من المستقبل يجوز يقبلوك كلاجئ بس سفرك الله اعلم متدري شوكت وبكل الحالات هم راح يتأخر السفر حتى اذا مار بتهديد ومخاطر يعني اكو ناس صار الهم سنتين وثلاثة واربعة وبعهم ما مسافرين فيرادلك دراسة جبيرة قبل لا تقدم على هذه الخطوة والرأي الاول والاخير الك لان انته صاحب الشأن

للعلم التقديم مو شرط راح يصير على امريكا لا اي دولة همه يختاروهه الك بكيفهم وفق ضوابط

واي سؤال ثاني بالخدمة

اخوك
ابو نور / سوريا

488
Abnaa Al-Iraq لا اخوية العزيز شدعوة 8 اوراق بسوريا المصرف ما فهمتني يمكن اني بجمع الكل صارت خمس اوراق وبعدين تجيك الحصة الغذائية الي تكدر اتفرق بيهه ربع هذا المبلغ يعني هم اتصير 3 ونص او اربعة او 3 اذا تكدر بالشهر يعني حسب الانسان ومقدرته واني بالبداية اول ما اجيت السوريا اشتغلت بالعمالة يعني احمل طابوق ودبرتهه باقل من هذا المبلغ بهواي ومشت وعدت الحمد لله جنت استلم باليوم 400 ليرة يعني 10000 الف عراقي يعني بالشهر 300 الف ورقتين وشوية وهم جنت عايش بيهن والف الحمد لله والشكر بس بعدين اشتغلت بختصاصي والله سهل عليه والحمد لله وهسه اني مرتاح مية المية الف الحمد لله والشكر .,

ثانياً اخوية العزيز اكو ناس تصرف باليوم هذا المبلغ الي كتلك عليه بالشهر ..
وكل انسان يكدر ايدبر امره بالموجود وعلى كولت المثل مد رجليك على كد غطاك .... وهنا بسوريا شلون متريد اتعيش تكدر اتعيش وبيش ما جان تكدر اتعيش .

