عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - lisaa

صفحات: [1]
1
مرحبا اخوان اشلونكم ترة احب اوضح شي انوا هذا الكلام صحيح بس هذا كان يحصل قبل سنة  مو هسة اصلا هسة اعداد العراقيين قلوا بحلب يعني  اذا تروح الى الحصة متتأخر اكثر من ساعتين و واحد يكول كلمة حق الرجل العراقي الي يوكف بالباب الي تابع الى الهلال الاحمر يمشي على السرة و كل واحد و دورة يعني هسة ربع اعداد الرياجيل تشوفهم الي بالصور  الي مرفقها

تحياتي
Lisaa

2
الف الف مبروك اخ فادي  اتمنالكم الموفقية بحياتكم  ياريت لو تكتبلنا عن تفاصيل الرحلة و نوع التفتيش

3
 مرحبا اعضاء اشلونكم مثل ما تعرفون انوا سفرنا يوم الثلاثاء 4 فجر من سوريا و على الخطوط التركية و الاضرب 30 كيلو مو 40  و ست ساعات ترانزيت ومن اسطنبول على نيورك مباشر و طبعا ما كو مبيت بنيورك مباشر مناك الى كاليفورنيا يعني دمار فبس حبيت اسئل الاعضاء الي سافروا شلون كانت الرعاية بخصوص المرضى اثناء السفر هل يراعون هذا الشي  ام لا لانوا احنا اشكد حاولنا ويا موظف الاي او ام انوا نخلي الوالدة درجة اولى مقبل  حتى كلنا نتحمل التكاليف همينة مقبل كللنا من ترحون الى مطار اهناك همة يرتبولكم طبعا حسب ما اعرف انوا جماعة الاي او ام بالطيارة يحطولهم اخر شي بالطيارة فهل ممكن يخلون الشخص المريص اول سرة بالطيارة حتى على الاقل تكدر ترفع رجليها؟و سؤالي بخصوص الاكل داخل الطيارة شنو يقدمون مثلا؟ و هل ممكن ان نأخذ ويانة اكل للوالدة لانوا متكدرر تاكل كل شي ؟؟؟؟ اكون ممنونة اذا احد من الاعضاء يشرحلي و يوضحلي بخصوص هاي التفاصيل لانوا شايلين هم الطريق بصراحة؟؟؟

تحياتي
شكرا مقدما
Lisaa

4
مرحبا بك اخي دريم شلونك اولا يعتمد انت بيا بلد عربي اذا بعمان  ا و بسوريا و عندك حساب تكدر تسوي فيزا كارت دولي و تحط قسم من فلوسك بي طبعا كمية قليلة و من تروح الى اميركا تجربة اذا اشتغل تكدر تكلف شخص  تثق بي ان يغذي حساب الفيزا كرت مالتك بعمان طبعا اذا تجربة بأميركا اول مرة اسحب كمية قليلة حتى لايعرفون بي . و تكدر ايضا ان تحولة الى اميركا الى شخص اميركا كرايبك تثق بي عن طريق ويسترن يونين بس شوية الشغلة مكلفة يعني اهنا بسوريا تقريبا على الدفتر يأخذون تقريبا 500 دولار  بس هاي الشغلة مضمونة طبعا اذا انت تثق بالشخص الي راح تحولة الفلوس .و عندك حل انو تأخذ وياك قسم من الفلوس من تسافر تبقي القسم الثاني بالبنك اذا مكنت بحاجة الى الفلوس من تأخذ الكرين كارت تسافر و تسحب مرة لخ و ايضا اكو شركات حوالة تحولك الى اميركا بس تشترط ان تحول الى حساب مصرفي  و الحوالة تكون اقل من 10 الف  لانوا يفرضون ضرائب على صاحب الحساب.
ارجوا ان تكونت عندك فكرة او لكيت حل
تحياتي
Lisaa

5
بالنسبة الى اللابتوب يصير اني بصراحة اعرف عائلة صديقة النا سافرت الى اميركا قبل شهر وودوا وياهم 4 لابتوبات و كانوا 6 نفرات همة فعادي يصير و بالنسبة الى الوزن فحسب ما كالولهم بالدورة التثقيفية انوا ميزيد عن 5 كيلو يعني اذا اللابتوب 3 كيلو  يبقالهم 2 كيلوا بس حسب مكلولي محد موزن الهاند باك من وصلوا الى نيورك

تحياتي
Lisaa

6
بصراحة  اخوية الفلكي اول شي لازم تطول خلق ويا جماعة سوريا و بالنسة الى قصتنا احنا اتصلوا بكفيلنة يوم 12- 3 و نفس الشي كايليلة من شهر نص الى شهرين  بسب التشييك الامني  كلولة بواشنطن بشهر سادس خابرونة كالوا اكو غلط اسم عمي فراح و عاد المقابلة 18-6 بعدين ورا شهر  نص همينة خابرناهم كالوا عنوان كفيلكم ناقص مع العلم هم رايح و موقع فرجعنا انطيناهم العنوان دزينا بالفاكس كالت الموظفة هذا الاجراء يطول من شهر الى شهرين هذا كان  نهاية الثامن و قبل اسبوع خابرونة  حددولنة موعد السفر .
فيا اخوية الفلكي خابرهم  جماعة سوريا لانوا الخبر الاكيد منهم مثل ما كال اخ توفي  و اسئلهم و من تخابر اسئل عن اسم الموظف الي يرد عليك لانوا تاااااااااااااايهة   لانو اذا تخابر مرة لخ غير يوم و تكلوللهم انتوا كلتوا كذا و كذا فيسالوك شو اسمواااااااااا الموظف؟؟؟  انت كول قصتك و انشالله يجاوبوك و بالمناسبة اكو موظفة ترد دائما متعاونة اسمها ريحانة فممكن تطلبها .بس انت ما اعتقد باقيلك شي انشالله يخابروك عن قريب

تحياتي
Lisa

7
 ما اعتقد اكو او سامعة هيتشي شي اهنا و بالنسبة النا السنة الماضية خابرونة توطين كان بمنتصف شهر الحادي عشر  بس يجوز الاي او ام يوكفون  يجوز و ايضا ممتأكدة.

تحياتي
Lisaa

8
 مرحبا اعضاء بالنسبة الى دوام اي او ام سوريا فراح يعطلون يومين فقط حسب ما كلي الموظف  هاي الاربعاء الي فات لانوا كال اذا عيد احد تجون الثلاثاء اذا العيد ثنين تجون الاحد يعني يومين هذا على لسان موظف اي او ام  سوريا لانوا عدنا موعد استلام فيزا فبصراحة راح نروح الثلاثاء  لانوا اعلنوا عيد الاحد بسوريا واحنا من حلب فأذا احد الاخوان متأكد راح يعطلون طول ايام العيد فخلي يعلمني اذا ميصير زحمة .

تحياتي
Lisaa

9
مبروك اخي الخالدي انت نفس يوم سفرنا بس انت من سوريا لو من مصر او عمان؟؟؟؟

10
اي اخوان اني اسئل نفس سؤال اخ زيونة  يعني من نوصل مطار يسالون لو بعدين ؟؟؟

11
نعرفون يمتة يصير سفركم اكيد من تستلمون الفيزا

12
اخوية المتمني هة اني ميهمني  بس امي هي المشكلة  هي مريضة  متكدر تكعد هواية بس شنو اسوي
سألت الموظف هل يصير تججزوها  في اي بي   لانوا هي مريضة عندها كذا  كذا كال هذا مو احنا نقررة اللجنة الطبية الي عدنا هي الي تكلنة هذا الشخص يحتاج في اي بي او لا

سلامي و انشالله تسمع خبر  حلو عن قريب

Lisaa

13
الف شكر اخوية انور على الرد يعني على  هذا الحتشي فد 15 -16 ساعة طيران  راح يصير  من اسطنبول الى نيورك  و احنا على كاليفورنيا يعنني اكيد راح نبقى يوم بنيورك

شكرا مرة لخ
اختك
Lisaaaaa

14
اختي سارة ماطول همة كلولكي مبروك انتو موافقة جايتكم يعني صح بس هاي مو الامنية هسة ورا ما تستلمين الظرف تنتظرين الامنية لانوا احنا جتيلنة موافقة  و كرايبنة  مأشرين نفس  المكان الي اشرولنة بس كلولهم لسة ما في قرار الكم يعني قيد دراسة روجع كرايبنة سأل الموظف طيب هذا الخيار الرابع  نفس خيار كرايبنة و انتوا كايليلهم موافقة طيب اني ابيش ماكو قرار جاوبة الموظف احنة نعرف من خلال رموز عاد شنو هاي الرموز  مكلة

سلامي
lisaa

15
الهجرة و واللاجئين / رد: كم سؤال
« في: 00:34 15/09/2009  »
 حسب ما اعرفة انوا ميصير تقدمين لجوء على البلد الى انت ماخذة الفيزا مالتها لانوا  بنسبة كبيرة راح يعرفون انتي مينين جاية بس يجوز يصير اذا تغيرين اسمك اذا انت مباصمة اي مكان قصدي البصمة الالكترونية يعني على سكنر .و ما انصحك تقدم  الجواز  بس قدم  فقط الهوية الاحوال و الجنسية  اي وثيقة عراقية  اصلية تفيدك  و بالمناسبة اللججوء بأوروبا حظ و حسب قناعة المحقق يجوز ورا كم شهر ينطون و يجوز فوق السنة محد ميعرف على يا مبدأ يعتمدون من ينطون اللجوء الى الشخص
تحياتي

16
 مرحبا اخوان اشلونكم ارجوا ان توضحولي اذا امكن احنا من حلب كانوا محددن النة دورة تثقيفية 13- 14 -15  بس كيف من حلب كالوا تجون يوم واحد و تجون من نخابركم  لانوا حتى نستلم الفيزا و نوقع باقي الاوراق بس لي اليوم ممخابرن شنو القصة ؟ طيب  اكو شغلة لخ  احد الاعضاء كان رايح نفس ايام الدورة الي كايلينة و همينة كالوا الة يوم 29 السفر يعني ويانة بس النة مكالوا على ياخطوط سالنا وكتها كالوا لسة بس كايلين الى هذا العضو  انو  هو على الخطوط التركية و الوزن 30 كيلو مو 40 و طيب  من تركيا مباشر على اميركا لو ينزل باورويا ؟؟ اذا امكن اذا اكو احد الاعضاء مسافر على التركية و من سوريا يوضحلي اكون جدا ممنونة

شكرا مقدما
اختكم
Lisaa

17
 اخوية ابو مرتضى مثل  ما المثل يكول صبر مفتاح الفرج احنا جماعة شباط و استلمنا ظرف بالرابع بسوريا  و هسة يلا حددولنة سفر 29-9

تحياتي
اختك lisaa

18
 شكرا اخوية بودي  انشالله الموفقة للجمبيع


19
بالمناسبة جماعة سوريا محد ما الة علاقة بالثاني كل موظف يكلك شكل بين قوسين(تااااااااااااايهة) و اني مع راي اخوية المهاجر الابدي  لانو اعرف ناس كل اسبوع تخابر و تسال و هذولة هواية و اكو ناس ابد متسال
بس هي على العموم يعتمد على الحتشي الي الشخص كاتبة بورقة النسجيل مال  امم متحدة و همينة ارجع اكول شغلة التوطين شغلة حظظظظظظظظظظظظظظظظظظ
و الله يرحك السيدة الي توفت  والله ينطي العراقيين الصحة و الصبررررررر

اختكم
Lisaa

20
 شكرا الى جميع الاخوان بالنسبة الى استلمنا الظرف بنص الرابع  و سوينا فحص بنهاية الثاني المفروض كنا نسافر بالسادس بس لانوا عاملين ربط قوي ويا عمي و طلع غلط بأسمة فمن ورا تأخرت شغلتنا بس حسب ما عرفنا من جماعتنا الي قابلوا ويانة كان ححدولهم موعد سفر كان بشهر السادس و هسة همة بأميركا. اختي ام سما انتي ليش ماتتصلين بمصر مرة وتسألينهم وين وصلت شغلتكم.