ابو نور  / سوريا

489
السلام عليكم .
بالنسبة للاسعار مال سوريا ارخص ما اعتقد اكو هيج شي لان الاسعار هنا بسوريا بالضبط نفس اسعار العراق وجماعة عمان يكولون اسعار عمان نفس بغداد بالنسبة اليه جنت عايش ابغداد اسهل بهواي هسه بسوريا بصعوبة يعني بالنسبة للعمل تعبان جداً جداً هاي اذا لكيت عمل مو بسهولة اتحصل شغل بسوريا يعني واذا حصلت فليرات يعني شي بسيط كلش كلش كلش فوك متصور بس مع ذلك الحياة حلوة ولي يريد يدبر نفسه يكدر بس يغير من اموره كلهه مو مثل حياتنه الي جنه انعيشهه بالعراق ابد الايجارات اتحصلك شقة بسعر 8 او 9 او 10 الف ليره الورقة 4700 ليرة كمعدل يعني انكول اتحصل شقة ابورقتين يا اما مؤثثة او فارغة حسب السعر تره هاي شقة جداً عادية مو فد شي كهرباء 500 ليرة تقريباً بالشهر ماء 150 ليرة يعني اذا اتريد تقتصد ايجار بيت وكهرباء ومي ايصيرنه فد 10000 ليرة سوري وبالنسبة للاثاث اتدبرهن منا ومنا رخيصات ومستخدمات اتمشي امرك بيهن (( على كد الحال )) كشئ وقتي العيشة اذا اقتصدت حيل حيل كلش كلش هواي هواي يرادلك يومية فد 500 ليرة سوري يعني بالشهر فد 15 الف وبيهه مجال اقل هاي ويه التدخين 15 الف يعني فد 3 اوراق وشوية تقريباً يعني شي على شي فد خمس اوراق بالشهر مع الاقتصاد هاي بالنسبة الى عائلة متكونة من اب وام واطفال 2 فقط (( سابقاً متعلمين على راحة مية المية وهسة مقتصدين .. يعني يتخايلي بعدني مبذر ما ادري ليش . لان اعرف ناس عايشة باقل من هذا الميلغ بهواي ..بالنسبة لليو ان تفرقلك هواي يعني تستلم حصة غذائية مضبوطة مية المية من بيض وسكر ومعجون طماطة ورز ومعلبات مرتديلا وسمك وجبن وكلشي وكلاشي يعني مطب الى ابو اسواق وتشتري اي شي بس الشكر اتجمل فد كيلوين او 3 بالشهرين يعني اذا عندك ام بيت مضبوطة حتى ال 500 ليرة مال مصرف يومية تلغي فد نص منهه واليو ان هنا بسوريا ولو قسم هسه راح يكلولي انته ادافع عنهم بس مع ذلك اكول والله لو ما همه العراقيين يتأذون هنا ورحمه الله والديهم ما قصرو ابد ابد ابد واذا عائلة معيلهم كبير بالسن او بس نساء او او بيهه مجال ينطون راتب الهم لان هواي ناس تستلم رواتب من اليو ان واكو منظمات انسانية اتساعد هواي بالنسبة للعلاج والادوية لا اتفكر ابد لان مستشفيان وعيادات الهلال الاحمر متروسة ترس بسوريا بكل منطقة تلكه الهلال الاحمر الخاص بالعراقيين وشتريد همه حاضرين وباسعار رمزية جداً يعني اطب تفحص ب 25 ليرة والدوة ب 25 ليرة يعني بالف وربع عراقي انته فاحص وماخذ دوه سعره بره اقل شي فد 25 الف عراقي يعني الف ليرة تقريباً ما عدى الدكتور الي مو اقل من الف او الفين ليرة بره يعني لا تهتم للمرض لا سامح الله او العلاج بكل النواحي حتى العمليات لا سامح الله وربي يعطيكم ويعطينا الصحة والعمر الكويل ..
اما بالنسبة للامان . قبل كم شهر كانت سوريا يمكن اامن بلد بالعالم بس للاسف هاي الفترة صارت بيهه هاي الشغلات وخلتهه اتصير مو امينه لكن مو بكل مكان ولا بكل زمان . يعني .. فقط ايام الجمعة نتخوف من الخروج صباحاً مع انه لا يوجد شي يعني امان والوضع حلو بس واحد يكون حذر الصبح ميطلع اله وره صلاة الضهر بس ماكو شي لحد الان بالنسبة اليه مره وحدة صارت ابمنطقتي في وحدة من الجمعة صارت مظاهرات وبعدهه الناس اهل المنطقة راحو على العوائل الي سوت المظاهرات وكالولهم اذا احد طلع منكم احنه نكتلكم مو الدولة اكعد وسكتو احنه منريد اي مشاكل ولا هوسات وكل السوريين اذا مو كلهم 80 بالمية منهم يحبون بشار الاسد ويردوه لكن المحافظات علكت بعد والله الي يستر من هاي العلكة بس انكول انشاء الله ماكو شي .
اما عن العراقيين في سوريا . سابقاً ... كانو متذمرين جداً جداً من اليو ان وحتى مرات شباب يتعاركون وياهم ومره كدامي عراقي ضرب موظف باليو ان بدوما وشك وجهه بحجة انه انتم السوريين اتكرهون العراقيين واتأذونه باللجؤ وما راضين على الحصة التموينية الي نستلمهه ابد يكولون البيض زغير والتمن مو شي والشكر مو حلو والجبن نوعية مو زينة والمعجون اسود مو احمر تره هاي صدك مو كاعد اشاقة والله مع العلم الحصة الي استلمهه اني يمكن نصهه انطي منهه للجيران اوابيعهه لان زايدة وخير من الله وحتى حفاظات للاطفال الي اقل من سنتين ونص ينطوهم كل شهرين 360 حفاظة (( حيل كلش هواي ))
واني عندي بنتي بلغت سنتين ونص ذاك اليوم من رحت على الحصة كتلهم ما احتاج الحفاظات لان كبرت كاللو هيه اتصير سنتين ونص ونكطعهه وبالفعل انكطعت هسه عليهه اخر مره  بعد اكثر من هذا شنريد المهم .
كلشي حلو هنا بس خايفين من المستقبل الجاي الي منعرف شنو تاليته .

بالنسبة للعراقيين هل الايام تقريباً الي كاعد يرحون كلش هواي يرجعون للعراق .
والي مراجع بعده فمنتظر اطفاله يكملون امتحانات حتى يرجع يكولون العراق صاير امين سويت دراسة زغيرة على كدي من الي اعرفهم تقريباً 80 بالمية بعد شهر السابع او الثامن راح يرحون للعراق يرجعون هم علمود الاوضاع وهم علمود يستلمون ال 4 مليون  مال عائدين .
هاي اوضاع واسعار سوريا واني حاضر الاي شي وراح افلت هسه لان عندي شوية شغل ههههههههه
اي شي تحتاجه كلي واني بالخدمة

ابو نور / سوريا


490
الف الف الف مليون مبروك اخوية ساحر بغداد ربي يسهل عليك ان شاء الله وينطوك موعد سفر باسرع وقت يا رب .
وان شاء الله توصل وتحقق كل امانيك هناك وترتاح


ابو نور / سوريا

491
الفريدو العزيز كندا منورة بيك يا غالي والله اتمنالك والعائلة الحياة السعيدة والمديدة وربي يوفقك ويسهل كل امرك . ادري بيك مشغول هل الايام الله يساعدك . خلصت نص الطريق اني ما بقى شي ان شاء الله .