شكرا مرة لخ
lisaa

21
اهلا و سهلا بيك بس ممكن نعرف انت بيا بلد عايش ؟؟؟

22
اشو يا جماعة احنة بالعكس مبلغينا بموعد السفر بس بعد ممبلغين كفيلنا .بس الي اعرفة انوا صارت ويا احد العوائل الصديقة الي نعرفها بلغوهم قبل اسبوع من موعد السفر و همينة كلي شي سووا ركض بركض
مع العلم احنا بسوريا

تحياتي

23
ألف شكر الى الاخوان الاعضاء  .اخ ماجلان احنة جايين يمك الى كاليفورنيا بس لوس انجلس


تحياتي
Lisaaaaa

24
شكرا الى
الاخ متمني
الاخت انجي
الاخ رودي
الاخ عاشق تراب العراق
الاخ ابو حالد
الاخ اهلي يا عراقيين
الاخ جوزيف
الاخ عكعك
الاخ مهاجرين بلا حدود
الاخ همر
الاخ توفي
و انشالله الموفقية و الصحة و النجاح للجميع

25
شكرا لجميع الاعضاءءء انشالله الموفقة للجميع بس حبيت اسئل اخ ذاكر انت كلولك شنو طريق سفرك و على اي خطوط؟؟؟

تحياتي
Lisa

26
مرحبا اعضاء و حبايب شلونكم انشالله زينين حبيت ابشركم انو اليوم خابرونوا من اي او ام  حددولنة دورة تثقيفية 13-14-15 ايلول و موعد سفر 29 -9 من سوريا بس على يا خطوط بعد مكللونة و اتمنى  لجميع انشالله يتصلون بيهم  .بالمناسبة احنا قابلنا وفد 9-2 و استلمنا ظرف بنص الرابع
اذا اكو احد ويانة اتمنى يكلوي من جماعة سوريا
بالموفقية للجميع
اختكم
lisaaaaa
syria

27
اختي الصابرة اهلا و سهلا بيكي ممكن تخابرين اي او ام مصر و تساليهم على قضيتك و همة يكللولك يصير او لا

تحياتي

28
مرحبا اخوان اشلونكم  حبيت  اشكر الاخ عكعك و جميع الاخوان اليوم خابرت مصر و ردت علية موظفة كالت انوا انتوا خالصة اوراقكم و انتوا على لستة السفر  بس باقي جماعة سوريا يحجزولكم و يبلغوكم موعد السفر

و اتمنى للجميع الموفقية و النجاح يا رب

اختكم
Lisaaaaa
سوريا

29
 طيب اذا الواحد حول فلوس الى اميركا  ورا ما تخلص  فترة المساعدات و حطها بالبنك و راد يشتري بيت بس مثلا خلي نكول الفلوس  نص مبلغ البيت و الباقي يكدر البنك يتكفلة  و شلون بالنسبة الى اللاجى  بعدة مماخذ كرين كارت ؟؟؟ و شنو الطريقة 

31
مرحبا اعضاء اشلونكم بس حبيت اخذ رأيكم بخصوص مخابرة مصر و السؤال عن الكيس مالتنة لانوا اخابر اهنا سوريا اشو يكلون ما في شي جديد انتظروا مكالمة من عدنا يعني اخر شي رادوا معلومات الكفيل كامل هاي قبل شهر لي هسة ماكو شي.فسؤالي ممكن اخابر مصر و اسالهم على الكيس مالتنة وين وصل و اشكد باقي  لانوا احنا جماعتنا كلها راحت احنا استلمنا ظرف بالرابع  و قابلنا وفد بداية الثاني فأذا اخابر مصر جماعة اي او ام سوريا يعرفون و مياثر على  الكيس مالتنة و اكو احد من الاخوان جماعة  سوريا مخابر مصر لو لا؟؟؟

شكرا مقدما
اختكم
LISAAAAAA

32
مرحبا اخوية تك تاك  اشلونك  اول شي لازم تكول ليش طلعت من العراق  الاسباب الي دفعتك و منو ورا طلعتك من العراق و بمنو تشك طبعا هذا السؤال فد مليون مرة يعيد و يصقل بي طبعا بتواريخها و بالمناسبة لا تكول قوات احتلال كول قوات تحالف  طبعا ياخذ الجواز مالتك و  يشوفة صفحة صفحة ويسالك وين رايح و ليش رحت و يمتة و لا سامح الله ركز على الشخص المريض اذا اكو بالعائلة و يكون علاجة صعب العراق و يسألك اذا تعرضت الى اضطهاد ديني عرقي شخصي اذا اكو تكول منو اضطهدك  و شلون و المن تشك  و طبعا مثل ما كال راهب الحب لازم تصفط حتشي مضبوك بالتواريخ  و الايام و كل العائلة يحفظوها لانو ا نفس الاسئلة  يسألوك بيها يرجعون يسالوهم  مثلا اذا سالوا الاب سؤال يطلعوا برة و يدخلون الايناء يسالوهم نفس السؤال  فلازم يكونون مضبوطين بالنسبة الى  الاثباتات فالنة مرادو اي شي كلها حتشي بس مرتب  و مقنع .
تحباتي
اختك
Lisaa

33
طيب يا اخي  هي وحدة من اثنين لو انت ترجع الى سوريا و تقدم وياها وهاي صعبة  لو هي تنتظر على ما يطلعلك  اقامة بألمانيا اي شوية دتطول بين 8-10 اشهر  بعدين تسويلها لم شمل  او تنتظر هي تروح الى اميركا و بعدين تسحبك . اعرف حيرتك اكثر من ما انت حاير

اختك
ليزا

34
مرحبا اخوية راميال بس حبيت اعرف اشلون طلعلها توطين و انت مو وياها الي اعرفة انو لازم الزوج و الزوجة و جميع الاطفال يكونون حاضرين و الا ميصير  لانوا اعرف جماعة الاب و الابن بسوريا و الام و البنت بهولندا مقدمين لجوء فالاب و الابن من قابلوا سالوا وين الام و الاخت ؟؟؟؟  و هسة الاب و الابن بقوا على معاملة لم الشمل .طيب انت مسجل باليو ان لو بس زوجتك  اذا بس زوجتك فميصير يطلعلها توطين؟ و  زين اشلون قابلت اليو ان و متعرف وين طلعلها توطين هو من يخابرون يكلولك وين طالعلك توطين؟؟؟؟؟؟

35
يعني كرايبنة بقى شهر و كان عندة ترانزيت اخذوا منة 500 ليرة بس انت سوي حسابك فد 2500 بخاشيش
 و يجوز اقل  بس هذا الحتشي كان قبل كم شهر مو  هسة

36
بالمقابلة الثانية تحتشي كل شي عنك يعني من الروضة الى ماتركت العراق بالتفاصيل عن منطقتك و المدارس الي رحتها بالمناسبة  من تخلص المقابلة اكتب كل التواريخ و الاوقات الي كلتها والاسامي اخذ وياك فد دفتر ملاحظات صغير و اكتب بي  و الاسباب الي تمنعك ان ترجع الى العراق يعني اضطهاد ديني عرقي سياسي او شخصي .بالمناسبة  احنا لا عندنا دليل و اثبات كلة بس حتشي الي كلنا هنا بسوريا