اختي الغالية ام عبد الله اشكرج وان شاء الله يوم سفرك يا رب عن قريب . كالولي اسبوع او اسبوعين انخابرك علمود المقابلة الثانية والله كريم بيد الله بعد 


ابو نور / سوريا

492
هههههههههههههههههههههههههههه

بس كون ينطي مراد بالايد

493
ماكنتوشة الغالية العزيزة اشكرج يا عيني وربي يوفقج وان شاء الله نسمع اخبار حلوة منج .

windtalker اخوية العزيز اشكرك كل الشكر وان شاء الله تحقيق كل امانيك يا رب . وبالعكس ماكو تأخير ان شاء الله كل ايامنه تبريكات وافراح



الغالي شمعة المنتدى اشكرك على التبريك وعلى الجهد الي اتبذله يا اخي العزيز والله كلامك كله صح ميه المية وعاشت ايدك وربي يسهل امرك وان شاء الله السفر باقرب وقت يا رب .
تمنياتي لك بالصحة والسلامة وتحقيق الاماني يا رب

اخوكم ابو نور / سوريا

494
اخي شمعة تره اكو حقيقة انته ناسيه يمكن او اتناسيتهه ..
ليش هوه رامسفيلد  عبالك مو ( سيد ) اصلاً هوه سيد اباً عن جد وابو الخط والفسفورة


راح اجومهه هاي الصورة يمي بالبيت حتى من يصير رامسفيلد معمم نذكر ايامه القديمة



495
اشكرك اخي العزيز ابو شهد ربي يوفقك ويسهل امرك ان شاء الله صحيح هسه عرفت انه سوريا ما بيهه فورمات لان سألت العوائل الي قبلي كالو ما انطونه ورقة فورمات ولا اي شي بس ورقة بيهه الاميل مال السفارة

اخي زيتونة وليمونة صح كلامك بس اعتقدت الاوراق الي وقعت عليهن اني هنه مال قرض مع العلم اني هاي مقابلتي الاولى ما ادري ليش وللعلم ولا شفت ولا قريت اي حرف منهن ليش ما ادري اعتقد لان مرتبك شوية وما اريد ااخرهم بس المقابلة حلو وسهلة كلش جانت والحمد لله والشكر .


اخوكم ابو نور /سوريا

496
؟؟؟؟؟؟؟؟

اي صح ليش لا شنو ما فهمتو معقولة .. اصلاً كلامه واقعي ومن المضمون الحقيقي للي جاي ايصير لان الوضع يراد اله هيج تحركات في سبيل ان يسيطرون على الجدول الزمني الممنوح الهم لان  اذا لم يتم انشاء هذا المجلس المعني راح تتراكم العواقب التي تترسب (( وين ما ادري )) . ..
هذا كان قصدهم معقولة ما فهمتو

هههههههههههههههههههههههههههه
هههههههههههههههههههههههه
انا لله وانا اليه راجعون



ابو نور / سوريا

497
اشكرج اختي ريم الغالية وربي يوفقج ان شاء الله .
اخوية الغالي ورفيقي العزيز شمعة المنتدى شمعة اشكرك على هاي المعلومات الجميلة بجمال اخلاقك العالية وبارك الله بيك وربي يهنيك وتسافر باسرع وقت يا رب .

رحت اليوم وقابلت وكانت المقابلة فد شي اسهل من السهل لا مو اسهل من السهل بل ابسط من اسهل من السهل واسئلة عامة عن حياتي ودراستي وعسكريتي والحزب وهاي الشغلات البسيطة ومكانات سكني والحمد لله عدت على خير وكالتلي بعد اسبوع او اسبوعين نتصل بيك مقابلة ثانية وسوي عدم محكومية بس اكو ((( مشكلة ))) ما انطوني فورمات ولا اي شي غير ورقة بيهه ايميل للسفارة اذا اريد استفسر كالتلي بس يعني معقولة هي ملت الفورمات من يمهه ما ادري اذا واحد مار بهيج شي يكلي عفية حبابين .
هذا الحجي اني جنت بالسفارة قبل نص ساعة لان اجيت من السفارة كبل على المحل والسفارة اتسلم عليكم ههههههههه


ابو نور / سوريا

498
اشكرك اخوية شكو ماكو وان شاء الله يوم الي الك يا رب

رحت اليوم وقاتبلت والمقابلة فد شي كلش حلو وسهل وسلس وكم سؤال سألوني عن حياتي القديمة وعن الدراسة ومراحلهه ومكاناتهه والعسكرية والحزب هيج شغلات بسيطة يعني ونتهت المقابلة وحتى فورمات ما انطوني ليش ما ادري ما سألتهم من طلعت اذكرت بس انطوني ورقة بيهه اميل الهم اذا اريد اسأل اتصل بيهم وكالولي فترة من اسبوع الى اسبوعين هيه السفارة اتخابرك وحضر عدم محكومية 
بس ليش ما انطوني فورمات ما اعرف اكو احد مر بهاي الحالة للعلم وقعت اوراق اني وزوجتي خاف همه ملوهن من يمهم يجوز ما اعرف
ورجعت وصلتهم للبيت واجيت كبل هنا ابشركم

اخوكم ابو نور / سوريا

499
الف الف مليون مبروك اخوية press وان شاء الله توصل بالسلامة وتحقيق الاماني يا رب .


تقبل مروري

ابو نور /سوريا

500
newlife79 اخوية العزيز مشكور كل الشكر وبارك الله بيك
ان شاء الله سهلة وكلهه بيد ربك شقاسم يصير الله كريم .. وتسلم على المعلومات القيمه والي تسوي واهس

لا تنسونا بصالح دعائكم

ان غداً لناظره قريب

ابو نور /سوريا

صفحات: [1] 2 3 4