تحياتي
Lisaa

37
 و الله يا اخوية تقريبا حصل نفس الشي ويانة يعني كفيلنة رايح و موقع من شهر الثالث  و هسة قبل اسبوعين خابرناهم كالت الموظفة بس باقي اجراءات الكفيل الي تطول من شهر الى شهرين  و اكو نقص بعنوان الكفيل طيب هو رايح و موقع شنو القصة مندري
بالمناسبة انت وين هسة سورريا لو مصر لو عمان لو وين  ؟؟؟
سلامي

38
بالمناسبة جماعة سوريا همينة نفس الشي بس واحد يحتشي الصراحة اذا تخابرهم الصبح من وكت يردون بس تتاخر يعني ورا ال11 بالصبح محد ميرد

تحياتي
Lisaa

39
شكرا اخوية ابو انس  على التوضيح بس ممكن اسئل انوا الاكبار همينة يضربوهم تلقيحات لو لا بس الصغار ؟

40
بس اخوية مروان انت شكد عمرك من سجلت  و هسة شكد عمرك؟؟ لانوا اذا عبرت ال 21 تنفصل تصير كيس وحدك!!!! اذا اقل ميصير يفصلوك!!!! بالمناسبة جماعة اي او ام سوريا الموظفين كل واحد بوالي واحد ميعرف بالثاني كل مرةة يكلولنة شكل

سلامي
lisaa

41
جماعة اي او ام سوريا لو يمشون مثل سيارات فيراري لو يمشون مثل سلحفاة شنو قصتهم محد ميدري اشو ناس تروح خلال شهرين من استلام الظرف و ناس ورا سنة   خوب الي قيد دراسة !!!!!!!!!!!! بس حسب الي شفنة الي مسوين ربط وعدد الافراد هواية ديتأخرون والي عددهم قليل نفر او نفرين يمشوهم على السريع والي عمرهم كبير  همينة هاي طبعا حسب ما شفت و سمعت من الاصدقاء و الكرايب الي اهنا

تحياتي
Lisaa

42
اخي ابو ريم نعم يصير بس اعتقد لازم تكون فوق 21 سنة يعني كيس وحدة و شغلة التأجيل تصير بس للشغلات الكلش ضرورية يعني لا سامح الله مرض او شغلة تتطلب حضور الشخص  شخصيا

تحياتي

43
مبروك اخي ماجلان انشالله توصل بخير و سلامة و الله يسهل طريقك دائما

سلامي
Lisaaaaa

44
والله يا اخوية  هذا مو شرط احنا اتصلوا بالكفيل من شهر الثالث و همينة كلولة خلال ست اسابيع  يكونون اهنا طبعا كفيلنة بولاية كاليفورنيا هذا الحتشي بشهر الثالث  و احنا لي هسة بسوريا .بس بصراحة انتوا ما عندكم كفيل فمادري بصراحة اشكد تطول .

تحياتي
lisaa

45
 مرحبا اخوية بلاك وتر بس عندي سؤال  بخصوص الفيزا كارت .طيب هو اذا اللاجى راح الى اميركا و كان مسوي فيزا كار ت دولية بأحد البنوك العربية و تكون شغالة بأميركا طيب يكدر يطلع فيزا كارت من اميركا ؟ مراح يسألوك من تقدم اذا عندك غير فيزا كارت او لا ؟؟؟

تحياتي
Lisaa

46
 سوريا 1- مو غد سفر الى اميركا 24-8-2009
         2- موعد سفر الى كندا 17-8-2009

Lisaa

47
مرحبا يا جماعة الخير اشلونكم بس حبيت ابشركم انوا العائلة الي تعرفها اهنا بسوريا جماعة 29-1  اتصلوا بيهم اليوم و حددولهم موعد سفر 24-8-2009 من دمشق و هسة همة راح يرحون الى الدورة التثقيفية .
بالمناسبة همة متصلين اول شي بكفيلهم بأميركا ثاني يوم امتصلين بيهم .
انشالله يوم ألنة و للجميع يارب

مع الشكر
Lisaa

48
 مرحبا اعضاء و ضيوف اولا شكرا على الموضوع و بس حبيت اصعد الموضوع على الصفحة الاولى حتى الجماعة تستفاد



تحياتي
اختكم
Lisaa

49
 مرحبا اخوان اشلونكم بس حبيت اوضح  شي بخصوص معاملات شراء البيت  ترة الشغلة تطول من 7  اشهر الى سنة  لانوا المعاملة تروح الى اكثر من دائرة .

سلامي
اختكم
lisaa

50
مرحبا اختي العراقية اشلونكي  ؟ اهلا وسهلا بيكي بالمنتدى .بالنسبة للجنسية العربية فالافضل لا تبينيها  و همة على الاكثر مراح يعرفون اذا انتي مكلتيلهم اذا اتصلو بيكم مرة لخ على ما يجي دوركم  بس يمتة الله اليدري لانوا اكيد يتصلون بيكم لانوا الملفات تدرسها لجنة بالامم المتحدة هي الي تقرر  هذا الملف يحتاج او يحلقة توطين او لا فماطول متصلين بيكم يعني ملفكم متحول على التوطين. بس ممكن اعرف انتوا اشلون عرفتوا انو هذولة الي متصلين همة جماعة التوطين مال امم متحدة ؟؟؟ لانوا مرات ميطلع رقم  و مرات يجوز تكون غير  لجنة تابعة الى الامم متحدة ؟؟؟؟

تحياتي

51
طيب هذولة الي عليهم منع ليش ميراجعون الامم المتحدة قسم الشؤؤن القانوية ؟؟؟  طبعا اذا همة  عندهم ورقة حماية؟؟؟

52
مرحبا اخوان شلونكم ترة اكو هواية ناس باقيين من جماعة شهر واحد و اثنين احنة  منهم قبلنة الوفد 9-2 واسلمنا الظرف بنص الرابع ولي هسة ما كو شي و اعرف جماعة اصدقاء جماعة 29-1 مقابلين الوفد و طبعا لي هسة ماكو شي .
بالمناسبة اخوية المتنبي اكو شي جديد يمك استلمت جواب لو بعد مثلنا؟
تحياتي

53
والله اخوية او اختي توفي ما داعي ان تتأكب بس اني قصدي على معاملات السفر الي ورا ما الشخص ينقبل بالتوطين وألا همة يعتمدون على الي كاتبة بورقة التسجيل مال يو ان و ايضا مسألة الحظ


سلامي
اختكم
lisaa

54
بالمناسبة حسب ما سمعت من احدى المسؤلات عن المنظمات مال اللاجئين بأميركا هي مسألة حظ كالت مثل ما الواحد يفوز لوتري .طبعا اني همينة اعتقد مسألة حظ و بالمناسبة معاملات كبار السن متتأخر هواية و حتى الاشخاص الي اهلهم راحوا و همة باقيين ايضا متتأخر .بس العوائل الي تكون كبيرة بالعدد خمسة او ستة تتأخر و الي عاملين ربط قوي ايضا.

سلامي
Lisaa

55
اخي غريب اني احنا تقريبا مثل حالتك مسوين ربط قوي ويا عمي اوراقنة كلها خلصانة من بداية شهر السادس و احنا استلمنا الظرف بمنتصف الرابع بس المشكلة عمي سووا اعادة مقابلة ويا المحلفين بسوريا يوم 18-6 ولي هسة ماكو اي شييييييي كل ما نخابرهم  يكللوانة ما في شي يعطل و ما في شي جديد انتظروااااااااااااااااااا. يعني لو نفك الارتباط رأسا نسافر  و نترك عمي. بس عموما الي عاملين ارتباط و العدد الافراد كبير ديتأخرون بصراحة ما ادري ليش .

تحياتي
Lisaa
syria

56
 مرحبا اختي لوتس بصراحة اني سألت اهنا بخصوص المحولة مال سشوار  اكو و سعرها من 20-30 دولار تقريبا بس تكون ثقيلة مو خفيفة بالوزن يعني متسوا الواحد يأخذها ويا الى اهناك

57
بس اخوية okk  اكو شغلة لخ انوا بأميركا شلون  راح تبين فلوس لازم يكون عندك اثبات من اين لك هذا .ولو احنا همينة دنفكر مثلك همينة نشتري بيت اهناك بس لازم ترة نسأل كثير و نسأل محامين همينة .
و طبعا كل ولاية الها قانونها الخاص بيها اكو ولايات تقبل و مينقطع المساعدات اكو لا تقطع

تحياتي

58
Baguncero  اخي  الجواز الاوروبي  سوريا تعترف بي لانوا هواية ناس اخذت اقامة بهولندة تروح و تجي بي  اهنا مرات عديدة   
 
 

59
مرحبا اخوية صلاح بصراحة السؤال الاول ما عندي علم بي اني هم مثلك اسئل؟ بس للسؤال الثاني انت متدفع ال 1500 ليرة المنظة تدفعها لازن تروح تأخذها من يمهم من دمشق اذا مرحت تأخذها فأنت تدفعها مثل ما صار ويا اصدقاء النا سافروا من سوريا قبل اسسبوعين.

سلامي

60
 يا اخوية العزيز ما اعتقد لازم تطلع هدومك كلها بس القميس و الفانيلة  بالنسبة لسوريا حتى الدكتور يفحص و حتى تأخذ اشعة و فحص دم و نظر . و حسب علمي همة اهم شي يتأكدون انوا الشخص ميحمل امراض ويائية او انتقالية .

تحياتي

61
بس يا جماعة الخير احنا من نخابر من سوريا شنو نكللهم
رقم الكيس و نكول من سوريا لو شلون ؟؟؟؟

62
الحمدالله على السلامة اخوية سبع صنايع انشالله الجميع بخير .بس حبيت تسولفنة بخصوص الحقائب سلمتها بعمان و استلمتها بتكساس لو شلون ؟؟؟  و على نوع التفتيش بالمطارات الي مريت بيها؟


سلامي
Lisaaaaa

63
اخوية زيكو ترة احنة اوراقنة خلصانة من بداية السادس بس لانوا عاملين ربط قوي لعمي طلعلة غلط بالاسم فعادولة المقابلة مال محلف نهاية السادس فننتظر اورقة تكمل و ارجع و كول ما الة علاقة الكفبل التشييك الامني هو الي يأخر الكيس

64
مرحبا اخوية اشلونك ما اعتقد الكفيل الة علاقة فمثلا كفيلنا من 12-3 موقع على اوراقنا و هو بكاليفورنيا همينة بس لي هسة ما كو اي خبر لي هسة دا ننتظر

تحياتي
ليسا

65
مرحبا يا جماعة الخير اشلوكم بس حبيت اسئل سؤال بسيط بالنسبة للهاند باك شنو قياساتة و بالنسبة للنسوان فممكن نشيل ويا حقيبة نسائية  صغيرة ويا الهاند باك او لا ميصير بس هاند باك؟؟

سلامي
Lisaaa

66
شكرا اخي محبكم على الرد بس حسب ما افتهمتة ميصير  طيب شنو الحل بهيتشي حالة تظل الفلوس مجمدة ميكدر احد يتصرف بيها ؟ او اذا يظهرها هل يتعرض الى مساءلة قانونية من يظهرها اهناك؟؟؟ او لا
 الي عمرة فوق 65 همينة نفس الشي  يعني  همينة ينقطع عنة التقاعد اذا كان هو صاحب العلاقة او لا
؟؟ ارجو النصيحة
بالمناسبة موافقتنة الامنية جتي بي باقي مال عمي لانوا عاملين ريط قوي فلازم ننتظر

تحياتي
lisaaaaa

67
مرحبا اخي Nightmoon78 شلونك انشالله بخير الي اعرفة بولاية كاليفورنيا صح الامور اهناك اهواية تعبانة  و مقلصين هواية امور بالنسبة الى المساعدات حتى التأمين الصحي  بالنسبة الى الاسنان و العيون همينة على اللاجى هي واذا تسمع الاخبار حاكم ولاية كاليفورنيا معلن حالة الطوارئ بالنسبة الى الحالة الاقتصادية

تحياتي

68
مرحبا اعضاء اشلونكم انشالله بخير  بس حبيت اسئلكم هل صحيح يعيدون الفحص الطبي للشخص اذا فات 3 اشهر على الفحص الطبي الي مسوي او لا؟؟؟

تحياتي
Lisaaaaaa

69
 مرحبا اخي حسام الي اعرفة اكو رفض و  اكو رفض نهائي  اذا رفض نهائي فيكلون اوتوماتكيا يتحول ملفك على اوروبا حسب ما سمعنا اهنا والدول الي تقبل سويد ايسلندا هولندة المانيا هاي الي مفتوحة عندهم يجوز استراليا همينة
تحياتي

70
شكرا لجميع الاعضاء على الردود الطيبة وانشالله الموفقية  للجميع

71
شكرا اخي حيدر على الرد بس هي امي مو اني المريضة
تحياتي

72
مرحبا اخوا ن شلونكم انشالله بخير بس عندي استفسار  عن الطيارة فمثلا اذا الواحد ميكدر يكعد هواية  لازم يتمدد لانوا رجلي تورم ايضا بسبب مشاكل بالكلية وعندة مشاكل بالعمود الفقري  يعني اكثر من 2 ساعة ميكدر يكعد فشلون 12-14 ساعة طيران؟؟؟؟؟
على الاقل هل الكراسي تكون مريحة يعني تتنزل و الرجل تصعد او لا كرسي طيارة عادي؟؟؟؟؟

مممكن الاخوان الي سافروا من سوريا يساعدوني بهاية المسألة  اكون ممنونة

اختكم
lisaaaaa

73
 مرحبا اخوان اليوم اصدقاءنا خابرونة و كالوا حددولها موعد سفر 21-7  سوريا بس هي مرة وحدة كبيرة بالعمر مو عائلة مبين الي  شخص واحد بسرعة ديمشوا مو مثل العوائل

سلامي

74
شنو يا جماعة معقولة احد ممسوي شحن من سوريااا الى اميريكاااا؟؟؟؟؟؟؟؟؟!!!!!!!!!!!!!!!!!!!!!!!

75
شكرا اختي انجي على الرد  احنا على ولاية كاليفورنيا ايضا نريد ندز ملابس م تكرمين الاحذية لانوا احنا 6 اشخاص و غراضنة هواية و ايضا شغلات منزلية

76
مرحبا اعضاء اشلونكم؟ بس عندي سؤال بلا زحمة عليكم ممكن تكلولي على شركات شحن بضائع اهلية مجربة من قبل الاخوة الواصلين الى  اميركا من سوريا ؟ طبعا اعرف اكو الدي اتش ال و الفيدكس  و الارامكس و الحكومي بس غيرها اذا اكو  و مجرب ممكن تنصحوني بيها؟

سلامي
lisaa

77
 مرحبا استاذ سلاما عراق اولا  شكرا على الموضوع الجميل و المفيد بس عندي كم سؤال بلا زحمة عليك طيب اذا الشخص عندة مشكلة بالعمود الفقري و بصعوبة يمشي و عندة ضغط و سكر و كولتسترول و فشل كلوي هذا الشخص همينة مينططوا تقاعد صحي ؟ و بالنسبة الى الادوية تعرف امراض مزمنة لازم الواحد ميقطع عنها فسؤالي اشكد الواحد يأخذ ويا دوا الى ما يبدي الضمان ينطي الدواء؟؟؟ و هل في احتمال الادوية تتغير متكون نفسها او مو شرط؟؟ مع العلم هذا كل شي موضح بالفحص الطبي الي اجرينا اهنا
. شكرا مقدما انشاالله  الله ينطيك الصحة  و العافية و العمر المديد.

سلامي
ليزا

78
والله اخوية ابو دجلة كنت دا ادور بالمواضيع القديمة ولكيتة و شفتة موضوع مهم فكلت خليني اصعدة على الصفحة الاولى حتى يستقاد منه الاخرين

تحياتي

79
شكرا اخوية ابو دجلة ولو موصوع قديم بس مفيد

80
شكرا اخي رائد و شكرا اختي انجي لتعاونكم و تزويدي بالمعلومات

تحياتي
اختكم
ليزا

81
[ شكرا اختي تارة على الرد بس اكو فيزا كارت دولي و داخلي اني سالت اهنا بالبنوك مثل بيبلوس سورية و بنك سورية و المهجر  كالوا يصير بس اني حبيت أتأكد من الاعضاء الي بأمريكا اذا احد مجرب هو هذا قصدي من السؤال ؟؟؟

82
شنو القصة يا جماعة معقولة احد ممسوي فيزا كارت من سوريا و مجربها باميركا؟؟؟؟؟؟؟؟؟؟؟؟؟

83
اخي اسير الغربة حسب علمي تدفع اجور اما 1200-1500 ليرة سورية  اعتقد يسموا ضريبة مطار و الحمالية انت بكيفك شكد تريد ادفعلهم و اكو فلوس قلية هم تدفع علمود العربة مال جنط

سلامي

84
مرحبا اخوان و اخوات اشلونكم انشالله بخير بس حبيت اسئل عن الفيزا كارت الصادرة من بنوك سورية الخاصة . هل يوجد اح من الاخوان حط فلوس ببنك من بنوك سورية الخاصة و اخذ فيزا كارت و جربها بامريكا و خاصة ولاية كاليفوريا؟؟؟  ياريت لو احد مجربها يساعدني

شكرا مقدما

86
الهجرة و واللاجئين / محلفي سوريا
« في: 20:09 18/06/2009  »
 مرحبا اعضاء اشلونكم مثل ما كلتلكم قبل انوا رادوا عمي المحلفين حتى يسوون مقابلة ثانية فرحنا الى دمشق  تصوروا علمود شنو كاتبين اسمة غلط بس كالوا شنو اسمك و عمرك و مكان الولادة و بس سافرنا خمس ساعات علمود هاي الي مطولت عشر دقائق شنو القصة وياهم والله ما ادري .
بس حبيت اسئل هسة اشكد تطول ورا المقابلة الثانية مال محلفي لانوا اوراقنة كلها جاهزة بس باقيين على اوراق عمي  تكمل؟؟؟؟
تحياتي

87
اخوية المتنبي اعتقد انت بحلب مو احنا قابلنا 9-2 و استلمنا الظرف تقريبا بنص الرابع  بعدها بشهر بدينا نخابر الاي او ام نسأل عن قضيتنا . انت تتصل بالمنظمة و تسأل عن الكيس مالتك؟ لو لا؟؟؟

88
والله اخوية عاشق تراب العراق حسب احنا اخذنا الظرف بنص الرابع فلي بداية السادس  كملت الموافقات مال عائلتنا  لانوا كل اسبوع كنا نخابرهم والبارحة خابرونا علمود عمي  بس هسة شكد راح ننتظر اذا مفكينا الرابط لانوا منكدر نسافر وحدنا فشكد المدة؟؟؟
تحياتي

89
شكرا اخوان على الرد 

90
اخوان احنا كملنا مقابلات  و اجتيلنا الموافقة الامنية  بس كانت باقية مال عمي الموافقة الامنية .اليوم  خابرونة كالوا يردون يقابلوا مرة لخ  ويا عمي يصير هيتشي شي؟ و احنا مسويين ترابط عائلي لانوا عمي وحدة عايش فأحنا شلون هسة لازم ننتظر عمي  يكمل او شلون ؟؟؟؟ احنا بسوريا بالمناسبة و صاير هيتشي شي ويا غير احد؟؟؟؟

مشكورين مقدما

91
اولا شكرا على الرود
هي بالمناسبة والدة بالعراق و عندها جوزا عراقي و بكل المعاملات هي عراقية و بنفس الوكت عندها الهوية السورية بالمناسبة يصير ازدواج جنسية و عادي .هي المشكلة وين انو ماعندها ورقة الاقامة  فمن  تروح تسوي خروجية  لازم تسوي على العراقي هاي واحد و كبلها من   قدمت على الهجرة و الجوازات كالولها بس شوفي الهوية السورية بالحدود و دخلي بالعراقي.
فهسة من تريد تطلع بس تشوف الهوية السورية ويا الجواز العراقي و تطلع فبالمطار عند الضابط الي راح يختم الجواز ابو الاي او ام يكون واكف يمة حتى يمشي الكروب لو لا هذا هو سؤالي؟؟؟؟

92
 مرحبا اعضاء اشلونكم ؟ بس عندي سؤال  كرايبنة عراقي وو زوجتة تحمل الجنسية السورية و العراقية الزوج و الاطفال عندهم اقامة بس الزوجة كونها سورية فما يحتاج .بمقابلة المحلفين مكالوا انوا هي سورية
فوقت المغادرة من مطار دمشق عندما يختمون عند الضابط بالمطار  اكو احد من الاي او ام يوكف يم الضابط يمشي الكروب لو لا؟ لانوا لازم تطلع الهوية السورية و تشوفها حتى تكدر تخرج و همة ماكايلين انوا هي سورية فشلون؟؟؟؟؟؟؟؟؟؟؟؟؟؟؟؟؟

شكرا مقدما

93
طيب يا جماعة اذا الواحد كان بايع بيتة قبل ما يروح الى اميريكا و اخذ قسم من الفلوس ويا من يروح؟ وطبعا اكو يمة عقد البيع و مصدق و مترجم من الخارجية شلون يكول من الاول ؟ لو يخفي بعدين شوية شوية يطلع الفلوس؟ و سؤال ثاني اذا امكن اذا الشخص صاحب البيت الي باع فوق ال65 يعني ينشد على التقاعد اميركا يكدر يشوف الفلوس ؟؟؟؟؟

94
 اخي المتفاءل ماكو هيتشي شي احنا رحنا قبل اسبوع و جددنا 3 اشهر

تحياتي

95
 بالنسبة الي ارشح الاخ حيدر 67 و الاخت انجي و  الاخ
عكعك
تحياتي

96
مرحبا اعضاء بس عندي سؤال الي عمرة فةق 65 من يروح اميركا ينشد عاى التقاعد فهذا القرار همينة يشملهم؟

97
بارك الله بجهودك اخ عكعك
شكرا
ليزا

98
سلامات انشالله ترجعلنة بالسلامة يا رب

99
 شكرا اخ حيدر على الرد طيب اذا تحولت شغلة بابا من المساعدات الى التقاعد فبأمكانه فتح حساب خاص بالبنك و يتصرف براحتة دون علم دائرة الاقامة او لا يزال ضمن فترة المراقبة  قصدي ال 8 اشهر؟؟؟

100
 مرحبا اعضاء اشلونكم بس بلا زحمة حبيت اسئل عن شركات الشحن الدولية  المجربة و المضمونة الي تشحن من حلب سوريا الى امريكا؟؟؟. اعرف موجود الشحن الدولي الحكومي بس اذا اكو غير شركة مجربة ممكن تساعدوني بيها؟
شكرا مقدما
ليزا

101
شكرا اخ حيدر الى المعلومات انشالله احنا هم راح نروح الى لوس انجلس بس بعدنا دا ننتظر  الموافقات الامنية . اخ حيدر ممكن توضح شنو الخطوات الي لازم واحد يسويها علمود التقاعد لانوا ابوية و عمي فوق 65 و امي مريضة و بصعوبة تمشي ممكن توضح من يوصلون شنو يسوون؟ و  بالمناسبة من يجون شنو يجيبون وياهم الى هناك؟؟؟؟

102
شكرا اخ مشوار واذا تعرف غير معلومات اكون ممنونة اذا اعلمتني و مكلتلتي بالنسبة الى الفلوس شلون

103
مرحبا اخوان اشلونكم  شنو تعرفون عن لم الشمل الى هولندة من سوريا ؟ و ماهي الاوراق المطلوبة بالنسبة الى زوجة زوجها اخذ اقامة ما عندهم جهال؟ و بالنسبة  من تسافر تكدر تودي وياها فلوس و ذهب؟ و شلون نوع التفتيشش بمطار هولندة ؟ و كيف تخفي ؟ ممكن تساعدون هي اختي  الي راح تروح فزوجها قدم على لم الشمل بالجديد؟
اكون ممنونة
اختكم
ليزا

104
مرحبا اخت مارتينا اشلونكي  احنا هسة بسوريا بس حبيت اسئل على شراء البيت في كاليفونريا هل باستطاعة اللاجى شراء منزل في لوس انجلس  او لا؟ و هل  المساعدات  و الضمان  ينقطعون اذا اشترى بيت هناك؟؟
سلامي

105
بس يا جماعة الشخص الي عندة سكر و ضغط و كولسترول و التهاب كلوي مزمن و متكرر هذا الاجىء  مفروض ياخذ كل هذه الادوية طول عمرة من يروح اهناك يصرفولة طول عمرة لو من تخلص ال8 اشهر  بعدين كلة لازم الاجى يتكفلها على حسابة الخاص  بالمناسبة هذا الشخص  عندة صعوبة بالمشي  لان عندة مشاكل بالعمود الفقري يعني الضمان يستمر طول عمرة؟؟؟؟؟؟

106
 مرحبا حشاش اشلونك  اولا مكتب  الداتش ال و الفيديكس  و الارمكس ببغداد بفندق فلسطين او الشيراتون واحد منهم .و اذا تريد تبعثها من سوريا فأكو المكتب  مال بريد الحكومي السريع بسوريا جماعة دزوا غراض 60 كيلو ب 500 دولار وصلت ب 20 يوم. و اذا تكول اشلون ابعثها الى سوريا اذا عندك احد اهنا اكو شركة الغتام او الزيتوني مال نقليات تشحن غراض من بغداد الى سوريا بيوم واحد توصل. اتمنى اكول استفاديت

107
ترة يا جماعة ويسترن يونين سوريا متحول الى امريكا و اهنا المكاتب الاهلية  تأخذ لكل 10000 دولار 100 دولار بس صراحة بس سألت ممجربة بعد ألي يعرف مكتب ثقة ممكن يكلي سوريا حلب الى كاليفورنيا؟؟؟

108
بس يا جماعة على يا رقم نخابر مصر  هسة احنا جتيلنا الموافقة منتظرين الموافقة الامنية فشلون؟؟؟؟

109
مرحبا اخوان اشلونكم بس عندي سؤال  بالنسبة الى الشخص المريض امراض مزمنة يعني طول العمر لازم
يأخذها شلون؟ يجيب الشخص ويا مال كم شهر ؟ وهل هذا ضمن  الضمان الصحي ؟ و ماذا لو انقطعت المساعدات بعدين شلونننننننن؟؟؟؟

110
ترليون مبروككككككككككك

111
 مرحبا اخوان  شلونكم . اخوية خلال  هو سؤالي  بقصد انوا مثلا اذا تروح الى الولايات الجنوبية و  الغربية حارة فميحتاج تثقل بالملابس و اذا الولايات الشمالية وو الشمالية الشرقية  باردة حيل جوا الصفر .
احنا سألنا كالوا ابد ميهتمون  شي لبسون  مرة كلولي يروح للمدارس العفوا بالشحاطات ابو الاصبع كلش عادي يمهم يلبسون شورت  فوقا تي شيرت و يمشون حالهم

112
مرحبا اخوية هلال بس ممكن تكول الى اي ولاية  راح تروح حتى نعرف و وين انت هسة؟؟؟

113
اخوية العراقي الصابر احنا من خابرونا الاي او ام سالناهم يمتة جواب الموافقة الامنية  كالت يجوز 15 يوم يجوز شهرين و يجوز سنتين همة هم ميعرفون لانوا تجيلهم الموافقات و همة يتصلون بالشخص  بس حبيت اسئلك شنو كايليين الجماعة الى كفيللك؟
تحياتي

114
شكرا مرة لخخخخخخخخخخخ الى  يوجد امل و سيبت  بمصر و للجميع

115
شكرا الى الاخ وحيد غريب
 هو كفيلنة من راح يمهم كلولة هايي الاوراق تروح الى واشطن و هاي الشغلة تطول 4 اسابيع و بعدين يجي الجواب و فعلا اجانة قبل الا4 اسابيع و هسة دا ننتظرررررررررر

116
حسب معلوماتي انوا تكدر ترجع بس لازم تنطي خبر الى الاي او ام و تنطيهم فترة السفر و لازم تكون الحجة مقنعة للسفر هناك و من ترجع همينة تنطيهم خبر  فتروح و يسوون وياك مقابلة  توضحلهم اسباب السفر الى اهناك و تنطيهم براهين بس هذا كلام موظفة الاي او ام لانوا ياشرون على ملفك مثل ما هي كالت بس هذا ياثر على الكيس مالتك لو لا صراحة ما ادري

117
 شكرا على المعلومات اولا و ترة تعرفون ليش صاير سوء فهم يصير لو ميصير لانوا كل ولاية اعتبروها دولة  لوحدها و كل ولاية قانونها الخاص بيها فاعتقد الاحسن الي يعرف معلومة خلي يكول  مثلا تابعة لاي ولاية و هكذا.

118
شكرا الى جميع الاعضاء الي ردوا على استفساراتي  و شكرا على التهاني  بالنسبة النة سوينة المقابلة محلفين يوم 9-2 -2009 و الفحص الطبي 16-2  واليوم خابرونة لانوا احنا من حلب  فبالتفلون  بلغونا و احنا كفيلنة بلوس انجلس.

119
بالنسبة الى قضيتنا فمتصلين بالكفيل  قبل ما تجي الموافقة  يوم 12 -3 و اليوم جتي الموافقة بس بعد اشكد ننتظر مندري واالله و اذا احد يكدر يكلي اكون ممنونة

120
مرحبا اخوان اشلونكم الحمدالله اليوم  خابرونا من IOM و كالوا  جتي موافقتكم بس اخوان هسة شنو الخطوات الجاية؟ و شكد تطول ؟ و يمتة الدورة التثقيفية؟ و مثلا هل مثلا ابوية يكدر يروح مكان امي الى الدورة لانهم نفس الفايل ؟؟؟ بالمناسبة احنة بسوريا
شكرا مقدما

121
مبروك اخ اركان على وصولك اريد اسأللك عن حمل الفلوس عند  السفر  اشكد نكدر نحمل معانا بشكل رسمي  واذا اردنا اضافي نشيل ويانا كيف و اين نخفيه؟؟ و بالنسبة للذهب اكو مشكلة لو لا؟ و اذا الواحد حمل ويا بجيوبة تبين بالسونار ؟ لو يفتشووا ؟؟ او يضم الواحد بالحقائب مال السفر ؟

122
مرحبا اخوان اشلونكم اذا امكن اذا شخص عندة ضغط و سكر و مشاكل بالكلية و بالاضافة الى مشاكل بالعمود الفقري بحيث يعصب عليها المشي نصحوا الاطباء باجراء عملية و العمر 56 سنة فنشالله اذا وصل هذا الشخص الى امريكا فما هي الخطوات و الاجراءات المتبعة فيما يخص مرضه و ما هي الطرق المتبعة لمساعدته ؟ و اذا هذا الشخص غير قادر على العمل فهل الضمان الصحي يبقى الى اي وقت و هل تخصص له راتب تقاعدي ؟ و الى اي مدة؟؟؟؟؟
شكرا مقدما

123
مرحبا اخوان كيف الصحة و الاحوال رجاءا ارجوا ان تنصحوني هل بأمكان والدي الذهاب الى بغداد لتصفية امورة و اكو شغلات لازم يروح فأرجوا تنصحوني بهذه الشغلة لانوا احنة سوينة الفحص الطبي و خلصنا مقابلة المحلفين فأرجوا النصيحة؟؟؟؟

124
شكرا اخ حيدر  يعني اللي افتهمتة انوا بس واحد ياخذ الكرين كارت يشتري بيت يعني ورا اكثر من سنة طيب شنو هي المساعدات الي راح تنقطع بس الراتب او كل شي من صمان صحي و كارت الطعام؟؟؟
يعني ورا ما واحد يأخذ الكرين كارت يكدر يشوف فلوسة؟؟؟ لو همينة بيها مسائلة من اين لك هذا؟؟؟ و عن طريق نقل المبلغ الى هناك؟؟؟؟

125
مرحبا اخوان حبيت اسئل كيف الواحد يشتري بيت بامريكا و كيف ؟ وما هي افضل الطرق لتحويل المبلغ الى هناك؟ و متى يستطيع اللاجى ان يتصروف بفلوسة قصدي يمتة يكدر يشوف فلوس ؟شكرا

صفحات: [1]